-
Mohsen Aljabri
نار .. الحرب شعلوها
نار ..غضب علنوها
سيوف .. زلم سلوها بعزم
~~~~~~~~
ترسوا الطف بعزم عرضه ويطوله
لو تريد اتسولف انته عالرجوله
من حبيب وقيس تاريخ الفحوله
عاش .. فده للعتره
عاش .. حبيب الزهره
صاال .. وقدم نحره بعزم
~~~~~~~~~
مزك اثيابه وجهنم صار لونه
حير ألعالم ابحبه وابجنونه
اني عابس صاح جاوين اليجونه
كال .. اهد وافنيها
كال .. الزلم امحيها
جاي ..وروحي افديها. بعزم
~~~~~~~~~
بعمر شاب وصاح يا محله الشهاده
ابد مهتم ابكثر جيشه وعتاده
برز للجيش وهتف ابنه جناده
صاح ..امير حسيني
صاح .. حبيبي وعيني
جيت .. أوفي ابديني بعزم
~~~~~~~~~~
وطلع جون ايصيح قافل عالمنيه
كل قضيه اتهون بس هاي القضيه
ارد اطيب ريحي يم ابن الزجيه
صار .. يلوذ ابونه
صار .. عطر بالجنه
ركاب .. نوفي كلنه بعزم
~~~~~~~~~~
وخيمه صاروا همه لحسين وبناته
لبسوا اثياب الوفه ودينه وثباته
وهب والحر وزهير ابكل صفاته
رجال .. سيوف ورايه
رجال .. أهل الحجايه
سباع .. ودكوا ثايه بعزم
سيد محسن الجابري
حميده بت مسلم ع تخاطب عمها الحسين ع
ياعمي مشتاكه .. چايمته نتلاكه
وليمته اتاني .. بـس لا نساني
________________________
عمي جاوبني ولتخفي عني لتضم الخبر
امبينه نضرة عيونك بيها حسرات وقـهر
سـافر ومارد ابويه كـلي شو طال السـفر
كلبي ياذيني من اذكره والدي چنه ابخطر
جاوبني دلالي .. عن غربة الغالي
مـسلم يعاني .. بس لا نساني
_________________________
كلبي مفجوع بغيابه وحيلي مايحمل محن
ترخص اسنيني لغربته وعيني ياريت انعمن
امنور ايامي بوجوده چان بس هسه انطفن
الفاكد الخيمه الجبيره يگضي عمره بلا وطن
تتسلب الغيمه .. وتاليها بالهيمه
اتعيش الاماني .. بـس لا نساني
_________________________
الطفله لبعمري يعمي تصير كون مدلله
تضحك الدنيا بوجها وتفرح ابكلمة هله
ضني المسافر يجيب البنته لعبه معدله
طَـوْل وصارت لعبتي ارمـاد نار وسنسله
بلخيمه لعبونه .. وكاموا يضربونه
بالسوط اجانـي .. بـس لا نساني
__________________________
ستغربت ياعمي لمن شفتك اكبالي صرت
ومن شفت مخطوف لونك والله بيك تحيرت
تمسح براسي وسألتك وانته ابـد ما جاوبت
كلبي جاوبني بمكانك كلـي يـعني تـيتمت
تتيتم احلامي .. بجروحي والامي
فكده السباني .. بس لا نساني
__________________________
كلبي مايحمل سوالف غربه وايتام ونعش
وهالخبر ياعمي والله حته نساني العطش
ليلي يخنكني بحسرته وجرحه ويايه غبش
الچنت افرش ضحكته ويلي عالكاع انفرش
وصلتلي حسراته .. والهسه چلماته
تـون بـأذانـي .. بـس لا نـسانـي
__________________________
دمعه واهات ابسنيني والجرح خضر جرح
بعد ابوي الغالي يعني بعد ما يطلع صبح
اخر الكلمات احجي واختصر بـيها الشرح
صدك ياعمي ابويه مرمي من فوك السطح
جاوبها بالنظره .. وافتهمت الفكره
بهـاي الثـواني .. بـس لا نساني
#سيد_محسن_الجابري
مسلم من هجم عالكوم زلزل بيهم الكوفه
نسخه من علي الكرار عزمه وهيبت جفوفه
####################
دخل للكوفه متعني بعزم وبنخوه وبهمه
تحزم بالكمر عباس وماخذ غيره من عمه
تعنه وشايل بصدره رساله من ابو اليمه
مضمون الرساله يكول
تبين صحة المرسول
لحسين الغده مكتول
بغدرهم وألزمن شاهد وهاي افعال معروف
####################
تلكت طوعه مسلمه تكله والدمع همال
دكوم وراوي هالعسكر عليك بهل وكت ينهال
يمسلم خلي بالتاريخ صوره لهل اثر تنكال
صورة تضحيه وعبره
تخلد بيها هالثوره
وطريقك لابد اتنوره
ابيت الهادي والقران الخطت للهدى احروفه
####################
اشوفنك يبعد الروح جدمك ينگل ابحيره
ماتدري لوين تروح ووجهك المن أديره
تعال وادخل ابعيني وأصيرلك انه انصيره
تكله ماالك صحبان
وبعيده عنك الخوان
غدرو بيك هالعدوان
