2789
📜 قصائد قديمة مشهوره ابيات القصيد قصص أمثال من القائل و سلامتكم
الشاعر / هادي العقيمة - رحمه الله
..
.
ما نيب من يأتي ولا يدری به
حر ٍيبشر بـ العشـــاء مـخلابه
درب الوفاء طبعي وأمثل ربعي
ولا خير فـي من لا يعز أقرابه
وحنا أهل الترحيب والتسنیده
ونمنع دخيل البيت لا وزا به
ولوكان راعي البيت ورعٍ قاصر
سلم الدخيل وخبت يا طلابه
الشاعر / متعب التركي
ياسعود
…..
يا سعود لا تنشد ترى ماني مجيب
خل الذي خافي له شهور خافي
إن شفتني مغتاظ لي حق و مصيب
يا سعود مزعلني جديد اكتشافي
الغالي اللي كان من قلبي قريب
بيني و بينه صار مثل التجافي
إن قلت زله مثلنا زلته عيب
من قال لك شمس الضحى ما تشافي
إن قلت هقوه يمكن تصيب و تخيب
كم لي سنه ما شفت فيه اختلافي
و إن صار في نفسه بعض شكة و ريب
حتى البحر ما هو على طول صافي
صرنا من الصده سوات المصاويب
كلن نقل جرحه و قال: امتعافي
أصعب فراق فراق عكف الأشانيب
ما هو مفارق لابسات الغدافي
و الذيب لا منه عوى جاوبه ذيب
و العلم حامض بس وين الأشافي؟
دامه لقى له غير قلبي معازيب
الله يسمح درب هاك السنافي
يروح لا يرجي رسول و مكاتيب
هو خابر إني ما اتلفت خلافي
واللي تعلى فوق روس المراقيب
أكيد ما تسقى عليه السوافي
رح بشر اللي _شال شلفا_ تريحيب
قله: تراها كلبوها عوافي
اليوم نفسي طابت و باكر يطيب
جرحي لو انه من يدين المشافي
خلصت و الدنيا دروس و تجاريب
سجل يا بو عبدالعزيز اعترافي