بصوت. مسلم المطيري
انه گلبي انكسر
على ام الگمر
كلمات الشاعر
حيدر العمار الخزعلي
بصوت. مسلم المطيري
انه منكم بريه
كلمات الشاعر
حيدر العمار الخزعلي
بصوت. مسلم المطيري
آه يام البنين
كلمات الشاعر
رحيم الصالحي
بصوت. مسلم المطيري
انه ام البنين وراحوا ابنيني
كلمات الشاعر
رعد الچريخي
بصوت. مسلم المطيري
اخر نفس بيه.
كلمات الشاعر
عبدالجليل المالكي
بصوت. مسلم المطيري
يافاطمه. يافاطمه. يافاطمه يام البنين
كلمات الشاعر
محمد حسن ضيغم
ابوذيه بصوت. مسلم المطيري
هجرهم ياكل بروحي .. والمهم
وانه الچنت خيمتهم .. والمهم
الليل بطول ساعاته .. والمهم (أذاهه)
وحتى بطيفهم شحو عليه
*--------------------*-----------------*
✍بقلم خادم ام البنين ع
الشاعر رعد الجريخي
بصوت. مسلم المطيري
بسم الله گوم الفاتحه اقراها
كلمات الشاعر
موسى البديري
بصوت. مسلم المطيري
يبني ياعباس احلفك بالربه وذاك السهر
كلمات الشاعر
حيدر الخفاجي
بصوت. مسلم المطيري
شگد چبيرة. انه خادمة الحسين
كلمات الشاعر
موسى البديري
بصوت. مسلم المطيري
#أبوذيات
لمصيبة ام البنين عليها السلام
وبلسان الحال كأني بها تقول :
ليالي الچانت اويه احسين ... وينها
عزيزه ابجاله آمر چنت ... وانها
مشه او روحي يفت الصخر ... ونها
او لهو اليسمعني لاهو الراد أليه
وين الروحي ابدن ... ما تملهم
غير العطش والحر .... ماتم الهم
مشو . كل عمري عشته .. ماتم الهم
بلكت ماتم اينصبون أليه ...
ألومنكم لچن شيفيد .... لمكم
يمن وادي الطفوف اوصال ... لمكم
عجب يا يمه متگومون ...... لامكم
بس اسويعه من گبل المنيه ....
يولادي اليرف عالي ..... علمكم
جفيتوني فرد جفيه ..... علامكم
منهو الساعه اليصلي .... على امكم
او منهو الي يواريها الوطيه .....
اشكثر عل رمل ضامي ... لاج الحسين
انه ابهل ليله بيّه ......... لوجه لحسين
علي لا جه ابو فاضل .... لا جه لحسين
متت واعيوني تربي اعله الثنيه
ابو فاطمة الطائي
بصوت. مسلم المطيري
ماطاحت عباتي
كلمات الشاعر
حيدر موسى الرميثي
بصوت. مسلم المطيري
نعي عن لسان ام البنين
سلام الله عليها
يلتنادوني بسم ام البنين
تذكروني بلوعتي وجمر الونين
اربع ابدور المشوا عني وصرت
بيتي خالي ومابعد عندي بنين
توذورا بسيوف مابيهن رحم
على الغبره احباب گلبي اموذرين
يوم گالوا بالعمد راس انهشم
وطاحن جفوف الگمر يسره ويمين
واشد كل هاي المصايب علگلب
سهم المثلث فطر گلب الحُسين
الشاعر حسن لعيبي الحريشاوي
لوفاة ام البنين سلام الله عليها
بعد الأحباب. ضلت تنوح
ام الإبنين. بگلب مجروح
من الهظم متكدره. ام البنين الطاهره
ضلت تنوح
★★★★★
موفرد واحد خذت منها المنيه
شو عشيره اتْذبَّحَت فوگ الوطيه
اموذرين عل الثرى. انجوم الثريه
المامثلهم بالخلگ اهل الحميه
وين الحسين. اوين عباس
مااجوني. رفعة الراس
ناشدت متحيَّره. ام البنين الطاهره
ضلت تنوح
★★★★★
شگد توَلَّاهَا الهظم مكسوره خاطر
لازمه ادروب الصبر ضلت تناطر
والگلب دون الخلگ بالنشد حاير
أسوَّه بيهم مادرت من لفه العاشر
لاكو كافل. لا كو رايه
حسين وحده. وي المنايا
ونارها متوجره. ام البنين الطاهره
ضلت تنوح
★★★★★
من گصد بخبارهم ناعي المدينه
لعينها صد وتهل دمعات عينه
كل نشدها تگله وين حسين وينه
گلها ابوفاضل الگوم مگطعينه
يبن حذلم. عوف الإبنين
تگله شنهي. اخبار الحسين
تگله بحسين شجره. ام البنين الطاهره
ضلت تنوح
★★★★★
من درت بحسين بلحومه توذر
والسهم چتال وبصدره تكَسَّر
براس ابوالسجاد ضل الشمر يفتر
هوت علتربان صاحت يبوالاكبر
اتمنه بعدك. ساعة الموت
الدنيا بعدك. مثل تابوت
الوانها متغيِّرَه. ام البنين الطاهره
ضلت تنوح
★★★★★
ياعمر ستين خلص بالنوايب
طبرة الكرار. أول هلمصايب
والحسن مسموم شافت جسمه ذايب
وابواليمه انذبح. منهوب الرچايب
تريد اهلها. شبحت العين
الموت اجاها. ام البنين
بيها. أسف محد دره. ام البنين الطاهره
ضلت تنوح
الشاعر حسن لعيبي الحريشاوي✍️....الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔💔........👩🚀...............
