٢٩٠- بين النارين
فاطمه ومحنتهه ٠٠ الزينب وخيمتهه
النار نفس النار ٠٠ والزمن دوّار
امتدت امصيبتهه ٠٠ الزينب وخيمتهه
ـــــــــــــــــــــــــــــــــــــــــــــــــــــ
كثره المصايب والاصل يوم الباب
هــوّه البدايه
عالزهــره من اتهجّم ابن الخطاب
بأعظم جنايه
جاب الحطب واحترگ دار الاطياب
بنار الـــرزايه
فاطمه گالوله ٠٠ هاذي مامعقوله
وإن صاح وگال ٠٠ والله مو رجّال
ايهدد بعتبتهه ٠٠ الزينب وخيمتهه
ــــــــــــــــــــــــــــــــــــــــــــــــــــــ
چـــانت ثجیله الباب باب من اجذوع
الظــــالم رفسهه
طبگت عله الزهره وكسر منهه ضلوع
وخضّب شمسهه
وبضربة البسمــــار محـــسن مصروع
گاطــــــع نفسهه
واصرخت عينيني ٠٠ يافضه سنديني
طاح محسن طاح ٠٠ وصدري كله اجراح
ومهجتي وجمرتهه ٠٠ الزينب وخيمتهه
ــــــــــــــــــــــــــــــــــــــــــــــــــــــ
بين الزچیه وبین زينب جــــــرحين
نفس العـــلامه
جور آل اميه وجور حُكـم الشيخين
وكلمن اجـرامه
ونار الــدوت بالباب وصلت لحسين
وحرگت اخيامه
لچمه تشبه لچمه ٠٠ وکلها نفس الهجمه
هنا صراخ اوّیل ٠٠ هناك حومه وخيل
وفاطمه دمعتهه ٠٠ الزينب وخيمتهه
ــــــــــــــــــــــــــــــــــــــــــــــــــــــ
ابّنت النبي بس ضلع واحد مكسور
بشوغة العصره
وحسين رضّت صدره خيل بعاشور
وانطحن صدره
وعبد الله ضامي ومثل محسن منحور
وانگطع نحـره
والسطر خد فاطم ٠٠ نفسه ذاك الظالم
روّع الايتام ٠٠ وكرّر الآلام
وفاطمه وسطرتهه ٠٠ الزينب وخيمتهه
ــــــــــــــــــــــــــــــــــــــــــــــــــــــ
حيف ووسف بالحبل حيدر ينگاد
حامي الحميه
والله چا خـــــــلاهم بسیفه ارماد
لـــولا الوصيه
نفس الحبل حطوه بدين السجّـاد
بالغـــــاضريه
چف علي المچتوفه ٠٠ هالصوره معروفه
يعني چف عباس ٠٠ ینگطع ياناس
وغيرته وحسرتهه ٠٠ الزينب وخيمتهه
ــــــــــــــــــــــــــــــــــــــــــــــــــــــ
فراس المحمداوي
١٥ ربيع الآخر ١٤٤٦ هـ
موبس ظلع يافظه باجر ينكسر
باجر جمر ينزل دمع لجل الستر
ايد احطهه اعله الحجاب. وايد اردن بيهه باب
اه يفضه…… . اه يفضه
…………… ..
يافظه باجر صــــوتي حتمن ينسمع
ماينحمل يافــــــــــــظه بسمار بظلع
يصكط جنــــيني وبابي باجر يندفع
شلون اظيع اجروحي لو اظيع الدمع
انصطر وبجي بغصب يافظه دليني الدرب
مني ويطفون شمعه اهل الغدر
………………
يافظه لو شفتي الجرح ظمي عليه
كل خوفي ماكــــدر ولفه انه ابديه
ماريدن تشوفه وتون زينب خطيه
زغيره ماتحمل هظــــم كبل المنيه
اتحمل جروح ومصاب. ولاتظل بعدي بعذاب
وبعد عيني طيهه يافظه العذر
………………… .
باجر اذا خدي نصطر لو راحت العين
يافظه ماريد الخــبر يوصل للحسين
خليني اموت بحسرتي ولابجي الثنين
بس همه عدي بدنيتي ويظلمهم البين
عمري احسن جنه غاب… وجرحي اليشيب الشباب
ويبقه دمعي عليهم بكبري ويدر
……………… .
