-
Mohsen Aljabri
يالزهره المدد .. صيريلي سند
سجليني .. وفقيني .. لخدمكم بعد
_________________
نظره .. منج اتكفي عمر
زهره .. واليشمج ينتصر
حسره .. بيه من ذاك الكسر ..كون اندثر
واصبح جمر .. يــم العتبه
يم حسن سجليها .. الدمعه من اجريها
خيري كله اعليها .. وكلج خير
حققيلي احلامي .. واللطم عالضامي
انته كل ايامي .. ومالي غير
منهاره النفس .. محتاجج شمس
بكل نوحج .. وجروحج .. خليني احس
_______________________
رحمه .. ونازله علينه سبب
نسمه .. ومنج انصاغ الذهب
نعمه .. وبس الج يسوه التعب .. كلمن عتب
فكره انسلب .. مــن نظراتج
الدنيا صحره ابدونج .. افتخر مجنونج
كلشي لجل اعيونج .. فدوه يروح
يالجروحج تسوه .. نارج اشكد حلوه
من رحتلج فدوه .. وللمذبوح
ايام العمر .. لعيونج نذر
جلماتي .. ودمعاتي .. تضويلي الكبر
________________________
كلبي .. تارس ابحزنج غصص
بدربي .. هوايه مطيتني فرص
حبري .. بسمج ابدن ما خلص ..لا مـا نقص
واللي حرص .. نــال الجنه
شحجي اضل امقصر .. بضلعي الجم و اكسر
بنارج اقره و ابحر .. كون ارتاح
انتي راحت بالي .. وانتي كل احوالي
بدون حالج حالي .. بس اصياح
اجروحي استحن .. من هاي المحن
كل همي .. ايصير اسمي .. خادم لم حسن
__________________________
مرايـه .. لـ الله ياوتر وشفع
هوايه .. خيرج وماينكطع
حجايه .. عندي وبلايه فجع .. دون الدمع
ما انتفع .. بيج الرفعه
مالي قيمه ابابج .. يالسترني احجابج
عمري بس لمصابج .. يسوه هواي
هي بس احجايه .. وبيها دمعه وغايه
بيضي وجهي بهايه .. الخدمه وياي
من دونج عدم .. يا ام الخدم
بعزياتج .. دمعاتج .. رزقيني الالم
__________________________
بزغري .. يمي دوم اتخيلج
عمري .. وقف خليته الهلج
صدري .. كون اكسره لخاطرج .. واتوسلج
ابقه الج .. ما اتغير
دوم احسج يمي .. وكمت اسميج امي
فدوه الج كل دمي .. وكل نبضات
يمج احسد روحي .. يا اميرة نوحي
يا حلاة اجروحي .. الـبس دمـعات
ياعرش السمه .. يا ماي وضمه
لو تفحص .. نبضاتي .. تسمع فاطمه
__________________________
رحله .. بعالم احزانج غصت
محله .. جروحج البيها عشت
شغله .. منج اغله ما شفت .. واتيقنت
لمن صرت .. خادم لسمج
فكري بسمج نوْر .. جرحي يمج اخضر
بيها سر الكوثر .. اقره وشوف
الراضيه يسمونج .. بهالاسم يدرونج
چي حنينه عيونج .. ويمها انطوف
راضية قهر .. مرضيه ابنضر
حوريه .. وأنسيه .. يا ارقه البشر
___________________________
سيد محسن الجابري
يا نبي الرحمه يا سر السمه
الدين عاش بأسم والدفاطمه
~~~~~~~
شكثر انطه اجروح واتحمل عناء
اليوم مفجوعه بمصابك هالسماء
والأرض حزنانه كلها ومضلمه
~~~~~~~~~
يا ثكلها جدامك الما تنسمع
يا سلاسة حجيك بنص الربع
زمرة الأحقاد ذيج الضالمه
~~~~~~~~~
ناس جانت لا حلال ولا حرام
بيا مكان تروحله تخضر كلام
ايقضت ذيج العقول النائمه
~~~~~~~~
يالي خيرك فايض وكلك عطف
ابيتك القران خط اول حرف
وكمله بعدك علي حامي الحمه
~~~~~~~~
واليتيم اتحسبه جن مثل الحسن
انطيت كلشي وثبت هالدين بعلن
وأسست بيت الكساء الفاطمه
~~~~~~~
بعد عمرك كون عمري مايطول
ضاجت الدنيا بدمع هاي البتول
وبنت بيت احزانها بحزن السمه
سيد محسن الجابري
ليلة الجمعه والمهدي حاضر
الزهره تتلكاه مكـسوره خاطر
محـنيه وتون بالألم .. تلكوها اجتكم يالخدم
ليلة الجمعه
_______________________
بالـروايه العدنه نحـچي ومـا نفصل بالشـرح
نـاخذ المـضمون منها ونفتح عيـون الجـرح
ليـلة الجـمعه الـزجيه اتـزور ابنـها المـنذبـح
تبچيله دم اويه الدمـع
كل مـجلس اتون بفجع
محنيه تـلطع عـالضلع .. تكضيها بس نوح
بالباب نـلكاها ونسمع لطـمها
والمهدي ويـاها ساند ظـهرها
ابهيده تـنكل بالجـدم .. تلكوها اجتكم يـالخدم
__________________________
تحـضر و يـانه و تـعزب بالـعزه دموع وجرح
وتترس الدنيا بحزنها وتخـنك انـفاس الصبح
المـهدي هم يتحزملها يـواسي نـحر المنذبح
متحزم بـنص الـزلم
والجرح زينب منلچم
وامنكع ابدمـعه الهدم .. والحركه متروح
ماينسه المصيبه الدمعه جـريه
يتـلوع ابحـزنـه كـل مـغربيـه
بعيونه جمرات الخـيم .. تلكوها اجتكم يالـخدم
____________________________
بشهر الحسين الزجيه بكل مكان اتـحطله اثـر
هنـا جـرح نوح المصيبه هنانه تـدمـع لـلكـمـر
تكول احضر كل عزيـه وادعـي ابنـي المنـتظر
بجروحنه ندعـي الـه
بهاي الدموع الهامله
بـياربي ثـاره عجله .. تحچيها بالروح
تدعيله بالعبره ونرفـع ادينه
يايوسف الزهره عجل علـينه
بوجوهنه الطف انرسم .. تلكوها اجتكم يالخدم
______________________________
تسـجل الـدمعه الجريه لعـله بنها تـنهمل
تخلـص الدمعات كلها وهـي ابـد لا ما تـمل