بفاتحــــــــــه الأم الكمر تكضي حاجاتك
لا أبد مــــــــــــــا تعتذر تكضي حاجاتك
جــــرّب وأقـــــره تزفلك البشرى
بفاتحـــــــــه الأم الكمر تكضي حاجاتك
**
يلي محتــــــار بـدنـيـتــــك وبـــــــــلاويها
أكصد الأم البنين وأبـــــــــــــــدي حاجيها
كلها يــــــــــــا مولاتي جيتج علتي داويها
تداوي كـــــــــــــل علتك وتشفه ما تخليها
صيح يـــــــا أم الوفه تكضي حاجاتك
يا نبع كـــــــل عاطفه تكضي حاجاتك
عليج بالزهره تزفلك البشرى
بفاتحـــــــه الأم الكمر تكضي حاجاتك
****
نالت الهاي الكرامـــــــــه بعــــــد خدمتها
الآل طه المصطفــــــــــــــى بطيب نيتها
وبعد مــــــــا صبرت وحملت جمر دنيتها
جعلها بارينـــــــــــه وجيهه وعلّه رتبتها
باب بارينــــــه صفت تكضي حاجاتك
أطرقها لـو أنت حرت تكضي حاجاتك
كلبــــــك تسره تزفلك البشرى
بفاتحـــــــــه الأم الكمر تكضي حاجاتك
**
أبــــــد مـــــا فـــــد يوم ردت واحد بنيته
حتى لليسأل وينشد مـــــــــــن وسط بيته
تلبي كــــــل حاجه طلبها وتكضي أُمنيته
وبمســــره دوم يبقـــــــــــه الساعة منيته
أندبها مـــــره بالعمر تكضي حاجاتك
مــــــــا تعوفك بالكبر تكضي حاجاتك
ما تضل حسره تزفلك البشرى
بفاتحـــــــه الأم الكمر تكضي حاجاتك
*
كلنه نعــــــــرف هالحقيقه وكلنه عشناها
بيدنه نلمس الحاجـــــه لــــــــــو قريناها
الفاتحـــــه الأم البنيــــــــــن إلها هديناها
بيها يسهل كــــل صعب لـــــــــو ندبناها
هاي عدنـــــه مجربه تكضي حاجاتك
والبعيــــــد أتقـــــربه تكضي حاجاتك
حالك أتغيـــــره تزفلك البشرى
بفاتحــــــه الأم الكمر تكضي حاجاتك
**
باب حاجــــــــــه وإلها أكصد لا لتتأخّر
وأطلـــــب شما ردت منها تسرك وأكثر
تشافي كــــــــل معلول هيه وحاله يتغيّر
للندبها بكلب صافــــــــــــــي لا متتعذّر
كفــــوا منها والنعم تكضي حاجاتك
ربّت الأربـــــع زلم تكضي حاجاتك
نــــــــذر للعتره تزفلك البشرى
بفاتحـــــه الأم الكمر تكضي حاجاتك
*
اسألك يــــــــــا ربي وأنشد بلـّي خدمتهم
فاطمـــــــه أم البنيـــــــن وباللي ضحتهم
تعجّل بطلعة أملنـــــــــــه المهدي حجتهم
خلي ياخذ ثار أهله مــــــــن اللي عادتهم
لــو دنه وصار الفرج تكضي حاجاتك
يصفّي ثـارات الحجج تكضي حاجاتك
سهل الأمـــــره تزفلك البشرى
بفاتحـــــــه الأم الكمر تكضي حاجاتک
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
نزله لمولاتي أم البنين
...............................،
آنه گلبي انكسر
على أُم الگمر
اواري دمعتي
ويون الهه الحجر
مثلهه ماشفت
عليهه اتعجبت
مثلهه يامره
مثلهه يابشر
اليصبحهه الحزن
ويمسيهه الحزن
تنوح لكربله
على الصارو وذر
شبع من البچي
السمعهه تندعي
الهي بحق علي
تعجل بالقدر
للحسين الدمع
تناديله استمع
تمنيت اندفن
تحت رجلك أثر
انه بهذا الوضع
واحلفك بالضلع
يغالي لو تجي
يفاركني القهر
عفتهم الاربعه
نطرتك طامعه
اشوفنك عسن
ترد آمن السفر
خلص هذا العمر
تناديله آبـ صبر
ولا منك عذُر
ولا منك خَبر
تحير قصتي
اموت بغصتي
