834
Haitham Al-Lami
طوعه تصيح حيهم مسلم وحيد
يبو فاضل لفت لينه الهواديد
يعباس دخيلك ..
ـــــــــــــــــ
صاحت يا هضيمه وخجلتي بيه
انه حرمه و غريبه شلون احاميه
اخوك بغربه ما ظنك تخليه
ومحد الها غيرك هاي يا حيد
يعباس دخيلك ..
ـــــــــــــــــ
احضرها وأمت الهم يمنصور
وخلّي الكوفه بعدك تصبح اگبور
الاخو بلايا اخوته ظهره مكسور
اي يحزام ظهره اطوي للبيد
يعباس دخيلك ..
ـــــــــــــــــ
يسبع الگنطره افزع ينوماس
ابن عمك وحيد ودارته الناس
يصيح امنين اجيب الكم العباس
وللدنيا مراجل حيدر نعيد
يعباس دخيلك ..
ـــــــــــــــــ
لون وياه انته محد يعيل
وتمطّرون السمه عالكوفه سجيل
للارواح تقبض گبل عزريل
اعرفكم بني هاشم صناديد
يعباس دخيلك ..
ـــــــــــــــــ
ما قصّر اخوك وعندي الحساب
صارلهم الهم علي من صاروا احزاب
مسلم ايد عمه القلعت الباب
بس بلايا اخت ما تنتصر ايد
يعباس دخيلك ..
ـــــــــــــــــ
تولّوه يبو فاضل ناس بالدار
ناس من السطح ترميه بالنار
والمچتف يرد بيش الاحجار
كل البيه حميّه اصبح بعيد
يعباس دخيلك ..
ـــــــــــــــــ
رموه من القصر مچتوف اليدين
وبآخر نفس ناده ضوه العين
سلام الله على زينب والحسين
غير الله ورضاهم كلشي ماريد
يعباس دخيلك ..
#قصائد_ام_البنين_ع
#الليله_الرابعه
اربع كــــواكب وديــت
ومـــقصره ومـا وفيـت
يستاهل ابن الزهره
يستاهل ابن الزهره
__
ربيت انه اربع ولد كلهم خــــدم لحسيني
تحمون زينب والخــــدر وصيتهم يبنيني
ربيتم انه الوفه واشگد سهرت اســـنيني
كل هذا وأنه امقصره لوحتى اشلع عيني
ما اوفي حد گطع الراس
وأنه الكشـــختي ابعباس
يستاهل ابن الزهره
يستاهل ابن الزهره
____
يا ريت وي ذوله الولد اربع بنات لزينًــب
يمها ويخدمنها ويذودن عنها لمن تتعـب
زينب اميره امدلله لخيمها ياهـو اليگرب
عـباس كتله ام الخدر بالك قبــلها تشرب
شربها من ماي العيـــــــن
كلش عزيزه اخت حسين
يستاهل ابن الزهره
يـستاهل ابن الزهره
_
كل ولدي يرحولك نذر يحسين يادلالي
ياغالي دومك عالگلب ماكو بغلاتك غالي
كل فكري يمك منشد يالحاضر انته ابالي
مااوفي حد گطع النحر ياتاج راسي العالي
غير انته روحــي وعيـناي
يالشوفتك تســــوه المـاي
يستاهل ابن الزهره
يستاهل ابن الزهره
____
ماريد تزعل فاطمه وماريد تعتـب باجـر
ربيتكم يمه الوفــــــه انتم ضوه هالناضر
خل فاطمه ترضه علي ماريد كسرة خاطر
لجل الحسين ونصرته عيني ودمعها يساهر
ربيتكــم عالكــــــلــــــفات
انتم كــــــــــفو بالفزعــات
يستاهل ابن الزهره
يستاهل ابن الزهره
____
صح اربعه لكن فده لـجل الحسين الهيبه
مااوفي حگ ام الحسن ماوفي هاي الطيبه
لو انطي عمري والنضـر لو شيبتي خضيبه
ابقه انه دوم امقصره مـــــولاتي يا حـبيبه
لو حتى عـــندي ابنيـــات
واعليهن اتشب خيــــمات
يستاهل ابن الزهره
يستاهل ابن الزهره
____
الخادم المقصر ناجي ابو كيان الصالحي ونسالكم الدعاء لي ولوالدي
يمه حسين واويلاه
يمه حسين واويلاه
ــــــــــــــــــــــــــــــ
اجيت الكربله يحسبن .. اجيتك وأنه محـــنيه
اجيت ايدي على اضلوعي .. يمه وحيل مابيه
اعوفك بالصحاري شلون .. وانت الروح والريه
كون اهنا اضل بالطف.. وابنيلي حسينيه
يمه حسين واويلاه
يمه حسين واويلاه
ــــــــــــــــــــــــــــــ
ييمه امن الگفه مذبوح .. ونحرك ظل يفيض ادماه
اجيت أنه بظلام اليل .. اصبعك يمه ويـن الــــگـاه
بقيت امحيره يحسين .. ويـسندني الحــــزن والآه
اظل اوي الجسد يحسين.. راسك من يروح اويـاه
يمه حسين واويلاه
يمه حسين واويلاه
ــــــــــــــــــــــــــــــ
ليش اعلى الوجه مگلوب .. ومطبور اثنعش طبره
نايم عالرمل يحسين .. وتـچـــوي اضلوعك الغبره
وسفه الماي شح اعليك .. وماحــــصلت ولا گطره
يايمه وجر اعليك .. الف شـوغـه والـــف حــــسره
يمه حسين واويلاه
يمه حسين واويلاه
ــــــــــــــــــــــــــــــ
ماضل كتر سالم بيك .. چـنـك مـــاي متـــبدي
بيك الف وتسعميه جـــــــروح تسيل وتنـــدي
مصابك هيج احزاني .. وذكرني ابسطر خـــدي
شلون اتحملت يحسين .. يمن يومك مرد چبدي
يمه حسين واويلاه
يمه حسين واويلاه
ــــــــــــــــــــــــــــــ
خلني اوياك اظل يحسين .. شلون آنه ابتعد عنك
واتوسد ابكترك ريت .. ومــــن نـحــرك اشمـــــنك
اخلي ايدي حدر جسمك .. على امصابك اعيننك
لا اگـدر اظـل يـمــــــك.. ولا اگـــــــدر اعوفــــــنك
يمه حسين واويلاه
يمه حسين واويلاه
ــــــــــــــــــــــــــــــ
حيدر بشار الدراجي
بين العليله وام البنين
من وزن الشيعتي
شعر .دكتور كاظم المعقلي
**
حسره من كلب العليله
ياالهي شــگد ثكيله
بيها آهات وعتاب
بيها لليسأل جواب
ياا الهي اشگد ثگيله
*****
من جفو للموت اهلها وعندي ظلت بالمدينه
آنا وياها انتباچه وساعه مايوگف نعينه
اتگلي ياجده اهلي راحو وانا عافوني رهينه
كون اريد احد وراهم وينه اليوديني وينه
جده اريد حسين اريده
ماانام الا اعلى ايده
عايشه اخلافه ابعذاب
بيها لليسأل جواب
ياا الهي اشگد ثگيله
*****
طفلة حسين ابألمها هيجت بيه المصيبه
تطلب بكل ساعه ابوها ..حسين ابوها منين اجيبه
چن أحس يسعر گلبها وعلمشو زايد لهيبه
بيش اقنعها اشبديه ..بين ادي وتحس غريبه
ابد مايغمض جفنها
علحزن ارست سفنها
عايشه ابنار المصاب
وبيها لليسأل جواب
ياا الهي اشگد ثگيله
*****
جده ياجده العليله .. آنا هم مثلج مصابي
عايشه ابنار المصيبه وللحزن فاتحته بابي
هم ابوج وهم اخوته الاربعه الراحو شبابي
ادري ميرد والي منهم عيني مهما اتظل ترابي
جده مو بالهينه همهم
منهو اليودينه يمهم
وينه اليوصل الخطاب
وبيها لليسأل جواب
ياا الهي اشگد ثگيله
*****
جده چان حسين ابويه..ايحطني باحضانه النديه
وچن احس الدنيا كلها انشالت وحطت بديه
مره يشبگني بحنانه ومره يشبگها الرقيه
واحلى نومه ابحضن ابونا جده نومتنا الهنيه
خله عندي حسين عاده
لجلي ذرعانه الوساده
صارت امنيّه وسراب
وبيها لليسأل جواب
ياا الهي اشگد ثگيله
*****
ادري ياجده ابمَحَنته وزين اعرفه حسيني آنا
مالي دنيانه بوجوده وكلنا غاطينه ابحنانه
ودّعج عندي وكفلتج ..وانت من احسين امانه
هذا حضني ونامي عندي هذا بي عمج مجانه
نامي يبنيتي العزيزه
وشلّ ابجفنج نزيزه
زادج الهم والشراب
وبيها لليسأل جواب
ياا الهي اشگد ثگيله
*****
جده ياام البنين الاربعه الراحو سويه
عفتي مأساتج يجده ابولدج وممتحنه بيه
صورة حسين وعمامي واخوِتي تحومي عليه طيره كون اصبح يجده وارتحل للغاضريه
همج اكثر من همومي
وروحج اعليهم تحومي
الله عونج علغياب
وبيها لليسأل جواب
ياا الهي اشگد ثگيله
*****
جده طارش مايصحلج بيده اريد ارسل رساله. .
