834
Haitham Al-Lami
يجـــاسم عالــــوطيه
بقـــت جثتــــك رميه
*-----*-----*-----*-----*
جــاسم يــا نبــض روحــي وألمها
اطشــرهــــا بعــد عينـــك ولمـــها
ازعـــل عينــي بغيابــك وألـــومها
أذا متصب دمـــع صبــح ومسيه
*-----*-----*-----*-----*
شمعـــات الحــزن أمـــــك وجنـها
يمن فگــدك سلـب روحــي وجنها
لــوّن تهمــل دمــع أنســـن وجنـها
مـــا تشبــه دمـــع عيني الجــــريه
*-----*-----*-----*-----*
يريحه من الحسن دهري نشرها
ورايــات الحزن بعـــدك نشــرها
المدامــع يمّــه عالوجنه نشــرها
مـــا تنشف لحـــد يـــوم المنيــه
*-----*-----*-----*-----*
ييمّـه الونــه هـاك اسمــع لحنـها
بعد عينــك رمـــاح الـهم لحنـها
اچفوفي مــن دمـه الهامه لحنها
مــو حنّـت عـــرس حنّــت منيـه
*-----*-----*-----*-----*
ييمه الــروح مـن بعدك شجـاها
بس النــوح يـا جــاسم شجـاها
كــون بهامتي الصابـك شجـاها
ولا هامــك تخضــب عالــوطيه
*-----*-----*-----*-----*
الشاعر
موسى البديري
ابذمة الله … كافلي وآنه في ذمته
ابذمة الله … عالنهر وآخر چلمته
سامحيني … سامحيني
… … …
عالنهر جف الدمه ابعينه اوجبينه
اومن شفاهه فاضت الچلمه الحنينه
“سامحيني” للخيم واصل ونينه
منه أعرف گّطعوا اشماله اويمينه
جاني صُوته … منكسر خجلان آسف
جاني صُوته … واذكرت عشره ومواقف
يا حنيني … يا حنيني
… … …
عشره حلوه كلها إحساس اومحّنه
منها أفهم صمت اخويه اشلون ونه
أعرف احساسه ولا في اگسه منه
واگع ابصوب النهر وابباله سكنه
ابگلبه حرگه … والنهر ياوسفه بارد
ابگلبه حرگه … والسهم في عينه جامد
نُور عيني … نُور عيني
… … …
صاح يختي العدو يمي قهرني
يشمت ابحالي اوسهم عيني كسرني
والأشد لحسين حاير من نظرني
يرجع اشلون لسُكينه التنتظرني
ابعينه عيني … وگتله سهمي لا تشيله
ابعينه عيني … ومستحي من العقيله
لا تجيني … لا تجيني
… … …
جانه لحسين اوعمود الخيمه ذبه
ماحچه لن الخبر جارح يعذبه
اوسكنه تحسب الوعدها جاب عذبه
ليته ملچ المُوت ينده مُوته چذبه
ابهالعلامه … أعرفت طايح عمدنه
ابهالعلامه … أحضنت بالگوه سكنه
وابونيني … وابونيني
… … …
صُوت اخويه انگطع ماصرت اسمعه
بس خرير الماي مشتد وأتبعه
مُو عذب مجراه يجري هسه دمعه
وابكتر لچفوف رايح لليجمعه
صاح مايه … خذني بچفوفك يساقي
صاح مايه … چم طفل مُحروم باقي !
من معيني … من معيني
… … …
مُحرم ١٤٤٧هـ _ 2025م
إبراهيم حسن الجاسم 🖊️
مــن طحـــت يــم النهـر
تدري شنهي الي انكسر
ظهر الحسين يا أبو فاضل يا أبو فاضل
*
يا ابو فاضل من رحت صوب الشريعه
بقـه أمنـاطــر جيّتـك روح الـوديعــه
شحالــه لمّــن شـــاف چفينــك گطيعه
ضاگـت أبعـين الاخو هــاي الــوسيعه
ناده يا خويه الگمر بيك اشد انه الظهر
صار نصين يا أبو فاضل يا أبو فاضل
*
تــدري يا خــويه شجـره ذيـچ الظهيره
ابطيحتك ظهــره انكسر شيـخ العشيره
ومن رجع للخيمه شفت أبوجهه حيره
چنــه گلــي صرتــي يــا زينــب أسيره
من أجه وهل مدمعه بعينه شفت المشرعه
وبيهه چفين يا أبو فاضل يا أبو فاضل
*
من رجــع للخيمه يــا خــويه وسألته
گتلـــه ويــن الكافـــل وهلّــت دمعته
عينه گالت عـل النهر يا وسفــه عفته
أبصفه جـــوده ورايته وچفينه شفته
شفت يا خويه الِأمرْ بالسهم طافي النظر
ماخذ العين يا أبو فاضل يا أبو فاضل
*
خـويه يــا فگـــد الاخــو يسعــر لهيبه
وابد مــا تشبها كــل محنــه و مصيبـه
حسين صارت روحه من بعدك غريبه
نــاده چنــه منين ابـو فاضـــل أجيبـه
يا نظر عيني وعمّت وي سهم عينك طفت
ناده الحسين يا أبو فاضل يا أبو فاضل
*
شگــد رزايـــا مـــرت بــروح الزچيه
مثــل فگـــدك ابــد مــا مــرت رزيــه
طيحتــك اكبــر مــآسـي الغاضــريـه
حسين داست صدره بعدك الاعوجيه
هذا يا خويه الجره حسين گطعوا منحره
بالميادين يا أبو فاضل يا أبو فاضل
*
الشاعر
موسى البديري
ابيات نعي
****
البارحه بصياط اخيتك حالمه
فزيت وبثوبي نيشان الدمه
منالحلم يحسين باقيلي اثر
وسمع ابضلعك يخويه انكسر
وياك احس چنها الخاتمه
البارحه بصياط اخيتك حالمه
البارحه الحلم چنه صدگ
شفت بخيامنه نار وحرگ
وشفت شايب ابصوطه يطگ
نياشين اصواطهم بانن زرگ
البارحه يستر الله منالحلم
گمر مثلوم غاب ويالنجم
انه الخايفه يحسين واهم
مصيبه وخاف ماتطلع سلم
شفت خيل وعجاجه اسيوف
ورجف گلبي ودخل بي الخوف
وشفت عسكر اميه اصفوف
دگو للحرب خويه ادفوف
احس وياك چنهه الخاتمه
البارحه بصياط اخيتك حالمه
***
خادم خدام الحسين عليه السلام
محمد نعمه السكيني
حوار بين السيده زينب والعباس
هوسات
اعـــرفـــك زيـــن اعـــرفـــك يـاذخــر دنـيـاي
اشـلـون بـخـوف افـكـر وانته تـمـشـي ٱويـاي
سـبـع تــنـــعـــام مـــنـــك يالأخـــو الـــوفّــاي
( عـبـاس افــعـالــك مــشـهــوده )
يـا بـحـر الـكـــرامـــه الـعـالـيـــه اجـــروفـــچ
عـــهـــد لـلـمـــوت آنــــه ٱويـــاچ مـاعــوفــچ
أشَــلْــعِ ٱعــيــونــه والـلـه الــرايـد ايـشـوفـچ
( يـازيـنـب زيـن اتـعـرفـيـنـي )
طلعت ٱمــن الــوطــن بـيـك الامـل مـعــگـود
أنــه امــأمــنــه بوجودك وانتـه راعــي الجود
إشـــمــــا زاد الــعـــدد ادريــك قـــوه اتــــزود
( يـمـوسّـم بـٱوسـام الـغـيـره )
مـعـانـي الـخــوف مـنـچ يــخــتــي شـلـيـهـه
أنـــه الـعــبـاس مـــو كـلـــمـــات واحـچـيـهـه
اسـوي الـجـيـش سـبـحـه وهــيـچ افر بـيـهـه
( ومبخوت اليسلم مـن سيفي )
يــا لـيـث الـحـرب يـا حـــيـــد يـــمـــشــكـــر
يــالــزودك ورثـــتـــه ٱمـن الـفـحـل حـــيـــدر
اخــوي وزيــن اعــرفــك فـــارس وقـــســـور
( ما تخلـف مـن تنطي احچايه )
