نزله : حماسيه
عن لسان حال أم المصائب زينب الحوراء
في مديح حامل اللواء وساقي عطاشا كربلاء
أبا الفضل العباس عليه السلام
.......................
هله خويه هله .. يراعي المرجله
كفيل العايله .. يساقي كربله
عله روس الزلم .. غضب سيفك يزم
أستحل موطئ جدم .. يبن عقد الوله
هله خويه هله .. هله خويه هله
.....................
1
يبن حامي الحمه .. يعزوة فاطمه
يصيت الغانمه .. يسبع الموزمه
على ماي النهر .. أبو فاضل حضر
الى أين المفر .. الجيوش أبمشكله
هله خويه هله .. هله خويه هله
.....................
2
يسد عين الدرب .. غضنفر بالحرب
جعلهم بالغصب .. ركبهم تنحصب
مثل حيدر فحل .. أذا قال فعل
وكف مثل الجبل .. علي وتخيله
هله خويه هله .. هله خويه هله
...................
3
ضحك ضحكة شرف .. معانيهم خطف
وكف بالمنتصف .. كتايبهم قصف
أخذ منهم وطر .. قبل فرض الظهر
وطر ثاني العصر .. نزل بيهم بله
هله خويه هله .. هله خويه هله
......................
4
أعله يسره أوميمنه .. يغير أبرهدنه
أبدماها أمثخنه .. عداه الماجنه
كمر هاشم كفو .. رضع درة بدو
كسر خشم العدو .. فعاله أمسجله
هله خويه هله .. هله خويه هله
.......................
5
سمع سكنه أبعطش .. تنخه ورتعش
يقاتلهم بلش .. أبفوارسهم بطش
عمر يابن سعد .. تعال أكرب بعد
الشمر شافه أو شرد .. يمتمت حرمله
هله خويه هله .. هله خويه هله
.......................
6
رفع راسي أوعلي .. أخوي أو كافلي
يكلي أدللي .. وخوج اتخيلي
يرف بيده العلم .. على العسكر هجم
ظهر ألهم كسم .. تركهم مهزله
هله خويه هله .. هله خويه هله
........................
7
فلا أكو أبغيرته .. يمينه أويسرته
فداهن لخوته .. عمود أبهامته
أبسهم عينه أنطفت .. جربته أتمزكت
تحير ولتفت .. فجعني أبمقتله
هله خويه هله .. هله خويه هله
......................
خادم أهل البيت
الشاعر : أسماعيل الجوراني
الأربعاء : 14/8/2019
شوط كربلائي
في حب ومديح
السيده الجليله أم البنين عليها السلام
وحضورها في مجالس عزاء عاشوراء
...............
اليوم أم البنين أتريد .. منكم مجلس أقرايه
بي شوغة حزن لحسين .. شوغه الحامل الرايه
...............
1
يرباب المجالس كون .. يوصل للسمه السبعه
صوت النايحه أبهاليوم .. ذبحو ضنوة البضعه
أوزينب عالهزل للشام .. ظلت تسجب الدمعه
واسو أم الكمر عباس
لطمو أعله الصدر والراس
وبجو الكطعت الأنفاس
أعظم باكيه أعله حسين .. تذخر للحشر هايه
..................
2
أبنص حيل الجفاها الحيل .. متعنيه المجالسكم
أتشارك بالطم والنوح .. بالدمعه تشاركم
بتراب المجالس كون .. تتعفر شمايلكم
هيلوه التراب الساع
عالراس أبجفن دماع
أملوها التعب ما ضاع
متعنيه أبظهر مكسور .. من أولايه لولايه
..................
3
نصبو فاتحه لحسين .. للعباس أنصبوها
أوعملة كربله أبهاليوم .. حكها لا تبخسوها
الرايه الفاطمه الزهراء .. وم عباس شدوها
بسم التحضر الشدات
منا الذله أبد هيهات
لو صوت المنابر مات
صوت أنصار أبو السجاد .. ما يخلف أبد غايه
..................
4
يا صدر التدوسه الخيل .. يا نحر أنذبح عطشان
يا كافل خدر يم ماي .. طاح أمكطع الذرعان
يا سهم الذبح مولود .. يا رعب اللفه النسوان
أبشهر النايبه عاشور
يا هودج عرس مهجور
يا شاب الوذر مغدور
كل هاي المصايب بيج .. يامن للصبر آيه
................
5
هاليله العهد مريود .. لم الأربعه الهيبه
واجب نكرم أم عباس .. متعنيه أمناأرض طيبه
من يطلع أبو الثارات .. ثاره أمربع أنجيبه
للمهدي العزم مكنون
كل شيعة علي أيبصمون
مو بس عابس المجنون
سودنه غرام حسين .. ولحبه ندك ثايه
...................
6
يم الأربعه الشجعان .. ما حاجه توصينه
بالدم بالولد بالمال .. نوكف ويه مهدينه
وجه أمراية التاريخ .. وينه الحاربك وينه
لو كطعو جدم وجفوف
نوصل للضريح أزحوف
وبكعبة عشكنه أنطوف
أو 20 أبصفر كل عام .. نوصل قبره مشايه
..................
خادم أهل البيت
الشاعر : أسماعيل الجوراني
الثلاثاء : 10/8/2021
نزله : تراثيه محرم 1443ه
تبديل الرايه وندبة الأمام قائم آل بيت محمد عجل الله فرجه الشريف
..................
هله هله المهدي وينه
يرفع الرايه بدينه
...............
1. حتى نستقبل محرم
جبنه رايتنه وجينه
2 . راية حسين أو عضيده
الكطعو أيساره أو يمينه
3 . بيها عطر أنفاس زينب
والعليله البالمدينه
4 . آه يا دمعة رقيه
أو آه يادمعة أسكينه
5 . يوم ندبن بالمناحه
واحسينه واحسينه
6 . جددن بينه المواجع
زادن الشوغات بينه
هله هله المهدي وينه
يرفع الرايه بدينه
................
1 . أهلال عاشور الرزايا
عاود الليله علينه
2 . صوره من عبد الله جايب
والرباب أمه الحنينه
3 . ولعلي الأكبر مصيبه
وذره وذره أموذرينه
4 . هودج الزفه يجاسم
والعرس جسام وينه
5 . خيمة الحره العقيله
أحتركت أبنار الضغينه
6 . أفزع العمتك تراها
اتنادي مجويه عبينه
هله هله المهدي وينه
يرفع الرايه بدينه
..................
1 . أنبدل الرايه أوعهدنه
ما نبطل هالسنينه
2 . وبدعاء الندبه نبدي
أونختم أبندبه حجينه
3 . يمته للثارات رايه
أتكوم للحجه ولينه
4 . والعهد وياه نوفي
لو مناحر قدمينه
5 . هذا يلطم صدره هذا
يلطم الهامه أو جبينه
6 . الما يهل لحسين دمعه
كون الله يعمي عينه
هله هله المهدي وينه
يرفع الرايه بدينه
..................
1 . كربله كعبة عشكنه
تبعث ألنه الطمأنينه
2 . أحنه من يوم الولاده
عالعشك هذا وعينه
3 . أشكد نواصب حاربونه
أشكد ولا نهتم بقينه
4 . أبصاية أنصار الولايه
للعزيه أتحزمينه
5 . أحضر المجلس وعجل
مدرسه المجلس لكينه
6 . أحنه طلاب الشهاده
للشهاده أتأهبينه
هله هله المهدي وينه
يرفع الرايه بدينه
.................