باجر الحســرات يافظه ال حجابي
ويحتــــــــــرك بنار باجر حته بابي
وينسلب مــــني فدك وانه مصابي
ومحسن المــــذبوح لي زود عذابي
هيج مكسوره ظلع….. بت محمد تندفع
وحته كبري يظيع اظل بلا كبر
………… .....
ابقه ماعنــــــدي كبر لا اليه حضره
ودري حيدر ينــــغدر وتنطره طبره
والحسن مسموم واهل الشر تغدره
ونوحي الحــسين اليظل عل غبره نحره
اطفاله تركض ع السراب…… وبني ليظل ع تراب
عفيه زينب بعدي تحتاج الصبر
……… ..
الشاعر ابو سلام الجابري
هم شایف شمس صلت صلاة اللیل؟
وبنور المهیمن فرشت المحراب ؟
هم شایف حیا بضلوعهه البسمار
سگطت محسن و ما ذبّت الجلباب ؟
فردوس الله خدهه ابلا خجل مسطور
وابلیس الدجل عاصر علیهه الباب
محسن من سگط بي ریحه من عباس
اظن ماخذهه یوم ابصلب داحي الباب
قرآن الله چانت تقره بالقرآن
تتلي هموم حیدر بطن گلبه الذاب
نبضة گلب حیدر نَص کتاب اللّه
تفسّر فاطمه من هالکتاب اکتاب
تقره البسمله و دمعتهه تصبح نور
من اربع تعش انوار ذوالالباب
اوّلهم محمد سید الکونین
و آخرهم محمد طاهر الانساب
رادت تستخار الزهره بالقرآن
هل تشکي العلي عالضلع یوم انعاب؟
سمعت گلب حیدر ینبض التوحید
فتحت گلبه طلعت سورة الاحزاب
«رجالٌ صدقوا ما عاهدوا» الرحمن
یعني السوره بیهه اسرار و کود اعتاب
«و منهم من قضی نحبه » و تخطّی الموت
و منهم ینتظر و ایوادع الاحباب
لذالک فاطمه لزمت سکوت الموت
لئن عرفت علي ایموت ابألم لمصاب
تغطت بالعجل بالموت شمس النور
حتی اتطم المهه ابّطن گبر الغاب
خادم خدمةالحسین ع
ناصرآلبوعبید
كلمن خدمني ... عالراس اخليه
كلمن خدمني ... باجر أجازيه
.........................
١؛؛؛؛؛؛؛
انه الزجيه ام الحسن .. أم زينب وأم حسين
كلمن خدمني بدنيته .. للجنه ازفه ابهل العين
ماعوفه حاير بالحشر ... لازم اوفيله الدين
كلشي اليريده ايصير اله..واشهودي ناس الميتين
انه ما أخلف وعودي وأنتو تدرون
عندي كل خادم أعز من نور الاعيون
كلمن خدمني ... جنة الله اهديه
كلمن خدمني ... باجر اجازيه
...........................
٢؛؛؛؛؛؛؛؛؛؛
أحضرله ساعت موتته ... كلمن خدمني بدنياه
لا منكر ايكَـرب اله .. لا من نكير اليدناه
الصفاهه نيته ابخدمتي .. أبموته الملائك تنعاه
هاي البشاره الكل محب .. كل محنه اكون انه اوياه
ما أعوفه الخلَّص اسنينه بعزائي
منشمل هوا وأهل بيته بدعائي
كلمن خدمني ... ميموت طاريه
كلمن خدمني ... باجر اجازيه
.... ........................
٣؛؛؛؛؛؛؛
كلمن بجه اعله امصيبتي..وسنينه كَـظاهه امصاب
يلكاني أول شافعه .... ماعوفه واكَـف بالباب
ميضيع يمي كل اجر .. والكلشي محسوب احساب
كل عمل متسجّل بدي ... ويه الخدم والأحباب
اصغيره وجبيره امسجًّله ابهاي الأيادي
حتى الذي بالمجلس أباسمي ينادي
كلمن خدمني .... الكوثر ارويه
كلمت خدمني ... باجر اجازيه
..................................
٤؛؛؛؛؛؛؛؛؛
واللابس اسود بالعزه .... واعليه كَـلبه موجوع
هذا أحسبنَّه دوه ... اليشفيلي كسر الاضلوع
موجوده انه ابكل عزه ... اجمع ابجفي الادموع
واللاطم اعلية الصدر .... اعلكَـله اصابيعي اشموع
والروحي ناصب مأتمه من ولدي احسبه
أمطر عليه خير السمه ما انسى تعبه
كلمن خدمني .... من عمري انطيه
كلمن خدمني .... باجر اجازيه
........................؛؛؛؛؛؛..............
