[[💔 نعي أم البنين ع تحاور السيده فاطمه العليله ع💔]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
بخت جدچ يعلويه ويردون
ويرد الغالي وينور نزلنه
فدوه تروح لجله كل الاولاد
ويرد ريحانة الهادي لوطنه
يربي سالم ابن المصطفى يعود
بنور حسين تصبح داري جنه
اجابتها العليلة ع
بدمع جاري :
انه ادري بدعائج يمه مقبول
ولكن گلبي مامرتاح چنه
ييمه ليش عني مايسألون
ماگالو عليله هناك ألنه
انه الغاليه وهيجي يسوون؟!!
وادري بوالدي الكله محنه
أضن عارض عرضهم يم البنين
وموش بخير اضنهم يمه أهلنه
من الغاضريه نگطعت أخبار
ولاندري شني الصار بضعنه
گلبي ذاب گلبه من الفراگ
ونيران البعد يمه جونه
علي نذر(ن)لان عادو للاوطان
بحضن احسين اضل ماافارگنه
وعبد الله بسواد العين أخليه
وما ارمش اخاف يضيع منه
وراية عمي العباس كالثوب
يغطيني بدلاله والمحنه
لعلي الاكبر گليبي شكثر مشتاگ
وشكثر گلبي اله راد وتمنه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جهاد البصيراوي
قصائد محرم الحرام للسنة الهجرية ١٤٤٧
ليلة مولاتي فاطمة العليلة ( عليها السلام )
أتانيك ... عليلة وروحي محتاره
أتانيك ... دليلي مــا طفـت ناره
...................................................................................
من يوم الرحت ما نامت العين لا طيف الإجاني
أنا الطفلة العليلة بويه يحســـين عذبني زماني
ما أدري يغالي أتــجـــه وين هـــم هجرك لفاني
وينك يا صبر من گطعة البين جمر فگدك چواني
أحاچيك ... غيابك أجهل أسراره
أتانيك ... دليلي مــا طفـت ناره
...................................................................................
من رحت بضعن أهلي والأنصار لاحت هالمصيبه
لحظتها عرفت الزمن يندار وأبقه آني غريبه
ما أعرف يبويه شصار ما صار بالدنيا العجيبه
وجروحي يغالي كلهن إكبار مو آني الحبيبه
ألاگيك ... متى وتتحصل إزياره
أتانيك ... دليلي مــا طفـت ناره
...................................................................................
أنا المشتاگه روحي والدمع سال والونه خفيه
لو ظلت يماي اعيوني الآمال متى ترجع إليه
العبدالله ورقية أشتاگ والحال ضهدتني الرزيه
إرجع لن حمل طول الهجر مال ما ظل حيل بيه
أناديك ... يعود التارك إدياره
أتانيك ... دليلي مــا طفـت ناره
...................................................................................
زرت قبر الرسول وگتله يا جد ما واحد بقالي
سالت دمعتي چن جمره عالخد يا جدي سؤالي
هم يرجع ضعنه وگلبي يبرد هم يعود تالي
عذبني الهجر والراح ما رد بقيت أذكر دلالي
أوصّيك ... تگلي الضعن شخباره
أتانيك ... دليلي مــا طفـت ناره
...................................................................................
گلت يرجع الأكبر يامه تانيت يرجع لي وأشوفه
حسافه ما حضر وبنوحي ظليت گلبي زاد خوفه
بويه وداعت اعيونك تأذيت حزني بيك أعوفه
هم ترجع يشمعة روحي والبيت للروح الشغوفه
أخليك ... الأبو وسط الگلب داره
أتانيك ... دليلي مــا طفـت ناره
...................................................................................