ارد اعاتب بيها ابونا ايعوف العْليله اشجراله
ارد اودّي اعتابي الهم اخوِتي بلهفه وجلاله
كلهم ايعوفوني كلهم وانا اظل ابأرده حاله
خَطي بالدمعات اودي
كونه بس طارش يعدّي
وينه اليْوَصْل الكتاب
وبيها لليسأل جواب
ياا الهي اشگد ثگيله
*****
جينه ننشد كــــــــربله وأم البنين
شسوه بيها فگد الحسين الحنين
واه حسيناه واه حسيناه
$$$
جينه ننشد غابو اعليها الاهـــــل
الجفن مــــــن الدمــــــع كلش ذبل
وصـــــلت الاخبار الحسين انچتل
ليش من ولدي ولا واحــــد سأل
اليوم حزني بعد الحسين اكتمل
ساعدوها بدمع واحچو المستهل
عايشه عالدمع بعدك والونين
$$$
هــي كــــل تفكيرها يــــرد بسلام
گامت وفرشت ورد درب الخیام
هي غير حسين ما تملك كـــــــلام
بالها مــــــو بالــــــولد يــــم الامام
الينتظر مـــــا تغفه عينه ولا تنام
حزني انه اعليك ابد ما بي ختام
تدري بيه الدمع ما خلالي عين
$$$
جينه ننشد والسفر كلش خطــــر
انه بعدك بالخيم مـــــا استقـــــر
تدري بيه حسين يذبحني الهجــــر
انه اخاف عليك مــــن حـــــر الظهر
وخاف خيل وتسحگ ضلوع الصدر
وخــــــــاف راسك ينرفع بيد الشمر
يا سنين التبقه بعدك يا سنين
$$$
جينه ننشد كــــــــربله عن الكفيل
مثل سعفه الحره عالناگـــــــه وتميل
والسلاسل گیـــــــدت چــــــف العلیل
بالخرابه اطفــــال الحسين وعويل
الدمـــــع بعيوني بعـــــدك ظل يعيل
انـــــه غير الدمع مـــــــا املك بديل
انه بعدك عمري يخلص بالونين
$$$
جينه ننشد وصل ناعــــي الفاجعه
گـــــــــــال ياهــــــي گتله ام الاربعه
يحچي وياي ونزل كـــــــــل مدمعه
گــــــــــال ابو فاضل چفوفه مگطعه
حسين ابنـــــــچ کلــــها یمه مجمعه
حسين مـــــا يتسولف ابدن مصرعه
خاف احچیلچ وما تتحملین
$$$
علي جبار الكعبي
الفاتحه لوالدي
ليلة ام البنين ع
…….
لمتهم و كامت تحاجيهم
بحسين وبزينب توصيهم
لا لا تقصرون .. واجب تضحون
……
حاجتهم بواهس ذبح وجان الدمع ينزل دم
جعفر وعثمان انصتو عبدالله اريدك تعلم
هذا الخبر عن النبي صلى عليه وسلم
السار اويه قافلة الوحي والشارك حسين الهم
فاز و حصل حب فاطمه والما ركب يتندم
هاذي وصية علي يولادي
ترحون فدون لضنوة الهادي
بلدم توقعون .. واجب تضحون
……….
فصلت شيلته علگ و بزنودهم شدت حيل
وبعيونهم دارت ضوه ومنهم خذت سهر الليل
واتشابكو صدر بصدر للطم ولسحك الخيل
وبعيونهم لاح الدمع ظلمه وطلع نجم اسهيل
وانفاسهم جانت عطر اطيب بعد من الهيل
ولدي واريدن بيكم اتباهه
والدنيا تشهد جازو ارباهه
يا كحل العيون .. واجب تضحون
………..
دارت وجهه اعلى الكمر واعيونه اتسولف ماي
بيك الامل وانت الامل رب العلم و الوفاي
عينك اريد اعلى الضعن ولزينب اتصير افياي
وابيمنتك شيل اللوه و صير الدرع و الحماي
وقدملي لحسين العذر ما خلفت لجله هواي
يعذرني اريدن كون ابو اليمه
و الزهره تعذرني ردت امه
بلعز تموتون … واجب تضحون
……….
سولفلي عودك لو طحت زينب تظل بحيره
ومكيده بحبل الهظم ديره التذبه لديره
وحسين يبجيك ابدمه وايصيح يابو الغيره
وينكسر ظهره بطيحتك والنضر وين ايديره
والضعن ما يرجع بعد تحجيلي هيج الخيره
بحبل الصبر متكيده جفوفي
و دم و ذبح لو مرت اطيوفي
وصار اظلم الكون .. واجب تضحون
………..
لا انه عدلة ولامتت والصخر يبجي اويايه
اعلى حسين ما يهده الكلب والعقل تايه رايه
ولزينب ايهل الدمع من ظلت ابلا رايه
وعباس كطعو يمنته فوك الفرات ومايه
بس ما اذل من القدر يبقى الحسين الغايه
لحسين منذور العمر فدوه
ويستاهل افديله الصدك يسوه
باجر تشهدون .. واجب تضحون
……….
لمتهم و كامت تحاجيهم
بحسين وبزينب توصيهم
لا لا تقصرون .. واجب تضحون
…………
الشاعر احمد العقابي الحياوي
#جديد_محرم_الحرام_
المستهل..
زينب امانه برگبتك يبني يعباس
اهناك انته واخوتك صيرو الهه حراس
كون الحمل طاح..لتكضكم ارماح
يبني يعباس
&&&&&&%%
نص1..
يمه ضحي اچفوفك وعينك لجلهه
ولو شمس طلعت اريد اتضلل الهه
لو شفت يمه خطر بالطف وصلهه
خل اجل روحك گبل لحظة اجلهه
اسمع كلامي وفسر واخذ المضامين
ازعل ييمه لو شفتكم جيتو عدلين
كون الاجل لآح..لتكضكم ارماح
يبني يعباس
&&&&&&
يمه اريدك انته هيبتهه وعلمهه
وانته زلمتهه اذا رادت زلمهه
لو تريد الماي اريدك تفتهمهه
تسحل الشاطي وتجيبه يم خيمهه
ياصگر بيده وما تحط اله اعله صيده
اليوصل الزينب كون يرجع راسه بيده
حته انا ارتاح..لتكضكم ارماح
يبني يعباس
&&&&&&
گلهه عدعيناچ يمه وكض اديهه
گلهه زينب اي بشر ميمر عليهه
هاي اخيتي وراح احطّن روحي بيهه
يمه لتخافين عباسچ وليهه
انا ابن ابوي وگلي ابوي ابهالوصيه
ما اهد زينب اله مگطوعات اديه
كون العمر راح..لتكضكم ارماح
يبني يعباس
&&&&&&
يمه اريد الجيش يحسب من تنازل
واليشردون اكثر امن اللي تقاتل
والحسين ايصيح حي الله ابوفاضل
انت طلسم سيفك آيات القلاقل
انت طلسم فاطمه وسبع المثاني
الله مثلك ماخلق عباس ثاني
لتهمكم ارواح..لتكظكم ارماح
يبني يعباس
&&&&&&
گلهه يمه وداعتچ راح انا اطبهه
اله اخلي كربله اتحير برگبهه
اله احط للعالم افنون ابحربهه
لو شفت زينب بشر بالطف گربهه
اله اخبطهه الكتايب بلكتايب
وابقه اعوف الغربه واختارالگرايب
عطر الفخر فاح..لتكضكم ارماح
يبني يعباس
&&&&&&
كلمات مهندالعطواني
طور ثاني لقصيدة :
( كربلا ياكربلا )
ملا هيثم اللامي
ليلة 4محرم الحرام (أربع ولد هديه)
أربـع ولد هــديــه.