يحماي الضعن
أنه گبري انحفر
تنادي للأبن
انه راح اندفن
ييُمه ماتجي
عجيبه ياگمر
هاي اجنازتي
وحيده وغربتي
وازيدنك علم
تره ضهري انكسر
لفه ليه الاجل
تگلهم بالزعل
يـَولدي الاربعه
ولا واحد حضر
............................
اهدي ثواب هذا العمل الى روح والدتي
(فائزة بنت تقية )
رحمها الله بشفاعة ام البنين عليها السلام
رحم الله من قرء الفاتحه على روحها
الشاعر : حيدر العمار الخزعلي
قصيدة (أنه منكم بريه )
بحق ام البنين (ع)
■■■■■■■■■■■■■■■■■■
أنه منكم بريه ...لو رجعتم عليه ...من غير الحسين
طيحوا كدامه ... وصيروا خدامه ... يالميامين ...
يالميامين
••••••••••••••••••••••••••••
شو تعالوا خل اوصيكم وصيه
وايد فوك الايد خلوهن سويه
كلمن يقدملي عهده بهالمسيه
صيرو سند يالأربعه لأبن الزجيه
صيروا احزامه ورفعوا الهامه بالميادين يالميامين
••••••••••••••••••••••••••••••
ياولد الغضنفر حيدر قالع الباب
حسين لوطر البحر امشوا يالاطياب
ولاتنشدونة السبب وشتالي الاسباب
هذا سيد دنيته ومكشوف الحجاب
امشو بلسانه انتم خوانه وگره العين يالميامين
••••••••••••••••••••••••••••
خلوني ومشو ماردت منكم حراسه
شلي بيكم والگلب مايمه ناسه
ماأموتن أشعليه لا تخافون انتكاسه
نروح فدوه وخل يضل يايمه راسه
انتم ازلامه وذخره لأيامه اخوت حسين يالميامين
•••••••••••••••••••••••••••••
عباس خل شيلتي يُـمه برحلكم
حته تحمون الخدر وي شيلة امكم
لانتو ولدي ولا مني ولا انه منكم
لو خذوهه يعني سلبوهه لاختكم
حرسو صيوانه علي وصانه ها يالبنين يالميامين
••••••••••••••••••••••••••••••
بالدرب يبني الگمر لا تفاركهم شبر
بالوصيه يُمه ادري يال دگيت الصدر
لو اموتن راح اضلن بالوفه انه انذكر
بالنياح وبالهظيمه ادري يخلص هالعمر
روحي مبچاهه يبقه وياهه وتعمه هالعين يالميامين
•••••••••••••••••••••••
الشاعر :
حيدر العمار الخزعلي
في حق ام البنين. ع
لون عندك موعضه بيهه ويقين
توضه. وقره الفاتحه. لم البنين
حاجتك مكضيه
كون صافي النيه. لم البنين
-----------------
باب انتي لدعاء. يفتح ابواب السماء
ام. البنين
واليكصدج مايخيب. انتي لجروحي طبيب
كرت العين
صافي النيه اجيت. معتنيج انه وبجيت
بجاه الحسين
عندي هوايه ذنوب. مقصر وجيتج اتوب
ونتي تدرين
انتي ادره بحالتي يم. الحزن
لجلج اعيوني يصب دمع الجفن
وحضر التعزيه
كون صافي النيه لم البنين
-----------------
اليعتنيلج مارجع. يشرح اهمومه الدمع
لو تعناج
انتي تسبيحه وفرض. بيج احنه نتعض
ما نسيناج
صرتي انه معتقد. بينه عل فطره انولد
الله خلاج
الف هنياله الخدم. بمجلسج ناح ولطم
نضل ننعاج
شايل اجوحي وجيتج لاتقصرين
سجليني وي سجل خدام الحسين
بروحي احسينيه
كون صافي النيه. لم البنين
-----------------
منج اعرفنه الوفه. ونتي كلج عاطفه
يم الزان
قدميتيهم سوهه اربعه جنهم ضوهه
وهذا برهان
الرحمه صارت كله بيج. مايخيب اليعتنيج
عاليه الشان
علميتينه. الصبر. ناذر سنين. العمر
وكلبي لهفان
انتي ربج جعل من عندج كرامه
خذتي نورج كله من نور الامامه
بكل فرض يوميه
كون صافي النيه. لم البنين
