للحرب سموني
من اطب يدروني
من اطب الحومه اضجها انه عباس
اشمر العشره اعله عشره تشهد ناس
....._1_....
.....-----....
اشمر العشره اعله عشره انه سبع الكنطره
وتسحك الخيل باهلهه الزلم تصرخ حايره
الخيل ما دتندل دربهه و بالحماده عاثره
حارت الخيل الاصيله الدوم جانت غايره
.
تيهت وين المفر
من دخل ليها الكمر
.
وانه ست اسنين عمري درعي والطاس
اشمر العشره اعله عشره و تشهد ناس
...._2_.....
.....-----.....
وانه من حامي الحميه دارس افنون المهام
دوم ما خذها الصداره الاول و انه الامام
غصت و سكته الحناجر منها ما يطلع كلام
اسحك الروس بجدامي وانه عباس الهمام
.
تيهت وين الدرب
ابو فاضل من يطب
.
راعي الغيره ابو فاضل صاحب الباس
اشمر العشره اعله عشره وتشهد ناس
....._3_.....
.....-----......
انه ابن حيدر عليا عندي شمره بالقتال
وما اهمن كل عددهم ابد ميهمني محال
انه تربات الصميده وانه سيدها الرجال
حيل عطشان الدماكم بالحرب اقره ارتجال
.
تيهت وين الاهل
نزل وياي الاجل
.
اشمر الخيل اعله اهلها واكطع الراس
اشمر العشره اعله عشره وتشهد ناس
......_4_.....
.....------.....
انه لجل حسين امامي راح اسوي المستحيل
اسأل الحومه و اهلها العلكمي احسن دليل
لا تضل خياله باجر لا تضل بالدنيه خيل
وانه اخو زينب الكدها من يسموني الكفيل
.
تيهت وين المهر
الكوم طب ليها ذعر
.
الطيبه و الهمه و شجاعه بيه تنقاس
اشمر العشره اعله عشره وتشهد ناس
......_5_.....
.....------.....
انه فارس بالفراسه انه عباس الكمر سموني
حسين امامي انطاني رخصه ماارد يدروني
ايموت كلمن صوبي يكرب من اشد ميموني
و اكسر الشكره ضهرها ومن اجني اجنوني
.
تيهت وين الوجه
صوب ياهو تتجه
.
اليندعي بقوه شجاعه بجدمي ينداس
اشمر العشره اعله عشره وتشهد ناس
.....___....
.....-----....
حسن صالح العيساوي
بصوت. مسلم المطيري
صال صال. مسلم وطباهه
كلمات الشاعر
ابو سلام الجابري
بصوت. مسلم المطيري
قبل الارض
نصبوا فواتح بالسمه
كلمات الشاعر
سيد خضر الزاملي
ابوذيات بصوت. مسلم المطيري
الشاعر. رعد الچريخي
بصوت. مسلم المطيري
وگع عباس لا يسره ولا يمين
كلمات الشاعر
عبدالكريم العلوان
بصوت. مسلم المطيري
مايعودون عليه مايعودون
كلمات الشاعرة
العلويه ام حسام الغرابي
بصوت. مسلم المطيري
بعلتي وطاري البعد
ذبل اغصان الورد
كلمات الشاعر
فيصل عاشور المنصوري
بصوت. مسلم المطيري
حسين البارحه من گد حنانه
كلمات الشاعر
علاء الزيدي
بصوت. مسلم المطيري
واويلاه. واويلاه. واويلاه واويلاه
كلمات الشاعر
احمد علي البغدادي
اللحن.الثاني. بصوت. مسلم المطيري
لا تلوموني. لا تلوموني
حب الحسين أجنني
لا تـلـومـوني .. لا تلوموني...حب الحسين اجنني
إي نـعـم مـجـنـون من يوم العرفته .. يا حسين
أعـقـل الـنـاس التسودن من محبته .. يا حسين
لا تـلـومـونـي اذا ثـوبـي مزقته .. يا حسين
لا تـلـومـونـي اذا راسـي طـبرته .. يا حسين
لا تـسـألـوني .. لا تسألوني...حب الحسين اجنني
هـذا صدري يسيل دمه وما أوافي .. يا حســين
