ولدي اربعتهم .. من قدمتهم
حبيبي حسين حبيبي حسين
اطلب رضاتك .. يبني وغلاتك
حبيبي حسين حبيبي حسين
**
اربعه اولادي اويه ضعنك مقصره اگولن ماوفيت
ياحُسين أقبل قليلي جبت ألك ولدي وأجيت
بخدمتك إني وبنيني عيوني يم ضعنك بچيت
فاتحه يبني اعله روحي ايسهل أمرك هالقريت
بهودج اختهم .. من زورتهم
حبيبي حسين حبيبي حسين
هاي الأميره .. الكلمه الأخيره
حبيبي حسين حبيبي حسين
**
بالضعن راحو حيادر زنودهم تلوي الحديد
ابو فاضل كافل اخته أبني [ذو البأس الشديد]
وجهي بيضه گبال زينب إلها سوي إلي تريد
حسين يامولاي گله وصير إله حامي وعضيد
حچي العيون .. بالحب يكون
حبيبي حسين حبيبي حسين
يوليدي أريد .. نعم العضيد
حبيبي حسين حبيبي حسين
*
مهجتك ياجعفر أبذل وإني اعرفك ماتلين
امشي بضعون الفواطم وعالهوادج صير عين
كلمه خليها اعله بالك انضيع من دون الحُسين
يبني هذا إبن الزجيه خيره المالي الادين
يم الفرات .. هالحب نجاة
حبيبي حسين حبيبي حسين
تروي ضماي .. هالكلمه هاي
حبيبي حسين حبيبي حسين
***
وانته ياعثمان أريدك تحرس اخيام الدلال
كربله بجفك تهزها لو ضعن مر بيه خيال
يبني ياعبد الله جفك يعدل الهودج المال
ولدي ترفعونه راسي وينضرب بيكم مثال
لحظة سكون .. تتكاتفون
حبيبي حسين حبيبي حسين
حامل لواه .. يسند كفاه
حبيبي حسين حبيبي حسين
**
لكربله وعاشرها يجري دمعي جن دجله وفرات
عالنهر ذيج المواقف طعم سوت للحياة
من عگب عينك ييمه العمر بعدك شتات
رضعت ولدي اعله امودك نحور توگع للخوات
نحره يگول .. لبن البتول
حبيبي حسين حبيبي حسين
يطلب رضاه .. يضحي بدماه
حبيبي حسين حبيبي حسين
***
علي محسن الفرطوسي
.....
القصيده لأم البنين عليها السلام
#قصائد_وفاة_ام_البنين
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ
شور لمولاتي ام البنين عليها السلام
آنه ام البنين آنه. آنه ام البنين آنه
..........................................
الرايد حاجته الليله يقرأ الفاتحه وتسهل
بهذا المجلس الشده. لو جانت جبل تنحل
باب الله الچبير احنا اليكَصدنه فلا ينذل
وانه ام البنين آنه. يالرايد علي تسأل
معروفه آنه معروفه
ام الطاحن اجفوفه
ام الحاجه سموني
آنه بهاي معروفه
آنه ام البنين آنه. آنه ام البنين آنه
................................
انه للحوائج باب. الله بهايه خصاني
الضاكَت دنيته بعيناه. آنه اليمه تلكاني
آنه ام الكَمر ياناس ماخاب تنخاني
صح مالي صحن وانزار. بس مفتوحه بيباني
لكلمن ينتخي بيه
يقرأ الفاتحه عليه
اكضي حاجه المحتاج
حتما ميه بالميه
آنه ام البنين آنه. آنه ام البنين آنه
..............................
اختارني علي يا ناس. بس هالنعمه تكفيني
كتله بس طلب عندي. فاطم لا تسميني
لولدك ياعلي ياريت. اخدمهم تخليني
بدوية طبع للزين. أنذر عمري وسنيني
ربي انعم عليه
كَبلك انه بدويه
وبيت الرساله اليوم
ويسموني علويه
آنه ام البنين آنه. آنه ام البنين آنه
..............................
