834
Haitham Al-Lami
((للامام الصادق ع))
. أحـتركت الدار وذكـر عَـمّـاتـه
هـاي الـرزيـه السببت وفـاتـه
اصعب واشد يوم حتى مـن السـموم
السببت وفـاتـه السببت وفـاتـه
*---------------*---------------*
رغـم عـلمـه ورغـم اسـمـه يـهـل دمعه
سَبي الـخـدّر اذا يـذكَـر اختلف وضعه
الگلب جمره وخلص عمره مثل شمعه
گضه اسنينه على احسينه بحزن ينعه
الصادق دموعه للخدر سجابه
الـحـد المنيه وعايش ابعذابـه
*---------------*---------------*
الحِرگ عـافـه لمَـن شافه انچوه گلبه
ذكر عمته وبـچـه سكته الدمـع صبه
الجـره بأهله هتف سـهلـه وشكر ربه
يگول اصعب مره تظرَب عَلّي صعبه
بعيونه راسم رَكضة العقيله
ونار المُخيّم شبت ابدليله
*---------------*---------------*
الحزن والهـم بـقـه ملتم وسط روحه
ألـم يلـهب وسبي زينب رسـم نـوحه
البچي عاده وجرح زاده عله اجروحه
الظلام ايحل الجفن ينزل دمه موحه
ابجـفـنـه خـلت كـربـلـه علامه
لمصاب الحسين وحرك خيامه
*---------------*---------------*
ولا ينـسـه الـبـقـه ابشمسـه عـلـه الغبره
نسه الفرحه وكبر جرحه السحگ صدره
الحزن ماخف يناعي الطف يصيح اقره
يـون وحَـده أنـمـرد چـبـده بألـم كَـسـره
أخـر حياتـه وما بـرد حنينه
خلونه نبچي وبالدمع نعينه
*---------------*---------------*
اذا يــســمــع مــرَهْ تــوگــع كــثــر وَنـه
ايـعـرف هـايه وشـنـو الغايـه القره عنه
يشيعي اسمع الحچي واقنع رساله ألنه
اعـلـه عـمـاتـه اويـه دمـعاتـه لحد دفنه
اليومه الاخير أودمعته عليهن
ماينسه الحبال الـكلت اديهن
*---------------*---------------*
خادم الامام الصادق (ع)
✍الشاعر رعد الجريخي
#ليلة_الجمعة
.
.
#ليلة_الجمعة
.
.
تحن لـجـروحـك اجروحي حُـسـيـن وليـلـة الـجـمـعـة
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
قـبـل لا اوصـل الـحـضــره وأجي وأوگف على اعتابك
اروح اتــعــنــه لـلــغــيـــرة عـطـر مـرشـوشـه بـتـرابـك
لـكـل شـي بـاب مـعـروفــه وصـار انـتـه الـگـمـر بـابـك
هـــوى الاخــلاص اشـتـمـه واتـوضـه وفـه مـن اسـمـه
الـعـشـگ كلمه وانـه كـلـمـة اجـيـت انطيهـه لـمـصـابـك
الـتـبــده آهـــات لاحـزانـك غـيـر اسمك فلا ايـجـمـعـه
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
ارفــــع ايــدي بـالـحـضـرة اسـلـم والـحـــــــزن يـبــده
السلامُ عَـلـيـكَ يـامـذبـوح اگــــــول ودمــعــي يـتـبـده
اثنعش طبره ابگفاك انحط حُـسـيـن الخنجر اشـعـنــده
الــخـنـجـر بيمن ايـطـلـبـك ولـهـسـا تـشـكـي مـن تعبك
لأن فـاطـمـه ابـنـص گلـبـك الـخـيـل ابـحــافــر اتـمـرده
اجي ارد اشكيلك اهمومي واصـــد لـهـمـومـك وانـعـه
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
احط راسي اعله شباچك واريـد اشـكـيـلـك الـبـيـه
وانسـه اهمومي من اذكر اهـمـومـك يـا أبــو رقـيـه
العطش والذبح بيك انته وانـه الـكـلـشـي مــا بـيـه
الـگـلـب يمك نساه ضيمه وانـتـه امـــــوذر بـهـيـمـه
الـسـبـي ما عـافلك خيمه اخـذ خـنـصـر وتـــرچـيـه
احرگـوا اخـيـامـهـم كـلـهـه يـصـيـح الشـمـر، واتسمعه
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
تحن لجروحك اجروحي وازورك يـابــو عـبـد الـلـه
واذكـرك وانته بـالـعـاشـر وسـاده اتسـوي بـالـرمـلـه
طحت مـن مـهـرك اتخَيَّل ودمعي صاح الـ اسـم الله
زيــــارة وارث افـتـحـهــه وروحي الـهـظـم يجرحهه
يالـجـروحـك يـوضـحـهـه العلـيـه رب الـعـرش صلّـه
حـسـيـنـاً مـنـي وانـه المن حـسـيـن وزادتــك رفــعــه
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
اجـي بـحـال وأرد بحال مـحـد عرف مـوضـوعـي
اجـي واللهفه تـشـغـلنـي وامـغـيـر الــدمـع نـوعـي
ارد وحــاجـتـي ابـأيـدي وبيدي الثانيـه ادمـوعـي
اجي وارجع دمعتي اتدر واعيش ايـامي مـتـصـبّـر
من سبتي لخميسي انطر ويگضي بلهفتي اسبوعي
ازورك وارجــــع وگــلــبــي عـلـيـك يـريـد الـيــرجـعـه
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
بخدمتك قيـمـتـي وآنــه بدونك كـلـشـي ما اسـوه
طـبـع الـدنـيــه مـر لـكـن اذا تـــرضـه عـلـي حـلـوه
يأول ظـامـي بـالـتـاريـخ بـيــه الــــــزمــن يــتــروّه
يـبـوصـلـة الـــزمـن كـلـه الـقـبـلـه شــافـتـك قـبـلـه
عـلـيـك الـمـقـتـدر صـلــه بـعـظـمـتـه بـقـدرته بعلوه
وعلى سـاق الـعـرش بأمره انـكـتـب اسمك بكل رفعـه
تــاخـذ گـلـبـي مــن ايـــده وتـجـيـك لـبـابـك الـدمـعـة
*---------------*---------------*
✍️ خادم الحسين ع
الشاعر سعد هادي الشمري
ياصاحب الزمان ... لاگبه لا مناره
ياصاحب الزمان ... والاضرحه حجاره
حته على التراب .. محد علك شمع
والينظر البقيع .. بالنظره ينفجع
ياصاحب الزمان
...........
اللهم إنا نشكو حالتنه
غيابك اولاً ياولي نعمتنه
الشكوه الثانيه تشرحها دمعتنه
مهدومة قبور الساده ائمتنه
للهِ و اليك .. نشكي البقيع وحاله
للهِ و اليك .. من زمرة الرذاله
يامن على القلوب .. كل لحظه تطّلع
والينظر البقيع .. بالنظره ينفجع
............
ذاري تراب مابيها اضرحه الكبور
ولاشباج للرايد يجيها يزور
يامولاي هم بينه الزمان ايدور
وتزوّرنا بيها العاشر بعاشور
ونأمّن الدعاء .. من ترتفع جفوفك
ونأمّن الدعاء .. لمن تئم الوفك
ومن تنشر اللواء .. جوّاه نجتمع
والينظر البقيع... بالنظره ينفجع
.........
لزيارتها من تحظر يمهديها
كلبك ينكسر لمن تصد ليها
لاكو بخور لاشمع انعلك بيها
ماي الورد محد راشّه عليها
ولا اجنحة طيور .. تفتر على صحنها.
لا اجنحة طيور .. وماغردت لحنها
بس سقف الامنيات .. فوكاها يرتفع
والينظر البقيع .. بالنظره ينفجع
.......
مهدومه القبور وتكسر الخاطر
وعليها الغرّته دنياه متوازر
ميصيحون اهلا بيك يازاير
لاتشرك يحاج وصوتهم ساخر
والينظر القبور .. اتغورگ دمع عيونه
والينظر القبور .. حزنه اقتحم جفونه
الرايد يظل يزور .. بالگوه يندفع
والينظر البقيع.. بالنظره ينفجع
........
لكبر ام البنين امن انقل النظره
احسن لسه ظعن حسين تنتظره
واحسن صوتها من الكبر بالحسره
اخبرني يابشر عن ظنوة الزهره
منتظرته يعود .. ظعن السبي بصبرها
منتظرته يعود .. حته بلحد گبرها
والامل بالحسين .. عدها مينكطع
والينظر البقيع.. بالنظره ينفجع
..................
