834
Haitham Al-Lami
خيرة الله من الخلق ابي مكتوبة
خَيَّرَهُ اللَّهُ مِنْ الْخَلْقِ أَبِي .
بَعْد جَدِّي فَأَنَا ابْن الخيريتين
ــــــــــــــــــــــــــــــــــــــــــــــــــــ
كَفَرُوا الْقَوْمِ وَقَدْ مارغبوا
عَنْ ثَوَابِ اللَّهِ رَبُّ الثَّقَلَيْن
ــــــــــــــــــــــــــــــــــــــــــــــــــــ
حَنَقًا مِنْهُم وَقَالُوا أَنَّنَا
نَتَّبِع الْأَوَّل قَدِمَا بِالْحُسَيْن
ــــــــــــــــــــــــــــــــــــــــــــــ
يالقوم مِنْ أُنَاسٍ قَدْ بَغَوْا
جَمَعُوا الْجَمْع لِأَهْلِ الْحَرَمَيْنِ
ـــــــــــــــــــــــــــــــــــــــــــــــــ
لاَ لشئ كَانَ مِنِّي سَابِقًا
غَيْر فَخْرِي بِضِيَاء الْفَرْقَدَيْن
بِعَلِيّ الطُّهْرِ مِنْ بَعْدِ النَّبِيِّ
وَالنَّبِيّ الْهَاشِمِيّ الْوَالِدَيْن
وَالِدِي شَمْس وَأُمِّي قَمَر .
فَأَنَا الْكَوْكَب وَابْن الْقَمَرَيْن
ــــــــــــــــــــــــــــــــــــــــــــــ
فِضَّة قَد صفيت مِنْ ذَهَبٍ
فَأَنَا الْفِضَّة وَابْن الذَّهَبَيْن
ــــــــــــــــــــــــــــــــــــــــــــــ
ذَهب مِنْ ذَهَبٍ فِي ذَهَبِ
ولجين فِي لُجَيْن فِي لُجَيْن
ـــــــــــــــــــــــــــــــــــــــــــــــــــــــــــــــــــــ
مَنْ لَهُ جَدٌّ كجدي فِي الْوَرَى
أَو كَشَيْخِي فَأَنَا ابْن الْعِلْمَيْن
ـــــــــــــــــــــــــــــــــــــــــــــــــــــــــــــــــــــ
أُمِّي الزَّهْرَاء حَقًّا وَأَبِي
وَارِثٌ الْعِلْم وَمَوْلَى الثَّقَلَيْن
ـــــــــــــــــــــــــــــــــــــــــــــــــــــــــــــــــــــ
جَدِّي الْمُرْسَل مِصْبَاح الدُّجَى
وَأَبِي الْمُوَفَّى لَه بالبيعتين
ـــــــــــــــــــــــــــــــــــــــــ
خَصَّهُ اللَّهُ بِفَضْلِ وَتُقًى
فَأَنَا الزَّاهِر وَابْن الزاهرين
ـــــــــــــــــــــــــــــــــــــــــــــــــــــــــــــــــــــ
أَيَّدَ اللَّهُ بِطُهْر طَاهِرٌ
صَاحِبُ الأَمْرِ بِبَدْر وَحُنَيْن
ـــــــــــــــــــــــــــــــــــــــــــــــــــــــــــــــــــــ
ذَاكَ وَاللَّهِ عَلَيَّ الْمُرْتَضَى
سَاد بِالْفَضْل جَمِيع الْحَرَمَيْن .
ــــــــــــــــــــــــــــــــــــــــــــــ
عَبْدِ اللَّهِ غُلَامًا يَافِعًا
وَقُرَيْشٌ يَعْبُدُون الْوَثَنَيْن .
ـــــــــــــــــــــــــــــــــــــــــــــــــــــــــــــــــــــ
يَعْبُدُون اللّاتَ وَالْعُزّى مَعًا
وَعَلِيٌّ قَائِمٌ فِي الْقِبْلَتَيْن .
ـــــــــــــــــــــــــــــــــــــــــــــــــــــــــــــــــــــ
مَعَ رَسُولِ اللَّهِ سَبْعًا كَامِلًا
ماعلى الْأَرْض مُصَلٍّ غَيْرُ ذَيْن .
ـــــــــــــــــــــــــــــــــــــــــــــــــــــــــــــــــــــ
أَظْهَرَ الإِسْلامَ رَغْمًا للعدى
بِحُسَام قَاطِعٌ ذِي شفرتين .
ـــــــــــــــــــــــــــــــــــــــــــــــــــــــــــــــــــــ
تَارِك اللّات وَلَمْ يَسْجُدْ لَهَا
مَعَ قُرَيْشٍ لَا وَلَا طَرْفَةَ عَيْنٍ .
ـــــــــــــــــــــــــــــــــــــــــــــــــــــــــــــــــــــ
قَاتَل الْإِبْطَال لِمَا بَرَزُوا
يَوْمَ بَدْرٍ ثُمّ أَحَدُ وَحُنَيْن .
ـــــــــــــــــــــــــــــــــــــــــــــــــــــــــــــــــــــ
تَرَك الْأَصْنَام مستدحصة؟
وَرُقًى بِالْحَمْد فَوْق المنبرين
ـــــــــــــــــــــــــــــــــــــــــــــــــــــــــــــــــــــ
فَلَهُ الْحَمْدُ عَلَيْنَا وَاجِبٌ
مَاجَرَى بِالْفُلْك إحْدَى النَّيِّرَيْن
ـــــــــــــــــــــــــــــــــــــــــــــــــــــــــــــــــــــ
وَأَبَاد الشِّرْكِ فِي حَمْلَتِهِ
بِرِجَال اترفوا فِي الْعَسْكَرِيِّين
ـــــــــــــــــــــــــــــــــــــــــــــــــــــــــــــــــــــ
وَأَنَا ابْنُ الْعَيْنِ وَالْأُذُنِ الَّتِي
أَذْعَن الْخَلْقِ لَهَا فِي الْخَافِقَيْنِ .
ـــــــــــــــــــــــــــــــــــــــــــــــــــــــــــــــــــــ
نَحْنُ أَصْحَابُ الْعِبْء خمستنا
قَد مَلَكْنَا شَرْقِهَا وَالْمَغْرِبَيْن .
ثُمّ جِبْرِيل لَنَا سَادِسَنَا
وَلَنَا الْبَيْت لَنَا والمشعرين
وَكَذَا الْمَجْد بِنَا مُفْتَخِر
شامخآ نعلو بِهِ فِي الْحَسَبَيْن
فَجَزَاهُ اللَّهُ عَنَّا صَالِحًا
خَالِقُ الْخَلْقِ وَرَبّ الْحَرَمَيْن
عُرْوَة الدِّينِ عَلِيٌّ الْمُرْتَضَى
صَاحِبَ الْحَوْضِ مَعْز الْمُؤْمِنِين
يُفَرَّق الصَّفَّان مِنْ هَيْبَتِهِ
وَكَذَا أَفْعَالِهِ فِي الْخَافِقَيْنِ
وَاَلَّذِي صَدَق بِالْخَاتَم مِنْه
حِين سَاوَى ظَهْرَهُ فِي الرَّكْعَتَيْنِ .
وَاَلَّذِي أَرْدَى جُيُوشًا أَقْبَلُوا
يَطْلُبُون الثَّأْرِ فِي يَوْمِ حُنَيْنٍ .
شَيَّعَه الْمُخْتَار طيبوا أنفسآ
فَغَدَا تَسْقُون مِنْ حَوْضٍ اللُّجَيْن .