من خادمه وبدويـه
فدوه العمر وأولادي بدمعي أكتبت ميعـادي
اربع ولـد هـديه
ــــــــــــــــــــــــــــــــــــــــــــــــــــــــــــــ
أم البنين ودمعتي تغرك أسـفوح العالي
لمن مشه ضعنه ورحل أبني الحبيب الغالي
وحدي صفيت بهل حزن روحي صفت تنعالي
أربع ولد كلهم فدوه وسالم يريت الوالي
سالم يـــرد الـبيــــتي
حسين الصبح عافيتي
كلبي نمرد وفوادي بدمعي أكتبت ميـعادي
أربـع ولد. هديه
ـــــــــــــــــــــــــــــــــــــــــــــــــــــــ
كلبي نمرد يافركته ياجرح ذييج الفركه
روحي بهجر أبني تره خيمة وصفت محتركه
أنحب وأنوح بدمعتي والشهكه مره الشهكه
بطيف لحلم ريته يمر وأشتم عطرها الشبكه
حــتى بحلم فــاركني
حسـين المـشه وعذبني
يبني النبي والهادي بدمعي أكتبت ميعادي
أربع ولد هـديــه
ــــــــــــــــــــــــــــــــــــــــــــــــــــــــ
أحوالي من بعد المشه مو زينه والله أحوالي
ماهمني فكد الاربعه وحسين شاغل بالي
من المسه الحد الفجر غيمه دمع تبـرالي
صعبه الحياه بغيبته شلون الطعم يحلاالي
سوده الحياة أبدونه
حسين وجمال اعيونه
والساني بسـمه ينادي بدمعي أكتبت ميعادي
أربع ولد هـديه
ــــــــــــــــــــــــــــــــــــــــــــــــــــــــ
يايمه الوطال الهجر وبيكم تطول العوده
لا تسأل الروح أشبكه روحي صفت ممروده
كلشي ينوح الونتي والدمعه الي مشهوده
يمــته ترد من البعد. بطور الحزن مكيوده
بطور الحزن انعالك
يالمـاترد شـحوالك
فكدك تره موعادي بدمعي أكتبت ميعادي
أربع ولد هديه
ــــــــــــــــــــــــــــــــــــــــــــــــــــــــ
ماكو خبر لن الخبر حين الوصل الدياره
ناعي السلف المن دخل ضليت أنه المحتاره
ياأهل يثرب لا لكم ناده بدمـع مداراره
مكطوع نحره.ومنذبح حسين هاي اخباره
يمه أركظت وصلـته
وعن المشــــه سألته
مكطوع نحره ينادي بدمعي أكتبت ميعادي
أربـع ولد هـديه
ــــــــــــــــــــــــــــــــــــــــــــــــــــ
الشاعر الحسيني
مرتضى مكطوف الموالي
ليلة ام البنين ع
عضيمه وعالمه وتحبج فاطمه
يم البنين يم البنين
ــــــــــــــــــــــــــــــــــــــــــــــــــــــــــــــــــــــ
بيش اوصفنج حرت شحجي عن شخصيتج
وانتي جبريل الـــــــــوحي جان خادم بيتج
ماكو بالدنيه مــــــره توصـــــــل القدسيتج
حبج ال النبي هــــــــــوه رافــــــــــع صيتج
ينجمه وبالسمه وتحبج فاطمه
يم البنين يم البنين
ــــــــــــــــــــــــــــــــــــــــــــــــــــــــــــــــــــــ
فاطمه انتي وفاطمه خلتج نـــص عينها
لئن ضحـــيتي بزلم فده العين احسينها
اسمج انت طب عرب احروحنه داوينها
الماكو حـــــــــــل لها ابد انتي التحلينها
اميره وحاكمه وتحبج فاطمه
يم البنين يم البنين
ــــــــــــــــــــــــــــــــــــــــــــــــــــــــــــــــــــــ
انتي لنتي اعظم شرف من خدمتي الزهره
الله عـــــــــــاجن طينتج بنور ال العتره
انتي قـــــــــــرآن الوفه الماقراج انعذره
المايـــــــــوقر حضرتج علي بجفه يسطره
عشك حامي الحمه وتحبج فاطمه
ام البنين ام البنين
ــــــــــــــــــــــــــــــــــــــــــــــــــــــــــــــــــــــ
يمج الكــــــون انحنه شكرا التضحيتج
بت عـــــــرب ومعدله ونعم من تربينج
حسين تشمي هوه حسين كل عافيتج
لهسه ضـــــــــلت قائمه للضعن تعزيتج
ودمعتج من دمه وتحبج فاطمه
يم البنين يم البنين
ــــــــــــــــــــــــــــــــــــــــــــــــــــــــــــــــــــــ
كربله يـــــــاكربله تمــــــشي وي انفاسج
حسين بس هوه صدك عايش ابحساسج
ولدج بطف كربله بفــــــــخر رفعو راسج
شيم حسين الـــــــــوفي ياهلا بعباسج
اسم ما اعظمه وتحبج فاطمه
يم البنين يم البنين
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
شرط ام البنين
من وزن التجليبه
شعر..دكتور كاظم جاسب المعقلي
ـ&&&&&&&&&
اترجاك...يابو اليمه
. يابو اليمه اترجاك
نخوه انخاك... يابو اليمه
يابو اليمه نخوه انخاك
فاطم ماريد اتسميني
تاذي الحسنين وتاذيني
شرطي اوياك...اخدم ولدك
اخدم ولدك شرطي اوياك
&&&&&&&&&
انا اببيتك اجيت وتعثر اجدامي
مكان الزهره عالي وبالمجد سامي
الك خدامه اجيت اشواگي جدامي
اريدن خادمه تسميني ليمامي
اطلب هاي ...منك حيدر
منك حيدر اطلب هاي
ردت الراي ...منك حيدر
منك حيدر ردت الراي
لو تندب اسمي اتبچيني
تاذي الحسنين وتاذيني
شرطي اوياك...اخدم ولدك
اخدم ولدك شرطي اوياك
&&&&&&&&&&&&
شرف واعظم شرف آنا اخدم اببيتك
والاعظم لو صرت آنا امها ذريتك
اربّي اهل المجد واتنومس بصيتك
علم تبقى بحياتي وانا ساريتك
يمكم جيت ... اخدم عدكم
اخدم عدكم يمكم جيت
اهل البيت ... اخدم عدكم
اخدم عدكم اهل البيت
عذرا لا بسمي تناديني
تاذي الحسنين وتاذيني
شرطي اوياك...اخدم ولدك
اخدم ولدك شرطي اوياك
&&&&&&&&&&&
حلم شفته وشغل معنى الحلم بالي
وتفسر والقدر حققلي أمالي
صرت نجمه.. الگمر ونجومه تبرالي
اهل بيت النبوه اتصبّح اعيالي
للحسنين ... انذر روحي
انذر روحي للحسنين
اوفي الدين ...انذر روحي
انذر روحي واوفي الدين
دمعات الزهره ابنص عيني
تاذي الحسنين وتاذيني
شرطي اوياك...اخدم ولدك
اخدم ولدك شرطي اوياك
&&&&&&&&&&&
علي اعذرني صفت دار ام حسن داري
ثريا الزهره وانا امن الثرى الذاري
انا حسين وحسن كل همي واصراري
اقدملهم دمعتي وهمي واعذاري
دمعي يسيل ... لو اصد ليهم
لو اصد ليهم دمعي يسيل
آه وويل .... لو اصد ليهم
لو اصد ليهم آه وويل
ليهم آهاتي اتغطيني
تاذي الحسنين وتاذيني
شرطي اوياك...اخدم ولدك
اخدم ولدك شرطي اوياك
&&&&&&&&&&&
غدت يابو الحسن تتگاطر ادموعي
اصد بابك واحس تتكسر اضلوعي
مصيبة فاطمه التتسبب بلوعي
تغير لوني ليها وينگلب نوعي
چنها وياي ... بضعة طه
بضعة طه چنها وياي
ليها ابچاي. بضعة طه
بضعة طه ليها ابجاي
وبزينب جنها اتوصيني
تاذي الحسنين وتاذيني
شرطي اوياك...اخدم ولدك
اخدم ولدك شرطي اوياك
&&&&&&&&&&&
انا اببيت الوحي وبيت العرش روحي
