بصوت. مسلم المطيري
الابنه من طاح وتوذر
كلمات الشاعر
فيصل عاشور المنصوري
بصوت. مسلم المطيري
أبني طب للحومه
حلوة حيل اعلومه
كلمات الشاعر
مرتضى مگطوف الموالي
بصوت. مسلم المطيري
ياعذر ذاك اليكفي او دمع خدي
كلمات الشاعر
موسى الخادم
بصوت. مسلم المطيري
لواء. كف عباس رفع
لواء. عالي بالأفق سطع
كلمات الشاعر
سلام المشعل
بصوت. مسلم المطيري
حيدر علي الوالاه
ماخاسر ابدنياه
كلمات الشاعر
مرتضى مگطوف الموالي
بصوت. مسلم المطيري
علي والينه. علي حادينه
كلمات الشاعر
قاسم الساعدي المندلاوي
بصوت. مسلم المطيري
خل نتلگه الحسين. مرمر حاله البين
كلمات الشاعر
سلام المشعل
بصوت. مسلم المطيري
هذا حيدر. بطل خيبر
كلمات الشاعر
قاسم الساعدي المندلاوي
بصوت. مسلم المطيري
دنيا بلايه شخصك ما أريدنهه
كلمات الشاعر
علي الزرگاني
بصوت. مسلم المطيري
ياصاحب الزمان
ياصاحب الزمان
كلمات الشاعر
رعد الفريجي
شوط كربلائي بصوت. مسلم المطيري
يبو اليمه نموت عليك
والله اليشهد بحبنه
كلمات الشاعر
حيدر حسين الگرعاوي
بصوت. مسلم المطيري
جيتك وهمي بگفاي
فگدك اصعب من ضماي
كلمات الشاعر
علي الزرگاني
بصوت. مسلم المطيري
علي الاكبر ياعلي. علي الاكبر ياعلي
كلمات الشاعر
فيصل عاشور المنصوري
بصوت. مسلم المطيري
عيد الغدير بنوره
ضوه على المعموره
كلمات الشاعر
قاسم الساعدي المندلاوي
بصوت. مسلم المطيري
🤍يا فرج الله🤍
🏳🌸🏳🌸🏳🌸🏳🌸🏳🌸
بعدني چنت بگماطي ......... ومهدي
والك منذور يالغالي ............ ومهدي
نطرت هواي يا منقذ ....... ومهدي
ودعائي بالفرج صبح و مسيه
🏳🌸🏳🌸🏳🌸🏳🌸🏳🌸
🩵كل عام وأنتم على الولاية والهدى🩵
جهاد البصيراوي
#مجالس_محرم_الحرام 1447 هـــ
ياعلي الاكبر
🔹🔸
الابنه مــن طــــاح وتوذر
بالدرب جم مــــره يعثر
شلون غمض عين الاكبر .. ياكلب الحسين
ــــــــــــــــــــــــــــــــــــــــــــــــــــــــــــــــ
شلـــون يمــــه كـــدر يوصل مــــن ثنيــــات الالم
الواكــــع ابنه اكبــال عينـــه وجــــزء منــه ما سلم
صعبــــه تتفسر كسرتــــــــه بحاله بس الله العلم
جدمـــه كوه يشيله خطـــوه حسين هـــذا ونهدم
المحني ضهره يمشي صعبه
يعثــر اويــــده على كلبــــه
اليفكد ابنه ايعيش غربــــه .. ياكلب الحسين
ــــــــــــــــــــــــــــــــــــــــــــــــــــــــــــــــ
اصعــب اللحظات مــــرت البيها مكســور الولي
الحطمــت كلبــــه ونبضته من وصل لابنه علــي
شافــه متغطي ابجروحـــه وكله انهض منهو الي
من ذبــــل كدامه الاكبـــر هذا المصــاب الجلي
المنكسر كلبـــــه اشيجبره
لذه ماتبقــــى على عمــــره
ايموت حسره اباثـــر حسره .. ياكلب الحسين
ــــــــــــــــــــــــــــــــــــــــــــــــــــــــــــــــ
تمدد بصفـــه ويحــــــــاول شلــون ينهض بالولد
المطشر برمل الصحــــاري صعبــه يجمـع جسد
خله خــــده بخــــد الاكبــر لســانـــه بالاخ انعكد
لـــزم بيده حسين ضهـــره وصــــاح ياحيدر مدد
غمض اعيون ابنــــه بيده
وماكطــــع نزفــه ابوريــده
الحظه هاي اشكد شديده .. ياكلب الحسين
ــــــــــــــــــــــــــــــــــــــــــــــــــــــــــــــــ
هــــذا الفـــراك وكسرتـــه تهـــدم ابــــواب الكلب
الكاسـر المعصوم ضهـــره افراك ابنه اشكد صعب
ضاقـــت الدنيـــا ابعيونـــه وبين نـــاره والحــــرب
منذبــــح الحسين بابنــــه الجاتلين ابنــــه غــــرب
الجاتلين ابنــــه رجاسه
بدمهم الزمـــره نجاسه
وابحجر مطكوك راســه .. ياكلب الحسين
ــــــــــــــــــــــــــــــــــــــــــــــــــــــــــــــــ
يادمع صـــب بحسرتــــك كلشي من بعده ظــلام
هذا الاكبر ضــــوه ابداري وعكبه عالدنيا السلام
اعيونــي من كثر الموادع ما ركــــد بيها المنـــام
هـــذا الاكبر هــرش كلبي جــــان بـــدراً عالخيام
حاجــــه العيـــون ابدمعها
الحسره تبدي من جرحها
الدنيــــا صوبتني برمحها .. ياكلب الحسين
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
#قصائد_محرم_1447
ــــــــــــــــ❀○•○•○☆○•○•○❀ــــــــــــــــ
ليلة 8 محرم الحرام
نزله حماسيه
((حلوه علومه))
أبني طـَٔب للحــومه.
