5285
الاسم :- سئلت ذات مرة ما سر ذاك الاسم؟ صرخت ِملأ صمتي المكبوت في دواخل الفنون إنه اسمها حروفه تطايرت تشكلت تألقت تعلقت بشخصي الضعيف فصار اسم شخص ما ... بداخلي. - ريحة البن .
.. بحر خام ..
خام بحر
لو دوايتي الفراغ
لو دوايتَك حبر
انا بفط السطر
وانت اكتب سطر ...
سيبني بقرا العدم
وانت اقرا الوجود
سيبني اطرا الأوان
وانت اطرا الخلود
_ يا ورود الخد الودود
بقرا فيهن صفة الودود _
(المهيرة عقد الجلاد النار يا
عريسك غلبوا الثبات )
ظنوا اصبر لا يعلمون
قدري تمتم بين كاف وتُوْن
خيلي طامح للكن يكون
وطيني لازب راجي المنون
حصنتك بي قاف ونون
و نون مخصصة لي كل نون
قلبي عاشق فر السنون
جب كل أحزان السنون
قلت قومي ... لعل ... انظرون
قالِّيْ : قل : افلا تنظرون
جقلة دلها تغنج حرون
نفس طبعها عند ام قرون
يا مخلدة عبر القرون
قال إقرأ ولا تقرأون
قُوْلو كن للكائن كَكُون
بيكِ كائن يلاك نكون
ضحكتها الدامعة عيون
المُشِّهِّد فيها العيون
يبرا ضحكك من العيون
سقيا ريقك عذب العيون
لو فصيح اللغة في المعنى تمتم
ما اتفهم ، سمُّوها ترجم
حالي : ظمئان سلّم وجمجم
جاتو سقيا وباب غارو حمحم
فاكهة المحراب عند مريم
اتلو كاف ها ومريم
ربما لو وُد ثم مريم
خلوا مدح المادح لليلى ؛
مدح ليلى لمادحها ليلا ؛
اندى حِناً وأعز كيلا
ها
فُكَ نعلك للوادي سيلا
هبني روحك شرطا ل كي لا ...
: جال بروحي حنين المناجَى
اشجى من قمرية المناجِي
البِقُولو اليك احتياجي
قالو هاك ومعاه ابتهاجي
أبقى واصل عبر انتهاجي
جنة / دنيا بتوْمِي بتنال
هاك إبَرَك حِيِك المقال
عنُّو عنك عن عن وقال
كان بحبِك في الابتهال
البقول مجذوب استحال
قولو وارد ما الريدة حال
#محمد_الشيخ
ولا وطناً...نقول دا
وطن
بلا قطعة قماش مترين
تسوي كفن
بلاد الله الكتير خيرا
وكتير طيرا
يات ما اتسلطت سلطات
ويات ما اتسوقت في
الذات
يقيف سوقا وزبونا حرن
فكيف دا وطن
يعافر في التمانية جهات
ويسرق فرحتو القادات
يقفل المحنه يلقى محن
اذا أذن اذانو إذاً
فكيف ح نسكت الشمات
وكيف ح نزرع البلدات
وكيف نصطف في الصلوات
ونحن شبابنا ولى سداً
ونحنا شبابنا ماتوا سداً
غنوه للحبيبه
هاك كاسين من نوع مستورد
وشوف الدنيا ح تصبح كيف
هاك استنا هتاف الشعب
بدل البلدي وخمر القيف
كاس ورا الكاس والدنيا تدور
ما استنيت احلام الصيف
واسي غناك صبح مخمور
يامتوهم بكره تقيف
يامستلهم من عصفور
وذكرى بعيدة ورؤية وطيف
بيوت الضفة الرمل
انهدن
وانت الحالم تبني وطن
فلا وطناً نقول..
