-
Mohsen Aljabri
#ليلة_الحادي_عشر
من طاحو زلمنه وخلص العاشر
شتعلت بيه نار الـهيمه والحافـر
للزغار .. اركض واعثـر والحجار .. عليه يتشمر
اه يروحي .. اه يروحي
__________________________
من طفت خيمتنا والكل طايـحه
بيـه نـار الهضم نـصبت فـاتحه
واليعزينـي يجينـي ابـنايـحه
التعزيه ارمـاح وسهـام الجـارحه
واللـيل اليـجيني ايــزيد ابنـوحي
من غير الحاجي الما ينحجي بروحي
والعيال .. ويـايه مفجوعـه
والحبال .. بيدي مطـبوعـه
اه يروحي اه يروحي
___________________________
كـل شـراره بگلبـي تحرك بيـه
شحچي وهواي السوالف هيه
بجال عزكم چنت انه مـحميه
هسه سـموني الخلك مسبيه
بيد اشگف ضربهم بيد ادورهـن
والراحن يـخويه شلون ارجعهن
بالرماح .. يدفع الخايـن
والصياح .. يعله ويـاهن اه يروحي اه يروحي
________________________
ولسبي ياخويه من مشونـه
بـكل درابين العـرف فـرونـه
ابـاب ساعات القهر وگفونه
وزينوها الشـام من دخـلونه
وارد اسئل سؤال وعوف المـلاگه
شيخلـص طـريق الشام بالـناگه
والجواب .. شفته بعيـونك
بالعتـاب .. لا يأذونـك اه يروحي اه يروحي
________________________
الخطوه امشيهـا ابمنيه وعاشر
يعني كل خطوه احس بـالحافر
يـومي ما يخلص يضـل امناطر
ولو خلص يـومي شيخلص باجر
باچر تـكعد ارقيـه ابـواجيها
وتمـوت اللي منها اخذوا تراچيها
بالحساس .. شافت الوالد
وعـالراس .. يضرب الحاقد اه يروحي اه يروحي
__________________________
خويه وابن زيـاد تخـزر عينه
وراد خـدامه تـصير اسكينـه
والله لـو موجود انتـه اتهينه
وما تخلـي واحد ايـحاجينـه
خويه المعذره خوما زدت هـمك
عذراً يـبو فاضل بـس احـبنك
بالظلوع .. جمرة اسنينك
والدموع .. هايه من عينك اه يروحي اه يروحي
____________________________
#سيد_محسن_الجابري
#نسألكم_الدعاء
#نزال
#ليلة_علي_الاكبر ع
علي الاكبر علي .. علي الاكبر علي
_______________________
تحزم ابـتاره .. بالحرب دك غاره
علي الاكبر بيده .. راد ياخذ ثـاره
علي طشرها الجماجم علـي فاير دمه
كلها ترجف من خزرته وركضاهم اسمه
نازل عليهم ويضحك والحرب متـهمه
هوه ياجيش اليخـوفه وابوفاضل عمـه
علي الاكبـر علي .. علي الاكبـر علي
___________________________
يـا جمال عيونه .. يـا حلاة امتونـه
شبل سيد الجنه .. بيـمن ايشبهونه
الاكبـر اليشبه محمد بالخلق وبشكله
واللي يبغض ال طـه نلگـه خلـه بأصله
اليشوفه ايطيح گلبـه وحيله طايح كله
صـاح يابـويه العساكـر هاي كلش سهله
علي الاكبر علي ..علي الاكبر علي
_____________________________
الحرايب عيـده .. الما وصله ايصيده
علي الاكبر شايل .. عزم حيدر بيده
من برز حيرهه كلها بكل شجاعه يقاتل
احتاروا الجيش ابنزلته جن عذاب ونازل
نصهم ايصيحون حيدر علي هذا الفاعل
ونص الاخر من وصلهم صيحوا بو فاضل
علي الاكبر علي .. علي الاكبر علي
________________________________
نزل شاب بعمره .. الضمه خانك صدك
توكل ابكل هـمه .. وطبك يـمنه بيسـره
من هجـم صاحوا القاده هذا بعد زغير
سرفـن اردانـه وگصدهم كام بيهم يطبر
بيده طر الجيش كلـه و بالزلم ضل يشمر
بسطرة العباس عـمه ويـا علي مـن يسطر
علي الاكبر علي .. علي الاكبر علي
_________________________________
من وصل لخيامه .. حسين شال الهامه
وامه هم تدعيله .. تحـزمت بحـزامه
الحر اشتد عالوطيه والعطش من جاسه
ضنهم الاكبر استسلم وبـأخير انفاسه
ومن برز بكر ابن غانـم بين گومه ونـاس
رجـع الاكبـر للمخيـم بيـده شايل راسه
علي الاكبر علي .. علي الاكبر علي
#سيد_محسن_الجابري
#نسألكم_الدعاء
#نزال
#ليلة_العباس
غضب نـازل .. ابو فاضل
__________________________
نـزل هيبـه و رجولـه .. نـزل يمشي اعله طوله
وطبك ذوله ويه ذوله .. ولا همه العدد
اخـذ بيـده القيـاده .. وگلـب حتـه الوساده
ورفع رايـة السـاده .. ولخيته ضل سنـد
طاحوا يمه الخياله .. الشارد صاحوا هنياله
قاتلهم بس بخياله
طر الجيش .. حته خيال الكفال طر الجيش
منو يقـاتل .. ابو فاضل
_______________________
هـجم صال ابـنزاله .. مـثل حيدر قـتاله
اليخطفه يصير حاله .. مثل حال النزف
النزف بالحومـه دمه .. نگول اعليـه زلمه
سبع من شال جـدمه .. ولـو يمه رجـف
الـطف شاهد صولاته .. ميثنيهن ضرباته
حيدر جن طب ابذاته
ذب الوان .. اليخزر عينه العباس ذب الوان
نـزل راجـل .. ابـو فاضل
________________________
كلب بيده الشريعه .. ابو عيون الوسيعه
هجم هجمه فضيعه .. ابو فاضل غضب
اليصيده يطيره راسه .. شهـم كله فراسه
بعبرته المـاي جاسه .. وطشر هـالرگب
تجدح خزرات عيونه.. كافل خيته ايسمونه
ليخطفه يخطف لونه
راسه يطير .. اليخطف منه العباس راسه يطير
من السائل .. ابو فاضل
__________________________
خنگ حتـه الوطيه .. ابن حامي الحميه
او حافض عالوصيه .. ابو فاضل فخر
كفل خدر السبايـه .. رفـع بالحومه رايه
يزبنب هاج هايـه .. اعيوني والنهـر
يازينب انه گبالج .. محد يوصل لخيالج
طمنيهم خويه اطفالج
مو بخيام .. خويه بعيني تنامين مو بخيام
نـهر شايل .. ابو فاضل
____________________________
گـمر بالسمه ضيـه .. على خيام الله فيه
بسطـرته اتطيح ميه .. والباقي تنسحك
سبـع بالحومه نازل .. غيره وهيبه شايل
اليسطره ابو فاضل .. بجهنم يحتـرك
براسه وسيفه الحروره .. الكافـل بالطـف اسطوره
المالاحه يوزع انذوره
يوج النار .. الضاگ ايمين العباس يوج النار
بفعـل فاعل .. ابو فاضل
#سيد_محسن_الجابري
#نسألكم_الدعاء
المجلسج كلنه اجيـنه .. يم عباس
نـضره منج يالـحنينه .. يم عباس
____________________________
بمجلسج حزمنه كل احنه الضمائر
والضلوع اتوضت ابدمـع النواضر
فـزعتنه الـخدمتج هـاي المنابر
مثل فزعت عابس وابن مظاهـر
الفاتحه بسمج قرينه .. يم عباس
نضره مـنج يالحنينه .. يم عباس
____________________________
يالي نورج ساطع وخيرج اجـانه
منج اتعلمنه كلشي ياضوانه
كلتي ليريد الحياة ابلا خيـانه
لازم يحب من صدك صاحب زمانه
ويه ابوصالح دعينه .. يم عباس
نضره مـنج يالحـنينه .. يم عباس
____________________________
لو رثينـه ولـدج ابمجلس عزيه
نحسج اتزعلين منـه يالـوفيه
چنج اتكـولين لتلچمـون بيـه
الدمعه تحله بس فقط لبن الزجيه
واحنه هالدمعه اشترينه .. يم عباس
نضره منـج يالـحنينه .. يم عباس
_____________________________
يالوفيتي الحيدر وطيبتي كسره
ويالرضيتي بفعلتج فاطمه الزهره
ويالنذرتي العمر للهشموا صدره
وكلتي انذرلك ردت يحسين عشره
صرتي اشراع السفينه .. يم عباس
نضره منـج يالـحنينه .. يم عباس
_______________________________
ندري اليثابر يحصل عالـنتائج
وانتي جاهدتي ووفيتي وما نحاجج
لأزم ايـخطون اسمج بالمناهج
لان صـرتي الباب انتي للحوائج
نبتعد وانتي تجـينه .. يم عباس
نضره منـج يالـحنينه .. يم عباس