حلوه حــيل علــومـه
___
أبني طب للحـومه وخلسها الزلم
وكشـخ بهـيبـت عمــامك ياشـهم
طبـها جاسـم والعـزم يتـبع عـزم
بسيفــه يكطف بالركاب ولا يـهم
يهـتف وبيــهم يصـول .
حتارت الحومه شتكول
بجبهته المرسومه حلوه حيل علومه
★★★★★★★★
أبني طـب للحومه وصكرها العده
ومن تطـب للحومه بيك مـــعاهده
تكطع اجـفوفه الوصـل يمك بـــده
وضربه من سيفك تراب توســــده
من تــطب أعلـيهم.
بصـولتك بـجيــهم
طير أنته النومه حلوه حـيل علـومه
★★★★★★★★★★
كلهـــــا يمـه أداللي وهاج الـوعد
جفوفي حمره بالدمه وهذا الـعهد
والعـــرس مااريده وأيــام الســعد
ياحـــــلاته مــن زعـل ذاكـه الـولد
من زعــل مـحــلاته.
هـلـــــهلن عمـــــاته
بالزعل مالـومه حلوه حيل علومه
★★★★★★★★★
أكشخ بهيبة علي وكــــت الـحرب
ويـــبن غلااب الــزلم لا تــــنـغلب
من تــطب الحومه يوجعني الكلب
والصـعب فــركاك يمـه شكد صعب
فركتـــك اه وأنيــن
زايد علـــيه الحـنين
أمك المـهظومه حلوه حيل علومه
★★★★★★★★★
يمه اذكري بكل وكت هذا المصاب
من تجـي فرحه وتمــر زفت شباب
كولي أبنــي بعـــرسه نام ع التراب
والله بعـدك ويـلي من جرح العذاب
والفرح راح الفرح
والكلب يمه نجرح
بفرحتك محرومه حلوه حيل علومه
★★★★★★★★
ويلي من باجر يويلي من الصبح
يامصـــيبه أحمل ييمه وياجــرح
ويلي ياويلي ع دمعي المنــفظح
أبني جاسم عل تــراب ومنذبـــح
يمه جاسم يل ضـنه
بفركتك ظهـري نحنه
بفركـتك مالومه حلوه حيل علــومه
_
كلمات الشاعر
الحسيني
مرتضى مكطوف الموالي
ياعذر ذاك اليكفي أ ودمع خدي... لو جنت انه سبب زعلك يمهدي
شرد اجاوب في حضورك
وانه الامـــخر ظـــهورك
اه يمهدي… اه يمهدي
*
الله لا ينــطيــني اذا زعــلــتك ابيــــوم
ميت اولا شـــوف زعـــل بعــينك و لوم
بيك اشم ريحة الزهرة ودعش معصوم
غالي واغلة امن النــفس احجـــيه لدوم
فدوة لا تزعل علية يابو صالح ..ان جنت غلطان انت اول من تسامح
طبعك اتسامح ابدورك
وانه الامخر ظهورك
… ..
ابيا وجه كدامك اوكف يا ضــوه الــعــين
وانــه يومــية اصـــيبك سهـــم سهمـين
عملتي أوياك أشــبه بشمر اويه الحسين
بظاهري انسان ابعروكي اشكــد شياطين
عفتك ابظهري وتبعت الشهوه اني .. وبيك ما فكرت يا صاحب زماني
اعتذر جارح شعورك
وانه الامخر ظهورك
…… ..
