يبقى ندائي......صبح اومسائي
لزينب ولائي
==========@@@========
ما اعوفچ يالعقيله واخدمچ من ذاتي.
انتي صوت الحق يدِّوي اعله الضلم مولاتي.
اتكونت منچ يزينب ونتي اواهاتي .
والله ماتسوة بدونچ من تمر ساعاتي .
صادق وفائي.... صبح اومسائي
لزينب ولائي
===========@@@======
ها يزينب وانتي زينب والصبر يحلالچ.
أذكر الخطبة اشحچيتي من بعد كفالچ.
كيد كيدك يازيد اوهاي غايه ابالچ.
والله ماتمحي ذِكرنه ادللي اويجرالچ.
دايم عزائي... صبح اومسائي
لزينب ولائي.
=========@@@======
انتي روحي يالعقيله اوعايشه ابأنفاسي.
ياجبل ما طاح صبره اوبيچ رافع راسي.
شما اسولف عالطفوف اواحچي عن عباسي.
لازم ايجرني لخيالچ دوم هذا احساسي.
دمعي اوبكائي.. صبح اومسائي
لزينب ولائي
===========@@@=======
والله يازينب موالي اوبسمچ اترف رايه.
فدوه الچ كل ال أميه والفرات ومايه.
رغم أنف الحاربوكم ارد اگول احچايه.
بصوت لبيكِ يزينب نادة المشايه.
لامو مرائي... صبح اومسائي
لزينب ولائي
========@@@==========
عالعهد باقي انه والله مايهمني الضالم.
بالدمه اموقع يزينب ياعقيلة هاشم.
عايشه بنص الضماير والگلب ضل هايم.
هذا حزني وي عزائي لحد ضهور القائم
انه الفدائي.. صبح اومسائي
لزينب ولائي
=======@@@==========
هذا هالمجلس ابنورچ من يشع ابنوره.
اونضره منچ يالعقيله للجمع واحضوره.
الليله عدنه اگلوب تمشي لمرقدچ واتزوره.
اويبقه شامخ دوم هوه اودوم عالي سوره.
صبحي اومسائي . صبح اومسائي
لزينب ولائي.
لخادم العقيله
الشاعر
ابو عبدالله الشمري
الشاعر الحسيني ظاهر حبيب الهليجي
نعمه من رب السمه صرت خادم فاطمه
افتخر بيها واگول هيه هاي المكرمه
*
خادم وأفتخر اني أم أبيها
لطف من رب السمه خلاني بيها
الحبه الله هل خدامه يعتنيها
ينول أعاليها الثريه ويعتليها
ينول أعظم منزله فاطمه الي اتسجله
بدفتر الخدمه اكيد نعمه والله ومرحمه
*
الف شكرا يا ألاهي بهل عطيه
هاي رحمه وصرت خادم للزجيه
وبمجالسها نلت أعظم هديه
الدمعه الها تعادل اكنوز الوطيه
ربي من أذى البتول العنه بجاه الرسول
كلمن أذاها يصير مسكنه بل حاطمه
هل الشعيره البيها من الله كرامه
جني بين الناس شايلها الزعامه
وجائزه باجر آلي بيوم القيامه
عرش بل فردوس تصبح هل خدامه
الفاطمه كلمن خدم قصر بل جنه وخدم
وهي باجر بل قيام صكه بيده اتسلمه
*
خدمت المجلس أعيش بهذ الاحساس
ملك والتاج أعله راسي بناظر الناس
أي نعم والزهره اسمها يرفع الراس
رفع شاني بدنيتي واصبحلي نوماس
شرف ما منه شرف يا سعيد الي غرف
ماي كوثرها وشرب أبد ميلوحه الظمه
*
بل ليالي الفاطميه انه طبعي
مخيم الحزن أعله حالي ويجري دمعي
وارسم أبالي مصيبه الها ونعي
وجني حاضرها الرزيه يصير وضعي
الأول وثاني سقر تنتظرهم بلحشر
مستقرهم بلجحيم هل عصابه المجرمه
قناة أئمة البقیع
یوسف الزهراء 💔
بصوت. مسلم المطيري
ياگلب سولف جروحك
كلمات الشاعر
خيري الصفراني
بصوت. مسلم المطيري
ضلع الماطاب
كلمات الشاعر
حسن لعيبي الحريشاوي
بصوت. مسلم المطيري
|ابوذيات للسيده الزهراء ع|||●●●●
~~~~
عليه اهمومي بالدلال.......چاوين
اعاين والكبر بالروح.........چاوين
حنيت وظهري من الاه.....چاوين
وهيل اترابهه اشلون بأديه
__
يريت العمر بعدج صار.........بيداي
وانه اكليبي الجرح ياناس...بيداي
عجيبه الكبر هلت اتراب......بيداي
دفنت الزهره وي روحي سويه
_
عجيبه الدهر چنه ايريد........بعداج
حنيت الظهر مثل السيف......بعداج
چثيره اهمومي لو سولف.....بعداج
علي ولا چن علي ذيج المسيه
_
ﻋﻠﻰ ﮔﺒﺮﺝ بچيت اﺷﻜﺜﺮ ...... ﻳﻤﺂﻩ
ﺁﻧﺘﺮﺱ ﺣﺴﺮﺁﺕ ﻛﻠﺒﻲ ﻭﺁﺁﻩ .... ﻳﻤﺂﻩ
ﻟﻮﻥ ﺑﻴﻪ ﺩﺭﻳﺘﻲ اشصاﺭ ...... ﻳﻤﺂﻩ
ﺣﺰﻥ ﻳﻌﻘﻮﺏ ﻋﻜﺒﺞ ﺻﺂﺭ ﺑﻴﻪ
__
تمت بعون الله تعالى
خادمكم●●●●●يوسف الفتلاوي
بصوت. مسلم المطيري
كلشي يضيع ..