ابـد ما يبرد حزنها شـحچي و اليـوجع هـزل
مـتبطل عليها البـچي
وبصوتها ذاك الشـچي
زينب سبيه مو حچـي .. وتحچيها الجروح
تلخصها للعـالم قصـة الحـره
ضيم السبي يوجع لمن نـذكره
ماتنسي اجـروح السهم .. تلكوها اجتكم يالخدم
_______________________________
شلون نعمه والزجيه حـاضره ويـانه العزاء
جـايبه حـزن البريه وكـل دموع اهل السماء
ربـي ثبتنا اعله خدمة زينب وطـف كربلاء
وفقنا يارب السمه
خلينه باب الفاطمه
وكلوبنه بحب هايمه .. وبعشك مذبوح
نحچيها للدنيا بكلب الضمايـر
يوميه عدنا حسين ويوميه عاشر
بضلوعنا الحافر هيم .. تلكوها اجتكم يالخدم
_______________________________
يلطم المهدي بصباحه وبالمسه يدمي الخدود
هالئجه ابمجلسنه كـاعد وتبچي ويـاه الحشـود
و طـبت الزهره ابدمعها وجايـبه ويـاها الزنـود
ويجفوف كافلها انـحنت
وام البنين وياها اجـت
وكـل الحوائج انكضت .. للحيله مطروح
مـا تطلع الـمأتم اله بنتائج
وام الفده بچفه تكضي الحوائج
والحاضر المأتم سـلم .. تلكوها اجتكم يالخدم
#سيد_محسن_الجابري
للأمام الحسن عليها السلام
ندبتك يالحسن وادموعي متوزره
لتردني عليك الطاهره الزهره
________________
اجيتك والكلب يحجيلك المضموم
وبوجهي الحزن متفصل ومرسوم
حياتي جنها ليل وماكو يمها انجوم
وريت اتضوي دربي يالحسن كمره
_________________
نخيتك چي كريم وتارس المكعاد
وتوزع من سفرتك لليجيك امراد
الفقره تسولف بخيرك يصبح زاد
وتاكل من مضيفك كلها عالفطره
_________________
يديوان الهواشم بيك شرد اكتب
يقاموس الكرم من الكشر للب
اشوفك مره شيخ ومره المعزب
وتتلثم شرط من تنطي للفقره
_________________
تتلثم شرط چي حيدر املثم
يوزع ابليل ينطي وبالخلك مهتم
صله الله عليكم والنبي السلم
وفاز النال من حبكم ولو نظره
________________
ولو نظره ردت وانطيك حسراتي
وعلى باب المجالس تلكه دمعاتي
بسمك يالحسن مكضيه حاجاتي
ابجاه ابنيتك المن الضرب حمره
_______________
ابجاه ابنيتك المثلك تفرح الناس
شريفه وهم كريمه وما تهبط الراس
ابوها الحسن عمها حسين والعباس
وكل اللي كصدها ياخذ ابأجره
______________
كل اللي كصدها ويتعب ابجيه
كرامات ابصحنها ايشوف يوميه
وقبل لا يحجي هيه اتكله مكضيه
وكل كسر ابدليلك هيه الجبره
______________
سيد محسن الجابري
راح عباس .. يختي طايح عالنهر
راح عباس .. وانكسر يمـه الظهر
يـكلي خـليني ابمكاني وعفته
ثاري كلش مستحي من اخته .. راح عباس
__________________________
لمن وكع وابطيحته الحك الي صاح وسكت
رحت وركضت المصرعه وعيوني وحدها بجت
من نبرة ونينه اعرفت ضل باله يـم الما روت
انهدم حـيلي وشـيبت عد راسه
فكره يم الخيمه مو يم ناسه
جـاب طاريج ابـأخير انـفاسـه
راح عباس .. كلشي من بعده ذبل
راح عباس .. ضل يسولف عالأهـل
كتله كلي شيوجعك كال انته
ثاري كلش مستحي من اخته .. راح عباس
________________________
ياخويه من يمه اكعدت بين عالرسومي القهر
الـرجف ابـطوله العـده امـطشر وصايـر وذر
ابطولي چنت امشي اله خلاني امشي بلا ظهر
انكسر ظهري وحدبت لونـينه
الشفته يمه يختي لتشوفينه
زنوده مكطوعه وسهام ابعينه
راح عباس .. ذاك ابـو طول الحلو
راح عباس .. جا هسـه ليردني منو
شلون اكوم وحيلي مرمي بونته
ثـاري كلش مستحي مـن اخته .. راح عباس
_________________________
ياخيتي بالرايه شفت من كل مكان اموذره
بس قبضت ايده بلا اثر ضلت تخيلتي الجره
يعني اخيج من وكع وكفو على انفاسه سـره
واحد يبدي بجربته الروايه
الثاني يطعن بالجسدوالرايه
وهو كل هذا التغثه احجايه
راح عباس .. و الـلي اذاه الـوعـد
راح عباس .. بالخجل كلـبه انمرد
سكينه كل فكره تضل ناطرته
ثاري كلش مستحي من اخته .. راح عباس
________________________
المشهد الاصعب عليه خويه من بعد الضرب
واكع على الراس العمد وتهوس براسه الغـرب
يدور عليه بكل كتر حسباله تـوني بـنص درب
يحـجي وي ذبـاحه لا تـذبحني
خل يجيني حسين ادري يحبنه
وكامت ادموعي بوجع تحركني
راح عباس .. وخـلص وياه الـعمر
راح عباس .. والوجع يختي الستر
ضيم الاطفال وضمه الذابحته
ثاري كلش مستحي من اختـه .. راح عباس
_________________________
وكفت الدنيا ويه اهلها لـمن الكـافل وكـع
سودت الشمس بفعلهم والكمر شابـع وجـع
بضجت صياح وطبلهم يم الزنود ارتـفع
شلون صارت طيحته بيا حيره
زنود ماعنده وضلام الديـره
بعد آبو فاضل الدنيا كصيره
راح عباس .. وكل سوالف تنكسر
راح عباس .. بقت بس ام الخدر
صـاحت بالوعة كلب عاذرته
ثاري كلش مستحي من اخته .. راح عباس
___________________________
وبأخر انفاسه سئلت عباسي عن حالة فرض
خليته راسك بالحضن وترد تراجعه عالأرض
