الشاعر محمد تقي الزاملي
19 July 2025 23:49
جرحي امتد عبر كل الحجي
ومتد لعد الطف
وصل غاد ولكه مصحف
ولاكن ماكو شي سالم
لكه ايات مطشره
وسور مذعوره تتراكض
لكه القرأن مطشر واغلافه احترك بلنار
ارتعب جرحي وركض خايف
كال اساتر الله بلطف شصاير
محمد تقي الزاملي
Читать полностью…
الشاعر محمد تقي الزاملي
15 July 2025 17:11
لودادك كلبي كاتب
قصيده وبيه طالب
بحنانك ابقه ذايب.....حسين
ابابه ردت انتضاري
لعفوه ذاب اعتذاري
بكيفه مو بختياري......حسين
بجيني دمعة شوك لخيامه
كلبي على شوكك مات بغرامه
انه بعزائك شكرا خدمتك
عطفك اخذني وردني بسلامه
اذا عن مجلسك ابعد ضلمه تصبح سنيني
بله شتسوه ايامي اذا ماتجري الك عيني
اروحن وين من دونك ياهوالي يدليني
ضايع انه بخلافك يلبيك كتمل ديني
اصفن وادور بلبشر ياهوه بدمعته شايلك
معلم البواجي على السهر كل ليل اضل اشتاكلك
راح الضعن جاي. ماضل بعد راي
حتى الهزل مابطلت تبجي على مبجاي
_
بقرارك انه امشي
دونك مايهمني شي
برحمتك يبدي كلشي... حسين
عشكتك وانه داري
تزيد بكلبي ناري
صبح بيدك قراري... حسين
مولاي اجيتك بيدي قيودي
بلخدمه اطلب تقبل وجودي
وترزقني جمره من ذاري خيمه
يامن مصابك كله ع مودي
اجيت وطالب الغفران منك ياشريج الهيل
اريدك تقبل بحجي وترزقني دموع وحيل
محلاها اضل سهران بدموعك توالي اليل
بس ع اسمك انه ابجي يلداست عليك الخيل
محد تعنه وغسله. هاذا الحبيب المنذبح
ضل عاري مابين الفله. فوك الجرح طعنه وجرح
بس هوه عريان. وبرمحه نيشان
ياهو السليب على الترب. وبخيامه نيران
_
اجدامي حن مشيها
بكل جرح محتويها
والدمع غالي بيها ........ حسين
بعطفه شامل رحمتي
بفضله قابل خدمتي
لجله سالت دمعتي........حسين
انه بعزائك كلشي ملكته
لذيج الخرايب عمري نذرته
حط بيه غيره تطفي خيامك
يصبح امير التقبل خدمته
يراحم كل اليخدمون يتارس كلبي حنيه
رغم تقصيري ضال وياي بكل شده التمر بيه
ادري الي يحب مولاي مايرتاح ليليه
وانه الملتهي بغيرك وخيرك يمطر عليه
خل بيه لهفه المجلسك وكل ساعه اريد بجيلك
ارد ابقه دوم اتنفسك وكل ماتضيج اشكيلك
ياجلمت افيش يلمنذبح ليش
وحدك بقيت بكربله ومحاوطك جيش
____
لرضاتك كلبي ساعي
جرح بيها ونواعي
لغرامك ابقه ناعي.... حسين
كلشي منك ملكته
دمعي لجلك ذرفته
واليحب غيرك تركته... حسين
مالك دمعنه امير الخيم
شكرا خدمته تزيد النعم
ذاب انكاسري لجرح الخدر
ضامن وجودي قبلني من العدم
سراب المو الك يحسين دمعي عليك صبيته
شما ابعد تدنيني بحبك كلبي رويته
اعتذاري بابك اقبلني عبد يمك ترجيته
ياخذني الحنين وياك وي كل جرح نديته
اسهر واسولف بلعشك المثلك ولا لاكيته
اصفن واهيمن بلحرك واحجي بجمر حسيته
ياحسرت الراح راسه ع الرماح
واخته مشت وي الغرب يحديه ذباح
____
جمر مايطفي بيه
يسولف عن سبيه
جرح بيه الرقيه .... حسين
ضعن بان انكساره
مشو وين الحياره
الخيم كتبت عباره.....حسين
ساترني هوه وبلصحره عاري
مقدملي كلشي وبلهيمه ذاري
المنطيني كلشي ماعنده ناصر
مطشر حبيبي بذيج الصحاري
مهو الساترني لاصحله ستر لاباقي عنده فياي
من طاح نولت نسوان ومشن وي العدو بلا راي
فرت ويلي ايتامه بنص هيمه مشن حفاي
معقوله الي هوه الماي يعطش مايحصل ماي
يامن على جروحه الترب. تغير ملامح شوفتك
واحتارت ابين الغرب. تركض بعد لو لاكتك
مقدملي خوان وسابيلي نسوان
ماردله واحد لو عطش بس هوه عطشان
محمد تقي الزاملي
علي أكبر الحميداوي
Читать полностью…
الشاعر محمد تقي الزاملي
13 July 2025 00:14
اسد.. ابن الساده
طلع.. بجه القاده
علي الاكبر شردها الكتايب
حلو.. بكل ارسومه
رعب.. كل خصومه
نزل من شدت ساعات الحرايب
دواس الشوارب.. عمه سوه الماجره
يرهب من يحارب.. سوه بلطف مجزره
من أشرف مضارب.. سيفه ريح الصرصره
علي الاكبر
اشوس اذا يقاتل
منهو السيفه ينازل ...ياعلي مولا
راهب خصومه كلها
مثل البرق دخلها ... ياعلي مولا
زعل .. لاح عيونه
علي .. ويعرفونه
كلف ماتسكت عل عيله هواشم
غضب .. طب الحومه
الحجي .. كرب يومه
