بصوت. مسلم المطيري
دمعي من عيني تفجر
كلمات الشاعر
قاسم الساعدي المندلاوي
بصوت. مسلم المطيري
بين الخيم والمشرعة ايتامي
كلمات الشاعر
علي الزرگاني
بصوت. مسلم المطيري
عباس خويه حميني
ظلمت عليه سنيني
كلمات الشاعر
ابو سلام الجابري
بصوت. مسلم المطيري
من ودعوني. من فارگوني
كلمات الشاعر
حسين كاظم الطائي
بصوت. مسلم المطيري
يالتسافر للعراق ابعث كتاب
للأهل بالغاظريه وبي عتاب
كلمات الشاعر
قاسم الساعدي المندلاوي
شوط كربلائي بصوت. مسلم المطيري
يادار ارحلوا يادار اهلي بعلتي خلوتي
كلمات الشاعر
محمد دعبل النوري
بصوت. مسلم المطيري
وداعا. خويه ماشوفك بعد
كلمات الشاعر
انيس الخفاجي الكربلائي
بصوت. مسلم المطيري
الخدمه شرفنه. وبيهه انعرفنه
كلمات الشاعر
حيدر بشار الدراجي
بصوت. مسلم المطيري
مايرجعون
صوت بالدار ويرد بيه الصدى
كلمات الشاعر
حسن موسى النافع
بصوت. مسلم المطيري
بالمراجل محتزم. شاب ومبچي الزلم
كلمات الشاعر
فاخر الشبيبي
بصوت. مسلم المطيري
حسينا واحسينا. واحسيناه
كلمات الشاعر
حسين المنصوري
بصوت. مسلم المطيري
ياشهر كلما تهل
كلمات الشاعر
ابو اسحاق الفحام
نعي بصوت. مسلم المطيري
ويه الفجر حمل ظعنهم
كلمات الشاعر
ابو علي الركابي
نعي بصوت. مسلم المطيري
#قصائد_محرم_1447
ــــــــــــــــ❀○•○•○☆○•○•○❀ــــــــــــــــ
#نعي
لمولاتي العليلة صلوات الله عليها
ويلي عله الثگلت عللها
وعن دارها ظعنت أهلها
ويا ارحالهم ما مش رحِلها
لحال العليلة تدمع العين
•••
يا والدي ويا كل اهلنه
منهو لبعد عِزْكم بقى النه
دهر المصايب شت شملنه
ومهموم حال ابنَيْتك حسين
•••
يا هو اليسد وحشه فراغي
والمن بعد اكعد واناغي
للسافروا ارسل بلاغي
التمت عليه اوجاع صوبين
•••
اناْ فاطمة وعمر الطفولة
بعد الاهل واضح ذبوْله
وياي الماسي شكد عجوله
شلّت حياتي چن علي دَين
•••
ناظم الفضلي الكربلائي
#تراث
عالمشرعة العباس .. صاب السهم عينه
أحا يا سهم العین .. وانكسر ظهر حسین
(وأحنه انگطع بينا)
ــــــــــــــــــــــــــــــــــــــ
گابلت شاطي العلگمي و فجر دمعها
(وأحنت ضلعها)
صرخت وديعة فاطمة بصرخة فزعها
(وأحنت ضلعها)
یاگمر هاشم مصرعك لأختك فجعها
(وأحنت ضلعها)
جتال اخوك حسين .. فرهد صواوينه
و السهم والعامود .. گطع جفوف الجود
(واحنه انگطع بينا)
ــــــــــــــــــــــــــــــــــــــ
عباس تذكر ساعة اللي طلعتني
(وانته اكفلتني)
ماحرمة مثلي تدللت يالدللتني
(وانته اكفلتني)
مكتوبلي سوط العده يطگني على متني
(وانته اكفلتني)
شوف الزمان شلون .. صابت نياشينه
يالمنفگد شوفك .. وانگطعت أچفوفك
(واحنه انگطع بينا)
ــــــــــــــــــــــــــــــــــــــ
عباس تذكر ناگتي من جهزتها
(بيدك گدتها)
فوگ الحرير برايتك من برگعتها
(بيدك گدتها)
و عالناگة تذكر يا عقيلة الركبتها
(بيدك گدتها)
ولكربله بحماك .. ياخوية طبّينا
ماچنت اظن عالماي.. ينهدم سور حماي
(واحنه انگطع بينا)
ــــــــــــــــــــــــــــــــــــــ
عباس فاتني و مشن بيض الليالي
(كل چاره مالي)
وإنطوى بطيحة رايتك عزي و دلالي
(كل چاره مالي)
زينب انه و ما شافت الوادم خيالي
(كل چاره مالي)
أصفن وأحاجي الروح .. وين الخدر وين
نادتني خدرچ راح .. طاح الِموَزّم طاح
(واحنه انگطع بينا)
ــــــــــــــــــــــــــــــــــــــ
چنه بطريج العلگمي جسمه يتگلب
(صاح اعله زينب)
عتبچ ضهدني ولا تكثرين المعاتب
