5285
الاسم :- سئلت ذات مرة ما سر ذاك الاسم؟ صرخت ِملأ صمتي المكبوت في دواخل الفنون إنه اسمها حروفه تطايرت تشكلت تألقت تعلقت بشخصي الضعيف فصار اسم شخص ما ... بداخلي. - ريحة البن .
#خير_الأسماء
اسمُ الحبيبِ على السماءِ منارُهُ
ضاءَ الفؤادُ واشرقت انوارُهُ
حمداً علا فتعددت اسماؤه
وسمٌ على وجهِ المدى تذكارُهُ
الطيبُ البَرُ الطبيبُ بِحُبهِ
طلٌ على جدبِ الفجاجِ جِوارُهُ
غرَسُ السلامِ على الشِعابِ ومنابعا
دنتِ القطافُ واورقت اثمارُهُ
عطفٌ يمُدُ الروحَ حسنَ يقينِها
فتسابقت من صَبوِها ازهارُهُ
المصطفى بين البريةِ والورى
فيضٌ على نهرِ الخُلوقِ وقارُهُ
ماحي الضلالِ اذا الوجودُ مغيبُ
غابَ الحُلوكُ وابرقت اغوارُهُ
مدثرٌ بالحسنِ دفءُ صفاتهِ
سمحُ الطلاوةِ واليقينُ دثارُهُ
مسكُ الشمائلِ هديُهُ وهدؤهُ
نهجُ الكريمِ قميصهُ وازارُهُ
مزملٌ ما نامَ بل قامَ ابتهالاً شاكراً
نِعمَ الشَكُورِ تواردت اذكارُهُ
الخاتَمُ المختومُ في صُحُفِ الاُلى
ناموسُ موسى حين أبرقَ غارُهُ
الصادقُ الحقُ الأمينُ المجتبى
السابقونَ وكلُنا انصارُهُ
العاقبُ الهادي تعاقبَ قبلَهُ
ختَمَ الرسالةَ وازدهت استارُهُ
المنذرُ الوعدُ المبينُ المرتجى
شمَخَت رقاعُ النورِ نارت دارُهُ
من كل اسم نستقي ريحانه
رَوحٌ تحلى واعتلى زُوارُهُ
سعِدَ السعاةُ تسابقوا بصلاتِهم
صلى الملائكُ واستظلَ مدارُهُ.
#محمد_المهندس
انا يبدو لي
انو العلاقة البيني بين
محبوبي
طاقة ..
واني ما محتاج عشان
ادخل دواخلو اشيل
بطاقة ..
ويبدو لي إذن الخروج
برضو ما محتاجلو
طاقة ..
شان ألقي ودو بحتمل
نبدأ قصتنا
ب صداقة ..
#عاطف_شمبات
سبحانك ودود تطراني ساعة أنساكا
قبل أطرا النَفس لطفك يقول لي هاكا
قلبي إليك توجَّه و مغنطيسو معاكا
شاكر فضلك البِِئْذَنْلِي شان أطراكا
صلِّي عدد خلوقك في البحر و سماهو
للنبي نجمة الضلو الطريق و التاهو
سائلك يا حليم يوم النشور في جاهو
أدلف للجنان و تقول ده خلو معاهو
ما ناديت، وما رديتلي ؛ حِسي اتجرَّح
الا القمري في حْبال صوتي حن وصرَّح
قبال الإجابة الشيكا ممضي مصرَّح
فوري أداني عربون؛ قلبي راضي مفرَّح
سكتتي في الدُعا الأقرب كتير (للنجدة)
ما سكتة عجم يا ساهي كانت سجدة
القالِيْ(تعال وهاك)،أحسب محبتو جرْدا
قلتلو ما بَعِد ، موش قالِيْ بأتيو فردا؟!
الرفع السِماك ، في ليلنا دلاّ النَجفا
نبرا من الموايد والجدال والسخفا
نبرا من الجراد ومن السيول والخسفا
في يوم السؤال قول للملايك عَرِفا
قلبي البي اشتياقك ناح واوجد وجدا
شوكة وجدو لانت واستفاقت وردة
هاك الروح ، و قلبي شقاهو صَيّرو نردا
قول لي نارو كوني سلام وأصبحي بردا
قلبي الفي هواكم صار متيم كلِفا
حواسي الستة ساعة ذكرو تصبح ألِفا
أضاني تشوف وجلدي ألقاهو واقف ألَِفا
مفزوع ، ثَم ضموهو استكان و ألِفا
لساني القلتو ترجم يستحيل تأويلو
لخبت حلقوا بين حوقلتو بين تهليلو
أ يا اللايمنو في دمَّاعو طال تبهيلو
ما شايفكم آ العُزال ، ده كوكب هيلو
#محمد_الشيخ
جوطة حروف...