______________________________
يالنعمتج دائمه يـم البواسل
يالي تنطين الهدايا بلا مقابل
وابـد متردين يافاطمه سائل
هو جا غير البطنج ابو فاضل
الكمر تارس ادينه .. يم عباس
نضره منج يالـحنينه .. يم عباس
#سيد_محسن_الجابري
#ليلة_العباس
لسان حال مولانا الامام الحسين عليه السلام
مخاطباً مولاتنا العقيله زينب عليها السلام
قائلاً
راح عباس .. يختي طايح عالنهر
راح عباس .. وانكسر يمـه الظهر
يـكلي خـليني ابمكاني وعفته
ثاري كلش مستحي من اخته .. راح عباس
__________________________
لمن وكع وابطيحته الحك الي صاح وسكت
رحت وركضت المصرعه وعيوني وحدها بجت
من نبرة ونينه اعرفت ضل باله يـم الما روت
انهدم حـيلي وشـيبت عد راسه
فـكره يـم الخيمه مو يم ناسه
جـاب طاريج بـأخير انـفاسـه
يسلم اعليج الگمـر بحساسـه
راح عباس .. كلشي من بعده ذبل
راح عباس .. ضل يسولف عالأهـل
كتله كلي شيوجعك كال انته
ثاري كلش مستحي من اخته .. راح عباس
____________________________
ياخويه من يمه اكعدت بين عالرسومي القهر
الـرجف ابـطوله العـده امـطشر وصايـر وذر
ابطولي چنت امشي عدل خلاني امشي بلا ظهر
انكسر ظهري وحدبت لونـينه
الشفته يمه يختي لتشوفينه
زنوده مكطوعه وسهام ابعينه
وفوك كـل هذا تـره امگـطعينه
راح عباس .. ذاك ابـو طول الحلو
راح عباس .. چا هسـه ليردني مـنـو
شلون اكوم وحيلي مرمي بونته
ثـاري كلش مستحي مـن اخته .. راح عباس
_____________________________
ياخيتي بالرايه شفت من كل مكان اموذره
بس قبضت ايده بلا اثر ضلت وطاحت عالثره
معناها اخيج من وكع وكفو على انفاسه سـره
واحد يبدي بجربته الروايه
الثاني يطعن بالجسدوالرايه
وهو كل هذا التغثه احجايه
صاحوا العباس طايح مايـه
راح عباس .. و الـلي اذاه الـوعـد
راح عباس .. بالخجل كلـبه انمرد
سكينه كل فكره تضل ناطرته
ثاري كلش مستحي من اخته .. راح عباس
____________________________
المشهد الاصعب عليه ياخويه من بعد الحرب
واكع على الراس العمد وتهوس براسه الغـرب
يدور عليه بكل كتر حسباله تـوني بـنص درب
يحـجي وي ذبـاحه لا تـذبحني
خل يجيني حسين ادري يحبنه
وكامت ادموعي بوجع تحركني
كتلـه انه حسين صاح ادركني
راح عباس .. وانتهى وياه الـعمر
راح عباس .. والوجع يختي الستر
ضيم الاطفال وضمه الذابحته
ثاري كلش مستحي من اختـه .. راح عباس
_____________________________
ضلت الدنيا بلا كمر ياخويه من يوم الوكـع
سودت الدنيا بوكعته وكل الدمع چن ما نفع
ياوسفه واصوات العده يم راسه وزنوده ارتـفع
شلون افسر طيحته بتفسيره
زنود ماعنده وظـلام الديـره
بعد آبو فاضل حسين ابحيره
وعكبك الدنيا تراها اگصيره
راح عباس .. وكل سوالف تنكسر
راح عباس .. بقت بس ام الخدر
صـاحت بلوعة كلب عاذرته
ثاري كلش مستحي من اخته .. راح عباس
_______________________________
وبأخر انفاسه سئلت عباسي عن حالة فرض
خليته راسك بالحضن وترد تراجعه عل الارض
جاوبني بدموعه وبجه وبكلبه موجود الرفض
كلي ما اقبل اصير بحضنك
منهو بعدي يوسدك ويحضرك
انه ميت صعبـه اضل ابكترك
بعدي عشر خيول تسحك صدرك
راح عباس .. وتحزم بحيله الشمر
راح عباس .. ووصيتي يمج تنشمر
ادري لعـيالي العـمر نـاذرته
ثاري كلش مستحي من اخته .. راح عباس
___________________________
سيد محسن الجابري
لسان حال عليلة الحسين ع
لوعه وافراك ومرض دار وخلية
وبيه شوك لكربله ولاختي رقية
انه العليله .. انه العليله
~~~~~~
يالعفتني .. أخذ كلبي وَيَاك مايكدر يعوفك
يالعفتني .. لسه بثيابي بعد ريحة جفوفك
يالعفتني .. حيّل آذاني البعد يا يوم اشوفك
حسرتي بكلبي ،،،، ودمعه بعيوني
ليش وياكم ،،،، ما خذيتوني
دمعه وآهات وبواجي شكثر بيه
وبيه شوك لكربله ولختي رقيه
~~~~~~~~~
بويه وينك .. ليش بديار الغرب بتك عفتها
بويه وينك .. يا بعد كـلب العـليله الـفاركتها
حيّل مشتاكه ،،،، لشوفة احبابي
ليش عفتوني ،،،، بوني وعتابي
والله مشتاكه اشوفنكم سويه
وبيه شوك لكربله ولختي رقيه
~~~~~~~~~~
والله صعبه .. بعينه كلشي ايموت وتعيش الاماني
والله صعبه .. كلها عافتني وصحت اه يا زماني
عمتي شافتني ،،،، بحسرتي وعلتي
كالت أخذوهم ،،،، بس بقيتي انتي
رت اموت وما اشوفن هالمسيه
وبيه شوك لكربله ولختي رقيه
~~~~~~~~~~
حالي بعدك .. مثل ذيج التشكي بس محد سمعها
حالي بعدك .. جني ورده ذابله و يقهر و ضعها
اصرخ احضرني ،،،، بويه حاجيني
كلي من بعدك ،،،،، من يحاميني
انه بغيابك تره شفت الاذيه
وبيه شوك لكربله ولختي رقيه
~~~~~~~~~~
من رحلتو .. ودعت عمري وكمت انعه اليالي
من رحلتو .. راحت اسنيني بسفر كل الغوالي
فزت جروحي ،،،، وعيني هماله
مكيده بهمي ،،،، واشرح الحاله
حالتي مو حاله يالرحتو من اديه
وبيه شوك لكربله ولختي رقيه
~~~~~~~~~~~
#ونسألكم_الدعاء
الخدمه ماي .. وتروي كل يابس ضمه وكـت العطش
الدمعه هاي .. اتحصن اگـلوب البشر مـن الـدغش
اتمعن ابصلب القضيه المذهله
شكد چبيره وفاطمه اتكلك هله
الخدمه ماي
______________________________
الجزع عالمات مذكوره حـرام واشكل اليـجـزع
اليمثل بالبجي ويه حسين الله ايجازي هالمدمع
اليمثل بالبچي ابكطره يطفي اجهنم الحمره
وتحضره فاطمه الزهره بيوم الكلشي ما يـنفع
يلبس الخادم باجر الحرير
ويتزين ابكشخة علـي الامير
والزهره هيه تحـدد المصير .. وتسير
اتسير للجنه وتصير الكـافله
شكد چبيره وفاطمه اتكلك هله
_______________________________
اليشوف ابعين كلبه ايعيش وينوْر بالعشك دربه
اليضل ابعينه كلشي يشوف يحس چن عايش بغربه
يحس چن عايش ابهندس الما مـستطعم ابمجلس
ودنـيا وأخره امفلـس تقـهر حالـته وصـعبه
حيرني حبي وحير الـخيال
فاق الوصف محبوبي والجمال
انطاني كلش وعايش ابدلال .. بدلال
اليـخدم ابفطره تراه ايـدللـه
شكد چبيره وفاطمه تكلك هله
________________________________
يقـين الدنيا هـاي اتزول تـراها ايـام و تـعـدي
دخـلي الدنيا خارج قوس وخل كلبك اله يحدي
بكلبك ازرع اجروحه وواضب عالروت روحه
تره هـالدنيا مرجوحه تاخذ بيـك وتـودي
امسح الماضي وابدي من جديد
لأالـ النبي خـل حركتـك تـزيد
اتقـرب الهم لا تضـل بعـيد .. بعيد
ابكلبك ازرع كـل جروح القافله
شكد چبيره وفاطمه اكلك هله
_________________________________
نـعمتك هاي مذخوره ومسؤول انته عالكلمة
تـأنه بكل حـرف ويـاه وحافض دوم عـالنعمه
اليحب يتحمل هوايه ويصيـر ابكد الحچايه
ويصاحب اهل القرايه ويخط ابكل عزاء اسمه
ثابر ابحبك واعشك ابجنون
بعالم الخدمه كحـل العيون
هـذا التحبه طيـب وحنـون .. وحنون
ياغلاته النـذر كـل اسنيـنه الـه
شكد چبيره وفاطمه تكلك هله
_________________________________
الوتد عالكاع امـن يدگوه يأسس فكرة الخيمه
اليدك ابصدره نحر حسين يصير الكل زرع غيمه
