1محرم
يرتفع صوت النداء
لووصل شهر العزاء
واغريباً. واسليباً. واحسـيناه
ـــــــــــــــــــــــــــــــــــــــــــــــــــــ
لوكرب شهر الدمع
نلطم ونكسر ضـلع
والشهر ياذينه
نصرخ بدمعه ونصيح
ويلي والـمنحر ذبيح
والحزن غاطينه
هلال شهرك لولفانه وبين هلال السـمه
ألبس اثياب العزيه وصرخ انه فاطـمة
ورفع الرايه ع بيتي عـيني بالدم هامله
يامصاب حسين اصرخ والحزن يرهم إله
تنزف الجرحه السماء
لـووصـل شـهـر العـزاء
واغريباً. واسليباً. واحسيناه
ــــــــــــــــــــــــــــــــــــــــــــــــ
نلبس اثياب السواد.
ونعلن بدمعه الحداد
وبمصاب الغالي
نذرف الدمعه بحزن
نبجي وبحركه ونون
والجروح الوالي
انصب المأتم ونادي ياحبيبي المنذبح
ويلي ياويلي انادي ع الترب ضل منطرح
ماكو واحد غسلااه وراسـه فوك ع الرمح
حسين ياسر الحياه حسين ياوجه الصبح
تجري من عنده الدماء
لـووصـل شـهـر العـزاء
واغريباً. واسليباً. واحسيناه
ـــــــــــــــــــــــــــــــــــــــــــــــــــــ
تجري من عنده الدمه
وتنزف الجرحه السمه
والغريب ع الترب
جسمه يبقى بلاجفن
صدره باالخيل نطحن
ويلي من حقد الغرب
يبفى فوك ع التراب مرمي عاري بلاغسل
ليش يحشود آل اميه شنهو ذنبه وينجتل
منه مسلوبه العمامه وزينب تروح بحبل
حكـنه لو ننصب عزيـه ونلطم نحير الـعقل
منـه مســـلوب الــرداء
لـووصـل شـهـر العـزاء
واغريباً. واسليباً. واحسيناه
ـــــــــــــــــــــــــــــــــــــــــــــــــــــ
زينب بوسط الخيم
تصرخ بحركه وألم
الحره من تنعاله
من يرد خالي المهر.
تعلم بهـذه الأمـر
طحنته الخياله
تسمع ضلوعه اتكسر شابحه بدمعه النظر
تحشم وماكو اليجيها والكفيل على النهر
حتركت الخيمه وتنادي خويه وينك ياكمر
حتارت بجمع اليتامه وباجر يجيها السـفر
تنسـبي بركب العداء
لـووصل شـهـر العـزاء
واغريباً. واسليباً. واحسيناه
ـــــــــــــــــــــــــــــــــــــــــــــــــــــ
نـذكر أيام اليـســر
زينب يطكها الشمر
بلارحم سباها
تحشم وماكو اليجي.
تحشم وزاد البجي.
والدهـر أذاها
نذكر وزينب غريبه على الهزل مسراها
تمشي بدورب البعيده مادرت منواها
الحادي مايرحم يويلي بكل وكت بجاها
ياوسافه وياحسافه والسبي اذاها
ويلي من شمر الخناء
لـووصـل شـهـر العـزاء
واغريباً. واسليباً. واحسيناه
ـــــــــــــــــــــــــــــــــــــــــــــــــــــ
كلمات خادمكم الشاعر
مرتضى مكطوف الموالي
هل محرم. وتحضرينه لخدمتك
هل محرم. ملهوفه كلها شيعتك
تحضرت كلها الخدم. لحسين ولراعي العلم
هل محرم. هل محرم
&&&&&&&&&&&&&____
تحضرت شيعه علي تحيي المجالس
و حضرت راياتها وسود الملابس
وسط العزاء المنتظر يحضر وجالس
شد رايته وصاح بعزم حي الله عابس
جون عمار وحبيب. نصرو حسين الغريب
هل محرم. هل محرم
&&&&&&&&&&&&&&&&&
تحضر الزهره وتصيح حسين يمه
وجايبه وياها قميصه وبيه دمه
بكل ألم وبكل حزن تبجي وتشمه
وينفرش عاشور جادر .. ماتلمه
والسمه علنت حداد. والارض لبست سواد
هل محرم. هل محرم
&&&&&&&&&&&&&&&&&&
بهالشهر زينب تصيح الله واكبر
حسين عالغبره ذبيح جسمه توذر
والعليل من العطش كلبه تفطر
واليتامه فرت من العطش والحر
شهر الاحزان ابتده. وتشمتت اهل الرده
هل محرم. هل محرم
&&&&&&&&&&&&&&&&&
نجدد بكل عام حزنك سيدي حسين
تحيا وتموت بخدمتك كل الموالين
حبك يبو اليمه انرسم بالكلب والعين
عزبنه بالمجلس دمع من ماي الجبين
علكنه رايات النصر. يرخص لبو اليمه العمر
هل محرم. هل محرم
&&&&&&&&&&&&&&&&&
ننصب مواكبنا ونحن لخدمة العام
بهاي السنه فكدنه شكثر مولانه خدام
جانو رمز لمحبتك وللمنبر احزام
راحو وتركو بينا اثر كل هاي الايام
يالخدمتك اعظم درس. يالنايم بحر الشمس
هل محرم. هل محرم
خادمه الزهراء
الشاعرة هالي نور
هذا دمعنه ياخلك عله حسين ومصابه
***
ياكلبي لاتنسه الجرح
بجروحنه انخلي الملح.....
