-
Mohsen Aljabri
#لشهادة_مولاي_الامام_علي_عليه_السلام
بعيون ام عون .. حسرة ذيج المتون
تسولف ويه ابوها بدمعة العين
وين انطي الوجه بعدك يبو حسين
___________________________
انه زينب لحچي بويه بدمعة عيون المصاب
بعد عينك بويه والله انعيش بديار الـعذاب
دارك الچـانت زهـيه صارت بدونك خـراب
وجرح راسـك يابو زينب للخـيم فاتحله باب
بخيام وسهام .. بعدك زينب اتنام
بين امصيبتك بـين الصواويـن
وين انطي الوجه بعدك يبو حسين
_______________
بويه راح احچي وأسولف والسوالف تنوجع
والمفارك بويه والـد ادري مينـفعه الدمـع
الشمع يحرك ابروحه خـاطر ايضوي الشمـع
وانتـه نـار الضلع بيـك وتضحكلنه وتستمـع
وانطوف وانشوف .. عينك تنطق حروف
تحجيلي صور واحچيها بونـين
وين انطي الوجه بعدك يبو حسين
_______________
اليتامى تنوح ضلت والدمع فوك المـتن
واحنه هم ايتام صرنـه بعـد عينك يالـوطن
الحسين ايگوم كوه ولايـذ ابكـتره الحـسن
والگمر عباس وفـه وعيـنه ابـد لا مـاغفـن
واجروح بالروح .. وام كلثوم التنوح
اخـتي البـعدك اتطب الـدواوين
وين انطي الوجه بعـدك يبو حسين
_______________
حسين ويلي لمن شافك كام يبچي من الجرح
ختلطت ادموعه ويه جرحك والدمع هم ينشرح
چني اذكـر من كـلتله وچان حـيلك مـنـطرح
جرحي يـابويه يـهون اشـلون بجروح الـذبـح
ياحيل والـويل .. من اتدوسك الخيل
وزيـنب حايره ابـنص النسـاوين
وين انطي الوجه بعدك يبو حسين
_______________
من بعد هاي المصيبه خلي احجي مصيبتي
باجر بأرض الـمنيه منـهو يكفـل دمـعتي
نـار وخيـام وسـبايه ولا نفـر من اخوتـي
ويـسرونه بـلا حمايه بـويه وحدي ابغربتي
گال بأخر انفاس .. كفيلج هو عباس
ابو فاضل يصيراً قـاب قـوسين
وين انطي الوجه بعدك يبو حسين
#خادمكم_محسن_الجابري
باليتامه اللـيله احلفك .. ياعلـي بس مدلي چفك
نادي علياً مظهر العجائب
تجـدهُ عونـاً لك في النوائب .. ياعلـي
__________________
اجيتك ياعلي وادريـك متـردني
ومن خيرك ولا فـد يوم طاردني
مكسور واجيت اندار بيـه الحال
كون شما ردت اوكع تساعـدني
كلبي ينبض دوم بسمك .. ياعلي بس مدلي چفـك
نادي علياً مظهر العجائب
تجـدهُ عونـاً لك في النوائب .. ياعلـي
________________
محلفك بالمشت لشام بالحسره
يبو زينب خيام ابكلبي متوجـره
اجيتك واليجيلك ما يـرد حيران
ومن شمة ضريـحك رايد البشره
فكري صحره بلايه ذكرك .. ياعلـي بس مدلي چفك
نادي علياً مظهر العجائب
تجـدهُ عونـاً لك في النوائب .. ياعلـي
___________________
اجيت المجلسك والدنيا عايفها
والدمعه الألك كل حيلي اذرفها
يالتعرف ابكلشي وماكو شك ابهاي
وقبل لا احجي انته الحاجه تعرفها
حاجه عندي وبقت يمك .. ياعلي بس مدلي جـفك
نادي علياً مظهر العجائب
تجـدهُ عونـاً لك في النوائب .. ياعلـي
_____________________
يحامي الجار انتـه وحاضر الشده
ابـنك تايـه ابـديرة غـرب وحـده
ابويه انته التعزب للحمام اشكال
انظر لبـنك البس الـدمع عـنده
نظره وحده تشفي منك .. ياعلـي بس مدلي چفك
نادي علياً مظهر العجائب
تجـدهُ عونـاً لك في النوائب .. ياعلـي
______________________
يميزان العداله ابين خير وشر
يقاموس الله انته ونهر للـكوثر
يحزم الظهر بالشده يابو حسين
حزم حيلي دوم الخدمة المنبر
كلشي عايف حته اخدمك .. يا علـي بس مدلي چفك
نادي علياً مظهر العجائب
تجـدهُ عونـاً لك في النوائب .. ياعلـي
_______________________
#سيدمحسن الجابري
مجلسك حيدر يشبه الجنه
مجلسك حيدر يشبه الجنه
____________________
مانحس بقرايه .. الليله عدنا حچايه
حچاية الحب كلمه .. وبيها كـل الغـايه
مـانرد للتـالي .. وللخصم مـنبالي
نشم حيدر نسمه .. هـوه غيـر الغالي
قائدنا وغالينا واغله من العمر
ويانه بكل شده وكل مجلس ذكر
تغذينا من حبه حـُب امن الزغـر
بنـفاسه معيشنا ومـضوي الكـبر
خيره عيشنا وبالعزاء لمنـه
مجلسك حيدر يشبه الجنه
_________________________
كافـل الهالفـقره .. مجلسـك بـي فطره
من نـطب للمجلس .. چن نحس بالحظره
حساس بيتك يرهب .. عـجب المـتعجب
الـيزورك وحـده .. بيـا علـي ضل يندب
حيرت الاكون وعـجبت الـنفس
يالبيدك ياحيدر رديـت الشـمس
وانطيت الكل حاجه برهان ودرس
ليـضدك ماادري مـولاي شيحس
اليضد شخصك ما يمـثلنه
مجلسك حيدر يشبه الجنه
_______________________
المجلسك من تحضر .. هالـخدم تتـوز
اقـل خـادم عدنه .. جنه يشـبه قنبـر
يعيش دور الفارس .. خـادمك ويـنافس
يشك ثـوبه وكـلبه .. بي عـرك من عابس
من زغري ضل اسمك يسري بداخلي
غذوني بمحبـتك ياحـيدر هـلي
لا عـذب ذيـج امي النـذرتني العلـي
و الوالد دلانـي لدربـك يـالـولي
اذكر ايكلـي غيـره ما عدنه
مجلسك حيدر يشبه الجنه
_______________________
علينه ديم النعمه .. بـلا وجودك نعمه
خـادمك هنـياله .. يـصير بسـمك زلـمه
مايذل عد ناسه .. بيـك رافـع راسـه
كصته تنگط غيره .. غيـره من عبـاسه
حركتنا ما تـبرد بسـمك تشـتعل
كـل عام وكـل لـيلـه نسبك بالحمل
رايتـنا مرفوعـه وتـلم الشـمل
راعيها ويـانه حاضـر بو الفضـل
حاضر الكافل ماغفل عـنه
مجلسك حيدر يشبه الجنه
______________________
هالعزائك دائـم .. حد ظهور القائم
يجي الحجه يحرسه .. وهم تحضره فاطم
وللـحوائج تحـضر .. ام علـي الاكـبر
وفاطمه بنت حزام .. تجـي تواسـي الكوثر
واملاك المرتـفعه تنـزل چن نـده
وتعطـر كل خادم لـو مجلس بـده
