محرم 1447ه-2025م
قصيدة الليله الثامنه (نزله)
انا عد عينك يَعم بس ردت كلمة نعم
؛★★★★★★★★★★★★★★★★★
لا تباوع على طولي وگامتي
شوف گدامك وباوع هيبتي
انت بس سلّمها بيدي رايتي
اگر عينك يالحسين بهجمتي
النصر بچفوفي نرسم انا عد عينك يَعم
؛★★★★★★★★★★★★★★★★★
انت ابوي وتاج راسي وموئلي
الدنيا من دونك بعد بيها شلي
ردت من عندك فقط كلمة بلي
بيمن انا اختلف عن ابنك علي
اثنينه بنفس القيَم انا عد عينك يعم
؛★★★★★★★★★★★★★★★★★
ياللي منزلتك بمنزلة الحسن
يا وطنه وغيرك شعدنه وطن
الموت دونك احله شي بهذا الزمن
انا مستعجل اطب جنة عدن
ارتفعت بروحي الهمم انا عد عينك يعم
؛★★★★★★★★★★★★★★★★★
مشتهي ملاگه الخصم ملگه الولف
والحماس بداخلي ما ينوصف
ما اهم يا عمي بالسبعين ألف
إلا اخلي الگاع بيهم تنخسف
عمي شيّال العلم انا عد عينك يعم
؛★★★★★★★★★★★★★★★★★
صح زغير العمر لكني ذخر
ما نقيس احنه الشجاعه بالعمر
عمي انا كفو ودگيت الصدر
وحگ عينك بيه باچر تفتخر
الخوف من يمي انفطم انا عد عينك يعم
؛★★★★★★★★★★★★★★★★★
علمتني من الزغر عمي درس
اقصى حد للجود جود البالنفس
العاش وياك وأخذ منك أُسس
شي اكيد الموت احله من العرس
سيفي يلهمهم لَهم انا عد عينك يعم
؛★★★★★★★★★★★★★★★★★
جعفر عطيه البزوني
مسّني الضر واعرفك ماتردني من اجيت
والله اموت شما عفتني ولو ندبت اسمك حييت
اذنب وأرجع اتوبن لون حر جان استحيت
يلّي ما باجي اعله غيرك بس الك نحت وبجيت
كيل وأملي عيوني دمعه
شمايروح الفكر رجعه
خلني مدمن عالمصيبه
وصوت ناعيّك اسمعه
ــــــــــــــــــــ
آنه محّد مثلي ضيّع فرصته واصبح سراب
وآنه مثل الراد يقره وشكَكَ اوراق الكتاب
جيت الك والغايه انت وياك مادوّر ثواب
أجهنّم اهون عندي وأسهل حيل من نار العتاب
استحي من الزهره باجر
بمجلسك ماجنت حاضر
غلطه هاي وانت تدري
ويلي من غلطة الشاطر
ـــــــــــــــــ
فدوه جتّفني ابمحبتك وخل اضل مسجون بيك
آنه هارب منك انت ولاجئ بكل شوكَي ليك
حتى لو تطردني ابقه ازحف ازحوف واجيك
وين ماتخاذني ارضى تره مخلّيهه عليك
فوّضت امري الجفوفك
وعهدي لمّك مااعوفك
انت سر من الحقيقه
موبشر يحسين اشوفك
ــــــــــــــــــــــ
الكَلب مخلوق المحبتك شلون يدخل بيه ثاني
كون انساك انه لحضه بموتت الذل من عساني
كاتب ابدمعي اعله جفني شلون انسه المانساني
حسين عن درب المتاهه حبك الدربك خذاني
أي وحكَ كَطعة وريدك
وذر اتكَطّع واريدك
خاف تنظر غيرك انت
عيوني فدوه امسحهه بيدك
ـــــــــــــــــــــــــــ
انت يا قربان زينب تشهد اعليك الطفوف
قدّمت كلشي امنجلنه النحر شاهد والسوف
طفل والخدر سبايه وكَمر مكَطوع الجفوف
واثر لسياط ال اميه جروح صارن بالجتوف
بت علي تصبح سبيه
وتنسلب بنتك رقيه
وصوت كل الحرم صاحن
منين اجتنه الغاضريه
ـــــــــــــــــــــ
الشاعر محمد حسن ضيغم
#قصائد_الليلة_الخامسة
أم البنين عليها السلام
#تربي_عيوني_الاثركم_خلف_الغبار
قصيده بعنوان : أم البنين (عليها السلام)
تربي عيوني الاثركم خلف الغبار
عني غبتو بس دليلي ويا لضعن سار
وحدي تاليتي اظل****فراكم ما ينحمل
عني غبتو بس دليلي ويا لضعن سار
گــبل الرّحِيــل--كبل ماودع الضعن--كـلــت البنـينــي
ردو الـيـعـيــل--عن ابـو اليمه وهله--نصرولي دينــي
ابدرب الطويل--بارو زينب والحرم--كـرولـي عينــي