جــم صلاه فاتتني وانه اسمع للااذان
جم ذنب جم معصية البيه انه غركان
اسرح وامــرح ابكيفي ابلاية سلطان
واليزيد الطيـــن بلة اعترف غــلطان
كل ثنين وكل خميس اعمالي يمك.. يا فشلتي اذنوبي كثرة اتزيد همك
يا وجه بالجمعة ازورك
وانه الامخر ظهـــورك
اه يمهدي ... اه يمهدي
****
ادعي بالتعجيل الك واغـتاب بالنـاس
ابلاي حياء ومستحة ولا ذمة واحساس
ابكثرة اذنوبي يمــهدي شــايّب الراس
مـــثل ما شيّب احسين افـراك عـباس
اشلون اناديك العجل وانه مرائي .. اشلون اواسيك وجذب حزني وبكائي
ذنبي هادم باب سورك
وانه الامخــر ظهورك
اه يمهدي ... اه يمهدي
**
ياعـــذر ذاك الــيكفّر ذنــبي ويــاك
وانه كل يـوم اليمرني امـــزيد ابجاك
اي نعـــم انه الامـخـر يــوم مــلكاك
فدوه سامحني يمهدي ابدمعي انخاك
التمس منك يمهدي العذر فدوه .. اهواي زعلتك أورضيت الميسوه
سبب حزنك مو سرورك
وانه الامخــر ظهــورك
اه يمهدي ... اه يمهدي
……
من جنودك ادعي اصيرأ كلي أشلون
ما يصير وفعلي يشبه فعل فــرعون
انت يالمــهدي جنـــودك ما يـــزلون
وانه ياما وياما زل جــدمي والعيون
ليلة اجنودك تخلّص بالعبادة ... وانه نايم أحلم ابكرسي السيادة
حالي انظر موش نورك
وانه الامخر ظهـــورك
اه يمهدي ... اه يمهدي
…… ..
الحمدالله رب العالمين
اللهم صل على محمد وال محمد
موسى الخادم.
لِوْاء .. كفُ عباسُ رَفَـــعْ
لِوْاء .. عالي بالأفقِ سَطَعْ
لِوْاء .. لهُ التأريخُ رَكَــــعْ
* * * * *
للحربِ عباسُ نزل
بِعَزمِهِ نَادى البَطَلْ
هَل مِنْ مُبارِزْ
والقَومُ قَدْ تَجمعوا
لكِنهَم تَراجَعـــــوا
والكلُ عاجِـــزْ
ناداهـــمُ تَقرَبــــــوا
قِفوا قِفوا لاتَهرُبــوا
كُونوا رجالاً وأضرِبوا
وجهاً لوجـــهٍ حارِبوا
لِوْاء .. أثلجَ قلبَ النبي
لِوْاء .. عندَ مغوارٍ أبي
لِوْاء .. مبدأٌ الحقِ وَضَعْ
* * *
فِي كَربَلاْ لمّا غَضَبْ
فَرّتْ صَناديدُ العَرَبْ
أهلُ النفـــاقِ
والخَيلُ لمّا أدْبَــــرَتْ
في بَعضِها تَعثّــــرَتْ
ضاقَ الخِناقِ
منهُ القلوبُ تَخِفقُ
عن سيفهِ تَفرّقـــوا
لكن بنارٍ أُحرقـوا
وفي الدماءِأُغرِقوا
لِوْاء .. زينبُ تَنتْظرُه
لِوْاء .. قاهرُ الجبابره
لِوْاء .. هو حقٌ يُتّبَــعْ
* * *
أغضَبهُ جَيشٌ طغــى
كرَّ كليثٍ في الوغــى
ذلَّ الأعادي
منهُ حذاري تَقرَبـــوا
ألقوا السيوفَ وأهرُبوا
نادى المُنادي
أينَ الأسِنّه المُشرَعَه
أينَ السيوفُ القاطِعـه
مابالها لاتمنَعَــــــــهْ
ها قد وَصَل لِلمشرَعه
لِوْاء .. علـــويٌ فاطمـــــي
لِوْاء .. رفرفَ في العلقمـي
لِوْاء .. لهُ الفراتُ قد خَضَع
* * *
اللهُ أَكَبَـــــــرْ قَالَهــــــــا
وزُلزِلَـــــــتْ زلزالها
أرضُ الطفوفِ
أضحت جُيوشُ الطاغيه
( أعجازُ نخلٍ خاويه )
منَ الحتـــــوفِ
قامت قيامهْ فيهِمُ
الطفُ صارَ مُظلمُ
وفيــهِ بانت أنجُمُ
مأواهُمُ جَهَنَــــمُ
لِوْاء .. خالدٌ في كربـــــلا
لِوْاء .. إعتلى فَوقَ الُعلى
لِوْاء .. منهُ الجيشُ جزع
* * *
مُستَوقِــــدٌ بَتّــــــــارِهِ
وأرعَبتهم نــــــــارهِ
لها أجيـــجُ
الطفُ ضاقَتْ أرضُها
والقومُ لامَتْ بَعضُها
لهُم ضجيجُ
عباسُ شِبلُ المُرتَضى
حيَّتهُ أملاكُ الفضا
لَمْ يَحتَملْ جَمرَ الغَضا
فأدمـى كُلُ مُبغِضا
لِوْاء .. يَنصُرُ دينُ العلي
لِوْاء .. كانَ في كَفِ علي
لِوْاء .. كم وكم مجدٌ صنع
* * *
سلام المشعل
(عيد الغدير ﴾
حيدر علي لوالاه.