1 . بالصلاة أعله محمد
جينه نركب هالسفينه
2 . والسفينه حسين ألنه
وحنه بحسين أرتجينه
3 . أبداعت الزهره الزجيه
وبعلي ليث العرينه
4 . بالحشر تحضرنه كونك
سيدي أهوايه خطينه
5 . حاشا أبو السجاد حاشا
أيعوفنه أبالوه أبتلينه
6 . سيد الأصلاح يحضر
ساعة الشده درينه
هله هله المهدي وينه
يرفع الرايه بدينه
..................
خادم أهل البيت
الشاعر : أسماعيل الجوراني
الأحد : 8/8/2021
فزاعيه : رباط هوسات محرم 1442ه
عن لسان حال فخر المخدرات زينب عليها السلام
مخاطبه أخيها قمر العشيره عليه السلام
...................
يخويه للحرم ما ظلت أخيام
والنوك الهزل عرجات الأجدام
جابوها أو غصب نركبها للشام
يردونه أو بنات الزهره تنضام
أخيرك يا بو فاضل بين الأثنين
تكعد لو ألم أعليك الأيتام
و كلهم عالشريعه
و كلهم عالشريعه
و كلهم عالشريعه ( النومه عاجبته )
..................
شلك كلي يخويه أبنومتك هاي
يا هو أبشامهم جا يحمي مكفاي
ترضاها الشمر بالناكه حداي
وصيرن سالفه للرايح أو جاي
عالتل صاعده أو عالشاطي العيون
أشدلك رايتك ما ريدن الماي
أذا سالم تردلي
أذا سالم تردلي
أذا سالم تردلي ( الماي ما ريده )
...................
يالمشيم ينشمي الترفع الراس
عسى ما تزعل أمنختك يعباس
الهضم جاس أبدليلي أو بالعظم جاس
هاي أخت الكفلها أحجاية الناس
أسمعنك عتب ما كايله ألسان
أو يظل أعتابي حار الكطع الأنفاس
يجفالي الفرض
يجفالي الفرض
يجفالي الفرض ( من كعده صليته )
..................
يخويه أبخيلهم هدو عالحسين
أو كطعو خنصر أيده بالسجاجين
بقيت أمحيره وصفج باليدين
صحت عباس وينك ما كلت وين
لا أكدر أرد لا أمشي جدام
حرت ما بينه ما بين النساوين
وصدره أبأذني أسمع
وصدره أبأذني أسمع
وصدره أبأذني أسمع (طكة أعظامه )
...................
عضيدك يابو فاضل عالتريبه
غريب أو موتته بالطف غريبه
أنشعب قلبه أبسهم شيبه خضيبه
جسد عاري صفه أهدومه سليبه
لا حايوز عنه أيرد أذه الجيش
أو كتيبه أتحشم أعليه الكتيبه
عليه أتحشمو
عليه أتحشمو
عليه أتحشمو (بسيوف يولونه )
....................
خادم أهل البيت
الشاعر : أسماعيل الجوراني
الجمعه : 6/8/2021
نزله
أستهلال هلال شهر محرم الحرام
ومصائب أليم واقعة الطف
................
يلا خالننشر سواد النايحه
أو للشهيد حسين ننصب فاتحه
.................
1
نايحه أبكل دار لازم تنعكد
أو تبقه ميراث الولد ولد الولد
جينه ننشد كربله أمضيع النشد
صوتها الكل المسامع واضحه
................
2
أهلال عملة كربله الليله يهل
نبله بيه الحرمله تذبح طفل
شنهو ذنبه أوليدي بالطف ينكتل
أنشلت أيده يا عساه الذابحه
.................
3
جاسم العريس من دم ركبته
أتحنت أجفوفه أو تحنت قامته
الله كان أبعون أمه الشافته
غارك النشمي أبدماه السايحه
................
4
أو يا شبيه الهادي والد فاطمه
علي يبن حسين راعي الغانمه
وذره يم وذره أبنوايا أمسممه
كطعت جسمه السيوف الجارحه
. ................
5
أنصار سبعين أو عله سبعين ألف
يا زحف هاليوم زحفو يا زحف
سيف يم السيف والجتف أبجتف
الكطعت المنحر معادن صالحه
.................
6
النصرة المظلوم أبن عقد الوله
أمن المدينه اليوم وصلت قافله
خلو نحيي أمصاب عملة كربله
واليناصبنه العداوه أنواكحه
.................
7
أهلال شهر أحزان مهشوم الصدر
أمكطع الأوداج من سيف الشمر
عاود ألنه اليوم والرايد أجر
خاليصيح أو يانه نفس الصايحه
.................
8
فوك تل الزينبي بت فاطمه
أتنادي يا عباس عالخد لاطمه
جسم أخوك حسين غارك بالدمه
أونظرة العسكر لخيتك جارحه
..................
9
أبكربله أنحور الهواشم تجري دم
هذا يوم البيه تتسامه القيم
اليخدم المجلس بجه الصدره لطم
باجر أبهول القيامه الرابحه
...................
10
أبغيره شيعيه العجل ثم العجل
نندب المهدي يبن خير العمل
طولت بالغيبه منينه أبأأمل
وجهك أنماسي نحب ونصابحه
..................
خادم أهل البيت
الشاعر : أسماعيل الجوراني
الأربعاء : 4/8/2021
هوسات جنوبيه
لذكرى بيعة عيد الغدير
وتنصيب أمير المؤمنين
علي عليه السلام خليفه للمسلمين
..................
أفرح أفرح يالموالي
أو عيد أبعيد الغدير
البيه جف والد الزهره
أو جف علي أبوقت الهجير
أرتفعن أبحج الوداع
أو نصبن حيدر أمير
ها ها
عيد الله الأكبر جالك
عايد ناسك وعيالك
كل شي أبالك يجرالك
كل شي أبالك يجرالك
ها ها ( وخذ العيديه )
مد جفك وخذ العيديه
.................
جيت أبارك بالغدير
أو صوتي بالحب ينتلي
بالثبات أعله الولايه
أدعي ألك ودعي ألي
أنشا الله كل لحظه أنته
وانه خدام العلي
ها ها
حيدر وبصفه الكوثر
بالمحشر فتحو دفتر
خادم مخلص للمنبر
خادم مخلص للمنبر
ها ها ( أيزكونه )
عد رب السبعه أيزكونه
..................
خادم أهل البيت
الشاعر : أسماعيل الجوراني
الأربعاء : 28/7/2021
مولد
لذكرى عيد الغدير الأغر
عيد الله الأكبر
ومديح أمير المؤمنين علي عليه السلام
................
أبعدد عمر الثواني .. يظل يلهج لساني
علي بس الخليفه .. شني أول شنهي ثاني
................
علي أبشرع الوصيه .. خليفه أختاره أليه
حبيب الله أو نبيه .. أبو الزهره الزجيه
الوحي سامي المكانه .. نزل بيده آمانه
أبأمر رب الجلاله .. محمد جيتك أنه
غدير الخم تراني .. جعلته شاهد أني
علي بس الخليفه .. شني أول شنهي ثاني
................
غديره عيدي الأكبر .. مثل مالك الأشتر
أذا نور الشمس طر .. يعايد بيه قنبر
يطر فجره أبسلامه .. على فقره أو يتامه
نسيم أعذيبي نسم .. عطر مولى الأمامه
شذى عطره شجاني .. الغدير الخم خذاني
علي بس الخليفه .. شني أول شنهي ثاني
..................
علي الذاته عفيفه .. علي اليطعم رغيفه
علي المحد رديفه .. ألي أتنصب خليفه
وليد الكعبه أمامي .. يظل حبه وسامي
أذا هلت دمعتي .. يمد جفه أعله هامي
أحس هسه دراني .. أطش أحلى التهاني
علي بس الخليفه .. شني أول شنهي ثاني
..................
