834
Haitham Al-Lami
مقطع صوتي من mlahythmallamy
Читать полностью…
ارجو من خدام الحسين نشر القناة لكِ يستفيد منها الجميع 👆👆👆👆👆
Читать полностью…
يُمّه يُمّه يالولد ٠٠ گلبك برد ٠٠ لوبعده نار
ــــــــــــــــــــــــــــــــ
يمــه يـوليـدي يـســبـاح الـگـلـب
من خذاك حسين ظل دمعي يصب
اشهور عمرك وينك اوّين الحرب
يـمه گالولي ابــرگبـتــك منضرب
رجف گلبي وارتعد ٠٠ گلبك برد ٠٠ لوبعده نار
ــــــــــــــــــــــــــــــــ
ازغِير انـته والنَهر كـلـش چـبـير
لو سگوك الماي چاشنهي اليصير
ينگص الشط لو رُبع منه يطير؟
يمه والذبحوك ماعـدهم ضمير
دين ماعدهم أبد ٠٠ گلبك برد ٠٠ لوبعده نار
ــــــــــــــــــــــــــــــــ
يمه جـابولك الـنّــبله امّفصله
نحرك ازغيرون چان ابــكربله
من عساها انشلت ايده حرمله
الخله دمعاتي المصابك سايله
غيرك اشعندي بعد ٠٠ گلبك برد ٠٠ لوبعده نار
ــــــــــــــــــــــــــــــــ
يمه لودر صدري يم مهدك اروح
بيدي اهز مهدك يعبد الله وانوح
صورِتـك بـعيــــونـي ليليهِ تـلوح
بعد عينك ابـد ماتـهده الجــروح
يمه الوولي للمهد ٠٠ گلبك برد ٠٠ لوبعده نار
ــــــــــــــــــــــــــــــــ
متت من النـبله لو مـن الضــمه
احرورة اصوابك الحيل اتّهدِمه
رفرفت روحك مثل طير ابسمه
اوداعة الله الملتقى يـم فاطمه
اوليدي ياطير السعد ٠٠ گلبك برد ٠٠ لوبعده نار
ــــــــــــــــــــــــــــــــ
يالرحت عطشان ماصحلك شراب
هالمصاب امنين اجـانه هالمصاب
يُمه هم رشـو الماي اعلى التـراب
كـون هذا الشفته يـوليـدي سراب
گلبي يوليدي انمرد ٠٠ گلبك برد ٠٠ لوبعده نار
ــــــــــــــــــــــــــــــــ
حيدر بشار الدراجي
/channel/rdeaa
لو بالگلب لو بالمهد
ياهالخلگ نوم الولد
عبدالله ليش اعلى الرمح نايم
هذا المـچـان اويـاه مــــاراهـم
ــــــــــــــــــــــــــــــــــــــــــــــــ
احچي ويه روحي.. والچم بجروحي
گلبي مفجوع.. والادموع.. ابد ماتستچن
يعتلي نحيبي.. من يدر حليبي
وانعه بالچول.. دللول.. على اوليدي اون
واسكن البراري.. واشيطفي ناري
تحرگ الروح.. هالاجروح.. صعب فگد الابن
اليسولف ضيم گلبه ايهود اشويه
وآنه امن النوايح حيل مابيه
اريد امشي العزيزي الكله حنيه
واگمطه ابدمّعِتي واقراله لطميه
وانعاله كون امن الگلب
ازغّير ونايم عالترب
ليش الزمن وي الولد ظالم
هذا المچان اوياه ماراهم
ــــــــــــــــــــــــــــــــــــــــــــــــ
اشهور عمره سته.. وفارگت ضحكته
اوليدي عطشان.. والالسان.. يبس من الضمه
لن ابوه اجالي.. واخذ مني الغالي
وبيده خلاه.. اويلاه.. وحيلي هدّمه
ابصوته ضل ينادي.. وتسمع الاعادي
اوليدي اسگوه.. تعرفوه.. غصن من فاطمه
اذكر من خذاه حسين للحومه
لزمته وگمت اشم اگماطه واهدومه
اخذ وياه روحي وصرت مصدومه
ومن شوف الولد تاليها محرومه
احاه ينبلة حرمله
ذبحت اوليدي ابكربله
مات ولحگ عمه گمر هاشم
هذا المچان اوياه ماراهم
ــــــــــــــــــــــــــــــــــــــــــــــــ
عالگلب مچانه.. نومته وأمانه
وابني حرموه..الدللوه.. شني ذنبه الطفل
الفارگت ضحكته.. بيد ابوه رگبته
والولد مات.. حسافات.. سگوه حر النبل
وچف ابوه تدمه.. ودمّعِته اعلى هدمه
رجع محتار. والانظار. سوالف تختزل
ريت اويه الولد عبدالله دفنوني
وگبل عينه يريت انسدت عيوني
وبتراب الگبر ياريت غطوني
خذاه الموت وسفه وخابت اظنوني
وحسين دلاّله انكسر
ودموعه چن سيل المطر
واعله الولد گلب الابو هايم
هذا المچان اوياه ماراهم
ــــــــــــــــــــــــــــــــــــــــــــــــ
اوليدي اشغلاته.. اوليدي اشحلاته
اعيونه حلوات.. صلاوات.. اومحله بسمته
ابحظني ابني ريته.. ساعه مانسيته
ينّسي اشلون.. والعيون.. تحن الُشوفِته
الغالي مهده خالي.. وينبچي اعلى حالي
ابمهده خِلوه.. دشوفوه.. تِمّوت نومِتّه
بگماطه الولد هلبت يشدونه
تره اخيوط الحبل خشنه ويأذونه
الرمح يوجع رگبته الولد يدرونه
ومن حر الذبح شينوم اعيونه
ازغيرون مو مالت سبي
لاچن اعليمن معتبي
شتريد من آل النبي الوادم
هذا المچان اوياه ماراهم
ــــــــــــــــــــــــــــــــــــــــــــــــ
للسبي مشينه.. وانظر اعله عينه
وذيچ الانسام.. يالاسلام.. تلاعب گِذلته
شوفي مااديره..رحلِتي گصيره
وآنه ياريت.. تمنيت.. ابوسه ابگِصته
اوليدي عوده ذابل.. والدمع يهامل
كون اناغيه.. واحاچيه.....وانشّف دمّعِته
مثل الطير ابني ورگبته ترفه
اشلون اعلى الرمح ياهل خلگ يغفه
يابويه اشحلاها بوسته ابچفه
خذاه الموت ابني والله ياوسفه
الموت تالي فرهده
وادموعه تمطر كالنّده
حزن الولد وسط الگلب دايم
هذا المچان اوياه ماراهم
ــــــــــــــــــــــــــــــــــــــــــــــــ