-----------------
خلصن اسنينج حزن. الدنيه صارتلج سجن
بعد الحباب
كضن ايامج هضم. جرح كلبج يلجم
دوم. ماطاب
والعمر يم. البنين شيسوه من بعد الحسين
بين الغراب
مارحم بيج الدهر. محني ظهرج ونكسر
بهم المصاب
عشتي يم الربعه. والله. غريبه
وجرح كلبج ماشفه ويس طبيبه
وزينبج .مسبيه
كون صافي النيه. لم البنين
------------------
عيوني يصبن دمع. عليج ادك عله ضلع
كلج احساس
بروحي الج حضره وكبر. خادمج طول العمر
تاج عل راس
نطيتي لطف اشكثر. وافو الام الخدر
جفوف عباس
فاض دمهم عل ثره. الكمر حزو منحره
مصوب الراس
الج لازم نوكف وناخذ تحيه
قدميتي اربعه ولدج سويه
منل الهضم محنيه
كون صافي النيه لم البنين
----------------
الخادم
رحيم الصالحي
فزاعيات
أنه أم البنين وراحو أبنيني
*---------------*--------------*
عافوني بغربتي وماشفت راحه
وحسيت الدليل أنگطع سباحه
چن طير الحمام وكسرو أجناحه
المناحه والبواچي جرّحت عيني
أنه ام البنين وراحو أبنيني
*-----------------*---------------*
ياناس الولد تراد للعازه
ردتهم أربعه ايشلون الجنازه
شيصبره اليضل ويفگد أعزازه
تمنيت ألأجل والموت يلفيني
أنه أم البنين وراحو أبنيني
*---------------*--------------*
يتحرك الباب وصحت ياهوه
أصبّر بالگلب والروح بالگوه
دولبني الزمان وسوّه ماسوه
اصيح الضنوتي ومحد يحاچيني
أنه ام البنين وراحو أبنيني
*-----------------*----------------*
مشتاگ الگلب والجفن ما طبگه
يجوني الاربعه وأتخيل الملگه
يموت الفارگاهم ياخلگ حگه
حتى الموت ما ضنن ينسّيني
انه أم البنين وراحو أبنيني
*-----------------*--------------*
الفگد حسين والعباس ملچومه
خلوني نحيله وتصعب الگومه
يجيني الليل بالدمعات وهمومه
أسكت والجرح گوه يبچيني
أنه أم البنين وراحو أبنيني
*----------------*--------------*
أكابر والمكابر مانفع صبري
ضليت بعبرتي ودمعتي التجري
راحو للطفوف وخذو كل عمري
أسجل دمعته كلمن يواسيني
أنه أم البنين وراحو أبنيني
*----------------*-----------------*
حكهن بالبواچي يعمن عيوني
مكسورت ظهر والوحدي خلوني
لمصاب الولد باللطم واسوني
ضيعهم زماني وضيع اسنيني
أنه أم البنين وراحو أبنيني
*-----------------*----------------*
✍بقلم خادم أم البنين ع
الشاعر رعد الجريخي
أخـر نـفـس بيه وأنـه أنـتـضر جـيه
بس شنتضر * محــد يـمـر * غــــطاهم تراب
محــد وصل * بـــس الأجل * ناطرني عالباب
****
1= أقترب موتي * صرخ صوتي * بعد طولي * تعال تعال
يبو جروحي * ويمذبـــــوحي * يمســـؤلي * تعال تعال
أريد أشــــتم * هــوه المبسم * ودللـــولي * تعال تعـال
سهل كلـشي * أذا تمــــشي * ويكلـــولي * تعال تـعال
------------------------------------
أتمـــنه تلــفــــيني يحسـيني يحسيني
مشتاكه ألك * أنته وهلك * ياأغـله الحباب
محد وصل * بس الأجل * ناطرني عالباب
****
2= دصالحـــني * يجارحـــــني * أضل وحــدي * حرام حرام
ولا أخــــرك * دمع هـــجرك * حفر خــــدي * حرام حـرام
ردت لحضه * بهواك أحضه * وصل وعدي * حرام حـرام
مثل أمــك * شلت هـــمك * صـرت ودي * حــرام حرام
