5285
الاسم :- سئلت ذات مرة ما سر ذاك الاسم؟ صرخت ِملأ صمتي المكبوت في دواخل الفنون إنه اسمها حروفه تطايرت تشكلت تألقت تعلقت بشخصي الضعيف فصار اسم شخص ما ... بداخلي. - ريحة البن .
انا منهزم جدا 😔
#يا_فتاح_بلا_مفتاح
مّسكني الطريق الصاح
زاغت مني راحة البال
بقيت خايف من الترتاح
#عاطف_شمبات
الدنيا دبنقة وعايزة جَلَد ...
والدارة عنج ،
الدارة عجاجاً شقا ولد ...
و الركْزة مزااااج
والخالق لمن قالو كونوا ؛
في البرمجة خطا علينا كبد ...
الصبر حبالو لجام أخلاق
الصبر مسد ،
الصبر مسد ...
لو رفضت كل خطوط العرض
تبقالنا العرض
اتوكا عصاتك وابقى بلد ...
#محمد_الشيخ
#تعال_نكتب_قصيدة_سوا
مالو الفراق ؟؟
بملانا يا غالي اشتياق
ويخلي طعم اللقيا غير
مالو الفراق؟؟
قالوا الفراق سر الحنان
واللهفة والريد يا أمير
#تعال_نكتب_قصيدة_سوا
#محمود_الجيلي
ضاحكا غرا بريئا
كنت قبل الحرب طفلا
كان درسي كل همي
إن أتى الأستاذ فصلا
وبيوت الحي بيتي
وجميع الناس أهلا
وأبي كان شبابا
ماله قد صار كهلا
فهم قول في كتابي
كان أشقى الهم حملا
ما ألفت الجوع يوما
أو ذرفت الدمع سيلا
راعني في العيد كبشا
هامدا قد ظل جذلا
كنت قبل الحرب طفلا
والسما كانت سلاما
ثم صار الأمر قتلا
واكترى الناس الحراما
مدركا في الريف أهلا
بعضنا فر شمالا
بعضنا في الليل آوى
للثرى والليل طالا
كخراف قد ذبحنا
أحراما أم حلالا
كلهم بالله يدعو
قبل أن ينوي القتالا
يعبدون الله ربا
حسبنا الله تعالى
وسلاح جاء برا
وسلاح طار جوا
كل جيراني وحوش
يحسبون الموت لهوا
أين بيتي أين صحبي
نشبع الحارات عدوا
نوقظ الجيران فجرا
نسأل الخالات حلوى
#حفظ_الله_السودان
#غزة
#محمد_عبدالواحد
سوف يرتفع الستار
ستفقدون بريقكم بالموت
ليس هنا جدال...
سنجئ يوم الحق نستجلي حقائق عمرنا
والعدل ربي فما القرار..
معنا
علينا
امعه
كن ماتشاء فلا فرار
....
ستكون دوما من تكون..
#نصر_محي_الدين
والله نحن شبعنا موت
نشفت قلوبنا من النزيف
فباي صورة وأعلى صوت
الحرب لابد من تقيف
يا الله ياااا خالق العباد
نترجى لطفك يا لطيف
#عاطف_شمبات
لعل الأوطان تولد وتموت، تشب وتشيخ، وليس ثمة تعريف يسير يضع الحد الذي عنده لا نخاف على الوطن الموت، فإن كان وطنا بتعيين ما عند كتابة هذه الكلمة لا ندري ماذا يكون من أمره بعدها!
وهذا لا غرو أمرٌ جلل يعني كل من يتشاركون الفضاء المادي والاقتصادي والاجتماعي والثقافي للوطن وغيرهم، فهل الوطن وطن كفاية الآن وسيبقى وطنا؟ وما علامات ذا وكيف نراه وأين نجده ونفقده؟ يعنيهم وإن كان قد لا يشغلهم!
كتاب بعنوان: السؤال عن الوطن.
تأليف: محمد عبدالواحد.