✍️كلمات موسى الخادم
من طاري الهجر كلش چنت حذره
واعرفت الهجر من مـــاتت الزهره
ـــــــــــــــــــــــــــــــــــــــــــــــــــــ
خمس اسنين عمري وفاركت امي
وراحت ذكرياتي وانعكس حلمي
وكبر وياي ضيمي وعاشرت همي
وليل انهار عيني امعاشره العبره
ـــــــــــــــــــــــــــــــــــــــــــــــــــــ
بحنان الزهره چانت غارگه سنیني
تطيـبـني ابـنظرها امي وتداويني
گلبها شلون يـنطيها تـخـليـنــــــــي
ماصدگ علیها هانـــــــــــت العشره
ـــــــــــــــــــــــــــــــــــــــــــــــــــــ
هجــــرتـــــني الزچيه وانهدم حيلي
وفـارگت العبایــــه اللـي تـفـيـيـــلي
يـــــــاويلي عله العافتني يـــــاويلي
شجره ابلايه ماي ويبست الشجره
ـــــــــــــــــــــــــــــــــــــــــــــــــــــ
بـمحــــــراب الزچــــــیه اوگف وانعه
بكل تسبيحه من سبحتهه اجر دمعه
واگول الله یعین الیــــــــنکسر ضلعه
واظل ابچي الضلعها ولوعة السطره
ـــــــــــــــــــــــــــــــــــــــــــــــــــــ
اصد للباب واذكر محسن المذبوح
لحد الان دمه اعله الجذع ميروح
انوحن وي علي وهوّه اعله حالي ينوح
ويحضني ويكاسر صبري وي صبره
ـــــــــــــــــــــــــــــــــــــــــــــــــــــ
بــــمناجاة الدمع اسجد واحاچیها
واگلها الدنيا ما ظل كل طعم بيها
خبريني حياتي شلون تـــــــــاليها
اظن طف وخيم بالنــــار مستعره
ـــــــــــــــــــــــــــــــــــــــــــــــــــــ
فراس المحمداوي
حيدر بشار الدراجي
بهاي المجالس والعزاء
يالمهدي نسألك الدعاء
ـــــــــــــــــــــــــــــــــــ
يالحبك ظل ساكن كل هاي المهج
وبأسمك مــولانا كل شيعي ابتهج
وندعيلك كل ليله ابتعجيل الفرج
يالتدري بدنيانه مـــــــاليهه الهرج
بيدك مفــــاتيح السماء
يالمهدي نسألك الدعاء
ـــــــــــــــــــــــــــــــــــ
ابكل جمعه يالغايب ننطيك العهد
ونبايع ونعــــــــــاهد مانخلف أبد
وندعي الله ايثبتنه بهـذا المعتقد
وخسران العن دربك مـولانا ابتعد
ننخــــاك ياباب الرجاء
يالمهدي نسألك الدعاء
ـــــــــــــــــــــــــــــــــــ
بمجلسنه المتواضـــــع نتمنى تِمُر
اتمر بينه وانفاسك للمجلس عطر
لـــــو نعلم لاوینك گاعـــد مستقر
ونصلي للباري سجـــــدات الشكر
ننتظـــــرك بدمعة بكاء
يالمهدي نسألك الدعاء
ـــــــــــــــــــــــــــــــــــ
هالمجلس كالحضره وجامع شيعتك
ياســــاعه مولانا ننظـــــــر حضرتك
وعالمنبر يالحجه نسمــــــع خطبتك
اشتاگينه تدرينا اهـــــــواي الجيتك
وبيمينك ايرف اللــواء
يالمهدي نسألك الدعاء
ـــــــــــــــــــــــــــــــــــ
يالگلبك لحسينك دامي ومنفجع
وتندبه كل ساعه وتهـــــل الدمع
من الحافر يالمهدي ماضل بي ضلع
والخاتم بچفوفه راح اويه الصبع
نقسم عليك بكــــربلاء
يالمهدي نسألك الدعاء
ـــــــــــــــــــــــــــــــــــ
حيدر بشار الدراجي
#الليالي_الفاطمية
راح ادكن صدري وارفعهن اديه
اردا اعيش ايامي كلها فاطميه
يافاطمه............يافاطمه
***
انه عمري بالدمع ما يخلص اهات
