/[[💔لسان حال عليلة الحسين ع💔]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
بيوم ضعونكم حملن ........... وأنون
على السفره دليلي شلون ...... ون ون
أصيح وصاح كلشي وياي ..... وين وين
يبويه حسين لا تبعد عليه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ابچي و الشماته هواي ...... لامت
وهجركم مدري لياوكت ...... لا مت
ما أدري عدل يا حسين ..... لا میت
مشيت و تاهت أخبارك عليه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
[[جهاد ألبصيراوي]]
قصيدة موشح. بصوت. مسلم المطيري
الحمد لله والشكر بارينه
كلمات الشاعر
حيدر حسين الگرعاوي
قصيده أساسية بصوت. مسلم المطيري
يمتعب ابوك بموتك
كلمات الشاعر
علي النائلي
مقدمه. بصوت. مسلم المطيري
اذا باچر ذنوبي ضيعني
كلمات الشاعر
حسين حيدر الگرعاوي
قصيده أساسية. بصوت. مسلم المطيري
نيابه اقرا العهد عنك دعائي
كلمات الشاعر
حسن موسى النافع
قصيده أساسية بصوت. مسلم المطيري
ليتك تريني. أفتدي حسيني
كلمات الشاعر
حسن موسى النافع
بصوت. مسلم المطيري
يبو فاضل دخيلك
كلمات الشاعر
يوسف الفتلاوي
بصوت. مسلم المطيري
يامسلم انهض بالسيف
شد حيلك ولا تهتم
كلمات الشاعر
سيد زيد الفحام
بصوت. مسلم المطيري
ظلوا بالخيم لحظة واجيكم
عندي اعتاب ماطول عليكم
كلمات الشاعر
علي جبار الكعبي
بصوت. مسلم المطيري
يابويه يابويه. يابويه يحسين
كلمات الشاعر
علي جبار الكعبي
بصوت. مسلم المطيري
#أبوذيات
مصايبكم يراعي الثار صَدرين
عليك ومنها صوت الحزن صَدرين
إعداكم هَشموا للدين صَدرين
صدر احسين والزهره الزجيه
تغَير ماعله المسكون مَن سال
ودمه المظلوم فوك الوجه من سال
عله سرجه انحنه للسهم من سال
هِوَه إمخذم إحسين اعله الوطيه
للمرحوم وداعه الجيلاوي
#اللهم_عجل_لوليك_الفرج
قصائد محرم الحرام (الليله الثانيه)
نزله (للخدمه الحسينيه)
.................................................................
وي حسين شمحله الخدمه
.................................................................
انــــــه من يوم الولاده اهلي هالنذروني
بخدمتك يحسين انـــــه اهلي هالربوني
چنت تايــــــه وبطريقك اهلي هالدلوني
وبأسم ابوالسجاد اهلي والله هالسموني
اتشرف دوم حسين بأسمه
..................................................................
مانعوف حسين احنـــــــه للابد تدرونه
خلهم شيحچون عنـــــه خلهم يلومونه
المايحب حسين والله شيعي ميسمونه
الوادم بحب الحسين اصبحت مجنونه
حب حسين يعيش بدمه
..................................................................
خدمتك يحسين تـــــــدري هي التعلينه
ولونطيح بشده احنــــــــه انته التنجينه
غيــــــر شخصك يبواليمه والله ماحبينه
غير ابوالسجاد احنـــــــــه والله ماوالينه
الحب حسين يصعده القمه
................................................................
رحمه والله خــدمتك ياحبيبي ياحسين
بدربك وللموت نبقــــى يبواليمه سائرين
ديم هالنعمه علينــــــــــــه ياأله العالمين
لونقدم كلشي نبقــــى يبواليمه مقصرين
الله يديم اعلينـه الرحمه
..................................................................
خادمك يحسين دومــــــه همتها معليها
خدمتك يحسين والله مايقصـــــــر بيها
كل حياتـــــــه رخصاها بخـدمتك يفنيها
خدمتك يحسيــــــن نعمـه للبشر منطيها
بحب حسين تزيد الهمه
.................................................................
ياهله وميت هــــــــــــــلا بلمت الوفايـه
شمحله لمتهم احبابك بالمجالس هايــــه
ابــــــــد ماعافوا عــزائك مانسوا القرايه
حبك يعيش بگلبهم واشتروه اشرايــــــه
بجاه حسين تدوم اللمه
.................................................................
لمت الخدام هايــــــــه سيدي شمحلاها
الحسين اعظم مكانــــــــه للبشر انطاها
خسران دنيه واخـــــره الماعرف معناها
خدمتك يحسين نعمــــه ربنا هاالسواها
الحب حسين يعيش بنعمه
................................................................
الشاعر عماد محمد الدراجي
السبت 2025/1/18.