يـزيــنـب أنـــه اخــوچ ايــوفــي بــوعـــوده
مـــاهـــم الـحـــرب والـجـــيـــش وجــنــوده
اخــلــي الـســيــف يـحـصـد مـثـل حـاصوده
( وبعينچ يختي تشوفيني )
إلــي دگـيـت صـدرك مـن طـلــعـــت ويـــاك
صـافـي الـــدر اعـرفــه الـبـالـــزغـــر غـــذاك
كـلـك زود حــاشـــه اتـخـيّـب الـيـــنـــخـــاك
( يالـبـيـك اتـعـلـك دلالـي )
شنهي الجيش شنهي الخـيـل شنهي اسيوف
اخوچ وبالحرب تدرين زود امچرب ومعروف
لـسـوي الـگـاع حـمـره وعـيـنـچ انتي اتشوف
( مـا يـرحـم سيفي بعدواني )
يــــرفــعــة راس اخــتــك اعــــرف بــــزودك
بـيـك اطـــبـاع حـــمـــزه انـجـمـعـت وعـودك
ويـنـه الـبـي شـجـــاعـه ويـــوصـل احــدودك
( والـيـوصـل يمهه تكص راسـه )
*---------------*---------------*
✍خادم الحسين (ع)
الشاعر رعد الجريخي
نسألكم الدعاء
العباس ع
فائزي
حيدر علي لنه الگمر شُبِّها للناس
بسيف الفُقار المشرعه طب الها عباس
****
من خيمته املثم طلع راعي الكفاله
مو رايه شايلها الگمر شايل رساله
من خيبره رد الوصي يجدد قتاله
حافر مهرته من دبچ خمدت الأنفاس
****
متبختر اتعنه الگمر بسمه ابنظرته
شاف الحرس يم النهر وهزها يمنته
ما يترس الراس العدد مو گد خزرته
بأربعة آلاف البطل حاشه مينقاس
****
من مهْرِته عالشط نزل چن نزل عزريل
عكس الأرض يفتر بده فوگه السمه اتميل
عباس اخذ دور الشمس واتملك الليل
غيّم ابو فاضل غضب ويدخّن الراس
****
جرّد حسامه ويمنِته منها طلع موت
للزلم گاع المشرعه سواها تابوت
يا حيدره صاح وطلع من النخل صوت
حتى الجماد بصحيته ظل يملك احساس
****
مثل اللهب ظل ينتقل ما بين الصفوف
كلشي تعب بس التعب ما لاح الچفوف
الخاطر ابو فاضل تره مخلوقه الطفوف
يعني فرض حدر الجدم هالحومه تنداس
****
كل الجيوش استسلمت وين المفر وين
يم صارمه كظو سره وهوسن الچفين
عاين عليه من الخيم واتبسّم حسين
يا بعد عيني يالگمر إفنيها الارجاس
****
الشاعر اياد الديراوي
#الانصار
ثله مـن خير الرجال
عيدهم سوح القتال
اتحـزمو لجل النزال … أنصار الحسين
©©©©©©©©©
ونعــم مــن زودهـــــم
ياهوه يدنه احدودهم
اتحزمو لجل المنايه وما يخافون
زلزلو ميـــدانهم
والنصر عنوانهم
ابراية حسين بفخر گامو يهوسون
هـوه راية دينهم
قدموله اسنينهم
حسين غالي ولجله يرخص ماي العيون
ثوره صنعو بالدماء
وخلــدتهم كـــربلاء
همه عنــوان الوفاء ... أنصار الحسين
©©©©©©©©©
حسين هوه اختارهم
عنده كل اســــرارهم
احزام صاروله وتجيه وسيف وزنود
ابطفه رفعو راسه
وشـــيمو عبـــاسه
وكسـرو اقماد السيوف وهدو ابزود
ناصـرو محبوبهم
ما تلين اگلــوبهم
گلوب چن زبر الحديد وكلهم احيود
اصدورهم سور الخيام
هـدف صــــارن للسهام
جابو الزينب ســـــــلام ... أنصار الحسين
©©©©©©©©©
وهـب جون وعابس
اهواي عدهم واهس
اتحـــزمو بالغيــــره بالطف ويگولون
احنه نبــــدي الغاره
حسين كلنه انصاره
انمــــوت دونه وما نخليــهم يگربون
وهد حبيب الهيبه
رغم ســنه وشيبه
لجل زينب ضحه روحه وگالها اتهون
خضب اللحيه ابدماء
اويقسم ابرب السماء
مضــو كلهم ســـعداء… أنصار الحسين
©©©©©©©©©©
يا صــفات اگلوبهم
وفو حق محبوبهم
والله لو هيج الوفه لوينگطع دوم
الطف عليهم شاهد
مضو واحـد واحـد
ناذرين ارواحــهم لحسين هاليوم
عاگـدين الرايـه
البالشدد وفـايه
وگفو الوگفه التشرف ردو الگوم
ناصرو روح البتول
نطو شــبان وكهول
بيهم اتباها الرسول… أنصار الحسين
©©©©©©©©
ذوله اهل الشاره
اســيوفهم بتاره
أشــــــدا وبالحـــرايب كلهم اثگال
حسين حظرو يومه
ابســـــاعة الملزومه
وثلث تنعام وگفـو وگفـت اجــبال
من دماء انحورهم
خضــبو عاشورهم
شرفو طف كربلاء ابدمهم السال
واللـــه منهم ونعم
غيره وصرار وعزم
نكسو روس الزلم… أنصار الحسين
©©©©©©©
الخادم
✍كامل السعيدي
بحق انصار الامام الحسين (ع)
يدرون بي دار الوحي دارك
وصدر النبي مستودع اسرارك
ما خلفوا الوعد *** عالبيعة والعهد
يحسين اجتـــــــك تزحف انصـــــارك
* * * * * * * * *
واعدوك و وفوا الكلمة برجوله
ما يخلفون الوعد اهل البطوله
والنعم يحسين اصحابك هذوله
گصدوا الموت و علي و ترجلوله
للموت طلعت صحبك تنادي
نروح فدوة لسلوة الهادي
مولاهم انت وربك اختارك
* * * * * * * * *
تنافسو عالموت ويرفرف علمهم
ما يهمون العده و منيطين دمهم
يشهد التاريخ و يسولف بسمهم
ثبتولك بالحرب مصداق حبهم
كل واحد مضحي واجة يحارب
بسمك نشيده و ما يرد هارب
كلهه تصيح بطفنه نتشارك
* * * * * * * * *
آمنوا بالله و الجنة وِ اجولك
بالشدد و الموت اصحابك وفولك
جيّة الولهان بالشوگ اعتنولك
ضحوا بكلشي وعمرهم رخصولك
صاحوا يغالي كلنة فادينك
قائدنه انته و نتّبع دينك
عدهم درايه وعرفوا اخبارك
* * * * * * * * *
وگفوا اگبال المخيم بالهنادي
رهبوا الموت بعزمهم والاعادي
رفضوا الذلة تصافح للأيادي
لبّوا لداعي الشهادة و المنادي
غيرة و مراجل صفّت ارجالك
بسم الله امضي وصفوة تبرالك
خطوة وي خطوة اتبعوا اثارك
* * * * * * * * *
أربات الحجور التقية و النجيبه
توگف اتخوض الملاحم مو عجيبه
اليحب لازم يضحي وي حبيبه
بالرخاء انصار همه و بالمصيبه
گالوا اجينه و يمك انبايع
تبقى الأمير وصيتك الشايع
احنة بقدومك والله نتبارك
* * * * * * * * *
دگوا اصدور و وفولك بالقضيه
تشهد الحومة وارضهة الغاضريه
زحفوا ازحوف و اجولك للمنيه
ذوله انصار العقيدة الاحمديه
كالولك امر شنهي التريده
بـدم الاعادي نغرك البيده
وجه الله انته التسطع انوارك
* * * * * * * * *
✍ خادم الحسين ع
الشاعر رعد الچريخي
«5» قصيدة نزلة .... في رثاء الأنصار عليهم السلام
تبقه صرختنه. حُسين
احنـه غـايتنـه. حُسين
...................