إصدارات دار الكتابة تجمعنا لعام 2024 ❤️✨
#السؤال_عن_الوطن👌
#محمد_عبدالواحد
#إستفت_قلبك_يا_فؤادي
هب أنها
صبَغت خُطوطَ أكُفِها
الوانَ سعدٍ من قزح
بصَمت بها
في كلِ أطرافِ المدائنِ والبلادِ
هب أنها
كتبت صكوك العشقِ من دمِها
ونادتكَ احتراقاً
ياصديقي وقت ضيقي
يارفيقي في طريقي
ثم زادت في التنادي
هب أنها
رسَمت كخارطةِ الطريقِ مَسارها
وأتتكَ تستجدي التآلفَ بالودادِ
هل تُسرِجُ الأشواق تركضُ خلفها؟
أم تحتوي الانفاسَ تُسكـتُها ولو جبراً
تهدئُ روع نبضاتٍ
توالت في ازدياد؟
#محمد_المهندس
يا قلبي
نسينا أن نُخزِّن بعض أفراح الحياة
لمثل هذا الوقت بالتحديد
أصبحنا أقل تحمّساً للحب
أو لنعيشَ
لولا أننا لا نعرف المجهول
كدنا أن نقول الموت أرحمْ
فقدنا كل ما يعني الأمان
وعالَماً يُدعى "مساحتنا الصغيرة في زوايا البيت"
و الوطن اختفى من فهرسِ الأحضان
و الخرطوم مقبرةٌ
و مأتَمْ
#محمد_عبدالقادر
أنتِ قريبةٌ مني
و لكنّ المسافةَ بيننا تخلو من الطرقاتِ
فكرة أن أراكِ فقط
تكلّفني حنيني كلّهُ
و تثير ما أخفيتُ عنكِ من المشاعر و الدموعْ
أنتِ قريبة مني
و لكن الرصاص الآن أقربُ
و المدينة كلها تبكي
شوارعها تجفُّ
وفي البيوت ملامحُ المأساة أوضحُ من ملامحنا.
هنا
ستجف أجنحة الرجوع
#محمد_عبدالقادر
مطر الغربة برغم نداوتو غريب
نقّط جواي احساس
مليان بطراوة وطيب
انا كنت بعافِر في قِيفة الايام
بتخجّ انين بَفتِل في الصبُر
الكل ما يشِد يمصُرني نحيب
مالك يا ليل هيمان
بتصحي ورايا حنين سكّتو ونام
اسه بيتمغى
وبحة صوتو تشيل وتجيب
الرعد الشلّخ وش السما غشاني
ونُورو شلع أنا قايلو بِشاغل ساي
كان جادي شديد
يا سُحب الشيل اتكومتَن
كان تصبرو حبة ألملم
هِدم العافية الدابو جديد
شرِّيتو براي في زقاق ضيق
ضاقت جواي وسرحتَ وحيد
يا مطر الغربة اتكرب وصب
صبونا زمان نتلونا غصب
ادونا الخلا والصي
ادونا الريح وشواشا بِشِق
جوانا يكتِّح وياخد الضي
حتى الاحلام الدابا تتِب
بين طيف ودعاش
لاواها ختِف طار بيها حِدي
مش زرعو مكان الفال قلقال
شالو البيجابد وختو الني
صُب ساي ما الواطة وشيها مهضلم
بِضحك مغسة ويبكي علي
لو ما مغلوب
كان شِلت الفضّل مني مشيت
لكن اتهدّن
في شارع الاوهام كرعي
يا مطر الغربة تسالم كيف
دا المطر الما بيصب في بيتنا
ولا بيتعد مطر .. المطر الجد
لمن نتبلبل ريد نتطمبج زين
لمن نغرق في سيل احزان
ونقول يارب
حامدين شاكرين راضين
لمن نتمدّ قُصاد كُشِّيقة
وشفع نَططو غرّقو روحهم
بي ترتارة ومركب وبيت من طين
وانا هايم في وديان الشوق
مشتاق لسحابة تضلل بالنا
تكورك جيدن جيت
مشتاق لي وش مسروف
بالريد ما جافي غتيت
مشتاق لي لمة وفنجان قهوة
يخربش حترفو قافية وبيت
مشتاق لي مطرة تفِر جنحينا
علي كتف الراجعين
يتعازمو شاي قنان وربيت
#مطر_الغربة
#محمد_المهندس
جاتك صورتنا دي بالواتساب؟
شايفنا بنضّحك و مُنطربين
...
كاتلين الليل تضريب و حِساب
و صباحنا الهم بالفال ضاربين
....