بعد ساعتها وأنه الها الملاحم
ذلاها العساكر .. ترس كاعد الطف دمه
منويمه يفاخر .. منو يدنه الصارمه
سيافً وشاعر .. رتجل وكت الملحمه
علي الاكبر
من حيدره خصاله
وارثها هل بساله. ...ياعلي مولا
ياهيبته وجماله
ماكو شخص مثاله ... ياعلي مولا
برز.. بيهم غاضب
علي ..طب يحارب
طلع وطباعه يهواها الكلايف
وكف ..جيش اكباله
ابد ...ماهماله
العدد آلاف الكدامه وما خايف
هيبه وبلملاحم...غيره كله ومفخره
طب اعليها عازم... سيفه جنه الاخره
أكبر بني هاشم.... زوده زود الحيدره
علي الاكبر
شاب ويرهب كتايب
لو طب ليها يحارب ..ياعلي مولا
مجنون أنه بعيونه
ويحله الحب بجنونه ..ياعلي مولا
شهم .. من يدناله
يرد...جيش بحاله
علي من عمه وارثها المراجل
سطع .. نور الأكبر
رعب .. كل العسكر
ترف بس اشوس من يدخل يقاتل
ماتنعد صفاته .. ولااكو زلمه يكابله
الله اشحلاته .. سوه عيه بكربله
غالي وشغلاته .. الحرب سجدت اله
علي الاكبر
حيد ومامثله فارس
عن خدره هوه حارس ... ياعلي مولا
من الكمر درسها
الحومه بجفه خلسها... ياعلي مولا
محمد تقي الزاملي
Читать полностью…
الشاعر محمد تقي الزاملي
07 July 2025 13:38
خلص كل الحجي بمصباح عاشور
Читать полностью…
الشاعر محمد تقي الزاملي
02 July 2025 16:47
يازلم الحرب يافارس وحيد
بكلب العسكر انته اصول واتريد
اردود بصولتك من ترجع تعيد
يا صكارها ويازلمة البيد
هلا يمبريد الكوم
هلا يازين العلوم
كفو منك يفراس
هلا يمكسر الخشوم
جبير ويمه كلشي ماله احساب
ابن حامي الجار وقالع الباب
هد ع اليعيل وهوه طلاب
الحك غصبن يجيبه ويكسر اركاب
هلا براعيها الثكال
هلا ياشيخ الرجال
ياابو فاضل يمغوار
يرعب خصمه لو صال
اذا مويمها لاتددنه للاكبار
الحار بطبعه لازم يهوه للحار
خوزر ويلي وبعينه جدح نار
وحتارو الكوم امنين معبار
يخلاس الصناديد
يلمرجف العرابيد
كفو راعي الملمات
بخزرة عين تصيد
هزبر انته يمخوف الجحاجيح
بخزرة عينك انته اشوارب اطيح
يلترعب اذا بخصومك اتصيح
يلبصيحتك انته محرك الريح
هلا يمرجف السباع
هلا يازين الطباع
هلا يلوكت الزماط
برجلك تخسف الكاع
يمجفل العساكر يوم هديت
تاهه اعليهم المشراد من جيت
هلا يلطاري اسمك عابر الصيت
هلا بعباسنه بكل صوتي ناديت
هلا بريالهه الحوك
خورس كل الحلوك
فنه اليكرب احذا
يموت وموش مطكوك
عيه بكربله وضهضابه صارت غاد
من كالو كمر هاشم عليهم هاد
صد ابعينه واللاحه كبل باد
ادخيل خزرة عينه ابن سبع الشداد
بلنص طب والاصفاح
حته الشارد اللاح
كل العسكر ارتاب
يويلي صوته من صاح
محمد تقي الزاملي
Читать полностью…
الشاعر محمد تقي الزاملي
01 July 2025 03:34
#محرم_الحرام1447
ليلة مولانا #ابا_الفضل_العباس ص
انا لله
قصده الحسين بلوعةٍ صوبَ النهر
لاحول الله
ذهبَ وكالعرجون محنيَ الضهر
هل تشفي الـ اه
الماء قرب الماء في الحر انصهر
اه ياثگلهه خطوّته.. وبدمعه بلل لحيِته
والسكته بيهْ اتضيگ الانفاس
طييح عمود الخيمته... وبحسره ذب اعمامته
بياضيعتي بعدك ياعباس
خووويه الكتلتني اخر ماگلت
خووويه بلموته بيهه استعجلت
خووويه اذيتني بيهه ومتت
واويلاه ياابا الفضل
.........
اهٍ ياماء
او يقتل الساقي بجنبك ضامياً
عين الزهراء
في عينهِ سهمَ الاعاديَ دامياً
امهلني لقاء
يامن قدِمتَ حامياً او رامياً
بنفسي الحياته بخوته... ويريد مهله لشوفته
واليمه كاعد يذرف العين
يگله انه ياخويه الكمر... يلكاسر لعودك ضهر
انه اليكسره افراگك حسين
خلاافك اتشمتت بيه العده
خلاافك ضل الحسين لوحده
خلاافك من حشمت رد الصده
واويلاه ياابا الفضل
.....
في ذاك الحال
ويقول عُذري لِلعَطاشى لو سَلَتْ
اوصل مرسال
فالقِربه والكفين غدراً قُطعَتْ
ااهٍ سيُقال
ابدون كافِلها عقيلتهِم بَقتْ
هامتي بحضنك من صحت... ياخويه لو بعدي طحت
مومال تتوسد عالتراب
ياخويه التعل الگلب... زينب جرح گلبي الصعب
تبقى غريبه ابين الاجناب
زييينب بجالك يخويه مدلـله
زييينب تاذيهه عگبك كربله
زييينب لو طحت تطلع بلفله
واويلاه ياابا الفضل
......
