﴾﷽﴿
ــــــــــــــــ❀○•○•○☆○•○•○❀ــــــــــــــــ
إستشهاد أولاد مسلم عليهم السلام ٢٣ ذي الحجه
اعله مُسلِمنه ــ حِزِن بينــه ــ وبواچيــنــه
نِهـِـل عَبـــره ــ نِجُر حَسره ــ اعله طفلينه
تِشِـــب نارين ــــ علــه امصابين
ـــــــــــــــــــــــــــــــــــــــــــــــــــــــــــــــــــــــــــــــ
مصيبــه مِــن نُمُـر بيهـا ــ تسيــل ادموعنـــه نهران
نهيــم ابعالـــم الأفكــار ــ ويِظَل بينه الفكر حيران
نشوف اطفـال مرعوبه ــ فَــرّت مِــن لظى النيران
مذعوره ابظلام وخوف ــ ظَلـَّـت تگطــع الوديــان
عُگُـــب ماشَــب ــ بالِمخَيـم ــ لهيب النــار
اطلعت مذعوره ــ تتراگض ــ يتامه ازغار
يمسلـــم ويـــن ــــ مفرهــا منيـــــن
ـــــــــــــــــــــــــــــــــــــــــــــــــــــــــــــــــــــــــــــــ
ليالــي ســارو او أيـام ــ اطفالـــه سفيـــر حسيــن
ابظلام الليل وادروبـه ــ يضــوي نـــور هـالبــدرين
شكثر لوعات جرعوها ــ يِحــزِن حـــال هالطفليـن
تالــي لنهــم ابأغــلال ــ بسجن ياوسفه متگيدين
ابسجن أظلــم ــ گضــو فتــره ــ ابتعب وآلام
السجن ضمهم ــ انجَهَل سرهم ــ قرابت عـام
انجَهَـــل سرّيـــن ــــ ليتامــه اثنيــــــن
ـــــــــــــــــــــــــــــــــــــــــــــــــــــــــــــــــــــــــــــــ
بعد عام انكشف سرهم ــ حَن گلبه وفتــح سجنه
من گالولــه يالسجّــــان ــ احنه المصطفــه جدنـه
لاچن وگعـــو ابأصفـــاد ــ جـَــلّاد الغـــــدر فَنـّـــه
هذا الحـــارث الملعــون ــ ينــول الجائــزه ظَنـّــه
ضيوف ابداره ــ والظالـــم ــ غدر لضيـوف
بسبــب جهلـه ــ يظن فعله ــ عمل معروف
علــه الطفليـــن ــــ يحـــوم البيــــن
ـــــــــــــــــــــــــــــــــــــــــــــــــــــــــــــــــــــــــــــــ
إرحم بينا حشّمنـاك ــ انســوم اعليـك بالمختار
يا عَم بيعنه ابأثمان ــ واتجنـــب عـذاب النـــار
لو سلّمنه لِبـن ازياد ــ وحده امن الاثنين اختار
گَلهم أرغب ابدمكم ــ عندي اعلــه القتل إصرار
بـِلا رحمــه ــ صِدَر حُكمه ــ وشَهـَـر بتـّــار
قِسى بيهم ــ فِجـَـع گلـب ــ النبي المختار
خُمَــــد نوريــن ـــ طُفَــه بدريــــن
ـــــــــــــــــــــــــــــــــــــــــــــــــــــــــــــــــــــــــــ
على جرف النهر واگف ــ سيفه ابيمنتــه شالـه
اترجــل يذبــــح الأول ــ كلمـــــا راد يدنــالـــه
الثاني ايحشّمه هونـك ــ يگلــه اذبحني ابداله
حَـز انحــور هالطفلين ــ مابــي رحمـــه دلالـه
فــلا ننســه ــ مصيبتهـــم ــ مدى الأزمان
يظل شاهد ــ سفك دمهم ــ عله الطغيان
دمـــا النحريـــن ـــــ فـــدا للديـــــن
كلمـــات عمـــار الراشـــــــدي
ـــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــ❀○•○•○☆○•○•○❀ــــــــــــــــ
فزاعيه نصف تهيئه جلوه للقاسم عليه السلام
اویلاه یا سیدی
اويلاه ياسيدي
ـــــــــــــــــــــــــ/
جسام ودع عمته اویلاه یا سیدی
من عمه یطلب رخصته. اویلاه یا سیدی
ولمن یلف اعمامته اویلاه یا سیدی
والله یا محله هیبته اویلاه یا سیدی
راید شهاده غایته اویلاه یا سیدی
وینصر امامه ابدنیته اویلاه یا سیدی
ــــــــــــــــــــــــــــــــ//
جسام زفو للحرب اویلاه یا سيدي
چن والده لمن یطب اویلاه یا سیدی
وچن حیدرا ابفن الضرب اویلاه یا سیدی
وبلحومه لا ما ینقلب اویلاه یا سیدی
وضیع علیهم الدرب اویلاه یا سیدی
ماینگدر ڪلش صعب اویلاه یا سیدی
ـــــــــــــــــــــــــــــــــــــــــ///
رمله تعاین الشیمته اویلاه یا سیدی
چنه الحسن ابڪشخته اویلاه یا سیدی
بعمامته وی صایته اویلاه یا سیدی
وتنادی عجنو حنته اویلاه یا سیدی