بحجري انه ربه المضلوم. حسين وانا ربيته
يحبه الله اليحب حسين. وانه هوايه حبيته
حرزي عمامته چانت. وحجابي انه چفيته
وبوكت الصلاه لوصار. البس انا غاچيته
كلشي انطيته ونطاني
اكَضي الحاجه سواني
من كَد ماحزنت عليه
صرت ام الحزن آني
آنه ام البنين آنه. آنه ام البنين آنه
.......................................
ياوادم وحگ عباس غيرحسين ماعندي
صح عندي ولد وحيود. بس هو اغله من ولدي
ماهموني من راحو. ولاهمي من اضل وحدي
بس همي ابو السجاد. لو سالم يرد ودي
هوحسين ماغيره
ضلمه خلافه هالديره
مكسوره كَلب بعده
ذاك العايشه بخيره
آنه ام البنين آنه. آنه ام البنين آنه
.............................
ابو منتظر الحريشاوي
بصوت. مسلم المطيري
ابو ذيات بحق ام البنين( ع)
يلاهي وسيدي ادعوك .. يرباي
جفوني وضل نضرهه العين .. يرباي
صحت لاوين هل هجران .... يرباي
وتاني ومارجع واحد عليه
*--------------------*----------------------*
اعدن چنت وتفاخر .. بعدهم
وهسه الدهر من عندي .. بعدهم
بنيني الدنيه ماتسوه .. بعدهم
صرت ثكله وتصبر الناس بيه
*-------------------*------------------------*
✍بقلم خادم الحسين //ع//
الشاعر رعد الجريخي
بصوت. مسلم المطيري
يالجناز الله عليك يم عباس وديهه
كلمات الشاعر
رعد الفريجي
بصوت. مسلم المطيري
سلام الله على صبرچ
كلمات الشاعر
كامل السعيدي
بصوت. مسلم المطيري
#أبوذية
اخت عباس دلالي .. لاج الها
وحزن هالروح وصلها ..لأجلها
يمهدي مو الخاطرنه .. لجلها
اطلع لا ترد زينب سبيه
ابو فاطمة الطائي
#اللهم_عجل_لوليك_الفرج/
وينك يالمصفيها زينب لحكَ عليها
جهبتني الزلم والخيل ترضه اختك تلاكَيها
ــــــــــــــــــــــــــــــــــــــ
ضاكت يالتزيح الضيم غيرك محد يحلهه
عبــاس الزلــم والخيــل جهبتني بمشاعلهه
تحــركَ خيمتي العدوان هاي شلون تقبلهه
هاي الخيل زلمه تريد حرمه شلون اجابلهه
جفوفك لايعطلنك ماتسمعني احشمنك
انهض ولو بس زنود ياعباس لاويها
ــــــــــــــــــــــــــــــــــــــ
الماتعرف شني العباس كوم اليوم علمها
خل نهر الفرات اليوم يشحط من كثر دمها
نكّس روسها بيمناك واجتفها بعمـــايمهــا
طشت يالتلم الخيل غيرك محــد يلمهــــا
كوم ورايتك شدهه وصلت يالفحل حدهه
وصلت حدك العدوان وينك يالمبجيها
ــــــــــــــــــــــــــــــــــــــ
ماتفزع لفتني الكوم متحزمه برواياها
وينك يالمعكَـر الخيل خل تطيك مكفاها
تتراكض حرم واطفال ياعباس ترضاها
فرت ماتوجد وين من النار منواها
شي بالنار محتركه شي انسحك مالحكه
شي تصيح عمه الغوث سوط الشمر واليها
ــــــــــــــــــــــــــــــــــــــ
هاي تصيح عمه الخيل بالميدان سحكتني
وذيج البلخيم وتصيح عمه النار حركتني
شلون الحكها وانه السوط ياعباس هد متني
شمــا ادنه ليهـــا النــــار بالصيوان لهبتني
شلون اتلاحك عيالي وانه النار بذيالي
يبن الخلص ابراهيم غيرك مايطفيها