والكافل للـمجلس هوه السـانده
والخادم لـو يتـعب طـه ايسـاعده
النبي الخاتـم يخـتم الونـه
مجلسك حيدر يشبه الجنه
_______________________
بالختام احجيـها .. بكلبي ما خليها
اليشـكـك بـينه .. يـعرف ابـتالـيها
احنه ولد المنحر .. ابـد ما نتـغير
شـعره مـتهزونـه .. ويبقه صوت المنبر
اصوات المرتـزقه تنـبح كـل ضحه
واليـوم اللي يـهمس احنه النفضحه
لـيعادي واليـنه نـفر بيـه الــرحه
والزلمه خـل يوصـل ذيج الاضرحه
ويـنه ليـضدك خل يجي فنه
مجلسك حيدر يشبه الجنه
_______________________
#خادمكم_محسن_الجابري
العراق اصبح رمز لدول .. شعباً
بحيث النور منه انترس .. شع بان
بميلاد الائمه صبح .. شعبان
عيد الكل موالي بهالبريه
#سيد_محسن_الجابري
#شهادة_السيدة_زينب ع
ماتت يالكافل لتحبها .. ماتت ومشيب حاجبها
يالميت عليها .. ماتت من سبيها .. لتحبها
____________________
ماتت وبالعين دمعه .. وبمتنها اثر صفعه .. من السبي
حـدبت من المـأسي .. والزمن ويـاها قاسي .. وبالعبي
ماتت ولا واحد وياها حضر
ماتت ابعاشور زينب وبصفر
من كثر ذيج المأسي والجروح
بكل مكان البيها ضل طابع اثر
رادت بس واحد يحضرها .. لشافت چم موت ابعاشرها
الـمتگطع وليها .. ماتت من سبيها .. لتحبها
___________________
شحجي ياكافل حماها .. من نهد درب السباهه .. للغرب
تغيرت حيل العقيلـه .. بصعدت النوك الهزيله ..والضرب
صعدوها النوك والـيحدي وراه
ودخلوها الـشام ااااه يـشام ااااه
اباب ساعات القهر كامت تطيح
وماتت امن احترگت اطـراف العباه
شافت موتتها بهالمنظر ..والطاغي يجرها شما تعثر
وما هـم البچيها .. ماتت من سبيها
_____________________
بعد موتك ياابو فاضل .. الشمر ضل هوه كافل .. لضعـن بالسبي شافت مصايب .. كعدوها ابنص خرايب .. بلا وطن
المالمح لخيالها حته الظلام
وسفه كعدت بالخرابه وماتنام
كلها تسأل عنك وانته بعيد
عالنهر نـايم ومتغطي ابسهام
شافت من ابعيد اوريدك .. وتگلك خويه وين ايدك
حط ايدك بديها .. ماتت من سبيها .. لتحبها
________________________
الوجع ضل بيها داير .. وحافر ايذبها اعله حافر .. مو جرح
تخيـل وياي الاميـره .. تجمـع حسين ابـحصيره .. بالـذبح
شافت خيول التدوس ابصدر اخوك
شافتـك بعيونها مـن كطعـوك
بعمر خمسين وركض تركض حرام
وهيه تركض گـاموا ايسبون ابـوك
تركض لعيالك لو ناسك .. والشامت يضحك يم راسك
وشاعل خيمه بيها .. ماتت من سبيها .. لتحبها
___________________________
بقرب ساعات المنيه .. تمنت اتشوفك خطيه .. بهالعمر
قبل لا يخلص حزنها .. رادتـك تنـظر متـنها .. وتـنتظر
ويه ابو سكينه تريدك يالحنين
ما تريد اتسولف ابـنار و ونيـن
حيل مشتاقه وتريدك لو خيال
بس شرط لمن تجـي عندك ادين
تمنت عاشگتك تحضرها .. وحسين ايطيب خاطرها
تـأيس لو تجـيها .. ماتت من سبيها .. لتحبها
#خادمكم_محسن_الجابري
الهادي البشر .. ننقل صور .. ونعزي جينه المنتظر
لسامره نوجه الگلوب والمـهدي اكيـد ويـانه
___________________________
ننوي العزاء الفاطمه ونصافح
كلمن حضر ليلة الهادي الناصح
لمعزب ويانه تـره ابو صـالح
يلم الخدم .. وبيده العلم .. ويتحزم ابذيج الخيم
ومـيوزع الماي هنـا يوزع دمـع لحزانـه
___________________________
لعاشر أئـمتنـا نشـد الـهمه
ونعزي مهدينا الجروحه اتلچمه
عاش بغربته ومات ويلي ابسمه
يروي الحسن .. بذاك الزمن .. بكل المصايب والمحن
ما منا الا مقتول لو سمِموا عدوانه
___________________________
هـادينا قدم الـهم اعظم مُنجز
عاصر الزمره المنها عرش الله اهتز
لعاده الامام وسَمّه هـوه المـعتـز
ضل يعتمد .. عالمُعتَمد .. ويبث على الدين الحقد
يسمْم الهادي المظلوم ولبنه يفك ذرعانه
___________________________
من بعد ما سمه اللعين الطاغي
دز عـالحسن ابن الامام الهادي
گـله احسبك انـه مـثل اولادي
بحچايته .. كل غايته .. رايد يخيط فعلته
ويبين ايحب الناس وحاسبهم مثل اخوانه
____________________________
واضح الامام ابفكرته وبنهجـه
لازم نضل اعله النهـج وانروجه
وصبح ومسه ندعي الامام الحجه
نمهد اله .. بكل مسأله .. ونحيه ونموت ابكربله
وبالرجعه هم نرجع كون والمهدي ما ينسانه
_____________________________
ماينسه مهدينا ويقدر تعـبه
كلمن يحب الدمعه هو يحبه
رتبله كلبك وانته عيش بكلبه
عيش ابكلب .. شابع غرب .. ويشوف زينب تنضرب
ويوميه لحسين ادمـوم ايصب تـره لنـسوانه
_______________________________
#خادمكم_محسن_الجابري
يم عباس بالخدمه وفقيني
يم عباس بالعزه سجليني
___________
كلبي مكسور ويسولف جم رزيه
وادري بسمج تنكضي اصعب قضيه
سهليها حاجتي حليها شدتي
ديميها خدمتي بين الناس
دليني لحضرتج محتاج الوكفتج
خليني بخدمتج رافع راس
يم عباس هالجيت شوفيني
يم عباس كل عزه سجليني
_____________
فكري مضلم وانتظر لو خيط نضره
وانتي معروفه بعطائج على الفقره
انفاسي محسره جمراتي موجره
صفناتي محيره بيها هواي
ارسومي تمولحت اجروحي ماشفت
اعيوني مابجت صلفه وياي
يم عباس عالفطره ربيني
يم عباس بالعزه سجليني
______________
هيه دنيا وتنكضي وتزول هيه
وانه لو ما خدمتج لا خير بيه
سئلوني هالربع كلولي بيا شرع
اتكسر هالضلع زين وليش
كتلهم بالعظم دكاتي من انهضم
لو ماكو هالطم بيش انعيش
يم عباس انسان سويني
يم عباس بالعزه سجليني
______________
اني حيل مقصر واعترف نادم