لبنی وارید الزفته اویلاه یا سیدی
وعلگوهه بالله شمعته اویلاه یا سیدی
ـــــــــ////
یا محله سیفه ابیمنته اویلاه یا سیدی
والڪل شرد من صرخته اویلاه یا سیدی
والحره عمه نادته اویلاه یا سیدی
عمڪ وحید ابغربته اویلاه یا سیدی
روح انته یبنی النصرته اویلاه یا سیدي
لبه الامر من طلبته اویلاه یا سیدی
ــــــــــــ/////
بوداعت الله یلولد اویلاه یا سیدی
وافیت سهری والعهد اویلاه یا سیدی
اسمڪ ییمه انخلد اویلاه یا سیدی
ابموقفڪ الله شهد اویلاه یا سیدی
اتنادی عمی امن المهد اویلاه یا سیدی
لاڪن نطب ابلد بلد اویلاه یا سیدی
ـــــــــــ
۸ / محـــــــرم /۱۴۴۰
خادم القاسم ابن الحسن علیه السلام
عبدالرحمان آلبوغبیش
ــــــــــــــــ
💮💮💮💮💮💮💮💮💮💮💮
الناشر // عالي مقامي
ــــــــــــــــ❀○•○•○☆○•○•○❀ــــــــــــــــ
في استشهاد اولاد مسلم ع ٢٣ ذي الحجه
مسلم عنده طفلين ــ عليهم تدمع العين
مصايبهــم متنعـــد ــ ابراهيم و محمــد
عليهم تدمع العين
جرحين ــ ناريـن ــ تسعـــر بالگلــب جمـرة لظاها
طفليـن ــ والبين ــ من عاشــور ظـل يتبع خطاها
أطهـــار ــ وازغار ــ يجرحنه المصاب اللي سداها
آلام ــ واسهــــام ــ گوس النايبــه بالطــف رماها
من ايتام عاشور ــ شافو گطع النحور
يحز بيها المهنــد ــ ابراهيــم ومحمـد
عليهم تدمع العين
بيا حال ــ أطفال ــ مسلم مــن مشــو بيـن البراري
يمشون ــ يبچون ــ عله حسين البقه جثمانه عاري
لاويــن ــ ناويـــن ــ مشو أيـــام بدروب الصحـاري
حلوين ــ ترفيـــن ــ واحدهم مثــل طيــر الحباري
طيور ابجنح مكسور ــ بوادي كربله اتدور
حياره بلايــه مگصد ــ ابراهيم و محمــــد
عليهم تدمع العين
ابن زياد ــ جـــلاد ــ زنيم وناصبي ويبغض العتره
أحكـــام ــ إجـــــرام ــ صدّرها ويريــد اينفذ امره
ليصيب ــ وايجيب ــ هالطفلين الـــه جائزه كبره
حــراس ــ ارجاس ــ تبحث عن اثرهم ديره ديره
إبن مرجانه طاغوت ــ بحث عنهم بالبيوت
عـــن ذريـــة أحمــد ــ ابراهيـــم و محمــد
عليهم تدمع العين
ماطال ــ هالحال ــ وگعو وسفه بشـــراك الضغائـن
أطفال ــ ابأغلال ــ چتفوهـــم رموهـــم بالزنـــازن
آذان ــ وقــــرآن ــ العبادتهم بقه السجان صافـــن
حشمو ــ خبرو ــ جدنه المصطفى راعي المحاسن
رحم بيهم بعد عام ــ فتح سجنه للايتام
حــن گلبـــه وتودد ــ ابراهيـم و محمــد
عليهم تدمع العين
أنـــوار ــ أقمــــار ــ واحدهــم يشع نـــور ابجبينه
أسفار ــ واخطار ــ مسلــم ويـن عن محنت بنينه
هم راح ــ ترتــاح ــ بلچــن نظــره تنظرهم حنينه
وابــدار ــ خطــار ــ دخلوهـــا ومشاعرهم حزينـه
اجو دار المنيــــه ــ يتامــه الغاضريـه
سِرهم لـــن تبـدد ــ ابراهيـم و محمـد
عليهم تدمع العين
معروف ــ لضيوف ــ رب البيـــت تكرمهــم چفوفه
والصـار ــ بالــــدار ــ المعــزب غدر وسفه بضيوفه
أمـــوال ــ واجمال ــ وجوائـز للي موضعهم يعرفه
مغـــرور ــ مسرور ــ گلـب الحارث وسرهم يكشفه
ملعون ابن عروه ــ كشف سر النبوه
لن الحالــه تشتد ــ ابراهيم و محمد
عليهم تدمع العين
يا حيف ــ والسيف ــ الحارث عله هالطفلين اشهر
طاغوت ــ للمـــوت ــ ابــن عروه الچتلهم لـن توزر
نحرين ــ بدرين ــ طفح دمهــم عله الشاطي وتنثر
ذبــــاح ــ سفـــاح ــ رماهــــم بالنهــــر الله واكبـــر
النذل ذبهم ابجــدول ــ الثاني حضن الاول
وجنب الشاطي مرقد ــ ابراهيــم و محمـد
عليهم تدمع العين
كلمات عمار الراشدي
#قصائد_محرم_1447
ــــــــــــــــ❀○•○•○☆○•○•○❀ــــــــــــــــ
بالحرب عنوانك
حيدري ميدانك
حي الله عباس.........حي الله عباس
***
دنكت كلها تسلم ........خوفهه ايمر الگمر