جاوبني بدموعه وبجه وبكلبه موجود الرفض
كلي ما اقبل اصير بحضنك
منهو بعدي يوسدك ويحضرك
انته عشر خيول داست صدرك
راح عباس .. وتحزم بحيله الشمر
راح عباس .. ووصيتي يمج تنذكر
ادري لعـيالي العـمر نـاذرته
ثاري كلش مستحي من اخته .. راح عباس
_______________________
سيد محسن الجابري
زينب حيرتج يايمه حيره
فوك امصيبتج اخذوج اسيره
هينه جروح الخيام ٠٠ شلون ابطبة الشام
____________________________
بغيمه جيتج بالسمه.. انه امج فاطمه
المطرت عيوني عليكم بس مدامع
ترقبت اعظم حدث .. من العليله للجثث
شفت كلشي وياج بطفوف المواجع
اول اشموع الهواشم الاكبر بناره انطفه
وصاح يمه حسين ويلي بعد عالدنيا العفه
وصاحت ليله بالنبره العجيبه
زينب الاكبر منين انه اجيب
مخضب وجه الاسلام .. شلون ابطبة الشام
___________________________
تقربت يم الضعن .. شفت هم شبل الحسن
طايح اعله حسين وبأيده الوصيه
كله شلك بالحرب .. يبني ما تحمل ضرب
يكله حلوه وياك ياعمي الـمنيه
رمله تترقب طلعته وطشت ادموع العرس
وصل يابس للمخيم ويلي حاركته الشمس
كل النسوه من شافنه ناحت
واملاك العرش ويايه صاحت
مات ابعرسه جسام .. شلون ابطبة الشام
____________________________
يمه يوجعني النهر .. طايح ابصفه الكمر
وصلت يمه وبالدموع اصبح حجينه
نايم ابراسه العمود .. بلايه ايد ولا خدود
وفـوك كـل الصار يـمه مـكطعينه
عينه مطفيه بسهمها وكتله عينك بيها دم
كلي خلي اتروح عيني يمه توجعني الخـيم
عركت كصته بلحظه وثواني
كلي مستحي من اسكينه اني
زينب عكبي متنام .. شلون ابطبة الشام
____________________________
شهگه انفاسج جرح .. يمه جيتج بالذبح
جـية العطشان ملهوف اعله مايه
بالذبح شفت العجب .. كلشي بحسين انسلب
لچن الاصعب يمه من رحتوا سبايه
صعدوج ابنوك عرجه من تميل وياج اميل
وامسح ادموعج بديه واشد حيل ابني العليل
چن كسرة ضلع طيحة رقيه
وكل هذا الضرب حسيته بيه
وعشت وياج الالام .. شلون ابطبة الشام
_____________________________
نار الخيام وجمر .. مو مثل ضيم اليسر
والله صعبه ابسوك فروج الشماته
هذا اليجمع حجر .. ذاكه يضحك عالنحر
الاخر ايسب بـ علي ويضرب بناتـه
يمه والحد ماوصلتي الشام شوفوج القهر
من التعب الاطفال نامو ونايم ابعينج كـمر
كل ما شافج ايون ابونينه
بس راس ويدمع من تجينه
يمه ودهرج اشضام .. شلون ابطبة الشام
#سيد_محسن_الجابري
لحسين اجه الأكبر
ونار الكلب تسعر
اذاني بويه الحر ارويني بس ماي
شافه ويسيل الدمه
هد حيلي كله الضمه ارويني بس ماي
~~~~~~~~
يحاجيه ابهمس وبونه مسموعه
شافه حسين طاح وطاحت ادموعه
كله العمر بعدك يبني بس لوعه
نكضي عمرنه ابجرح
بعدك ميطلع صبح
غيمه أصبحت مضلمه ارويني بس ماي
~~~~~~~~~~
شاف العطش غير كل تفاصيله
يبني الماي عوفه حسبته طويله
بس روح انته لمك عكدت الشيله
محتاره تمشي وتصد
تدعي وتريدك ترد
لعيوني ريت العمه. ارويني بس ماي
~~~~~~~~~~
ضني أتعود اليه اتروح ما اضنك
چنت اهدم ابعمري حته الم عمرك
وين ارباي أريده يالولد منك
كل لحظه جنت انتظر
حته اعيشك عمر
العوزي ردتك حمه ارويني بس ماي
~~~~~~~~~~
ولزم سيفه بيمنته وطول الشبكه
جاوبها ابدمع وبحسره و بحركه
كلها اتصبري يمه وباجر الملكه
نتلاكه باجر دهر
يمج يطول النظر
يم النبي وفاطمة ارويني بس ماي
~~~~~~~~~
ابخده وطاح واكف والهوه حارس
ختنك من الهوه وبانفاسه ضَل حابس
كله الريج بويه من العطش يابس
يابويه جرحك كلف
وبكلبي خضر نزف
رادت تطيح السمه ارويني بس ماي
سيد محسن الجابري
ابكلبي الخيم تمرد راس اعله الرمح ويصد
عليه و الحجي نار وبجي وين انتجي واكعد
____________________
امشي والراس ابرمح ويانه يفتر
من اصد العينه يا هالناس اعثر
تعثر النضرات والصفنات تكثر
وجن اشوف الليل كله بعينه احمر
والتهي بالبجي .. وانضر العينه واشوف اعتاب بيها
واختنك واحترك .. حركت الزهراء من هجموا عليها
ابراس الرمح راسه وينضر ليه بحساسه
والحسره تجر مني عمر وين استقر والبد
_______________________
ثاني صوره من الخيم ترويها ذاتي
اركض ونار الشمر تحرك عباتي
والجمر يجوي ويحرك كل بناتي
زينب بلايه الكمر شنهي حياتي
ياحزن والجفن .. مايصب ادموع ضل ايدمع اعيون
والحبل والهزل .. بلايه محمل والاشد طكات المتون
صوره اتعادل هوايه من غير الضمه ومايه
و اطفال و قهر ليل و سهر و نار الدهر تخمد
_______________________
المصايب تنعد ابكل خطوة اجدام
يعني جم خطوه مشينه بيه لشام
واحنه مابين العليل وحسرة ايتام
حته بينه الليل كام ايغفي وينام
والسبي والعبي .. ويه اول وحده من اتميل ملنه
بلا عتب والسبب .. بحبل واحد لان ملفوفين كلنه
والتثكل قهر تعثر وانته اتخيل المنظر