كون اگضي العمر بالون والعزائات
ما يكفيني الطم بتلث روايات
نريد عاشور الزجيه يصير تكيات
كل وكت تلگيني حاضر يالزجيه
اردا اعيش ايامي كلها فاطميه
***
انه ما اريد العمر لوما عزه ايصير
انه لو تحسبني خادم كلش اچبير
والچبير يصير يمهه كلش ازغير
واليجي الخدمتهه لازم عنده تقرير
استلهمت من الزغر هاي القضيه
اردا اعيش ايامي كلها فاطميه
***
روحي مشغوله وتحب بس العزيه
كاعده اباب الخدم صبح ومسيه
اعفاء بالخدمه صرت ودمعه ميه
اتوقع الدفتر تره الزهره الزجيه
وجتهاد الخدم تطلع اعلميه
اردا اعيش ايامي كلها فاطميه
***
خدمتي محلاها والله اشكد رهيبه
حيرت هل العالم وصارت عجيبه
من عشگنه فاطمه ندفع ضريبه
نعيش لوعات الظلع اعظم مصيبه
خدمتي افضل ذخر بالنسبه اليه
اردا اعيش ايامي كلها فاطميه
***
يشهد عليه الزمن صوت النياحه
بخدمتي الكه العمر باب استراحه
احنه من ادم وآدم الله صاحه
للارض تنزل تزور اهل السماحه
امنه صارت هيه تحوي الجعفريه
اردا اعيش ايامي كلها فاطميه
***
لوحتي ارسمهه انه ابدمعة العين
ما امل من الطم شوف المجانين
وشحلاته العشك بيه صاير اثنين
فاطمه اعكشهه انه واعشك حسين
من مرامي اتبينت اجمل هويه
اردا اعيش ايامي كلها فاطميه
***
بالمجالس والطم ثق اجمل احساس
انه واضح بالعشك وبطيب الانفاس
باچر اهناك الزچيه اتوزع الياس
بالحشر يتلگه شفنه الخدم عباس
للخدم بيده الگمر ينطي الهديه
اردا اعيش ايامي كلها فاطميه
***
تمت بعون الله تعالى
خادمكم...... يوسف الفتلاوي
#اللهم_عجل_لوليك_الفرج
بصوت. مسلم المطيري
سيدي يبن البدور اللامعه
كلمات الشاعر
عمار الراشد
بصوت. مسلم المطيري
يمه زينب شدي حيلچ للمحن
كلمات الشاعر
ابو علي الركابي
بصوت. مسلم المطيري
* نعي عن لسان حال السیدة زینب الکبري (س) *
عدکم خبر چان الباب من اجذوع.
بلچن موضلع کاسر من امی اضلوع.
شفتهه بلقنوت ومنهه چف مرفوع.
وچف مایرتفع من کثرما موجوع.
اظن اچتاف امی من العصر مخلوع.
ریته ابگلبی المسمار مو مشلوع.
عزيز الفيصلي
▪︎
يموتي إرضه بيه. أموت وي الزچيه
بعد شلي بحياتي. ودنت منها المنيه
""""""""""""""""""""
ها يموتي اليوم اريدك صير وياي
تاخذ الروح وبعد ما أريد دنياي
صفيت بوضع والله فاگد الراي
ماتت الجانت هوايّ وچانت الماي
اريد الموته وحده. طلبت ولاترده
طلبتك يامماتي. ودنت منها المنيه
""""""""""""""""""""
عدويّ لداري يوصل والله ياحيف
والمصيبه موصه آني ماأسل سيف
ماردت شوفته والله بعالم الطيف
بلحد واحد كون نبقه وموته عالكيف
علئ كيفي إجلنا. اللحد سوه يلمنا
بقيت ادعي بصلاتي. ودنت منها المنيه
""""""""""""""""""""
يموتي سوه نگعد أني وإنته
ننوح بليل اظلم نبچي سكته
العذاب المرني والله بعيني شفته
فگد خلي مراره وصعبه ضگته
اعيشن والله زحمه. اعيش وماكو رحمه
وأصد تبچي بناتي. ودنت منها المنيه
""""""""""""""""""""
اليطيح بشده عاده ياعلي إيصيح
وانا صيحة حياتي لمن أنطيح
وأنا الصيحه يفاطم تگلب الريح
بعد بيمن انادي ودمعتي إتسيح
بعد ما اريد عمري. گضه هالساعه امري