احنه انصــار الحسين المنتفض
بحبّه هـاي گلـوبنـه تنبض نبض
ما نبـايـع غير شخصه ونعترض
احنه بس حسين عدنه بهالارض
تعـله رايتنه. حُسين
احنه غايتنه. حُسين
..................
ما نبـايــع غيـر شخصه ومانريد
كلمه خل يسمعها من عدنه يزيد
نبقه ويّه حسين ما نصبـح عبيـد
فـدوه هـاي ارواحنه ودم الوريـد
كل عقيدتنه. حُسين
احنه غايتنه. حُسين
.....................
واحــد وسبعيـن احنه الفائـزيـن
يابنـي سفيــان ونتـم خـاسـريـن
احنـه انصـار الامـامـه الثـائـريـن
ما نعوف حسين وحده بلا معين
وحده كلمتنه. حُسين
احنـه غايتنـه. حُسين
....................
احنه عابس نافع وجون وحبيب
وي زهيـر ومسـلم وحـرّ المصيب
والانصـار الـكـل لبواليمّه الحبيب
ما نعـوف حسين ابوالاكبر غريب
هذه فطرتنه. حُسين
احنه غايتنـه. حُسين
....................
احنه شجعان العرب نِعِم الرجال
سيوفنه التّفنيكم بسـوح القتـال
اليـوم نـاخــذ ثارنه بـهـذا النـزال
إلّا نـگـطـع روسـكـم يهل الضلال
ثوره فَزعتنه. حُسين
احنه غايتنـه. حُسين
....................
احنـه انـصــار الحسيـن بـكــربــلاء
نفدي دونه رگابنه ونرخص دمـــاء
هـذا نـهـج حسين نـهـج الأنبيـــــاء
يـنـتـصـر عالسيـف دمّ الشّـهـــــداء
تبقه ثورتنـه. حُسين
احنه غايتنه. حُسين
سيد زيد الفحام
_____
انصار الحسين عليه السلام
....................................
يرجف الكون ...من يصولون
زلــم كلـفه ورفت الهـم رايــه.
بين ادين حسين سبعين آيــه
من يصولون.... من يصولون
.......................................
صدح صوت الاوفياء...وارتفع جف الولاء... وكف عابس والعزم بعيونه .
وكف وكفت شرفاء...بعزمة تشهد كربلاء
خله وي سيفه الرگب مرهونه
برض القتال المرجله تشرح مواقف
يتوكه سيفه ومايذل لو جرحه نازف
زود المراجل .. يفني الجحافل
كل واحد بصولت عزم عالموت زاحف
مايهابون.... من يصولون
..............................
طلگ الدنيه حبيب... راد مرضات المجيب
بطل والغيرة تفور براسه .
صال والموقف رهيب... اسد لو كر مو عجيب
عنده الحسين اغلــه من انفاسه .
من طبع الابطال الهمم تنضح عزيمه
لــو للنتصر.. لــو للـذبح. لا للهزيمه.
فزعوا فوارس... مثل النوارس
حولوا برض المعركه.جن مطر غيمه.
مايرجعون ....من يصولون .
.................................
برز مسلم للقتال.. وارتجز يوم النزال.
هذا سيفي اليوم يشرح زودي .
كشف صدرة بلا جدال ...ياسهم وينك تعال.
والله لحسين انطي كل مجهودي .
كلمن يضحي وينتفض لجل العقيدة .
ياخذ وسام المرجله وكل اليريدة .
بسوح المعارك ...كلمن يشارك .
يوكفله باجر بالحشر سبط الصميده
هذا مضمون ...من يصولون.
.................................
آه ياموقف برير..نافع وجون وزهير.
صولت الفارس تضل مشهودة.
ذوله انصار الامير . اسيوف لو قل النصير.
والزلم يوم الشدد مريودة .
يوم الحرب وكت الشدد مريودة الابطال .
انصار ابو الاكبر وفوا ماهابو اجال
ماردهم الموت... صاحو فرد صوت .
للغـالي منذور النحر في كل الاحوال .
مايخافون ....من يصولون
..................................
ذوله آيات الخشوع... گلوب لبسوا عالدروع.
لجل ابو السجاد هيبه انصاره.
انحنت مكسورة الجموع... شعلوا العشرة شموع.
غضب واحدهم يصب بتارة .
لاذت من الخوف العدة بالذله والعار .
واعتلت رايات النصر بجفوف الانصار .
زود الغياره.... ردد شعارة.
احرار عشنه ومانذل ونموت احرار.
مايذلون ....من يصولون.
................................
✍️ ابو منتظر الحجامي 2025
مقدمة للأنصار عليهم السلام
احجي بالنيابة. كلمة الصحابة
ما نعوفك والله. يا أبا عبد الله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سيدي آنه حبيب ابن مظاهر
بالنيابة احچي عن اهل المنابر
ذوله اصحابك يبوالاكبر جواهر
ما نعوفك سيدي لگطع المناحر
لا حكم بدونك. والله ما نخونك
منهجك تبعناه. يا أبا عبد الله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
راي واحد راينه وخل يسمع ايزيد
لغير شخصك ما نبايع ما نمد ايد
احنه ندري غير حبك كلشي ميفيد
بكربله موقف حسيني انسجل نريد
شما يقل عددنه. نثبت بعهدنه
كلشي لجلك عفناه. يا أبا عبد الله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا جون وهذا عابس هذا نافع
كلها ملهوفه اجت عنك تدافع
يا حُسين وآنه راية بچفي رافع
لجلك نقاتل بلا غايه ومنافع
هذه مو نهاية بكربله البداية
نصرك افتتحناه. يا أبا عبد الله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
طاعتك واجب مثل طاعة نبينه
بيك آمنه يبواليمه ورضينه
شيعتك موقفنه واحد تدري بينه
بس ألك يبن النبي مدّينه ادينه
صحبتك سعاده. نعشك الشهاده
داعيك لبّيناه. يا أبا عبد الله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
احنه انصارك ولا نخشه المنيه
ما يخوفونه بعددهم آل اميه
إلّا نگطع روسهم بالغاضريه
انطِينه رخصه وشوف ياروح الزجيه
بالحرب نذلهم. نِكثر بقتِلِهم
جم شمر ذبحناه. يا أبا عبد الله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
فدوه دمنه لدمك ودم الهواشم
خل يكطعونه ولا سبي الفواطم
ظالم ابن زياد ما نخضعله ظالم
يريد يغرينه بطمع دنياته واهم
بحبك التزمنه. غيره ما يهمنه
بالدمه اشتريناه. يا أبا عبد الله
سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انصارك يبواليمه
كل واحد بالف زلمه
صارو عالخيم لمه..
والعباس حياهم
ــــــــــــــــــــــــــــــــــــــ
شجعان فرسان.. كلهم حميه
سبعين يحسين.. صاحو سويه
وياك ..للموت. يبن الزجيه
يم المخيم هوسو
والغيره شبت بيهم
خارج حدود الطف وصل
يمكن دبچ رجليهم
جاسم يكلهم ياهله
والأكبر ايهنيهم
كالولك يبوالسجاد
نكلبهه الطفوف ارماد
وكفولك بالاستعداد..
والعباس حياهم
ــــــــــــــــــــــــــــــــــــــ
انصار..وارجال.. عدهم بصيره
واوجوه..بالخير..تزهي ومنيره
صاحو..وياك..احنه العشيره
ترباتك احنه ومن تهد
مولاي زامط بينه
لونزلت يمنه الشته
يبقه العشك يجوينه
واحدنه ينعد بالف
شارب الك كضينه
بالضاهر هذن كلمات
لكن بالحقيقه آيات
صالو أعظم الصولات..
