5898
تبـــوون😍👌... اقتبآســآآآت.ايجآبيــةة 💕💭.. بيسيــآآآت.حــب 💜💬.. صصــور.وتصآآآميــمم 🎇📷.. كـلـها تـلآقــوونـها بهـآلقـنـــاه🔕❤.. 🔔 ↴⇣ https://t.me/joinchat/AAAAAD4OP-vWRvElaILqdQ
لا مشينا مع هل الطيب ماجانا ملام
الرجال اللي تقدر .. طحاطيح الرجال
رفقةٍ فيها تبادل محبه واحترام
والله انها مكسبٍ بالحياه وراس مال .
شوف ، المشاعر تشتكي لك ومنك
عقب الغياب ورغم قصر المسافات
خل … المعاتب والمشاريه عنّك :
تقدر تقول أشتقت لك عشر مرات ")
ماطاح في قلب الغلا غير الاوجاع
وماشالت كفوف الندم غير ضيقه
اثر الغلا لازاد عن حده انباع
مثل الدافى لازاد قلب حريقه..
ودي بـ ساعه معك ما فيها رقيب
لوووو انهااا بـ تمر . . مثل الثانيه
معك الليالي .. ي لطيف ويا عجيب
ي ليتهااااااا ، تنعاد . . مره ثانيه ")
ما عاد يشفق خاطري لـ اتصالك
وانسى الليال اللي عليها .. تكبرت
وطلعني من الصوره اللي ف بالك
أنا مانيب اللي في بالك ..أنا تغيرت
بقى ذنب واحد من ذنوبي عجزت انساه
بعـد ما هـداك اللّٰه يا قـلبي على التوبـهَ
لك الشــوق ياذنـب تركتــه لـ وجـه اللّٰه
عــسى سيئـات الشوق ماهي بمحسوبـه
من اجتمعنا بالغلا وصرت وياك
ما شفت معروفك ولا شفت خيرك ..
وابعدت عنّك مقصدي كنت ابنساك
ولا طلت نسيانك ولا طلت غيرك !
لا جاتك العوجا من مقرد الناس
بالحال حضر يا السنافي كفنها
غض النظر عن كلمةٍ مالها ساس
دفن الجنازة سترها من عفنها .
باقي معي لك ذكرى تبكي العين
ياليتها طاحت من جال بابك
ياروحي واللي خلقني من طين
اني قوي لكن كسرني غيابك .
القلوب إليا هوت ماتنوخذ بالساهل
لو ظروف أيامنا دون الملاقى عيّت
ما عليّ إن قالوا العذال ما تستاهل
المهم أني بضمك حيّ ولّا ميّت
ماعاد تامرني الليالي وتنهى
وما احط عمري فـ دائره لا تحيرت
وتغيرات الناس ما اخاف منها
الخوف من نفسي انا لا تغيرت
يوم بان الضيق في دنياي ؟ بنتي
وزاد فيّ الخوف مما كنت اخافه
كيف اسيّر لك شعور الحب وانتي
لا شعور .. ولا جمال .. ولا ثقافه ")
عطاك من لا عطا غيرك من المُغريات
تواضع و طول عنق وحسن وجه وبها
لا يشبهون المها بـ عيُونك الناعسات
وعيُونك أحلا بـ واجد من عيُون المها
ما طمعنا غير في طاعة الله والصلاه
وخوّة اللي خوّته مايجي فيها ردى
الكفو نقدّر جنابه ولا . . ينقص غلاه
والجمايل بين الاجواد ماتذهب سدى .
ما عندي أستعداد أخليه وأنساه
فـ أيسر ضلوعي حلّ وأمسى وقيّل
يا كبر حزني لا تخيّلت فرقاه
هذا وانا ماغير بس .. اتخيّل :)
البارحه قلت اطلب الله وصليت
واحترت ويش اقول إذا طلبته
عندي عيال وبعافيه وامتلك بيت
والخير واجد واستحيت وحمدته .
لا تساومني / على جاهي وقدري
ويش ابي بالعمر من دون الكرامه
ان لفيت اهلاً وسهلاً وسط صدري
وان بغيت تروح مرواح السلامه ")
أبعثر حروفي بين وزنٍ ومعنى
وأروي ظما روحي ببوحٍ يسرّه
تصافق بي أفكاري كما موجة اليمّ
وأسجّ بصدري والعواصف تجرّه
عليك.. مفرغ صبر ومجدّد احساس
احبّك وراضي بك .. شلون ما كنت
ولا تحسب انّي حاسب حساب للناس
الناس عندي.. يا حبيبي.. "أنا وانت"
لا تضر الروح منت بعدوٍ لي
ولا به أسباب عشان تقتلني
ما أذكر خلٍ قتل بالهوى خلّه
و إن نفذ قتلي على يدك كنفي
من خان مره فالهوى .. لا تامنه
لو قال أحبك حاول إنك تنسحب
عجايب الدنيا سبع ، والثامنه
إن القلوب الخاينه تقدر تحب
من لايعيش العمر سامي ومتغاضي
ماهيب دايم ضروف الوقت خادمته
كنز القناعه غنـاة النفس لـ الراضي
يعيش دنياه .. فـاهمها وفاهمته
يوم شفتك خفت من عيني عليك
من كثر سحر العيون النعسات
كان حسن كون كله بين ايديك
التقى بين الرموش الساحرات
ماتت عروق الروح من كثر الطعون
ياللي عروق الروح عندك قد سلو
يومين غايب قلت معذور وتمون
وذا اليوم رابع لا مسج ولا ألو
بالصبر توصل للاماني الكبيره
وبالنيّه الزينه يطيبنّ الارواح
واللي يحسد الرزق بيدين غيره
لا " آمن بربّه ولا عاش مرتاح ".
ماعندي لكشف النوايا مرونة
من طاب فالجنة ومن خاب فالنار
أعامل العالم بما يظهرونه
واترك خوافيهم لعلّام الاسرار .
الخساير تتعوض و المواجع تطيب
والليالي فرحها يطمس أحزانها
البلا بذكريات داخلي عيت تغيب
ردها مستحيييل و صعب نسيانها
يالله على بابك يافتاح الابواب
مافيه غيرك يقصد العبد بابه
ٰ
ف ان راح رزقٍ حاسبينٍ له حساب
يالله بـ رزقٍ . . ما حسبنا حسابه .
لا تساومني على جاهي وقدري
ويش ابي بالعمر من دون الكرامه
ان لفيت اهلاً وسهلاً وسط صدري
وان بغيت تروح مرواح السلامه .
ياحبيب القلب لك بالقلب خانه
من دخلها يمتلك روحي معاهـا
يا أخذ التامين من قلبي ضمانه
لـو يروح العمر كـله ما عـطاهـا