ملاج ...خدامك فلح
والاه ظلت بس ذبح
والراس واكف عالرمح
والزهره تحضر مأتمه.....والنوح بس لصوابه
هذا دمعنه ياخلك.........عله حسين ومصابه
***
دمعات زينب والحرم
ورماد محروگه الخيم
مطروح شيال العلم
والعين طفاها السهم
والاه حسره بلا رحم
والعين ماتنشف بعد ....على حسين سجابه
***
ادموع ....ماتنشف بعد
وياك .....نبصم عالعهد
هذا....... لطمنه للأبد
يحسين منطينك وعد
مولاي من عندك مدد
هذا جرحنه ما خلص......وحزانه ادك بابه
***
واجروحنه ابكد كربله
تبقى المدامع هامله
ماننسه سبي العايله
احاه ينبلة حرمله
اكبر مصيبه ومعضله
هذا حزنه كل سنه......على حسين وصحابه
هذا دمعنه ياخلك....على حسين ومصابه
***
#تمت بعون الله تعالى
#خادمكم ...يوسف الفتلاوي
بصوت. مسلم المطيري
ياليل الوداع. غطينه بسمارك
كلمات الشاعر
قاسم الساعدي المندلاوي
بصوت. مسلم المطيري
يهل البخت حشمت نسوانكم
كلمات الشاعر
ابو فايز الرافضي
بصوت. مسلم المطيري
خلنه يرتاح. توه الشمر خلص ذبح
خلنه يرتاح. راسه وراه رفعت رمح
كلمات الشاعر
علي النائلي
بصوت. مسلم المطيري
ها قد اتى هلال. عاشوراء
كلمات الشاعر
محمد الجماسي
بصوت. مسلم المطيري
قبل لتروح اقره الفاتحه وروح
هم مذبوحه انه وانت مذبوح
كلمات الشاعر
علي جبار الكعبي
بصوت. مسلم المطيري
شمس الله گصدت للگمر
زينب تعنت. للگمر
كلمات الشاعر
سيد علي المدني
بصوت. مسلم المطيري
لحسين روحي خادمه واضربله صدري
كلمات الشاعر
سيد علي المدني
بصوت. مسلم المطيري
[[💔لسان حال مولاتي زينب ع تخاطب قمر للعشيره💔]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ونابت٠٠٠
بهيمه وألعده گبالي...........وانه بت
وسهم متربع بعينك...............ونابت
عينك ياهو اليشدهه
وسهم البين ماردهه
أختك من يساعدها؟
وعندي عايله بگدها
وطفلة تريد والدها
اندهت ماتسمع الندهه!
حرت لا ينسمع حسي..........وانا بت
القلع باب ألكفر وأهل الرديه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
العده نيرانها أخيمك..........وجنها
ورقيه من اللهب گشر.......وجنها
فرت خايفه وعثرت........وإجنها
خيول وزلم كلهم أعوجيه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ادور عليك ياعباس...............وينك
چني امن الشريعه استمع....ونك؟
تدري انت عمود البيت.........وإنك
كفال الضعن للفاطميه......!!!