الى ساعة منيتي .. علي يبقه هويتي
وظل أمتاز صيتي .. علي بس مرجعيتي
رضعت أمنمي حبه .. أذا حبيته قربه
علي باب الحوايج .. أندبه أو كلشي أطلبه
طلبته أو ما نساني .. أبجميله غركاني
علي بس الخليفه .. شني أول شنهي ثاني
..................
وحق عيد الولايه .. عهد حد النهايه
وقت سيل الرزايه .. شضحي مو كفايه
أذا طحت أبشديده .. علي أيعديني بيده
شفيعي أبيوم الحساب .. أبكثر ماحبه أريده
أذا ذنبي خزاني .. يجي ينقذ بناني
علي بس الخليفه .. شني أول شنهي ثاني
..................
علي المعروف صيته .. فلا ينسى رعيته
أبجواز الخدمه أجيته .. أمد جفي العطيته
علي التارس خيالي .. حشاه أيردني خالي
إنه أدريبه حبيبي .. عشم للماله والي
المرض مره أحتواني .. ندبته أبساع أجاني
علي بس الخليفه .. شني أول شنهي ثاني
..................
خادم أهل البيت
الشاعر : أسماعيل الجوراني
الثلاثاء : 27/7/2021
موشح
في شجاعة ووفاء
شيخ الأنصار
حبيب أبن مظاهر رضى الله عنه
......................
يوم طب ألها حبيب أبشيبته
زينب أمنالخيمه يا عم نادته
....................
1
زينب أمنالخيمه يا عمي حبيب
نادت أو منها الحزن ماخذ نصيب
ما أوصيك أبأبن أمي الغريب
الصوب خيمتها ألتفت من وصته
....................
2
دار وجها الصوب خيمت بت علي
أبصوت مخنوك أو دمع عالخد جلي
تاج راسي حسين ونتي أدللي
أبعمري أخوج حسين أنصر ثورته
.....................
3
عمري لحسين الغريب المرتهن
فدوه يابت فاطمه أو يخت الحسين
أو داعت المولى علي أجيوش الفتن
أله أعيشها أبرعب ما عاشته
......................
4
أبرعب ما صاير ولا بعده يصير
أله أعيشها أو أخليها أبنفير
راس الأول أكطع أو راس الأخير
عفيه زينب جاوبت من سمعته
......................
5
عفيه يا عم يا أبو الغيره النجر
فوت عالعدوان و هطرهم هطر
كلها أبشري أو داعتج يم الخدر
أو جرد السيف أو بداهم حملته
......................
6
جرد السيف أو بده أو حين البده
شيخ الأنصار الشهم بيهم غده
بيك ما أخطيك سيفه أبساعده
أبكربله الهاليوم تارك بصمته
.......................
7
أبكربله أم البله الهسه أو بعد
بصمه تارك من ندب حيدر مدد
جثه يم جثه فلا ألها عدد
من علي الكرار ماخذ خبرته
........................
8
من علي الكرار تربيته الأصيل
ماخذ أو هاليوم رد بعض الجميل
لال بيت المصطفى أبحيله الهزيل
حد كضى نحبه أو تدمت لحيته
........................
9
من كضى نحبه أو وكع برض الطفوف
أو صار جسمه مرتع الغدر السيوف
أم عون دمعتها عله الخد أو تشوف
أو يا حبيب أبن مظاهر ندبته
........................
10
يا حبيب البيك دين الله أستقام
تبقه حد يوم الحشر سامي المقام
تستحق قبر أنبنه أبحائر أمام
يعني ربك ما نساك أبرحمته
......................
خادم أهل البيت
الشاعر : أسماعيل الجوراني
الجمعه : 9/7/2021
نسألكم الدعاء
وقراءة سورة الفاتحه
لروح والدي وروح والدتي
حماسيه : محرم 1443ه
أستهلال هلال شهر محرم الحرام
.................
أهلال عاشور الرزيه
جانه بخبار المنيه
طب ربوع الغاضريه
اليوم ضعن الهاشميه
.................
1
أهلال عاشور المصايب
يا خبر هاليله جايب
جثه نامو عالترايب
بني هاشم وأبي طالب
هذا راسه أو هذا أيده
أنكطعن أو هذا وريده
السهم ذابح صعيده
الله يلعن آل أميه
.................
2
فاطمه الطفله العليله
بالمدينه أبلايه حيله
تندب أب ونه ثكليه
المؤمن أكليبه دليله
أخلافهم من ودعوني
أهلي لو عدلين أجوني
والله تنبئني ظنوني
موته عالغبره سويه
.................
3
المجلس الليله تزوره
الزهره وتسجل حضوره
للدمع تتمنه صوره
كلمن أبدافع شعوره
البجى أبهاي المصيبه
أو صاحب الشيبه الخضيبه
من تصيبه أبيوم نيبه
الزهره تصبحله تجيه
...................
4
وم الأقمار النشامه
الوفت أعهود الأمامه
باجر أبيوم القيامه
تشفع الئهل الخدامه
اليخدم أبهاي الليالي
تحضره أم عباس تالي
فاطمه الزهره تعالي
خلي نشفعله سويه
...................
5
اليوم مسلم والسفاره
أبحشمته أو كامل وقاره
من على كصر الأماره
تاجر أويه الله تجاره
والنعم من أبو طاهر
واجه الوحده العساجر
صيته يفياف المنابر
صاحب الطلعه البهيه
...................
6
اليوم أنصار الولايه
لبسو أجفان المنايه
جابلو سيل الرزايه
عالترب صارو ضحايه
دون المخيم عمرهم
ضحو أو شاهد نصرهم
الله بالدنيا جبرهم
موضع أبأأشرف ثنيه
..................
7
اليوم ضهضب عالشريعه
كافل الحره الوديعه
أبعين الحسين الوسيعه
ضاكت الليله يشيعه
عالنهر جسمه رهينه
كطعو أيساره أو يمينه
والسهم طافيله عينه
عم سكينه أو عم رقيه
..................
8
اليوم عريس أبشبابه
أيموت بسيوف العصابه
حنته من دم خضابه
هلو دمعات المصابه
يا شبابات المئاتم
عزو رمله أبموت جاسم
آآآ يعريس الهواشم
صيحو صيحه حيدريه
....................
9
يا شبيه الهادي جدك
عالترب من شاف خدك
ناده أبوك حسين عدك
العفى عالدنيا بعدك
امك أبشوغه تنادي
يبني يا مهجت فؤادي
جسمك أبسيف الأعادي
وذره وذره أعله الوطيه
.....................
10
حرمله الذاته لئيمه
أقدم أبأبشع جريمه
نبله سدد مستقيمه
أو ضاع عبد الله نسيمه
يوم عاشوره محرم
قلت أنصاره أو تقدم
صدره بالحافر تهشم
شيخ كل الجعفريه
...................
11
آآآ يزينب يا ألمها
النار مشتعله أبخيمها
واليتامه أتلوذ يمها
أيست من كل عشمها
للسبي جابو هزائل
عالرمح راس أبو فاضل
ما ألها بالشام كافل
عنها كالو خارجيه
....................
خادم أهل البيت
الشاعر : أسماعيل الجوراني
الأثنين : 19/7/2021
هوسات جنوبيه
لذكرى ولادة الأمام الضامن
علي أبن موسى الرضا عليه السلام
................
