بصوت. مسلم المطيري
يزينب طاح بالميدان الحسين
كلمات الشاعر
جواد الخطيب
بصوت. مسلم المطيري
بالمصطفى والمرتضى وفاطم
ياربي عجل. بظهور القائم
كلمات الشاعر
محمد حسن ضيغم
بصوت. مسلم المطيري
نعي محرم الحرام 1447 هـ
يا دخلت الدار صعبه عليَّ يادخلت الدار
مـا بـيـه زوار بـعـد المـشـوا مـا بــيـه زوار
والصور تذكار على حيطانهم هالصور تذكار
مولاتي زينب تگول
وصلت الجسم اخوي.. ومنه عتني
الـنـذل وسـياط متني.. مـانعـتـنـي
موش اتگـول اخيـتي.. مـا نعـتـني
بكـثر مـا أنـعـه دگ الـسـوط بــيــه
مولاي السجاد يگول
صعدنه فوگ هزّل وسط بــيـده
وجسمي نحل من فرگاه بي داء
يمته ايـرد علـيّ ويصير بــيـده
يـمـسـح والـشـفـاء ايـعــود بـيــه
#خويدم_آل_محمد
#الشاعر_الميرزا_محمد_الساعدي
الشاعر المرحوم الشيخ كاظم منظور الكربلائي
آه يـحسـين ومصـابه .. لـجله العـين سچـابه
يـحسين يالذچـرك ابطـرف السـاني
وحاشـك لـن يـوم الـوعـد تنـسانـي
وآنـه اعتـقادي ابـدفتـرك عنـواني
وناجـح الصـار ابـدفتـرك عنـوانه
يحسين ريـجي الماي مايحلاله
من اتصـوره ادموعي تظـل هماله
اذكر رضيعك من يبس دلاله
ابـجمر العطش گلبه تـوج نيـرانه
ابـماي العذب يـحسين مانـتهنه
ويحـرم على اطفالك مـتشرب منه
چم طفل ظل يجـذب اعليه الونه
وچـم طفله ظلت ظامـية وعطشـانه
يـحسين عينـي من تصـد عـالشبان
اذكـر علي الاكبـر وشمعة عدنان
چني اشوفه امعفر اعله التربان
والذاري جسمه امچـفنه ابتربانه
يحسين لو عريـس عينـي اتشوفه
اذكر الجاسم وانتحب عالحـوفه
من دم وريده خضبوله اچفوفه
وتسحگ على اطفاله خيل عدوانه
يحسين والله من ذكرت امصابك
روحي توج ابنار مثل اطنابك
واهجس ابگلبي اصواب مثل اصوابك
وسهم المثلث بالچـبد نيـشانه
وين الانتظار (وزن تجليبه )
وين الانتظار ولوعة المُضْطَر
على الغايب يِعَجَّل طلعته ويظهر
★★★★★
استاهل عذابي ولوعتي ونوحي
غافل عن حبيبي اليدري بجروحي
العهد وينه ودعاء الندبه ياروحي
اذا تردين روح الغانمه يحضر
★★★★★
التعجيله يروحي گالت الاخبار
الصلاة على النبي وآل النبي الاطهار
وزيدچ راي لا رايچ يضل محتار
الواقع بالتمني شلون يتغَيَّير
★★★★★
وسلامچ وين كل مصباح للقائم
ونصرة دولته وكون العهد دايم
يجول بدولته ومتنعم الظالم
ملاها الدنيا طغيان وعذاب وشر
★★★★★
من بحر الضلاله وأزمتي رايد
نجاتي وما اهاب الظالم الحاقد
وهذي من صفات الناصر القائد
ويريد بمنهجه وبعلمه اتنَوَّر
★★★★★
ابد ميريدني طول العمر حاير
ولا الوم السنين وكل زمن عاثر
بعزم ابني حياتي وانتظر باچر
وماصيرن سبب لوعني يتأخر