بينا و غربتنا بيوت و أنساب
نمرق من أسرة مغتربين
و نخُش في حِلَّة مُغتربين
....
نحن النوّار البتّق داب
نحن الطُلاب الموهوبين
....
ما بنرضى نعيشا سكك دوداب
في ذكرى حيارى ومغلوبين
....
أها شُفت وتين... ؟
...
بتشخبت ليك في أيّ كِتاب
و تسردب في سيرة الغايبين
....
و بتزرع بين اهدابي عِتاب
لي أي شوارع ناس كعبين
....
و تحتحت من شوفي البُتّاب
يوم شوقك فوق سرحاتي يبين
....
علي جهلاً بين الحوش و التاب 📱
لو شُفتها يا ود الطيبين
....
بتقدِّم روحي لحدي الباب
وتشحتّف لي ذكرى التأبين
....
نِحْنَ العُشّاق المحبوبين
....
الما فرّق بيناتنا غياب
نحن الأعياد لي اي رجوع
نحن الفي الريد لآمن دايبين ❤️
....
نحن الأغصان لي أي صفق أحلام
و طيور
نحن الأعشاب
نحن البي شوف الحال مابين
....
و بنضّحك
لي آخر فرّة ناب
و نوزّع شان نتلمَّ قرابين
.....
وبنحمدو حمداً
ماهو عَقَاب
ماكلين...
شاربين...
....
لو جيتنا البيت عمران أحباب
و بنكرم حِنْ قلبك بالضيّ
و لو
قُمنا علي الأشواق صعبين
#نهي_الكباشي
و صحيت و لقيتك في عيوني
في صوت بتي الماشة الروضة
في البسمة و في النسمة الهبت
تغريني عشان آخد غمضة
و لقيتك في الشمس الشرقت
و لقيتك في الوردة الغضة
في الحافلة المن بحري العربي
في عيون قاطعات شارع العرضة
يا الراوية النيل كلما يعطش
أرويني عشان الشوق يرضى
#محمود_الجيلي
محل ما اتعكست ياكا البحل شربيكة
مخزن حكمة للشر الوقعتو وشيكة
بالك سلبة ما انصر في القواسي وشيكة
وإيدك جي بي إكس تدفع سبيكة سبيكة
#ودمسيخ
التفاصيل الصغيرة
مستكه (1)
وأنا يا خرطوم ...
قلبي ميل كآبه وانتكا
وين الصغيرونة ..؟
بتي الهبهانه المستكه ...!
وين ريحانة الجنة ..؟
بت دمي شديرة الحنه ..
مش بينا الحنان؟
واكوام لبان؟
فيونكه بمبي واستكه ..؟!
يااااااا مستكه
انا قلبي ني ...
شوقك بنيتي عصر علي
عقد حياتي وشربكا
يا مستكه
اشيل من عمري واديك
اديك البرضيك
انا هسي مشتاق لي ايديك
وايديك في طينه ملبكه
شابيتي فوق شيشك علي
خافت جلاليبي البيض
يادي المحنه المربكه ...!
طين لاقى طين
وتنطي في كتفي اليمين
وأنا والحنين
ننشقا بالريد و البكا ...!
يا مستكه ...
يا صندل الغنوات و يا ريحة البلد
أحد ... أحد
البينا ريدة إلى الأبد
ونسه وضحك .. ما بتنسحك
محفورة في الروح والكبد ...!
وقطيعة في الناس القراااااب
ال ...
قرقرااااااب
ال ....
خستكه ...!
يا مستكه ...
انا حيلي ما قدر الغياب
امتى الإياب ... و انا قلبي شاب
وأنا يومي كلما دق باب
تنحلا أعصاب ..
وتتب رويحتي مدربكه ..!
قالو الكبار ...ريدة البنيات الصغار
في الروح بتعمل دربكه ...
ياخ زحي لعباتك كتار
مزقلاهن ليل نهار
وأنا بالنهار .. بنهار
متقريف الجوطه الهظار
شكلة وغبار
اندومي شطة بهارو حار
يا دي التفاصيل الصغار ...!
وبالليل معارك مهلكه ...!
بابا الدزمه ..