دا وطن
بلا قطعة قماش مترين
تسوي كفن
بلا سدينا درب الرجعه
للعافية
بلا غنينا في اخر المدن
سفهاً
ولا اتمطقنا طعم القافية
في القافية
ولا اتمكنا في القاعدات
ولا لحقنا البعاد جفلن
فكيف دا وطن
غنوة للبعيد..
عايز من نبيذ باريس
ودخان روما والمرسى
عايز تستريح اسى
مساج تايلندي في كندا
تعز نفسك تعيش دسيس
خميس في خميس
لا محبوبة لا تدبيس
شبابك لسه دابو بدا
فما تعاني ولا تقسى .
تعيش يومك تعيش اسى
تعيس اسى
تمش راكز تعود جثة
وهدوم في بدن
غناك الكان حنين طيب
صبح مليان جراح مسخن
تهيم في كل بقاع الارض
وفي جيبك تراب
ارضك كأنو عدن
فكيف دا وطن
تقول دا وطن
بلا قطعة قماش مترين
تسوي كفن
يامحبوبة آسف من غناك
طولته
همي الكان معاي طرشق
ملى الجته
لكن مرة ذات مرات لمحتك
في طريق سالك
في كل حته
كأنو براك اخترتي الصراخ
والنوح
وكأني براي في رحلة نوح
كنا بداية التكوين لجيل صالح
وناس بتنادي في الرايح
ولادنا ولا بعرفوا فسوق
ولا فيهم عقب طالح
ولا سرقو الوطن بالدس
ولا عقروه بعير صالح
ولا فيهم خبيث وعفن
وبس
دا وطن
#محمد_السر
يات شجر سار يا يمامة ؟!
خلا انو نعيش قيامات ،
و ما اكتمل شرط القيامة ...
لي حتت في الروح سلامات ،
تبري يا خرطوم سلامة ...
أي تيراب في السرابات ،
كلو قام محصول ندامة ...
انكسر جبر الملمات ،
وانسفك دم الكرامة ...
ما بكثّر جمع غازيك ،
جمعك الهاه التكاثر ...
كل ميدان في حواريك ،
زارت اطرافه المقابر ..
العُشَر كحّل مآقيك ،
والدموم ذنب المنابر ...
الله فوقك الله طاريك ،
الله علام الضماير ...
الخراب الهسي في الروح ،
كان قدر عشمي العشمتو ...
لا أزال أهواك مفضوح ،
العواصم فيني شِمتو ...
ما بقولك عترة بتروح ،
لا بقول درساً فهمتو ...
الكرام بين لُجَئْ ونزوح ،
والكريم تكتل قَهِمْتُو ...
عزَّة بين ضهبان ودهبان ،
انسفك سُكسك ضميرا ...
كان تراويح كنا رمضان ،
كان تبلديها وشعيرا ...
والحرب ما فيها كسبان ،
شان نقول يدينا خيرا ...
ياتو خير ممزوج بالذهان ؟!
ويات شتل قام من ذخيره ؟!
وياتو دوشكا كِمِل كلاما !
يات شجر سار يا يمامة ؟!
خلا انو نعيش قيامات ،
و ما اكتمل شرط القيامة ...
لي حتت في الروح سلامات ،
تبري يا خرطوم سلامة ...
#محمد_الشيخ
بدل ما الدمار
ما اخير نتفق؟
ونكون ناس عمار
نهاية الحرب
ما بتتم غير حوار
زرعنا الخلاف
ح نحصد خسار
وطن مضطرب
يزيد ف الحصار
ارح نقترب
نلم الودار
بدل صوت قذيفة
يغني الجيتار
كمنجة حبيبك
ف سكة قطار
دقش في البوادي
وصل للمطار
صدح الف معني
بعودة الديار
تقيف الحرب
دا كل الخيار
ننمي الغرب
يضوي الفنار
صدور تنكرب
بلد لينا سار
ما دام فينا حيل
نزيح الستار
بلد مغترب
نوم عينيهو طار
#عاطف_شمبات
بتفرق معاي
وكت كنت جنبي
وتفرق كتير
معاي وانت مافي
تصدق حنينك
وصل بي خطاي
اواخر عوالم
ما اظن في خريطة
مكان اصلو مافي
تضاريس محيطة
ورغم البُعاد
بقول ليك بسيطة
محل كنت قاعد
حنين لسة دافي
جمال الحياة
ف الامور الوسيطة
بحبك ... تصدق؟!
