1065
شعر ، وشعر فقط / أنا لو اني في حياتي مخير ؟ ماكان خليتك وأنا خاطري فيك ! \ للتواصل @sh3r00_bot
^
سلام الله عليك .. من أول الدنيا .. ليوم الدين
يابو قلبٍ حنانه ، يستتر بالمظهر القاسي
أعرفك زين ، وأدري انك حبيبي ، وتعرفني زين
ولو كلٍ بدا لـ الثاني انه صار متناسي
تمر .. وينقسم من لهفتي لمواجهك ظلين
وتحط ايدك على قلبك / واحط ايدي على راسي
^
يذكر العاشق أحبابه من ابسط سبب
وأنت حتى المطر مرّك ولا ذكّرك
^
قطعت الرجا من قربك و شوفك و لقياك
يا شين الظروف الي على مواصلك عيّت
اقلب صورك في خيالي بعد فرقاك
تقول اني اقلب صور واحدٍ ميّت
^
مامرني ليل مامريت في بالي
ولا مرني ليل ما جريت تنهيده
ولا مرني ليل ما فتشت جوالي
أدور اخر كلام دار واعيده
^
عطيتك محبّه صادقه مابها تشويه
وجعلتك بقلبي منفرد فيه وحداني
غيرك بغاني بالمحبه وانا مابيه
دام انت عندي وش ابي بواحد ثاني
تراني ليا شفتك اسج الفكر واشقيه
اشوف القمر واقول عندي قمر ثاني
غلاك بقلبي شي يطغى على التشبيه
كيف اوصفك والوصف يعجز به لساني
^
تنفس الصبح والنور أبتدا بالظهور
وأنا على جلسة البارح ما غيّرتها
أفكاري تدور والدنيا تلف وتدور
ولا فيه ذكرى قديمه ما تذكرتها
أعيش في حالة أستنكار ذات وشعور
وصلت نقطه غريبه ما تصوّرتها
أحس روحي لحقها قل جهد وفتور
من كثر ما أحترت فأحلامي وحيّرتها
عودتها كل من يبعد بعيد معذور
وعمرتها " بالتسامح لين دمرتها "
أحيان أقول ليت اللّٰه خلقنا طيور
حتى أقدر أتلاحق الفرصه لا طيرتها
أو ياليت ربي مكملني بقلب صبور
إن كان نفسي من الأوهام حررتها
^
العلاقة : ميّتة .. والحبايب: عايشين
والشعور اللي يجمّع مشاعرنا : بهت
لو تعدّيتك .. يرجَّعنيّ لدربك : حنين
ولو تناسيتك ترى ذكرياتك : ما سهت
أصعب أنواع العلاقة .. نكون معلّقين
لا رجعنا : مثل أوّل .. ولا حتّى أنتهت
^
والله أني مانسيتك يافقيدي ولا سهيت
كيف بنسى حرقة فراقك وانا بعدك كسير
من بعد فرقاك مريض وكلما تطري بكيت
ماحسبت حساب فقد ولا هقيت انه يصير
وكل ماحاولت ابسلى من همومي ماسليت
عودت بي ذكرياتك تطحن الضلع القصير
^
يا رب والضيقة اللي وسط صدري تحوم
لها زمن .. وأنت خالقها وتدري بها
من ثقلها ما قدرت أقوم لا جيت أقوم
حيل أتعبتني مثل ما حيل أهذري بها
^
محتاج لك كثر الألم
اللي عشقني ف غيبتك
واشتقت لك كثر الوهم
اللي حضنته ف صورتك
^
مرّني لاتاه دربك من زحام الحياه
الغلا الي رحَت منه على حطّت يدك
^
إكسر جدار الغرور وعايد احبابك
أنا إن تصبرت لين الصبح يا طيبي
.