وليد الكعبي
(يبن الحسن)
أشـگـد انـتـضـرنـه ** خـلّـص صـبـرنـه
يـبـن الـحـسـن ** يـبـن الـحـسـن
*---------------*---------------*
ندعي وندري سـيــدي بــيـنـه تـحـس
صعبه الغربه وتحچي ويـانـه بـهـمـس
تطلع تسطع يـمـتـه يـانـور الـشـمـس
نفحه فـرحـه بـيـهــه تـنـســر الـنـفـس
بـأسـمـك دعـيـنـه يـمـتـه تـجــيـنــه
*---------------*---------------*
بدمعه الجمعه نـقــره بـالـنـدبــه بـحــزن
نـعـذر نـصبـر لـشـوكـت واحـنـه بـسـجن
بحسره بكسره عـشـنـه وبــدونــك نـحـن
نحـمـل تـكتـل الـغَـيـبـه والـلـيل الـيـجـن
لـيـلـك نـنـطـره ونـتـاني فـجــره
*---------------*---------------*
ننزف نـهـتف وجـرحـك بـوسط الـگـلب
غايب شايب نـدري يالـحـالـك صـعــب
ويـنـك بـينـك اشـگــد مـسـافـات الـدرب
نحچي ونبچي ونـشـعــر ويـاك الــغــرب
الـضـيّـع خليلـه ذايـب دلـيـلــه
*---------------*---------------*
نحـلـم نـلـتـم وتـنـطــفـي نــار الـبُـعـد
نسرح نـفـرح بـجـيـتـك ونـقـره الحمـد
مبـعـد نـنـشـد ســيـدي يـــمــتـــه تــرد
يـمتـه بشـمـتـه يــنـعــرف عـطــر الــورد
يـمـتـه بـأمـانـه تـحــمــل لـوانــه
*---------------*---------------*
نحسب نـعـتب ونـدري يـاذيـك الـعـتب
نجـهـل نـسـأل طـوولـت شـنهو الـسـبـب
كـلـنــه صحنـه نـــار الـفـــراگ ولـــهــب
وحـدك بــعــدك عايش الـغـربـه اشـعـجب
عـنـدك قـضــيـه ثــار الـزچــيـه
*---------------*---------------*
هـظـمـه ظلـمـه نـمـشي بـسـنيـن الـدهـر
بـوعـده بـعهـده العاشـگ اشـگـد انـتـظـر
بـگـلبـه بـحبـه يـنــتـظــر مـنــك خــبـر
دعــوه نـخـوه يـنـتـهـي هــذا الـســفــر
ثـابـت عـهـدنـه ألــكــم بــعــدنــه
*---------------*---------------*
✍خـادم الـحسيـن ع
الشاعر رعد الجريخي
قصيده ندبة للأمام المنتظر (عج) في ذكرى هدم قبور أئمة البقيع عليهم السلام
يمته الفرج ياصاحب الثار
الغيبه طالت والزمن جار
أكبور الك متهدمه واكلوب الك متألمه
ياصاحب الثار ياصاحب الثار
..............................
غيبتك طالت يالضوه يبن النبأ والقل هوه.
موكافي الغياب
كل جمعه نحسبلك ترد محضريلك دمع وورد
يا أغله الاحباب
مشتاكه روحي لشوفتك يا رحمت الله مروتك
يا ذخر الاطياب
ارحم كلب عاشك الك. كل نبضه بيها يغازلك
بجمر العشك ذاب
يا صاحب الطلعه الرشيده
يا صاحب الغره الحميده
يا آية الله المحكمه أكلوب الك متألمه
ياصاحب الثار يا صاحب الثار
....................
كل جمعه نقره الندبه الك. نـدعـيـلـك ونـتأملك
ونـتـعـاهـد ويــاك
عجل ضهورك ياملك. ثارات ما مأخوذه الك
مـتـنـطـره الــواك
اكبور البقيع مهدمه تشكي الفجيعه الناجمه
وبـالـعـجـل تـنـخـاك
تعجل يغالي بطلعـتك. تـثـأر وتـنـشـر رايتك
والـبـاري يــرعـاك
تـبـنـيها واتـعـلي الـمـنايـر
وتـكـتـب هـلاه بجيتك يزاير
وانزور أهل المكرمه واكلوب الك متألمه
ياصاحب الثار يا صاحب الثار
......................................
يوم البقيع العالمي يبن التهامي الهاشمي
يـومـك يـمـوعـود
تعلن يغايب ثورتك وتكسر اخشوم العادتك
يا صاحب الـــزود
وشيعتك تلهج بالذكر الف الحمد لله وشكر
لـفـظـلـك يـمعـبـود
بيك الخواطر تنجبر واحبابك الي تنتظر
تـــنــثـرلـك اورود
اســيـوف بـيـمـيـنـك لـلـمـنـيه
شـيـعـتـك يــا روح الـزجـيـه
وياك وكت الموزمه واكلوب الك متألمه
ياصاحب الثار يا صاحب الثار
................................
من يا جرح تبدي وألم ؟ عندك يبو صالح أهم؟
وأكثرهن امصاب
كسرة اظلوع الطاهره ؟ ومحسن الطايح علثره؟
يم عتبة الباب
لو جرح ابو حسين الفجر؟ يألمك وكلبك ينعصر؟
وتصرخ يبو تراب
لو عل حسن ومصيبته ؟ بالطشت فرغ جبدته
بالسم كضه وغاب
لـو مـن رمـو نـعـشه بـالسهام ؟
ويـم جـده مـنـعـو دفـنـتـه اقوام
حاقده عليكم ناقمه واكلوب الك متألمه
ياصاحب الثار يا صاحب الثار
.................................
حيلك تهده كربله. بيها العمام مجتله
وحسين مسلوب
ضامي أبو اليمه كظه واظلوعه حيل مرضرضه
والـشـيـب مخـضوب
والكمر غاب عله النهر والحره ظلت بالخطر
محتاره واتلوب
والذابحك جرح السبي علهزله تمشي ويه اجنبي
ومن عنده متعوب
اكـبـر اجـروحـك عـل أسـيـره
مـسـبـيه مـن ديــره لــــديــــره
والشام كلبك هاظمه واكلوب الك متألمه.
ياصاحب الثار يا صاحب الثار
.........................
...............
✍ خادم زينب عليها السلام
الرادود احمد الشيباوي
الموعد كرب نبني الكبب
ويمـــلي المنارات الذهب
بعون الله ابو صالح جاي والاضرحه يبنيها
ـــــــــــــــــــــــــــــــــــــــــــــــــــــــــــــ
كرب ضهور ابـــــــــــن الذي مخوفها
الهــــــــــدمت كبر الحسن يكطع جفها
تراب البقيع اهـــــــــــل البغي يشرفها
الناس الطغت وتطاولت
واربـــــــــــع مناير هدمت
يحاسبها مهدينه الحوك الناس الذي مهدميها
ـــــــــــــــــــــــــــــــــــــــــــــــــــــــــــــ
مهدينا باجر مـــــــــــن يجي ويلكاهم
الناس الخبـــــــــــيثه بسيفه يتولاهم
كبر الحنـــــــــــينه ام الكمر يسواهم
ام الكمر عز وفخر
يبني كبرها المنتظر
من هنا تقضي الحاجات عل باب يكتب ليها
ـــــــــــــــــــــــــــــــــــــــــــــــــــــــــــــ
باجر صدك هـــــــــــذا الخبر مو جذبه
ابـــــــــــن الحسن للـــــحسن شيد كبه
اكبال الخـــــــــــلك باجر فلان ايصلبه
الصدر امر بهدم الكبر
شيفــــيده باجر ياعذر
للمهدي باجر شيكول وبيا عذر يبديها
ـــــــــــــــــــــــــــــــــــــــــــــــــــــــــــــ
مطلـــــــبنه حــــــــــك ولازم ينفذونه
كبر الـــــــــحسن باللـــــــؤلؤ يشيدونه
وشيعة علي بـــــــــاجر مشي يزورونه
نملي الصحن وكبر الحسن
انسوي مثل جنة عــــــدن
وباجر ليالي المذبوح يم الحسن نحييها
ـــــــــــــــــــــــــــــــــــــــــــــــــــــــــــــ
شنهي الـــــــــذنب حاجونه من نادينه
كبر الامــــــــــام الباقــــــــــر مهدمينه
شنــــــــهي عــــــذركم لو طلع مهدينه
السيف انسحب حضرو الركب
تبـــــــــــت يـــــــــــدا ابي لهب
محكمته ينصبها الحيد والعادته يقاضيها
ـــــــــــــــــــــــــــــــــــــــــــــــــــــــــــــ
زين العباد وصـــــــــــادق ا هل العتره
بعون الله نجمــــــــعهم بأجمل حضره
ومأتم نيقـــــيمه احنه بحضور الزهره
ويم الحسن نبجي بشجن
ونذكر مصاب اللي انسبن
وترزقنه نضره الزهراء دمعتنه جي نجريها
ـــــــــــــــــــــــــــــــــــــــــــــــــــــــــــــ
مـــــــــن ننتـــــــفض لانسكت ولانرجع
ثار البقـــــــــــيع اله نرجــــــــعه مربع
بيا حيدر ويــــــــا فاطمه مـــــــن نفزع
كلشي استعد منرد ابد
لو صحنه ياحيدر مدد
التبغض علي من انصول وداعت علي نفنيها
ـــــــــــــــــــــــــــــــــــــــــــــــــــــــــــــ
حسين عبد الزهرة الدراجي
(يبن الحسن)
أشـگـد انـتـضـرنـه ** خـلّـص صـبـرنـه
يـبـن الـحـسـن ** يـبـن الـحـسـن
*---------------*---------------*
ندعي وندري سـيــدي بــيـنـه تـحـس
صعبه الغربه وتحچي ويـانـه بـهـمـس
تطلع تسطع يـمـتـه يـانـور الـشـمـس
نفحه فـرحـه بـيـهــه تـنـســر الـنـفـس
بـأسـمـك دعـيـنـه يـمـتـه تـجــيـنــه
*---------------*---------------*
بدمعه الجمعه نـقــره بـالـنـدبــه بـحــزن
نـعـذر نـصبـر لـشـوكـت واحـنـه بـسـجن
بحسره بكسره عـشـنـه وبــدونــك نـحـن
نحـمـل تـكتـل الـغَـيـبـه والـلـيل الـيـجـن
لـيـلـك نـنـطـره ونـتـاني فـجــره