عادَ الخيمات
ويكفكفُ الدمعَ بكمهِ حاسراً
فيه الزفرات
تروي فراقه كيف ضهرهِ كاسراً
زادَ النكبات
فوداعهُ للقلب اصبح آسراً
كل لحضه مفجوع بسند .... لحد مابقى منهم احد
والعائله ابمحنه ثكيله
تقدم لاخيته وماحجه.... بس گال ابو فاضل بجه
وايعضم اجرج يالعقيله
رااحت... ياخويه نضرة كافلج
رااحت.. ايده التصعدج محملج
رااحت.. وضل بس ذبيحج من هلج
اللهم عجل لوليك الفرج
مصطفى خالد
Читать полностью…
الشاعر محمد تقي الزاملي
25 June 2025 07:09
لحن اريد للقصيد👆👆
الخاص
@
Читать полностью…
الشاعر محمد تقي الزاملي
21 June 2025 23:45
الرادود حسين الزركاني
Читать полностью…
الشاعر محمد تقي الزاملي
21 June 2025 02:41
فزز جرحك
الرادود مؤمل العرداوي
Читать полностью…
الشاعر محمد تقي الزاملي
20 June 2025 17:09
(اليحب حسين مايذنب)
الرادود صفاء كاظم
Читать полностью…
الشاعر محمد تقي الزاملي
20 June 2025 00:41
الرادود مصطفى منهل البديري
Читать полностью…
الشاعر محمد تقي الزاملي
19 June 2025 11:06
كلبي الغربتك
الرادود ازهر المرشدي
Читать полностью…
الشاعر محمد تقي الزاملي
18 June 2025 23:48
ندبة
لمولاي صاحب الزمان عج
ماضل ركن بلسهله عنك مانشدته
دارك اضلم من عكب عينك نضرته
ليش هايم هذه دارك
ارجع وطالب ابثارك
افتر بلسهله انشد عنك
محد دلاني اعله امجانك
حته الناس السكنة بيتك
مادلوني بدار احزانك
احنه الغبنه لامو انته
وبكل صوت نصيح اعوانك
لاجذبه وداعت غربتكم
متلبدين بفي اغصانك
نصيح ادخيلك من نحتاجك وكت العوز
ولو ندرك شوكك يلغايب اعظم فوز
العاش الامك واليندلك لاكي اكنوز
يمته يلغايب تفك غيبت رحيلك
لايذ ابعطفك ياابو صالح دخيلك
تدوي لسه بكلبي نارك
ارجع وطالب ابثارك
وين اندار والكه عيونك
ياديره التسكن بيها انته
انه الضايع دونك باقي
افتر واسئل كل الشفته
مابيكم واحد ويعرفه
ياهوه الاكله يدنك سكته
هلبت واحد مر بدروبك
ماضل شارع مافتشته
افتر بلسهله واتلوه بلكي الكاك
ماضل واحد ماناشدته ماشافاك
ارجع واحكم ياصاحبنه كافي فراك
ولامچان الي بقه مادوريتك
بيادمع معبجاك هسه ناشديتك
حسبني من عدهم انصارك
ارجع وطالب ابثارك
ملت مني الوادم كلها
كدماكمت اعليك انه اسئل
ارحم مشلول ومد جفه
من عندك ب اي شي هم يقبل
كافي افراك الخاطر عمتك
ولا يعكوب البينه ويندل
رد ختفرح جيتك كلبي
خاف اتعب وكليبي اليزعل
خاف يطك صبري ومااحمل وارجع خاف
انه اللجل عيونك منطي الكلشي اجتاف
حته الشافك مادلاني وكال ااشاف
الدنيه ماتسوه اعيشن والله دونك
خاف اموت وانه ماشايف عيونك
ليت شعري بأنتضارك
ارجع وطالب ابثارك
عايش وين انته بياديره
الوينك نامت فوك الساني
بلوينك نايم وامن اصحه
بلوينك هم ابقه متاني
واصفن لحضه واكف وسكت
شمحلاها ايامي وياك اني
شلونك شخبارك مفتقدك
واحدنه امن يكل للثاني
هيج واحضه بشوف عيونك يالمحبوب
وننسه الدنيه انه وروحي وبيك انذوب
واحجيلك بغيابك كاتب جم مكتوب
شكد جنت متمني بس الزم جفوفك
حلم لامو بلحقيقه المهم شوفك
وياك اعيش وانه جارك
ارجع وطالب ابثارك
محمد تقي الزاملي
Читать полностью…
الشاعر محمد تقي الزاملي
15 June 2025 20:35
الشوگ :
شاخص مشتعل بالنار
والمشتاگ :
يمشي وعثرت جدامه
وطبّ الشاخص بعينه
مرتجى موعود
Читать полностью…
الشاعر محمد تقي الزاملي
13 June 2025 01:36
اعتلى صوب النجف
هاتف الحب هتف
فاز من والى علي
في القيام ماارتجف
محمد تقي الزاملي
Читать полностью…
الشاعر محمد تقي الزاملي
18 July 2025 07:28
دواس الشوارب ||ملا حسين الزركاني ||محرم الحرام ١٤٤٧ه||موكب ابي الأحرار ...