ماخــاسر ابـدنياه
علي علي......... مولاه.
علي علي ........مولاه
___
لا ماخــسر كلــمن اجــه وعلـن غــرامــه
الحيدر علي بهذه المسه ويبعث ســلامه
يصـبح تــره موله إله ويـصـبح أمـــامـه
ولــي نكـــر هــذا الخـبر نرفـض كـلامه
ناده النبي ويكـول
عنــكم علي مسول
علي علي. مولاه
علي علي. مولاه
_
حـيدر علي ومـن العلي والــي علــينه
مــن كنــــت مـــولاه أنــا نــاده نبـيـنه
حــيدر علي مــوله إله يعـــني ولــيـنه
بهذا المــسه نبــارك إله ونـرفع اديـــنه
بخـــن الــك مـــولاي
غنــــينه ألــك بالــناي
علي علي مولاه. علي علي مولاه
___
البايع تـره بهذا المسه وأعـلن غـديره
حيدر علي ابو الحسن يـصــبح اميره
هذا الكلب يهوى إله لا مـايحب غيره
وأبو الحسن بعد النبي مــاكو نظــيره
هذا الكلب يهواك
عـلي عــلي ناداك
علي علي مولاه. علي علي مولاه
__
واعلن غرامك ياالمحب نادي الـسقـيفه
حــيدر علي بـعــد النبـي اول خلــيفــه
ولــي خلف هــذه الأمر وصار الخليـفه
مرفـوض من رب العرش بـيعه سخـيفه
ناده الوحي ويكول
مرفـوضه مامقبول
علي علي مـولاه.
علي علي مـولاه
____
كلمات الشاعر
مرتضى مكطوف الموالي
مولد للإمام علي ع // الشاعر قاسم الساعدي المندلاوي
*
علي والينه علي حادينه
ابدربه أمشي للأبد هوه للشيعه سند
****
علي آية وخالدة اليوم الحشر
عالصراط ابحبه كل شيعي يمر
دومه بالكلفات ابو الحمله ذخر
ذكره نور ويضوي النه بالگبر
للأبد نهوآ رغم عالعادآ
ما يرد كلمن گصد هوه للشيعه سند
**
بيعة الكرار وجّبهه الجليل
بيعه ويّه ادمانه عالمذبح تسيل
هوه مندوب ابوكت حمل الثجيل
والتبع خطواته يخسر مستحيل
بالحساب اهناك الولي يتعناك
يوم ما ينفع ولد هوه للشيعه سند
****
تسمع انته الطفل من يبدي ابكلام
يا علي يلفضهه چنه باحترام
شنهي معلوماته عن هذا الإمام
ايردد اسمه من جلوس ومن قيام
نعلم الحاله امن المهد وآله
وآله مولآ بالمهد هوه للشيعه سند
**
يا علي ومحلاهه من چلمه نگول
بالشدايد ندري بس يمه الحلول
يالتضدنه هوه من نفس الرسول
وبعد يكفينه فخر زوج البتول
شرّفه ربه انولد بالكعبه
وسط هالبيت انولد هوه للشيعه سند
*
منهو غيره ابهالمكارم يوصله
هالمكارم چنهه صارت بس اله
يبقه ضي اعيونّه عقد الوله
ذكره قرآن الموالي ايرتّله
وصّفه القرآن سيد انس اوجان
عن قناعه ومعتقد هوه للشيعه سند
حين وقع علي الاكبر في الميدان وذهب الامام الحسين أليه .. كانت السيده زينب سلام الله عليها بالمخيم وبجانبها ليلى ام علي الاكبر ينتظران عودة الحسين .. وإذا بالعقيلة زينب ترى الحسين من بعيد عائداً .. فعرفت حال أخيها .. وكأني بها قد ألتفت الى ليليى أم علي الاكبر وقالت لها :
خل نتلكه الحسين
مرمر حالــه البين
أبن أمي يليله رد ينزف دليله
خل نتلكه الحسين
* * *
من أجه ضيمه عرفته من مشيته
ساعه يتخوصر وساعه كض لحيته
حسين ظهره أبد مو هيجي حنيتـه
بس جهبته أعرفته أخوي أنهدم بيته
مهظوم أشوفه من رجع
وأتعثــــــــــر وكام أوكع
وأتحسر
ضي عينه من أنطفه
ناده على الدنيه العفه
يالأكبر
وينك يبوالنوماس تجيلـــــــه يعباس
امصابه هدم حيله
رد ينزف دليلـــــه
* * *
مات أبنه بين أديه وزاد همـه