هذوله الغدرو بعمك نفسهم همه بالكوفه
#####################
توضه وصله فرض الموت وهده لحسين ركعاته
تحضر للقتال يريد يصول بذيج صولاته
والجيش برعب يحسب لحظه بلحظه ساعاته
ضَل يلمها ويطشر
ورأس برأس ضَل يشمر
اليقره بسيفك ويبحر
يشوف الموت بيد الموت يشك والدنيا متروفه
####################
من هد مسلم اعله الكوم صال وزمجر وكبر
خزرت عينه تجدح موت وسلة سيفه موت احمر
عليمن مرتفع هالصوت ولمن لمة العسكر
جن البرز حامي الجار
وصال ابصولة الأحرار
ودخل كل اميه إنذار
كلها تصيح جن حيدر مو مسلم تره نشوفه
##################
من طب مسلم الكوفه ضلت حايره هالناس
ضنت حيدر الجاهم وخافت ما تدير الراس
وناس اتكول مو مسلم هذا البرز جن عباس
ناس اتخيلت حيدر
وناس من الرعب تعثر
تعال وشاهد المنظر
تطاير غدة هالروس وجثث عالكاع مكشوفه
#####################
#سيد_محسن_الجابري
كلمن سئل .. ام البنين
تشفي العلل .. ام البنين
#################
الضحة ابكلشي ... لحسين ابو اليمه
البـاري سمـاها ... دكـتورة الأمـه
لا تـجفي وياهـا ... حاجيها لو كلمه
من تختنك ريتك ... تلكاها جن نسمه
الهـمه ثكـل .. ام البنين
تشفي العلل .. ام البنين
##################
ام المواقف هاي ... يدروها بـدويه
كسبت رضا الزهره ... وصارت العلويه
يـا لهـمك امـــعـسر ... حـاجيها بالنيه
تـگظيلـك الحـاجه ... و بـلايـه كشفيه
هيـه الامل .. ام البنين
تشفي العلل .. ام البنين
###################
كل السوالف بيج ... ما تكفي من نقره
عنج يـم عبـاس ... و يسوالف الفـقره
قدمتي كل ولـدج ... وكل هايه عالفطره
وكلتيله لو عندي ... اضحيلك ابعشره
وكلج خجل .. ام البنين
تشفي العلل .. ام البنين
#####################
سموج بنت احزام ... حزمتي چي ولدج
لجل الوكع عطشان ... و تروه من دمعـج
شاركتـي الحـوراء ... ابـنوحج او ونـج
الوفايـه بالـعباس ... وبفخر صـار اسمج
ببـن الفحل .. ام البنين
تشفي العلل .. ام البنين
######################
يالـكـثرة الامـك ... اتـمعـن و يـاهـا
للجنه مو بس باب ... ابـواب تلكـاها
هاي الشفيعه هناك ... حيدره الزكـاها
ابحـبها لو صليت ... الفـاتـحـه اقراهـا
خير العمـل .. ام البنين
تشفي العلل .. ام البنين
#سيد_محسن_الجابري
يم عباس بالخدمه وفقيني
يم عباس بالعزه سجليني
___________
كلبي مكسور ويسولف جم رزيه
وادري بسمج تنكضي اصعب قضيه
سهليها حاجتي حليها شدتي
ديميها خدمتي بين الناس
دليني لحضرتج محتاج الوكفتج
خليني بخدمتج رافع راس
يم عباس هالجيت شوفيني
يم عباس كل عزه سجليني
_____________
فكري مضلم وانتظر لو خيط نضره
وانتي معروفه بعطائج على الفقره
انفاسي محسره جمراتي موجره
صفناتي محيره بيها هواي
ارسومي تمولحت اجروحي ماشفت
اعيوني مابجت صلفه وياي
يم عباس عالفطره ربيني
يم عباس بالعزه سجليني
______________
هيه دنيا وتنكضي وتزول هيه
وانه لو ما خدمتج لا خير بيه
سئلوني هالربع كلولي بيا شرع
اتكسر هالضلع زين وليش
كتلهم بالعظم دكاتي من انهضم
لو ماكو هالطم بيش انعيش
يم عباس انسان سويني
يم عباس بالعزه سجليني
______________
اني حيل مقصر واعترف نادم
ورايد اتسجليني يم الزهره خادم
يامحله هالفخر ياخير الهالبشر
ليعوفج اندثر جوه الكاع
اليحتاجج مايجي ويطول بالبجي
بس ينوي ويرتجي صرتي شراع
يم عباس من خيرج انطيني
يم عباس بالعزه سجليني
________________
عايش مدوهن فكر واجروحي تنزف
ساعه اخلص الليل دمعه وساعه ارجف
نبضاتي من تدك انفاسي تختنك
حبيتج من صدك وانتي ادره
طاريج من يمر جن روحي تنجبر
وتقرالج هالشعر بالحسره
يم عباس مخنوك احضريني
يم عباس بالعزه سجليني
________________
هاجت اجروحي وبجت كل الجوارح
ريتج اتهيئن كلبي الابو صالح