(صاح اعله زينب)
سبیچ و نيران الخيم بالگلب تلهب
(صاح اعله زينب)
تدرين اخوچ شحال .. ما بينچ و بینه
وآنه ادري بيك اشصار .. مخك غده طشار
(واحنه انگطع بينا)
ــــــــــــــــــــــــــــــــــــــ
عتبي يابو فاضل تره و النَحِب والنوح
(من لوجة الروح)
حگ المعتاب عالعدل مو على المذبوح
(من لوجة الروح)
وآنه ادري بيك امگطع اعالشاطي مطروح
(من لوجة الروح)
أعتب وأريد عتاب .. گلبي يسليني
وأنت الأجل وافاك .. و اتغسلت بدماك
(واحنه انگطع بينا)
ــــــــــــــــــــــــــــــــــــــ
چم نايبه الما تنحمل شفت بزماني
(زينب تراني)
لاويت دهري ولا تضن دهري لواني
(زينب تراني)
وسهم الشماته فگس اعيوني وعماني
(زينب تراني)
والشامت بهل يوم .. عمرت دواوينه
واشلون اطب ديوان .. وانتم عله التراب
(واحنه انگطع بينا)
الشاعر المرحوم
الحاج كاظم المنظور الكربلائي
(351)
#اللهم_عجل_لوليك_الفرج
لطمية للعليلة ع
الشاعر قاسم الساعدي المندلاوي
**
دمعي من عيني تفجّر عالوجن جمرات حدّر
أنتظرهم ورد خبرهم هالنسل كله توذر
**
أتأمل واتاني ليلي يتبع ليـــــــــــل
من ثڴل المرض بيّه فلا ضَل حيل
ويّه هالمرض دمعاتي مثل السيـل
أشعر هالسفر منه ألف يا ويـــــل
أدري بيه ما منه رجعة والدَليل اتسبڴه دمعة
من سفرهم ورد خبرهم هالنسل كله توذر
****
عليلة وعلّتي منعتني هالســـفرة
واليفارڴ محب چن ينحفر ڴبره
ما يدري اشجراله حاير ابأمــره
ولا رحلة تجارة وتنتهي ابفتــرة
ڴلبي خبّرني عليهه أبد ما مرتاحة ليهه
امساهرة الهُم ورد خبرهم هالنسل كله توذر
*
آه امن الدهر غطّاني بهمومــــــــــه
من جاني الخبر تغسيله بدمومــــــه
أبوي وكل عمرنه واجب انصومـــه
نصوم امن الفرح عالسلبوا اهدومه
خبّرتني عنّه أخته بالحجر شجّوا جبهته
ودعتهم ورد خبرهم هالنسل كله توذر
***
رد ضعن الإمامة وبيه بچي وانياح
لن اختي سُكينة تڴلّي يختـــي راح
أبونه اخلافه شيرجّع زمــان الراح
نبچيه كل مسيّة يختي كل مصـباح
حتى من عبد الله ڴالت من وريده ادموم سالت
ونّي منهم ورد خبرهم هالنسل كله توذر
**
صحت جيبوا رقيّة بيهه أتسلّه
عن عبد الله مني أخذته النبلــة
ڴالوا بالخرابة ماتت الطفلــــة
ما ڴدرت تغسّلهه ألمغسلــــــة
ڴالوا الطفلة رقية اتخاطفتهه اسياط امية
راسلتهم ورد خبرهم هالنسل كله توذر
**
ولا واحد بقه من اهلي ليه أنظـــــــر
وآنه من مشوا اليجون انطــــــــــــر
فجر يتبع فجر ما انام ابد أنطـــــــــر
وباحلامي يرجعون آنه صرت اصبر
رَد لݘن كثّر عويلي وبجرح صوّب دليلي
مشوا كلهم ورد خبرهم هالنسل كله توذر
ابين الخيم والمشرعه ايتامي
بالطف تهيم أونار بخيامي
الشافوني باجر مايعرفوني
باجر تسولف قصتي اعيوني
غريبه. غريبه
...............
يمي اخوتي وباجر اتخطر اذا حان السفر
الهضم باجر والمدامع طابعه ابعيني صور
تبدي قصة هضم زينب ياهلي بگطع النحر
اليله يم اخواني اميره وباجر ايخون الدهر
من هسه تخطر سالفه ابالي
لاخيمه تبگه وميت الغالي
مثل امي اصيرن من يهضموني
باجر تسولف قصتي اعيوني
غريبه غريبه
.........................
يخنگ الدخان طفهه ومايصح حته الهوه
ابنص نهار الله وندور عگب الحسين الضوه
چم جدم عايش دلاله ابلا ذنب من انچوه
باجر الروح ودمعتي حگهه لو طلعن سوه
كل طفله تركض اركض وياهه
خافن يچل اليل وانساهه
واعليهه خصمي ما يدلوني
باجر تسولف قصتي اعيوني
غريبه غريبه
............
