الشاعر محمد تقي الزاملي
10 June 2025 19:31
دمعي اليصب عليك .. يقرالي كربلاء
شماابتعد اجيك .. تكسرني بلعزاء
يا سيدي اديك ... تدفع عني البلاء
بلندبه روحي تطلع وي كل نداء
وين الزمن بعدنه بأي اتجاء
جايمته اشوفك أنه وبيا مكان
انته الكريم وطبعك ادري العطاء
يمته بشوفتك اروه
واصيحن خلصت البلوه
رد محبوبنه الداره
والعيشه ترد حلوه
ارزقني بخلك طويل وي غيبتك يدوم
وخليني مااميل. وبنصرتك ادوم
هل لي الك سبيل. اجلي به الهموم
صاحب عزائنا روحي فداك
اين السبيل نلقا فيهِ رضاك
في كربلاء انته ام في البقيع
سيدي متى ترانا ونراك
بغيابك روحي تعبانه
ارزقني خلك المتانه
عيشني بحزن كلبك
بدونك روحي ذبلانه
ماريدن أنه اعيش.. لو مااعرف مصاب
جرحك واون عليك.. واستشعر العذاب
اعرف يشيعي زين.. مولاك اب اغتراب
غايب لجن جروحه لا ماتغيب
ويانه دومه حاضر وكت النحيب
اشكو اليك من نفسي بلضياع
كله بسبب ذنوبي تصبح غريب
بحزنك انته علمني
عينك ليه قربني
اه وبيها جم حسره
اذا جرحك يفاركني
مشيني بلتريد. وكل التريده هاك
وي جندك ارد اصير . وامشي على خطاك
مالي سواك امير .. عبدك واضل وراك
انته امل حياتي وانته المراد
منك المدد حبيبي ومنك السداد
ياسيد الوجودي انته الكريم
من خيرك الكثير جد عل عباد
مشيني بدرب حبك
وقرب كلبي من كلبك
غيرك ما أردت واحد
غاية كلبي بس كربك
محمد تقي الزاملي
Читать полностью…
الشاعر محمد تقي الزاملي
07 June 2025 00:28
(حب جراحك)
الرادود ازهر المرشدي
Читать полностью…
الشاعر محمد تقي الزاملي
01 June 2025 17:22
انه الباقر
الرادود زيد الكعبي
Читать полностью…
الشاعر محمد تقي الزاملي
01 June 2025 01:44
عاشور مافاركني حته ابدي حساب
من ذاك عامي ولسه جرحك ماطاب
بدلالي منصوبه خيام
وجروحي تنعه اعلى الشام
اه يامصابه
انه الباقر اسولف قصة العطشان
المثلها ماأجت هضمه على الاوطان
ابن شيخ العرب فوك الترب ضمئان
سلبو ثوبه ياويلي وبقه عريان
كطعو خنصر ومنحر
وجسمه اعلى الثره موذر
بعيني شفته هلمنضر
بجروحي اسولف والمدامع مدرار
جمره بدليلي تسعر وكلبي حتار
يوميه تنعاد الام
وجروحي تنعه اعلى الشام
انه الباقر اسولف عن قصص واحزان
شفت حسين جدي موسد التربان
عشت الام واحزان وركض نسوان
من يوم الاعادي حركته الصيوان
شفت بلخيمه علويه
بس بلممشه محنيه
وجدمها بجمره مجويه
نار بدليلي تسعر اعلى الي صار
بدلالي هضمه ومنتضر راعي الثار
مسبي انه وي الأيتام
وجروحي تنعه اعلى الشام
انه الباقر عشت من زغري اللوعات
شفت زينب وحيده محاوطه بشمات
وشفت عمتي رقيه منها مسلوبات
تراجي وحضن ابوه وزادت الحسرات
يويلي من اذكر المشهد
يحامي عنه مااكو احد
وضعنهه بلفله تفرهد
النوم زاعل عيني من يوم الطف
من الحبل بجفوف عماتي التف
النار بكليبي تنام
وجروحي تنعه اعلى الشام
اوصيكم يشيعه عليه لا تبجون
ابجو حسين جدي والطموله عيون
عاشور المصيبه عنه لا تقصرون
شدو حزام من هسه واخدمو ام عون
يشيعه الرايد الدمعه
العاشوراء خل يسعه
ويفرح فاطمه البضعه
شهرين للخدمه يمرن كل عام
لحد يقصر بلعزه وشدو حزام
انصب عزه ويلخدام
وجروحي تنعه اعلى الشام
محمد تقي الزاملي
Читать полностью…
الشاعر محمد تقي الزاملي
29 May 2025 17:03
الحمد ل الله انعه وبجيلك
ومن تضيج اشكيلك
وانادي بشدتي دخيلك حبيبي
الحمد ل الله بخدمتك يااخو عباسي
بفضلك سيدي ضل مرتفع راسي
والي محفوض هيبه وقدري يم ناسي
وصبح اسمي حسيني وعالي نوماسي
بخدمتك ماادور اشكال
وماهمني الحجه والكال
تبين اليخدم الافعال حبيبي
................
