5898
تبـــوون😍👌... اقتبآســآآآت.ايجآبيــةة 💕💭.. بيسيــآآآت.حــب 💜💬.. صصــور.وتصآآآميــمم 🎇📷.. كـلـها تـلآقــوونـها بهـآلقـنـــاه🔕❤.. 🔔 ↴⇣ https://t.me/joinchat/AAAAAD4OP-vWRvElaILqdQ
اليا اذن المذن تهيا لـ الصلاه
والله ماتلقى خير من تاخيرها
قد ماتوا الي يستحقون الحياه
يعني بتبقى .. حي دور غيرها .
أن مرّتك ذكرى المواصيل و أشتقت
قل لـ القلوب اللي من الشوق تجمح
حنا وقفنا ؟ بين الأوضاع و الوقت
لا الوقت يمدّينا ولا الوضع يسمح
وعدتني باتصال وطالت الغيبه
وانا اتحرى متى بيدق جوالي
واجمع الشوق واعيد ترتيبه
ياكثر ماجيتني وتمر في بالي
بارد ، ولا شي … يلفت انتباهي
تمرني أشياء ما تمشي وامشيّها
" مسكر اذني .. و مقلل علاقاتي "
تتساقط الناس من عيني واخليها ")
اللي زعل من دون سبه وانا اخوك
يضرب براسه لين يسمح ويرضى
لو ترضي مبارك زعل منك متروك
هذا زمن فيه اكثر الناس مرضى .
عز نفسك والحياه ايام يا مال الغناه
لا تضيعف لجل دنيا رحاها دايره
عيشتك في ماكر العز لو مالك عباه
خير لك من قاعٍ اشهب غبرته ثايره .
نسيناك يوم اقفيت وابطيت بالجيه
وحتى مشاعرنا القديمه نسيناها
"مثل ضو بدوٍ هملوها وهي حيه
وقام الهواء يلعب بها لين طفاها"
ياعاشق الدنيا تراها محطات
تعيش في ديره وتفنى بديره
لا ياخذك طرد الهوىٰ والملذات
اذكر محطات الحياه الاخيره .
يا ضيفنا قرب على هبة الريـح
لا صار عندك للمجيّ استطاعه
حـنـا مجالـسنا بـليا مـفاتيــح
امشرعه " اربعه وعشرين ساعه ".
رغم ابتعادي عن مراسيء تلاقيك
تبقى على ضفة فؤادي سفينه
أحيان اشوفك في خيالي واناجيك
وأحيان فصل الشوق يمطر حنينه
ماهي كذا يابارد الوجه والحيل !
تبطي عظم مانته مسوّي سواتي
أمّا اشرب بيمناك مثل الرياجيل
ولاّ لاعاد تغثّني في حياتي .
اما تسابقني على العز والطيب
والا معي / يا صاحبي لا تردى
فلا تدوّر من ،، ورانا عذاريب
حنا نشوف أهل الردى وانتعدى !
استغفر الله من طيشي وتقصيري
الطيش بالذنب والتقصير بالطاعة
يا عالم بـِ بكل ما لا يعلمه غيري
رحمتك قبل القبر والحشر والساعة .
ياللي سكنت القلب والدار دارك
ماني بـ حول العيد لو عايدوني
العيد ماهو بس عيدك مبارك
العيد والله شوفتك في عيوني .
ادري انك تراقبني /بصمت !؛
وادري انك من الشوق منهار
وتدري اني في غيابك تعلمت
وتدري اني في محبتك محتار
يا مجمل الصبح دام الصبح في ذكرك
يالله تقسّم لنا من قسمك الوافي
صباح ما فيه لا حمدك ولا شكرك
« راعيه ماهوب متوفق ومتعافي » .
اطحنوا من وارد اثيوبيا مايستميل
ذهني الشارد وخلو عليّ اللي بقى
يوم اصب الماء عليها وتقطر سلسبيل
كني اسمع مرحباها وانا اقول البقى .
أنا ماابي كلمة أحبك أنا أبى إهتمام
احذر تحسسني إني في حياتك ثقيل
/
لانك إذا أهملتني ما راح أعاتب كلام
أنا مع أي شخص يهملني عتابي رحيل
مادام ترقد ليلتك ومتعافي
وغيرك لذيذ النوم ماطب عينه
خذلك نصيحة ود من قلب صافي
استغفر الله واشكره واستعينه .
ولا تزعل إذ من جرحك اقتاتوا
خطاك أنك وثقت فعالم التخمين
صور الأموات ماتلغي أنهم ماتوا
وصور الأحياء ماتعني أنهم حيّين
صويحبي صار يتبع موضة الشله
بعد أرحب يقول ولكـم يابري حالي
العـام أعـرفه يحب الكيـف فالدله
واليـوم فـ ستاربكس تغير الغالي
لو كل مايطري على البال ينقال
قلنا جميع اللي نبي ما استحينا
« لاكنّنا عقّال وعيال عقّال »
يحسب لنا مثل مايحسب علينا .
ماودي أذكر شي من ذكرياتي
شوفوا لنا رحلة فرح نبتديها
الذكريات الي مضت في حياتي
« الله يرحمها و يستر عليها » .
سلّم على اللي طريق العز ماشينه
مع درب الأسلاف لاملّو ولا هاتو
ناسٍ ليا مات ابوهم جددو صيته
وناسٍ ليا مات ابوهم كلهم ماتَو .
بين المقام الذرب والساس الاعرق
الطيب من يمناك والساس ساسك
لا تطيّب اشماغك من العود الازرق
يكفي شماغك طيب من طيب راسك .
اللـي يـحبـك صـدق ليـش تعـذبـه
بـ اقسى الظروف القاسيات تكبنـي
لا تخلـف الهقـوه و قلبـي تعـطبـه
اذا وصـالك صعـب ليـش تحبنـي ؟
العيد والله شوفتك ياريش العين
ما هو بـ شوفة ربعنا والجماعه
اللي سوالفهم لها سنين ودنين
فلان جاه بعير وفلان باعه .
ناسٍ مــن الطيب تلبسني قلايدها
وناسٍ من حقودها كن ودها قتلي
يالله عسّى الناس طيّبها وحاقدها
كلٍ له اضعاف ما نفسه تمنّت لي
تجمل ترا والله ما للجميل أنكار
ولا ينكره من كان في راسه مروه
عسى راعي أبشر ما تقفي به الأقدار
ولا ينقطع ذكره ولا ينطفي ضوه
مصير الأيام تكشف لك كنين الصدور
كانك تشوف الوجيه .. وتجهل قلوبها
قلبك دليلك ليا اشتبهت عليك الأمور
لا تقرب اللي يجيك الشك من صوبها