بده احساس اليتم يابويه والله لا ما يگظي وني
سلمني الهجر للحسره والآه طفله وثگل حزني
لا مكتوب منك حتى أقراه خذاك الدهر مني
شخصك وين أشوفه وين الگاه همومي عذبنّي
أباريك ... اعله درب الضعن وآثاره
أتانيك ... دليلي مــا طفـت ناره
...................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
حسين جنة محضر لخدامه يالله شدو العزم ياللطامه
البل مجالس حاضر بيها يدخل باجر
=============================
جنة عنده حسين يهل الغيره
هنـــــاك بيها كلمن و تقديره
يالأجيت تريد تآشيرة دخول
بمجلسه يسلملك التأشيـــرة
احجز انته امجانك والله يرفع شانك
هناك يم امـه تشيل الهامة يالله شدو العزم ياللطامه
==========================
الجنة تدخل ليها لاكنها ابشرط
لازم الاخلاص لاعمالك تحط
بغير اخلاصك الخدمة ماتفيد
كَول كلشي يهون لحسين السبط
الدنيه ياهالخادم تغري هاي الوادم
وكلمن يشوف الاجر جدامه يالله شدو العزم يااللطامه
==============================
لازم المجلس أله ترتيبه
والمهم اتحافظ اعله الهيبة
تدري انته لكل مقام اله مقال
وابتعد عن كل فعل بي ريبة
ابو اليمه يشاهد الخدم واحد واحد
حين تتهاون تزيد سهامه يالله شدو العزم ياللطامه
=======================
مطلبك واضح حسين يريدك
ابتعد عن كل امر ميفيدك
مجلسك لحسين من تقوى القلوب
صفي نيتك واهوه ياخذ بيدك
لو تجي حسينية فقط صفي النية
بيها جم خادم وصل لاحلامه يالله شدو العزم ياللطامه
=======================
لاتظن جيتـــك ما محسوبة
اهناك تتحســـر عليها النوبه
حسين وحده يحضرك بيوم الحساب
الناس كلمن مبتلي بذنوبــه
الدمعه من تبجيها ذخرك مخليها
كل عمل مقبول اله ما دامه يالله شدو العزم ياللطامه
=======================
خدمة حسين التشرف الوادم
حتى جبريل بخدمته هايم
تعرف الناس العبد لازم ذليل
وخدمة حسين التعلي الخادم
الخدمه رفعة راسك اخدم بإحساسك
الخادم بهيبة يعيش ايامه يالله شدو العزم ياللطامه
==========================
ماضعف حيل الخدم حاشاهم
ابكل عزاء وكل لطم نلكاهم
شاعر ورادود لو صاحب عزاء
وتوكف اللطامة دوم وياهم
اليفتح حسينيته الله يرفع صيته
حسين دينه وقبلته واحكامه يالله شدو العزم ياللطامه
======================
حسن بشير السوداني
لسان حال السيده زينب ع وهي تخاطب ليل الحادي عشر عندما لم يبقى لها احد تقول
رغم جتل الزلم طول يليل الشر
تره مصباح باجر مانريده اكشر
انا متعوده اصبح بوجه اخوي حسين
مو راس برمح ذباحه بي يفتر
ياليل الكمر مينام اذا ما انام
مامعقوله نايم هسه وانه اسهر
دورهم يليل وشوف طاحوا وين
وانه ادور اليتامه الشردت بهالبر
كللهم تره ما ضلت الها متون
وكللهم بعدكم بيش تتصبر
كللهم تره شافوا هذاك الطول
الجان محجب بخاجيت المعتبر
ولو شفت الكمر كله العقيله تكول
اول تالي خويه بمشيتي اتعثر
كللهم تره ركضت بنص ناس
مابيهم ولا واحد يحب حيدر
كلهم شيبت والموت كلسا جاي
ماياخذها بس يجرح كلبها اكثر
وكللهم شجاوب بنت اخوي حسين
لو كالتلي عمه الوالد اتأخر
مو خنصرك ابتر صاح جبرائيل
لا يحسين باتر خنصرك ابتر
ومو عشره بجفوفك تختلف يحسين
العشره عله الصدر تسحك يبو الاكبر
وكله انا اجيتك بيدي طاسة ماي
بس فكري يغالي بحالك اتحير
انا منين اشربك ماكو عندك راس
يوصل للكلب لو ابدي عالمنحر
مو سر الحياة الماي غلطانين
سر جروح متني الصار كله احمر
تره نهر الفرات نطلبه جف عباس
دين وما اضنه يرجعه يكدر
............