ورايد اتسجليني يم الزهره خادم
يامحله هالفخر ياخير الهالبشر
ليعوفج اندثر جوه الكاع
اليحتاجج مايجي ويطول بالبجي
بس ينوي ويرتجي صرتي شراع
يم عباس من خيرج انطيني
يم عباس بالعزه سجليني
________________
عايش مدوهن فكر واجروحي تنزف
ساعه اخلص الليل دمعه وساعه ارجف
نبضاتي من تدك انفاسي تختنك
حبيتج من صدك وانتي ادره
طاريج من يمر جن روحي تنجبر
وتقرالج هالشعر بالحسره
يم عباس مخنوك احضريني
يم عباس بالعزه سجليني
________________
هاجت اجروحي وبجت كل الجوارح
ريتج اتهيئن كلبي الابو صالح
حزميني برايته لفيني بصايته
سجليني ابطلعته ويه الثوار
مخنوك ابلا دمع والونه تنسمع
للباب المندفع يمته الثار
يم عباس للحجه انذريني
يم عباس بالعزه سجليني
_________________
سيد محسن الجابري
ياسوالف طه .. امي يامحلاهه
من تروح ....وين اروح ....امي يامحلاهه
_____
امي ياكشخة علي وللدين بلسم
واية التطهير هيه وكلها تعلم
ندري من طبع الورد ينفكد لشم
ليش حركوا زهرة الله وفجرو الدم
عذبوها ولاذت ....وياابوصالح صاحت
وبيها روح ..وين اروح ...امي يامحلاهه
_____________
فضه سنديني تصيح ودمعت العين
حيل موجوعه ودمه تارس الخدين
السطره والباب وطفلها والنساوين
وهيه كل هذا وتفكر امي بحسين
تكله كسر الخاطر .. من يدوسك حافر
ودم يفوح ..وين اروح ....امي يامحلاهه
______________
شالت الجانت تروينه ابحجيها
چنه مانكدر ننام اله اعله اديها
الحسن اني لحاجيكم عليها
الفاكد امه يشعر بعيني وبجيها
مايعيش العافها .. كلشي ظلمه خلافها
وبس ينوح .. وين اروح...امي يامحلاهه
______________
بين باب وحايط الحاقد عصرها
ومن وره البسمار ضل ينزف عمرها
والاشد من طاحت ومايل ظهرها
بعيني شفته القنفذ ايوصي بكسرها
كسروها اكبالي .. والله يدري بحالي
عمري نوح ...وين اروح ..امي يامحلاهه
________________
امي نور الله وكمشكاة الفواطم
واللي يذكرها شرط يتوضه لازم
شبو النار وشفت بالباب فاطم
اي وأن كال احركوها ااه يظالم
شاهدتهم عيني .. وطشرتها اسنيني
بلايه روح .. وين اروح......امي يامحلاهه
______________
جنة الفردوس امي ورحمه هيه
تطفه حته النار من تدعي الزجيه
اذكر اسوالفها من نكعد سويه
جانت اتوصيني عالراحت سبيه
سولفتلي ادموعها .. وعالهزل موضوعها والجروح ..وين اروح ....امي يامحلاهه
#خادمكم_محسن_الجابري
المجلسج حزمينـي .. اشبع لطم خليني
يازهراء .. يازهراء .. يازهراء ..يازهراء
_________________
نظره .. منج اتكفي عمر
زهره .. واليشمج ينتصر
حسره .. بيه من ذاك الكسر ..كون اندثر
واصبح جمر .. يــم العتبه
يم حسن سجليها .. الدمعه من اجريها
خيري كله اعليها .. وكلج خير
حققيلي احلامي .. واللطم عالضامي
انته كل ايامي .. ومالي غير
يالجرحج امـربيني .. اشبع لطم خليني
___________________
رحمه .. ونازله علينه سبب
نسمه .. ومنج انصاغ الذهب
نعمه .. وبس الج يسوه التعب .. كلمن عتب
فكره انسلب .. مــن نظراتج
الدنيا صحره ابدونج .. افتخر مجنونج
كلشي لجل اعيونج .. فدوه يروح
يالجروحج تسوه .. نارج اشكد حلوه
من رحتلج فدوه .. وللمذبوح
لحسينج انذر عيني .. اشبع لطم خليني
____________________
كلبي .. تارس ابحزنج غصص
بدربي .. هوايه مطيتني فرص
حبري .. بسمج ابدن ما خلص ..لا مـا نقص
واللي حرص .. نــال الجنه
شحجي اضل امقصر .. بضلعي الجم و اكسر
بنارج اقره و ابحر .. كون ارتاح
انتي راحت بالي .. وانتي كل احوالي
بدون حالج حالي .. بس اصياح
دونج ضلام اسنيني .. اشبع لطم خليني
______________________
مرايـه .. لـ الله ياوتر وشفع
هوايه .. خيرج وماينكطع
حجايه .. عندي وبلايه فجع .. دون الدمع
ما انتفع .. بيج الرفعه
مالي قيمه خلافج .. يالسترني احجابج
عمري بس لمصابج .. يسوه هواي
هي بس احجايه .. وبيها دمعه وغايه
بيضي وجهي بهايه .. الخدمه وياي
بس الدمع يرويني .. اشبع لطم خليني
______________________
بزغري .. يمي دوم اتخيلج
عمري .. وقف خليته الــج
صدري .. كون اكسره لخاطرج .. واتوسلج
ابقه الج .. ما اتغير
دوم احسج يمي .. وكمت اسميج امي
فدوه الج كل دمي .. وكل نبضات
يمج احسد روحي .. يا اميرة نوحي
يا حلاة اجروحي .. الـبس دمـعات
الدنيا ما تعنيـلي .. اشبع لطم خليني
______________________
رحله .. بعالم احزانج غصت
محله .. جروحج البيها عشت
شغله .. منج اغله ما شفت .. واتيقنت
لمن صرت .. خادم لسمج
فكري بسمج نوْر .. جرحي يمج اخضر
بيها سر الكوثر .. اقره وشوف
الراضيه يسمونج .. بهالاسم يدرونج
چي حنينه عيونج .. ويمها انطوف
حنيتـج التـحويني .. اشبع لطم خليني
_______________________
سيد محسن الجابري
نخيتج يالزجيه ابـلوعة وبـحسره
عـليج ادموع زينـب رايد البشره
__________________
نخيـتج والدموع اتسولف ابهمـي
واريدن وكفتج يم الحسن يمـي
انتي امي وطلبت الحاجه من امي
وحاشه امي الزجيه ترد حچي الفقره
____________________
تيهت الـدرب ومدوهنـه افكاري
وماعندي الصديق اليدري بسراري
عليـج ابنار بابـج طـفي هم نـاري
مـوجر والمأسي ابـصدري مـتوجره
_____________________
دعيت الله بحروفج وبعتب معذور
وبس يم العزيز ايسـولف المكسور
احلفج باللي مات وعمره ست اشهور
طيبي اجـروح كلبي ابجرحج اليبـره
_____________________
ما تصعب عليج الحاجه لو كلفه
وانه المحتاج طيفج يمه حته اشفه
محلفج باللي اصبعه انگطع من جفه