يااااابت انا جزمة؟
يا كلبة يا بت الكلب
بابا الجزمه ختها لي بي هناك
انا من يوم داك
قت ليك سيورها مشررربكه
يا دي التفاصيل الصغار
وبالليل معارك مهلكه ..؟
بابا الدزمه ...
حااااضر ... نعمين يااا سكره
يا طاعمة يا بت القلب
اهو كلو تحت السيطره
رغم الشقا ، بس لينا رب
رتب حياتنا وسطرا ...!
والمسطلا؟!
والمسطره .. انا جبتها
وقلمين رصاص
برايه حمراء واستكه
يااااا مستكه
شفتي التفاصيل الصغار
بالليل معارك مهلكه ..!
يا المستكه ... يا ريحة الوطن العزيز
الفرقونا ..
اريتو كان الانجليز!
اريتو كان كفار قريش
تهمونا شفشفنا النبيذ
يا حليوة يا دمي اللذيذ
الفرقونا ..
اتنين غلاااااااد
سجم الولاد ... واخوهو عاد
ارم ذات الرماد
خلو الكنوز الفي البلاد
واتشاكلو
في دكوة وحلة عكوة
وشطة خدرا وهردبيس
مربطات في كيس
كان فيهو دقة قنقليس ..!
يا حسرة الوطن العزيز ...!
#ابراهيم_جابر
حنرجع تاني يا وطني ،
مَحَارَة
فَلوت
و حنغني ...
حنرجع لو صدق ظني ،
اقيدلك مهجتي و فني ،
تعود دارفور دبنقة خير ،
تعود خرطوم ،
وتبسم تاني ود مدني ...
#محمد_الشيخ
والله نحن شبعنا موت
نشفت قلوبنا من النزيف
فباي صورة واعلى صوت
الحرب لابد من تقيف
يا الله يا خالق العباد
نترجى لطفك يا لطيف
يا غربة كّلت مننا
وأدمت خطانا حٓفى ونزوح
تاهت بلادنا وحِننا
اصواتنا راحت هم ونوح
يا ربي تاني تلمنا
يا الله لِم هادي الجروح
الحرب لو وقفت أخير
والسِلم ديدن دي الحياة
لساتنا جوووة الفينا خير
وبصيرة واعية هيا الضياء
الدنيا عاد تلقانا غير
لو إستقمنا من الرياء
#عاطف_شمبات
صباح الخير يا قلبي،
أنا استيقظتُ أشعر بالسلامِ .
- مدينتي سقطتْ؟
نعم
وطني مصابٌ بالخيانة و الدماء؟
نعم-
و لكني أنام الآن بين يديكِ
أنسى أنني مَن ضِعتُ
مَن سقطتْ مدينتُهُ
يضمّدني عناق يديكِ .
بيتي، حيث أنتِ معي .
و قلبي حين تبتسمينَ
تُدهشني ابتسامتهُ
.
#محمد_عبدالقادر
في مثل هذا الليل
في عز الشتاءِ
أراك تختبئين في صدري
من المجهولِ
من قلق الفراقِ
و من ضجيج العالم القاسي
و في ذاك السكون
يجفُّ حزنك
تُوصِلُ الكلمات معناها تماماً
يستطيع القلبُ تحريرَ العناق من المسافةِ
تشعرين بدفءِ أحلامي و إحساسي
#محمد_عبدالقادر
انا لست الا بعض احزان
تفشي في دواخلها التعب
ملت تفاصيلي الخضوع
وإدعاءات الطرب
هم ليس الا بعض اشباه الرجال
وليل وطن مغتصب
قد ابعدونا عن رؤانا
زيفوا كل التفاصيل الجميله
الحقوها بالاهانه
والدمار المرتقب
سحقا علي هذا الشقاء
ضاعت دموعنا والنقاء
ماضل سعيا او كسب
الكل اصبح كاذبا
والارض يسكُنها الجدب
حيفي علي ماكان لي
ماصار حقا مكتسب
هلا إعتزال الدمعِ
إيذان الرحيل؟
هل للجريمة من دليل؟
هل ليس من حقي الغضب؟
النار تلتهم الجميع
وانا اقهقه ضاحكا..
فالنهر يجري الي المصب
ماكان جدوي أن نكون
إذا تظاهر صاغرا
عبثا......