والنهر مايه تحزم......... راد يتعنه النهر
هيبة العباس طبهه.....سجل بصيته الدهر
رمشت اعيونه خطفهم.....خرزته تكسر ظهر
ترتعب عدوانك
حيدري ميدانك
***
چنه عزريل اعتناهم......والطف ابسيفه ابتله
كال بسم الله يمكن .....راد يكلب كربله
اتكترت كلها العساكر.......چفه يقره البسمله
وشل الطف من خزرته....منهو كدها ويوصله
والفخر ذرعانك
حيدري ميدانك
***
هزه ارضيه نشاهد.......وصل سبع الگنطره
والنهر مايه تبده..........چنه خزرة حيدره
اصطفت اگباله الشريعه ...كلها توگف مسطره
دخنت والطف توقع.....موت واصل بالسره
يا نفل بركانك
حيدري ميدانك
***
اتفاجئت كلها تسولف.....هذا حيدر بالحرب
عالرگاب يخط هويته.....ابو فاضل من يطب
ماتت اگباله المنايا........خلصو من الرعب
چن یميل الطف عليهم.......والعساكر تنشطب
تنذهل فرسانك
حيدري ميدانك
***
سطرة الحمزه سطرته....ابو فاضل لو يطك
چان واحد لو وصله.......يصبح اثنين ابطبك
حارت الدنيا ابجربته......راد يترسهه عشك
والشمر بالهجمه شارد.....چان يتصور صدك
ماجت ابطوفانك
حيدري ميدانك
**
تمت بعون الله تعالى
خادمكم .....يوسف الفتلاوي
بصوت. مسلم المطيري
ها يحادي الهزل نوخ بينه
ارد الم حسين لمطشرينه
كلمات الشاعر
قاسم المالكي
بصوت. مسلم المطيري
خل نحضر عزائه من البدايه
كلمات الشاعر
ضياء ستار الفرطوسي
بصوت. مسلم المطيري
اجدادك ماتو وما مات الحسين
كلمات الشاعر
حيدر حسين الگرعاوي
بصوت. مسلم المطيري
نزل نزل. من الخيم
بطل بطل. يرهب زلم
كلمات الشاعر
رائد جبار الزيادي
بصوت. مسلم المطيري
ضعنكم من طلع. احس كلبي انشلع
هلي. ياهلي. هلي ياهلي
كلمات الشاعر
رائد جبار الزيادي
بصوت. مسلم المطيري
يمه جاسم لو رحت
كلمات الشاعر
مرتضى مگطوف الموالي
بصوت. مسلم المطيري
هزه ارضيه نشوف بكربله
گالوا العباس سوه المعضله
يابو فاضل. يابو فاضل
كلمات الشاعر
يوسف الفتلاوي
بصوت. مسلم المطيري
لا إله الا الله. لا إله الا الله
كلمات الشاعرة
الحجيه ام علي
بصوت. مسلم المطيري
يجاسم گلبي ملچوم
كلمات الشاعر
مصطفى فوزي المالكي
✨
لاعذب الله امي انها شربت
حب الوصي وغذتني باللبن ِ
وكان لي والد يهوى ابا حسن
فصرت من ذي وذا اهوى ابا حسن ِ
نفسي بحب علي المرتضى طربت
والناس من فرط اخلاصي له عجبت
رضعت ثدي الولاء من حرة ٍ نجبت
لاعذب الله امي انها شربت
حب الوصي وغذتني باللبن ِ🌸🍃
كل عام وانتم بالف نسأل الله الثبات على ولاية امير المؤمنين علي بن ابي طالب عليه السلام
بصوت. مسلم المطيري
من مثلي ام انطت گمر لعيونه
كلمات الشاعر
فيصل عاشور المنصوري
بصوت. مسلم المطيري
أويلاه ياسيدي
كلمات الشاعر
عبدالرحمن البوغبيش
بصوت. مسلم المطيري
مسلم عنده طفلين
عليهم تدمع العين
كلمات الشاعر
عمار الراشدي
بصوت. مسلم المطيري
بالحرب عنوانك. حيدري ميدانك
كلمات الشاعر
يوسف الفتلاوي
بصوت. مسلم المطيري
ــــــــــــــــ❀○•○•○☆○•○•○❀ــــــــــــــــ
😭💔 *طق قلبي وشتاكيت*🍃
طق كلبي واشتاكيت للعندي غالي
البيته يم احسين يزوره ابدالي
عندي رسالة شوق هاي المسيه
انطق كلبي وشتاكيت لبن الزجيه
وين الي يزور احسين ياخذ هديه
يوديها للمحبوب ويخبره حالي
مختنقه روحي اتريد تشتم عطوره
ظلمه الليالي وحيل محتاجه نوره
يالرايح لمولاي لمن تزوره
قله فلا ناسيك دوم اعله بالي
للحضره لو طبيت حجي تسمعه
من تلزم الشباج اهديلي دمعه
خادم ومن احسين رايد ليفزعه
لو ما انته قله يتيم بين الليالي
<><><><><><>
وسامي وسامي لبست بخدمة المنبر
وسامي وصرت صاحب قدر عالي
وسامي بعد الغاب مادور
وسامي وسامي ادور بس رضاك وهاي هيه ياحسين
<><><><><><><><><><><>
ملا مهدي المنكوشي
.... ها يحادي الهزل نوخ بينه...
... ارد الم حسيني لمطشرينه..