مثال انطيك عالفكره واخص الخالد ابذكره
حمزه اليقره عالفطـره اسـس موكب ابضيمـه
بنبرة حزنهـم لوعة الخيام
بـالكلب خلوا جـمرة السهام
كلمن قره والوظف الكلام .. سلام
يفهم فكرتي الذايب بطف كربلـه
شكد چبيره وفاطمه تكلك هله
_________________________________
اليـحزم اضلوعه للـبسمار والخـط بالدمـع نهـجه
تحصنه الزهره من كل سوء ويراقب خطوته الحجه
اليرتب كـلبه للمهـدي يعيش ابكل وكت جندي
وبسمه ينتـهي ويبـدي ويندب صاحب الرفجه
بـأخر كـلامي افـهم الجواب
لصاحب زمانك اهدي كل ثواب
افتحله كلبك لا تفكله بـاب .. عذاب
اهديله كلشي ورد خضار السمبله
شكد چبيره وفاطمه تكلك هله
#سيد_محسن_الجابري
#ونسألكم_الدعاء
يتوفر لدينا
1- زيادة متابعين ومشاهدات يوتيوب
2- زيادة متابعين انستا
3- زيادة متابعين فيس مع اعلان ممول
4- زيادة متابعين تلجرام
@ahmed_alziwar0
07732320742
بعشك الكلوب اسولف اني
عشك الحسين عشـك رباني
_________________
من نهد تكويني .. طشرتها اسنيني .. لـجل النحر
بعالم الذار جاني .. وخادمه خلاني .. بجاه وفخـر
عاشك الجارحني .. وريت لو ذابحني .. بصف النهر
الفاهم بدرس العشك يتعذب
وانه بيـك حسين حـيل امرتب
العافك ابكلشي تـره يتسلـب
ويـن ما اضيعن تـرد تلكـاني
عشـك الحسين عشـك رباني
____________________
ياحلات اسنيني .. التكضي ويه حسيني .. بلا امنيات
مالي غيرك عندي .. ياهلي وكل ولدي .. تسوه الحياة
انـته الـمربيني .. ودربك امدلـينـي .. بـيك النجاة
من الاخير وهاي الك احجيها
اليحب غيرك دغش يكضيها
يقسه كلبه ويـخسر ابـتالـيها
يندم ابكلشي اليحسبك ثاني
عشـك الحسين عشـك رباني
______________________
ماكو من حنيتك .. ربطت صيني بصيتك .. وانه الزغير
من الزغر حاچيتك .. وعيشتني ابـيتـك .. هيـبه واميـر
ماكو مثل احساسك .. الرمح من باسك .. صبـح چبيـر
شلون ما احبك واشمك نسمه
وانـته ليـحبك ملـك ليـخدمه
والله نعـمه وما مثلهـا نعـمـه
نحرك الطاح ملـك سوانـي
عشـك الحسين عشـك رباني
________________________
يالجروحك تسوه .. نارك اشكد حلوه .. تشفي الغليل
لـو اموت وارجـع .. وبيك حيـل اتكطع .. كلش قليـل
عشـكك امحيـني ..ضامي وترويـني .. بجـود الكـفيل
انته معشوكي وصرت الحبيب
انـته يـا اول جـروح اتـطيب
جرحي شاب وكلبي بيك مشيب
عالمك مولاي كلشي انطاني
عشـك الحسين عشـك رباني
___________________________
عمري يمك اخضر .. فكري بسمك نوْر .. وخضر دروس
اليقره طفك فاهم .. يصير بسمك عالم .. بهاي الطقوس
ياعشـك يـحلالـي .. بيـك راحـة بـالي .. مؤنس النفوس
اليكسر ابكلبه الـك يتهـنه
يعيش متونس صدك بالجنه
ومايبطل هنـاك حتـه الونـه
تعـيش بيه الخيم وبوجداني
عشـك الحسين عشـك رباني
_____________________________
مالي قيمه بدونك .. فدوه لجل عيونك .. كلشي يهون
عمري بس ايامك .. واحتـرك بـخيامـك .. وافدي العيون
بيـك راحة بـالـي .. وانتـه كـل احـوالي .. وكـل الضنـون
نفرض الدنيا بلايه المأتـم
تصير هاي الدنيا چنها جهنم
الما يحب حسين خـل يتعلـم
فطرة حسين علـم قرأني
عشـك الحسين عشـك رباني
#سيد_محسن_الجابري
#ونسألكم_الدعاء
دلاني دربك .. رباني حبك
ناذرلك اسنين العمر يبن الزجيه
كلشي اخذ مني فقط ارضه عليه
________________________
من زغر سني لمجلسك اتعنه واتوزر
ولو اسمع الناعي نعه اتذكر المنحر
اتمـنه يـاخير العمل كون انـه المـوذر
وتسحكني خيل السحكتك وابطفك اتطشر
يوميه اندبك .. بجروحي ارسمك
ياريت احس باليوجعك صبح ومسيه
كلشي اخذ مني فقط ارضه عليه
_____________________
امنيتي كون ابكل وكت اتلوع ابـنارك
المجوي من نار الخيم من عنده نتبارك
انطيني حب عابس صدك وحجايه انصارك
وارزقني حركه ابمجلسك وزيارة الزارك
شوفني طفك .. لازمني چفك
حزمني بحزام المواكب كل عزيه
كلشي اخذ مني فقط ارضه عليه
___________________________
يادمعة الحب الصدك بسنين الك افدي
تنقذني احسك بالشدد لمن اضل وحدي
جمراتي ماتخمد الك انته هـلي و ولـدي
اقبلني عبدك خادمك وابابك امجدي
اقبلني عندك .. يرويني حزنك
يالخدمتك يوم الحشر تشفع اليه
كـلشي اخـذ مـني فـقط ارضـه علـيه
______________________
بطفوفك هوايه شفت يااعظم اطروحه
واجب لكيتك للخلك بالدمعه والنوحه
اليحركلك اسنينه بعشك يتفاخر ابروحه
يالجرحك ايطيب المحب لو كثرة جروحه
ليوسم صدره .. يتنور كبره
ويكحل اعيونه ابنظرتك بالمنيه
كلشي اخذ مني فقط ارضه عليه
—————————————————
اخر كلامي ابحضرتك تحجيها دمعاتي
خليني دوم ابخدمتك يالعايش ابذاتي
شوفني طفك كل وكت واخنكها حسراتي
وعيشني جربه للضعن حته اروي عماتي
حزمني بيدك .. مولاي اريدك
ماعندي واحد غيرك يدليني بيه
كلش اخذ مني فقط ارضه عليه
_______________________
#سيد_محسن_الجابري
#ونسألكم_الدعاء
بصحبتك اتعب هواي ودور الصاحب الزين
افتهم معنه الاصحاب بموقف انصار الحسين
وكفو ضد الصياح .. من چان الحچي رماح
_________________________
صاحب البي تضحيه لا تصاحب اي بشر
بيهم اليسوه التعب وبيهم ايحدب الظهر
اقره تاريخ الطفوف وكون ابالك صـور
اخذ من جون الوفاء واخذ من عابس عبر
عاشر ابدربك انسان يفتهم حچي العيون
واتعض من الافعال وقدوتك عابس وجون
حبهم اكبر سلاح .. من چان الحجي رماح
____________________________
الشاهد الثاني الك ارد انقله يالمحب
اكو ليتعبه الدرب واكو ليعثره الذنب
ترقه بخلاق الفقيه واحذر الريح التهب
اصفن شويه بحبيب وتلكه كلبه اللي يحب
اخٰتبر نـية الــكاع وازرع ابـدربك احـسان
تكتشف بس الافعال وتلكه بفعالك انسـان
دوم ابحبه ما زاح .. من چان الحچي رماح
_____________________________
لوشفت صاحب صدك بكل تفاصيلك يهم
خـاوي كلبه الـمنچوي لا تخاوي الـمنثلم
هي مو كل صحب تسوه ولازلم تشبه زلم
اكو بس اتشوف شرهم واكو والله والـنعـم
ميز ابكلبك الناس واكتشف مـن يأذيك
اكو لبذكره ترتاح وتنتعش مـن يحاچيك
قبلك بالشدد طاح .. من چان الحجي رماح
_______________________________
خطوا اصحاب الحسين دمهم ويه القافله
بوكت ماراد الامام صاحب ايكله هله
باعوا الدنيا برخص واجوا غيره ومرجله
فدوه خل نموت كالو وانته عيش بكربله
قدسوا حب الكلوب ضحوا ابكلشي ينكال
سطروا يمه هالروس والفعل رايد ارجـال
الكطعوا راسه مرتاح .. من چان الحجي رماح
_________________________________
اخر احروف الجمال ابكلبي احجي الماشفت
مسلم وجـون و برير وأنـس بسمه تونـست
نـابته بكـلبه السهام وگـله خـو مـا قـصرت
وتـوبة الحر الرياحي هـواي مـنها اتـعلمت
تعلمت من الانصار اليحب كلبه يختار
لو مثل عابس ايصير لو كبل يدخل النار
بلحظة كشف الارواح .. من چان الحجي رماح
#سيد_محسن_الجابري
#ونسألكم_الدعاء
طب الاكبر للمعاره بكيفه
كام يحصد بالركاب ابسيفه
_____________
دخل ووجوهم صفره