وانـا من امشي ازوره امشي حافي .. يا حســين
الناس من شافتني صاحت كافي كافي .. يا حســين
والله مـا انـسـه ابو اليمه هتافي .. يا حســين
مـاتـغـيـروني .. ماتغيروني...حب الحسين اجنني
لـو طـبرت الهامه لا تقرب عليه .. يا حســين
يـعـنـي أقـلـك انا اتحده المنيه .. يا حســين
انـظـر اجروحي وبعدها لوم بيه .. يا حســين
شـوف مـنهو اللي يضمدها إليه .. يا حســين
يـالـتـعرفوني .. يالتعرفوني...حب الحسين اجنني
آنـي مـن دم هـامتي اعلن ولائي .. يا حســين
قـول عـنـي تـجنن وقلّي مرائي .. يا حســين
مـن اصـيحن ياعلي تنزف دمائي ..يا حســين
يـعـنـي آني وقعت بالدم فدائي .. يا حســين
يـالـتسمعوني .. يالتسمعوني...حب الحسين اجنني
آني من الطم على صدري شيضرك .. يا حســين
هذا صدري وآني ما أذيت صدرك .. يا حســين
آنـي حـر بـراسي اطبر ما اطبرك .. يا حســين
يـعني كل هاي المصايب ما تقهرك .. يا حســين
مـاتـمـنـعوني .. ماتمنعوني...حب الحسين اجنني
قـبـلـك هوايه حجوها وعبرتهم .. يا حســين
مـن عـلى احبال المشانق ادبتهم .. يا حســين
آنـي مـو لعب التحدي وماخفتهم .. يا حســين
هـسه اسألك وينهم شو ماشفتهم .. يا حســين
لـو تـقطعوني .. لو تقطعوني...حب الحسين اجنني
لا تـعـلـمـني دخلني ويا همي .. يا حســين
انـا مـا احـتاج فتوه وهذا دمي .. يا حســين
انـا شـفت الزهره تقعد تبجي يمي .. يا حســين
هـذا ابن ظاهر اشوفه سجل اسمي .. يا حســين
لا تـنصحوني .. لا تنصحوني...حب الحسين
سار الضعن والجمال ماريض يخال ابني
اعله هونک ريض ابممشاك يم حسين نزلني
ــــــــــــــــــ🏴
عله هونک ريض ابممشاك خلي انودع الوليان
وانشوف البگه مطروح عاري بخطة الميدان
وانمر للمشايه نودع امگطع الذرعان
حگي اعليه واعتبنه وهوه الي تكفلني
ــــــــــــــــــ🏴
يخوتي طوح الحادي ما خلاني اودعكم
صحت بصوت آه يحسين ولا واحد گعد منكم
كلفتوني بحرم واطفال خويه انه ارد اعاتبكم
تمنيت من اصيحن حيل ابو السجاد يسمعني
ــــــــــــــــــ🏴
مريت ولگيت حسين نايم عالثره عاري
جسمه اعله الثره مطروح واعليه انشغل بالي
بس الروس فوگ ارماح ويه اضعونه اتباري
گتله خل اضل اهنا والجمال يمنعني
ــــــــــــــــــ🏴
منعوني العده يحسين ما خلوني اضل يمكم
يخوتي غصبن اعليه تراني رايحه عنكم
والله لو صبر هندي حته اگدر افاركم
نفذ صبري يخويه حسين بعد ولا جهد عندي
ــــــــــــــــــ🏴
سود امتونه من السوط وعلينه الهضم كثران
ماتدري يخويه حسين من چتفو علي الوجعان
ابمتنه شدو الزنجيل وجسمه من الضرب نحلان
تصد عينه اعله راس حسين ودمعه اعله الوجن يجري
ــــــــــــــــــ🏴
الماي الماي اخو زينب
الـمـاي....الـمـاي..... اخـو زيـنـب
اليـوم ثالث و العطـش ماذيـنا
يـبو فاضل للـخيـم مر بينا
عيون عبدلله برجاوي سكينه
وين عباس اليجينا وينه
الـهـاي...... الـهـاي...... اخو زينب
🆚🆚🆚🆚🆚🆚
انـتـضر رفـت العـلـم بـمـتـونـه
انـه اخـوي الڪـافل يسـمـونـه
جيوش تتعب من تصد بعيونه
هسـه يرجع والنهر بمتونه
حـمـاي.... حـمـاي.... اريـدنـه