……………………………………………..…….…
مدري انزل مدري اضل بهزلتي
ومن يردني لونزلت الناگتي
وهيه اخوتي على ثره اولداخوتي
ولعليل بناگته مجتفينه
……………………………………………………
بهيده يلحادي احلفك بالدمع
تره بكل حبة رمل وصلة ضلع
طشريتو حسين ماضن ينجمع
خايفه تسحگونه الموذرينه
……………………………………………………
بعيني كامل شو على الغبره وذر
هناك ايد هنا صبع وهنا نحر
من السحگ مطبوگ صدره على الظهر
گبل ذبحه گطره ما راوينه
……………………………………………………
من عسه عيوني على ابن امي نعمت
كلهه داسته الهزل بس البقت
خرز ظهره من حفر صدره اطلعت
ويلحوافر شنو المسوينه
……………………………………………………
هواي جان شويه صاير عل ثره
نعمة الله ضلوعه ليش مكسره
هذه ياهو لگطع جفه وخنصره
وفوگ ذبح حسينه مسلبينه
……………………………………………………
شلون اشمه وانه من فوگ الهزل
وبيش اشبگه وانه بجفوفي الحبل
خل المه بلكت ويرجع عدل
وترد روحه هيج ويحاجينه
……………………………………………………
راح اخوي ومابگه منه نفس
بس جسم راسه مشو بيه من امس
وجهه نفسه مدري حرگته الشمس
گالو الكوفانهه مودينه
……………………………………………………
ها يحادي الهزل خلني بكربله
شلون اعوف ابن امي عاري بهل فله
راح اجيب المنحره گطرات اله
شلون نمشي وعل ثره مخلينه
……………………………………………………
خادمكم قاسم المالكي
﴿رسالة #استقبال_محرم ﴾
خل نحضر عزائه امن البدايه
ونغذي العقل بشكــم روايـــه
تراه اكبر دمع ، دمع اليقيــن
خل نعرف شنـو راد الحسيـن
خل نبچي بعلم حتى النهايـه
رايح تجي المـــآتـم
منهو ايتسمى خادم
ومنهو الذنوبه نـادم
و يرد و يتوب
احنه بفتن مشاعر
خل نعرف المناصر
ولا ننــغر و نكـــابر
ونعوف الذنوب
درس علمنه وي وكت الحرب صلّه
اهو اليستاهل انعوف الذنب لاجله
حسين يا مولاه
ــــــــــــــــــــــــــــــــــــــــــــــــــــــــــــ
ليش اهل النبي عاشــوا ضُـــلامه
كل فرقه التظــن هـــيه بسلامـــه
كل فرقـه الاجت : احنه الصحيح
چـا منهـــو الرفـــع راس الذبيـــح
بسبب حُـــب الـ (أنا) نكـر الامامه
تره ابأخـــذ النواصي
فـلا ننكـــر معـــاصي
العالي بغروره ناصي
وبالقيامه زغير
لا نتـرك المسـاجـــد
مهدينه بيهـا كاعـــد
ويصبره بلكي واحد
وينسّيه الحصير
الحزن قاصر اذا ما نعرف بحزنه
العلم بوابة الطف المنهـا للجنـــة
حسين يا مولاه
ــــــــــــــــــــــــــــــــــــــــــــــــــــــــــــ
مـــا باقي عـــدد بــس المحرم
خل نحرگ گلب لاجل المخـيم
خـ نلوم النَفِس لاجل الحبيــب
يـ آنه اوي الغريب اتضل اديب
خـ انشد الحزم كلنا انتحـــزم
تراه المهـــدي واگـف
لطمــنه بعيـنه شايف
وينوح وريجه ناشف
لچنه غريب
يريت المهدي ظاهر
ونشوفه بهذا عاشـر
و ذنبنه ايگله باچــر
ويرد ويغيب
ذنبنه اطول مسافه الظلت اتبعـده
اشكثر ما گلنه وياه ننحسب ضده
حسين يا مولاه
ــــــــــــــــــــــــــــــــــــــــــــــــــــــــــــ
خـــل نتخيــل ابمجلســنه احـنـه
يشب بينــه المخيـــم وي اهلنـــه
سهله الركضه بالصحــره ونبـــات
سهله اعلى الزلم ، صعبـــه البنات
وبقى زينب سترها ايضم شمسنه
رغم مسبيه راحت
مشوا ناگتها ناخت
صلاة الليل اقامت
واهيه ابمصاب
منوه البينـه سائــل
لَوَن شفنه المَقاتــل
نجي انأدي النوافل
نَعَرْف الجواب
منو البينه ابعبـــادة ربـــه يتحـــزم
ويكول بگلبه اهلا من يجي امحرم
حسين يا مولاه
ــــــــــــــــــــــــــــــــــــــــــــــــــــــــــــ
#خل_نحضر_عزاءه
ضياء ستار الفرطوسي
رساله الى كل فاسد العقيدة والناصبي والوهابي واشباههم اقول✍️
أجدادك ماتو وما مات الحسين
وإنت تمـوت وتظــل المواليــن
كُفـر لمَــن نقيس ابيـن الثنِين
*****
شلون نقيس بين الذهب والماس
ياهو البَبــو اليمـه حسين ينقاس
قـاذورات ربعك ذولــه مو نــاس