بس ماي الوجه يحسين .. يمك مستحيل يضيع
واحنه الخاطرك يحسين كلشي نبيع
بس حبك يبو السجاد مو للبيع
امد ايدي اعله شباجك. وسولف سيدي العندي
انه مجدي وريد انخاك. وحاشه ترد المجدي
بس هذا الطلب يحسين. وتنفذ الطلب ودي
خليني اخدمنك لحد ما يضهر المهدي
الشاعر
تحسين الخفاجي
كل خيري من خيرك ماحب بشر غيرك
وهاي المجالس نعمه وماكو احله من الخدمه
**
خدمتك ماكو اغله منها وكلشي بالنسبه الي
كون اكضي اسنين عمري بخدمتك يابو علي
للمجلس احضر كل وكت وايامي كلها اقرايه
وعاشور من يكرب جنت بجفوفي اعلك الرايه
وبالموكب اتحزم وعالخدمه ما اندم
خلتني فوك القمه وماكو احله من الخدمه
****
تاجرت وياك ودري خدمتك اعظم ثمن
اشلون اطب للنار باجر واسمي عد ام الحسن
الكاك باجر سيدي واكف اباب الجنه
تمسح عليه برايتك وتكلي يمي ادنه
مية هله تكلي وبأذن الله تشفعلي
تحفظ الخادم رسمه وماكو اغله من الخدمه
**
انه من يوم الولاده وياك باقي اعله العهد
بالمهد واسمع نوعي مو دللول الولد
يحسين بكماطي تره وحركة محرم بيه
وعيوني ما تغمض ابد اله استمع لطميه
جانو يزوروني واسود يلبسوني
وعطرك حبيبي اشتمه وماكو احله من الخدمه
***
اخذ واحد عمره دمعه وروحه دوم بكربله
اخذ عاشك شال كلبه وطابو بسمك سجله
مرفوع راسي بخدمتك وتباها بين الوادم
يحسين يرادلها حظ كلمه بسجلك خادم
بعاشور اشد حيلي وبجفوفي زنجيلي
وعليك ادك بهمه وماكو احله من الخدمه
**
من اذبن ماي وجهي يمك اعرف تشتريه
واليمد ايده بضريحك بالصحن تترس اديه
يم كبرك بشوك اعتني وانه اعله بابك عيني
يحسين من اعطش لطم بس مجلسك يرويني
وكلمن لطم صدره اجره عله الزهره
ونطيت لمك كلمه وماكو احله من الخدمه
***
باجر بيوم القيامه تصطف اهناك الخدم
وبالحشر حمزه الزغير يرفع بجفه العلم
وبدموعي والاحزان الك عبد الرضا يقراها
وزينب عله الناكه تجي وراسك تجيبه وياها
ويحضر علي الاكبر بس يحضر مطبر
وسابح نشوفه بدمه وماكو احله من الخدمه
*
تمت
تحسين الخفاجي
تتشكر الزجيه من فاطمه الوفيه
تكلها قميص الغالي جايبته الج هديه
*
الدنيه ماتطلك بعد وتجيب مثلج
والله لو اعلك العشرة اشموع لجلج
ما اجازي وكفتج لا اجازي فضلج
غير بس مشكوره يم عباس اكلج
يم الوفه وفيتي وبربع ولد ضحيتي
ما انسه كل وكفاتج يالطاهره الابيه
***
جنت أبو فاضل اكمطنه بديه
وجربه اسويله وعلم للغاضريه
كلي سويلي ملابس عسكريه
وخيمه سويلي عله ذوقج زينبيه
ادري الولد رفعت راس صحت ونعم من عباس
ميعوف زينب رايح اوليدي للمنيه
****
يوسف بقصة قميصه تعرف الناس
رد نظر يعكوب لمن شمه بحساس
حسين باجر كربله ايزيينها بالياس
وترجع بشمة قميصه اجفوف عباس
حسين القميصه انظر جاي ايلوك عله عباس اهواي
بحسن الكمر اعاين تتغزل الثريه
****
وي بنينج سولفت ذيج المسيه
آنه ما أوصل تره اتراب الزجيه
جيت الكم خادمه تقبلون بيه
وادري حته خادمه اهوايه عليه
لو بيه ترضون ارتاح بعيوني اخليكم راح
خدامه اصيرن عدكم تتفضلون عليه
**
انتي مو خدامه لا إنتي أميره
انتي يم عباس عدنه شكد جبيره
انتي من كد الوفه تبديتي غيره
وصار بالطف كشختج بدر العشيره
الحلوه جنتي تركضين من يطلب الماي حسين
فدوه العطش ليك ايروح من أيدي هاك اميه
**
اباب بيتج صبت ادموعي عله الخد
وما اجيت آخذ مكانج ربي يشهد
اشجاب فاطم بت حزام البت محمد
الفرق كلش جبير وصعبه ينعد
شجاب الاميره عله الناس ويالخادمه ماتنقاس
خير النسه وعظيمه وانتي حوراء انسيه
****
تمت
ميثم العمري
▪︎
لبيك يا ثار الله ... يَعلو النِدَاء
............