واشطوله الدرب صار وضرب وناس الغرب تفكد
________________________
من بعد ذاك المشي جن روحي راحت
ومن وصلنه الشام حته انفاسي ناحت
الناس من شافوني جن مني استراحت
هاي اخت عباس زينب كلها صاحت
والهضم والضلم .. رقيه يم الراس طاحت من خجلها
شافته وشفته .. ضل يتمتم بيها يم بنته و يكلها
تقربي الحضني يابنتي صاحت عمه ها شفتي
ومن شافت شفت بنتي ومتت يم الطشت وانشد
_________________________
بعد شرد انسه وشسولف كلي شذكر
المصايب وحده وحده الكلبي تكسر
مكيدينه ابروس و النضرات تسطر
وهذا يشمر كلمه ذاك ابحجر يشمر
والنصر بالقصر .. من ترست الناس كلها بخيمتي احساس
والمهم والزلم .. مهبطه الراس احتراماً لخت عباس
وشافوا مصدر العفه وحسوا بالفده ابجفه
ودروس وعبر خط النحر وراس الكمر يرصد
___________________________
سيد محسن الجابري
يالنايم بكلبك سهم
اتنفس ارماد الخيم
ماريد العذر بس جنت انتظر تجيني
~~~
حرمه والوحدي ولازلم عندي خويه دليني بمكانك حته اجيك
حته اسولفلك يخويه عالجره
أطفال عندي هواي وانه محيره
وعيوني غركت بالدمع والونه كامت تنسمع ياهضيمه
ياويلي لو شامت يمر اركض وادوس عالجمر
ياهضيمه
هد حيلي من طاح العلم
اتنفس ارماد الخيم
مااريد العذر بس جنت انتظر تجيني
~~~~~~~~~
الليل يوجعني العبره تخنكني ابجي سكته خوفي من سوط اللعين
اخدودي من كثر الدموع اجرحن
و عيون شماتك عليه اتفتحن
عطاب اشهك بالنفس كل ساعه لن جاي
الحرس.. ياحسرتي
يتشمت بكل ما نضر وصديت وجهي للكمر
ياحسرتي
بالنظره حاجيت الشهم
اتنفس ارماد الخيم
~~~~~~~~~
ذبلت اهروشي شابت ارموشي ولو بجت وحدتنا سكتوها بكتل
والأشد الخله دمعاتي تصب
امتوني صارت زركه من كثر الضرب
وكل حيلي فوك المشرعة وجفوفه يمه مكطعه ياابوفاضل
من الخوف كمت اشكف بدّي اتكالبت كلها علي يا ابوفاضل
ثكلت اهمومي والجدم
اتفس ارماد الخيم
~~~~~~~~
الشام شمتانه الناس فرحانه جفني من كد الرعب ما ينطبك
الروح مفجوعه أطفال موجوعه واحد ايسب بينه والثاني يطك
وسلبو كل التراجي من البنات
وبالخرايب خويه خلونه نبات
ابكد جروحك شيبت والراس حطوه ابطشت يم رقيه
مرعوبه فززهه الحلم وسكينه تبجي وتنلجم
يم رقيه
انكسر عودي وانثلم
اتنفس ارماد الخيم
~~~~~~~~~~
من التعب ويلّي باد كل حيلي والصلا كمت انه اصليها بجلوس
عاينتلك خويه وبهايه متت
خيول عشره داست ابصدرك شفت
غير ارسومي هالجرح خلاني اعيش بلا صبح
كل زماني
مااكدر انسه محنتك شيبة الكاع امصيبتك
كل زمانه
ابكلبي جرحك انرسم
اتنفس ارماد الخيم
~~~~~~~~~~
العيون .. تبجيلك
والأطفال .. تشكيلك
يعباس .. شحجيلك يالكمر
~~~~~
طحت ليش .. ترد بيش .. تره الجيش .. اجه ابزود
يخويه الجيش اجانه وحرك اخيامي
وبــس راسك بكه ياخويه كدامي
بـــس الماي منك ردنه يالضامي
منو ايصبرنه بعدك خويه ويحامي
بالحبال .. شدونه
وعن الناس..عزلونه
ينوماس .. ضربونه يالكمر
~~~~~~
شفت جود .. صحت عود .. والازنود.. دمه تسيل
يسباح الكلب ياخويه يالغالي
تعال وشوف وني ولوعة أطفالي
غيرك مالي واحد ينظر الحالي
يالمدليلني اسمع نوح دلالي
أصد وين .. ما ادري
والآهات .. البصدري
يفض ريت .. كل عمري يالكمر
~~~~~~
العمر صار .. ضمه ونار .. والزغار .. تون نوح
امكيدينه ابحبل والونه تترتل
وتغير لوني والشمات ما تخجل
انكسر عودي وصرت الورده من تذبل
يوسفه الموش زلمه اعلينه يتمرجل
يجيدوم .. شافوني
صحت اه .. سمعوني
الحبل عاش .. بمتوني يالكمر
~~~~~~~
الهوه إيميل .. السمه تعيل .. الوجع ليل .. يعباس
شنسه من الخيم من ناري شتذكر
يخويه ابليل وحدي أتفقد الخدر
مره أبهمي اكوم وأمره اتعثر
واسمع خولي يسبي ويشتم ابحيدر
يشتمون .. كدامي
يحركون .. بخيامي
صحت وين .. الحامي يالكمر
~~~~~~~~~~
يشد روح .. بالجروح .. يمذبوح .. العلم طاح
السهم من جاك كاصد جان الك لهفان
وانته الهل سهم فاتح نحر ديوان
اعرفك ما ترد الداني والحيران
ياشيخ الهواشم يا كمر عدنان
يوفاي .. ما ترجع
السمه تريد .. انه اطلع
والحسين .. يتكطع يالكمر
~~~~~~~
الناشر خادم العترة, [٢٦.٠٧.٢١ ١٢:٤٤]
يامهدي .. شهر الحزن نبچيله
يامهدي .. الـليـله سابع لـيلـه
________1________________
ليلة السابع مصيبه وبيها السوالف قـهر
خضر الشيب اعله زينب يوم شافت هالكمر
كلها راح ارويج يختي انتظري جيتي بلا نظر
انتظرت ومارجع تالي مكطع ابصف النـهر
يامهدي .. راح اليروي العيله
يامهدي .. اللـيله سابع لـيلـه
________2________________
الكمر طاح اعله جوده وجفه طايح عالثره
وعينه نابت سهم بيها والضلوع امطشره
زينب ابدمعتها شافت يمه جيش شمكثره
وشافته موذر اسكينه وبقت بـعده حايره
يامهدي .. طاحت بطيحة حيله
يامهدي .. اللـيله سابـع لـيلـه