كللهم رغم كلشي العقيله بخير
اخاف عله الكمر يتأذى من يسمع
كللهم بجت بس الدمع ما بان
امحجب من يهل من عينها المدمع
وياليل اعتذرلي من اخوي حسين
خاف الفرض كعده بليلي من يهجع
كله من التعب مابيها حيل تكوم
ومثل جسمك كلبها من العده اتكطع
من يوم الركعت عله النحر يحسين
بعد مابيه اردن يالولي واركع
دمع خاواني من امشيت والاه
وكت وعلينه ابن الجور ولاه
عن بنتك يخويه السوط والله
شاكفته لما طاحن اديه
منتظر الجنابي
بصوت. مسلم المطيري
ليلة الحادي عشر
كلمات الشاعر
سيد زيد الفحام
بصوت. مسلم المطيري
بكاء عزاء
ليلة وداع وفاجعة
كلمات الشاعر
سماح الجنابي
بصوت. مسلم المطيري
آه يليله جابوا ابنچ گومي ضمدي اصوابه
كلمات الشاعر
هاني ناصر السعيدي
بصوت. مسلم المطيري
أذا ضاگت عليك وماكو حل الها
اطرق باب ام عباس واسألها
كلمات الشاعر
علي جبار الكعبي
بصوت. مسلم المطيري
حدد موقفك واقره الحجي زين
لو ويه الشـــــمر لو ويه الحسين
اخدم للحــــسين ابنيه وإخلاص
شوفك بالبصـــيره موش بالعين
لو مطرب وهــــاي تشيب الرأس
لو خادم تـــــــصير اويه المعزين
بس ربع الحـــسين الضـلو احـرار
والعافو حســـين شكـد مساكيـن
الخدمه اتشور وتحــــتاج توفيق
بس الخُلــــــص البالخدمه باقين
حدد موقفك "_'
#اللهم_عجل_لوليك_الفرج
#ل_ناجي_ابو_كيان_الصالحي
#مجالس_محرم_الحرام
الامام الحسن ودوره الممهد لطف كربلاء
🔹🔸
الحسن واضــع دراسه مهد الثورة بسياسه
وعاش مرحلة الرئاسه الــ محـــــــــــــــــرم
ــــــــــــــــــــــــــــــــــــــــــــــــــــــــــــــــ
نبتدي هالليله منه نقتبس بعض الفضائل
اعبد الوادم لـ الله وعالم بحل المسائل
واكرم الدنيه بعلومه بعلمه تشهدله القبائل
صلحه من أجل الخليقه وهاي للطف الرسائل
الحسن شــاري الثقافه وماشره منصب خلافه
هذا جان اهوه اختلافه الــ محـــــــــــــــــرم
ــــــــــــــــــــــــــــــــــــــــــــــــــــــــــــــــ
الصلح جان ابدراسه حتى يوضح أصل اميه
وكلمن ايبين طريقه وموشرط عل اغلبيه
ومنهو صارع عالخلافه ومنهو اخلف بالقضيه
الحسن يتنازل حفاظاً عله الشيعه امن الاذيه
مو مـــذل للشيعه حافظ ابمحرم كلشي لاحظ
بفترته جمره اهوه قابض الــ محـــــــــــــــــرم
ــــــــــــــــــــــــــــــــــــــــــــــــــــــــــــــــ
المهد الثورة محـــرم وانتصار السيف يفشل
وحاكم اليظلم زوالـــه وعقله بالتفكير منشل
مهد الهم بنتكاســـه لال اميه وكلشي يحصل
انتصار الدم يوضح سيف ليش اعيلهم انسل
مهد ووصه ابنه يحضر وكله للطف هذا منحر
وسله سيفك يبني تكدر الــ محـــــــــــــــــرم
ــــــــــــــــــــــــــــــــــــــــــــــــــــــــــــــــ
الحسن يوضح طريقه حتى يحيي الشيعه امرها
وللطفوف اتهب خُلاصـــه ويرتفع بالطف قدرها
واجيال تتناقل ذكرهـــم فتية قدمت كل عمرها
هـــاي مدرسة الشهامـــه وهـــذا واقعها وخبرها
بذرة الشيعه بعطشهم تنسكي كله ابشيمهم
هـــذا واقعهم وامرهم الــ محـــــــــــــــــرم
ــــــــــــــــــــــــــــــــــــــــــــــــــــــــــــــــ
ليلة الاوله المحرم للحسن ونخص قضيته
ابزمن كله خيانـــه ثبتت اعلومـــه وهويته
وابن سفيان وجنـــوده جهز القتله ومنيته
والحسن اسمه تخلد وذاكه وين اوين صيته
الحسن تاريخه شاهد اتنازل وضل اهوه قائد