*---------------*---------------*
ننزف نـهـتف وجـرحـك بـوسط الـگـلب
غايب شايب نـدري يالـحـالـك صـعــب
ويـنـك بـينـك اشـگــد مـسـافـات الـدرب
نحچي ونبچي ونـشـعــر ويـاك الــغــرب
الـضـيّـع خليلـه ذايـب دلـيـلــه
*---------------*---------------*
نحـلـم نـلـتـم وتـنـطــفـي نــار الـبُـعـد
نسرح نـفـرح بـجـيـتـك ونـقـره الحمـد
مبـعـد نـنـشـد ســيـدي يـــمــتـــه تــرد
يـمتـه بشـمـتـه يــنـعــرف عـطــر الــورد
يـمـتـه بـأمـانـه تـحــمــل لـوانــه
*---------------*---------------*
نحسب نـعـتب ونـدري يـاذيـك الـعـتب
نجـهـل نـسـأل طـوولـت شـنهو الـسـبـب
كـلـنــه صحنـه نـــار الـفـــراگ ولـــهــب
وحـدك بــعــدك عايش الـغـربـه اشـعـجب
عـنـدك قـضــيـه ثــار الـزچــيـه
*---------------*---------------*
هـظـمـه ظلـمـه نـمـشي بـسـنيـن الـدهـر
بـوعـده بـعهـده العاشـگ اشـگـد انـتـظـر
بـگـلبـه بـحبـه يـنــتـظــر مـنــك خــبـر
دعــوه نـخـوه يـنـتـهـي هــذا الـســفــر
ثـابـت عـهـدنـه ألــكــم بــعــدنــه
*---------------*---------------*
✍خـادم الـحسيـن ع
الشاعر رعد الجريخي
أمنيه و أمنيتي كلش رابحه
تنبني گبور البقيع الطايحه
تنبنـي گبـور الـحنان
ويمهن نحس بلامان
تنبني گبور البقيع الطايحه
اتمنه اشوف اربع گبب بأرض البقيع يلمعن
و اتعنه بدموع الحزن و عيوني يمهن يعمن
كـل سنه اتعنه مشـي لـذيج الگـبور اليزهن
و راياتنه گـبال الگبب فوگ المتون يصعدن
امنيتـي ازورن ذيـج الكبـور
عليها التراب وحجر محفور
و يرفع بيها الاذان
تنبني گبور الحنان
تنبني گبور البقيع الطايحه
—————————————————1
للحسن راعي الكرم گبه وضريح ورايه
والشيعه بگلوب الحزن تتعنه الك مشايه
جايبه من كربلا تراب الحسين وجايه
وعيونهم تحجي دمع صوب الصحن عنايه
للحسن كون اتعنه مشاي
لأرض البقيع الشيعه وياي
نجي نزور بكل زمان
تنبني گبور الحنان
تنبني گبور البقيع الطايحه
—————————————————2
نجي نزور ابن الحسين الگضه عمره بلوعه
بين شام و سبي و غربه گلوبهم مشلوعه
شافو الماشايفينه وچلمه الما مسموعه
شفاگ الصبح كل مايمر عيونه الهله مرفرعه
من المصايب شافو اشكال
جوع وعطش ورماح وحبال
ونرجع لنفس المكان
تنبني گبور الحنان
تنبني گبور البقيع الطايحه
—————————————————-3
شاف كلشي الباقر بعينه المصايب والسبي
حرگ خيمات الحسين وشردة عيال النبي
وشاف عماته عله هزل واثر محترگه العبي
گباله ترجيت رقيه لمن جرها الاجنبي
بعينه كلشي بكربلا صار
من السهم للخيمه للنار
كلشي شافه بعينه بان
تنبني گبور الحنان
تنبني گبور البقيع الطايحه
———————————————-—-4
لجعفر الصادق ضريح ونعتنيله بكل عام
بصحنه مجلس للعزاء ويمه تبجي الخدام
نواسي عباس الشهم و زينب الراحت لشام
عيونه من البجي يركن للسمع صوت اخته كام
نواسي ذاك الماله جفين
يم نهر طاحن للحسين
بلبجي يصير انه شان
تنبني گبور الحنان
تنبني گبور البقيع الطايحه
—————————————————5
ما نسيت ام الوفه الواسة الزهره ام البنين
انطت اربع من بزرها فدوه گالت للحسين
من اجو بسروس سئلة والجواب مگطعين
انطو اغله أعضاء عدهم روس وعيون وادين
عشره كون موديه هناك
موش اربعه يموتون وياك
هسه موتي وياك حان
تنبني گبور الحنان
تنبني گبور البقيع الطايحه
✍️علي اياد
لَيتَ شِعرِي ما الجَوابْ
ايُ ذَنبٍ للــــــــقِبابْ
هُدِّمَتْ ياللــــــــمُصابُ
وآبَـــــقِـــــيعَـا
ـــــــــــــــــــــــ
نسأل العدهم ضمير ومنــصفين
ابيا ذنب ينهد ضريح الـطاهرين
ليش ، چا مو همه باب السائلين
وهمه اتقى الاولين وآخِـــــــرين
إنَّ مَن هَدَ الـــــمَقام
هَدَّمَ البيتَ الــــحَرام
لَمْ يُشَل هذا العُجــابْ
وآبَـــــقِـــــيعَـا
ـــــــــــــــــــــــ
ما اگول الهَدِم چن حرگت خيام
بل اشبهه ابــــفاجعة مقتل إمام
ابيوتهم گال الله دخلوها بـسلام
وعلـــحلال اتجاسرو ولد الحرام
إنَّ مَنْ هَدَّ الــبَقيع
قَد فَرى نَحرَ الرضِيع
مُفجِعاً قَلبَ الـرَباب
وآبَـــــقِـــــيعَـا
ـــــــــــــــــــــــ
گبل آل اسعود أرباب الــــــحقد
اني ما شايف بشر يكره ورد
والله لو عندي اضرحتهم اعتقد
گلبي ، لامو بس علگ يمهم أشد
حَسرَتي تلك الدِيار
هُدِّمَت ظُلماً جِهار
قَدْ تَساوت بالتُراب
وآبَـــــقِـــــيعَـا
ـــــــــــــــــــــــ
احنه مو همنه البناء ايرد جديد
لا ولا گبه وصحن واسع نريد
حرمة آل المصطفى بيت القصيد
هلــ فعل يغضب محمد شي أكيد
فِي ضَلالٍ ما اهتدوا
وَعَلى الآلِ اعــتَدوا
وَيلهُم يَومَ الحِـــساب
وآبَـــــقِـــــيعَـا
ـــــــــــــــــــــــ
يلهدمت اشرف بيوت انبشرك
استعرت النار وتجي تتنطرك
انته والــ بلــفتوه وياك اشترك
امچانكم بجهنم ابــ أسفل درك
كُلُ ذا فِيكم قَليل
لا ولن يَشفِي الغَليل
أَوَهَلْ يُجْدِي العِتاب
وآبَـــــقِـــــيعَـا
ـــــــــــــــــــــــ
طلعة الـــــمهدي لون باچر تحين
من ذهب يبنيها گبة الطاهرين
صحن واحد وي صحن ام الـبنين
وتطلع الـــــــمشايه مثل الأربعين
ثُمَّ يازهرا يَصِيح
ولها يبني الضريح
عُلوُهُ عُلوَ السَحاب
وآبَـــــقِـــــيعَـا
ـــــــــــــــــــــــ
سيد علي عبدالزهره الناجي
شنگول باچـــر للسلف لو عايدونه
للعيد يا طعم البقه من عگب ابونه
شال ورحل عنه أبعيد بيا حاله انه ويالعيد
من عگب ابونه
چنه بصباح الله اذا عيد الله أجانه
نصبح لبونه نعايده ويجلس معانه
والحسن اول ما يجي بنصنه ولفانه
عيدك مبارك يا علي ينطق لســــانه
وهل مره صرنه كل شخص من حزنه مكسور
بعــــــيد الله باچر نعــــــــــــتني نعيد بالگبور
يا گلب هالليله أيهيد بيا حاله انه ويالعيد
من عگب ابونه
ناس أتباشر بالفــــرح والعيد أجاهه
يا بويه واولادك عكس حزنك لفاهه
زينب يغالي بغيبتك مدري اشدهاهه
وداعك لمن عنهه رحت هدهه وگضاهه
ما تدري بحوالي اشسده من فارگتني
دنياي غـــــابه وللـــــحزن چن تيهتني
ما گلت زينب شتريد بيا حاله انه ويالعيد
من عگب ابونه
للعيــــد چــــنت امناطــــره وأحسب ليالي
محـــــسبتك اگـــبالي تـــــضل تچوه يغالي
كلـشي انرسم بس فرگتك ماهي أعلى بالي
بيوم أمي اشبهه بغيبتك لو عيـــــــد اجالي
روحي شيصبرهه من اجي واشتم ثيابك
عالــــــــــفقره اوزعهن علي بوي بثوابك
بچيي شيعوضك شيفيد بيا حاله انه ويالعيد
من عگب ابونه
باچر عكس هاي الخلگ دمعاتي تسچب
وابيوم عيد الله ابحزن چم مأتم انصب
طبع العزيز أعلى المحب من حگه يعتب
مو راسي رمشي بغيبتك أصبـــح مشيب
أرحم ابزينب يا علي ترضه ابيتمهه
وهيه بحضورك حاسبه تعوضهه أمهه
بغيبتك لتظنهه اتهيد بيا حاله انه ويالعيد
من عگب ابونه
كــاظم الــــــــــبدري
شنهو ذنبي .خلصت ليلي بدمعتي
شنهو ذنبي
عفيه أصبري.. توسلت روحي بجفاهم.. عفيه أصبري
عمري مو مال انتضار
نار تاكل بيه نار--شنهو ذنبي
*------*----*---*
انه لوعاتي جثيره وزايد عليها الهجر
يبدي وني المغربيه لحد ميطر الفجر
التمت هواي السوالف حيل تعبت الفكر
صرت اخلي الصوج بيه الروحي دورت العذر
الروحي مااملك قرار
الصار بيه وهذا صار
شنهو ذنبي
*----*---*---&**
الذنب كالولي عليله والدرب كلش طويل
تتعب البعد المسافه اطيح والناكه تميل
كلت اخلي جفوف اديه طباگ وي جف العليل
ماأتعب احد انه واكتفي بعمي الكفيل
عمي كافل هل ظعون
كلشي وياكم يهون… .شنهو ذنبي
*+-*+-*-
شكد صعب يوم العليله تخلصه بااه وتنوح
ومن تظل وحيده تبجي بدمع تشفه الجروح
عمي فدوه اكدر اسافر وانه وياكم اروح
ولا اظل هيج بعذابي ميته وانه البيه روح
خذوني انام اعله التراب
ولا اظل الهل العذاب ..