ــــــــــــــــــــــــــــــــــــــ
يبن الخلص ابراهيـــــم من النار نجينه
ماتدري الجمر عباس جوه اجدام رجلينه
يالغافي عللمسنات غيـــر اتكفلت بينـــه
ماتنهض تطفي النار لاتلحك على عبينه
يلي اتكفلت بيه منك موش مرجيه
اختك تشتكيلك ليش ماتكعد تشكيها
ــــــــــــــــــــــــــــــــــــــ
هايامن كلت بحماي كوم الخيل وصلتهه
صاحو بالخيم فرهود زينب ماهم اخوتهه
ماضل خدر ياعباس عدها بس عبــايتهه
خويه اسمعهم يصيحون زينب وين خيمتهه
وصلت نارهم ليه بيها انجوت رجليه
ترضه اختك يراعي الزود تجوي النار رجليها
ــــــــــــــــــــــــــــــــــــــ
اكعد موش ساعت نوم ماتحلالك النومـــه
كوم اسحك ظهور الخيل يبن الشايعه علومه
ماترهم يبو النوماس منك خاليه الحــــومــه
سلبونه واخوك حسين منه انسلبت هدومـــه
ماخلو علي خيمه ماتلحك يبو الشيمه
شمتاني ورقيه الكوم سلبوها تراجيها
ــــــــــــــــــــــــــــــــــــــ
ريته خلافكم لاطال خويه العمر ماريــــده
هضمني الشمر ياعباس هاي سوايته مجيده
شال ايده ويطكني يريد جيفن شافني وحيــده
كتله حشمت عباس كال المشرعه بعيــــــده
بطلي ولاتحشمينه اخوج انكطعت يمينه
هاي سوايته منالناس ماواحد مسويها
الخادم
رائد الناشي
اللهم عجل لوليك الفرج
▪︎
اليله وحشه ياحرم بت النبي
اليله تشبه من ليالي البسبي
اليله وحشه ومحد بمحرابها
وخاف توصل والكفر يم بابها
بعيد عنها وفاركوها احبابها
والله يستر خاف زينب تنولي
خاف يرجع حرمله وسوط الشمر
وخاف يجاسر عليها وللكبر
يوصل الظالم صعب هذا الامر
شلون شده وهاي ندعي وتنجلي
شده عدنه وخاف ينمس الظريح
وحيده زينب المن تنادي وتصيح
نخاف كبتها يهل وادم تطيح
شلون لو كالت بعد محد الي
ياهو يفزع للعقيله البل غرب
بعيد صارت وابعد علينه الدرب
بعد ماظن نوصل نزور ونطب
نكلهه وسفه اليوم ونتي تحملي
اتحملي الجمات ونتي بغربتج
وخلي عينج خل تفيض بدمعتج
لا بعد بشام محد ظل الج
بهل مصيبه گلوبنه بهم تنملي
ابو سلام الجابري
▪︎
شلون ترضاها اعلى زينب يخو زينب حايره
نايم وخيل ال اميه اعلى المخيم دايره
****
حايره بلم اليتامه وحيلي ياخويه انهدم
شما المهـا تضيع مني ابين دخان الخيم
هنا يمن بيدك علمنه شلون هديت العلم
ها يفراس المنايه ويالمروض الغايره
*
نايم شلون وخواتك حالهن مـاينوصف
خـويه مـن طلعن يركضن لاكَن السبعين الف
بكثــر دخــان الخيــام وجــوهن مــاتنعــرف
وتــدري بربــات الدلال اعلــى الركض ماجـاسره
*
نـــار تلهب واليتــامـه لايــذه بســد العبـــا
اليركض منالنار خايف خيلهم تركض ورا
هنا ينايم ع الشريعه من صحت ماكَتلي هــا
لــوحــدي ورجـال مـاكـو وهـاي وادم كـافـره
***
بيـن سبعين الـف زلمه الغـوث يـاعبـاس اصيـح
حرمه متعوبه وجبيره ومن يطكَني السوط اطيح
يــاحـزام حسيــن اخبـرك طـايــح حسينك ذبيــح
بعـــــازة النـــاصر عضيــدك مــاتكَـــوم تنــاصــره