حسين خليني اكلك رايحه
لا تضل عينك عليه شابحه
خلي اخبرك مايلي
راسي عالي بت علي . خويه يحسين
:::::-----:::::
بعد روحي حسين خويه خلي اكلك سالفه
انــه اختك لا تصدك يــوم اذل لـو خايفه
عله نهجك راح امشي حسين ماني زالفه
راح اخزيهم و حكك و انه بسمك حالفه
وحك شارب كافلي
راسي عالي بت علي . خويه يحسين
:::::-----:::::
حسين خويه خلي اكلك يبو الاكبر لورحت
لا تصدك طـاح ستري بالغرب مــا دنكت
راح اذل اجيوش اميه كلمه وحده صرحت
مـن كمر هاشم كفيلي انه هيج تعلمت
الشام رايح تبتلي
راسي عالي بت علي . خويه يحسين
:::::-----:::::
انه زينب ما ادنك لا وحك راس الكفيل
خلي اكلك راح اشلع شارب البيه يعيل
و لا يهمك يبو الاكبر غير ويانه العليل
لا يكلك اطخ راسي لا تصدك مستحيل
اعمي عينه الصد الي
راسي عالي بت علي . خويه يحسين
:::::-----:::::
موش اني اطخ راسي راسي من علو النجم
افكس عيونه وغلاتك كلمن يغث الحرم
ستري ما طاح و عباتي لكن بكلبي سهم
دير بالك عله روحك سهله يحسين الخيم
مـا يهمني عاذلي
راسي عالي بت علي . خويه يحسين
:::::----::::::
بس غيابك حيل يصعب خويه يحنيلي ضهر
احنه مـن بيت الرساله احنه نؤمن بالقدر
مـــا تهمنه الدنيه كلها ولا مشينه بمنحدر
حسين خويه راح امشي دير بالك عل گمر
راح امشي بلا هلي
راسي عالي بت علي . خويه يحسين
.
.
حسن صالح العيساوي
#مجالس_محرم_الحرام 1447 هـــ
ادخيل غيرة عباس #نزله
🔹🔸
غيره هاشميـــه صوله حيدريــه
ودخيل غيرة عبــــــــــــــــــاس
ــــــــــــــــــــــــــــــــــــــــــــــــــــــــــــــــ
بسم الله والعلـــي طالــــع زلمه مهيوب
القابــــه بالكـمــــر وابن اليقلعها البوب
يافــــــارس يستعد من نظراته مصيوب
بالحومه لو وكـــف درب الشرده مرغوب
معروفه الهويه صوله حيدريه
ودخيل غيرة عبــــــــــــــــــاس
ــــــــــــــــــــــــــــــــــــــــــــــــــــــــــــــــ
ابو فاضــل بالحرب معروف اهوه نبراس
ويل المنـــه يقترب مشهودتلــه عبــــاس
شد الثـــام ضل يكر ويطكهم راس براس
سل سيفه الحيدري كاسر خشم الارجاس
بفعاله القويه صوله حيدريه
ودخيل غيرة عبــــــــــــــــــاس
ــــــــــــــــــــــــــــــــــــــــــــــــــــــــــــــــ
بالحومــــه يابطـــل يمه اطيح الابطــــال
من حيدر هل عزم معروفات الافعــــال
بعيونــه نـــز غضب والخـــزره تهز اجبال
يازلمـــه الماشـــرد ويكلـــولــــه خيــــال
واداها التحيه صوله حيدريه
ودخيل غيرة عبــــــــــــــــــاس
ــــــــــــــــــــــــــــــــــــــــــــــــــــــــــــــــ
ابو فاضـــل من علـي اتعلم كــــل الفصول
بالحومه مــــن نــــزل كالــــو حيدر معقول
مــن مثله لــــو بــــرز شيخ الحومه ويصول
من سيفه الكل رجف ماخـــذ شمرة فحول
راعبها المنيه صوله حيدريه
ودخيل غيرة عبــــــــــــــــــاس
ــــــــــــــــــــــــــــــــــــــــــــــــــــــــــــــــ
سطراتـــه اتهد جبل ويشوفونــــه مغــوار
بركــــــان البلغضب بعيونـــه لمن ثــــــــار
لفعالــــه الكل شهد خله العسكر محتـــار
الحومــــه ساحتـــــه وبيها ســــوه الماصار
رجف ال اميه صوله حيدريه
ودخيل غيرة عبــــــــــــــــــاس
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
ــــــــــــــــ❀○•○•○☆○•○•○❀ــــــــــــــــ
موشح نجفي في حق مسلم بن عقيل (عليه السلام)
دخنت والكوفه شبت نارهه
بيهه مسلم كَالو بأخبارهه
......................
طبهه مسلم والزلم تردم زلم
ضلت وبالخنكَه ماتكَدر تشم
بيهه مسلم نار شبت والنعِم
من جهبهه الحرب مسلم دارهه
......................
رجفت الحيطان مو بس العده
ارجال فوك ارجال ذبهه امدده
جيش هُمه وهوه جان الوحده
موت بيهم من شهر بتارهه
......................
والعُبَيِدِ الله ردوله خبر
جيب جيشك احنه تيهنه المفر
ارسلتكم كَلهم اني ال بس نفر
ضربته كَالوله جيش ابحارهه
......................
احتارت الفرسان بس من صرخته
صوته يذبح كَبل شدة ضربته
حيدره وعباس جانت صولته
اليمنه تاهت بيهم من اشمالهه
......................