حزميني برايته لفيني بصايته
سجليني ابطلعته ويه الثوار
مخنوك ابلا دمع والونه تنسمع
للباب المندفع يمته الثار
يم عباس للحجه انذريني
يم عباس بالعزه سجليني
_________________
سيد محسن الجابري
يامهدي .. شهر الحزن نبچيله
يامهدي .. الـليـله رابع لـيلـه
_________1___________
لـيلة النذرت ولدها وخطت بدمهم عبر
قـدمت اربـع بدور وطاحوا ابصف النهر
جعفر وعبدالله همه الطاحوا وجف الكمر
وابد ما فكرت بيهم كل فكرها اعله النحر
يامهدي .. عاشت ابحزن العيله
يامهدي .. الـليـله رابع لـيلـه
____ 2_______________
ليلة ابواب الحوائج ادعي بيها من الكلب
توسل بدمعة خجلها وينحل الكلش صعب
فاطمه لخاطرها تحضر بالعزه وياكم تطب
تسجل الدمعه اللي تجري وهي دمعتها تصب
يامهدي .. ويانه دم تبجيله
يامهدي .. اللـيله رابع لـيلـه
_________3_____________
من وصلها الناعي ينعه طاح من عدها الطفل
مالت وحدب ضلعها تخيلت نـار و هـزل
عظم الله اجرج يكلها ابولدج وزاد الحمل
تكله جاوبني اعله ابني حسين ميت لو عدل
يامهدي .. بروحي يريت افديله
يامهدي .. اللـيله رابع لـيلـه
#سيد_محسن_الجابري
ليش .. رايح ما ترد
ليش .. كاتلني البعد
ليش.. كل ليله انمرد بعدك يبويه
~~~~~~~~
ياذيني ذكرك من يمر ونار البعد تجويي
خليني عندك خادمه بس وحدي لتخليني
أنذر حياتي لخدمتك يا بعد كلبي وعيني
هاك.. يابويه العمر
هاك .. مابيه انتظر
هاك .. خلصت الصبر بعدك يبويه
~~~~~~~~~~
حاجيني لو حته بحلم بلكت اهيد اشويه
من الفركه دم عيني جرت والنار وجت بيه
صعبه اليفاركله وطن صعبه اليعوف بنيه
شوف .. دم عيني تصب
شوف .. يالفكدك صعب
شوف .. مكسور الكلب بعدك يبويه
~~~~~~~~~~~
ابعثر رساله ويه الهوه شوف الكلب واشواكه
مشتاكه كلي النضرتك والضحكتك مشتاكه
يالصاير ابصدري حرز يمته نرد نتلاكه
وياك .. متعوده انه
وياك .. كل لحظه بسنه
وياك .. جن موتي دنه بعدك يبويه
~~~~~~~~~~~~~
بلاياك مااعرف انه شمس الصبح من ليلي
وأتذكر ايّام الجنت عن الخيم تحجيلي
تقرالي عن طفك قصص عن السبي ترويلي
وين .. رايح مو خفت
وين .. أنطر وألتفت
وين .. جم موته متت بعدك يبويه
~~~~~~~~~~~~
ذاك الدلال البي احس جن طيره وعليك افتر
نسمة خيالك من تمر تخنكني اكثر واكثر
يابويه جنت انته الصبر جا هسه بيش اتصبر
روح .. ماضل كل أمل
روح.. وعينك عالأهل
روح .. بتك ما تضل بعدك يبويه
~~~~~~~~~~~~~
بخدمة حسين ما يوكفنه الوباء
بخدمة حسين عدنه يوميه عزاء
بخدمة حسين كل ارضاً كربلاء
___________________
حسين بينه. حسين دينه. ابد ما يوكف صعب
واحنه صعبه . بلايه كلبه . مايدكلنه كلب
حسين هو الماي يروينه ابحنانه
يعني لو ما حسين ما نشتم هوانه
خدمة حسين .. بيها لتوصيني
خدمة حسين .. هي روحي وعيني
خدمة حسين .. انذرلها اسنيني
____________________
جم رزيه .. جم منيه .. شفنه واشكال الظلم
بس صمدنه .. وما ضعفنه .. وباقي قانون اللطم
معتقد عدنه ويقين وهم عقيده
واللي ميريد المجالس ما نريده
بخدمة حسين .. انشوف بيها العابد
بخدمة حسين .. عالدمع متواعد
بخدمة حسين .. ما يهمنه الحاقد
____________________
كلش اضلم .. بس محرم ضاوي باهات الدمع
كل مخيم .. بينه خيم وشاعل ويانه الشمع
مايهمنه الموت بسيوف وخناجر
عادي خل انموت وتعيش الشعائر
بخدمة حسين .. كلب ميت شلنه
بخدمة حسين .. صاحوا وهم صحنه
بخدمة حسين .. انعيش لو بس متنه
______________________
بهالمجالس .. عدنه واهس نخدم ونخسف صدر
ابد منمل .. كلاشي ميضل و العزاء يبقه ذخر
اليعزب بالعزه املاك السماوات
حسين قدم عينه لعيون الفراشات
بخدمة حسين .. الترف والحركه
بخدمة حسين .. الشرف والملكه
بخدمة حسين .. صدور حمره وزركه