علمود العترة ضحه بروحه عباس
يتفاخــر ابيــش الربعــه عـــارات
ماتت كلهــا بس حسين ما مـــات
أقــل زيـــارة تدخلــه ملاييــــــــن
*****
أكــو منهم يصلي وهــو شيطـان
وأكــو إنسان بـس بكلشي قًــران
اِلأوادم لا تقـــارنهــا بِالأوثـــان
ماتــو والحســـين يعيــش لِلآن
القـــرآن كَطعــو حتــى نحـــره
وكلسا تركض الخيل على صدره
هذا الينطــي كلما عنــده للديـن
*****
اكَلــك؟ بُمــك وأُم الخليفـــــــة؟
البالتـــاريخ لســاه منها جيفــة
حمزة الكلت ݘبده تظــن شريفة؟
إبنهــا اللسه يذبــح بينــه سيفه
هســــه لــو يـرد حتــــى محمد
يقتلونــه أحتمــال بتُهمـة ارتَــد
بفتـوة من السقيفة والملاعيــن
*****
شجـاب أجدادك لهـاي الكواكب
اِل الله اختصــهم بكــل المنــاقب
أبد مـا تطهــر عقــول النواصب
تلعــن بيــهم تظــل المواكـــــب
الله يلـــعن السَــــــن الجريمــــة
الفجـــعو ݘــم يتيــم ݘـم يتيمــة
المنهم تشمئــز حتـى الشياطين
*****
انت ابن الذَبِــح والقتــل والـدم
وآني ابن الوهب روحه بمحرم
أنت ابـن الحركَله شݘــم مُخيــم
وآنــه ابن العلــى اعيــالك تألــم
أمس لمــن ولينه صرنه رحمة
وانتم من وليتــو صرتـو نقمـة
بنص ساعة تقتلون ألــف ألفين
*****
الجريمة والحقد يســري بدماكم
الذِبح عبدالله يــوم الطف أبــاكم
قَبِلكم وأبــد ما صرنـــه وراكـــم
اصبـرو شويــة أبو صالح إجاكم
الله يســهل أمـــرة ويطلعلــــها
ويِسلمــه شـؤؤن الكون كلهـــا
من المهدي كَلولــي المفر وين
*****
لــو نفرض قتلتو النـاس كلهـا
وهَيمَنتو على الدنيــا ودولهـــا
ينجـــــر لازم الأفتـــه بقتلــهـا
المهدي خشومكم باݘـــر يذلها
بقت عن الظهور شكـم علامــة
حتـــى السيف ليــله ما ينــامه
تنتَظر الليالـي وتبݘــي السنين
*****
كَبــر حسين شافو صــار جنه
نمــل اعمارنه وما نمـــل منـه
يوميـــة بضريحه يلـــم شملنه
راسه انسحكَه اليعيـــل بوطنـه
بهــاي نحورنه نحمــي المراقد
يحاول خــل الي يجربنه رايـــد
احسبو حسابكم من هسه ميتين
*****
رسالة الكل بطـل شيعي مُناضل
بدينك ذولـــة يردونــك تجـــامل
ينقهرون اذا شافـــوك عاقـــــل
وعن الوطــن والمذهب تقــــاتل
لا تنطــي آل أُميــة بيــوم فُرصة
أي شــارب تماده اعليـــك كَصه
تِصــور يكَدرلنــه؟وحيــل هينين
*****
حيدر حسين الكَرعاوي
نزل نزل من الخيم بطل بطل يرهب زلم
وصفرت وجوه الكوم
جن موت وعليه يحوم
بطل بطل يرهب زلم
*******
طلع من الخيم يضوي. صوته بكربلا يدوي
عينه من الغضب تجوي ابو النوماس
تخط من الفرس جدمه تفور الغيره من دمه
تكلم ترعب الجلمه انا العباس
حيل مزعلته حجايه. زلمه وعيلته ظمايه
والشط منكطع مايه على ورد الياس
طفح طفح غيضه السبع.
لبس لبس خوذه ودرع
جاهم فارس وجيدوم. جن موت عليه يحوم
********
شاهد عطشت الحره هونج كله دك صدره
وتخيل على الشكره. كمر عدنان
يسهل مطلبج كله والتصعب بدي حله
كوه المشرعه اوصله. على الفرسان
يالي بشاربي خدرج ماعاش الذي يعطشج
كل عمري فدى العمرج. يرفعة شان
قسم قسم يم الخدر
الج الج. اجلب نهر
ونكان النهر ملزوم. جن موت وعليه يحوم
*********
جاهم فارس البيده يرعد والعلم بيده
يوم الكنطره يعيده. يريد اردود
اليرهب اسمه وفعاله. خصمه معطش عياله
ياهو اليوكف اكباله. كصد بالجود
بماي مواعد اسكينه. وتجادح جمر عينه
وصاح العترض وينه. يظل موجود
حمل حمل جوده وحمل
وعد وعد منطي الكفل
وبسيفه الاجل محتوم جن موت وعليه يحوم
********
لوح بيده المذهب. وحده وعالنهرضهضب
من يدنه الاخوزينب. يصيح بصوت
الجيش العل نهرحارس منشاف عتناه فارس
خاف وريجه ظل يابس. لفاه الموت
بيه تحيروحيره. جاهم تارس الديره
اليشرد من ابو الغيره. منين يفوت.