شنهو ذنبي
*&*&&**
صار وحشه البيت كله وظلمه ماضل بي ضوه
ويختلف كلشي بجفاكم وگام يخنكني الهوه
انتو جنتو السلوئ اليه العلتي وانتو الدوه
هسه حتئ الراس شيب جفني من دمعي نجوه
اكضي ليلي بس انوح
بدمعي داويت الجروح
شنهو ذنبي
*&-----*---*
بكل مسيه انطر وتاني بلكت يمرني خبر
ورجع مئيسه واعاني وحيل كاتلني القهر
الواقع العشته بحياتي ادري مامنه مفر
ال بلحزن عاشت غريبه شنهو ينفعها السهر
بغربه ميته لا محال
بعد ماظل كل دلال
شنهو ذنبي
ابو سلام الجابري
(يامهدي)
بـيـن البقيع وكـربلـه ** نـدري بدموعك هـامـلـه
طـول الــزمــن نـدعـيلـك
يـبـن الحسن شـد حـيلـك
*----------------------*--------------------*
صعبه الصبر وانـت بجمـر نـار المصايب
وحدك عشت زين احملت بُـعـد الحبايب
اشكـم جـرح وشكم رمح شفت العجايب
تـحـمـل ألـم مثل السهم هـدم الاطايب
المثلك تحيّـر حـالتـه ** ليل ونـهـار بـدمعته
مـاتـهـدئ حـتـى ابـليلـك
*-------------------------*-------------------*
تـنـزف دمـع چنك شمع خلصت حياتك
اشعندك بعد ماضل أحد بـس ذكرياتك
يـمـتـه تـهـل حكم العدل نـدري أمنياتك
هيبت علـي أوارث علي كـلـهـن صفاتك
المتحمل اجـروح العـده ** يـوميـه حزنه ايجدده
اليـمتـه الـبـچـي وعـويـلـك
*-----------------------*----------------------*
ظهره انحنه وبـكل سـنـه نعـرف تكابر
بـهـل مـحـن طول الزمن بالغربه صابر
كسـر الگلـب كلش صعب ماصحله جابر
صبـرك عبـر حجم الدهـر والحده عابر
مايحصل الجرحك دوه ** الحد ما ترفرف بـالـوه
خـل الصبـر يـحـچـيلـك
*-------------------------*-----------------------*
شفت الحطب شفت الگُبب ظالم هدمهن
دمـعـك دمـه وتبچي السمه اعيونك ألهن
هـمـك جبـل جـفـنـك ذبـل يكتل حزنهن
تـذكـر هـلـك وجـروح ألـك يكثر عددهن
يالوضعك ايبچي السمه ** دنيّـه بعيونك مظلمه
نـار بــوســط دلـيـلـك
*----------------------*--------------------------*
أگبـور المجـد ساوه الحقد ونته تنظره
الـمـثلـك نـعه بهـل فاجعه أنعظّم أجره
مـن الظـلـم تحمل هظم يوميه كسره
ابـلا حچـي وي الـبـچـي صارتله عِشره
حيل المصايب جرحته ** گلبك يمهدي وأذتـه
نـدعـي ألـلـه ونـصليلـك
*-------------------------*----------------------*
✍خـادم الـحسيـن ع
الشاعر رعد الجريخي
إذا يبجـــــن يضربونج
امسحي دمعت عيونج
اعــــرف توجع الفرگة
وديج من الضرب زرگة
::::::::::::::::
من ماأشبگج بلدرب عذريني لن ماأگدر
وأصعب عليه من الذبح رگّضتج ويه الخدر
وبگلبي يلجم ياجرح من وحده بيجن تنجر
ياحيرة طولج بلسبي وعندي أعز من الأكبر
ويزينب راسي وجروحي
يونن والبــــجي بروحي
مــثل الخيمة محترگة
وديج من الضرب زرگة
::::::::::::::::
من كافل عيونج مشه وگطعوا إدي بلحومة
ومتغيرة من سوط الشمر يابت علي ومهمومة
الجانت تعيش مدلله ليش صبحت مهظومة
يل جنج امي فاطمة من الراحة شو محرومة
وراسي من يضربونج
يطــح بدمعة عيونج
وگلبــــج تآكل الحرگة
وديج من الضرب زرگة
::::::::::::::::
باجـر عزيزات العـرش وي زلم لو مشوجن
وكلما يسبـــجن بلدرب أنهظم الو سبوجن
وطلعن بحر الشمس وعلى الهزل ودوجن
وبحبل واحـــد للأسف باجـر تره يشدوجن
بيــجن رادوا الذلة
أميرات بظهر هزلة
وراسـي ياهوه يشهگة
وديج من الضرب زرگة
::::::::::::::::
يامن عمت عيني گلت زينبنه شو تعبانه
مهظومة من سوط الشمر لو من ابن مرجانه
وحيرة اعله وجهج بت علي ومتغيرات ألوانه
وعطشانه مو للماي احس لا للگمر عطشانه
شلعوا عينه وزنوده
واخوج العود شيعوده
ويرد بلطاسة والدرگة
وديج من الضرب زرگة
::::::::::::::::
كل لحظه خويه انه انذبح من اسمج يلفضونه
يل عشتي ماشافج بشر بس الگمر وعيونه
وياخويه ابجي اعله الرمح من متنج يضربونه
بطولج اليمشي وي الزلم بيهه شكثر جرحونه
وراسي وياج يتمشه
وجفني ماطبگ رمشه
وگلبي يحن على الملگة
وديج من الضرب زرگة
::::::::::::::::
الشاعر محمد البنداوي
جرح امير المؤمنين علي عليه السلام
علم عندي. گرب وعدي
بعد ساعة. ويقتلوني
٠٠٠٠٠٠٠٠٠
علي الكرار أنه واعلم من علم النبي علمي
خبر عن ليلة الاحزان. نزل وتحتم باسمي
فجر تاسع عشر رمضان. لازم ينسفك دمي
أخبرني رسول الله. يزينب هالخبر حتمي
السمه تبچي. بعد شحچي
مع الآذان. يغدروني
٠٠٠٠٠٠٠٠٠٠
العلامه بالسمه اتضحت نهاية عمري هالليله
وبالمسـجـد ابن ملجم يحضّر سيفه للغِيله
يقتلني بصلاتي اليوم. من أسجد يشد حيله
اطيح مخضّب ابدمي. خبر قتلي بتفاصيله
بحقد قاسي يطر راسي
يسم سيفه. ويأذّوني
٠٠٠٠٠٠٠٠٠٠٠٠
بچت من سمعته زينب. وصاحت يا مصيبتنه
بينه شلون يا حيدر. ابونه وانت خيمتنه
وين انروح اذا صابوك. ظلمه تصير دنيتنه
عوف المسجد الليله. ورحم بويه غربتنه
اخذنه هناك. نموت وياك
اموت ولا. يفجعوني
٠٠٠٠٠٠٠٠٠٠٠٠٠٠
يگلها صبري يا زينب. يبنتي مقدّر ومكتوب
اروح وينطبر راسي. ارد ليج بوجه مخضوب
ما امشي عله رجلية. من ثگل الجرح متعوب
يشيلوني الحسن وحسين. ارد مخضّب ومصيوب
تشوفيني. يضي عيني
يصب دمي. عله عيوني
٠٠٠٠٠٠٠٠٠٠٠٠
مثل ما أخبر الكرار ابن ملجم ضرب راسه
وگع متخضّب بدمه يشهگ گوه بنفاسه
الحسن وحسين اجو شالوه. وفزعت عالخبر ناسه
ما يكدر علي يمشي. واصل جرحه لضراسه
يحاچيهم يوصّيهم
گبل داري. تنزلوني
٠٠٠٠٠٠٠٠٠٠٠
صوت امن السمه ينادي. زينب سمعته وفزّت
ابن ملجم قتل حيدر. وركان الهدى انهدمت
صاحت بويه ياكرار. لطمت راسها وضجّت
تنحب زينب وتبچي. بجرح المرتضى انفجعت
تون تنعه. تصب دمعه
علي شلونه. أخبروني
سيد زيد الفحام
_________
#للشهيد
اعتاب عدنه اوياك يامحبوبنه
ليش تتركنه وتكســــر اگلوبنه
بعـــدك ابعز الشباب
وسفه غطاك التراب
*
عايفنه گلي ابيا سبب ــ يالفارگت خلانك
يالعذبتنه ابروحتك ــ اگعد وشوف اخوانك
امك تون صبح ومسه ــ كل ماتشوف امچانك
حار التراب البي نمت ــ غير جميع الوانك
الدنيه ضـاگت بينه گبل انفاسنه
افراگ وجهك والله شيب راسنه
حيل اذآنه المصاب
وسفه غطاك التراب
****
بعيوني راسم صورتك ــ وبأذني عايش صوتك