مادري شصار برقيــه وتاهت ابين الخيـول
امنـاها حسين عنـدي ومن يناشدنـي شكـول
ظلمه ماوجد طريجي وخيلهم بالطف تجول
حــرمه بين الخيل تفتــر بالعـرب مـاصــايــره
**
كَــوم من كـونك تهيس بيك يابــو الغيـره حيــل
حــارس يـريــدن خواتك جل علـى النســوان ليل
احسبني خويه دخيل عدك وأنت ابن حامي الدخيل
سكنــه يـــم بــاب المخيــم يــاجفيلــي منــاطــــره
**
توجهت صوب الشريعه وطلعن يصيحن وراي
ويــن يــم الخـدر زينب طالعــه بخـدرج تعــاي
كَلت اريـــدن للشريعـه وهــاي السياط كَفـــاي
رايحه لعبـــــاس بلكت حالـــي يكسـر خـــاطــره
**
حيل مابيــاش اجعدك خاويــه منالسوط الـــوي
يبن ابـوي شلون تـرضى كَبالنه يشتمون ابـوي
خيلهم عباس اخبرك داست اعلى ضلوع اخوي
وجـم فرس جـال اعلـى جسمه وداس صدره بحـافـره
**
احجيلي ياكفال خدري بطبتي لمجلس يزيد
ياهـو اليرافجني بــاجـر والدرب كلش بعيـد
ويــاهو اليشد المحامل والكفلنــي بلايه إيــد
والصبـــح عبــاس عنكــم ع الهــزيله مســافــره
رائد الناشي
اللهم عجل لوليك الفرج
▪︎
لسان حال مولاتي ام البنين عليها السلام
كتله يمه وكال ابشري
كتله زينب كال خدري
نامي رغد وادللي.. ياهو اليصل يم بت علي
وكال ابشري
كتله عباس الوصيه... عندي من امها الزجيه
انموت كلنا يابوفاضل... ولاتروح اختك سبيه
كال ابشري وداعتج يام البنين
فدوه كلنا نروح لجدام الحسين
ما نخلي يوصل لبابه بشر
اله احنه ابابه اخوي مكطعين
كتله وكفو... كال الاخو... ما عليه منيه
وكال الحرس... لكطع النفس.. ما توصل العلويه
واكف انه واتخيلي... ياهو اليصل يم بت علي
وكال ابشري
كتله يمه حسين رايح... وعطره نص الناس فايح
كال اذا رف رمش عينج... يعني انه بحظنه طايح
كتله يمه يا ابو فاضل هايه
زينب وعد الله خوش حجايه
يبني افهم جلمتي واسمعني زين
بخدر الله من علي موصايه
كال الخدر... لاخر عمر.. ما تشوفه الوادم
شنهو الزلم... احنه الزلم... واحنه خلفة هاشم
اعله الله ييمه اتوكلي... ياهو اليصل يم بت علي
وكال ابشري
صاح عباس اعله اخوته... وبت علي ابستمت لصوته
صاح محد يصل زينب... اله واحنه كلنا موته
اتبسم حسين وتبده احساسه
يمن فدوه انداره انه لانفاسه
شال راسه ذاك ابو كلب الحنين
من نظر غيرة علي بعباسه
صاح ونعم... يم الشهم... من عندج ومشكوره
ذوله هلك... فدوه الك... يالتسوه هالمعموره
بهاي الزلم كال الولي.... ياهو اليصل يم بت علي
وكال ابشري
رحت انه اعله الظعن... عيوني شبسرعه بجن
كلت زينب من بعد... عيونج عيوني انعمن
اثنينه نبجي ودمعنه يلالي
ومن بعدها حرت شوصف حالي
صحت يا عباس زينب يالعزيز
غاليه وللغالي فدوه الغالي
يالخادمه... لبت فاطمه... خادم انه لحسيني
زينب ترى.. امخدره... مخليها يمه بعيني
زينب تروح بمحملي... ياهو اليصل يم بت علي
وكال ابشري
الخادم سيد احمد الميالي
بصوت. مسلم المطيري
ابوذيه للسيده زينب ع
عكب عباس زينب ....... ياهو الهه