هذا مسلم لو علي كلمن سأل
جاوبه ابسيفه غضب ربك نزل
سيفه حش اركَابهم حش الاجل
بني هاشم كفو من افعالهه
......................
حاصر الكوفه كأن جيش وعدد
ضربته توضيح الله الصمد
لم يكن من ضربته كفواً أحد
للقيامه ايشد جيوش ارحالهه
الشاعر ياسر العارضي
بصوت. مسلم المطيري
لما أراد الحسين أن يخرج من المدينة الى العراق أرسل الى زينب وقال لها من تريدين ان يكون كفيلك ؟!
فكأني بها قالت:
☆•☆•☆•☆•☆•☆•☆•☆•☆•☆•☆•☆•☆•☆
كفيلي الكله حنّيه ........ وغيره
ولا أقبل شخص ثاني ...... وغيره
حچي الكرار ما ابدله .....وأغيره
من گله عليك الغاضريه
☆•☆•☆•☆•☆•☆•☆•☆•☆•☆•☆•☆•☆•☆
سمع الحسين جوابها التفت الى أخيه
أبي الفضل العباس فقال له :
گله انهض يخويه يبو ال ....كلفات
وابد لتظن يخويه الجاي .... كالفات
عد عيناك جاوب ......... لون كلفت
عيوني و روحي لنطيهن هديه
☆•☆•☆•☆•☆•☆•☆•☆•☆•☆•☆•☆•☆•☆
خادم مولاتي زينب (ع)
جهاد البصيراوي
الحمدُ لله والشكُـــر بـارينـــه
حسين من دون البشر منطينه
**
((الحمـدُ لِله والشكـر)) رب السمـــه
صرنه من شيعة علي حامي الحمه
حســين لله أنطـــه حتــى مخَيمـــه
أنصـاره وابنـه ونحـره وإِنساوينه
**
الحمـد لله الخاصنه بهذا الفضـل
بغيــر حبهم أي عمــل ما ينقبـل
لــــون يوميـــه عليــهم ننقـــتل
أبـد مــا يتـرك الشيعـي حسيــنه
**
مثل مكــه هالمـراقد والضــريح
أنطانه أبوالسجاد بالطف ݘم ذَبيح
فدوة ألك يحسين يوميــه نصيـح
وللــي طَفــو لجــل زينـب عيــنه
**
((وَهَل يوجـد))مثل أبـواليمه فخَر
الدين يوم العاشر ابدمـه أنتصـر
بشر لكن أغلــى من كـل البــشر
بمرقــده موحكَنــه لـــو جنيـنه
**
الدنيا لومه حسين ما بيهه حياة
وݘان مدري يـا صنم يمه نِبـات
حسين هو الشيد أحكام الصلاة
والله من عنده عرفتــه ودينـــه
**
الهوى نشتمــه لِأن من حضرته
أغلـى مـا بالدنيــا شوفــة كَبــته
حسين حتـى الله يحـب ازيـارته
الݘـان يمنـع هالشعــائر وينــه؟
**
لـون مـا صحن الحسين ابكربله
بالعـراق اليــــوم يحكـم حرملــه
حسين عدنه احنه بغلاة البَسمله
كــبرآنــــــــه وهــــو المرَبينـــه
**
شلون ننسه وعدنه أغلى من الهوى
الكون لحسـين الله بــي خلــه ضوه
يالمــــريض الرايـــــد العلتـــك دوه
إقســم اعلــي بالهـــــون ݘفيــــنه
**
لون مـا مرفــوع راسه على القناة
ݘــان لا قــرآن ظــل ولا صـــــلاة
وݘان مات من العطش حتى الفرات
لهــذا ضعنــه بكــربلـــه امسلبينــه
**
وخِتــامـــاً والله منعوف الصحـــن
إليِ من أجلــه نموت على الوطـن
عجـل الله فرجــك يبــن الحســـن
شكثــر مشتـــاكَيـــن يا مهدينـــه
**
حيدر حسين الكَرعاوي.