حيدر بشار الدراجي
(شلونه حالك)
شلونه حالك هسه ياحامي الشريعه
من شفت لحسين والجثه الصريعه
يابوصالح .... يابوصالح
____
شلونه حالك سيدي بهاي المسيه
من بده شهر الحزن شهر الأذيه
تبجي ويه الناعي لأهل الغاضريه
وتحضر امك فاطمه الهاي العزيه
عندك احداث وقصص كلش مُريعه
من شفت الحسين والجثه الصريعه
يابوصالح .... يابوصالح
* ****
حجة الله اعذرني لو يجرح كلامي
بعده گلبك منجرح ينزف إِمامي
علشهيد المنذبح والمات ضامي
والجسم متكطع وهم نحره دامي
شلونه گلبك شاهدت هاي الفجيعه
من شفت الحسين والجثه الصريعه
يابوصالح .... يابوصالح
**
تبجي من دموم عندك چم مصيبه
چم حبيب امفارك انته وچم حبيبه
عالرضيع تنوح بعدك عالغريبه
والشفاه الذابله وچثته الخضيبه
هالمشاهد مؤلمه وكلش بشيعه
من شفت الحسين والجثه الصريعه
يابوصالح .... يابوصالح
** ***
والمخيم مشتعل نار بخيامه
ركضت النسوان تصرخ واليتامه
فاجعه وصارت مثل يوم القيامه
مات الحسين وبعد ماكو سلامه
وضلت الخوان جثتهم گطيعه
من شفت الحسين والجثه الصريعه
يابوصالح .... يابوصالح
** **
انت بعدك والله ماناسي الاميره
من تدافع عاليتامه وكلهه حيره
ونضرة العباس لحسين الاخيره
چن يكله اعذرني لو راحت أسيره
والچفوف انطيت فدوه لهل الوديعه
من شفت الحسين والجثه الصريعه
يابوصالح .... يابوصالح
** **
شوكت تظهر تاخذ بثار الشهيده
وثار عبدالله ورقيه وهم حميده
وثار الحسين وقمر هاشم عضيده
انت ابوالثارات يالمهدي وحفيده
تبني مرقد بالبقيع وللشفيعه
من شفت الحسين والجثه الصريعه
يابوصالح .... يابوصالح
خادم الامام المهدي عج
السيد حيدر الحيدري
مقطع صوتي من mlahythmallamy
Читать полностью…
طب للحومه الكافل ٠٠ مـــوت اعليهم نازل
هذا ابن البدويه .. هذا ابن البدويه
ــــــــــــــــــــــــــــــــــــــــــــــــــــــــــــ
هذا اربــــــاة الحـومه
معروفـــــــات اعلومه
الجيش بكيفه يسومه
لوشد الچــــــــــــــفيه
رايه وصارم شايل ٠٠ مـــوت اعليهم نازل
هذا ابن البدويه .. هذا ابن البدويه
ــــــــــــــــــــــــــــــــــــــــــــــــــــــــــــ
عيونه الموت الاحمر
ايصيد الحصه الاكبر
ياساتـــــــــر لــو كبر
ترجف من طـــــاريه
يرهب من ايقاتل ٠٠ مـــوت اعليهم نازل
هذا ابن البدويه .. هذا ابن البدويه
ــــــــــــــــــــــــــــــــــــــــــــــــــــــــــــ
يخــزر چان ابعينه
ويضـــربهم بيمينه
يسطر والله ايعينه
بسطراته العلــــويه
ضربة فارس عادل ٠٠ مـــوت اعليهم نازل
هذا ابن البدويه .. هذا ابن البدويه
ــــــــــــــــــــــــــــــــــــــــــــــــــــــــــــ
تتراجـــف رجليهم
لو كر مهره اعليهم
ابو فـاضل يفنيهم
هي هاي المرجيه
وبصولاته ايواصل ٠٠ مـــوت اعليهم نازل
هذا ابن البدويه .. هذا ابن البدويه
ــــــــــــــــــــــــــــــــــــــــــــــــــــــــــــ
ايگط الروس ابأيده
وزينب تدعي ابهيده
ريت البــاري ايزيـده
الچنه انـــــام ابفيه
ياهو الشخصه ايجابل ٠٠ مـــوت اعليهم نازل
هذا ابن البدويه .. هذا ابن البدويه
ــــــــــــــــــــــــــــــــــــــــــــــــــــــــــــ
حيدر بشار الدراجي
كل جمال الله انوجد بعيونة
جن رسول الله علي يشبهونة
------------------------------
علي الاكبر بالشبه جنة الرسول
حتى من شافوه حيرها العقول
انا ابن ذاك علي فحل الفحول
النبي جدي وكلكم اتعرفونة
------------------------------
ودع حسين ونزل صوب القتال
وين اكبر شارب ايكلة تعال
هذا ميدان الحرب هذا النزال
شمرة من عمة الكمر يدرونة
------------------------------
حسين عينة اعليه مانزلت ابد
خاف ابنه ايروح مايرجع بعد
قل اعوذو وقل هوا الله احد
خاف من عدهم علي ايغدرونة
------------------------------
رجع لكبر منتصر من الحرب
راد شربت ماي يتروى ويطب
انة عطشان ويبس مني الكلب
جمرة كلبي وبلكت اطفونة
------------------------------
كلة الحسين اشتضن مثلك ترة
الساني خشبة من العطش متحجرة
ناري كبرى وما طفت متوجوة
مثل نارك بالكلب مخزونة
------------------------------
محمد عبدالامير
مقطع صوتي من mlahythmallamy
Читать полностью…
#أبوذيات
لمولاي صاحب العصر والزمان
روحي فداه
يـمـهــدي الـلـيـلـه اذكــرَنّــك.. وَعينـك
ونـــوح ٱويـــاك بـمـصــابــك.. وعينـك
مـــحــــرم بـــيّــن اهـــلالـــه.. وعينـك
تـشــوفــه وتــذكــر الــراحــت سـبـيـه
*---------------*---------------*
جــره دمـعـك يـبـو صـالـح.. وَهـل لك
وهــلال الــحـزن شــفــتــه.. وَهـل لك
انـشـدك يـا وگــت تـظـهـر .. وَهـل لك
طـلـعـه وتــنــصــب لـ جــدك عَــزيــــه