الشاعر حسن لعيبي الحريشاوي
نعي قريض بحق علي #الاكبر . عليه السلام.. كأني بالامام السجاد ينعى اخاه علي الاكبر
اخِي ايَا عَضُدِي وَقُرَّةُ نَاضِرِي
سَنَدِي وَذِخْرِي يَا رَفِيقَ حَيَاتِي * *
أَعَلِي هَلْ حَلَّ الْفِرَاقُ بِنَا اخِي
عَنِي إِذَا مَا غِبْتَ حَانَ مَمَاتِي * *
عَانَقَنِي فِي شَوْقٍ وَلَهْفَةِ غَائِبٍ
حَتَّى يَفِيضُ الدَّمْعُ فِي الْفَلَوَاتِ * *
لَاخَيْرَ بَعْدَكَ فِي الْحَيَاةِ وَعَيْشِهَا
خَذَّنِي الهِي لَا ارِيدُ نَجَاتِي * *
انْ غَبْتَ عَنِّي يَا أُخَّيُّ فَإِنَّنِي
اِبْقَى اسِيرَ الشَّوْقِ وَالْحَسَرَاتِ * *
انَّتَ الْحَيَاةُ وَالْحَيَاةُ قَدْ انْطَوَتْ
وَالِانَ صَارَتْ مُؤْنِسِي عَبَرَاتِي * *
حَتَّمًا لِرُؤْيَاكُمْ اتُوقُ وَانْتَضِرُ
تَصْبُو لِدَرْبِ مَجِيئِكُم نَّظَرَاتِ * *
====================
اخوي حزام ظهري غرب وشال
يفـــراك الاخــــو للروح چتال
على ابن امي الحنين الآه تنگال
بعد عينك يغالي اتغير الحال
انحنه ظهري يخوية والحمل مال
-----------------------------
حنين ويالاخو ماكو بحنانة
سكن بارض الغرب يمكن نسانة
اذا راح الاخو محد مچانة
شما طال الزمن لجلك عزانة
اظل اصفج بدية اعله الجفانة
------------------------------
كل ساعة وشوفك چنك تعود
هسة ايرد عزيزي ونگعد اردود
صوتك دوم اسمعة اه يمفگود
واشوفن صورتك بالبال موجود
ما ابدل عليك اهدومي السود
وانه ادري علية بهاي منگود
----------------------------
الدار اعليك وحشة من عفتها
غاطيها الحزن من فارگتها
يسباح الگلب روحي خذتها
اموت وياك لو يحصل بدية
-----------------------------------
المصايب من رحت بعدك خونه (تعبنه)
جسمي والهظم والهم خونه (خاونه)
يالاكبر وين اكو مثلك خونه. (اخو النه)
اظل انعاك كل صبح ومسية
--------------------------------------
اسالكم الدعاء رائد الاسدي
بصوت. مسلم المطيري
احنه مستعدين. كلنه بخدمة حسين
كلمات الشاعر
حسن بشير السوداني
بصوت. مسلم المطيري
انه العليله شلون بفراگ الضعون
كلمات الشاعر
احسان الحميداوي
بصوت. مسلم المطيري
ابوذيات الليلة الاولى
من شفت الهلال انمرد .... گلبي
بچيتك لحد جفني الدمع ... گل بي
اذكرت سكنه يعمه اتصيح ..... گلبيه
اعله وجهه لا يضل فوگ الوطيه ...
بچت والزمت سكنه .. من ردنها
تگلها الخيل جثته ..... مردنها
الحوافر وذر شالن ..... ماردنها
يسكنه اتحيرت شيلمه اليه ...
شذكر يا هلال الحزن ... يا مر ؟
عگب عباس صار الشمر .. يآمر
اعله زينب والگلب ياناس .. يمّر جمّر صار جمر
عطش وامراكض او صارت سبيه ...