١؛؛؛؛؛
باجر يسوي اسوايه ... بالحارب الزهره
والأول اويه الثاني ... يصلب على الشجره
ثاراته ما ينساهه .... بسم الظلع تبدي
ثورة غضب فقاره ... سطره ابأثر سطره
ثورة غضب ... تمحي الكفر ... ماكو اليفر .. منهه
مد البصر ... كد الأرض... طول بعرض ... حدهه
لبيك ياثار الله .... حان اللِقَاء
.................
٢؛؛؛؛؛؛؛؛؛؛؛
باجر يشوف الظالم... حدت غضب سيفه
وما يترك ابهل الدنيه ... واحد ذبح ضيفه
راية نصر مرفوعه ... بسمه ترف عالي
كلشي يصير ابأمره ... يمشي وعلى كيفه
كَـول وفعل ... قائد كلف .. ما ينوصف .. عزمه
كلهه تفر .. من غزرته .. ومن صولته . وإسمه
لبيك ياثار الله ... رفَ اللِوَاء
............
٣؛؛؛؛؛؛؛؛
باجر يعيد بجفه .... خيبر على الظالم
وباب الكفر يقلعهه ... بسم ام حسن فاطم
ما ينفع ابساعتهه ... لا توبه لا اسف
كلمن ظلم فاطمته .... ما يرحمه القائم
باجر يجي ... ابن الحسن ... لام الحسن ... يثأر
يا ويله من ... شب الحطب .. قد عاده رب ...
حيدر
لبيك يا ثار الله .... ثأر الدِماء
...................
٤؛؛؛؛؛؛؛؛؛؛
باجر عزيز الزهره ... منقذ يجي الناسه
والعاده شيعة جده ... مخليهم ابراسه
يا ويله كلمن حاقد .... راضي بكسر أمه
من صولته ما يخلص ... والخلق عباسه
مثل الوصي ... بيده يذل... اهل الجمل ... باجر
راية نصر .... يوم الفرج ... تحمل نهج ... عاشر
لبيك ياثار الله ... نَهجُ السَمَاء
...........
٥؛؛؛؛؛؛؛؛؛؛؛
باجر يأسس دوله ... بيهه العدل واضح
ما بيهه ضيجت خلكَـه ... بيهه الفكر سارح
والمهدي حاكم شعبه ... الواحد يحب واحد
كل حق يرده الأهله .... ما يبقى حق طايح
والمحكمه ... ابنص كربله... ايخبر المله .. المهدي
واول حُكُم ... كَسر الضلع ... حُكمه بدمع .. يبدي
لبيك ياثار الله ... في كربلاء
............؛؛؛؛؛؛؛؛؛؛؛..............
✍️ كلمات موسى الخادم
قصيده تحكي مظلومية الزهراء وزينب من هجوم الدار حتى دخول زينب ع للشام
............
باب الساعه وباب الدار
وكسر اظلوع وخيل ونار
حطب ..حجر ...خد عزيزه انسطر
رمح .. سهم ... وحافر اعله النحر
جا وشيضل بزينب
..........
حرك الباب وحرك الخيمه
نفس القصه وبيهه ايتيمه
ارقيه اهنا واهناك الحره
ابنار احتركو
زينب فكدت امهه بعصره
وارقيه حسين انحز نحره
شافت جسمه بسيف امكطع
سلبو سحكو
طفين عاشت زينب شعدهه اسنين
طف الزجيه الاول وطف حسين
عاشر محرم سلب من عدهه الروح
خمسين عام ام الخدر مو خمسين
جم امصاب ايهد الحيل
شالت زينب حمل اثكيل
لاول عمر ... زينب انحط قهر
رمح سهم ... وحافر اعله النحر
.......
