834
Haitham Al-Lami
شلون گضّيتها عَشْرَه الثانيه
حسين ما فارگ خيالچ ثانيه
ما كِمَل دَفْـن الحِنين
الله خالِق لَه أربعين
ــــــــــــــــــــ
حسين حتّه بدفنه ضَلْ ما مستراح
يخْلَص من الخيـل يصعـد عالرماح
صـار ميّمونه الرمـح وبضعْنَـه راح
رافگاچ وخِلَـص سبييّچ يالله طـاح
يمشي بس أوداجه تگْطُر عافيه
إبرمحه ويسـولف سوالف دافيه
يدري باچر راجْعِين
الله خالق له أربعين
ــــــــــــــــــــ
گلُب والــد چـان ويْحـس بالزغـار
شما طفل ضاع انتبه له وراسـه دار
وچــان بالـ آيـات يختـار إختــيار
وعينه چانت عالشمر تمطر شَرار
حسين گلبه چبير گلب الوالد
وياچ طول الدرب واگـف گاعد
حسين أمان الخائفين
الله خالق له أربعين
ــــــــــــــــــــ
چانت حچايـاته تطلـع بالصمـيم
(أَمْ حَسِبْـتُم أَنَّ أَصْحَـابَ الْرَقِـيْمْ)
رغم ما بالضعن چان إشچـم لئيم !!
وانتو مچتوفين بس ضعنچ عظيم
النـاس إلـ تسمّي سبـي وهمـانه
جيش طبّيتوا اعله بن مرجانه
موش كيفه ابن اللعين
الله خـالق له أربعين
ــــــــــــــــــــ
خوش وگفات ويه ضعنچ عنده چان
وصار عنـده وياچ بصمه بكل مكان
حسين چـان أبطُـوله واگف للزمان
ينلچـم كلسـاع بس ينيـطچ أمــان
رغم دُوْرَت راسه تآذي أوداجه
چان يندار إعله گـدّ الحاجـه
عدل .. ميّت.. ما يِلِين
الله خالق له أربعـين
ــــــــــــــــــــ
وأبو فاضل دخـل قبلچ يـم يَزيد
إلـ وَحْدچ اتدخلين ميْعوفچ أكيـد
برمحه بس أوداعتچ لو عنده إيـد
چان خلّه الشام عِدْ جِدمچ عبـيد
الرمح شايل راسه بس بي خُوفه
چــان يتمَنَّــه بعـدها إچفوفه
برمحه گلّچ تنتچين
الله خالق له أربعين
ــــــــــــــــــــ
مهدي التقي
/channel/rdeaa
آنه وحميده ورقيه نسولف كعدنه سويه
اركض رحت فرحانه كلولي موش ويانه
*
الليله ما مرتاح گلبي ايگلي سفرتهم طويله
بساعج ولحسين اركضي لا يعوفج يالعليله
جنه ما حاسب احسابج اخذي زينب وعتنيله
وخلي عبدالله عله متنج من يشوفه ايحن دليله
گليله حن عله حالي بلكت يگلج تعالي
بدونك اموتن آنه كلولي موش ويانه
*
الليله حيرني زماني والله مدري شضام اليه
مدري اروحن مدري اظلن ومن اظل اشلون بيه
ومن اروحن خاف اتعبه وينكسر گلبه عليه
رحت بالمدري ودمعتي يم حميده ويم رقيه
شافني مكسوره خاطر وكللي كلنه نسافر
منعوفج احنه اهنانه كلولي موش ويانه
*
احنه التلاثه كعدنه انسولف عله السفر گمنه
نحلم احلام عله گدنه ازغار بس كلش تهمنه
ذيج گالت آنه ارتب من نسافر كل خيمنه
وهاي كالت انه باجر افرش العبدالله يمنه
عبد الله كلش نحبه اناغيله دوم ونلعبه
يمنه يصير امجانه كلولي موش ويانه
*
نتفق من هسه اكلجن انه ابوي اهناك اخدمه
خيمته اخليها تزهي وبيها اصيرن احله نجمه
ماي اجيبله الوضوئه وحته مهره اهناك اقدمه
ومن يريد الماي يشرب يلتفت يلكاني يمه
خليني اكلله يمك وبعيوني يابويه اخدمك
ماكول ابد تعبانه كلولي موش ويانه
*
والله لو وياهم امشي إله اصير الهم فراشه
وعالضعن بالماي افتر وما اخليهم عطاشه
والعزيز حسين بيدي من العصر افرش افراشه
وحته عبدالله اكمطه وما اقصر وياه حاشه
خدامه اصير بضعنهم بس لا يبعدونه عنهم
ما ريد اظل حزنانه كلولي موش ويانه
**
حضرت روحي ورحتله وشكبر جانت فرحتي
شافني ونزلت دمعته وكلي موش ويانه انتي
باوعتله وليش گتله كلي اخاف عليج بنتي
هالسفر مابيج حيله گتله اخذني شلي بظلتي
ماريد اظل بويه اريدك متعوده انام عله ايدك
والشوفتك عطشانه كلولي موش ويانه
****
تمت
ميثم العمري
وين اخوتي انا زينب لليسر ودوني
واليتامه بدمع يلهب عنكم ينشدوني
ابغربتي واحزاني وفاگده خواني
لليسر ودوني
شوفو اختكم والحرم مچتوفه الايدين
ويمشن ومـا يعـرفن ويـن الدرب ويـن
عـالـرمـاح اشـلون اصـد وتـصبر العين
وبالشمس والـحـر تغير وجـه الحسين
الرمح عالي بعد روحي شلون اذا فييلك
وانا اگله الچم جروحي لاتلچمه ادخيلك
وانه وروحي نعاني وفاگده خواني
لليسر ودوني
رحـت واليـبرون الـيـه مـوش خـوان
واليمشون الضـعـن يبن امـي عـدوان
انشوف والينه عليل وحـيله خـلصان
وخـايـفـه نـسـوان تـتـستر ابـنـسوان
وانا گوه اجدامي تمشي لاتشاهد حالي
من بعدكم ضاع كلشي والهضم چـتـالي
ماطفت نيراني وفاگده خواني
لليسر ودوني
شكثر چـنت اتمنه كون اعيوني متشوف
شلي بعيوني وعلي روس اخوتي اتطوف
وناس شـالت روسـكم مـاعـدهـا مـعروف
احـجـار تـرمـي المـا تلـگتـكم بـالاسيوف
هذا راسه الما وصلتوا من عدل يم داره
جبل شامخ يمه اسكتوا مـاتهزه احـجاره
هيبته عنواني وفاگده خواني
لليسر ودوني
المن اشكي الناس غربه وحالي ياحال
هـايه اول مـره امـشي ابـلايـه كـفـال
معاشره الونه واديه مـعـاشره احـبال
مـال حملي وياهـو اگلله الحـمل مال
درت عيني للشريعه والـدمـع هـليته
خاف چفينه الگطيعه تأخره من انخيته
اندب وماجاني وفاگده خواني
لليسر ودوني
يعـني ائايس لا اخـواني ولا عـشـيره
وحـايـره الـيـوم الوجـه لاويــن اديـره
هـس مـسـبـيـه الگـبـل چـانت امـيـره
اعـيـون صـلـفـه وناس مـامـرتـها غيره
ناس تنظر لي واشـوفـن تبتسم شماتي
حيره خويه شراح اگولن سولفن دمعاتي
چم كلام اذاني وفاگده خواني
لليسر ودوني
اه يروحي صـار بـيـه المـاجرى وصـار
حيلي يخلص عيني من اتصد عـالزغار
تاركـه اچفوق ال امـيـه ابـخدهـم اثار
تـلاگـت اسيـاط وحـجـر عالچوته النار
من حقدهم من ضلهم خاطر النوگ انكسر
الشام كله وكل جمعهم ويانه متلگي ابحجر
حزت ابوجداني وفاگده خواني
لليسر ودوني
هـاني ناصـر السعيدي
يعباس. يعباس. يعباس. وداعاً ياالگمر
**
يبو فاضل بدت رحلة سبينه
بچينه والنهر يبچي البچينه
رجعنه بلا شراع ولا سفينه
يبو الخوه العظيمه الما مثلها
زينب رادتك ما ترجعلها
السوالف حلوه عنك مانملها
كسرت الفاگدله غالي مايطيبها الدمع
وانه طبع الماي طبعي ابچي بس ماانسمع
اشما اديرن وجهي كترك گلبي احسن ينشلع
چن اهلال. چن اهلال. چن اهلال..
