5285
الاسم :- سئلت ذات مرة ما سر ذاك الاسم؟ صرخت ِملأ صمتي المكبوت في دواخل الفنون إنه اسمها حروفه تطايرت تشكلت تألقت تعلقت بشخصي الضعيف فصار اسم شخص ما ... بداخلي. - ريحة البن .
أهو ده العيد هسه علي الابواب ..
وأنا بيني و بينك ألف حجاب
أنا بيني و بينك سكة شوق ..
ومنافي مَحنّة و هم وغياب
أهو ده العيد هسه على الأبواب
و الناس فرحانة و بتغني ..
علشان العيد لمّة أحباب
بتخيل جيتك في كل عيد
أعياد بتمر وأنا مستني
وأتخيل صورتك جمب الباب
رسل لي مرة وطمني
رسل مع فجر العيد جوّاب
أهو ده العيد هسه علي الأبواب ..
و أنا بيني و بينك ألف حجاب
أنا بيني و بينك سكة شوق ..
ومنافي محنة و هم وغياب
العيد متردد يا غالي ..
خايف من يجي و يلقاك مافيش
خايف ما يلاقي فرح أطفال
لا يلاقي عيون بتغني جمال
ما يلاقي عروس تديو شبال
بيسألني عليك العيد و بقول
وين البي شوفتو الفرحة تعيش؟
أهو ده العيد هسه علي الابواب ..
و انا بيني و بينك ألف حجاب
أنا بيني و بينك سكة شوق ..
و منافي محنة و هم وغياب
#محمود_الجيلي
ثقة الصخرة في النحات
ورغبتا في أزاميلو
كلام بتشتتو النوتات
ونغرق في تآويلو
يقول الذكر للذاكرين
إذا مال الهوى ميلو
جناين في جنان باسقات
وآدم خاطرو في ثمرك
بريدك لو هلال باسم
وأذوب لو يكتمل قمرك
يقول الذكر للذاكرين
إذا لم تكتمل أدرك
بريدك زي سلاف وناس
و ريدك عم وتبارك
بريدك زي دعا الأمات
تلقى دعاك وتتبارك
يقول الذكر للذاكرين
إذا لم تدرك اتدارك
بريدك والخلايا تفور
وبريدك مبتسم آمن
بريدك والقلق سوسة
وبريدك ساهي متطامن
يقول الذكر للذاكرين
إذا لم تكتشف آمن
بحبك وانت ميالة
بحبك وانت تتحدي
بحبك بالذي دايرا
وبحبك بالذي عندي
يقول الذكر للذاكرين
إذا رمت الغرام أدي
#محمد_الشيخ
وهي الامومه دي
حاجه هينه ??!!
انا امي بتشوف
هي قاطعاني
من اكتر حته فيها لينه
و من شدة ما حنييينه
لو مرة حسيت بالالم
بتجيها كل اعراض عياي
ودي واحدة من كم المشاعر
او قول دي عينه
☕ #عاطف_شمبات 🍃
اثنان ...
اعشق فيهما حب التفاني
والتصبرَ في المحن
اثنان ...
يحتملان نزواتي وعثراتي
اذا تاهت خطاي عن الطريق
تخبطتَ خوفا وظن
اثنان ...
اذ ما جئت اشطار انتظاراً
واشتياقاتي تئن
كانا دثاري من أعاصير الأسي
من كل ماشاب الهدوء
من امتحانات الزمن
اثنان ...
في عيني وفي قلبي هويً
اثنانِ
بين جوانحي
مادامت الروح ارتهاناً في البدن
اثنان ...
.
.
.