منها والشيعي مجاهد الــ محـــــــــــــــــرم
ــــــــــــــــــــــــــــــــــــــــــــــــــــــــــــــــ
نلتزم كل احنه بالنص الحسن تاركله بذرة
خضرت طف ومواقف وهسه شفناها اهيه حضره
انزرعت ابوكته وسكاها وحضر حسين الها صدره
وصارت الدنيا مصايب وغبشت الدينا على غدره
الزمن جدد قضيته وهاي جن اهيه وصيته
الحسن يدري ابمنيته الـــ محـــــــــــــــــرم
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
دخيل النضره::قمر بني هاشم
دخيل السطره::قمر بني هاشم
طواهه الخضره::قمر بني هاشم
وعله عللشگره::قمر بني هاشم
طبهه عكار الكبار_عجيد ومن ضهر حار
رايح الوين أجه أمنين_دخيلك صاحو حسين
صنته الأنفاس وياراس_يفر من سيف عباس
زلمه چادود أبو زنود_ترف وي شاربه زود
أكلف كلف دخيله
أثكل حمل يشيله
زلمة علي چفوفه
تسطر سطر ثچيله
0000000 0000000 00000
دخيل أعيونه::قمر بني هاشم
وسيعه أمتونه::قمر بني هاشم
برموش أجفونه::قمر بني هاشم
الخدر مامونه::قمر بني هاشم
أبنص العيون الجفون_خدر سواهه لم عون
مايمر باب يهب هاب_بلا علم أبن أبو تراب
زلمه مضياف وسياف_عبرهه أحدود الأوصاف
كـلـه تـهـواه وتلـگـاه_بدع مــن ربـه ســواه
آيه علي الـعـضـمـــه
أجمل بشر تره أسمه
سبحانه طود المخيم
سلطان باب الرحمه
0000000 0000000 00000
شمـوخ وشـامـخ::قمر بني هاشم
عله الطف شايخ::قمر بني هاشم
بزلـمـهـم راضخ::قمر بني هاشم
بفقـاره الصارخ::قمر بـني هاشم
رايته شراع عله الگاع_صاعه يرد بلف صاع
أشجع أنـسان بركان_وضهره أجلاد قرآن
لو طلع صوت أله الموت_يحل لو فكر يفوت
يمطر أفياي أبو الراي_كفيل وزلمه سگاي
بـس الـزلـم تعـشـگه
بسمه الهوه النشهگه
لــو مر زعل أعلباله
خيط الشمس يحرگه
0000000 0000000 00000
يشط الغيره::قمر بني هاشم
يبخت الديره::قمر بني هاشم
يفايض خيره::قمر بني هاشم
عجز تفسيره::قمر بني هاشم
أبن الفحول هوه تگول_ملكنه أتصيح العقول
كالمسك فاح أذا راح_العركه أيصير الصياح
في الخيام طوه اللثام_بزغره أنطه خبر عام
غيضي قتال و زلـزال_حـته أخيالـه رچال
لــــو شاء رب الجلاله
أبساعت غضب دناله
كوكبنه يمحي وجوده
وحـتـه آثــر ولالـــــه
0000000 0000000 00000
رسول رياض
(نزال )
شد الرايـه الوفاي**لازم يوصلهه الماي
زينب تعطش هيهات **گال الجربه أبيمناي
::::::::::::::::::::::::::::;:
مصباح عاشر بالخيم* عباس يحچي أبزوده
معروف ابن خير العمل *من يگرب اعله احدوده
راهن علئ ألماي العذب * لازم تطير أزنـوده
گال الشجاعه أبهلوكت * يم الخـدر مريوده
هـذا الكـافـل معـروف
يمطر بالحومه أسيوف
كل زلـمـه اليتعـناه
تايه من عنده الراي
شد الرايه الوفاي
:::::::::::::::::::::::::::::::::::::
من يصعد ابراسه الزعل * تجدح شرار أعيونه
دلاله احر من الجمر * والجود فـوك امتونه
من شنت أوياه الحرب * هاي الخلگ مجنونه
مهيوب شيال العلم * وشحدهـم إيلاگـونه
شايل سيف العباس
گال العسكر ينداس
وين الگوم ايروحون
ولكل تعرف معناي
شد الرايه الوفاي
:::::::::::::::::::::::::::::::
من اعلنو ساعة صفر* هـد أبن ابوي أبكيفـه
شايل الجربه اعله لچتف *من صعد دخن سيفه
متعني للگوم ابعجل * من عدهه ياخذ حيفـه
يكرم زلم راعي الوفه * والطير صاير ضيفه
قَـَدم للطير الروس
والخيل اعليهه اتدوس
گال اليوصلني ايموت
شايل بچفوفي الواي