اصد لزينبي وتتجدد اجروحي
حسن وحسين اصدهم واجهش بنوحي
يعاندني الصبر تتهدم اصروحي
يم الباب... الزم ضلعي
الزم ضلعي يم الباب
ليش انعاب ..الزم ضلعي
الزم ضلعي ليش انعاب
ياباب اهمومك تچويني
تاذي الحسنين وتاذيني
شرطي اوياك...اخدم ولدك
اخدم ولدك شرطي اوياك
&&&&&&&&&&&
ل.فاطمه العليلة ع
ياملگه يجبر خاطري...... ملگاك يالغالي
ينشال الا بشوفتك........ فرگاك من بالي
روحي بثيابك تشم
يمتى ترجعلي حلم
ولگاك يالغالي
@@@@@@@@@@@@@@@@@@
احفرت بالعين بير ودمعه ماتطلع
گمت ابچي سوالف والشمس تسمع
الطيور وگاع ربك والشمس تدمع
تَرَجع روحي مر فرگاك ماتجرع
يسطرني ابعيني الوكت..... ظل يعصر بحيلي
شاب الجلد من القهر..... سهرته انه ليلي
وني يبچيله النجم
@@@@@@@@@@@@@@@@@@@
بحسرة فرگتك مخنوگه يالغالي
اغمض فرگه وافتح شوگ يبرالي
يطير من الهوى ونسماته ظل حالي
وعلى طاري الهوء عطاب ودالي
وختي رقية مسلبه.... وعبدالله مذبوح
زينب تدور علگمر.... علمشرعه مطروح
عينه طفوها بسهم
@@@@@@@@@@@@@@@@@@@
اجاني الشوگ بس حسين ماجاني
برمش العين املش وكتي خلاني
تسليت وي حزني وحيل سلاني
يغيض خدري بالي وين وداني
بالطف وشوفن مصرعك..... ومن القفى يحزون
بالشام راسك بالطشت...... وبشفتك يضربون
زينب بعيالك تلم
@@@@@@@@@@@@@@@@@@
تعال؛ ولا تجي بس كونك براحه
وضعنكم ضاوي ماطفوله مصباحه
ولو بغيابكم گلبي صبح واحه
نقفل بابه وفقط ملگاك مفتاحه
بالغربه ودياري عشت.... انته الوطن وين
ضاوي مثل وجه الصبح... يالغالي يحسين
ترجع هذا اكبر وهم
@@@@@@@@@@@@@@@@@@@
عگب شبگت رقية افراگ مااشبگ
اتلهه بسنيني وبيها اظل احرگ
تگطع نفسي هيچ العبرة من تخنگ
راح اطبگ احلامي جفوني مااطبگ
الصفنه تحرگ اي حلم..... وتگلي اوهام
ردت افرح بجيت العرس... وينك يجسام
حزني كفالي ورهم
@@@@@@@@@@@@@@@@@@@
تجي ابالي صوركم حيل توجعني
يچويني الجمر واتمنى يحرگني
ومثل اختي رقية الطشت يكتلني
والحادي اريده بسوطه يضربني
درب اليسر اهون علي... من دگت الباب
لعبدالله مشتاگه واحن... جا وين الاحباب
منكم لا محد سلم
حبيب العطواني
احـتار المعـسكر طـب ليـها الأكـبر
&&&&&&&&&&&&&&&
أشبه الناس برسول الله نزل بالواقعه
غصبا أعله الجيش غصبا يوكف أهله المشرعه
شاف كل الجيش نسوه والنساء امركعه
والي يوصل للخيم عالكاع شاله ويركعه
جنها ردت للامس
تكدر تلوح الشمس
شلت غيره يسيد الغيره
انت وحدك مستعد
وانت وحدك من تهد
حيره وانت تحير الحيره
جيش وتحير طب ليها الأكبر
&&&&&&&&&&&&
ما يهمه شكد عددهم طب عليهم بالوغه
ما شفت زلم ويبارز كاع طفي فارغه
طلع من بين العساكر جنه شمس وبازغه
بخطة حروب المنايه هو صاير نابغه
اله اجيب بجفي ماي
جيش خليته وراي
ياهو يكدر يجي بتوصيفك
ترعب جيوش العده
وانت جيش الوحده
بكيفك انت تسؤي بكيفك
الله اكبر طب ليها الاكبر
&&&&&&&&&&&
يغلب جيوش وعساكر وابد لا ما ينغلب
اختصاصه بالمعارك واختصاصه بكل حرب
يكسر خشوم اليضده علي الاكبر من يطب
الشافه من بعيد يشرد زارع الخوف ورعب
خانك انفاس الهوه
شايل بجفه لوه
بخزره منك تموت خصومك
اسكي طفك بالدمه
وصيح ثار الفاطمه
تبقه وحدك جبيره علومك
بكيفه وتبختر طب ليها الأكبر
&&&&&&&&&&&
طب عليهم ك الغضنفر ع الدره والما دره
يكلب المشرعه بيده الميمنه ع الميسره
هاي مو دنيا احنه بيها هذا يوم الاخره
علي الاكبر رد لزمهم والسره يتبع سره
شردت خيول وزلم
كفو والله والنعم
وانت فارس على الخياله
فارض اعليهم فرض
الزلمه بيكم يعترض
الجيش كله يصير اوشاله
كلشي تغير طب ليها الأكبر
&&&&&&&&&&&
نازل اعليهم قيامه وجن اجه يوم الحساب
خلي يفتحها جهنم خلي يفتح مية باب
الجيش صح سبعين ألف بس انه حسيته سراب
خلي اكلبها عليهم دامني بعمر الشباب
بيدي صارت كربله
اليوم اسؤي الزلزله
راح ابيض وجه لحسيني
من علي جدي المدد
وأنه كامل بالعدد
الزلمه بيكم يجي يحاجيني
بالحومه اشر طب ليها الأكبر
&&&&&&&&&&&
مؤمل هاني القريشي
#جديد_محرم_الحرام_
#قصائد_الخدمه_والخدام
لا تلومونـي ابچي خــلونـي ناذر اعيــوني للحســـين للغالي
___*
عايش حســـين ابضميري ومااعوف حسيني
اعمــــه وحـــسين ابطـــريقه هـــوه المدليني
اعطش وشوفـت حبــــــيبي هـــيه الترويني
ديني ابو السجاد عمــــي وما اعوفن دينـــي
عايش ابـخيره مااحب غيــره نضرته اچبيره ساكـن ابدلالي
___*
حسين ابوي وامي هوه واغله من كل ناسي
افتخر كل عـــــمري خادم وابقه رافع راسي
انفاسي بس جو المجالس ماتعيش انفاسـي
لبو اليمه ملك كلهــــــن اصـــبحـن احواسي
مصـدر الهامي سيدي الضـامي نـاذر ايـــامي خدمته تحلالي
___*
المهدي والزهره الزچيه المجلس ايحـضرونه
المهدي من دم لبو الاكبر تبچي ويلي اعيونه
المســـتهل لو قــــره الــمله بالدمــــع يقرونه
حاضرين ابكــل عزيــــه المجــلس ايشدونه
حاضره فاطــم هيـــه والقائم هل عـزه دايم اول وللتــــالي
___*
يالتساومني اعله دمعي تطلب اسكـت واهم
هذا دمعي موش دمعك شنهي جــاي اساوم
ما اعوف حسين اقـــــسم ربي يـشــهد عالم
رحمة الله حسين شفنه وخلها تحچـي العالم
حبه يجمعـنه ياهو يمنــعنه حسين مرجعنه والي نعم الوالي
___*
قبلتي حسين وصــلاتي وهــوه كل دنــــيايه
ما اعـــــــوفه وعهــد يبــــقه دوم هذا اويايه
من زغـــر ســـني بـــــذاني سمــعوني اقرايه
يا لثـــار حســــين كــــبرت ثــــــورة المشايه
امي وصــتني تخدمه يبــني لا تفــــشلني بيك يا هــنيالي
___*
تمت بحمدالله وتوفيقه:الخادم المقصر ناجي ابو كيان الصالحي ونسألكم الدعاء لي ولوالدي
ما عرفتج ناشدت هاي المره منين
ما عرفتج يمي وسأل بت علي وين
يمه زينب بيج شمسوي اليسر ماعرفتج والله متغيره شكثر
***
صوت اسمعت مدري منين كومي رجع ضعن حسين
ابلايه رايه وبس السبايه
يارب دخيلك ناديت وللناعي اركض طلعيت
ياخبر عندك عن ابني انشدك
يا بشر كطعت گلب امه الحزينه
ما نشدتك عن بنيني حسين وينه
گلي الگمر راح مني الفضل طاح وگلبي اليحن صاح ياابوفاضل