امي . . . والوطن
☕ #محمد_المهندس 🍃
أمي البسمة والطيبة وبياض النية
امي ألفي الخلوق قاسوبك الحنية
لو بي إيدي أعقدلك رويحتي هدية
ما بكفيك وحاتك وكلو فيك شوية
#عمار_الزين
كل عام وأمي وكل أم بخير وصحة وعافية يارب
امي برق شروق مابخيب قليله رعوده
امي اصيله من اصلا مصمد عودو
امي عذوبة النيل البجيب مورودو
امي بحر فهم ماف زول بجيب حدودو
(كل عام وانت وجميع الامهات بألف خير والله يخليك لينا ياغاليه )
☕ #ماجدولين_سعد 🍃
عيناك أمي والمجرة طفلة
رضعت معي والثاقبات شواهدي
فإذا عيونك أمة وأمومة
فهواك يا أم البرية والدي
صبي غرامك ملئ كأسي واسكبي
وضعي الهوى جل الهوى بموائدي
وتراقصي بين القصيدة وامرحي
ألغير هذا أنجبن قصائدي
شدي الوثاق على الفؤاد وقربي
بين الضلوع وإن رغبت فباعدي
أنت التي في الروح تبصم بالخطى
ما شئت مشيا في رمال تواددي
فتعلقي بقريحتي أوحي لها
إلهامها لخواطري وشواردي
واستأثري بالقلب مهدا للهوى
وتقلبي بيني وبين سواعدي
☕ #محمد_المظلي 🍃
انا ماشة واتقل من امي
الناهزة دموعنا وباريانا
انا ماشة وقابضة فإيدي الشوق
والغنا محموم من يوم جانا
تاوقت على الشارع بالليل
لو فضل للاحلام خانة
ولقيت الليل مليان بكيات
والواطة بغيبتك مليانة ...
حزنت قدر مافيني حكي
ورجعت بطنطن وزعلانة
يا ساتر من وجعا باكر
حيكون واقعنا واحلامنا
☕ #غدير_شيخنا 🍃
أنا كنت أسرَجْ خيل ؛
ممتن لأنو كبا ...
يا غيبة آن الليل ،
شتت قميصا نبا ...
ما تطففيني الكيل ،
لو قالو فيك صبا ...
بحة كلام الشط ،
يا غيمة في العقبة ...
انا خاطري فيك رحط ،
يا رقصة بالرقبة ...
الهدهد الزارك ،
ما جابو عرش سبا ...
أنا يا بحر دارك ،
يا عنبة الهضبة ...
أنا في الوِّدَي جارك ،
لونك اديس ابابا ...
_يا مهجتي ونوري_
فراش في نوارك :
ميسم وجد سببا ...
_يا طائر الدوري_
العيش في منقارك ؛
والصدقة قالو ربا ...
_إمالة الدوري_
ما مِلت من نيرك ،
إن لم أمِلْ طربا ...
#محمد_الشيخ
يافاتح الأرواح ،
الضلفة في الضلفة..!
توب الحبيبة شَفون ،
توب القلب خَفه ..
هل قُبْلة ذات جبين ،
بترجح الكفة ؟!
...
يا واهب العصفور ،
اوركسترا الألحان ..
يا مُلهم الطمبور ،
"مكامن التِحنان ..♡"
انا قلبي أحرم ريد ،
بس راجي (حان الآن) ..
...
رب الجمال والبوح ،
البسمة والنونات ..
الكون كتاب مفتوح ،
وعيوني في الصفحات ..
غمضتا هاك الروح ،
طوِّفبِي في عرفات ..
...
يا الله..
هــاج المــوج ،
عبدَك أسير لُجة...!
بين الحضيض والأوج ،
بس قلبي أُتْرُجة...
هاك الحواس فَد فوج ،
كون حَجي والحُجة..
...
لو الجسد نمرود ،
"انا قلبي جاكا مسيح.."
"هذا الحشا المهرود ،
استهلكوا التجريح..."
توب الحيا المقدود ،
يا ربي ردوا نصيح ..
...
يا بَاري يا عارف ،
"هاذي الضلوع ناقصات..."
هذا الوجيب كاشف ،
هاذي العيون راقصات ..
دام القلب راشف ،
هل الفرح بنصات ؟!
...
يا خالق الطائوس ،
الريشة والتلوين ..
يافاتح القاموس ،
ومحرِّش التدوين ..
يامرسل الناموس ،
"ألهِم فؤادي الدين..."
...
مِن اتولَد واتحَمْ ،
"إصفّرَّت الصَفَقة .."
لو الزمن تَم تَم ،
وانجمعت الوَرَقة :
" تِم الذي ما تَم ،
عاملني بالشَفَقَة..."