فطرت قلبي في عيد الفطر بغيابك
أرجوك في عيد الأضحى لا تضحي بي
^
كيف من عقب ما كانت دياره دياري
اختفى كن ماهو وسط شبه الجزيره
ما أصعب من الوصال الا الصبر و انتظاري
الله يجيرني في البعد ، والله يجيره
له علي أذكره بين السهر و المساري
ولي عليه ان سمح ظرفه يحكم ضميره
^
نسيتني ؟ ولاّ أنت مثلي من بعيد
لا أسج عنْك ولا الطواري رديّة ،
قَلْ الكلام ولا بقى غير تنهيد
يجاوبكْ عن كل ليلة شقيّة
وفي سلوتي عنّك أشككّ والأكيد
" إنّي الضعيف وذكرياتك قوّية "
^
ياللي بين عيوني وصدري سكنتي
لي متى بيني وبينك حد فاصل ..؟
التواصل من جمال الروح .. وانتي
فاتنه في كل شي .. الا التواصل
^
تراني قد وصلت لـ مرحله فيها الحديد يلين
على كثر البلاء اللي حل اقول الله لا يبلاني
حبيبي لا يروح العمر قلي وش وراك الحين
ترا مالله بمعطينا عمر .. يا عمري الثاني
بدينا في سواليف التغلي و الكلام الشين
لقاك إن كان ماهو حب ، خله دافع انساني
أنا فوق البسيطه معك وأدور على اكسجين
دخيلك لا تصاغر همي و تجميعة احزاني
جعل قدام ينشد واحدٍ من ربعي الغالين
ما أقول إني معلق في رجى خلي .. و خلاني
^
والله ان البعد موحش والفراق يهيّب
كل يوم اضماك وارقب جيتك واجوعك
لا تدور من عقب صدك .. كلامٍ طيّب
مامعي غير الكلام اللي يجيب دموعك
^
في حطام الوقت والحسره على مرّ الليالي
بين تقليب المواجع والمحطات الأليمه
عند صورة وجهك اللي ماتزعزع من خيالي
كل مايطري فـ بالي تلحقه بسمه .. يتيمه
^
ما يموت الود لو مات الكلام
لك مكان وذكريات ولك شعور
منت عابر في حياتي والسلام
أنت حتى في غيابك لك حضور
^
مع الأسف أعاني الحرمان
مع إنّي ما أستاهل الحرمان
اللي أحبه ؟ مادرى ب أنّ
خلاني أسولف بدون لسان
جزّأني إقطاعات .. الأقطاعي
وحوّلني من مجموع إلى شتان
صرنا كذا إنسان .. ونحبّه
وكل يوم يذبح منّنا إنسان
^
ليتك قبل تحجزين التذكرة ل (البعاد )
ما تاخذين الشناط: وتتركيني (هناا )
أنا معي قلب أخضر بس : أكله الجراد
صبرت حتى جفافي صار عنده .. غنا
والله يا في راسي من الكبرياء والعناد
واليوم راسي تقل يضرب بروس القنا.
ما يرسم الليل الأسود تحت عيني سواد
لو كف ذكراك ناهزت غصون .. العنا
والعين ؛ من غاب زولك .. ما هناها الرقاد
عيت تلاقي جفوني كنها : ( انتي وأنا ).
^
أنا الّلي كُل همّي إنك بخير
وانا اللّي ماني بخير إلّا معك
^
عطني سبب واحد يبرر غيابك!
يعنى إذا طمنتنى مابها عيب؟
على الاقل ارسل -وش اللى غدا بك؟
انسى المحبه واعتبرها "مواجيب" !
^
حبيبتي والقلم يشرب من أعماقي
عساي بينك وبين الشر وأطماعه
لا يا بعد عمري إللي راح والباقي
ياجعل يومي قبل يومك لو بساعه !
^
وأنت والله حبيبي وأنت والله داري
إن نظرة عيوني يم غيرك جماله
مانقطع سيل حُبك بالمعاليق جاري
كن قلبي خلقه اللّٰه لحبك سباله
جعل واهج غرامك مثل وجدي وناري
مير ما اظن في دنيا المحبّة عداله
^
امانة معك لامن كشختي ثاني العيد
توقي عن عيون العرب بالدعاء كله
ولا ترسمين الكحل بالعين بالتحديد
خوفي يشوفك واحدٍ مايخاف الله
^
كل ما هب ريح .. و جابك الطاري
راودتني عليك النسمه العطره
لو قدرت اقنع النسيان بــ اعذاري
كيف بقنع وفاي اللي على الفطره ؟
^
سلّ روحك يا حبيبي ولا انا مانيب سالي
انت في بالٍ تفاصيلك تلطف ذكرياته
لو تفارق واقعي ماودي تفارق خيالي
ودي ان قلبي يعيش اللي ما عاشه في حياته
^
عطيتك اللي .. كنت منك اتمنّاه
ولا أخذت الا على خاطري منك
^
الوقت مهما حرمني قربك و شوفك
لا يمكن البعد يجبرني على كرهك
لا زلت أحبك ولا همتني ظروفك
ان كانها جابتك .. ولا على وجهك