چاليش يالبعدك ترف ــ مستعجل انته ابموتك
اذآني متني وحدبت ــ لمــن شلــت تابوتــك
يالگتلي ابد مانفترك ــ ارجعلي فدوه امروتك
والله حيل ابموتتك اذيتنه
ليش عايفنه يشمعة بيتنه
اوياك. طولنه العتاب
وسـفه غطاك التراب
****
يالچنت تحظر كل عزه ــ وتبچي المصاب احسينك
اوي صوت باسم لوقره ــ تهمل مـــدامع عينك
بس بالخدامه وبالطم ــ خلصن جميع اسنينك
مشتاقلك حيل الگلب ــ يســــئلني عنك وينك
والله بس شوفك يضمد اجروحنه
كل مســــيه اعليك تســـمع نوحنه
ابفرگتك دلالي ذاب
وسفه غطاك التراب
***
يالعايش ابريتي نفس ــ بعدك اغص بنفاسي
ومن اذكر الگعده سوه ــ ابچي اويشيب راسي
كل ما اگابل صورتك ـ انعه واون بحساسي
وياك لفوني ابچفن ـ ياريت اهلي اوناسي
استعجلت عالموت وانه بعازتك
كون شالو نعشي كبل اجنــازتك
حته ماحس بالغياب
وسفه خطاك التراب
**
لمن اطب للمگبره ــ امن ابعيد اشمن عطرك
مستغني عن ماي الورد ــ بدموعي ارشن گبرك
وي صورتك احجي اشكثر ــ وختنگ كل ماذكرك
اتمنه افك باب الحد ــ وتمدد آنه ابكترك
كون ينــفك باب لحــدك ساعه
حتى يمك گلبي تهده اوجـاعه
حتى اگلك جرحي طاب
وســـفه غطــــاك التراب
***
الخادم
✍كامل السعيدي
جعفــر الصــادق أمامــي ودينــي
ومذهبــه لــدرب العــدل يهـديني
****
يــا التنـاشد عنـي تعـرف مذهبي
واعــرف بنهجك حقـود وناصـبي
أمــي غــذتنــي عشـگ ال النـبـي
أوالــدي بحـب جعـفــر مــربينـي
****
مــا أزل عنهــم ولا عنهـم أحيـد
يمشي بالشريان حبهم والــوريد
بهل الكلام بكل وكت ابقى أعيد
شيعــي والكــرار گــرتْ عينـــي
****
انــه اتبــع ناس يروون الكــلام
من امام وعن امـام وعن إمــام
عن رسول الله عـن رب الأنــام
مثـــل هــاي السلسلـه دنطينـي
****
جعفــري يسموني تاج وبي فخر
افتخر عالناس اهوى اثنـي عشر
ابــدي بالكــرار حـــد المنتـظــر
هيـچ طاها المصطفى اموصيني
****
جعـفر الصــادق اتبعه ومـا أحيـر
مذهبــك طالب گبل عنـده يصير
راح اگلك كلمه اخذها من الأخير
مـــا اعوفـــه بحبه عجنو طينـي
****
ما اعوفه أمنصب بأمــر السمـاء
وما ابطل كل وكت انصب عزاء
دمعـــة الصــادق تهــل لكــربلاء
شلــون ابطـل دمعتـي وونيـني
****
الشاعر
موسى البديري
بالبقيع ... نبني أجمل صَحَن
بالبقيع ... اتحبّه جنَّــة عَـدن
بالبقيع ... بصاية ابن الحسن
_
مــو حِــلِم و أن شا الله باچـر نزور
مــرقـد شمحــلاته بيه أربــع قبــور
يفــوح بي عطر الدمــع لا مو بخور
المهدي بيده يسجل أسماء الحضور
و الضريح ... بروعته جـوهري
و الضريح ... باقــري جعفــري
و الضريح ... عدنه مثل الوطن
___
من قــبور الاربــعه لـ طــهَ الأميــن
تصير گعــده چنــها بين الحــرمين
شَبَه من شارع السـدره يصير ويـن
اگبال شباچه ( عليَّ ابنَ الحُسين )
و الدموع ... بالمُحب تــرتـقي
و الدموع ... چنها تَل صادقـي
و الدموع ... من الضماير جِرَن
____
الــهَدَّم اگبــور الإئمــه و القِــبــاب
يجي يوم اعظامه ينـفُـرْها التُراب
العادَه أهل البيت الله يگول خـاب
ذولــه إلهم بالسـمه و بالگـاع بـاب
مستحيل ... يفــلَح النـاصبــي
مستحيل ... يمحـي آل النبــي
مستحيل ... تبقىٰ اهل الفِـتِـن
____
الدمعه ترسم رابع اصحاب العَـبَـه
بالزَبَـرجَـدْ يزهــي گبــر المُـجـتبىٰ
بيه باب القبـله عِـطـره اشمَطيــبَه
و الضريح المَهــدي بـيده امْذَهِبَـه
الله شاء ... ايذِل يد المجرمه
الله شاء ... ايعِز بنــي فاطـمه
الله شاء ... تعــتلـي بكل زمن
___
صحن بيه الماي وَزعــوا سَلـسبـيـل
مِــنّه ما تِعــطَش إذا تِشــرَب قليــل
بي طعم چف ابو فاضل مدري هيل
( إشــربوا المــاءَ ثَــوابــاً لـ الكفيل )
والله ماي ... بي عــطر غـِـيرته
والله ماي ... اتبَــرَعه لـ شِـيعته
والله ماي ... انطانه گلبه الأحَنْ
___
بجانب الاربعه انحِس رأفه و حنين
يغــمُر اگــلوب التحِــب ماله قــرين
اعليها رايه و بيها مطبوعــات إدين
هـــذه قَــبــر السَــيــده أم البــنــين
بالوفاء ... نعمه ترفُض قَحَط
بالوفاء ... يمها و أوگف فقَط
بالوفاء ... كل إسمـها اقـتِـرَنْ
___
ينبـني المرقــد و سِــرّه ينطــوي
بيد ابو التـاج الأمــامــي النَــبَوي
صحن يشبه گلبـه كلشي يحتوي
ما يدخــله إله مُــؤمِــن عَــلـــوي
ما يطيح ... حتى لو ينـهـدِم
ما يطيح ... أعـلَه مِنّ النجِـم
ما يطيح ... و اليطيح الوثَـنْ
الشاعر حاتم صبري الكاظمي
مطلبنا البقيع الصرخه شيعيه
نبنيها احنه غصبا عالوهابيه
______
باجر ننتفض والگبب نبنيها
وراية ياعلي بنصهم نعليها
المراقد بالبقيع اله نسويها
ماضل شي وكلش گربت هيه
_______
بس اهل المواكب بيهم اكفايه
اذا رادو يجونك والله مشايه
كلمه امن المراجع ردنه بس هايه
ابن سعود والله يضيع طاريه
_______
اخذ هاي الرساله ومني اسمع زين
وينه الگال انه حسين وانته حسين
اسال وين صار وراح تعرف وين
مصيرك نفسه هاي الشغله مگضيه
____
الگبلكم حاولو ماگدرو يصمدون
تره ال النبي فگسو هواي اعيون
ال سعود باجر كلكم اتطيحون
ومناير بالحجاز انشوف مبنيه
_______
يبن اسعود اخذ هالكلمه من عندي
اذا مو انه جايك جايك المهدي
وكل خادم بموكب يعتبر جندي
وتدري اهل المواكب كلها ثوريه
_______
كلش گربت مهدينه راياته
وصارت واضحه المهدي علاماته
بيكم تبدي والله المهدي ثاراته
وشيعة حيدره كلها فدائيه
——————————————
✍️احمد علي البغدادي <تم تعديل هذه الرسالة>
#رقيةـالحسين
#عزيزةـأباها
مشتاگــه ألك شيوصفه شوگ الفاكده
مشتاگــه ألك عينـي تشوفــك رايــده
شوگ اليفارگ جمــره
بالوّنــه يخلـص عمـره
*
يـا بويــه مشتــاگه شكــثر
لگلمــة يبـــويه الدافيـه
وأتمنى انـــه بهــل المسه
بحضنك أمأمنـه وغافيه
يلــي شلتنـي أعلــى المتن
عالجمـر اركــض حافيه
يابويه مــن يــوم الـــرحت
ماتـت أبـروحي العافيـه
تــدري شكــثر بيّــه حــنين ولهفـــه
تــدري شكـثر أتمنــى يمـــك اغفــه
بگليبي ظلت عبـــره
شوگ اليفارگ جمره
*
يابـويــه چفــي ألـــي چنــت
كــل ساعــه انتــه تشمّــه
يالغالــي هســه مــن الحبـل