فَعَلَيْه اللَّهِ صَلَّى رَبَّنَا
وَحَبَاه تُحْفَة بالحسنين
ياطير خبر النبي٠٠ عما جرى في كربلا
ـــــــــــــــــــــــــــــــــــــــــــــــــ
روح ياطير الرســول الله بخبر
وگله ذريتك عطاشه بصف نهر
والضمه جرحه بگلب زينب كُبر
والعطش دخان صار اعله النظر
وشجم طفل حلگه یبس٠٠ ووجهه قد ذبلا
ـــــــــــــــــــــــــــــــــــــــــــــــــ
روح ياطير ابصبح يوم اهدعش
گله ابو السجاد مات من العطش
وظل على التربان مــــاصحله نعش
وحــافر الخيل بصدر ابنك نهش
من بعدما شمر الخنا٠٠ كان على الصدر اعتلا
ـــــــــــــــــــــــــــــــــــــــــــــــــ
روح يـــــاطير واخبره بالجـره
وگله گطعـــو ايد امير الگنطره
وجثته مدميه بقت فـوگ الثره
من كثر ضـرب السيوف موذره
لا جربه ظلت لاعذب٠٠ كلٌ غدا مرملا
ـــــــــــــــــــــــــــــــــــــــــــــــــ
روح ياطير واخبره اعله الشباب
الاكبر وجــاسم ضحايه عالتراب
عظم المعبود اجـــــرك بالمصاب
وبالعـذاب المـا جره مثله عذاب
واعليهم حسين انكسر٠٠ ودمعهُ قد اسبلا
ـــــــــــــــــــــــــــــــــــــــــــــــــ
روح ياطير واخــــــبره عالطفل
وگله عبدالله چـــــواه حر النبل
ومن عذابه گـــام بگماطه يحل
الصــــــار يالهادي ابد ماينحمل
شيصبر الأب عالابن٠٠ وابنهُ قد قتلا
ـــــــــــــــــــــــــــــــــــــــــــــــــ
روح ياطير واخبره اعله الخيام
وگله حرگوهن تره اولاد الحرام
والفــــواطم بالصحاري من تنام
انتقمو امن اعيالك اليوم انتقام
نفس الحرگ دارك حرگ ٠٠خیامهم واشعلا
ـــــــــــــــــــــــــــــــــــــــــــــــــ
روح ياطير واخـــــــــبره للنبي
گله ظعنك رايـــح الدرب السبي
والحده بظعن الفـــواطم اجنبي
وهـــاشمي ماظل ولاظل طالبي
زينب غريبه بلا وطن٠٠ ومن بلاءٍ لبلا
ـــــــــــــــــــــــــــــــــــــــــــــــــ
حيدر بشار الدراجي
يگولون زينب طلعوها... وحرگو گلبها برأس اخوها
===========================
لمن طاح ابو اليمه وعلمنا
لفا الجيش واجه يفرهد خيمنا
يسب گام ابونا ويشتم امنا
قرابة محمد مارعوها
========================
ركضنا بكثر ما بينا من حيل
ورانا غدت تتراكض الخيل
يسحگون بالأطفال المداليل
بالسياط حرمكم روعوها
=======================
سمعنا اذى ومر المحاچي
يتاماك ترى شبعن بواچي
رقيه خذو منها التراچي
يجرون باذنها وألموها
========================
شمرهم شفت من عنده الأعجب
ولا له غرض والجيش ينهب
يگلهم ادور انه على زينب
غنيمة حربكم تاخذونها
======================
الفلا هاذ وركضته وجدمي حافي
كتر نار عباتي وكتر طافي
والسياط كلت ظهري وچتافي
ركضت واختكم تعبوها
======================
الشيخ رعد الزيدي
قصيدة عبدالله الرضيع عليه السلام
ريت سهمك صوباني
والاجل يمه لفاني
عبدالله يبني . عبدالله يبني
.........................................
آنه امك يعبدالله . اناديك بدمع عيني
تعبني ييمه ارباك . يوليدي الزمن هدني
مهمومه بحزن وبآه . بزغرك يمه تهجرني
ماحسبته هذا الصار . بفراگك تعذبني
شوگ لعيونك خذاني
والاجل يمه لفاني
عبدالله يبني . عبدالله يبني
..........................................
دهري مارحم يبني . خذاك البين من عندي
سهم الي گطع نحرك . يايمه گطع چبدي
گلت تكبر اشوفنك . يبني ياحلم سعدي
تالي اخلافك اتحير . وكلشي انگلب ضدي
دهري عگبك ضيعاني
والاجل يمه لفاني
عبدالله يبني . عبدالله يبني
........................................
تبقه صورتك للدوم . ابد ما فارگت بالي
لحظات العمر وياك . ياعبدالله يالغالي
بدللول الولد يمه . من اناغي ينتعش حالي
يمدلل ضعت مني . ماترجع بعد تالي
البين عنك فارگاني
والاجل يمه لفاني
عبدالله يبني . عبدالله يبني
........................................
خذاك حسين منعدي . گلت تروه بشراب الماي
ساعه اتأملك ظليت . ترجع ياضوه عيناي
شو رديت بالآهات . وجبتلي يالولد بلواي
من شفت النحر مصيوب . سهمك يمه صاب حشاي
يبني موتك عذباني
والاجل يمه لفاني
عبدالله يبني . عبدالله يبني
........................................
حسرات العمر بعدك . اكضيها ونين ونوح
نار احزانك بگلبي . ماتطفه يبعد الروح
طيفك من يمر بيه . للعاشر تعيد جروح
اظل انعاك يوليدي . لحد الموت يامذبوح
ابچي لأجلك كل زماني
والاجل يمه لفاني
عبدالله يبني . عبدالله يبني
.......................................
خادمكم مالك السعيدي
(( #مهد_خالي )) . #محرم_الحرام
……………………………………………………………
مهد خالي .. نوحي عالي
غالي يا عبدالله غالي
……………………………………………………………
يمه غشاوة الخضره الفوگ مهدك
يمه اشمنّها وتفوح ابعطر خدك
امچانك الكاروك يمه وموش لحدك
وينك اوين المگابر طفل بعدك
ابعمر ست اشهر يمه . الهوه ما شبعيت منه
شوغه بيك الحضن امك . ابليل وبشبگة محنه
يل تلالي .. نوحي عالي
غالي يا عبدالله غالي
……………………………………………….……………
متت بس للماي ظلت بيك حسره
امفطره اشفافك عطش وتريد گطره
اشگد بجيت اعليه تلهب بيك جمره
اخدوك اليضون صفت مخطوفه صفره
آه اسم الماي لوعه . لو سمعته ايزيد وني
امروي كل الدنيه مايك . ليش ما رويت ابني
شوف حالي .. نوحي عالي
غالي يا عبدالله غالي
……………………………………………………………
رحت ليهم وادري ما ترجع اليه
شربوك ولچن مو طاسة اميه
ودوا النحرك سهم بيه المنيه
رگبتك عالسهم يمه ازغيره هيه
فرفحت بالذبح يمه . كماطك ابيدك تحلّه
داير اعله حسين ادينك . ابنحرك امعلگه النبله
شده بالي .. نوحي عالي
غالي يا عبدالله غالي
……………………………………………………………
رد الحسين ويخط بالگاع جدمه
وخافي عبدالله عليه ابحدر هدمه
حيل محتار ويريد ايشيل سهمه
تنفصل خافن رگبته و يظل جسمه
اوليدي يا هالناس شفته . امن الذبح شابح عيونه
گبل لونه ابلون ورده . وهسه مدري شلون لونه
يا دلالي .. نوحي عالي
غالي يا عبدالله غالي
……………………………………………………………
راحن اهديماته بيض وهسه حمره
صفن مصبوغات من ادموم نحره
كله احمر حته عينه ولون شعره
اگماطه وينگط دمه فوگ اعله صدره
راح حار ورجع بارد . يعني نازف دمه كله
ذابل واصفر اوليدي . وجان من الكمر احله
غيره مالي .. نوحي عالي
غالي يا عبدالله غالي
……………………………………………………………
المثلك الرضعان وسط المهد تلعب
اله يهفون وغشاوه اعله تنذب
مو يظل للماي حسره اعليه يشرب
ولا سهم شچ ابرگبته وبي تعذب
اوليدي كلش ترف خده . والكبر وترابه يحرگ
موش بفراش ومخده . فوگه راح الرمل يطبِگ
ردته والي . نوحي عالي
غالي يا عبدالله غالي
……………………………………………………………
✍️ ( سيد خضر الزاملي )
قصيدة ( باچر يموت الضوه) تمت بحمد الله نسأل القبول والأثابه
باچـــر أيموت بعيوني الضوه
باچـــر يختنـگ حتــى الهـــوه
باچـــر انسبــي بطــف نينـوى ..... آ يبــاچـــر
*
بــاچــر يســافــر ضــوانــا للمـــنيه
كل شي باچر يختلـف بالغاضريـــه
باچــر اسكينـــه يتيمــه و ي رقيــه