-------------------------------------------
يالمــــنكطع راسك مر بيه بحساسك
يابـو الوفه * شوفي طفه * وحبابي غـياب
محد وصل * بس الأجــل * ناطرني عالباب
3= ولــو صدرك * كسر ضهرك * لجن مـــرني * سكوت سكوت
تســع مــــيه * جرح بـــــيه * وألف ضرني * سكوت سكوت
عله عضامي * بجبد ضــامي * الدهر جــرني * سكوت سكوت
ولا أغـــالي * يــــــهل غالي * يهـــــــاجرني * سكوت سكوت
--------------------------------------------------------
موتني جم مره حسين بكطع نحره
لمن طحت * أشعر طحت * أقسم ببو تراب
محد وصل * بس الأجــل * ناطرني عالباب
**
4= أحترك ثوبي * يمحــــــبوبي * أنه أستاهل * تعود تعود
أريدنـــــــــك * وأحلفـــــــنك * ببو فـــاضل * تعود تعود
علـــه راسي * يبو حساسي * صعب قابــل * تعود تعود
أبوس أيــدك * وأشم جـيدك * ونــــتسا ئـل * تعود تعود
--------------------------------------------------------
بس تلمس عيوني مـــاريدن شلـــــوني
مات الضوه * خنكه الهوه * ياشبل الاطياب
محد وصل * بس الأجــل * ناطرني عالباب
5= نهجم بـــيته * الكلب ريته * وكف نبضه * وراك وراك
عجب كلـبي * بعد تعـبي * يدك يرضه * وراك وراك
قبل دفــــني * دصادفـــني * أذا تــرضه * وراك وراك
تغسلـــــــني * وتشيعـــني * ولو لحضه * وراك وراك
---------------------------------------------------------
عوضني عن تعبي ها يابعــد كلبي
شاب الكلب * من العتب * حل وكت الغياب
محد وصل * بس الأجل* ناطرني عالــباب
***
خادم العتره الطاهره عبد الجليل المالكي
🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ
يا فاطمه يافاطمه يافاطمه يا ام البنين
ــــــــــــــــــــــــــــ
حاير بياجلمه ابدي وانتي بحر من الكلام
يلي رخصتي بنينج اربعه من اجل الامام
مقصر او لو كل دقيقه الج من ابعث سلام
انتي رب الكون حبج وخصج بأعظم مقام
كلبج سمه كلبج سمه كلبج سمه يا ام البنين
ــــــــــــــــــــــ
الشده شنهي الشده يمج حتما الشده تزول
انتي باب الجنه صرتي باب فاطمة البتول
الما يحبج يل شريفه ما يحب فحل الفحول
حتى جبريل بعظمته بيج محتار شيكول
يل فاهمه يل فاهمه يل فاهمه يا ام البنين
ــــــــــــــــــــــــــــ
هذا نص والباري شاهد وشاهد بهل معتقد
ما يرد مهموم كلبه لو طلب منج احد
الطفل لو ما يذكر اسمج جا بقه بسجن المهد
انتي يم كل طفل شيعي تقري ايات الحسد
شكد عالمه شكد عالمه شكد عالمه يا ام البنين
ــــــــــــــــــــــــــــ
هل يقين وعدنه ثابت الج صارت منزله
العنده شده وراد تخلص وبدمعته الهامله
الفاتحه يقراهه لجلج وما تضل كل معضله
الهل سبب نذكر محنتج من نطب الكربله
صاح الدمه صاح الدمه صاح الدمه يا ام البنين
ـــــــــــــــــــــــــ
انتي ام الوفه انتي وللحوائج صرتي باب
ذهب يتحول بأسمج لو قرينه اعله التراب
يا ما بسمج يل حنينه اتذللت كل الصعاب
والي اعظم شافعه النه باجر بيوم الحساب
هل غانمه هل غانمه هل غانمه يا ام البنين
ــــــــــــــــــــــــ
الشاعر محمد حسن ضيغم
بصوت. مسلم المطيري
.