مع كوم اماني مكبلات
خلوك علي ضد الظروف...
مهزوم امام سور اللغات
#نصر_محي_الدين
اين أنت وكيف تبدو
رحتَ أم مازلت تغدو
طال بالميقاتِ صبري
تلك خيلُ الليلٍ تعدو
تركضُ الأشواقُ منها
خلفَ أوهــامٍ تعـدوا
سل مقاماتِ احتمائي
هل شغاف الناي ردوا
أم صـبـابـاتي تلـوّت
خلفَ سورِ الوجدِ تشدو
''يا صفي القلبِ مهلاً''
اين أنت وكيف تبدو.
#محمد_المهندس
لا هماك الروح الراحت..لا هماك العين الذرفت
لا هماك البلد الضاعت..لا هماك قلوبنا النزفت
لا راعيت للشعب الببكي .. لا حسيت لا عينك طرفت
نحن عرفنا الناس في المِحنة .. وإنت زمان الفيك إتعرفت
#محمود_الجيلي
لو يموت زول كان حياتك..أو يسافر دون رجوع
لما أطفال ديمة تبكي .. لوتموت الضحكة جوع
لما تفرح فجأة جدا .. و قلبك يرقص ف الضلوع
غصب عنك لما تحصل .. تلقى في عينيك دموع
.................................
لو سعادة بتملى قلبك .. و الحزن لو يوم يغلبك
ولو يخون الغالي حبك .. أو تفارق مرة دربك
تلقى في عينيك دموع
..................................................
ولو تقاسي من المشاعر .. و توفي ليهو و تلقى ناكر
ولو تعيش العمر صابر .. أو تكون عايش مكابر
تلقى في عينيك دموع
..............................................................
لو تفكر إنو خانك .. و لما تفقد يوم أمانك
فاكرو يوم حيصون حنانك .. ما حصل في لحظة صانك
تلقى في عينيك دموع
................................................
و لما يرجع زول بريدك .. و يبقى ليك في لحظة عيدك
و يملا بي أشواقو إيدك .. و كلما تحتاج يزيدك
تلقى في عينيك دموع
......................................
لما أم تحضن جناها ... و لما أم بتجيها آهه
و لما أم تديك رضاها .. و إنت قاعد يوم معاها
تلقى في عينيك دموع
..........................................
لما بتبوس إيد أبوك .. ولو براك و يحميك أخوك
و كنت فاكر يوم نسوك .. يشتلواالأفراح و يجوك
تلقى في عينيك دموع
.........................................................
الدموع في كل إحساس... و المهم الدمعة راحة
و الدموع بتطفي نارك ..و تسقي جواتك مساحة
و الدموع دائما تعبّر .. و تدي أفراحك صباحا
لما تفرح أو تسامح .. الدموع سر السماحة
...........................................................
لو يموت زول كان حياتك..أو يسافر دون رجوع
لما أطفال ديمة تبكي .. لوتموت الضحكة جوع
لما تفرح فجأة جدا .. و قلبك يرقص ف الضلوع
غصب عنك لما تحصل .. تلقى في عينيك دموع
مقطع خاص :
للدموع أسباب كتيرة .. و أصلو ما بتشبه خدودك
و إنتي تشبهك السعادة .. و كل يوم ناضرات ورودك.
#محمود_الجيلي
لبن العشر ابيض
لكن ما حليب
والعين مابتشوف
البشوف القليب❤️
والبكتل اخيو
بكتلا الغريب
غايتو كلام عجيب !
الله يبردي..!
مهما شنو يحصل
لكن كلو لي خير
والعسل المعسل
بعد حنضل مرير
والبلد اللبنت
تاني نديها للطير؟
غايتو كلام عجيب
الله يبردي…!
عينك للدواس
فايدة شنو فوقا؟
كن ماتو ناس
العافية بنضوقا؟
جواد مش عندو راس
بي ضنبو بتسوقا؟
غايتو كلام عجيب
الله يبردي…!