دخيل اعمامته الخضره
اليفر من خزة النظره .. سبع
الشرد من نظرته ورمحه
بسيفه الاكـبر ايذبـحه
النازف بالحرب جرحه .. سبع
راسه حار ودوم فاير دمه
هو چا غير ابو فاضل عمه
يضحك ابنص الحرب ميهمه
صال بيهم واخذ منهم حيفه
كام يحصد بالركاب ابـسيفه
_______________________
شهم ومحزم ابنخوه
شسولف بيهم اشسوه
صـاحوا هـوه مـو هـوه .. علـي
زلـزل بيـهم الحـومه
ثكيل وحاسب اليومه
ليخطفه طاحن ارسومه .. علـي
الـيخطفه مـايحس برفيجه
مايلحك حته يبلع ريـجه
هذا من غير اليشك ابزيجه
كـل فرد بيهم يطلـع زيـفه
كام يحصد بالركاب ابـسيفه
__________________________
شجاع وكـد الحچايـه
مواقف عندك هوايه
زلمه وبيـك الكفايـه .. فحـل
المراجل يمك وتكطع
تحشم سيفك ويفزع
يصير ابساعة المصرع .. فحـل
لا تحشمه يفهمك بـلا كلمـه
حته سيفك بالحرب هم زلمه
ياخذ عيونه اليسطره ويعمه
يعزب ابروس ويـدلل ضيفه
كام يحصد بالركاب ابسيفه
__________________________
رغـم العطش والعيله
ودرعه وخوذته اثكيله
الاكـبر مـا بـرد حيـله .. شهم
انطاهم مهله لليـمه
هـوه ورد لبـو اليمـه
ورد ابقوتـه وعزمـه .. شـهم
رد عليهم كال وين القاده
ويـن ليلاگي حفيد الساده
لله هـاي الكاع واحنه اوتاده
الما يعرفه بالحـرب تعريفه
كام يحصد بالركاب ابـسيفه
___________________________
خط ابسيفه كلمـاتـه
فته تشهدله صولاتـه
شجاع وهايه حملاتـه .. درس
شبيه الهادي واهواله
صْـور بيـهم الحالـه
ضـرب للجيش امثاله .. درس
خله عاليهم تحت واطيها
عبره سواهم ويشهد بيها
بكر ابن غانب الگال افنيها
هذا عود الجان يرهب طيفه
كام يحصد بالركاب ابسيفه
___________________________
مراجل تنحني الصيته
مواقف عايشه ابـيته
الهـوه يتنفس ابريـته .. هـوه
شمس تاخذ ضوه منه
العذب يتروه من يمـه
الاكبر يـاحلاة اسمـه .. هـوه
بالخيال الشاف منك قله
ضل يتيه بين روحه وضله
جا شحال الشاف طولك كله
يرتعش كله ويكتله ارجيفه
كام يحصد بالركاب ابسيفه
_________________________
#سيد_محسن_الجابري
#ونسألكم_الدعاء
#علي_الاكبر
برز الاكبر .. بعزم حيدر
اليشوفه من الرعب يعثر
____________________
للحومه الاكبر نازل .. بعيونه خزرت كافل
وبكلبه حيدر شايل .. علي ويـا
الدنيا صارت ضلمه .. رجفت الكاع من اسمه
ويصيح وين الزلمه .. اليجي هنا
طشر الجيش ابنزلت وشردت الخيال
وزع الكاع ابجثثهم وانته عيش الحال
قره المنحر .. بعزم حيدر
اليشوفه من الرعب يعثر
______________________
عـرف النـاس ابـنـيه .. وحتاروا بهـالجيه
هـذا اليـعادل مـيـه .. صفه براس
بكر بن غانم أنـذر .. ضـنه زغـير الاكـبر
من شافه صيح حيدر .. لـو عـباس
فارس الفرسان طاح ودمه حد الهامه
هذا اليسمونه جانوا بالمعارك قـامه
صفه مطشر .. بعزم حيدر
اليشوفه من الرعب يـعثر
________________________
خـلاهـم بـها لحيره .. والينذكر تفسيره
الينوي راسه يـديره .. يكطعه بسيف
شي لحك اليـتنفس .. بالحرب الاكبر فهرس
جاهد ابكلبه وقـدس .. وكـت الحـيف
حزم الرايه بيسرته وسيفه ضل بيمينه
الـشرد من المعاره ايصيح الأكبر ويـنه
لـقد أنـذر .. بعزم حيدر
اليشوفه من الرعب يعثر
__________________________
ضاكت الكاع عليهم .. والسمه صاحت بيهم
وبـخزرته الـيچويـهم .. مـو بالـنار
طـبك الطف ابطبته .. واليـنجرح يـا بـخته
الحومه صارت سكته .. يوم الثـار
فرزن الخايف الشارد والسوالف تنذكر
هذا بس ساكت وخاتل ذاكه ليدور ستر
البقه مطـبر .. بعزم حيدر
اليشوفه من الرعبه يعثر
__________________________
ابسيفه دك الثايه .. والغايه نفس الغايه
منطي لبوه حچايه .. حچي رجال
كال الشماته افنيها .. والحرب افرح بيها
طـب وكـلب عاليها .. وصال وجال
طبت الخيمتها تدعي امه وبطبته تهم
ابتسم كللها افرحي ابـنج امـحير الـزلم
منو اليكدر .. بعزم حيدر
اليشوفه من الرعب يعثر
___________________________
#سيد_محسن_الجابري
#ونسألكم_الدعاء
يـله خنـشد الحزم .. تبين هنانه الزلم
والمواقف تنرسم .. بالمدامع والونين
ياهلا ابشهر الحسين
_____________________
من يمر شهر الخدم .. نحترك مثل الخـيم
لازم انحـس بالألـم .. عن درايه وعن يقـين
ياهلا ابشهر الحسين _____________
من يمر شهربـالگلب ننصب عزه .. شـهر المحـرم بـده
المهدي كون انساعده .. هذا ابو گلب الحنين
ياهلا ابشهر الحسين __________
من يمر شهر الخوجـه اگلـيبك الـه .. وعيش بس بكربله
الكافـل يكلك هله .. وما يرد هاي الادين
ياهلا ابشهر الحسين _______________
من يمر شهبالك اتعيش ابدرب .. ما يذكرك بالغرب
ازرع ابكلبك حـرب .. حرب ضد الحاقدين
ياهلا ابشهر الحسين ___________________
من يمردوم واضب عالدمع .. خلي كلبك ينفجع
لازم اتكسر الضلع .. لبن سيد المرسلين
ياهلا بشـهر الحسين_________________
من يمر شهمن المجالس لا تمل .. تحزم ابذاك الحبل
تـره زينب عالـهزل .. صعدت وصار الونين
ياهلا بشـهر الحسين_______________
من يمر شهر احاضره المأتم تره .. الزچيه اتصـوره
وابو صالح نـوره .. بنور ذيـج ام البنين
ياهلا بشهر الحسين
#سيد_محسن_الجابري
لصادق العتره نسولف يا جِراح
عاف داره وفكره يـم الخيمه راح
_____________________
بيوم حركوا دار صادقنا الطغات
نزلت ادموعه وجزع بـالنايبـات
تـذكر اصراخ العبي ونـار البنـات
بصبح يوم العاشر البي كلشي صاح
________________
بقه تلث ساعات واگـف بالشمس
اباب ذاك الدوانيقي المـفترس
تذكر النسوان من طلعن امـس
من الخيام احتركت وزاد النياح
________________
دار ابوعبدالله جعفر تشب نـار
وكام يتنفس بقه دخـان حـار
صار يشهك مثل شهكات الزغار
يشهك الهظم الظعن مو للصياح
_________________
صياح صار ابداره والمدمع هوه
لـچن مو مثـل الصـياح ابنيـنوه
ضجت الخيمه بوكت طاح اللوه
من وكع كافلنا كلشي وياه طاح
_________________
من وكع كافلنا والحاقد يـجر
والحوافر داست عيون الفجر
وكام يستفعل على عمتي الشمر
وسفه ويصير الحچي بس للرماح
_________________
بيـه نـار حسين ما تخمد ابـد
ونار عمتي المشت مسبية بلد
لا تلطمون اعله احزانـي بـعد
الجزع لحـسين بس هوه مبـاح
_________________
واسوا مهديكم يشيعة ابمجلسه
المهدي يبجي عيون كل صبح ومسه
ابـد لا تنسـون امـام الـمـا نـسه
حاضر وياكم وابـد ما مستراح
#سيد_محسن_الجابري
#ليلة_الوداع
حوار العقيله زينب عليها السلام مع اخيها اباعبدالله الحسين عليه السلام
بالـخيمه الحچي تاليته عالفطره
صار امشابك الدمعات بـالـنضره
الحجي صار .. ضمه ونار .. بدمعة الحره
_____________________
تعنه وكصدها بالحزن .. والخطوه يثگل بيها
يصبرها راد ابروحته .. بس شو دمـع كاضيها
كـللها دمـعاتج سـتر .. بخفيه يخويه اجريها
تمعن بالعيون وكشف .. سر الحياه راعيها
تكله سري حسين مو عذب سري