نار وخيام وعساكر والسمه تنعه الامام
وباجر الطف لونه صاير يشبه ارماد الخيام
ديره مالك عرف بيهه ما اتأمن من تنام
وآنه اخوي حسين ميت واقره عالطف السلام
صوت الحوافر ياكل ابروحي
كلما يسحگن لچمن اجروحي
راس الاخو عمدن يراووني
باجر تسولف قصتي اعيوني
غريبه غريبه
..................
ياشعوره الفاكد اخوه ايعيش وياه الالم
عشت قصه بيهه حسره تنعه منحر والخيم
الله الايحابر مصابي وحالي اكبالي انرسم
طف جبح وابلايا رحمه وسوط اليرافگ حرم
تخلص الحيره وابتدي بحيره
عدواني ما تعرفهم الغيره
ابلا رحمه هالوادم يشتموني
باجر تسولف قصتي اعيوني
غريبه غريبه
.........
هاي صاحت وين ابونه وذيج التناديني ماي
وانه محتاره ابغربتي والهضم يفتر وراي
شح نفس طفهم علينه وحتى متغير هواي
والعطش ماكل لهاتي لچن يعرض مستحاي
بت الرساله تبات بالهيمه
ياهلنه لحگو مابقت خيمه
حيهم صحت ويصبن اعيوني
باجر تسولف قصتي اعيوني
...................
ما بگت خيمه التلمنه اوين اخياتي تبات
جنهن اسروب الامتيهه ويم عباتي امجلجلات
واشد هم الغاضريه البيه صوبنه الفرات
حيهم العباس وينه صحنه گالو عنه مات
يابو الفضل سويلهن جاره
تدري ابخواتك يمي محتاره
جيت ابضعنكم لاتعوفوني
باجر تسولف قصتي اعيوني
غريبه. غريبه
................
ضكت وضايع ضواهه وگامت الحومه تهب
دمه ومن صوت الحوافر كربله ماتنجهب
كلهه تطلب ثار منه مايصح بيهه اليحب
ناس ماعدهم محنه ومايهم ماينطلب
صار اغله كلشي الماي للراده
واعلينه خصمي بانت احقاده
وللسبي وسفه حاضره ضعوني
باجر تسولف قصتي اعيوني
غريبه غريبه
خادم اهل البيت علي الزرگاني
الفاتحه الى روح والديه
زنجيل
عباس خويه حميني…….. ظلمت عليه سنيني
عباس ياخويه بظعن حرمه وصفت محتاره
وسوط الشمر فوگ المتن ماسولف عله خباره
بعدك حرت بيش انتخي ماكو بعد كل جاره
ولو شايف جفوف الحرم دم وصفت تجاره
هيج الدهر يوليني…….. وسوط الشمر ياذيني
عباس رتك من اجو شبو خيمنه علينه
ويتام كله تجمعت وتصيح عمه حمينه
احمينه من هاي العده وهاي الجت تسيبنه
شو عمنه راح ومارجع تنشد عليك سكينه
هذ الحجي الياذني…….. ماظل دمع وبعيني
خويه الدمع وشل تره من جدمو بلهزل
مثل الورد من العطش هيج الطفال وتذبل
جابو الماي وما رضت تشرب تكول اتحمل
شلون نشرب ماشرب منه الحسين مدلل
جمره بگلب تجوني……. .يامي جا يرويني
ياماي نشرب ياعطش والخيل داست صدره
شماغمض وشفت الشمر ومثني ويحز نحره
عباس اروي من الدمع وبصدري ميت عبره
وحسين اشوف عمامته مسلوبه منه الخضره
جندوب اظل بونيني……… يل رايح وناسيني
ريح بعد عينك حرت وشلون اخلص ايامي
انته الكفيل بهل الضعن ياخويه ميت ضامي
وي موتتك راح العمر ماتت جميع احلامي
وظليت اسولف بلمظه بعدك عشت بوهامي
الهم تره مسليني……. يلرايح مخليني
ابو سلام الجابري
مـــن ودعونـي مــن فارگونــي
وحدي خلوني بغربتي ودمعي يجري
،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،
گوطر ظعنهم وعشت بحزنهم
ماچني منهم چني غريبه
ليلي ونهاري عشت انكساري
بالفرگه داري دار المصيبه
ياروحي اصبري هيچ انه قدري
ياگلبي تدري الراح شيجببه
طالت حسرتي ،، وانه بغربتي
عايشه بآهات حزني وملني صبري
،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،
انه العليله بالهم نحيله
ليله اعله ليله احسب يجوني
احچي وي روحي ياروحي نوحي
وترد جروحي يمكن نسوني
طول سفرهم وعيني لاثرهم
احساب احسبلهم وخابت ظنوني
حالي ترده ،، وشده اعله شده
محد بحالي عگبهم بيه يدري
،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،