يــا بــويـه ينـــزف دمـــه
ظليت أخـــاف مـــن الهوى
جـــرحـــي يبويــه يلچمـه
ما تدري بالسـوط أنضــرب
كلمــا صحـــت يـــا عمّــه
ســوط العده اشســوه يبويه بحالي
ســوط العده يلـــوعني بويه الغالي
ومتوني صارت حمره
شوگ اليفــارگ جمره
*
يـا بـويه تــرچيتي الذهب
البيــدك جبتــها أتــذكــر
سلبوهــا بالطــف العــده
ومنها يصــب دم احمــر
يــا بويه دمــي الي جـره
نفسه الجـره مـن المنحر
نــار وعطش خيل وشتم
واركض يبــويه واعثــر
خيل العده الرضت يبويه أبصدرك
خيل العده اتعنتنه واحنــه انعذرك
بحالي يبويه انته أدره
شوگ اليفــارگ جمره
*
ريتك تجيني بهـل المسه
ونفســك يمــر بأنفــاســي
وتشـاهــد بعينـــك ذبـــل
مـن الفرگه وردي وياسي
مرنـي يمن انت الهــوى
وأغلــى واعــز كل ناسي
وأتمنى لو جيت أبدمــع
تمســح بأيـــدك راسـي
مرني بحلم اقبــل يبــويـــه بهــايه
مرني بحلم صــارت عليه أهـوايه
وأبخدي شوف السطره
شوگ اليفــارگ جمره
*
ألفــرگــه اشــد مــن النبــل
مـرنــي يبويــه الغـــالي
كـل ساعــه وتمرني صّــور
وتغـفــه يبــويه أبــالــي
بصدرك شفت غافي السهم
ماخــذ مكــاني الخــالي
وي نحــرك الينزف دمــه
انذبحت يبـويــه آمــالي
غافي السهم ليش أبمكاني أشمالــه
غافي السهم وماخذ گلب مــو مالــه
نايم عــزيــز الــزهره
شــوگ اليفــارگ جمره
*
يـــا بـويه مريت وعدل
خضّــر ربيــع اسنينـي
گتلك يبواليمه أبــدمــع
چــا عــدمــن مخليــني
مــا ادري بـويه بالحلم
طيفــك نظــرتـه بعينـي
فزيت لن طشت الذهب
بي راســك يحــاچينـي
بويــه العمر أتلچمه وتذبحه أحـلامه
بويــه العمر بـراســك گضت أيـــامه
وبلهفـه اشمّــن عطــــره
شــوگ اليفــارگ جمره
*
الشاعر
موسى البديري
في حق الزهراء. ع
يااهل. المدينه
كبر الزهره وينه
ماردنه مناره وصحن وكباب
ردنه منل كبر لو حفت اتراب
كبر الزهره وينه
--------------------
مثل عاشور وحزانه مصابج حيل اذانه
ابد ماتطفي نيرانه. بلكلوب
كبر نبنيلج وحضره ومقام وكبه يلزهره
نضل ننتنفس بعطره بلكلوب
حلم اتمنه كون اتشوفه العيون
الج مبني ضيح وبيه يطوفون
مواكب والخدم كلهم يخدمون
نريد انشم كبره
ونتروه بعطره
تحرك بينه ضلت نار المصاب
ردنه منل كبر لو خفنت اتراب
كبر الزهره وينه
----------------------
نارج بينه ماتبرد. دمعنه دوم فوك الخد
المواكب ولطم تشهد. يزهراء
ألج نعقد مجالسنه. الحسره البينه تجرحنه
يضل النوح سلوتنه. يزهراء
شحلاهه من نجي وننوي الزياره
ومبنيه. الج. كبه. ومناره
تسمع شيعتج. هاي. البشاره
اه يم ضلع مكسور
لطمنه فوك الصدور
ياهل المدينه عدنه اعتاب
ردنه منل كبر لو حفنت اتراب
كبر. الزهره وينه
------------------------
ايام معدوده العمر. هموم وجروح شكثر
خلص يالزهره الصبر. هضيمه
كلشي يرخصلج يهون. اه يم كلب الحنون
تنزف ادموم الجفون. هضيمه
بوفاتج عدنه صار اتلث روايات
يالزهره الكلب متروس حسرات
ماننسه مصاب. الظلع. هيهات
عليج شمالطمنه
يتجدد. حزنه
عله صوت النواعي الكلب ينصاب
ردنه منل كبر لو حفنت اتراب
كبر الزهره. وينه
----------------------
كلبي منل حزن ذايب مخفي كبرج وغايب
بدمعت عينه نعاتي. نواسيج
لو مر اسمج ابالي. جروح البيه تنعالي
مالوم الفكد غالي. نواسيج
عليج. شما لطمنه. فوك. الصدور
ما نوفيج ونتي. الظلع. مكسور
تمر. بينه اليالي. مثل. عاشور
من نحظر عزيه
نصرخ. يالزجيه
خلف الباب رادت ستر الحجاب
ردنه منل الكبر لو حفنت اتراب
كبر الزهره وينه
-----------------------
كل عام اليمر ننعاج. حد الموت احنه وياج
نعيد بكل سنه ذكراج. ماننسه
بكل مجلس الج عبره. بروحي تستعر جمره
هاي الناس عل فطره. ماننسه
كبرج صدك. مخفي بس بنيناه
بين. اكلوبنه. يلزهره. نلكاه
وكل هذا الحزن منج. خذيناه
عله مصابج صبرتي
وبحزانج بقيتي
مالومه صفيتي يغله الحباب
ردنه منل كبر لو حفنت اتراب
كبر الزهره وينه
----------------------
الخادم
رحيم. الصالحي
السلام على سيدي وامامي .
جعفر الصادق .عليه السلام
...............................
كل عمره رحلت قافله.
مــــــن البقيع الكربله...
وي كل مناجات وفرض.. يقره المصيبه الكامله.
........................................
ضل جعفر. الصادق عمر. بعيونه شايل ملحمه.
من والده. الباقر سمع . نص الروايه المؤلمه.
يبدي النهار بحز نحر . وبحرك خيمه الخاتمه.
يجمعهن أهات شكثر عل فطر اشفافه الضمه
كـــل ساعه يتذكر صور.
ينصب عزه الذاك النحر..
وبشهكت انفاسه .الحزن... عل هامت بذاك الفله
......................................
عاش العمر يجري الدمع .وبصدره نامت حسرته.
يغفه بجرح يصحه بجرح. بدموعه تغركَ شيبته.
كل مغرب يسولف قهـر عن الذبيح وغربته.
يوصل بكائه للسمه. وتكسر الخاطـــر ونته.
كَد ما بجه الطف نينوى.
صاير نهاره ابـــلا ضوه.
تكبر جراحات الكَلب . . لوذكر سبي العايله.
............................................
صادق أسم صادق حزن . عاشر يعيش بكل زمن.
صورت ذبح صورت حركَ .بعيونه مرسومه المحن.
يحضن بناته ويبجي دم . للعل جمر يتراكضن.
ليش الاميره ام الخدر صارت غريبه ابلا وطن.
طابع بديهه حـــز حبل.
يضربهه بالسوط النذل.
لجل الغوالي وعمته . . دمعت الصادق هامله .
.............................................
كلما عطش .يذكر عطش. جده الغريب المنذبح.
ويعاتب الماي شكثر . جي ذبل اشفاف الصبح.
يتفايض بخده الدمع كل دمعه جن طعنت رمح.
ينجرح كـــل يوم اليمر الف وتسع مية جرح.
ابيضّت عيونه من الدمع.
والكل ضلع يكسر ضلع.
للصدره بي حافر فرس. . كل وكت روحه معلعله.
.............................................
طول العمر لا مانسه. يوم الطفوف شما جره.
واصعب مواقفها الشمر . من الكفه حز منحره.
ما فارك احساسه ابد .منظراضلوعه امكسره.
عاش بهظم نـــــار الخيم .وبداره نار اموجره.
يتعذب الصادق الـــم.
يتملك احساس الندم.
عالمنذبح ذبحة حقد... والجثه تـــالي امرمله .
......................................
✍️ ابو منتظر الحجامي. .