والعباس حياهم
ــــــــــــــــــــــــــــــــــــــ
جيناك وانكون..زلم العقيده
نرضي الزهراء..هذا النريده
اليدناك..مولاي..نكطعلك ايده
هاذي عبارات الزلم
فوك الصخر منقوشه
الباوعلك احسين بكره
نكلبهه بيض ارموشه
والحومه صارت بالركب
طول بعرض مفروشه
مثل البسط بالديوان
فرشوهن ركب وابدان
والهم صفك الميدان
..والعباس حياهم
ــــــــــــــــــــــــــــــــــــــ
لخيام..ام عون ..زحفو ضمائر
لن شيخ..الانصار..ابن مضاهر
ناده..تفداج..كل المناحر
اليوم إطمأني وأمني
وارتاحي يالعلويه
حراس احنه اعله الخدر
واحنه زلم حربيه
مادام نشتم الهوه
ماتنوخذ مسبيه
زينب سمعت الانصار
صاحت ياضوه الانضار
بيكم غيرة الفقار..
والعباس حياهم
ــــــــــــــــــــــــــــــــــــــ
بالليل..عالكاع..فرشو عبيهم
تهليل..ترتيل..نسمع دويهم
آيات..نفحات..يطلع حجيهم
هذا اليحد إبصارمه
وذاكه اليجهز اثيابه
وواحد يخظب شيبته
حته الالوف اتهابه
خوان الإحسين ونعم
وانعجنو أمن اترابه
ومن صار الصبح ياناس
واحدهم عله الذل داس
ماتو رافعين الراس..
والعباس حياهم
ــــــــــــــــــــــــــــــــــــــ
كل عام خدام..احنه بعزاهم
فرسان..عاشور..الله اصطفاهم
من فوك..للكاع..نازل ضواهم
ذكراهم ايسر الكلب
نصرو حبيب الزهره
ولوعاشو الهذا الوكت
هم جان نفس الفكره
جا لبسو اجفانه واجو
والمهدي لزمو ضهره
ذوله أمن اطيب الارواح
للمهدي درع واسلاح
صارو للشجاعه اجناح..
والعباس حياهم
محمد الجماسي
كلهم زود كلهم .. حي الله أصلهم
ياهّوهَ المثلهم .. ذول أنصار الحسين
———-
يهنياله المشه وسار أبدربهم
خوش أنصار ماهمهم تعبهم
أبسلمهم وگفوا وخاضوا حربهم
وفوگ أدروعهم لبسوا گلبهم
صاحوا صيحه وحده .. كل ظالم نضده
بالف واحد تِعدَه .. ذوله أنصار الحسين
———-
بسم حيدر تحزم وينه وينه
صاحوا يخسر الما وَفه دِينه
برير وهوس السيف بيمينه
أشحده اليوصل الظنوة نبينه
سيفه اليوم عامر .. حضروها المناحر
نور بهل نواظر .. ذول أنصار الحسين
———
وهب من حملته وزوده وهِبنه
وعرفنه عالشدايد نسحگ أحنه
بعدنه بكل زمن نهتف بعدنه
حسينيون ويرفرف علمنه
أبوهب داير فكرنه .. أبطريقه وعزمه سِرنه
والجابوا نصرنه .. ذول أنصار الحسين
———-
صاروا للوفه كلهم مدارس
أبنهجهم ينجح اللي چان دارس
وأحنه أتخرجينه بهل مجالس
عِشاگ الولي وقائدنه عابس
وبهل حُب بعدنه .. وفايه أبوعدنه
والفزعوا ولِدنه .. ذول أنصار الحسين
———-
زهير أويا نِعم من نذكر أسمه
أحنه بكل نفس عطره نشمه
هذا الينطي كلمه وخوش زلمه
دافع عالحسين وأنطه دمه
أبخطواته الأبيه .. زرع بينه القضيه
هاي الرافضيه .. ذول انصار الحسين
———-
ذكرهم مايموت ويبقى خالد
عليهم كل زمن بالهيبه شاهد
اذا مني دليل أنطيك رايد
أبفعلهم عالسواتر چم مجاهد
الزمن لو عاد نفسه .. يرد ماچان عكسه
عددهم زاد هسه .. ذول أنصار الحسين
———
سيد مرتضى الموسوي
هوسات لمسلم
....................
مسلم بالصبر أثبت جدارة
او بالحكمة استحق وصف السفارة
سفير احسين بالاخلاص موصوف
وبوكت الحرب بان اقتدارة
والشيعة افتخرت بافكاره
............
وحيد او ما خضع وبساحة الميدان
لاصحاب الضلالة او زمرة الشيطان
واصبح بالصبر رمز او شمخ عنوان
وبصبره ايسجل صولاته
............
سفير احسين للكوفة او مضاربها
او راد ابحكمته ايحقق مطالبها
لكن للاسف غدرت مآربها
والفتنة اشتدت بأصحابه
........
من أجل الشرف والدين والاخلاق
او من اجل الولاء ايسود بالآفاق
قبل هاي السفارة او چان مشتاق
لحسين ايضحي ابمجهوده
.................
سفارة دين معروفة ابمواقفها
متساوم ابد كلمن يخالفها
من اجل العدل ترشد معارفها
وتخلد مسلم بافعاله
.....................
نزار حمزة المظفر
مقطع صوتي من mlahythmallamy
Читать полностью…
أريد تشوف عيني أسيوف
تزفك يبني بالحومه
وأثـر حناك مسيل أدمـاك
بالچفين مـــرسومه
أطلبك دين يمـــاي العين
* * *
يجاســم دم أبـــواليمــــه
أيــه بساحــــة المذبـــح
يفسرهه دمــــه المنحـــر
بالطف مـــن يظل يسفح
يبن المجتـــبى بعزمـــك
على أهل الباطل أتسلح
يعريس المنـــايا اليــوم
بالـــدم كلشي يتوضـح
ترف رايات تخط أيات ييمه بدمك اليجري
العهد هاليوم للمظلوم تسجله يا بعد عمري
يسهر أسنين يماي العين
* * *
ييمــــه بـعمــي لتـوصيـن
تهيــــج أبگلبي أحــزانـي
وصيت والــدي أذكــرهـه
بعمــي حسيــن وصـانـي
لدينك گلي ضحي الروح
دينـي حســين وأيمانــي
أحنّي أچفوفــــي هالليله
ييمــه بجـاري شــريانـي
لجـــل عمـي نزف دمي ييمه اليوم أرخصنه
العرس ميدان والعدوان منهم أنـه أتحنه
بدمه الچفين يماي العين
* * *
گبــل لا يمشي للميـدان
گصـد عمـــه أبــواليمــه
نظرله وهملت الدمعات
حسين وللصــدر ضمــه
شـم ريحت محمد بيــه
وعّطر مّن الحسن شمه
حسين أتحّيـــر بمنظــر
تــــزفه للحـــرب أمــــه
تشد عزمه لبـواليمـه تگله ضحي يالغـالي
بعزم حيدر على العسكر جدد صولت الــوالي
على الباغين يماي العين
* * *
برز شبل الحسن والمــوت
أحله مــن العسل عنـــده
يخطف بالجيوش أرواح
مثل حيدر علــي جــده
هناك ولنه صوت يصيح
وصـــل لحسين وتعــده
يعمي أدركني يالمظلوم
جبل وأبن الحسن هده
أعتناه عمـه ولگه دمه تفايض وسفه عالغبره
بگلب محتام يا جسام ناده وخنگته العبره
يگله حسين يماي العين
* * *
عــريس المنايـــا اليــوم
صــوارم مــاضيه تـزفــه
وتنظــر رملــه للعـــريس
تحنه مـن الدمــــه چفـه
شمعاتــك يمــــاي العين
يبني مـــن الدمع تطفـه
يا جرح الترك عاشـــور
وباچر يـــا جرح يشفه
الحسن چنه وبعد عـنه الگمر ما تطع أنواره
بدر عمـرك لون گبرك يلفني أوياك بكتـاره
ويلمنه أثنين يماي العين
****
الشاعر
موسى البديري
للعباس ع
أوگف اعلى المشرعه
من وزن المثلث
شعر..دكتور كاظم المعقلي
♕♕♕♕♕♕♕♕♕
حالف اليوم.. على الگوم.. اسوي الماجره
آنا عباس.. وفا وباس.. اسألوا الگنطره
آنا أول اربعه
أوگف اعلى المشرعه
أگلب الكون..على الكون..وأسوي مجزره