مكسوره الضعون ليه درت العيون عفت اختك شلون بلايه كافل
من عفتها يسروها اختك يعباس
من عفتها يمه صارت فرجه للناس
كتله لمها نبدي باجر ياعذر ماعرفتج والله متغيره اشكثر
***
كتله احجي مو ماظل حيل اشعدهن وياه الخيل
موعذبتني وانحب شفتني
كلي ولطمت عله الراس حسين انذبح يمّ عباس
وظل جسمه عاري بذيج الصحاري
صحت يمه حسين وعيوني الطمتها
وين زينب بالضعن شو ما شفتها
محنيه تمشين بمتنج تلزمين يايمه تدرين ماعرفتج
زينب صحت هاي التحجي وياي متغيره هواي يمه شفتج
تغيريتي الشيب تارس راسج منين
تغيريتي شسوه بيج امصاب الحسين
شصاير بحالج عكب ذاك الخدر ماعرفتج والله متغيره شكثر
**
ادري الولد رفعت راس شسوه الخواته العباس
لمن نخنه راعي المحنه
دك صدره لازم عالماي ربيته وعرف وفاي
بالماي اجاهن بس لا نساهن
انجان ما راضين عنه اعتني ليه
اعتب عليه وحليبي يحرم عليه
لا يم البنين لازم تفخرين باجر ترفعين بجاله راسج
الحد كطع اليدين ماعاف الحسين منه انطفت عين اغله ناسج
الحمد ل الله انتو يايمه نصيبي
الحمد ل الله محلل عليكم حليبي
راح اظل كل عمري بيكم افتخر ماعرفتج يمه متغيره شكثر
***
جن بي نقص ضعن حسين زينب رقيه جا وين
شو ما شفتها لو معرفتها
متغيره خافنها اهواي اشريلي يازينب هاي
مو ذني كلهن ياهيه منهن
ما اجت ويانه يايمه رقيه
عالطشت بالشام وافتها المنيه
مرتنه ايام يايمه بالشام خلونه انام بالخرابه
بينه الزمن دار وبضعن الاطهار حادي الشمر صار وما يهابه
والله دنيه الشمر بيها يذبح حسين
والله دنيه تخلي زينب بالدواوين
تالي عمري يمشي وياي الشمر ما عرفتج يمه متغيره شكثر
**
تنشديني عن ابنج وين يمه انذبح ضامي حسين
مرمي شفته ايون سمعته
حط خده فوك التربان ويكلي زينب عطشان
وكلي صدري ودمه يجري
طاح من فوك المهر وبصدره السهام
ابنج بحر الشمس فوك الترب نام
كثرت لمن طاح طعنات الرماح ويمه الشمر راح حز وريده
شال انظر الراس وتصيح الناس جا وينه عباس عن عضيده
مرمي عافه وظل اخيي بحر الشموس
مرمي عافه وخيل عله صدره كامت ادوس
يمه جم حافر بحافر عالصدر ما عرفتج يمه متغيره شكثر
****
لخيمنه اجت يمه الخيل حركوهن وشفنه الويل
شكد عذبونه يمه وسبونه
كمت اركض ابين الناس والحك اصيحن عباس
خويه افزع النه حيل انهضمنه
يمه من الصوط صارت زركه المتون
وسبو زينب بت علي كامو يصيحون
جابوها الحبال شدوها بالحال وبين الرجال وگفونه
متحضره النوك وظل گلبي محروك من طبت السوك وين ابونه
والله حيره وي عباس امشي تدرون
والله حيره ناگه اصعد وحدي شلون
روحي المن ظاله شيسوه العمر ماعرفتج والله متغيره شكثر
*
تمت
ميثم العمري
موشح إلى السيده الطاهره ام البنين عليها السلام
صرتــي للإخـــلاص مثـــل البسـمـله
ورتلــچ بـــأيمــان مصحــف كــربلــه
*----------*----------*----------*
رتلــچ هـــذا الـــزمــــان أبكبـــريـــاء
ومنـــچ أتعلـم دروس أعظـــم وفــاء
بسملــة أخـــلاص صـــرتــي بكربـلاء
واسمــچ أبكـــــل زود ظـل يــرتــلـــه
*----------*----------*----------*
يرتله أبكـل زود والله وكــل وفخــر
يلّــي علمتــي الگمــر يصبــح گـمــر
لا خسوف ايمرله مــن ينطي النحــر
النحر مــــن ينطيــه نـــوره يكمـَلّــه
*----------*----------*----------*
نــوره يكمل لـــو نـذر ذيـچ الچفـوف
ودون أبــو اليمـه يتــوذر بـالســـيوف
طــاح لكــن قبلــه أصبــح بالطفــوف
بعــزه أصحـــاب الـــوفـــه تستقبــله
*
طاهــره وعبــاس طــاهـــر مــرضعـه
مـــن علـــي الكــرار أصــلــه ومنبعــه
أبِغيــره متنســيه وأبــاء ومشـــرعــه
فاض بالطــف غيــره والــزود اعّتلــه
*----------*----------*----------*
فاض غيــره وزود يـا طيبــة أصــل
والفــرع مــن أصلــه لازم يكتمـــل
احتـــار بيچ الدهر يكتـب يا فصــل
وأنتــي موسوعــه بجـلالــه أمنــزله
*----------*----------*----------*
انتــــه موســوعه مجد يــأم المـجـد
وحگــه تــاريــخ الفخــر لــو يستعد
لفاطمــه الزهــره نذرتي أربــع الـولد
وعالصعيــد بدمــها كلــهــا أمغسلــه
*----------*----------*----------*
مثلـــچ التــاريــخ مـــــا ذاكــر مــره
تضحــي بأقمــار أربعــه فوگ الثـرى
لابن ضـــرتــها وتحــس امقــصــره
وخــدر زينــب ابنــچ أصبــح كافلـه
*----------*----------*----------*
كـافــل الخِــدّر أستــاذ التضحيـات
رضــع طاهر مــن حليبچ مكــرمات
فاض غيره بيوم شــح مايه الفرات
وبقـى خالــد وي ابــن سيـد المـــلا
*----------*----------*----------*
بقى خالــد والــزمــن سجـل صَــوّر
غـرف بيده ومــا شرب مــاي النهـر
هالمـواقــف حيّــرت كــل البـــشر
حگـــه لــو ظــل الـــزمـن يتــأملـــه
*----------*----------*----------*
حــگه يحتار الــزمن طــول السنين
جامعـه أنـتي خرجيتي أربــع بنيـن
اتعيـنو أنصــار مــن دون الحــسين
أستـاذه أنتــي والگـمر بيــچ اعتــله
*----------*----------*----------*
الشاعر
موسى البديري
مقطع صوتي من mlahythmallamy
Читать полностью…
لأم البنين ع.. دره واختارچ عقيل
من وزن الموشح الاندلسي
شعر.. دكتور كاظم چاسب المعقلي
♕♕♕♕♕♕♕♕♕♕♕♕♕
ماكو مثلچ مستحيل
دره واختارچ عقيل
كلِّفَه الكرار اريدن بت فحول
منها رايد فارس ليوم المهول
دره واختارج عقيل
♕♕♕♕♕♕♕♕♕♕♕♕♕♕
ياوعاء الغيره يم گلب الحنين
ياهدية علي المن رب السمه
اشگد يحبچ اذن يا ام البنين
الله من خصچ عِوض عن فاطمه
خصچ أكثر من نطاچ اعظم جنين
واخْوِته السووها بالطف ملحمه
يلفديتي الاربعه ابريع السنين
ويلتباهيتي وكسبتي الغانمه
يلي وفيتي العهود
من فديتي اربع اسود
وهذا كل مطلب ابن عم الرسول
منها رايد فارس ليوم المهول
دره واختارج عقيل
♕♕♕♕♕♕♕♕♕♕♕♕♕♕
لوحة التقدير الچ خطت وجود
ابخارطة بيت الولايه رسْمِتچ
الله اليْحِبـِّه عليه حتماً يجود
ولذلك حيدر اصبح قِسْمِتچ
انت يلفجتي اببحر مابيه حدود