_______________________
جم مصيبه .. ويه الغريبه انعيش وياها ابغرب
عذبوها .. بلايه اخوها وشبعوا زينب ضرب
تخمد النار وتشب زينب عليها
لازم انواسيها و انون ابجيها
بخدمة حسين .. انشوف زينب تنعه
بخدمة حسين .. تقره ويه البضعه
بخدمة حسين .. تنعه ثار الجمعه
________________________
سيد محسن الجابري
يا اسد الله اداء والحان الرادود كريم الشويلي
كلمات خادمكم محسن الجابري
https://youtu.be/FVmQ2AxEKY0
سامحني .. يـا حفيد حسين غـرتني الحـياة
سامحني .. مااذكرك بس فقط وكت الصلاة
عيوني ماتكدر تنام كون اشوفك لو منام
__________1____________
اعتذرلك من صدك .. وادري كلبك محترك
وانه فوك اجروحك افتح بالمواجع
انته تنطرني اتوب .. وانه غارك بالذنوب
و مـن نهر دمـعك يـمهدي كـلي ناكع
تارس ابحزنك حزن .. وانه عايش مطمأن
الشاف مو مثل الذي بحساسه سامع
شفت باب ام الحسن .. وشفت زينب والضعن
و فـوك كـل الشفته ازيدك بالـمدامع
سامحني .. ياجرح مفتوح موجوع ابجيك
سامحني .. حيل اذاني البعد رايد اجيك
وحدي عايش بالظلام كون اشوفك لو منام
___________2_____________
حته سجنك بي دفو .. والله محتاج العفو
يابو كلب السمح سامحني اعله موتي
كوه اجرن بالنفس .. حزنك بكلبي رفس
ارضـه عني بلكي بـيك استـمد قـوتي
ويايه تمشي بالوريد .. واني بفعالي بعيد
عنـك وبـس بــ لـساني يـعله صـوتي
الجمعه تكسرني كسر .. من تفوت بلا ذكر
ولا صدك ادعـيلك ابدمعي وقنـوتي
سامحني .. راسم احزانك ابعيني بس خيال
سامحني .. دوم اعوفك وانته لتكلي تعال
محلفك بنار الخيام كون اشوفك لو منام
____________ 3______________
حسره بأنفاسي وقهر .. ريت اشوفلك اثر
كمت ادور صورتك واحضر مجالس
اشعلت روحي شمع .. وعلموني اهل الدمع
كـالوا المـهدي بـأخير العـزه جـالس
صرت اكعد بالاخير .. بلكي ويايه تصير
بلكي اشمن عطرك وذيج الملابس
لجن عاميني الذنب .. وانته اتريد اليحب
ايجوز كل ليله تمر بس انه ما احس
سامحني .. يالمعلم الطير يصفكلك حنان
سامحني .. من اذكرك والله اشعر بالامان
حضنك يدفي الحمام كون اشوفك لو منام
_______________4_______________
الندبه اقراها وبعد .. كل نهار اقره العهد
وابقه اردد بسمك ابصبح ومسيه
دوم اصليلك فرض .. واقره ايات الحفض
بلكي احضه وياك بالطلعه البهيه
قريت اوصاف الجمال .. طلعت احلا من الهلال
من اثنعش معصوم اوصافك سويه
يابوصالح يا امام .. اليوم كاعد لوتنام
لــ لمدينه تـروح لـو يـم الزجـيـه
سامحني .. من قريت جروحك ابنارك عشت
سامحني وانته من ناري جروح شكد شفت
بفعلي ارميك ابسهام كون اشوفك لو منام
_____________ 5_______________
ذكرك يشافي العليل .. لا تـخليني امـيل
فدوه ثبتني اعله نهجك يا حياتي
حلمي وامنيت الكلب .. اطوي وياك الدرب
وتحت امر اجدامك اتصبح وفاتي
لو متت قبل الظهور .. روحي بحساسك تدور
اطلع وشاهر حسامي وكل صفاتي
بنارك اتلوع واحوم .. ثارك ايخليني اكوم
واركض افـديك واحـقق امـنياتي
سامحني .. حيل تعبتك لجن صايرلي سند
سامحني .. يا ابوصالح والله محتاج المدد
والله احبك والسلام كون اشوفك لو منام
_______________________________
#سيد_محسن_الجابري
البشرى بشرف الأبد
قال بشر: فلمّا انكفأت بها إلى سرّ من رأى دخلت على مولانا أبي الحسن العسكري (عليه السلام)، فقال لها: كيف أراك الله عزّ الإسلام وذلّ النصرانية وشرف أهل بيت محمد(صلى الله عليه وآله وسلم)؟
قالت: كيف أصف لك يا بن رسول الله(صلى الله عليه وآله وسلم)ما أنت أعلم به منّي؟
قال: فإنّي اُريد أن اُكرمك، فإيّما أحب إليك: عشرة آلاف درهم؟ أم بشرى لك بشرف الأبد؟
قالت: بل البشرى.
قال (عليه السلام) : فأبشري بولد يملك الدنيا شرقاً وغرباً، ويملأ الأرض قسطاً وعدلاً كما ملئت ظلماً وجوراً.