الشاعر ابو فاطمة الطائي
يا صاحِبَ الكفَـينِ واللِـــواء
يــا ليتنتا كُنـــــا بِكربــلاء
***
ياليتنـــا كنُــــا ويبـــــو اليمــه
وننطــي مناحرنــه كَبــل دمــه
نفَــرح العقيــلة زينــب واُمـــه
هنيــالــه هــذا النــال هالنعمــة
للحشرِ يبقــى العِشـقُ والـــولاء
***
عَــزَ وجَــلَ مـِن خلقنــه ألــكم
عالأنبيــاء والرُســـل فضــلكم
شرفـــكم وقدســــكم وجلــــكم
الله يلعنـــه ويخـــزي قاتلــكم
أغضبَ أهـلُ الأرضِ والسماء
***
حُبك يبــو فاضــل نَبـض بينــه
هـم مثـل عابــس بيــك جنيــنه
وي المراجــع حشــــد سوينــه
الحــاقد عليــكم نكــفر بدينــــه
ليــسَ بدِيـــنٍ إنــــهُ هُـــــراء ؟
***
يا ليتنــا نضــحــي مـع الأكبــر
اليـوم القيـامة بهاالشرف نفخر
فـــدوة إلـك مـا قيــمـة المَنـحر
ألمــن نظـــل وتنســبي الخِـــدَر
فـأيــــنَ مِنـــــا اِذَنِ الوَفـــــــاء
***
فدوة لك روحي وأغلى ما عندي
وفقنــي أصيـــر ابابـــك مجَــدي
وصــاني ابـوي بحبــكم وجَــدي
سَمَـــعتهَ لــولاد الصَـــنـــم رَدي
إنــــــا لِآلِ المُصــــطفى فِــــداء
***
شكَـــد حاربونه ومــا تركنـاكـم
ليــوم الحشـــر عبــاس ويـاكـم
كـــل قيمهَ مالـه الكَــال ننســاكم
بعنـــــه مَهجنـــه واشترينـــاكم
يـا سـادةِ الإحســانيِ والسَخـــاء
***
بالطـف يَريــت نمـــوت كَدامـك
كلشـــي ولا يحتركَــن اخيــامك
فدوة الكـــرة الأرضية لأيتـــامك
هيــچ الله ويسجلنـــه خدامـــــك
لَكــم نُقيـــمُ النــــوحُ والعـــــزاء
***
هيــچ ونجيــب المــاي لسكـينه
وكلمــن يقَــدم للكَمـــر عيـــنه
حيــدر علـــي هنــاك يجـازينـه
الشيـعي كــون يمــوت لَحسينه
لَهفـي علـــى المنحــورِ بِالعــراء
***
يوميــــة أبچــي لمــــن اتخيــل
اشلون زينـب صعدت على التــل
دم نبچــي لمــن نسمــع المَقتـــل
يلَوع اطفـــاله الســوط من يقبــل
يـا لائِمــــي لا اَتــــركُ البكــــــاء
***
ويالمهدي باچـــر نطلــب بثـارك
كل احنـــه يالعبــاس أنصـــارك
هنيــــالـــــهم بالجــــــنة زوارك
لأهـل المواكب والعـــزة مبـــارك
فَعِنــــدَ رَبـــي غـــــداً الجــــــزاء
***
حيدر حسين الكَرعاوي
حسين يريد ماي وجربتك يمه
يل ماشوف غيرك للحرب زلمة
ــــــــــــــــــــــــــــــــــــــ
حسين يريد ماي ويابسه شفافه
وانت العلگمي ماداير چتافة
الماي النه علينه شلون يتعافه
عدل والماي عنك ينلزم زحمه
ــــــــــــــــــــــــــــــــــــــ
ضاگت وانه دوم عليك متعودة
ياعباس اصيح بساعة الشدة
يارداد كلمن محد يرده
ياهزام خصمه المحد يهزمه
ــــــــــــــــــــــــــــــــــــــ
ياعز ال هاشم ساعة الكونه
حيد وماتعذر من يندهونه
ضاكت والحسين يدير بعيونه
سوي لروحتك صوب النهر همه
ــــــــــــــــــــــــــــــــــــــ
هاي الضامك عودك ذخر ليها
هاي الخلصت عمرك متانيها
وينك يبو حچاية الما تثنيها
خواتك زامطن واطيتهن چلمة
ــــــــــــــــــــــــــــــــــــــ
ها يحزام ابوي وعازته وذخره
ياجود الحسن يافرحة الزهره
راويهم بيسفك نارها الكبره
وبيد حسين جيب العلگمي وسلمه
ــــــــــــــــــــــــــــــــــــــ
لياخذ حگك بسابع سمه تلوحه
اليتجاسر عليك يجيبها لروحه
مثل حجايتك طگتك مملوحه
لو تطبر جبل بالصارم تثلمه
ــــــــــــــــــــــــــــــــــــــ
يا آيه وابن آيه واخو الآيه
كفو يل مادرت بالك للهوايه
المن يبعد اختك ضاله الرايه
مطروحه والاكبر مانشف دمه
ــــــــــــــــــــــــــــــــــــــ
هاي الخيل شنت ع الخيم غارة
وانت تدور اعلى المعركة دواره
غيرك ياخو زينب مالهم چارة
تعدلهم بسيفك والحچي تلمه
ــــــــــــــــــــــــــــــــــــــ
سبعين الف گالو جيشهم كله
گلت عباس ذولي يشوفهم قله
بس متاني زينب حيهم تگله
يگلب كونهم لو رادت تحشمه
ــــــــــــــــــــــــــــــــــــــ
يله يا ذخرنا اتوكل اعلى الله
وجيب الماي خل ينام عبدالله
ساجينا وجربتك دوم ما تخله
ياعباسنا اليغفه الطفل بسمه
رائد الناشي
عبدالله الرضيع عليه السلام 2023
حار السهم چوّاك
حز نحرك واذّاك
صوّب دليلي وياك
عبدالله يبني
عبدالله يبني
..........