بــاچــر العــدوان تنظـــرني ســبيه
حيره لــو على الغبــره هــوه
حيره يموت بعيـوني الضوه
حيره يموت گلبي وياه سوه ..... آ يبــاچـــر
*
بــاچــر شكـبره دليلــي يصيــر صبــره
من اشم حسين لو أبوسه أعلى نحـره
باچــر أخــر مــره جــدي الگـه عطــره
گبــل لا خيـــل العـــده تهشمله صدره
صعبه عطره باچر من يشح
صعبه لو مشه صوب الذبح
صعبه راسه انظر عالرمــح ..... آ يبــاچـــر
*
كــل شـــي يتغــير اذا يــوگــع ولـينـه
الهــوه باچـــر يختلــف بالطـف علـينه
باچــر العـــدوان فــرحــانــه بسبــينه
لــو كفيلــي اتطيــح يســـراه ويميـنه
عيني لـو تصد درب الكفل
عيني تنظـر وماكـو الأهـل
عيني تصد صيوان اشتعـل ..... آ يبــاچـــر
*
باچــر ابطف كربله تبــدي الفجيعــه
مــن يطيــح الكافــل بكتر الشـريعه
الهوه كــله يسافــر بهـاي الــوسيعه
هيه مو چفينه احس ريته الگـطيعه
بعــده تبــدي لوعـــة كربله
بعــده بحيره تبقه العــايله
بعــده بس مــدامــع سايله ..... آ يبــاچـــر
*
عيني تنظــــر للشبــاب بلوعــه بـاچـر
چم محمد مــن تصد عالغبره صــايـر
بيــن الخيـام واخــوتي گلبــي حــايـر
ريت گبــل الفاجعــه تعمّــه النــواظـر
ويلي لو هوه من ايده علم
ويلي نـــار تلــهب بالخــيم
ويلي تنسبي أيتــام وحـرم ..... آ يبــاچـــر
*
باچر اصعب ليله بــأرض الطــف عليـه
شلون اصد أهلي ضحايه أعلى الوطيه
بـــلا حراســه التحــرس بضعني آميـه
بــاچــر بـــلايــه كفــيلــي أول مســيه
كلفه باچــر انه مـن انسبي
كلفه يحدي ضعني الاجنبي
كلفه وانــه بنت أعظــم نبي ..... آ يبــاچـــر
**
الشاعر
موسى البديري
موشح إلى سيدي ومولاي الاكبر عليه السلام
بالدمـوع أتـــــودع اصبــي عينـــها
الله بــاچــــــر عالـــــوداع أيعيـنــها
****
الليله ليلى أتــــودع الأكبـــــر علــي
تگله يا روحــي وحياتــي وكل هلـي
باچــــر الدمعــه تظــل بعـــدك ألـــي
باچــر الفـــرحه علـــي امــودعينها
*
باچـــر الفــرحه أودعــها أبــدمــــوع
باچــر يمــوت الگلــب بـين الضلـوع
باچر تموت ابوسط عينــي الشمـوع
الشمعه بــاچــر يــا علــــي امطفينها
*
تطفه بــاچــر شمعتـي فــوگ التــراب
وعالــرمل يوليدي اشــوفنك خضـاب
گبل يومك راسي احس يوليدي شاب
الله للتفگـــد ولـــدهـــــــــا يعينـــــها
*
الله يبنــي يعيــن المضيعــه الحيـــاة
بيها كــل سـاعــه تمــر شوغة الممـات
مــن تـــروح انتــه تجينــي النايبــات
ومــــا تبطـل أمــــــك مــــن اونينــها
*
يبنــي ونتــها التفـــارگ مــــا تهيـد
وهيــه تدريـه الــولـــد عنــها بعيـد
باچر اخـر شوفه يمه أعلى الصعيد
وباچــر أمـــك عالهـــزل ســابينها
*
باچـــر أمــك كــون يلفيها الاجــــل
گبل لحظــت موتــك يـموت الأمــل
أهلـي انتــه وباچـــر تـــروح الأهــل
بالسيــوف أبكـــربله امگطعينـــها
*
الشاعر
موسى البديري
(لعلي الاكبر)
يبن الحسين واويلاه
يبن الحسين واويلاه
~
يـــاشبـيـه المصطفى خير الـبريه
الشافك بيوم الوغه بـــالغاضريـه
يگول الاكبر هذا لوحامي الحميه
وسفه طولك غيبه اتراب المنيــه
صوت الأنين واويلاه
يبن الحسين واويلاه
~
ياحفيد الساده ياشبل الـــهواشـم
علي ياكشخة عمامك بـــالمـلاحم
على مصابك طاحت اليله العمايم
الساده والعوّام تبچي بدمع ساچم
فاضَ الحنين واويلاه
يبن الحسين واويلاه
~
امك اتمنت ترد سالم يــــالاكبر
بالمخيم تانتك ريت الهه تحضر
يوم شافت والدك وجـــه تغـير
طاحت ودمع الحزن منها تفجر
في كُل حين واويلاه
يبن الحسين واويلاه
~
ياعلي الاكبر ابوك انهدم حــــيله
ساعة اوداعك عليه چانت ثگيله
يدري عمرك ياعلي گّرب رحـــيله
ينظر اعليك ودمـــع عينه يسيله
ينظر حــزين واويلاه
يبن الحسين واويلاه
~
روحه شاغت من رحت ويدير عينه
واحتضر والماي ينـــصب من جـبينه
عالمخيم يــنظر ويـــــكتم ونــــــينه
تدري ابوك ارويحـته طــيبه وحِنينه
مدمي الجبين واويلاه
يبن الــحسين واويلاه
~
حيدر بشار الدراجي
ابيات نعي وابوذيه القاسم عليه السلام
بنت روحي اماني اعليك يوليدي
وحسبت احساب ازفك للعرس بيدي
وكحل عيني بيك وافرح وارتاح
ولَـــو شفتك اشوف اهلال عيدي
حسبتك تچوه تالي الشيب للشيب
وصرت انت ملاذي وحيلي وعضيدي
ابد ماحسبت للموت عني تروح
حسبت احساب ينحز گبلك اوريدي
لسان حال رمله ام القاسم
حلم عرسك بروحي يدور بلطاف
بــيه ويــمه جاسم ضاع بلــطاف
وچنت كـل ظنتي تلگاك بلــطاف
ورد والـــحننه ادوفـــنهه بــديه
الشاعر احسان الحميداوي
/channel/rdeaa
وين الفاجده الشبان وين الضايگه اللوعه
هاي ام جاسم العريس بالعريس مفجوعه
ـــــ
وين الفاجـــــده الشبــان خــل وياي تتعنه
لأم جاسم نريد نروح نساعــدها على الونه
ونرد الحوفة العريس ونجيم بحوفته حنه
ونلگه ام الشباب اتجـول
على بنها العگـل مذهـول
وتتنعه على الولد وتكول
يشمامة المن سباح هرش الچبد مگطوعه
ـــــ
لگينه ام الشباب اتجول وگمنه نجول وياها
ام وفاجــــده اعله النــوح مايحتاج ننخاها
اولگينه شمعت العـريس مطفيه او علگناها
وشــدينه الطم والنـــوح
ابحرگه والگلب مجــروح
ومن شفنه الولد مطروح
شفنه چثه العريس أسهام ونبل مزروعه
ـــــ
بين الطـــــم والصـايح وبين الدمـعـه والحسره
اجتهن عمت العــريس زينب شـــــابچه العشره
ولگت شمع العرس داوي وصاحت لاچن ابعبره
شنهي الشــمـع وي البين
احنه وعرس جاسم وين
لايسمع اخــــوي احسين
ومن يسمع يجي بهمه ويطفي الشمع بدموعه
ـــــ
بالله الشمع طفنه نريد اعله الولد نلطم
انه عمته وامــه وهـــــاي اموجله وتهم
للطف جيت ماظنيت اليه البين متـولم
وثبت بالدلـيــل اســهــام
وهد حيلي بعرس جسام
آيا بـــــدر ســعــدي التام
راح وصورته ضلت وسط احشاي مطبوعه
ـــــ
من ايدي بن اخـويه راح راح الچــان الي ونسه
حسبت احساب ظني خاب عمته وتفرح بعرسه
راح العرس من جسام وضلت حــســرته بنفسه
ويا حسرت بني هــاشم
المفجرعه بعرس جاسم
مبــارك عــالــثــره نـايم
وعمك يبن اخوي عليك نار وسرت بضلوعه
ـــــ
يومك يبن اخوي يوم هد حيلي ولوه جيدي
وامــك بالخيام تصيح راح الــولــد من ايدي
اريــدن موتتي ويـــــاك ياعـــــريس يوليدي
يجاسم شوف حال امك
تــلــوج وجــاعــده يمك
تخضـب راسها بــدمــك
حكها ام الولد عنها حچاية العتب مرفوعه
ـــــ
هاي امك يجاسم هــاي بيك الدهر دوهنها
سهرت ربت اوتعبت وخاب من الربه ضنها
تصيح ارباي اريد ارباي گلي اشتعتذر منها
تصيح ارباي اريد ارباي
منـك يا ضـــــوه عيناي
يجاسم مو مروّه هـــاي
تروح وضلت اعله امك دواهي الحزن مجموعه
للشاعر المرحوم
الحاج معين السباك
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameوين الفاجده الشبان وين الضايگه اللوعه
هاي ام جاسم العريس بالعريس مفجوعه
ـــــ
وين الفاجـــــده الشبــان خــل وياي تتعنه
لأم جاسم نريد نروح نساعــدها على الونه