بدت كل نايباتي. ودنت منها المنيه
""""""""""""""""""""
بت محمد روحي هيه وهيه فكري
يعني من يگضي عمرها يگضي عمري
وانتهئ كلشي بعدها وخلص أمري
نار گبرئ وتشتعل ويضيق صدري
اه يافگد الحبيب. ياجرح ماله طبيب
انه عدها شغلاتي. ودنت منها المنيه
""""""""""""""""""""
تمت ولله الحمد /المقصر مع الحسين
علي النائلي
#الليالي_الفاطمية
قصيدة بحق الزهراء عليها السلام
يالساكنة ابوسط الروح گلبي بغيابچ مجروح
صحت بشجن يم الحسن
گلبي بغيابچ مجروح
==================
يا بعد روحي يم حسن نعشچ بدي واريتة
واليدفن ابأيدة المحب اتصير المگابر بيتة
يم گبرچ اگعد وانتحب گبرچ دمع رويتة
المـثلچ ابد ما ينسى طولچ غصب جافيتة
بگبرچ واريدن ملگاچ طول العمر ما انساچ
طول الزمن يم الحسن
گلبي بغيابچ مجروح
=======================
فگدچ صعب يا فاطمة بالفرگة ذايب گلبي
من رحتي ماتت فرحتي عيني لمچانچ تربي
جبـــناها عالمر وحلو وينزاح يمچ تعــــبي
هسه الحزن ثوبي صبح بالگوة اوچد دربي
يالزهرة ذبلت عيناي بعدچ نشف منها الماي
اشموعچ طفن يم الحسن
گلبي بغيابچ مجروح
====================
عشرت عمر هسة انتهت بس ذكريات اصبحتي
خلصت مثل لمح البصر غـــدار خاين وكـــتي
كل لحــظة بيها اتذكرچ تمشـــين بالدم چنتي
يا زهرة اناديچ ابــحزن گلـــبي بغيابچ صبتي
ياهو اليعوض فرگاچ تمنيت اموت انة وياچ
سنينچ گظن يم الحسن
گلبي بغيابچ مجروح
====================
صعبة التحبة اتودعة ويروح اغلى احبابك
تحاچيه بأحزان ودمع ما يرد ليك جوابك
يا گلبي لاموك البشر محد يعرف مصابك
ابفرگة الحبيب اتألمت ياذيني حيل غيابك
يالزهرة ما انام الليل يالماخذة وياچ الحيل
گلبي انسحن يم الحسن
گلبي بغيابچ مجروح
======================
ابلياچ أيامي التجي ضلمة وحزن غاطيها
حسرات وآهات ودمع يازهرة راح اگضيها
ذكراچ تبقى ابكل كتر كل ذكرى ابچي عليها
چا غير انتي ام الحسن روحي الي عايش بيها
ابفرگاچ يا اغلى الناس شاب الگلب وي الراس
دمعي انعلن يم الحسن
گلبي بغيابچ مجروح
=======================
أسألكم الدعاء رائد الاسدي
#اللهم_عجل_لوليك_الفرج
بين الزهراء وريحانتها الحسين
(عليهم السلام)
حسين يمه اگعد تعال اگبالي
اليوم خل غالي و يودّع غالي
ــــــــــــــــــــــــــــــــــــــ
يمه اسولفلك اريد اعله الزمان
اسوالف الام عافيه وتگطر حنان
آنه اول ميته ماعندي مكان
ولا گبر مثل البشر يبرالي
ــــــــــــــــــــــــــــــــــــــ
آنه أظل إبلا گبر وابلا صحن
كبري يظهر وي ظهور ابن الحسن
وانته عاري اتظل ييمه بلا چفن
وهوّه چتالك نفس چتالي
ــــــــــــــــــــــــــــــــــــــ
آنه بالبسمار اتلوّع وأگول
ليش ياهالناس خالفتو الرسول
وانته يامظلوم تنداس بخيول
وزينب التنعاك هم تنعالي
ــــــــــــــــــــــــــــــــــــــ
ضلعي من ينعاب اصبح كالخيال
وانته تتطشر وذر فوگ الرمال
تعطش وماتشرب الماي الزلال
وآنه أظل بمجلسك للتالي
ــــــــــــــــــــــــــــــــــــــ
زينب اعله التل تنادي ياحسين