يبني يا عبدالله فك عينك علية
ليش مذبوح بسهم ردّيت الية
منين اجتني كربله وسهم المنية
انشلّت ايدك حرمله شسوّيت بية
يا ارذل العدوان
گلبك صخر ما لان
تذبح طفل عطشان
عبدالله يبني
عبدالله يبني
..........
ادري ضامي ومانمت بحضان امك
تالي ودّاك الدهر لسهام خصمك
صوّبوك بسهم قاسي بطول جسمك
بين ادين حسين ابوك وسال دمك
يالعطّشوك هواي
بس ما شربت الماي
لا ظل فكر لا راي
عبدالله يبني
عبدالله يبني
..........
زغير نحرك والسهم ماخذ رگبتك
وبسمتك يوليدي مذبوحه عله شفتك
بين ادية مخضّب ومذبوح شلتك
لا نفس لا صوت بدموعي شبگتك
امّك يبعد الروح
مو دمعه ابچي جروح
حاچيني يالمذبوح
عبدالله يبني
عبدالله يبني
..........
من اجاك السهم حار شگال گلبك
وانت من كثر العطش متشوف دربك
صابك ورفرفت حدما خلص نحبك
باالمهد بعدك رضيع شچان ذنبك
والبي شطت مالوم
چان السهم مسموم
اول طفل مظلوم
عبدالله يبني
عبدالله يبني
..........
نومتك بحضاني چانت ليل ونهار
چنت اخاف عليك حتى امن الهوى المار
شلون لو خلّيت نحرك عالرمل حار
ينلّچم جـرحـك اكيـد ويستعـر نار
لو بيدي ما خلّيك
رمل الگبر يچويك
امشي وافكّر بيك
عبدالله يبني
عبدالله يبني
سيد زيد الفحام
ي سبيل الزهراء...عمري كله اقرايه
بالمواكب نشأتي...عاللطم نظراتي
أقره وي روحي عزه...واستمع وناتي
كبر عودي واكبرت...وحققت غاياتي
وانذرت عمري وقف...الفاطمه مولاتي
هالعشگ يامحلاه...عندي صار اكفايه
في سبيل الزهراء...عمري كله اقرايه
عندي عشره اويه الگلب...من زغر خاويته
دير بالك عالعشگ...ياگلب وصيته
چنه جاوبني النبض...إي نعم حسيته
الما يحب ام الحسن...والله ماحبيته
مدرسة عاشوراء...خرجت وفايه
في سبيل الزهراء...عمري كله اقرايه
الليله مجلس فاطمه...ابلهفه متعنينه
باچر ابيوم الحشر....حيدر ايجازينه
حيدريه وعالعهد....كل وكت يلگينه
صرخه والآخر نفس...مانعوف احسينه
يااباعبدالله....هذه اغله احچايه
في سبيل الزهراء....عمري كله اقرايه
من الولاده فاطمي .... مو عبث ميلادي
وفتخار بدنيتي.... اهوه بيت الهادي
ياعلي وفاطمه....كلبي دوم ينادي
هاذا من الله فظل...خادم الاسيادي
هالفظل ما انسا كون اوفي بهايه
اليله مجلس فاطمه....بلهفه متعنينه
باجر بيوم الحشر .... حيدر يجازينه
حيدريه وعل عهد...كل وكت تلكينه
صرخه والأخر نفس ... ما نعوف حسينيه
يابا عبد الله هاذي اغله حجايه
سيد علي الموسوي
#نعي
يزينب جَمّعي بنياتي كلهن
بالخيمه ارد اوصيهن واگلهن
التمن يلي محد شافج ضلجن
واندارن عليّ ياحنان كلچـــــن
يعلويات اوصيجن وگلجـــــــن
شما بيچن بعد حفظن خدرچن
يحتارن المامش والي عدهن
باجر من صباح الله يهــــدون