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جهاد البصيراوي
صفين الردت لو خيبر
حيدر يا حيدر ياحيدر
وردت ايامك بالاكبر
حيدر يا حيدر ياحيدر
———————
بالحومة من طب الاكبر
زلزلها وطشرها وكبر
لا خله جيش ولا عسكر
هوس بالراية وعلاها
حيدر يا حيدر ياحيدر
وبچفة الراية شمحلاها
حيدر يا حيدر ياحيدر
———————
حيدر چنه بذيج الغارة
شايل ذرعانه وفقاره
ومن يدنه سيفه وبتاره
عزريل يهلهل وي سيفه
حيدر يا حيدر ياحيدر
حالف ياخذ منهم حيفه
حيدر يا حيدر ياحيدر
———————
ما خذ من حيدر عنوانه
چفه وصمصامة وايمانه
گامت تتراجف عدوانه
جاس الجيش وفره وداره
حيدر يا حيدر ياحيدر
ومنهم حالف ياخذ ثاره
حيدر يا حيدر ياحيدر
———————
مثل السيف تموت عينه
موت احمر تمطر جفينه
ضحه بدمة لاجل حسينه
گالوا حيدر يحصد بيها
حيدر يا حيدر ياحيدر
عدوانك منهو الينجيها
حيدر يا حيدر ياحيدر
———————
ما خذ زوده من عباسه
يردد يا حيدر بانفاسه
لا غانم ظل ولا راسه
من حيدر ما خذ كل فنه
حيدر يا حيدر ياحيدر
يا كاع التاويهم منه
حيدر يا حيدر ياحيدر
———————
من طاح الاكبر بالحومة
يشبه حيدر حتى بيومة
هم مثله الهامة المهشومة
ظل يبجي طه وقرانه
حيدر يا حيدر ياحيدر
عرش الله هتزت اركانه
حيدر يا حيدر ياحيدر
ابو علي
عبد الحسن القريشي
محرم 1447ه-2025م
قصيدة الليله الاولى
السلامُ على الغريبِ بالطفوف
السلامُ على السليبِ بالطفوف
؛★★★★★★★★★★★★★
سلام الله على المذبوح عطشان
سلام الله على السحگته العدوان
سلام الله على البيه دوت نيران
سلام الله على الذبحوله رضعان
السلام على الغريبِ بالطفوف
السلام على السليبِ بالطفوف
؛★★★★★★★★★★★★★★
سلام الله على المنگطع نحره
سلام الله على المرضوض صدره
سلام على المنكسر ظهره
من طاح الگمر من فوگ مهره
السلامُ على الغريبِ بالطفوف
السلامُ على السليبِ بالطفوف
؛★★★★★★★★★★★★★
سلام الله على الصابو جبهته
سلام الله على الگطعو رگبته
سلام الله على المسبيه اخته
سلام الله على المسلوبه بنته
السلامُ على الغريبِ بالطفوف
السلامُ على السليبِ بالطفوف
؛★★★★★★★★★★★★★
سلام الله على گلبه التصوّب
سلام الله على شيبه التخضّب
سلام الله على ثوبه التسلّب
سلام الله على الغيره اعلى زينب
السلامُ على الغريبِ بالطفوف
السلامُ على السليبِ بالطفوف
؛★★★★★★★★★★★★★
سلام الله على الذبحو رضيعه
سلام الله على الچفه گطيعه
سلام الله على نهج الشريعه
سلام الله على مگصد الشيعه
السلامُ على الغريبِ بالطفوف
السلامُ على السليبِ بالطفوف
؛★★★★★★★★★★★★★
سلام الله على النفس الزكيه
سلام الله على الروح الابيه
سلام الله على گبته الزهيه
سلام الله على العباس اخيه
السلامُ على الغريبِ بالطفوف
السلامُ على السليبِ بالطفوف
؛★★★★★★★★★★★★★
جعفر عطيه البزوني
يله يهل العزاء .... اتحزمو بالبكاء
انّشر ثوب الحُسين
في اعالي السماء
.....1.....
للقميص الدامي خل ننعى وننوح
وي ابو صالح نشد روح اعله روح
هذا اول يوم ليام الجروح
نشرو رايات السواد اعله السطوح
هذا يوم الحداد ... يله نلبس سواد
ونلطم ابحركه الصدور
في عزاء الجهاد
....2...