*---------------*---------------*
هـلـك شــدوا يـبـو صــالــح.. رحـلـهـم
وبـحـمـول الـحــزن تــفـتـر .. رحـلـهـم
شـبـاب وچــن ورد بـالـطـف.. رحـلـهـم
وصــبــغ دمـهـم تـــراب الــغــاضــريــه *---------------*---------------*
عَــفــه گـلـبـي الـمـصــايـب.. ماتـسـلـه
وتـــرانــي بــغــيــر ذچـــرك.. ماتـسـلـه
يــراعــي الـثـــار ســيــفــك.. ماتِـسـلـه
وتــطــفّــي الـنـار الـبـگـلـبـك ســريـــه
*---------------*---------------*
يَـمـن دمـعـك طـريـج الـصـبـر .. يـداك
ومــتــانــي تــســـل الــســيــف.. يـداك
يمهـدي بخيل صدره انـسـحـگ.. يـداك
وتــوزّع جــســمــه بـٱكــتــار الـوطـيـه
الشاعر رعد الجريخي
#اللهم_عجل_لوليك_الفرج
نشكر الغالي على رحمته -- السنه خلانه حدر خيمته
-------------------------------------------------------------
1= لــو تجاره - مو خساره - دمعي الجروح الغريب
هاي رحمه - مـن ألجمه - جرحي بخــيامه يطيب
دمعه التــصب بيها أمتيازي
وبخدمة الضامي أعـــتزازي
من وكفــــته نص ما أجازي
-------
روح هادينه فخر خدمته -- السنه خلانه حدر خيمته
****
2= حسين لمنه - جرحه همنه - وأحنه ماعدنه سواه
حزمتــــــنه - وعلمــــــتنه - فاطمه نـــمشي وراه
للخدمه مــــن يوم أنتمينه
أم الحسن لزمـت أدينه
أتحـب الحـزن أم وحزينه
---- دمعة المشتاك طب المهجته -- السنه خلانه حدر خيمته
3= أحنه بيده - ومــــانريده - الـــمايريد أبن الرسول
ونـــتوسل - يرضه عـنه - أهم شي عـــدنه القبول
بنص الضمه يروينه مايه
يجــروح أبو الأكبر سقايه
عـدنه الخيم محسوبه أيه
-----
بخت عدها هالكلوب الحبته -- السنه خلانه حدر خيمته
****
4= شكد لذيذه - شكد عزيزه - الدمعه بالمجلس تطيح
الـما بجاله - يشوف حاله - باجر أعلـــيمن يصيح
كــله ألك مديــــــــت أديه
دير النـــضر يحسين أليه
ماعندي غـــير أنته تجيه
-----
أيحب اليواسي وتصب دمعته -- السنه خلانه حدر خيمته
5= الدنيه ضلمه - حسين شمعه - أفتح عــيونك تشوف
كلشي يكضي - مـــــن تحلفه - أعليك مولاي الجفوف
لمحت بصر تخلص قضيتك
سافر أله ودمعـــك هويتك
بس كله يامـــــولاي أجيتك
------
تنسمع الحسين باجر جلمته -- السنه خلانه حدر خيمته
***
عبد الجليل المالكي
يا اربع اقماري .. مظلم بقه داري
يوم اللّي عفتوني .. موزينه اخباري
ـــــــــــــــــــــــــــــــــــــ
الدار وحـشه من بـعدكم يالغوالي
يكسر الخاطر عگبكم صار حـــالي
حن عليه الصخر يولادي وبچالي
اوتــــهدم ابحــيلي معانات الليالي
عفتوتي يولادي.. وبس الحزن سادي
افراگ الوِلد صعبه.. ودمع الحزن جاري
ـــــــــــــــــــــــــــــــــــــ
ريـت ويـاكم خـذيـتـوني يـولـــــدي
شنهي ظلتي اخلافكم بالدار وحدي
اليـابـدر منـكـم انـوح وبــيـمن ابدي
يالهجرتوني وبقيت ايدي اعلى خدي
عفتوني بالغربه .. الوحدي اظل صعبه
وحسيني گولوله ٠٠ ماتنطفي ناري
ـــــــــــــــــــــــــــــــــــــ
يمه اخدمو حسين واعياله اربعتكم
آنـه لـــــــعيـونـه يـولدي خـلّـــفتـكم
انـتـو ولـدي وللـشدايـــــد ذاخـرتكم
اتـبيِّـضُون الـوجــــه بالحومه ردتكم
وحسين ابو اليمه .. مثل الهوه اشتمّه
ومن حَمَّل اضعونه.. حسسني بأخطاري
ـــــــــــــــــــــــــــــــــــــ
صرت ام لحسين من بعد الزچيه
اشگد تـــمنيت السفر للغاضريــه
وآنـه كون اويـــاه تلفيني المنيه
افراگ ابـــو السجاد مو هين عليه
ياجمرة افراگه .. بدلالي حرَّاگه
تتهيج احزاني ٠٠ لو جبته بالطاري
ـــــــــــــــــــــــــــــــــــــ
كلشي چان حسين يعنيلي ابحياتي
هوّّ روحــــــي وهوَّ تكبيرة صلاتــي
يـرد سالم للـوطـــن كل امـنـيـاتــــي
يـــرجع ويحـضرني محبوبي ابوفاتي
وسفه انذبح ضامي .. واتلاشت احلامي
واتغسّل بدمه ٠٠ واتچفن بذاري
ـــــــــــــــــــــــــــــــــــــ
حيدر بشار الدراجي
(#قلت_حيلتي)
صاح الحـسين ابألــم
من فگد راعي الشيم
هسه قلّت حيــــلتي
ظلمه صارت دنيــتي
ــــــــــــــــــــــــــــــــــــــــــــــــــ
احسين طب للخيمه يحبي وطيّح ابجفه العمد
گلها اخبرج يالعقيله ضل اخوج ابلا سند
طاح اخوي احزام ضهري وبيمن اتحزم بعد
شفته نايم عالوطيه وحيلي يا زينب ركد
عفته يم المشرعه/ والجفوف مگطّعه
طاح اخوي وهيبتي
ظلمه صارت دنيتي
ــــــــــــــــــــــــــــــــــــــــــــــــــ
ونّت الحره اعله اخوها وحشمت يا كافلي
اختك انه الدللتني لو رحت وليه انولي
ياهو ليحامي العقيله وياهو يحرس محملي
تنهضم روحي ابغايبك ويتشمت عاذلي
ترضه زينب تنهضم/ وحدي اضل بين الزلم
ياهو يحضر شــدتي
ضلمه صارت دنيتي
ــــــــــــــــــــــــــــــــــــــــــــــــــ