انه اترجاك اخذني..... ياهوه الهه
وحيدة اليوم صبحت .. ياهَو الهه
اخذني ارجاك خل افدي السبيه
ام زينب الحسيني
منهو يمي لطمية لأم البنين // ألشاعر قاسم الساعدي المندلاوي
منهو يمي اشكيله همي
فاڴدة ابدور اربعة لچن هدني مصرعه مولاي الحسين
***
حسبتي ويّه الدهر حسبة طويلة
ابسجن آلامه على اولادي نزيلة
شلون يرتاح الذي حاير دليلــــه
الحيرة لمّن تنجلي يبرد غليلــــه
دمعي يهمل نيران ينزل
هووا يم المشرعة لچن هدني مصرعه مولاي الحسين
****
أشكي همي امن الزمان الجار بيّه
مو سهل هذا الجره بيهم عليّــــــه
أربعة من عندي راحوا للمــــــــنية
فدوة لاچن هدني موت ابن الزچية
امصابه ميهون يا شيعة تدرون
بيهم آنه املوّعة لچن هدني مصرعه مولاي الحسين
*****
منهم اللي ينولد لحسيــــن آنذره
ردت ڴلب ام الحسن بيهم أســرّه
اللي يقصّر عن اخيّه وما ينصره
أبد ما أبريه الذمّة وما أعـــــذره
همّه يوفون دونه بالاعيون
بيهم الناعي نعة لچن هدني مصرعه مولاي الحسين
******
رضّعتهم مو لبن من رضّعتــهم
رضّتهم خدمة حسين وأختــــهم
للطفوف وخدر زينب خلّفــــتهم
وبيهم ايرد الضعن لاهله ردتهم
وسفة من رد ما منهم احّد
ڴال ماتوا أسمعه لچن هدني مصرعه مولاي الحسين
***
أم الاتخلّف أملهه الأبن يوڴـــــف
ألهه بي تبصر أذا يوم النظر كَف
وآنه أولادي خذاهم مني الطــــف
أه يا هذا الدهر ما مَرّة أنصـــــف
عالترايب هالنسل غايب
جثث كلهه امڴطّعة لچن هدني مصرعه مولاي الحسين
*****
ابعيد عنّي الطف عليهم ظهري مكسور
الهالسبب سوّيت ليهم أربع اگبـــــــــور
أنهاري أگضيه نايحة والگب مجمــــور
ومن اناماً گلبي يفتر اعله الاگبـــــــــور
جعفر وعون وعبد الله يدرون
بيهم آنه امروّعة لچن هدني مصرعه مولاي الحسين
انه السبيه انه السبيه
٠٠٠٠ ٠٠ ٠٠٠٠
مليت من الضيم مليت
بموتي انه الماتهنيت
يوميه لافي عليه هادود
عباس يفزعلي تمنيت
اسمع سوالفهم عجيبه
يوميه ابديلي مصيبه
يم بابي اسمعهم يصيحون
شتسوي عدنه الغريبه
ياچلمت غريبه تطلع الروح
يل وياي ظلت وين ماروح
ظل حبل السبي لليوم مشدود
بجفوفي وشوف حسين مذبوح
انه السبيه أنه السبيه
٠٠٠٠ ٠٠ ٠٠٠٠
هاي السنه احجي ويعيني
مَاكو ولا زاير يجيني
العام يم شباجي يبجون
وهسه العده محاوطيني
خاف انسبي وهالناس ضلام
شبعيت غربه ولوعه ياشام
جندوب اصبر انه جندوب
مايوم جفني غمض ونام
انه ام المصايب وم الأحزان
انام اشلون وانه بين عدوان
ردوني الخوتي خاطر ارتاح
گلبي الشَوفت العباس الهفان
انه السبيه انه السبيه
٠٠٠٠ ٠٠ ٠٠٠٠
يل واعديتوني تردون
وبالحضره هاي عليه تنعون
الجيتكم انطر وحسب ايام
مشتاگه شكثر الكم العيون
رد السبي والشامت اردود
وحشه المناره وبابي مسدود
هاي السنه مو مثل السنين
منيتي اسمع صوت رادود
يهيبه الحضرتي لمن تطبون
تهمل عينكم عالخد تلطمون
واحد گل للآخر تعرف هاي
هاي الغريبه الظايعه أم عون
انه السبيه انه السبيه
٠٠٠٠ ٠٠ ٠٠٠٠