كل صباح وكل مسه المهدي حزين
عينه تجري من دمه الجده الحسين
جاب عمرة اينوح كل هاي السنين
وما بقاله امن البجي مهدينه عين
امن المسه للصباح ... المهدي نازف جراح
خل نواسي بالدموع
على جده الي راح
...3...
يله وسدو اصدوركم باللطمه حيل
حسين صدره اتكّسر بحافر الخيل
وينه اليواسي امامه بالعويل
ومن همومه التذبح اشوية يشيل
خل نوسد الصدور ... على كطع النحور
حسين جسمه فرهدوا
اودمه جاري بحور
...4..
هذا اول يوم من شهر المصاب
واجب اعله الروس ينهال التراب
نبدي بحسين ومصابه يالشباب
وي ابو صالح نردد هالجواب
المهدي شابع نحيب .... على الشيب الخضيب
والأشد عاشور اجاه
وحده عايش غريب
....5...
كلشي يالخدام بالدنية يزول
بس تظل خدمة حسين ابن البتول
الشهود اهواي لو ردنه نكول
مات حمزة واسمه كل مجلس يجول
باقي اسمه عطاء .. لمحه من كربلاء
صوته ابدأ ما يزول
عالي برض وسماء
...6...
يله نختمها القصيده ابهل دعاء
ربنه عجل في فرج راعي العزاء
وتحت راية نصرته اجمعنا فداء
امنيتنه انزور وياه كربلاء
نبقى نمشي بهواه ... ما نخالف خُطاه
بالزيارة الاربعين
ما نفارك ضواه
......
....تمت ...
كلمات
موسى الخادم
[[💔قصیده لمسلم بن عقيل _ع_💔]]
للموت وما دنگ راسه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
للموت وما مهتم إلهم
طشرهم بيده ولملمهم
إتصور وحده و يگللهم
تباً للطاغي وأرجاسه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
مسلم چن حيدر حملاته
ما ثنه وياهم ضرباته
ما تسمع بس تكبيراته
الكرار بفكره وإحساسه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
راجل و يقاتل خيّاله
وما رايد روحه الیدناله
حالف ما ينداس خياله
وما ينمس درعه ولا طاسه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
مسلم چان يقاتل وحده
وكل الكوفه تحارب ضده
أعداد أهما وعدهم عده
وحتارو من شافو باسه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
عطشان ومنهد كل حيله
إواحدهم بالسيف يشيله
ما گدروله الا بحيله
ربع الشيطان و وسواسه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
مسلم ما يتوصف وضعه
مهضوم وعافوه كل ربعه
والدم يتسايل من درعه
يا وسفه بي غدرت ناسه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
بحبال و گيد مربطينه
لا خاف ولا دمعت عينه
دار أنظاره لصوب حسينه
ويتمناه هو وعباسه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ما مهتم راح يذبحونه
ومن سطح القصر يذبونه
بس لحسين تهل عيونه
إعليه سلم بأخر انفاسه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خادم مسلم بن عقيل(ع)
جهاد البصيراوي
بصوت. مسلم المطيري
هل محرم. تحضرينه الخدمتك
كلمات الشاعرة
هالي نور
بصوت. مسلم المطيري
هذا دمعنه ياخلگ على حسين ومصابه
كلمات الشاعر
يوسف الفتلاوي
بصوت. مسلم المطيري
نـــــهار العاشر آلمنـــي وليـله
شحال المابقه بالطف ولي اله
اروح الرمــلـه اصبــرها وليله
ويم ام الرضيع انصب عزيه
~
حيدر بشار الدراجي
لطمية ليلة العاشر // الشاعر قاسم الساعدي المندلاوي
*