🆚🆚🆚🆚🆚🆚
شابجه عيون اليتامه لدربه
علخيم مثل الجمر يا گلبه
يدري بغيابه وبدونه صعبه
هذا اخوي المايرد الطلبه
الــراي..... الــراي..... اجـيـبنـه
🆚🆚🆚🆚🆚🆚
ما يقصير الا يـروي عـياله
طلب زيـنب هوه شـاغل باله
يا زلم توگف تصير گباله
لا مشاة و لا تضل خياله
اربـاي.... اربــاي.... ابـو فـاضـل
🆚🆚🆚🆚🆚🆚
ما يرد و الا ياخذ حيفه
ابن ابوي اليوفي بتكليفه
بكربلاء اتموت وتعيش بكيفه
ثلث انعام من اخوي و سيفه
عداي.... عداي..... اگص بيهم
حمزه فاضل المجراوي
الما عنده حسين ميت مرتين
يا لذه يشـــوف بعمره
الما يعشگ ابن الزهره
****
المـا عنــده الحُســين بدنيتــه شعنـده
ضايــع والطــريق الســالكــه يبعــده
الما شاف الحقيقه اعيونه اظن رمده
مثـــــل البيــده كــض المــاي وتبــده
بدربــه الانــوار والضـد يحــتار
مـــا اظنه يشوف الگمره
الما يعشگ ابن الزهره
****
الما عنده الزياره وضايگ الخدمـه
هــذا امضيــع الايمـــان والنعــمــه
الهوه الما بي حُسين شلون يشتمه
الما شاف المناير هذا احسه اعمى
دنـيــا بليـــاه شتنــفــع والله
يخســر لاشــك كــل قدره
الما يعشگ ابن الزهره
****
الما ضــايك لهب عاشور وآهاتــه
ولا مــره تّچــوه بذيــچ جمــراتــه
عــايش ألمــن الخســران كل ذاتـه
طعم منطــي الحيــاة بكل جراحاته
اول مذبـــوح للدنيــا الــروح
ميّــت مـــا يـنفــع عمــره
الما يعشگ ابن الزهره
****
الما كحــل عيِـونـه بشـوفت الگبـه
أولا مــــره گصــــد عنــاي للحــبه
هذا الي صــدگ عايش الف غـربه
حسين الدنيا كلها الواسعـه الرحبه
بلا حبه شلون لا طــعم ولــون
مــا يشتم عطــر العتـــره
الما يعشگ ابن الزهره
****
تخيلها الحيــاة بلا حــزن عــاشور
ظلام تصـــير كلها ولا يمرها النور
الحياة احياها يوم القدم الها انحور
اذن واجب نذكره شما الكون يدور
يالبيّـه تلــوم مــا ابطــل دوم
ينـــسى القــرآن وذكـــره
الما يعشگ ابن الزهره
****
المنطينه حيــاته ومهجتــه ونحره
وتحـــت الخيل لله هشمو صــدره
قليل انطيه لـو مر ذكره بس عبره
لحـــد الان يحينا بهــوى الحضـره
حسين العطشان يروينه احسان
ينكــر ديـــن الله وســـره
الما يعشگ ابن الزهره
*
الشاعر
موسى البديري
نعي. بصوت. مسلم المطيري
#نعي
امشنـــه للــــــغالي نــودعه
يمكن بـــعد مابيــــه رجعــه
يگطعون راسه وحته اصبعه
وباچر تسمعن كســــر ضلعه
سكــــنه رقيــه رملـــه ليلـه
باچر حسين يـــــروح حيله
يوگع وما واحــــــد يشيلـه
وفوگه العدو يلكـــد بخيله
باچر معاني حسيــــن تنداس
وفوگ الصدر مگعاد الارجاس
لو دارته مـــــن كل كتــر ناس
عينه تصــــــــد لصوب عباس
ونن وركضن شبگن حســين
گالن نجيب يشــبهك منيــن
وين اليحامي اخدوركم وين
لو حـــرگت النــار الصواوين
حيدر ابو كيان الفاطمي
صال صال… مسلم وطباهه
صال صال… ترجف وخلاهه
صال مسلم للحرب خلاها نار
حارت الكوفه ويزيد بكبره حار
محد يلاوي ويطلب بيها ثار
الصار ذاك اليوم ماكو مثله صار
ترجف من عيونه
شحدهم يلاكونه
بزوده طب وفنونه
هيج من هزاهه