عليه وما إلي ناصر ولا عـــون
وانتن سوطهم يوصل للمتون
عگب خوانكم من ما يضلـون
محد يوصل الخوان عدهــــن
هذه اوداع واخر ليله هايـــــه
وتغبش من صباح الله المنايه
وانتن باجر تصبحن سبايــــــه
عبايه شدن بطارف عبايـــــــه
وعگد مالت سبايه كون شدهـــــن
يعلويات ياربات النبــــــــــوه
يمـــــن لخيالجن يرحو فدوه
باجر ع الهزل ترحون گـــــــوه
وظعن بس النسا من غير خوه
ولا موجود عباس الكفلهـــــن
يزينب ارد اكلفج ولو انتـــي
شفتي الظيم بالطف وتعبتي
اريدج باليسر عينج البتــــي
بحظنج گعديها لو گعدتــــي
ترى بنيتي السياط تخاف منهـن
وبعد بالشام وبذيج الخرابــه
تگعدن لا سگف بيها وترابـــه
الهظيمه لا اهلجن لا گرابــــه
واشد موقف تشوفن والغرابه
الگبل مايعرف يسولف يسبهـن
علاء شهــيد الحچامــي
حركوا خيمنه خويه يحسين
ألوين أتجه دلينـــــــي لاوين
........................................................
يالنايم بحر الشمس يـمك أجينــــــــــه
الشمر شايـل راسك ويفتر علينـــــــــه
فرن بناتك وأنسبن وأحنه أنولينـــــــــه
مو دمع خويه الفركتك لادم بجينــــــــه
دلينــه وين أو ألمن أنروح
هذا أنته فوك الرمله مذبوح
الوين أتجه دليني لا وين
...................................................
يحسين كلشي مــــا سلم منك وأحشمك
متطشر وصاير وصل وأشلــــون ألمك
يا خويه من كثر السحك ممرود جسمك
مسلوب دامــــي أمخضب وسابح بدمك
أمن الكفى راسك ويلي مكطوع
وبالحافر أمكسرات الضلـــــوع
الوين أتجه دليني لا وين
.......................................................
أتفرهدنه يا خويه وركض بالهيمه رحنه
حفاي من حــــر الشمس عالرمله طحنه
ألحك علينه حسين يــــــــا عباس صحنه
أتولانه بسياطه الشمر لمن لمحنـــــــــــه
هــــــــاي التطيح وذيج تلاح
أيفزز الميت صوت الصيـاح
الوين أتجه دليني لا وين
.......................................................
ما كفى كطع الراس خويه وهذا وضعك
النوب أجـــه واحد كعد وأيكص بصبعك
لا بيك فزعه ولا نفس تحجـــي وأسمعك
كـــــــون العمر ينباع يحسين أو أرجعك
جا شفت زينب خويه يا حال
عكبك وحيده ودمعـــي همال
الوين أتجه دليني لا وين
.........................................................
حسين خويه حسين كــــــــوم ألحك عليه
جتفوني بحبال ورحت عنــــــــــــك سبيه
محتاره ضليت وبقيت أصفك بديـــــــــــه
يا خويه أصبر روحـــي مدري ألزم رقيه
ذبلن أعيوني أمن البواجي
من سلبوا منها التراجــــي
الوين اتجه دليني لا وين
.........................................................