ونرد الحوفة العريس ونجيم بحوفته حنه
ونلگه ام الشباب اتجـول
على بنها العگـل مذهـول
وتتنعه على الولد وتكول
يشمامة المن سباح هرش الچبد مگطوعه
ـــــ
لگينه ام الشباب اتجول وگمنه نجول وياها
ام وفاجــــده اعله النــوح مايحتاج ننخاها
اولگينه شمعت العـريس مطفيه او علگناها
وشــدينه الطم والنـــوح
ابحرگه والگلب مجــروح
ومن شفنه الولد مطروح
شفنه چثه العريس أسهام ونبل مزروعه
ـــــ
بين الطـــــم والصـايح وبين الدمـعـه والحسره
اجتهن عمت العــريس زينب شـــــابچه العشره
ولگت شمع العرس داوي وصاحت لاچن ابعبره
شنهي الشــمـع وي البين
احنه وعرس جاسم وين
لايسمع اخــــوي احسين
ومن يسمع يجي بهمه ويطفي الشمع بدموعه
ـــــ
بالله الشمع طفنه نريد اعله الولد نلطم
انه عمته وامــه وهـــــاي اموجله وتهم
للطف جيت ماظنيت اليه البين متـولم
وثبت بالدلـيــل اســهــام
وهد حيلي بعرس جسام
آيا بـــــدر ســعــدي التام
راح وصورته ضلت وسط احشاي مطبوعه
ـــــ
من ايدي بن اخـويه راح راح الچــان الي ونسه
حسبت احساب ظني خاب عمته وتفرح بعرسه
راح العرس من جسام وضلت حــســرته بنفسه
ويا حسرت بني هــاشم
المفجرعه بعرس جاسم
مبــارك عــالــثــره نـايم
وعمك يبن اخوي عليك نار وسرت بضلوعه
ـــــ
يومك يبن اخوي يوم هد حيلي ولوه جيدي
وامــك بالخيام تصيح راح الــولــد من ايدي
اريــدن موتتي ويـــــاك ياعـــــريس يوليدي
يجاسم شوف حال امك
تــلــوج وجــاعــده يمك
تخضـب راسها بــدمــك
حكها ام الولد عنها حچاية العتب مرفوعه
ـــــ
هاي امك يجاسم هــاي بيك الدهر دوهنها
سهرت ربت اوتعبت وخاب من الربه ضنها
تصيح ارباي اريد ارباي گلي اشتعتذر منها
تصيح ارباي اريد ارباي
منـك يا ضـــــوه عيناي
يجاسم مو مروّه هـــاي
تروح وضلت اعله امك دواهي الحزن مجموعه
للشاعر المرحوم
الحاج معين السباك
(بندريه)
#يابو المرجله
. نومس الرايه ابيمينه وشالـهـه
وشَد عله المهره البطل خيّالهه
عــبــاس عــبــاس عــبــاس
يـابــو الـمـرجـلـه
*---------------*---------------*
شَـد الـكـحـيـلـه ورسـنـهـه وگاصد لـ سوح الحرب
اربـات حـيـدر بالـمـعـارك چـنـه حـيـدر مـن يـطـب
مـا يـهـم لـلـحـومـه وحده ابـساع يـگـلـبـهـه گـلـب
الـثــبــات اگـبـال ســيــفــه لـلــزلـم كـلـش صـعـب
بالسـيـف بالسـيـف بالسـيـف
زلــــزل كــربــلــه
*---------------*---------------*
يْصول ويـجـول بشجاعه وعـالـزلـم فارض حـظـر
ساعـة الـشـجـعـان هـايـه ولـلـحـرب ساعـة صـفـر
يطلب الـروس الـچـبـيـره وكـلـهـه گـامـت تـعـتـذر
يـوم الاســود عـالاعـادي يـشـبـه لــ يــوم الـحـشـر
شــافــوه شــافــوه شــافــوه
لـلـشـگـره اعتـلـه
*---------------*---------------*
ابـصـولـتـه خلّـه العـسـاكـر واحـــد ابـــواحــد ردم
راكـب الشگـره الاصـيـلـه ويـفـتـر ابصوب الـخـيـم
مـبـخـت الـيـنــدل طـريـقـه ومـبـخـت الـمـنـه سلم
خورس الـقـاده ابـنـظـرتـه وصـاروا ابـعـيـنـه عـدم
من صال من صال من صال
مــحــد قــابــلــه
*---------------*---------------*
هـلـهـلـت يمّـه الـمـعـالـي والـمـجـد بـسـمـه انكتب
الحاسب احسابه يخلّص طـار راســه الـمـاحـسـب
زلزل الـحـومـه وگـلـبـهـه وشوّف الـكـوم الـعَـجـب
اتـشـرعـبـت بـيـه الحميه و يـا عـلـي حـيـدر نـدب
مــيــدان مــيــدان مــيــدان
لـلــكــافــل حِـلـه
*---------------*---------------*
تـخـطـف ارواح الـعـسـاكـر رايـتـه لـمـن تــــــــرف
شـــايـل الـبــتــار بـيـده وداخـوا الـسـبـعـيـن الـف
الـگـابـل الـعـبـاس يـشـرد مو ركض يـزحـف زحف
عاد حـمـلات الـصـمـيـده وهـالـفـعـل مـا يـخـتـلـف
سـجـيـل سـجـيـل سـجـيـل
سـيـفـه وزلــزلــه
*---------------*---------------*
طـشّــر الـسـبـعـيـن الــف مـــا يـهـم هـــذا الـعــدد
زيـنـب تـعـايـن لـخــوهـه وتـقـره ايـــات الـحـسـد
الـحـصّـل الـمـشـراد گـدهـه والـسـبـع بـيـهـم لِـبــد
وارث الـكــرار اجــاهــم و الـشــبــل مـــن الاســـد
يــــدرون يــــدرون يــــدرون
بـيـهـه الـمـسـألـه
*---------------*---------------*
✍خادم العباس ع
الشاعر رعد الجريخي
/channel/rdeaa
مقطع صوتي من mlahythmallamy
Читать полностью…
يمه حسين واويلاه
يمه حسين واويلاه
ــــــــــــــــــــــــــــــ
اجيت الكربله يحسبن .. اجيتك وأنه محـــنيه
اجيت ايدي على اضلوعي .. يمه وحيل مابيه
اعوفك بالصحاري شلون .. وانت الروح والريه
كون اهنا اضل بالطف.. وابنيلي حسينيه
يمه حسين واويلاه
يمه حسين واويلاه
ــــــــــــــــــــــــــــــ
ييمه امن الگفه مذبوح .. ونحرك ظل يفيض ادماه
اجيت أنه بظلام اليل .. اصبعك يمه ويـن الــــگـاه
بقيت امحيره يحسين .. ويـسندني الحــــزن والآه
اظل اوي الجسد يحسين.. راسك من يروح اويـاه
يمه حسين واويلاه
يمه حسين واويلاه
ــــــــــــــــــــــــــــــ
ليش اعلى الوجه مگلوب .. ومطبور اثنعش طبره
نايم عالرمل يحسين .. وتـچـــوي اضلوعك الغبره
وسفه الماي شح اعليك .. وماحــــصلت ولا گطره
يايمه وجر اعليك .. الف شـوغـه والـــف حــــسره
يمه حسين واويلاه
يمه حسين واويلاه
ــــــــــــــــــــــــــــــ
ماضل كتر سالم بيك .. چـنـك مـــاي متـــبدي
بيك الف وتسعميه جـــــــروح تسيل وتنـــدي
مصابك هيج احزاني .. وذكرني ابسطر خـــدي
شلون اتحملت يحسين .. يمن يومك مرد چبدي
يمه حسين واويلاه
يمه حسين واويلاه
ــــــــــــــــــــــــــــــ
خلني اوياك اظل يحسين .. شلون آنه ابتعد عنك
واتوسد ابكترك ريت .. ومــــن نـحــرك اشمـــــنك
اخلي ايدي حدر جسمك .. على امصابك اعيننك
لا اگـدر اظـل يـمــــــك.. ولا اگـــــــدر اعوفــــــنك
يمه حسين واويلاه
يمه حسين واويلاه
ــــــــــــــــــــــــــــــ
حيدر بشار الدراجي
#جديد_محرم_الحرام_
نزله للقاسم عليه السلام
وينه اليمس حسين يا آل اميه
وبن الحسن موجود بالغاضريه
.................
ابن الحسن ياناس والقاسم اسمي
ربّاني عالكلفات من عزمه عزمي
وصاني بالطف كون اوگفله عمّي
لازم اوفي اليوم عهد الوصيه
.................
اوگف لبوالسجاد وگفت عضيده
ويله اليمسّه بسوء اگطع وريده
لو ينحجب بالغيم اوصل وصيده
والمايصدگ هاي خل يدنه ليه
..................
آنه الفتى المغوار وينه الينازل
وارث شجاعه وزود منّ ابوفاضل
متهمني لا والله هاي الجحافل
دون الحبيب حسين اهوى المنيه
.............
سيف الحسن معروف لابد تذكروه
بالقاسم ابنه اليوم كلكم تشوفوه
غالي الثمن بالموت لازم تدفعوه
ثار الحسن وحسين يرجع بديه
................
ما همني بالميدان يكثر عددكم
بالسيف احز الروس وسحگ جثثكم
يامن غدرتو حسين حالف اذلكم
قوة علي وعباس موجوده بيه
................
ماعوف ابوالسجاد عمي وامامي
واجب انصره اليوم اوفي بكلامي
ذاخرني ابوي لهاي آخذ وسامي
بالطف اسمعه وياي سلّم عليه
................