مسلم وطباهه
*&****
حارب وجنه ابو اليمه بصولته
فرت جيوش العده وما لاكته
شال كل الكوفه هزهه بيمنه
شلون حيدر من يصول وشمرته
جنه حيدر بيهه
عطوه ما يطيهه
وتيهت تالهه
توسلت خلاهه
مسلم وطباهه
&&&&&**&
حيد بلملكه صعب ما ينكحم
حيئر جيوش الظلاله والظلم
وبجثثهم مالحگ حار اليطم
ربات حيدر بلحرب ما ينهظم
حيد هزهه ونالهه
كسر خشم رجالهه
الكوفه وين افعلهه
حارت وذلاهه
مسلم وطابهه
*&*&*
طب علئ الكوفه وهلهه حتارت
سوه بيهه فتوك ابد ماصارت
كالو الدنيه علينه ودارت
كحيله بيده وحزماهه وغارت
داس فوك ركابهه
ونار بيهم شابهه
حتارت من صوابهه
والزم شلاهه
مسلم وطباهه
*&*&&*&**&
انتخه بطوعه ويكلهه انتي السند
اليوم اوفي بروسهم هذا الوعد
يسلم بروحه الحگ بيهم شرد
تربع عله رگابهه اليث وكعد
رجفت ومحتاره
وشبع يا بتاره
وخذ بيهم ثاره
حيد اهو وسلاهه
مسلم وطباهه
ابو سلام الجابري
قبل الارض .. نصبوا فواتح بالسمه
قبل الارض .. ناحت عدن وي فاطمه
……………………………………………………………
صوت من العرش ناده حي ع الون و الدمع
يلا يا جربيل بلّغ كل ملائك تنجمع
بالارض صوت البواچي كون لازم ينسمع
عالغده فرهود جسمه و راسه دامي ومنرفع
عل صبغ وجه الارض بدمومه
عل الي باگوا منه حتى اهدومه
يهل السمه . امن الاوله حتى السابعه
يهل السمه . علنوا الحداد المصرعه
……………………………………………………………
سوّه ميكائيل موكب بيه لطامه اشگثر
بيدهم زنجيل فضي ظهورهم صارت حُمُر
ايوصي بيهم حيل دگوا على حسين المنّحر
عاري حدره الرمل جمره و حرگته اشموس الظهر
حيل الطموا اليوم مامش راحه
عل شبع طعنات من ذبّاحه
حتى الشجر . بالجنه يبجي ومنفجع
حتى الشجر . عالخنصر الظل منگطع
……………………………………………………………
فاتحه وكل الملائك راحت اتعزي النبي
على ابنياته الخذوهن بيدهن حبل السبي
الحور والتمن يعازن للطم شدن عبي
احنا نلطم يل زجيه وانتي خافن تتعبي
اللطم فوگ الضلع ياذي بحالج
احنا نلطم على حسين ابدالج
واحد ضلع . منج يفاطم منكسر
واحد ضلع . وحسين مطحون الصدر
……………………………………………………………
الانبياء سوو عزيه و المدامع هامله
امفرع ابراهيم ينعه و نوح يقرأ ابمقتله
موسى يلطم حيل صدره وعيسى ظل ايرد اله
ويوسف ايصيح ابواچي آه منج كربله
تصيح مريم فدوه زهره العينج
كون انا و ابني دون حسينج
ما ظل نبي . الا ولبس ثوب الحزن
ما ظل نبي . وبدمعه غرگان الجفن
……………………………………………………………
كل متر بالجنه تلگه رايه واعليها انكتب
(اه يحسين ومصابه ) امنقّشه ابفضه وذهب
على الكوثر صاح صايح رحمه لأهله الّي شرب
في ثواب الصار كلبه امن العطش مثل اللهب
في ثواب حسين وي وليده
لي انذبح والخالي ظل امهيده
يا حرمله . يل نبلتك اكبر جرح
يا حرمله . عبد الله مو مالت ذبح
……………………………………………………………
السماء و حگها تبچي ادموم و ليوم الحشر
على ال بالخمسين ركضت حافي في وكت الظهر
ساعه فوگ الشوچ تسحگ ساعه تسحگ عالجمر
اتطيح مو بصمله تنهض تنهض بسوط الشمر
حگها لو تبقه الشمس مكسوفه
لان زينب عالهزل مچتوفه
زينب جرح . لهل السمه و لهل الارض
زينب جرح . اعليها اللطم اصبح فرض