صبح خويه الضهر
**
بعدنه بعازتك ياعز خواتك
امس عباس ويانه اشحلاتك
حنين وحيل توجع ذكرياتك
وحشه الدنيا بعدك تدري هيه
خذاك الموت مني وانت إليه
مدري منين اجتني الغاضريه
وحشتك محد يسدها انت يانبض الگلب
خويه بس كلمة الوينك خلصت بيها الدرب
مو صعب لو روحي راحت لكن افراگك صعب
اسيرات ،اسيرات،اسيرات،،يودينه القدر
**
حسافه تضل يبو الغيره ورانه
تمنينه يهل شايل لوانه
العزيز يعيش ونموت بمكانه
الك برواحنه حسره شكبرها
رقيه بفرگتك ميته اعتبرها
مثل قطرت مطر نازل عمرها
والله يا عباس بعدك ابد مانهنه ونعن
الما تموتها المصيبه تموت من كثر الحزن
والهزيل علينه تصفن يابو فاضل من نحن
غريبات ،غريبات،غريبات،،تعبنه من السهر
**
اثر من رايتك باقي اعله هامي
كفيلي وهيبتي وبيرغ عمامي
يعباس اسمك محلي الأسامي
فريده خوتك ضلت فريده
يكاتب عاالنهر اجمل قصيده
يكافل شوفتك صارت بعيده
لخوتك تعجز الدنيا ماتعاود مرتين
هاذي النسميها خوه خوتك وي الحسين
الوفه بچفك كتبته وانت ما عندك ادين !!!
يوفاي ،يوفاي،يوفاي،يمن صيتك عبر
**
غرايب عيلتك صارو غرايب
وخواتك گعدوهن باالخرايب
لو عبدالله باقي يصير شايب
على ضيم اليمر بينه جزعنه
الهوى النشتمه صار بلايه معنه
الخرابه بلاسگف بيها نجمعنه
باالاهات ،باالاهات،باالاهات،،گضيناه هاالسفر
سعد العبودي
راسه نزله يارمح
تعبان ابوي من الذبح
يارمح وارحم حالي
نزلي راس الغالي....يارمح
————————————
بالله اسألك يارمح وانته تعرف حالتي
الليل ساهر ماغفه وي غربتي ودمعتي
الجان تارس هالعمر هجره تارس صفنتي
راح إمن ايدي الابو و بعيني ظلمة دنيتي
ليش وجه كل دم
شوفته صارت عدم
مني خذت آمالي
نزلي راس الغالي....يارمح
———————————-
يتعب اشوفن منحره يرتاح خله بحضني
ياذيه ادري لو علم من السوط ينزف متني
من شيبه امسحها الدمه رغم الحبال تعتني
من دمعي اقطرله ردت واروي شفايف ذني
شفاف ابوي مفطره
كسر ظهري منظره
نزف دم دلالي
نزلي راس الغالي...يارمح
———————————-
يابويه انظر جبهتك باقي اثر ذاك الحجر
لمن احضنك بي شفت اثنعش طبره عالنحر
المن عفتني بيا جرح زماني شبعني قهر
بنيتك انه و ياراحتك متعب عيوني السهر
افياي اسويله ردت
ياويلي يتلوه شفت
راس الحنين اكبالي
نزلي راس الغالي...يارمح
———————————
هل فاجعة بيهن تمر كلمن اجت تشكيلة
هاي الفواطم حايره بعازة ابو هالعيلة
هضموها تدري بنيتك فاض الدمع مسيله
اني رقية الغالية ضيم اليسر ارويله
مني خذوا ترجيتي
وناكة هزيلة ناكتي
حادي الضعن جتالي
نزلي راس الغالي....يارمح
——————————-
عمتي العقيلة حايره تعاتب اشوف بعمي
اعتاب الاخو وبلا زعل وتگله ريتك يمي
مدللنه كل يومك جنت وجان الاميره اسمي
دار الوكت رحنه بسبي وعكبك تغيّر رسمي
اكعد تكله ياكمر
بالغربه ودانه القدر
انت المحامي الوالي
نزلي راس الغالي....يارمح
——————————
عطشان يارمح الابو تلهب جمر لهاته
يقشعر جلده ياوسف من ينظر إبنياته
مايحتمل انا انولي يغمض شفت نظراته
من اشكف اسياط الزجر عالي صده وناته
خليته عاري عالثره
فاجعني والله هالجره
ذبح الابو يبرالي
نزلي راس الغالي....يارمح
تمت
علي موفق القزاز
ياجـــــــــرح الجبير شلون يلتام
توجع چلمة اخت حسين بالشام
***
توجــــــــع والله بت حيدر سبيه
من دار الحسين لقصـــــــر اميه
هاي ام الخدر هاي اخت الحسين
شلون يكول عنها خـــــــــــارجيه
وجدها المصطفى عنوان الاسلام
#############
بت الخلـــص سنينه بعباده
هاي اخت الكمر روحه وفؤاده
شلون تروح مسبيه عله النوگ
بگيد مچتفــــــــــه بتكم يساده
بتكم يال هـــــاشم شبعت الآم
###############
جرح ام الخــــدر للمحشر يفور
ناره بكل وكت من نار عاشور
كلش توجع اخت حسين بالسوگ
بيها ديار غربه الظالـــــــم يدور
بديار الكفر متحملـــــــــــه سهام
################
هضمه وچايده شكد تحمل هموم
اخت حسين تمشي لارذل الكــوم
وتطب شامهم يا لوعــــــــــه يا آه
منظر للحزن بالشام مــــــــرسوم
شكد شافت هضم اختك يضرغام
#################
شبعت بت علي من الكافر ونين
يعيرها ويكلهــــــــا وين المعين
جا كفال خــدرج بت علي شبيه
توجع حيل زينب وين الحسين
وكلش چايده من دون الاكرام
###############
ونسألكم الدعاء لتعجيل الفرج
الشاعر حيدر كاظم الساري
واويلي على المظلوم_
واويلي على المظلوم ** واويلي على المظلوم
ــــــــــــــــــــــــــــــــــــــــــــــــــ ـــ
زينب نـــادة اللـــيله .. واويلي على المظلوم
ودمع الفاجعه اتسيله.. واويلي على المظلوم
ماظل والـــي تشـكيه.. واويلي على المظلوم
من الفعلته هالگـــوم.. واويلي على المظلوم
ــــــــــــــــــــــــــــــــــــــــــــــــــ ــ
صاحت مـن مصيبـتهه .. واويلي على المظلوم
اشحال الفاگده اخوتهـه .. واويلي على المظلوم
المن تبــدي شـــكوتهه .. واويلي على المظلوم
وذبحو كل زلمها اليوم .. واويلي على المظلوم
ــــــــــــــــــــــــــــــــــــــــــــــــــ ـــــ
حسيـن اتــصيح يالوالي .. واويلي على المظلوم
خويه عـــايــن الحـــالي .. واويلي على المظلوم
والله انصـــاب دلالــــي .. واويلي على المظلوم
وگلب اختك صفه مالوم .. واويلي على المظلوم
ــــــــــــــــــــــــــــــــــــــــــــــــــ ــ
اشحال اختك يواليهه .. واويلي على المظلوم
من الشـــمر يسبــيهه .. واويلي على المظلوم
وبسيـــاطه يــأذيـــهه .. واويلي على المظلوم
وين البالـــخدر ملزوم .. واويلي على المظلوم
ــــــــــــــــــــــــــــــــــــــــــــــــــ ـــــــ
من شــــافت ابــو اليمــه .. واويلي على المظلوم
جســــمه سابــح ابـــدمه .. واويلي على المظلوم
اجت يم نحــره تشـــتمه .. واويلي على المظلوم
اوياي اتگله ريت اتكوم .. واويلي على المظلوم
ــــــــــــــــــــــــــــــــــــــــــــــــــ ـــــــــ
تحـــن ومــا ســـمع حنـــها .. واويلي على المظلوم
نوايـــب فگـــده صـــابنـــها .. واويلي على المظلوم
انگــطع مـن الاخـــو ضنها .. واويلي على المظلوم
وحزنها اعله الوجه مرسوم .. واويلي على المظلوم
ــــــــــــــــــــــــــــــــــــــــــــــــــ ـ
تجري ادموع عيــناها .. واويلي على المظلوم
فـــگــد الاهـــل اذاهـا .. واويلي على المظلوم
عـــالتــربان ولــــياها .. واويلي على المظلوم
وظلت بالخياتم اتحوم .. واويلي على المظلوم
ــــــــــــــــــــــــــــــــــــــــــــــــــ ــــــــ
خادم الحسين حيدر تركي الكربلائي
١٣٣- حال الامام السجاد (ع)
عند دفن الاجســاد 👇
للغــاضريّه إتعنيّت ٠٠ أدفن حسين وگومه
ــــــــــــــــــــــــــــــــــــــــــ
هذا آنه زيـــــــن العــابدين السجّاد
آنه العليــــل وحـزني هاليـوم إزداد
جيت لمفــــاوز كربلا وحيــلي إنباد
ياشيعه عينوني إعلى دفن الأجساد
بگاع المصايب طبّيت ٠٠ بدمعة حزن مسجومه
ــــــــــــــــــــــــــــــــــــــــــ
مجروح گلبي وهالگلب شيصبره
وأنظر هلـــي المتــوّسدين الغبره
أجســـــادهم مابين طعنه وطبره
صرت أغســل الدم بمسيل العبره
حاير صرت من صدّيت ٠٠ كل الجثث مخذومه
ــــــــــــــــــــــــــــــــــــــــــ
والخلّه بركــان المشـــاعر ينهار
لمّن دفنت بإيدي هـــاي الأنصار
وشلون بيهم هالفــكر مايحتـــار
كومة وذر شمخليه بيهم الأشفار
ظلّيت أعـالج ظلّيت ٠٠ وگلبي شيفّك همومه
ــــــــــــــــــــــــــــــــــــــــــ
ظلّيت أعـــالج بالحــزن وأتحسّر
متحيّر وحـــالي يفســـــر المرمر
وحين إدفنت بالهم إخوي الأكبر
بركــان ـحزني بهالمصيبه إتفجّر
الأكبر شبيه المختـار ٠٠ وارث أسرار إعلومه
ــــــــــــــــــــــــــــــــــــــــــ
آلآم گلبــــــــــــــي المامثـــــلهن آلآم
حين الشفت مطفيّه شمـــــعة جسّام
ولمّن شفت مصيوب من عنده الهام
تذّكرت طبره راس جــــدّي الضرغام
جاسم تخّضب ياحيف ٠٠ ثوب العرس بدمومه
ــــــــــــــــــــــــــــــــــــــــــ
بزلزال همّي إنهــار حيلي وصبري
وإسمعت من نحر الحسين اليجري
وسّد رضيــــعي ياعلي عد صدري
هذا العزيـــــز وهــوّه شمعة گبري
وسّدته يم جسم حسين ٠٠ وبحسـرتي المكتومه
ــــــــــــــــــــــــــــــــــــــــــ
ومن كمّلت دفن الجسـوم بهمّي
تعنيّت يم النهـــــر أدفــن عمّي
شفته صريع وعالتـرايب مرمي
وبلحده وسّدته وتهّـــدم عزمي
مگطوعه منّه الچفيّن ٠٠ ومتغيّرات إرسومه
ــــــــــــــــــــــــــــــــــــــــــ
فراس المحمداوي
بالطف دفنت عيوني الثنين
وسلّم عليچ هواي الحسين
يا عمه وبكلامه
وصاني باليتامه
عيوني الثنين
..