وحاة الله جد
وليك شوق خرافي
وطنا البِشفق
بموت فيك مِيتة!
حنين ليك مِدفق
عشق بين تِميرة
جريدة وسبيطة
#عاطف_شمبات
زول مهنتو الفرح
حدث ولا جرح
بوشئ في الحروف
وخيطو قوس قزح
بينسج الظروف
وشيها انطرح
على هدى الكمان
كتابو اتفتح
عبق ملا المكان
وعطرو اتفضح
عودة البوح للابد
الحمد لله الحمد لله الحمد لله
(محمد الشيخ حرا كما ينبغي له)
#يس_النضيف
الحبيب الشاعر محمد الشيخ حراً كما ينبغي له .
عودا حميدا
بكرة ح تطيب الجروح
واي هم مُحتل قلوبنا
يختفي ولازم يروح
ترجع الألفة القديمة
وتشفى روحنا من النزوح
وردة الحب بي عبيرها
زاكي منها حِن يفوح
يلا شدوا الهمة نمرق
لسة فينا الباقية روح
#في_بربر_السلوى
#عاطف_شمبات
ما قد كتبت لنا
سيصيبنا يا ربْ
نزلت بنا البلوى
ضاق الفضاء الرحبْ
فافرغ لنا صبرا
واربط على ذا القلب
واكتب لها فرجا
من حيث لا نحسب
#حفظ_الله_السودان
#عيد_مبارك
#محمد_عبدالواحد
لبيك ربي ليت قلبي مُحرِما
أشتاقُ مكةَ والحجيجُ قد احتمى
ياربُ أفرحني بما أكرمتهم
واجعل فؤادي في ظلالِكَ قائما
فـبِنيةِ الإحرامِ سارَ حنينُهم
وتوشـحَ الإيمانَ نوراً هائما
من موكبِ الميقاتِ فاحَ عبيرُهم
عطرا تناثرَ في الفيافي ملهما
وقفو علي عرفاتِ فيضَ تهافتٍ
بعد القدومِ على الديار حمائما
قامت قلوبُ الساجدينَ لربِّهم
وبأصدقِ الدعواتِ مَدَّت سُلَّما
زادوا بتشريفِ الإفاضةِ حبَهُم
جمعٌ وتقديمٌ وقلبٌ قد هما
فصفيةٌ طافت به فلتنفروا
وقفَ الحبيبُ مُحدثاً ومُسلِّما
أقدامُهم عطشى لإقدامِ الصفا
سُقيا لهم من كلِ فجٍ زمزما
سعياً كهَاجرَ والسرابُ يُعيدُها
حقاً لها في الحج أن تتكرما
ورمو مع الجمراتِ كل ذنوبهِم
رجعو كما وُلِدو جَنيناً قد نما
وإلى الزوالِ على الثلاثِ جِمارهم
قبل المبيتِ تراهُ كلٌ قد رمى
فتقبلَ اللهُ الحجيجَ ومن مضى
جاؤو رضاً بين الوجوهِ مُوسَّما
وتباركت أعمالَهم بشرى لهم
صعَدت أهازيجُ التسامحِ للسما
لبيكَ ربي ليت قلبي مُحرِما
أشتاقُ مكةً والحجيجُ قد احتمى
#محمد_المهندس
#ليت_قلبي_مُحرِما
بكيت يابا
بكيت يابا