……………………………………………………………
✍️ ( سيد خضر الزاملي )
#أبوذيات
لمولاي صاحب العصر والزمان
روحي فداه
يـمـهــدي الـلـيـلـه اذكــرَنّــك.. وَعينـك
ونـــوح ٱويـــاك بـمـصــابــك.. وعينـك
مـــحــــرم بـــيّــن اهـــلالـــه.. وعينـك
تـشــوفــه وتــذكــر الــراحــت سـبـيـه
*---------------*---------------*
جــره دمـعـك يـبـو صـالـح.. وَهـل لك
وهــلال الــحـزن شــفــتــه.. وَهـل لك
انـشـدك يـا وگــت تـظـهـر .. وَهـل لك
طـلـعـه وتــنــصــب لـ جــدك عَــزيــــه
*---------------*---------------*
هـلـك شــدوا يـبـو صــالــح.. رحـلـهـم
وبـحـمـول الـحــزن تــفـتـر .. رحـلـهـم
شـبـاب وچــن ورد بـالـطـف.. رحـلـهـم
وصــبــغ دمـهـم تـــراب الــغــاضــريــه *---------------*---------------*
عَــفــه گـلـبـي الـمـصــايـب.. ماتـسـلـه
وتـــرانــي بــغــيــر ذچـــرك.. ماتـسـلـه
يــراعــي الـثـــار ســيــفــك.. ماتِـسـلـه
وتــطــفّــي الـنـار الـبـگـلـبـك ســريـــه
*---------------*---------------*
يَـمـن دمـعـك طـريـج الـصـبـر .. يـداك
ومــتــانــي تــســـل الــســيــف.. يـداك
يمهـدي بخيل صدره انـسـحـگ.. يـداك
وتــوزّع جــســمــه بـٱكــتــار الـوطـيـه
الشاعر رعد الجريخي
وكع عباس لا يسره ولا يمين
تنوحين اليوم يحلالج تنوحين
شما تردين زينب جري الونين
عنج راح خيج لا تنظرين
صبر منين يازينب تجيبين
وكع عباس لا يسره ولا يمين
راعي الزود كول لا تنخين
اعتاب احباب يحله من تعتبين
صبر منين يازينب تجيبين
ضل وفاي وحده وناصر حسين
على المسنات حاله ما تعرفين
جثته شلون كفالج تنضرين
جود ورايته ومكطوعه جفين
مطبور بعمد والهامه نصين
مخه عالحدف ودموعه صوبين
وسهم الجور منه صوب العين
راعي الجود من بعده تضيعين
جروح هواي يازينب تداوين
جروح هواي ياجرح تداوين
جيتي وياه بس وحدج تردين
جيتي وياه وبفيه تلوذين
عزيزه ورايته ترفرف تشوفين
وبيا حال باجر من تطلعين
بعد العز ذليله شلون تمشين
سبيه بنت علي بين الميادين
ناكه مهزله عاثر تركبين
لكوفه وشام مسبيه تروحين
وكع عباس لا يسره ولا يمين
الشاعر عبد الكريم العلون
اللَّهُمَّ ارزُقْنا مُحرَّمَ الحرام
ــــــــ
سهّلْ لنا عزائَهُ
يَسّرْ لنـا مآتِمَه
عَليكَ يا ربُّ بِمَنْ ؟
بِفاطمٍ بِفاطِمة
رجــاؤنا بدمعةٍ
على الحسينِ دائِمة
فَكلُّ مَنْ هُنـا لهُ
خادمٌ وابنُ خادِمة
اللَّهُمَّ ارزُقْنا : خِدامةَ الكرام
اللَّهُمَّ ارزُقْنا مُحــرّمَ الحـرام
ــــــــــ
مَآتمُ السبطِ لنا
فريضةٌ لا نافِلة
ما ينفعُ الناسَ هِيَ
وماعداها زائِلة
في هكذا خُدّامُهُ
مِن دونِ ريبٍ قائِلة
لبسُ السوادِ آيةٌ
بِبنِ الحلالِ نازِلة
اللَّهُمَّ ارزُقْنـا : حُزناً لهُ استدام
اللَّهُمَّ ارزُقْنا مُحــرّمَ الحــرام
ــــــــــ
غايَتُنا الشهرٌ الذي
يُنجي العيون الباكية
كـ ليلةِ القدرِ بهِ
ليلةُ النحرِ الدامية
تَنزَّلُ الزهرا بِـها
الى العزاءِ آتية
لِمطلعِ الحشرِ هيَ
تبقى عليهِ ناعية
اللَّهُمَّ ارزُقْنـا : من لُطفِها سلام