مالك لو اخوك
زعلان قالك كلام
اطرش مره تعمل
شكرا .. ياااا تمام
من ذوقك بيخجل
يرجع يقول سلام❤️
غايتو كلام عجيب !
الله يبردي!
ولدك شبعو
بعدين شوف طباعو
غلطان رجعو
قبال يفتل ضراعو
زول راسو يوجعو
تربطو ليو كراعو؟
غايتو كلام عجيب
الله يبردي. .!
#ابراهيم_جابر
ما عندي غير الله
يسمع أنين صمتي
ومن همّي أتحلّ
ما عندي غير الله
ما عندي غيرو يشيل
مني الألم والضيق
ويديني راحة البال
ويهديني نورو طريق
وينشلني من البي
أنا لسه فيني غريق
ويرجع بلدنا أمان
واللمة في الحلة
ما عندي غير الله
مين ضامن الأيام
ومين عارف البكرة
واليوم ألم ساعات
والثانية زي جمرة
البال دوام مشغول
فكرة بتشيل فكرة
ونار الصبر بتقيد
وفي نارا أتقلى
ما عندي غير الله
كل اللكانوا معاك
يوم ما وقعت مشوا
وحتى الوعود ذاتا
طلعت كلام و حشو
خلو التراب يابس
والنيل بزيد عطشو
يا قلبي ما ليك غير
بالذكرى تتسلى
وما عندي غير الله
#محمود_الجيلي
لو تبادلنا الأغاني
سوف تكتشفي حناناً كامناً في اللحن
قلباً مرهفَ الإيقاع
إحساساً على وتر الحياةِ
مدينةً ترتاح في كتف النغمْ
بعدها
ستضمك الخرطوم
في كل الأغاني
لن يصيبَك جرحُ أشواكِ المسافةِ
فالمهم الآن أن تجدي حنانك في الموسيقى
قبل أن تجدي مكانك في متاهات الألم
.
#محمد_عبدالقادر
أنا لست بخيرٍ
أتعافى
أبصرُ ما حولي
أطيافا
التعبُ الأصفر
أبحرَ
بي
عامينِ وما ذقتُ ضفافا
أسأل عن وطني إحساسي
لا يعلمُ
قد قالَ
وخافا
أنهارُ دماءٍ تغمره
ويعيش من الحبّ جفافا
يا
عام الغوث
تداركنا
قد عشنا
سبعينَ
عجافا
أنا لست بخيرٍ
أعرفني
أوتارُ كمانٍ تعزفني
قد قال الموج لريح البحر
تعالي
نلعب بالسفنِ
وأنا في القارب لا أدري
هل يبلعني؟
هل يلفظني؟
أنا لست بخيرٍ
كيف أكون؟
وخلفي محترقا وطني
أشتاقُ إلى يومٍ فيه
قابيل أخي لا يقتلني.
#حفظ_الله_السودان
#محمد_عبدالواحد
يا الله افتح لي شوارعي معاك
ولمني بي دروبك بيك
تحت ضلك تحت عرشك
وفوق برشي و تحت عينيك
لقيتني عشان أحبك لي
عليك يالله محتاج ليك
لقيتني إنت
و ما لقيتك
وجيتني
الغيّ
قال جيتك
وأنا اللاحول لي
لا شيئ
و بلا قدرك ولا بمشي
جُر ميت عليك يا حي
وأفتح لي أفتح لي أفتح لي
افتح لي تفتح فيني
تشرح لي أشرح مني
تسمح لي أسمح عني
اصفح لي يصفح ظني
وأرجع تاني منك أضل
أقصي انا وأنت تدني
يا عالي المقام يا كُني
أضوق كيفن حلاوة روحي دون ما إني
أسرح أطير وأشطح أدوبي بيك وأغني
وأمدح اسبحك جواي وتاني أتني بيك وأتني
وأمرق من عروق الملة وأدخل في الذي بقتلني
عارف حبلي فوق إيدك ولا خايف ولا مغرور ولا متجني
أتملي بيك واجبد جبدتين يا الله منك أدني تقلب لي عليّ دني
وأرجع تاني لي الغلغلني فيك وفيني كم قلقلقلني أرجع اسبحك
بي الظني.