https://youtube.com/watch?v=jugbW-aQWjo&si=jQQn6Amb1Fs-lXkf
Читать полностью…
الشاعر محمد تقي الزاملي
14 July 2025 15:38
#محرم_١٤٤٧_هــ
بعده نتهأ معركت الطف
ارسم خيمه فوك تراب .. ومن هب الهوه تخرب
وهم ارسمهه ارد اردود .. واكولن بلكي ما تنطب
من وجت خيمنه هناك .. شح حت المطر ماصب
هفتت خيمة الساده ومحد كام طفاهه
ركضت زينب طفي وجمر لخيمه جواهه
ضل من الزلم زلمه عليل الباقي وياهه
هسه كلشي مني راح
صعبه زينب تستراح
جنت شتمنه يصير
هسه اخوتي علرماح
جانت الخيمه امان
طولي ماينشاف جان
وهسه بلهيمه بقيت
بزينب افتر الزمان
-----------
ورسم جربه يم الجف . ودمعي عل رسم يجري
وخربت الرسم بدموع . صعبه عليه اكض دمعي
اصبر روحي ورسم بيك . واذكر طيحت ابن امي
تعبت زينب خلافك كعد ياعجيد لكوم
اصبر كوه بل يبجون ماتدري بوجي ليوم
ينشدني عليك هواي مالايك وياك النوم
وانت نايم عل فرات
ولاذن ابحدره العبات
جربه ارسم ماكو ماي
لعطش يبس جم لهات
حايره وماعدي راي
فدوه رد ماريد ماي
موش احن من لفرات
فدوه كوم احمي كفاي
-----------
دلاني العطر بل مات . دمك جن عطر فايح
شسوي بليلة الضلمه . بس جمره الخيم واضح
ما متعوده ما لاكيك. بعد وي طوله ما صابح
وجت ونطفتلي خيام ولاواحد فزع هضمه
ضلمه تخوف الرجال شحال الحرمه بلضلمه
تعبني الركض بلجول ميتين اهلي يا يمه
كلبي حن لطوله ذاك
وما معودني ابجفاك
مدللت عباس اجيت
وراح اموتن من وراك
واني خانكني الغروب
ودمعي مابطل يصب
ابجي ولطم عل الراس
العطش شالع جم كلب
------------
منك رده ماضن هاي . ولمن لسه تاني انه
صعبه عليه نكل جدام. وحكك خويه تعبانه
ماسولفلك عل الصار .شسولف واني عطشانه
ليتعب كون يشرب ماي شح عليه ما نشرب
تره عد العرب فشله بيت الساده من ينطب
طفله تكوم طفله طيح وجه الطفله يترب
فكد اهلنه يريد حيل
وين عباس الكفيل
ضهر الكشر ذاك صار
كضه وي مدافع الخيل
يا علي سهل الدرب
وانت حلال الصعب
طحت ونخه بسم بوي
علي زينب تنضرب
صباح جهاد
Читать полностью…
الشاعر محمد تقي الزاملي
11 July 2025 23:43
بياعلي للدنيه اجينه
بياعلي نسكت لو بجينه
بياعلي اكبرنه ومشينه
زغار واحنه مدليلن
عايشين بديره بيه انفاس حيدر
محمد تقي الزاملي
Читать полностью…
الشاعر محمد تقي الزاملي
02 July 2025 16:48
هلا بلماثنه بلطك سيفه
هلا بليعرف صدك تكليفه
هلا يل اسمه الوفه تصريفه
هلا يمحير العقل تعريفه
هلا بزلمتها الثجيل الماينثني بلركب فقاره
هلا بلهز كاع طفها وخله روس ازلامهم طشاره
هلا بعباس اليخوف بلمعارك من يشن الغاره
هلا بصكار العرب عباسها
هلابشيخ النايبات وساسها
هلا بريال الوغه وفراسها
هلا بلزلمه لمخوف ناسها
هلا بصكار الفوارس والقبايل والمكسر خشومها
هلا بريال الملاحم والكلايف والمخرس علومها
هلا براعي الموزمات العاصيت الغايرات ارسومها
هلا بزلمتها الثجيل اعناده
هلا بلبدوي سليل الساده
هلا يمرجف اسباع القاده
هلا بلينطي اليجيه امراده
هلا بفراس الحرايب والكتايب غصب تركع روسهه
هلا يمكسر الكناطر ووالحرايب تزغر من ادوسهه
هلا ياشيخ الطوايف والمضايف كشختك ناموسهه
هلا بحجايت بخت بدويه
هلا يلحامي ضعن علويه
هلا يلبيك العرب محميه
هلا يليمك الكلشي شويه
هلا ياراعي الزعامه والنشامه والمسكت السانها
هلا ياملحة حجينه وياكمرنه وسالفة ديوانها
هلا يلعاوج ضهرها الي تعدت والمعدل اوزانها
هلا براعي الموزمه وطلابها
هلا بشيخ النايبه ونشابها
هلا يمشرف العرب وانسابها
هلا بمفتاح الفلك واقطابها
هلا ياهيبة سلفنه وياكشختك لامتك هندامك
هلا يلمنك ورثه شمرتك وسط الحرب جسامك
هلا يمخوف العالم والي شافك سجد يم اجدامك
محمد تقي الزاملي
Читать полностью…
الشاعر محمد تقي الزاملي
02 July 2025 16:45
موشح
لمولاي ابو فاضل صلوات الله عليه
زلامهم تعثر غدت بذيالها
معبس بواديها طب خيالها
غاد ضهضابه غدت بأرض الطفوف
وموش البصفك اصبعك ماتشوف
نزل ليها الكافل ورافاها روف
عيه صارت والكمرطبالها
معبس بواديها طب خيالها
يمنه يسره يعاين ومامش ثجيل
وينه وينه الصاح وبصوته يعيل
بخزره اكتله اليوكف اكبالي جبيل
هاشم ومامش كفو ويه ارجالها
معبس بواديها طب خيالها
صال ل ارض المشرعه بمنوى يريد
الماي همه يجيبه ابو الراي السديد
وماتهمه اعدادهم مهما تزيد
شماتزيد شويه وي كفالها
معبس بواديها طب خيالها
نزل يم شاطي الفرات يجيب ماي