الليله مشهد بحلا مشهد والمشاهد شاهده
الشيعه فرحانه أبرضاها أو بالولاده أتعاهده
نقسم أبجدك محمد والحسين أو مرقده
ها ها
يبن الزهره أم الساده
أبذكرى المولد وعياده
كالعاده أنعود العاده
كالعاده أنعود العاده
ها ها ( أنعليها )
ها ها ( أنعليها )
ها ها ( أنعليها )
رايات المهدي أنعليها
...................
دكيت باب الرضا الما يرد خادمه
يا حاضر النايبه يا بن علي أو فاطمه
بهوال يوم الحشر لو طالت القائمه
من شاربك أرتجي فزعه أبحسن خاتمه
ها ها
أندب بسمه أو أتكنه
كونه الظامن للجنه
لو صارت حنه أو رنه
ها ها ( أينجيني )
من سوء أفعالي أينجيني
..................
خادم أهل البيت
الشاعر : أسماعيل الجوراني
السبت : 19/6/2021
أبيات أبو ذيه
في مديح السيده
فاطمه المعصومه عليها السلام
................
يد لها
هاي الجعفر الصادق يد لها
وبوها موسى عالزينه يد لها
أذا عندك طلب أبسط يد لها
ترى المعصومه بالعازه تجيه
................
قم قم
سويه أنروح للميلاد قم قم
شمس علويه ضوت أرض قم قم
أو تره أثخان الدلال أبدون قم قم
الجهب فنجانها أيجامل خويه
..............
خادم أهل البيت
الشاعر أسماعيل الجوراني
السبت : 12/6/2021
.................
1. يد لها : جدها
2. يد لها : يرشدها
3. يد لها : كف اليد
................
1. قم قم : أنهض
2. قم قم : قم المقدسه
3. قم قم : الكم كم الدله الكبيره بين دلال القهوه
أبيات نعي
عن لسان حال
السيده زينب الحوراء عليها السلام
وكأني بلسان حالها تخاطب أبيها أمير المؤمنين علي عليه السلام عند جرح هامته الشريفه
...................
علي يابويه يا مولا اليتامه
يدامي الهام معطوب العمامه
عساك أتكوم منها بالسلامه
أو شماتك تموت أمن الندامه
..................
علي يابويه صد عينك عليه
ونينك كثر الشوغات بيه
عساني أبدالك أتلفني المنيه
ولا عيشن وشوفن هالظلامه
..................
يلذة مشتهاتي الموت لو جاك
كله للقبر ياخذني وياك
مدري أشلون حالي أيصير بجفاك
يبو الحسنين يالكلك شهامه
...................
تراني أمجابلتك ليل ونهار
وصدلك صدت المنكوب بالدار
أذا لا سامح الله أو بالقبر صار
طولك أحزن اليوم القيامه
...................
خادم أهل البيت
الشاعر : أسماعيل الجوراني
الجمعه : 30/4/2021
17/رمضان /1442ه
أعكيلي
لذكرى أستشهاد مولى الموحدين وسيد الوصيين أمير المؤمنين علي عليه السلام
.....................
يا شيعة حيدر مأجوره
.....................
1
باخر عشره أبشهر الطاعه
لحظه أبالحظه أو ساعه أبساعه
ذاك الرخص دينه أو باعه
نفذ رغباته المسعوره
.....................
2
داعي الشوم أبشوم أفعاله
أبحيل أيمينه أو حيل أشماله
جرد سيفه أبسيفه أغتاله
أو جسد للموت أبشع صوره
......................
3
ساجد لله أبنص محرابه
أو سيف الظالم بالغل صابه
أشما تحيون أيام أمصابه
بالمحشر ألكم مذخوره
....................
4
جابو حيدر فايض دمه
حجم أصوابه أمغير رسمه
زينب كعدت يمه أتشمه
أو يابويه أتنادي أو مقهوره
.....................
5
سيف الظالم ( شجله ) الهامه
أو شاخب دم راسه الئجدامه
مات أو ماتم شهر أصيامه
ما صارت هاي أو منكوره
......................
6
أسمى أعمامه أبدم راعيها
غركت والعين أتصد ليها
مدري الكوفه اليوم أشبيها
تسئل أرجاء المعموره
.....................
7
هذا اليوم أبيا سالوفه
ماجت راجت أرض الكوفه
ركضت عثرت شي مخطوفه
وادمها أو بالحل مبهوره
...................
8
فقره التبجي أو تلطم فقره
لاطم راسه أو لاطم صدره
ناحب ثاغب يهمش شعره
يم بابه أتجمهر جمهوره
......................
9
هاليوم الحقد السفياني
جند أعتى أو أشرس جاني
جو روحاني أو جو أيماني
ما حرك لحظات أشعوره
.....................
10
أبدولة عدل الحكم المهدي
ألها الشيعي المخلص جندي
يصدح صوت اليندب جدي
ياخذ ثاره أبحين أظهوره
.....................
خادم أهل البيت
الشاعر : أسماعيل الجوراني
الأثنين : 26/4/2021
13/رمضان/1442ه
مولد
لذكرى ولادة كريم آل بيت محمد الأمام الحسن المجتبى عليه السلام
.....................
سيد شباب الجنه ميلاده
عاود علينه وحنه بيعاده
نرسل تهاني أبمولد الغالي
الطاها أو عترته سادة الساده
...................
1
بسم الحسن هاليله سمينه
أو ياس أو شمع و بخور خلينه
محفل ولائي الشخصه سوينه
وحنه السعاده أمخيمه أعلينه
دكينه بابه أو نطلب أمراده
أو جف الحسن بالجود جواده
نرسل تهاني أبمولد الغالي
الطاها أو عترته سادة الساده
..................
2
ب 15 رمضان موعوده
شيعة علي والعوده محموده
من الحسن هاليوم مريوده
عدها حوايج بسمه معكوده
شيخ أو شباب أو بالمهد ناده
يبن الزجيه أو غاض حساده
نرسل تهاني أبمولد الغالي
الطاها أو عترته سادة الساده
...................
3
شيخ الشيوخ الشيخه تفصاله
سفرة مضيفه أتسولف أفعاله
سر العوافي أبكهوة أدلاله
محد وصله أو لا وصف حاله
شيخ الشيوخ التشهد أمجاده
الوجه الله يطعم لو طعم زاده
نرسل تهاني أبمولد الغالي
الطاها أو عترته سادة الساده
...................
4
حكها المحافل بسمه تتغنه
أو من الحسن ما تكطع الظنه
الشيعه كلها أبالهفه تتمنه
تحظى أبشفاعه سيد الجنه
الشاعر كتبله أحروف بوداده
الرادود يصدح صوته بنشاده
نرسل تهاني أبمولد الغالي
الطاها أو عترته سادة الساده
....................
5
جده محمد شاله بحضانه
أو فرحانه هاي الليله فرحانه
أمه الزجيه أو علي مولانه
من فرحته وجناته ريانه
بوليده طار أمنالسعد ناده
هذا الكريم التهنه وفاده
نرسل تهاني أبمولد الغالي
الطاها أو عترته سادة الساده
....................
6
الطاها أو عترته أبالهفه شيعيه
برقيه نرسل وحلا برقيه
محفلنه هذا اليوم راعيه
صاحب الغيبه أبحكمه أللاهيه
يبقه عهدنه الرقبه سداده
بالدم نوقع نمشي برشاده
نرسل تهاني أبمولد الغالي
الطاها أو عترته سادة الساده
....................