للغالي فدوه يروح عمري وشبابي
يايُمّه لا تبچين فرحي بمصابي
آنه النصرت حسين والدم خضابي
وتخلّد اسمي وياه روح الزچيه
#سيد #زيد #الفحام
____
قصيدة ( عمر الطفوله ) قصيده تحكي نظرت والتساؤلات عندما كنا اطفال في قضية حنة القاسم
من عمر الطفوله أبالي ألك راســم
حنّه وعرس بي شمعات يا جاسم
كبرت ومرت أعـوام
لگيت العرس جسام
شـــــــــهاده شـــــــــــهاده
*----------*----------*
بزغري ألك بالي رسـم
عــرس والكون ابتسم
وفـــرحــه مـا بيها الم مئآتم
وأمـــك أتهلـهل اجـــت
بعرسك اتصفگك مشت
من الفـرح ضني بچـت يجاسم
كـل شي يا جاسم تغير من وصل عمري الشباب
عرسك الچان أعلى بالي بالأصل دمعه ومصـاب
وأمك الگلت انه فرحت الفرحه چانت بس سراب
ماتت بالطفوف أهناك فرحتها
ساعة ما جـرت للفرگه دمعتها
تنوح بگلب محتــام
لگيت العرس جسام شـــهاده
*----------*----------*
بكثـر مـا طيـب گـلــب
چنــت اظنن بالحــرب
عرس بس مدمع يصب عجيبه
ليش يومك مـن يمــر
بيّـدي الطــم عالصدر
ومن كبّـــر بي العمــر مصيبه
شفت عرسك مــن يجينه يگضي دمعــات وانين
والشمـــع يطفــه يجـــاسم من تمر بيه السنــين
لـيش يومــك مــن يجينــه مــا نحنيــها الاديــن
يا جاسـم ننـادي وبالگـلب جمره
يالمضحي بحايته من زغر عمره
ولا مــرت بالأحـلام
لگيت العرس جسام شـــهاده
*----------*----------*
بگلبي چــانت اسأله
ليش رملــه معـوّلــه
بعرسك ابطف كربله حزينه
وانته واحدها وتوٓن
گلبت الفرحه حــزن
بيوم ثامن من يجن علينه
من كبّــر بي زماني لگيت عــرسـك بالطفــوف
زفتـــك للحـومــه أمـــك للـرمـــاح وللسيـــوف
ومن رجعت الحنّه دمك چان واضح عالچفوف
من تنظر دمّـــاك تنــادي يا يمه
يالضحيت دمـك دون ابو اليمه
امحّنه ابوسط الخيّام
لگيت العــرس جسـام شـــهاده
*----------*----------*
كــــل محـرم ننفجـــع
بيومــك يهـل الدمـــع
ويطفه يا جاسم شمع شبــابـك
شلون يومك نوصفـه
الفاگده بس تعــرفه
من تصد شمعك طفـه لمصابك
من يمر يومــك يجاسم بينه يرجــع چم مصاب
شگد صواني عـــدنه ظلت تنتظر جيت الشباب
وألف رمله أبهمْ تتاني بلكي يخلص هل الغياب
من يوم الطفت من رمله شمعتها
ويانـــه بقـــت للــــدوم ونتــهـــا
صعبه الفاگـــده اتنام
لگيت العــرس جسـام شــــهاده
*----------*----------*
كل شي بفكاري اختلف
مــن عرفت انـه الهدف
دمــــك أبيــوم النــزف وريـــــده
حسين چــانت غايتك
مــن السيوف الحنّتك
والشــهــادة زفتــــك عقيــده
رســم دمــك للعقيــده بالطفــوف الانتصـــار
وحنــّتك كل مغــربيه انشوفها أبتـالي النهار
يالدمــائك شعله صارت مـا تعـرف الانكسار
دمـك بعده ينــزف كــل وكت بينه
فــدوه انگــول لجل حسين والينه
شعله أتضّوي كل عام
لگيت العرس جسام شـــهاده
*----------*----------*
الشاعر
موسى البديري
قصيدة ( انطوني شمعه ) ليلة الوحشه
أنطوني شمعــه يالتشعلون الشموع
ارد اشوف حسين مكسور الضلوع
خلص يــوم العــاشر
انطوني شمعـه لباچر
*---------------*--------------*
يالتواسوني بشمــع هــاي المسـيه
شمعه چنـت اتمنى ليـل الغاضريه
حتى أشوف بيا كتر روح الزچــيه
بلكي مــن يستمع وني أيـرد علـيه
ارد أخبــره بالجــره
بعد گطعت منحــره
بــس خيم متوجره بغيــــابــــه
شمعه شتعوض شمس وجه الغـريب
مــن وگع عالغبره عطشان وخضيب
وللخيم ظــل ناظـــر
انطوني شمعه لباچر
*---------------*--------------*
چنــت شمعـه اتمنـــه اروحـا للشــريعـه
حتى اشــم عبــاس وچفــوفه الگطيعه
أرد اخبره هــل الحــرم ضيعـته ضيعــه
من فجيعه اطلع واطب خويه بفجيعه
ارد اروحــن للگمـر
جدمي لا بي أيعثر
خويه مرالي السهر يغــالــي
هيه يــا شمعه التعــوض عالكفيل
وليلي بعــده بالسـبي كلش طويل
يـــا گلـب ظــل حاير
انطوني شمعه لباچر
*---------------*--------------*
شگـد تمنيـت الشمــع بالطــف يجينـه
حتى أصيح الفاگــده رملــه الحــزينه
أرد اگلها جاسـم بهل سـاعــه وينـــه
شو تأخــر عنــه مـا ظن يــدري بينــه
يشوف أمه وعمّته
شگــد تمنـن جيّته
ليش غابت شمعته وشبــابـــه
للشباب أعيوني چن مجره الشموع
ومــا يصبر الفاگــده غيــر الدمـوع
لطولــه تبقى اتناطـر
انطوني شمعـه لباچر
*---------------*---------------*
ضلمــه دنيتنـه وردت للظلـمـه شمعـــه
مـن اجت تمشي الرباب وتجري دمعـه
تگلــي امشـي ويــاي عبـدالله ارضعـه
ها يعمته ارجوچ وانظر شنهي وضعـه
نحره مخضوب بدمه
صـوابــه حيــل يألمه
ريت يـــا بت فاطمه رمــانــي
انطيني شمعه حتى أشوف ابني الذبيح
گلبه ضامـي ويمــه أحـس وينـچ يصيح
وگلبه أحس بي شاجر
انطوني شمعـه لباچــر
*---------------*--------------*
ليلـى اجتنـي وبالمشـي هيـه أتّعثــر
دنـيا ظلمه وگلـب ليلى جمره يسعر
يــا شمـــع ليـرد عليـها وجـه الأكبـر
وهوه بي صورة محـمـد بس تطبــر
اطفه يـا نـور الشـمع
لو علي وجهـه يشـع
حگه لو يجري الدمع لــلأكبـــر
وين تضـوي الشمعه يم وجه الينور
هسه ظل اعلى الرمـل ابني الغيــور
بجسمه ادري اشصاير
انطوني شمعــه لباچر
*---------------*--------------*
شگــد تمنيـت الشمــع هاليله وحشــه
مــن بده ليــل اهدعش خـوفه يتمشه
واحنــه مـو للماي عدنا أرواح عطشه
للجثثهم ظــل رمــال الطــف تفـرشه
اخ منــچ كـــربلـــه
اجسوم أهلنا بالفلا
مــن دماها مغسله حســافــه
اهناك جسم حسين ساحكته الخيول
والگمــر يــم النهــر مــرلــــه الأفــول
وضعني عنه أمسافر
انطوني شمعـه لباچر
*---------------*--------------*
الشاعر
موسى البديري
مقطع صوتي من mlahythmallamy
Читать полностью…
وآحسينا ... وآحسينا ... وآحسيناه
****
بيوم عاشر يرتفع هذا النداء .. يا حسين
وخله يوصل صوتنه لحد كربلاء .. يا حسين
عالبچتله من دمه حته السماء .. يا حسين
فدوه لحسين المناحر والدماء .. يا حسين
وآغريبا ... وآغريبا ... وآغريباه
وآحسينا ... وآحسينا ... وآحسيناه
****
هذا يوم الفاجعه ويوم العزاء .. يا حسين
وعلى مثل حسين يا محله البكاء .. يا حسين
اليوم يترجم صدگ معنه الولاء .. يا حسين
وانتو انصار الحسين الأوفياء .. يا حسين
وآشهيدا ... وآشهيدا ... وآشهيداه
وآحسينا ... وآحسينا ... وآحسيناه
****
للعزه حضرت جميع الانبياء .. يا حسين
بالدموع تواسي سيد الاوصياء .. يا حسين
آه يا كرباً تنادي وبلاء .. يا حسين
وتقره عالمظلوم ابيات الرثاء .. يا حسين
وآسليبا ... وآسليبا ... وآسليباه
وآحسينا ... وآحسينا ... وآحسيناه
****
يا قتيل الظالمين الإدعياء .. يا حسين
گطعو المنحر يوسفه الطلقاء .. يا حسين
وينهم يا سيدي صارو فناء .. يا حسين
وانته وحدك تستحق هذا البقاء .. يا حسين
وآحبيبا ... وآحبيبا ... وآحبيباه
وآحسينا ... وآحسينا ... وآحسيناه
****
يا شفيع ذنوبنه بيوم الجزاء .. يا حسين
ندري ما تنسانه لوحان اللقاء .. يا حسين
الك هاي ارواحنه كلها فداء .. يا حسين
وياك نبقه وهذا يالغالي رجاء .. يا حسين
وآماما ... وآماما ... وآماماه
وآحسينا ... وآحسينا ... وآحسيناه
خادم الحسين ع احمد علي السراجي
٢٠٢٣/٧/٢٨
الوداع الوداع.. ياحبيبي ياحسين
الوداع الوداع.. ياحبيبي ياحسين
.