#امجد_اسماعيل
ما قد كتبت لنا
سيصيبنا يا ربْ
نزلت بنا البلوى
ضاق الفضاء الرحب
فافرغ لنا صبرا
واربط على ذا القلب
واكتب لها فرجا
من حيث لا نحسب
#حفظ_الله_السودان
#محمد_عبدالواحد
حال الناس مفرق
أصلح حالنا يا رب
أحيينا الشعائر
وقلنا الصبح قرب
العيد ياهو اصبح
والناس حالها مغرب
ألحق يا البتلحق
عملنا تراهو هضرب
#امجد_اسماعيل
ربنا يصلح أحوال العباد و البلاد
كل عام و الجميع بخير
أعاد الله العيد علينا بالخير والعافية
الشعر..
نبراس لمن يتعبد
هو صورة للروح
في عليائها
هو نورها هو نارها
والموقد
الشعر أنثي..
يالحسن جمالها
في السن الشعراء
تحيا بالحروف
وتولد
الحرف كالطوفان
ياتي بغتتة
بعواطف وعواصف
لاتنفد
والشعر نور من
ضياء
حبيبتي
وحديثها وسكونها
والموعد
هو ثغرها المتبسم
هو خصلة من شعرها
هو سلسل في
جيدها واساور في
المعصم
علقت روحي بزكرها
مذ همت الارواح
إسلامآ لربها تسجد
علقت روحي بزكرها
وانا أديم آدم
ونظمت آلاف القصائد
حولها
فأنا لعشقها
عاشقآ ومتيم
لو يعلم الشعراء
طله وجهها
ماكان بدر للمحاسن
معلم
هي مايسر الناظرين
ويسعد
هي آيه في حسنها
هي زهره
بل ميسم
هي. ما هيا هي ساحة
للزكر
يوم المولد
فالشعر مازكر الحبيب
ووصله
وانا البعيد المبعد
والشعر خير الشعر
ماوصف الحبيب محمد
(صلوات ربي وسلامه عليه)
#محمد_السر
وانا من زمان
غمست إيدي في بشرتك
حاولت ارسمك الموسيقا
او اعزفك لون للامان
اظني لاقيتك خيال
من قبل ما تبدي الخليقة
و يبدا تكوينك جسد
ادوني عربون الضمان
يا واحدة فيك كل الوجود
يا لامة امة روحي فيك
اديني عنوانك عنان
#عاطف_شمبات
يات مراويد أدّت الكُحُل البصيرة ؟!
مره تُرْمُس عدّا نفاج ،
قام جبر خاطر الجبيرة ...
سال خريف في خد مشلخ ،
حسّ جالوصاً موالف ،
بيّضَت حِيطوا السريرة ...
كان في حوش حاضن فقارى ،
ضحكتهم والقمرة فوقهم ،
يا قليلتهم الكتيرة ...
برتكان يا دابو نبَّت ،
كان بقيس طول الضفيرة ...
عن صدق كركار معاها ،
وونسة الحلقة الأخيرة ...
مرة والنباه بيأذن ،
اتخلع ضو بي ضريرة ...
بسملت ،
_ يا يمة حلمة ؟!
_ الله بس يدينا خيرا ،
يات سواد شال في الأيادي ،
ما ربط بعدو الحريرة ؟!
اتطامن القام لي وضوهو ،
تبَّنت
كَفنها ف محلو ،
وفرتقت باقي المسيرة ...
#محمد_الشيخ
لااازم تقيف
ازهري محمد علي
الحرب لااازم تقيف
خضنا بحر الدم الحرام
ونحن لسه دابنا في القيف
خطوة قبل الخطوة قدام
المنامة وجدة وجنيف
مامهم وين يبقي المقام
المهم ياصاحبي ككيف؟؟
الحمام يدينا السلام
وينحسر مد النزيف
وبكرة برق القبلي لو شال
يبقي بركة وخير الخريف
غيمة لي حميد وقدال
وغيمة لي محجوب شريف
وكل طيب وود حلال
ما ولغ بي ايدو في الزيف
وبرضو وأجب سترة الحال
لو نزل في ساحتن ضيف
من سبيط النخل الطوال
ومن طرف ساقيتنا عيش ريف
حفنة من عيش العيال
للصغار في زمزم رغيف
لاااازم تقيف.
أنا
في الشِّعر
لا
أكذبْ
وهذا
عنديَ
المذهبْ
ولم أسرر
ولم أعلن
فليس لجازمٍ
مهرب
ولم أقصر
على بحري
بحور خيالكم
أعذب
إليكم شعركم
عذرا
إذا
ما الشعر
لي
يُنسبْ
#محمد_عبدالواحد
مشتاق ليك .. ما مشتاقين
كلمة تحسها أكتر
ما زي رد روتيني مكرر: "بالأكتر".