بالصدر البسمار الثابت
بطفل حسين امثلث نابت
عطشان وما شارب ميه
كطعو نحره
عالزهره الباب امن اندفعت
شافت روح حسين الطلعت
نفس الرفسه ونفس الكسره
ابذيج العصره
شافت حسين امدد اعله التربان
يصرخ وحك جدي يعالم عطشان
والشمر كاعد فوك صدره بلا خوف
يكطع وريده العاش بي كل انسان
وزينب عالتل تنظر ليه
كلشي البيهه اينوح اعليه
دمه اليصب ... الهه راسم صور
سهم رمح .... وحافر اعله النحر
.....
لو ما هجمت ذاك الظالم
جا محسن زف بيده القاسم
والطف ماصار ولا ذبحو
بي غاليهه
لا راحت زينب مسبية
من يم كافلهه ومحنية
ادير العين الصوب اجفوفه
الحنت ليهه
من يمه راحت جسد عافتله الروح
تتعثر ابممشاهه لا وين اتروح
تاخذهه حسبات وتردهه الحسبات
مدري اعله جف كافلهه مدري المذبوح
تتلفت بدموع العين
لخوتهه اتكلهم ماشين
جانت تظن ... الهه يكعد كمر
رمح سهم ... وحافر اعله النحر
......
اه يالوعت زينب لوعه
السجاد يسولف بدموعه
كسرت كلبي عمتي زينب
أباب الساعه
وكفت والشمس اتغطيها
حركت كلشي امبين بيها
توكف مره وتوكع مره
ومحد راعه
الجانت اميره ظلهه ما يوم انشاف
لسوك طبو بيها مجتوفه اجتاف
يتفرج اعليها الصلف وكح العين
وذباح اخوهه الجان من اسمه يخاف
اه يالوعت طبت الشام
ابزينب زرعت كَوم الاَم
طبل ضحك ... سمعت ابلا مفر
رمح سهم ... وحافر اعله النحر
....
الله يساعد كَلبج زينب
كسر اظلوع وجسم امسلب
وراس اعله الرمح امعلكينه
شافت عينج
نار وخيل ودوست حافر
وسوط بمتنج ظهرك كاسر
والشَّماته اهواي التضحك
الله يعينج
كل هذا شفتي بعينج اشلون اشلون
صبرج تعده ايوب ناسج يحجون
ديوانهم طبتي طبت عباس
مثل الجبل ثابت وكفتي يكولون
ركعَّتي الضنو يسبوج
ابنص مجلسهم ويهابوج
يمج وكَف ... كلشي محني الظهر
تمت
.......
كلمات
موسى الخادم
وين ساجي الظاميه دلوني
وين اخوي ايشوف حالي اولوني
ـــــــــــــــــــــــــــــ
من يدليني على ضنوة علي
الچابني ابعهده وگمت من منزلي
وين الشبول التباري محملي
وين خلهم بالذل ايشـوفوني
ـــــــــــــــــــــــــــــ
وين يا عباس راعي المرجله
گوم شوف العز يبو الشيمه انوله
هين اعليـكم سنان وحـــرمـــله
يبن ابوي او رغما ايسلبوني
ـــــــــــــــــــــــــــــ
سلبوني وسلبو سكنه او تلوع
والعيون اتسايلت منها الدموع
هاي المروه صفت يهل الدروع
امخدرتكم زينب او يسبوني
ـــــــــــــــــــــــــــــ
انسبي ترضه يبو درع الثجيل
ايتام عدي وحرم ومقيد عليل
كون يوفي الوعد من شان الچفيل
گوم يمشكر وچف من دوني
ـــــــــــــــــــــــــــــ
تعتذر مني يعباس اشتگول
والمحامل جدمت فوك الزمول
والدي حيدر علي وامي البتول
اشلون للشام الرجس يهدوني
ـــــــــــــــــــــــــــــ
اشلون يهدوني اليزيد اشلون اروح
والجثث منكــم على الغبره تلـــوح
من يجيم الكم عزه اومنهو الينوح
انه زينب يخوتي شچوني
ـــــــــــــــــــــــــــــ
ما تشچيني يطاعون الجبيل
منته ابو فاظل شبل حامي الدخيل
من يباري المحملي يوم اليميل
ريت عميت يبن ابوي اعيوني
ـــــــــــــــــــــــــــــ
عمت عيني اجسادكم ظلت رهن
اشلون رچبي والحـــرم يتواقعن
لو نشدني الشامت اعلى اهل الضعن
خل اگله الشامتي خلوني
ـــــــــــــــــــــــــــــ
خل اگولن والعتب ماضن يفيد
والدرب حزمه وهـــل عله يريد
يالعلي والله امن اطب مجلس يزيد
يگول من هاشم قضيت اديويني
عبد الامير الفتلاوي
صاح ابأحزان .. عم ياسلمان
حيدر نوحه .. الموت البضعه
فگد الزهره .. الكاسر ضلعه