اللَّهُمَّ ارزُقْنا مُحــرّمَ الحــرام
ــــــــــ
مِنبرُنا أبٌّ هُوَ
وهذهِ آياتُنا
في بيتِ نعـيٍّ انَّنا
سينتهي شِتاتُنا
كذا حُسينياتُنا
بالفعلِ امّهاتُنا
يُوحّدُ اللطمُ لنا
تجمعُنا صيحاتُنا
اللَّهُمَّ ارزُقْنـا : صوتاً بذا مقام
اللَّهُمَّ ارزُقْنا مُحــرّمَ الحــرام
ــــــــــ
ربّاهُ هذا شَهرُنا
والخدمةُ هيَّ الهدى
ما إن تمسّكنا بها
فـلن نَضِلَ ابدا
المؤمنُ الحقُ الذي
لهُ النبيُّ وَعدا
جمرُ خيامِ كربلا
في قلبهِ لن يبردا
اللَّهُمَّ ارزُقْنـا :جمراً مِن الخيام
اللَّهُمَّ ارزُقْنا مُحــرّمَ الحــرام
قصيدة رجالية لمولاتي السيده زينب ع تحكي جميع مصائبها😭😭
ما يعـــودون علـــيه ما يعـــودون
تبچي العيون عليهم تبچي العيون
راحو الچانو ضوه
عالترب نامو سوه
مايعودون
🏴🏴🏴🏴🏴🏴🏴🏴🏴
زينب انه ام الحزن وام المصـايب
شفت اشـكال المحن بين الغرايب
لاتلومـون الگلب بهمـــــومه ذايب
واصعب هموم الشفتهه بالخرايب
الفركة متهون عليه الفرگه متهون
تبچي العيون عليهم تبچي العيون
چانو الجرحي دوه
عالترب نامو سـوه
مايعودون
🏴🏴🏴🏴🏴🏴🏴🏴🏴
ما تهـون الفــــــرگه يا يمــه تعـــالي
راحوا احبـــابي الاودهم والغـــوالي
ابگيت وحدي امحيره من غير والي
گمــت اصــــــرخ آ يعــزي ويا دلالي
ما يرجعـــون علـــيه ما يرجعـــون
تبچي العيون عليهم تبچي العيون
چنت اشمنهم هوه
عالترب نامو سوه
مايعودون
🏴🏴🏴🏴🏴🏴🏴🏴🏴
مصاب ابوي المرتضى هدملي حيلي
مـن عگـب عيــنه ابـد ما نمــته ليلي
يا دمـوعي لجل ابوي الغــالي سيلي
انمـرد گلبــي وذاب وتعــــذب دليلي
حمل المتــون تمايل حمل المتــون
تبچي العيون عليهم تبچي العيون
گلبي بحزاني انچوه
عالترب نامو ســـوه
مايعودون
🏴🏴🏴🏴🏴🏴🏴🏴🏴
اخ ومصــاب الحسـن تيــه افكاري
من عگب عين الحنين اظلم نهاري
زاد بگليــــــبي الحزن زودلي ناري
خاليه منهم بقت يا وســــفه داري
اصـبر اشلون بعدهم اصـبر اشلون
تبچي العيون عليهم تبچي العيون
بيــه ما ضلت قوه
عالترب نامو سوه
مايعودون
🏴🏴🏴🏴🏴🏴🏴🏴🏴
وافجع امصيبه عليه مصيبت حســين
اگبالي مطروح ويلوج ابصدره سهمين
گلبــي متعذب اخـــلافه انفطر نصــين
شلي بالدنيـــه بعد وخـــــواني ميتـين
ما يرجعـون لخـــتهم ما يرجعـون
تبچي العيون عليهم تبچي العيون
آ يجمرت نيــــنوه
عالترب نامو سوه
مايعودون
🏴🏴🏴🏴🏴🏴🏴🏴🏴
امصيبة العباس شيب منهه راسي
بيــه واسيــني يمن رايــد تواسـي
ليش من زغري الزمن وياي قاسي
خلصت اسنين العمر نوح ومئاسي
بيــه يـدرون اعزهــم بيــه يـدرون
تبچي العيون عليهم تبچي العيون
انهدم سوري وهوه
عالترب نامو سـوه
مايعودون
🏴🏴🏴🏴🏴🏴🏴🏴🏴
✍بقلمي المتواضع العلوية ام حسان الغرابي
#مجالس_محرم_الحرام 1447 هـــ
مولاتي العليله ع #نزله
🔹🔸
بعلتي وطاري البعد _ ذَبــل اغصـــان الورد
ويلــــــــــــــــي ويــــــــــــــــــــــــــــــــلاه
ــــــــــــــــــــــــــــــــــــــــــــــــــــــــــــــــ
ذبلـــت اعيونــي ورمشها ينطبك بليا علــــي
طفله كبرنــي هجرهم خوتي وارسوم الولـي