ضميرنا بالتعب
التف حول الروح بردا
وانكمشنا بلا سبب
صغرت رؤانا بلا انتهاء
ماتت في ذلِ وانكفت
ياللترف.....
لا زلت تعشم في البكاء
لا زلت تحترف الاسف
سُحقا علي كل الظروف
شكرا جزيلا من وقف
في وجه عارنا ذات يوم
ضد المصالح قد هتف
شكرا لتذكير الجميع
بأن قاتلكم عُرف
....
#نصر_محي_الدين
أبـشِــــــــر
متاريس الزمن تعبن
فتر مشوارك الاخدر
زرعتَ سراب قفلتَ الباب
وقفتَ هناكَ تتصدر
وصدرتَ الرهاب المُر
وإتنتَّر جواكَ خيال
واتخلخلتَ خليت النزيف بِيشُر
وشرينا القميص مقدود
فلا رجع القميص نشفان
ولا راودنا فيكا صبر
وشرّانا القبيل سافر
وفي سكك الوهم ودَّر
غناهو الكان محنة وفال
عزف لحن السلام اشتر
فيا مجبور علي الاحزان
اذا دق الفرح بابك
قصاد باب العمر . . . أبشر
اذا طال البعاد والشيل
وستف شوق هواك الحيل
وميَّل مِيل وسافر ليك
مليون ميل حلم ضوئي
ونقش خيط الأمل منديل
وناداهو الحنين للنيل
بعد هدّاهو صمت الليل
بيرجاك تبقى ليهو دليل
ولو في عز منام الناس
دخل عينيك شعاع من ضي
وصحاك القمر . . . ابشر
فلو صحاك . . .
اكيد صحى الحنين الفيك
ولو صحاك . . .
فضيَ عينيهو مابيطفيك
دا انت عشان تهِب منفوض
قوم وانفضِن كفيك
من كل العجاج الشال
ملامح الزول وطيبة الزول
ونية الزول وعقل الزول
وزوق الزول واصل الزول
قصد يخفيك ، قصد يخفيك
فحِن أُماتنا ما بيعفيك
ولا سمح النضِم بِلهيك
فقوم اديهو شان يديك
وماتنوم قبل ماتغسل بموية العافية
والرضا والسماح قلبك قبُل ايديك
وكيف اصلاً يطيب نومك
وكل خلق الله بتعافر عشان تديك
وكيف تهدي الغريب توبك
دا مين ساعة الجفاف بِهْديك
ومين وقت الطريق بيضِل بقيف يَهَديك
ومين ساعة مروق الضل بجي يناديك
فقوم ياخي وقوم بِسراع
فكيف بتهيم وفي واديك
قبُل ماتقول صباح الخير
بيصحي الطير وتصحي النملة
وُيكبِّر مع الآذان صياح الديك
فقوم صحي البشر . . . وابشر
بتلقاهم بيزرعو في الفيافي الروح
ويشتلو في قلبونا الطاشة
تُقابة ودواية ولوح
ولو فاض بيهم المتروس
بستفو ليو سفينة نوح
كتير كانو بيهدهدو في الم بينوح
وكل من قام
يطبب في الجرح والشوق
بِهِد فوقو الألم يصبح
مقسَّم بين عذاب وجروح
زمان قالو البحِب الناس
بنوِّر دربو يعلا صروح
فهل صرح الوهم علاَّك
وهل نتْح السهم جلَّاك
لعلك تبقى طيب في سحابة ودوح
بيوت اشعاري من قلت النضِم مسموح
هرج فيهن غراب زيفك
رجع صوت الشِعر مبحوح
أريتك كان قفلت عليهن ابوابك
وصريت للحرف والبوح
ما كان طار ودق الطار
وسافر بيهو ريد مفضوح
فكل مسكون على ذاتو
بيهرجل في هواهو طموح
فمن تسمع أناشيد السفر . . . ابشر
عشان سفر الحلم بسرق