احسين گابل زينب اخته وگلها طاحت خيمتي
راح ابو فاظل يخويه وضلمه صارت دنيتي
ودعيته اعله الشريعه وداعه فتت مهجتي
گلي سلمني اعله اخيتي والها وصل كلمتي
گلها منج يعتذر/ كافلج يم الخدر
فدوه لجلج هامتي
ضلمه صارت دنيتي
ــــــــــــــــــــــــــــــــــــــــــــــــــ
شبجِت العشره العقيله ودمع المعاتب نزل
نادت ابصوت المواجع ولحزن بان وثگل
ترضه يا عباس اضلن لا كفيل ولا اهل
ونته مقياس الاخوّه وينضرب بيك المثل
انهض ورد للخيم / يله يا راعي العلم
خويه ورحم حالتي
ضلمه صارت دنيتي
ــــــــــــــــــــــــــــــــــــــــــــــــــ
احسين ناده ابصوت توّه ضهري حدب ونكسر
ما شفت يا خويه دربي من لگيتك عالنهر
روحي ذابت يا عضيدي وگلبي احسنّه انفطر
حيره حيرني زماني وخيّب اضنوني الدهر
راحت ايام السعد/ودري ما شوفك بعد
حيره بعدك حيرتي
ضلمه صارت دنيتي
ــــــــــــــــــــــــــــــــــــــــــــــــــ
طلعت الحره وتدور عن اخوها ومصـرعه
وصلت و شافت گمرها اموسد اعله المشرعه
بالسهم مصيوبه عينه والزنود مگطّعه
موذّره ومطّشره جثته وعالرمال اموزعه
اتمدّدت يم جثّـته / يا كفيلي اتنخّته
اگعد احرس خيمتي
ضلمه صارت دنيتي
✍️ علي كاظم المنصوري
اهدي ثوابها الى روح والدتي
قصيدة للعباس مع امه عليهما السلام ((لَـيـتَــكِ))
لَيتَكِ تَرَيــنــي ... أَفتدي حُسَيني
قَطَّعوا كُفوفي ... سَهمُهم بِعَيني
فوقَ الثَّرى .. دَمي جَرى .. مِنْ هامتي نَجِعيا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كُنتِ تُرِيني كربلا فــي الّليلِ نِبراسْ
في المَهدِ كَمْ ناغَيتِني عَنْها بإحساسْ
يا نَبضَ قلبـي يا بُنَي لا تَنسَ عبّاسْ
أُوصِيكَ خَيراً بالّـذي يَبقـى بِلا ناسْ
لَيتَنــــي أَراكَ ... رافعــاً لِواكَ
ناصراً حُسَيناً ... سَيّدي أَخاكَ
في المُبتَغى .. عِنْدَ الوَغى .. كُنْ سدَّهُ المَنِيعا
فاستَبشِري .. ذا مَنحَـري .. في عِشقِهِ قَطِيعا
أَفتدي حُسَيني ... أَفتدي حُسَيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
لمّا زَقا الموتُ ضُحى في الطّفِ أَرزاءْ
هاجتْ كما المَوجِ الضُّبـــا تَمتدُّ حَمراءْ
لـــمْ تُبقِ صَحبَـــاً عِنـــدَهُ لــمْ تُبقِ أَبناءْ
إلّا أنا جُنديَّـــــهُ فــــي كُـــــلِّ هَيجـــاءْ
حـامِـــلاً لِواءَهْ ... سامِعَـاً نداءَهْ
دُرْعُهُ الحصينَهْ ... مُحتذِي إباءَهْ
بابُ الهُدَى ... طُولَ المَدَى ... أبقى لَهُ مُطيعا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالماءِ شَحّتْ نَينَـــوى والكلُّ عُطشانْ
وَسطَ الخِيامِ قـدْ ذَوَتْ للأهلِ أَغصانْ
بَينــا أَرى فــي العَلقمِي للماءِ طُوفانْ
أمّـــا حُسيناً قلبَــــهُ يا أُمّـــــي ظمْآنْ
جُرحُهُ تسامَى ... ينظُرُ الأيامى
تَشتَكي الفِراقَ ... بَعدُهُ اليتامى
صَوتُ الظما .. دَمعاً هَمى .. لمّا يَرى الرَّضيعا
فاستَبشِري .. ذا مَنحَري .. فــي عِشقِهِ قَطِيعا
أَفتدي حُسَيني ... أَفتدي حُسَيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
سِرتُ إلى الشًّطِ الّذي ما بينَ أفـــواجْ
بِيضِ السّيوفِ حولَــــهُ تَعلُـو كأمواجْ
لابُـــدَّ أنْ آتي بهِ فـــي الجُــودِ ثجّاجْ
حتّـــى وإن مِـنْ أَمرِهِ للرّوحِ مِعراجْ
لَو أتى مماتي ... يَجري كالفراتِ
مَوجَـــةٌ لقتلي ... مَوجَـــةٌ حياتي
من أجلِـــهِ .. من قبلِــــهِ .. دهراً أكُنْ صَريعا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
جئتُ بهِ مُستئنِسَـــاً فـــي الــرّوحِ آمالْ
أَسقي عُطاشى كربلا من جودِي شلّالْ
لكـنَّ جيشــاً غَـــدرُهُ قـــدْ غيَّرَ الحــالْ
كلتــــا يَــديَّ أَصبَحَتْ يا أُمّـي أَوصالْ
في الثرى أراها ... أوقعَتْ لواهـا
خائِفــــاً لجُودي ... يقتَفي خُطاها
بالأذرعِ .. للأضلــــــعِ .. عانقتُــــــهُ سريعــا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
فوقي السَّمــاءُ أسهُماً صَبّتْ كأمطـــارْ
صدري وجــــودي مزّقتْ للقلبِ أوتارْ
لا كفَّ لا مــــاءً بَقِــي فالفكـرُ مُحتــارْ
للشَّطِ أمضـــي عائـِــداً أم أقصـدُ الدَّارْ
شـــدَّةُ الوقــوفِ ... في رُبى الطَّفوفِ
ليس عندي ماءٌ ... فاقـــداً كفــوفــي
في حَيرَتي .. من مِحنَتِي .. يوماً أرى فظيعا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني ــــــــــــــــــــــــــــــــــــــــــــــــــــــــــــــــــــــــــــــــــــــــــــ
عَيني لأطفالٍ بقتْ ظمــأى بِلا ماءْ
تَبكي وسهمٌ مُسرِعٌ في وَسطِها جاءْ
لم أستطِـع إخراجَــــهُ فالكفُّ بتراءْ
أمسكتُهُ فــي أرجُلِي والهـامُ كَشفاءْ