يمتعب ابوك بموتك. خليني اسمع صوتك
گلي عدل حته ارتاح شفتك طحت گلبي طاح
يمتعب ابوك بموتك
==========
عثر نبضي يبويه بگلبي يالاكبر
عمه شوفي بعد ماشافك موذر
كوم ارجع لخيامي وياي اذا تكدر
يبو طول الحلو حته الهوه تغير
اركض اجيتك ملهوف اعثر واكوم بلاشوف
كبالي شفت دمك ساح شفتك طحت گلبي طاح
يمتعب ابوك بموتك
==========
علي كلمة يبويه حلوه بلسانك
نزف دمك علي متغيره الوانك
اكعد ليه اجيتك بويه لمجانك
الكطع نحرك يعمري ماعرف شانك
انت النظر وانت العين وانت الهوه برية حسين
وانت الضوه بكل مصباح شفتك طحت گلبي طاح
يمتعب ابوك بموتك
==========
جبير أولادي انت وهدمت حيلي
راح من ايدي ابني بويه ياويلي
نهاري أظلم عليه والِلفَهْ ليلي
الله يصبر إگليبي علي ادعيلي
ادعيلي بويه إمروتك يأذيني تدري اسكوتك
شيب الرمش يمك لاح شفتك طحت گلبي طاح
يمتعب ابوك بموتك
==========
الزمت ظهري ومشيت لزينب الحره
الدرب للخيمه بويه بي الف عثره
الابو حكه اذا لبنه انكسر ظهره
وعلي فكدك كسرني كسرة الزهره
يامن كسرت بروحي منهو اليضمد جروحي
فكدك الم مال ارماح شفتك طحت گلبي طاح
يمتعب ابوك بموتك
==========
ضعف شوفي انهدم حيلي عِلَهْ وني
نزل دمعي انحنئ ظهري بفكد ابني
قسه دهري عليه وهالخذك مني
انهدم بيتي يبويه وشبعد شبني
بيتي انهدم وبلابيت يوليدي يمك ونيت
هم الگلب ماينزاح شفت طحت گلبي طاح
يمتعب ابوك بموتك
==========
الشاعر علي النائلي
بين العاشق والمعشوق✍️
إذا باچـر ذنوبـي ضيعنـي
والله ما رضـه يحسـين عني
أكَل لَمك الزهرة اتبره مني
**
أنـه الكَضيت كل عمـري أحبـــك
ودرب ما عندي أعشكَه غيردربك
اذا يحســين مــا يغفرلـي ربــــك
اجيـلك يـمن ماكــو بطيــب كَلبــك
يالما ترضــه وآحد يجـري دمـعة
وأي محتــاج خـايب ما ترجعــة
الزݘية هنــاك من يوصلها وَنـي
**
شكـثر مشــاي أجيـــتك بربعيـنك
وبݘيت اشكَد لإن ضربـو جبيــنك
بذنوبي امنـغركَ انطيني يمينك
اضيعـن اذا عنـي اديــر عيـنك
أروحن ويـن من تكَلـي إرجــع
أشكــي للزݘيـة بعيــن تدمـــع
اركض لو أيــام الخدمة اجنـي
**
لِطمت على العقيلة شكثر صدري
وانوح اعليـك كــل إيــام عمـري
حسين بحبــي إلك بس الله يدري
مُذنب وادري ما مقبـــول عـذري
ادري مرتكـب كومــة معاصـــي
يالمـــا ترضــه تنــذل النواصـي
وكَفـاتــك يبـــو اليمــه هذنــــي
**
ݘنت كلمــا اضوجن بيـك أفكــر
لإن ارتـــاح لمــن ذكـرك يمــــر
لـون ما انت اظــن يومية اكفــر
إشفعلـي يالرضيت بتوبــة الحُــر
تماديت بحياتي ودومي مُذنب
بيــك وبُمــك الزهـرة أݘلـــب
ألطـــم ݘنــت والعــالم تغنـــي
**
باݘـــر سيـدي بيـــوم القيــامة
ما تنفــع يبـــو اليمــة الندامــة
بس بخدمـة حســين الكرامـــة
واكبر خاســـر اليخسر إمــــامة
رادونـــه علـــي نتبـــرة منـــه
وقتلونــــه علمـــودك وإنظلمنه
لحد ما موت يبقه عليك حزنـي
**
أنه الكل عمري ازامط بيك وحدك
فلس عندي العمر ما يسوه بعدك
من تعوفنـي مـا يرضــــه جـدك
وانت شكَـد محمد غالـي عنـدك
يـامـن خصــك الله بالشفـــاعة
وآمنــه بعترتــك عن قنــــــاعة
أجيلك باݘــر ذنوبي على متنــي
**
شايل راسي ݘي انحسب خادم
وهنيــالك يكَلــولــي الـــــوادم
لا تناسني أمَشـــي عليك فاطـم
على بنتـك رُقيــة شكثـــر لاطِم
شكَــد مساهم بدعــم المواكـب
أوزع ماي حدمـا اصـير شايب
ݘنـت مديون وإلـه ݘـادر أبني
**
امنجيلك شايل ذنوبي على متني
منـك مـا أئيــس وأبقــه أتنـــــتي
لَمك أحݘـــي اذا أبݘــي لكَتنـــي
وعلي ماعوف حبك لو عفتني
(يـــومَ ندعـــو كُـــلاً بِإمـــــامة)
أحلفك ببنـــك الحركَـــو خيامــه
وبالصاحت يخوية سبــو ضعنـي
**
حيدر حسين الكَرعاوي
قصيدة للسيدة ام البنين مع العباس عليهما السلام بعنوان ((دعــــاء العهد))
نيابه أقـرأ العهد عنّك دعائي
وأهـز مهدك وأناغيك بندائي
أريدك للعطش ماي ... وأسمعك تقرأ ويّاي
بسبيل حسين أبو فاضل فدائي
ـــــــــــــــــــــــــــــــــــــــــــــــــــــــــــــــــــــــــــــــــــــ