يا ليل الوداع غطّينه ابسمارك
يا ليل الوداع لا يطلع نهارك
لو طلع منك صباح يملي دلاّلي جراح
*
آه يا ليل المصيبة وآه يا ليل الحـــــــــــــــزن
تدري من يطلع صباحك يسحن اگليبي سحن
چم اخو عندي ايتگطّع بالحوافر ينطـــــــحن
چم خدر يحترگ ليّه وينذبحلي چم أبــــــــــن
يا ليل الوداع خلّينه انتوادع
يا ليل الوداع هذا آخر اموادع
لا تلبّسني النياح يملي دلاّلي جراح
**
هاك شوف اگلوب جمرة والكلام ابلا كــــــلام
نحچي بدموع ونياحة امن الحچي كلنه صيـام
بين أم تشبگ أبنهه وبين ابو ابعازة عمــــــام
وبين صرخات العطاشه وبين مأتم بالخيــــــام
يا ليل الوداع وصّلهه العمامي
يا ليل الوداع دمعاتي وكلامي
فجرك ابچبدي رماح يملي دلاّلي جراح
**
شوف هالشبان كلهم لو طلع صبحك يليـــــــل
تهوه برماح وبواتر يمهم ايطول العويـــــــــل
هذا حنّة عرسه دمّه وذاكَ بگماطه چتـــــــــيل
وعالشريعة اهناكَ ذخري وكافلي بدمآ غســيل
يا ليل الوداع كل لحظة تمرنه
يا ليل الوداع يتوجّر جمرنه
فجرك ابّيض الصفاح يملي دلاّلي جراح
*
مدري أحفظ يا وصيّة مدري اودّع يا شبـــــاب
وآنه عندي اعلوم بالطف منهم ايطول الغيــاب
لينه هُمّه احجاب چانوا من علي هذا الحجــاب
لو هووا بيش انتحجّب واحنه تربات الكتــــاب
يا ليل الوداع نشتم المناحر
يا ليل الوداع موعدهه البواتر
يحمل ابجيته سلاح يملي دلاّلي جراح
*
باچر ابأيدي أقدم ساعة الملگة المهـــــــــــــر
لابن ابو وأدري ليّه ما يرد لن ينّحـُـــــــــــــــر
تسع مية وألف طبرة احساب جسمه ينطـــــبر
ويبدي يا ليل اعله زينب من بعد عزهه الأسـر
يا ليل الوداع هيده ابهيدة إمشي
يا ليل الوداع ليلك خافي كلشي
وكت حي اعله الفلاح يملي دلاّلي جراح
فزاعيه
يهل البخت حشمت نسوانكم
.....................
يهل البخت هدو اعلينه
ومن الخيم طلعت سكينه
موش العذب ردنه والينه
فشله الغرب من تماشينه
صار الركض وحترگ صيوانكم
يهل البخت حشمت نسوانكم
.....................
ماتنحمل ياهلي العثره
وحسين افه عياله مطشره
ثوبه انسلب ونگطع نحره
كسرت غصن ينكسر صدره
فوگ الرمل طشرو شبانكم
يهل البخت حشمت نسوانكم
.....................
طش الخدر والركض صاير
بيش استتر والفكر حاير
تجوي الگلب غربت العاشر
حته الطفل ساحگه الحافر
صار الذبح ياهلي عنوانكم
يهل البخت حشمت نسوانكم
.....................
يالساده اجت غاره للخيمه
نحشم منو طاح ابوالشيمه
بدمكم هلي نترست الهيمه
لا في خدر لا بقت غيمه
عن الخيم منگطع شريانكم
يهل البخت حشمت نسوانكم
.....................
جابو هزل يهل المروه
اركب صرت يهلي بالگوه
بعين الغرب روحي تتجوه
زينب أنه وبلوتي بلوه
غفله وعلي تنهدم حيطانكم
يهل البخت حشمت نسوانكم
ابوفايز الرافضي
خلنه يرتاح توه الشمر خلص ذبح
خلنه يرتاح راسه وراه رفعة رمح
گطعوله توهم رگبته خلنه ياخذ راحته
خلنه يرتاح خلنه يرتاح
****
توه الشمر كمل ذبح ودمه يفور بمنحره
مگطوع راسه من الگفه وظليت ادور خنصره
وبگلبي اشعرحافرچ من الالم شنهو الجره
رحمن خواته اتاخرن ذيچه رقيه وتنظره
مابين العيون لتسحگن مخليه حرز