ضَربَةُ العَمودِ ... من يدِ الحقودِ
ناثرتْ دمائي ... عجّلتْ رقودي
من غربتي .. في صيحتي .. أدركْ أخاً وجيعا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني ــــــــــــــــــــــــــــــــــــــــــــــــــــــــــــــــــــــــــــــــــــــــــــ
جاءَ الحُسينُ مُسرِعاً في القلبِ آهاتْ
مُحدَودَبَ الظَّهرِ رأى للمـــوتِ آياتْ
كفّيَّ عيني هامَتي فــــي التُّربِ مُلقاةْ
هـذي بضاعتي يا أخي إِقبلها مُزجاةْ
إخوتي دمائــي ... مُنتهى رجائي
تَقبــــــلُ القليلَ ... جئتُ دون ماءِ
عذري لهم .. كُنْ عندَهم .. لي سيّدي شفيعا
فاستَبشِري .. ذا مَنحَري .. في عِشقِهِ قَطِيعا
أَفتدي حُسَيني ... أَفتدي حُسَيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
قـادم محـرم هالسنه اعلـينه
رغم الضروف الصعبه ضلينه
نحسب أحساب الرفعة الرايه
گالولي ماكـو هالسنه اقــرآيه
گلت المجالس هيه تحيـــنه
ــــــــــــــــــــــــــــــــــــــــــــــــــــــــــــــــــــــــــــــ
نحسبلك احساب ونـعـد ياسـيدي تـدري
ما اعرف اشهور السنه لن عودت عمـري
العاشورك احسب وانتظر علموني من زغري
كل عمري خادم بس الك واخدملك بگبري
من زغري متعود عله حسيني
ما حسبه يوم الما تهـل عيني
وجروحي موكب ناس مشايه
گالـولي ماكـو هالسنه قــرآيه
گلت المـجالس هيـــه تحيـنه
ــــــــــــــــــــــــــــــــــــــــــــــــــــــــــــــــــــــــــــــ
مخنوگه روحي اعله العَزه بس هوه يحيهه
هالدنـيه مـن غـير الطــم كـل طـعم مابـيهه
المخنوگه روحـه مـن الهوه الهـوه يمر ليهه
بس انـه ريحـت حضـرتك يحـيني طاريهه
دنيانه مجلس واحنه لطامه
هوه العمر زنجـيل والقــامه
وبالي ذكرك عايش اهوايه
گالولي ماكو هالسنه قرآيه
گلت المجــالس هيه تحيـنه
ــــــــــــــــــــــــــــــــــــــــــــــــــــــــــــــــــــــــــــــ
لو ما اسـوي موكـبي ولو ما اجـي الگبـرك
احسبني ميت هالسنه ماعندي من صبرك
انـه حـياتـي بمجلسك يا مضحـي ابعمرك
ما اوفي انه الحضرتك بس منتظر أجرك
يالمنطي كلشي الربك انطيني
لطمه اعله صدري ودمعي البعيني
احشرني وي انصارك ابهايه
گالولي ماكو هالسنه اقـرآيه
گليت ابمجالس هيـه تهديـنه
ــــــــــــــــــــــــــــــــــــــــــــــــــــــــــــــــــــــــــــــ
حبك نجاة من الغرق وانـته التنجيـــنه
وانـته السفينه الراسـيه بگلـوبنه وبـينه
عينك عليـنه سـيـدي بـس انـتـه واليـنه
ما نلجئ الغيــــرك ابــد ماعدنه تدرينه
ماعدنه غيرك يا ابو اليمه
المابيه محرم هوه ماشمه
وبگلبي الك مجلس ونعايه
گالولي ماكو هالسنه اقرايه
گلت المجالس هيـه تحينه
ــــــــــــــــــــــــــــــــــــــــــــــــــــــــــــــــــــــــــــــ
خـدامك احـنـه سيـدي ومانـكـدر ابـدونك
يالعلمتني اعله العشك صرت انه مجنونك
بس نضـرتك ياسيدي مـن فـدوه لعيـونك
انحـبك احـنه وماتـعـوف انـته اليـحبـونك
يالخدمتك علت مراتبــــنه
غير المجـالس ابد ماردنــه
لا مانعوفك سيدي احجـايه
گالولي ماكو هالسنه اقرآيه
گلت المجالس هيـه تحيــنه
ــــــــــــــــــــــــــــــــــــــــــــــــــــــــــــــــــــــــــــــ
الخادم محمد رحيم المشعلاوي
بسم الله الرحمن الرحیم
لسان حال العلیله بنت الامام الحسین علیه السلام،:
ابچی ابدمع همال
عنی الضعن منشال
............................................
یابویه ریضلی الظعن واصبر اشویه
یاسبط طاها المصطفی سید البریه
افراگک یبویه یاشهم یکلف علیه
والحزن لاهب بلگلب نارا سریه
دمعی یکت شلال
ابچی ابدمع همال
...........
الحزن نار وتستعر ودموعی علخد
یاشبل فاتح خیبروگلبی تمرد
انهاری اگضیه ابعزه وتم لیل اسود
انته ظرای ابدنیتی وغیرک میوجد
یاضخری وال آمال
ابچی ابدمع همال
...............
انته الامل یبن الفحل عیدی اشوفک
والروح بیک امعلگه وابدأ مایعوفک
بویه تظل عینی ابأمل تنطر طیوفک
یاشبل حمای الحمه الحلوا رسومک
ابعینی وابدمنزال
ابچی ابدمع همال
......................
ارسومکم یبن حامی الحمه متعوف العیون
تبگه یسبط المصطفی ساکن بلجفون
یاوکت یمته للنزل یهلی تعوودن
یابوالمحنه منوتی
یحبابی تلفون
انهاری یصیر الیال
ابچی ابدمع همال
...............
اهنا یبویه لورحت متروح ذکراک
اهنا یبویه یلعزیز ابروحی افداک
اهنا یبویه و الدلیل ایشیل ویاک
اهنا یبویه احسین مااصبر بلیاک
یتمرد الدلال
ابچی ابدمع همال
.................
یا والدی الساکن دلیلی ویل ملکته
غیرک منوجد محبوب بی صار وعرفته
واهنا یبویه العمر لقدومک نذرته
شنهو العمر یلی امرالله محبته
ابگه انطرک یهلال
ابچی ابدمع همال
والسلام
............