صيرو سجيـل--بـل ابـابيــل وحجر--باثنـيـن ادينـــي
بيكم ارمي يالولد بالمعركه ارجاس
وزينب الحره ابحميتك يبني عباس
انت شيال الحمل****فراكم ما ينحمل
عني غبتو بس دليلي ويا لضعن سار
وداع الاحباب--زارع بـروحـي الـم--زيـد حـســرتي
حزني جلبـاب--دهري المفصله الي--مــوت فـرحتـي
بـعـد الغـيــاب--بيــه لافــاد الصـبـر--لاشـافـه عـلـتـي
اتنــه بـالبــاب--لمن ايصيـر العصر--ادخــل غـرفـتـي
افرش عيوني بدربكم كلشي ماشوف
بلكت تردون اليه من ارض الطفوف
انتظركم ما امل****فراكم ما ينحمل
عني غبتو بس دليلي ويا لضعن سار
اربع اولاد--فدوه واني وكل هـلي--الـولد الـزجيه
كلبي مـا هاد--لمن رحتو مـن الوطن--للغــاضـريه
خوفي يزداد--چيه ولا طارش وصل--منـكــم الـيه
عنـي ابعـاد--وانـه اتـنـه الـوحدي--ونـاري سريه
يبو فاضل وي اخوتك نور العيون
حيلي مهدود بهجركم شصبر شلون
يمه مكطوع الوصل****فراكم ما ينحمل
عني غبتو بس دليلي ويا لضعن سار
معنى للباس--من علي عدكم صفه--طبرت حسامه
صيرو حراس--للخيــم مــن تنصـب--يهـل الشهـامـه
يبنــي عباس--جـودك يروي الظمه--عنـدك عـلامـه
ارفـع الــراس--بيـكـم ويـم فـاطـمـه--يـوم الـقـيـامـه
بيضو وجهي يالنشامه ابيوم الحساب
ارد اواسي فاطمه بدمكم يالاحباب
من الهي ينقبل****فراكم ما ينحمل
عني غبتو بس دليلي ويا لضعن سار
وحدي بالـدار--بيهه ذكره ابكل كتر--خلتني اعانـي
مـاكـو اخبـار--منكم وطــال السفــر--لا خط اجاني
عقلي محتـار--خاف يغدرني الدهـر--وانـي اتـانـي
بيـن الافـكـار--شفت خوفي والامـل--وي الامـانـي
اسأل الجاي واكله شفت الحسين
وضعنه ماعندك خبر عنه نزل وين
ادعي بلم الشمل****فراكم ما ينحمل
عني غبتو بس دليلي ويا لضعن سار
شافـت العين--تركض الناس ابعجـل--صوب المدينـه
نـاعـي البيـن--هـذا ابــن حـثلـم وصل--صاح بونيـنـه
راح الحسين--وسفه راسه اعله الرمح--ومــوذريـنه
يــم البـنيـــن--والـكـمر مـتـكـطـعـه--يسـاره ويمينه
بس نساوين الضعن رد وي الايتام
وما الج بس الصبر يابنت الاكرام
والجرح ما يندمل****فراكم ما ينحمل
عني غبتو بس دليلي ويا لضعن سار
ـــــــــــــــــــــــــــــــــــــــــــــــــــــــــــــــــــــــــــ
كلمات الشاعر الحُسيني
المرحوم جاسم محمد الطائي
وصية بعد الموت
باجر لو متت أوصيكم احبابي
جمعولي القصايد كلها بترابي
ــــــــــــــــــ
لو حان الأجل أوصيكم بجانب
جمعولي القصايد بالقبر راغب
باجر انسئل لآل النبي شكاتب
وبـ أبياتي باجر يصبح اجوابي
ــــــــــــــــــ
من انزل حفرتي وتعتبر بيتي
خلولي قلم واوراقي بوصيتي
باجر من اموت والگة حريتي
بالبرزخ اكمل لوحة اكتابي
ــــــــــــــــــ
باجر من يجيني حسين ابو اليمة
اقرالة شعر عن حنصره ودمه
واقرالة اشتياقي لعالم الخدمة
لدموعي ولطمتي وحزني وثيابي
ــــــــــــــــــ
كتبوا اعله القبر خادم وابن خادم
كل عمري گضيتة اعله النحر هايم
مأتم ع القبر أوصيكم والازم
تنعون لمصابة مو على مصابي
ــــــــــــــــــ
لو رشيتو ماي بقبري والحفرة
ذكرو المات ضامي ودامي بالصحرة
جبدة تگطعت وشفافة متفطرة
واني استحي الماي يبلل اعتابي
ــــــــــــــــــ
خلو اعله قبر من جانبي الراية
لو رفت بصفي واعلم بهاية
يعني الاربعين وتمشي مشاية