سنينا السمحة ويحرِّق
نعاين في صباح باكر متين يشرق
وكيف يشرق؟
وفي جوف الحلق بشرق
كتير من شوق يغرب بينا ويشرق
شرد من النفَس موجوع
وطق هناك الف عرق
سكن بين الألم والجوع
وناح لمن جبينو عرق
وما هماهو لون النيل
ولا هز انتماهو عرق
فحلفتك بِمن سوَّاك
ما تصفق وتمشي براك
صفق ايامنا حتَّ وراك
وانا الحاوطتو شان ينبت نخيل واراك
وانا الوريتو ما براعيهو راعي سواك
فلا راعيتو شان يكبر
ولا بللَّ عطشنا سواك
فهل بتصدق اننا لسه بنصدق
وعود جيتك وطيب نِيتك ونترجاك
عشان انت القبيل قلتَ
حنزرع سلة للدنيا
ونحفِّظ للسُغار غُنية
ونزيد آمالنا كم منية
ونذيع من الكرم عَينة
ونخُت الناشفة في اللينة
ونزيل القاسية بي هينة
فلو عايزنا نستناك
فِيض زي البحر . . . وابشر
واذا اجتاحك شعور بالحب
فزح من الخطر وابشر
واذا احتاجك قريب بالغيب
فلاقيو زي مطر وابشر
واذا ميل من الدرب العديل خطوك
فكون زي القطر وابشر
ولو يوم طششك غافل
فغافلو وصحح احساس الامل وابشر
فيلا الرحلة نبداها
ونحمد الله خير أو شر
نقول أبشر نقول . . . أبشر
#محمد_المهندس
#أبشر
انتِ السؤال الذي يبقى بحنجرتي
أين القطار و في عينيك تذكرتي
الوعد تاه و ضاع الوقت منفلتا
و قد ملأت بآمالي مفكرتي
هذا الزمان دليلي في الوجود على
حجم إحتمالي لآلامي و مقدرتي
قد كنت أحسب أن العشق طوع يدي
وهماً أظن بأن في ملعبي كرتي
كشاعر قلق آتي بقافيتي
من فكرة غرقت في عمق محبرتي
أرتّب اللغة الجوفاء حيث أرى
في كل معنى لحبك أسبابا لبعثرتي
ما زال ذكرك بين السالكين هدى
الإثم إثمك لا تعنيك مغفرتي
يا الما تزالين سيناً كلما إنبجست
من صخرة العمر جيمات لآخرتي
#محمود_الجيلي
زرعتَ نَوايا في طميي :
زرعت نوايا في طميي :
زرعت نوايا في طَمْيِي :
شالت نَخْلَة الخَاطِر سَبايط نُور
شالت نَخْلَة الخَاطِر سَبايط نُور ؟!
مَثِّل ضَوْءَك الشِّجَرَك ؛
تقوم عنبات!
تقوم مسكيت!
يِقُوم عُشَرَك ؟!
تميع وانت العليك الرَك !
بباليبك إذا رشيت ؟!
يِقوم طَبْعَك على بَشَرَك
فيا مولاي أنا الممطور
وانا ونخلة سبايط النور
بنشخب ضو
ما طال الضراع موفور
هو شِن الضو
بلا تمر السبيط مَعصور
سبيط من نور بيعصر ضو
سبيط من ضو بفور تنور
أحبك يا إله الكون
أنا الذاكر ؟ أنا المذكور ؟
أنا الزيتون
إذا ما طور
وأنا الزيتون
إذا مشكاتي سورة النور
أسبّح بالذي شتلات
إذا عقبت خريف مطمور
وأسبح للذى في ضل
يقيلني بعد نقوم من صور
فهل 'ثُقب الزمن' فيني ؟! ؛
أنا العابر وأنا المعبور ؟!
وتِشْتَكِل الجِيَن في الدم
انا ناصر انا المنصور ؟!
انا سلالة النبي العدنان
انا الريحان انا البلور ؟!!!!