خادم خدمة الحسين
الشاعر
محمد الموالي
يزينب طاح بالميدان الحسين
عينج عاليتامه وعالنساوين
راسه عالرمح يالحره مرفوع
اجت خياله عشره تكسرالاضلوع
الخيم محتركه ماتطفي بدموع
شتيفيدج بعد لو سالت العين
لمي الاطفال التاهت بلوديان
مري أعله الذي ذبحوه عطشان
يزينب طاح بالميدان الحسين
*
كطعوا راسه واتوسد التربان
يحله هناك الج لمن تونين
خيه من الضرب ما تكدر تشوف
طفله وركضت من الصوط والخوف
عثرت والحزن ذبها اعله الجفوف
هناك اعله النهر حضنت الجفين
صاحت كوم ادركنا يعباس
ولا ناصر بقه النه ولا معين
خيمتنا أحركوها بنار الاحقاد
وسو بيها ضل بس علي السجاد
وبحبال اليسر جدامي ينكاد
عليل ويلتفد ليسار ويمين
حميده هناك ضربوها اعله المتون
رباب اعليها خيمتها يحركون
حرمه وين تنطي الوجه وين
وصلت يم جسد والدها بونين
صاحت كوم انهض ياضوه العين
يابو السجاد حركوها الصواوين
طولي الجان ماينشاف شافواه
وصوتي الجان ما ينسمع سمعوه
وحدي الجان ماينداس داسوه
وخدري الجان بحمايتك سلبوه
راسك على الرمح جدامي شالوا
وجسمك ياحسين كبالي سحكوه
علي السجاد ياوالده جتفوه
جم طفل وطفل بالنار حركوا
جم طفل وطفل جدامي ضبحوا
الشاعر جواد الخطيب
بالمصطفى والمرتضى وفاطم
ياربي عجّل بظهور القائم
ــــــــــــــ
متى ينادي الثأرَ للحسينِ
وبالضياءِ يملي كلَ عينِ
كنّا وما زلنا على يقينِ
بسيفهِ نحو الطفوفِ قادم
ــــــــــــــــــ
متى ترانا ونراكَ دوماً
قلنا وليسَ الامرَ صارَ حُلماً
انَا على الموعدِ يأتي يوماً
لِيشفي جُرحاً كان في الفَواطم
ـــــــــــــــــ
اين الزكيُ وارثُ الزكيّه
منتظرونَ الطلعَةَ البهية
عروقهُ تنبضُ هاشمية
فَيَسحقُ بالحقِ كلَ ظالم
ـــــــــــــــــ
مازالَ يبكي لأنينِ زينب
وَقَلبُها المُلَوعُ المُعَذّب
دماً دموعُ المهدي تبقى تُسكب
من ضَن ناس الطفَ فهو واهم
ـــــــــــــــــــــــــ
كيف له ينسى جراحَ الطفِ
ورايةً وقربةً وكفِّ
جسمُ الحسينِ الالف فوقَ الالفِ
جراحهُ وليسَ عضوٌ سالم
ــــــــــــــــ
يبكي دما في الصبحِ والعشيّه
انينهُ ما زالَ يا رقيّه
مكتوفةٌ مشتومةٌ مسبيه
الله فيما جرى فيكِ عالم
ــــــــــــــــــــ
الشاعر محمد حسن ضيغم
بصوت. مسلم المطيري
آه يحسين ومصابه
كلمات الشاعر المرحوم
الحاج كاظم منظور الكربلائي
بصوت. مسلم المطيري
وين الأنتظار ولوعة المضطر
على الغايب يعجل طلعته ويظهر
كلمات الشاعر
حسن لعيبي الحريشاوي
بصوت. مسلم المطيري
اخي ايا عضدي وقرة ناظري
كلمات الشاعر
رائد الاسدي
بصوت. مسلم المطيري
مثل لمح البصر وكتي ... لمح جار
انا المايوم من طولي .. لمح جار
كل الشام لا گاني .. لم حجار
شريد أشگف وانه حبالي بأدية
عبد فاطمه حسين طالب السماوي
أحنه مستعدين كلنه بخدمة حسين
======================
نعلن استعدادنــه احنه ويه اولادنه
نخدم ابن الزهره على درب اجدادنه
لو بده شهر الحزن باحزانه
محزمين لخدمتـــه تلكَانه
شما تمر السنين كلنه بخدمة حسين
=======================
نذر كل ايامنــــــه نشد كلنه احزامنه
كلشي عدنه نعوفه وانته بس جدامنه
بين موكــــب يطلع بزنجيله
وبين ناعي ينعه الك كل ليلة
صحنه بدمعة العين كلنه بخدمة حسين
=======================
هذا مجلس حاضر وهذا يطبخ ناذر
و اليعلكَ رايــــــة بيها ينلف باجر
شما تمر اسنين ويطول الدهر
هالعمر عاشور مو بس هالشهر