آنا عباس.. وفا وباس.. اسألوا الگنطره
♡♡♡♡♡♡♡♡♡♡♡
انا دربني الصميده وسيفي بيدي
آنا ساحات الحرب والحومه عيدي
انا بس المايفر بالحومه صيدي
يمهم اوگف وارتجز وأقرا بنشيدي
وين الابطال.. والرجال.. اريد المايفر
ارد الاگيه...واراويه..نجوم البالظهر
خلي يسعى اللي سعه
اوگف اعلى المشرعه
ياهو بي زود..اله زنود.. أظل امناطره
آنا عباس..وفا وباس..اسألو الگنطره
πππππππππππππππ
جودي بيدي وواگف ورافعلي رايه
أروي للتاريخ اريد أعظم روايه
هذا نهر العلگمي ويامحله مايه
گبل اخوي أشرب فلا ارضاها هايه
فرّت اعداي..عن الماي.. غصب عنهم فتت
هاي الاصناف.. بالآلاف.. فلا منهم هبت
جيش أميه أگطَعه
أوگف اعلى المشرعه
خل يشوفون..يخبرون.. اليدري المادره
آنا عباس.. وفا وباس..اسألو الگنطره
πππππππππππππππ
آنا اجيت الموت الاگي الموت أريده
أنا اسلاحي المبدأ ودرعي العقيده
اليريد العزه يبذل دم وريده
ايخلي روحه ابراحته ويحملها بيده
وانا من جيت..تعنيت.. اريد الملحمه
اگطع ارگاب.. ولاهاب.. واسوي الطف دما
للي رايد مصرعه
أوگف اعلى المشرعه
خلي التـْفوت..تجي تموت..علي تلزم سره
انا عباس.. وفا وباس.. اسألوا الگنطره
ππππππππππππππ
انا عباس وصدگ عابس عليهم
غاضب ابوجه العدا وما اختشيهم
عيني بيها اسهام اذا تتصدى ليهم
ماكو حاجه ابسيف اداهمهم وأجيهم
حرب العيون..يشوفون..اذا جدحت غضب
بيّه يدرون..اخو ام عون..اشَوّفهم عجب
عزمي حيدر منبعه
أوگف اعلى المشرعه
لمن اتشوف..الصـْفوف..ترد امقهقره
آنا عباس..وفا وباس.. اسألوا الگنطره
ππππππππππππππ
آنا للطف معتني وحامل رساله
بيها ابوي المرتضى انطاني الكفاله
انطي للخوّه مضامين الجلاله
امي وصتني وأنفّذ لا محاله
مضرب أمثال..للاجيال.. وفاء الخوٌه الي
آنا لحسين..علَي دين.. وصيه ومن علي
زودي حيدر مرجعه
اوگف اعلى المشرعه
بيدي بتار..غضب نار.. زلمهم تحـْذَره
آنا عباس..وفا وباس.. اسألوا الگنطره
ππππππππππππππ
آنا عاهدت العقيله او عد عهودي
ينگطع راسه اليمر مره بحدودي
ماتواجهني الزلم يدرونه زودي
الا غفله وبالغدر تگطع زِنودي
كون الازلام.. لها اقدام..عليه تتـْجِه
مو يغدرون.. يخِتلون ..ردت وجه بوجه
وره النخله امجمّعه
اوگف اعلى المشرعه
وطول الايام..هالاقزام.. تظل امعيّره
آنا عباس..وفا وباس.. اسألوا الگنطره
شلون اصبر لا محال. اتمنه كل هذا خيال
اتصيح ياعباس خويه وينك انت يا ابي
شلون ترضاها عليه بعدك انه انسبي
امشي بين اجيوش اميه ويحدي بيه اجنبي
الرايه بعدك ستر صارت سند صارت للعبي
حايره بعدك اصير. وحدي امشي بالمسير
حافيه فوگ الرمال. اتمنه كل هذه خيال
يبو فاضل يوم اجينه گتلي ياخويه وعد
انتي والعيله برگبتي هذا وعدي للابد
اِنكسر ظهر حسين بعدك وحده ماظله سند
لا اخو ظل اليعينه ولا بقه صاحب بعد
انكسر ظهر الولي صاح بويه ياعلي
انظر وعاين الحال. اتمنه كل هذا خيال
انه بعدك يخو زينب بعد ماريده العمر
تدري عكبك يبو فاضل امشي حافي عالجمر
عالمتن خويه ضربني بسوطه يا وسفه الشمر
انه بت فاطمه الزهره يفتخر بيه الخدر
بعدك وبعد الحسين بينه يحدي الحادي وين
بينه ويگود العيال. اتمنه كل هذا خيال
صبر ماظل بعد عندي وانه اشوف القافله
تسري بينه واحنه يسره ابين شمر وحرمله
صحت وينك گمر هاشم يا ابن عقد الوله
خويه ما اكدر اروحن شلون اعوفن كربله
صحت ياخويه تعال. اتمنه كل هذا خيال
قلمي أم حوراء البركاوي
نزال
بجـفوفك نسولف لسه بجفوفك
وبزودك وعزمك صارن اطفوفك
ــــــــــــــــــ
من نـزلـت بطـف اليكـفل الايـه
گلي انطـيت يمه لزينـب احجـايه
سـبع الگـنطره والحـامل الرايـه
صاحـب غيره انته وجود معروفك
بجـفوفك نسولف لسه بجفوفك
وبزودك وعزمك صارن اطفوفك
ــــــــــــــــــ
يوسـف جان عنـده اهدعش خوانه
لحسـين الشـهم بس انتـه ريحـانه
يـاريـحـه بخـور وشـايـل الـوانـه
كمر عدانان ضاوي بكربله انشوفك
بجـفوفك نسولف لسه بجفوفك
وبزودك وعزمك صارن اطفوفك
ــــــــــــــــــ
عالجيـش بخـزرتك تجـدح اعـيونك
والسبـعيـن الف فـنـهم يـلاوونـك
ويله الجيـش لو بس صكت اسنونك
خـيرهـم عـثـر من تـزمخ احروفك
بجـفوفك نسولف لسه بجفوفك
وبزودك وعزمك صارن اطفوفك
ــــــــــــــــــ
كلـت الحـومـه افيـضها بدماياهـم
معركه البسوس بسـيفـك ويـاهـم
شردو تـاه عـدهم حتـى مسراهـم
مرادم صـار بالعسكر من تشـوفك
بجـفوفك نسولف لسه بجفوفك
وبزودك وعزمك صارن اطفوفك
ــــــــــــــــــ
كض الـكاع بـيده وطـقها بالحومـه
ينفـضـهـم نفـض ما تاخـذه الومـه
بـس الـي تـضده تبـقى محرومـه
خـزره وسيـف رتبه الي عالجتوفك
بجـفوفك نسولف لسه بجفوفك
وبزودك وعزمك صارن اطفوفك
ــــــــــــــــــ
الشاعر زيـن العابدين الشمري
طبهه الكمر يم النهر يم النهر
طاح الكمر يم النهر يم النهر
..........١
طبها الشريعه وابجفه رايه
اوصاح انه عباس من الله آيه
اليوم اكلب الكون عدكم درايه
ويه جيش الأشرار تحله المنايه
وين المفر . حيدر حظر . يم النهر
...٢
صارت مذابح يم الشريعه
خلاها طشار حامي الوديعه
ديني ابركبتي لا ما ابيعه
اويوم النصر كون هاليوم اذيعه
محله النصر . موش ابغدر . يم النهر
... ٣
خله العساكر حارت بأمرهه
حاصره الارواح وابسيفه كرهه
جن حيدر اوصال ليها اوزجرهه
اوكلمن يلاكي ايده بترهه
كلمن عبر ابسيفه انشطر يم النهر
.....٤
من يشمر السيف تذبح شمرته
اوكلها اتراجف بس من حزرته
معروفه عباس بالطف صطرته
لجل العقيله يفدي مهجته
ماخذ حذر من الكفر يم النهر
......٥
زامطهم اوصاح وين القياده
متعني هليوم لجل الشهاده
واليعتنيني ياخذ مراده
اورب العلى اختار لجلي السياده
اسمع خبر جائكم سقر يم النهر
.......٦
لئجل العقيده دمي ايتجاره
اوخليت الاعداء كلهم حياره
اوذاك الظهر صار اظلم نهاره
صاحوا يعباس عفنه المعاره
وينه الشمر .فنه اليمر . يم النهر
......٧
من ام البنين عندي وصيه
أبييض وجهها عند الزجيه
كالت يعباس للغاظريه
ناذرتك انه الزينب هديه
انه انتظر تفدي العمر يم النهر
..