ويحن قلبي بية واني بغيابي
ــــــــــــــــــ
الشاعر زين العابدين الشمري
مسلم بن عقيل عليه السلام
يالفارگتني. ريتك شفتني
مفجوعه والمدمع يصب. ريتك شفتني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مسلم يبويه بحيرتي. رحت وعفتني بهمي/ آنه حميده
طفله وهظم گلبي الدهر. وشكي الجرالي لعمي/.متمسكه بيده
يواسيني كلما انهظم بچفوفه يبرد دمي / بعدك وحيده
يشتد حنيني. يمته تجيني
يابويه ذوبت الگلب يمته تجيني
٠٠٠٠٠٠٠٠٠٠
ظليت اتاني عله الدرب. ما غمضتها عيوني/ ترجعلي يمته
مسلم يبويه امن الحزن. بعدك تغير لوني./ نورك فگدته
يا خوفي غدروك العده. بمصابك يفجعوني/ هذا العرفته
اول ضحيه. بين آل اميه
يابويه وحدك بالحرب. بين آل اميه
٠٠٠٠٠٠٠٠٠٠٠٠٠
يا بويه طولت السفر. ما بينك ومابيني/ غدرت زماني
ادعيلك بدمع الفجر. وتمنّه ما ناسيني./ لشخصك اتاني
كل غايب يعود لهلَه. بس انت ما تلفيني/ جرحك سباني
ارحم دليلي سهرانه ليلي
يا بويه ما عفت الدرب سهرانه ليلي
٠٠٠٠٠٠٠٠٠٠٠٠٠٠٠٠
كالولي غدروك العده. بالكوفه مسلم وحدك./ نقضت عهدها
ناس الاجتّك بايعت. يا بويه أمست ضدك./ نزعت جلدها
تبعت يزيد وعافتك. خانت ونكرت عهدك./ لا ذمة عدها
أهل الضلاله. تصلح محاله
العاشت على الذل والرعب تصلح محاله
٠٠٠٠٠٠٠٠٠٠٠٠٠٠٠٠٠٠
ذبوك من سطح القصر ودمك نزف عالغبره/ ما بايعتهم
جسمك يجرونه بحبل فدوه لحبيب الزهره/ ما ساومتهم
ماشفتك وگلبي انجرح. خنگتني بويه العبره/ يالعذبتهم
بزغري هضيمه. اصبح يتيمه
مو هيّن الموقف صعب. اصبح يتيمه
٠٠٠٠٠٠٠٠٠٠٠٠٠٠٠٠٠٠
لا راحه بعدك لا فرح ولا تطفه نار جروحي./ ما تدري بية
طفله وهظم گلبي الحزن. والحسره تچوي بروحي/ صبح ومسية
مسلم يبويه مصيبتك. زيدّت ونّي ونوحي./ ليوم المنية
هذا الجرالي. بعدك يغالي
راح امشي لديار الغرب. بعدك يغالي
سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مقدمه مسلم عليه السلام
سهرانه الليالي. ودعيلك يغالي
ترجع بالسلامه. يالشاغلّي بالي
٠٠٠٠٠٠٠٠٠٠٠٠٠٠
عزيزة گلبك وروحك. حميده الدلّلتني هواي
أحله سنيني وأيامي. ايامي العشتهه وياي
يمسلم بويه وعيونك. لا ظل لا فكر لا راي
من يوم الرحت عني. ظلمه ابغيبتك دنياي
طولت السفر ليش. بعدك تدري ماعيش
ابچي وانحب عليك. حال الثَكلَه حالي
٠٠٠٠٠٠٠٠٠٠٠٠٠٠٠٠
كل ليله بصلاة الليل. ادعيلك يبويه تعود
دمعي وسبحت مصلّاي. ونجوم الليالي شهود
هم ترجع بعد للدار. وتفتح بابك المسدود
تكعد وكعد بحضنك ترجعلي الليالي اردود
بعدك ماكو راحه. بس دمعه ومناحه
طفله وفارگتني. ما تدري شجرالي
٠٠٠٠٠٠٠٠٠٠٠٠٠٠٠٠٠
كالو بويه للكوفه. رحت ونگطعت اخبارك
لا طارش ولا مرسال منّك يرجع لدارك
بين ظلوعي وبگلبي. تدوي وما طفت نارك
خذت آمالي وسنيني. وبقت بعيوني آثارك
يمسهّرني وينك مشتاگه لحنينك
مسلم ياهوى الروح. عن حالك سؤالي
٠٠٠٠٠٠٠٠٠٠٠٠٠٠٠٠٠
أهل الكوفة غدارين. ما عدهم وفه وإيمان
إلا القلّه من عدهم عدهم شيمة الصحبان
يمسلم لا يغدرونك. احذر من بني سفيان
ما عدهم وفه ولادين. هواهم يتبع الشيطان
حس گلبي بهضيمه. راح اصبح يتيمه
أهل الكوفة غدروك. واقع مو خيالي
٠٠٠٠٠٠٠٠٠٠٠٠٠٠٠٠٠٠٠٠٠
عمّي حسين ناداني. لاشكّ الخبر عنده
بويه بحجره خلاني. وعنك دمعتي تنشده
ظل يمسح على راسي ونزلت دمعته بخده