قدرة الله اببحر الأنزَع رِمسِتِچ
الله سجَّل اسمچ ابسِجْـل الخلود
وبالمنام ايد المكارم لِمْسِتچ
بشِّرچ رب الأنام
بشرىٰ في طيف المنام
وهذا طيف اللي بقى ابفكرچ يجول
منها رايد فارس ليوم المهول
دره واختارج عقيل
♕♕♕♕♕♕♕♕♕♕♕♕♕♕
بيت ابو اليمه الچ أصبح وعاء
وها كبر بختچ تصيرين لعلي
عندچ اولاد وبنات الانبياء
والله خصچ خادمه اببيت الولي
هايه نعمه ورحمه من رب السماء
ولفتة الله اليحظه بيها اليعتلي
اشرِدتي من الله اشدعيتي بيا دعاء
واستجاب الباري گال اتدللي
بت ليوث وعالمرام
قرة اعيون الامام
گال اريدن بت فوارس بت اصول
منها رايد فارس ليوم المهول
دره واختارج عقيل
♕♕♕♕♕♕♕♕♕♕♕♕♕♕
يم بنين الاربعه وچنهم فصيل
بالطفوف اعلى المنايه اتنافسو
كلمن يگول آنا ابن حامي الدخيل
لبسو اهدوم الحرب وتنومسو
نزهه ضرب السيف عدهم والصهيل
ساحة الميدان بيها اتونسو
كلمن يگول انطي دوري مستحيل
والوصيه اتقيدوها ومانسو
حدهم لگطع الوتين
هالعهد لأم البنين
گالت الهم لو رجعتو ماقبول
منها رايد فارس ليوم المهول
دره واختارج عقيل
♕♕♕♕♕♕♕♕♕♕♕♕♕♕
من رجع بشر ابن حذلم بالعويل
والمدينه ارتجت الكل تِسْمَعَه
وصل يمچ ينعىٰ الحسين الچتيل
ومادريتي اخباره من يمچ نعى
گلچ العباس ابو الغيره الچفيل
هو واخوانه انذبح عالمشرعه
يابشر گلتيله ماظل بيه حيل
مانشدتك عن بنيني الاربعه
گلي.. شأخبار الحُسين
گلچ.. ابلا وَدَجين
نحل جسمچ حالاٌ وهده الذبول
منها رايد فارس ليوم المهول
دره واختارج عقيل
♕♕♕♕♕♕♕♕♕♕♕♕♕♕
الله يدري بگلبچ شيحمل عذاب
الچ من ردت ضعون الراجعه
بس ارامل واليتامى ابهالمصاب
زرگه المتون ونواظر دامعه
طبعت آثار السلاسل عالرگاب
او حزت ازنود الايادي الجامعه
عافت اهل الغيره صرعى وبالتراب
او ردت ابجمرة مشاعر لاسعه
مارجع غير العليل
جامعه ابإيده ويِميل
آهة تتبع آهة آهاته وتطول
منها رايد فارس ليوم المهول
دره واختارج عقيل
♕♕♕♕♕♕♕♕♕♕♕♕♕♕
ام البنين ع
ابو ذيه
مشه بظعنه ومشت روحي وره حسين
وخله بعيني دمعاتي وره حسين (راح)
بعد هيهات يرجعلي وره حسين (اشوف)
هجرني وصرت ادوّر عالمنيه
****
الشاعر اياد الديراوي
///////////////////////
هـــايه ام الأربعه الــوفايه
تحضر ابكل تعزيه وقرايه
تحجي عن طـــف كــربلاء
////////////////////////////
١؛؛؛؛؛؛؛؛؛؛؛؛
يا خادمهه ... اخلص يمهه
هاي الوفيه الطاهره الخادمهه متعوف
كلشي انطيهه ... الروح اهديهه
تستاهل ام الاربعه المنحر والاجفوف
تستاهــل ام الأربـعه
تهديهه كَـد المشرعه
دمعات عين اموزعه
ودم منحر اليصب
لحسينهه امضحيه كَـمر
ياهو المثلهه ابهل بشر
وثوبث للماي بنهر
هذا الأمر صعب
سوت الما وحده المسويته /// خادمه ادكَـول العلي وذريته
لوحه رسمت بالولاء
٢؛؛؛؛؛؛؛؛؛؛؛؛؛؛؛
أم الأربع .... تنطي امربع
لليكَـصدلهه بحاجه عنده وكلبه مهموم
روح اتكَـله .... ما اتخله
الحاجه يمي تنكَـضي بالساعه مو يوم
تشهد عليهه كربله
كلمن ندبهه ابمسأله
تكَـضيهه باللحضه اله
ما ينتظر شهر
معروفه توكَـف بالشدد
للي كَـصد والما كَـصد
بالفاتحه اتحل العكَـد
ام الكمر فخر
إقره الهه الفاتحه وانخاها //// حاضره اتحل شدتك تلكَـاها
اي وحق راعي اللواء
٣؛؛؛،،،،،،،،،،،،
ام الكافل .... مترد سائل
ليل وصبح باب الهه من الجنه مفتوح
ترفع قدره .... الحَب الزهره
متعوفه وحده بحيرته اويه الدمعه والنوح
كل البشر بيهه اتحلف
بالغيرة رايتهه ترف
الغربه تشهد والعرف
أعظم مره العلي
بعد الزجيه فاطمه
اتحبهه ملائكة السمه
أي وحق حماي الحمه
هالصيحه تعتلي
جان اسمهه فاطمه البدويه //// وهسه صارت فاطمة العلويه
بيهه تحجي ارض وسماء
٤؛؛؛؛؛،،،،،،،،،
البدويه .... ابكل لطميه
تلكاهه تلطم عالصدر واعله الضلع حيل
يم المنبر ... تحضر تحضر
تبجي لبنهه المنسحك بحوافر الخيل
لحسين حبهه من صدكَـ
بي سولفو اهل العشكَـ
ميته وكلبهه محتركَـ
سلطانة الوفه
مابيهه كل ذرة عتب
تاريخهه انخط ابذهب
شايل عجب يابو عجب
خاتمته عاطفه
حارت اشتكتب عليهه اقلامنا //// بيهه تحجي الهسه هاي ايامنا
فاطمه ام الوفاء
٥؛؛؛؛؛؛؛،؛؛؛؛؛؛
بيهه اتباهه ... من سواهه
باب الحوائج تكَـصدلهه سائر الناس
أعظم نعمه .... الهاي الأُمه
أم البنين الخلفت عباس عباس
كل خير من عدهه نَعم
الله جعلها افضل نِعم
بوجودهه الكون ابتسم
وتناثر الضوه
عنوان مدرسة الصبر
ترتيل قرآن الفجر
مفتاح تسهيل الامر
أم حامل اللوه
الله رازقهه بجميع الطافه /// ابذكر اسمهه كل علل تتشافه
احروف اسمهه اعظم دواء
////-
✍🏻 كلمات موسى الخادم
ليلة ام البنين ع
طفك يبني داير بالمدينه
والمر بيك كله يمر علينه
حسيناه. ... حسيناه.
جن ديرة اهلنه اترابهه ايذري
من بيتي اطلعت لاوين ماادري
اعاين للسمه چن بيهه دم يجري
والدخان عاميني وخنگ صدري
من كلشي اختلف لونه ... يوليدي اختلف لوني
عصره بگلبي رجفة ايد ... عنك من يسألوني
كمت وعالوجه صارت وكعتي
والبيتي اصبحت كلفه رجعتي
حسيناه .... حسيناه
....................
ضهر العاشر وكل العطش من طاح
عليكم بالخيم چم طفل ذابل صاح
عطشانين وانت هناك مامرتاح
قره وجهك اخوك وللنهر من راح
سالم ردلي مو لازم .... الماي وعينك تودعه
من عينه درت وجهك ....خاف يشوفلك دمعه
طاح وطاح گلبك عالشريعه
واحس اهنانه جفيني كطيعه
حسيناه ..... حسيناه
...........................
خذت عبد الله وامه وعمته اتلون
چدامي وشفت وجه السمه اتلون
الكمر والشمس والنجمات ماضون
من دم ركبت ابنك من صعد شربن
من جاس السهم نحره .. مد اعلى السمه جفه
جبير السهم مال كبار .... حتى لنحره ماكفه
من رديت بيه اعلى المخيم
عرفنّه ارتوه من شافن الدم
حسيناه ..... حسيناه
..........................
كعدنه انه وعليلة گلبك اعلى التل
امن امس واحنه فلا ندري عليك اشحل
اثاري انت ذبيح اعلى الثره مرمل
وعلى شوفتك زينب بالحرس تسال
وين احسين من ذوله ... اشو متغيره ارسومه
تنشده وهوه يدفعهه .....ليش مسلبه اهدومه
حارت بيك ماكدرت تلزمك
مطشر عالثره وبيمن تلمك
حسيناه ..... حسيناه ...