وصل وصل صوب النهر
بعد بعد ماظل مفر
شوفه بظهره نجوم. جن موت وعليه يحوم
*******
زاح اليمنه عاليسره. عسكرهم كسرظهره
خلاهم جثث حمره. عضيد حسين
طب على نهركوه. ينضح غيره ومروه
سيفه من الركب روه. تشوف العين
لقنهم درس سيفه. طشرهم وخذ حيفه
وصار العلكمي بكيفه. اخو الصبطين
وكف وكف عالعلكمي
هتف هتف وينه الجي
من رايدمنيته اليوم. جن موت وعليه يحوم
رائد جبار الزيادي
*******
ظعنكم من طلع. احس كلبي نشلع
هلي ياهلي هلي ياهلي
وراكم خلف الظعون تصد بحرك العيون
دمع على خد يصب
اشوفنكم تبعدون. وصيحن هم تردون
يسباح الكلب
اتانيكم ترجعون. يأكطع كل الضنون
ولا صد بالدرب
اظلن وحدي شلون. عليله بحالي تدرون
وضع كلش صعب
الوطن كله نفجع. احس كلبي نشلع
******
ظعنكم حمل وشال. وخذتو كل العيال
بقت بس فاطمه
مسرعه ذوح الجمال مشة ومحاوطه رجال
ليوث الموزمه
تركتو فاطمه بحال يبجي صخور الجبال
فجع حته السمه
طلعتو كبار وطفال. ولا واحد حجه وكال
ظعنه نولمه
الامل مني نكطع. احس كلبي نشلع
********
وكفت بعتبت الباب. وشوفن كل الحباب
نووفرض السفر
الوجن والدمع صاب. وكولن بلكن اجواب
يرد باخر نظر
مشو شايبهم وشاب وخاف يطول الغياب
بعد هذا الهجر
اباوع والكلب ذاب كمر يضوي وكمرغاب
بدرب كله خطر
صحت محد سمع. احس كلبي نشلع ******
عليله وحدي ظليت عليه اظلم البيت
عكب ذاك الشمل
صحت ياويلي وبجيت على هلي بسرعه حنيت
البعد ماينحمل
يبويه حسين ناديت. منو الوياي خليت
يباريني يظل
بمرار الغربه حسيت ونين مضيعه ونيت
على فارك الاهل
الدمع عالخد طبع. احس كلبي نشلع
*******
رجعت وحيده للدار. وصيحن ربي ستار
شنو اليوم الجره
وداع يبجي الحجار. شمل بكباره وزغار
توادعنه وسره
الغريب بأمره يحتار تشغله فكار النظار
يكتله الهم تره
بقيت اتنشد اخبار ولا اعرف شنو الصار
ولا كلبي دره
صده ونيني رجع. احس كلبي نشلع
*******
المرض والفركه ونوح. ولني وسلن الروح
عكبكم ياهلي
اناشغ جني مذبوح عليله ودعمعي مسفوح
ولاواحد الي
الحزن والهم بده يلوح عليه وشوفي مشبوح
على درب الولي
اليجي اسأل واليروح. عليكم صوتي مبحوح
خبر مارد الي
صرت بصعب وضع احس كلبي نشلع
رائد جبار الزيادي
#قصائد_محرم_1447
ــــــــــــــــ❀○•○•○☆○•○•○❀ــــــــــــــــ
ليلة 8محرم الحرام
( ميته بعدك ماعشت)
يمه جاسـم لو رحت
ميته بعـدك ماعشت
لا تخـــليني صـحـت
يــمه جاسـم.. يمه جاسـم
ــــــــــــــــــــــــــــــــــــــــــــــــــــ
يمه جاسم وبرحيلك الدنيا بعدك مظُلمه
أمك تنوح وتنادي عل وجه شو الاطمه
روحي يالغالي بغيابك بالحزن شو هايمه
وأنه بعدك هايجاسم كل نظر عيني أنعمه
ياضوه عيوني الولد
للــكـبر رتــك ســــند
وشيـظل عكبك بعد.
يـمه جاسم.. . يمه جاســم
ــــــــــــــــــــــــــــــــــــــــــــــــــــ
عمري ماينفع بدونك لورحت ياضنوتي
والله من ترحل يغالي مااهيد أبونتي
للكبر رتك ييمه وأنته تحظر موتتي
ريتك تشوف الجرالي يبني وأرحم سلوتي
تجـوه أريــدك للكـبر.
وبيـدك تنـزلنـي بكبر
ياشمعت أسنين العمر
يمه جاســم....يمه جاسم
ــــــــــــــــــــــــــــــــــــــــــــــــــــ
ياجرح يبدي علينه لونويت اعله المغيب
يمه منترحل يغالي راسي بفراكك يشيب
عايشه بقصه حزينه عايشه بطور النحيب
شلي بالدنيه وهواها يمـه وفراكك عجيب
ياعطر نسمات الصبح
وبلا سبب شو منذبح
يمـه ومـصابك جـرح
.
يمه جاســم......يمه جاســم
ــــــــــــــــــــــــــــــــــــــــــــــــــــ
ياشمعت أسنين العمر ياضحكتي يالغالي
وشلون أودع مهجتي وانه الـدمع يبرالي
ضليت أصد الشوفته وصار الكلب ينعالي
هـاي أخر ليـلة يمـه وباجر أودع حالـي
ياحيرتي أوداعك صعب
مايحمـل اغــياب الكلب
شلـون لوطـحت بــتـرب
يمه جاســم يمه جاســم
ـــــــــــــــــــــــــــــــــــــــــــــــــــــ
والله ماجان ع بالي بعيني اشوفن ذبحتك
تفرح بعرسك يجاسم.هـيجي أمك رادتك
أموذر مكطع يويلي يمه خربت كشخـتك
والدهر عذب دلـيلي ألمن أعيش بفركتك
صارالحزن ويه القـدر
كضي العمر نوح وقهر
وبروحتك كلبـي نكسر
يمه جاســم.