يعني اتيتّمت ويلاه. بويه وزادت الشده
مسلم يا حميده. ضحّه بدم وريده
هذا اني ابمچانه. ارعاج ابدلالي
٠٠٠٠٠٠٠٠٠٠٠٠٠٠٠٠٠٠٠٠٠٠٠
تكتل قصّة مصابك يابويه وسفك دمك
من سطح القصر للگاع. آمر تنرمي خصمك
مسلم بويه والاعظم. ينجر بالحبل جسمك
الله يلعن ابن زياد. وكلمن خانك وذمّك
مفجوعه بمصابك. مهضومه ابغيابك
طفله ويتّمتني. يا بويه شبقالي
سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اساس ١ محرم
ياحادي الضعون بعجل أنصبها الخيام
اهنانه مقر العائله والقائد العام
هاذي أرضنا كربله ألبيّها حجه سيد الملا
ياحادي الضعون
1
ياحادي نوخ بالضعن اهنانه محط كل الحرم
انصب خيمنا بكل كتر يم الخيم انصب علم
خليني أكلك وافتهم يالحادي بالأمر الأهم
بهاي الأرض كال النبي بشهر المحرم تُسقى دم
هم تدري عن هـذا الخبر لو عندك أخبار
رأس الحسين أعله الرمح يرمونه بحجار
ومنه تروح مدللة ألبيّها حجه سيد الملا
ياحادي الضعون
2
من هسه يالحادي تره ماكو وسيلة ولامل
الخطر واصل للخيم والجيش بالحومة نزل
لو عاشر محرم دنه تتجه لاوين الأهل
الاخو عاري بلا نحر والجسم يتكطع وصل
هاذي حقيقة ولاتظـن هاذي علامات
باجر نحيب المرضعة يهز السماوات
هاي المصيبة الكاملة ألبيّها حجه سيد الملا
ياحادي الضعون
3
كل يوم يتساوه بسنة وكل حسرة تتساوه بجرح
يالحادي وشطوله العتب بين الخدر والمنذبح
الليل مابي كل فجر والفجر مابيه كل صبح
عبد الله عينه أعله السهم وحسين عينه أعله الرمح
والطفلة تنظر للكمر والكلب لهفان
وتكله باجر عالنهر توكع الذرعان
هاي الأخبار العاجلة ألبيّها حجه سيد الملا
ياحادي الضعون
4
يالحادي لو راح الكمر عمره الدمع ميرجعه
العين تنصاب بسهم وجفوف أديه مكطعه
من المخيم للنهر هلبت عتابي يسمعه
يحميني من سوط الشمر ويكوم من المشرعة
يقبلها راعي المرجله أنجر بالاحبال
مدري أحير بمحنتي مدري بالعيال
وسط الكلب جم معضلة ألبيّها حجه سيد الملا
ياحادي الضعون
5
ياريت ماسار الضعـن من المدينة الكربله
طلعت رسايلهم دغـش وتبدلت بيها الهله
النار تنظر عالخيم وعالحبل عين مدللة
وكل صوب بي سيف ورمح وحسين ناصر ما اله
أتلاثه وتلاثين إلف من هسه ناوين
بخيل اعوجيه تهجم وتسحك عالحسين
تبت يداه القاتَلّة ألبيّها حجه سيد الملا
ياحادي الضعون
6
كلشي انتهى وهذا الأمر مكتوب من رب السمه
أحنا سبايا أعله الهزل وأخواني كلها مدممه
بس المصيبة الكربله لو حضرت أمي فاطمة
وتشوف ابنها أعله الثره وضلوعه كلها مهشمه
لو شافت حسين الاخو ومدد أيديه
مره تضمه أعله الصدر مره تشم بيه
الجثة كلها مفصله ألبيّها حجه سيد الملا
ياحادي الضعون
شطرةЧитать полностью…
امجد صاحب الشطري
بصوت. مسلم المطيري
وازينباه. وازينباه
كلمات الشاعر
ابو فدك الشامي
بصوت. مسلم المطيري
عينه اريد شغلها بيه
كلمات الشاعر
محمد البنداوي
نعي بصوت. مسلم المطيري
نعي الى العليلة عليها السلام
عصفت بهم ريح الفراق رحيل
والدهر أعمى والفؤاد عليل
والدار امست بعدهم في حزنها
مكبوتة لفراقها التهليل
يادهر بضعوني ارحلت وين
عافوني وحدي وعني ماشين
جا وين ابوي وكرت العين
الكال اردلج لاتحيرين
محتاره يابويه واعاني
ويفتر علي فره زماني
مرسول منك ما اجاني
وانا أنتظر بمسايل العين
تجري الدموع لفركه الأحباب
وتروح روحي لدكة الباب