ـــــــــــــــــــــــــــــــــــــــــــ
نــاده يسلمان ابحزن حيدر علي وابحــسره
حيلي انهدم لمن شفت بعيوني حال الزهره
نــار الغَضَه بِيِّه أحس وابروحي هالمتوجره
گسر الضلع لو ينــجبر كسر الگـلب شيجبره
داحي البيبان...ينحب باشجان
واعله ام بيته...ايهل الدمعه
فگد الزهره ...الكاسر ضلعه
ـــــــــــــــــــــــــــــــــــــــــــ
ايگله يــسلمان الجــرح ماتنـگضي سالفته
من غـمّـضت عين النــبي وغسلته وچفنته
ومن وسدت ام الحسن موت النبي اتذكرته
اليدفن احبابه بالگبر يحسبهه روحه الميته
ويتمنى الموت.. ويصيح بصوت
لامااريدن .. هاي الوسعه
فگد الزهره.. الكاسر ضلعه
ـــــــــــــــــــــــــــــــــــــــــــ
الفاگد خـليله ومـهجـته ليله يـخـلّص وحــشه
ويگضيها حسرات او ألم ومايل يضل بالممشه
وتـصير شده نـومتـه ويـتـــــاني وكت الغبشه
الفاگد مـثل ام الحــــــــسن يتمنى نومة نعشه
چانت وياه.. كلشي ابدنياه
الفرگة فاطم .. حيدر ينعه
فگد الزهره.. الكاسر ضلعه
ـــــــــــــــــــــــــــــــــــــــــــ
المالان گـلبه امن الشدد عـالـزهره منهد حيله
مكسور خـاطر ياخـلگ بــيـــده التراب ايهيله
والحالته اتــــــــحن السمه ودم و دمع تبچيله
ام بيته منه هاجرت وهالفرگه يدري اطويله
هاي الزهراء.. ام الارزاء
هذا الموت.. المابي رجعه
فگد الزهره.. الكاسر ضلعه
ـــــــــــــــــــــــــــــــــــــــــــ
اليفگد أعز واحد تـــره اتضيگ الوسيعه ابعينه
وبوجهه ينشاف الحزن وبـالغربه يگضي اسنينه
واليكتم ابـگـلبه الجـرح ايـــــظل يفرك ابچفينه
وحـيدر فـگـد جـنة عدن ساعتــــــها الله ايعينه
ام زينـــب هاي.. يهواها اهواي
وراحت من چف.. حيدر شمعه
فگد الزهره.. الكاسر ضلعه
ـــــــــــــــــــــــــــــــــــــــــــ
حيدر بشار الدراجي
قصيدة ( وحشه داري ) من الحان التراث على وزن المرحوم حمزه الزغير ( دهري ذبني )
وحشه داري يوم المشيتي يمّه يالزهره
*
يـــا يمّـــه وحشه الـــدار هــاي المسيه
وليلي اليمـــر بچـــفاچ ليـــل الــرزيه
يفجعنــي يمـــه الليل لـــو مــر عليـــه
چــم ليله بيها أنصـــاب سهــم المنيــه
وأبقى بحيره يوم المشيتي يمه يالزهره
*
وحشه يــا يمّـــه الدار مـن غبتي عنّـي
من عمري خمس أسنين صاحبني ونّي
بيـــت الحــزن بجفـــاچ وارثتـــه چـنـّي
وادري يظـل للموت يـــا يمّــــه حــزني
ثوبي حزني يوم المشيتي يمه يالزهره
*
يا دمعه أهلها اليوم يا عبره اجـــرهـا
عالمــا وصل عشرين أمـــي عمـرهـا
بخدي أشوفه يصير چــف السطـرهـا
ابصدري أحس تندار لــوعة صدرهـا
وناري تسعر يوم المشيتي يمّه يالزهره
*
يا يمّه شفت النــار ابابـــچ ســـريــه
اتراوتلي چنها أخيـــام بالغاضــريــه
وظلعچ لمَن كسروها أهــل الـــرديه
چني نظرت حسين فوگــــه اعوجيه
أبصدره سحگت يوم المشيتي يمه يالزهره
*
ليل اليمر بجفاچ يسعـــر لهب نــار
سولفتي عنه أهواي وكليبي محتـار
بلا والي اظلن بي ومحاوطه أشرار
لا خيمه لا وليان لا من حمّه وجــار
ليلي يرهب يوم المشيتي يمه يالزهره
*
وصيتي گلبي و نـــار شبـت مسعـــره
وكسر الگلب هيهــات يــداوه كــسـره
گلتيلي قبلــي حسين واشتمّـي نحـــره
يـــا يمه گبـــل الخيل تسحگله صدره
صدري يلهب يوم المشيتي يمه يالزهره
**
الشاعر
موسى البديري
يندفع بابج عجيبه عجيبه
ينكسر ضلعج مصيبه مصيبه
طحتي عالكاع
طيحت اوداع
ينكسر ضلعج مصيبه مصيبه
...................