يالـتريد اتـروح فدوه اخـذ عمري
مو بس عمري الك افديلك عيوني
ولا اشوفك امـگطع من يـسألوني
الرمل حار .. ضمه ونار .. بدمعة الحره
_______________________
شمت قميصه وشافته .. و تـذكرت امها ابضلع
كلتله حـَل وكت الفرض .. وموادع اجروح ودمع
وصتني امي بهالوكت .. ياخويه لوصيتي استمع
شمي جروح السحكته .. او بوسي راسه المنكطع
يكـلها راسي ويـاج بـالـسبي بـاجر
وصدري فوك الكاع مطشر بحافر
لو شفتي الشمر متربع ابصدري
اقري الفاتحه ابدىعاتج التـجري
صبع طار .. ضمه ونار .. بدمعة الحره
__________________________
ياخويه ما بعد الذبح .. يصير النهب بالخيمه
من غير نار التشتعل .. ومراكض ابهل هيمه
واحد يطك الاخر يسب .. بلا رحمه وبلا شيمه
عينج عله هذا الضعن .. صيري الحزنهم غيمه
يـختي ما اوصيج بـاجر اعـليهم
صيري چن عباس وانتي اكفليهم
كـفالج وكـع وتـبده كـل جـوده
بس انتي وكفو بالخيمه موجوده
الكمر غار .. ضمه ونار .. بدمعة الحره
___________________________
كلتله والمدمع يهل .. هواي السوالف هـيه
سهله الخيم خل تحترك .. شلون بركض علويه
يوجعني ياخويه العتب .. اعذرني هـذا البـيه
كدامي بنتك تنضرب .. وتـتسـلب الترجيه
تبچي والـسلاب يضـحك الحاقـد
عـمه صاحت هـاي هـدية الـوالـد
طفله وبالحرب ياخويه صبرني
تكلي عمه ليش الشمر يضربني
والاشرار .. ضمه ونار .. بدمعة الحره
___________________________
حاجاهه بجروح المتن .. وضل يشرح ابموضوعه
نار وشمس خيل وضرب .. وبين الغرب مفجوعه
كللها يوجـعني الـسبي .. وكامت تـشم اضلـوعه
يبجي الحـسين ومنكسر .. وزينب تنشف ادموعه
يكلها درب الشام كلها فرحانه
وانتي طول الليل يختي سهرانه
سهرانه وعيونج تـرصد المنظر
ما بين الرمح والشامت اليفتر
والحجار .. ضمه ونار .. بدمعة الحره
___________________________
#سيد_محسن_الجابري
#نسألكم_الدعاء
▫️القصيدة - فرض واجب
•اداء | وسام الشيباني
•كلمات | سيد محسن الجابري
• رابط القصيدة
https://youtu.be/8YLFud2EwQQ
• هيئة الإمام الحسين موكب انصار العقيدة
• مجالس شهر محرم الحرام 1445هـ
• المكان | العراق - ديالى_الخالص _جيزاني الجول
#سيد_محسن_الجابري
#نسألكم_الدعاء
بسم الكمر نبدي حچينه .. ولم الگمر نرفع ادينه
_____________________
للخدمه شد احزام .. واحچي ويه بنت احزام
متعوفك ابكل عام .. منك قريبه
تـگضيلـك الحاجات .. واتـسهل الصعـبات
بس ثوب الدمعات .. للدامي شيبه
بس صفي گلبك واخلص ابهاي
بيـد الگمـر اتشـربك مـاي
شما تقسه بيك الدنيا وتمـيل
اتگلك يخـادم امـشي ويـاي
منـفارك ايـدج يالحنينـه .. ولم الگمر نرفع ادينه
_______________________
لزهره وفة دين .. وتـحزمت لحـسين ..
ربتلـه چف وعين .. وبدمعه تجري
خلاها ايه اتصير .. كلشي بديهـا ايصير
وبلايـه كل تفسير .. الحاجه تگضي
ليعيش ابدربها يرفع الراس
وتخضر ابگصته غيره وحساس
بس تلفض اسمها ابالك ايصير
موش شويه ام الكمر عباس
صرتيلـه اشراع السفينه .. ولم الگمر نرفع ادينه
_______________________
للگلبه ضل مهموم .. خل يحچي بالمضموم
متردك ابـفد يـوم .. تنطيـها بيدك
لنطت ولدها انذور .. مترجـع المكـسور
انـخاهـا ابـعاشـور .. والله تـفيدك
خل ابالك الحاجه وتوسـل
واقره الفاتحه وثق كلشي ينحل
ولو مره نسيت وفاتـك اليوم
هيه التعتني وعـليك تسأل
تسأل عنك وتسمع بچينه .. ولم الكمر نرفع ادينه
________________________
اليگضيها بس ادموع .. تشعل طريقه شموع
وتـريح المـوجوع .. تصبحلـه غيمه
ام الگـمر والماي .. تترس شليله هواي
وفـايه للـوفـاي .. هـاي العظيمه
هـاي الضـحت ابـأربع بواسل
متـرجع ابـد يـا نـاس سـائل
من گد ما فضلها مغرك الناس
صار اول زلمـها اسمه ابوفاضل
هذا اليمسح بچفه علينه .. ولم الگمر نرفع ادينه
__________________________
دكتورة المعلـول .. تشفي ابدمع مقبول
والكافل المسؤول .. عن النتائج
باب الگمر عباس .. صارت ستر لنـاس
بس الها دير الراس .. تگضي الحوائج
كشفيتها صارت دمعة العين
كون اتگضي عمرك حسره وونين
اتگلك يـخادم احچي شتـريد
كلشي انطيك اخذه وانطي لحسين
لا تنسه حبيبي امگطعينه .. ولم الگمر نرفع ادينه
__________________________
بهالحرگه الطم زين .. وتلگه ام حسـين
جتي ابدموع العين .. قبلت عزانه
والمهدي هم موجود .. يلطم ويه الرادود
بهذا الوكت مريود .. صاحب زمانه
المهدي يواسينه اعله حزنه
وامنه الزهره اتلم ابـدمعنه
نطلب حاجه منج يم الحسين
ثبـتينه اعلـه خدمتنه وعشكنه
الخدمة حبيبـج وفقيـنه .. ولم الگمر نرفع ادينه
___________________________
#سيد_محسن_الجابري
ام الگمر
اللـيله حاجة عدنه وياج ونعـرف ما تردينه
عليـج ابخـوة العباس بسجل عباس سجلينه
_______________________
بسم ام الكمر نبدي عزانه وتشهد الدمعه
اليحضر مجلس ام عباس ترزقه الجاه والرفعه
واكيد الزهره موجوده ابعزانه الطاهره البضعه
تـفرح باليدك صدره .. وتحزم بالنذر عمره
وترزقه الدمعه والنظره
عليج حسين يم حسين منج لا تحرمينه
_________________________
بي سر مجلسـج والله وسرج ما تفهمه الناس
ليش من اذكر امصابج يروح الگلب يم عباس
ضحيتي ابأعـز ولـدج وتضحيتج ولا تـنـقاس
يالضحيتي كـل ولدج .. وچان حسين كل همج
تعلمنـه العشك منج
ارزقينه البچي لحسين وبعباس حزمينـه
____________________________
نعرفج ما تردي الناس ويمج ما يضل سأل
نريد انصير فيْ لحسين وخدام الابو فاظل
سجلج بالعطه معروف وتاريخج يضل حافل
عليج ابداعة ابنينج .. نريد انعيش بونينج
ونصير الماي لحسينج
كون ابـدفتر العشاك تتسجل اساميـنه
_________________________
اليقره الفاتحه وينخاج ما يحـتار بسنيـنه
قبل لا يطلب الحاجه كلشي يريد تنـطينه
كريمه وچفج ايخجل ونـعرف ما ترديـنه
يالجودج يگـر العيـن .. كون انصير بس لحسين
وما نگطع ابد الونين
حاجات الخدم هايه ويـه حسين خلينه
_________________________
بعزاء الضحت ابكلشي عزانه يستمر لازم
وتضل رايتنا مرفوعه من خادم الى خادم
تضل جمرتنا متوجره لحد ما يظهر القائم
وهناك العزاء يحله .. بحظور المهدي بالسهله
والمجلس وله انمله
تزيد الحركه واللوعه بحظور المهدي وونينه
___________________________
#سيد_محسن_الجابري
بعونه تعالى وببركة سيد الشهداء عليه السلام تمَّ أكمال برنامج قصائد محرم الحرام لهذا العام لاتنسوّني ووالديَّ من خالص دعائكم على منابر سيد الشهداء عليه السلام وأسأل الله تعالى لي ولكم دوام التوفيق بحق محمد وآل محمد عليهم السلام
#سيد_محسن_الجابري
#نسألكم_الدعاء
/channel/saedmohsenjabere
ياعمي مشتاكه .. چايمته نتلاكه
وليمته اتاني .. بـس لا نساني
________________________
عمي جاوبني ولتخفي عني لتضم الخبر
امبينه نضرة عيونك بيها حسرات وقـهر
سـافر ومارد ابويه كـلي شو طال السـفر