لوحيدتي والأهل غياب
ومتانيه ضعون المرحلين
عني رحلو وانه وحيده
وديارهم بأرض البعيده
الغالي ابوي اليوم أريده
وأنه رايده ايرد البعيدين
اهلي مشو لديار غربه
وفراكهم كلساع اجربه
مر الهجر والروح تعبه
تريد الأهل يلفون هالحين
محمد النوري
يحميني يحميني بالكبر يحميني
****
انه كل عمري كضيته بالمجالس
ابلايه مجلس تلكه عندي ماكو واهس
علماني اعله العشك مولاي عابس
وكل سنه الخدام عالخدمه تنافس
سميني سميني مجنون سميني
***
لو سالني سال وكلي الاهل وين
انه ما عندي اهل بس اهل الحسين
انه كل عاشور اخدم جبت السنين
وادري عد الله جبيره دمعة العين
ينطيني ينطيني صك منه ينطيني
***
من يجيني الموت كلها تروح عني
والمعاصي والذنوب تحوم مني
عله حسين دموعي باجر ينفعني
بساعه المحشر يعالم ذخري ذني
يرويني يرويني امن الحوض يرويني
***
من يشيلون الجنازه وبيه يمشون
كلي يالميمون كون اعليه يقرون
انه مو لهلي اديرن راح العيون
عيني للهيئات والبيها يلطمون
يدريني يدريني حبيته يدريني
***
بحفرتي لو نزلوني ورشو الماي
يحضر الكبر اكيد حسين مولاي
وياهو اليحاجيني والعباس وياي
عله اعمالي امن انسال ما تيه الراي
بيميني بيميني وكتابي بيميني
***
من يجيني منكر وشايل كتابي
حسين يتكفلني من يبدي بحسابي
يمحي كل ذنوبي ويطهر ترابي
انه خادم للحسين اختم جوابي
ويكفيني يكفيني هالفخر يكفيني
*
تمت
تحسين الخفاجي
ــــــــــــــ
شلون تطلع والزلم تبرالهه
لو شفت يامرتضاهه شحالهه
٠٠٠٠٠٠٠٠٠٠٠٠٠٠٠٠٠٠
شحالهه لمن نوه الحادي يشيل
والصباح بعينهه بظلمة الليل
حايره بين اليتامه والعليل
حيل مابيهه وثجيله احمالهه
..................
شلون تمشي بلاكفيل ولاحمه
وهي بالعز والكفالة محشمه
يابو فاضل هذا يوم الموزمه
بصوتهه تنده لعد كفالهه
................
تنده ودمعاتهه من دم تصب
صعبه ياعباس نمشي وي الغرب
خاف للكوفة يبوفاضل نطب
وتدري بالكوفة وردايه افعالهه
................
شلون تطلع بت علي عقد الوله
الچانت بجال الاخوان مدلله
هسه لنهه محيره بطف كربله
تحوم بين خيامهه وعيالهه
،،،،،،،،،،،،،،،،،،
تحوم بين الخيم مكسورة گلب
تصيح ياعباس ومتيهه الدرب
مخدرتكم طلعت بين الغرب
وشافهه المايوم شاف خيالهه
،،،،،،،،،،،،،،،،،،،،،
ياحسين تصيح عالتل اوچبت
ظلمه صارت والشمس هالغربت
والعده علينه يخويه تحزبت
كلهه فزعت خيلهه ورجالهه
،،،،،،،،،،،،،،،،،،،،
نزلت من التل لچنهه محيره
تعنت لعباس سبع الگنطره
تگله لحگ عالخيم ليهن تره
وصلت النار وتچوي اطفالهه
،،،،،،،،،،،،،،،،،،،،
ليك اجيت وردتك لحالي تشوف
شفتك بهالحال مگطوع الچفوف
وصحت وينك ياعلي احضر بالطفوف
وشوف اميه وشوف شين افعالهه
،،،،،،،،،،،،،،،،،،،،،،،،،،
خادم الحسين ابو اسحاق الفحام
أجرك الله يلحسن.... بهاي المصايب والمحن
شكد مصايب جرن بلغاضريه
......@@@@.....
بيش اعظم أجرك بياهيه اواسي
هوايه هنه سيدي وشيبن راسي
من اكولن ياحسين اكطع انفاسي
ويامصيبة كربله الشيبت راسي
اشسوت ببن عقد الوله....الله يعملة كربله
شكد مصايب جرن بلغاضريه
........
عظم اجرك سيدي بهاي الفحيعه
غيرة الله اعله الارض ظلت صريعه
جفوف اخوك مكطعه فوك الشريعه
يعني كافل مابقه يم الوديعه
ظلت وحيده بلا ولي... مسبيه بت حيدر علي
شكد مصايب جرن بلغاضريه
.......
