ليت الوفا سلعه لها الناس تشــري
كان اشتري بعض الوفا وامنح الناس

بس الوفا فطـره مـع الــدم تجري
ماهي صناعه بالخواطر والاحساس

فتى الجوف

Читать полностью…

انا قاعد نعيش احا أيام حياتي .

Читать полностью…

لاتحسب إن الوقت لاشان مازان
ولاتحسب إنك بتعدا نصيبك

الأرزاق مكتوبه وللدهر عوان
واللي كتبه الله عليك بيصيبك

العمر عسر ويسر وأفراح وأحزان
ترزق بمولودك وتدفن قريبك

هذي هي الدنيا لها أشكال وألوان
تضحك لك وتلقا بها مايريبك.

فتى الجوف

Читать полностью…

اقبل سحاب المزن والجو بارد
وكلٍ يلم الدفء في بيت ناصيه

إلا العزوبي دمعة الليل سارد
ما له سوى ذكرى حبيبٍ يطاريه

والمتزوج لا صفق الباب وارد
يلقى دفا قلبٍ على الصدر كافيه

الا الغشيم اللي ضيع الدرب شارد
يستاهل البرد اللي ضيع دافيه

#أبو_جهيمان_الشرعي

Читать полностью…

قصيدة:- محكمة الحب

جيت محكمة حبٍ على غير ما أتمناه
محكمة قلبٍ مظلوم وجروحه نديه

تشكى علي الخل وكنه اللي أذاه
يطلب جزاي وكني الجاني في جنايه

وقف يشتكي للناس جرحٍ سرى مسراه
يزعم بقلبي وهو اللي خان الوفيه

وجات الخيانة في عطرها وثوبها تتحداه
تشهد علي زورٍ في محكمةٍ خفيه

سكت قاضي العشاق لين ثبتت دعواه
وحكم حكمٍ يهد الصخر والروح حيه

تسجن طيوفه في عروقي ويدفع رشاه
وتمنح خيانته الوسام بكل قضيه

ويحكم على قلبٍ يحبه يكتب أساه
لين ينتهي حبر الورق وتجف المويه

رفعت الجلسة.. وضحك خلي من خطاه
ولمت خيانته جروحي بكل سوء نيه

سألني القدر: تستأنف الحكم وترضاه؟
قلت: المحب ما يشتكي غير بحنيه

بقى القلب مفتوحٍ وكف القلم كفاه
وحبٍ بلا عـذرٍ.. تـوفاه المنيه

#أبو_جهيمان_الشرعي

Читать полностью…

أثقل حموله دين دين الجماله
وابخس سلع للبيع بيع الرجوله

واحقر قضاء رد الوفاء بالفساله
وأضعف رجل ذي ما يشل الحموله

فتى الجوف

Читать полностью…

كل البشر فيهم -- من الطبع " نسيان"
حتى المريض ان طاب ينسىٰ طبيبه

Читать полностью…

لولا الأمل ماعاشوا الناس سالين
ولولا المواقف ماعرفنا بعضنا

​نكسب ونخسر والتجارب براهين
وياليتنامما نشوف اتعضنا

فتى الجوف

Читать полностью…

‏يــــالله ياللي مامعي فيك تشكيك
القلـب مخلص والعقيده نقيه

أدعيك واستهديك واشكرك وأرجيك
واستغفرك مــن كل ذنب وخطيه

فتى الجوف

Читать полностью…

ناخذ بيوت الشعر ونرسلها رسايل
ما ندري إن راعيها كاتبها بحبر دمه

نضحك بها.. وهو من الليل مايل
يبكي على بيتٍ كتبه من همه

#أبو_جهيمان_الشرعي

Читать полностью…

أنا ليا نويت أوفي.. أوفي بزيادة
وأنتم نويتوا الطعن في نية الوافي

أنا خويٍ ما يخون الخوي وبلاده
وأنتم خذيتوا الطيب شكٍ وخلافي

#أبو_جهيمان_الشرعي

Читать полностью…

و تحية لناس الاصل من الشعب اليمني و كل الشعوب 🇾🇪

Читать полностью…

​الصبر مفتاح الفرج للصبورين
والعقل ميزان الفتى في حياته

​ما ينكسر عزم الرجال الشجيعين
لو جار وقته واختلف في صفاته

فتى الجوف

Читать полностью…

الحب له معنى وقيمه وقانون
ويبنى على ود وصراحه وعشره

واذا لقيت اللي يحبون مليون
بتحصل اللي ما يخونون عشره

فتى الجوف

Читать полностью…

انك تكذب وصاحبك يكملها ويحلف .. هذا الصاحب انتبه تخسره ..