الحمد ل الله لمصابك دمعتي مدرار
وجم صوره الك وسط العزه تذكار
من اشوفك عيني تهمل والعقل يحتار
جبينك للعباده وموش مال احجار
واذبن ثوبي واتهدل
وخدي بدمعي يتبلل
حلوه من ابجي واتعلعل حبيبي
..................
حنانك دايم شيحصيه افضالك
انه الماواصل اسمك موش افعالك
بله شيسوه عمري بلا بجي اعيالك
يصبح عمره نزوه المابجه اطفالك
الحمد ل الله عبد صاير
وكل مجلس الك حاضر
واعيش بغربه بلعاشر حبيبي
...............
جرحك بيه عاش وسحكت متونك
وين الكه اليشبهك والمثل لونك
من اشوفن صورتك اصفن ع عيونك
موقف زينب اذكر لمت اسنونك
من طك النذل راسك
دخن راسه عباسك
ولمت زينب اضراسك حبيبي
...........
على جرحك انوحن وابجي لهمومك
مايبرد جمر وسط الكلب يومك
ليش موذر وفوك الترب نومك
يلساترني شو سلبوهن هدومك
سلبو جسمك وسحكوك
الماعدهم رحم ذبحوك
ومن ماي العذب منعوك حبيبي
محمد تقي الزاملي
Читать полностью…
الشاعر محمد تقي الزاملي
28 May 2025 18:34
الحب خلق منهج حيات💔
Читать полностью…
الشاعر محمد تقي الزاملي
28 May 2025 18:33
الـحب يـسببلك وصـول..🥹💔
Читать полностью…
الشاعر محمد تقي الزاملي
27 May 2025 23:25
(ملاذ التايه عيونك)
الرادود حيدر علي الكعبي
Читать полностью…
الشاعر محمد تقي الزاملي
26 May 2025 17:32
مولاتي الزهراء صلوات الله عليها و الخدام
اجيت ودمعتي بعيوني هماله
انعى وليدي والي صاير بحاله
الطم ع وليدي الكسرو اضلوعه
انوحن ع الداست جسمه خياله
واحسينا
وين الي يعزيني ويواسيني
إنه الزهره اجيت ودمعتي بعيني
وين الي يدك صدره ع وليدي
وين المنكسر كلبه ع حسيني
واحسينا
ها يااهل المجالس يهل المروه
وين الي يصير اليله الي تجوه
وين الي يواسيني ع مصابي
إنه مكسور ضلعي امشي وتلوه
واحسينا
ها يااهل الطم وين اليشد حيله
وينه الي يون أنهارها وي ليله
ابني حسين عاري باقي بلبيده
مكطع وصله وصله جفن ميشيله
واحسينا
وحيد هناك ضل وليدي بلحومه
متغير اهواي وذابله ارسومه
صريع ع الثره وينازع بروحه
ضامي بكربله ومسلبه اهدومه
واحسينا
فزعه اليله جايه وطالبه منكم
ياهو اليفرحني اليله من عدكم
ياهوه البلطم كل حيله يتهدم
واذا نشفت الدمعه بدمعي اچملكم
واحسينا
محمد تقي الزاملي
Читать полностью…
الشاعر محمد تقي الزاملي
23 May 2025 02:21
(كلب اليحب يثلم)
الرادود مجيد عقيل الزبيدي
Читать полностью…
الشاعر محمد تقي الزاملي
22 May 2025 14:13
سيتم نشر بقية البرنامج قصائد العشره الاوله من محرم الحرام ان شاء الله
من اليوم
Читать полностью…
الشاعر محمد تقي الزاملي
19 May 2025 23:03
(حبك لو عذاب الطف)
الرادود مجيد عقيل الزبيدي
Читать полностью…
الشاعر محمد تقي الزاملي
19 May 2025 23:03
(حبك لو عذاب الطف)
الحب خلق منهج حيات
دمعه ولطم شوك امنيات
والحب وجد كسرة غرام
وباب الندم باب النجات
حرت والتهضم بكلبي حبك لو عذاب الطف
حرت والجابني البابك مااعرف انه ياجف
حرت واتنوع لروحي بذكرك كلبي رأسن رف
عرفني واعيت الحزن حته اقره كربله
حته اعرف اليعشك جرح مايهده بال اله
ليله ونهاره بخلوته دمعاته هامله
................