لو عدل انهض يبوالگلب الحنين
السوط يضربني واصدن باليمين
وباليسار احمي وجوه اطفالي
ــــــــــــــــــــــــــــــــــــــ
يمه والمحسن الماشاف الضوه
من سقط طولي مثل سعفه انلوه
لچن عبدالله المثل شم الهوه
هوه أكثر طفل شاغل بالي
ــــــــــــــــــــــــــــــــــــــ
احسين واليبچي بعزائك لو ينوح
لو يعلگ رايتك فوگ السطوح
كل تعب محسوب عندي ومايروح
تاج البسه وقصر ياخذ عالي
محمد الجماسي
#اللهم_عجل_لوليك_الفرج
#الليالي_الفاطمية
((الحزن الفاطمي))
من يوم الدفعني الباب
وصدري بدفعته رضّه
مره اتوچه عالحايط
ومره اتوچه عالفضه
بالعبره اهل العين
واريّح لوعتي بدمعي
اخافن لا علي يدري
ويتأذه لكسر ضلعي
اغطي بسطرت عيوني
وامسح دمعتي بردني
ما خليت ابو حملات
يتأذه أويشهادني
حيدر حالتي اتأذيه
من ابچي ويسمع اونيني
حسباله لبوي النوح
مايدري بسطر عيني
يريت المصطفى يحضر
واخبره اشسوت العصره
مابين الرجس والباب
طحت وضلوعي متكسره
طاح الطفل گدامي
وعيني اتشاهد المنظر
صحت يافضه لحگيلي
وتمنيت النبي يحضر
فجعوني بسطر وجهي
وزادو لوعتي الاذناب
حرگو منزلي همه
والنّار اعتلت بالباب
تحملت العصر والصار
بصدري وضربت البسمار
وأدنگ من يطب حيدر
خفت لا اجرح الكرار
مهظومه ونحل جسمي
واكابر عالهضم گوه
اذّكر طحيت المحسن
وأگوم بطيحته اتلوه
عمري بزهرت اسنينه
واصرت اتنطر الموتي
اخاف انسه واصيحن اخ
وحيدر يستمع صوتي
لا اگدر ابث شكواي
واكعد يمه واشرحله
والله الحالتي يدري
غير الموت مايحله
ماتت منيتي بدنياي
وذبلت زهرت احلامي
هضموني بكسر ضلعي
وطفلي الطاح گدامي
ماچني بعمر عشرين
شح من الالم جسمي
نحلني الهضم والظيم
وصرت گوه انگل لجدمي
عاشرني الدمع والنوح
وحرّم لذتي بدنياي
اتسله بضلام الليل
وللخالق ابث شكواي
انه ام الحسن وحسين
الوديعه اليرضه لرضاهه
الگالو صحبه دفعوني
وجرحو گلبي فوگاهه
سلبو دمعتي وحگي
وخلوني اعله هذا الحال
اجرن بالنفس گوه
وصورة محسن اعله البال
*------------*---------------*
✍بقلم خادم الحسين ع
#الشاعر رعد الجريخي
#اللهم_عجل_لوليك_الفرج
بصوت. مسلم المطيري
يالزهره من رحتي
منصوبه فاتحتي
كلمات الشاعر
فلاح طالب الماجدي
بصوت. مسلم المطيري
مو بس ضلع يافضه باچر ينكسر
كلمات الشاعر
ابو سلام الجابري
بصوت. مسلم المطيري
هم شايف شمس صلت صلاة الليل
كلمات الشاعر
ناصر البوعبيد
بصوت. مسلم المطيري
كلمن خدمني. عالراس اخليه
كلمن خدمني. باچر أجازيه
كلمات الشاعر
موسى الخادم
بصوت. مسلم المطيري
من طاري الهجر كلش چنت حذره
كلمات الشاعر
فراس المحمداوي
حيدر بشار الدراجي
بصوت. مسلم المطيري
بهاي المجالس والعزاء
كلمات الشاعر
حيدر بشار الدراجي
بصوت. مسلم المطيري
راح ادگن صدري وارفعهن اديه
كلمات الشاعر
يوسف الفتلاوي
بصوت. مسلم المطيري
الوكت هاكثر لاعب يولبيچن
هسه الموش كده يولبيچن
العمچن مشتكاچن يولبيچن
لو تشتكن يم حامي الحميه
هلي من اعداكم اعرف ماتفزعون
واحشم بيك يبني ماتفزعون
يهل زينب لزينب ماتفزعون
گلبي وخيمتي احترگن سويه
وحگ كلمن سجد لله ويامن