أهـــز مهدك واسولفلك عالطفوف ... غِصص تملي القَصَص كلهــا بكتابه
مـــن أوّل سطر حــدّ آخر الجيش ... حرب وعلــى النهـــر صارت رقابه
المـــاي فراگـه يكتل باچر تشوف ... علـــى اوجــــوه الزغار أثّــر غيابه
عطش يلهب بعد چـم ساعه الاخيام ... أريـــدن جربتــك تمطــر سحــابه
تفيض الكل گلب يوليدي ظامي ... نهر واتميّز بأحلــــى الأسامي
گمر هاشم يسگّاي ... وأسمعك تقرأ ويّاي
بسبيل حسين أبو فاضل فدائي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اكحّل عينــك بنظــرات الحسين ... وأمسح وجهك بطــارف عبـاته
وإذا يقرأ الفجر قـــرأن أفر بيك ... إله وأعرف ثباتك مــــن ثبــاته
الناصر والمحامي وكافل إعيال ... وتلطم كل حلگ يضحك شماته
هناك إبكربلـــه يتــوزّع الموت ... أخـذ حصتك تره الموت شحلاته
لاخيّك صيـر أبــو فاضل حَوَاري ... او رفرف رايتك فوگ الصحاري
وأنشرها اله إفياي ... وأسمعك تقرأ ويّاي
بسبيل حسين أبو فاضل فدائي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أنه ابروحك زرعتـــــه الحب والإيثار ... وأريـــد بكربلـــه موعـد حصــاده
او مثل مـــا تنسعــد بيّــــه امن الاگيك ... تلگّــــه اجروحـــك بنفس السعــاده
اشكثر مـــــا بيك تنزف انزف هنـــاك ... بسبيل حسيـــن إذا تنــزف عبـــاده
شهيـــد إبّيــــن أديــــه ردتّك يعبّـــاس ... ولـــو كسرة ظهـــر بيهـــا الشهاده
ولو تحرگلـــي دلّالـــي بمصابي ... او تحين بمصرعك لحظة غيابي
لأخوك اتهون بلواي ... وأسمعك تقرأ ويّاي
بسبيل حسين أبو فاضل فدائي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لَحَــد الطف تظل أدعيلك إبهـاي ... وعهــد لابن البتول أقــــراه نيابه
عنّك وآنـــه كل مصباح أمر بيه ... أجــــدّد طيحتك فــدوه علــى بابه
نـــذر لحسيــن سولفتك يعبّـــاس ... أخوتك وانتـــــه يوليــــدي بثوابه
ومن دمّك أريـد اتخضّب سيوف ... گبل لا يمسي أخوك الدمّ خضابه
أريدك تنزف ابكلّ النّواحي ... اچفوفك عينك او هامك أضاحي
اموذّر طلبتي هاي ... وأسمعك تقرأ ويّاي
بسبيل حسين أبو فاضل فدائي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أردّد مقتـــلك لمّــــن أنــــاغيـــك ... وأحط چفّك على حروف الروايه
إذا بس انتــه ظلّيت أويه الحسين ... او دارت بيكـــم أفـواج او سـرايا
أهز مهدك وأصيحن يالولد طيح ... على شاطي العلگمي عبّاس رايه
إبّدايـــة طيحتـك يتهطّــر حسين ... النهايه اشلـون إذا هـــاذي البدايه
تدوسه بفرگتك خيل الاعادي ... واحَرگوا إخيامه لو نادى المنادي
يا هو اليبقى حمّاي ... وأسمعك تقرأ ويّاي
بسبيل حسين أبو فاضل فدائي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يبعد أهلــي اشكثر ناغيتك جروح ... وارتّل بالفجــــر يوليـــدي آيــه
ليالـي العشره لـــو خلصن يعبّاس ... تفز غبشه الوجوه علــى المنايا
اسولفهن چنت عد راسك اهــواي ... العطش وايتـــام نيــران وسبايا
وعلى ظهور الهزل نسوان للشام ... مشت وأنتم على الغبره ضحايا
وعن حرّ الشمس روس الغوالي ... تظلّل عالظعن فـــوگ العــوالي
مصايب كربله اهواي ... وأسمعك تقرأ ويّاي
بسبيل حسين أبو فاضل فدائي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
إذا نــــال القــــدر يا ربّـــي عبّـــاس ... گبل يوم الطفوف او حَل مماته
بَجــاه الزهـــره ينهـض مــن الگبور ... لأجل عيـن الحسين إترد حياته
لابس چفنه اشوفـــــه وشاهر السيف ... يرفرف رايتـــه او جــرّد قنـاته
يوگف جندي حاضر عاشگ الموت ... او يصلّي بكربلـــه آخـر صلاته
أريدن ابني بالخط الامامي ... فدائي او يأتم بإمرة إمامي
دعائي وهذا رجواي ... وأسمعك تقرأ ويّاي
بسبيل حسين أبو فاضل فدائي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كلمــــــات (( حسن موسى النافع ))
قصيدة للعباس مع امه عليهما السلام ((لَـيـتَــكِ))
لَيتَكِ تَرَيــنــي ... أَفتدي حُسَيني
قَطَّعوا كُفوفي ... سَهمُهم بِعَيني