حمامه لغار كلبي اليوم وديلي
واشمن ريحتك بلكت يرد حيلي
مدري شبيه احسن مختلف ليلي
امر يم دارك الكه الوحشه تحچيلي
گلب الوالده يگلي ماضلت ولا خيمه
وهسه ازغارالك يحسين تتراكض على الهيمه
يبني شحال زينب هالمسيه
من طلعت ادور عن رقيه
حسيناه .... حسيناه
................
نسالكم الدعاء
ايوب السويطي
#جديد_محرم_الحرام_
طور قصيدة
( كربلا ياكربلا )
ملا علي الأسدي
كربله ياكربله
***
فاجِعه البيها المَلَك بالحِيرَه حَس
بيوم شاهَد ثَـغَر كالكوثر يِـبَس
ومُصحَف البَاري ابرِجِل بَاغِي انرفَس
وفـُوﮒ بُـوسَات الطهر حَافِـر فَرَس
وصَعـبه صاح المَسأله
كربله ياكربله
**
بيها بـَـدر التَام أصبَح مِنخِـسِـف
واعلى شَاطي النهَر غطـّاه النَـزِف
وانسِـبَت شَمس الله بِحبَال الصَلِف
وكل ضوَاها الزاهِي اصبَح مختِلف
وعَلى النُوﮒ اِمسَنسِله
كربله ياكربله
**
بيها صَيوان البَخَت أصبَح جَـمُر
وصَارت السَطرَات تَرﭼية خِدر
وكِل ثِلث نسوَان تِمشي ابفَد سِتر
ودَخنة الخـَيمه تفيَّـيها الظِهر
والمَدَامع هَـامِله
كربله ياكربله
**
بيهـا درّة حيدره اتجود ابنفِـس
ومن جلُوس اتصلّي من سَاعة أمِس
حَقها شَافت حافِر اوبَاش الرِجس
تسحَگ النور الغِلَب نور الشِـمس
وياألَم تتحَمّـلَه
كربله ياكربله
**
بيها شَمعَات الفَرح غَفلَـه انطُـفَت
واحلَى هَلهُولة عِرس ماتَم صُفـَت
دِنيه صَلفه اِبظِـلّ السيُوف اختِـفت
وبَدَل طَش الوَرد دَم احمر ﭼـِفـَت
بألف حِيلَه امحَيّله
كربله ياكربله
**
وبيها طَـير امضَرّج ابـدَم النحَر
عُـمْره سِـتّ اشهُور واغتَاله القَدر
طَايح ابحِضن الدفـُو ادمُومَه مُطر
شُبگ رگـبَة والِده ابساعة خطَر
اِﮔبَالَه يضحَك حَرمله
كربله ياكربله
**
وﭼَـم عَزيز البيها رَاح و مَاإجَـه
وﭼَـم حِلِم مَذبوح بِـﭼفـُوف الرِجَه
وﭼَـم نِدَه اتبَـدّه اوتِلَاشَه ومانِجَه
وﭼَم تَرَافه اصبَحت جِثه امضَرّجه
ابدَمِع أم امغَـسِّله
كربله ياكربله
=============
لقمان لعيبي البدران
نذرت أربـع ولد لـون سالم ترد
يابو علي
زلــم وكت الشدد ألك ذخر وسند
يابو علي
حطهم على يمنتك
يمه وفـداك أخوتك
يابو علي
..................................................
يمه الله أويـــــاك توصل بالسلامه
أوياك وديت أربعة ولـدي النشامه
واحد الواحد ألـــك شوكه وغرامه
يمه وي عباس رحت أترك علامه
مثل خيط الفجر أمانة أم الخدر
يابو علي
أميــــــرة أمدلله وبعيدة كربلــه
يابو علي
بيدك ترف رايتك
يمه وفداك أخوتك
يابو علي
.....................................................
ألتفتت أم الأربعة العبــــــاس أبنها
يمه زينب لـو مشت أحرس ضعنها
خايفه أعله حسين أحس يا يمه جنها
أتبسم حسين وشكرهـــا ومشوا عنها
مشوا مثـــل ألضوه وبدى أيرف اللــــوه
يابو علي
مثل شمس الضحى قريت الفاتحـــــــــه
يابو علي
ما تنوصف ضحكتك
يمه وفــــداك أخوتك
يابو علي
......................................................
مشوا عني ومن مشوا كلبــي لجمني
وحشة شفت الدار يا ويلــي وفجعني
وين وألمن أشتكي حسرات ونــــــي
رفعت أيدي ومن دعيت ألله رفعنـــي
دعيت العيلتك ويسهل سفرتك
يابو علي
ألك جفني سهر وردت منك خبر
يابو علي
أحسب متى رجعتك
يمه وفـــداك أخوتك
يابو علي
................................................
طـول أغيابك عليــــــــه حسين يمه
أسمــع أصوات المدينه وناس زحمه
رحت أركض شفت ناعي بشر أسمه
عني يسأل وأنخمش كلبـــــي وألزمه
رحت أركض رحت وصلتـــــــــه وناشدت
يابو علي
بدى ينعــــــي الخبر علــــــى أولادي ونشر
يابو علي
حسيني كلتله أرتبك
يمه وفداك أخـــوتك
يابو علي
................................................
كلي ويلادج ذبايح يــــــــــــــأم اللبنين
كتله أسألك يا بشر عن حــــال الحسين
كلـــــي عبدالله أوي جعفر كتله الحسين
كلي عباسج وكــــــــــــــع وبلايه جفين
عمت عيني وطحت نزل دمعي وصحت
يابو علي
لون طاح الكمر ألك ضهر أنكسر
يابو علي
عازة بعد عـازتك
يمه وفداك أخوتك
يابو علي
.......................................................
سولفالــــــــــي الجره بعده وشجرالك
لا أخــــــــــــو لا بن ولا ناصر بقالك
من رحت لــــــوليدي عباس شحجالك
خــــاف قصر يمه وي زينب وأجـالك
ييمه أوصيتي يسري وغايتي
يابو علي
ألك كلـــهم ذخر وفدى الزينب نذر
يابو علي
ويلي شعضم محنتك
يمه وفــــداك أخوتك
يابو علي
...................................................
صدك يمه حسين طايح محني ضهرك
والشمر كاعد يويلــــــــي فوك صدرك
صدك كض طارف لحيتك يحز نحرك
يمه الله أيعين زينب مـــــــــن تنضرك
بيا حاله شافتك وحوافر داستك
يابو علي
وكت حرك الخيم وعلى الشاطي العلم
يابو علي
بيا حاله منا شالتك
يمه وفداك أخوتك
يابو علي
..................................................
خادم خدمة الحسين
الشاعر
محمد الموالي
مقطع صوتي من mlahythmallamy
Читать полностью…
مشوا أربع كواكب وبقيت أدعي وأراقب
خبر منهم وأنـــه أمهم
عشت دلالي ذايب
.............................................
أنــــــــه أم البنين وعالوفه أمربيه الحمامه
على أطيوف الغوالي حشمت ولدي النشامه
مشوا أربـــــــــــع كواكب ودعتهم بالسلامه
نذر لحسيـــــــــــــن أخيهم قدمتهم والعلامه
أذا زينب نختكم فده ألها أربعتكم
أنحنوا كلهم وأنه أمهم
عشت دلالي ذايب
........................................................
على أحروف الوصيه أتوكلوا ولدي وشفتهم
مشوا راية ومشوا ثاية يفييون الأختــــــــــهم
ثمر دلالي شفته لأخـــــــــــوته أتعنه ويكلهم
وصية أمنه نذر دمنه وتشيموا أربعتـــــــــهم
وقره أحروف الوصية حـــــــــــرز للغاضرية
كفوا منهم وأنه أمهم
عشت دلالي ذايب
............................................
خبر منهم ولا جانـــي أووصل بشر وسمعته
نده بسمي وأجيت أركض على حسيني سألته
أسمعه أيكلي ولــــــــدج واحد الواحد نضرته
وكع دامي وعلـــــــــى الغبره تحنه بدم ركبته
كلتله حسيني وينه فده أولادي البنينه
نذر دمهم وأنه أمهم
عشت دلالي ذايب
.........................................................