کآنی بفاطمه الزهراءس مخاطبه لسیده ام البنین س.
★★★★
فاطمه الزهراء س.
طاهر حضنچ الزاچی ولبناج
الچ تقدیر من عندی ولبناچ
الف کفوین ترباتچ ولبناچ
اسود ووفو حسین الشفیه
***
تجیب السیده ام البنین س.
عزیزه و ارخص ابروحی ولبنای.
اخافن قصرت عنچ ولبنای.
مو اربع ولد عندی ولبنای.
اربیلچ الف للغاضریه.
★★★★
🖊 *ابو احــمد ناصــر الچـُـميري*
بســـم الله.. گــوم الفـــاتحــه اقـــرأها
وتوَّجـــه للجليله أبــدمعـــه وانخــاهـا
۩ ۩ ۩ ۩ ۩
اذا دنيــاك ضاگــت بــالعســــر والهـم
وليـــل النــايبــات أعليــك صار اظلم
وإذا وكتـك عليك بكــل حــزن خيــّم
انخّــه أم البنيــن وشـــوف نخــواهــا
۩ ۩ ۩ ۩ ۩
أنخــه أم الـبنيــن ودمعتــك هلـهـا
الصعبه أم الگمر ثق هيــه التحلـهـا
ربـــك كــرمــاهـا وعـــلا منـــزلهــا
البــاري لجل أبــو الأحـــرار عـلّاها
۩ ۩ ۩ ۩ ۩
عـــلاهــا بمحبتهــا لابـــو الأحـــرار
لان نذرتلــه بالطــف أربعــة أقمـــار
مثل ام البنين بهـل النسه مــا صـار
إذا گلنــا الـــوفــه ينجــاب ذكــراها
۩ ۩ ۩ ۩ ۩
صــارت للــوفـــه أم الگمـــر عـنــوان
مثـــل البسمله لكل سـوره بــالقــرآن
معـروفــه جــزه الإحسان بالإحسـان
مـا رادت جـــزه بس يــرضه مولاها
۩ ۩ ۩ ۩ ۩
ما رادت جزه بس يرضه عنهـا حسـين
مثل الطاهــره ام عباس يحصـل وين
ضحت أربعــه وتجــري دمــوع العيـن
لـــحسين الكـريمــه نــذرت أربــاهـــا
۩ ۩ ۩ ۩ ۩
أنطــت كــل ولــدها الحره ام عبـاس
عنـوان الوفــه بس بيها ظل ينقــاس
رفــع ذكــراهــا ربنـا أبين كـل النـاس
وبــاب أهـــل الحوائــج الله خـلاهــا
۩ ۩ ۩ ۩ ۩
بـاب أهــل الحـوائــج وآنـــه دگيتـــه
وچــف الحاجه الـچ يـا حـره مـديتـه
أبـاب حسين دمعــي بحسـره هليتـه
لان ادري الجليلــه أهنـــاك الگــاهــا
۩ ۩ ۩ ۩ ۩
الشاعر
موسى البديري
۩ ۩ ۩
يبني ياعباس احلفك بالربه وذاك السهر
تضوي ليل الطف نهار وهاي سهله اعله الگمر
يبني صيرلهم ذره….. بشاربك زينب ترى
__
يبني من ليلة زفافي عندي چانت امنيات
ولدي عندي يصير مثلك بالبطوله وبالثبات
الله حقق امنياتي بربع اشبول وابات
صرت اني ام البنين وما صرت ام البنات
واني من ذاك الوكت ضميتك وحان الوعد
خاف ماتسمع وصيتي اني مو امك بعد
انته ضنوة حيدره….. بشاربك زينب ترى
___
تذكر ايام الطفوله من چنت تزحف وراي
تاخذ الماي من اديه لزينب وتنطيها ماي
چنت اگلك اني امك بس اريد تكول هاي
وحيل تغمرني السعادة بخوتك هذا رجاي
چنت ارضعنك وفه وطيب وحنان اعله اخوتك
واني اعرف اصلك اصيل وماتخون بدرتك
ها الوصية مقرره…. بشاربك زينب ترى
___
ياثمر روحي وضناهه وضوة عيوني وشمعتي
يبني ربيتك لزينب مو لشيبي و كبرتي