#بحار_الانوار ج٥١ ص ٨
خيرها الامام العسكري بثنين
كلها ابشاره الج لوذهب تردين
كالت سيدي البشاره هي الدين
يانرجس بشري بمهدينه
فرحتله شكثر من سمعت بذكره
وضحتله ابعشيره خاطر اتنصره
وفـاية و وفـتله نـرجس الزهره
وحضنتها الزهره بميلاده
#سيد_محسن_الجابري
أقـترب مِيـلاد عـين الحـياة
ومَـاء الـرُوح وفـرَج الأمنيِات 🤍🦋
ميلاد_الأمـــل 🌸
ياصاحب_الزمان ❤️
تمنوا ماشأتم فالحسين(ع)
لا يرد من مد يده اليه♥️
السلام على باب الله🤚💙
يامهدي .. شهر الحزن نبچيله
يامهدي .. الـليـله سادس لـيلـه
_____________1_______________
ليلة انصار العقيده والصعب عدهم سهل
خطوا ابدمهم سوالف يعجز يجرها العقل
صاحوا لجيتك اجينه ثكـل اعلينه الحـمل
انته بس اتعيش ردنه وكلنه يمك ننكتل
يامهدي .. و اليوصلك يا ويـله
يامهدي .. اللـيله سادس لـيلـه
____________2________________
فسروا معنى المواقف والقلم بيهم يـجف
همه صح سبعين واحد لچـن واحدهم بالف
الطايح مخضب بدمه يحسد الشابع نـزف
يبو سكينه وياك صاحوا بس الموادع كلف
يامهدي ..الواكع نشد ابحيـله
يامهدي .. اللـيله سادس لـيلـه
____________3_________________
عابس اتجنن ابحبه وعشك عينه الماروت
مسلم وجون وحبيب الغيره والشايل بخت
وتوبة الحر الرياحي ودمعت عيونه وبـجت
والانصاري انطها راسه وامه من نحره استحت
يامهدي .. عن فاطمه تحجيله
يامهدي .. اللـيله سادس لـيلـه
#سيد_محسن_الجابري
لسان حال حميده بت مسلم
~~
رايح.. لوبيك أمل جيه
رايح.. ماضل كلشي بيه
بتك تبجي وتنوح وينك ياهوه الروح
بعدك.. كلي منهو اليه
~~~
مكسور كلبي وحيلي طك اغصانه
بتك حميده لشوفتك عطشانه
ارويني منك لو حلم قبلانه
مكسور .. كلبي وهذا حالي
مكسور .. لمفاركله غالي
يكضي أيامه مجروح وينك ياهوه الروح
بعدك .. كلي منهو اليه
~~~~~~
نوك وهزيله ونار وجت بيه
جنت انه أميره بجالك ومحميه
بعدك غريبه محيره ومسبيه
شحجي .. بهيمه وكلنه أيتام
شحجي .. وتمطر كامت إسهام
طفله وحلمي مذبوح وينك ياهوه الروح
بعدك .. كلي منهو اليه
~~~~
وأتذكر ايّام الهله ويه احبابي
تانيت جيتك والحزن دك بابي
طالت سفرتك وانه زاد صوابي
تانيت.. ترجع من سفرتك
تانيت.. بس طالت رحلتك
عكبك بس بجي ونوح وينك ياهوه الروح
بعدك .. كلي منهو اليه
~~~~
ويخنكني ضَل حته الهوه بإنفاسي
ضنيت ما ترجع بعد بإحساسي
لهناك لن عمي يمسحه الراسي
حسّيت .. جن مثل اليتامه
حسّيت .. من عمي العلامه
واكع ويلّي مطروح وينك ياهوه الروح
بعدك .. كلي منهو اليه
~~~~~
يحسب ثواني بلكي يخلص عمره
وياك تحسدني يبويه الكمره
يحجاية سوالف ملح مطشره
موجوع .. كلبي مؤجر بنار
موجوع .. يقهر يتم الازغار
بويه ودمعي مفضوح وينك ياهوه الروح
بعدك .. كلي منهو اليه
#سيد_محسن_الجابري
فتحة عزه
يامهدي .. شهر الحزن نبچيله
يامهدي .. الـليـله خامس لـيلـه
____________1________________
مسلم العانه بسفرته وتيه ادروب الصدك
شلون كضيت المسير ايسأله واحد محترك
يكله سافرت ابثواني وجان فكري اعله السحك
اليحب كلشي يضحي وهاي تاليت العشك
يامهدي .. كال اليحب ادخيله
يامهدي .. اللـيله خامـس لـيلـه
____________2_________________
ضلت ابنيته حميده اتاني ابـوها و تـنتظر
ساعه لن شافت ابعمها يسولف ويه ام الخدر
راحت ودمعتها نزلت والكسر نـفس الكـسر
صدت العين ابو اليمه ومسح دمعتها ابستر
يامهدي .. كامت تشم الشيله
يامهدي .. اللـيله خامـس لـيلـه
____________3__________________
ليلة المسلم بـدايه وبيـه مفتاح الحـرب
اكتشف كلشي بحچيهم جذب ومخادع غرب
بسم ابن عمه رسايل راد يحچيهن غصب
تالي حفروله حفيره وشككوا كـل الكـتب
يامهدي .. مات بغدر وبحيله
يامهدي .. اللـيله خامس لـيلـه
#سيد_محسن_الجابري
ابدعائي لا ترديني
بعزائج فدوه وفقيني
~~~~
بالمجلس غايتي تسجليها خدمتي وتكضيها حاجتي يم عباس
اهاتي وفطرتي حسراتي وونتي جلماتي ودمعتي رفعة راس
يم البنين الفاتحه من اقراها هيه
تكضين حاجات الخلك مو بس اليه
يالهواي شويه انطيني
بعزائج فدوه وفقيني
~
عطشان المجلسج ارويني بنظرتج مخلوق الخدمتج مو لنسان