7
شدو المحافل يلا شدوها
هلهلوله حلوه الئذني وصلوها
أبيت الدعاء الحاجه طلبوها
مكظيه والله الحاجه تلكوها
ياربي دعوه اتعود هالعاده
أبخير أو سلامه أو فرحه بزياده
نرسل تهاني أبمولد الغالي
الطاها أو عترته سادة الساده
....................
خادم أهل البيت
الشاعر : أسماعيل الجوراني
السبت : 24/4/2021
11/رمضان/1442ه
كعديه
لذكرى أستشهاد أمير المؤمنين علي عليه السلام
.....................
أيتام أيتام .. حاصل طبرة الهام
شحجي الليله محتار .. عاجل كل الأخبار
حاصل طبرة الهام
.....................
يوم أبن ملجم تعنه .. أوطبر هامك ياعلينه
حرنه بالام اليتامه .. والألم ناسينه بينه
أوغصت الدمعه أبجفنها .. علي وين أمشيعينه
هذا مو موعد منيته .. خالنظل أمجابلينه
تختل موازين الدهر .. لو طوله بتراب أنطمر
صح راسه بالسيف أنطبر .. من أبن ذيج اللعينه
أنعام أنعام .. حيدر سفرة أنعام
نعمه أتكفي كل دار .. عاجل كل الأخبار
حاصل طبرة الهام
...................
ترست الكوفه اليتامه .. والحزن جسد صفاته
الما عليه أصيام شرعي .. حنضل الماي أبالهاته
محد أيدور فيايه .. بالشمس كلها أستماته
واكفه أوجاري دمعها .. بينت عالخد غواته
أزغار وكبار اليتامه .. غاركه أبهاي الظلامه
تشفه وتكوم أبسلامه .. تندعي كلمن نواته
عالهام عالهام .. شبجت عشره عالهام
دمع العين جرار .. عاجل كل الأخبار
حاصل طبرة الهام
...................
يا علي مولاي عطفك .. حتى لحظات المصاب
أتوصي وآيات السعاده .. واضحه أبعينك جواب
لا تمثلون أبخصمكم .. من يحل وقت العقاب
أنتو أهل دين أوشريعه .. والفصل حد الكتاب
أشكد علي كلبك جبير .. وين أكو من هالظمير
ونته بفراش المصير .. تزرع الحب للثواب
ألمام ألمام .. عندك كوكب ألمام
هاي الجنه والنار .. عاجل كل الأخبار
حاصل طبرة الهام
....................
يا علي نفس العصابه .. الأسست حقد السقيفه
أوظلمت الزهره الزجيه .. أونصبت غيرك خليفه
غمست بالسم نصلها .. أوبيد أبو النفس الضعيفه
سلمته أوأنته ساجد .. لله بالهامه الشريفه
وجهك أمراية محمد .. زين يدرون أوتعمد
ذاتهم وبحقده الأسود .. نفذ الرغبه الكسيفه
أسلام أسلام .. هذا أشلون أسلام
قتل أبسبق الأصرار .. عاجل كل الأخبار
حاصل طبرة الهام
.....................
زمرة الشيطان عادت .. تمتهن قتل الهويه
أتحلل أشما حرم الله .. أتحرم أشحلل نبيه
بقرت أبطون الحوامل .. تاخذ الحره سبيه
للرذيله أنطت فتاوي .. عمت الدنيه الرزيه
السالفه أطول أوعريضه .. الما رعو دين أوفريضه
عادو أبنيه مريضه .. ويلي من الناصبيه
أعدام أعدام .. أنطو فتوة أعدام
وين الشيعي ما صار .. عاجل كل الأخبار
حاصل طبرة الهام
........................
خادم أهل البيت
الشاعر : أسماعيل الجوراني
على طور
قصيدة ( يخيمات )
ليلة الأنصار رضوان الله عليهم أجمعين
...............
يالنصار .. زينب بت علي أتحشم يالنصار
عسكر آل أميه أعله الحرم غار
أو خلاها الخيم ملتهبه بالنار
.................
يهل النحور الداميه في كربله العقيده
خالد ذكركم بالفخر للأزمنه البعيده
غدر الجيوش الماجنه أنتو كسرتو أيده
تجايه بالشده أو نعم بالتضحيه فريده
يالسباع .. مشعل للوفه صرتو يالسباع
رباكم علي والربا ما ضاع
باطهر كاع حضنتكم ترى الكاع
.................
يوم الصفيتو عالأرض جثه النفس جفاها
بانت ملامح كربله وعرفنه ما وراها
ظيم أوهظم سبي أوظلم طفله أويجر عباها
واحد زنيم الغيره جي عينه الجشع عماها
المجرات .. تحيي أمصابكم حكها المجرات
منا الذله يوم الكلتو هيهات
نلتو بالشرف أسمى الشهادات
....................
بيكم جنون الشاكري أو غيرة أبن مظاهر
روح أبجسد كلكم سوه بالفزعه والمشاعر
لو ما العمر منكم هفت ما يجرى والله حافر
صدر الحسين أيهشمه ويألم الخواطر
للخيام .. صرتو السور والحامي للخيام
وبسوح الحرب عاهدتو الأسلام
حد الموت ما علويه تنظام
....................
شكرآ جزيلآ من قلب زينبكم العقيله
يا عزوة أصحاب الكسى بالنايبه الثكيله
كلتو أذا الموت أبتعد مواته نعتنيله
باجر نشرف كربله ونشرف الفضيله
يالشراف .. شرفتو الشرف والله يالشراف
واجهتو المنايا أبقلب ما خاف
وجيوش العدا تنعد بالالاف
...................
ألكم مجالس للحزن كلما يهل محرم
بيها الخدم بين البجى والبالطم توسم
صدره أو يخلد كربله مهما العمر تقدم
درب الشهاده غايتي وبسري الله أعلم
المنابر .. تحيي أمصابكم تبقى المنابر
مو عاشور بس أو يوم عاشر
داير حول مجلس يبقى عامر
................
باجر منازل أخره والمنزله الجبيره
الزهره تحضر شافعه للنصرو الشعيره
ياليتنا كنا هتف صوت ال حي ظميره
بالجن جوازه ينختم جنة عدن مصيره
تطلبون .. باجر بالحشر بالجن تطلبون
من أم الحسن من زينب أم عون
صحيفتنه ختم جنة عدن يختمون
....................
خادم أهل البيت
الشاعر : أسماعيل الجوراني
السبت : 14/8/2021
لوحة عتاب / وبيت أبوذيه
عن لسان حال عزيزة الحسين
السيده فاطمه العليله عليها السلام
...................
أشوف أمنادس أو هاي أبأذن هاي
تحجي أو حضرن كلهن عبيهن
عبايه أبصف عبايه أبعتبة الدار
أو عبايه ما ألي بس أنه بيهن
والمنادس كثر بس ما طلع صوت
أو نغز دلالي أمنادس حجيهن
وكولن مو علي يحجن ضوه العين
أو يبدلن سالفتهن من أجيهن
أثاري أمعثرات الدنيا شكبان
علي ( نوح ) أو ( سبي ) هنه عليهن
.................
خواتي أشخيرجن بله أشتظمن
أو حجي البيناتجن عني أشتظمن
أظيم أخلافجن نوح أشتظمن
وبونه حسين جثه أعله الوطيه
....................
خادم أهل البيت
الشاعر : أسماعيل الجوراني
الأثنين : 9/8/2021
1. أشتظمن : ما تخفن عني
2 . أشتظمن : مضمون الكلام
3 . أشتظمن : الظيم : المعاناة
أبيات أبو ذيه
عن لسان حال فخر المخدرات
أم المصائب زينب عليها السلام
...................