كلبي ياذيني من اذكره والدي چنه ابخطر
جاوبني دلالي .. عن غربة الغالي
مـسلم يعاني .. بس لا نساني
_________________________
كلبي مفجوع بغيابه وحيلي مايحمل محن
ترخص اسنيني لغربته وعيني ياريت انعمن
امنور ايامي بوجوده چان بس هسه انطفن
الفاكد الخيمه الجبيره يگضي عمره بلا وطن
تتسلب الغيمه .. وتاليها بالهيمه
تـموت الاماني .. بـس لا نساني
_________________________
الطفله لبعمري يعمي تصير كون مدلله
تضحك الدنيا بوجها وتفرح ابكلمة هله
ضني المسافر يجيب البنته لعبه معدله
طَـوْل وصارت لعبتي ارمـاد نار وسنسله
بلخيمه لعبونه .. وكاموا يضربونه
بالسوط اجانـي .. بـس لا نساني
__________________________
ستغربت ياعمي لمن شفتك اكبالي صرت
ومن شفت مخطوف لونك والله بيك تحيرت
تمسح براسي وسألتك وانته ابـد ما جاوبت
كلبي جاوبني بمكانك كلـي يـعني تـيتمت
تتيتم احلامي .. بجروحي والامي
فكده السباني .. بس لا نساني
__________________________
كلبي مايحمل سوالف غربه وايتام ونعش
وهالخبر ياعمي والله حته نساني العطش
ليلي يخنكني بحسرته وجرحه ويايه غبش
الچنت افرش ضحكته ويلي عالكاع انفرش
وصلتلي حسراته .. والهسه چلماته
تـون بـأذانـي .. بـس لا نـسانـي
__________________________
دمعه واهات ابسنيني والجرح خضر جرح
بعد ابوي الغالي يعني بعد ما يطلع صبح
اخر الكلمات احجي واختصر بـيها الشرح
صدك ياعمي ابويه مرمي من فوك السطح
جاوبها بالنظره .. وافتهمت الفكره
بهـاي الثـواني .. بـس لا نساني
#سيد_محسن_الجابري
#ونسألكم_الدعاء
حكاية
مـن ذاك العـالم راح انقل حـكايـه
لـم المهدي العاشت مثـل السـبايـه
بعالم الجنه المأمون .. نرجس تحجي ويه ام عون
حـكايـه
_____________________________
من السان المُقصر ردت اشرح لليسمع هالوضع
من ماتت نرجس فاطمه تلكتها زينب بالدمع
يازينب احجي قـصتي وكـل الملائـك تـنفجـع
من اول لحظه من اسلمت چن منكسر بيه ضلع
من اول لحظـه وضدوني العشيره
رغـم يسموني هـم چانـوا الاميـره
غيرت اسمي واتمـنيت .. اينسبوني لـهل البيـت
حـكـايـه
__________________________________
بعد البچي وذاك الحزن وموضوعي لنـاس انطـرح
جتنـي الزجيـه بالحـلم حضـنتني وگلـيبي انـشرح
من الحضنه حيل استغربـت ونار القلق بيـه انـطفح
لـن مريـم يمي تـفتخر وگـامـت تنـوح امن الـفرح
صدتلي مريـم والدمعـه بجفنها
كلتلـي الـزهراء اتـريدج لـبنـها
انـي والزهراء اشـهود .. انتي ام المهدي الموعود
حكايـه
____________________________________
ضيم العبي ودرب الغرب ونار الخيم ويه المتن
كلهتن عشتهن بالحـرب وضل ناگـع هوايه الچفن
ضليت اعثر بـالجدم وكل خطوه امشيها و أون
مشوني نفسج بالسبي ودخلوني تاليها ابسـجن
بهذا الضيم العشته وشفت الأذيه
بلـكت ويـاج ايـسموني الـسبيه
شهالنعمه لو اسمي انجاب .. ويذكروني وياج حجاب
حـكايـة
___________________________________
بذيـج المأسي البل الحرب حضرته وياي الچـفن
السوك النـخاسه اتوجهت ورادوا يبـيعوني بثمن
شِميت ريحة فاطمه بمرسال جـاني من الحسن
ارتاحيت من هذا الجره وحسيت روحي ويه الضعن
حلمي لـتحقق بـالحظه وثـواني
من ابن الزهره المرسال الأجـاني
وخيرني مـابين الـمال .. لـو بين البشرى التنگال
حـكايـة
___________________________________
جاوبت زينب بالدمع وعيـون الملاگه جـمر
كالت يـانرجس فاطمه ويـانه اسـمج ينذكـر
الله اصطفاج وفضلج چي شافج تل امن الصبر
حافضتي عالمهدي بـتعب والبـاري يعظم بالأجر
كفيتي ووفيت هوايـه و رحيمه
ماقصرتي يم المهدي العظيمه
انخط اسمج بالجنات .. يالذكرج باقي وما مات
حـكايـه
#سيد_محسن_الجابري
#ونسألكم_الدعاء
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
1/الشاعر احسان الحميداوي
@ahssan313
2/الشاعر حسين لؤي العتابي
@Hussein110033
3/الشاعر جعفر عطية البزوني
@Jaffarattea
4/الشاعر هادي السلامي الكاظمي
@hadialsa
5/الشاعر السيد علي الكربلائي
@alialmoosawe
6/الشاعر هادي الساعدي
@had_jaa
7/الشاعر علی جباري
@damethezen
8/الشاعر محمد الجوراني
@algorane
9/الشاعر الحسيني علي مظلوم
@Aljnahe
10/الشاعر سيد سعد الفحام
@saidsaad11
الشاعر محسن الجنابي
@mhsui
الشاعر امير السعيدي
@dhjgdsswfgh
الشاعر محمد الجوراني
@algorane
الشاعر نسيم الحميداوي
@NasimAlhamdawi
الشاعر رياض الرسل الجابري
@narjskaton
الشاعر مهند الدريساوي
@Alfoatm9
الشاعر ذو الفقار الزيدي
@dhwlfqr
الشاعر ضرغام الجابري
@hususn1
الشاعر جبار عبد الزهرة
@ALshoely12
الشاعرة نور الهدى الشويلي
@lIAUAlI
الشاعر ام رائد زوين للمواليد
@noor93s
الشاعر سيد محسن الجابري
@saedmohsenjabere
الشاعرة ايمان الزهيري
@Emaanelzharii
الشاعرة العلويه ام حسين الحسيني
@OmHussinAlHassani
الشاعرة ام حوراء البركاوي
@qwerrtt76
الشاعر محمد المشعلاوي
@Mohammed_almassl
الشاعر علي موفق القزاز
@alimwafaq94
الشاعرة الملا جنات الحسناوي
@dchhtg
الشاعر علي خيري العبادي
@AliAliAlabady
الشاعرة ام قاسم الشمري
@hhgtfc
الشاعر ابو اسحاق الفحام
@aboashik
الشاعر عقيل الكاظمي
@alshaeraqeelalkadhmi
الشاعر والرادود سيد محمد الموسوي
@sadmhamd
الشاعرة ام وسام
@Ali45445
الشاعر علي النائلي
@Ali_Anaily000
الشاعر جبار عبد الزهره الشويلي
@ALshoely12
الشاعرة ام زينب الواسطي
@Fatimids89
الشاعرة ام حسين المحمداوي
@aaaadrfqe
مريم العبودي
@dtyruFteRqejkvuccdsqiopkm
الشاعر علي الاحسائي
@ehhhnb
الشاعر ابواياد البيجاوي
@mhsn1955
الشاعره ام نور الميسانيه
@Aleulawiuhamnuwr
الشاعرة ام محمد باقر الفحام
@yamahdy4444
الشاعرة ام مصطفى الاسدي
@jgapun
الشاعرة الحاجة ام محمد الكناني
@ALHUSSEN_M
شاعرات العترة
@ttrre
الشاعرة ام روكان الشمــــــريه
@eimahde
الشاعرة ام سيف الزبيدي
@RR775
الشاعر ذو الفقار الزبيدي
@dhwlfqr
الشاعر عمار الساعدي
@Amaar37
الشاعر علي عباس العيساوي
@aliashghinah2
الشاعر عباس فاضل الشمري
@abbas_daher
الشاعر جعفر البديري
@jifrrham
الشاعر علي صيوان التميمي
@alisaioan
الشاعر ابو عقيل الناصري
@aa_ad9
الشاعر أنور السباهي
@Anwernaser
الشاعر اسعد قاسم االكريعاوي
@asaad8417
الشاعر سجاد جاسم الفرطوسي
@sajadjasimAlfartosy
الشاعر عباس فاضل القسام
@olpkp
الشاعر محمد الساعدي
@qwqqed
الشاعر علي الزاملي
@Ailast
الشاعر علي ياسين اللامي
@Aliyaseen8
الشاعرة ام زهراء الكعبي
@omzahraaalkibe
الشاعر كرار الغزي
@karrarr999
الشاعر خالد مسلم الحلفي
@kaledalhalfi
الشاعر محمد مسلم الاسدي
@mohmed_moslem
الشاعر حسين الخزعلي
@ch2Hs
الشاعر عمر العارضي
@hpp_50
الشاعر فالح العامري للمواليد
@falehalameri111