تسبيحي فاطمه واضلوعي لاطمه وانفاسي هايمه يا قران
والدمعه من توكع حزن تقرالج آيات
خليني خيط ابشيلتج يم الكرامات
والحسين نظره تكفيني
بعزائج فدوه وفقيني
~~
يالمثلج مايصح يالخيرج مايشح ياورده وتنفتح للخدام
يحساسي ومصدري ياكسرة خاطري افديلج ناظري وارفع هام
قدمتي لحسين بفخر اربع قرابين
واجب نقدملج نحر يا ام البنين
الج دوم ناذر اسنيني
بعزائج فدوه وفقيني
~~~
بكل مأتم حاضره ووياج الطاهره تسجلين
اللي قره وكل لطام
عيونج بس دمع حسراتج عالضلع بالطمه نستمع طكة اعظام
يم الكمر اقسم عليج ابعين تدمع
نجيني من يوم الذي لا مال ينفع
ولاتفيد باجر ابنيني
بعزائج فدوه وفقيني
~~
اليندبج كل ضحه وبنية الأضرحة بس يقره الفاتحه يعيش ابخير
منزلتج من علي ياناسي وكل هلي اليخدمج يعتلي ويبقه اجبير
مولاتي عندي بس طلب منج أريده
خليني اصغر خادم لأبن الصميده
من الأحباب لو تسميني
بعزائج فدوه وفقيني
~~
سيد محسن الجابري
ميمر لمولاتي ام البنين 💔
فاطمه توصي العباس عن زينب العلويه
~~~~~~~~~
بيت الطهر باعله الرتب خلوني
بيدك تكحل يمه كون اعيوني
بيدك تكحل هالعين من تكضي هالوصيه
~~~~~~~~~
انطيها عمرك وبقه دوم بسدها
ماعدها غيرك يالكمر ماعدها
بت الزجيه الزهراء بجالك تضل محميه
~~~~~~~~~
والورد لو شنكول يصعب وصفه
تحمل محنه وطيب جاه و عفه
أزكيها يبني بجفين وبعينك المدميه
~~~~~~~~~
ومن كصتك فاض النهر ابمايه
ومنك ييمه انه اخذت احجايه
من كتلي زينب بحماي خففت جرح البيه
~~~~~~~~~
منوفي بيت الانتشر بيه الدين
يبني تضل خادم أريدك لحسين
شيكلك اتكله ايصير لو يطلب الماهيه
~~~~~~~~~~~
لسبط النبي يايمه ترخص العيون
والزينب أفدي العمر لو مهمه يكون
يتنفذ وكلشي يصير لو طلبت البدويه
~~~~~~~~~~~
الكافل انه التجدح اعيونه ابنار
ابنج يسمونه ببو راس الحار
اترفعينه راسج ليفوك من ينذكر طاريه
#سيد_محسن_الجابري
جلجل الليل وبدت رحله ودلال
العليله و كامت اتسولف خيال
بالدموع وبالونين اتسولف ويه ام البنين .. ابمحرم
_________________
ها يبنتي ليش خفتي .. شكعدج باليل تحجين ويه روحج
سولفيلي راح حيلي .. ودمعج الميطيح صار ابطول نوحج
جاوبتها بحسرة التخنك الريه
كلتلها اتحلمت بختي رقيه
ابد ماتحمل عذاب اشكد خطيه
ريت انه ابدالها امشي سبيه
جانت امنيتي اروح الكربله
ويمج اتبقين اختي امدلله
وانه الحميهم واعين اتسولف ويه ام البنين .. ابمحرم
__________________
شلون ليله ويه العليله .. اتسولف ام عباس عن ذيج اليتامه
بنتي صبري اتكلها ادري .. وادعي من الله يردهم بالسلامه
انه هم مثلج تره مكسوره خاطر
ولهم افدي الروح واعميها النواظر
لجية ابنيه حسين كل عمري اناطر
وخوفي شتسوي عالعقيله ابيوم عاشر
هذا يوم اليفدي بي ابني لخوه
ايكطع اجفوفه نذر لمن يجوه
ويشمر الماي الحنين اتسولف ويه ام البنين .. ابمحرم
__________________
بعد شحجي والمن ابجي .. راحت امنيتي وحلم جان اعله بالي
ودعتهم ضيعتهم .. بلحظه وحده وفاركت غالي ويه غالي
همي مو جان اللعب رغم انه طفله
جنت اريد وياهم امشي بعزمي كله
رغم ماهيه حرب بس عندي سهله
عندي وياهم ييمه الموته احله
ردت اصير العمتي احزام وسند
وحته اعين امي واهزن بالمهد
وانذر الطفلي السنين اتسولف ويه ام البنين .. ابمحرم
___________________
يدري وحده شكد احبه .. روحي متعلكه ابخياله وهو سكته
اه مني وهذا حضني .. لهسه منه يفوح عطره وماكو انته
اخ من هذا الزمن العذبني ويلي
الاخذ مني الغالي غبشه واخذ حيلي
جنت نجمه وياك مرتاحه ويه ليلي
وهسه لو مرني السهر نار ابدليلي
بيه حسرة التخنك الريه ابكفاه
والله مشتاكه انه الشمة هواه
كلبي مكسور وحزين اتسولف ويه ام البنين .. ابمحرم
_____________________
تكلها يمه البيت ضلمه .. اخلاف اهلي والابو الجانلنه خيمه
هسه وحدي ومنهو عندي .. عمري من يوم المشو جن صار هيمه
راحو من ايدي وحلم صارو يجوني
وباد جدمي من البجي وذبلت عيوني
ابد ما انسه ييمه الفاركوني
ليش يا يمه احس همه نسوني
علتي طابت واكدر اصعد عالهزل
وحته اتحمل يضربوني ابحبل
وخل يشدون الادين اتسولف ويه ام البنين .. ابمحرم