يمته يــــــاثار الله تاخذ ثارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ
كـــــــــوم ســـــــل بتارك وليها استعد
عدنه ثــــــــــار وثــــــــــارنه لازم يرد
نحرك الهــــــــــجمو عله اديـــار الورد
ولاترحمه الشــــــغل نار بدارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ
حان وكــــــــت الثار يـــــــابن فاطمه
بعد مانســـــــــكت وحك رب السمه
بالبقـــــــــيع اكبور عـــــــدنه مهدمه
كافــــي نايم بالغــــــمد فقارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ
الدم يندهــــــك اكــــــعد ولم الحجي
كافي يوميه عله جــــــــرحك تنتجي
كلي عــــــــــد يابير همك تشتجي
وعدمن مخلي يمهدي اسرارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ
سنين صـــــــــارلنه الضهورك ننتضر
واحنه منـــــــــتضرين منك بس أمر
الذبحو اهلك مــــــــــايفيدلهم عذر
الطلعتك منتــضره كل انصارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ
هـــــد يمن بيك الله جاعــــــل قوته
يابوجــــــــــف المـــــــايثني بسطرته
الحرك دارك كــــــوم واحـــــرك لشته
خل يهب عله الخليفه اعصارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ
كــــــــــوم ياحيل الله واسرج مهرتك
وخلها فــــــوك امتونك اترف رايتك
بســـــــم ثــــــار حسين أعلن دولتك
وخل تصل سابع سماء اخبارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ
سيفك اشـــــــتاك اليمـــــــنتك ياالابي
يابو صـــــالح كــــــوم رد ثار السبي
ودوس باجــــــر شكو شارب ناصبي
وخل بذنهم يدك صوت انذارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ
ذنــــــــــي ثاراتك وابـــــــــد ماينسن
عيون كـــــــل عاشك الـــــك يتنطرن
بيدك الحــــــــــل والعكد يبن الحسن
بالعدل تحـــكم الباري اختارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ
يمته تشرق شمسك وتضوي الارض
اشكد بعـــــــدلك يبو الغيره وتنتهض
متنه وبجيتك يــــــــــرد بينه النبض
انعيش من نشتم يمهدي ازهارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ
حسين عبد الزهرة الدراجي
اكتبهه بدمع عيني.. رساله وبلگلب جمره
بحزني وشوكي والامي.. اواسي فاطمه الزهره
فلا تخلص مآسيهه
بقيع الغربه ياذيهه
.....................
ليش المصايب والهضم يم الزجيه التمن
مخفي كبرهه وبالكبر مامستراحه امن الون
شعدهه الدنيه ويه الزهره كل يوم ايمر تلجم بيهه
ماخلتهه تشوف الراحه تهضمهه وحيل تبجيهه
ماخلت ولّد عدهه وگلبهه اعليهم اتفطر
بس المهدي بالغربه.. ويصب الدمع احمر
تحب الي يواسيهه
بقيع الغربه ياذيهه
.......................
فتشة عيون أمه الحسن ماخلص هدموا كبره
اليشتاكله جان النبي ويبوسه إله بثغره
تتعناله وتنحب أمه ترش كبره بدمع الحنيه
ماطابت كسرتهه الهسه توصل يمه بس محنيه
مكسورت ضلع يصعب... عليهه الهوه التشتمه
من تشهك نفس بالاه... ضلعهه تسنده وتلزمه
المصايب صبت اعليهه
بقيع الغربه ياذيهه
.......................
يم علي السجاد بدمع توكف تصد الناضر
تدريه ملوع بالحزن من ذاك يوم العاشر
جمره وتسعر لاماتطفه هذا ابن حسين ودفانه
فوك همومه وكَسرة گلبه هدموا فوكاه كل بنيانه
بهاي الحاله وتشاهد.. وتنعى بحسره وتنادي
ولدي ذوله ياهل ناس.. واني بضعة الهادي
منو اليسمع نواعيهه
بقيع الغربه ياذيهه
.......................
تخلي اديهه اعله الكبر للباقر تضل تنحب
حاضر هناك بكربله وبعيونه شايف زينب
تدري جروحه لاميطيبن من شاهد زينب يسبوهه
بسوك الكوفه أبين الوادم اخت العباس ايمشوهه
لاهوه البرد حزنه... ولاهيه الكطع ونهه
وسهام الزمن كل يوم... بگلب الزهره لاحنهه
الحزن مالحضه ناسيهه
بقيع الغربه ياذيهه
..................
تشعل شمع يم الكبر للصادق ومحتاره
وتشوف ركضت عيلته ساعت الحركوا داره
ايطفي ويبجي ويذكر عمته من حركوا فوكاهه الخيمه
وعلوياته ابيته ايركضن وزينب تركض وسط الهيمه
مايبجي عله عياله ضل يبجي البواجيهم
زينب واليتامه هناك جوه الجمر رجليهم
تجر النفس مابيهه
بقيع الغربه ياذيهه
.....................
بعكازه تتوجه وتجي لم البنين الحره
ودكلهه عباسج وفه وقدم عيونه ونحره
هذا الغالي ونور عيوني بالمحشر ارفع جفينه
الشالن جوده ودافع بيهن عن خيامه وعن حسينه
تجيهه بدمعة الفاكد... مشتاگه ويه مشتاگه
وبارض البقيع ايصير... نوح ودمعه الملاگه
مهضومه وتحاجيهه
بقيع الغربه ياذيهه
محمد هادي العقابي
هدم قبور أئمة البقيع…
يالمهدي عندك چم جرح ـ بين البقيع وكربله
يالخلصت اسنينك حزن ـ ودموع عينك هامله
يابوصالح
يابوصالح
"""""''''''''''''''''''"""""''''''''''''''''''
طاري الطفوف وعمــــــــتك مارد دليلك
وبهدمة اگبـــــور الاهــل مهـدوم حيلك
اشتنسه الحرگ تنسه السبي من يچن ليلك
وســـــفه الحزن من الزغر صـاير سليلك
امن البجي اعيونك مولحن ـ كلبك بالاحزان ابتله
يالخلصت اسنينك حزن ـ ودموع عينك هامله
يابوصالح
يابوصالح
"""""''''''''''''''''''"""""''''''''''''''''''
ألهدمو قبر ســـــبط النبي هوه ورضيعه
نفس العصــــــابه اتكررت هدمت بقيعه
بگلوبهم خسه وحقـــد ضـــد الشـــريعه
الكاتلهم احنه انحب علي وكل احنه شيعه
الله يعينك ســــــــيدي ـ گلبك بالهموم انمله
يالخلصت اسنينك حزن ـ ودموع عينك هامله
يابوصالح
يابوصالح
"""""''''''''''''''''''"""""''''''''''''''''''
حيل المصـــــايب اذتك يكتل حزنهن
وجروحك بنص الگلب محــد يشلهن
اگبور الاهل ياســيدي الظالم هدمهن
حقك يمهدي لو دمه اعيـــونك تهلهن
مايحصل الجرح دوه ـ متحمل شكم معظله
يالخلصت اسنينك حزن ـ ودموع عينك هامله
يابوصالح
يابوصالح
"""""''''''''''''''''''"""""''''''''''''''''''
يايوم تبـــــــني اربع گبب لجل الحبايب
ومن البقيــع الكربله ننصــب المواكب
مشايه يالمهدي نجي شاب اويه شايب
وبزودك انرد سيـــدي افعال النواصب
وتتعاله اصوات الخدم ـ وتصـــيح يالزاير هله
يالخلصت اسنينك حزن ـ ودموع عينك هامله
يابوصالح
يابوصالح
"""""''''''''''''''''''"""""''''''''''''''''''
فايز يمولاي الحضـــــه وعاش ابزمانك
وتشهد علي هوه الولي ويسمع أذآنك
بينه شكثر بالمنتـــــــظر شوق الحنانك
مشـــــايه نتعــــــنه لون ننـــدل مكانك
يالمهدي ماعنده ابد ـ غيــــر الله عنك نسأله
يالخلصت اسنينك حزن ـ ودموع عينك هامله
يابوصالح
يابوصالح
"""""''''''''''''''''''"""""''''''''''''''''''
✍الخادم
كامل السعيدي
#ليلة_الجمعة
.
.