مشتاق ليك
مشرع في النيل
من أول ضفة يقيف للموجة ألف أحمر
فنجان مظبوط يوزن حسك
ويخلي مساخة الدنيا معاكَ
تدوب سكر سكر
لمة تقالدك عرضة وأبشر
ودعوة توادعك: دربك أخدر
ايقاع مردوم يطرِب صمتك
وتغني براك .. خالف تذكر
وبتذكر . . .
لسة خطاباتك في الخاطر
تبدا تحية ندية وأما بعد
ظرف المرسل وطابع البوستة
وصورة ملونة
فيها الذكرى العطرة وأجمل وعد
أكتب ليك بي ضم الفاعل
ونصب الحال الظاهر
وقبل أدبس ورق الورد
الماخد ريحة انفاسك
يجيني الرد
ونخت ضحكاتنا ملح في نتح الغربة
نسامر ضل القمر الهادي
"حنين يا ليل" وقصايد الأخطل
وسيرة سعد
وسعدنا بيك أنسب تعبير
يلا نخلي هوية حب
بتخص أحلامنا
ونكتب سر وصفتنا علاج للغير
عِرقنا نبضنا قلبنا قبلنا
ينشد في طابور الندى
أهلاً بالطلة صباح الخير
يااااا أهل الشوق حي على الحب
سووا صفوفكم وحاسبوا التقصير
الفينا مكفي أمانينا
وفي البال أكتر بكتير
مادمنا بنهدي
العمر الجاي أجمل تقدير
وقادر تتخيل . . .
مشتاق ليك .. أحساس
ترجمتو عصية على التايهين
ما بين أيامنا وواقع ريدنا
غياب حنسدو أمان ويقين
بخطوات جايات نمشيها تهادي
وعادي أقول يا هادي تقول آمين
مادام الريد مقدام يا زول قدام
نهزم خط الإحباط
نكسب دوري العاشقين
ونوقع أهم بنود الحب:
"أتعهدُ أن أكتبَ وأقولَ بما في القلب:
مشتاق ليك .. ما مشتاقين".
#محمد_المهندس
افخر بنفسك
حرةً فضلى جميلة.
كل الظروف تعاهدت ألا تفوز
وفزت أنت على الظروف المستحيلة.
من نفسك الحسناء فارعة المكارم بسمةٌ تشفي لياليك العليلة..
ستقيم عرسا
كل يومٍ
للقبيلة.
ستدير كعبا راقصا
وتمد نحرا كالشموس
كنهر نيلٍ ثائر وافى مسيله.
أتحب نفسك أم
ترى
عين الرضاء كليلة.
#حفظ_الله_السودان
#sudan
#ceasefireInGazaNOW
#محمد_عبدالواحد
أنا لسه عشمانه الظروف
تقدر تشيل وجعي وأساي ..
الدنيا ضاقت بي شديد
هم السواد شايلاو براي ..
واقفة وبقع من دون أحس
واعية ومغبية بالجواي ..
#ايمان_متوكل
يا مرحباً يا حزنُ
بابي مشرعٌ
قلبي تعوّد أن يصادف لحظة الفقدان في كل اتجاه
وقتي يمر ولا يمر
ملامح الأيام يشبهها الوداع
طفولتي انسحبت من التخفيف عن قلبي
ملاذ القلب تاه
وطني يورّثني مصائب من مضوا
صوتي يؤثر في توازن ضغط أمي
كيف أكتم ألف آه .؟
#محمد_عبدالقادر
ثم تخرجُ منهزماً . . .
من أيامٍ كانت تصافحُك بيدٍ وتنحرُ أحلامك بأخرى.
من وجوهٍ ظلت تقابلُكَ ضاحكة وتفارقُكَ بشرر كالقصر.
من نفسٍ مازالت تصارعُ ثلاثتها، مطمئنة ولوامة وأمارة.
من مقبلِ الأحزانِ التي تسكبُ قلقاً وتمزجُ أرقاً ببنهما خوفٌ من ضبابِ العمر، إن كان في العمرِ بقية.