شكد مصايب سيدي منين ابدي بيهن
شلون اسولفهن الك وشلون اعدهن
من الفواطم ابتدي الحركو خيمهن
لو عله السوط الصبغ ازرك متنهن
بجعب الرمح لو ينطعن... لو ينظرب سوط المتن
شكد مصايب جرن بلغاضريه
......
وارد اسولفلك بعد اعظم مصيبه
لازم اتوضه اذا طاريها اجيبه
الجان اسمها زينب الحره النجيبه
هسه سموها السبيه والغريبه
الجانت اميره بلخدر....هسه سبيه عد شمر
شكد مصايب جرن بلغاضريه
.....
يعينك الله سيدي شتحمل مهجتك
واعتذر منك اذا أني انه سئلتك
يامصيبه سيدي الأذت جبدتك
غدر جعده لوسبي من راحت اختك
سمك اشد يبن النبي... لوزينب الراحت سبي
شكد مصايب جرن بلغاضريه
....
حلم عد زينب تجي بحنته تهني
جفوف جاسم عمته اتمنت تحني
شماتباوع علشمع مو هنه ذني
الخيم لو مدري الشمع كالت جوني
لاصحنه جاسم زفته...وحني الشباب بحنته
شكد مصايب جرن بلغاضريه
فارس حساني العبودي
هاشمي عنوانك
والحرب ميدانك
حي الله الأكبر
*******
دخنت سوح الوغى....من يطب راعيهه
حادث الطف يمتلي....بصولته يصفيهه
علي الأكبر لو زعل....... كربله يمحيهه
رايته رايته علي.......ابيمنته ايعليهه
اعلنت برهانك
والحرب ميدانك
حي الله الأكبر
*******
تنحني رؤؤس الزلم.....من يمر اعليهه
رفعت ايديهه نعم.....اتذكرت ماضيهه
من نزع بيها ركض......ما ستر تاليهه
نفسه ينعاد الأمر.......بالوغى يبچيهه
حيدري ابيمانك
والحرب ميدانك
حي الله الأكبر
*******
چنه عزريل وحضرها......لو نزل واديهه
ذكر ابخيبر علي.......ملحمه يسويهه
صارت البيده بحر.....بيده يحصد بيهه
شافوا الأكبر علي.......عاد خيبر ليهه
تنتهي عدوانك
والحرب ميدانك
حي الله الأكبر
*******
اترجل اعليهم يجي......هاشمي يبديهه
چنه حيدر لو حمل.......بالحرب يفنيهه
يبتدي بيهم لگط.......والجمع يطويهه
بكر ابن غانم شرد.....چن صقر يصليهه
كربله اوطانك
والحرب ميدانك
حي الله الأكبر
*******
صوگرت والطف هدل....ابغيرته ماليهه
كلها معزومه بصقر........باچر ايوديهه
ملحمه تصبح غداً......بالقصص يرويهه
هيه بغضت حيدره.....العادته ايعاديهه
برهنت طوفانك
والحرب ميدانك
حي الله الأكبر
*******
تمت بعون الله تعالى الشاعر___يوسف_الفتلاوي
بصوت. مسلم المطيري
صاح جرح ام البنين
يا حبيبي يا حسين
كلمات الشاعر
زين العابدين الشمري
بصوت. مسلم المطيري
مسني الضر واعرفك ماتردني من اجيت
كلمات الشاعر
محمد حسن ضيغم
بصوت. مسلم المطيري
تربي عيوني الأثركم خلف الغبار
كلمات الشاعر المرحوم
جاسم محمد الطائي
بصوت. مسلم المطيري
باچر لو متت أوصيكم احبابي
جمعولي القصايد كلها بترابي
كلمات الشاعر
زين العابدين الشمري
بصوت. مسلم المطيري
يالفارگتني. ريتك شفتني
كلمات الشاعر
سيد زيد الفحام
بصوت. مسلم المطيري
سهرانه الليالي. ودعيلك يغالي
كلمات الشاعر
سيد زيد الفحام
بصوت. مسلم المطيري
ياحادي الظعون
كلمات الشاعر
امجد صاحب الشطري
بصوت. مسلم المطيري
ـ اســتــقــبــالاً لـــعـــاشُــــوراء ـ
1447 هــــ
ـــــــــــــ
حـزنـك مـن يُــمــر يـحسـيـن ڪـل عــام
مـراسـيـم الـعــزا تـبـدي بـحـزيــن الـطـور
جــرح وبــكــربــلائــك بـــاقــي لــلآن
بــي نــبــرة عــشـك والـگـلـب مــفـطــور
وي رفـــعـــة الــرايــة تــسـمـع الــنّــاس
مــامـــثــلك ابــد يــاشــهــرعــــاشــــور
مــن حــمــزه الــزغــيــر چــان يــنـعــاك
لــحــد هـــسّــا تِـڪـلـه انــت مــأجـــور