فوقَ الثَّرى .. دَمي جَرى .. مِنْ هامتي نَجِعيا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كُنتِ تُرِيني كربلا فــي الّليلِ نِبراسْ
في المَهدِ كَمْ ناغَيتِني عَنْها بإحساسْ
يا نَبضَ قلبـي يا بُنَي لا تَنسَ عبّاسْ
أُوصِيكَ خَيراً بالّـذي يَبقـى بِلا ناسْ
لَيتَنــــي أَراكَ ... رافعــاً لِواكَ
ناصراً حُسَيناً ... سَيّدي أَخاكَ
في المُبتَغى .. عِنْدَ الوَغى .. كُنْ سدَّهُ المَنِيعا
فاستَبشِري .. ذا مَنحَـري .. في عِشقِهِ قَطِيعا
أَفتدي حُسَيني ... أَفتدي حُسَيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
لمّا زَقا الموتُ ضُحى في الطّفِ أَرزاءْ
هاجتْ كما المَوجِ الضُّبـــا تَمتدُّ حَمراءْ
لـــمْ تُبقِ صَحبَـــاً عِنـــدَهُ لــمْ تُبقِ أَبناءْ
إلّا أنا جُنديَّـــــهُ فــــي كُـــــلِّ هَيجـــاءْ
حـامِـــلاً لِواءَهْ ... سامِعَـاً نداءَهْ
دُرْعُهُ الحصينَهْ ... مُحتذِي إباءَهْ
بابُ الهُدَى ... طُولَ المَدَى ... أبقى لَهُ مُطيعا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالماءِ شَحّتْ نَينَـــوى والكلُّ عُطشانْ
وَسطَ الخِيامِ قـدْ ذَوَتْ للأهلِ أَغصانْ
بَينــا أَرى فــي العَلقمِي للماءِ طُوفانْ
أمّـــا حُسيناً قلبَــــهُ يا أُمّـــــي ظمْآنْ
جُرحُهُ تسامَى ... ينظُرُ الأيامى
تَشتَكي الفِراقَ ... بَعدُهُ اليتامى
صَوتُ الظما .. دَمعاً هَمى .. لمّا يَرى الرَّضيعا
فاستَبشِري .. ذا مَنحَري .. فــي عِشقِهِ قَطِيعا
أَفتدي حُسَيني ... أَفتدي حُسَيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
سِرتُ إلى الشًّطِ الّذي ما بينَ أفـــواجْ
بِيضِ السّيوفِ حولَــــهُ تَعلُـو كأمواجْ
لابُـــدَّ أنْ آتي بهِ فـــي الجُــودِ ثجّاجْ
حتّـــى وإن مِـنْ أَمرِهِ للرّوحِ مِعراجْ
لَو أتى مماتي ... يَجري كالفراتِ
مَوجَـــةٌ لقتلي ... مَوجَـــةٌ حياتي
من أجلِـــهِ .. من قبلِــــهِ .. دهراً أكُنْ صَريعا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
جئتُ بهِ مُستئنِسَـــاً فـــي الــرّوحِ آمالْ
أَسقي عُطاشى كربلا من جودِي شلّالْ
لكـنَّ جيشــاً غَـــدرُهُ قـــدْ غيَّرَ الحــالْ
كلتــــا يَــديَّ أَصبَحَتْ يا أُمّـي أَوصالْ
في الثرى أراها ... أوقعَتْ لواهـا
خائِفــــاً لجُودي ... يقتَفي خُطاها
بالأذرعِ .. للأضلــــــعِ .. عانقتُــــــهُ سريعــا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
فوقي السَّمــاءُ أسهُماً صَبّتْ كأمطـــارْ
صدري وجــــودي مزّقتْ للقلبِ أوتارْ
لا كفَّ لا مــــاءً بَقِــي فالفكـرُ مُحتــارْ
للشَّطِ أمضـــي عائـِــداً أم أقصـدُ الدَّارْ
شـــدَّةُ الوقــوفِ ... في رُبى الطَّفوفِ
ليس عندي ماءٌ ... فاقـــداً كفــوفــي
في حَيرَتي .. من مِحنَتِي .. يوماً أرى فظيعا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني ــــــــــــــــــــــــــــــــــــــــــــــــــــــــــــــــــــــــــــــــــــــــــــ
عَيني لأطفالٍ بقتْ ظمــأى بِلا ماءْ
تَبكي وسهمٌ مُسرِعٌ في وَسطِها جاءْ
لم أستطِـع إخراجَــــهُ فالكفُّ بتراءْ
أمسكتُهُ فــي أرجُلِي والهـامُ كَشفاءْ
ضَربَةُ العَمودِ ... من يدِ الحقودِ
ناثرتْ دمائي ... عجّلتْ رقودي
من غربتي .. في صيحتي .. أدركْ أخاً وجيعا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني ــــــــــــــــــــــــــــــــــــــــــــــــــــــــــــــــــــــــــــــــــــــــــــ
جاءَ الحُسينُ مُسرِعاً في القلبِ آهاتْ
مُحدَودَبَ الظَّهرِ رأى للمـــوتِ آياتْ
كفّيَّ عيني هامَتي فــــي التُّربِ مُلقاةْ
هـذي بضاعتي يا أخي إِقبلها مُزجاةْ
إخوتي دمائــي ... مُنتهى رجائي
تَقبــــــلُ القليلَ ... جئتُ دون ماءِ
عذري لهم .. كُنْ عندَهم .. لي سيّدي شفيعا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني
ــــــــــــــــــــــــــــــــــــــــــــــــــــــــــــــــــــــالشاعر حسن موسى النافع
نزال للعباس ع......