ثم . . . تخرجُ . . . منهزماً
#محمد_المهندس
لو الوطن قام الصباح
اذن آذان شان نلم
يا اُمة حي علي الصلاح
يخوانا ياخ ما ننقسم
يا اُمة كِفي من النواح
كل المرارات تنحسم
الرأي شنو؟؟
نستشق الماضي اللي فاح؟
سودانا كان كامل دسِم؟
ولا النقوم ندمل جراح
العازة تاني ال تبتسم
يا حّمد احمد قولها صاح
نحن ف جبين الكون وسم
يخوانا هيا علي الوطن
سودان يكفيهُ الاسم
#عاطف_شمبات
ياخ ده زوقك..
قول دي حبة نور غشتنا
يوم هجع ترحالنا فوقك
سبنا رهق الغربة جينا
لما نادا علينا شوقك..
**
رايحه لينا معاك ملمة
من ملمات الحواري
ياشفيف الروح مراحب
يارفيق بوح القماري
ياسلام وكتين عيونك
تفضح الشوق المداري
ننسه اي زمن مظالم
تاني ماتجيب لينا طاري
**
يا الحبيب الريدو باقي
رفقة السفر المواجع
يامقاطع اغنياتنا
بيزهو بيك الق المقاطع
كنت في كل الخطاوي
بدر في دنيانا ساطع
وكنت رابع حس بغني
معانا زمن الفرحه راجع
**
يابساطة اهلي انت
وياشموخ نيلين عظيمة
ويا المشاوير البتقصر
كل ما تزيد العزيمه
ياما اتغنينا دونك
كلمة للحب للهزيمة
إلافيك غنانا اكتر
روعه واكتر صدق وقيمة..
#احمد_البلال
بعد اربعطاشر سنة خدمة في ثانوي 😂✋️
#رواية #التقاء_ساكنين
#ديوان #يجدكم_بخير
من #دار_الأجنحة_للنشر .. للعزيز الشاعر متوكل زروق
تصميم الغلافين للفنان المبدع Ashraf Alazhary
شكراً بلا عدد لتحملكم وصبركم وطول بالكم و 🙂
سأقدم لاحقاً منشور شكر وتقدير مفصل لكل من ساعدني ودعمني وقدم لي المشورة والعون.
#محمد_المهندس
هذي حياتُكَ
في فصولِ كتابِها
فـاقرأ بقـلبِكَ إنَّ قلبكَ يُخبِرُكْ
هي ساعةٌ
في موكبينِ تسابقا
تأتي وتمضي والسنينُ تُعثِرُكْ
ما كـانتِ
الدنيا تُغَّيِرُ وَجـهـها
لكن دربكَ يلتقـيكَ ويهـجُرُكْ
فاقطف
حنينكَ للصباحِ محبةً
نَفْحُ الحنينِ من الأحبةِ يزهِرُكْ
واكتُب
خِتامـاً من تحياتِ الرضا
يوماً ستنعاكَ العيونُ وتشكرُكْ
#كذلك_الخروج
#محمد_المهندس
أنعِم واكرِم ذاكَ دلالُ الغِيد
أغدَقَ قلبي سحراً يومَ العيد
حُلوُ الطلةِ طالَ صَباهُ بأمسي
دندن عند الهدأةِ أحلى نشيد
أنتً الفرحةُ والعيديةُ والتذكارُ
وأنتَ بطرفي نجمٌ غير بعيد
غمز فرمزَ ثلاثَ ليالٍ كيف الحالُ
وأسكر أنكر أمكر ظل شريد
منهُ أفرُ إليهِ أقرُ بما لا أقوى
أغوى حباً كاد شذاهُ يكيد
ما أحلاهُ أراهُ يثيرُ غماماً
قام يداعبُ أرضي كيف يريد
أغلى من .. بل أعلى أجلى
جلَ البارئ كيف براهُ وحيد
حادَ عنِ الضدين وبين البينِ
تهادى يرمي طْعماً ثم يصيد
رقَصَ مع أحلامي يشدو عطفاً
يخفضُ صوتَ النبضِ أصدُ يزيد
صافحَ حقلَ الصبحِ وهللَ كبرَ
صبَّ قصادَ الكعكِ كؤوس قصيد
قال تعالَ رُحتُ فرِحتُ أتيتُ أبيتُ
أعيدُ الكرةَ تحتَ الرغبةِ والتهديد
جابَ بكلِ دروبِ حنيني حتى حيني
همسَ ملياً حتى ذُبنا "وجابً العيد"
#محمد_المهندس
كل عام وأنتم بخير
ماعندنا صورة جديدة .. قديم بس ومعاها صرة ✋️