________3_________________
للكمر راح ابو اليمه ويابس ابحزنه وذبل
كله خويه شبيك كلي كلـه كاتلني الخجل
واعدت زينب تراني وصار عدهم خيط امل
خويه خليني ابمكاني وخلي بالك عالأهـل
يامهدي .. رد ومنهدم حيله
يامهدي .. اللـيله سابع لـيلـه
____________________________
يامهدي .. شهر الحزن نبچيله
يامهدي .. الـليـله ثامـن لـيلـه
____________1______________
ليلة شموع وهلاهل والفرحه نـار وعذاب
المصايب كلها صعبه ويختلف هذا المصاب
القاسم امخضب ابحنته وللعرس فاتحله باب
والعرس صار ابضربهم ويلي ياجرح الشـباب
يامهدي .. دمع الشباب انسيله
يامهدي .. اللـيله ثامـن لـيلـه
____________2_______________
شايل ابجفه الوصيه و راح يـم عمه الابي
كله عمي وصيتي هايه وجيت احقق مطلبي
كـله ماتحمل سيوف زغير وبـعدك صـبي
والدي كـلي ابـدمعته افدي عمرك للعبي
يامهدي .. شافه واجه لتقبيله
يامهدي .. اللـيله ثامـن لـيلـه
____________3_________________
برز للحومه بدموعه وصاح اميري المنفجع
وصوت الخيام بطلعته خطوه خطوه يرتفع
قاتـل و فـرق عددهم وانـتشـر يـمه الجـمع
هناكه لن يركض وتالي شـسع نعـله ينگطع
يامهدي .. وضربوا الراس ابغيله
يامهدي .. اللـيله ثامـن لـيلـه
الناشر خادم العترة, [٢٦.٠٧.٢١ ١٢:٤٥]
يامهدي .. شهر الحزن نبچيله
يامهدي .. الـليـله تـاسع لـيلـه
____________1______________
ليلة الاكبر عجيبه وبيها الحسين ابعذاب
طاحت ارسومه وتغير لونه واندار النكاب
شلي بالدنيا بغيابك كله وانعيش بسراب
طولك وكشخة جمالك وسفه خربها التراب
يامهدي .. تمدد بصفه ادخيله
يامهدي .. اللـيله تـاسع لـيلـه
____________2________________
اول اسباع الهواشم جان الاكبر بالطفوف
مهدل بهيبة عمامه وخزرة عيونه خسوف
اليشوفه يطيح ميت عنده حظ المايشوف
طشرت دمعتها امه بطلعته وكامت تطوف
يامهدي .. ابـرجعته تـدعيله
يامهدي .. اللـيله تـاسع لـيلـه
____________3__________________
استجاب الله الدعاء ورجع للـخيمه الولـد
من العطش يابس لسانه وصاح يابويه المدد
كلـه يابويه البشاره انطيني يالتسوه الـبلـد
جدك يـرويك كلـه و بـعد ما تعـطش ابـد
يامهدي .. بالخيمه تسمع لـيلـه
يامهدي .. اللـيله تـاسع لـيلـه
____________________________________
يامهدي .. شهر الحزن نبچيله
يامهدي .. الـليـله عاشر لـيلـه
_________________________________
بليلة اليرضع نسولف عالترافه وعلـ عمر
عمره ست اشهور جان وعود ابو راده ذخر
الـورده نـزكيها بـنبعنا وناتج الورده عـطـر
لچن عبدالله الزغير امـن المـخير لـلكبـر
يامهدي .. سهمه بقه يلوليله
يامهدي .. اللـيله عاشر لـيلـه
__________________________________
يبست اشفافه وتفتت كلبه من كثر الألم
وطلعت لحسين زينب ابنه من ذيج الخيم
تكله هاك ابنك يعيني وكام يـسرع بـالجدم
چـان كـل ضنه يعيش وتالي فطموه ابسهم
يامهدي .. ناغتله رمله وليله
يامهدي .. الليله عاشر لـيلـه
__________________________________
حرمله الهد حيله كله وكثر ابسهمه الجراح
ازغـير وكام ايـتلولح راسه وتـحركه الريـاح
والرباب امه تـتاني وزاد بالـخيمه الصياح
كـلها لتـعدلين مـهده يالرباب الطـفل راح
يامهدي .. كامت تشمه العيله
يامهدي .. اللـيله عاشر لـيلـه
___________________________________
يامهدي .. شهر الحزن نبچيله
يامهدي .. الـليـله عاشر لـيلـه
_______________________________
لـيلـه العاشر الوحشه وانفتح بيها الجرح
زينب ابونتها تسهر والبچي بطرت الصبح
شافت الخيل وضحكهم يم اخوها المنذبح
وشافت اجفوف ابو فاضل وسط ناس الموصلح
يامهدي .. لاذت بسدها العيله
يامهدي .. اللـيله عاشر لـيلـه
_________________________________
ركضت الريحة اخوها وتيهت طـول الدرب
تعثر ابجثت اخوها تعوفه مـو هذا الصعب
شلون يـاناس العقيله تركض ابـنص الغرب
هـذا الـيسب ويشتم ذاكـه گاضيها ضـرب
يامهدي .. طول السبي تنعيله
يامهدي .. اللـيله عاشر لـيلـه
_______________________________
بعد كل هاي المصايب والجره ابنت النبي
ارد انشدك يا امامي شلون شاهدت السبي
كلٌـي يا موقف يجرحك جـرح تـل الـزينبي
لو جرح نـار المـخيم و المراكض علـ عبي
واويلاه .. شيعوا جنازتها ابدمه
واويلاه .. ماتت يشيعه فاطمه
__________________
الزهره ماتت من حزنها وضلت اتسيل الدمع
اتكول ياناس اضلموني وعذبوني بهالوضع
باب من اجذوع يعني ثكيله طاحت عالضلع
ونابت البسمار بيها ومات محسن منصرع
واويلاه .. بالعتبه محسنها انرمه
واويلاه .. ماتت يشيعه فاطمه
___________________
روعوها والهضيمه ابابها وكفوا سره
خلف هذا الباب لاذت وهيج ضلت حايره
كالوا اتلثميت واحد هجموا وهيه مره