عليهم
أعله خوتي الفزعت الوادم عليهم
أنوح أو يبقى حد موتي عليهم
وصد الكربله ولطم عليهم
وريد البالنجف ينغر عليه
.................
عليهم
علي بويه تعال أنظر عليهم
جسد عالكاع والذاري عليهم
مصايب كربله خلت عليهم
مثل همك على الزهره الزجيه
...................
خادم أهل البيت
الشاعر : أسماعيل الجوراني
السبت : 7/8/2021
1. عليهم : نحوهم
2. عليهم : علي هم
3. عليهم : على الهام
.................
1. عليهم : عاين
2. عليهم : أصبح فوقهم
3. عليهم : علي هم
نزله : محرم 1443ه
لمديح الصابره الممتحنه
السيده أم البنين عليها السلام
..................
الحره أم البنين أبهاي ليلتها
متعنيه أو تريد أتشوف شيعتها
.................
1
متعنيه الوفيه أبخطوه متعثره
أبكل مجلس عزيه تجذب الحسره
يا ناعي أشكثر ما بيك ظل أقره
أو بجي الشاركت زينب مصيبتها
.................
2
متعنيه أو تدور مجلس أقرايه
شيخ اليقره جان التقره ملايه
مذبوح النحر من قفا مولايه
لو نادى المنادي أذوب مهجتها
................
3
الليله أم البنين أبكل حسينيه
بيد أدك صدرها أو بيد عوجيه
تسندها أم وجه ذبلت معانيه
عملة كربله أبيا حال خلتها
.................
4
هاي أم الكمر عباس وخوانه
أعظم باكيه أعله حسين مولانه
من ثكل المصايب تمشي نحلانه
تندب يا علي أمن أتميل شيلتها
..................
5
ما شافت صدر متهشم أبحافر
بس شافت سبايه التكسر الخاطر
زينب أرد أسئلج شنهي بالعاشر
صار أو حضرت عالوجنه دمعتها
.................
6
من تسمع بسم عباس تتباها
الله أنطاها نعمه أو عافيه أنطاها
أنه أمه أو وصيتي أوليدي وفاها
كافل ضعن زينب حامي خيمتها
.................
7
يا ناعي المدينه بشر أبن حدلم
عن أهل المخيم يا خبر تعلم
جاوبها بشر صارت بحيرة دم
ناحت والمدينه كلها سمعتها
...................
8
يا أهل المئاتم ليله من ليله
أم عباس عدها النايبه أثكيله
أمضحيه أربع ولد وحسين تنعيله
حد يوم اللفت ليها منيتها
...................
9
أنعم والله وكرم خوش بدويه
من طاهر لبنها أقمار شيعيه
دون حسين وهله أبروح ثوريه
خلو كربله الهاليوم ثورتها
...................
خادم أهل البيت
الشاعر : أسماعيل الجوراني
الثلاثاء : 3/8/2021
نسألكم الدعاء
وقراءة سورة الفاتحه
لروح والدينا
موال صلوات
في ذكرى عيد الغدير الأغر
ومديح أمير المؤمنين علي عليه السلام
....................
أعتله أقتاب السنام
أو كلها بخ أتكله بخ
أو تالي طلعت بخبختهم
بيها ألف مية شرخ
طينته كلمن أبخده
علي دارخهم درخ
علي يدري باليحبه
أو يدري باليكفخ كفخ
الطمعو أبكرسي الزعامه
أو نصبو وين الوصخ
أو عكدو النيه أعله ثاني
فخفخي بس بالنفخ
ما يهم جايع فقير
أو عالكرش يبذخ بذخ
أو علي رادو يطخ هامه
أو علي هامه ما يطخ
والله لو ماهي الوصيه
علي يشبخهم شبخ
جان بيد أيشيل بيهم
بيد يلطخهم لطخ
جان سل بيده فقاره
أو بيه يصلخهم صلخ
أو خله نار الله أبالهبها
أو علي تطبخهم طبخ
...................
خادم أهل البيت
الشاعر : أسماعيل الجوراني
الأربعاء : 28/7/2021
صلوات
في مديح صاحب بيعة الغدير
أمير المؤمنين علي عليه السلام
....................
السئل ليش أنه أوالي حيدره
خاليرد تفكيره أشوي ليوره
مثل أمه الجابت أبيت العتيق
كبل منها لو بعد جابت مره
الله كرم وجه ياهو أو ياهو بات
ليلة الهجره يحاجيني أشكره
علي عمره أعله الأصابع بالتمام
8 أو دين الله تارس مظهره
الكوم ظمت روسها أبكل الحروب
أو علي ما ظم راسه للحرب أنبره
عمرو بن ود يوم ناده للبراز
ياهو كص رجله أو كطعله منحره
أو باب خيبر غير حيدر من دحاه
أو جسد مرحب يا هو نصين أشطره
تحلى هاليله الصلاة أعله الرسول
والد الزهره الزجيه الطاهره
او تحلى هاليله الصلاة أعله الأمام
علي روح الهادي دنيا أو أخره
................
خادم أهل البيت
الشاعر : أسماعيل الجوراني
الثلاثاء : 27/7/2021
فزاعيه : محرم 1443ه
لذكرى شهادة قمر العشيره
أبا الفضل العباس عليه السلام
وكأني بحال أم المصائب زينب عليها السلام
.................
زينب أتنادي أبو فاضل
وبو فاضل عالنهر
لافظ أنفاسه الأخيره
أو ظهر الحسين أنكسر
وا ويلا يعباس
وا وايلا يعباس
..................
1
طول الغيبه كفيلي
أتنادي والمدمع جره
والله ناغزني دليلي
جان سبع الكنطره
من أناديله يجيلي
هسه عني أشئخره
ساعه ويوافيني ليلي
الخيمه مثل المكبره
ليلي لو جلجل سواده
خوفي عباس الكمر
لافظ أنفاسه الأخيره
أو ظهر الحسين أنكسر
وا ويلا يعباس
وا ويلا يعباس
....................
2
عالنهر شو ماكو رايه
ترعب أكلوب الملا
ساكنه أحتوف المنايه
خيل ماكو مجفله
لا ضجيج أو لا عيايه
تنذر أبفد معضله
أبشهر عاشور الرزايه
أشبيه عملت كربله
يعني معقوله كفيلي
وذرو جسمه وذر
لافظ أنفاسه الأخيره
أو ظهر الحسين أنكسر
وا ويلا يعباس
وا ويلا يعباس
...................
3
يا هو ياخذني المجانه
أهناك صوب المشرعه
حتى أذكرنه أبحنانه
وهمس أبنص مسمعه
جيت أذكرك بالأمانه
البيها ذاتي أمشبعه
أنه هوه أو هوه أنه
أرد أعيشن مصرعه
أوياي أكبعنه أبعباتي
وغسل أبدمعي النحر
لافظ أنفاسه الأخيره
أو ظهر الحسين أنكسر
وا ويلا يعباس
وا ويلا يعباس
...................
4
أبخيمة العباس لنه
أتربع حسين أو كعد
هل دمعته أو جرله ونه
بيده جر منها العمد
جنه راد أيكول جنه
عفته عالشاطي جسد
من أبو فاضل الظنه
كطعي يا زينب بعد
خل يجن سكنه أو رقيه
أو يدرن أبهذا الخبر
لافظ أنفاسه الأخيره
أو ظهر الحسين أنكسر
وا ويلا يعباس
وا ويلا يعباس
....................