يبو فاضل....دخيلك
***
هذا عباس.......ينوماس.....حلات اعلومه
راهب الجيش...ولا ليش.....گلبهه الحومه
خزرته افنون.....بالعيون......صقر معزومه
غيرته السيف....وبالحيف....اخذهه بيومه
سيفه ذل القاده
چفه ينطي زياده
غيره يترس جوده
سيد اعله الساده
***
جندل الروس...يمحروس.......يذل فرسانهه
چن ابابيل........يعزريل..........حسم ميدانهه
الشرد وين........بلا دين..........شمر ذرعانهه
بانت انياح........بالارواح........علن طوفانهه
گدها شوف افعاله
والزعل يحلاله
عبر حتى الشاطي
من گدر يدناله
يبو فاضل...........دخيلك
،***
كالبرق چان......عالاذهان......خطفهه الكافل
صاحت اعداه......اويلاه.......خبرها العاجل
يشهد الجود.....يبو الزود......نتائج حاصل
راسم اخيام.......والايتام........هلا بو فاضل
من لهيب اعيونه
كلها ماتت دونه
چنه حيدر ثاني
من علي مضمونه
***
صفنت الناس.....والارجاس......تظل مرعوبه
صاحت الويل.....يهد حيل......حچتهه التوبه
راية احسين .....باليدين........ترف منصوبه
يرمي سجيل........مراسيل.......صفت مغلوبه
شوف راعي الغيره
ما تظل كل حيره
والنهر ذب مايه
منه رايد خيره
***
خيبر ايعيد .....يصنديد........حلات احلامه
عزمه مشدود.....والشهود........تشوف الثامه
ثاني كرار..........يمغوار........يحامي اخيامه
حلوه يمناه........حسيناه.......نصرها إسلامه
والشمر ضم راسه
تالي شردت ناسه
اتدخيله كلها تنادي
هذا چف مقياسه
***
شردت الموت.......عالصوت.....علن يفنيهم
بيده عباس.......يدك ساس...يكول اطويهم
بالحرب عيد.....والعميد.........يذل حاديهم
نصره موجود....بالزنود.........يشل واديهم
بيده كص لسانهه
من يطب ميدانهه
هذا راعي الغيره
والمفر عنوانهه
***
تمت بعون الله تعالى الشاعر__يوسف_الفتلاوي
ــــــــــــــــ
نزلة مسلم بن عقيل عليه السلام
يا مسلم انهض بالسيف شد حيلك ولا تهتم
٠٠٠٠٠
عمك علي حامي الحمه وحامي الجار
ذكّــرهم بصولاته درع المختار
يوم الضرب عمرو بن ود بالفقّار
يا مسلم بهذا الصيت. سل صارمك وتقدّم
٠٠٠٠
تدري بأبن مرجانه خاين خوّاف
دزلك يمسلم مو الف جيش آلاف
اتباع امية اهل الخيانه الاجلاف
لن يدري بيك انت الحيد. ما تنثني ولا تُهزَم
٠٠٠٠٠
گلهه يطوعه الهاشمي عد عيناج
انتي الوگفتي وياي اوكف ويّاج
يوم الحشر اشفعلج وما انساج
ياطوعه من سيفي اليوم. خيل وزلم ما تسلم
٠٠٠٠٠
مسلم أنه وللذل ابد ما انگاد
اگلب الكوفه بثورتي عله ابن زياد
ميهمني جيشه شما تسلّح وزداد
سيفي بيميني وهيهات. انسه العهد وتوهّم
٠٠٠٠٠
ياطوعه حان الثار من دارج حان
إلا اترس بروس وجثثها الكيعان
هذا آنه مسلم بالحرب والميدان
انشر مناحه بكل بيت. والكوفه تغرك بالدم
٠٠٠٠٠
كلا لبن مرجانه كلا ليّزيد
ولغير ابو السجاد ما مد الايد
ما عوفه لا بالموت لا بالتهديد
متمسّك بحبل حسين. لا اخسر ولا اندم
٠٠٠٠٠٠
گالتله يا مسلم اعرفك وفاي
ما قصّرت لحسين وفيت بهاي
عطشان حدما متت ما ضگت الماي
اسمك يضل نور ونار. والكوفه بي تتكلّم
سيد زيد الفحام
ظلو بالخيم لحظه واجيكم
عندي اعتاب ما طول عليكم
گالو وين ترحين گتلهم للحسين
عندي اعتاب ما طول عليكم
::::::
عفت الاطفال واجيتك كلم اختك خل تجيك
ارفع اچفوفك اليه حسين بس دليني بيك
اعله زينب خايف انت گلبي هم خايف عليك
اذا اسأل اخبارك شنهي الاخبار