رمضان كريم ... كريم شديد
لله الحمد والمنه
#محمد_الشيخ
رمضان كريم على كل زول
واللمة في برش الفطور
وصدى التراويح في العقول
والناس بتتباشر فرح
لمو المواعين والطبول
والسهرة لي وش الصباح
مختومة بي قومو السحور ❤️
#اسلام_النحاس
اصلو رمضان شهر عافية
عافية بتعالج النفوس
فيه راحة بال و تقوي
خاصة في كل الطقوس
لمة الناس في الضرا
تطرح الوجه العبوس
جيتنا شايل جك عصيرك
قبلو شايل حب كبير
العصيدة مع ملاحها
و الوقار الفي الضمير
اصلو رمضان كلو رحمة
شهر فيه الخير كتير
التلاوة في نص نهارو
و القيام في الليل سعادة
التراحم و التألف
دينا قال هم العبادة
ربي ثبتو في قلوبنا
ديمة عندنا تبقي عادة
#عاطف_شمبات
فنجان قهوة لي عادات تعدل الكيف
في رمضان يسدوا رجالنا درب الضيف
في الشارع فطورهم كان خريف كان صيف
والبيلقوه حالفين ليه رجالة يقيف
السودانيون في كل مدن المنافي لم يتخلوا عن العادات السمحة وإفطارات الشارع لإكرام الضيوف وعابري السبيل والمساكين
ربنا يكتر اجر الامهات والنساء الواقفات يومهم كله يجهزوا صينية الفطور ويحثوا أبنائهم على مرافقة أبائهم للشارع
وربنا يخلف على من انفق
رمضان مبارك وربنا يرد السودان لأهله امنا مطمئناً .
#ريم_الرفاعي
#رمضان_مبارك
شهر الرحمة جانا
حباب رمضان حبابو
كتر ربي خيرو
سعيد آل الله جابو
لمتنا الحنينة
بى اكلو و شرابو
العيلة و اهلنا
الحاضرين و اللى غابوا
مرة فطورنا برة
فاتحين حوشنا بابو
و مرات بالمحبة
اخوى عازم صحابو
سودان الكرم
الجود قاعد يهابو
#عاطف_شمبات
🌛
نسوان فريقنا مع العواسة و طرقة الآبري..
و كم جردل رقاق.. و الشفع يسرقو من كراتينن..
و يجروا على الزقاق.. رمضان كريم يا يمة هوي رمضان كريم يا نعمتي.. رمضان كريم ليكم و لي كل الرفاق.
#ريحة_البن #2025
#رمضان_كريم
#محمود_الجيلي
يا رب
إني قد أتيتك شاعرا
فلنكتب النص الذي
لو كان كنت أكون
طيفاً آدميا
لم يزر ثمر التشظي
والتلظي
في متاهات المنافي البارادات وجوبا
يارب كنت بواديين وينضحان عذوبة
يارب كان نخيلها يارب كان هشابها
يا رب طوبى ؟!
يارب فيِّ مشارقي
يارب في مشالكي
يارب نوبة
يا رب فك سوامت الرصاص من جيدي وجنبني الكروبا
يارب قل :
_ للحاهم المكذوبة الأفهام ،
أشلاء الخوارج في دمي _
يارب :
توبا
يارب رد تتارهم
رد
الخوارج
والبوارج
والعوارج في السماء كذوبا
يا رب
قلتَ تشكّلوا
يا رب
قلت تعارفوا
_ فيَّ المزركش في الثياب
ولي المُرَّطَّنُ في اللغاتِ
ولي العُروبة ...
يارب
أجراسي تُثَلِتُ ما تشاءُ
مآذني تنبيك عن نبأٍ بلاليٍ و نُوْبة ...
يارب
لي في وعدك المسطور
بالسبع الثمان ، فعجّف المَحْلوبَا ...
سيجئ عام ؛
في مشارف وعده
خصب يعم مدائن الحناء
_من دكك الدخان_
تقطع الارحاط فيه
يلوح جيل قد خلت جيناته
من ما تنازعه الهوية والهوى
وتجيء سبع ؛ قد تُقشِّر خيرها
وتقول هيتَ
لقد فتحت دروبا
يا رب
قل للحاهِمِ :
المرفوض _في فرضي_ الدماء .
فأجلوا المندوبا
يارب قل لجبالِهَيْمِ
_ من الرصاص
من النحاس _
يذوبا
يارب لي بمقرتي بيت
و لي في كوشها
القدسي
والمطوي
و المرويُ
والأبدي في الخرطوم
لي المحكي
والمجلي
والثوري
والرمزي
يامولاي هل صدقت عَجُوْبَة ؟!
يارب
انهار الحليب تسيل من قلب المساجد ،
سال شهد من حوارينا (تبلَّم) ،
مثلما سال المزاج بسوبا ...