وبـذيج الخيـول الداست ابـصدره
______________________
رفعت ايدي وديعتج يـمه باللوعـه
وثـوبت الدمع للسحـكوا اظلـوعه
وحق ذيج المشت للشـام مفجوعه
ضاگت كـلها بيـه ورايـد النظـره
_______________________
مو قصدي اهيـج دمعج اليجـري
اعـذريني تره هذا العتب فطـري
لچن رايـد اگـضي ويـاج كل عمري
ورايد من دموعـج اهمل العبـره
________________________
احسبيني يـيمه ابابـج امجـدي
وغيرج يالزچيه كلشي ما عندي
بيـج انهي حياتي وبيج كون ابدي
واشوف اعيونج المن الضرب حمره
________________________
من عبرة صفنتي اتبيـن الحرگـه
ومن اذكـر المهدي تطلع الشهگه
كتلتني يبنت المصطفى الفرگه
كـل جمعه اندبه واحسب ابعمر
#سيد محسن الجابري
اليوم شتخلي ابفطورك ؟
سفره تفرش لـو نحر
لو قميص حسين تفرش
يمك وتشبع قهر
گلي ياجرح اليألمك جرح مايك
لو جرح راس الامير ابهالشهر
تفطر ابماي البواچي
لو تخلي اجـروح زينب
عندك وتفطر صـور
تمسك ابيا وكت كلي
شو گضيت العمر صايم
والامساك وياك طول ونجبر
تستمع هم للمؤذن من يكول
اشرب اميه وعجـل بشربة دهر
هيجي وتعجل علينه والافطار
وياك يحله بشوفة عيون الكمر
هيجي ونعيش ابضواك ونكعد
بحضرة المهدي بلا خطر
كل مسيه وياك نكـضي
والصبح من نفز نلكه
عيون ابونه المنتظر
يمته من انفز نشوف
عيون ابونه المنتظر
#سيد_محسن_الجابري
ميمر للأمام علـي الهادي عليه السلام
الهادي البشر .. ننقل صور .. ونعزي جينه المنتظر
لسامره نوجه الگلوب والمـهدي اكيـد ويـانه
___________________________
ننوي العزاء الفاطمه ونصافح
كلمن حضر ليلة الهادي الناصح
لمعزب ويانه تـره ابو صـالح
يلم الخدم .. وبيده العلم .. ويتحزم ابذيج الخيم
ومـيوزع الماي هنـا يوزع دمـع لحزانـه
_______________________
لعاشر أئـمتنـا نشـد الـهمه
ونعزي مهدينا الجروحه اتلچمه
عاش بغربته ومات ويلي ابسمه
يروي الحسن .. بذاك الزمن .. بكل المصايب والمحن
ما منا الا مقتول لو سمِموا عدوانه
_______________________
هـادينا قدم الـهم اعظم مُنجز
عاصر الزمره المنها عرش الله اهتز
لعاده الامام وسَمّه هـوه المـعتـز
ضل يعتمد .. عالمُعتَمد .. ويبث على الدين الحقد
يسمْم الهادي المظلوم ولبنه يفك ذرعانه
_______________________
من بعد ما سمه اللعين الطاغي
دز عـالحسن ابن الامام الهادي
گـله احسبك انـه مـثل اولادي
بحچايته .. كل غايته .. رايد يخيط فعلته
ويبين ايحب الناس وحاسبهم مثل اخوانه
________________________
واضح الامام ابفكرته وبنهجـه
لازم نضل اعله النهـج وانروجه
وصبح ومسه ندعي الامام الحجه
نمهد اله .. بكل مسأله .. ونحيه ونموت ابكربله
وبالرجعه هم نرجع كون والمهدي ما ينسانه
_________________________
ماينسه مهدينا ويقدر تعـبك
وياللي تحب الدمعه هو يحبك
عيش بجروح واله رتب كلـبك
عيش ابكلب .. شابع غرب .. ويشوف زينب تنضرب
ويوميه لحسين ادمـوم ايصب تـره لنـسوانه
___________________________
#سيد_محسن_الجابري
المجلسج كلنه اجيـنه .. يم عباس
نـضره منج يالـحنينه .. يم عباس
____________________________
بمجلسج حزمنه كل احنه الضمائر
والضلوع اتوضت ابدمـع النواضر
فـزعتنه الـخدمتج هـاي المنابر
مثل فزعت عابس وابن مظاهـر
الفاتحه بسمج قرينه .. يم عباس
نضره مـنج يالحنينه .. يم عباس
____________________________
يالي نورج ساطع وخيرج اجـانه
منج اتعلمنه كلشي ياضوانه
كلتي ليريد الحياة ابلا خيـانه
لازم يحب من صدك صاحب زمانه
ويه ابوصالح دعينه .. يم عباس
نضره مـنج يالحـنينه .. يم عباس
____________________________
لو رثينـه ولـدج ابمجلس عزيه
نحسج اتزعلين منـه يالـوفيه
چنج اتكـولين لتلچمـون بيـه
الدمعه تحله بس فقط لبن الزجيه
واحنه هالدمعه اشترينه .. يم عباس
نضره منـج يالـحنينه .. يم عباس
_____________________________
يالوفيتي الحيدر وطيبتي كسره
ويالرضيتي بفعلتج فاطمه الزهره
ويالنذرتي العمر للهشموا صدره
وكلتي انذرلك ردت يحسين عشره
صرتي اشراع السفينه .. يم عباس
نضره منـج يالـحنينه .. يم عباس
_______________________________
ندري اليثابر يحصل عالـنتائج
وانتي جاهدتي ووفيتي وما نحاجج
لأزم ايـخطون اسمج بالمناهج
لان انتي الباب صرتي لكل حوائج
نبتعد وانتي تجـينه .. يم عباس
نضره منـج يالـحنينه .. يم عباس
______________________________
يالنعمتج دائمه يـم البواسل
يالي تنطين الهدايا بلا مقابل
وابـد متردين يافاطمه سائل
هو جا غير البطنج ابو فاضل
الكمر تارس ادينه .. يم عباس
نضره منج يالـحنينه .. يم عباس
#سيد_محسن_الجابري
لا تروح .. كلشي ميت واليعيشني هواك
لاتروح .. اشمرت دمعات زينب مي وراك
الخاطر ابنيتك الي فدوه ارجع ياعلي
لا تروح
____________________
راح اسولف للعقول .. انه باب ابن الفحول
قصتي قصه .. وبيها غصه .. عل سمعها
تنصبت ثاني المحن .. ابدال باب ام الحسن
من جذع صار .. وشتعل نار .. وطك ضلعها
من يـوم الـدخلت ابيـتك مـعزب
چنت ساترلي طولي واكف محدب
بيه روح .. لمسة اجفوفك تبث بيه الحياة
بيه روح .. ارتـعد كلـي كـمت وقـت الصلاة
وصرت اشوفك واختلي فدوه ارجع ياعلي
________________
اشدد حيازيم القهر .. كتلي وكليبي انفطر
روحي راحت .. جنها صاحت .. ماكو رجعه
والله لو عندي ادين .. جا شبكتك يالحنين
ولا اعوفك .. دوم اشوفك .. يمي شمعه
من كد ما احبك وانتظر حضنك