آنه زينب وانت روحي
وكل حياتي والهوه
ياحسين الدنيأ دونك
كل صبحها بلا ضوه
بالوداع شحالي خويه
آنه والميته سوه
چن عليله بلا اهلها
ويمها يتبده الدوه
.
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
خويه ودع كل بناتك
راح اظل بخيمتي
بكل كتر تنشد رقيه
ليش تبچي عمتي
من اودعك خويه يمها
ماكضن دمعتي
عندي من امك وصيه
لغربتك يامهجتي
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
آنه متعودة اضمك
من اشوفك كل صباح
وانت باجر بالمنيه
بصدرك تضم الرماح
أرد اشمن خويه نحرك
گبل متذبحه الجراح
گبل مايدوي المخيم
بينه ويطول النياح
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
أمي وصتني وصيه
گبل ما تغيب النظر
تگلي قبلي يُمه أخيچ
يالحبيبه من الصدر
باجر الحافر يدوسك
ضلعك يطر الظهر
مالحگ خويه اودعك
لو دنى وكت السفر
الوداع الوداع.. ياحبيبي ياحسين
الوداع الوداع.. ياحبيبي ياحسين
.
.ـــــــــــــــــ ❁ ❁ ❁ ـــــــــــــــــ
.
خويه باجر اليتامه
بحرگة اخيامك تضيع
واعله چفك خويه ننظر
ذبح عبدالله الرضيع
الشمر يسعى لهضمنه
ويعمل شما يستطيع
من يشد بحباله چفنه
لازم الامره نطيع
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
باجر وجوه الثكالى
تنحفر من الدموع
بين الدور ابنها
وتگطع امال الرجوع
بالسبي نمر يم الاكبر
نشوفه مهدوم الضلوع
وجاسم تزفه المنايا
بلايه حنه ولاشموع
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
باچر من التله انظر
الاجساد امگطعه
اركض واگصد كفيلي
اعله جرف المشرعه
بلا كلام چفوفه تحچي
تختصرلي مصرعه
عينه مطفيه بنبلهم
والسهم ماطلعه
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
حضّروا نوگ السبينه
وهالدرب ماله بديل
تنكتب قصتنا باچر
لو عزمنه اعله الرحيل
انت تصعد عالمواضي
وانه اصعد عالهزيل
دمي عالخدين اسيله
وعالرمح دمك يسيل
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
.
حسن الموالي الفاطمي
يُمّه يُمّه يالولد ٠٠ گلبك برد ٠٠ لوبعده نار
ــــــــــــــــــــــــــــــــ
يمــه يـوليـدي يـســبـاح الـگـلـب
من خذاك حسين ظل دمعي يصب
اشهور عمرك وينك اوّين الحرب
يـمه گالولي ابــرگبـتــك منضرب
رجف گلبي وارتعد ٠٠ گلبك برد ٠٠ لوبعده نار
ــــــــــــــــــــــــــــــــ
ازغِير انـته والنَهر كـلـش چـبـير
لو سگوك الماي چاشنهي اليصير
ينگص الشط لو رُبع منه يطير؟
يمه والذبحوك ماعـدهم ضمير
دين ماعدهم أبد ٠٠ گلبك برد ٠٠ لوبعده نار
ــــــــــــــــــــــــــــــــ
يمه جـابولك الـنّــبله امّفصله
نحرك ازغيرون چان ابــكربله
من عساها انشلت ايده حرمله
الخله دمعاتي المصابك سايله
غيرك اشعندي بعد ٠٠ گلبك برد ٠٠ لوبعده نار
ــــــــــــــــــــــــــــــــ
يمه لودر صدري يم مهدك اروح
بيدي اهز مهدك يعبد الله وانوح
صورِتـك بـعيــــونـي ليليهِ تـلوح
بعد عينك ابـد ماتـهده الجــروح
يمه الوولي للمهد ٠٠ گلبك برد ٠٠ لوبعده نار
ــــــــــــــــــــــــــــــــ
متت من النـبله لو مـن الضــمه
احرورة اصوابك الحيل اتّهدِمه
رفرفت روحك مثل طير ابسمه
اوداعة الله الملتقى يـم فاطمه
اوليدي ياطير السعد ٠٠ گلبك برد ٠٠ لوبعده نار
ــــــــــــــــــــــــــــــــ
يالرحت عطشان ماصحلك شراب
هالمصاب امنين اجـانه هالمصاب
يُمه هم رشـو الماي اعلى التـراب
كـون هذا الشفته يـوليـدي سراب
گلبي يوليدي انمرد ٠٠ گلبك برد ٠٠ لوبعده نار
ــــــــــــــــــــــــــــــــ
حيدر بشار الدراجي
قصيدة نزله للأكبر ع
يوليدي يالأكبر. ذكّرهم بحيدر
.........................
طبق الاصل من حيدره زي الحرب لابس
من مدرســــة جـدك علي متعلم ودارس
ذكّرهم بحامي الحمه من يضرب الفارس
ابني واعرفك بالحرب للسيف الك واهس
ويهابك العسكر. ذكرهم بحيدر
....................
آنه الحُسين بكل فخر اتفاخر بزودك
حيدر زمانك ياعلي من يوصل حدودك
من تغضب بسوح الوغه ماتنلوي زنودك
سيفك دليلك والرمح بالمعركه شهودك
سل سيفك واثئر ذكّرهم بحيدر
...................
جيش آل اميه ينهزم لمن تسل سيفك
يالأكبر وحان الوعد اهجم وخذ حيفك
تهزمهم اشباه الزلم تذبحهم بكيفك
من سيفك تخاف العده لا والله متخيفك
تفني الزلم تگدر ذكّرهم بحيدر
.....................
ياوالدي الاكبر هتف امرك يبواليمه
ثارك اجيبه من العده والمرتضه واسمه
عسكر يزيد بصارمي ما ينگطع دمه
نازل احز روس الزلم واليبقه يازلمه
يحلالك المنظر ذكّرهم بحيدر
....................
فرسان امية بالحرب لمن هجم ذلهه
والغاضريه من غضب بيمينه زلزلهه
ضنو علي حامي الحمه وتشاردت كلهه
شي تنسحگ من هيبته وشي هوّه يقتلهه
عالمعركه سيطر ذكُرهم بحيدر
.....................