يارب لي امدرماني الأولى
مراجيح الصبا
وأنا نجاتي من بلادي
اللا نجاة
أنا بمصر الغالب المغلوبا ....
#محمد_الشيخ
ادعوا لي معاكم
بالهدى والصلاح
حق العُشرة بينا
والمِلح المُلاح
دسوني في دعاكم
بالحب المُباح
بي جاه الحبيب
كل ما فجر لاح
في جوف الضلام
ومسك سُكونو فاح
ادعوا لي معاكم
بالستر العفاف
دعوات من قلوبكم
لي يوم الوقاف
يوم الناس عرايا
والكل في إصطفاف
راجين الحساب
والكل ريقو جاف
من مثقال ذرة
نبقي من الخُفاف
#عاطف_شمبات
يامرحبا
واجمل نبأ
سنه حلوة ياست الكرام
من شبه في حضنه وربا
قال : ( الف وميم )
ست الحريم
من ثم ينطق ( الف وبا )
يا امي ست نمي بتضيق
كلمات غنيا البكتبا
ياخ اعفي ليا واعفي ليك
علي كل ثانيه بنتعبه
انا وانتي في احضان بعض
بسمه وموده وتبتبه
كان الله خلاني وحيت
وعمال كل البعجبه
كان الله برضي علي وافوز
بي جنه ماف من يحجبه
يا امي يا اقرب طرق
للجنه الا من ابا
يامرحبا
واجمل نبأ
سنه حلوة ياست الكرام
من شبه في حضنه وربا
قال :( الف وميم )
ست الحريم
من ثم ينطق الف وبا
☕ #احمد_البلال 🍃
#الأم
عند اقتراب الشمس من أقصى السماء&
ضحك المساء &
وأنا المكبل باشتياقي كم بطول الصبر كابدت العناء &
و اليوم قد حان اللقاء &
وأتيتها والشوق يدفعني إليها في زمان حفه البلور بالحب النقاء &
و وجدتها مثلي تعاني الشوق
حتى لم يكد يبدو من الثغر الكلام &
و عيونها
تخفي ملايين الأحاسيس الدفينة
و العبارات الحنينة تعجز اﻷلفاظ عنها
كم أكون ظلمتني و ظلمتها
إذ قلت تلك صبابة:: حب :: هيام &
ترجمت ما يجتاحني دوما لها ::
و للحظة عانقتها ::
قبلتها وأبيت إلا أن أقاسمها الزكام &
واليوم هاأنذا يحاصرني الزكام &
فومن أحب لعلتي معها أحب إلي من برء السقام &
يا بهجة الدنيا و زينتها يطيب بمهجتي لمقامك السامي المقام &
فعليك من قلبي التحبة والسلام &
إني أحبك ليس في هذي البسيطة منك أحرى بالصبابة والمحبة و الغرام حبيبتي
أمي أحبك كم أحبك
ليس في اﻷيام متسع ﻷخفي عنك
ما يبديه قلبي كل حين
لم يكن هذا كلامي
بل غرامي فيك من يملي علي القول يا أسمى مراد &
يا كل آيات السماحة واﻷصالة والمحنة والوداد &
ذلكم بعض الذي أبديت
والمخفي أكبر من مياه البحر لو صارت مداد &
☕ #عمار_البطحاني 🍃
اتاري الدنيا دون عينيك
ما بتحمل تشيل همي
واتاري خطاي ماشه عليك
تنادي الاهه يااااااااا امي
بلاك من شوقي بتلوي
بلاك لا حول لا قوة
بلاك يا غالية واقفة خطاي
واتاري نا واقفة في الهوه
مناي اقعد حداك وانجم
واقول للهفة تقعد ساي
اشيل من طهرك اتوضي
واناجي المولي يااااااا مولاي
حمدتك والشكر آلاف
علي نعمة سكونة دماي
وقت مافيك استوطن
يفور من شوقي برادك
يقريف للكبابي الشاي
.......
مناي يمه
#اسلام_النحاس
" ﺑﺸﻮﻓﻚ ﻓﻲ ﺍﻟﻀﻼﻡ
ﺍﻟﺸﻢ ) ﻳﻤﺔ ( ."