يالزهره فلا ناسين.. دفعت بابج وكسرج
هذيج العصره مالت موت.. ومن عدهه خلص عمرج
الله يساعد الكرار.. حافر كبره مو كبرج
عزيزه وشيعاج بليل.. خاف الشامت اينضرج
حيدر خلافج.. يزهره يزهره
ايده خلاهه.. اعله ضهره اعله ضهره
رحتي شبساع
طيحت اوداع
ينكسر ضلعج مصيبه مصيبه
....................
لو شفتي علي امن الضيم.. جنه ضلوع محنيه
شيفيد البيت يم حسين.. وام البيت ماهيه
علي ماله خلك للناس.. ويكول الدنيا مگضيه
أمير ابلا وطن عفتي.. ويكفكف دمعه ليليه
الوادم بعينه غريبه غريبه
دافن ابايده حبيبه حبيبه
كل حلم ضاع
طيحت اوداع
ينكسر ضلعج مصيبه مصيبه
...................
بالمغتسل راد يموت.. شاف الضلع بي كسره
رجف جفه ورجف گلبه.. يطلع راد من صدره
اليصبرنه عله الصعبات.. بموتج ياهو اليصبره
تعاي وشوفي داحي الباب.. تلوذ اطفالج بكتره
زينب الليله يتيمه يتميه
وتجري دمعتهه هضيمه هضيمه
الهاي الاوجاع
طيحت اوداع
ينكسر ضلعج مصيبه مصيبه
......................
عفتي زينب بياحال.. زغيره وفركتج صعبه
البنت خلاف امها تعيش.. مكسوره وتحس غربه
حاير ضل ابو الحسنين.. وجرحه ياكل بگلبه
وكت خله علي الكرار.. يمشي ويعثر بدربه
ينضر الزينب بدمعته بدمعته
حيدر بگلبه كسرته كسرته
والحزن شاع
طيحت اوداع
ينكسر ضلعج مصيبه مصيبه
.....................
الدنيا البيج مارحمت.. مايهنه العمر بيهه
انتي أمنه وافضالج.. اشنسوي مانجازيهه
اجينه بطلب يازهراء.. ادينه لاترديهه
كون بخدمتج للموت.. هاي الدنيه نگضيهه
نضره من عينج علينه علينه
اخذي يالزهره بادينه بادينه
كل گلب ذاع
طيحت اوداع
ينكسر ضلعج مصيبه مصيبه
محمد هادي العقابي
\\\
السلام على ام ابيها
ليلي اخلصه بس اوون ومگابل الباب
هلبت تطب ام الحسن ونسه انه لمصاب
مريلي لو نسمة هوه مخنوگ ابو اتراب
------------------------------
يوميه اگعد للفجر ولباب صاير علتي
انضر خيالج منرسم ع الباب اگولن جتي
يم الحسن كسر الضهر اعرفته لمن رحتي
وسوالف الحلوه گضن نوح ودمع سالفتي
رديلي لو مره ابحلم وطيب الجروح
بس بالأسم باقي علي امشي بلا روح
طبع اليفارگله محب ابدمعه مفضوح
----------------------
بالحجره اگعد ونتضر هسه تطب اعليه
من يقضتي گمت انه افز الزهره شو ماهيه
اشتاگ وشبگ شيلتج والشوگ ياكل بيه
وحضن اثيابج وستجن بي رحية الزجيه
من رحتي مايغفه الجفن ومزاعل النوم
ليلي اخلصه بس بجي وحجي ويه الهدوم
هم ترجع الزهره الي ياربي لو يوم
------------------------------
ابگلبي غصرت لوعتج وگدام ولدي امكابر
ولليل لو هوود عليِّ ابجي بجي الماصير
ابين رجليه احط راسي وضل امساهر
مثل اليتيم ابلايه ام يالزهره اكسر خاطر
ونيتلج ونت طفل لحضن امه معتاز
يا ام ابوهه إنتي ومي وكل العزاز
ينعاج گلبي اومن ونيه لحضه ماجاز
---------------------------
وشلت عيني امن الدمع گمت ابجي انه اجفوني
مو راسي شاب اعله المشت ابيضت انه اعيوني
من رحتي كل حيلي رحل وعله المشي ايگودوني
امبين عليِّ فاگدلي خل اب ممشاي هدله امتوني
ما حصل الخلتج كفو يسد فركتج هاي
جنت انه عيش بجنتچ.من عشتي وياي