يعني كل دفعه تموت ودم صدرها شمكثره
واويلاه .. موقف كسر حامي الحمه
واويلاه .. ماتت يشيعه فاطمه
_____________________
هو بس الباب يحمي عدها والحاقد يجر
فجئه لن كله ايتحول نار واعياط وكسر
يعني محتركات اديها ابابها الصاير ستر
والاشد حاقد يصيح اي وأن شعلوا الجمر
واويلاه .. نزلت تطفيها السمه
واويلاه .. ماتت يشيعه فاطمه
______________________
الموقف اليصعب عليها اليحمل اهات ورعب
زينب ازغيره وتشوف اشلون امها تنضرب
تبجي ما تكدر تطفي النار واتخاف اليطب
وصدت اعله عيون ابوها وشافت عيونه تصب
واويلاه .. دنياها صارت مضلمه
واويلاه .. ماتت يشيعه فاطمه
________________________
حيدر ابدمعه يغسل روحه واتصب عبرته
ايكول راحت ام ابوها وام علي ورويحته
المارجف بالحرب رمشه بلحظه كله هزته
الجان يتنفس هواها هسه تكتل خنكته
واويلاه .. بعدج على الدنيا العمه
واويلاه .. ماتت يشيعه فاطمه
#سيد_محسن_الجابري
عاهدناك .. بعالم الذر واحنه غايتنا المصيبه
عاهدناك .. بربعينك كلنه نمشي ويه الغريبه
______________________________
ياعشك دلانه كلشي وبيك هنياله العشك
الذايب ابحبك يبين نلكه كلـبه محتـرك
جرحك ايطيب نحسه ونفرح بطاري السحك
واحله ايـام ابعمرنـا هيـه أللام الطـبك
ما ننساك .. ويفرح الخادم تره بونه ونحيبه
عاهدناك .. بربعينك كلنه نمشي ويه الغريبه
________________________________
جينه وبدربك مشينه وندري دربك منفرد
مـن بـقاع الدنيا نمشي وما يـوكفنا البعد
الزهراء ويانه اجـتي و جـايه ابـعمر الورد
والعـقيله الحزمتنا وهيه بـالهمه تـشد
دوم وياك .. وشنعوفك وانته خدامك مُهيبه
عـاهدناك .. بربعينك كلنه نمشي ويه الغريبه
__________________________________
بگبرك الاملاك تحضر تكعد بنص حضرتك
وتنكضي الحاجات كلها بلحظه جوه كبتك
والسماء السبعه تنزل خادمه وعد شارتك
وتحجب الدنيا بكبرها والله بـاجر رايتـك
والكل جاك .. فطرس ابجنحه يهفي مو عجيبه
عـاهدنـاك .. بربعينك كلنه نمشي ويه الغريبه
____________________________________
شكد كرامات ومعاجز شفنه بدروب السبي
الكفيف ايشوف دربك والمكرم يمشي بي
والنسه اتواسي الزجيه وحافضه لستر النبي
وبعتقادي المهدي نفسه يكوم يتلكه العبي
عد عيناك .. وعين ابو صالح علينه شكد قريبه
عاهدناك .. بربعينك كلنه نمشي ويه الغريبه
________________________________
سفره مدينا شكبرها من النهر حد النحر
بيها كل الخير طالع طلعة اهلال ابـشهر
والمعزب بيها نلـكه ذاكه ليسر النضـر
تخـيل الكافل يعزب بيها ويوزع ظـهر
يـاحـياك .. يصيح كل الهلا للجاي الحبيبه
عـاهدناك .. بربعينك كلنه نمشي ويه الغريبه
______________________________
العاشك الهايم امبين نلكه خيمه بداخله
ولو تريد اتعرفه اكثر سهله هاي المسأله
تمعن ابعينه وتشوف حسين ويه القافله
وباي مكان اتريد خله يصيح هايه كربلـه
حبيـناك .. والجرح متونس بلجمة طبيبه
عـاهدناك .. بربعينك كلنه نمشي ويه الغريبه
#سيد_محسن_الجابري
||مشاية للغالي ||
كلمات خادمكم سيد محسن الجابري
اداء الرادود وسام الشيباني
مجالس العشره الثانيه حسينية الامام علي ع
محافظة ديالى ناحية قره تبه محرم ١٤٤٣ هـ
اخراج وتصوير عدنان الشموسي
مكساج علي مرتضى
رابط القصيده كامله على اليوتيوب 👇🏻👇🏻👇🏻
https://youtu.be/8kcOS24qQqs
نسخه معدله
يالجرحك يجر بالروح .. جـيتك مذنب ونـادم
خـليني الـوذن بيـك .. واحسبني الك خـادم
________1_______
كلش امقصر واجيتك اعترفلك واعتذر
هوايه مرتاح وأسولف وانته خاوي ومنكسر
توجع الكلمه من اذكرك واذكر ايام الهجر
عمرك اشكد صار وانه افرح ابطاري العمر
كل عمري الك منذور .. بس كونك تضل سالم
خليني الوذن بيك .. واحسبني الك خـادم
________2______
ذابل و خجلان منك و اعرك اشما أنسئل
لو يسئلوني اعله حيلك يعثر الساني ويزل
شرد اكلهم والهضيمه بيه نارك تشتعل
شويه اصب دموع وانته من البواجي ما تمل
وبدمعي اجر حسرات .. واذكر جدتك فاطم
خليني الوذن بيك .. واحسبني الك خـادم
________3_______
محلفك ابنار الزجيه عني لدير النضر
بلايه نظراتك عليه عمري بس هم وقهر
ضايع وتايه بدونك ومدري وين المستقر
الانتظار هواي يوجع يمته اشوف المنتظر
شلون اكدر اشوفنك .. ومنك كلشي ما فاهم
خليني الوذن بـيك .. واحسبني الك خـادم
________4_______
نزلت ادموعي وذكرتك جرحي لمزيد النزف
عيني التغمض وتباوع ولحظه عينك ما ترف
بدنيا غربه چني عايش وبيها بس انته العرف
مخيط اجروحي ابلقائك بلكي بجروحك ارف
ما تكدر تغمض العين .. وانه اعله الذنب نايم
خليني الوذن بيـك .. واحسبني الك خـادم
________5________
حسره المحتار ذكرك يابو طول المنحني