شفت المصايب بدار النوايب
فراگ الحبايب يعمي النواظر
وحدي اتركوني اهلي وجفوني
واصرخ يجوني يوميه باچر
گلبي الهواهم لا مانساهم
عشت بجفاهم مكسورة خاطر
مانمته ليلي ،، ونار بدليلي
اه يانار الفراگ بروحي تسري
،،،،،،،،،،،،،،،،،،،،، ،،،،،،،،،،،،،،،،،،،،
ردته مماتي من ذكرياتي
شلي بحياتي اتمنه موتي
طفله وزغيره وبالهم چبيره
حيره اعله حيره بفراگ اخوتي
صارت بعيده عبدالله اريده
من الزم ايده يغفه اعله صوتي
عبدالله غالي ،، ظل مهده خالي
هسه لو عبدالله يمي افديله عمري
،،،،،،،،،،،،،،،،،،،،،،، ،،،،،،،،،،،،،،،،،،،،،،،،
ولارض المدينه ردت ظعينه
لاچن حزينه ومابيها رايه
وناعي الرزيه من صد عليه
من الغاضريه ردن سبايه
گال وسمعته حسين وعترته
بالطف تركته ظلوا ضحايه
وهاي الچبيره ،، زينب اسيره
وبالظعن ماكو رقيه گومي انظري
،،،،،،،،،،،،،،،،،،،،،،،،، ،،،،،،،،،،،،،،،،،،،،،،،
حسين كاظم الطائي
حماسيه للعليله (ع) // الشاعر قاسم الساعدي المندلاوي
***
يالتسافر للعراق ابعث كتاب
للأهل بالغاضريه وبي عتاب
****
يالتسافر هاك اخذ هذا البريد
لابو اليمه حسين قرأن المجيد
لاجل دينه گاصد ايحارب يزيد
وانتظر منهم ألي يرد الجواب
****
طالت الغيبه ولا واحد رجع
أضن گلبي ابهالمضاعين انفجع
صوت للنايحه باعماقي ارتفع
ايگول آمالچ صفت مثل السراب
***
گل لابوي اتگول بنتك يا عذر
عنده من هالغيبه يحچي ويعتذر
عشت أيامي ابمأسي وبعسر
أحسبلهه طالت ايام الغياب
**
بالحشه النيران تلهب والچبد
كثرت الحسبات من هذا البعد
عاود ابهيبه وجلاله وبمجد
الدنيه بعدك يا أبو العترة خراب
*
أشرح ابهاي الرساله اللي جره
ابحالي من ابعد ابن خير الوره
أگضي أيامي وحيده وحايره
وحيرتي ذبتني بهموم وعذاب
***
ابيا أرض حطّوا وسلكوا يا درب
والخواطر تتجه شرق وغرب
هسّه همه بسلم لو حالة حرب
صار عندي النوح زادي والشراب
***
الينتظر تعلم اشحال الينتظر
الساعه لو مرت عليه چنهه دهر
لو تذكّر حاله يصبح منكسر
وآنه ساروا مني للغربه شباب
***
للعقيده قرروا نفدي النفوس
وعالخطر بگلوبنه انفوت وندوس
وحرب نعلنهه على الملحد ضَروس
وما يهمنه اشما يحل بينه مصاب
الى فاطمة العليلة عليها السلام
(شوط كربلائي)
يادار ارحلو يادار
أهلي بعلتي خلوني
خوفي اتطول الغيبه
وتضل مناطره عيوني
*---------------------*----------------------*
عليله وعيني أعلى الباب
تتبعهن الخطوات
عيوني ينضرن لاهلي
وبعيوني اشكثر جلمات
معقوله يدار احسين
راحت منج الضحكات
اهلج سافرو يادار
بيج الفركه شعلت نار
عيوني للمشو مدرار
عيوني اعليهم اتنادي
ليش بعله عفتوني
*----------------------*---------------------*
اخاف من الهجر يا ناس
واخاف الظعن مايرجع
واخاف اتطول الفركه
بعيني يطول المدمع
واخاف اخواني لو راحو
عليهم قلبي يتصدع
الرضيع يكثر اجروحي
لله الامر ياروحي
المهد خالي وعليه نوحي
اناغيله ويناغيلي
بس اطيوفه بجفوني
*---------------------*-----------------------*
لخواتي تنظر عيوني
خذتهن مني بويه حسين
عين لسكنه تنظرها
وتنظر حد رقيه عين
العمري وياهن اكظيته
خذاهن عني سهم البين
شلون اكدر لفركاهن
اخذني بويه وياهن
اريد امشي أعلى ممشاهن
العليهن يجرى يجرالي
بويه وياكم اخذوني
*---------------------*----------------------*
بنيتك بويه واترجاك
اخذني أبرا لضعونك
اريدن بويه امشي وياك
رفجه ويه اليماشونك
واذا ماترضى خليني
اكون ويه اليخدمونك
يبن الزهره اترجاك
اريدن بويه اكون وياك
ما اكدر انا بلياك
اموتن بويه بفراكك