_____________________
سيد محسن الجابري
يهلال الشهر هاي السنه شحالك
واحنه بيا لحن يا ونه نقرالك
اسمع زين غير حسين ماعدنه .. ومحرم
_____________________
نحسب الايامك احساب المواعيد
وكل وجه بينه تبين بي تجاعيد
احنه محتاجيك شلنه ابجيه العيد
انريد بس جيتك علينه وبعد منريد
كافي كالو .. يالخدمتوا هوايه
كافي كالو .. بعد ماكو اقرايه
جاوبنه ابلحن من نبرة المنبر
علاقتنا ابمحرم ليله و الاكبر
يعني ادموع اي وشموع مشعوله .. ومحرم
___________________
ابد مايخمد حزنه لهسه و يفور
والكلب مفجوع كلبه وبيك مكسور
شلون ما نقره ونطبر هذا عاشور
احنه نتروه بلطم دكات الصدور
نعمة الله .. بها ليام اعلينه
نعمة الله . انعيش ويه اسكينه
هنياله اللجم هاي السنه اجروحه
يلكه الزهره هي اتضمد ابروحه
توسم بيك وتحاجيك بالعاشر .. ومحرم
____________________
بهالشهر لازم نجدد كل عقيده
ونذكر الصاحت ابويه اليوم اريده
ونسمع ادموع العليله وهم حميده
اي نعم بت مسلم الجرو وريده
بيها نذكر .. والحداد انعلنه
بيها نذكر .. وتعله حته الونه
نرفع رايتك بالطف يبو الرايه
وعيشتنه عليك ابدمعه واقرايه
انعيش ابخير وانته الخير يالكافل .. ومحرم
_____________________
وياك احله ايام نكظيها وعجيبه
ويه ابو الدمام نذكر جم مصيبه
والمواكب كلها متجمعه ومهيبه
عالصدر تلطم وتصرخ يالغريبه
بكل عزيه .. نلكه دمعه وفطره
بكل عزيه .. وننعه ويه الزهره
والمنبر يعجب صوته ويحير
ونسمع كل وكت ال حمزه الزغير
وجم منظور ابعاشور انشوفه .. ومحرم
______________________
المواكب كلها متوحده وسويه
كلها متحزمه لبن حامي الحميه
وصاحب الموكب ابو الدمعه الجريه
لازم انواسي كل صبح ومسيه
المهدي حاظر .. كل عزه ويانه
المهدي حاظر .. وابد ما ينسانه
شويه اصفن يخادم بيها واتصور
واتخيل ابوك ابهيمه واموذر
وعيش النوك يالمخنوك بطفوفه .. ومحرم
_______________________
سيد محسن الجابري
لسان حال مولاي الحجه ابن الحسن عجل الله فرجهُ الشريف مخاطباً جدهُ الامام الجواد قائلاً
جدي جيتك بدمعة العين
مرمي شفتك مثل الحسين
السلامُ على الشيب الخضيب
السلامُ على الخد التريب
السلامُ على الجسم السليب .. ياجدي
__________________
جرحك ايهيج الجرح .. مرمي شفتك بالسطح
هم ثلث تيام وحدك وبعذابك
مثل الحسين الفعل .. لچن ما جرك حبل
ولا شمر يكدر يسلب كل ثيابك
فرق بين اليموت ابين كل ناسه
ما بين اللي خلوا عالرمح راسه
دمعي يجري طول السنين
مرمي شفتك مثل الحسين
السلامُ على الشيب الخضيب
السلامُ على الخد التريب
السلامُ على الجسم السليب .. ياجدي
___________________
سمموك ابـلا ذنب .. لچـن مو مثل اليسب
ولا كدر واحد يطـيحن دمـوعك
عايش ابديرة غرب .. لچـن ما شابع ضـرب
وماكو خيل التترس الكاع بضلوعك
توزع عالارض ومشوهه الجثه
ومن كثر الضرب امشككه الشفه
و فـوك جرحه نسمع ونين
مرمي شفتك مثل الحسين
السلامُ على الشيب الخضيب
السلامُ على الخد التريب
السلامُ على الجسم السليب .. ياجدي
______________________
شحجي واليوجع متن .. والحزن نفس الحزن
والسبي يسبيني ياجدي من اذكره
والمشت ويه الهـزل .. تاكل ابـروحي اكـل
ليلي يخلص بس عليهم كله حسره
احس ابصبحي خيمه وبيه محتركه
وكـل ليلي اعيشه بلوعة الفـركه
بكـلبي كسره من الـنساوين
مرمي شفتك مثل الحسين
السلامُ على الشيب الخضيب
السلامُ على الخد التريب
السلامُ على الجسم السليب .. ياجدي
_______________________
بمقتبل عمرك متت .. زغير وشو شيبت
والعـمر يـأذيك مـن تـذكر سـنينه
عمرك ابعمر الورد .. بعمر الاكبر من نعد
بـس فرق ياجدي هوه مكطعينه
تحمل كل عددهم والجرح بيه
و مـن رد اعله ابوه ايدور اميـه
كـله اصبر تروه بـعدين
مرمي شفتك مثل الحسين
السلامُ على الشيب الخضيب
السلامُ على الخد التريب
السلامُ على الجسم السليب .. ياجدي
__________________________
يالتقي علمك نزف .. وجودك معيش سلف
مثـل جود الكافل النازف جراحات
جرحك اونين وقهر .. و الصعب جرح الكمر
كطعوه وكلبه يم الخيمه من مات
ورد منه الحسين امشيب هوايه
ولا عباس صاح ولا شفت مايـه