وبكى القمري السجع يادوب
بكيت بلل بكاي التوب
بكى التابا
حنين لي بيتنا والجيران
حنين لي مافي سكر وزيت
: جري الدكان
بكيت بعد الأذان اذن
بعد صليت
واتمنيت
اغمد والقى مافي خراب
والقى بيوتنا ما اتهدن
بكيت والله بكيت جداَ
بكيت دم دم
وصحيّت الوجع يا خال
وقايلاو نايم اتدمدم
وعرق مسكين
وفراشين
وصوت العربي
( عربي عربي عربي)
وحاجات دسته الف جنيه
عصير ليمون
وتلفون اصلي ما مشحون
ودنقر وشيل
طالب نادى صاحبو هناك
وكمساري بيكورك هاك
شيل باقيك
حبيب قال لي حبيبتو استني بمشي واجيك
كواريك ساي
قفلت اضنيني بي ايدي
ابن والله يتسدن
بكيت يا خال
وفي البال حاجة ما معقوله
شافعة قليصه جات الأولى
هاك مصاصة
لأ رصاصة
يالمكتوله
بكيت كم جثة ريحتها جات
ودفنوها وبقت مجهوله
بكيت يمه
قامت دُل
ونامت دُل
ونومت الجهال في الضل
وقع بيتها
ها ياريتها
ها ياريت الغنا اتبدل
بي مونه وطوب
كان بغنايا غتيتها
رحل ضلي
وبقيت كلي
بنادي علي
آ يا القلب الشقي ومقسوم
متين صوت الدمار دا يقيف
و(متين تضحك سما الخرطوم)
#ايمان_متوكل
.
ياتو فنَّان حِسُّو ظلمو ؟
ياتو شاعر دَسُّوا روحو ؟
زول ألم سودانو ألمو
زول جروح النيل جروحو
شدَّ في سن قلمو علمو
ورفعة السودان طموحو
قول قدرتَ مسكتَ قلمو
صوتو بتلجِّم جموحو ؟
#أطلقو_سراح_محمد_الشيخ
#أطلقو_سراح_الكلمة
#عزام_عبدالعاطي
قل للذي فقد الأمان ومالَهُ
ودهى الزمانُ جداره فأمالَهُ
الله أرحمُ بالفتى من أُمّهِ
إن أوكلَ الداعي له آمالَهُ
#حفظ_الله_السودان
#محمد_عبدالواحد
شدة وتزول يا رب
ونغني لا للحرب
قبل الشروق يبسم
نرجع بذات الدرب
ونعود وطن أول
يهدي الأمان للقلب
ونشوف حروف الحب
تهزم حروب النصب
شدة وتزول ونعيش
عصفور كتب بالريش
النيل وريد وبريد
والرحلة من مافيش
هدف الهميم قدام
خلي الأماني تنيش
أبعد مدانا قريب
يا مستحيل شقيش
شدة وتزول باكر
يحيا البلد حاضر
طابور صباح صداح
موسم فرح وافر
ياااا أيها الإنسان
رب العباد قادر
في لحظة كل الكان
يصبح حلم عابر
#شدة_وتزول
#محمد_المهندس
نحن سنبكي
حين تموت!