يل ماگطعتو يوم وياي
تذكروني حته بشربت الماي
هاي السنه وتخلص شلون
وبيد السباني الشور والراي
جندوب يازوار صبري
كل خوفي يحبابي عله خدري
لو ماشفتكم شده وتهون
بس خايفه يهدمون گبري
اسولف والمصيبه تشيب الراس
خل يلحگ عليه بساع عباس
هظيمه انسبي للشام مرتين
وبيه ردود تطلع تشمت الناس
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
ثلاث دكات
اضلوع الزجيه اشلون. كسروها بالباب
وانته القلعت الباب. بيدك يبو اتراب
****
بكل حيله اجه وعالباب خصمك عصرها
وياحيدر البسمار. صوب صدرها
وبقوته اعله العين. رد وسطرها
ودار النبي المختار. حركوها الاصحاب
**
عندك علم بالصار. هجمو عليها
ماتت عصر والنار. تسعر بديها
وام الحسن كل حيل. ما تلكه بيها
طاح الضنه وما طاح. من عدها الاحجاب
***--
وكت الحروب نشوف. جانو يرجعون
ومن الرسول ايصيح. كلهم يلبدون
بس انته للميدان. تبرز يعرفون
حيدر الك صفين. تشهد والأحزاب
*
ميت علي يكولون عكب الشهيده
وبالكوه طاست ماي. يلزمها بيده
تتسند اعله الكاع وانته الصميده
بعده الجرح لليوم. عالزهره ما طاب
**
وينك يحامي الجار. يالتحمي جارك
ما تنحط اعله البال. محروكه دارك
وانته انعرف جبريل. حد ذو الفقارك
دخن يراعي الزود. سيفك بالكراب
*
انته علي ولولاك. ما قام السلام
بعد الوصيه اعداك شو صارو ازلام
لو زلم جان وين ذنيج الأيام
هجمو لان يدرون. معروفه الأسباب
***
تمت
تحسين الخفاجي
#الناشر_الحاج_فلاح_حسن_الليال_الفاطميه
أتحزمو خدامها… الزهره هاي أيامها
أم حبيب گلوبكم… خل تشوف أزلامها
____
هذا دستور الخدامه الدايم
عنا ما يستغني كلمن هايم
ما يهمنه وخل يلوم ألايم
خادم يسلم الرايه الخادم
يالله يهل الغيره… شيلو رايه أچبيره
ومن تجينه الزهره... خل تشوف أزلآمها
__
وين أليحب ينصر المظلومه
وين عابس خل يشگ هدومه
والبرائي هذا دينه ويومه
ألعن الخله أم حسن مهظومه
حيهم الوفايه…… يالله دگو الثايه
وينه اليواسيها… خل تشوف أزلامها
__
ألخدمه فطره وعلي أتوارثناها
وحتى ماي وجوهنه أنطيناها
مثل أمنه الخدمه داريناها
وراية العباس شديناها
أعز من أنفاسنه …الخدمه رفعة راسنه
واحد يشد واحد …خل تشوف أزلامها
___
المهدي باچر من يجي براياته
تهتف بثار الضلع صولاته
وينتقم من السبه عماته
الخدم كلهه تهوس بهوساته
الخدم كلهه أجنوده… الجيش هوه يقوده
وللزچيه أنعاهد …… خل تشوف أزلامها
____
يمته ياگبر الزچيه نشوفه
ونركض بلهفة محب ونطوفه
أرواحنه بشوگ وشغف ملهوفه
لهسه مامرت علينه أطيوفه
يبني گبرچ بيده… المهدي كلشي أيعيده
والخدم عماله…… خل تشوف أزلامها
___
هيچ نصحه من الحلم ونزوره
گبرچ ونشتم عبير أعطوره
وللسمه يشع ويضوي بنوره
للمشي بگلب الموالي احروره
أمنية كل هايم… مشي يزورچ لازم
بنظره من مولاتي… خل تشوف أزلامها
_
✏️حسين حمدان الدلفي
بصوت. مسلم المطيري
انه ام البنين انه. انه ام البنين انه
كلمات الشاعر
ابو منتظر الحريشاوي