وماكدر زلمتهم يمنعه من هاي
منهو الكباله يكف وبعقله راي
هوه جا غير الكمر شل حالها
معبس بواديها طب خيالها
محمد تقي الزاملي
Читать полностью…
الشاعر محمد تقي الزاملي
29 June 2025 02:56
الرادود فاضل عواد السماوي
محمد تقي الزاملي
Читать полностью…
الشاعر محمد تقي الزاملي
22 June 2025 23:23
يالحن مذبوح..عشت جروح بايامك حبيبي
يالحن مذبوح..هواي الام باحلامك حبيبي
انتضر يومك والوالاك ينتضرك
ادري بذنوبي وجفاي هواي مكبرك
جروح اهواي بيه عليك ماتخلص ولاتشفه
تعبت من الدواره عليك من ذنبي علي تخفه
نار بكلبي تدوي عليك ماتبرد ولا تطفه
يمته بطولك اتكحل واجيك اركضلك ابلهفه
عسه ترد تلتفتلي والكه روحي
وارد احيه بدمع والجم جروحي
ادري عينك اتصد ليه مولاي
اذا يصبح صدك بأجفاك نوحي
حلم عندي ارد اشوفك
وارد اقبلهن جفوفك
ياحلم عطشان..مرني بشوك مشتاكك حبيبي
ياحلم عطشان..شتكفي دموع بفراكك حبيبي
انتحب لجلك ومن تغيب مادورك
ادري بذنوبي وجفاي هواي مكبرك
عثرت بجلمة الوينك ونامت بلكلب خنكه
هلكنه مرادم البيبان وضاكت بلنفس شهكه
يمته تجبر المكسور موزادت تره الفركه
يتيمك باسط اذراعه يطلب منك الملكه
شوكت ابقه بغيابك انه اتاني
ذبلت روحي اريدن شوفك اني
ليمته اندب واسولف ويه روحي
يمهدي والله احبك كافي اعاني
هواي مشتاك ارد اشمك
رايد انضر شكل رسمك
ياذخر عدنان.. شد ازمام راياتك حبيبي
ياذخر عدنان.. واخذ ابثار عماتك حبيبي
بيادرب موجود حته الكاك مااعبرك
ادري بذنوبي وجفاي هواي امكبرك
جزاني اليل ومتانيك بعدني بديرة الوحشه
تيهت الدرب بجفاك وتيه جدمي الممشه
عثرت بذنبي المبجيك وسافرت بدمع غبشه
ادور عليك بجروحك من عندك ردت رمشه
هلبت جلمتي هلمره صدكت
هلبت دمعتي هلمره وصلت
دمعة غبشه طاحت هاي مرسال
بين العاشك ومعشوك ربطت
نعمه هاي النعمه تشكر
وبلمقابل تبقه تكثر
ياجرح ممدود... طول سنين مايخلص حبيبي
ياجرح ممدود... دوم يزود ماينكص حبيبي
ياجرح ياذيك حيل وهيج ومسهرك
ادري بذنوبي وجفاي هواي مكبرك
تايه مدري اروحن وين بس ابجي ع جروحك
وين الكه سلف هايم يعرف لجمه البروحك
واكول هنا سلف روحي واكعد وابجي مذبوحك
ابجي دموعي لدموعك وعيش بطارف سفوحك
هيج أمن الله اشوفك وكحل الناضر
وارد افرح يغالي بجيتك بأجر
وافر الديره كلها واصرخ ابصوتي
رد محبوبي الانتضره بجبر خاطر
هيج واسمع لينه راجع
وتنتهي كل المواجع
يافرح ملكاك ... صار اسنين منتضره حبيبي
يافرح ملكاك ... كل الناس متحضره حبيبي
يافعل ماذيك حيل هواي ومكدرك
ادري بذنوبي وجفاي هواي مكبرك
محمد تقي الزاملي
Читать полностью…
الشاعر محمد تقي الزاملي
21 June 2025 23:45
#محرم_١٤٤٧_هــ
(توسل)
توسلوا بلسلطان واطمأنوا واطمأنوا
من علي الضامن مولاي دمعه طلبوا دمعه اطلبوا
هوه كال ابجو اعله حسين
ومنه نطلب دمع العين
من علي الضامن مولاي
من علي الضامن مولاي
ضامن ال آل السلطان
للطف مهيج احزان. ورازق دموع الخدام
ضامن كلب كل بجاي
والضايع يرزقه براي. بأسمه الخدم ترفع هام
من عنده .. اطلب مدد عاشوراء
والدمعه .. والطم وسط العزاء
سلطاني. .. ومايرد واحد يرجاء
سلطاني ..
ياابا الجواد الزاهد
باب وملاذ العابد
ادري اليصل يم بابك .. يحس بأنس
يمه يجي كل خادم
يتوسل ومانادم
وكلمن يكض اعتابك .. ينسه الأمس
تطلب دمع هل خدام كل محرم كل محرم
ومايرد واحد مولاي بدمعه مهتم بدمعه مهتم
هوه كال ابنه شبيب
ابكي للشيب الخضيب
هوه الموصينه بهاي
من علي الضامن مولاي
00000000000000000
دمعي بعزاهم منذور
ارزقني حركه العاشور .. احسبني ناعي العطشان
سجلني ناعي الزهراء
وخادم ا باعبدالله ... واضمني مثل الغزلان
اتوسل .. من بابك اطلب دمعات
اتمنه .. بعاشور انعه الخيمات
سلطاني .. ارزقني حركه ولوعات
سلطاني
بلعصمه احلفك تسهل
وطلبت عبيدك تنحل
وبلغني شهر الدمعه .. حت اطمأن
حسسني راضي عليه
اطيني اعله كد ايديه
روحي ذبلت جن شمعه .. الشهر الحزن
حاشه وترده المحتاج بيك حتمه بيك حتمه
المابجه بشهر الاحزان يصيبه عمه يصيبه عمه
وعايش اجواه كربلاء
هبلي رحمه بكل عزاء
اتوسل بدمعي هواي
من علي الضامن مولاي
0000000000000000
ضايع واجيت اترجاك
يلماترد الينخاك … اضمني سويني انسان
انه الطريد الخسران
من الذنب جيتك ندمان … علمني ابجي العطشان
علمني .. حب العبد وي مولا
وفهمني .. جلمة حسين واويلا
سلطاني .. وكل الرزق من يمنا
سلطاني ..