خــلّ تــزعــل الــدنـيـا الـمـهـم ارضِــيــك
يبـو الاڪـبـر ولارايــد رِضــى الـجـمـهـور
هــنــيــالــه الــيـخـدمـك صــدك مـــولاي
تـــاخِـــذ بِـــيــده الـــزّهـــراء للــــنُّـــــور
يالـمَـڪـسـور ظَـهــرك بـيـمـن نـجــازيـك
ولـــسّـــا سَــيـدي عـالڪُـمـر مَـڪــسور
ـــــــــــــــــــــــــــــ
ابـو فــــدك الــشّــــامــي ✍🏻
ـ لــيــلــة اهـدعــش مُـحـرم الـحـرام ـ
1447هـــــ
ــ نـــزلـــه ــ « واَ زَيـــــنــبــاه»
واَ زَيــــنـــبـــاه • واَ زَيــــنـــبـــاه
ــــــــــــــــــــــــــــــــــــــــ
لــيــلــة الـوحـشـه والـعـقـيـلـه بـحـسـره
تـنـاشـد بــدمـعـه الـحـبـيـبـه الـڪُـبـرى
ويـــن يــابــاالـــغـــوث ويــن الـــزّهـــره
واَ زَيــــنـــبـــاه • واَ زَيــــنـــبـــاه
ــــــــــــــــــــــــــــــــــــــــ
ويـــن يــابــاالــغــوث يـابـــويـــه عــلــي
امنــيــاتـي بــگــربــلـه ذبـــحـــو اِلــــــي
راح ابــو الـــســجّــاد يـاشـمـعـة هـــلــي
واَ زَيــــنـــبـــاه • واَ زَيــــنـــبـــاه
ـــــــــــــــــــــــــــــــــــــــــ
مـاڪـو خــيــمــه تــلـوذ بـيــها اِلـعـيـال
بـالـضِـمــه يـومـيـن عـطـشـانـه الاطـفـال
راح سَـــيـــِّـد الــــــمــــاي وراح الـــدّلال
واَ زَيــــنـــبـــاه • واَ زَيــــنـــبـــاه
ــــــــــــــــــــــــــــــــــــــــ
بــعــد ابـوفـاضـل فـلا شـفـت الـضــوه
راحــت احـلــى ايـام عـشــنــاهـا ســـوه
ابــلايــا گــافــل يـعـنـي غـربـه نـيـنــوى
واَ زَيــــنـــبـــاه • واَ زَيــــنـــبـــاه
ــــــــــــــــــــــــــــــــــــــــ
راح تــبـدي غُــربِــتـي وحــانَ الــرحـيــل
مــابــقـــى وللــــشّــــام إلا الــقـــلـــيـــل
مـنـيـن اجـيـبـن بـالـسـبـي چــف الـگـفـيـل
واَ زَيــــنـــبـــاه • واَ زَيــــنـــبـــاه
ــــــــــــــــــــــــــــــــــــــــ
ابــو فـــــدك الــشّــــامــي ✍🏻
((شور))
عينه اريد شغلها بية
حتى ميصد الرقية
انطيته نحري + انطيته صدري
حتى ميصد الرقية
خويه زينب * خويه زينب
ــــــــ ❁ ❁ ــــــــ
الحبال شگد ثخينه ونعم من الماي أديها
صوط ماشفته اعله گدها من عمت عيني عليها
خويه لو شفتيها ركضت انته بس جلبيلي بيها
اكثر من الذبح زينب راح توجعني بجيها
زغيره وكبار اليجوها
الراح تلتم اعله بوها
خويه احلفج بالزجية
وما اريد ايعذبوها
انكسر ظهري
انطيته صدري
حتى ميصد الرقية
خويه زينب * خويه زينب
ــــــــ ❁ ❁ ــــــــ
طفله متعلمة اعله ابوهه وبلوه ياهاي المسيه
خويه كل ركضه بدمعها راح تلجم جرح بيه
جنت من أشتم نحرها بيه اشم عطر الزجيه
الجانت أتنام اعله صدري شلون من تركض سبيه
شفتي لو گربت منيتي
خويه عينج على بنيتي
حيل لو ماشفتي بيه
انهظم كونج بجيتي
خويه صبري
انطيته صدري
حتى ميصد الرقية
خويه زينب * خويه زينب
ــــــــ ❁ ❁ ــــــــ
أنذبح مرتين زينب راح من أبنيتي تمشي
كون اشيلنها واشيلج شيب ياخويه اعله رمشي
طفله بس عدها المحنة وعدها من الزهرة كلشي
وراح اموتن انه هسه والتراب ايصير نعشي
وانتي لو شفتي الذبحني
خويه زينب وخري مني
بسد عباتج ضمي بنتي
ما اريد اشوف عيني
جرح عمري
انطيته صدري
حتى ميصد الرقية
خويه زينب * خويه زينب
ــــــــ ❁ ❁ ــــــــ
وينها او ين المواجع والشمر فوگاها يفتر
ألزلمه من يركض يحدب هي طفله شلون تگدر
خايف من اشوف زينب جف اخوي وراس الأكبر