بصوت. مسلم المطيري
(صيحولي عباس)
صيــّــــــاح ابفاتحه صيحولي عباس
وعلىٰ البيبــــــــــان طشوها الرسايل
يعيروني بقيت وحيـــــــــده بالشام
وهــــــــذاك الشام عاد اعليــه عايل
يسّن سچّــــــين ويهددني ذبـــــاح
وشواربـــــــــــكم تهز كومة عوايل
هلي ولو مــــــا هلي بالضيج ماريد
اريـــــد اغقه علىٰ اچفوف الكفايل
هظيــمه اعلىٰ السبــاع اتنام بالكاع
يخيعونه اويـــه اهله ابظلمه شايل
انه الحـــــــره العقيلة بنت الحيود
اخـــــــاف ابالهم ذولـــــــه الرزايل
امس ذاك الوجه يصطرني عالنوگ
واجاني اليــوم عد الحضره حايـل
بعد حيل الركض مابيــــــه معدوم
ولا اكدر اصيــــــــح ودمعي سايل
يه مُرّه السالفه وتنعاد فشله اتكون
ارجع انسبي و چــــــن حملي مايل
✍🏻 ام حيدر مكي النصاري
بصوت. مسلم المطيري
سترالله العقيله
اول مــــــره تطــلع بيـن الجناب
الما طلعت عمــرها العتبت الباب
ومــــن طاح الحسين وطاح عباس
صــــارت للفواطم زيــنب احجاب
ومـن حــرگو الخيمه والسـتر راح
اتستــر گامــت بدَخـــان الطــناب
خــذت دور الكـــفيل وتقنت الدور
ابوجــــود الحره چن عباس ماغاب
✍ام زين العابدين اللامي
يلجناز الله عليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عطلوهه الجنازه ولا تشيلون
تانو اولادهه وهلبت يردون
هاي ام البخت يا وسفه وشلون
ما حضرو ولدهه ولا يشيعون
ما ثغبو وراهه
لا عباس اجاهه
خلي ام البنين شواي خليهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا جناز تاني وهلبت يعود
گمرهه من الطفوف وشايل الجود
يشيل جنازة امه بذيچ الزنود
نعرفه بكل وكت عباس موجود
يكض صفاحه وينوح
گلبي اليوم مذبوح
امي ابمگبره وتربان غاطيهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي ام البنين الوفت الدين
هاي اطت عمرهه لعمر الحسين
ها يا موت رايح بيهه لا وين
خل نشبع لطم ودموع وونين
ويانه العقيله
هاي شلون ليله
والزهره بدمعهه اليوم تبچيهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ودوهه اعله گبره وخل تشم بيه
تعدل من نجيب حسين طاريه
صاحت هذا امامي وما اجازيه
كون بكلبي ادفنه بروحي اغطيه
هذا ابن العظيمه
انه بدونه اليتيمه
فديته اربع بنين وروحي الافديهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي ام الكلافه الربت ارجال
بزغرهم والتشوفه تگول خيال
بس عباس وحده اليعدل المال
شال الكون بيده بساعة الگال
هل من ناصر حسين
ذب چفوفه الاثنين
زينب هذا اخوهه العتبه يگضيهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ودوهه لابنهه الدمعه تنراد
يفتح باب گبره لبت الاجواد
اهلا بيچ يمه النوح ما فاد
يلغمضتي عينچ والهظم زاد
اي وحشه الجنازه
لهذا اليوم عازه
ولدهه اعله المتن لو غربو بيهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلمات خادم ام البنين
رعد الفريجي
مقدمة لأُم البنين ع…..