كسر ضهري لون كلي الكمر عالشاطي جسمه
أنكسر طوله وأجه حسينج وكـــع من طوله يمه
سهم عينه عمه شوفه ويبس بشفافه دمـــــــــــــه
بلى أجفوفه بــــــــــــلا جوده تطشر ويلي رسمه
وبقت زينب وأملها تتاني ألــــي كفلها
أنكسر ضلهم وأنـــــــه أمهم
عشت دلالي ذايب
.........................................................
أنذبح حلمي وأحس كــــوه النفس روحي تجره
هدم حيلي وذبل كولشي ولهيب أحساسي جمره
أثاري حسينــــــــي نايم والحوافر تدوي صدره
والشمر كاطع ركبته وعالرمح ضل غافي نحره
الدمه مخضب لحيته أنهدم بيتي البنيته
أهجروا جنهم وأنـــــــــه أمهم
عشت دلالي ذايب
....................................................
بقيت أحسب ليالـــــــــــي الزينب أتعاود وأكلها
ألي تشرح وضع ولـــــــــدي وتسولف عالكفلها
أخاف أمقصر أوياها لـــــــــــــــون ناذرته ألها
لجن درب اليسر ويلــــــــي صعب مايل حملها
أجت تنعى الحزينه ولكت وحشة المدينه
بثكل همهم وأنه أمهم
عشت دلالي ذايب
......................................................
خادم خدمة الحسين
الشاعر
محمد الموالي
قصائد مولاي مسلم بن عقيل عليه السلام
الـجـانـو يريـدوني يريـدوني
بالـكـوفه غـدروني غـدروني
&&&&&&&&&&&&&&&&
طـبيت للـكوفـه بحـذر جبـتلـهم كـتابي
مـرسالي قـران ونطـق عـن علة اسـبابي
باب السفاره أنه صحت وينه اليدك بابي
والكـلي كـلمة ياهله شـد حـيـله لـصـوابي
من تـالي نـكـروني نـكـروني
بالـكـوفه غـدروني غـدروني
&&&&&&&&&&&&&&&&&&
احـجي وافـصل بالشرح لو هيه معروفه
معلوم توقيت الأجل من ادخل الكوفـه
ما ائمنت من طبـتي والناس مـعروفه
انه ادري سولـتهم غدر والخطه مكشوفه
اعـرفها يـدروني يـدروني
بالـكـوفه غـدروني غـدروني
&&&&&&&&&&&&&&&&&&&&
الاف دكــولي الــصـدر تـدلل وتـبـشر
ردة فعلهم من اجي كالولي بس اشر
استاذيه صار بالحجي ولا تخاف منقصر
رسمولي خطه من الغدر وأنه ادري باليغدر
بالـشده عـافوني عـافوني
بالـكـوفه غـدروني غـدروني
&&&&&&&&&&&&&&&&&&&&&
قله ودل عندي الحجي وراح اختصر بيها
وكفتلي طوعه بنص حرب من دون اهاليها
شـما مـرت اعـوام وتـجي ربك يـعلـيهـا
وأنـه ادري امـنه فـاطـمه بأجر تـجـازيها
كل دمـعه بعـيوني بـعيوني
بالـكـوفه غـدروني غـدروني
&&&&&&&&&&&&&&&&&&&
بس هاني ابن عروه وكف وكفت جبل يمي
والبعض من اصاحبي جانو مصدر العزمي
اخــر مـراحـل ثـورتي يـكبر جـرح هـمـي
والـدين ما يـعـدل ابـد الـه بـسفـك دمـي
همهم يـقتـلوني يـقتلـوني
بالـكـوفه غـدروني غـدروني
&&&&&&&&&&&&&&&&&&&&
الشاعر مؤمل هاني القريشي
/channel/rdeaa
نشرك للقناة تأُجر عليه👇 الله يوفقكم لخدمة الحسين عليه السلام
(ياهلي)
ياهلي مابـيـه حـيلـه والله تعبني الـغـرب
يا هلي هالعام وحدي آنه وبموقف صعب
ياهلي ياهلي
*-----------------------*-----------------*
ياهلي يمته تجوني خاطري بحاجت جبر
مابقت دمعات عندي وبالغرب ذاب الصبر
الـصـحـن فـارغ اشوفه انـي للجيه انتظر
بيش اصبرنّـه دليلي مـنـي مايـقبـل عـذر
هل سنه تصعب عليه مـاكـو بصحني لطم
هل سنه بدموعي ابقى بين حسرات وهظم
*----------------------*-------------------*
والله منتظره تجوني حيل ماعندي بـعـد
كافي مليت البواچي ليش انـوحـن للابـد
السنه ماكو مواكب يعني هالـغـربـه اشـد
وين عباس الكفلني وين اليوفّي الـوعـد
حيل محتاجه الوجوده هالسنه بحاجت كمر
حيل تـعبنـي زماني والـظهـر مـنـي انـكـسـر
*-------------------------*--------------------*
انعادت اعليه المصايب وآنـي مابـيـه تعب
ياهلي حرموني منكم اعتب وحَـگ العتب
ليش يردوني غريبه ماعرف شنهو السبب
تنزف اجروحي بعدهه والگـلـب نـار التهب
منعو بصحني المواكب الچانت الروحي دوه
منعو الزوار تلطم الـتـنحـب واتـبـچـي سـوه
*---------------------*-----------------*
شحچي عالشام وغربته التارك بروحي جرح
ضيّـع اسنيتي وحياتي والـدمـع مـنّـه يـسـح
ماترگني الهسه بـعـده غـيّـب بعيني الصـبـح
جدد اجـروحي عـلـيـه وينـثـر بنصهن مـلـح
البُعد والغربه صـعبـه بس تسليني الخَـدم
البعد كـاتلني جـرحـه يـنـزف ادمـوم وألـم
*----------------------------*-------------------*
السبي تكفيني ناره والله ما احمل هـظـم
كافي يادنيه عذابچ روحي شيّبهه الظلـم
عاشرت نوحي اونيني عاده خليلي اللطم
تحضر الخدام يمي وحضرتّي الـهـم تظـم
السبي يكفيني وحَده ليش متحزمه عَلّي
السبي لـلـيـوم اذِكّـره خـلـه أثـآره بـأدي
*---------------------------*-------------------*
✍خادم زينب ع
الشاعر رعد الجريخي
حُسيناه. حبك مكفيني
حُسيناه بيدك مربّيني
حُسيناه مجلسك يرويني
.....................................
الله خالقني حُسيني طينتي من طينك
فاصل بطيلة حياتي ماكو بيني وبينك
ما نصرتك اني آسف ماعشت بسنينك
هسه روحي وكل حياتي فدوه فدوه لعينك
تمنّيت. حاضر بأيامك
تمنّيت انذبح گدامك
تمنّيت اطفي نار خيامك
......................................
اكثر منمّي وابويه من زغر ترعاني
بيدك تربّيت وفخر من عبيدك آني
ياحُسين اول كلامي ما تركها الساني
بس الك مفتوح گلبي ماكو غيرك ثاني
تظل دوم عايش بانفاسي
تظل دوم انت رافع راسي
تظل دوم جمرتك باحساسي
........................................
اختنگ لوما اذكرك راحتي بدمعاتي
لجلك ومو للمثوبه ونّتي وحسراتي
بالمجالس مو غريبه لو فنيت اوقاتي
آنه لاشي انت كلشي يالسكنت بذاتي
سماحك اشعر بتقصيري
سماحك. لا تروح لغيري
سماحك من خدمتك خيري
..........................................
دنيا لوما بيها انت لحظه ماظل بيها
روحي ملكك سلّمتها بيدك مخلّيها
تعلّقت بيك وحياتي حبك محلّيها
لو يگطعوني احبك كلمه دوم احچيها
عشك موت. عاشگك يالغالي
عشك موت ما امل للتالي
عشك موت يالمقامك عالي
..........................................
فضلك عليّة چبير وخيرك مكفّيني
سيدي يحسين كلمه بينك ومابيني
كلمتي هيه "احبك" من گبل تكويني
شگد طلبت هواي منك اطلب وتنطيني
ولا يوم اذكر مفشّلني
ولا يوم اطلب وتحرمني
ولا يوم ماسكنت بذهني
............................................
حسين ياصومي وصلاتي ما اعيش بدونك
ما اريد هواي منك عدني خادم جونك
مو فقط عابس تجنّن كل محب مجنونك
اعمه عين المايشوفك يالتميّز لونك
عهد هاك. للأبد ماعوفك
عهد هاك چفي بين چفوفك
عهد هاك گلبي دوم يطوفك
#سيد #زيد #الفحام
__