ونخه شبان الهواشم أبواليمـــه
أخذوه كلهم وصله وصله لموا جسمه
آنـــه ما أكدر أشيله خاف ألجمــــه
يمشي وراهم أجــه
نار المواجع هايجه
بدلاله
يعني أشكثر بيه ألم
أمن المعركـه للخيم
ماشاله
من شافه المظلوم أموذر حلو الرسوم
مايكدر يشيلــه
رد ينزف دليله
* * *
راح ياليلـــه عزيزج من أدينــــــه
أمن الحرب جابوه عمامه شايلينه
مابقى بالدنيه وآهس ترتجينـــــه
كومي وأتوجي أعلى صبرج يالحنينه
أبنـج عزيز الكلب
وسفه تضمه ترب
ياوسفه
الاكبــــر عازه عازته
يبقى جرحها امصيبته
مايشفه
من شفته بالخيام كمت أعثر بالآلآم
المايوجد مثيله
رد ينزف دليله
* * *
يابعد روحي وعيوني وبعد رمشي
أيه يزينب راح أبني اليعيني كلشي
وليدي ردته من اموت يشيل نعشي
وهسـه لو بيدي اموت أوياه ومشي
لحسين كلبي أنكسـر
من شفته حيل أنقهر
زاد الهم
كمت أبجي يمه همس
ما اريده بيـــــه يحس
أويتألم
الموت الياخذ الشاب يفرق بين الاحبـــاب
والعشره الطويله
رد ينزف دليلـــه
* * *
الموت من يبس يويلي شفاف الاكبر
آنه أم وكلب الأم حكه أيتفطـــــــر
بس أبوه حسين حزنه مني أكثــــر
هاي أول مره أشوفه بمشيه يعثــر
من شفت حال الولي
كلت دخيلك ياعلـــي
أحظرنه
لمّن حضن مهجتــــه
أتوقعنه مات بشهكته
أتمرمرنه
يم أوليده من طاح كلمن شاهده صاح
شفته يالعقيلـه
رد ينزف دليله
* * *
أتمدد بطولـــــه أوخــــده على خده
وجني أسمع نبض كلب حسين بعده
آني أعرفه علي الاكبــر غالي عنده
جان من يشوف وجهــه يشوف جده
بحضنه وأجته امنيته
كول شكبــــــر شهكته
أعلى وليده
حسين نبي بالصبـــر
وبعد أبنه صار العمر
ميريده
زين وبعده بيه روح وحامل هاي الجروح
نوايب تعتنيلـه
رد ينزف دليله
* * *
سلام المشعل
مولد للكرار ع // الشاعر قاسم الساعدي المندلاوي
*
هذا حيدر بطل خيبر هذا حماي الحمه
قالع الباب بيمينه هذا ابو الحمله علينه
****
من نراجع يوم خيبر والجره
ننحني ابأجلال أحنه الحيدره
وين مرحب وين ربعه وخيبره
ابسيفه ابو الحملة بطلهم گنطرة
لمن اغضب شطر مرحب علي راعي الموزمة
خلّه كل خيبر حزينة هذا ابو الحمله علينه
**
قلع ذاك الباب من شاف الرسول
ينظر ومحتار ما يدري اشيگول
صار بيده گنطرة اتدّوسه الخيول
وتعبر بزود الولي فحل الفحول
قلع بابه والصحابة من خجلهم نادمة
ما يريد اللي يعينه هذا ابو الحمله علينه
****
قدّم الأصحاب طه الهالأمـــــر
بلكي تكمل بيهم اعلوم النصر
وبيهم الجيش ايتراجع يندحر
هذا يوم الموزمة وماكو عذر
كلهه ردت ما تحدّت للهزيمه امحزّمة
يدري اليحلهه ولينه هذا ابو الحمله علينه
*
گال باچر راية أنطيهه الرجـــل
ايحبه ربه الخالق وخير الرسل
يفتح الله ابرايته كل السبــــــــل
وديني ابهالعصمة واجب يكتمل
سيفه يلهم لو تحزم يكتب اعظم ملحمة
بس عرف زوده نبينه هذا ابو الحمله علينه
*
يمشي ويّه الجيش عنوان الصمود
اتلوذ بي وكت الشدد كل الجنود
هوه جيش الوَحده يعبر كل حدود
الهذا يوم الله تهاب اسمه اليهود
وبفقاره يحمي جاره وعلى نفسه يقدّمه
ما يصل وصفه حچينه هذا ابو الحمله علينه
دنيا ابلايه شخصك ما اريدنهه
وآنه الخاطرك يحسين احبنهه
حسينا واحسين حسينا واحسين
................