ﺍﻋﺎﺗﺐ ﻛﻞ ﻟﺤﻈﺔ ﺑﻼﻙ
ﻭﺍﺻﺎﺑﺢ ﻳﻤﺔ ﺷﻮﻗﻚ ﻟﻲ
ﻭﻛﺖ ﻧﺘﻼﻗﻰ ﻓﻲ ﺍﻟﺨﺎﻃﺮ
ﻧﻔﺞ ﻇﻠﻢ ﺍﻟﺰﻣﺎﻥ ﺍﻟﻨﻲ
ﻧﻼﻗﻲ ﺍﻟﻠﻬﻔﺔ ﺗﺘﺴﺎﺑﻖ
ﺗﻄﻤﻦ ﻳﻤﺔ ﺧﻮﻓﻚ ﻟﻲ
ﺍﻳﺎ ﺗﻘﺎﺑﺔ ﺍﻟﺤﻮﺑﺎﺕ
ﺍﻗﻴﻔﻲ ﻭﺿﻮﻱ ﺧﻮﻓﻲ ﺷﻮﻱ
ﻭﺍﺫﺍ ﻭﻟﺪ ﺑﻌﺎﺩﻱ ﺫﻧﻮﺏ
ﺧﺼﻤﺘﻚ ﻳﻤﺔ ﺗﻐﻔﺮﻱ ﻟﻲ
ﻭﻛﺖ ﻣﺎ ﺗﻨﺰﻝ ﺍﻟﺪﻣﻌﺎﺕ
ﻋﻠﻲ ﺧﺪ ﺍﻟﺒﻌﺎﺩ ﻭﺍﻟﻀﻲ
ﻭﺍﺫﺍ ﺗﺎﻭﺭﻧﻲ ﻫﻢ ﺷﻮﻓﺘﻚ
ﺑﺠﻲ ﻭﺍﻟﻘﺎﻛﻲ ﺑﻴﻦ ﺍﻟﺒﻴﻦ
ﻭﺍﻓﺘﺶ ﻓﻴﻨﻲ ﻓﻲ ﺫﺍﺗﻚ
ﻭﺍﺳﺎﺋﻞ ﺍﻟﻘﻤﺮﺓ ﺿﻴﻚ ﻭﻳﻦ
ﻭﻛﺖ ﻋﻴﻨﻲ ﺗﺤﻀﻦ ﺍﻟﻄﻴﻒ
ﻳﺮﻗﺮﻕ ﻳﻤﺔ ﻭﺩ ﺍﻟﻌﻴﻦ
ﺩﻱ ﻗﻮﻟﺔ ﻳﻤﺔ ﺗﺮﻭﻱ ﺍﻟﺠﻮﻑ
ﻳﻨﺎﺗﻞ ﻓﻴﻨﻲ ﻫﻢ ﺷﻮﻓﺘﻚ
ﻭﺍﺟﻴﺐ ﺣﻖ ﻓﺮﻗﺘﻚ ﻣﻦ ﻭﻳﻦ
ﺑﺸﻮﻓﻚ ﻓﻲ ﺍﻟﻀﻼﻡ ﺷﻤﻲ
ﻳﻤﺔ ﺷﻘﺎﻱ ﺣﺪﺍﻙ ﺿﻤﻲ
ﺍﻧﺎ ﺍﻟﺸﺎﺭﻳﺎﻛﻲ ﺑﻲ ﺩﻣﻲ
ﻭﺍﺗﺎﺭﻱ ﺍﻟﺪﻧﻴﺎ ﺩﻭﻥ ﻋﻴﻨﻴﻚ
ﻣﺎ ﺑﺘﺤﻤﻞ ﺗﺸﻴﻞ ﻫﻤﻲ
ﻭﺍﺗﺎﺭﻱ ﺧﻄﺎﻱ ﻣﺎﺷﻪ ﻋﻠﻴﻚ
ﺗﻨﺎﺩﻱ ﺍﻻﻫﻪ ﻳﺎ ﺍﻣﻲ
ﺑﻼﻙ ﻣﻦ ﺷﻮﻗﻲ ﺑﺘﻠﻮﻯ
ﺑﻼﻙ ﻻﺣﻮﻟﺔ ﻻﻗﻮﺓ
ﺑﻼﻙ ﻳﺎ ﻏﺎﻟﻴﺔ ﻭﺍﻗﻔﺔ ﺧﻄﺎﻱ
ﻭﺍﺗﺎﺭﻱ ﻧﺎ ﻭﺍﻗﻔﺔ ﻓﻲ ﺍﻟﻬﻮﻩ