الحب يسببلك وصول
ويشرح شكو جلمه تكول
مو بلحجي بدمع العيون
من توصل الباب القبول
هنا عيني حديث الها تشرح عن خبر مبهم
الدمعه التنبجي اعله حسين مايبقه وراها هم
هاي الدمعه تصنع ناس لغير الخدمه ماتهتم
لطام اصير ابمجلسك وبلوعه مبتلي
وابقه بعذابات وسهر ولونه تعتلي
هنيالي ابهذه الرزق شكرا يابو علي
...................
الحُب قوانينه الثبوت
واولهن يلازم سكوت
والحَب صدك ماعنده راي
وويه اليحب لازم يموت
هنا كلبي بده يسولف كال الحب عذابه هواي
بس وياك يامولاي تحله من اضل ب اضماي
وحلوه من اموت اعليك حته اصبح صدك وفاي
بيدي اخذ ياسيدي كافي بعد ندم
وخل دمعي ماينشف ابد لو سولفو خيم
مااريد اضل بغفلتي وملازم الوهم
..............
الحب يطول اشما يدوم
شكر النعم وكت الهموم
واليرضه بلنعمه التجي
من المصايب والغموم
انته ترافك حساسه بخلوته ولو كصد مشاي
الامره يسلمه الك مولاي مسير مو مخير راي
انته ترزقه غربه وشوك ويصبحلك صدك بجاي
بجاي اصير الغربتك ماينشف الدمع
ولو كالو الحره انسبت كون اكسر الضلع
وكل مايمر طاري الك كون ابقه منفجع
محمد تقي الزاملي
Читать полностью…
الشاعر محمد تقي الزاملي
08 May 2025 15:15
غزاله بحضرة الصياد
روحي وانته ضامني
فجأه وفزت عيوني
من نومي ومشت عني
طيفك جمل عيوني
حلم بليقضه عيشني
من حضرت علي الصحنك
شوكك بيه ويعتني
يعت من النجف بيه لمزارك
خيعونه الصبح بلگبر جارك
خَفت كل نار وي نار اليتانيك
طريد وملجأي ابعتبات دارك
عتاني الشوك .... واجيت اعله بابك تسولف دموعي
كلبي المحروك ... يخاف ابوداعك اذا حل رجوعي
اجيت يعتني ليك الشوك
مشايه اعتنت روحي
اضمَن شوكي عن الناس
وتفضحه دمعة اجروحي
يضامن دمعة الحبوك
يمهيج حزن نوحي
يمدلل شكو زاير
يجيلك وبطلب يوحي
من باب الجواد وانته اجود
طافت روحي يمك يبو محمد
انعمالله اعله الضوه المن المنارات
فتح شوف البصيره الجان ارمد
شكرا مولاي .... برحمتك قبلت اعتنيلك وازورك
عطشان هواي .. ورويت ابدمعتي لمن شفته نورك
احتار والك اشتاك
وفجأه وانته تأخذني
وتوصلني لعتابك
وبحبك تدللني
تخليني ابتسم مرات
ومرات انته تكسرني
ابجي واضحك ابابك
الدلال اهواي حيرني
مجرد بس تصد عيني أعلى كبتك
تنزل دمعتي بعتبت رحمتك
واكلك عل القاء مولاي شكرا
واطلب عوده ترزقني الحضرتك
سلطان الروح .... على بابك كعتي ويزود اشتياقك
كلبي المجروح .... اليخاف برجعته يطول فراقك
ساعه ابجي من الشوك
ساعه من البعد انحب