من اشوفك يطمئن گلبي ويامن
صحت عباس عايفني ويامن
الشمر يحدي وخولي يگود بيه
الصخر يازينب اتفسر لون چان
ومثل لون العبي صاير لون چان
ابو فاظل عدل يمچ لون چان
الشمر يخسى اذا يوصل رقيه
يلوج حسين اشوفه لوجبينه
الوطنه ايردنه ريته لوجبينه
شداوي اصواب گلبه لوجبينه
شدور خنصره الضايع عليه
زينب من بعد عباس شبگه
عده وشبگت اعله الحرم شبگه
على السجاد صاح الشمر شبگه
وشبگ عمته وياه سويه
اهنا يلي جبتنه گوم ردنه
اخوك حسين بالدم نگع ردنه
اخر شوفه الك عباس ردنه
تجينه برايتك تحظن رقيه
مؤيد الحفاظي
اللهم عجل لولیک الفرج ونصریالله
جروح عاشوراء
یوسف الزهراء 💔
سيــــدي يبـــن البــدور اللامعـــه
عظـــم الله أجـــرك ابهالفاجعــــه
سيـــدي يبـــــن المياميـــن الدرر
اليــــوم ماتـــت فاطمـه يالمنتظر
وين يا راعي الحزن ناوي السفــر
اليــا جهـــه مِـــن الجهات الاربعـه
وين تحيي امصيبِتك يبن الكــرام
بالمدينــه يـــم گبـــر سيــد الأنـام
لـو تحـت گبة علي بوادي السلام
تذكـــر آلام الزچيـــــه الشافعـــــه
ويـــن تنعــه وتذكر اليوم المُريـــع
مركـــب آلامك وصـل أرض البقيع
يا لثــارات الضلـــع صوتــك يذيـع
شحـال گلــب المجتبى من يسمعه
ويــن تحيــي سيــدي يــوم العــزاء
ابگبر ابـــو اليمه غريـــب الغربــــاء
مأتـــم الزهــــره تنصبـــه ابكربـلاء
وتلطـم ابصحن الچفوفـه امگطعـه
اليوم حزن ام الحسن يالمهدي عاد
للجواديــن ارحلـــت يـــوم الحـداد
تبچــي يم شباچ موسى و الجــواد
وجدك ابچفـــه الدمـــع والجامعــه
ويــن جالــس تنثر دموع النحيب
چنــك ابگبـر الرضا الوالي الغريب
اتگله ياجدي الجرح صعبه يطيب
والرضا اعله الزهره يجري مدمعه
ويـن تقــره زيــارة الزهـره ابدمـع
چنــك ابسامــره تنحــب عالضلـع
يـم علــي الهادي وابوك المنفجـع
وابدعــاء الفــرج چفـــك رافعـــه
عمار الراشدي
يمه زينب شدي حيلـــــج للمحن وياج بس هالليله موجوده ام الحسن
باجر نوح يازينب تبدي اجروح يازينب
الله ايعينج
***
يمه زينــــب يالحــنينه هاي آخـــر نظره اليه
رايحه وخلصت سنيني امشـــي عنج مو بديه
من وكت حمل ضــعنه ونوخــت نوك العزيه
نار كَلبي اتفــور كامت اشلون بيــج اشلون بيه
اشبيدي يمه اعله الهظيمه
صرتي يازينـــــــب يتيمه
بعدج ازغيرونه يمه اعله البجي رايحه وعنده الله ضيمج اشتجي
بكلبي النار يازينب اشجي الصار يازينب
الله ايعينج
***
أدني ليه خلـــــــي اشمج يابعد روحي وحياتي
باجر ارحل وامشي سكته كربت منـــي وفاتي
طارش الموت اعتنانـــي بينت صــورة وفاتي
هاج شيلة راســــــي يمه هاج البســـيهه عباتي
خلي اضمـج بين اديه
باجر ابلايــــه الزجيه
هذا اول جرح يبنيتي ومصاب اعينج الله اعله النوايب والعذاب
هذا اصواب يازينب من الباب يازينب
الله ايعينج
***
كَلبج بفكَدي يســـــــولف واســــمع بحجيه ونينه
شدي حيلج بعــــــــد بيتي عوفي جرحي يالحنينه
اتوزري اهواي المصايب والله يم عـون الحزينه
تنطرج يمــــــــــه المآسي باجر احبال وضعينه
عوفي يازينب جروحي