ﺑﺪﻭﺭ ﺍﻗﻌﺪ ﺣﺪﺍﻙ ﻭﺍﻧﺠﻢ
ﻭﺍﻗﻮﻝ ﻟﻠﻬﻔﺔ ﺗﻘﻌﺪ ﺳﺎﻱ
ﺍﺷﻴﻞ ﻣﻦ ﻃﻬﺮﻙ ﺍﺗﻮﺿﺎ
ﻭﺍﻧﺎﺟﻲ ﺍﻟﻤﻮﻟﻰ ﻳﺎ ﻣﻮﻻﻱ
ﺣﻤﺪﺗﻚ ﻭﺍﻟﺸﻜﺮ ﺍﻻﻑ
ﻋﻠﻲ ﻧﻌﻤﺔ ﺳﻜﻮﻧﺔ ﺩﻣﺎﻱ
ﻭﺍﺻﻨﻘﺮ ﻫﻤﻲ ﻓﻲ ﺫﺍﺗﻚ
ﻭﺍﺗﺎﺭﻳﻬﻮ ﺍﻟﻮﻟﻒ ﺳﻮﺍﻱ
ﺑﻤﺮﻕ ﺍﻟﻀﺤﻜﺔ ﻣﻦ ﺍﻟﺠﻮﻑ
ﻣﺘﻞ ﻫﻤﺲ ﺍﻟﻨﺴﻴﻢ ﻟﻠﻨﺎﻱ
ﻭﻛﺖ ﻣﺎ ﻓﻴﻜﻲ ﺍﺳﺘﻮﻃﻦ
ﻳﻔﻮﺭ ﻣﻦ ﺷﻮﻗﻲ ﺑﺮﺍﺩﻙ
ﻳﻘﺮﻳﻒ ﻟﻠﻜﺒﺎﺑﻲ ﺍﻟﺸﺎﻱ
ﺑﺮﻳﺪﻙ ﻳﻤﺔ
ﺑﺮﻳﺪﻙ ﻳﻤﺔ ﺣﺪ ﻣﺎ ﺍﻟﺸﻮﻕ
ﻳﻼﻗﻲ ﺍﻟﺮﻋﺸﺔ ﺩﻭﻥ ﻣﻴﻌﺎﺩ
ﻭﺍﺭﻳﺪﻙ ﺣﺪ ﻟﻔﺤﺖ ﺭﺿﺎﻙ
ﻋﻠﻲ ﺑﺮﺩ ﺍﻟﺰﻣﻦ ﻏﺘﻴﺎﺕ
ﻭﺍﺭﻳﺪﻙ ﻳﺎ ﺯﻭﺍﺩﺓ ﺍﻟﺮﻭﺡ
ﻗﺪﺭ ﻣﺎ ﻫﺒﻦ ﺍﻟﻨﺴﻤﺎﺕ
ﻭﺍﺭﻳﺪﻙ ﻋﺪ ﻧﺠﻮﻡ ﺍﻟﻠﻴﻞ
ﻭﻋﺪ ﻣﺎ ﺑﺘﺤﻤﻞ ﺍﻟﺪﻧﻴﺎ
ﻋﻠﻲ ﺻﺪﺭ ﺍﻟﺠﺒﺎﻝ ﺗﺮﺑﺎﺕ
ﺣﺪﺍﻙ ﻳﻤﺔ ﺍﻟﺤﺰﻥ ﻣﺴﺮﻭﻕ
ﺣﺪﺍﻙ ﻛﻞ ﺍﻟﻮﺟﻊ ﻣﻤﺤﻮﻕ
ﺟﻮﺍﻱ ﻭﺍﻗﻒ ﺩﻋﺎﻙ ﻳﻤﺔ
ﻋﻠﻲ ﺑﻨﻴﺎﻥ ﺣﻴﺎﺗﻲ ﻣﺮﻭﻕ
ﺣﻠﻔﺖ ﻋﻠﻴﻚ ﺗﻘﻠﺪﻳﻨﻲ
ﺍﻛﺎﻥ ﺑﺮﻛﺎﻥ ﺷﻘﺎﻱ ﻳﺮﻭﻕ
ﺣﺪﺍﻙ ﻳﻤﺔ
☕ #اسلام_النحاس 🍃
ﺍﺣﺒﻬﺎ ﻣﻮﺕ
ﺍﺣِﺒﻬﺎ ﻣِﻦ ﺩﻭﺍﺧﻞ ﺍﻟﺮﻭﺡ
ﺍﺣِﺒﻬﺎ ﻳﺎ ﺧﻼﻳﻖ ﻣﻮﺕ..