خـليت الـحديد ايـچلب ابـردنك
ماكو روح .. بعدك ارجع لصلي اضلن كالجماد
ماكو روح .. وتخلص اسنيني بـفيابك بالسواد
غير حضنك ما الي فدوه ارجع ياعلي
___________________
هواي بيك اتأثرت .. بلمسة اجفوفك عشت
من تجيني .. تغفه عيني .. بهذا وضعك
موفقط باب الطريق .. چنت حاسبني صديق
وتشتكيلي .. ويقوه حيلي .. من اسمعك
وارتاح ابنظرتك وانتعش كلـي
من هيبة سجودك تيهت ضلي
بلا جروح .. استمد قوتي بـ قنوتك بالأذان
بلا جروح .. واشـعر ابنسماتك اتوزع حنـان
الدنيا بسمك تنملي فدوه ارجع ياعلي
___________________
تنثر سوالف عشك .. على امتوني من تدك
عالي صيتك .. اباب بيتك .. تكعد الناس
يالي تفتر عالفقير .. حته بابك هم چبير
يـا حرمـته .. من عتبته .. تمسح الراس
امقدرني كـد ما تحترم ناسك
خليني اموت ولا جرح راسك
وين اروح .. و اليـتامه الكـصدت عـيونك سلام
وين اروح .. وضل يصفك ابجنحه الك حته الحمام
شرد اكلهم يالولي فدوه ارجع ياعلي
___________________
عشرتي ابيتك حياة .. عندي بيها ذكريات
شكد سوالف .. شكد مواقف .. وانته سالم
تحجي وياي بسكوت .. تقبل اعتابي و تفوت
وانه اشمك .. وتحت جدمك .. ابقه خادم
أتـذكر تـجيني بـلوعه و بـعبره
وتسولفلي قصة فاطمة الزهره
بس تنوح .. وتذكر الباب العصر روحك عصر
بس تنوح .. وچنت اول مره اشوفك منكسر
يابعد ناسي وهلي فدوه ارجع ياعلي
_______________________
سيد محسن الجابري
◦ ميمر للأمام علي عليه السلام
◦ الضدك خسر .. وشابع قهر بفقارك الدين استقر
◦ ياحيدر الله السماك وبسمك تزيد النعمه
◦ __________________
◦ الكال ثاني لكل صنم .. شي ثاني
◦ الدنيا شي ومحبتك .. شي ثاني
◦ الرادك تثني ويه النبي .. شي ثني
◦ ايه ودرس .. بوضح الشمس النبي سماك النفس
◦ يعني النبي ويه الكرار واحد ابـ أية حكمه
◦ ___________________
◦ اليـقراك يـتنور دلـيله و .. فكره
◦ وشيفكر ابفكرك القاصر .. فكره
◦ راح اختصرلك وانته اخذ .. الـ فكره
◦ بنص العبر .. نقره درر يعرف علي ابصلب الظهر
◦ راجع نورانيته وشوف واتفكر ابكل كلمه
◦ ____________________
◦ نص الحديث اليحجي كل .. ماعنده
◦ واليحجي شي من عنده لا .. ماعنده
◦ ما يـشتم الـجنه تـره الـ .. ما عنده
◦ ولاية علي .. ومن العلي هالجنه محسوبه الي
◦ چي انه اهوه الكرار واتفاخر ابضي اسمه
◦ ____________________
◦ ليحاسب افعاله ابفعل .. محسوبه
◦ يتحسب الذنبه الصبح .. محسوبه
◦ ايكلك الصـفنه ابـعلي .. محسوبه
◦ اصفن اله .. وعيش الهله تتحوط ابكل بسمله
◦ ويتوضه تفكيرك بيك واتشملك انته الرحمه
◦ _____________________
◦ لِيحاول ايأخرك حقد .. شي أول
◦ لو حول الشرق ابغرب .. شي حـ أول
◦ الـشافك الـرابع تـره .. شي اول
◦ اول صرت .. واخر صرت امغمض وكلشي شفت
◦ بيك احنه لنشوف الدين ولو ما نضرتك نعمه
◦ ______________________
◦ كل خطوه تخطيها بعمل .. مدروسه
◦ وادرس امـلاك الـسمه .. من دروسه
◦ الجـنه بـس ابـشيعتك .. مدروسه
◦ واللي سلم .. بحبك هيم يتفاخر ابهاي النعم
◦ ويتنومس ابداحي الباب ويشم ضريحك نسمه
◦ #سيد_محسن_الجابري
كلما ردت اوصفك تاه مني الراي
واحتار بخيالي ويـاك من اكتب
اكتبك جربه تطلعلي احسك ماي
وتوزع سبيل ابچفك اليـرهب
اكتبك وحدك الكاك بسجلي هواي
وانه الفكري قاصر بيك شرد احسب
اكتبك نسمه ضل الهوه رايح جاي
حسيت الهـوه يخنكني مـن اتهب
كلت اوصف جمالك والعذر من هاي
بلكي اكدر اصور كطره من الحـب
وانه بهذا الحساس وسارح بلا ناي
حاير صرت بيك وبالسماء اندب
لن صوت الاسمعه طلع من مكفاي
ويـرتل حروفـك بذنـي ومچلـب
كلي احجايه كلفه وتخص بالرواي
وجسمي ارتعش بيها وصرت متعجب
راح احچيها نصاً والكمر ويـاي
شاهد عالكلام الطـلع ما يچذب
صوت المرني صاح اليكتبك مولاي
ياخذ اذن زينب قبـل لا يكـتب
مشيت انـه وخيالي ..ماشي حالي
وسأل عن حالي كتله .. ماشي حالي
الكمر ما مره ردني .. ماشي حالي (ماشح الي )
دوم ايكلي هاك ابن الوفيه
#شهادة_الامام_الكاظم ع
سجني ضلمه وكيد بيه .. بكلبي احچي چم رزيه
ااااه ااااه ياقسوة السجان
__________________________
الكاظم اني .. يـا زمانـي الكظمت غيضي وغضت
نضر عيني .. بـكل ونيني راح اسولف ما شفـت
ويـن .. احجي وبالسهر
ويـن .. دمعاتي صـور
ويـن .. ابعيني النحر .. وبكلبي جوده
شويه احچي وبيه الهواي .. بسجني واخجل اشرب الماي
اه اه .. ياويلي عالعطشان
اه اه .. ياقسوة السجان
______________________
رايد ابدي .. بقصتي واحدي من بالسجن ضليت
ليلي جرحي .. وانتو صبحي ياشيعة اهل البيـت
صـاح .. هارون الكفر
صـاح .. عالسندي يمر
صـاح .. احسم هالأمـر .. ضيك گيوده
بلايه رحمه ولا خطيه .. من منيه لحد منيه
اه اه .. ومكيده الذرعان
اه اه .. ياقسوة السجان
_________________________
بدمعي ناكع .. والمواجـع لا مو سجن وعيون
لچن عندي .. يجي السندي ويشتم اعله ام عون
طاح .. حيلي وانهدم
طـاح .. ذكرني بسهم
طـاح .. بزينب والخيم .. وطيحة زنوده
جرح الطفوف ويه نفسي .. بيه اصبح وهـم امسي
اه اه .. يـا طبة الديـوان
اه اه .. يـاقسوة الـسجان
__________________________
من يمرني .. ضل يجرني وتشبكني كـومه جروح
بيـه سكته .. لچن شفته يحجيلي علـ مذبـوح
ضاك .. صبري والحبل
ضاك .. بيدي والفعل
ضاك .. بچلماته اشتعل .. وهو ابروده
لحظه عيني تغفه بيـه .. تـشوف شوغـات الزجيه