شد الـرايه الوفـاي
::::::::::::::::::::::::::::::::::
صوول عليهم للنهـر * قـرر المـاي أيـجـيـبه
شافو الريشات الخضر* والجيش صار ابريبه
حته السلم منه وهرب * شارة احسين اتصيبه
عباس مو بس مرجله * شايل اكرامـه وطيبه
خله الفرسان اتجول
ماظلت عدهه اخيول
كلهه امعگرها السيف
ضلت بالحومه أهوي
شد الـرايه الوفـاي
:::::::::::::::::::::::::::::::::::
وأگف أحسين ابخيمته* ويگلي زينب وينچ
رد العضيد أمن النهر * جايب الـمـاي العينچ
هذا العهد ثابت يضل * للموت بينه اوبينچ
مطلوب الچ يابت علي * لازم يرجـع ديـنچ
راجـع كـفـالـي أردود
شايل بچفوفه الجود
كـاسر خشم العاداه
خله بعسكرهم داي
شد الـرايه الوفـاي
::::::::::::::::::::::::::::::::
فاخر علي الشبيبي
صوت عشاگ أعله فطرة يصرخ بـ چا وينك
والصدى أيرد بـ دمعنا سيدي امتانينك
ياطبيب أجروحي
أنت أعز من روحي
سيدي امتانينك
***
العاشگ من صدگ تتغير أحواله
الذايب بيك واصل بالعشگ حاله
يحسك وية روحه أقرب من اخياله
رغم ما كلها تصرخ بيك هنياله
كل مسية الدمعة تنزل إلك يكبر شوگي
كلشي بية أصفر خلافك ناشفات اعروگي
تچوي نار افراگك
واحنه من عشاگك
سيدي امتانينك
****
مشه ضعن الـ افراگ وساگ يسبگ ساگ
من فرگاك حگها اتشيب العشاگ
يسولف وية روحه العاشگ المشتاگ
الصفنة ورقة بيضة انكتب بيها أفراگ
مدري بيش ايسلي روحه الـ ما يجونه أحبابه
تلگه دمعات ورسايل من تجي يم بابه
اليگضي بالهم يومه
ايبين اعله ارسومه
سيدي امتانينك
****
تهت وأحلامي صحرة وحيرة وين ألگاك
الدنيا أمعطشتني وأرتوي بـ ذكراك
الحق دربه صعب بس آنه أريد وياك
حسن العاقبة چي ما گدرت أنساك
حيرة السالفته خرسة وماحچاها لسانه
يعزف أطوار المحنة وبالحزن ألحانه
مستحي من أذنوبي
حيرة يامحبوبي
سيدي امتانينك
****
بكل جمعة العيون اتصيح وين انته
البطه طارش أحبابه ادموعه بالسكته
يـَ سري الما حفظته وللخلگ گلته
حب عمري الصدگ ومن الصبا اعشگته
أحسب انجوم بـ غيابك والفجر لاگيته
العينه سهرها إنتظارك يغفه لو حاچيته
امحبتك عنواني
فدوة لاتنساني
سيدي امتانينك
****
سهر والدنيا رحلة وعشگك امتاعي
سفينة ابحر بشوگك والوفه اشراعي
أجاوب عن سؤال الـ مالهم داعي
قضيتي آنه إنتظارك يصعب إقناعي
أملك بـ هالدنيا حبك حگي من أتباها
كاتب بحبك قصيدة حسرتي تقراها
أنا بعشگك هايم
ما يهمني اللايم
سيدي امتانينك
****
خادم خدام الحسين
صدام آل جريو
#قصائد_محرم 1447 هـ
ــــــــــــــــ❀○•○•○☆○•○•○❀ــــــــــــــــ
قصيدة محرم الحرام
ليلة مسلم بن عقيل عليه السلام
وزن (موشح)
.....
مسلم بمرسال ما راح بحرب
كطع لاجل حسين كل هذا درب
.....
كصد للكوفه يبلغ غايته
كال اخوي حسين كلنه بخدمته
لاجن الأرجاس وسفه غدرته
راد يخبر منهو كاصد بل ركب
مسلم المرسال نيته يقدمه
فجأه چَن وحوش كلها تهاجمه
حارو يشردون من جر صارمه
هدم الحيطان بيهم بل ضرب
ياهو اليكضه يشمره عله لسطح
مشلم العدوان طاحلهم ذبح
كامو يفرون من عنده جمح
كالو العباس هذا من گللب
كامو يحضرون خطه للغدر
كالو بنبلات لازم ينشمر
اكثر النبلات طاحن بصدر
نبله خلت مسلم بموقف صعب
صَووب الملعون صوبه نبلته
وسط كاس الماي وگع شفته
نجّست هل ماي ضامي خلته
دمه عل تربان من حلكه يصب
اامر الملعون ربعه بذبحته
قرر ايشمرون مسلم جثّته
خيلهم بحبال خشنه جرّته
بقت اثار السحل فوك الترب