ياعشك الزغر يالتارس اعيوني
يهنيالي اذا خادم يسموني
گبل الذر هويتك وانته بضنوني
لگيتك ضي لچن ضلمه اليلوموني
حسينآ بالزغر مو بويه اگولنهه
وانه الخاطرك يحسين احبنهه
.................................
يل كلك وفه وجنك ابو بحضنك
وحگ زينب انه بمهدي واحبنك
كلشي مااعرفه بس انته افهمنك
واناغي بيك يالما ينشبع منك
حلاة الدمعه لو لجلك اصبنهه
وانه الخاطرك يحسين احبنهه
......................................
من ايام مهدي وفزتي ابليلي
ياخذني البجي ومايرحم بحيلي
وتجيني امي ابنواعيك تلوليلي
الحنينه امعلمه بسمك تناغيلي
واسكت وانخرس لمن اسمعنهه
وانه الخاطرك يحسين احبنهه
......................................
دورتك لگيتك آيه مذبوحه
ياهو الشيعته گبلك نذر روحه
عهد يحسين من خادم كثر نوحه
اشما اذكرك الاگي الدمعه مسفوحه
وريت اخيامك ادموعي اليطفنهه
وانه الخاطرك يحسين احبنهه
.....................................
ريت اعليك ما ينكطعن ادموعي
ودونك ريت حافر كسر اضلوعي
غيرك سيدي ما يحله موضوعي
عالفطره وهويتك انه من طوعي
وربيت اعله المصيبه الما حصل منهه
وانه الخاطرك يحسين احبنهه
..................................
راح اختم كلامي والقسم دمك
هواي انته وصرت يحسيني اشتمك
باجر بالحشر تشفع للأيخدمك
واتحضنه ابكثر نبل العده ابجسمك
ومثل حضنات الاكبر ناسك احضنهه
وانه الخاطرك يحسين احبنهه
خادم اهل البيت علي الزرگاني
يا صاحب الزمان
يا صاحب الزمان
،،،،،،،،،،،،،،،،،،،،،
سلام من العيون الرادت تشوفك
سلام من الدموع الحظنت حروفك
بچي ليل ،، انتهى الحيل ،، عذاااااب
نحن ليك ،، نحاچيك ،،، مصاااااب
بعيدين وقريب انته
يصفنه مرافگه السكته
يضيم ابگلبك الشلته عذااااااب
يا صاحب الزمان ،،، يا صاحب الزمان
،،،،،،،،،،،،،،،،،،،،،،،،،،،،،،،،،،
وصلنه الحال ما ردنه العمر دونك
تعبناك ندري ونسأل شلونك
وطن مات ،،، بالاهات ،،،، شهيد
الفرح راح ،،، بالاجراح ،،،، بعيد
يمهدي وانته تدرينه
بألمنه وظلم ماضينه
على الونه تغطينه شهيد
يا صاحب الزمان ،،، يا صاحب الزمان
،،،،،،،،،،،،،،،،،،،،
تمر جمعات وايام العمر وحشه
ظلام الليل كلش زاعل الغبشه
على البال ،،، ولا زال ،،، هواك
يموعود ،،، يبو الزود ،، رضاك
خلاص الناس بانفاسك
تريدك يا شهم ناسك
سلام الله على احساسك هواك
يا صاحب الزمان ،،، يا صاحب الزمان
،،،،،،،،،،،،،،،،،،،،،،،،،،،،،،،،،،،
نگول الله الكريم وباچر الملگه
ولو هو الحبيب يموت بالفرگه
الوجع وين ،، بالسنين ،،، حرام
تره نموت ،، بلا صوت ،،، حمام
مثل اطيور التهاجر
تحن تشتاگ وتسافر
بعيد وطوول الباچر حراااام
يا صاحب الزمان ،،،، يا صاحب الزمان
،،،،،،،،،،،،،،،،،،،،،،،،،،
نشوفك راحه بس الروح تعبانه
نريدك چف تراهه الناس غرگانه
وكت آه ،،،، دفناه ،،، يتيم
يمنصور ،،،، تره الجور ،، جحيم
كبر هم البشر مهدي
يبعد العافية العندي
انه بدونك طفل وحدي يتيم
يا صاحب الزمان ،،، يا صاحب الزمان
✍️✍️✍️✍️✍️✍️✍️
كلمات الشاعر / رعد الفريجي
#قصائد_محرم_1447
ــــــــــــــــ❀○•○•○☆○•○•○❀ــــــــــــــــ
شوط كربلائي .....✍️ يبواليمه نموت عليك والله اليشهدبحبنه
مناحرنه شكثر نزفت وما عفنـه مواكبنه
**
نموت عليــك يالماكو بغلاتك بالبشــر كلها
لون مـا دمــك الكعبـة أصــلا محــد اندلــها
شلون اطيــح رايتـنه والموعــود شايلــها