٨
اوزينب تناديه والمدمع ايسيل
خافن يذبحوك وادوسك الخيل
اخلافك يعباس يتهدم الحيل
ارجع يبو الجود مو جلجل الليل
احنه بخطر . نربي النظر يم النهر
...٩
ياوسفه غدروك واتغير الحال
اومن اليتامه دمع الحزن سال
طاح الكمر طاح هلغرب اوشال
بعدك يعباس من يحمي العيال
راسه انطبر ظهره انكسر يم النهر
...١٠
من ودعيتك مخنوكه الانفاس
صعبه ابغيابك ابقه يعباس
تتدري اجرالي من شفت الارجاس
يم الشريعه كطعولك الراس
........
كلبي انفطر شفت النحر يم النهر
لخادم أهل البيت وخادمكم
ملا فاضل الشويلي
.............. لحنها موجود....
#تلث دكات... للانصار
للرايد التوفيق بالدنيا و الدين
خل يِتّبِع اخلاق انصار الحسين
........
للرايد الزينات تملي كتابه
وحسين يتلگاه ابهيلة ترابه
نهج الانصار يصير نهجه وخطابه
يوم الحساب الفوز ثقل الموازين
.......
من صالح الاعمال يملي الصحيفه
وخل سيرته ويه الناس تبقى نظيفه
والماله بالطيبات حجته ضعيفه
ما صاروا الانصار لو ما همه طيبين
......
همه الفدوا ارواح وانطوا دماهم
واعيون ابو السجاد سالت وراهم
لليتعض ويريد دربه معاهم
خل يمشي ويه الناس بالمعشر الزين
.......
الرايد عمل مقبول ينفع حياته
خل يرتبط بحسين يحصد نجاته
ومثل الانصار يكون حافظ صلاته
هيه العمود يگول سيد النبيين
......
بالاخره الي يريد صك الشفاعه
مو بس كلام السان تصبح طباعه
خل تآمن اهل الكاع مكره وخداعه
بفعل الانصار يكون مو بس عناوين
.......م
الهم درس مشهود للرايد ادروس
خير الاصحاب وناس طيبين الانفوس
الدين بخطر شافوه وما بخلوا بروس
ماتوا لجل هالدين بس همه باقين
.......
خادم الحسينЧитать полностью…
حسام ناجي الحلي
قصيدة الانصار ع ــ محرم1447 هـ
فِتيَةٌ آمَنوا بِالحُسَينْ
ــ⊱☆☆❀☆☆⊰ــ
زلـم كلفه ودوم شيالت حمـل
لاتچل مــــــن القتال ولاتمــل
ترقب الصعبات تتعده السهل
زلم حيدر ذوله واحــدهم نفل
جاؤُوا بالنّصرِ والفَتحِ المُبِينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ
طب حبيـب وشــــايل ابجفه الوه
چنــه ملك الموت يمحـــيهم نوه
اوياه برير ومســـــلم وفزعو سوه
ابزودهم چم قائد وجيشه انطوه
أشِدَّاءٌ بِوَجْـهِ الكَافِرينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ
حســــــين ما ينباع گالو بالرخص
خبصـو الطف من مراجلهم خبص
خلو الميــــدان بالقتــــــــله يقص
عنهم التاريــــخ ضل يحجي وينص
قَاْلُوا كَلَّا لِدِيْنِ النّاصِبينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ
تحجي عن صولاتهم كل الصحف
بالمواقف حيــــــرو معنى الوصف
ســـيوفهم زلزال بالحومه وعصف
منهم اوجوه المعســـكر تنخطف
أصْبَحوا قُدْوَةً لِلثَائِرينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ
تحزمـو كلهم قبل طرة الفجـــــر
أكبال الحســـين ويتانون الامـــر
صاح عابس فدوه لحسين العمر
ابدمنه نكتب كل عناوين النصــر
كَانُوا سُورَاً لابنِ الطَّيبين
فِتْـيَةٌ آمَنوا بالحُسينْ
ــ⊱☆☆❀☆☆⊰ــ
اذنو بالحومه حي اعله الجـــــهاد
عالنصر قسمو ســـوه برب العباد
الكل فتوحــات النبي همه امتداد
سند لحسين اصبح وكت الشداد
يَا لَهُمْ مِنْ رِجَالٍ صَادِقِين
فِتْـيَةٌ آمَنوا بالحُسينْ
ــ⊱☆☆❀☆☆⊰ــ
✍الخادم
كامل السعيدي
قصيده للانصار .تراثيه.
على لحن .عهد الله عاهدناك.
........................................
يهتف صوت الانصار.
ما...نرجع مهما صار
ميعوف الساعد جفه
للكلفــه ارجال الكلفه
لجـلك يابو الاحرار.
ما. نرجع مهما صار.
.........................................
مانرجع.. وهيهات يمنعنه الخوف.
واحنه الكلايف حزمت بينه اسيوف
يحسين الك منوافي ذرت معروف.
يارحمت الله البيك وجه الله نشوف.
مثلك نقره الايات.
نهتف للذل هيهات.
نتلاوه بجف الشده.
والثائر منهـو ايـرده.
لا للذل . لا للعار.
مانرجع . مهما صار.
.........................................
احنه انخلقنه صفوه للغالي حسين.
مثل الشجر والماي .ما مفترگين.
واليوم يـوم النصر يبن الطيبين.
طبينه وحـزامين الك متحزمين.
انصار وصحنه بصوت.
لا ما يرهبنه الموت.
احزام الموت تحزمنه.
بعيونك رســـــم الجنه.
نسحگ جتف الاخطار.
ما ...نرجع مهما صار.
.........................................
طبع المراجل بالشدد من تنقاس.
تمطر شجاعه وغيره حتى الانفاس.
واليوم اجينه مثل جيت عباس.
بـالرايه وكت الحرب عصبنه الراس.
طبع انصارك معروف.
يتلاوذ منها الخوف.
والحومه تظل حومتنه.
زود اترفرف رايتنه.
ابشر يبن الكرار .
مانرجع مهما صار.
........................................
غايتنه معروفه .ونترجمهه افعال.
بالحومه لـو طبينه .ينزل زلزال.
انت الأمير واحنه درعــك ابطال.
والله الجثث لجلك نخليها اتلال.
يــا ..بسملت القران.
متظل وحدك حيران
يـا من اسمك حررنه
مابين اجفوفك صرنه
نقسم لك بالجبار .
ما نرجع مهما صار.
.........................................
يبن الوصي والقل هو والغايه
يا.. آيه التطهير واعظم آيــــه.
رايتنه رفت نصر وانت الرايه.