أموتن من تعوفوني
*--------------------*-----------------------*
يهل الغيره لتروحون
العليله تنادي اسمعوها
أهلها وحقها ترجاكم
وحدها لاتخلوها
الاهل والخوه والآمال
بيها لاتموتوها
وياكم موتي اريدنه
التشوفونه اشوفنه
و اون وياكم ابونه
وادوسنه جمر الخيام
وياكم لو يحركوني
*---------------------*---------------------*
محمد دعبل النوري
وداع
وداعاً .. خويه ما شوفك بعد
وداعاً .. ما يظل عندي احد
وداعاً .. هاي فرگة وللابد
""""""""
مودع الله شلون اگلك گلبي ما ينطيني
شلون يالساكن بعيني ما تشوفك عيني
هاي اخر ليلة تجمع بينك وما بيني
بعد عشرتنه الطويلة نفترگ يـحسيني
اودعك .. تالي ما تالي صدگ
اودعك .. وهاي هيه نفترگ
اودعك .. للبعد گلبي استعد
"""""""""
ويايه هالليله يغالي وباچر بيا حاله
يفرهدوك گبال عيني ودمعتي هماله
راسك المتروس غيرة عالرمح يتلاله
وصدرك الحنية كله تسحگه الخياله
حوافر .. وانت مرمي عالارض
حوافر .. صدرك تدوس وترض
حوافر .. تسحگ باطهر جسد
"""""""""
يصعد الشمر اعله صدرك كلها شر نظراته
سيفه من نحرك يقربه ويلي من خزراته
راسك يحزه ويشيله وتعتلي ضحكاته
يبقه يضرب بيك خويه وبالنحر طعناته
يويلي .. يهد حيلي منظرك
يويلي .. وهو يضرب منحرك
يويلي .. فوگ صدرك لو صعد
"""""""""
خويه والخيل التسحگك تسحگ اعله ايتامي
انت ضامي وحتى طفلك ينذبح هم ضامي
منحرك يحسين اشوفه ينگطع گدامي
والمصيبة تلث ليالي تبقه عاري ودامي
ليالي .. تلاثة تبقه بلا دفن
ليالي .. صوت من نحرك يون
ليالي .. من بلد امشي لبلد
"""""""""
عگب عينك انه امشي والحبل بيديه
حرمة بين الغربة خويه والعيون اعليه
ناس تضربني بحجارة وناس تشتم بيه
انسبي وتسأل الوادم منو هالمسبيه
غريبة .. وايدي مچتوفة بحبل
غريبة .. منو انتي أنسإل
غريبة .. اعليهم اللهُ احد
"""""""""
كل اخت تبقه عزيزة دام اخوة عدها
شلون بالـما عدها اخوة الله ليساعدها
يا حسين شلون باختك لو بقت وحدها
آل امية بناگة هزلة لاختك اتصعدها
وحيدة .. لا اخو يفزع الي
وحيدة .. والوحيدة تنولي
وحيدة .. حرمة ما عندي سند
انيس الخفاجي الكربلائي
الخدمه شرفنه ٠٠ وبيهه انعرفنه
اليوم القيامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
الراية محرم .. مشتاگه العيون
سوده اشحلاها .. اتسر الينظرون
شدينا الحزام .. وتحزمينه
وي ربع الحسين .. نعمه التقينه
الخدمه الشريفه ٠٠ اقدس وظيفه
بيهه انتسامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
هاي السنه هواي .. يهل العزيه
شدو العزم زين .. يالجعفريه
نريد التنافس.. بين الخدم هاي
عالسفره ياهو .. ليوزع الماي
انجدد عهدنه ٠٠ لا ما بردنه
وهاي الخدامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
هالخدمه توفيق .. من ام الحسين
توفقه الزچيه .. اليخدم يطيبين
هاي الخدامه .. تعرف اهلها
موياهو الچان .. بتوفق الها
وبهل مجالس ٠٠ محله التنافس
درب السلامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
ابفضله علينه .. خلانه خدام
ونخدم سويه .. ساده ويعوام
بين الخلگ هاي .. هوه ارتضانه
وخله العزائات .. كل ملتقانه
بفضله ونعمته ٠٠ شفنه خِدمته
الدمع التهامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
ياربي للموت .. ثبت گلبنه
ونخدمه كل عام .. احنه وولدنه
وبهل عمل هاذ .. نرضي الزچيه
ونخدمه بخلاص .. وبصافي نيه
حسين اليخدمه ٠٠ وبدفتر امه
ايعلي مقامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
ونندب يموعود .. ياصاحب الثار