وعلي اندوخ أبوإسرائيل لو فكرت بينه تعيل
عدنه جيوش مثل السِيل ونبيــد الطَبع وياهه
ويانــه المهدي غايبـــنه
**
نموت اعليك يالحُبــك لومــا هوه ݘــا متنه
لـون ما كربله وطفك يبــو الأكبـــر تشتتنه
فهمنه الدين من عندك وعاشـــوراء ربتــنه
هيـݘ وكربلــه ترجــع إلــه ويــاك نتكَـــطع
(هل مِن)بعدما نسمع لإن كـل شيعتك ويـاك
انصارك سيـدي احسبنه
**
نموت اعليك يالإسمك بي كل كَلب شيعي يدكَ
اليحب لويحب مثل حسين لوكل غمره ما يعشك
اليبطي على الصحن ݘم يوم والعباس كَلبه يطكَ
خطيـة المــا يعرفـونك والله لـــو يفهمـــونك
ݘـا كلسـا يزورونـــك وݘا ماتو على الشبـاݘ
وعليـــك تمــــوت تتمــــنه
**
نموت عليــك يالمنـك عرفنه الدين والإصلاح
بلايـة التضحية يعنــي الظــالم أبــد ما ينزاح
الشهيــد الراح يتخلد ويموت الجانـي والذباح
شوف حسين أبو العترة هم شايف مثل كَبرهَ
الكواكب تحسد الحضرة النجوم تهني بالزوار
وتبــارك المهــدي إبنــه
**
نموت عليك يا أروع بشر حتى السمه تحبه
وعبن الله يحب حسين خــلاه يشـــبه الكعبـة
الشمس ما تشرق علينه اذا ما شـافت الكَـُــبه
ويتمنــه الكَمــر يمـك حتى بكل مســه يشمـك
خِـــدام إلـــك ولأًمـــك وهنيــال اليقبله حسين
وترضــــه فاطمـة عنـــه
**
نموت عليـك يالضعنك فــوكَ الهِــزل امسـلب
وݘم ابنيــه ألك مولاي كَلبها من القهر شيب
ما وآفيـــك لـــو أبقــه إلك طول العمـــر أنحب
يالوآفيتــنه بنحــــــرك وهِشمت خيلهم صـدرك
فدوة اراوحنــه الكَبرك منيتنه نموت من أجلك
يشــــهد سيــــدي ربنــــه
**
نموت عليك يالصدرك لســـا بـــي أثــر حافـر
ولسه النـــار بخيـــامك ولسـه تريدلك ناصر
وكون انهيــــئ انفسنه للموعـود من باݘـــر
مثلك هم يريد أنصار تركض عالرصاص الحار
مليــــانه الأرض كُفــار غــايتــــهم يهدمونــك
ونسَلِمــــهم اركَبــــــنه
**
نموت عليـــك يالإبنـــك يمليها غـــداً عـــــدلاً
وكــإن النــاس بالجنه بعدما مؤلِئـــت جــــوراً
إذن حقـــه يبـــو اليمـه بيك الشيعي من ينجــن
يالخيرك فــــــلا ينــعد ثارك بينــه ما يبـــــرد
الشمروي الدواعش رد وݘم عابس وكَف دونك
وكَصو شــــاربه الطبــنه
**
حيدرحسين الكَرعاوي
جيتك اوهمي ابگفاي
فكدك اصعب من ضماي
....................
خويه ياعباس وينك حملت همي واجيت
شنهي مافززك دمعي گبال جسمك من بجيت
هاي اول مره تمشي وعن خيم زينب بطيت
هاي اول مره اصيحن ماتهد لمن نخيت
كوم ياسور وذراي جيتك اوهمي ابگفاي
.................................
هاي ساعات الوصيه تدري كض ايدك علي
زينبك ضلت وحيده ابدار غربه ولا ولي
ينكسر ضهري ابغيابك يالحسبتك كل هلي
اشما كثر همي ابوجودك من اشوفك ينجلي
ضمد لجروحي ودواي جيتك اوهمي ابگفاي
....................................
كوم يمطشر جمعهم هسه ملتم الجمع
سمعو زينب حجيهم مر ابد ما ينجرع
وكت يا عباس تطلع زينب ابنص الفزع
ابليل بس نسوان عندي وما ايسرك هالوضع
وبس عباتي ومستحاي. جيتك اوهمي ابگفاي
......................................
ارد اسولفلك سوالف وارد اگلك بالجره
تدري بعيالك عطاشه وبالاخيام امحيره
ياهو انشده ايگلي عمه وين سبع الگنطره
دورت العين ابجفنهه اعلينه خصمك دايره
من درو غايب حماي جيتك اوهمي ابگفاي
.......................................