من امس ما نمت ليلي و جفن ما لاگه جفن
وهالتراب الفوگ وجهي بقه من تراب الدفن
شلته بيدي وشفت صدره الخيل طاحنته طحن
عمه من سهم البالچبده والدي لسه يون
لميته بيدي لم الدموع
ساعه الم چبده وساعه الضلوع
المتهشمه عضامه
وصاني باليتامه
عيوني الثنين
..
حسين ابوي وما عرفته مملي طعنات وطبر
من اشيلن كتر بيدي يطيح من ايدي كتر
بالرمل متروس نحره وچان رمل الطف جمر
بكل جرح الگالي نبله بكل عظم الگه كسر
عالرمل نايم والرمل حار
مدفون جسمه بنبل وحجار
الفوگ الرمل منامه
وصاني باليتامه
عيوني الثنين
..
من النحر وياي يحچي وخذت روحي حچايته
يا علي عبد الله خلي فوگ صدري نومته
منذبح عطشان مثلي ومثلي ذبلت شفته
يرتوي يابويه گلبي من اشمن ريحته
ملچوم يحچي من النحر چان
عبد الله ليش يموت عطشان
البچاه حرگ خيامه
وصاني باليتامه
عيوني الثنين
…
انه ابچيله وبچالي وگال غربه غربتك
بويه شو رديت وحدك وين زينب عمتك
ليش ايدك دمه تنزف ليش تنزف رگبتك
ليش محني وفوگ راسك ليش ما هي اعمامتك
گتله يبويه بغربه الضعون
واسياطهم ما خلت متون
بمتني بقت علامه
وصاني عاليتامه
عيوني الاثنين
…
گبل ما هيلن ترابه حچه ونزلت دمعتي
بويه سلملي اعله زينب ريحة امي وشمعتي
بوسلي بنيتي سُكينه وشم رقيه ابنيتي
هواي مشتاگ لبناتي فراگهن فت مهجتي
رد لخواتك كافي الوداع
الليل اجاهن ارجع بساع
چان الحچي ختامه
وصاني باليتامه
عيوني الثنين
…
خادم الحسين ( عليه السلام)
كرار حسين الكربلائي
( ابو كميل )
▪️▪️▪️▪️▪️
جسمك عله التربان متگطّعه اوصاله
او محّد يبو السجاد من الگاع شاله
▪️▪️▪️▪️▪️
عالرمضه متوزّع وصل جسمك يمظلوم
يا حسرِتي عگب السحگ سلبوك لهدوم
يومك محال او لا حصل مثله ابد يوم
والصارلك ما مر عله انسان او جراله
▪️▪️▪️▪️▪️
من الحوافر سيّدي ما سِلمت اضلوع
يحسين وابگلبك اثر رفستها مطبوع
وايلومني اللايم لون اجريها الدموع
والف او تسعميّة جرح كلشي بچاله
▪️▪️▪️▪️▪️
اثلاثه بُگيت ابكربله طايح رميّه
متوزّع ابحر الشمس والله رزيّه
منهو منيته الشابهت هاي المنيّه
وابنه ابحصيره ايجمّعه وايشوف حاله
▪️▪️▪️▪️▪️
زين العباد امن السبي اتعنّه الدفِنتك
مقهور گلبه او بالدمع يجمعها جثتك
جمّعك وابحسرة گلُب ناح الكسرتك
جسمك يبو اليمّه چفن لا ما لِگاله
▪️▪️▪️▪️▪️
كل مندفن راسه يوسدونه اعله خدّه
واشحال المگطّع وصل وابنه يصدّه
طفله الذي مذبوح باحضانه يوسده
متهنّي طفله بالذبح موش ابدلاله
▪️▪️▪️▪️▪️
حتّه العرش يا سيّدي لمصابك اهتز
واحمرّت آفاق السمه من نحرك انحز
ضحّيت للباري النفِس وابكلشي ينعز
وانطاك ارضه والسمه الباري تعاله
▪️▪️▪️▪️▪️
ابو الحسن الوائلي
/channel/rdeaa
#تراث
يبن أمي عالتربـان عفتك رميه
عين العمه إو لا شوف ذيچ المسيه
* * *
يا خويه خليناك عالغبره عاري
إمغسل إبفيض إدماك والچفن ذاري
روحي بگت وياك والجدم ساري
أمشي وأدير العين للغاضريه
* * *
أدري إبسهم مسموم چبدك تگطع
وإصوابه مگبل صار والمگفه مطلع
إبذاك السهم يحسين گلبي تلوّع
سمه إبضمير إحشاي ناره سريه
* * *
يبن أمي أدري الخيل هشّمت صدرك
إو بيدي عله التربان وسدت نحرك
يا خويه وإبممشاي حيرني أمرك
لاچن إفراگك صار غصبٌ عليه
* * *
غصباٌ علي يحسين عالغبره عفتك
والحجر لو ما چان يفضخ جبهتك
ما چانت إمن السوط تتلوع إختك
نوب أنطي متني ونوب أشگف بديه
* * *
إبحالة غصب يحسين عنك مشينه
يبن أمي منهوبين وإمگيدينه
إتجدد عهدها إوياك رادت إسكينه
مانعها ضرب السوط من آل أميه
* * *
يبن أمي من إعداك أرد إشتچيلك
مثل السهم يحسين أمرد دليلك
وإنجرحت إمن الطوگ رگبة عليلك
گلبي إحترگ من نار ونته الخفيه
* * *
لو طفل من الجور تغمض إعيونه
من عله الناگه إيطيح لمّن يجونه
من عوض ميسلوه ويرچبونه
بالخيزرانه إيگوم من عالوطيه
* * *
يبن أمي يا هي إتهون وأصبر عليها
إشحال الحرم لو راح منها وليها
إو طبت الكوفه إشلون يبن أمي بيها
إصواب الشماته إصواب علته خفيه
* * *
وإلما عليها العين تغمض جفنها
والنايبات إبنار روحي سلنها
يبن أمي طبت الشام ما أشد منها
وافتني گبل الشام ريت المنيه
* * *
يبن أمي سوط البيه متني تألم
يبن أمي ذاك إيهون لاچن ألأعظم
سوط إبن هنده إلبيه ثغرك توسم
(ثغر اليقبله چان سيد البريه)
* * *
وإصواب فوگ إصواب ماضي إبگلبي
إبقسمة الباري إرضيت والباري حسبي
وإگضيت وعد إلبيه واعدني ربي
وإمن اليسر رديت وإصوابي بيّه
* * *
للشاعر المرحوم
كاظم المنظور الكربلائي
وينهم عنه الهواشم وينهم
علرمل عريان باقي حسينهم
--------------
وين حمزه وين جعفر خل يشوف
احسينهم متگطع بهاي السيوف
وكت زينب واطر مابين الصفوف
والشماته اسمع صوات دفوفهم
--------------
وين الحيود التطر ليل بنهار
طاح الحسين وعلت بخيامه نار
وحرم تركظ علجمر وي الزغار
والاطفال التشرد ايلحگونهم
---------------
دامي الحسين وجرح فوگ الجرح
فوگ صدره انصاب چم طعنه برمح
فوگ هاي اجروحه ظامي وينذبح
والعدى على اهدومه چانت عينهم
-----------------
وينهم خل تگطع ادروب الفله
مسرعه خل تفزع الساده وهله
بالشمس باقي الحسين بكربله
يعتنوله مخظبين بطينهم
-----------------
وين ذيچ اسيوفها الماتنغمد
ونار غيرتهم ابد ما تنخمد
بسرعه خل تفزع للحسين وتهد
من التراب اتشيله فوگ امتونهم
-----------------
ابلا عمامه حسينهم وابلا هدوم
وعلترايب باقي وبحر السموم
ليش جسمه اتغسل بسيل الدموم
دين ثاره وخل تطالب دينهم
علي الحميداوي الكربلائي
/channel/rdeaa
قصيدة ( لميته بحصيره ) لدفن الأجساد الطاهره حوار بين الامام السجاد والسيده زينب عليهما السلام
لميته بحصيره جسم الحسين
لو سالم لگيته يا ضــوه العين
نحـر ظــل بعــد الــذبح
راسه ذاك اعلى الرمــح يا عمه الحسين