ـــــــــــــــــــــــــــــــــــــــــــــــــــــ
كربله ومنين أجتني وخذت نبضات القلب
شلون بيه ويلي باجر لوحديت ويه الغرب
بالحبل مكيوده أيدي ع الهزل اطوي الدرب
هناأصيحاً يمه جاسم ماينحمل حالي صعب
فوك الهزل وصـرخ تره
بـــين الغـرب وميـسره
أمـك يجـاســم حـايره
يمه جاســم.
ـــــــــــــــــــــــــــــــــــــــــــــــــــــ
كلمات الشاعر الحسيني
مرتضى مكطوف الموالي
ــــــــــــــــ❀○•○•○☆○•○•○❀ــــــــــــــــ
هزه ارضيه نشوف بكربله
گالو العباس سوه المعضله.....
يابو فاضل.........يابو فاضل
****
صار زلزال الطفوف برايته
العسكر بعينه يشاهد ضربته
چنه حيدر لو يصول بشمرته
اتبسم العباس بيهم ......وارتجل عالمشرعه
شال جوده ومن اجاهم.....صار يوم القارعه
اصطفت اگباله العساكر.......تنذهل متفرعه
ضكت الحومه خواصر مايله
گالو العباس سوه المعضله
***
احتارت ابمشرادها وعج الصفوف
شاهد العباس صگار الطفوف
خيط بسيفه رگبهم ظل يرؤؤف
والمراجل بسمه تحله........هوه يتعنه ويطب
والشرد منهم تخربط.......خلصو من الرعب
ضهضب العباس غاضب......اله يفنيهه الحرب
والفرات اكباله ينشف عدله
گالو العباس سوه المعضله
***
يختم الطف والمراجل مرجحه
ضيغم بفرسانهه يشد نايحه
من وصلهه گام يقره الفاتحه
عالمنايا بكيفه ينحت......نقش راسم عالرگاب
هذا يا فارس يشوفه.......برگبته يوزع ثواب
اتحيرو صوب الشريعه...امنين شردتهم عذاب
اتحولت برچابهه الدم سايله
گالو العباس سوه المعضله
***
ضيك الثامه عليهم يرتجل
خبر نص الجيش ماتو محتمل
عالرگاب بسيفه خط المستهل
يسحل بجرف الشريعه.......من يطك بركانهه
امنين مشردهه الاعادي..........داخت ابميدانه
اشما تطول الدنيا حالف......بيده گص لسانهه
مايرد السيف بيده يدلله
گالو العباس سوه المعضله
***
دخنت بركانهه الطف تنطوي
هذا يا چف اليجيلك ينلوي
ينچوي بنظرات عينك ينچوي
وبجربته لسه ظهر........العلگمي ظل منخسف
والنهر مايه تبده...............راد يمك ينحذف
لسه بيده الماي عطرك....ينشرب بس مايجف
استعرض العباس عهد المرجله
كالو العباس سوه المعضله
***
اتشيم بسيفه أبوفاضل عالنهر
يترس الجود وعليهم بس يمر
جاء نصر الله بالطف للكمر
دخنت ميدانهه الطف.....والعساكر تنذهل
والشمر ورطه تورط.......للمعسكر ينسحل
صاعقه يخطف عليهم....والرعب ماينحمل
اتفاجئ الحجاج شنهو المسأله
كالو العباس سوه المعضله
***
## تمت بعون الله تعالى
#خادمكم......يوسف الفتلاوي
🌈🌈🌈🌈
خادمة ال البيت الحجيه ام علي )*
لا إله إلا الله * لا إله إلا الله
هذا علي خير العمل * لا إله إلا الله
بولايته الدين اكتمل * لا إله إلا الله
و ابحبه ما عدنه خجل * لا إله إلا الله
نمشي اعله نهجه للأجل * لا إله إلا الله
لا إله إلا الله * لا إله إلا الله
هذا الخليفه الأولي * لا إله إلا الله
هالتاج لايگ عل علي * لا إله إلا الله
منريد غيره أحد ولي * لا إله إلا الله
حيدر أعز ناسي وهلي * لا إله إلا الله
لا إله إلا الله * لا إله إلا الله
عالراس شيلوا بوالحسن * لا إله إلا الله
ظــهروا مقــامه للــزمن * لا إله إلا الله
خليها تدري أهل الفتن * لا إله إلا الله
ابحيدره الكون امتِحَن * لا إله إلا الله
لا إله إلا الله * لا إله إلا الله
صــوت الملالي يرتفع * لا إله إلا الله
خلــو الهلاهل تنســمع * لا إله إلا الله
رشوا العطر اعله الجمع * لا إله إلا الله
هالليله ممــنوع الدمع * لا إله إلا الله
لا إله إلا الله * لا إله إلا الله
هالنعمه تستاهل شكر * لا إله إلا الله
منعوفها طول العمر * لا إله إلا الله
يبقى علي النه ذخر * لا إله إلا الله
بالدنيا اليوم الحشر * لا إله إلا الله
لا إله إلا الله * لا إله إلا الله
يجاسم كلبي ملجوم
برحيلك ماشفت نوم
غريبه روحي بجفاك...اموتن رايده وياك
..............................