نذكر حسن خصالك للياقوت
نبكي حتى تبتلّ الأرض
وندعو لك بالرحمة
في الملكوت
نحن سنحزن في الذكرى السنوية
ونقيم منابر
تنشد أشعارا ثورية
ونسير مواكب تهتف
باسمك
باسمك
والحرية
ننعى
للتاريخ
حياتك
صورتك الآن بكل مكان
تعرفك النسوة
والأشياخ
وأجمل فتيات البلدان
وتعاهد صحبك أقوالك
بالذكر وبالإيمان
كان وكان
وكان
وكان
لكن بحياتك تلك ألِفت الوحدة والحرمان
بين الناس وحيدا
تأكلك الحسرة
يشربك الحزن
وتنهشك الغربان
بحياتك
أنكرك الكل ثوت أحلامك في التابوت
نلقيك ببئر
نصلب أفكارك
يلقفك الحوت
قصرك قبرك
منبرك
المدفون
جهور الصمت
قصيدة عمرك
نكتبها عنك
سنبكي
نبكي
حين تموت
ندعو لك بالرحمة في
الملكوت
نذكر حسن خصالك للياقوت
يلقفك الحوت
فجوعك
من وهب
القوت
#حفظ_الله_السودان
#محمد_عبدالواحد
يا مواجع
وزعينا علي المزامير
ترحل أصوات المدائن
ويستكين حس الطنابير
و أطمئني
نحن ذاتنا ولا بنفكر
يبقى صوت آهاتنا تعبير
باقي جلد آلامنا نحّس
من بقينا نكاجر الخير
وانتكلنا علي المميل
لما غشتنا الأضابير
الدروب مليانة وحشة
ما تفكري في المشاوير
فيها أشواق المسافرين
شتتوها علي الشوارع
لما ساقتهم المقادير
فيها ريحة فرقة طالت
دمعة سالت
بللت خد المسادير
والعيون حين غاب غميضها
دست الخوف في التعابير
ما الضلام كان خش في الروح
مافي ضو بديهو تفسير
يلا بس خليكي واعية
سوقي مننا شوم غرورك
أو دعينا على هدى الطير
نمشي وين ما الله قدر
نلحق اسراب العصافير
ما النزوح في روحنا قاعد
قبل ما نلقالوا تبرير
ابقي عشرة علي حنينك
كلما يغالط أنينك
قولي ليهو هواي أسير
و أغشي طمني كل بيوتنا
كلميها فراقنا طوّل
بس نقول إن شاء الله لي خير
#ماجدولين_سعد
اه لو تدرون كم هذه البلاد غنية
بمحبة الاسلاف والاباء والابناء
لو أنكم تهون ذرة حفنة من ارضها
لو انكم تهون شمسها والهواء
لو ان منكم كادحاً من بعضها
ماكان هذا القتل ماكان العناء
الله لو تدرون كم عبثت بكم
ريح الخيانة والسياسة والدهاء
لتريكم النصر الكبير علي القنا
ورماحكم تعلو بقايا الابرياء
هذه البلاد بطولها و بعرضها
ضاقت بكم
وبكم يضيق الفقر والفقراء
هذه البلاد بفرط حسن جمالها
بليت بكم
وهذه ضريبة انها حسناء
#محمد_السر
يا ويلكم في القلب دعوات
وألف فجيعة في الروح
ولكم من العدل الكريم
قصاص أحلام ونزف جروح
فكفوفنا باتت على نيرانها
وكفوفكم بالماء أين تروح
ماذا جنيتم غير تشريد
وتهجير بأعلام المدى مفضوح
ستنالكم ما قدمت أيديكمُ
شر على رأس القنا مذبوح
وسيشهد التاريخ كيف تخاذل
الجبناء أشتات بغير وضوح
الله ثم الله ثم الله يا سوداننا
ستعود ورداُ بالأمان يفوح
#محمد_المهندس
#حفظ_الله_السودان
رحم الله الشهداء وشفا الجرحى وأعاد الأسرى سالمين..
نسأل الله السلام والنجاح والرفعة لوطننا الحبيب..
في ظل الظروف الراهنة التي يمر بها الوطن الحبيب، نسعد ببوارق الأمل والخير والسلام، ونتمنى عودة المهجرين والصبر للمكلومين والشفاء للجراح الغائرة.
يصدر قريبا ديواني الثالث - ميتاشعر - عن دار الرسم بالكلمات للنشر و التوزيع بجمهورية مصر العربية.
سيكون الديوان متاحا قريبا على منصة #أبجد الرقمية، كما سيدشن في #معرض_بورسعيد_للكتاب إثرها سيصل كافة المكتبات في الجمهورية المصرية والمعارض العربية إن شاء الله.
