5898
تبـــوون😍👌... اقتبآســآآآت.ايجآبيــةة 💕💭.. بيسيــآآآت.حــب 💜💬.. صصــور.وتصآآآميــمم 🎇📷.. كـلـها تـلآقــوونـها بهـآلقـنـــاه🔕❤.. 🔔 ↴⇣ https://t.me/joinchat/AAAAAD4OP-vWRvElaILqdQ
ماني بفاضي للمشاريه واللوم
ولحداً يدوّر من ورا الهرج زله
تمسكوا فيني تراني من اليوم
عادي أخربها مع الشعب كله .
المرجله صعبه على طافي النار
ماكل من يبغى المراجل قدرها
احدن عزومه قاصره عند الاخطار
واحدن عزومه بالخطر ماذخرها .
الطيب سوّه وانت تقدر تسويه
ولا تنتظر مردود طيبٍ فعلته
إن طاح في طيّب يبي يحتفظ فيه
وإن طاح في غيره مطبٍ واكلته .
كفوفنا ؛ لـ المواصل ، دوم ممتدّه
وقلوبنا ؛ بـ الوفا ، والصّدق مليانه
الطيّب ؛ نحبّه . . ونغليه . . ونودّه
واليا بغانا ؛ نصير أقرب من أخوانه
يامرحبا ترحيبةٍ مالها حدود
ترحيبةٍ يفخر بها الضيف والجار
اللي لفا يستاهل المسك والعود
واللي يتغيّب له جميلات الاعذار .
انا وطيفك وانت مالك دور
اطول الشرهات واقصر
مشكور طيفك وانت مو مشكور
قصرت بس الطيف ماقصّر ..
يا صاحبي دنياك حظوظ ومقادير
تضحك معك والله يعينك عليها
ناسٍ بقوّه " حظها يطرح الطير "
وناسٍ تطير طيورها من يديها .
الطيب قصرٍ ما تجيه العذاريب
والتربيه هي سور قصره وساسه
من لا تربى? في شبابه على الطيب
ماهو بـ متربي ليا شاب راسه .
على سكّـه الغاليـن رجـل الغـرام تسيـر
وتمسي علـى رجـم العنـا تـاره وتـاره
حبيبي بعد نضـرات عينـك وحالـي غيـر
أسج القـدم .. والنفـس بالسـوء أمّـاره
جيت للدنيا البسيطه وانا عابر سبيل
وشلت منها حب اهلها وشلت اذنوبها
اترجا الله بالصبح ولا اطراف ليل
توبةٍ يصعد بها للسماء مندوبها
لا تنتظر من ناقص العقل حكمه
ولا تنتظر من فاقد المرجله خير
ولا يغرك فالردي لمعة إسمه
الريش ما طيّر نعامه وهي طير .
تساورك الشكوك و تفضح اسألتك
و في عينك كذا كلمه ونظرة خوف
انا من فطرتي بـ احسان عاملتك
اذا نيّتك لعبْ العب على المكشوف
صدتك عن بعض السوالف شجاعه
شيمة وعزة نفس ماهو ردا منك
صدتك عنها طيب نفس وقناعه
ترفعك بعيون العرب ما تطمنك .
الرازق الله والبشر ضمن الاسباب
لا تعلّق أمالك على غير ربك
إن وفقك ربي يفتّحلك ابواب
ويمكن يخدمك واحدٍ ما يحبك .
عزالله إني ظلمت إسمي .. و ميقافي
و أخطيت في حق نفسي و الخطا وآرد
هقيت فيك الهقاوي و أنت ؟ يا كافي
ما أبرد من أعذارك .. إلا وجهك البارد
انا تعودت ع الوحده وصدري وسيع
ما غيرتني جروح ولا كسرني هججر
لا تحسب اني من الفرقى بتوه وبضيع
انا مقزر حياتتتي من سفر لي سفر !
إقتنعت إن الغلو فـ العشق .. بلوه
و في متاهاته سمحت من التواجد
لا تقولين ! .. الحياة بـ حب : حلوه
الحياة بدون حب " أحلا بـ واجد "
أنا أتخذت القرار اللي يناسبني
وعن معظم الناس قمت أغير الوجهه
من يبدي الوصل لايمكن يعاتبنيّ
ومن يقطع الوصل خليته على وجهه .
يالادمي رزقك من الرب مقسوم
ناسٍ عطاها الله وناسٍ حرمها
اتجاهد الايام واتطيح وتقوم
ولا لك نصيب بحاجةٍ ما قسمها .
صدتك عن بعض السوالف شجاعه
شيمة وعزة نفس ماهو ردا منك
صدتك عنها طيب نفس وقناعه
ترفعك بعيون العرب ما تطمنك ..
تراني واذا غرّبت عنك .. ولو شرّقت يقولون بلقى لك شبيه بس ماصدقت
شبيهك على وضح النقى وقّف انتاجه
سوالف العشاق و الشعر و الليل
و الله ما فيها الا التعب و المضرّه
الحب فـ الواقع مثل / كذبة ابريل
و حنا نصدّقها مثل كل مرّه
من فقد لذة وجود اللي يحبّه
والله إن يبطي وهو مكسور خاطر
من اكبر عيوب الرجال الطفاقه
تفتح لك ابواب المشاريه و الشمت
اذا عطاك الله لسان و طلاقه
الله عطى غيرك من العقل و الصمت
يفرح إليا جوه النشاما مسايير
وكفه كريم ولا حسب وش وراها
في مجلسه تلقى الدلال المباهير
ونفسه خفيفه والمراجل رقاها .
تبقى الصداقه بصمةٍ للاجاويد
خوة على مر الزمان اتجدد
خوة نشاما ماتعرف المناقيد
تبقى ولو بعد المسافه تمدد .
المجلس اللي يكرم الضيف والجار
من ضاق صدره قال بروح صوبه
جعله بعد من مجلسٍ كله اغبار
ما يندخل ياكود نوبه ونوبه .
تعبت اجامل ظروفي و الهوى جاحد
شوضعك الحين ولا قلبك شوضعه ؟
ان كان مشتاق لي ؟ ارسل رقم واحد
وان مافيك شوق ارسل رقم تسعه :)
نشيل ما شالوا هل الطيب ونقوم
من فضل ربي ما رجينا الخليقه
فـ صدورنا ضيم وغرابيل وهموم
ونموت مانبدي على الناس ضيقه .
منهج كرامتنا على العز ما مات
نموت لـ أجل نصونها ما ارتخينا
من طيبنا نرقى? بروس الطويلات
ولا ننشد اللي قال وش قال فينا .