انا الجراري بي سَنَتْيَن
وانا مكتول غرام دافور
أنا السودان براي كده ده
أنا الآسر وأنا المأسور
متوَّك بي عَقَاب دِبْشك
مُتيم بي (يا خَيْ) من فور
أنا الفي المدرسة الطابور
أنا القران
أنا الأذان
أنا الألحان
أنا امدرمان
أنا و حوش الخليفة فِرَد
أنا و فيصل خليفة أخوان
أنا وسيف الخليفة الضد
وكت القرعة سيف و جفير
انا الواضح دوام في الرد
قلت الصح : جفير و جفير
أنا آسف على الكاتل
وأنا الآسف على المكتول
وأنا اللحد الرجيتو عديل
وانا الآسف على التأخير
وأنا ممنون عروق ضِحْكِكْ
بتفصل فيشة التفكير
بكون قادر اقوم وأرسم
على الديوان 'صباح الخير '
#محمد_الشيخ
هنا فجر الحياة هنا كتابي
وآبائي هنا وهنا صحابي
هنا الأفكار والاسرار فادخل
على التاربخ لو تحظى ببابي
هنا ذخر البلاد غدا فهيا
ومن ذخر البلاد سوى الشباب
هنا صور من الماضي تراءت
بحاضرنا على نفر عجاب
فذا نيوتن وذا الدرلي فانظر
وسيباويه قم واعرب نحابي
واحمدنا الفراهيدي فزن لي
مفاعلتن مفاعيلن ومابي
بلندن ماالفت ولاانيسا
ولامالي ولاحتى كتابي
وكم للأزرق الدفاق يهفو
فؤادي كم يؤرقني إيابي
لذي زجل بدا من بين جال
ألى جال هيوج في عباب
ابو الآداب عبدالله بحر
هنيئا واريه بالشراب
هنا أنشودة الجن فمن لي
بذياك المعجل بالذهاب
وماكفر الفتى الصوفي كلا
ومامثل ابن يوسف كان صاب
وكلها في الثرى آيات طهر
فآمنة ومريم في نقاب
هنا المحجوب مسبحتي ودني
وجماع هنا نيلي وغابي
سأمشي رافع الرأس أغني
وبي فيض لألحان عِذاب
دمي عزمي وحلمي والتمني
هنا بعضي وكلي وانتسابي
إلى نيل يعربد في الصحارى
ويعدو فوق هامات الروابي
به السحر الفريد وكل حسن
به مجد الأشاوث والقباب
هنا كل القبائل في عناق
وفي لحن شجي مستطاب
كان القطن باباي وتمر
وسمسة وصمغ من هشابي
هنا وطني هنا السودان حسبي
هنا بلغ الهوى حد النصابِ
#زحزحة
ما تقول سلام يا ناس
قول ليهم سلام يا مسرفين
في الحوجة و الإحساس
و فط الحالة وإتجاوز
ما يجرك نمط عادية
أو ياهو
خش في الأنت حقو براك
و ماشرط افهموك يا حي
ولا هسع
تتوه روحك ؟
تتوه منك ؟
فما تقول لي كان تاهو
حيفهمو يوم
فما تخاف ليهم انت
إنت كفاك.
#امجد_اسماعيل
خايف الحزن
يحتلا اكبر جزء فينا
والفرح يبقالنا غشوة
او ضواقة
يااااا الله طاقة
نحتمل هذا النزيف
او ضل وريف
ننجما فيو
ضاربانة فاقة
#عاطف_شمبات
عَبرتا البتسِد حِليقا !!
فشِّشنا
دمعتا البتشق خِديدا!!!
قشقشنا
سُمعتا الفي الحِلة حيدا
اوعى
بالشين تطقُشنا
و خِبرتا الفي اللمة ريدة
اوعى
نارا تحمشَّنا
البنيَّة ال لسة نية ...
ما انفدع ل حمول ضِهيرا
المِهيرة
اوعى بحجة عُمركن
بالمضرَّة تغشغشنا
الخِديرة
قِديرشنا ؟؟
في الفزوع ما تعطشنا
وإن رمى الجوع انعشنا
بالفضايل اربُشنا ..
وفي ونسة القايلة كان درتن فقركن؟؟
فوتن الحد في حذركن وأنبُشنا
و اووووعى
قدام ضيف تهمزن
وتنحشنا
الهميمة البالا نيمة...
الكريمة
عِلَّا في شيل السواطات
مي
غشيييمة ..!!!!
اوعى تمشن بي كلام وتحرشنا..
و شوكة الفُرقة إن قِست
فطَّت نعال حيلا ومشت
بالراااااحة منها أنتشنا
...