الشكرلله ولكل من دعمني وأخص بالشكر أسرتي وأسرة دار الرسم بالكلمات.
حفظ الله السودان وحقن كل الدم السوداني وتحية محبة وعرفان للشقيقة مصر.
يا ويلكم في القلب دعوات
وألف فجيعة في الروح
ولكم من العدل الكريم
قصاص أحلام ونزف جروح
فكفوفنا باتت على نيرانها
وكفوفكم بالماء أين تروح
ماذا جنيتم غير تشريد
وتهجير بأعلام المدى مفضوح
ستنالكم ما قدمت أيديكمُ
شر على رأس القنا مذبوح
وسيشهد التاريخ كيف تخاذل
الجبناء أشتات بغير وضوح
الله ثم الله ثم الله يا سوداننا
ستعود ورداُ بالأمان يفوح
#محمد_المهندس
ولسه أملنا في
الحرية تبقى والأحلام تفي
وبلدي معبا فرحة
يرقص ويحتفي
وأعياد كل يوم
أعياد لامن نكتفي
#ايمان_متوكل
الله لا عاد زي دا ايام
نحن نستاهل محبة
ياخ بدل سوخوي وطلقة
فوق رؤسنا يطير حمام
نحن ما شبه البشاتن
حقو نحن نشوف محنة
واقل حاجة نعيش سلام
#عاطف_شمبات
أنظر لخارطةِ الدماءِ ترقَّعت
هتفَ المُوالي واستدارَ ضئيلا
الأرضُ ألقَت للسُيوفِ رِقابَها
والبحـرُ ينفُثُ كفـتيهِ رحيلا
وخطىَ بعيدٍ في المَهاجرِ سافرت
هل ظل في حُلمِ المُهاجرِ عيلا
أظلمتَ مشكاةً بناصيةِ الرؤى
فصرختَ من صرحِ الهوى تضليلا
وغـرستَ للأقدامِ رُمـحَ زُجـاجةٍ
مِصباحُ نورِكَ في الرواقِ عليلا
وغدَوتَ تُشعِلُ للإيابِ مواقداً
ماعادَ في ظلِ الرواحِ مَقيلا
فجرت كفوفُ التِيهِ تكتبُ مَدَّها
لكن دمـعَ الحـبرِ صـبَّ عليلا
يرتدَّ طـرفُكَ بالمـساءِ مُهـمهِماً
ومع النهارِ تناحـراً وصليلا
ماذا كسبتَ من احتضانِ تميمةٍ
بصَمَت بكـلِ عـنادِهـا تنكيلا
يكفيكَ كتفٌ مالَ من طولِ النوى
فغـداً ستُسألُكَ الكُتوفُ طويلا
#ولو_بعد_حين
#محمد_المهندس
العيدُ في بلدي
صمتٌ مع جلدِ
أورادُ مبتهلٍ
في كاملِ العددِ
دَفقٌ على قلبٍ
سقياهُ بالمَددِ
عينٌ ترصدَها
سهمٌ من الحسدِ
أمٌ يساورُها
خوفٌ على الولدِ
سفرٌ إلى أين؟
يا سكةُ اتئدي
أيامُنا تطفو
في البحرِ والزبدِ
مالت برحلتِنا
للعصفِ والزردِ
فاليومُ نحسَبُهُ
نحرُ لأجلِ غدِ
الحربُ هُدنتُها
حبلٌ على وتدِ
والصوت صورتُه
نسخٌ بلا سندِ
احوالنا أضحت
في ذلك الصددِ
يوماً سيعقبها
دفقٌ من الرغدِ
ونعيدُ سيرتَها
والعيدُ في بلدي
كل عام وانتم بخير
#محمد_المهندس
.
شهر وايام وستار العروض محبوس
سند المايلة شيال التقيلة ام خوس
اكان فيكن عقول شايلنهن في الروس
مابتقبضو ود الشيخ وحرفو يكوس
......