****
عمّــه سولفلي عظــم هــاي الــــرزيه
من گصدت اليوم لارض الغــــاضريه
شلون شفت حسين ظـل جثه رميــه
شحاله من رضته العشــره الاعوجيه
خَبّرنــي يعمّـه بصـــدره اشصَار
مثل ايتامه جسم حسين طشار
حسين كلّه أصبح جرح
راسه ذاك اعلى الرمــح
****
گلهـا والدمعــه جـرتْ منـه يعمّـه
آه يا جرح الطفوف شكبره همــه
بالحصيــره والــدي ظليــت المّـه
عمه وبلهفت امفارگ گمت اشمه
لميته بديه وشاغت الـــروح
مذبوح ويلمْ بجروح مذبوح
صعب يـا عمّـــه الشرح
راسه ذاك اعلى الرمح
****
عمّــه يا جـرح الـذي گلبك مضهده
گلها والدمعه جـرت من فوگ خده
عمّـه كـون اليندفن راسـه نوســده
بس نحر وبلايا راس شلــون شده
وســدت النحـر وبگلبــي اهــات
مثل حسين عمه ياشخص مات
حسين أبو الوجه السمح
راسه ذاك اعلــى الرمـح
****
تگله انشدك عمه عــن محنة كفيلي
گلها عالشــاطـي تهــدم كلــه حيلي
شفـت چفينه وصحـت يمّه يـويلي
عمّي يـــا عبـاس راح يطـول ليـلي
يــا عمّــه شسولف عنــه محتـار
من كثر الهضم بعده الجسد حار
الـﭽنه ساعــات الصبح
راسه ذاك اعلـى الرمح
****
ارد اســألك مـن بعـد راعي الشريعه
ويـن گلّـي وســدت منحــر رضيعــه
عمه گلها وضاگـت بعينــه الوسيعـه
لصدر ابوه حسين هاي اكبر فجيعه
نحر حسين وي نحر الطفل صار
وسدتــه واحــس گلب الابو نــار
ذبــح صــاير يــم ذبـح
راسه ذاك اعلى الرمح
****
مــن گصدت الأكبــر ودامي نظــرته
ﭽن محمد عالارض مطروحه جثته
ويا جــرح جسام ومصـابه ومحنته
اخ يا خويــه صحـت يمّــه وشبگته
شحــاله ألّي يــوسد بيــده خوان
عليل وبيدي اوسد گلب عطشان
يــا دوه لعلتــي يصح
راسه ذاك اعلى الرمح
****
الشاعر
موسى البديري
بهَيدَه يالحَادي الحَبل گصّص إدَي
بهَيدَه حَل وَكت الصلاه محتَاجه فَي
شلون اصلّي اعلى الهِزِل
وايدِي مچتُوفه بحَبل
بهَيده يالحادي
***
امسَـنِّنه احبَالَك يسَايـﮒ نَاﮔِـتي
تاكِل ابطُول الطَريق ابـﭼَـبدِتي
مِن ﭼِفوفي انشدّت الحَد رِﮔـبتي
الرﮔـبَة ارقيّه مِشَت ياحَسرتي
اتوَضَّت اطرَافي ابدِمه
وابوِنِـيني امحَزّمَه
والتعَب ماينحِـمِل
شلون اصَلّي اعلَه الهِـزِل
**
دَم بِدَيـَّه ايبَـلّل اطرَافي ويصُـب
صوره صَعبه اتوَضِّح آلام الضرُب
والرِدِان التِخفي وَجهي امن الغرُب
اِختِلَط دَم حسين بيهَا اويه الترُب
امسَحته بردَاني أمِس
نَحرَه بَلكـَت بي نَفِس
وارجَعِـت دَمعي يهِل
شلون اصَلّي اعلَه الهِـزِل
**
ﭼَنِّي أسـمَع صُوت اَذان بهَـالفـَـلَه
أذّن الفـَرض الظهـر بالقـَـافِله
اِعرَفته رَاس حسين إخُوي وﮔلْت اِلَه
شلون اصَلّي خُويه وآنه امسَـنسِله
صَـاير احرَامِـي التِرُب
ابفَرِض شُوغَات الـﮔلب
اونِـيِّـتي اِكفَالَة طِفل
شلون اصَلّي اعلَه الهِـزِل
**
ﮔَـبِل أمشِي ورَاسِي فوگه ايرِف عَلَم
وفَيـِّي مِن فـَي اِخوِتِي اصحَاب الهِمَم
هسّه كِل لَسعَـة شَمِس ﭼنهـَه السَهم
وخَزِّنَـت لِجـرُوح مِن رَاس الجِدَم
اﭼفوف اِدَيّه امجَرِّحَه
والدمُوع المَسـبَحَه
أذكِر الله ومَـاأمِـل
شلون اصَلّي اعلَه الهِـزِل
**
آنـَـه صَفـوَة ربـِّـي تِربـَـات الخِدر
يحدِي قافِـلتِـي ويرَاقِـبني الشِـمر
ومِـن أﮔـول القِـبلَه وَيـن وانتِـظِـر
ابضِحكَه سُودَه ايأشِّر ابكَاس الخَمر
اِيـﮔلَّي ويكَـرِّر بعَد
القِـبلة شَام بهَـالبَلَد
واليخَالِف ينكِـتِل
شلون اصَلّي اعلَه الهِـزِل
----------------------------
لقمان لعيبي البدران
موشح
هاي زينب يالتريد اخبارهه
عالمهازل طالعه امن اخدارهه
---------------------
الف ياحيف اووسافه اعله الخدر
من بعد عباس رافجهه الشمر
هاي جانت لو هوه منهه يمر
رخصه. ياخذ من گمر اسرارهه
-----------------------
امخدره ومتحاوطه بذيج الشيم
وبو فاضل يمسح اثار الجدم
اشلون زنيب باقيه ابلايه خيم
بليل وحشه وميته كل اقمارهه
----------------------
اشلون طلعت لليسر ومكدره
هاي اخت عباس سبع الگنطره
هاي زينب ياخلك مو اي مره
هاي دنيا اتعجبت بستارهه
---------------------
اشلون بت حيدر تتطر ذاك الدرب
امچتفه وصوبين تنضرهه الغرب
المالمحهه انسان تالي تنضرب
هاي ماچانت تجي ابأفكارهه
----------------------
عاشت ابضل الكفاله امدلله
تطب زينب سوگ هاي المشكله
اشلون تنطي انسان موضع مو اله
ناس ماعرفت شنو مقدارهه
----------------------
من كهف خوانهه دخلت قصر
وياحسافه طبت ابمجلس كفر
بين وادم كل نواياهه الغدر
امگبعه ابهمهه وغرب بكتارهه
-----------------------
علي سليم الحسناوي
خــــــرابه واظلم انهار البنیه
ومن تعب الدرب نامت رقیه
++++++++++++++++
گعدن شــــــوط مـــن الیل ناحن
وکل وحده ابکتر یاویلی طاحن
عــــــود الظیم بـــاچر یستراحن
باچــــــر یوگفن بیـــــن آل امیه
++++++++++++++++
باچر عــــــسه بــــاچر لایجیهن
اشکبرهه وگفت المجلس علیهن
اگبــــــال اعیونهن ینطگ ولیهن
وتـــلعب خیزران ابــــــن الدعیه
++++++++++++++++++
تجلب الیل زینب کون واتدور
ونوبه اتصیر عمه ونوب دکتور
تداوی یــــاجرح یاضلع مکسور
وهاي اتصیح متني وهاي ایدیه
+++++++++++++++++
عـــــله اتراب الوساده نومتهن
وبــجناح الــــــزچیه حومتهن
تلولی اعلـــه الجروح الأمتهن
واهیه امساهره الونه الخفیه
+++++++++++++++++
نــــــص الیــــــل لن طفله ابحلمهه
الوساده اتراب واتصیح امن المهه
ملح جـــاس ابجرح منهه ولچمهه
وبحــــــت صوت عبرتهه الشجیه
+++++++++++++++++
طفله امن التعب ناحل جسمهه
ورده وذبــــل امن الحر رسمهه
بعـد مــــــحد یعارفهه اباسمهه
نسبوها رقــــــیــــــه الخارجیه
+++++++++++++++
غدت تبچي عله ابچاها الخرابه
وغــــــفه بجــروحه ملح الترابه
تهــــــز الشام لو صاحت یه بابا