اه اه .. واتنفس الدخان
اه اه .. ياقسوة السجان
___________________________
بسجني انعي .. واكض ضلعي واتذكر اعله البـاب
امي طاحت .. وروحي راحـت وتـرد لچن بعتـاب
ليش .. فاطم تنظرب
ليش .. وجهنم تطب
ليش .. بالدار الغرب .. والدنيا سوده
ابچي واسكت نفسه حيلي .. شحچي والزهره ابدليلي
اه اه .. يازهـرة القرأن
اه اه .. ياقسوة السجان
___________________________
فاض أمري .. وضاك صدري دعـيت رب الكـون
كتله الاهي .. ابجاه جـاهي خلصني من هـارون
جـاب .. رطبه السندي الي
جـاب .. عـباله انـولـي
جـاب .. ادري ابمقتلـي .. وادري بعهوده
كضه عمري بحبل ينكاد .. وجثتي ضلت بجسر بغداد
اه اه .. يـاحركة الدفـان
اه اه .. ياقسوة السجان
#خادمكم_محسن_الجابري
شهادة السيدة زينب عليها السلام
زينب يالحبيبه .. يالعشتي المصيبه
جيتج يمه افرحي .. انتي مو غريبه
#######################
التعيـش ابدنية الله بحسـره وونين وعـذاب
والبدت رحلتها سفره و اول امـتاع الهـا باب
الشـافت المـاي ابدمـعها و طلع تاليـته سـراب
خضـر الشـيب ابرمشها وهـي بسـنين الشـباب
سموها السبيه الناس وهـي مدللة حيدر
ياتسبيحة المـحتار ويا ايـقونـة الكـوثر
يالكلج مُهيـبه .. يالعشتي المصيبه
جيتج يمه افرحي .. انتي مو غريبه
########################
شفتي بسنينج عجائب من نهد باب الجمر
شفتي ابوج ابشهر الله شلون راسه ينطبر
شفتي اخوج الحسن يمه بطشت چبده ينفجر
وانـتي كـل هـذا وبـقيتي سـتر للمـاله سـتر
يالسترج ستر عالكون وعاشت بيج الحجايه
اي يم عون انتي العون و انتـي لكل صـبر ايـه
يالصرتي الطبيبه يالعشتي المصيبه
جيتج يمه افرحي .. انتي مو غريبه
########################
جـانت امـنيتج ييـمه ايوسدج ابلحدج كمر
ادري وحـسينج يغمـض عينـج وشابع نضر
ارتاحي يـبنيتي اجوي ثـنينهم شوفي القهر
واحـد بلا راس اجاج وثانـي جفـه اعله النهر
يم راسج وكف كعده چي متكطعه اوصاله
مايكدر يكوم حسين و اخوج الكمر ينعاله
والدمعه العجيبه .. يالعشتي المصيبه
جيتج يمه افرحي .. انتي مو غريبه
##########################
تحملت ضيم المأسي ولبست احـزان الـنبي
وغـطت الدنيا ابجيها خاطر اتعيـش العـبي
الهضمها ابـيوم صـاحوا ويـن زيـنب تختبي
واللي يوجعها من اذكره اه ياضـيم السبي
من هجموا عليها الكوم طلعت زينب ادور
ماعرفت اخوها المـات وتالي عثرت ابخنصر
والجثه سليبه .. يالعشتي المصيبه
جيتج يمه افرحي .. انتي مو غريبه
##########################
فرحت الدنيا ابسبيها وضحكت عيون العبيد
صعدت ابنوك الهزيله بلوعه وسياط وحديد
طبت الشام المـأسي و كـالو اهـل الـشام عيد
وخاطر ايجرحوج يمه فرحوا ابـراس الشهيد
دخلوج القصر وانتي محد شايف اخيالج
رجفتي السمع والشاف وشافو بالكمر حالج
والخطبه الرهيبه .. يالعشتي المصيبه
جيتج يمه اثبري .. انتي مو غريبه
##########################
ماتـت الحره ابحـزنها وشـافت المـوت الغـبش
بصبح الحسين الحوافر داسته وجسمه انفرش
وماتت ابيوم ابو فاضل كطعوا اجفوفه الدغش
والـسوالف كـلها ويـلي ماتـت ابـيوم اهـدعش
ماتت من لهب الخيام وركضت عالجمر داست
ماشافت عرس جسام بس راسه برمح شافت
والموت شيجيبه .. يالعشتي المصيبه
جيتج يمه افرحي .. انتي مو غريبه
#سيد_محسن_الجابري
المجلسج كلنه اجيـنه .. يم عباس
نـضره منج يالـحنينه .. يم عباس
____________________________
بمجلسج حزمنه كل احنه الضمائر
والضلوع اتوضت ابدمـع النواظر
فـزعتنه الـخدمتج هـاي المنابر
مثل فزعت عابس وابن مظاهـر
الفاتحه بسمج قرينه .. يم عباس
نضره مـنج يالحنينه .. يم عباس
________________________
يالي نورج ساطع وخيرج اجـانه
منج اتعلمنه كلشي ياضوانه
كلتي ليريد الحياة ابلا خيـانه
لازم يحب من صدك صاحب زمانه
ويه ابوصالح دعينه .. يم عباس
نضره مـنج يالحـنينه .. يم عباس
________________________
لو رثينـه ولـدج ابمجلس عزيه
نحسج اتزعلين منـه يالـوفيه
چنج اتكـولين لتلچمـون بيـه
الدمعه تحله بس فقط لبن الزجيه
واحنه هالدمعه اشترينه .. يم عباس
نضره منـج يالـحنينه .. يم عباس
_________________________
يالوفيتي الحيدر وطيبتي كسره
ويالرضيتي بفعلتج فاطمه الزهره
ويالنذرتي العمر للهشموا صدره
وكلتي انذرلك ردت يحسين عشره
صرتي اشراع السفينه .. يم عباس
نضره منـج يالـحنينه .. يم عباس
___________________________
ندري اليثابر يحصل عالـنتائج
وانتي جاهدتي ووفيتي وما نحاجج
لأزم ايـخطون اسمج بالمناهج
لان صـرتي الباب انتي للحوائج
نبتعد وانتي تجـينه .. يم عباس
نضره منـج يالـحنينه .. يم عباس
__________________________
يالنعمتج دائمه يـم البواسل
يالي تنطين الهدايا بلا مقابل
وابـد متردين يافاطمه سائل
هو جا غير البطنج ابو فاضل
الكمر تارس ادينه .. يم عباس
نضره منج يالـحنينه .. يم عباس
#خادمكم_محسن_الجابري
بسم الكمر نبدي حچينه .. ولم الگمر نرفع ادينه
_____________________
للخدمه شد احزام .. واحچي ويه بنت احزام
متعوفك ابكل عام .. منك قريبه
تـگضيلـك الحاجات .. واتـسهل الصعـبات
بس ثوب الدمعات .. للدامي شيبه
بس صفي گلبك واخلص ابهاي
بيـد الگمـر اتشـربك مـاي
شما تقسه بيك الدنيا وتمـيل
اتگلك يخـادم امـشي ويـاي
منـفارك ايـدج يالحنينـه .. ولم الگمر نرفع ادينه
_______________________
لزهره وفة دين .. وتـحزمت لحـسين ..