الشاعر والرادود سيد علي الحسيني
@Aliodaae
الشاعر رائد الاسدي
@raedalasady
عباس العبودي الواسطي
@Alabbodi
ديوان المنظورات الكربلائي
@KazemManzourAlkarbalaei
الشاعر علي مهودر الحمراني
@Alhmrane
الشاعر علي قصي الركابي
@Qusayalr
صرخة العقيلة
@zhrhzahraa
الشاعر مصطفى النائلي
@wwaspqtt
الشاعر سيد محسن الجابري
@saedmohsenjabere
الشاعر والرادود عبدالباسط الخزاعي
@abdolbasot_alkhazaei
الشاعر سيد محمد السعبري
@ashggjd
الشاعرة ام علي المالكي
@cdeut
الشاعر حسين الباوي
@Abuas994
الشاعر عمار الفاطمي
@kadeemalzhraa
الشاعر احمد الحيدري
@a_alhaideri
الشاعر عباس الشويلي
@jhfdryhdsf
الشاعرة ام زهراء الكعبي
@omzahraaalkibe
الشاعر حسن غانم العبادي
@hassanalabadi33
الشاعرة ام سيف الزبيدي
@RR775
الشاعرة طالبة الزهراء ( ع)
@sultan_zman
الشاعر السيد محمد الموسوي
@qwertyuiopasdfghjklasdfbnm
الشاعرة ام الحسن الزيدي
@umalhasn
لوعة رقية
@loahroqaiah
الشاعرة هالي نور
@gftergr
الشاعر عباس محمد الحميداوي
@qs3qw
الرادود ابو سجاد الجعفري
@abosajadaljafre
قصائد زنجيل
@alhusseinabaabdlah
الشاعر ذو الققار الخفاجي
@zfk313
الشاعر كرار الزهيري
@uyyrew
عباس محمد الحميداوي
@qs3qw
الشاعر ابو سجاد الجنابي
@aljanabe313
الشاعرة ام كرار الشبابي
@krsnta21
اقبلني خادم .. اقبلني خادم
_____________________
يا فرحة الخادم .. ابحزنك الدايم
يعيش الثواني
ترتاح الك عيني .. وايامي واسنيني
وتسوه الاماني
عافيتي .. وتغذيتي .. وتربيتي
بمجلسك
امنيتي .. وتضحيتي .. وبريتي
اتنفسك
دلالي هايم .. اقبلني خادم
_______________________
تلكينه عاشورك .. ابونك وطورك
طور المواكب
يااعظم اسطوره .. نيتنه منذوره
للكلبه ذايب
منعونه .. وضدونه .. وعرفونه
مـا نمل
جمرتنه .. وعبرتنه.. وحركتنه
تشتعل
ماتطفه لازم .. اقبلني خادم
_________________________
جرحك يغذيني .. يالتارس اسنيني
خير وكرامه
ليخلصلك ابكطره .. يتونس ابكبره
ينور ضلامه
ليذكرك .. ويشكرك .. وينصرك
ينتصر
ليطوفك .. بطفوفك.. ايشوفك
بالـكبر
للكلبه فاهم .. اقبلني خادم
____________________________
يالذتي واحساسي .. يا اغله كل ناسي
انـته امـيري
بـنـحرك تـرويني .. بفـيك تغطيني
بيدك مصيري
دليـني .. و ربـيني .. خـليني
احترك
لجروحك.. ودموعك .. بضلوعك
انسحك
بنحرك عوالم .. اقبلني خادم
______________________________
اتعدل اليچفي .. وموفي ومكفي
بفضلك علينه
اتساهم ابكلشي .. واللي الك يمشي
بعينك تعيـنه
افضالك .. وافعالك .. واهلالك
من يهل
الـدنيا .. والـدنيا .. والـدنيا
تنهـمل
يفوز اليساهم .. اقبلني خادم
_________________________________
اتوفق المـهتم .. بجروحك امحزم
واتشوفه طيفك
توكفله ليثابر .. واتطيب الـخاطر
مولايه كـيفك
بـيامك .. كدامك .. خـدامك
تنچوي
البالك .. واعيالك .. واطفالك
تـرتـوي
بجود الهواشم .. اقبلني خادم
#سيد_محسن_الجابري
#ونسألكم_الدعاء
ميهمنه كل اليحچون التهمنه بس الدمعه
___________________________
احضر المجلس واترك القيـل وقـال
بهاي الحياة اتشوف انواع اشكـال
بعض البشر نـلكـاه يعبـد تمـثال
ما يندل اجروحه منين ويلچم جروح البضعه
_____________________________
اترك حجيهم واحجي بس بالخدمه
هـالنعمه بيدك حافض اعله النعمـه
ابعين البصيره بـاوع ولا تـعمه
لدور ابحب حسين بس دور اعله الينـعه
_____________________________
تـريد بوجاهه اتعيش ما بيـن الناس
خلـي جفوفك وقـف عند العـباس
ودنكله راسك هـوه ليشيـل الراس
ويترسك ابنخوه وجود وتعيش دوم ابرفعه
_____________________________
كـرب محـرم يـله شدوا الهمـه
هنياله كلمن بالعشك خط اسمه
الزلـمه كلمه هـنا تـبيـن الكـلمه
والماله كلمه ويه حسين ابليسه خلي اينفعه
_____________________________
ترجم اجـروح المهدي بـحچاياتـك
بهـذه الـدرب لازم تحصـن ذاتـك
بكل خطوه اسعه واحذر ابخطواتك
بدرب المحب كلشي اتشوف لازم ابحبك تسعه
—————————————————————
درب الحسين ايريد موقـف واصـرار
ماطول تخدم كـون تقـبض عـالـنار
من انصاره انته وعيش دور الانـصار
انصاره ضحوله ابروس وعاشوا ابكسرة ضلعه
________________________________
#سيد_محسن_الجابري
#ونسألكم_الدعاء
#الانصار
انصارك بطفوفك .. گطعنا ومنعوفك
____________________________
نصرتك هيه الضمان .. يمك انعيش ابأمان .. وانته التنجينه
مانعوفك بالصعاب .. لجلك اتطيح الرگاب .. عشكك امربينـه
ننطي كلشي وانته بس أمرنه
ياسيوف التگدر اتخاطـرنه
بالمواقف دومك امجربنه
من الاصلاب ونحسب العاشرنه
ما ننسه معروفك .. گطعنا ومنعوفك
______________________
نشبك الرايه ونطوف .. غير عينك ما نشوف .. ياجمال عيونك
اليعشك انفاسك چبير ..بالحرب هيبة وأمير .. مايعيش ابدونك
وانته التهمنه ونحب انفاسك
وبينه يابو سكينه ارفع راسك
عفنه كلشي وعشنه بس بحساسك
احنه اخوتك واهلك وكل ناسك
بس انته النشوفك .. كطعنه ومنعوفك
_________________________
الينزف بجرحك يذوب .. ما يفكر بالـهروب .. ومـا يروح الغيرك
اليحرك ابگلبه الخيام .. يفرح ابطاري السهام .. ويحجي بس بخيرك
اليخدمك ما تطيب اجراحه
الراحه منك بيك وانته الراحه
يا گلبنه الينبض وسـباحـه
فطرس ابلمحه تشافه اجناحه
كام يطير بچفوفك .. گطعنا ومنعوفك
__________________________
هذا يوم الاوفياء .. خلي تشهد كربلاء .. عـن فـعال ارجـالك
ما تغيرنه الحروب .. نطوي وياك الدروب .. وهم نرد الثارك
حته لو متنه وگطع نتگطع
باجر اويه المنتظر هم نرجع
ناخذ ابـثار الضـلع والـمدمع
من البواجي اعليك ابد مايگطع
بدمعتنه انطوفـك .. گطعنا ومنعوفك
____________________________
ياسلام الله عليك .. احنه من ايدك لديك .. وانته بس تأشر
كلمه وحده لو تكول .. نكلب الطف ونصول .. وبالرگاب انشـمر
بالعدد لو قسنه احنه الاكثـر
لان واحـدنا يعادل عـسكر
كلشي بينه يفزع اعله المنحر
ويبـقه حبك هوه خطنه الاحمر
ما ننـسه معروفـك .. كطعنـا ومنعوفك
______________________________
لا تفزع اي غريب .. فزع ابعمنه حبيب .. هـذا شيخ انصارك
وبالمـواقف والعناء .. تلكـه جون ابكربلاء .. صار ماي الدارك
وبالعشك ما واحد اينـافسنه
شكك اهدومه وبرز عابسنه
وحب الانصاري وهب فارسنه
ومن بعيد امـه بقت تحـرسنه
احسبنا اسيوفك .. كطعنا ومنعوفك
#سيد_محسن_الجابري
#ونسألكم_الدعاء
هذا علي الاكبر .. هـذا علي
هذا علي الاكبر .. يشبه علي
____________________
للحومه الاكبر نازل .. بعيونه خزرت كافل
وبكلبه حيدر شايل .. علي ويـا
الدنيا صارت ضلمه .. رجفت الكاع من اسمه
ويصيح وين الزلمه .. اليجي هنا
چنه علي بخزرات العيون
يشبه محمد سيد الكـون
بغيره وشهامه كله مفتون
نسخة محمد حيدر .. هـذا علي