حسين العمري
{💔قصيدة للحسين ع 💔}
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
للحزن رايه ....وبالسمه قرايه .....حسيناه
تنحسب ندبه ...الصاح من گلبه... حسیناه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ناذر سنيني لخدمتك كلهن شموع
من يمر ذكرك حبيبي تجري الدموع
ويه گلب أمك أريدن گلبي مفجوع
كون أجزع في مصابك وأكسر ضلوع
الكسرو ضلوعه ... وأخته مفجوعه ....حسيناه
بيمنتة كتابه ..... اليبچي لمصابه .......حسيناه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
وقفت عمري لخدمتك يا بو الأحرار
وعمري مايكفي لرثائك باقي محتار
لا طمع بالجنه عندي لا عتق نار
الدمع وحده لمصابك يجري مدرار
لو خلص عمري ... سلمت أمري ...حسيناه
رايد بگبري ...دمعتي تجري ...... حسيناه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
حسين يا اول عشگنا واغلى محبوب
يغسل بدمعة عزائه الرايد يتوب
عالعرش حبك سفينه هناك مكتوب
زار عرش الله اليزورك هذا محسوب
يهتدي بنورك ......كلمن يزورك .....حسيناه
القبّل أعتابك ....وصاح يم بابك ...حسيناه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
حسين في مجلس عزائك لله تمجيد
حسين لو ما تضحياتك ماكو توحيد
هذا مو فكر انتقائي و لا هو تعويد
هالمناحه والمجالس ربك يريد
ربك القرر .......ذكره يتكرر ....... حسيناه
أسمه أن يُرفع .... يجري الدمع ....حسيناه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يلي تسأل عن لطمنه هذا و النوح
القلم يبچي لمصابه ويبچي اللوح
دمعتي تكتب إمامي مات مذبوح
هذا محبوب الزچيه وزهرة الروح
العرش ينعه .... يكتب بدمعه.........حسيناه
المنکسر ضلعه ...المنگطع صبعه ...حسيناه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
شلون ما أبچي عليك وأدري بالصار
ودري بخيامك حبيبي شبو النار
وزينب تنادي أجيتك جبت الزغار
عالرمل خويه لگيتك والرمل حار
خويه يحسيني ...من عمت عيني..حسيناه
ويلي من شفتك ..يا بعد أختك ... حسيناه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
گلي ياعين الي تهده و تقبل تنام
و السهم نام بدليلك و السهم سام
چانت جروحك حبيبي عده واقسام
بس الأعظمهن اضنه حرگ الخيام
عالخيم عينك ...ماكو اليعينك ....حسيناه
گوضت ناسك ...ماهو عباسك ....حسيناه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
شلون اتهنه بشراب و أغفه بفياي
ودري محبوب الزچیه ماشرب ماي
وینه الیصیح بحسرته ويصرخ وياي
الفرج للمهدي يمتى و نستمع جاي
المهدي ثار الله ....بيده عبد الله ..حسيناه
ياخذ بثاره ..... هو وأنصاره .......حسيناه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خادم الحسين[ع]
جهاد ألبصيراوي
بصوت. مسلم المطيري
أتانيك. عليلة وروحي محتاره
كلمات الشاعر
عمار هليل الواسطي
بصوت. مسلم المطيري
حسين جنه محضر الخدامه
كلمات الشاعر
حسن بشير السوداني
بصوت. مسلم المطيري
رغم چتل الزلم طول يليل الشر
تره مصباح باچر مانريده اكشر
كلمات الشاعر
منتظر الجنابي
بصوت. مسلم المطيري
حبيبي حسين ❤️:
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
العمر لو ما خدمتك ٠٠٠٠٠ ياهوانه
يبعد الروح أنته ٠٠٠٠٠٠يا هوانه
وذا تنزل دمعتي ٠٠٠ ياهو أنه؟
وإلك سبع الشداد تنوح هيه💔