الحزن خيم عليّ يايمه يوم امشيت
طولك والعطر راحن وانه اشتاكيت
البعد ماخله دمعه وانحب وحنيت
ياتعبي ورباي بروحي شسويت
العمر بعدك ولايفيد
ولاضن عيني اتهيد
شتضنها روحي تنساك...اموتن رايده وياك
..........................
ترك يوليدي فگدك بالگلب جمره
والله الدنيه بعدك يالولد مره
ليفارك كون الله ياخذ ابعمره
تضل بس ذكرياته وبالعمر كسره
تضل بالي متروح
بعدك حزني مفضوح
اكعد يمه وانخاك ... اموتن رايده وياك
..........................
يجاسم طشرت صينيتك الفرگه
يالمگطع وذر ماحصلت شبگه
شجره وتنكطع من عندي الورگه
اكضي سنيني بعدك يمه مختنگه
اخافن لو اشم بيك
ألجمنك وأذيك
الترب يايمه غطاك ... اموتن رايده وياك
............................
يشامت هاشم وطحت ابوجه عمك
شجاها جدامي نحلت من شفت دمك
يخرزه من الحسن بگلوبنه نضمك
رغم كل المئاسي ابالي ضل رسمك
يساكن كلبي وحشاي
عفتني محد وياي
حلم اتمنه ملكاك. اموتن رايده وياك
...................
بعد تالي العمر يايمه يسبوني
شمر بعدك يجاسم سوطه بمتوني
وراسك ع الرمح وتصدلك عيوني
انتهت قصه فرحنه وخابت ضنوني
عرسك عالرمح صار
هضم وجروحك كبار
يبعد عيوني بحماك... اموتن رايده وياك
الشاعر مصطفى فوزي المالكي
بصوت. مسلم المطيري
✨
لاعذب الله امي انها شربت
حب الوصي وغذتني باللبن ِ
وكان لي والد يهوى ابا حسن
فصرت من ذي وذا اهوى ابا حسن ِ
نفسي بحب علي المرتضى طربت
والناس من فرط اخلاصي له عجبت
رضعت ثدي الولاء من حرة ٍ نجبت
لاعذب الله امي انها شربت
حب الوصي وغذتني باللبن ِ🌸🍃
ياعلي ياعلي ياعلي ياعلي ياعلي ياعلي ياعلي ياعلي ياعلي ياعلي ياعلي ياعلي 🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
ياعلي ياعلي ياعلي ياعلي ياعلي ياعلي
#مجالس_محرم_الحرام
يا أم البنين
🔹🔸
من مثلي آم انطت كمـــر لعيونـــه
وربت زلـــم جند وخـدم يفدونـــه
يستاهل اهواي _ عينــي ونظرها
يستاهل اهواي _ روحي وصبرها
ــــــــــــــــــــــــــــــــــــــــــــــــــــــــــــــــ
ام البنين وباللقب معروفـــه
حسين غالي والنبض بحروفـــه
وّين مايبعد اظــل ملهوفـــه
عمري اصوغنه نهر لجروفـــه
من مثلي ضلت صابره وتتامل
بلكت يرد سبط النبي بالمحمل
مني التعب راح _ من اذكر اسمه
مني التعب راح _ اشتمــه نسمه
ــــــــــــــــــــــــــــــــــــــــــــــــــــــــــــــــ
ابني وعزيز على القلب وسنينـــي
غالي واعز من الولّد يحسينـــي
ام البنين وفدو اله ضي عينـــي
جفوف ولدي ترخص وجفينـــي
سالـــم اريدنـــه يـــرد لديـــاره
والروح تضحك لو شفت انواره
راية وترف شوك _ مـــن المدينه
راية وترف شوك _ توميله ادينه
ــــــــــــــــــــــــــــــــــــــــــــــــــــــــــــــــ
اربـــع كواكــب عالنهر مذبوحـــه
ادموعي بس على السبط مسفوحـــه
ذكره انطبع وسط القلب واجروحـــه
لو انسه ياروحي فلا مسموحـــه
حسين غالـــي والنظـــر يشتاكـــه
اصعب وكـــت من يبتعد بفــراكـــه
ضي الكمر غاب _ يم الشريعه
ضي الكمر غاب _ عن الوديعه
ــــــــــــــــــــــــــــــــــــــــــــــــــــــــــــــــ
من زغره شلته وللحظن دنيتـــه
صاير اميــري من الصبا وحبيتـــه
ياريت عمري بـــس اله ياريتـــه
من انجرح بسمه الجرح شديتـــه
عبدالله" جعفر "والكفل"وبعونـــي"
لحسين سبط ال النبي وفونـــي
ولدي يالحنان _ حسب الوصيه
ولدي يالحنان _ بالغاضريــــــه
ــــــــــــــــــــــــــــــــــــــــــــــــــــــــــــــــ
من زغـره جان وبالكرم عنوانـــه
كلما اشوفـــه يبتسم فرحانـــه
وصيت ولــدي الاربعـــه خوانـــه
ماريد طفلـه بالخيم عطشانـــه
افيــاي صيروا للسبط بالهيمـــه
واحتركـوا بالحومه قبل اي خيمـــه
طيحوله عالماي _ اربـــع بواســـل
طيحوله عالماي _ اه يابو فاضـــل
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