يمه لأجل حسين نوحي
صبري روحج لودوت نار الحنين من تظل البيت مابيه الحسين
يوم حسين يازينب يدمي العين يازينب
الله ايعينج
***
ادري شفتي كسر ضلعي وسطرة اعيونــي وألمهه
وادري شفتي جتف حيدر وطبت الكَـــــوم وزلمهه
كلهه هين يمــــــــه زينب اشلون بالنـــينوى اسمهه
شيب واطفال الضــــحايا يختلط بالرملـــــه دمهه
باجر المحنه العظيمه
باجر الطـــف الأليمه
منين ماتنطين وجهج ماكو أمان بساعه وحده اتشيل ارواح الحنان
بس ادموع يازينب طحن اضلوع يازينب
الله ايعينج
***
يمشي كلشي ايموت كلشي والحنــان ايروح باجر
الخوه تهوى اعله الشريعه والعلم يكســر الخاطر
والمحنــــــــه والاخـــــوه تعطش ويطحنه حافر
وانتي يمـــــه ابلايا خيمه حايره اتهل النواظر
لاعلم وابلايـــه رايه
لاخيـــــام ولاحمايه
اشلون بيج وانتي ماعندج خيام بالصحاري وبالخرابات المنام
آيا يم عون يازينب اتشيب عيون يازينب
الله ايعينج
***
ابو علي الركابي
بصوت. مسلم المطيري
يموتي أرضه بيه. اموت وي الزچيه
كلمات الشاعر
علي النائلي
بصوت. مسلم المطيري
يالساكنه بوسط الروح
كلمات الشاعر
رائد الاسدي
بصوت. مسلم المطيري
حسين يمه اگعد تعال گبالي
كلمات الشاعر
محمد الجماسي
بصوت. مسلم المطيري
من يوم الدفعني الباب
كلمات الشاعر
رعد الچريخي
بصوت. مسلم المطيري
ابوذيه ولائيه
عطشنه وثلـج يـگـطـر .. ماعلينه
وعِـلينـه ولـولـه حبهـم .. ما علينه
بــغــيــر ألِ مـــحـمـــد .. ماعلينه
فـقـط حبـهـم نـريـده وهـاي هـيـه
*---------------------------*---------------------*
✍خادم ال محمد
الشاعر رعد الجريخي
يل زهره من رحتي منصوبه فاتحتي
ماجانت أبالي بيتج يظل خالي
٠٠٠٠ ٠٠ ٠٠٠٠
يل زهره عوفج بالحد وشلون للبيت ارجع
لوشفت زينب والحسن انياط الگلب تتگطع
وين امنه راحت فاطمه من كل كتر گمت اسمع
شبعان من كلشي أصبحت ومن البجي ماشبع
فراگج هدم احيلي ومحد يتجيلي
وفرحانه عذالي ماجانت ابالي
٠٠٠٠ ٠٠ ٠٠٠٠
من رحتي بيتي أصبح گبر ماينسكن من دونج
يل ماقبلتي هل بشر يافاطمه يشيعونج
الميت ترد روحه اله لمن يشوف عيونج
اهيل الثره يم الحسن واسل وكول شلونج
ظلعج نزف دمه خاف الثره يلجمه
يبجي الصخر حالي ماجانت أبالي
٠٠٠٠ ٠٠ ٠٠٠٠
من شفت ظلعج من كسر گلبي نزف بجروحه
زهرت زماني وشمعتي جنازه صبحت مطروحه
متعوب مامثلي بشر بجفوفه دافن روحه
الفاگدله غالي بكل فجر يبجي عليه وينوحه
عينيني يالزهره حيدر خلص صبره
تتيتم أطفالي ماجانت أبالي
٠٠٠٠ ٠٠ ٠٠٠٠
للدار ارد بياوضع ماترضه تمشي اجدامي
الضامي جبده من العطش وانه عله فاطم ظامي
احزامي جانت للزمن وهسه راح حزامي
بلاياه حير بغربتي وشلون تكضي ايامي
ياهو اليواسيني لو طالت سنيني
وشمات تبرالي ماجانت أبالي
٠٠٠٠ ٠٠ ٠٠٠٠
رديت أوصوت اسمعت يابويه جاوين امي
من كثر ماشايل القهر بشرياني يوگف دمي
زينب تريد امها اجت يل نايبات التمي
لوجبل عندي من الصبر ماحمل ضيمي وهمي
شيبني جرح الباب يوميه اشوف صواب
وحسين ينعالي ماجانت أبالي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
☆