صولة علي بوقعة اُحد كررها بالحومه
الاكبر علي هذا ونِعم من زوده وعلومه
خلّاها بس روس وجثث عالغبره مهزومه
وحسين ابوه من خيمته مستبشر بيومه
چن واقعة خيبر ذكّرهم بحيدر
سيد زيد الفحام
_____
ارجع يالمنك جلمه اداويني
انه ادري بعينك ضلت يم عيني
من وجه ابوك اتغير كلش خفت يالاكبر
****
ليش يبني اتفاركينه وراحت ايام المحنه
انه وانته روح وحده ومدري ياهو المات منه
مرات تلكالك جرح ياكل سواد عيونك
وهيه التكتلك بالجرح من وادم ايخصونك
ضليت خيمه ابلا عمد وحسين طاح بدونك
حته السهم كلبه خشن صف ويه اليذبحونك
تبجن يوميه اشبيجن يعيوني
ماخذ كل حيلي افراك العافوني
بكلبي القلق يتكرر كلش خفت يالاكبر
*
ضلت امك تبجي يمك اشلون تمشي وتترك امك
وصله وصله اموذرينك وحرت يبني اشلون المك
شمك السيف ابركبتك والدم وصل لزنودك
المفروض تنحط بالكلب مو عالتراب خدودك
يالغمضت عيونك صحت لمك بعد شيعودك
يا ماي عمري الما نشف ليش انحرم من جودك
يالعشت بروحي امصابك حيرني
يبني اعله افراكك الله يصبرني
حته الجماد تاثر كلش خفت يالاكبر
***
افراك وجهك شيباني ما اريد اسنيني بعدك
كون سالم ليه ترجع حته احط خدي اعله خدك
ربيتك وتالي الربه مذبوح اشوف اكبالي
بالخيمه وتنفس عطش ويمك يالاكبر بالي
من شوفتك ليش انحرم يوليدي عاين حالي
كلشي تعوضه بدنيتك بس اشيعوض الغالي
من اكبر ردتك بيدك تدفني
اشعر من دونك شي رايح مني
بصدري الكلام تكسر كلش خفت يالاكبر
****
الدنيه ظلمه بعيني صارت وضيعت يوليدي دربي
ليش خابت امنياتي ونكسر جم مره كلبي
لا بيه اروح المصرعك لا بيه اضل بخيامي
شميت عطرك بالهوه وصار الرمح كدامي
وياي يوليدي عشت ومحلي كل ايامي
ما ادري يفجعني القدر وتخيب كل احلامي
من شفت جروحك غمضت عيوني
ردت احضن راسك بس ما خلوني
جسمك لكيته اموذر كلش خفت يالاكبر
*
عكبك امك يا المها كضت الليل بحزنها
تبقه تنحب كل عمرها تدري التفارك ابنها
افراك الولد ما ينحمل والفاكد الله ايعينه
والدافن بكلبه الحجي يسولف يضل بعينه
يالوجهك احله امن الكمر اسال جمالك وينه
نركض اجينه امن الخيم ويم جسمك التمينه
كل وحده تكلك كوم امشي ويانه
وامك يالاكبر بأمرك حيرانه
تاخذ نفس ما تكدر كلش خفت يالاكبر
****
تمت
تحسين الخفاجي
/channel/rdeaa
يوليدي يالاكبر ** من تمشي للعسكر
شيل العلم بيدك ** وبكيفك اتبختر
::::::::::::::::::::::::::::::::::::::::::
يوليدي مـا ناخيك * هاك أسمع اعتابي
بـاچـر تغـير الخيل * وأنته أول أحبابي
تسوئ أمن ازامط بيك *حاسبلك أحسابي
تفزع تجيب الثار * من توگع أصحابي
بيدك ترد الگوم ×× يومك يلاكبر يوم
منك تضل الخيل ×× بالحومه تتعثر
::::::::::::::::::::::::::::::::::::::::::
يبني الصبح لـوصار * تتقـدم أبـزودك
زين اعرف الفرسان * ما توصل احدودك
أدريهم ايخـافون * مـن لـمـعت أزنـودك
حته الشجار اليوم * تتسخر اجـنودك
يلما تهاب الموت ×× فوگ المنايه اتفوت
باچر اذاء مريت ×× وجه الشمر يصفر
::::::::::::::::::::::::::::::::::::::::::::::
بيدك تشيل السيف * باچر يضي عيني
إصرخ علئ الفرسان * ويـن اليلاگيني
گلـهم يضل مشلول * چـف اليـلاويني
صيت النصر والزود * بالطف يخاويني
گول انه شبل احسين×× وين العساكر وين
كلما يزود الجيش ×× عندي الـعزم يكبر
::::::::::::::::::::::::::::::::::::::::::::
شفت أبني شد الحيل * وتنخه بالزهره
صار الصباح أوگال* يم الحسن نظره
سـورة نبإ ويـاسين * بين الخيم يقره
قَّبل جبيني اوصال *وتخييل المـهـره
من طب علئ الكفار ×× گالو أجه المختار
من عنده شفت النور ×× بين الزلم يضهـر
::::::::::::::::::::::::::::::::::::::::::::::
ضنـو عـلـي أبصفين * بيهم رعـب خلـه
حيدابضـهـر عـاشور * جيش الشمر ذله
كلمن يشيل السيف* شـل الجـرح شلّـه
گامت تطيح الروس * من سيفه لوسله
منهم تطير أرگاب ×× گالوملك موشاب
كله المعسكر صاح ××جده القلع خيبر
:::::::::::::::::::::::::::::::::::::::::::::::
فاخر علي الشبيبي
/channel/rdeaa
طلع شباب من الخيم كومي يزينب هلهلي
طالع كمر من خيمته ** كومي يزينب هلهلي
حضري ابدمعتج حنته ** كومي يزينب هلهلي
رمله تبخر اعمامته ** كومي يزينب هلهلي
بالحومه تصبح زفته ** كومي يزينب هلهلي
خلها تزفه اهل الشيم ** كومي يزينب هلهلي
طلع شباب من الخيم كومي يزينب هلهلي
رايح بـأخوته يجتمع ** كومي يزينب هلهلي
طشو عليه حلو الدمع ** كومي يزينب هلهلي
طايح بعد طفو الشمع ** كومي يزينب هلهلي
وبعرسه لازم ننفجع ** كومي يزينب هلهلي
حنة زفافه اتصير دم كومي يزينب هلهلي
طلع شباب من الخيم كومي يزينب هلهلي
لعرس الشهاده مستعد ** كومي يزينب هلهلي
بخروه لالا ينحسد ** كومي يزينب هلهلي
حلو الشمايل مايرد ** كومي يزينب هلهلي
طشو على راسه الورد ** كومي يزينب هلهلي
عباس رفـالـه العلم ** كومي يزينب هلهلي
طلع شباب من الخيم كومي يزينب هلهلي
غالي وسف ابن الحسن ** كومي يزينب هلهلي
برماح وسيوف انطعن ** كومي يزينب هلهلي
ياحور كومو هلهن ** كومي يزينب هلهلي
خل تستعد جنه عدن ** كومي يزينب هلهلي
وبعرس الشهم إبن الشهم ** كومي يزينب هلهلي
وسط الدموع الساجمه ** كومي يزينب هلهلي
القاسم تجيله فاطمه ** كومي يزينب هلهلي
تمسح من اعيونه الدمه ** كومي يزينب هلهلي
تسگيه من بعد الظمه ** كومي يزينب هلهلي
وتشيل من صدره السهم ** كومي يزينب هلهلي
طلع شباب من الخيم كومي يزينب هلهلي
___
كلمات الشاعر حاتم صبري الكاظمي
(بندريه)
#يابو المرجله
. نومس الرايه ابيمينه وشالـهـه
وشَد عله المهره البطل خيّالهه
عــبــاس عــبــاس عــبــاس
يـابــو الـمـرجـلـه
*---------------*---------------*
شَـد الـكـحـيـلـه ورسـنـهـه وگاصد لـ سوح الحرب
اربـات حـيـدر بالـمـعـارك چـنـه حـيـدر مـن يـطـب
مـا يـهـم لـلـحـومـه وحده ابـساع يـگـلـبـهـه گـلـب
الـثــبــات اگـبـال ســيــفــه لـلــزلـم كـلـش صـعـب
بالسـيـف بالسـيـف بالسـيـف
زلــــزل كــربــلــه
*---------------*---------------*
يْصول ويـجـول بشجاعه وعـالـزلـم فارض حـظـر
ساعـة الـشـجـعـان هـايـه ولـلـحـرب ساعـة صـفـر
يطلب الـروس الـچـبـيـره وكـلـهـه گـامـت تـعـتـذر
يـوم الاســود عـالاعـادي يـشـبـه لــ يــوم الـحـشـر
شــافــوه شــافــوه شــافــوه
لـلـشـگـره اعتـلـه
*---------------*---------------*
ابـصـولـتـه خلّـه العـسـاكـر واحـــد ابـــواحــد ردم
راكـب الشگـره الاصـيـلـه ويـفـتـر ابصوب الـخـيـم
مـبـخـت الـيـنــدل طـريـقـه ومـبـخـت الـمـنـه سلم
خورس الـقـاده ابـنـظـرتـه وصـاروا ابـعـيـنـه عـدم
من صال من صال من صال
مــحــد قــابــلــه
*---------------*---------------*
هـلـهـلـت يمّـه الـمـعـالـي والـمـجـد بـسـمـه انكتب
الحاسب احسابه يخلّص طـار راســه الـمـاحـسـب
زلزل الـحـومـه وگـلـبـهـه وشوّف الـكـوم الـعَـجـب
اتـشـرعـبـت بـيـه الحميه و يـا عـلـي حـيـدر نـدب
مــيــدان مــيــدان مــيــدان
لـلــكــافــل حِـلـه
*---------------*---------------*
تـخـطـف ارواح الـعـسـاكـر رايـتـه لـمـن تــــــــرف
شـــايـل الـبــتــار بـيـده وداخـوا الـسـبـعـيـن الـف
الـگـابـل الـعـبـاس يـشـرد مو ركض يـزحـف زحف
عاد حـمـلات الـصـمـيـده وهـالـفـعـل مـا يـخـتـلـف
سـجـيـل سـجـيـل سـجـيـل
سـيـفـه وزلــزلــه
*---------------*---------------*
طـشّــر الـسـبـعـيـن الــف مـــا يـهـم هـــذا الـعــدد
زيـنـب تـعـايـن لـخــوهـه وتـقـره ايـــات الـحـسـد
الـحـصّـل الـمـشـراد گـدهـه والـسـبـع بـيـهـم لِـبــد
وارث الـكــرار اجــاهــم و الـشــبــل مـــن الاســـد
يــــدرون يــــدرون يــــدرون
بـيـهـه الـمـسـألـه
*---------------*---------------*
✍خادم العباس ع
الشاعر رعد الجريخي
(( يمه جسام))
دمعه ابأثر دمعه..اعلگلك الشمعه
اودمك الحنه بچفوفي
.. . يمه جسام...
---------@@@-----------
امنية كل أم ييمه عينهه اتشوف
الضنه.
اومن صرت يمه يجاسم جان الي
يوم المنه.
يبني وي روحي اسولف والحلم عندي
انه.
هالسنه حملي يشيله لا بعد يكبر
سنه.
ربيتك بروحي ..يابلسم جروحي
من النسيم اعليك خوفي
...يمه جسام...