هوه امان الشارد
ضامن كلب كل واحد
يمه يصيح ادخيلك… يلكه العطف
الخادم يجي من يمه
هوه يشد ابعزمه
لصبح ومسه يبجيلك… يحضه بلطف
هارب انه امن الصياد ومن لكيته ومن لكيته
فتحلي ذرعان ثنين بس نخيته بس نخيته
حب وعطف ماينقاس
ومن خيره حبتني الناس
والخير منتظره الجاي
من علي الضامن مولاي
00000000000000000
كون احترك مثل خيام
والدمعه اسميهه اسهام... من توكع اعلى ضلوعي
عفت الوهم وتعنيت
خادم صرت ل أهل البيت ...المن اضم ادموعي
خليني .. ابجي اعلى جدك مذبوح
ماابرد ... لااخر نفس وي الروح
سلطاني .. هاج الحزن من تنوح
سلطاني
من بابك اطلب رحمه
فشله انسه خير الخدمه
دخيل الروف الضامن .. اضمن دمعتي
عبرت ضياع ايامي
عوضني حب الضامي
ورحمت امام الثامن ... احسب خدمتي
اعطف عليه وناخيك واتوسلك واتوسلك
باجر مصيبه تبجيك ركضت هلك ركضت هلك
باجر شموس ونيران
عطشان يشبك عطشان
بس طلبه وحد اطلب هاي
من علي الضامن مولاي
محمد تقي الزاملي
صباح جهاد
Читать полностью…
الشاعر محمد تقي الزاملي
21 June 2025 02:41
(فزز جرحك)
فزز جرحك وانحب
المصاب أمن العقل اكبر
صاحب دمعك وهاجر
لغربته وحيرته تحير
استوطن جرح حبه
وعيش بدمعة المنبر
بالك تبرد ابمبجاك
وعن الخدمه تتكتر
غلبه الدنيه ومسابك بالدموع
ويضيع الماله وي حسين عنوان
ويفوز البيها اكثر كلبه مفجوع
وبي حسرة وقهر عل مات عطشان
دمعي الربح
هذه الجرح
هذه كمال الخدمه
اليكبر دمع
بي ينجمع
طاعه وعطاء وهمه
حسين اه.... حسين اه
أُنسك خله بلخدمه
وبلخدمه الحزن وياك
داري ادموعك اتفيدك
الـ لهو ميحطلك بيمناك
احيي احزانهم بلنوح
وعِلمهم علّمه بدنياك
هنا تسعد گلب فاطم
وابيض وجه وي مولاك
بصفاء النيه دمعك يخمد اخيام
وتخيط اجروح مولاك ابثباتك
بلايه احسين بارخص سوم تنسام
واذا ويا صعب تعرف غلاتك
طبح اليحب
ماينجذب
بس للهوا ويريده
ماخذ عهد
ماعوفه ابد
وابجي الفدالي اوليده
حسين ااه. حسين ااه
جرحي شماكبر بأسمه
زغير ويكبر بجاله
اليهيم بجرحه من الشوك
شوكه يصير كتاله
ياكلبي افهم اجروحه
واكبر لجمه لعياله
كلب العايش مصابه
موته هواي يحلاله
يحله الموت اذا من البجي عليك
ونعمه أمن الله موتي ابنص عزائك
يهنياله اليمر ويلجمه طاريك
وبي لوعة صدك من كربلائك
يحله العمر
من تنكسر
لجل السبوها عياله
هنا ينشرح
حب يتضح
حب الحسين وآله
حسين اه..... حسين اه
هاجر ناسك ودور
عن الي يبجي العين
عيش احساس التحير
ومامش نخوه بلعدلين
العقيله تنتخي إخوتها
بس ماتنهض الميتين
منا نار منا خيل
وجيش محاوطه الصوبين
عيش بغربة ام عون بجرح كون
مو موسم دموعك فجئه وتروح
عيش ابواقعك هل حيره وشلون
يادمعه التسد الهضم يانوح
ضل مغترب
بكلشي انتحب
عيش بجروح العاشر
حر الضهر
دوس الجمر
عيشه انكسار الخاطر
حسين ااه حسين ااه
بگلبك واعيتهم كون
تعيش وياك بالآلام
المأتم مو ذكر لويوم
لجمته اتعيش عام لعام
واذا موقف.. عجوز اتشوف
اتعثر بلسوگ دگ الهام
واذكر حرمه بلخمسين
مسبيه ادخلت للشام
شموخ وعفه بس افراگهه ايچيد
عافتهم مصاب وراحت امصاب
اخوان ام الخدر بجّو صناديد
بس الشام سمه ويه الهوه الهاب
الهه انفجع
واكسر ضلع
مهضومه عمة الساده
بين الغرب
اليجوي الكلب
تراب الخرابه اوساده
محمد تقي الزاملي
مصطفى خالد الجبوري
Читать полностью…
الشاعر محمد تقي الزاملي
20 June 2025 16:36
(اليحب حسين مايذنب)
مابين الذنب والحب
اسولف واشرح واكتب
بس هذه الاعرفه انه
اليحب حسين مايذنب
اسولف ويه محبوبي
بين التوبه وذنوبي
سؤال
قبل التوبه اريدن حل
يوكفني بعد ماازل
مثال
مثل الحر اريدن توبه تنصح
مثل عابس اريدن عشك يذبح
مثل جون اتبع اضعونك يمولاي
ذنب كل جلمه مو لحسين تطرح
إلهي أشكو ألك نفساً هيَ بالسوءِ أمّاره
تجر بيه الهوى الدنيا وبالعصيان مُحتاره
فمنْ للعبدِ من دونك اليهِ ترنى انظاره