خادم السیده الزهراء سلام الله علیها لفته الحسن
مقطع صوتي من mlahythmallamy
Читать полностью…
مقطع صوتي من mlahythmallamy
Читать полностью…
مقطع صوتي من mlahythmallamy
Читать полностью…
(نزال للقاسم)
عظم الله اجرك ٠٠ ياابا عبدالله
ــــــــــــــــــــــــــــــــــــــــــــــ
عادة السافر يوصي اهله ابوصيه
والحسن يحسين وصه بالمنيه
گله جاسم موعدك بالغاضريه
من يظل عمّك وحيد ابين اميه
اليوم ذبحو بدرك ٠٠ ياباعبدالله
ــــــــــــــــــــــــــــــــــــــــــــــ
چنت من تشتاگ للغالي عضيدك
تنادي ياجسام يبني اگبالي أريدك
تگله خل اشتم رگبتك والزم ايدك
باچر الدم بالحرب يصبغ وريدك
نفس چان ابصدرك ٠٠ يااباعبدالله
ــــــــــــــــــــــــــــــــــــــــــــــ
طلب منك رخصه والسيف بيمينه
گلبك بيوم الطلع الله يعينه
تجري عينك للوداع وتجࢪي عينه
ياهو منكم صار ابو الروح الحنينه
حيل كاسر ظهرك ٠٠ يااباعبدالله
ــــــــــــــــــــــــــــــــــــــــــــــ
اوداع موت اتوادعيتو ودمعه بالعين
كسر گلبك من وگع جسام یحسین
امحنه من دم النحر وسط الميادين
وامه بالخيمه تنوح اويه النساوين
الليله الله ايصبرك ٠٠ يااباعبدالله
ــــــــــــــــــــــــــــــــــــــــــــــ
ناده ياعمي سمعته ايصيح جسام
المصرعه اتعنيت شفته امطبر الهام
اشبگت جسمه بالرغم غارگ بالسهام
للخيم زفيته زفت موت الاحلام
سلمت كل امرك.. يااباعبدالله
ــــــــــــــــــــــــــــــــــــــــــــــ
اتلگته وگامت تشم نحره العقيله
وامه تلطم والدمع عالخد تسيله
والتراب اتشيله عالهامه وتهيله
اللهُ اكبر هالمصيبه اشگد ثگيله
یاهو یجبر كسرك.. يااباعبدالله
ــــــــــــــــــــــــــــــــــــــــــــــ
حيدر بشار الدراجي
مقطع صوتي من mlahythmallamy
Читать полностью…
مقطع صوتي من mlahythmallamy
Читать полностью…
لُون العَبايَه اتغَــيَّر
مِن الشَمس وامنِ البَـر
بَس ظلّت اعلَه امتُوني
ماطَاحَت وشَـافوني
***
تَاذِينـي سَالفة السَبي
وعِد رُوحي مامَرغُوبه
ولمّن اسُولِـفهه تظِل
مِنها النفِـس مَتعُـوبه
وطَاري اليسِر مِن اذكِـرَه
وشنهي الحِصَل بدرُوبه
قَصدي يظـل مِني عِـبَر
متسَــطّره ومَكتُــوبه
للـوَادِم التِقــرَاها .. وتتمَعّـن امعنَاها
وهِنياله من يتبصـَّر
لُـون العَــبايَه اتغَــيَّر
**
حَنضل يَريجي بالدَرب
والسَاني يجرَح جَاسي
والنَظرَه واشوَاك الجِدَم
تاكِـل ابلِـب احسَاسي
ماهَمني كل هذا الجَره
وقَسوَة گلب حرَّاسي
كل همِّي آنه اعبَـيِّتي
كالتَاج تبقَـه برَاسِـي
رُوحي فلَا بَاريها .. بَس اهيَه اهمَّن بيها
شِنهي التعَب شِنهي الحَر
لُـون العَــبايَه اتغَــيَّر
**
شما گصَّر اويَاي الوَكت
لا ماگِصَــر جِلبَــابي
وشمَا شِعَـر ﮔلبي ابألَم
شَـعـرِي الغلَب ارهَابي
مَحفوظ بحجَاب السِتر
والحِشـمَه تقـفُل بَابي
أقسَى الظرُوف اتحَمَّلت
مافَـرَّطِت بحجَـابي
سِتري الرُفَع مِن شَاني .. بتَـربِيتي وبوِجدَاني
لا ما أَزِل واتأثّـر
لُـون العَــبايَه اتغَــيَّر
**
آنه العَــقيله الّي صِرت
للعـفـَّـه أقـدَس آيَــه
يَبنَـيتي واختي اتفَهِّـمَن
منِّـي القَصِـد والغَـايه
لو وحدَه مِنچَن فَـرِّعَت
چَنهه الّي رُفعَـوا رَايَه
ضِـد الحُسين بكَربلـه
والقَـتلَه اجَـوَا عَـنَّـايَه
المَا تِلتزم بحجَابي .. تمشِي بأثَر سَلّابي
ومِثل اليرَوْع الخِدَّر
لُـون العَــبايَه اتغَــيَّر
**
وكِل الشَباب التستِـمع
احچَايَاتي خَل يُوعُـوها
إلهُم مِن العِفَّه حِصَص
وَاجِب ترَه ايصُونُوها
واُوصِيهم ابغَـض النَظَر
والشِـينَه لا يطــرُوها
ترجَـع عَليهم بالعَـكس
البُـاب الذي يدِگّـوها
حفظُوها اِذا اتحِبّوني .. بيُوم الحَشر تلگـوني
وعِند الشِدَايد أحضَر
لُـون العَــبايَه اتغَــيَّر
----------------------------------------------
لقمان لعيبي البدران
يـتـربـــاة الميـادين
بالحومه بقه حسين
لانـاصر ولاامـعــيـن
يمسلم يمسلم
ـــــــــــــــــــــــــــــــ
ابـن العم اخـــو ومريود بالشده
يلزم ظهر اخوه والعايل ايــرده
وابو السجاد يامسلم بقه وحده
يدير العين والدمعه على خـده
الاخو بالشده يراد
يفزع گبل الابعاد
يحيد ويبن الاجواد
يمسلم يمسلم
ـــــــــــــــــــــــــــــــ
بـالغربه واجـتنه اخـبـــار موزينه
وابو السجاد مطرت بالدمع عينه
انـكسر لاكنه يـكــتـم نبرة اونينه
وخله اعله حميده حسين چفينه
ويگللها وغلاتي
احسبچ من بناتي
وحياتچ من حياتي
يمسلم يمسلم
ـــــــــــــــــــــــــــــــ
خبر لحسين اجه من ديرة الكوفه
يبـو اليمه عسن لاعيــنك اتـشوفه
ابـن عمك اديـه بحـــبال مچتوفه
وروحه اعليك لاخر نفس ملهوفه
يفرك چفه وينوح
اغيابك يحرگ الروح
گلبه اعليك مجروح
يمسلم يمسلم
ـــــــــــــــــــــــــــــــ
يااول كسر بضلوع ابو اليمه
مكانك مايسدونه الف زلمه
نهاره من عگب عينك صبح ظلمه
خبر فگدك يهد الحيل ويهظمه
خسارتنه چبيره
يروح الكله غيره
كسرت اشچم عشيره
يمسلم يمسلم
ـــــــــــــــــــــــــــــــ
ابو اليمه غريب ابكربله وحاير
اه يالوعته وياقلة الناصر
ابيوم امصيبته ريتك چنت حاظر
ومنه چم ضلع مطحون بالحافر
ابصدره اشسوت الخيل
انطحن چن طحنة الهيل
ماظل عنده كل حيل
يمسلم يمسلم
ـــــــــــــــــــــــــــــــ
حيدر بشار الدراجي
هَلُمُّوا لِلْحِداد
أيا أَهْلَ الذُّنُوب
فَفِي هَذَا السوَاد
بَيَاضٌ لِلْقُلُوب
حَيَّ عَلَى شَفِيعِ الْمُذْنِبِين
ـــ
باچر الالسن شاهده وتتبرّه اليدين
بالشدد مايوگف احد بس دمعة العين
(يومَ يفرُّ المرءُ) حتى من الأبوين
خادم ابو الاكبر يفر لكتر الحسين
بِنَا هُوَ الْكَفِيل
لَنَا يَبْقَى الشَّفِيع
وَكَيْفَ بِالدَّلِيل
عَبِيدُهُ تَضِيع !!