#أطلقو_سراح_محمد_الشيخ
#لا_تأسرو_الكلمة
#عزام_عبدالعاطي
يا سايق خوفك ومتخبط ،
تايه ومستقسم بالأزلام ...
حنعيد الحصة الثورية ،
لو جاي تعيد نفس الأوهام ...
الدم والصبية الفي سجونك ،
حيهدِّوا عليك عرش الأحلام ...
عباس وخطاهو الدغرية ،
علمنا بإنو الرِّدة حرام ....
وأنا قادر أحب في كل نبضة ،
ومقرر أفرح بالأيام ...
ولو أموت في حبك يا بلدي ،
بتمرجح في حبل الإعدام ...
فك الله اسرك يا صديقي (محمد الشيخ)
#ايمان_متوكل
الشاعر محمد الشيخ يوسف أسير لدى قوات الدعم السريع!
محمد الشيخ عضو مجموعة ريحة البن معتقل لدى قوات الدعم السريع منذ يوم الثلاثاء الموافق 5/23.
محمد ليس طرفاً في هذه الحرب، لم يشارك في القتال ولم يخرج من منزله مذ بدأت إلا لقضاء احتياجات الأسرة، ومساعدة الجيران في الحي، وقد تم اعتقاله بالقرب من منزله بحي الأزهري بعيد خروجه لشراء بعض احتياجات أسرته.
محمد ابن بار وأخ مسؤول وزميل وصديق محب ومخلص
نعرف عنه حبه المطلق لهذه البلاد.
شاركونا الدعاء بعودته إلى أهله وذويه سالماً معافًى بإذن الله.
إن أمن وسلامة الشاعر محمد الشيخ مسؤولية قوات الدعم السريع.
نحن أسرة محمد ومعشر الكتاب والأدباء وأبناء هذا الوطن المعطاء، وأصدقاء محمد وأفراد أسرته نطالب بإطلاق سراحه فوراً دون قيد أو شرط.
محمد الشيخ ليس طرفاً في هذه الحرب
#أطلقوا_سراح_محمد_الشيخ
#لا_تأسروا_الكلمة
#ريحة_البن
#مجموعة_ريحة_البن_الثقافية
بكرة الهم يفوتنا
نرجع لي بيوتنا
بحري وامدرمان
😭😭😭😭😭
بكرة يقولو عودو
عيدنا تفوح ورودو
والخرطوم أمان
#ايمان_متوكل
أنا خائف يا صديقي
من الزمن الكارثيّ
من الزمن المُبتلَى بالدموع
أخاف على ضحكةٍ لم تجدْ - بيتها مثل قلبي -
أخاف عليّ بألا أراكَ
و ألا نعود بنفس الملامحْ
نعم يا صديقي
أنا متعبٌ
غاضبٌ
أنت مثلي
على الرغم من أننا عاشقانِ
بريئان من ذكرياتِ الدماءِ
و من زمنٍ دمويّ المصالحْ
أنا خائفٌ يا صديقي
#محمد_عبدالقادر
كل واحد صبح فارس
وعندو فصيل وعندو قضية
واتفاوض حدود وسلاح
وكل واحد رسم خارطة
وطلب ميثاق عشان باكر
يزيد الناح
وكل واحد حرن شفقان
بِلتق جبة من حلم السغار
النامو في ضل الضمير الطاح
فقوم صِبحت
وما تزيد المآسي جراح
وما تلاوي وكفاية رحيح
ترِح لمتين وحقك في الوطن ترتاح
ترح لمتين وحقك راح
مسرف في البلود الهايمة بالأجناس
مكدسة بي حساب جايط
وما عرفنا الغلط والصاح
دحين اتهز من طولك
وعاين للكتوف اتلاحقت فاتت
وشوف نجم المغارب لاح
#رحيح
#محمد_المهندس