سلام الله على صبرچ
على صبرچ سلام الله
خلصـتي العمـر شــوغات وجـروح
وي صوت ابن حذلم طلعت الروح
لحـد ســـاعة مماتچ ماهــده النوح
الله يعيــنچ اشــــگد شفـــتي اذيه
بيــه عـــازه الابـن والنـاس يدرون
يشيل اجنازت امه اويه اليشيعون
غايب ليش عنـــچ حـادي الضعون
هضيمه اچفوفه طاحن عالوطــيه
منو المثــلچ تضــحي باربع اقمـار
واحــــدهم كلف وسيــــوفهم نـار
يـم عباس بيــــچ الفكــــر يحــتار
فديتـــــي اهروش گلبـــچ للزچيه
فخــر عنـــدج يفاطم عيب ينقاس
النسه اتحسدج الان خلفتي عباس
ابوفائــچ وبولائــچ تشــــهد الناس
ومثل صبـــرچ صبـــح لهل البــريه
شگـد حلوه الولد يمـچ يحظرون
والعبـــاس بيــده يغمـض العيون
وفوگ امتونهم نعشـــچ يشيلون
ويدفنــــوچ وينصــــبولچ عــزيه
الخادم
✍كامل السعيدي
▪︎
بصوت. مسلم المطيري
وينك يالمصفيها
كلمات الشاعر
رائد الناشي
بصوت. مسلم المطيري
اليلة وحشة ياحرم بت النبي
كلمات الشاعر
ابو سلام الجابري
بصوت. مسلم المطيري
شلون ترضاهه عله زينب
يخو زينب حايره
كلمات الشاعر
رائد الناشي
بصوت. مسلم المطيري
كتله يمه وگال ابشري
كلمات الشاعر
سيد احمد الميالي
بصوت. مسلم المطيري
#أبوذية
انحنيت اعليهه ودري مايردهه
بچاي وروحي زمزم مايردهه
ثگيله الباب زلمه مايردهه
عجيب اشلون حملتهه الزجيه
علي سليم الحسناوي
#اللهم_عجل_لوليك_الفرج
بصوت. مسلم المطيري
منهو يمي. اشكيله همي
كلمات الشاعر
قاسم الساعدي المندلاوي
بصوت. مسلم المطيري
انه السبيه. انه السبيه
كلمات الشاعر
فلاح طالب الماجدي
3.دگات بصوت. مسلم المطيري
ضلوع الزچيه شلون كسروها بالباب
كلمات الشاعر
تحسين الخفاجي
بصوت. مسلم المطيري
اتحزموا خدامها
كلمات الشاعر
حسين حمدان الدلفي
بصوت. مسلم المطيري
يبقى. ندائي.
كلمات الشاعر
ابو عبدالله الشمري