ربتلـه چف وعين .. وبدمعه تجري
خلاها ايه اتصير .. كلشي بديهـا ايصير
وبلايـه كل تفسير .. الحاجه تگضي
ليعيش ابدربها يرفع الراس
وتخضر ابگصته غيره وحساس
بس تلفض اسمها ابالك ايصير
موش شويه ام الكمر عباس
صرتيلـه اشراع السفينه .. ولم الگمر نرفع ادينه
_______________________
للگلبه ضل مهموم .. خل يحچي بالمضموم
متردك ابـفد يـوم .. تنطيـها بيدك
لنطت ولدها انذور .. مترجـع المكـسور
انـخاهـا ابـعاشـور .. والله تـفيدك
خل ابالك الحاجه وتوسـل
واقره الفاتحه وثق كلشي ينحل
ولو مره نسيت وفاتـك اليوم
هيه التعتني وعـليك تسأل
تسأل عنك وتسمع بچينه .. ولم الكمر نرفع ادينه
________________________
اليگضيها بس ادموع .. تشعل طريقه شموع
وتـريح المـوجوع .. تصبحلـه غيمه
ام الگـمر والماي .. تترس شليله هواي
وفـايه للـوفـاي .. هـاي العظيمه
هـاي الضـحت ابـأربع بواسل
متـرجع ابـد يـا نـاس سـائل
من گد ما فضلها مغرك الناس
صار اول زلمـها اسمه ابوفاضل
هذا اليمسح بچفه علينه .. ولم الگمر نرفع ادينه
__________________________
دكتورة المعلـول .. تشفي ابدمع مقبول
والكافل المسؤول .. عن النتائج
باب الگمر عباس .. صارت ستر لنـاس
بس الها دير الراس .. تگضي الحوائج
كشفيتها صارت دمعة العين
كون اتگضي عمرك حسره وونين
اتگلك يـخادم احچي شتـريد
كلشي انطيك اخذه وانطي لحسين
لا تنسه حبيبي امگطعينه .. ولم الگمر نرفع ادينه
__________________________
بهالحرگه الطم زين .. وتلگه ام حسـين
جتي ابدموع العين .. قبلت عزانه
والمهدي هم موجود .. يلطم ويه الرادود
بهذا الوكت مريود .. صاحب زمانه
المهدي يواسينه اعله حزنه
وامنه الزهره اتلم ابـدمعنه
نطلب حاجه منج يم الحسين
ثبـتينه اعلـه خدمتنه وعشكنه
الخدمة حبيبـج وفقيـنه .. ولم الگمر نرفع ادينه
___________________________
#سيد_محسن_الجابري
(يازهراء ) لحـن ثاني
يالزهره المدد .. صيريلي سند
سجليني .. وفقيني .. لخدمتكم بعد
يازهراء .. يازهراء .. يازهراء
_________________
نظره .. منج اتكفي عمر
زهره .. واليشمج ينتصر
حسره .. بيه من ذاك الكسر ..كون اندثر
واصبح جمر .. يــم العتبه
يم حسن سجليها .. الدمعه من اجريها
خيري كله اعليها .. وكلج خير
حققيلي احلامي .. واللطم عالضامي
انته كل ايامي .. ومالي غير
منهاره النفس .. محتاجج شمس
بكل نوحج .. وجروحج .. خليني احس
___________________
رحمه .. ونازله علينه سبب
نسمه .. ومنج انصاغ الذهب
نعمه .. وبس الج يسوه التعب .. كلمن عتب
فكره انسلب .. مــن نظراتج
الدنيا صحره ابدونج .. افتخر مجنونج
كلشي لجل اعيونج .. فدوه يروح
يالجروحج تسوه .. نارج اشكد حلوه
من رحتلج فدوه .. وللمذبوح
ايام العمر .. لعيونج نذر
جلماتي .. ودمعاتي .. تضويلي الكبر
____________________
كلبي .. تارس ابحزنج غصص
بدربي .. هوايه مطيتني فرص
حبري .. بسمج ابدن ما خلص ..لا مـا نقص
واللي حرص .. نــال الجنه
شحجي اضل امقصر .. بضلعي الجم و اكسر
بنارج اقره و ابحر .. كون ارتاح
انتي راحت بالي .. وانتي كل احوالي
بدون حالج حالي .. بس اصياح
اجروحي استحن .. من هاي المحن
كل همي .. ايصير اسمي .. خادم لم حسن
______________________
مرايـه .. لـ الله ياوتر وشفع
هوايه .. خيرج وماينكطع
حجايه .. عندي وبلايه فجع .. دون الدمع
ما انتفع .. بيج الرفعه
مالي قيمه خلافج .. يالسترني احجابج
عمري بس لمصابج .. يسوه هواي
هي بس احجايه .. وبيها دمعه وغايه
بيضي وجهي بهايه .. الخدمه وياي
من دونج عدم .. يا ام الخدم
بعزياتج .. دمعاتج .. رزقيني الالم
______________________
بزغري .. يمي دوم اتخيلج
عمري .. وقف خليته الــج
صدري .. كون اكسره لخاطرج .. واتوسلج
ابقه الج .. ما اتغير
دوم احسج يمي .. وكمت اسميج امي
فدوه الج كل دمي .. وكل نبضات
يمج احسد روحي .. يا اميرة نوحي
يا حلاة اجروحي .. الـبس دمـعات
ياعرش السمه .. يا ماي وضمه
لو تفحص .. نبضاتي .. تسمع فاطمه
______________________
رحله .. بعالم احزانج غصت
محله .. جروحج البيها عشت
شغله .. منج اغله ما شفت .. واتيقنت
لمن صرت .. خادم لسمج
فكري بسمج نوْر .. جرحي يمج اخضر
بيها سر الكوثر .. اقره وشوف
الراضيه يسمونج .. بهالاسم يدرونج
چي حنينه عيونج .. ويمها انطوف
راضية قهر .. مرضيه ابنضر
حوريه .. وأنسيه .. يا ارقه البشر
_______________________
سيد محسن الجابري
قصيدة
(رايح للحبيب)
اداء الملا وسام ألشيباني
كلمات الشاعر محسن الجابري
رابط القصيدة https://youtu.be/btLobCI48QU
موكب انصار الإمام المهدي عج
محافظة المثنى _الصوب الصغير
محرم الحرام 1444ه
كلما ردت اوصفك تاه مني الراي
واحتار بخيالي ويـاك من اكتب
اكتبك جربه تطلعلي احسك ماي
وتوزع سبيل ابچفك اليـرهب
اكتبك وحدك الكاك بسجلي هواي
وانه الفكري قاصر بيك شرد احسب
اوصفك نسمه ضل الهوه رايح جاي
حسيت الهـوه مخـنوك مـن اتهب
كلت اوصف جمالك والعذر من هاي
بلكي اكدر اصور كطره من الحـب
لن صوت الاسمعه طلع من مكفاي
ويـرتل حروفـك بذنـي ومچلـب
راح احچيها نصاً والكمر ويـاي
شاهد عالكلام الطـلع ما يچذب
صوت المرني صاح اليكتبك مولاي
ياخذ اذن زينب قبـل لا يكـتب
#متبركين
#سيد_محسن_الجابري
عنده احتظار مولاتنا زينب عليها السلام
وقفت على رأسها امها الزهراء عليها السلام
وقالت ….
زينب يالحبيبه .. يالعشتي المصيبه
جيتج يمه افرحي .. انتي مو غريبه
#######################
التعيـش ابدنية الله بحسـره وونين وعـذاب
والبدت رحلتها سفره و اول امـتاع الهـا باب
الشـافت المـاي ابدمـعها و طلع تاليـته سـراب
خضـر الشـيب ابـمتنهـا وهـي بسـنين الشـباب
سموها السبيه الناس وهـي مدللة حيدر
ياتسبيحة المـحتار ويا ايـقونـة الكـوثر
يالكلج مُهيـبه .. يالعشتي المصيبه
جيتج يمه افرحي .. انتي مو غريبه
########################
شفتي بسنينج عجائب من نهد باب الجمر
شفتي ابوج ابشهر الله شلون راسه ينطبر
شفتي اخوج الحسن يمه بطشت چبده ينفجر
وانـتي كـل هـذا وبـقيتي سـتر للمـاله سـتر
يالسترج ستر عالكون وعاشت بيج الحجايه
اي يم عون انتي العون و انتـي لكل صـبر ايـه
يالصرتي الطبيبه يالعشتي المصيبه
جيتج يمه افرحي .. انتي مو غريبه
########################
جـانت امـنيتج ييـمه ايوسدج ابلحدج كمر
ادري وحـسينج يغمـض عينـج وشابع نضر