خويه غمضي عيونها انتي لحد ما عل موت تصبر
وراح تتلگه بحضنها
صوط وي هيجلها ونها
خويه احسهه شگد خطيه
تحدب ومو طفله جنها
بكلشي تدري
انطيته صدري
حتى ميصد الرقية
خويه زينب * خويه زينب
ــــــــ ❁ ❁ ــــــــ
جثتي من اضل يزينب راح اليغطيهه همهه
والشمر لو جاب راسي خويه لتخلينه يمهه
يرجع يطگ بمتنها و ييبس اعله الثوب دمهه
وراح تطشر رقية خويه بس ياهو اليلمهه
وراح يرتاح بضربهه
والشمر يشلع گلبهه
وحيره يا هاي المسية
طفله وتضيع دربهه
ودمهه يجري
انطيته صدري
حتى ميصد الرقية
خويه زينب * خويه زينب
ــــــــ ❁ ❁ ــــــــ
الشاعر محمد البنداوي
للهجرة 1447
ميلادي 2025
الامام الحسين وآخر وصاياه إلى مولاتي زينب ؟؟؟؟؟؟؟؟؟؟؟؟؟
لحن الكلام بقناة الشاعر محمد البنداوي
بصوت. مسلم المطيري
يحميني يحميني. بالگبر يحميني
كلمات الشاعر
تحسين الخفاجي
ببصوت. مسلم المطيري
شلون تطلع والزلم تبرالهه
كلمات الشاعر
ابو اسحاق الفحام
بصوت. مسلم المطيري
أجرك الله يالحسن
كلمات الشاعر
فارس حساني العبودي
بصوت. مسلم المطيري
هاشمي عنوانك. والحرب ميدانك
كلمات الشاعر
يوسف الفتلاوي
بصوت. مسلم المطيري
[[💔أبوذيات للقاسم بن الحسن المجتبى ع💔]]
كأني به عليه السلام
جاء لأمه مسرعاً فقال لها:
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ييمه بساع گومي .............ودعينه
وحيد حسين اشوفه.......ودي أعينه
كلساع اعله صفحه ...........وده عينه
ساعه أعله الحرب ساعه لرقيه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
قاتل حتى قُتل ونادى أدركني عماه
ذهب اليه الحسين ع وضعه في حجره
وقال :
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
أويلي عليك ناشف.........ماي عينك
يعز والله اعله عمك..........ما يعينك
شلون العدو یبني ...... ما يعاينك
وانته كالحسن بالغاضريه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
رجع الحسين للخيام يحمل القاسم ورجلاه تخطان الأرض
رأته مولاتي زينب نادت:
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
گلبي الدهر ياما.........قاسه منه
وشملنا هالنوايب..............قاسمنه
فلا أنسه ألي نادت .....قاسم ألنه
وگع ياناس بأرض الغاضريه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جهاد البصيراوي
صاح جرح ام البنين
ياحبيبي يا حسين
ــــــــــــــــــ
من گبل ما اموت خليني اشوفك
ياحبيب القلب وبدمعي اطوفك
هذا جرحي يصيح من فدوه لحروفك
انذرتلك ولدي يا يمه بطفوفك
وناذره كل السنين
ياحبيبي يا حسين
ــــــــــــــــــ
يا ضواي وبيك اتنفس يغالي
اني صح يا يمه ما واحد بقالي
خل اشوفك ياحبيبي رد سؤالي
يطول عمري وقلبي يمه و يصفه بالي
يصفه بقليبي الحنين
ياحبيبي يا حسين
ــــــــــــــــــ
والله احن لشوفتك بس مو بديه
ارجع وشوف المصيبه الي عليه
انعمت عيني ييمه شصار بيه
الك مشتاگه حبيبي ولرقيه
وما سكت بيه الأنين
ياحبيبي يا حسين
ــــــــــــــــــ
بالگبر ونـي عليك وللحبايب
دنيتي ماتسوع عندي وانته غايب
عندي والله تهون كل هاي المصايب
والله بس لذبحك انته قلبي شايب
ينذبح بيك الوتين
ياحبيبي يا حسين
ــــــــــــــــــ
ابقى يا ييمه بوداعي وبرحيلي
وبحياتـي وبمماتـي لو تجيلي
انطي كم عباس منذور بسبيلي
امنية قلبي حسين وتعتنيلي
قلبي بيك ويستعين
ياحبيبي يا حسين
ــــــــــــــــــ
الشاعر زين العابدين الشمري