ساعه الفاطمه ابجي
وساعه غربتي الزينب
حيرني العذاب البيك
كل ساعه بحزن يلهب
ابجيك وتكاودني
تكلي نبجي التسلب
كل اليعتنيك اتجرحه بحسين
مصابه بگبتك ينشاف مرتين
الصفار البيهه يشرح للعطش لون
ارزقني الدمع يلقارح العين
مهيج الاحزان... اعلى بابك دموعي تعيشني الطفوف
اعظم سلطان ... اليتيه مسيره يرد يمك يشوف
تعنيتك يبو محمد
ودموعي اتسابج اجدامي
طلبتي اتزيدهن مولاي
عالضل عالترب ضامي
وعلى الطبت بديرة شام
كون اللوعه باحلامي
يوم المابجتهه العين
مامحسوب بايامي
الشام اللجمته بگلبك جبيره
اريد ابجيلهه شما بيه غيره
يبو محمد العون لدمعة ام عون
جانت هيه هسه الحضره اسيره
يسدون الباب. وضلام اهدعش من محرم صحنهه
والصنته مصاب هدوء الضريح اتضح هوه ونهه
محمد تقي الزاملي
مصطفى خالد الجبوري
Читать полностью…
الشاعر محمد تقي الزاملي
05 May 2025 15:07
(باب الجواد)
اليجود برحمتك عن كلشي مانادم
جواد وهل اسم خلاني اضل هايم
اليحضه من الجواد بنضره لو لحضه
كفيله النضره هاي تميزه بلوادم
بس مو بلسهل هل نضره
يحصلها الشخص بالفطره
لوطاعه وورع وملازم
علخدمه يضل كل عمره
كل عمره يبقه
اعله الطاعه لازم
يله يحصل هل امر
الرايدها لازم
بالطاعه يسعه
بمرضات امام العصر
يبن الرضا دخيلك
من نفسي اشتكيلك
عبدك سائلك من العدم قادم
وانته ابن الذي قبل الطلب كارم
دخيلك سيدي غيرلي احوالي
وانته بفقر حالي وضرتي عالم
لايذ بلعطف باعتابك
ادعو برحمتك يم بابك
وانته للكرم عنوانه
النجيب المنتجب القابك
سائل اجيتك
بلرحمه طامع
وانته الامام المنتجب
وعدي يقين
بهذه كلامي
مترده خايب لو طلب
يبن الرضا دخيلك
من نفسي اشتكيلك
من باب الجواد اطلب اضل خادم
ومنه استجدي انه دموع المأتم
وحيلي لكربله من عنده انه طالب
وانه بشده ورخائي بعتبته لازم
اباب الجواد دمعاتي
كل حسره التمر واهاتي
خيري البين ادي افضاله
ب اسم ابن الرضا حاجاتي
ماكو قياس
العطفه وعطائه
ابن الرؤوف المرتضى
ماحاجه اسولف
عنه سخائه
غير اهوه ابن الرضا
يبن الرضا دخيلك
من نفسي اشتكيلك
وكفت ابابك وطالب انه الزلفه
وانته ابن الرؤوف ومنك الرئفه
ارزقني المحرم جمره من خيمه
ولجمه لمعمتك منعدها مااشفه
دمعه لعمتك طالبها
تصاحب وجنتي حاسبها
بس ذني ردت للعاشر
ويوم امحرمك اكتبها
بفضل الجواد
النعمه هايه
وعليها اشكرك سيدي
باب المراد
وابن الكريم
الضامني من مولدي
يبن الرضا دخيلك
من نفسي اشتكيلك
محمد تقي الزاملي
Читать полностью…
1090