وما تهمشنا
ما تهمشَّنا
محل تفوتن
خلَّها التمرُق معاكن
شان تعرف العيشة
واحلام النسوّن
و الدريبات المشنا
علَّا
ما تتكلن عليها
قساة شُغلكن
لو سمعتها صاقرت مُرحاكة
ماااااا بتحاكى
لو ساهي فكرتن تلُخ وتدرِّشنا
ومااا تهمشنا
ما تهمشنا
ياها بتي
بتي
ال لو بكت
بتكب دميعتا فوق كبدتي
لو هموم الدنيا كِترن
لما ف الفال
عشَّمنا
ولو مهازل الدار بعد ضحكت
سعادتا حشَّمنا
هي مي غشيمة
المشاغل غشّمنا
نار هشيمة
لما يتلمن عليها
حراة ظروف
وكبر مصايب ويدقُشنا
الخديرة قديرشنا ؟؟
في الفزوع ما تعطشنا
و إن رمى الجوع انعِشنا
بالفضايل اربشنا
وفي ونسة القايلة
كان درتن فقركن
فوتن الحد في حذركن وانبُشنا..
...
بالنبيشة
يُمة كانت احلى لمة و أهنى عيشة
وكانت اكبر دوسة يتلمن نسون في عريشة
يوم
ويوم التاني
يطقعن القُداحة
محبة
جود بالحبة
و إن ضاقت المعيشة
بالنبيشة...
بالنبيشة ...
حسي وييييييييين؟
وانا باقي هايمة مع المداين
دَرَتي باين
و شان اداري
يومي بتوهم خداري
وما مصدقة انو روح أحلامي كيشة..
دايشة
في بلداً كشيشة
ماشة
والصدمات مليشة
القميرية
القبلتي عشان قرايتا بالحرابة
وخُفتي
من صياد يشوف نورة شبابا
وبي سهم مسموم ينيشا
حسي فاقدة
الحِن
في
توبك
راقدة بالأوجاع كنيشة
القميرية
الدُعاك فكاها من الضيق كتييييييير
حسي وحياتك ولا بتقدر تطير
شان فُتي شلتي معاكِ ريشا
ياما قُتليك أُخدي راحتك
ماشة وين
؟؟؟
وانا لسة عيني ما اتملت منِّك
ولا شالت سماحتك
ولسة باقي لي افراح
دايرة يمة معاك اعيشا....
#نهي_الكباشي
قاعدة علي لحم إحساسي
ما ناغمت قلب عطُوف
ولا استدعيت خيالك ناسي
وإنت معبِّي روحي طيُوف
خاتاك للعشم سُقياو
ولي طول المسافة ظروف
#نهي_الكباشي
الأعلى من صدى الموعظة...
الكلمة مفتاح الجبروت..
لا قمة أعلى هذا الجبل لتصعدها
لا أسفل غير رؤوس حراب تبتسم و تهتف للصاعد بالعلياء..
وسقوطك موت يا هذا وبقاؤك دون صعود موت...
فاكتب كي تورق من موتك حيوات لا تعرف تابوت...
عَلِم الحانوتي بأنك عتقت الفكرة بالأوراق و أنك من بعد رحيلك ستُرنح رواد الحانوت...
و اكتب
(كي تعرفك البيداء..
كي تنظرك العين العمياء..)
و اكتب
لتكفرك الغوغاء..
و تراك النخبة في الشهداء..
ولتطعنك ظلال الطاغوت...
اكتب لتعيش ولا تنسى إذ تكتب أن تكتب لتموت...
أشياءك جرم أسقطها (بالفوق) ستتسع الوحدة و ستصغر أحجام الأشياء ...
لا خطر عليك سوى ألف تتبعها نُون قبل التاء..
القمة تحتك لا أعلى والقلق بقاء..
فاستخلف نفسك في القرّاء..
المعنى ألسنة جفت
ومجازك ماء ماء ماء..
و اصطد موعظة تتعثر بصداها صخرة كل سماء..
مسكوب صوتك بالآذان و ينسخ أصوات القدماء ...
أذن وحدك فالكون سكوت
كرسي الملك من الأسماء..
الكلمة مفتاح الجبروت...
بروا الكتاب لتفتح أبواب الملكوت ...
#وئام_كمال
يا حمامَ الحرم
ذُبتَ في العشقِ كم
سحُ بروحِ الرضا
وازدهي بالكرم
واهدِنا في صَبا
هدأًةً من نغم
#محمد_المهندس