شابك الكاع بلايه جفين
مرمي شفتك مثل الحسين
السلامُ على الشيب الخضيب
السلامُ على الخد التريب
السلامُ على الجسم السليب .. ياجدي
#سيد_محسن_الجابري
يا هيبة علي ليش انخطف لونج
وانتي ام الصبر زينب يسمونج
جرحي ايهون بس شلون بالعاشر .. يبويه
___________________
ترخص الدمعات من اكعد واحاجيج
بس ادير عيوني خاطر لا ابجيج
بويه اعرف انه انتي شبيج مابيج
يم ابو فاضل اريد اليوم اوصيج
صعبه عندي .. دمعج بخدج
صعبه عندي .. بكربله الوحدج
طبرت راسي هينه وتسهل هوايه
باجر وحّدج لا خوه لا رايه
كلها اتطيح وكلبي يصيح بالعاشر يبويه
____________________
صدت اعليه وتكله وذابل الحيل
امُو ايمن حدثتني بلوعة الخيل
منك ارد اسمع يبويه هالتفاصيل
ورايده اليكفل دمعتي بخنكت الليل
كلها شوفي .. وشافت الكافل
كلها شوفي .. هو ابو فاضل
جاوبها الكمر كللها اسمعيني
انته والضعن والمشرعه ابعيني
والعباس يرفع راس بالعاشر يبويه
_______________________
عاينت لحسين والدمعه جريه
تكله بويه ارد اكلك فد قضيه
ليش امي حملتني هالوصيه
شمي صدر حسين كلتلي الزجيه
بوسي نحره .. وجاوبتها عيوني
بوسي نحره .. وانخطف كل لوني
يابويه الرمح يتعلك ابنحره
والحافر يوزع عالارض صدره
وصية روح بيها اجروح بالعاشر يبويه
_________________________
وانه اسولفلج يبنتي وكلبي محروك
من جمر الخيام واللواعات مخنوك
بويه اصعب موقف ايمر بيج عالنوك
وابد ما تنسيها زينب طبت السوك
ايعينج الله .. كلهم ايشوفونج
ايعينج الله .. والاثر بمتونج
بين الحايره وبين الخطف لونج
و ما بين الكلتهن زينب شلونج
تبجي عيون اي يم عون بالعاشر يبوي
_______________________
بعد كل هذا يزينب دهرج اشضام
الحبل بمتونج ايطخ حته العظام
بالخرايب كلها باجر يمج تنام
وكلها تضحك يالعقيلة بطبة الشام
والله صعبه .. وشام شمتانه
والله صعبه .. وناس فرحانه
ويسألج يزيد الكافلج وينه
وانتي بت علي بقصره تذلينه
اصبري بهاي وانتي هواي بالعاشر يبويه
_________________________
سيد محسن الجابري
ميمر للأمام علي عليه السلام
الضدك خسر .. وشابع قهر بفقارك الدين استقر
ياحيدر الله السماك وبسمك تزيد النعمه
______________________
الكال ثاني لكل صنم .. شي ثاني
الدنيا شي ومحبتك .. شي ثاني
الرادك تثني ويه النبي .. شي ثني
ايه ودرس .. بوضح الشمس النبي سماك النفس
يعني النبي ويه الكرار واحد ابـ أية حكمه
_______________________
اليـقراك يـتنور دلـيله و .. فكره
وشيفكر ابفكرك القاصر .. فكره
راح اختصرلك وانته اخذ .. الـ فكره
بنص العبر .. نقره درر يعرف علي ابصلب الظهر
راجع نورانيته وشوف واتفكر ابكل كلمه
________________________
نص الحديث اليحجي كل .. ماعنده
واليحجي شي من عنده لا .. ماعنده
ما يـشتم الـجنه تـره الـ .. ما عنده
ولاية علي .. ومن العلي هالجنه محسوبه الي
چي انه اهوه الكرار واتفاخر ابضي اسمه
________________________
ليحاسب افعاله ابفعل .. محسوبه
يتحسب الذنبه الصبح .. محسوبه
ايكلك الصـفنه ابـعلي .. محسوبه
اصفن اله .. وعيش الهله تتحوط ابكل بسمله
ويتوضه تفكيرك بيك واتشملك انته الرحمه
_________________________
لِيحاول ايأخرك حقد .. شي أول
لو حول الشرق ابغرب .. شي حـ أول
الـشافك الـرابع تـره .. شي اول
اول صرت .. واخر صرت امغمض وكلشي شفت
بيك احنه لنشوف الدين ولو ما نضرتك نعمه
__________________________
كل خطوه تخطيها بعمل .. مدروسه
وادرس امـلاك الـسمه .. من دروسه
الجـنه بـس ابـشيعتك .. مدروسه
واللي سلم .. بحبك هيم يتفاخر ابهاي النعم
ويتنومس ابداحي الباب ويشم ضريحك نسمه
#سيد_محسن_الجابري
ايدوم الفرح واتشع الانوار
وندعي من الأله انصيرله انصار
بيوم ١٥ شعبان الاطهار
يعني عجل الله المنتظر صار
وتنور هالكون ابنوره
#سيد_محسن_الجابري
بسمك تعتلي اصوات كل الناس
وترجع حضرتك كل يوم تنباس
الرابع من شهر شعبان الحساس
بي ضوت سمانه ابنور عباس
#متبركين
#سيد_محسن_الجابري
إنّهُ الحُسَيْن الذي لامكان للبَهجة حين نحزن عليه، وهُوَ الحُسَيْن الذي لامكان للضيق يوم نفرَح به 🐚♥️.
Читать полностью…