اعتذر هالفتره ناسي يالي جرحك موطني
كلشي ناطيني واحسك چنك اتكلي هني
ابد ما معتني بحبك وانته بيـه التعتني
انسه واتركك مولاي .. ودوم لتوبتي اتساهم
خليني الوذن بيـك .. واحسبني الك خـادم
______________________
كاضي بل اهات عمرك والجرح يمك غبش
تبجي لمصاب العقيله من مشت يوم اهدعش
صعدت النوك الهزيله والحزن بيها انـفرش
كلشي عطشان ابطفوفك وانـه كلـبي ما عطش
كـل ما ينذكر هالماي .. يالچم جرحك الدايم
خليني الوذن بـيك .. واحسبني الـك خـادم
#سيد_محسن_الجابري
السبي يعني هزل تمشي وتميل
كلها نسوان وطريق شكد طويل
السبي يعني العقيله بلا كفيل
و الكفلها مكطع وصاير وذر
________________
السبي يعني برمح راس الذبيح
وزينب اعله حسينها تون وتصيح
وويه كل خطوه تره تكوم وتطيح
وراس اخوها شما بچت دار النضر
_________________
السبي يعني ابحبال امكيدين
حبل واحد كله ملتف بالأدين
السبي يعني رقيه بلا حسين
تحلمت بالراس بس ماتت قهر
__________________
السبي يعني الوجع شامت يشوف
بت علي ونسوان يمشن ويه الوف
اه مـنج كـربلـه ومن الّـطفـوف
شيبت زينب تره بلمح البصر
__________________
السبي هند اللي ضلت حايره
وتنشد النسوان عن زينب تره
صدك هيه بت علي ذيج المره
كالت ودمعاتها اتسولف صور
__________________
السبي ابنص سوك مشونه العبيد
وقدمونه برمح راس ويه الشـهيد
السبي من الشام صارت چنها عيد
والكمر يم اخته ضل شابع نضر
#سيد_محسن_الجابري
خدمتي ومابيها الزهره كوّن ارضيها
مولاتي مولاتي مولاتي
~~~~~~~~~~~~~
بيها الكه الخير كله والله يرفع شأني
شسوه انه بلا خدامه وعايش المن اني
لو لساني يميل عنكم بيدي اكص الساني
نعمة الله انطاها وللخدم خلاها
مولاتي مولاتي مولاتي
~~~~~~~~~~~~~~~
لان خط بكلبه حبكم حد اخير انفاسه
واليحس الخدمة تسري بمصدره وإحساسه
المهدي يتعنه الحضرته وبيده يرفع راْسه
يسجله من خدامه ويفرح بهندامه
مولاتي مولاتي مولاتي
~~~~~~~~~~~~~~~~
دوم رافع راْسه يبقه وعالي ضَل تقديره
واللي دك بايده صدره والدمع تفسيره
باجر ام حسين والله تصير هي انصيره
بالممات اتحضره وبالقيامه تنصره
مولاتي مولاتي مولاتي
~~~~~~~~~~~~~~~~~
وما نميل احنه ابسوالف كل نفع مابيها
بهالخدامه نرضي الله والله يرضه اعليها
والف هنياله اليبجي الزهره وي واسيها
بدمعته السجابه عالضلع وامصابه
مولاتي مولاتي مولاتي
~~~~~~~~~~~~~~~~~~
والحضه بهاي الخدامه حاز كل النعمه
الزلمه لا مو بالمظاهر بالمجالس زلمه
لان دك صدره اعله ابنها بالذهب خط اسمه
الخدمه يا محلاها افتهم معناها
مولاتي مولاتي مولاتي
#سيد_محسن_الجابري
ليلة القاسم
ياقاسم بهمه تحزم لبو اليمه
شد العزم .. ويه الزلم .. وفيله يا يمه
~~
يمه أكلك روحتك ما منها جيه
كله ياعمي تره جيت بوصيه
وصيه من الحسن جايب للمنيه
وياك .. كلالي اسمع يالولد لتعوفه لحسينك ابد لا تنتظر
وصاك .. لو شفته وحده منفجع سل سيفك والبس درع وانطي عمر
سارع ييمه بخدمته وروح بأرادة
لحسينك تحزم .. ولو حدك اتقدم
سوي الصعب وأطوي الدرب واصدمهم بصدمه
~~
هذا يومك يالولد واحجي التكوله
كلها يا يمه الخصم معقوله ذوله
اليوم اصفيهم واصول شلون صوله
بالسيف .. ابسيفي ما اثني وعلي ماخذ شمرتي من علي ومن الكمر
مو طيف .. ابكيفي انه أطبر طبر واتفنن وأشمر شمر فنه العبر
اله اخلي الكوم تشعر بالمنيه
يا يمه احجيله والعمي كليله
هذا الشبل لا ما يمل ويرخص بدمه
~~
وابقه يمه واكف وكل ساعه طوفه
و من تشوفه لوحده قدر ظروفه
وعوف كلشي يالولد بس لا تعوفه
وشموع .. اشعلك أشموع العرس ياروحي واغله من النفس يامهجتي
ودموع .. ما ابجي انه الموتتك ارفع الرأس بطلعتك يا غايتي
ياروحي وفِي العمك ونول الشهاده
يا يمه والهامه تطبرها كدامه
مثل الكمر .. يم النهر توكع ردت يمه
~~~~
اليوم اوفي شويه من عندج يغاتي
انتي علمتيني يمه بكل صفاتي
وانتي كتي حسين صومي وكل صلاتي
وفيت .. يايمه وفيت الوعد من عندج أرد اسمع بعد كلمة نعم
وانطيت .. عمري وشبابي وحنتي ولحسين انه كل غايتي
رافع علم
يمه افرحي وعلي راسج يالعظيمه
كلتله بس هايه تكفه بهل حجايه
ابني الشهم يسوه الزلم اتحزم بعزمه
~
لسان حال مولاتي الزهراء عليها السلام
وهي تخاطب ولدها الكافل وتقول
يعباس .. خلص كلشي
يعباس .. العلم مجفي
يعباس .. اخذ جفي ........ أنه الزهره
______________
اجيتك والضعن يبني رايد منك اميه
لكيتك طايح ودامي وطولك صاير اشويه
طايح عالارض حيلك واجيت ابستري اهفيلك .. يروحي
من شفتك هويت الكاع ردت اتكوم ماتكدر
طلع نابت سهم بكفاك و سهم ابكلبك الأثر
صفيت ابحيره من امرك وزينب واكفه اتنطرك .. يروحي
تحاجيك .. يبو الكلفه
تحاجيك .. طحت وسفه