يالغالي والگطع النحر وفايه.
رفت زود الاعلام .
تشهد لينه الايام.
غالي وضلك يجمعنه.
ياجيش الي يرجعنه.
واحنه بجفنه البتار.
ما نرجع مهما صار.
.....................................
✍ أبو منتظر الحجامي 2025
نزلة للأنصار عليهم السلام 2023
للموت للموت وقّعنه العهد
للموت للموت. منعوفك ابد
.......
حبك بدمنه سرَه مسره الكُريّات
ما نعوفك لا وحگ رب السماوات
احنه انصارك نخدمك بالمهمّات
ياحُسين المات دونك والله مامات
ونصيح ونصيح. ياحيدر مدد
للموت للموت. منعوفك ابد
.......
عفنه كل الدنيا احنه وتّبعناك
بهيئة الهادي مُحمّد نبي شفناك
احنه ما ردنه يزيد الطاغي ردناك
ما تهمنه الدنيا كلها وكثرت اعداك
ويّاك ويّاك. نوگف بالشدد
للموت للموت. منعوفك ابد
......
ياحُسين انصارك احنه بيدك سيوف
انت بس انطينه رخصة ننزل وشوف
نخلّي كل فرسان امية تزحف زحوف
ما تظل روس برگبها توگع صفوف
شجعان شجعان. ميهمنه العدد
للموت للموت. منعوفك ابد
.......
كربله ارض الشهاده واحنه ثوّار
خل تشوف الدنيا كلها فعل الانصار
إلّا نفني آل اميه وناخذ الثار
نعيش ونموت بولائك كلنه احرار
يحسين يحسين. حبك معتقد
للموت للموت. منعوفك ابد
........
ياحُسين الصوت من يمك نذيعه
لا يزيد ولا عُبيدالله نطيعه
مو بني سفيان احنه وياك شيعه
إلّا ناخذ ثارك وثار الوديعه
انصار انصار. لعيالك سند
للموت للموت. منعوفك ابد
.......
ساعه ونعيش السعادة الأبديّـه
وياك بالجنة يبن حامي الحميه
خل يگطعونه النواصب آل اميه
احله من طعم العسل عدنه المنيه
نفديك نفديك. لو حان الوعد
للموت للموت. منعوفك ابد
سيد زيد الفحام
_____
نزلة للأنصار عليهم السلام
راية الأنصار تنتظرك حبيب
٠٠٠٠٠٠٠٠
يا حبيب ابن مظاهر رايتك
بيد ابواليمه اليتاني جيّتك
حسين ابو السجاد يطلب نصرتك
بالحرب مذخور لحسين الغريب
٠٠٠٠٠٠٠
يالله شيل الرايه يا شيخ الزلم
قائد الأنصار تنطيهم عزم
آل اميه تهاب سيفك يا شهم
واليطيع حسين يربح ما يخيب
٠٠٠٠٠٠٠٠
يالله هزّ الرايه يم باب الخيم
خل تشوفك زينب وكل الحرم
جَمّع الأنصار وهتف بالعَلَم
ما نعوف حسين وحده بلا صحيب
٠٠٠٠٠٠٠٠
قائد الأنصار والرقم الصعب
يالله سلّ السيف ونزل للحرب
تقتدي الانصار بيك ومن تطب
تركض عله الموت مثلك مهيب
٠٠٠٠٠٠٠٠٠
انت والأنصار ما خنتو العهد
صرت للمظلوم بالحومه سند
حجر سجّيل عله عدوانه وأشد
قلّه لكن موقف القلّه عجيب
٠٠٠٠٠٠٠٠٠٠٠
يا حبيب ابدمك الطاهر نلت
منزله ويمّ الحُسين اتخلّدت
باب من ابواب ابواليمه صرت
والمريض اليوكف ابابك يطيب
٠٠٠٠٠٠٠٠٠٠
دفتر الزوار بيدك والقلم
واليزور حسين تكتبله نعم
سجّل الزوار كلها والخَدَم
البعيد هواي واليمّه قريب
سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نزال للانصار
.
.
.
زلزلــوهم .. بنداء ياحسين
قابلــوهم .. بنداء ياحسين
***
يالتجــيدون البواچــي ويالتلطــمون
حسيـن علمـــكم ابد لا ما تــرضخون
رايــة الاســـلام بس انتـــو الترفعون
السان اكبر معتـدي وضـــالم تگصون
نازلـوهم .. بنداء ياحسين
قابلوهم .. بـنداء ياحسين
***
اشــويه انــتو الوادم الغـربه تعـدكم
لچن فنها الكثره اذا وصلت مجدكم
الكره الارضيه لـــون اتصـير ضدكم
مايهمـكم شـي لان المـهــدي عـدكم
قاتلوهم .. بنداء ياحسين
قابلوهم .. بنداء ياحسين
***
امــة الملــيار مــسلم فقــط اعلام
انتو بس الي رفعتو راس الاسلام
صحتو والصيحه ترن ابأذن الايام
يالثـــارات الظلـــوع وثـار الـخيام
عاجلوهم .. بنداء ياحسين
قابلوهم .. بـنـداء ياحسين
***
رافضيه وعــونكم يــالرافضيه
يامن اتحمـــلتو اعــباء القضيه
حيدريه وغصباً اعلـه الخيبريه
يلي اكبر راس دستوه بالوطيه
عاملوهم .. بنـداء ياحسين
قابلوهم .. بنــداء ياحسين
***
يــلي ربتــكم مجــالس ابو اليمه
الكلمه انتو وغيركم ماعنـده كلمه
القدوته العباس فدوه نروح لسمه
بالشدد من يوگف ابوجهـا ويلزمه
عاندوهم .. بنداء ياحسين
قابلـوهم .. بنداء ياحسين
***
العنده ابو السجاد من يكدر يكسره
هــوه الاول يبــقــه مــاواحد يعبره
الراد يتجــاوز حـدوده وحــزم امره
الطالت ايده ايد ابو فاضل تسطره
ناجزوهم .. بنداء ياحسين
قابلوهم .. بنــداء ياحسين
***
حيدر تركي الكربلائي
في حق انصار الحسين (ع)
ذكرهم بالعزيه ٠٠ رضا الزهره الزچیه
ــــــــــــــــــــــــــــــــــــــــــــ
نقـــي النيه ولا رايد مظاهر
طلع يم خيمة الحره مظاهر
سلامــاً ياحبيب ابن مظاهر
اخـــــت عباس ودتله تحيه
ــــــــــــــــــــــــــــــــــــــــــــ
بشر الحضرمي وأسلم وجابر
بلسم للكســـــر صارو وجابر
امن ازورنكم اجي خادم وجابر ( البر)
بِركــــم شفته بر الوالديه
ــــــــــــــــــــــــــــــــــــــــــــ
سليمان او انس واسلم وجبله
دمـع العين مــو منخي وجبله
صارو للخـــــــدم كعبه وجبله
وي حسين مدفـــــنهم سويه
ــــــــــــــــــــــــــــــــــــــــــــ
يگلبي غيرهم بالكــــون مالك
عابس ، جون ، والمغوار مالك
واحـدهم وسـام الشرف مالك
وشّرفهم رضا الزهـــره الزچیه
ــــــــــــــــــــــــــــــــــــــــــــ
زاهــــــر ويه عبد الله وحيان
موش اموات عد ربهم وحيان
هالاسمــــاء بيهم نزل وحيان
وعليهم وقّــع الهادي ووصيه
ــــــــــــــــــــــــــــــــــــــــــــ
وي ريــح اليهب ودّه سلامه
ويعلم ماتصح بالطف سلامه
هو الهـمداني ابن ابي سلامه
رخـــص دمّه لبو اليمه هديه
ــــــــــــــــــــــــــــــــــــــــــــ
حيدر بشار الدراجي
قصيدة ( نموت وياك ) لسان حال الانصار يقولون لأمامهم الحسين عليه السلام
نموت وياك حتى نعيش يحسين
بس ويــاك احنه نعيش مــرتين