ترانــــــي شــــوفتك عنت علیه
++++++++++++++++
تــــــنادي وین ماشوفچ یعمه
ابــــوي اهنا یجي ودیني یمه
یشــــــابگني واشبگنه واشمه
ورشله ادمـــوع عیني واهلیه
++++++++++++++++
#الشاعر_الكبير_عزيز_الفيصلي
لـــــــم بناته وكلماهن باليريده
ما ريدن وحده عن وحده بعيده
باچــــــر صعب درب السبي بناتي
:::::
وحده بصف وحده المشي ما ريد تبعد اكثر
خايف عليچن بالدرب طفله من عدچن تعثر
باجر بناتي اجمعن ما طالعات بنص بر
هسه انه يمكم بالخيم بس بويه باچر أخطر
ها بناتي وهـــــــذا آخر شيء اگوله
صعب درب السبي كلش مو سهوله
باچر سیاط اعلــــــــه العبي بناتي
:::::
تحترگ كل هاي الخيم ما تبقه الچن خيمه
بجدامچن یچوي الرمل تمشن بنص الهيمه
والنار توصل للعبي ما تفزع ابد غيمه
والكله شيمه اعله النهر والعدو ما بي شيمه
باچـــــر الخیاله تهجـــــم عالصواوين
يختي زينب خلي عينچ عالنساوین
بالحـــــرم يحــــــدي الأجنبي بناتي
:::::
من هل المكان وتنسبن راح احچي انه البيه
فهمتني زينب بالنظر يعني انتي هم مسبيه
رايدها بنص بالمشي الرمل يچوي ارقيه
خليني اكض اذنچ بعد ما تبقه هالترچیه
تموت اذا شفت تره راسي انه عالي
بنتي متعلمه علــــــــــي وعن دلالي
چا ويــــــــن باچــــر تختبي بناتي
:::::
باچر علي تسحگ زلم والخيل والخياله
ما فكر بكثر الطعن حسين ويهم بعياله
مرات میجرحك سهم حچايه عدو چتاله
هذا الحرم للمصطفى والشمر ظل يبراله
ظل يصيح الشمر خل تدخل دواوين
شتمو عباس وبعد هم شتمو الحسين
زينب وحقـــــچ عاتبــــــي بناتـــــــي
::::::
للسوگ باچر تنسبن. والشام كله يباوع
تتفرج اعليچن خلگ السمع والما سامع
جبريل يستأذن قبل بالخيمه ينزل راكع
واليوم ستر الله نشتم والحق بديهم ضايع
باچـــــر تباتین زينب بالخـــرایب
يله من هسه استعدي للمصايب
رايــــد يزينب مطلبــــــي بناتي
:::::
علي جبار الكعبي
الفاتحه لوالدي
غـطـيني بضـلامك بلله ياليل
انا اخت الذبيح الداسته الخيل
بلا خوان وخيام
بخرابه زينب تنام
غطيني بضلامك بلله يا ليل
غطني ياليل بضلامك مابقه بس انته الي
سـكـت عـيـون الشماته انا حرمه بلا ولي
لـو ردت ياليل تسأل خاف ماتعرف هلي
الايـذه بسدك الليله هاي زينب بت علي
عيله وحرم وطفال
حرمه وحالي ياحال
حـگها الـروح تنضام
بخرابه زينب تنام
غطيني بضلامك بلله ياليل
غـربه كـل الـدنيه صـارت والاهل كلهم مشو
شكثر ياليل انته فاگد نجم من حضنك هوو
گـبال عـينك مـاشفتهم بالـسيـوف اتگطعو
شبگت المشتاگ اخوتي ويالمنايه تشابگو
كلهم مشو والصار
خطار الخيم نار
امشي مدنگه الهام
بخرابه زينب تنام
غطيني بضلامك بلله ياليل
اصـفن ابـوجه اليتامه وموت احسن صفنتي
كـلـهم ايلـوذون بـيه واخـفي عنـهـم دمعتي
عـالـرمح مـرفوع راسـه الچان رافع هامتي
وجهي كلما درته عيني تنظر الروس اخوتي
حالي صار ياحال
چفي معاشر احبال
ودارت بيه الايام
بخرابه زينب تنام
غطيني بضلامك بلله ياليل
سـگف مـابيها الـخـرابه ويـستر اعيال النبي
شلون تغمض عين زينب والي يحرس اجنبي
يـابـنـاتـي وياخـواتـي اللـيـله بلله وبـالعبي
اكـبر مـن جـروحـي كلهن ياهلي جرح السبي
اي كلشي انتهى وراح
من چف كافلي طاح
شماته هواي بشام
بخرابه زينب تنام
غطيني بضلامك بلله ياليل
شنهي النتظره بحياتي والبقه عندي شنو
هـاي تسأل عـن ابـنها وذيچ تسأل عن ابو
وفـاگـدات اعـزاز كـلـهن واليـصبرهن منو
وانا حـز اضـلوعي اگلهن اه يافـگد الاخو
كلهم ماكو الاحنان
ومشي بلايه خوان
ذاك الجمع مـادام
بخرابه زينب تنام
غطيني بضلامك بلله ياليل
حيلي خلص دمعه دمعه وماتخلص حسرتي
كـربـلـه والـشـام كـلـهـا ماتـوصـف حـيرتي
ارقـيه گالتلي التـراچي عمه جرحي ونتي
لـونشدني حـسيـن اكـلـه ضامتهن عمتي
من ينشد عالاسباب
يشهد دم الاحجاب
وزيد اعليه الالام
بخرابه زينب تنام
غطيني بضلامك بلله ياليل
هـاني ناصـر السـعيـدي
للقاسم ع
.....
المستهل
اذا للدار لمك ماتجيها .. عيني الماتشوفك شلي بيها
يجاسم تعبي وينه ... تناديك الحنينه
.....
يجاسم أمك الفرگه چوتها .... كثرة بيها اللجروح
تبچي الحالها لو بس شفتها ... حگها الفاگده أتنوح
حنينه الام عليك أنته أعرفتها ... ومنها ماخذ الروح
فراگك ماتريده انته الردتها .... لامو وكتك اتروح
تحظن صورتك وتسولف اوياك
نساني الله اذا فد يوم أنساك
يالغايب علينه ... تناديك الحنينه
..............
أم وربت أوليد الكُبرها ... بي تصبح مسعده
محسبه أحساب من تكبر ذخرها .. تعب الربه أيرده
طول الوكت متحزمه بصبرها ... حيل أرباه تشده
تنطيه لو طلب منها عمرها ... لو بس تشم خده
بعد ألله حنينه الام طبعها
لو راح الأبن يكسر ضلعها
يبني ماتجينه..... تناديك الحنينه
......
عله أمك ماتحن وينه حنينك ... أحبك مو شفتني
يمه ما اعوفچ گتلي وينك ... شو تالي عفتني
الشيبي ردتك وعيني اعله عينك ... بيك أفرح ردتني
يوم ابيوم أعد وأحسب أسنينك ... يشهد هذا متني
ها كُبرك صرت شاب شحلاتك
عزيز أمك يغالي وشغلاتك
تظل أمك حزينه ... تناديك الحنينه
....
ياشمعة ضوه ومنوره الدار ... گمره باليالي
ينشدوني عليك وگلبي يحتار ... يبني هذا حالي
ومن أسمع باسمك أشتعل نار ... راح الچان غالي
منك ماتجي يوليدي أخبار ... بگبرك نمت تالي
.......
شكُبرها وحشتك تدري أشكبرها
أمك ما بعد مايسوه عمرها
ظل گلبي بونينه ... تناديك الحنينه
.........
دلوني الصبر يهل الصبر وين ... يبچي الصخر حني
محسود الولد چن صابته العين ... بي ينگطع ظني
وآنه الساهرت وتعبت اللسنين ... ظاع التعب مني
والضاع أمن أديه يلتگه وين ... حسراتي سلًني
يالمدلل تعال أگعد أگبالي
أذكرك بالربه وتعب الليالي
خذت عمري وسنينه... تناديك الحنينه
........