5
لا يمينه أو لا يساره
أشلون عالغبره هوه
تندب أصوات الحياره
والكلب منها أنجوه
والله للشيعه خساره
أيموت شيال اللوه
أستشهد أبكامل وقاره
الزوده تشهد نينوه
عالكتايب غار غاره
الجيش نصين أنشطر
لافظ أنفاسه الأخيره
أو ظهر الحسين أنكسر
وا ويلا يعباس
وا ويلا يعباس
....................
6
صاحب الذات الحنينه
كافل الحره الأشم
الجابها من المدينه
الكربله أبغيره أوحشم
جف يساره أو جف يمينه
أنكطعن أو طاح العلم
أو بالسهم مطفيه عينه
أو نام بالجربه سهم
ما بقى ماي أبجربته
أو بالعمد راسه أنطبر
لافظ أنفاسه الأخيره
أو ظهر الحسين أنكسر
وا ويلا يعباس
وا ويلا يعباس
...................
7
الشام متروسه شماته
السوك مليانه غرب
وينه جا كافل خواته
العند الملاكه صعب
عالرمح راسه أشحلاته
بالسبي صاحب درب
ميت أو حتى أبمماته
تارس العسكر رعب
راح أجاوب للسئلني
أبداعي مدعاة الفخر
لافظ أنفاسه الأخيره
أو ظهر الحسين أنكسر
وا ويلا يعباس
وا ويلا يعباس
...................
خادم أهل البيت
الشاعر : أسماعيل الجوراني
الخميس : 15/7/2021
نزله : محرم 1443ه
لمديح شجاعة سفير الحسين
الأمام مسلم أبن عقيل عليه السلام
...................
أبو طاهر من تنخى أو دارها
صارت أحمي ركبتك ثغبارها
..................
1
صارت أشرد دير بالك لا تظل
شردت أو ترست بساتين النخل
عطوه رادت منه مسلم ما قبل
عطوه ينطيها أبهذاك أنهارها
..................
2
ظل سفير حسين يشلعهم شلع
و السبع بيهم تبين مو سبع
أتريد أكص راسك أطعنك بالضلع
طعنتي بالكيف أنته أختارها
..................
3
من تنخى أو بينهم شاخص وثب
بالتعب تارس ثنياهم تعب
صارو أو مسلم أبن أشرف نسب
كل بني هاشم رفع مكدارها
..................
4
نص كتايب شردت أو نص أنتهت
أومالت الله أحجايه بالحظ والبخت
لا رجع خطوه ولا راسه ألتفت
أو لا رهب كلبه نصل بتارها
..................
5
حاصب أمن الغيظ يعصفهم عصف
أو منجنيق الموت يقصفهم قصف
الكوفه ذاك اليوم مر بيها ظرف
دوم ما شافته من أصيارها
....................
6
أو جدي أبو طالب يأأشباه الزلم
أباطشي هاليوم أختمكم ختم
بيها روس أتلولحت من الجسم
بيها خر مصرانها أمن أكتارها
.................
7
سيفه بيده أو كام يحويهم حوي
أو صارت أعمار العساجر تنطوي
طوعه نادت عفيه يا مسلم جوي
والدمع كحل فيافي أنظارها
..................
8
عفيه مسلم عفيه يا شلوة علي
خلها بالكوفه النوايح تعتلي
صد عليها أو صاح طوعه أدللي
أعمارهم سيفي يظل منشارها
..................
9
من طلع خيط الفجر حد الظهر
ظل يكر أبروسهم كد ما يكر
أتحايلو ضده أو أله حفرو حفر
أو طاح بالحفره الي بجه أمصارها
..................
10
صيته مشعل من مشاعل كربله
أبو طاهر نال أشرف منزله
تربية حيدر علي عقد الوله
حضرته هنياله كلمن زارها
...................
خادم أهل البيت
الشاعر : أسماعيل الجوراني
الأحد : 18/7/2021
هوسات جنوبيه
في ذكرى ولادة وحب ومديح
الأمام موسى أبن جعفر عليه السلام
.................
أجيتك باسط أيدي أو دمعتي أبخدي
أو حيلي الباجي بيه مني متبدي
نخر عظمي المرض والهم مرد جبدي
أو يا موسى أبن جعفر غيرك أشعندي
ها ها
يا بحر أو محد فاجك
صاحب عله أو محتاجك
رايد ذره أمن أعلاجك
رايد ذره أمن أعلاجك
ها ها ( خاجيته )
وبابك فارش خاجيته
....................
ياباب الحوايج موسى أبن جعفر
واجب كل هنيه منك أتشكر
ما ضاكت علي أله أو ألي تحضر
ها ها
كل ما يدوهن ظرفي
مولاي أتهد وتوفي
وبجفوفك تاخذ جفي
وبجفوفك تاخذ جفي
ها ها ( تحضرني )
بالمحشر رايد تحضرني
.................
يوم 17 ذو القعده من كل عام
بولادة الكاظم من قلب محتام
أهني أبوجه الأبيض معشر الخدام
ها ها
يهل النيه المشكوره
أبكل أرجاء المعموره
دعوات أبصوت أو صوره
دعوات أبصوت أو صوره
ها ها ( مقبوله )
وبجاه الكاظم مقبوله
.................
خادم أهل البيت
الشاعر : أسماعيل الجوراني
الأحد : 27/6/2021
هوسات جنوبيه
ندبه
للسيده فاطمه المعصومه عليها السلام
.................
يبت موسى أبن جعفر صاحب السجده
أو يخت سلطان مشهد حاضر الشده
ألج مرقد أبقم الوادم أتكصده
ها ها
يابت موسى العلويه
أبجاه الزهره المرضيه
أتعذر من الجيه
ها ها ( أبهالساعه )
ونطيني أمرادي أبهالساعه
..................
ألوذن بالكريمه أبيوم مولدها
أو يخت ضامن الجنه أبالهفتي أنشدها
الكل طايح أبشده فزعه من عدها
ها ها
أنعم وكرم معصومه
بنت الطيبات أعلومه
تحضر وكت الموزومه
ها ها ( مشهوده )
فزعات ألها أشكد مشهوده
.................
خادم أهل البيت
الشاعر : أسماعيل الجوراني
السبت : 12/6/2021
أبيات أبو ذيه
عن لسان حال السيده زينب عليها السلام
عند شهادة أمير المؤمنين علي عليه السلام
...................
على الدنيا العفى بعدك يبو البيت
أو تعال أو شوفها أبنيتك يبو البيت
أشتحاول تهجع أشويه يبو البيت
يهيد أو ينصب أعليك العزيه
...................
فنيت الشيب حك دينك وصاباك
وجاك السيف من ظهرك وصاباك
علي يالمصطفى جدي وصاباك
وصي والكوم خانت بالوصيه
...................
بعد شهر الصيام الشهر ماتم
ولك منصوب يابو حسين ماتم
عساني العيد الفطر كون ماتم
أو قبر يم قبرك أيحفرون أليه
....................
خادم أهل البيت
الشاعر : أسماعيل الجوراني
الأحد : 2/5/2021
19/رمضان /1442ه
.....................
1. يبو البيت : رب المنزل
2. يبو البيت : والد البنت
3. يبو البيت : يأبى البت : يأبى القلب
....................
1. وصاباك : الصبى : الشباب
2. وصاباك : ضربك
3. وصاباك : وصى بك
.....................
1. ماتم : لم يكتمل
2. ماتم : عزاء
3.ماتم : لم يدم
موشح
لذكرى أستشهاد
أمير المؤمنين علي عليه السلام
..................
الساتر الله الليله من عنوانها
فاجعه أبثالث ثلث رمضانها
..................