ما اگلك ما اريدك انته روحي ودنيتي
بس يعباس الوصية ضامته بشيلتي
ونته تدري بشيلت امك بيها شيمه ومرجله
لو يرد الضعن سالم لو تضل بكربله
هاي چلمة من مره…. بشاربك زينب ترى
____
بكربله خبرني حيدر تنگطع هاي الچفوف
من تجيب الماي لختك عالنهر يبدي الخسوف
يمه صير الكعبة بالطف جيشهم خلي يطوف
واني اقبل حته عينك تنطفي عن لا تشوف
حته ماينگال عنك عينه شافتنه وسكت
العتب ينزال عنه البسهم عينه انطفت
حته ونته اعله الثره… بشاربك زينب ترى
__
بعد مايحتاج اوصي بالضعن واهل الضعن
يمه ماريدن خواتك سالم ويتروعن
يمه راح اقسم قسم بالطاهره وچبد الحسن
الي مايسمع وصيتي يحرم اعليه اللبن
اني ادري اربات حيدر ماتعزون النفس
يمه اريد الراس عالي بيكم وما ينتكس
عفية سبع الگنطره… بشاربك زينب ترى
___
حسين شاف ام البنين اتسولف وهل مدمعه
با لصبر شدت گلبها وبالهموم امگبعه
تگله يبني حسين روح اوداعت الله اتودعه
بعد كون اولاد عندي شبيدي بس ها الاربعه
يمه يحسين اعله بختك ماخذ وياك الهوه
اني فدوة وكل بنيني وحته شيال اللوه
گتله راعي المفخره…. بشاربك زينب ترى
__
الشاعر حيدر الخفاجي
حوار بين ام البنين وولدها العباس توصيه بطاعة الحسين وزينب عليهما السلام
شگد ﭼبيره آنـه خـادمة ْالحسين
شگد ﭼبيره خادمه وتفديله عين
گلها عبــاس بفخـر
ﭼفوف انطيه ونحر فــدوه
****
آنــه كــرمني الاله وصــرت لجلـه خــادمّــه
يـا كبــر حظــي يغالــي بيّــه قبلت فـاطمــه
ويا عظم حظك ييمه تموت لجله من الضِمّه
يعني آنــه وانتــه يبني اختـارنـا رب السمّه
يا عظمها يبني هــاي المنـزله
يا عظمها نفدي الحسين وهله
گلها عبــاس الگمر
ﭼفوف انطيه ونحر فــدوه
****
يمّـه عباس ارد اخبــرك واستمع يبني الي
حيدر مـنْ اتعنـه ليه وراد يخطب مـن هلي
انته يبني الغايه ﭼانت من سأل عنـي علي
رادك احــزم لعضـيدك خــادم وهــو الـولي
يا أبو فاضل گله خــادم مــو اخـو
يا أبو فاضل وأدري بيك انته كفو
خــادم وبيها الفخر
ﭼفوف انطيه ونحر فــدوه
****
يبني وﭼفوفك يغالـي التبقى بـاﭼر عالثـره
اربعه أِفـدّيْ الزﭼيــه واشعـر انه امقصـره
يــا عظم حظّــه ييمّه اليخدّم امـه الطـاهـره
والعليّ ترضه الــزجيه حظّه هـذا شمكبـره
ترضى عني فاطمه بيوم الحشر
ترضى عني والله يوليدي افتخر
گلها راح اتــرك اثـر
ﭼفوف انطيه ونحر فــدوه
****
يبني يا عباس اگرب والحجي منـي اسمـعه
خــادم لزينب اريــدك هــاي بنــت الشــافعه
من سمع منها الوصيّه الگمر سـﭼّب مدمَعه
يــا فخــر خــادمها آنــه البل جـلاله مگبعـه
آنــه كافل يمّه خــدر ال النبي
آنـــه كافل قبلة العّــز والعّـبي
مو فقط افــدي النظر
ﭼفوف انطيــه ونحر فــدوه