ﻳﻤﻴﻦ ﺍﻓﺪﻳﻬﺎ ﺑﻲ ﺩﻣﻲ
ﻭﻋﺸﺎﻥ ﺧﺎﻃِﺮ ﺣﻴﺎﺗﻪ ﺍﻣﻮﺕ..
ﺍﺣِﺐ ﺍﻟﺤُﺐ ﻭﺍﺣِﺐ ﺣُﺒِﻚ
ﻭﺣُﺒِﻚ ﻟﻲ ﺷﺮﺍﺑﻲ ﻭﻗﻮﺕ..
ﺍﺣِﺒﻬﺎ ﺣُﺐ ﻋﻔﻴﻒ ﻭﺟﻤﻴﻞ
ﻭﺣُﺒﻬﺎ ﻓﻲ ﺍﻟﻘﻠِﺐ
ﻣﻨﺤﻮﺕ..
ﻭﻳﺎ ﻓﺮﺣﻰ ﻭﻫﻮﺍﻱ ﻭدواي
ﻭياصرحاً ﺑﻨﺎﻧﻲ ﺑﻴﻮﺕ..
ﻣﻠﺖ ﺩُﻧﻴﺎﻱ ﻭﺩﻳﻤﻪ ﻣﻌﺎﻱ
ووين ﻣﺎ ﺭﻭﺣﻲ ﺗﻤﺸﻲ ﺗﻔﻮﺕ..
ﻣﻼﺯﻣﺎﻧﻲ ﻭﺩﻭﺍﻡ ﻓﻲ ﺍﻟﺒﺎﻝ
ﻭﻓﻲ ﺍﻋﻤﺎﻗﻲ
ﺻﻮﺭﻩ ﻭﺻﻮﺕ..
ﻳﻤﻴﻦ ﻣﺎﺑﺪﻟِﻚ ﺑﻲ ﺍﻟﻜﻮﻥ
ﻭﻟﻮ ﺻِﺒﺤﻮ ﺍﻟﺠﺒﺎﻝ
ﻳﺎﻗﻮﺕ..
ﻛِﻨﻮﺯﺍﻟﺪُﻧﻴﺎ ﻓﻲ ﺳِﺘﻴﻦ
كنوزي ﺁﺷﻮﻑ ﻋِﻴﻮﻧِﻚ ﻳﻮﺕ..
ﺁﺣﺒﻚ ﻓﻲ ﻧﺒِﺾ ﻗﻠﺒﻲ
ﻭﺁﺣِﺒﻚ ﻓﻲ ﺍﻟﻜﻼﻡ
ﻭﺳِﻜﻮﺕ..
ﻭﻟﻮﺁﻧﺴﺎﻛﻲ ﺍُﻣﻲ ﺍﻧﺎ
ﻳُﻮﻧِﺲ ينسى ﺑﻄﻦ
ﺍﻟﺤﻮﺕ...
☕ #نزار_سراج 🍃
أمي
و بكبر في عيون الناس .. و في عينيك بكون لسه
و دائما إنت خايفة علي..من فتحت لي هسه
بريدك يمه نبع الريد..و إحساس جنة بتحس
ويفيض بحر الحنان منك.. مراكب شوق عليك ترسى
بخشوف يا يمة في عينيك ..أمان الدنيا متلمي
بشوف في ضحكتك دنياي..بتمسح لي دوام همي
و لما أبوس و أشم إيديك .. بحس بي الرحمة في دمي
و أدعي المولى يرضى عليك..و يخليك لينا يا أمي
و مهما قلت فيك كتير.. ما بوفيك أي كلام
لأنك إنت سر الكون.. و سر الريد معاي دوام
مهما الدنيا تقسى عليك .. ما بتتكسري للأيام
و ما بتشكي الهموم عينيك .. مهما كترت الآلآم
☕ #محمود_الجيلي
جيناك نتونسو بي همك
شايلين رواق يا الفار دمك
شقيش تتشتتي يا بلدي
ايدينا الخدرا البتلمك
يا فترانة تعالينا ..