أريد الصبر من ألله أعله فگدك .... الله يعوظ أمك
يالبلحدك نمت ليًه اشيردك ... لو أندفن يمك
محد يمك وأدريها وحدك ... گبرك بس يظمك
هم لمك تحن يوليدي بعدك ... من چانت تشمك
يموتني الك يبني حنيني
أبچي بطيف لوشفتك تجيني
حالي الله يعينه ... تناديك الحنينه
....
سيد عدنان الحمامي
١٣٣- حال الامام السجاد (ع)
عند دفن الاجســاد 👇
للغــاضريّه إتعنيّت ٠٠ أدفن حسين وگومه
ــــــــــــــــــــــــــــــــــــــــــ
هذا آنه زيـــــــن العــابدين السجّاد
آنه العليــــل وحـزني هاليـوم إزداد
جيت لمفــــاوز كربلا وحيــلي إنباد
ياشيعه عينوني إعلى دفن الأجساد
بگاع المصايب طبّيت ٠٠ بدمعة حزن مسجومه
ــــــــــــــــــــــــــــــــــــــــــ
مجروح گلبي وهالگلب شيصبره
وأنظر هلـــي المتــوّسدين الغبره
أجســـــادهم مابين طعنه وطبره
صرت أغســل الدم بمسيل العبره
حاير صرت من صدّيت ٠٠ كل الجثث مخذومه
ــــــــــــــــــــــــــــــــــــــــــ
والخلّه بركــان المشـــاعر ينهار
لمّن دفنت بإيدي هـــاي الأنصار
وشلون بيهم هالفــكر مايحتـــار
كومة وذر شمخليه بيهم الأشفار
ظلّيت أعـالج ظلّيت ٠٠ وگلبي شيفّك همومه
ــــــــــــــــــــــــــــــــــــــــــ
ظلّيت أعـــالج بالحــزن وأتحسّر
متحيّر وحـــالي يفســـــر المرمر
وحين إدفنت بالهم إخوي الأكبر
بركــان ـحزني بهالمصيبه إتفجّر
الأكبر شبيه المختـار ٠٠ وارث أسرار إعلومه
ــــــــــــــــــــــــــــــــــــــــــ
آلآم گلبــــــــــــــي المامثـــــلهن آلآم
حين الشفت مطفيّه شمـــــعة جسّام
ولمّن شفت مصيوب من عنده الهام
تذّكرت طبره راس جــــدّي الضرغام
جاسم تخّضب ياحيف ٠٠ ثوب العرس بدمومه
ــــــــــــــــــــــــــــــــــــــــــ
بزلزال همّي إنهــار حيلي وصبري
وإسمعت من نحر الحسين اليجري
وسّد رضيــــعي ياعلي عد صدري
هذا العزيـــــز وهــوّه شمعة گبري
وسّدته يم جسم حسين ٠٠ وبحسـرتي المكتومه
ــــــــــــــــــــــــــــــــــــــــــ
ومن كمّلت دفن الجسـوم بهمّي
تعنيّت يم النهـــــر أدفــن عمّي
شفته صريع وعالتـرايب مرمي
وبلحده وسّدته وتهّـــدم عزمي
مگطوعه منّه الچفيّن ٠٠ ومتغيّرات إرسومه
ــــــــــــــــــــــــــــــــــــــــــ
فراس المحمداوي
انت نحرك ذابحة سهم المنية
واني ذبحتني ذبح چلمة سبية
مشتاگة لمناغاك اتمنيت اموت اوياك
مو بالخرابة
@@@@@@@@@@@
يعبد الله البعد يذبح شحال اليفگد احبابة
شفت نحرك غصن مكسور عطر يتناثر اخضابة
مثل طير ويرفر حيل يحس بحرگة اصوابة
وتسالنة الرباب اعليك سوال ايحير اجوابة
بالمهد عبد الله ماكو ياهو شافاه
چان عطشان ويناغي ياهو رواه
يذبح ذبح فرگاك تمنيت اموت اوياك
مو بالخرابة
@@@@@@@@@@@@
ابوك حسين من جابك وحزنك راكز بگلبة
اسمعة ايگول الك قربان يحچي بدمعة وي ربة
رضيع بلا ذنب مذبوح ابن حسين كل ذنبة
شاغت روحي الك وتصيح اخوي وفرگتك صعبة
خوية اصيحن ليش متناغي آلية
خوية عبدالله صحت اني رقية
اه يا جرح اذاك تمنيت اموت اوياك
مو بالخرابة
@@@@@@@@@@@@
ذبح نحرك سمهم مسلول وعفت گلبي حزن مسلول
يم مهدك اجي بحسرة واصيحن خوية يالمدلول
متت بس ما شفتها الخيل اعلة صدر الوالي كلها تجول
ولا شفت النحر دامي وراسة اعلة الرمح محمول
ما شفت عمك وگع يم الشريعة
وبالعمد مصيوب واچفوفة گطيعة
والشمر ما رعباك اتمنيت اموت اوياك
مو بالخرابة
@@@@@@@@@@@@
بگبر وي والدك خلوك ونمت هادي على صدرة
واحنة عگب ابوك حسين مشينة ادروبنة بحسرة
مشينة أعلى الهزل للشام واهل الشام منتضرة
سباية حسين من توصل وسهم نحسبها كل نضرة
دخلت الديوان وي عمتي كلافة
لو تشوف الشامت بذلنة ايتشافة
روحي تلوب اهناك اتمنيت اموت اوياك
مو بالخرابة
@@@@@@@@@@@@
بنومي وشفت ابوي حسين صحت يابوية تانيني
وفرگاكم تهد الحيل الوحدي لا تخليني
وجابو راس ابوي العود وشفتة وچذبت عيني
اثاري الموت اجة وياه وفوگة خلصت سنيني
فوگ خد حسين صاير خوية خدي
گتلة اخذني اوياك ما اريد ابقة وحدي
ماعيش انة ابلياك اتمنيت اموت اوياك
مو بالخرابة
موسى الجيداوي
متعوب شكثر يبن امي متعوب
جسمه موذر وعل وجه مكلوب
شمسويت بيك الخيل يحـسين
سابح بـالدمه ومسـلب الـثـوب
ويلاه يخويه حسين ويلاه
ـــــــــ
اجيتك راكضهه ومحتركه الجدام
كل ساعه انهطر ياخـويـه بالـشـام
اجـيــت اشـكيـلـك السـوه بــيـنـه
ولكـيته منترس جسمك بالاسـهام
ويلاه يخويه حسين ويلاه
ـــــــ
شفافك يابسه وماشـارب الـمـاي
واول ماوصلتك طـحــت جـواي
ماكو عضم صاحي بيك يحسين
مـن كد العـطـش ذابـل يعـيـنـاي
ويلاه يخويه حسين ويلاه
ــــــــــ
متوذر لكـيــتك خــويه يـاهــيل
متـكطــع وذر بحـوافــر الــخـيل
دمك نهر فايض خويه عل الكاع
ومـن الـدمـه احـمـر صـاير الـيل
ويلاه يخويه حسين ويلاه
ـــــــــــ
يبن امي شصاير بيك يحسين
من القفه كبالي يذبحك الشين
راسك عل رمح وشـكثـر وفاي
عل عيالـه يصد وتـنـظر العيـن
ويلاه يخويه حسين ويلاه
ــــــــ
علي الحاتمي
٢٦- دفن الاجساد الطاهرة
بين آهات وحـزن
عمّه جيت من الدفن
چم گبر بيدي حفرته وظهري مكسور
وسدت أحباب گلبي وسط الگبــــــور
عمه عمه
عمه يا زينب رحت للغـــــــــــاضريه
ادفن جســــــــوم الوفه الظلت رميه
شموس مدري شلون ضمتها الوطيه
ما بگت يا عمه ذرة حيــــــــــــل بيه
غسلتهم بالدمـــــــع
والهم أحنيت الضلع
جمـرتي بين الجوانـح ظلت تـــفور
وسدت أحباب گلبي وسط الگبــور
عمه عمه
إهنــــــــاك گبر إچبير ياعمه حفرته
هالگبر لأنصــــــــار ابو اليمه جعلته
جـاسم العريس ويــــــــــاهم دفنته
لا تنشديني يعمه شلـــــــــون شلته
بس حبيب الوحده
دفنته متفـــــــــرده
هذا شيخ أنصارنه وبالهمه مذخور
وسدت أحباب گلبي وسط الگبــور
عمه عمه
علي الأكبر هدم حـلي يالعقيله
ما شفت بجسوم أهل بيتي مثيله
جسمه متوذر وحرت شلون أشيله
والتراب شلون عالغــــــــالي أهيله
صحت عالدنيا العفه
والــمدامع ذارفــــــه
شلون بتراب الگبــــــــر يتوسد النور
وسدت أحباب گلبي وسط الگبـــــور
عمه عمه
من دفنت حسين ابويه والله حيره
مهشمه إضلوعه وجراحــاته چثيره
إتحيرت من ردت أنــــزله بالحفيره
والــــــدي يمّ الخدر شلته بحصيره
بالـمواجع والقهر
قبلت منه النحـر
راس ماعنده يوليلي وصبعه مبتـور
وسدت أحباب گلبي وسط الگبــــور
والدي وسّدته وبعينــــــــــــــاي جمــره
لنّــــــي اسمع صوت وإيحاچيني نحره
إيريد أخلي الطفل عبدالله إعلى صدره
وإدفنت عبد الله بيـــــدي بنفـس گبـره
بعد لسّـــــاه النبل
نابت بنحر الطفل
بالگبر منحور راد إيــواسي منحور
وسدت أحباب گلبي وسط الگبــور
عمه عمه
عالنهر مازال يرجف غيــــــــره عباس
رغم لا چفـين والجثه بـــــــــــلا راس
بالتراب شلون عمه إدفنت الإحساس
وهو يدري عگـب عينه الخدر ينداس
إمصيبه وتفت الچبد
گمــــــر هاشم باللحد
گتله يابو الفضل ياعبــــاس معذور
وسدت أحباب گلبي وسط الگبـــور
عمه عمه
فراس المحمداوي
💠قصيدة دفن الاجساد💠
بدفنه شــلون زينب تنشد الناس
وبس جثه اخوها مــسلب الراس
ثلث تيام ضل حســــين مطروح