ارتاحي يـبنيتي اجوي ثـنينهم شوفي القهر
واحـد بلا راس اجاج وثانـي جفـه اعله النهر
يم راسج وكف كعده چي متكطعه اوصاله
مايكدر يكوم حسين و اخوج الكمر ينعاله
والدمعه العجيبه .. يالعشتي المصيبه
جيتج يمه افرحي .. انتي مو غريبه
##########################
تحملت ضيم المأسي ولبست احـزان الـنبي
وغـطت الدنيا ابجيها خاطر اتعيـش العـبي
الهضمها ابـيوم صـاحوا ويـن زيـنب تختبي
واللي يوجعها من اذكره اه ياضـيم السبي
من هجموا عليها الكوم طلعت زينب ادور
ماعرفت اخوها المـات وتالي عثرت ابخنصر
والجثه سليبه .. يالعشتي المصيبه
جيتج يمه افرحي .. انتي مو غريبه
##########################
فرحت الدنيا ابسبيها وضحكت عيون العبيد
صعدت ابنوك الهزيله بلوعه وسياط وحديد
طبت الشام المـأسي و كـالو اهـل الـشام عيد
وخاطر ايجرحوج يمه فرحوا ابـراس الشهيد
دخلوج القصر وانتي محد شايف اخيالج
رجفتي السمع والشاف وشافو بالكمر حالج
والخطبه الرهيبه .. يالعشتي المصيبه
جيتج يمه اثبري .. انتي مو غريبه
##########################
ماتـت الحره ابحـزنها وشـافت المـوت الغـبش
بصبح الحسين الحوافر داسته وجسمه انفرش
وماتت ابيوم ابو فاضل كطعوا اجفوفه الدغش
والـسوالف كـلها ويـلي ماتـت ابـيوم اهـدعش
ماتت من لهب الخيام وركضت عالجمر داست
ماشافت عرس جسام بس راسه برمح شافت
والموت شيجيبه .. يالعشتي المصيبه
جيتج يمه افرحي .. انتي مو غريبه
#سيد_محسن_الجابري
يم الكمر وفقيني
وبمجلسج سجليني
~~~~
ياروحي ودنيتي .. ياحزني وفرحتي .. ياقوتي ولذتي بين الناس
بالمجلس غايتي .. تسجليها خدمتي .. وتكضيها حاجتي يم عباس
اهاتي وفطرتي .. حسراتي وونتي .. جلماتي ودمعتي رفعة راس
يم البنين الفاتحه من اقراها
تكليلي كدامك احس تلكاها
كل الحوائج تنكضي بطرواها
يالخيرج امغطيني
وبمجلسج وفقيني __________ابعالمج .. امدلل خادمـج
ليعيش ابمـأتمج .. يتروه
جن سلطان
عطشان المجلسج .. ارويني بنظرتج .. مخلوق الخدمتج مو لنسان
تسبيحي فاطمه .. واضلوعي لاطمه .. وانفاسي هايمه
فرضج حان
الـدمعه من تتـحزم ابـدويه
كل كطره تحجيها بكرم علويه
وتكليلي البالك تـره مكـضيه
ابنج صدك حسبيني
وبمجلسج وفقيتي
_____
يالمثلج مايصح .. يالخيرج مايشح .. ياورده وتنفتح للمحتاج
يحساسي ومصدري .. ياكسرة خاطري ..يالصرتي بناظري
هيبه وتاج
طشرتي هالولد .. لحسينج مي ورد .. صرتيله مو فرد
جن افواج
وفيتي لحسينج كمر وحچايه
واجب نوفيلج لـطم وقرايـه
قوينه للخدمه بعزم وفايه
للخدمه هاج اسنيني
وبمجلسج سجليني
________
بكل مجلس حاضره .. وعيونج ناظره .. ويـاج الطاهره
ام الكـون
موجوده فاطمه .. وياها فاطمه .. بكل ونـه لاطـمه
ويه ام عون
والخادم ينجرح.. وكليبه ينشرح .. بالمجلس جن صرح
يشبه جون
ويحلفج ابنص العزه وتدرينه
سمينه عابس مجلسج سمينه
رزقينه من عندج دمع رزقينه
من دمعتج رزقيني
وبمجلسج سجليني
______
اليندبج كل ضحه .. وبنية الأضرحة .. بس يقره الفاتحه يلكه الخير
منزلتج من علي .. ياناسي وكل هلي .. اليخدمج يعتلي يبقه اجبير
اليكصدج مايذل .. اليودج مايزل .. اليخدمج يرتجل
جنج بير
مولاتي عندي بس طلب من عندج
خـليني اصـغر خـادم لكـل ولـدج
واتعذب ابنارج واعيش ابحزنج
من الخدمه لتحرميني
وبمجلسج سجليني وبمجلسج وفقيني
_________
يااغله من العمر .. ياشمعه بالكبر .. يا ايه وتنذكر
كل مصباح
ياريتي ونسمتي .. يافخري وكشختي .. مرفوعه هامتي
كلبي الطاح
بيامج انحني .. وابـابج اعـتـني .. امنـيتي انـفني
وبيج ارتاح
لرايد يوفي بمجلسج لو كطره
لازم تدوس بصدره ذيج العشره
ويتسمه خادم من صدك لزهره
عبدج انه سميني
وبمجلسج سجليني
سيد محسن الجابري
زينب اتفـز ابچيهـا
ويقهر هوايه حجيها
بلا وطن ..وام حسن .. كلشي ضلمه خلافها
______________________
عن لسان الحره اروي .. وبثواب المهدي انوي
كل حرف بي لوعه
وراح افصل بالمصيبه .. وكـون تشهدلي الحبيبه
واللي دك اضلوعه
قصة الزهره العفيفه .. فعلوها اهـل السقيفه
وطلعوا ابمجموعه
كلهم اشرار وهدفهم دغش من دخلوها
كاموا انواع الفواحش بالعلن يحچوهـا
يكله خلف الباب فاطم بت نبي يدروها
يجاوبه بأي وأن فاطم دارهم حركوهـا
ماشفت من هالصلافه
يكتل امه اعله الخلافه
عذبوها .. روعوها .. وهيه خير اسلافها
____________________
صدت اعله الباب شافت .. دمعه فوك العتبه طاحت
والله يقهر حالها
كامت من الخوف تـرجف .. وشـافت البـسمار ينـزف
ودمه دوم ابالها
ذبل كلشي من الزغيره .. بعد كسر الزهره حيـره
الكسر حته اخيالها
سطرة الزهره شفتها تكول هم كدامـي
والدفعها ابالي اسمه وباقي طول ايامي
والغصب حقها اعرفه وابد موش اسلامي
والحرك باب الزجيه نفسه رد لخيامي
الـغضبت اعليه الاميره
مشارك ابسبي العشيره
والعصر .. والكسر .. بيده ضب اجتافها
____________________
عمري خمس اسنين جانت .. وامي خلف الباب لاذت
وخفت من عدواني
نـار وسط البيت دخلت .. وبالكلب مو بيها شعلت
ركضت يـم اخواني
حسين ضمني ابين روحه .. والحسن لازم جروحه
وموقفه البجاني
لازم اجروحه الجبير ابحزنه ضل ايكابر
يصبر ابأخته الزغيره وهوه كوه صابر
والحسين ابدمعه يخفي وفكره راح الباجر
جن احسه يكول يختي شلون جرح العاشر
ضمي حزنج هسه بيه
بـاجر الـوحدج سـبيه
بلا حمه..والسمه .. ترتعد السعافها
_________________________
محنه تشمرني اعله محنه .. والزمن طشر جمعنه
وكتب دمعي ابلوحه
الخالي بيته من الحنينه .. يخلص الليل ابونينه
وينتجي اعله جروحه
الفاكد امه شكد يعاني .. تموت من عنده الاماني
وكسرته مفضوحه
حسرة الفاكد حسرته بصحره بيها وضايع
وشيصبر الودع امـه ومـنها ابد ما شابـع
يكضي ايامه ابذكرها ويفجع الما فاجـع
كلشي يابس بيه نلكه بيها بس ضل ناكع
ناكع ابحركة دمعته
وماتت وياها ضحكته
والعمر .. ينذكر .. من نهد ما شافها
______________________
البيده رد الشمس النه .. طايح ابطيحة حملنه
والله حيل اتغير
الچنه نتغطه اعله ذكره .. عاشت ابدلاله حسره
وجنه ابد مو حيدر
غسل امي بمي دمعته .. وكسرة الدنيا كسرته
بكسر ضلع الكوثر
الما تهزه الحرب شعره رجف ضله وياها
ذابل وطايح نشوفه بكل وكت ينعاها
جان من يعثر تطيح اكباله جن نلكاها
هسه ياحسرة اجدامه التعثر ابطروها
جدامه بالكوه يجرها
وتاخذه ابليل الكبرها
يعتلي .. والولي .. ابد لا ما عافها
#سيد_محسن_الجابري