هذا علـيُ الاكـبر .. يشـبه عـلي
__________________
عـرف النـاس ابـنـيه .. وحتاروا بهـالجيه
ذاك اليـعادل مـيـه .. صفه براس
عمرُ ابـن ود اتـصـور .. بـعده زغـير الاكـبر
من شافه صيح حيدر .. لـو عـباس
ضنه زغير وكلبه ما فار
مايدري الاكبر بالحرب نار
خلاها كلها تـدخل انـذار
الفقاره منهو اليكدر .. هـذا علي
هـذا علـيُ الاكـبر .. يشبه علـي
____________________
خـلاهـم بـها لحيره .. والينذكر تفسيره
الينوي راسه يـديره .. يكطعه بسيف
شي لحك اليـتنفس .. بالحرب الاكبر فهرس
جاهد ابكلبه وقـدس .. وكت الزيـف
بخزرة عيونه هواي كاتل
چا غير يشبه ابو فـاضل
يعرفونه يضحك من يقاتل
وبفكرك انته اتصور .. هـذا علي
هـذا علـيُ الاكـبر .. هـذا علـي
______________________
ضاكت الكاع عليهم .. والسمه صاحت بيهم
وبـخزرته الـيچويـهم .. مـو بالـنار
طـبك الطف ابطبته .. واليـنجرح يـا بـخته
الحومه صارت سكته .. يوم الثـار
ضيع عرفها بشهكة انـفاس
والريشه ربكت هيبة الناس
بحيدر علي والكمر ينقاس
كبر بسيفه وأنـذر .. هذا علي
هـذا علـيُ الاكبر .. هذا علي
______________________
ابسيفه دك الثايه .. والغايه نفس الغايه
منطي لبوه حچايه .. حچي رجال
كال الشماته افنيها .. والحرب افرح بيها
طـب وكـلب عاليها .. وصال وجال
شبل الحسين وابن الاسباع
خله الجماجم تترس الكاع
ولعمته زينب صاير شـراع
واتروه من الكوثر .. هـذا علي
هذا عـليُ الاكـبر .. هذا علـي
_______________________
وبأخر احچاياته .. بيض وجه عماته
والشاهد بصولاته .. صار الماي
طر الجيوش وفجر .. مترهي ما يتوزر
صاح انه هذا الاكبر .. وين عداي
رجفها كلها وكلبه مالان
فرق عددهم والغضب حان
وكل هذا الاكبر جان عطشان
وكليبه جان مفطر .. هذا علي
هـذا علـيُ الاكـبر .. هـذا علي
#سيد_محسن_الجابري
#ونسألكم_الدعاء
ياجسام .. ياجسام
ياجسام .. ياجسام
_____________________
جاسم العريس خط ابدمه احكام وعبر
جان ناصح لشباب ابدرب نار وبي خطر
فرزن الحاكم الضالم وانتمه لجيش النحر
كال لجل الدين افني بعمري واتكطع وذر
بعده ازغير عمر
لچن شـايل فـكر
كـال اجيب النصر .. وارفع هـام .. ياجسام
_________________________
تعلمينه هواي منه والسوالف تنذكر
بين اعلينه الفوارق والحقائق والذكر
لازم الانسان يسعى ويفهم اسرار الصبر
كال ياناس المعاصي تصير حاجب بالعمر
صار مرجـع قـيم
عرسه صار بخيم
بوجه عمه انرسم .. وجه اسلام .. ياجسام
___________________________
رغم زغره وجان يروي لشباب ابجوده
عبر خط الطف رسايل صار ينطي بزوده
سفرة القاسم جبيره وبالعلم ممدوده
ترقه يا شاب ابفكرته وصولته المشهوده
فكره ماچان ضمه
چان سـر ابـسمه
يسوه ابن فاطمه .. نرفله اعلام .. ياجسام
____________________________
شايل ابكلبه الوصيه وسيفه چان ابطوله
صاح قافل عالمنيه وامي هـم مسـؤؤله
كـله ياعمي دخيلك اني كـلي ارجـولـه
اليوم اوزع جسمي يمك وافرح بهلهوله
عشك الكلوب حرب
وانـي ارجع صعـب
لچلك اشبـع ضرب .. بـلا ألـلام .. ياجسام
_____________________________
كالوا ابعمر المراهق ينترك فترة زمـن
جاوب القاسم بسيفه وصار لضايع وطن
يبين العامل العابد وكت شدات ومـحن
واختبار الشاب قاسي وفاز بيه ابن الحسن
فـاز فكره التـرف
جـان شـابـع نـزف
شـاب بس يختلف .. كله اسهام .. ياجسام
______________________________
عجنوا الحنه ابدمائه وصارت الزفه حرب
طـر الجيوش ابنزلته وانطوه ويـاه الدرب
عاشك المنحر وكله يـحله ويـاك الضـرب
كون بس انته الِترضه ويسهل الكلشي صعب
وياك كلشي شفت
بلا وجودك متت
بنص خيرك عشت .. وبكل عام .. ياجسام
#سيد_محسن_الجابري
#ونسألكم_الدعاء
لسان حال مولاي الحجه ابن الحسن عجل الله فرجهُ الشريف مخاطباً جدهُ الامام الجواد قائلاً
جدي جيتك بدمعة العين
مرمي شفتك مثل الحسين
وا جواداه .. وا حسيناه
______________
جرحك ايهيج الجرح .. مرمي شفتك عل سطح
هم ثلث تيام وحدك وبعذابك
مثل الحسين الفعل .. لچن ما جرك حبل
ولا شمر يكدر يسلب كل ثيابك
فرق بين اليموت ابين كل ناسه
ما بين اللي خلوا عالرمح راسه
دمعي يجري طول السنين
مرمي شفتك مثل الحسين
وا جواداه .. واحسيناه
___
سمموك ابـلا ذنب .. لچـن مو مثل اليسب
ولا كدر واحد يطـيحن دمـوعك
عايش ابديرة غرب .. لچـن ما شابع ضـرب
وماكو خيل التترس الكاع بضلوعك
جثتك سالمه وربعك الشالتها
لچن جثة حبيبي خيول داستها
و فـوك جرحه نسمع ونين
مرمي شفتك مثل الحسين
وا جواداه .. وا حسينـاه
______
شحجي واليوجع متن .. والحزن نفس الحزن
والسبي يسبيني ياجدي من اذكره
والمشت ويه الهـزل .. تاكل ابـروحي اكـل
ليلي يخلص بس عليهم كله حسره
احس ابصبحي خيمه وبيه محتركه
وكـل ليلي اعيشه بلوعة الفـركه
بكـلبي كسره من الـنساوين
مرمي شفتك مثل الحسين
وا جواداه .. وا حسينـاه
_______
بمقتبل عمرك متت .. زغير وشو شيبت
والعـمر يـأذيك مـن تـذكر سـنينه
عمرك ابعمر الورد .. بعمر الاكبر من نعد
بـس فرق ياجدي هوه مكطعينه
تحمل كل عددهم والجرح بيه
و مـن رد اعله ابوه ايدور اميـه
كـله اصبر تروه بـعدين
مرمي شفتك مثل الحسين
وا جواداه .. وا حسينـاه
__________
يالتقي علمك نزف .. وجودك معيش سلف
مثـل جود الكافل النازف جراحات
جرحك اونين وقهر .. و الصعب جرح الكمر
كطعوه وكلبه يم الخيمه من مات
ورد منه الحسين امشيب هوايه
ولا عباس صاح ولا شفت مايـه
شابك الكاع بلايه جفين
مرمي شفتك مثل الحسين
وا جواداه .. وا حسيناه
#سيد_محسن_الجابري
بصوت واحد صحنه وتسمعونا
نـطالب بـتشيد ذيـج اكبورنا
__________
يـلا ياشيعة علي شدو الهمم
وبالبقيع اخيام ننصب مو علم
انتو رفعة راس كـلكم يـالخـدم
وهـمه لو شيصير مـيمنعونا
________
للـبقيع انروح ونـزيد الونـين
وخلي رايتنا تغث الحاقدين
ونبني اول گبـر گبر ام البنين
بگبة ام عباس تحلى اعيونا
________
گبة ام عباس مـنعدها ابثمن
لأن حدر اضلوعنه هيه وطـن
بعد گبتها يشـع گبر الحـسن
ونبني ديوانه بغصب خلونا ( غصباً عليهم )
_________
من مضيف المجتبى ناخذ مراد
ونعتنـي السجاد بهدوم السواد
الگضه عمره دمع زيـن العباد
ننـعه يمه ونـبجي الـ محبوبنا
_________
بگبر امام الصادق ايروح التعب
هـذا يللي اترب گبره من الذهب
بصف مضيف الحسن ايون الادب
نبـني و تـنور المنـاره گـلوبنا
__________
گبر امام الباقر ايحـز بـالنفس
هـذا المسير المدارس والدرس
لازم انعلـي المناره ويـه الشمس
نجـاوب ابأقواله لـو سألونا
__________
تـعله رايات المواكب للـسمه
والمجالس دوم هيه قـائمه
ونبني مسجد بسم امنه فاطمه
وللزچيه انوسم احنه صدورنا
__________
بنهايه انـزور كلنه بـلا خطـر
والشكر موصول الـ كلمن حضر
الهـديه هنـاك عنـد الـمنتظر
المهدي هو الخطط النه دروبنا
#سيد_محسن_الجابري
#بناء_البقيع_مطلبنا