حَيَّ عَلَى دَلِيلِ الْحَائِرِين
ـــــ
حي على بيت النعي خلّوها البيوت
ابّخت الحسين اللي حضه بهالدمعه مبخوت
وياه هله حد الگبر هذا امره اليموت
بس الدمع مسموح اله للگبر يفوت
تَزَوَّدُوا شُمُوع
وَأَكْثِرُوا الْبُكَاء
فَفِي هَذِهِ الدُّمُوع
قُبُورُنَا تُضَاء
حَيَّ عَلَى ضِيَاءِ التَّائِهِين
ـــــ
حي على خير العمل من يهل عاشور
اجلوا الگلوب من الصدأ ابلطم الصدور
كل خطوه حجه والذنب بحسين مغفور
شمحلاها من ام الحسن : سَعْيُكم مشكور
لَهَا عَلَى الْأَتْبَاع
سَيِّدَةُ النِّسَاء
عَلَى مَنِ اسْتَطَاع
حَجٌّ إِلَى الْعَزَاء
حَيَّ عَلَى حَجِّ الْمُوَفَّقِين
ــــــ
گال الامام الصادق ويكفينا تصريح
عباده كل دمعه عليه والنوح تسبيح
يامن ثگل ذنبك تعال بهالاسم صيح
لعيون ابو فاضل ترى كل ذنب يطيح
إِدْخُلْ بِهِ عَلَيْه
يَا مَنْ أَتَى يَتُوب
فَعَنْ وَجْهِ أَخِيه
ذَا كَاشِفُ الْكُرُوب
حَيَّ عَلَى كَفِيلِ الطَّاهِرِين
ــــــ
بس ابو الاكبر وانتهت ما مثله موجود
هذا الذي يبيض الوجه بهدوم السود
اليبچي عليه يعني يرد چن توّه مولود
وكل اليروح لمجلسه بالمغفره يعود
أَفْلَحَ مَنْ أَتَاه
كَفَاهُ الثَّقَلَيْن
وَإِنَّهُ كَفَاه
بِأَنَّهُ الْحُسَيْن
حَيَّ عَلَى غِيَاثِ النَّادِبِين
👉2025
مقطع صوتي من mlahythmallamy
Читать полностью…
يادولةَ المجالسِ
هيا بنا ننُافس
......أن الجنون فينا
يجعلُنا ك عابس
*******
حسين حبيتك الك خلي اليلوم عليه
ولما يحبك بالعشك ماعنده ابد جنسيه
تعداد عندي ويه الهوى.... فاق العقل بوصافك
يحسين حيرت الجرح ...يندل معاني الطافك
ما شفتك بعيني لچن ...بس گلبي هوه الشافك
عاشرتك وتدري اليحب......راسم خياله اطيافك
قد قامتِ الشعائر
حي على المنابر
..........بالعشقِ والفؤادي
تحكي النا المدراس
*******
بالدمعه سولفت العزه.... بالونه خلص عمري
ما حس محرم من يمر ...لوما لطمت بصدري
وياك سلمت العمر ...... وبصم الك عالفطره
من الازل هذا العشك......خالص ولا بي ثغره
امنيتي اخلص واخدمك....مو لجل غايه وشهره
يحسين تستاهل صرت.....صدري لطمته واقره
يا قلبةَ المعالي
في حبك المثالي
..........يامنهجي وجنوني
لكل من ينافس
*******
صلت عيون اهل الكهف هاي الرقيم ابابك
سجدت ثلث ميه بجرح تبچي الكهف محرابك
نامت عيون اهل الكهف..... وترتل بأياتك
من الله سرك يختلف .....محد وصل معناتك
وجهك محمد تلتفت .... بس العرف طعناتك
حتى الحجر صابك ندى....دنك خجل يم ذاتك
يا كربلاءُ جودي
بالفخرِ والخلودي
.............يامنبعَ العقيده
معروفه بالأشاوس
*******
عابر محطات العشك عابس صرت مجنونك
ابلياك عايش بالوهم ماارهم انه ابدونك
مغمض ولا اشوف الدرب..... بس انت شفتك بيه
كل يوم أكبر بالدمع....... وسهر حزن ليليه
فوك الجرح يكبر جرح ..... من اذكر الترجيه
حتى بمنامي دمعتي.......صرت اقره بالطميه
قد جُلتْ الرزيه
في دمعةِ الزكيه ......