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جهاد البصيراوي
ــــــــــــــــ❀○•○•○☆○•○•○❀ــــــــــــــــ
#ليلة_الوحشة
ليلة الحادي عشر. ليلة احزان وخطر
متنه من كثر القهر. ذبحو حسين
٠٠٠٠٠٠٠٠٠٠٠٠٠٠٠٠٠٠
من يوصّل للنبي وحامي الحميه
خبر مفجع والحدث بالغاضريه
ذبحوا حسين بحقدهم ال اميه
وداسوا بصدرة حوافر اعوجيه
حركو علينه الخيم. فرّت اطفال وحرم
من بعد راعي العَلَم. نتّجه وين
٠٠٠٠٠٠٠٠٠٠٠٠٠٠٠٠٠٠٠٠
چلچل الليل بضلامه واحنه غربه
شلون احميها اليتامه والله صعبه
الليل موحش والگمر مكطوع دربه
الچان يحرسنه وكع ونصاب گلبه
خيمه ماكو ولا خدر. وسفه يحرسنه الشمر
باجر بنوگ الأسر كلنه ماشين
٠٠٠٠٠٠٠٠٠٠٠٠٠٠٠٠٠٠٠
ذاك اخوي حسين جسمه مگطعينه
وبحوافر خيل صدره مرضرضينه
والكفيل عله النهر مطفيه عينه
الليله من يحرسنه يا ناس انسبينه
عيله مجتوفه بحبل. منّي ولآخر طفل
لا اخو عندي عدل. ويلي ميتين
٠٠٠٠٠٠٠٠٠٠٠٠٠٠٠٠٠٠
ترجف گلوب اليتامه وموحش الليل
بيها رهبه وخوف سوّت غارت الخيل
والله من كثر التعب ما ظل بعد حيل
مثل دم جروح اخوتي دموعنه تسيل
ويلي لو صار الصبح. ننسبي دمعه وجرح
راسك براس الرمح ياضوه العين
٠٠٠٠٠٠٠٠٠٠٠٠٠٠٠٠٠٠٠٠
هذه آخر ليله باجر للسبي انروح
والمصيبه انعوف اخوي حسين مذبوح
بالسيوف امگطعينه جروح بجروح
آه ميدفنون جسمه ويبقى مطروح
يا وكت بنت النبي. تمشي بدروب السبي
يحدي بيها الأجنبي للدواوين
سيد زيد الفحام
ــــــــــــــــ❀○•○•○☆○•○•○❀ــــــــــــــــ
بكاء .. عزاء .. ليلة وداع وفاجعة
أنين .. حُسين .. باچر يعالم مصرعه
.............................................................
هنّه چم ساعة واودعه وابقه اباوع من بعيد
وتلتم الناس على اخيّ ويذبحونه من الوريد
هُمه سبعين الف واحد والحسين ايظل وحيد
يعني لو كل سيف طعنه جسمه يتگطع اكيد
سيوف .. الوف .. تنسل تريد اتگطعه
أنين .. حُسين .. باچر يعالم مصرعه
..................................................................
صعبة من واحد يگلك اني باچر انذبح
وانته يوگف نبض گلبك من اصبعه ينجرح
الليلة ما تغمض اعيوني وراح احط بيهن ملح
بلكت اشبع شوف منه وحدّي منّا للصبح
حرام .. انام .. وباچر يحين اموادعه
أنين .. حُسين .. باچر يعالم مصرعه
...............................................................
باچر السهم المثلث مرد يمرد چبدته
اتّعّبه اجروحه وتصير بنص هذوله طيحته
ويجي ذبّاحه ويلزمه من لحيته وشيبته
يگعد گعود على صدر حسين ويحز رگبته
واصيح .. ذبيح .. ابن امي وكت الواقعة
أنين .. حُسين .. باچر يعالم مصرعه
...............................................................
باچر ادّوسه الخيول بمنظر الما ينجرع
بخيمتي وطگة اضلوعه بالحوافر تنسمع
الحافر يدوسه ويلوح الگاع مو بس الضلع
الحافر الينشال حتى اللحم ويا ينشلع
خيول .. تجول .. وعالترب جسمه اتوزّعه
أنين .. حُسين .. باچر يعالم مصرعه
...............................................................
باچر اركضله وأتيهه شلون اعرفه وگطّعوه
وألگه چوم احجار فوگه من كثر ما شامروه
وخنصره لهناك عنه انبتر والمحبس خذوه
وگلبه المفطر اشوفه اشتهى الماي وما سگوه
واشوف .. طفوف .. منظر الما اتوقعه
أنين .. حُسين .. باچر يعالم مصرعه
.......................................................