ويبقه كل حجي مبهم
اسرار العشك تتعب
ويبقه خاطري يرتل
اليحب حسين مايذنب
بين الفطره والشهوه
فاصل اكو فد فجوه
تكول
الفطره البيها نلكه الحب
الشهوه الي تغيض الرب
تزول
اذا اعمالي تصبح بلفعل واحد
ورع محتاج وي هذه الفعل رايد
كون ابقه بدوام الطاعه كل وكتي
وابعد عن شبُهات الحجي الزايد
ألهي عَبدُكَ العاصي اتيتُ باب رجواكا
قصدتُ عطفُكَ راجٍ هيامً بمرضاكا
اليهِ يامن الشكوى الا ياربي رحماكا
بديت ادرك عطف مولاي
حساسي هنا بده يكتب
اعرف قدرك وافهم
اليحب حسين مايذنب
حربي ويه حب الذات
ما واكف ولاميقات
بقيت
النفس التغوي صاحبها
عرفت اشلون اريضها
لكيت
ضياعي البي جنت وبهاي ماافهم
لكيت حسين تالي وكمت اتعلم
وكتله اعله النفس مولاي طاوعني
وفزت جي صرت بس بحسين مهتم
عبدٌ جاءَ من ارضٍ كانَ في الهوى غارقْ
هَوى فوق الثرى يبكي حُسَينٌ قلبهُ ناطقْ
كسيراً حاسِرَ الرأسِ ندمانٌ اتى صادقْ
وتصدق حجي المطلوب
وعقلي هنا بده يحسب
بشروط الي يحب حسين
اليحب حسين مايذنب
قلب المؤمن الصالح
حرم للباري اي صالح
يصير
وبهاي الشروط اهواي
التزامك اهم من كل راي
امير
قبول اعمالي من افهم حجي المقتل
قبول اعمالي من اصبح انه معدل
من افهم حجي المجلس واعيش ويا
وانسه كل حجيها الدنيه المبهذل
ألهي الهمني طاعاتك وجنبني الذي يُعصيك
ابعد قلبي عن الريَبِ واعطيني الذي يُرضيك
ألهي اخرجهُ من قلبي حُب الدنيا كي آتيك
اليزهد عن هوى الدنيا
طاعة الله هوه يحب
سبيل الرب حسين يصير
اليحب حسين مايذنب
محمد تقي الزاملي
Читать полностью…
الشاعر محمد تقي الزاملي
20 June 2025 00:41
وين الگاك… . عطشت جفوفي عليك
وين الگاك… .راح اضيعن عكب اديك
وين الگاك… اشر بجفك و اجيك
خويه وينك يالحنين.… منك اسمع بس ونين
ياحسين… و… ياحسين
زينب انه يا حسين شلون اعوفك
انهض لأختك دضمها بفي جفوفك
عيوني ما تعرف بشر تعرف تشوفك
اطفالي تبچي لونذل ينطق حروفك
خيامي طاحت من رحت
وعله تل انه اصعدت
وبعله صوتي صحت
حسين..
خويه هناك …ارد اجي انه انعه ليك
خويه هناك …الماي اعوفه واروه بيك
خويه هناك… رايده ابچي انه لبچيك
لا لي ناصر لا معين،،،ومنك اسمع بس ونين
يا حسين
.........................
اطلعت من خيمتي خويه عتنيتك
امشي واتهطر يخويه من اجيتك
واصعدت ع التل يخويه ونتخيتك
ياوسافه سابح بدمك لكيتك
خويه يحسين انتهض
مجفي شفتك ع الارض
الخيل بضلوعك ترض
حسين
خويه يحسين ... حشمت خويه اشكثر
خويه يحسين ... فات لخيامك شمر
خويه يحسين ... وسكنه تركض ع الجمر
لخيمتك طب العين ... منك اسمع بس ونين
..................
خويه ماتسوه حياتي والله دونك
خويه سلبو كلشي منك حته لونك
فوك كل هايه بحوافر يسحكونك
طعنه فوك الطعنه كامو يطعنونك
من اجيتك تيهت
انته موانته كلت
ثاري عميه وماشفت
حسين
شلون ابهاي... اختك أنه وتيهيت
شلون ابهاي ...وع عطر الخوه اجيت
شلون ابهاي .. خويه ثاري أنه عميت
خويه دونك امشي وين .. منك اسمع بس ونين.
....................
ماي ما ردنه يخويه انته ماي
عكبك الشامت يصيح ياهو هاي
والسياط الصلفه ما رحمت گفاي
گوم لختك بل فله تدور فيياي
اطفال تبچي من العطش
ليش جسمه بلا نعش
صحنه والعرش ارتعش
حسين .
اخوتي ليش ،،،عل رمل محد دفنهم
اخوتي ليش ،،،بل فله ضلت جثثهم
اخوتي ليش ،،،محد يجاوب اختهم
غدة زينب چن سجين،،،،منك اسمع بس ونين
ياحيسن
.....................
ناس ماعده رحم واحنه حرم
نلوذ وين وحرگو علينه الخيم
طفال فزعو والسهم اه يالسهم
نص طفل عبدالله منهم ما سلم
منه سلبوه الوريد
بالمهد وازغر شهيد
مو ذبح ماي اليريد
حسين
سابح بدم،،،بعده عبدالله الرضيع
سابح بدم،،،نحره سر الله البديع
سابح بدم،،،ليش يا ربي السميع
دمه سال عله الحُسين،،،،منك اسمع بس ونين
ياحسين
.......................