مطبر بلــــــــــحوافر مات مذبوح
تكله شلون بعدك تشفه الجروح
ويمك طاح صاحــت خويه عباس
شلون اباريه وماصــح جفن دوم
وظل حــسين بلبر مامش هدوم
مسلب خنــصره وفايض بلدموم
وهل ظلت بناته ادك عله الراس
بدفنه شلــــــون كالت من دفنتو
حــــــــسين موذر شلون وعرفتو
هم صــــــــح ماي لو ماكو تركتو
وكبره جم شــــــبر كلولي ينقاس
بدفنه بعيد وانشــــد عن عضيده
ورديتو اله ياخنــــــــــــــــصر ايده
وعبدالله ســــــــــــوه وياه يريده
حسافه شلون حدر الخيل ينداس
جسمه من الشمس متغير الرسوم
وانه هنا خلافه محــمــــله هموم
من يوم الجــــــفاني مفاركه النوم
راح الجان للــــــــــعدوان خلاس
ابو سلام الجابري
ارد اعاتب.. للدفنه
من وزن الموشح
دكتور كاظم المعقلي
++++++++ ++++++
ارد اعاتب ياشريچ احزاني
يلرحت وحدك دفنت اخواني
******
شلون الك روح ورحت وحدك غريب
بالدفن من ساعدك من يستجيب
عمه لو ماخذني لحسين الحبيب
غسليته ابدمعه من أجفاني
******
عمه ماگتلي اشعجب يبن الحُسين
فرصه اودع بيها اخوتي الگاها وين
تدري مشبوحه الدربهم عندي عين
وصاير الطف قصّتي وعنواني
******
عمه لو بس رايحه ويمهم ادور
مزنة اعيوني ارشها اعلى النحور
صرخة التشييع اطشها اعلى الگبور
وانتحب يم كل گبر تلگاني
*****
عمه لو بس گايل او وياك اروح
آخذ اضماد وأضمدها الجروح
ارد اعاتب كافلي ويم گبره انوح
وأرد اگله الشمر حيل آذاني
*****
عمه چا رحنا سوه ابعظم المصاب
وللرضيع اتگمّطه انودّي الرباب
انودي رمله اتخضب القاسم خضاب
وليلى چا صاحت علي اتلگــّاني
*****
عمه لو ماخذني وبعيني اشوف
نومة اخواني على اتراب الطفوف
چاجبتلك خنصر وجبت الچفوف
وچان شاركتك بفيض اشجاني
******
عمه روحي اهناك ظلت بس تحوم
چني يم اخواني بس اگعد واگوم
انا ارجع بس جسد بس الرسوم
وهالمصايب غيرت الواني
******
عمه ادري اتوسِّد اخواني وتلوع
والله يدري اشگد همل جفنك دموع
گبر جاسم عمه طوقته ابشموع
امقصره احس وعبرتي ابوجداني
*****
نزله... لسان حال الامام السجاد ع لدفن جسد ابيه الحسين عليه السلام
مو بالگبر بالروح ادفن حبيبي
.........
جيت من درب السبي لازمني صبري
رايد ادفن والدي ودموعي تجري
والله بمصابه متت ونكسر ظهري
گبل گبره ينحفر ياريت گبري
ما يشفه جرحي يسيل. ميت طبيبي
مو بالگبر بالروح ادفن حبيبي
.........
والله كل خطوه اصيحن وا حُسيناه
بيدي لازم ظهري آه تصيح وي آه
ويلي ابوي حسين دامي شلون عفناه
مكسّره ظلوعه يويلي ما دفنّاه
كلما قربت عليـــه يكثر نحيبي
مو بالگبر بالروح ادفن حبيبي
.........
ويلي ويلي من وصلت الغاضريه
شفت ابويه حسين طايح عالوطيه
كسرت ضلوعه خيول الاعوجيه
منين ما شيلنّه يوگع منّ اديه
مو عجبه لو عالراس يغزيني شيبي
مو بالگبر بالروح ادفن حبيبي
.........
شلون الي روح وگلب گبره حفرته
بالحصيره لملمت جسمه وجمعته
انهدم حيلي احس لمّن حملته
جسم ابويه حسين بچفوفي شبگته
مو بس ابو ياناس خِلّ وصحيبي
مو بالگبر بالروح. ادفن حبيبي
.........
نحر ابوي حسين حاچاني سمعته
ادفن وياي الطفل مذبوح عفته
دوّريته بدمعتي ولحسين جبته
ويّه ابويه حسين خلّيته ودفنته
هلت التراب عليـــه عمري ونصيبي
مو بالگبر بالروح ادفن حبيبي
.........
اسمعت صبرا ياعلي من السموات
لن هتف صوت الوحي ابنبرة مواسات
روحي ياناس اطلعت لو باقي لحظات
ينحب اليدفن ابوه يرتاح هيهات
ياربي من دنياي قرّب مغيبي
مو بالگبر بالروح ادفن حبيبي
#سيد_زيد_الفحام
/channel/rdeaa
#تراث
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
ــــــــــــــــــــــــــــــــــــــ
جيتك من كلب مكسور أنه أختك المهضومه
جيت بروح لهفانه أدور عليك بالحومه
جيتك خويه حاجيني عليك أمك المظلومه
وين بيا كتر مطروح
جسمك هم بعد بي روح
يبن أمي صدك مذبوح
وين الي ينظر لحالي ويم جسمك يوديني
ــــــــــــــــــــــــــــــــــــــ
صدك نايم على التربان خويه وعلوجه مكلوب
صدك سحكت عليك الخيل بالميدان من كل صوب
صدك خويه نزف دمك وگلبك بالسهم مصيوب
ولـمـن ياصـبي العين
طلعت السهم يحسين
مـن كلبك طلع ثلثين
وهذا السهم هو الحال ما بينك وما بيني
ــــــــــــــــــــــــــــــــــــــ
حر وعطش وبجسمك ألف وتسعمية صواب
فوك جروحك ودمك گلبك بالسـهم ينصاب
بعد شلون تتمكن تنهضلي وترد جواب
وأدري ياضوه عيناي
لو ما هل المصايب هاي
متقصر يخويه وياي
وحاشاك بمثل هاليوم محتاره تخليني
ــــــــــــــــــــــــــــــــــــــ
حالك هذا وأنته أنوب خويه أسمع بعد حالي
بأيتام وحـرم كلبي تمحن وأنشده بالي
وين أنطي الوجه وانه أخوتي مذبحه أكبالي
وكلسا طفل من عندي
يروح وينفطر جبدي
وأنه بكربله وحدي
صواويني خذتها النار والعيله وصواويني
ــــــــــــــــــــــــــــــــــــــ
هجمت فرد هجمه الخيل خويه وشبت النيران
وهامت عيلتك كلها من النيران للميدان
لجن ياضوه عيوني ضلت بالخيم رضعان
وأنه تمحنت بيها
شلون النار أطب ليها
وأخلصها يواليها
رضعانك بوسط النار وانه العده مسلبيني
ــــــــــــــــــــــــــــــــــــــ
خويه محيره ضليت وأتلفت يمين يسار
أعوف الخيم رضعانك تتحرگ صغار كبار
أطب للنار أخلصها أخاف أنه أحترگ بالنار
والأيتام ملتمه
هاي تصيح ياعمه
وين حسين ابو اليمه
وهاي تصيح يازينب حر العطش ماذيني
ــــــــــــــــــــــــــــــــــــــ
رضعن بوسط نيران وأيتام بحوافر خيل
ماتت بالسحك وعيال مامت والدموع تسيل
وأنه وحيده مظلومه بيه بعد ماضل حيل
وعباس الاجيت وياه
هسه من كمت أنخاه
أضن كلي يزينب أه
عليج شبيدي يعيوني يزينب وين جفيني
ــــــــــــــــــــــــــــــــــــــ
خذاك الدهر من عندي يخويه وأكَطعت بيه
مصايب كربله يحسين مدري أمنين أجت ليه
من الخدر والصيوان تــالــيه لــبـني أميه
هيجي الدهر خلاني
وضيم وهضم راواني
صرت من عكب ولياني
أرد السوط بيساري وأستر وجهي بيميني
ــــــــــــــــــــــــــــــــــــــ
ها شتكول يبن أمي ردلي بصوتك أجوابي
تقبل بعد أشكيلك هضمي وجمرة امصابي
أنته بالسهم مصيوب وانه فراكك أصوابي
أنته بروحك بجسمك
وانه مجرحه بهضمك
يخويه خلي اجي يمك
أداوي جسمك بروحي وانته بشوفتك داويني
ــــــــــــــــــــــــــــــــــــــ
يخويه ان جان ماعندك هـمــه تكوم لعيالك
لاتهتم ياماي الـعين أنه خلافك بدالك
أحمي عـيلتك أنه يخويه واحرس أطفالك
لجن يحسين أخاف أعليك
ضامي ومحد يرويك
خلي أعتني وأگصد ليك
أقدم ألك ماي العين وأشرب يابعد عيني
الشيخ هادي القصاب
يا بني أسد.... هلبت تجيبولي حصيره
يا بني أسد.... رايد الم شيخ العشيره
يا بني أسد.... حار الرمل وحسين عاري
يا بني أسد.... ما ينحمل حر الضهيره
و ماي جيبولي ابرد منحره
وارش گبره بلكي اجبر خاطره
جسمة صاير سالفه بحلگ الشمس
هذا ثالث يوم مرمي اعله الثره
مدري المه مدري اغطيه حسين فوك الترب عاري
ومثل ضيعة خنصر ايده ضاع يا وادم قراري
هنانه ياشلعان الگلوب الرمل ماخذ لون نحره
ما اكو وادم تنغر اعليه وحاره شمس الضهاري
((آه... ليت امي لم تلدني))
........................................................