Читать полностью…

الوصل دله والرسايل فـناجيل
‏والشوق شايبٍ مبطي ماتقهوى

Читать полностью…

الحب له معنى وقيمه وقانون
ويبنى على ود وصراحه وعشره

واذا لقيت اللي يحبون مليون
بتحصل اللي ما يخونون عشره

فتى الجوف

Читать полностью…

‏أرفق ترا النفس العزيزه عيوفه 
‏و ماكل عذر أقبله منك لا خطيت

‏أهمالك اللي فات لا عاد أشوفه 
‏تراني  اليا شفت ما عفت صديت ")

فتى الجوف

Читать полностью…

يستاهل البرد من ذي ضيع دفاه.

Читать полностью…

هزمتني كما انهزم جيش الألمان
وسلمت لك تسليم هتلر لبرلين

​وخليتني ما بين همٍ وحرمان
مثل العرب لا وقفوا دون فلسطين

فتى الجوف

Читать полностью…

تمنيتك وقلت في خاطري ليته تمناني
وأنا ما كل واحد شافته عيني تمنيته

على كيفك تذكرني على كيفك تناساني
وأنا طاريك في قلبي ولا يوم تناسيته

زرعتك وردة حمرا تزين كل بستاني
ودفنت القلب في تربة مشاعرنا وخليته

فضت كل الشوارع ما لقيت اللي ترياني
مثل طفلٍ طلع يلعب ورد ما لقى بيته

أنا المجني عليه اللي يقدر طعنة الجاني
لأن جرحه يذكرني بطاريه لي حسيته

فمان الله يا درب على الهجر تحراني
خذاه الوقت مني ولا جاني ولا جيته


#أبو_جهيمان_الشرعي

Читать полностью…

‏اســـــمها دنـــــيا ولا فيها كبير
الكبـــــير (الله) ولا غـــيره احد
'
في نهايتها الغني مثل الفقير
كلهم نفس الكفن نفس اللحد

فتى الجوف

Читать полностью…

يا طول ليل الشتاء لاهبت براده
بردٍ يجيب الطواري والضماير فيه

الجسم يدفى ولبس الصوف عتاده
لكن عروق الحشا وش عاد تدفـيه

من كثر شـوقي لمن طال ابتعاده
أحـس إن لـهـيب النار مـا تكفـيه

#أبو_جهيمان_الشرعي

Читать полностью…

الـنفس طابت والكرامه كرامه
ومن عافته نفسي حشا ما التفت فيه

​قلبك وروحك رافقتها السلامه
وكلن على كيفه ونفسه توديه

فتى الجوف

Читать полностью…

أنا ما تغيرت بس عرفت وش مكاني
بعض الرسايل تقتل الثقة وتشين

عرفت من يبقى ومن باع شاني
ومن يحسب وفاي في عينه تمثيل

#أبو_جهيمان_الشرعي

Читать полностью…

كان الغدر في شرع الأحباب سنه
ترى الوفا بعيون الاجواد واجب

​عمر العطا ما كان من باب منه
وعمر العتب ما كان للود حاجب

فتى الجوف

Читать полностью…

السلام عليكم ورحمة الله وبركاته

كيفكم يا آل روح القصيد عساكم طيبين وبأحسن حال يا رب

بداية السموحة منكم على الغياب والتقصير الفترة اللي راحت كانت عندي ظروف خاصة والحمد لله إن البقية ما قصروا معاكم الله يحفظهم ويعطيهم العافية على كل اللي يقدمونه

ثانيا عندي كلام من فترة طويلة بخاطري وكنت ساكتة عنه ويمكن ما كان المفروض أسكت من البداية لكن لكل شيء حدود والسكوت مو دايم معناه إننا ما ندري أو إننا راضين

كلامي موجه لبعض الأشخاص من اليمن وأقول بعض مو الكل لأن أهل اليمن لهم كل الاحترام والتقدير ولي منهم ناس أعزهم وأغليهم على قلبي وحاشا إن تصرفات البعض تخليني أعمم على شعب كامل