مؤمل سلمان الخالدي
محمد تقي الزاملي
Читать полностью…
الشاعر محمد تقي الزاملي
19 June 2025 11:06
(كلبي لغربتك)
كلبي الغربتك كل حيله بايد
كل عام اكبر واحتار زايد
انوح لغربتك وبحيره اناشد
ليش بكل سنه ابجيك بقصايد
تعزيتك ... تخلص حياتي تعزيتك
ماهيتك ... كون افتهم ماهيتك
حنيتك ... وافهم حجم حنيتك
اصرخ دخيلك يبن الزجيه
ارزقني دمعه ابجي الرقيه
ووي امك ابجي وسط العزيه.... حسين
كبرني دمعه الحزنك حبيبي
عيشني كسره وزيد نحيبي
ابقه بغربتك جرحي نصيبي .... حسين
مشاعر بيه واحجيها ابخواطر
وبكسرت دليلي ليك اسافر
واطلب دمعه اصير اليوم عاشر
وابقه الوحدي بدمعاتي ساهر
بعيونك ... هايم اضل بعيونك
مجنونك... اكضي العمر مجنونك
ممنونك... بكل كلمه أنه ممنونك
ممنونك لحزني وعبرتي
هضمة دليلي وني وكسرتي
اشغلني بيك وزيد حسرتي .... حسين
بأجر محرم كسره جبيره
أمن اسمع جراحك وتمرني حيره
والناعي يقره انشال بحصيره .... حسين
كسرني مصابك وخلاني حاير
حزنك سوه مني انسان شاعر
اموت أمن البجي بكل طاري حافر
شلون اسمع عطش يضميك بأجر
كاسرني ... بحزنه بقه كاسرني
أسرني ... بحب المشاعر أسرني
ماخذني... من كلشي اله ماخذني
ويلي يويلي حزنه ومصابه
شيبه المقدس بلدم خضابه
ماتنتهي جروحه وعذابه .... حسين
مدللني وهوه بهيمه عياله
شلون اوفي حكه وماباجي حاله
ريت انه عاري باقي ابداله .... حسين
عذابك بيه يكبر بلمواجع
واضيعن من اصد والكاك راجع
من صوب النهر واحجي بمدامع
واشوفن جفك بمكفاك طابع
عذبني ...مصابك تره عذبني
حيرني ... صبرك صدك حيرني
عيشني ... حزنك حزن عيشني
اخ المصايب واخ الرزايه
تكسرله ضهره الماعنده رايه
طايح عظيده وصحبه ضحايه ....حسين
ضل وحده باقي همومه ثكيله
تقدم جواده أخته العقليه
وتدعيله سالم يرجع دليله .... حسين
Читать полностью…
الشاعر محمد تقي الزاملي
17 June 2025 14:56
ليلة مولاتي العليله
عليله...بداري وحدي ضليت
عليله...راحو واضلم البيت
عليله...وانه بحسره ونيت
عليله
يابويه بلفركه اختنك وفراكك بكلبي بده
من يعطش يموت الورد وانتم سوالفكم نده
الدنيه ضاكت من رحت يابويه وفراكك غده
ينهش بلضلوع وصبح حجي اليمر كله رده
غريبه..بلباب انتضر جيتك
غريبه..شو ماتذكر بنيتك
غريبه..الوحشه طبت لبيتك
عليله
من بيتي سافر والدي ودلالي بلفركه نمرد
كلبي نعصر من فركته وماضنه لدياره يرد
الحنيه راحت وي هلي والضيم بيه منفرد
معروفه من يذبل غصن ماتبقه ريحه للورد
وحيده..راحو كل هلي عني
وحيده..بقيت بلوعتي ووني
وحيده..ابقه بغربتي جني
عليله
متعوده اشوفك كل صبح وتمر عليه عمتي
ماادري ابقه بلغرب وتبقه الي بس حسرتي
يابويه لو طال الهجر منهو اليسكت عبرتي
عبدالله خليلي ذخر بويه يسدلي وحشتي
عجيبه..شالت كل الضعون
عجيبه..ضلت تجري العيون
عجيبه..اضل بغربتي شلون
عليله
من رحتو زاعلني الهوه والحضه اعدنه بشهر
عشت انه لوعات والم وعيوني شبعانه سهر
تعبانه روحي من البجي مابيه حيل ع القهر
انرسمن بخدي اثر وادموعي صارلك نهر
مصيبه..راحو اهلي اليوم
مصيبه..بدمعاتي اجري دموم
مصيبه..عاشر غربتي البوم
محمد تقي الزاملي
Читать полностью…
الشاعر محمد تقي الزاملي
14 June 2025 13:56
ليلة مولاي القاسم ابن الحسن
جيت اسولفلك مصايب كربله
يلحسن ابنك القاسم بلحرب وفه
اخذ من عمه ابو فاضل غيرته وجفه
وبمجانك بلحرايب يلحسن كفه
ماتكتر يوم عمه ستوحد بطفه
شمر بروس الاعادي بلفله
جيت اسولفلك مصايب كربله
يلحسن بلطف بقه مكسور ابو اليمه
لا اخو بلحومه ضله ولا ولد يمه
الله اليعينه ابو الاكبر ياعظم همه
ومن وكع بلحومه ضل متوسد بدمه
وبلفله فرت تراهي العايله
جيت اسولفلك مصايب كربله
يلحسن حاير شسؤلف وابدي ياقصه
كربله كلش جبيره وتبتدي بغصه
اكو وادم ماي ماضل عدها بلكصه
فرعت ل اهل البغايه واشترت حصه
وطلعو مكفوله كدام المله
جيت اسولفلك مصايب كربله
هناك بلطف يلحسن ذبحو ابو الغيره
بلا سترضلت الوادم فرغت الديره
من وكع عباس بلطف كبرت الحيره
وزينب بناكه هزيله راحت يسيره
طلعو زينبكم بلا بسمله
جيت اسولفلك مصايب كربله
محمد تقي الزاملي
Читать полностью…
الشاعر محمد تقي الزاملي
12 June 2025 01:47
حب العبد
الرادود حسن نعيم
Читать полностью…
1090