الشاعر سماح الجنابي
اه يليله جابو ابنچ گومي ضمدي اصوابه
شايلينه وساد عينه ودم وريده اخضابه
خلهم يسندونه خـافـن ايلچمونه
گومي ضمدي اصوابه
كل عـمـامـه جـايـبـيـن الـولـد مجروح
وبـوجـوه اخـوانه حسـرة شاب مذبوح
حسين مثلچ جـايـبه ويـمشي بلا روح
اليـوم تـعـبـچ يـم الاكـبر مـنـچ ايـروح
دمه يجري وغاب لونه وضايعات ارسومه
والمـدلل فگده يـذبح صعب توصف يومه
اشلون اذا يودعونه خـافـن ايلچمونه
گومي ضمدي اصوابه
حيل صعبه وماكو حل لمصيبتچ هاي
بيش يلتم من يطيح اعلى الرمل ماي
كـربله كل خطوه لچمه وحزنچ اهواي
افياي سـوي هذا الاكـبـر منجرح جاي
ضـللـيـله وي عـمـامه اوصـلـيه للـخـيمه
جاي ضامي وماي ماكو صيري لبنچ غيمه
ذابلات اعيونه خـافـن ايلچمونه
گومي ضمدي اصوابه
گعدي يـمه وسـولفيله ابـدمـعة العين
بـعـد مـثـل اعيـون الاكبر بالخلگ وين
يخـتـلـف حـزنـه عـزيـز الـروح حـزنين
حزن جرحه وحزن ماخد حيل الحسين
ايعينچ الله الـولد غـالي يم علي مـعـذوره
نوحي يمه وخـلي دمعچ كون ياخذ دوره
لاطمه ومحزونه خـافـن ايلچمونه
گومي ضمدي اصوابه
هاي اخره مره اگعدي وسولفي وياه
بـعـد الـتـضـيـع صـنـاهـا ويـن تـلـگاه
واليـروح الـولـد مـنـها اعـلـيـها ويلاه
ذاك ابـو مـلـگـله اليـفـرح غـاب ملگاه
راح الاكـبـر يـم الاكـبـر مـابـعـد تـلـگـيـنه
روحه خلصت كلف جرحه بهامته مصوبيه
خل هله ينعونه خـافـن ايلچمونه
گومي ضمدي اصوابه
صيحي زينب عمته خل تبجي وياچ
انتي انعيها اعلى فـگـده وهي تنعاچ
السهم صوب گلب زينب لمن صاباچ
تنوح مـره الحال اخوها ومـره لرباچ
تشوف اخوها مودع ابنه وعالزيز اشحاله
عيـنه خلصت دمـعـه دمـعـه وعلته چتاله
بهيبه ايعزونه خـافـن ايلچمونه
گومي ضمدي اصوابه
ذني اجـن يـمـچ خواته ابمدمع ايسيل
اونت اسـكينه ورقـيه ابجـرحچ اتعيل
شلون هيبتهن واخوهن ناوي الارحيل
والاخـو ايـمـوت خـواتـه لـمـن ايشيل
دللاهـن كـل عـمـرهـن يـعـني اخـوهـن هـيبه
شلون يمشي جرحه ينزف علي وراعي الطيبه
موتهن من دونه خـافـن ايلچمونه
گومي ضمدي اصوابه
هـاني ناصـر السعيدي
#جديد_محرم_الحرام_
اذا ضاگت عليك وماكو حل الها
اطـــرق بـــاب ام عباس وسألها
:::::
اذا ضاگت عليك وطلع شيب الراس
بالك تمــد چفك تطلب مــن الناس
اقره الفاتحــه وهــديها لم عباس
ما عندي انه غيرچ بالدمع گلها
:::::
باب ام الگمر يا ناس مو اي باب
باب الرحمه هذا وما يرد طلاب
اذا اسم الحسين اعليها من ينجاب
تگضي الحاجه الك لا ما تأجلها
:::::
اذا عندك مرض واستصعب الدكتور
لا تأخــذ عــلاج واتـــرك الناظور
علاجك يم گبرها اگصد انت وزور
بلا وصفه العلاج ادموعك اهملها
:::::
يم عباس غيرچ انــه مـــا عندي
وگفت ابابچ انــه وگفت امجدي
عليچ حسين لتخلیني اظل وحدي
اهواي اذنوب عندي شلون أحملها
:::::
اذا مليت مـــا تمتلك ذريه
ادليك بعـــلاج وميه بالميه
عليچ حسين گلها ها يبدويه
قضيتك بالثواني اعرف تسهلها
:::::
باب الله الوسيع الأبد ما ينسد
باب ام الگمــر لا مـــا يرد احد
احلفچ بالحسين انطیني هسه الرد
ارد للبيت بيدي الحاجه شايلها
:::::
علي جبار الكعبي
الفاتحه لوالدي
بصوت. مسلم المطيري
الحسن واضع دراسه
كلمات الشاعر
فيصل عاشور المنصوري
بصوت. مسلم المطيري
دخيل النظره. قمر بني هاشم
كلمات الشاعر
رياض رسول
بصوت. مسلم المطيري
شد الراية الوفاي
كلمات الشاعر
فاخر علي الشبيبي
بصوت. مسلم المطيري
صوت عشاگ اعله فطره يصرخ بچا وينك
كلمات الشاعر
صدام آل جريو
بصوت. مسلم المطيري
مسلم بمرسال ما راح بحرب
كلمات الشاعر
حسين العمري
بصوت. مسلم المطيري
للحزن رايه. وبالسمه قرايه. حسيناه
كلمات الشاعر
جهاد البصيراوي
ابوذيات بصوت. مسلم المطيري
الشاعر جهاد البصيراوي