اودمك الحنه بچفوفي
...يمه جسام...
-----------@@@--------------
يانضر عيني اوضواها يمن يفديك
العمر.
ياصبر امك واشوفه امدد اگبالي
الصبر.
انه ربيتك ييمه ساعه ساعه
اونتضر.
بيدي لعرسك ازفك مو ازفك
للگبر.
اليل اخلصنه...ونه ابأثر ونه
والبواجي تعمي شوفي
....يمه جسام....
اودمك الحنه بچفوفي
...يمه جسام...
-----------------@@@-----------
اتأملت من تكبر انته تسند لأمك
ضهر.
تالي عكس الي انتضرته ضهري بالفرگه انكسر.
من العطش دلالي ذايب بس اشوفنك
نهر.
هسه جف كلشي بحياتي وگلبي
يوليدي انفطر.
يوليدي ياسلوه...من شوفتك اروه
.. بدونك شمصعب ضروفي .
... يمه جسام...
اودمك الحنه بچفوفي
...يمه جسام....
-----------------@@@-----------------
ماتت الوان الطبيعه وبيهه ماراح انسعد.
ياطبيعه اتسر نضرتي اگبالي مذبوح
الورد.
شلي بعمري بدونك والمن ابأيامه اعد.
وعيني تغفه اعله الوساده وانته تتوسد لحد.
چنت انتضر منك...عريس اشوفنك
..اوماتت الفرحه بطيوفي..
....يمه جسام...
اودمك الحنه بچفوفي
... يمه جسام...
---------------------@@@---------------
ذني شمعاتك يجاسم گوم نعلگهن سوى.
مو الك يضون ييمه انته تنطيهن ضوى.
الدنيه تتنفس عبيرك وانته للدنيه الهوى
واصبحت خنگه بغيابك فارغه بلا محتوى.
من فارگة رسمك...هم حزنت اويمك
كل امل ضاع بطفوفي
يمه جسام
اودمك الحنه بچفوفي
يمه جسام
-------------------@@@------------------
شلون اعوفنك يغالي اويمك الحيل
انهدم.
ياجدم يمشي بغيابك ميت وياك
الجدم.
جرحي شگد بي سوالف عجز
يرويهه الألم.
يبقه حزني اعليك يبني لموتي.
واقسم قسم.
اقسم قسم يبتي..لموتي يضل حزني
وبالحزن هم ليك اوفي
يمه جسام
اودمك الحنه بچفوفي
يمه جسام
للشاعر
ابو عبدالله الشمري
✍️
عزيز امه انسحك بالخيل
واجته اخته تلمه بليل
ماخذهه التعب كل حيل ما بيهه
1
من سابع سمه وينظرهه رب الكون
كعدت يم اخوهه ابلايه شوف ام عون
حارت جسم اخوهه اتلمه مدري اشلون
مسحوك اعله طوله وما بقتله امتون
حارت … تجمع ،،،
جسمه ابيا حيل
صاحت … يارب …
طشروو بالخيل
طشروو خيرك اعله الكاع ... وكل حافر اخذله امتاع
من اضلوع اخوي الداست اعليهه
............2............
أجت بس ما اجه وياهه يويلي الحيل
وخطوات الدرب كظتهه عثره بليل
متّربه العبايه وساحكتهه الخيل
كوه اجر نفسها والطريق اطويل
لطمت ،، ونت ..
لحسين اهواي
أوصلّت … وحشه ..
الموته ابلا ماي
توضت زينب بدمعات
اوقرتله الفاتحه لوعات
وصلاة الوحشه صلّتهه بنواعيهه
_3_
من بعد الدواره الدورتهه اهواي
وصلت يم اخوهه الفاكده اجم راي
اجته وجايبه وياهه طاست ماي
تكله اكعد اروي اضماك عوف اضماي
جيتك .. خويه ..
اتكله بعنوان
اكعد … واروي…
الجبد العطشان
جبت الماي إلك يحسين
بس راسك أجيبه امنين
اشربك ماي من النحر تاليهه
==4==
بدت تجمع بخوهه الما بقاله امعين
واول شي تجمعه رادت الضلعين
ما كدرت تلمهن مارديهن زين
ظلت بالأرض تحفر تدور حسين
بلكت … تلكه …
أشويه من المات
حفرت .. شافت ..
ضلعه ولجمات
يصب نحره اعله طوله دموم
وجرح شابك جرح ملجوم
يفز حسين كل ما مدت ايديهه
...............
5
فرشت شيلت امهه ابمصرع المذبوح
وكل ساعه تشد منة جرح مفتوح
واتوخر التراب البل نحر وتنوح
ومن كد ما بجتله منهه طلعت روح
صورت .. زينب ..
تبجيله عيون
خلت ،،، كلشي ..
ينوح اويه ام عون
حزنهه اخته اعله ذبحه اهواي
بكثر ما عطشوه للماي
لذلك بجت الكون ابواجيهه
...............
6
ابسرعه الليله عدة عالعقيله ابساع
ما لحكت تودع حسين خوش اوداع
ولا كدرت تعوفه امطشر اعله الكاع
الوكت من عدهه ضاع بخنصره الي ضاع
خلَصت .. ليلة
حادي المقتول
أدور … خنصر
ضايع بالجول
عليهه ابسرعه طر الانهار
أتعبت بس ما لكتله آثار
ضاع الخنصر وظلت مآسيهه
::::::::::::::::::::::::::::::::::
✍🏻💔 كلمات موسى الخادم
#جديد_محرم_الحرام_
مقطع صوتي من mlahythmallamy
Читать полностью…
نزلة للقاسم عليه السلام
هاشمي ودم حيدر بشرياني
وما ابايع ناصبي وسفياني
........
آنه من صلب الحسن بچّاكم بحرب الجمل
القاسم باول شبابي افتـدي خير العمل
آنه ابواليمّه امامي. مو يزيد ولا هُبَل
ما اطخ للذلّه راسي شامخ بعلو الجبل
بحب ابواليمّه كمل ايماني
وما ابايع ناصبي وسفياني
........
حسين ابن خير البرية. تابع لجدّه النبي
ما يبـايــــع آل اميـة ولا يزيد الناصبي
آنه متربي عله ايده. هوه ديني ومذهبي
اليوم اراويكم قتاله. من يسل سيفه الصبي
والدي بهذا الأمر وصّاني
وما ابايع ناصبي وسفياني
........
القاسم آنه وهذا سيفي. عوض عن سيف الحسن
والـــدي وصّه بوصيته. وآنه ابنه المؤتمن
انصر المظلوم عمي. وهزم اصحاب الفتن
أليمس عمي بأساءة راسه اشلعه امن البدن
إلا آخذ ثاري يا عدواني
وما ابايع ناصبي وسفياني
........
مثل ما گال وتوعّد. للحرب طب مبتسم
القاسم بسيفه غزاها وشردت اشباه الزلم
گام بصفوف آل اميه. يطشّر بسيفه ويلم
الفارس اليوگف گباله. ينذبح لو ينهزم
آنه من بيت النبي عنواني
وما ابايع ناصبي وسفياني
........
عجزوا يلاگـونه كلهم. سوّه بيهم ملحمه
هاشمي وارث شجاعه من علي حامي الحمه
بالغدر گدروا يجوله بني امية المجرمه
صوّبو بالسيف راسه. طاح مخضوب بدِمَه
صاح يا عم فدوه لجلك آني
وما ابايع ناصبي وسفياني
سيد زيد الفحام
____
نزله للرضيع
هـــرش ﮔلبي خــــذاه بيوم فـــارﮔني
حڴي لـــو صحـــت آه يالــــولد يبني
*
خـذاها اهروش ﮔلبي وصاب دلالــي
من يوم الجفـــاني أوليــدي الغالــي
يبـــرالي ردت مــو دمعـــي يبرالــي
أمــل روحي ابجفــاه أسهام صوبني
*
بجفاه أسهام صوبني وذبـح روحي
ومــا يبطل عليه لا دمعـي لا نوحي
يا جــرح اليفـــزز صفـنت اجروحي
كلف جـرح الولد كل ساعه يلچمني
*
يلچمني الولــد وجــروحـه تاذينـي
لان ردتــه تچيــه لتــالـي اسنيــني
سهم فڴــد الولـد طفــه نظر عيني
وعلــى النوح الدهر بجفاك علمني
*
علمنــي الدهــر بجفاك اجــر ونـه
يا مــاي العــذب مــا ينشبــع منه
ييمه اوياك راح انه اﮔطـع الظنه
يمن فرﮔاك يمه ابنار تضـــرمنـي
****
نــار افراﮒ هجـرك مـا اظن تطفه
اذكــر بين اديـه مـــن چنت تغـفه
يريت الصــاب نحرك ينڴطع چفه
لان منك يمــاي العين يحــــرمني
****
يحــرمني يمــاي العـين مـن طرواك
يريته ابنص دليلي سهمــك الصابك
كـــون افد لحــد نندفن انـــه ويــاك
ولحــدك يالولـــد يــا ريته اليضمني
*
الشاعر
موسى البديري