يا بني أسد... بجفوفه باقي تسع اصابع
يا بني أسد.... من جفه خنصر جنه ضايع
يا بني أسد..... عينوني بالتربان ادوره
يا بني أسد..... بي محبس أخضر حيل لامع
گلبي ما يقنع اهل فوگة الترب
موش بس ايدي رجف حتى الگلب
استوحدتني أفكاري من شفته طريح
حسين ما يرهم يضل وسط الغرب
اطول من الرمح خلكه بكثر ما شايل محنه
جسمه مطروح اعله غبره وراسه فوگ يعاين النه
گلبي مثل شفافه مفطور من كثر حزن النعاوي
وگلبي وما ينطيني يا ناس اشلون ابوي بأيدي ادفنه
...........................................................
يا بني أسد... خلوني احط جفوفي حدره
يا بني أسد.... مرضوض من الخيل صدره
يا بني أسد.... وحشة الجنازه بدون الصياح
يا بني أسد...... غير اليموت اهله تحضره
من تحفرون الگبر وسعوا بعد
بحضن ابوه يندفن هذا أصغر ولد
خاف يستغرب لئن بعده طفل
صدر ابوه المنكسر يصبح مهد
سلبوا مني راحت البال وادم السلبوا عباته
وراسه لسه برمح مرفوع وحسرة الماي بلهاته
شده بال عيوني الحسين من شمر ماخذ مجانه
عكب عينه عيون الاجناب كامت تباري بناته
..........................................................
يا بني أسد..... هاي المصيبه التاخذ الروح
يا بني أسد..... من الگفه ابن الزهره مذبوح
يا بني أسد..... متروس صدره سهام وحجار
يا بني أسد..... حسين العزيز بهيمة مطروح
يوسدون راسه الميت بحيطة وحذر
اشلون يتوسد الي بطرگ النحر
نريد راس حسين ما ردنه فصل
خاطر ندفنه ونشيل بلا أثر
ارد اندهه وحاير اشلون خاف ينشدني اعله زينب
واني گوه مصبر الروح مره اسكت مره انحب
بيدي خله الحبل اثار وخاف حس بجرح ايدي
گادني التفكير للماي واعلة گلبه الجان يلهب
..........................................................
يا بني أسد......سوه الغراب بگلبي عِلة
يا بني أسد...... ليش الدفن بالترب خَله
يا بني أسد..... تمنيت ابوي بحضني ادفنه
يا بني أسد.....ولا بيدي فوگة الترب أهله
حسين فاتحته عله النوگ الهزل
وشلون تلطم مره مجتوفه بحبل
للسبات الليل والراحه انخلق
واحنه نگضي الليل مدمعنه يهل
اليرد من الدفنه متعوب الناس غير تكوي حيله
وأهله تتلكاه بالثغيب الشيخ فاتحته ثجيله
تراب ابوي بثوبي نيشان اشلون من تشوفه زينب
الليله يمكن زينب تموت هاي بالله اشلون ليله
...........................................................
مرتضى عامر الشمري
اه ياليل اهـدعش مامثله ليل
لاخـــدر وخيام زينب لا كفيل
ــــــــــــــــــــــــــــــــــــــــ
آه ياليلــــــــــة الوحشة ليلة احزان ورعب
چانت ام الخــــــدر زينب هس مابين الغرب
شلون لوچتفوها باچر والله هالموقف صعب
وعالهزيل اتروح زينب عالهزيل
ــــــــــــــــــــــــــــــــــــــــ
بوحشة الليل وظلامه حايرة اعيال النبي
والخيام اركام صارت حضروا نوگ السبي
والعقيلة بظهر محني تحبي ياويلي حبي
وجرت نيرانها بوسط الدليل
ــــــــــــــــــــــــــــــــــــــــ
والعيال اعليها لمــه خــــــــــيل واسياط وزجر
الينجو من سحگ الحوافر تلهب اجدامه الجمر
ايست مــن عند اخوها وشدت احزام الصبـــــر
اودعت وليانها بمدمع يسيل
ــــــــــــــــــــــــــــــــــــــــ
بسكته عن عين الاعادي كصدت حسين الشهم
وصــــــــل صاير ابن ابوها وگامت احشائه تلم
المثلث طــــــــــر جبدته وسحگته خيول وزلم
اشلون اجمعك يالشفية بلايه حيل
ــــــــــــــــــــــــــــــــــــــــ
منين اجيب الحيل گلي مره انهض مره اطيح
للغـــــــري دارت وجها ياعلي حيــدر تصــــيح
هم دريت حسين بوية من القفا بخنجر ذبيح
وين حامي الجار حمّاي الدخيل
ــــــــــــــــــــــــــــــــــــــــ
گصدت الدرب الشريعة راحت الصوب الگمر
اعثرت وافتر وكتــــــها ولزمت بچفها الظهر
بالسهـــــــم مطفيه عينك هـاك عيني والنظر
العمر ماريده بغيابك مستحيل
خادم أهل البيت
وسام عبد الجليل الركابي
ليلة الوحشه .. گلبي إذ يغشى
يعباس
أنعش اجروحي … ياصبر رُوحي يعباس
… … …
گلبي يا أبا الفضل محتاج لنعاش
ميت ابدونك تره هالليله ماعاش
ليلة الفرگه الألم يا عُمقه جياش
والهوا حتى الهوا بيه عله وارعاش
يرجف وأرجف … ابحالتي تعرف ؟
يعباس
جاوب اطروحي … ياصبر رُوحي
يعباس
… … …
كل عرض مني وضح أسبابه فرگاك
رجفة ايديني تره محتاجه يمناك
والگلب خُويه افحصه لُو حتى بدماك
تلگه نبضه ينتعش لن عايش اوياك
طيب العشره … بالحياه غمره
يعباس
واستمع بُوحي … ياصبر رُوحي
يعباس
… … …
خُوفي لُو أكثر أبوح ابهمي هالليل
تتكاثر اجروحك تحبني أعرفك حيل
لاچن ابصدري ألم ذوگني الويل
ناتج لحرگة خيمنه اوحافر الخيل
والكسر يفجع … چم ضلع أسمع
يعباس
وماكمل اشروحي … ياصبر رُوحي
يعباس
… … …
اختصرلك بالإشاره وصف الآلام
بالجلوس امصليه لا مُو بلقيام
واعيوني ماتگدر تغمض لحظه واتنام
خايفه من العدى لتأذي ليتام
والشمر يخزر … لاختك اوينظر
يعباس
تشهق اصروحي … ياصبر رُوحي
يعباس
… … …
مَنجله ليل احدش وابشعري الشيب
والمصايب ياكثرها ابعالم الغيب
يالچنت دايم اگلك للعذب جيب
هسه جيب الصبر حتى رُوحي متغيب
يلروحي كالتوأم … برجعتك أحلم
يعباس
وللنهر نُوحي … ياصبر رُوحي
يعباس
… … …
مُحرم ١٤٤٧هـ 2025م
إيراهيم حسن الجاسم.