حَسَبت محمل اليــــه من محاملهم هلــــي
كوه اكوم امشيلي خطوه وياعمر يبقى الــي
العلتي ماكــــو دوه _ وجنحي بالفركه التوه
ويلــــــــــــــــي ويــــــــــــــــــــــــــــــــلاه
ــــــــــــــــــــــــــــــــــــــــــــــــــــــــــــــــ
لازمـــه الباب ابدعائــــي وانتظر جيــــة الظعن
بدار ابــــوي وجن غريبه عكبــــه ماعندي وطن
كل دقيقه اتمرني لوعه وهجره بظلوعي طحن
شلون اجرعها الليالــــي وعله سهري اتعاكبن
الليل لجروحـــي لفه _ والفــــرح مني اختفه
ويلــــــــــــــــي ويــــــــــــــــــــــــــــــــلاه
ــــــــــــــــــــــــــــــــــــــــــــــــــــــــــــــــ
صح عليله وكلبي ذابل والسبب فركه الاهــل
الامل جان اعله بابــــي وهسه ما عندي امـــل
الدمــــع جاتــــل وجنتي الموت بعيونـــي نزل
انه ماريــــدن افــــارك البعُـــد دنــــه الاجــــل
مشتاكه لحسين اشكثر _ البعد رايد صبر
ويلــــــــــــــــي ويــــــــــــــــــــــــــــــــلاه
ــــــــــــــــــــــــــــــــــــــــــــــــــــــــــــــــ
البعُد كاســر ذراعـــي ولاوي حيلـــي بالالــم
من شفت ظعن الحبايب رايــــح ورف العلم
عيشت روحي عله جمره وكلبي ربيتـه ابخيم
وشتلت حزن البواجي كلشي بحوالـي انهدم
مهدوم حيلي بالحزن _ وكلبي ملجوم ويحن
ويلــــــــــــــــي ويــــــــــــــــــــــــــــــــلاه
ــــــــــــــــــــــــــــــــــــــــــــــــــــــــــــــــ
العله بعيونــــي بذرها افــــراك اهلـــي علتي
انــــه متخطيه المتاعــب دون اهلــي طيحتي
راح ابوي حسين واهلي وانكســــاري بعيلتي
وانه سهرانه ابهجرهم واكضــــي ليلي ابونتي
ميته ريت ولا هجر _ ساهره الحد الفجر
ويلــــــــــــــــي ويــــــــــــــــــــــــــــــــلاه
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
حسين البارحه من گد حنانه
وين يطيح دلاني بمكانه
تمدد طوله عالگاع
اشبعي گالي اوداع
////////////////////////////
اخذني امنيدي نص اليل - امشي ويجرن اعيوني
گعدنه والتفتلي وگال - هنا باچر يذبحوني
اختلينه خلوه مال اوداع - وتمدد ونخطف لوني
منا گلي درب الخيل - تره البيهن يسحگوني
تره من كل درب باچر يركضون
لحد الليل بظلوعي يسحگون
شكلي حگه لو ظاع
اشبعي گالي اوداع
////////////////////////////
اخلصهه بچي وياچ - اخر ليله من عمري
هنا باچر سهم چتال - يطلع خويه من ظهري
وصلت لمرحله اويه حسين - گتله هنا خلص صبري
من گال الشمر بالسيف - يتربع على صدري
سمعته يگول وانه جاي اودعه
هنا راسي الشمر رايح يگطعه
باچر صعبه الاوضاع
اشبعي گالي اوداع
////////////////////////////
العطش يجبرني اطيح هنا - من تتفطر اشفافي
باچر لا تحشميني - بخاصرتي الرمح غافي
من ثگل الحجر متعوب - شلون ارفعهن اچتافي
ركض باچر تره تشبعين - وتسحگين الجمر حافي
تجيني بليل من تخلص حياتي
وتوخرين الحجر انتي وبناتي
تفز بجروحي الاوجاع
اشبعي گالي اوداع
////////////////////////////
كلشي البيه ابيض لون - يزينب ينگلب احمر