مابين العيون عبدالله غافي لايفز
نوم الهنه وي نومته خلنه ياخذ راحته
خلنه يرتاح خلنه يرتاح
****
الف وتسع مية جرح مرضوض من گد الطعن
عظمه وي لحمه وي الدمه مخلوط شعره وي الجفن
مدري كفاه مدري الصدر مدري النحر مدري المتن
مااميزه من كثر الدمه وعيوني عاميها الحزن
وبراسه اثار مصوب اخويه بجبهته
وبراسه اثار اكو ضربه بشفته
والكلفه چانت طيحته خلنه ياخذ راحته
خلنه يرتاح خلنه يرتاح
****
حار الرمل يچوي النحر وبلا غطه فوگ الترب
فوگ الرمل حر الشمس واسمع اخويه ينتحب
گوه اصبرت يم منحره حين اللي شفته منسلب
تعبان من گد العطش ياوسفه ماضاك العذب
متغير هواي موچنها ساعه من مشه
متغير هواي ومصابه گطعلي الحشه
چانت بعيده فرگته خلنه ياخذ راحته
خلنه يرتاح خلنه يرتاح
****
عيني عله چفه وحايره موعشره من شفت العدد
تسعه احسبتهن ياوسف والخنصر من ايده انفگد
يالخاتمك شذرة حزن ماشفته وگليبي انمرد
ظليت ادور عالچبد مبيوگ خافنه بعد
ياللطيحتك نار كلفه عليه ومعوله
ياللطيحتك نار شسويتي ها ياكربله
وبروحي ظلت حسرته خلنه ياخذ راحته
خلنه يرتاح خلنه يرتاح
****
فييتله بحر الشمس ذاري الترب ماينحمل
جرحه وسيع شمكبره. جرحه صعوبه يندمل
ومعذبينه بكل كتر. هجمت عليه زمرة قتل
سهام ورماح وطعن. وبكلشي بحجاره ونبل
ياوسفه مگلوب. من. الكفه صار الذبح
ياوسفه مگلوب. بالف وتسع مية جرح
أسمعها امي نادته. خلنه ياخذ راحته
خلنه يرتاح. خلنه يرتاح
****
الشاعر علي النائلي
ها قد أتى هلال عاشوراء
سيُنشر القميص يازهراء
ــــــــــــــــــــــــــــــــــــــ
شوفينه ثوبه البالدمه املطّخ
وي صرختچ عالضامي خل نصرخ
الما ماشي جدمه المجلس احسينچ
فوگ الصراط ابيا جدم يشبخ
ها قد أتى هلال عاشوراء
سيُنشر القميص يازهـراء
ــــــــــــــــــــــــــــــــــــــ
سايم اعليچ الـماشرب گطره
المذبوح بگماطه ونزف عمره
يافاطمه وطهري بصيرتنه
خنشوف خيل اللي ترض صدره
ها قد أتى هلال عاشوراء
سيُنشر القميص يازهـراء
ــــــــــــــــــــــــــــــــــــــ
شوفينه جسم الضامي الامحفر
اخذيني للطف ماي يالكوثر
الخيل تردم خيل شو صارت
عبّاس يمكن بالحصن شوّر
ها قد أتى هلال عاشوراء
سيُنشر القميص يازهراء
ــــــــــــــــــــــــــــــــــــــ
عالحادي خل تركض بواچينه
انوگف الضعن وانگله تانينه
وانلبس الناگه علگ أخضر
ونطلب حوائجنه من اسكينه
ها قد أتى هلال عاشوراء
سيُنشر القميص يازهراء
ــــــــــــــــــــــــــــــــــــــ
ابتوفيقچ احنه احسين نوصلّه
ومـاننسه خيره ورحمته وفضله
ابخيمة رقيّه انسوّي مجلسنه
ونتبرّك ابكاروك عبدالله
ها قد أتى هلال عاشوراء
سيُنشر القميص يازهراء
ــــــــــــــــــــــــــــــــــــــ
لو مانظرتچ كلشي مانسوه
مُرّه الليالي وخدمتچ حلوه
زحمه ابحضورچ عيني ماتدمع
انبچيهه والله الخاطرچ گوه
ها قد أتى هلال عاشوراء
سيُنشر القميص يازهراء
محمد الجماسي
#اللهم_عجل_لوليك_الفرج
قبل لتروح اقره الفاتحه وروح
هم مذبوحه انه وانت مذبوح
اخر نفس انت بريتي يحسين
:::: :::::
اقره الفاتحه مرتين اليه وهم الك يحسين احنه ثنينه ميتين باچر
