5898
تبـــوون😍👌... اقتبآســآآآت.ايجآبيــةة 💕💭.. بيسيــآآآت.حــب 💜💬.. صصــور.وتصآآآميــمم 🎇📷.. كـلـها تـلآقــوونـها بهـآلقـنـــاه🔕❤.. 🔔 ↴⇣ https://t.me/joinchat/AAAAAD4OP-vWRvElaILqdQ
يا راسي اللي . . ما تغيّر مباديه
لا زلت حاير ، في مباديك وأمرك
أشكرك وألومك على اللي تسويه
سنعّت خلق الله وضيّعت عمرك
من الصدمه على نبض الشعور الحي
تعيش .. أول مشاعرك الحقيقيه
وتتعود على الفرقا .. شوي شوي
شوي شوي .. لين " تصير عاديه "
على الزعل ، والضيق حنا كبرنا
ماعاد فيه اشياء تستاهل الضيق
واذا اعتزلنا الكل .. محد جبرنا
العزلة أصدق من وجيه المخاليق .
لاتعتذر لي باب الاعذار مقفول
لو ان مفتاحه معي مافتحته
ماكل مره عذر الاحباب مقبول
انا استخرت الله ورقمك مسحته
لكن قبل لاترحل اسمح لي اقول
والله مانسى جرحك اللي جرحته .
انا اكذب فالقصيد وكلكم دارين
ولا فكرت فالشاره .. ولا الناقد
اقول البارحه ما غمضت لي عين
وانا من يوم صليت العشا راقد .
في أمان الله وانت اللي تبيه سوه
انا ما عاد لي في الهم والتعتير
يبي لك قلب غيري طيب وتوه
انا ما انفعك اليوم جوي غير
مساحة الليل ما كانت تكفينا
كنّا نسولف ثواني و الفجر يطلع
و الحين عقب المفارق صار يمدينا
نشبع هواجيس من وحده الين أربع !
قلبي على قو التحمل .. مضرا
من صغر سني للصعيبات ضاري
كانك تحرا طيحتي .. لاتحرّا
انا تراي ان ضقت صرت انتحاري
فدى شماغك فاقدين المروّه
اللي تنادي بـإنفتاح الستيره
من ماضي الايام ماهو بتوّه
يالعنبوا رجال مافيه غيره .
عطوني بيت شعر مثل اللي يقول :
اللي مخليني مع الدمع ما اشوف
هو نفسه اللي كان يمسح دموعي .
يالله ثبتنا على دين الاسلام
يوم البشر هالوقت زلّت خطاها
ثم اكفنا شر الليالي والايام
واكتب لنا خير الحياة ورخاها .
لاتحتريني اسألك ليه غايب
من علمك تبعد يعلمك تنسى
علمتني شلون هجر الحبايب
بعلمك شلون الحبايب تقسى
منهج كرامتنا على العز ما مات
نموت لـ أجل نصونها ما ارتخينا
من طيبنا نرقى بروس الطويلات
ولا ننشد اللي قال وش قال فينا .
العزلة ، " وتسطيح كلّ العلاقات "
اخر حلول النفس .. وإن كان طابت
ٰ
ما عاد يغرينا : الهوى ، والصداقات
كلّ الأماني : فـ المحبّين .. " خابت "
جعله من حبال المكارب ينجّى
اللي تعوّد طول عمره على هاك
قرمٍ يموت بحاجته ماترجّى
إلا لا جاء يعزمك قام يترجّاك .
لاعسعس الليل زادت وحشتي .. وينك ؟
الصوت ما يوصلك ، و الشوق ما جابك
شكراً .. بـ حجم الغـلا اللي بيني و بينك
ولّا بـ حجم الجروح .. اللي من أسبابك !
لا تساومني وأنا أدري وأنت تدري
أني أعاف الجفى .. لكن ما أخافه
خابرٍ قدرك بصدري بس ، صدري
ما تعوّد يلحق المقفي .. حسافة !
الارزاق عند الله ولاهيب عند الناس
توكل على الله واطلب الرزق من عنده
وعلى ميلة الايام خلك قوي الباس
ترا قيمة الرجال في ماكسب زنده .
ماهو بشرط : " الحب منه مبرّه "
وماهو بشرط الكره بالكره مردود
المبغض اللي ما يبي لك مضرّه :
افضل من محبٍ ما يبغي لك الزود "
- ياما على شانه تعبت وتعنيت
وياما على شانه تركت أمنياتي .
كل مامر طاري قلت يالله تعين
ليت جرحي عقب طول المفارق برى
لا اقبل الفجر كنّه يغتشيني الحنين
أثر الاشواق دايم من ثلاث و ورى
فرقا عزاز ولا مهانة مواصيل
وغيبة حشيم ولا ملاقا مهونه
نجي رياجيل . . ونقفي رياجيل
حنّا كذا وانتوا على اللي تبونه
اغتنم وقت الفرح وإنس المواجع
الزمن يبغى له مداحم وقوّه
وفي سبيل إسعاد نفسك لا اتراجع
« اي شيٍ ودك تسويه سوّه » .
اعتبر صمتي محبّه يا الحنون المُدرك
انت غير الناس هذي لا بغيت الزبده !
علّق الشطر الاخير .. قلادةٍ في صدرك
من فقد مثلك فقد له قطعةٍ من كبده .
انشدك عن ضيفٍ بدار المعازيب
الضيف يكرههم وهم يكرهونه
اليا قلط يقلط على غير ترحيب
واليا بغى المرواح هم يمنعونه .
دايم مواقفنا على الدرب النزيه
عند اللوازم ما نغيب و ما نصد
ولا يزعّـلنا .. حكي سود الوجيه
ما نلـتفت لأهل الردى واهل الحسد .
مانيب مجبور اخاطب على قد العقول
والله إن بعض القناعات عندي مهمله
الكلام تشوفه الناس حل من الحلول
مثل ما اشوف التجاهل يحل المشكله .
دام راسي حي ياسمح المحيّا
لا تضايقك الظروف ولا تهمك
ارك همك بالمعاليق وتفيّا
وسوّد الله وجهي إن ماشلت همك .
دقيت خشم الفراق اللـي تهبونه ..
وصديت عن واحدٍ ماقوى على فراقه
صدت شجاعٍ ... يشوف الموت بعيونه
عزيز نفسٍ .. ورجله داست .. أشواقه . .
إي والله إني تايبٍ عنك وخلاص
وإني خرجت من الضلاله للهدى
وإني جريحٍ منك وجروحي قصاص
وغفرت ما أبي منك طيب ولا ردى