تحاجيك .. وترد تبجي .......... أنه الزهره
______________
ييمه من هويت الكاع طاحت روحي مسبيه
وسهم النابت ابعينك خضر هالسهم بيه
شفتك نازف اجروحك وانته تاكل ابروحك .. يروحي
ردت ابجسمك الكه امجان سالم ماله اثر طعنه
وكل هذا اللي صاير بيك وانته اتفكر ابسكنه
خجلت روحك عليها من تسمع بواجيها .. يروحي
احس بيه .. سهم عينك
احس بيه .. انهدم حيلك
احس بيه .. وكمت انعي ........... انه الزهره
_________________
اخ حسين من شافك يمه وتكتل الحسره
اجاك ابنص ظهر مجفي رد منك بلا ظهره
وحده ويكسر الخاطر ظهره هلال جن صاير .. يروحي
روحه اتفرفحت مابي حيل ايكوم ويعوفك
ولا يكدر يضل يمك وزينب تنطر اجفوفك
كام ايسند ابروحه وعين الناس مفتوحه .. يروحي
يرد بيش .. من عندك
يرد بيش .. جا واختك
يرد بيش .. وشيحجي ............ انه الزهره
___________________
رجع يم الضعن مكسور حيله وطاحت ارسومه
يزينب راح اخوج ايصيح يختي وسالت ادمومه
يكلها يوجع المنظر تكطع جسمه وموذر .. يروحي
حملني سلامه عليج كلج خويه اعذريني
خبطت الماي ويه ادماي انه وراحت اسنيني
ضل يسأل على احوالج ويكلج راح كفالج .. يروحي
بالدموع .. طبك جفنه
بالدموع .. بقت سكنه
بالدموع .. خلص عمري ................ انه الزهره
___________________
يبن القدمت كلشي و كفو من الذي ربت
من دارت صدرها اعليك غيره ويه اللبن صبت
ترست بالوفه راسك وطلعت شلون عباسك .. يروحي
اجازيك ابوكتها هناك يبني بساعه المحشر
اخلي الناس كلها اتشوف ذنب اليكفل الخدر
بوكت المايضل غافل اشيل اجفوف ابو فاضل .. يروحي
واشوفك .. كلمه وفايه
واشوفك .. انته والرايه
واشوفك .. عالنهر تروي ............... انه الزهره
#سيد_محسن_الجابري
حرمة وامشي ويه الضعن خلوني
بعد عينك بس شمر بعيوني
~~~~~~~~
مره اموت عليك مره من القهر
شلون اشوفك وانته مرمي عله النهر
وسهم جودك بي يخي اذوني
~~~~~~~~~
وشفت هم جفينك وطايح علم
خويه وعيونك نبت بيها السهم
ريت ياخويه السهم بعيوني
~~~~~~~~~~
هالعيال من الرعب مليانه خوف
كوم يا عباس دارت ها لألوف
عالخيام وشوف طك امتوني
~~~~~~~~~~
والله شيب كلبي من هذا المصاب
خويه سحكو صدر اخوك اعله التراب
وبحوافر خيلهم سحكوني
~~~~~~~
جتفونه خويه و بعيد الدرب
وهذا يشتم ذاك كاضيها ضرب
ريت حاضر خويه من ضربوني
~~~~~~~
اطفال وخيام وحرم نار وعويل
كلها صاحت عمه جا وين الكفيل
وعكبك باسمي العده صاحوني
~~~~~~~~
ويم ابو السجاد بدموعي رحـت
ريت موتي ولا اشوف اللي شفت
وحدي مابين الزلم خلوني
#سيد_محسن_الجابري
يامهدي .. تبجي دمه لياليلة
يامهدي .. اللـيله عاشر لـيلـه
_______________________________
خادم الزهراء سيد محسن الجابري
حچاية انصار .. واحنه نختار
جـنه لـو نــار .. ياضوه العين
___________________
صحنه ياوجه الصبح .. بينه سالوفة جرح
كـون كـلنه ننـذبـح .. و لا انته
بينه حركه من الخيم .. ونفرح بطاري السهم
الـمنه كلشي ما سلم .. يابخته
وياك جينه ونعرف بنيتهم الجيش
ياهوانه المن نشمك نصرخ افيش
خل نموت وياك خاطر باجر انعيش
نحسد الطاح .. وشابع ارماح
ويـانه ارتـاح .. ياضوه العين
____________________
ارتاح مانخلف وعد .. ولا تحشمنه بعد
وياك من بلد البلد .. تامرنه
كلشي وياك انهمل .. وما نفكر بل اهل
جينه نتكطع وصل .. بعاشرنه
اليحب يحجيلك ابعينه الاماني
واحنه حبيناك ما حبينه ثانـي
بـعد يا ابو رقيه ما نكدر نـتاني
نسولف ضنون .. والحجي عيون
تسوه هالكون .. ياضوه العين
______________________
شهر جرحك من نزف .. كلشي بينه مارجف
الواحد ايعادل سلف .. بالمحنه
نسولف بعشك الكلب .. والعشك يسوه الحرب
ابـد غـيرك بالـدرب .. ماشفنه
زيـنب اتـكلك عـلينه ونـهر بـالعين
كلها كلهه تروح فدوه لخدر الحسين
كلنه نعطش كون بس انته اللي تروين
نسكي العيال .. بدم الرجال
و بـينه كـفال .. ياضوه العين
_________________________
غيمه صارو عالاهل .. مسلم وجون الفحل
وشيخ الانصار ارتجل .. بحروفك
غير نورك ما شفت .. صاح وبحبك ذبت
لـو الـف مره مـتت .. ما اعـوفك
طـب حـبيب الغـيره ويـكله حبيبي
شلون اعوفك وانته دمعاتي ونحيبي
كـلبي مكسور و صرت انـته طـبيبي
كلبي مفجوع .. بعشك الدموع
وبيك مطبوع .. ياضوه العين
__________________________
صوت الانصار ارتفع .. عابس الكلبه انخلع
شاف الحسين و وكع .. عد راسه
صحبه ميهمها التعب .. أنس الاغله من الذهب
مـالك و كلـمة وهـب .. يم ناسه
طلك الدنيا وحلاله وقدم الروح
وكله يامولاي كلشي لجلك يروح
ياحلاة اليوكع مخـضب بالجروح
ياهوه الروح .. تسوه الجروح
بديرة النوح .. ياضوه العين
__________________________
#سيد_محسن_الجابري