اعليك اعاتب يالجبتني ابغربه عايفني اشعجب
والعتب عباس اعرفه للي بس يسوه العتب
هاي قسمتهه المنيه والطفوف اكبر سبب
كوم مو خدر الفواطم عگب الحسين انسلب
بالعطش وبصفنه ماي جيتك اوهمي ابگفاي
.........................................
رد عليك ابداعة ختك رد يشيال الحمل
سيف يذبحني ابوريدي فكدك الما ينحمل
ياهضم بالغاضريه خاف زينبكم تمل
اشلون نركب بالضعينه وحضرو نوك وهزل
واصد ما الكاك جاي جيتك اوهمي ابگفاي
خادم اهل البيت علي الزرگاني
#مجالس_محرم_الحرام 1447 هـــ
ياعلي الاكبر #نزله
🔹🔸
علي الأكبر ياعلـــي علي الأكبر ياعلـــي
ــــــــــــــــــــــــــــــــــــــــــــــــــــــــــــــــ
الموت لبسني قميصه ورحت من دون الكلب
زارع العبــــاس بيــــه واكلب الحومــه كلب
بالحرب يلكاني باشط يلكــــه حيدر من يطب
عكده محلوله المصاعب عيني اسدها بالصعب
ــــــــــــــــــــــــــــــــــــــــــــــــــــــــــــــــ
اتراب طف الحومه كلها غيمه يصبح من اكر
من يعيش الاسد دوره الثعلب يعيش المكر
انــــه ابن خير الاشـــاوس يا ابن غانــــم بكر
الحومه حومة آل هاشم وانسه من عدها افر
ــــــــــــــــــــــــــــــــــــــــــــــــــــــــــــــــ
من ازامــــط حكي افخر علي وجدي حيدره
ابن سيد الجنــــه انــه وعمي سبع الكنطره
ضربــة اجفوفي تعــــادل زلــم كلهم مفخره
انه خــــلاس المنايه وزودي مــــن حيدر تره
ــــــــــــــــــــــــــــــــــــــــــــــــــــــــــــــــ
انه من ادخل معارك جيش يم جدمي يطيح
من اكول المدد وانهض ما يصح الا الصحيح
اليدنه يم سيفي اشطره وخله بألامـــه يصيح
واضحــــه حدود المخيم والكرب يوكع ذبيح
ــــــــــــــــــــــــــــــــــــــــــــــــــــــــــــــــ
جيش كامل يمي ادوسه ومن ازامط بالفعال
الصعب يسهل عليه ويمي يخضع كل محال
احنه ابطــــال الهواشم والنه لايك كل نزال
من اهد امحي الجحافل يمنه اطبكها وشمال
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
مولد للغديرية // الشاعر قاسم الساعدي المندلاوي
***
عيد الغدير ابنوره ضوّه على المعمورة
***
عيد ما مثله ولا يوصلّه عيد
صار للأسلام من وكته نشيد
عنه كلمن مبتعد خاسر أكيد
مسكنه ابيوم الحشر جار اليزيد
متعلّي بالحق سوره ضوّه على المعمورة
**
أمر واضح من نزل ما بي جدال
ويقبل القسمة على غيره مُحال
هوّه راعيهه التميَّز بالنزال
غصباً اعله الخالفَوا واهل الضلال
ينثر علينه ازهوره ضوّه على المعمورة
*
هوّه ألهه والخلافة اتلوگ اله
فارس وعالمهرة خيال اعتله
حصّل امن الخالق اعظم منزلة
صار قرآن الموالي ايرتله
من بعده كل ابدوره ضوّه على المعمورة
*
كلمن ايريد الشفاعة بالگبر
ورايد ايزوره علي ابذاك العسر
ياخذ ابهاليوم من حيدر أجر
ينتفع بي لمّن ايحين الحشر
من الله ماخذ دوره ضوّه على المعمورة
*
مو فقط بالأرض لا حتى السماء
فرحة عَمّت وارتفع منهه النداء
ابجاه فاطم ربي تقبل هالدعاء
ينقبل من عدنه كل هذا الولاء
كل صعبة بي ميسوره ضوّه على المعمورة
*
إسمع احچاياتي بيهن إتّعض
وكون ما تقبلهه صَدّگ تنرفض
خَلّي گلبك جعفري منّه النَبض
مو فقط ترضاهه شيعي باللفظ
هَبّت علينه اعطوره ضوّه على المعمورةمشكوله تحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘🎈🎊🎉 ..........👩🚀.....................🦋🦋🦋متبـــاركين يا شيعة علي 🦋🦋🕊
بصوت. مسلم المطيري
سلام الله على حسيني
اله ابعث سلام الروح
كلمات الشاعر
زيد الحدراوي