لو كَرب منه البين كلنه بخدمة حسين
=======================
اتعلكَت راياتـــه وابتدت مأساته
جمر فوكَ كَلوبنه من تمر ساعاته
ساعة ساعة نحسب لشهره ونعد
عله احــــــر من الجمر ننطر يرد
نصيح بصوت باقين كلنه بخدمة حسين
=======================
الناس منتظريها السنة ومتانيها
بفـــرح يتلكَوها واحنه ننحب بيها
الناس راس السنة تفرح من يجي
واحنه لاجل احسين نكَظيها بجي
نستقبل بالونين كلنه بخدمة حسين
======================
هذا صوت احبابك فدوه لاجل ترابك
ننذر احنه ارواحنه تضحية يم بابك
نستعد ونصيح صيحة اوفياء
نموت يحسين ويظل هذا العزاء
نبقى مستمرين كلنه بخدمة حسين
=========================
حسن بشير السوداني
قصيدة ثلاث دگات لسيدتي ومولاتي العليله ع
انه العليله شلون بفراگ الضعون
ومشبوحه ظهر النوگ وتهل العيون
----------------------------------------------------------------------------------
من صعدن عالنوگ كلهن خواتي
بديرة غر ب ضليت انطر مماتي
ابلا والد وخوان شلي بحياتي
وكل ظني گام يگول ماظنهم يجون
ومشبوحه ظهر النوگ وتهل العيون
----------------------------------------------------------------------------------
تطلع وردهه الروح وي طلعت النوگ
حرگة دليل ايتام دلالي محروگ
صوب المنيه بليل حادهم يسوگ
اربي بدمع ظليت وعليه يربون
مشبوحه ظهر النوگ وتهل العيون
--------------------------------------------------------------------------------
راحو ودمع العين من دم بچيته
شوگي الهم وي الطير بالهم حچيته
انطر علي ظليت وبون تنيته
احچي واگولن ليش يحبابي ترحون
مشبوحه ظهر النوگ وتهل العيون
----------------------------------------------------------------------------------
موحشه وظلمه ودوم ماتنطب الدار
ساكنه ادروب البيد وتنشد المار
بلكي اليجيني يجيب من عدهم اخبار
ويگلي اخوتج راح للديره يلفون
مشبوحه ظهر النوگ وتهل العيون
---------------------------------------------------------------------------------
بحرگه وحزن وهموم ظليت اتاني
تعبني حيل الشوگ بس يا زماني
راحوا وراح الحيل والهم لفاني
وكل ساعه اگل للروح باچر يردون
مشبوحه ظهر النوگ وتهل العيون
----------------------------------------------------------------------------------
غير العليل يروح وي ضعن الاحباب
مو يبفه بالحسبات ومگابل الباب
وكل مغرب بشوغات دلاله ينصاب
ويذكر مكان البيه چانوا يگعدون
مشبوحه ظهر النوگ وتهل العيون
---------------------------------------------------------------------------------
الشاعر احسان الحميداوي
بصوت. مسلم المطيري
ياصاحب الكفين واللواء
ياليتنا كنا. بكربلاء
كلمات الشاعر
حيدر حسين الگرعاوي
بصوت. مسلم المطيري
حسين يريد ماي وجربتك يمه
كلمات الشاعر
رائد الناشي
بصوت. مسلم المطيري
حار السهم چواك
كلمات الشاعر
سيد زيد الفحام
بصوت. مسلم المطيري
في سبيل الزهراء عمري كله اقرايه
كلمات الشاعر
سيد علي الموسوي
نعي بصوت. مسلم المطيري
يزينب جمعي بنياتي كلهن
بالخيمه ارد اوصيهن واگلهن
كلمات الشاعر
علاء شهيد الحچامي
بصوت. مسلم المطيري
حرگوا خيمنه خويه يحسين
الوين اتجه دليني لا. وين
كلمات الشاعر
محمد الموالي
بصوت. مسلم المطيري
للحرب سموني. من اطب يدروني
كلمات الشاعر
حسن صالح العيساوي