.........بالوحِ والدماءِ
ترسمُها النوارس
*******
وياك متعود جرح حتى الفرح حسره الكاه
لو الفظ اسمك بي طعم واجب اكولن الله
صدري تحضر للطم ... وسمع نواعي الزهره
وجروحي هامت بالعزه.... تلكاني اجر الحسره
بالمجلس وشدني الحن ...طور العراقي
يقره
والزهره بالدمعه تون.....يا جرح بيها اتفسره
يحيى الك الوجودِ
ايقضتُ في الخلودِ
...........تبكي الك المعالي
حتى وفي الكنائس
*******
الله ابكتابه باهلك........نجران تدري اعلومك
شاء الله تصبح كربله...يسلبون بيها اهدومك
جبريل يتبرك يجي........... ويظلل بجنحانه
شافك محمد عاالارض ...يابس يشوف لسانه
والراس عالي اعله الرمح ...يقره الحمد بحزانه
وشجانك بطف كربله......وزع جروح احسانه
قد اطلقَ المنادي
أرضُ العلا سوادي
........ان الحسين فيها
سيعتلي الهواجس
*******
تمت بعون الله
خادمكم .......يوسف الفتلاوي
قصيدة ( استقبل محرم) لاستقبال شهر محرم الحرام تبين أننا لم ننسى الحسين حتى نستقبل شهر الحزن
استقبــل محــرم بــيش يـــا عيــــن
أنه الما ناسي يوم أمصاب الحسين
كــل وكـــتي رزيـــه
لمصــاب الغاضــريه
*----------*----------*
استقبــل محـــرم الــبس أثيـــابـــه
معنــاهــا سنه طـــول علــى أغيــابه
انه الما عايف اه يحسين ومصـــابـه
وجمــرات الحـزن كـل وكتي لهــابـه
شلون استقبلـه هوه آنــه نــاسيه
ونار امصابه بس المهدي يطفيه
يون صبح ومسيه
لمصاب الغاضريه
*----------*----------*
اذكــر يــا حــزن يــا محـنه يـا لــوعه
وروحي كــل وكت لحسين مفجـوعه
بگلبي إحزان زينب چنهه مجمــوعه
ويـا نــار الغريــب السحگو أضلــوعه
مــا ناسي مصابه وشوغت الروح
كــل صـرخه بــدليلي آه يمذبـوح
وبگلبــي عـــزيــه
لمصاب الغاضريه
*----------*----------*
هــوه آنـــه نسيـته حتـــى أتــذكــر
أشوف المـاي اذكــر چــبده المفطر
أشوف أوليدي اذكـر طيحت الأكـبر
مصــايب كـربلــه يــوميـــه تكــــرر
عايش لــوعتــه وكــل التفاصيل
من صعدت ترض بصدره الخيل
تنــوح أمــه الزچيه
لمصــاب الغاضريه
*----------*----------*
استقبــل محـرم صعبـه هــل الفـكــره
الخــادم من صدگ مــا فــارگ العبــره
وأنه الما ناسي خيل السحكت بصدره
ولا ليل اهدعش مـن جـن على الحـره
مثل ليل اهدعش ظل اسود الثوب
انــه المستــور بس حسين مسلوب
وظل أعلى الوطيه
لمصــاب الغاضريه
*----------*----------*
اليستقبــل عــزيـز أدموعــه همـــالـه
ومــن يشتــاگ الــه يــروح يتعنــاله
وآنــه الكــل وكــت عــاشـور يبراله
من اشوف عيالي اذكر ركضه اعياله
عيال المصطفى مسلوبه للشام
جفني ينــام زينــب ابــد متنام
مــن عظم الرزيه
لمصاب الغاضريه
*----------*----------*
الشاعر
موسى البديري
توسل الخدمة
انا توسلنا بحق ام البنين
اتقبل الخدمه منا ياحسين
''"" "" "" "" "" ""
انا توسلنا واستشفعنا بيه.
الخدمه حاجتنه وصارت بين اديها
الله يرضاها الراضي انته عليها
يا محنتها مثل گلب ام أبيها
ابجاه دمعتها ام گلب الحنين
اتقبل الخدمه منا ياحسين
_
هاي ليلتها اليمد روحه ذليله
الما گدر يحضر عزاها وخانه حيله
بس يحلفها بابو اليمه تجيله
الحاطر اعيونه تسوي المستحيله
باب حاجتنه من ذيج السنين
اتقبل الخدمه منا يا حسين
_
هاي دمعتنه التهل ما عدنه غايه
فوگ سطح اگلوبنه تلگه الروايه
بيضه شيبتنه واشد منها النوايه
بدت عشرتنه بچي هاي الحكايه
الله خالقنه من دمعه وانين.
اتقبل الخدمه منا ياحسين
_
باب خدمتنه وحزن طفك مدينه
بجاه شيبتها دمع تترس ادينه
الناس خل تزعل اذا راضي علينه
انحلفك بام الكمر هاي الحنينه
انظر الغيرك لا تنطيني عين
اتقبل الخدمه منا يا حسين
_
ياملك گبلك رفع شان العبيده
وخله خير الدنيه والآخرة بيده
المايريد احسين الله ما يريده
هذا ابو اليمه الفده الدين بوريده
هاي دمعتنه صراط المتقين
اتقبل الخدمه منا ياحسين
____
لا ترجعنه عليك ام النشامه
دوم خلينه تحت في الخدامه
خدمتك نعمه وستر هيبه وكرامه
هاي بالدنيه الفخر يوم القيامه
من تنادينه اهل الخدمه وين
اتقبل الخدمه منا يا حسين
____
فيصل المياحي
#جديد_محرم_الحرام_
بالخيمه وبعيده وشفته انحز وريده
وصاحو ذبحنه حسين عباس اخيج وين
خل ينظر عضيده
****
بذاك الظهر عطشان اخوي الوحده
لا اخو لا انصار ظلت عنده
بسهم المثلث صوبوه بجبده
انحنه ومن ظهره طلع وتعده
طاح ودمه يجري وخويه ايصيح ظهري
من دار اليه العين عباس اخيج وين
خل يلحگ عضيده
***
التمو عله حسين وتولوه من طاح
ناس بحجر ناس بنبل ناس ارماح
طعنات جابوه ونترس جسمه اجراح
وحيل انخسف من الطعن صدره وراح
ابن امي تعذب وشفته من تسلب
لا جرح لا جرحين عباس اخيج وين
خل يلحگ عضيده
***
كلش تعب من كثر الجروح البيه
وما ظل كتر سالم اخيي مگطعيه
عالرمل نايم والرمل ظل يجويه
وعطشان اخوي وماي محد ينطيه
ياناس الجبيره ما صحت حصيره
كربله جتني منين عباس اخيج وين
**
مخنوگ اخوي اسهام البصدره اهواي
ومن الشمس محد يسويله افياي
عطشان گلهم والعطش فت احشاي
وبكربله لحسين ما صح الماي
مات حسين ضامي مات ونحره دامي
صوبني سهم البين عباس اخيج وين
خل يلحگ عضيده
*
يمه الشمر گاعد وعيني تنظره
لازم لحيته وظل يحز بنحره
وبسيفه شفته اثنعش طبره ايطبره
ومن شال راسه بالرمح رك صدره
جابه للمخيم ويگطر نحره بالدم
وبگلبي احس نارين عباس اخيج وين
****
تمت
ميثم العمري