****
باﭼر انته اعلى الشريعه تفدي يوليدي العمر
الماي ما اريدك تضوگه لو صبح ﭼبدك جمر
گلها يــا يمّــه ومحمد ﭼبــدي اخليه يستـعـر
ومــا اضوگن منه گطره گبـل الحسين الطهر
مــا اشربه لــو أحــس گلبـي دوّهَ
مــا اشربه وضامي سر القل هوه
فدوه لو ﭼبدي استَعــر
ﭼفــوف انطيــه ونحــر فــدوه
****
الشاعر
موسى البديري
بصوت. مسلم المطيري
أبيات نعي للسيده ام البنين ع
____
چني وسط المگبره والدنيا غيمه
آه يحسين ومصابه اشگد هضيمه
حسره بعيوني الليالي كلها هيمه
هاي زينب حايره محترگه خيمه
خاف هاشم باليسر ناسينهه
●●●●●●●●●●●●●●●●●●●●●●
ظلمه صارت يمه بعيوني الليالي
ماريد البيت عگب حسين خالي
گاعده ومساهره ابدمعي الجرالي
حتى لو بالطيف بس يلفيني غالي
اجروح صارت دمعتي بتوطينهه
●●●●●●●●●●●●●●●●●●●●●●
يعينهه الله الوالده الفگدت شباب
حيره ابدموع الهجر دلالي ذاب
وانه اناطر طارش الجايب جواب
وانه خوفي حسين نايم عالتراب
وين هاشم ما لفلتك وينهه
***
گلبي ينطر الكافل...........بناياي
بنيت من الهجر حزني......بناياي
راحو اربعه بالطف..........بناياي
لبو سجاد هاي اجمل هديه
●●●●●●●●●●●●●●●●●●●●●●
يوسف الفتلاوي
ماطاحت عباتي ، وقراني وصلاتي.
الوصفني ذليله . مافاهم حياتي.
،،،،،،،،،،،،،،،،،،،،1
ليش بعض الناس سموني ذليلة
واني بت هيهات من الذل اصيلة
اني اخت حسين يبقى اسمي العقيلة.
من بعدعباس صرت انه الكفيلة
من حرگواخيامي.صرت اكبرمحامي.
شافوني اميره.وشافو معجزاتي
،،،،،،،،،،،،،،،،2
اني جدام الشمرواعوانه كلهم.
صرت داحي الباب وابقى ارعب شملهم
شكثريانس بكلامي ادبتهم.
من على الناگة بصمودي قاتلتهم.
مايوگع حجابي.ماهزني مصابي
ماتمحيني ياموت.ضلت ذكرياتي
،،،،،،،،،،،،،،،،،،،،،،،،٣
رايةالعباس بيدي ومااخذوهه.
كلهم يخافون منهه ومادنوهه
واسمع يصيحون كلمة ورددوهه
هاي زينب بت علي تشبه ابوهه
رايت ابوفاضل.بچفوفي تقاتل.
وابن زياد يرجف.من حيدرصفاتي
٤،،،،،،،،،،،،،،،،،،،،،،،
كلهم يدنگون لومريت يمهم.
كلهم يذلون حد كسرت رگبهم
والله لومواني ميعرفون ربهم.
من البداية وياي خسرانه حربهم.
مامسبية عندي.واجب اني ادي.
انشرثورة حسين.فازت امنياتي
،،،،،،،،،،،،،،،،،،،،،،،،،٥
ليلةالحادي عشرصليت ليلي.
مثل ابراهيم بس الله خليلي
النارماشغلتني عن ربي ودليلي
ابدمااترك فرض يشهد عليلي
دولة ال امية.سقطت بين ادية
راس حسين عالي.يبقى حسين ذاتي.
،،،،،،،،،،،،،،،
حيدر موسى الرميثي
بصوت. مسلم المطيري
بعد الاحباب. ضلت تنوح
كلمات الشاعر
حسن لعيبي الحريشاوي
بصوت. مسلم المطيري
بفاتحه الأم الگمر. تگضي حاجاتك
كلمات الشاعر
قاسم حتروش البلداوي
بصوت. مسلم المطيري
ولدي اربعتهم. من قدمتهم
كلمات الشاعر
علي محسن الفرطوسي