اموتن انه من فرگاك لا تلگاني لا الگاك اعرف يسحگ بمكافك حافر
خطوه التمشي بيها انقص انفاس
فراگك شيب بويه وتارس الراس
كرهت الدنيا چي ما بيها الاثنين
ماكو حسين ابوي وماكو عباس
تعرف بيه جلد وعظم ضليت
كرهت البيت ما بي انت البيت
ما اعرف سفرتك وين ما وين
::::: :::::
الخيم شالوها كلها بساع وانه خيمتي بالگاع بروحة اهلي عمري ضاع كله
ردته يگلي بس تمشين ساكت جاي اشوف حسين بنتي يگلي شو تبچين سهله
اول ورده عاشت وسط صحراء
عطشانه الك ما ريدن الماء
رحيلك هذا بويه يخلف اجروح
من تروح راح اگضيها ويلاه
اخذني وحتى لو بس افرش افراش
گعدتي لوحدي واحد نص الانعاش
بيني وبينك شعنده اجه البين
::::: :::::
عبدلله اخذني وياه لا ينساني لا انساه باچر انه وين الكاه گلي
أخذني حتى الولي اعليه اشيله وساعه العب بي بس هو الي خلي خلي
اعرف ينفطم باچر بالاسهام
تهز بالمهد امه حسبته اينام
شلته شلون بيدك هو مذبوح
باچر گوه توصل يم الخيام
يوم لما اشوفك هذا مو يوم
بدون الگمر گلي شنفع النجوم
اصبر گلبي بس تدمعلك العين
::::: :::::
يالماخذ رقيه وياك اخذني وياها اترجاك لتخليني بس انعاك وادمع
تگعد يمي نص الليل طفله منين تملك حيل باچر تركض بنص خيل تطلع
باچر حتى ترچيتها تنباك
اختي ومالي حيل انه اعله الفراگ
تظل بس ذكريات وياي بالبال
تبعد خطوه انت وانه اشتاگ
راح اشتاگ لختي بويه اهواي
يموت الورد لو ما يوصله الماي
بعد يا روحي موتي ليش تبقين
::::: :::::
امشي وياك وين تريد بنتك كون ايد بأيد تتركني ابد متهيد روحي
عمتي وياك زينب هاي بس درتك تگلي وياي راح يزيد حيل اهواي نوحي
حافر ياخذك حافر يوديك
يأذيني تره الباچر يأذيك
اعرف شمر يگطع راسك بساع
راس وعالرمح باچر يخليك
ما احمل اشوفك جثه بالگاع
ماكو ضلع يسلم من الاضلاع
وياك شعدهم ايطلبونك بدين
::::: :::::
علي جبار الكعبي
الفاتحه لوالدي
شمس الله گصدت للگمر
زيـنـب تـعــنـّت لـلـنـهـر
من بعيد وتشم ريحته .. گامت تون لونته
زينب تعنّت للنهر .. زينب تعنّت للنهر
***
من طفت نار المعركه ووحيده ظلت بت علي
گصدت لنهر العلگمي والحزن نار ويغتلي
عباس اسمع چلمتي ظليت وحدي بلا هلي
جيتك يخويه اتشكرك طايح واشوفك كافلي
……………
مستحيه اجيتك واعتذر .. من غبت طگاني الشمر
من سمع سالت دمعته .. گامت تون لونته
زينب تعنت للنهر .. زينب تعنت للنهر
*
يا خويه ماريدن عذر آنه اللي جيت اتعذرك
وفّيت يانعم الاخو بهالجيه اريد اتشكرك
خلّيني ابوسن هامتك خلّيني اشمّن منحرك
ياگمر ياحلو الوجه ياخويه گلّي شغيرك
………………
مشكور اگولن للابو .. اختارك لزينب اخو
ميت وتنگط غيرته.. گامت تون لونته
زينب تعنت للنهر .. زينب تعنت للنهر
*
گال الهه ردّي لخيمتج طايح وبالخوه يهم
گالتله ياخيمه البقت بالحصل هم عندك علم
گال الهه حرگوهن اظن دخان اشمّن بالهدم
گالتله اخوتك عالثره واختك وحيده بلا زلم
……………
وحسين اخيك عالثره .. هم تدري گطعوا منحره
وشفافه حرك شافته .. گامت تون لونته
زينب تعنت للنهر .. زينب تعنت للنهر
*
شبگت اخيهه ودنگت من عدهه يتناگط ورد
وبروحه يحضنهه غده يحضن شلون بلا زند