ياساعه تظهر .. وتكحل الانظار
يالمهدي ماحان .. امرك يغايب
وبثار الحسين .. ترجع تطالب
وبيوم الظهور ٠٠ كل موكب ايزور
اگبور الامامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
حيدر بشار الدراجي
قصيدة عن لسان حال السيدة حميد ابنة مسلم عليه السلام بعنوان (( ما يرجعون ))
ما يرجعون .. صوت بالـدّار ويرد بيـه الصدى
ما يرجعون .. اتطشّروا فوگ النهر مثل الندى
والگبر مـاي ... چانوا وياي
مــا يرجعون ... مــا يرجعون
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
نار خيمـه وغربتي بذيــچ المسيّه
عنّـي رايح وين أبو الروح الأبيّه
وين البگلبــه المحنّه البيــه حميّه
حيلي خلّصتــه نشــد بالغاضريّه
عن الأيتام .. خوف درب المعركه وأدريه عچر
عن الأيتام .. ازغار أخوتـي وبلچن ألگالي ذچر
وحشه دنياي ... چانوا وياي
مــا يرجعون ... مــا يرجعون
ــــــــــــــــــــــــــــــــــــــــــــــــــــــــــــــــــــــــــــــــــــــ
بين خوفي وحسرتـي بوكت المنايا
مــات بالطّف كلشي بعيون السّبايا
فاجده أخواني وعشت ليل الرزايا
رحت ادوّر عنهـــم ابّين الضّحايا
أركض بليل .. بين جثّـــه وجثّـــه مــا الهــم أثر
أركض بليل .. والجرح بالطف علـى احبابي كبر
واشتكي اظماي ... چانوا وياي
مــا يرجعون ... مــا يرجعون
ــــــــــــــــــــــــــــــــــــــــــــــــــــــــــــــــــــــــــــــــــــــ
من بعــــد ليل الأسـر واحبال ادينه
خالـــي رد ظعـن الهواشــم للمدينه
دار وحشه وظلمه بالملگه وحزينه
واللي فاجد لأهله ما يخلص ونينه
كلشي إلي راح .. واحترگ گلبي مثل حرگ الخيم
كلشي إلي راح .. بالطف وحتّــى الحلم لا مـا سلم
عميه عيناي ... چانوا وياي
مــا يرجعون ... مــا يرجعون
ــــــــــــــــــــــــــــــــــــــــــــــــــــــــــــــــــــــــــــــــــــــ
ألگـــه مسلـــم بيهــم بذيــچ الملامـح
طوله عينه وبسمته الـ عن بنته رايح
حتى أعيش بذكرياته افراگــه جارح
وأحلـم بلمّــة شمل عــن داره نازح
حتى الأحلام .. من تمرني بليلي بس مدمع تهل
حتى الأحلام .. بيها مــا مرّه أنجمع ذاك الشمل
فاگده افياي ... چانوا وياي
مــا يرجعون ... مــا يرجعون
ــــــــــــــــــــــــــــــــــــــــــــــــــــــــــــــــــــــــــــــــــــــ
عينـــي عالبـــاب واناطرهـــم يجــونــي
هيـــــچ يا رب وألتــقــي بالفـــارگـــوني
صوت مر داري وخطف بالخـوف لوني
رجف گلبــي مــن الألـــم رفّت عيــوني
تناطرين .. صوت ابوي وجرحه سولفلي بقهر
تناطرين .. بويه أخيوانـــچ حميده علــى النهر
موتهم جاي ... چانوا وياي
مــا يرجعون ... مــا يرجعون
ــــــــــــــــــــــــــــــــــــــــــــــــــــــــــــــــــــــــــــــــــــــ
اتوادعوا عالشاطي مــن شافوا منيّه
والگطـــع نحر المــوادع سيف أميّه
بالفـــرات اجسادهـــــم ذبهــن سويّه
اتشابگوا بالماي من صاروا ضحيّه
ما يردّون .. صلّوا مـــوادع على ذاك الجرف
ما يردّون .. حتى لون الماي أخذ لون النزف
فراگهم داي ... چانوا وياي
ما يرجعون ... ما يرجعون
ــــــــــــــــــــــــــــــــــــــــــــــــــــــــــــــــــــــــــــــــــــــ
كلمــــات (( حسن موسى النافع ))
(نزله حي الله جاسم)
بالمراجل محتزم
شاب ومبچي الزلم
ماخذ اطباع الحسن
هذا جاسم والنعم
"""""""""'''''''''''''''''''''"""''''''''"""
رمله بسمِ الله تگـول
جاسم يصول ويجول
ترتجف منه الفحـول
مالگت بالطف حلول
هله ابتربات الحسن