سحگ وسيوف وارماح ورمي احجار
المك بيش المك وانت طشار
سلامه وانت باقي بلا سلامه
الثياب مسلبه وحتى العمامه
گالو ليش تبچين گتلهم للحسين
عندي اعتاب ما طول عليكم
::::::
شظال بيك وحتى اشيلك وانت متكطع وذر
هذا كص خنصر المحبس والشمر يگطع نحر
ذاك شال برمح راسك چم سهم بيك انكسر
حصيره وهي ابدن ما تكفيك
كون اليوجعنك بيه ولا بيك
اجرن سهم صدرك خاف ياذيك
معقوله انت اخوي حسين انته
اول مره اشوفه وما عرفته
شضمد جرح جرحين
::::::
دورت بيت العساكر والجثث متوذره
شفت عندك تسع اصابع گلت ماكو خنصره
مستحيل حسين سالم وذر جسمه اعله الثره
مغطيك الحجر تنزف جروحك
الخيل السحگتك طلعت روحك
ظل لما يلوحك هم يلوحك
المن بيك ضليت بحصيره
صغيره الگاع وجروحك چبيره
ظلت تدمع العين
::::::
الشمر شفته يذبحك انوب شالاك برمح
الليل المن بعد باقي غير مذبوح الصبح
هنه ما ينعدن اصلا الف اكثر من جرح
گالو عمه حيل اتأخريتي
شحصل وياچ هيچ وشيبيتي
مشيتي بطولچ ومحنيه اجيتي
اسمعو هالكلام ولوذو بيه
لوذي بعمتچ عمه رقيه
افترقنه وچنه اثنين
::::::
شمر باچر يحدي بيه وانه بالسوط انضرب
باچر ادخل ديره غربه وناسها كلهم غرب
وين چانت هاي اليه امشي انه ينص درب
باچر صعبه لمن ادخل الشام
يتفرج علينه الخاص والعام
هلاهل من دخلنه ورفعو اعلام
گالو هاي بنت حيدر سبيه
گالو زينب انتي خارجيه
زينب وين ما وين
::::::
علي جبار الكعبي
الفاتحه لوالدي
يا بويه يا بويه يا بويه يحسين
:::::
اگـــــــدر عالسفر وياك اخـــــذني
اشيلن انـــــــه عبدالله عله متني
مــــا عوفچ گلت المــــــن عفتني
يوميه اشــــــــوفك عودتنــــــي
رقيه صعدت ومــــــــا صعدتني
مــــا معقوله يمك مــــا شفتني
يا بويه يا بويه يا بويه ما اندل منين
:::::
اگدر عالسفر بيه انــــــــــه حيله
ياهـــو الگـــــــــــالك بنتك عليله
مشي امشي الدرب المن وسيله
اخافــــن روحتي صارت ثگيله
رايح انت چــــا ياهو اشتکیله
المفارگ دمــــع ويخلصه ليله
يا بويه يا بويه يا بويه تنظرلك العين
:::::
انه بلا وجودك عمــــري شمعه
حياتي راح تخلص دمعه دمعه
اعرف روحتك مـــــا بيها رجعه
اخافن هذا صوتك مــــا اسمعه
اخذ وياك گلبـــــي وانت اشلعه
تره اليشتاگ صعبه يصير وضعه
يا بويه يا بويه يا بويه كلكم بعيدين
:::::
تـــــــرد وحشتي اتركلــــــي رقيه
عالناگـــــــه وتبــــــاوع بس علیه
مديت ايــــــدي ما كضيت اديه
بالخيمه قبـــــل نگعـــــد سویه
شلون ولو سمعت اختي سبيه
قبلهــــا كـــــــون تلفينه المنيه
يا بويه يا بويه يا بويه وين انتو ماشين
:::::
اخـــــافن تنذبح وتسحگك الخيل
من كثر السحگ ما يبقه الك حيل
خيامـــــك تحترگ ادریها باللیل
عليك دمــــوع زينب يمك تسيل
الدهـــر يا بويه ظل ببنيتك يعيل
ماتت مـــــن رحت كل التفاصيل
يا بويه يا بويه يا بويه ما ادري ناسين
:::::
علي جبار الكعبي
الفاتحه لوالدي
بصوت. مسلم المطيري
ويه حسين شمحله الخدمه
كلمات الشاعر
عماد محمد الدراجي
بصوت. مسلم المطيري
حسين خليني اگلك رايحه
كلمات الشاعر
حسن صالح العيساوي
بصوت. مسلم المطيري
غيره هاشميه. صوله حيدريه
كلمات الشاعر
فيصل عاشور المنصوري
بصوت. مسلم المطيري
دخنت والكوفه شبت نارهه
كلمات الشاعر
ياسر العارضي
بصوت. مسلم المطيري
اعله مسلمنه حزن بينه وبواچينه
كلمات الشاعر
عمار الراشدي