فوگي يوگف السلاب - ويضل بهدومي يتخير
اعمامت راسي يلبسهه - وگدام الخيم يفتر
المصيبه اهنا اضل عريان- ويحرگني سموم البر
ظهريه وشمس راح ابقه مسلوب
وجهي اعله الرمل تلگينه مگلوب
يگص خنصري طماع
اشبعي گالي اوداع
////////////////////////////
اخير اوداع انه وياه - بست الغالي من نحره
لان گلي النحر باچر - يطبرونه ثنعش طبره
مكان البي راح يطيح - اباوعله واجر حسره
باچر ما يجي اتمنيت - واشوف اظلوعه مطشره
من كثر البچي ما نامت العين
باچر ينذبح عطشان الحسين
گضت عشرتنه شبساع
اشبعي گالي اوداع
////////////////////////////
اخذني وراح فوگ التل - بچه وكملهه سالفته
نعي اقريلي زينب گال - يحب يسمع نواعي اخته
اجه باچر واجاني الليل - واخوي حسين فارگته
الهظمني الغالي لمن مات - ما سويت فاتحته
نباوع عالخيم نبچي سويه
يزينب گالي فزت رقيه
اروحن يمه كل ساع
اشبعي گالي اوداع
////////////////////////////
تمت ____ علاء الزيدي
واويلاه واويلاه واويلاه واويلاه
واويلاه واويلاه. واويلاه واويلاه
___
من رد خالي مهر حسين يركض سابح بدمه
زينب طلعت وصاحت وين وحسين ابو اليمه
قبل لحضات جان اهنا وجنت ابصدره اشتمه
يالميمون مو هالساع ذكرته بوصية امه
واويلاه واويلاه. واويلاه واويلاه
واويلاه واويلاه. واويلاه واويلاه
____
ركضت صعدت اعله التل صاحت خويه حاجيني
اذا بعدك عدل يحسين وحدي لاتخليني
لحگ عالحرم يحسين خويه لوحدي تدريني
هاي الناس كلها تريد بعدك خويه تسبيني
واويلاه واويلاه. واويلاه واويلاه
واويلاه واويلاه. واويلاه واويلاه
____
بس انكف عجاج الخيل زينب شافت الحاله
شافت صدر اخوها حسين تسحگ فوگه خياله
ضلت من بعيد اتحوم بالنضرات تبراله
وعين تشوف صدر حسين عين اتشاهد اطفاله
واويلاه واويلاه. واويلاه واويلاه
واويلاه واويلاه. واويلاه واويلاه
____
ماعدها رحم هالناس شافت صدرك اتكسر
شنهي الباقي سالم بيك جسمك كله واتطبر
الله ايعين گلب امي اشلون اتشاهد المنظر
اشلون اتشوفك بهالحال نايم بالشمس والحر
واويلاه واويلاه. واويلاه واويلاه
واويلاه واويلاه. واويلاه واويلاه
_____
ياجدي دشوف حسين هذا حسينك الغالي
صدره ادوسه هاي الخيل والراس برمح عالي
وانه ابين نار وخيل ياجد باوع الحالي
هسه بعازة الفزاع بس الدمعه تبرالي
واويلاه واويلاه. واويلاه واويلاه
واويلاه واويلاه. واويلاه واويلاه
_____
ياحيدر اجانه الليل وينك لحگ اعلينه
يابويه حرم واطفال ماتنهض تحامينه
راحو بويه وين الحيد واحنه ابغربه ضلينه
ردنه فزعتك هاليوم وترد للوطن بينه
واويلاه واويلاه. واويلاه واويلاه
واويلاه واويلاه. واويلاه واويلاه
_____
✍️احمد علي البغدادي
محرم الحرام 1445هـ
بصوت. مسلم المطيري
لا تلوموني. لا تلوموني
حب الحسين. أجنني
بصوت. مسلم المطيري
الماي. الماي. اخو زينب
كلمات الشاعر
حمزه فاضل المجراوي
بصوت. مسلم المطيري
الماعنده. حسين. ميت مرتين
كلمات الشاعر
موسى البديري
بصوت. مسلم المطيري
انا عد عينك يعم. بس ردت كلمة نعم
كلمات الشاعر
جعفر عطيه البزوني