نابت بنص عينه السهم ماگدرت لعينه تصد
وياك اجيت لكربله ارجع ويامن لو ارد
……………
وسكينه نطرت ردتك .. متروسه ترجع جربتك
تنزف اخيهه هامته .. گامت تون لونته
زينب تعنت للنهر .. زينب تعنت للنهر
*
ماقصّرت يابو الفضل مشكور وشويه الشكر
جفّك وعينك قدّمت بيد الله ياخويه الامر
گال الها باريه الضعن معروفه انتي ام الصبر
لحسين گوليله طلب عباس يلتمسك عذر
……………
مشتاگ اشمّه واطمئن .. گال الهه ويغمّض الجفن
لحسين ينده سمعته .. گامت تون لونته
زينب تعنت للنهر .. زينب تعنت للنهر
*
گالت مودّع ياكمر راح امشي ووداعك صعب
راح امشي عنك بس جسد يمّك اظل روح وگلب
وشلون اردن للوطن وبدونك شيگضي الدرب
لايتامك بياعين اصد لام البنين شلون اطب
……………
طاحوا اگلهه الاربعه .. والغالي يم المشرعه
وين الگه مثله وطيبته .. گامت تون لونته
زينب تعنت للنهر .. زينب تعنت للنهر
*
سيد علي المدني
لحسين روحي خادمه واضربله صدري
باجر تجيني فاطمه وتزوره گبري
وتكلي مشكور عالخدمه مأجور
وتزوره گبري وتزوره گبري
****
باجر يلفوني بچفن وبگبري ملهوف
منكر يجيني ويبتدي واتراجف بخوف
صاحتله فاطم عالولد لطمت هالجفوف
يم ابني شفته بكربله هالزاير يطوف
…………
بالمجلس اسمع ونّته ومغمض الجفون
وشكثر سالت دمعته تشهدله العيون
هالخادم يزور ** عالخدمه مأجور
وتزوره گبري وتزوره گبري
**
شكراً من الزهره الي تشفعلي ياناس
بهالچلمه من ام الحسن راح ارفع الراس
مشكور گالت للطم صدره عله عباس
لتخاف ضغطات الكبر لا تگطع انفاس
……………
الزهره يمّك لاتهم لو هالوا تراب
والنعم منّج والنعم يااغله الاحباب
لتخاف الكبور ** عالخدمه مأجور
وتزوره گبري وتزوره گبري
**
وياها اجت حرمه لچن ماتگطع ونين
گالـتلي اقره الفاتحه هاي ام البنين
گلت الهه مشكورة وصحت يم المساكين
ياما قريت الفاتحه والحاجه تگضين
……………
الباري انطاني بخت هاي الكرامات
هاي الشريفه لو دعت تتنزل آيات
منهه يشع نور ** عالخدمه مأجور
وتزوره گبري وتزوره گبري
**
لو رايد تعيش بشرف طيلة حياتك
لو ردت راحه بالگبر ساعة مماتك
اخدم حسينك من بعد صومك صلاتك
باخلاق زينب لو ردت ادب خواتك
…………
باخلاقك حسين انتصر يالتخدم حسين
من تخدم تغض البصر وتأدب العين
من يلفي عاشور ** عالخدمه مأجور
وتزوره گبري وتزوره گبري
**
من تخدم اذكر فاطمه تبجي على ابنهه
واذكرهه زينب من غده احمر متنهه
ماداعي تضحك بالـعزه اذكر حزنهه
الـطم لدمعة فاطـمه ون على ونهه
……………
خل يكضي يومك بالحزن واذكرهه الخيام
خل يجري دم من المتن وتواسي الايتام
مابيهه معذور ** عالخدمه مأجور
وتزوره گبري وتزوره گبري
**
سيد علي المدني
بصوت. مسلم المطيري
صفين الردت لو خيبر
حيدر ياحيدر ياحيدر
كلمات الشاعر
عبدالحسن القريشي
بصوت. مسلم المطيري
السلام على الغريب بالطفوف
السلام على السليب بالطفوف
كلمات الشاعر
جعفر عطيه البزوني
بصوت. مسلم المطيري
يله يهل العزاء
كلمات الشاعر
موسى الخادم
بصوت. مسلم المطيري
للموت ومادنگ راسه
كلمات الشاعر
جهاد البصيراوي
بصوت. مسلم المطيري
يحزام الظهر. طايح عالنهر
كلمات الشاعر
جهاد البصيراوي