من صلفت عيون الوكت هضمتني دنياي
-----------------------
جا ليش اليفارگله خل روحه تضل مختنگه
ويعيش كل عمره يوون واطييبه جلمت ملگه
ما اشتهي شم الهوى عگبج وابجي ابحرگه
يم بيتي طولتي عليِّ اشسوت ابحالي الفرگه
بيه خلص كل الحجي كل حجيي مشتاگ
هدم اوعظم باقي انه سل جسمي الفراگ
لون الحزن مابطلت واعليه شو لاگ
-------------------------------
علي سليم الحسناوي
بصوت. مسلم المطيري
نعمه من رب السمه
كلمات الشاعر
ظاهر حبيب الهليچي
بصوت. مسلم المطيري
#نعي
السيده زينب اتخاطب العباس روحي فداهم
نـايـم عـلـيـك النـاس شـتـگـول
وركضن خـواتـك بـين الخيـول
اگـعـد يـوارث فـحـل الـفـحـول
هـز رايـتك وبـحـومـتـك صـول
عدوانك مبـغـظه ومـوش اجـاويـد
تـسـبـي الـحــرم وخـيـامهه أتـريـد
صــول بـــعــزم ونـهـض يـصـنـيـد
يـالـسيـفـك يـذل الـزلــم ويـصـيـد
جـسـرو علـينـه وطـگـوا أمـتـون
وبـيـن الـعــده شـافـتـه الــعيـون
خـويـه انسبـينه ونـايــم شـلـون
يـامـن چـنـت بـالـحـرب طاعـون
✍خـادم الـحسيـن ع
الشاعر رعد الجريخي
#اللهم_عجل_لوليك_الفرج
يا گلب سولف جروحك
هسه ويـن تـريد روحك
تبچي يم شباچ زينب عالمصيبه
بلـكـت ايسويـهه بختك
وتوگـف ابطولك دمعتك
العايش الغربه صعب يخفت نحيبه
منـتـظـر هــاي الــزيـاره
حلمـك اتـلاگـي المنـاره
وتصرخ ابحـرگه وهضم اه يا غريبه
يمه زينـب يمتـه اجيلچ
خـايف واصرخ دخـيـلج
گلـبي يخفـگ والــدمع يمـچ طبيبه
هنيال الي يروحون .. بشام الغرب يبچون
ويگابلون أم عـون .. يم باب الاخضر يوگف
هذا انه مـثل العـام .. ومـا راح ازور الـشـام
يا گلبـي عالهمّ نــام .. والچم جروحك سولف
غريبه .. غريبه .. غريبه
++++++ـ
يا گـلب طـال انتظـارك
وما رحمّ بيك انكسارك
اعله الزياره شگد تحّن كل مغربيه
يـمـتـه زيـنــب تلـتـقيهه
ابكل مسيـتك تـرتجـيهه
يـمـه هــاي أيــامچ وعــينـچ علـيه
تصـرخ ويـاهـو اليسمعك
عالصور ضل يجري دمعك
ما وصـل يم زينـب وگـالـوا خـطيه
يمه زيـنـب ماهي سهله
روحي ما حاسبهه عدله
ماتـت امن الشوگ والهمّ والــرزيه
حـار الـدمع بالشوگ .. يمچ دموعي اتلوگ
يمه الگلب محـروگ .. وضل ينظـر توميله
ضل ابتعب وأحـزان .. هـذا الگـلب غـرگان
ويمه اشكـثـر ذبـلان .. يا زينب ابلا حيله
غريبه .. غريبه .. غريبه
++++++ـ
ياگلب ضل ابچي وانحب
الهسه مـا مـرتـاحه زينب
الهسه دخــان وحـرب يمهه الغريبه
ميـته والخـوف ابكـترهه
ونعـجـز انـوصف صبرهه
ابغربه ضلت يا گلب هــاي الحـبيبه
الخـايـف اتأمنه ابصحنهه
زيــنـب الـما كــف حـزنهه
كـل وكـت تـنـعـاد يـم زينب مصيبه
الــعـاشر الـمـا خله بـيـهه
ايسـير ابـكـل لحضه ليهه
ابغـربه والكـافل بعـد ليهه اشيجيبه
شيجيبه چا حاميچ .. كلش بعيد اعليچ
نـدري البعد ياذيـچ .. والغربه كلش صعبه
زيـنـب ولـوهه الناس .. ويـن الگمـر عباس
احضرهه يابو احساس .. خلصهه من غربه
غريبه .. غريبه .. غريبه
++++++ـ
زيـنب اتـقـاسي الـمصيبه
والأســم صـــار الـغـريبـه
اتـحـول ابيوم السبوهه والله زحمه
استوحدوهه ابلايه اخوهه
شــيـبــوهـه وركـضـــوهه