أنا يوم دخلت روح القصيد دخلتها بكل حب وود كنت أنشر بكل حماس وأعطي من وقتي وجهدي وكل يوم أدخل وأنا عندي رغبة أكبر إني أقدم شيء جديد وأشوف المكان يكبر ويتقدم لكن مع الوقت صار فيه تراجع وفتور والسبب مو إني مليت من المكان أو إني فقدت حبي له لكن بسبب ناس ما تخاف الله في غيرها وناس ما تبي تترك أحد بحاله

يعني بالله عليكم ما عندكم حياة تنشغلون فيها ما تقدرون تخلون الناس تعيش وتشتغل وتنجح بسلام وش اللي مستفيدينه من مراقبة غيركم والانشغال فيهم إذا عندكم شيء علي تعالوا قولوه لي بوجهي أنا موجودة والكلام الواضح ما أخاف منه لكن اللف والدوران والتلميحات ومحاولات التضييق على الناس هذي أساليب ما لها داعي

وإذا كان اللي مضايقكم إن روح القصيد ارتفعت وصار لها حضور فأقولها لكم بكل وضوح يا جماعة هذي مواقع مو دنيا بنعيش فيها للأبد ولا بنأخذها معنا للقبر ما سوينا شيء يستاهل كل هالانشغال واللي وصلنا له ما وصلنا له إلا بفضل الله أولا وأخيرا وما نملك لأنفسنا نفعا ولا ضرا إلا بإذنه

ترى النجاح مو جريمة والاجتهاد مو عيب وإن الواحد يشوف تعبه يثمر ويفرح باللي بناه هذا شيء طبيعي مو كل ما شفتوا أحد يتقدم حاولتوا تعكرون عليه أو تطفّون حماسه خلوا الناس بحالها وكل إنسان يركز على نفسه وعلى حياته كان أبرك له

أنا سكت قبل وتجاوزت أشياء كثيرة وقلت يمكن السكوت أفضل ويمكن الأمور تنتهي من نفسها لكن هالمرة لا مو كل مرة بسكت وأتجاوز وكأن شيئا ما صار احترامي للناس ما يعني إني أقبل منهم كل شيء وطيبتي ما تعني إني ما أعرف أرد وسكوتي مو ضعف ولا عجز عن الكلام و لو ابغى ارد ع إساءة أحد ترا اردها و باوسخ الطرق لكن الحمد لله أهلنا عرفوا يربونا و نخاف الله

وبكررها أهل اليمن لهم قدرهم ومكانتهم عندي ولي فيهم ناس غالين على قلبي لكن هذا ما يمنعني إني أتكلم عن تصرفات أشوفها غلط لأن الغلط يظل غلط مهما كان صاحبه والاحترام ما يعني إني أبرر الأذى أو أسكت عنه

أنا ما دخلت روح القصيد عشان أضيع وقتي في مشاكل الناس دخلتها بحب وبنية طيبة وبرغبة إني أقدم شيء له قيمة وما راح أخلي تصرفات البعض تسرق مني شغفي أو تخليني أندم على شيء سويته بمحبة

اللي عنده كلام يقوله بوجهي بلا ما يروح يشوه سمعتي بين المخاليق واللي ما له شغل فيني يخليني بحالي مثل ما أنا تاركة كل إنسان يعيش حياته

والله يصلح الحال ويهدي النفوس ويبعد عنا وعنكم كل من ما يتمنى لنا الخير

اختكم : مهرة أصيلة

Читать полностью…

من تغير يجيب الله ألـف غيـره
ومن نسـى ماني بحاجته لاذكر

يمكن إن في غيـابه ألف خيـره
والعمر مايوقف على غيبة بشر

فتى الجوف

Читать полностью…

‏فى عزة النفس  خلك سيد الساده
وحاول تقيس المسافات  وتقربها

خل الثقه واحترام  الذات لك عاده
ماتمشي الساعه الا بامر صاحبها

فتى الجوف

Читать полностью…

طلع فعلاً السهر مضر بالصحة ومخرب العلاقات:
جيت اكتب للوالد ماعندك مشكلة
كتبت له ماعندك سالفة .

Читать полностью…