رموشنا عيونا البتجمك
#ابراهيم_جابر
#ريحة البن # سودانية 24
يا يمه هووووووي
رمضان كريم
…
اشتقت لي ناسك
احساسهم احساسك
بتخاطفو الضيفان
اهلا تعال بي جاي
حرم تعال بي جاي
ما بسددو البيبان
في عيون يتيم بكااااااااي
واهه ا يمه
من شوقك الشواي
بركه النسيتيها
نار منقدك جواي
بتذكرك يمه ..
يلاك نشربو شاي
شايا مدنكل حااااار
زي التقول مو شاي…
#ابراهيم_جابر
كُتِبَ الصيامُ لأجلِنا
واللهُ ألطفُ بالعباد
الصبرُ في إبحَارِنا
أجرٌ اذا نفدَ المِداد
نحنوُ لهُ . . بحُنُوِه
مرحى به فالوعدُ عاد
وتسابقت ارواحنا
سرجٌ على ظهرِ الجياد
عند الموائدِ دعوةٌ
صعدت بإلحاحِ الرجاء
أقمِ الصلاةَ ولُذ بهِ
شهرٌ من الرحمنِ جاء
يا باغيَ الخيراتِ أقبل
بابُهُ .. نحوَ السماء
اقرأ ورتل .. وارتقِ
رمضانُ للساعي وعاء
#محمد_المهندس
اللهُ أكرمُ .. هل ترى
أهلاً به "رمضان كريم"
شهرٌ أرقُ من الصَبا
رَوحٌ ورَيحانٌ مقيم
الخيرُ خيلٌ سابقٌ
والجودُ خيالٌ هميم
أبشر به من مَقدمٍ
لقياهُ في الدنيا نعيم
كُتِبَ الصيامُ لأجلِنا
واللهُ ألطفُ بالعباد
الصبرُ في إبحَارِنا
أجرٌ اذا نفدَ المِداد
نحنوُ لهُ . . بحُنُوِه
مرحى به فالوعدُ عاد
وتسابقت ارواحنا
سرجٌ على ظهرِ الجياد
عند الموائدِ دعوةٌ
صعدت بإلحاحِ الرجاء
أقمِ الصلاةَ ولُذ بهِ
شهرٌ من الرحمنِ جاء
يا باغيَ الخيراتِ أقبل
بابُهُ .. نحوَ السماء
اقرأ ورتل .. وارتقِ
رمضانُ للساعي وعاء
#محمد_المهندس
#رمضان_كريم
تصوموا وتفطروا طيبين والبلد ترجع أجمل وأفضل عاجلاً غير آجلٍ باذن الله.
هلا هلالو بشري ونور الاكوان
واهلا بي قدومك يا شهر رمضان
فيك الجنة تفتح و تغلق النيران
ومرحبتين حبابك جيت بلاكيزان
#نزار_سراج
رمضان كريم
وتصمو وتفطرو علي خير
لفة الطرقة
بي تحِل عندي مليون
الف فرقة
لمّ خوتنا الحميمة
للظروف تبقالنا درقة
ايدي في ايدك نصوم
شهر رمضان فيو محبة
قادرة تمسح سيل هموم
من جبين ضنك الحياة
تبرد الحر والسموم
جانا رمضان شاري خيرو
في تفاصيلنا الرحيمة
هاكِ آبري معاو رُقاق
عادة عندنا جد قديمة
ناولو بُن قول ليهو ساي
مرة جيب جك العصير
و ناولو سيرمس فيهو شاي
بُكرة ح يجيب ليك فطير
لمة الناس في الشوارع
للسابلة مقطوع الطريق
اللي فكر فيها بارع
حظو من فكالو ريق
جوة سودانا النريدو
قيمة عالية من المحنة
يلا نرسل في بريدو
نحن دار نبنيك جنة
#عاطف_شمبات
#رمضان_كريم
قد لا أعلم قد لا أدري
قد أختار طريق الشرِّ
لكنّ الله تعهّدني
بهدايته يسر أمري
حين زللت وزاغ يقيني
ظل معي ربي يهديني
في ظل هداية خالقنا
دنيا الخير وخير الدين
أخشى من نفسي وظنوني
أهلي صحبي ملء عيوني
اهد إلهي من أحببنا
قد أسلمت الله جبيني
#رمضان_مباركツ
#محمد_عبدالواحد