1
فاجعه أبثالث ثلث شهر الصيام
يجدم أعليها اللئيم أبن اللئام
يشطر أبسيف الغدر هام الأمام
باخر أليال التصوم أبدانها
..................
2
باخر أليال العشر من هالشهر
ينطبر هام الوصي فارس مضر
أو ينهدم ركن الهدى أبوكت السحر
والمساجد ينحجب آذانها
..................
3
بالمساجد ينحجب صوت الصلاة
علي أبمحرابه جرى دمه فرات
أب 21 رمضان الحياة
يا علي أتفارك ربيع أغصانها
...................
4
يا علي الكرار يا خير العمل
ونته بالمحراب ساجد يا فحل
راح يجرالك أمر جدآ جلل
هامتك تجري تظل دمانها
...................
5
هامتك تجري تظل منها الدمه
أو صوت جبرائيل من صدر السمه
أينادي أركان الهدايه أمهدمه
الليله أبن ملجم نخر أركانها
...................
6
الليله أبن ملجم عزم نية غدر
ونته صايم وي تباشير الفجر
أبسيفه المسموم هامك ينشطر
أو شيبتك تتخضب أبدمانها
....................
7
شيبتك يابا الحسن يابو الحسين
أتصير حمره اللون والله المعين
أتظل ثلث تيام معصوب الجبين
والمنايا أتفصل أبجفانها
....................
8
المنايا أتفصل الجسمك جفن
والنجف وترابه بالنيبه أبتلن
أشلون كرار الحرب والد حسن
يكضي نحبه أو يرقد أبتربانها
....................
9
يكضي نحبه أشلون حماي الدخيل
أمصاب آل البيت بمصابه ثكيل
أيعينها الله زينب أنهد بالعويل
حيلها أو غيم حزن رمضانها
.....................
10
حيلها الفكدت أبو أبهذا الثكل
أبعينها أتشوف النعش من ينكل
حكه ينهد لنها ما صارت كبل
حرمة المحراب يهتك شانها
.....................
خادم أهل البيت
الشاعر : أسماعيل الجوراني
الجمعه : 30/4/2021
17/رمضان /1442ه
هوسات جنوبيه
لذكرى ولادة كريم آل بيت محمد
الأمام الحسن المجتبى عليه السلام
..................
أبكد ما ألك جاه أو وجه عند الزجيه الزهره
دكينه بابك نرتجي منك يمولا الفقره
العنده عله يالحسن والعنده حاجه أتحضره
ها ها
يابو محمد أحبابك
هالساعه أبعتبة بابك
تتنسم عطر أطيابك
ها ها (ترميها )
والحاجه أبابك ترميها
.....................
يالحسن يبن الزجيه أو يا أبن حامي الدخيل
أبيوم ميلادك أندبك والدمع عالخد يسيل
أبجدك الهادي الأمين أبحرمة الشهر الفضيل
ها ها
يبن الزهره المرضيه
أبهل الليله الرمضانيه
منك رايد شرعيه
منك رايد شرعيه
ها ها ( تكفيني )
نظره أمن عيونك تكفيني
......................
خادم أهل البيت
الشاعر : أسماعيل الجوراني
الثلاثاء : 27/4/2021
14/رمضان /1442ه
🚩وداعيه🚩
................
لذكرى أستشهاد أمير المؤمنين الأمام علي عليه السلام
................
الوداع الوداع ياأمير المؤمنين
الوداع الوداع ياأمام المتقين
................
ياأبو الحسنين حيدر ياولينه ياعلي
جادر أمصابك نصبنه والمدامع تنصلي
نلطم الليله صدرنه والحزن ماينجلي
ياولي الله أووصيه ياعشكنه الأزلي
ياملاذ الحائرين ... ياعرين الصابرين
................
ياأبو الكل اليتامه يتمانه أمصابك
هاي سجادة صلاتك باقيه أبمحرابك
ليلة الوحشه ثكيله لايطول أغيابك
ياأبو الشدات شده والفرج بعتابك
يامنار القاصدين ... ياصفاء العاشقين
................
المرادي أنشلت أيده أولاطبرلك هامك
ماخلص رمضان بعده العافيه أبهندامك
سفرة أيتامك تريدك تحتضن أيتامك
علي عاين عاليتامه حنت ألئيامك
يانواة الفاقدين ... يامظيف السائلين
................
الفجر حانت صلاته ماتصلي أبناسك
ياعلي لمن تأذن زاكيات أنفاسك
أوياعلي أبنية صلاتك مامثيله أحساسك جامع الكوفه يريدك والوفه نوماسك
ياحزن مايستكين ... يامعين المنهكين ................
أبابك الليله يتامه بالدمع ينعونك
سالم أوغانم يحيدر ودهم أيشوفونك
علي ياليث الحريبه أعداك ميهمونك
زودك أبكل المعارك ماخذل مظمونك
يامذل الكافرين ... يانجاة الراغبين
................
الوداع الليله هايه شيعتك حزنانه
ألتمت الليله أبمصابك والمهج ذبلانه
أنهدمت أركان الهدايه أبظربتك مولانه
أتنادي وتعشم نفسها بالحشر تلكانه
ياصراط الصادقين ... ياأمان الخائفين
................
خادم أهل البيت
الشاعر : أسماعيل الجوراني
الجمعه : 3/5/2019
شوط كربلائي
لذكرى أستشهاد أمير المؤمنين الأمام علي أبن أبي طالب عليه السلام
......................
ياحيدر يبو الحسنين ..جينه أبمأتمك جينه
نلطم عالصدر والراس .. كلمن دمعته أبعينه
.....................
ذبلانه المعاني اليوم .. والمدمع عله الخدين
أبغصه أتشيب الدلال .. ننعى أونعصر الجفين
ونعزي الحسن بالصار .. ونعزي الأمير حسين
ونعزي الكمر عباس
يابو الغيره والنوماس
مأجور أوألف لاباس
وبزينب نشيم الذات .. نشكي أمنالجره أعلينه
........................
أيتامك يبو الشدات .. كلها طايحه أبشده
ونته أمعود الأيتام .. محد منهم أترده
حيدر ياعلي الكرار .. فاكد عاشكك رشده
صايم مافطر عالماي
بخدوده الدمع هماي
يندب ياعلي مولاي
ضربة هامتك بالسيف .. عدمت لذة أسنينه
.......................
ياحامي الدخيل أدخيل .. يدعي لك كلب ولسان
سالم ياعلي أمنالسوء .. حصنك ياعلي القرئان
رمضانك بعد بي روح .. لتغادر شهر رمضان
أيتام أمجودره أبابك
فقره أمكابله أعتابك
صعبه ياعلي أغيابك
سلانه القهر والنوح .. صد أبنظرتك لينه
........................
حيدر ياأمير الكون .. ناسك حشمت ناسك
ليش أعمامتك عالكاع .. سالم ياعلي راسك
معقوله المرادي أبسيف .. يكتم نبرة أنفاسك
ناسك ياعلي ياحيد
مهضومه أوتعظ الأيد
تسئل والجواب أتريد
لاوين السفر لاوين .. جاوب عن محاجينه
.....................
أذن للفجر مولاي .. صلي أبجامع الكوفه
ناسك تنتظر عالباب .. طولك رايده أتشوفه
محرابك صبح مخنوك .. صوته أوغارك أبخوفه
بيش أيصبر الخدام
الشدت للنعاوي أحزام
أوتلطم عالصدر والهام
وتنادي أبرهيف الصوت .. كوم أحضر تعازينه
.....................
خادم أهل البيت
الشاعر : أسماعيل الجوراني
الجمعه : 23/5/2019