كل شي وياك بي روح حتى المـات مذبــوح
مــــــــا مــــــــــــــات
****
اصعـب موتـه بــس ويـاك وبنفــس الوكت سهـله
الصعوبه البيها انته حسين انته الدين وانته اهله
نتخيّر بيــن جنــه ونــار ويـــاك الممـــات احــلــه
نــرخص دونـــك الارواح يمن روحك علينا اغله
فدوه نروح الك يا والد العتره
يا ديــن الالــه ومنهجه وسره
ودونك دمنه مسفــوح حتى المــات مذبــــوح
مــــــــا مــــــــــــــات
****
لــوّن نمــوت الك يحسين مـــو مــره الف مــره
ونــرد نعــيش هــم وياك ودونـــك والله نتــذرى
منعوفك ابد يحسين وحگ ضلع امـــك الــزهره
الخلود المات بس وياك الممات العَز الك عمره
الخلود وياك يا سـر الله والدين
المات وياك عايش هذا يحسين
يا قبله من الجــروح حتى المـــات مذبوح
مــــــــا مــــــــــــــات
****
المــات بكربلائــك هــاي دونــك يا ابــو اليــمه
وفوگ الغبره ظل مطروح تغسل من نزف دمه
هــذا الفــوز يـــا مــولاي وهــايه نعمّة النعمّـه
الموت شگد صعــب لكن دونك مكرمّهَ ورحمه
نضحي ارواح الك يا وارث الهادي
لحد اخــر نفس بس بأسمـك انادي
انته الروح للروح حتى المات مذبوح
مــــــــا مــــــــــــــات
*
اتخــذوه جَمــل هاليــل مــن گلهم ابــو الاكبــر
گالــو يــا ابــو عبدالله العّـنــك يبتعــد يخــســر
محمد انتــه بالميــدان نشوفــك يــا شبل حيدر
گبل نحرك يبو الاحرار نرَخّص سيدي المنحر
مناحــرنا الك يبــن النبــي فـــدوه
هوه العمر دونك كل شي ما يسوه
الا ودمــه مسفـوح حتى المـــات مذبوح
مــــــــا مــــــــــــــات
*
وعــدّ جــدك مناره تصير الك يا سيدي وحضره
وتزورك سيــدي البلــدان يبن الطــاهره الزهره
شعظها احنه بضريحك ذاك يـمْ بابك نشم عطره
يتَخَلد مـنْ يصير ويــاك تــرفعه وترفــع بقـدره
يحسين الخلــود انطيتــه الــرفعه
يبن سر الوجود الطاهره البضعه
بنيت ابدمك اصروح حتى المــات مذبوح
مــــــــا مــــــــــــــات
*
يحسين شكبــر حضنّــه احنـه نصيـر بكتـارك
ونــور البينه يــا مــولاي ماخـذ هيبة انوارك
يمر بينا غــدا مولاي كـل عاشگ گصد زارك
دنيــا واخــره يحسين نفخــر احنــه انصـارك
باچــر بالامــامه تنـــدعي الامه
دنيا واخره احنه ويه ابو اليمه
يمن اسمك على اللوح حتى المات مذبوح
مــــــــا مــــــــــــــات
*
الشاعر موسى البديري
(سيدي يامسلم)
يبن عمي افتقدناك
ولا لحظه نسيـناك
وي حسين ردنـــاك
يمسلم.. يمسلم
~
اليطيح ابضيج يبقه ايدير بعيونه
يتاني اخوانه وكت الشده يلفونــه
يـزيـحــون الكدر عنـه ويسنـدونـه
والمـثلك الهاي الساعه يـردونــــــه
آنــه ام الخدر هاي
اريدك توكف وياي
غيمه وجايب الماي
يمسلم .. يمسلم
~
يبو طاهر ابن عمك عله اونينه
لاناصر بقه لحــسين ويـعيـنـــه
حـــلم واتعود يامـسلم تــمنـينه
ومثل كفالي كونك تكفل اسكينه
تكفلهه أمن الاعيون
تحامي عن الامتون
وإتكوم اليعثـــــرون
يمسلم.. يمسلم
~
عوف الكوفه واگصد كربله ويانه
سمعنه اخبار بيها اهواي خوانـــه
وي عبـاس اريـدك تـــــرفع الوانه
الاخـو مـحـد يسد فيـه ولمچانــه
تعال الناس موناس
تعال وارفــع الراس
اريدك ثــاني عباس
يمسلم. . يمسلم
~
انت الما تقصر ساعــــة الشـــده
اريدك هسه بالطف حيدر اتقلده
تسكت شامتـي والعايـل اتــرده
وبـرگاب الاعادي سيفك تحــــده
حلم عايش بالاعيون
ترد من السفر كـــــون
وتكص چف اليعيلون
يمسلم .. يمسلم
~
يبـــو طاهر اخوتك عالرمل نــــومه
وابو السجــاد وسفه سِلبو اهدومـه
وگطعو خنصره والخاتم ايــــسومه
ظهر عاشر محرم شفت أنه انجومه
ولـو ماتـــــرد هيـهـات
وبعيوني الحچي مات
عشت ساعات مُرات
يمسلم .. يمسلم
~
حيدر بشار الدراجي
1446
حيَّ على النزال
ياقاهر الرجــال
يالتـشبـــه العباس بالهده
ياسيل جارف محد ايرده
مسلم يمسلم
~
يـاسيـل يـــاخذ كلّشي ابدربـه
هذا ابـن ابــــوه المـحـد ايغلّبه
عالسيف عمه المرتضى امدربه
بـــالحومه چان اطّلابته صعبه
عِرج الهواشم لونبض بالهاشمي شيلزمه
ولمن يجرد صارمه عدوانه تسجـــد يمه
وكـان كـالعبـــــاس
يقاتل الارجــــــاس
والهاشمي معروف بالشّده
ياسيل جارف محد ايرده
مسلم يمسلم
~
طـالـع على العبـاس ابـن عمه
الروس الچبيره بالحرب سهمه
هذا الصدگ ينــــــگال اله زلمه
حار ابـو طاهر يـــنــوصف دمه
والكوفه تشهد صولته افنون الحرب شوفهم
ينطيها حقها المعركه خطف البرق يخطفهم
يا اشجع الشجعان
تبارك الرحمـــــــن
والسيف برگاب العده ايحده
ياسيل جـــــارف محد ايرده
مسلم يمسلم
~
ايزلزل الگاع ابطبته للحــومه
عدوانه تعرف صيّته واعلومه
وكت الظهر شوّفهم انــجومه
شمره علي بي لحّد ايــــلومه
رجله ابثکل وزن الجبل والموت الاحمر عينه
عالصعبه داس وغايته ينصر ابسيفه احسينه
صاعقةُ السماء
بسيفهِ الفَنـــاء
اليگبل عليه فوگ الثره ايوسده
ياسيل جــــارف محد ايــــــرده
مسلم يمسلم
~
هوه الطلع من ظهر ابوطالب
يطلع شجاع وبالحرب غالّب
وبالكوفه مسلم سيفه ليحاسب
والعين ماتعلى على الحــــاجب
نعم النسب نعم الحسب والنعم من اجداده
ابطال واليوث الوغه والموت عدهم عاده
واختارهُ الحسين
مدافعاً للديــــــن
ابزوده نصر الاسلام وبجهده
ياسيل جـــــارف محد ايـرده
مسلم يمسلم
~
فوک القصر مثل الجبل طوله
وفرسانـهم بـــالگوه گـــدروله
شتـريـد يــــــــامسلم يگولوله
وبــيـمن افكارك هسه مشغوله
فرصه أخيره انطينه الك واختار انته ابسرعه
هاليوم من فوگ القصر جسمك نوينه انوگعه
فقال بـالانـيـــــن
قلبي مع الحسين
وغير الحسين العاشگ اشعنده
ياسيل جـارف محّد ايـــــــرده
مسلم يمسلم
~
حيدر بشار الدراجي