وهيه بالخمسين زينب هاذي هضمه
والله دنيـه وبـيــهه دارت
خــلـت المـهـيبوبه حـارت
تشـكي الـمن والــذبح ما خـلـه زلمه
يا گلب تدري ابجرحهه
زيـنـب الـعـاشر ذبــحهه
وراحـت ابنص غربه واتنادي ييمه
اتصيح بالدمع وبآه .. يا يـمـه يالــزهـراء
متني اشـكـثر أذاه .. السوط انطبع بيه
اخذيني يمچ كـون .. انه الغريبه ام عــون
ذبلانه مني اعيون .. شوفي اشجره اعليه
غريبه .. غريبه .. غريبه
++++++ـ
- خيري الصفراني ✍️
من دفع الباب لاستشهاد فاطمة الزهراء عليها السلام (وزن تجليبه )
ضلع الماطاب من دفع الباب
ضلع من الباب اتكسر تگوم الزهره وماتگدر
من دفع الباب
★★★★★
اندفع باب الزچيه الطاهره الحره
بچف ظالم رعيد من الحقد صدره
مصالح بيها من دين النبي اتبره
بهجومه من كسرها ضلوع للزهره
عنهن شيگول لومامسئول
من يوم اتحزم بالشر تگوم الزهره وماتگدر
من دفع الباب
★★★★★
شمس الدين ليش اصبحت محجوبه
وبسهم الحزن والنوح مصيوبه
الوديعه بياذنب للگوم مطلوبه
مكسورة ضلع علمتن مضروبه
المدمع همال مهظومه الحال
اتسد الباب وتتعثر تگوم الزهره وماتگدر
من دفع الباب
★★★★★
عبس وجه الزمان ولملم أحزانه
يريد ام الحسن مهظومه حيرانه
روح من البچي والنوح خلصانه
وغصنها وروده راح تموت ذبلانه
من يوم الدار حرگتها النار
ابحرگه الدلال أتفطر تگوم الزهره وماتگدر
من دفع الباب سئڨ
★★★★★
وي الزهره معروف الوكت مايل
خذلها وشيمته بس ينصر الباطل
من خلوها تنحب والدمع سايل
عليله والجسد من العلل ناحل
للوالي تروح تشكيله النوح
مهظومه وتشكي الحيدر تگوم الزهره وماتگدر
من دفع الباب
الشاعر حسن لعيبي الحريشاوي
بصوت. مسلم المطيري
#نعي
يحسين العبايه النار لهبتها
بعد بيمن تلوذ الذبحو اخوتها
اختك بالخدر والخيل جهبتهـا
ماضل خدر عدها بس عبايتها
على الظيم الهـواشم مــامعلمتها
زينب بينت والناس شــافتها
صدك يرضه ابوفاضل هاي حالتها
نومتكـم يهلنا مــوش ساعتها
مصايبكم عمت عينـي وطفّتها
كظت رضعانكم والخيل سحكتها
عزيزتكم رقيه النــار حركتها
واختكم ونت الناكه اعله ونتها
تصعب ع الهزل يحسين رجبتها
غير يكوم منكم واحد يزتها
بلا عبـاس اروحن مــامحسبتها
اخته من تون ياهو اليسجتها
رائد الناشي
بصوت. مسلم المطيري
كل خيري من خيرك
كلمات الشاعر
تحسين الخفاجي
بصوت. مسلم المطيري
تتشكر الزچيه من فاطمه الوفيه
كلمات الشاعر
ميثم العمري
بصوت. مسلم المطيري
لبيك ياثار الله. يعلو النداء
كلمات الشاعر
موسى الخادم
بصوت. مسلم المطيري
باب الساعه وباب الدار
كلمات الشاعر
موسى الخادم
بصوت. مسلم المطيري
وين ساجي الظاميه دلوني
كلمات الشاعر المرحوم
عبدالأمير الفتلاوي
بصوت. مسلم المطيري
صاح ابأحزان. عم ياسلمان
كلمات الشاعر
حيدر بشار الدراجي
بصوت. مسلم المطيري
وحشه داري. يوم المشيتي يمه يالزهره
كلمات الشاعر
موسى البديري
بصوت. مسلم المطيري
يندفع بابچ. عجيبه عجيبه
كلمات الشاعر
محمد هادي العقابي
بصوت. مسلم المطيري
ليلي اخلصه بس اون ومگابل الباب
كلمات الشاعر
علي سليم الحسناوي
بصوت. مسلم المطيري
الفاطمه ومحنتهه
كلمات الشاعر
فراس المحمداوي