من تمربيه المحن
حيد ماهمه الزمن
هذا جاسم والنعم
"""""""""""""""""""""""""""""
وجهه نور أشگد عجيب
بين الحسين وحبيب
كلمته ارماح وتصيب
خلـه بالعسكـر نحيب
شاب وحله أمن الشمس
لّقن العسكر درس
صارت الحومه عرس
هذا جاسم والنعم
"""""""""""""""""""""""""""""
جاسم إيـرد اليعـيل
شايل السيف الثگيل
صاعد المهره أوتميل
عـنه شتكـلم قـليل
مثله أبد ماينوجد
عطره احله إمن الورد
للشدايد مستعد
هذا جاسم والنعم
"""""""""""""""""""""""""""""
طب علئ الحومه أمير
خـله عسكرهـم يحير
مـهـرته أعليهـم تغـير
حشمّـو وين المصير
هذا جاسم من فزع
ماكو واحد ماسمع
عنادهم مارجع
هذا جاسم والنعم
"""""""""""""""""""""""""""""
هيبه مابين الصفوف
ضلت الحومه تطوف
كلهه عميه اوماتشوف
منهم اتطيح السيوف
هل الشبل من هل أسد
يزئر ابوكت الشدد
مايهم كثر العدد
هذا جاسم والنعم
"""""""""""""""""""""""""""""
الشاعر فاخرالشبيبي
المقتل
〰〰〰〰〰〰〰
حسيناً وا حسيناً وا حسيناه
-------------------------------------
لفاني المهر يصهل بالظليمه
مكَلوب السرج خالي الشكيمه
ركضله شجم يتيم وجم يتيمه
يخويه مخضب بدمك لكَيناه
-------------------------------------------
يخويه الخيل هجمت عالصواوين
وتدري البالخيم بس النساوين
منو يحمي الخدر يحسين يحسين
اذا بعدك عدل الحكَ بجاياه
-------------------------------------
الخيل اعله الخدر وخيامك تعيل
وتصعب طلعتي بين الرجاجيل
على التل اعتنيت ودمعتي اتسيل
وصل حدنه العدو كَوم وتلكَاه
---------------------------------------
احشمنك يخويه الحكَ عليه
ولا بيهم رحم كَوم آل اميه
خذو حتى التراجي من رقيه
وعليك تون بكَت ويلي وويلاه
-----------------------------------
يخويه اتحيرت وحدي بهالايتام
المهم مدري اطفي نار الخيام
ارد الصوط عنهم مدري السهام
درت صوب النهر للكافل انخاه
---------------------------------------
صحت راح الخدر وينك يعباس
واخوك حسين صدره بخيلها انداس
مصيبه المنهه كَمت الطم على الراس
يعت بيه الشمر واتدافع وياه
----------------------------------------
حسين المنصوري
#قصائد_محرم_1447
ــــــــــــــــ❀○•○•○☆○•○•○❀ــــــــــــــــ
ياشهر كلما تهل
دمع من عيني يهل
وانت عنوان
لهاي الاحزان
دمع من عيني يهل
،،،،،،،،،،،،،،،،،،،
ياشهر كلما تجي تجيب النوايب
ومن تهل الروح تشعر بالمصايب
كل گلب منك غده باحزانه ذايب
ياشهر يالبيك ودعت الحبايب
كل گلب بيك انجرح
خذت من عدنه الفرح
والدمع بان
لهاي الاحزان
دمع من عيني يهل
،،،،،،،،،،،،،،،،،
من اشوف هلالك بوكت المسيه
الروح ياخذهه الفكر للغاضريه
واحس نيران الخيم مستعره بيَ
ياشهر كلما تجي اتمنه المنيه
عليَّ ايامك تمر
تاخذ احلام العمر
وتبقى نيران
لهاي الاحزان
دمع من عيني يهل
،،،،،،،،،،،،،،،،،،،
بأولك شفنه القميص وشفنه دمه
وفاطمه بعيونهه تقبله وتشمه
هلالك اليذبح حسين ويجرح امه
شگد تمنيت السمه عنهه تضمه
هلالك الهل بالسمه
فطر مهجة فاطمه
والضلع چان
لهاي الاحزان
دمع من عيني يهل
،،،،،،،،،،،،،،،،،،،،،
ياشهر هليت وهلالك نظرته
حس دليلي بلوعته وحزنه وكدرته
بيك اشوف حسين من يودع اخته
يوصي زينب بالصبر وتصب دمعته
حسين دمعاته جرت
والعقيله تحيرت
عدهه نسوان
لهاي الاحزان
دمع من عيني يهل
،،،،،،،،،،،،،،،،،
چم جرح ينعاد من تهل عليهه
يرد سوط متونهه وحبال اديهه
ياشهر لمن تهل شتسوي بيهه
تدري حال الحرمه لو فگدت وليهه
خاف تمشي وي الغرب
للمجالس من تطب
عالية شان
لهاي الاحزان
دمع من عيني يهل
،،،،،،،،،،،،،،،،،،،،
ياشهر لمن تهل ينباد حيلي
وقوس نشابك يصوبني بدليلي
يطلع هلالك حزن ويطول ليلي
طلعت منك لا اخوتي ولاكفيلي
بيك كل غالي رحل
هلالك يخيب الامل
بلايه خوان
لهاي الاحزان
دمع من عيني يهل
،،،،،،،،،،،،،،،،،،،،
الشاعر ابو اسحاق الفحام
#قصائد_محرم_1447
ــــــــــــــــ❀○•○•○☆○•○•○❀ــــــــــــــــ
العليله عليها السلام
***
لسان حال العليله عندما رأت الحسين واهل البيت عليهم السلام
وي الفجـــــر حمــل ضعنهم
دمعي ايهلــي واتفكـــــر إلهم
كلهم مشـــــــــو مايظل منهم
كَلبي انكسر وآنه ابجي يمهم
كلهه اركبـــــــــــت بس العليله
يهل الرحـــــــــــــم ماني ثجيله
شنهو العــــــــذر خافن عليله
ارد ارتحـــــــــل وي العقيله
لسان حال العقيله زينب عليها السلام
****
بعيد الســـــــــــفر ظلي يعمه
بطلي البجـي وسمعي الجلمه
فوك المــــــرض مابيج لجمه
خافن تموتــــي اعيوني تعمه
جواب العليله ع
شو هالمشــــــــت حتى رقيه
ماظلي احـــــــد واشلون بيه
عاده الطفــــــــــل خلوه اليه
شلون الصـــــــبر بالمغربيه
وكأنما خاطبت ابيها الحسين عليه السلام
ها يالابــــــــــو شو مندهتني
وي الضــــعن يلما خـــذتني
جسمي نحل خافــــن شفتني
يابو علــــــي عدمن عفتني
وكأنما رجع عليها الحسين ع
يفاطمـــــه كصرتي عمري
ايا لحنينــــه اختنك صدري
زدتي المواجع فوك دهري
وعيني عليج ومحني ظهري
بالدار ظلـــــــــي اتنطرينه
بطلي البجـــــــي آيالحزينه
لابد ترد بويـــــه الضعينه
من توصلج نشدي اسكينه
وكأن العليله ذهبت الى محمل اخيها الرضيع تودعه
من المهد كشـــــفولي خده
غافـــي الورد لحد يكَعده
اشمنـــــــــه واحبنه بزنده
اتحفظه الــي الزهره ترده
لسان حال العليله بعد سفر بني هاشم
صار اشــــكثر مانام ليلــــي
عالســــافرو ذايــــب دليلي
مدري اشحصل منهدم حيلي
لامن خــــــــــبر محد يجيلي
بالي انشدهه عينـــي الدربهم
عن الكَلب ضــــــايع خبرهم
صبري خلص مده انتظرهم
ولياســــــــبب مارد ضعنهم
ما ارتوي وعطشانه روحي
يم الأهل ياروحـــي روحي
من الكَلب نزفــت جروحي
عيني ترف مابـــطل نوحي
وعندما جائها خبر رجوع ضعن الحسين الى المدينه
رد الضـــــــعن جني بدهشـــــه
اركض ركض لاموش ممشــــه
لأهلي الإجــــو كَلبي افرشــــه
هــــيل ورد والبيت اطشـــــه
ردو هلـــي خل اعـــدل البيت
كَلبي انشرح واجفوفي حنيت
لأرض الوطن يحسين رديت
غبت اشـــكثر يالعني ابطيت
****
لسان حالها عندما رأت الضعن والنساء والايتام تبكي
يهل الضعن كَلـــــــبي تفطر
شنهو الجـــــــره اللـهُ أكبر
وين الطفــــــل جاوين الأكبر
يختي اشحصل يسكينه مكدر
يهل الرحـــــــــــــم متجاوبونه
شو مارجـــــــــع جاوينه ابونه
شو ماشــــــــفت عمنه واخونه
راعي الضعن ردت اضعونه
هاي المـــره شو جنهه زينب
منحني الظهر تبجي وتنحب
صاحت الــــي خدري اتسلب
يافاطمـــــــــه والكَلب شيب
بطف كربله راحو عمامج
عمه بعــــد ماتت احلامج
كَوم العدى حركَو اخيامج
هذا المســــــه حلت آلامج
يافاطمـــــــه ذبحوهه اهلنه
الكـــل كظت واحنه انسلبنه
ظل عالنـــهر راعي المحنه
من دون اخـــو حمل ضعنه
آل النبــــــي كلهه اجتلوهه
والعايلـــه غضبن خذوهه
شتم وضرب لاما رعوهه
فوك الهـزل كَوه اجتفوهه
ابو علي الركابي
بصوت. مسلم المطيري
عالمشرعه العباس صاب السهم عينه
كلمات الشاعر المرحوم
الحاج كاظم منظور الكربلائي
نعي بصوت. مسلم المطيري
بخت جدچ يعلويه ويردون
كلمات الشاعر
جهاد البصيراوي