تحن لجروحك اجروحي حُسين وليلة الجمعة
تاخذ گلبي من ايده وتجيك لبابك الدمعة
***
قبل لا اوصل الحضره وأجي وأوگف على اعتابك
اروح اتعنه للغيرة عطر مرشوشه بترابك
لكل شي باب معروفه وصار انته الگمر بابك
هوى الاخلاص اشتمه واتوضه وفه من اسمه
العشگ كلمه وانه كلمة اجيت انطيهه لمصابك
التبده اهات لاحزانك غير اسمك فلا ايجمعه
وتاخذ گلبي من ايده وتجيك لبابك الدمعة
***
ارفع ايدي بالحضرة اسلم والحزن يبده
السلامُ عَليكَ يامذبوح اگول ودمعي يتبده
اثنعش طبره ابگفاك انحط حُسين الخنجر اشعنده
الخنجر بيمن ايطلبك ولهسا تشكي من تعبك
لأن فاطمه ابنص گلبك الخيل ابحافر اتمرده
اجي ارد اشكيلك اهمومي واصد لهمومك وانعه
وتاخذ گلبي من ايده وتجيك لبابك الدمعة
***
احط راسي اعله شباچك واريد اشكيلك البيه
وانسه اهمومي من اذكر اهمومك يا أبو رقيه
العطش والذبح بيك انته وانه الكلشي ما بيه
الگلب يمك نساه ضيمه وانته اموذر بهيمه
السبي ما عافلك خيمه اخذ خنصر وترچيه
احرگوا اخيامهم كلهه يصيح الشمر، واتسمعه
وتاخذ گلبي من ايده وتجيك لبابك الدمعة
***
تحن لجروحك اجروحي وازورك يابو عبدالله
واذكرك وانته بالعاشر وساده اتسوي بالرمله
طحت من مهرك اتخَيَّل ودمعي صاح الـ اسم الله
زيارة وارث افتحهه وروحي الهضم يجرحهه
يالجروحك يوضحهه العليه رب العرش صلّه
حسيناً مني وانه المن حسين وزادتك رفعه
وتاخذ گلبي من ايده وتجيك لبابك الدمعة
***
اجي بحال وأرد بحال محد عرف موضوعي
اجي واللهفه تشغلني وامغير الدمع نوعي
ارد وحاجتي ابأيدي وبيدي الثانيه ادموعي
اجي وارجع دمعتي اتدر واعيش ايامي متصبّر
من سبتي لخميسي انطر ويگضي بلهفتي اسبوعي
ازورك وارجع وگلبي عليك يريد اليرجعه
وتاخذ گلبي من ايده وتجيك لبابك الدمعة
***
بخدمتك قيمتي وآنه بدونك كلشي ما اسوه
طبع الدنيه مر لكن اذا ترضه علي حلوه
يأول ضامي بالتاريخ بيه الزمن يتروّه
يبوصلة الزمن كله القبله شافتك قبله
عليك المقتدر صله بعظمته بقدرته بعلوه
وعلى ساق العرش بأمره انكتب اسمك بكل رفعه
وتاخذ گلبي من ايده وتجيك لبابك الدمعة
***
الشاعر سعد هادي الشمري
شيفيدني وشيسوي العتاب
راحو سويه مني الاحباب
خلوني احير بحالي
وهذا الذي يجرالي
هوه اليظل من دون اهل شتفيده بالله دموعه
يكضي زمانه بحسرته وكلساعه يحضه بلوعه
تخلص حياته بدمعته تظل ونته مسموعه
لاحد ينشده عله. جره ولحد يسكن روعه
محد يشوفه شحاله
بس الدمع يحلاله
دموع وحزن وفراك ومصاب
شيفيدني. وشيسوي. العتاب
سالفتي ابد ماتنحجي ولا اكدر انه احجيها
ماحسبت تالي العمر. ياروحي وبتاليها
تصبح غريبه من الوطن وغربه الذي تبارها
حتئ بدفنها وماكو اهل تحضر تنوح عليها
ظليت اشكي همومي
وبدموعي اخلص يومي
اعليه الزمان امكشر النياب
شيفيدني وشيسوي العتاب
غربه اليباروني اسف عكب الاهل وخواني
وبالشام اونن وحدي وسهمي الدمع وحزاني
زينب انه تالي. العمر. نوح وألم عنواني
حسبالي اموت ابكربله وين الدهر وداني
بلغربه تخلص دنياي
محد ينگطلي الماي
وتهيد روحي ابذاك التراب
شيفيدني وشيسوي العتاب
حسبالي احبابي تجي. وبموتتي يحضروني
والكافل بصفي يون وبيده يغمض عيوني
ونهاب مابين الخلگ وخواني اليشيعوني
وبدموع واهات وألم. انظرهم يودعوني
وتنشف هذيج جروحي
وتصفه وتهود روحي
ويبرد جمر كلبي يلهاب
شيفيدني وشيسوي العتاب
شيهوده جمر الكلب. وبعيد أهل الغيره
هذا حلم يلفون الي والفركة حيل اجبيره
ولا حيل ظل عندي وصبر ضاع العمر تدبيره
الخاطر رقيه اتحملت ايدفنوني ابهل ديره
بعد اليسر. والالام
راح اندفن بأرض الشام
الهاضمني تحمل جثتي اغراب
شيفيدني وشيسوي. العتاب
ابو سلام الجابري
ما بنعمة الحسين فحدث
ــــــــــــــــــــــــــــــــــــــــــــــــــــــــــــــــــــــ
شحجي عن افضالك يا أمامي اهوايه
وفقتني اقرالكم وحـــــــــده منهن هايه
الخدمه نعمه اجبيره وحك راعي الرايه
امشي وتعنالها ويــــــــــن ماكو اقرايه
ما بنعمة الحسين فحدث
ــــــــــــــــــــــــــــــــــــــــــــــــــــــــــــــــــــــ
مجلسك كبرني وعــــــــــل أدب علمني
والدي للخدمه مــــــــــن الزغر حزمني
مايهمني ابنادم انــــــــــت بس اتهمني
منك ومن خيرك فــــــــدوه لا تحرمني
ما بنعمة الحسين فحدث
ــــــــــــــــــــــــــــــــــــــــــــــــــــــــــــــــــــــ
انه واحد عاشك والعشك عل فطره
انه يـــــاناس اعشك مجلس ابن الزهره
عل الطم من زغري ايدي أخذت شمره
بيش اجازي انه السوه صيتي اشكبره
ما بنعمة الحسين فحدث
ــــــــــــــــــــــــــــــــــــــــــــــــــــــــــــــــــــــ
رزق هــــذا المجلس ولحضر ماخسر
وليــــــصب دمعاته بعين زينب يكبر
الشارك بهل مئتم حسين منه اتشكر
ولدفع بي درهم الزهرة تنطي اكثر
ما بنعمة الحسين فحدث
ــــــــــــــــــــــــــــــــــــــــــــــــــــــــــــــــــــــ
بصوت واحد يله خل نسمع الوادم
عــــــــــجل اللهم الـــــــــــولي القائم
ابجاه هذا المجلسك رده سالم غانم
وحفظه من كل شر هاي دعوت هايم
ما بنعمة الحسين فحدث
ــــــــــــــــــــــــــــــــــــــــــــــــــــــــــــــــــــــ
حسين عبد الزهره الدراجي
استقبلوني كضيف على سجادتكم في كنف هذه الليلة ، بالدعاء لي ولوالديّ وأحبتي والشهداء وموتانا وموتاكم.
من كان في قلبه لنا شيئًا من الحب؛ فليدعُ لنا في هذه الليالي الفضيلة .
ومن كان في قلبه علينا شيئاً فليسامحنا وليعفوا عنا
عفا الله عنا وعنكم جميعاً ببركة محمد وآل محمد .. إلهي بعلي …
*نسألكم الدعاء وبراءة الذمة*🌹
٧٨- موعد عشق ٠٠ (وزن التجليبة)
متحير وصدرك ضــاگ
بوجهك علامات افراگ
للزهــــره گلبك مشتاگ
ياعلي
اشوفك للمنيه تسعى بجدامك
واشوف الموت فارش روحه گدامك
اشتاگيت الحبيبة روحك الزهره
بشوفتها اكيد اتطيب آلامك
كل لحظه شوگك يزداد
بالجنه عنــــــدك ميعاد
والملتقى خــــــل ينعاد
ياعلي
تعاين عالنجوم اسرار مخفيّه
بالموضوع بس هامتك معنيّه
الليله الواعدك بيها رسول الله
هي والله حانت ياعلي هيّه
تعرف بدم المحـراب
للجنه يفــتحلك باب
تنتظرك شگد احباب
ياعلي
مشيت وبالسَحَر طبّيت للمسجد
لبن ملجم ندهته وگتله يالله اگعد
تعرفه ياعلي چتالك من اسنين
وتدري بسيف غدره ايقرب الموعد
حان الفرض والآذان
وتوجهت للــــرحمن
تعرف بميعادك حان
ياعلي
صحت الله اكبر والأذان ادموع
هاجن ذكرياتك والگلب مفجوع
احنيت الضلوع لحضرة الجبار
وذكرت بفاطمه متكسرات ضلوع
حتى بعباداتك صار
للزهره عندك تذكـار
ماتنّسي ليـــل انهار
ياعلي
نزل سيف المرادي بمخّك الطاهر
صحت (فزت ورب الكعبة) يافاجر
رغم شيبك خضيب ومنطرح عالگاع
بس تفكيرك بموعد عگب باچر
بالرغم من دمك ساح
للزهره تفكــــيرك راح
ملتقى الأقدس ارواح
ياعلي
بيك اتوجهو للدار بالعبره
الحسن عد يمنتك واحسين عاليسره
ولمن وصّلوك ام الخدر بالباب
شفت زينب ذكرت الباب والعصره
لمن تشوف الحوراء
تذكر مصاب الزهراء
تتراكم اعلـيك ارزاء
ياعلي
فراس المحمداوي
مولاتي الحوراء مع مولاي أمير المؤمنين عليهم السلام
عفتني وكربله هواي. عطشت وشوفتك ماي
بعد ضيم الشريعه وتل الامصاب
يبو تراب ودخيلك من الإتراب
عفتني وكربله هواي
==========
بيتي انت. وانت سگفه وانت روحي
بويه تسمع صوت زينب. هذا نوحي
يبو زينب عفتني لضيم الايام
بعد عاشر وراي ولوعة الشام
مثل بابك يبويه اتوج الاخيام
عليَّ دنياي باجر تمطر اسهام
عفتني ابين شمات. بخرابه زينب تبات
نتيجه غيبتك معروفه الأسباب
يبو تراب ودخيلك من الاتراب
عفتني وكربله هواي
==========
جرح راسك من نظرته شفت جم راس
هناك مگطوع راس الحسين. وراس عباس
دخيل الله المصيبه اتگطع الأنفاس
اخوتي اعل الثره بالخيل تنداس
مااوصف المصيبه صعبه تنقاس
والاقسئ طَلِعتي ابين الارجاس
اشوف بكربله الويل. بخوتي تعثر الخيل
ماحافر خطه بالسحكه ماخاب
يبو تراب ودخيلك من الاتراب
عفتني وكربله هواي
=========
امدد اشلون. يمك حسين مغمض العين
وحدي اني. حايره شلون. بوكعة حسين
انه حرمه وصعوبه اطلع شلون
اتاني الليل يوصل واعثر بعون
ياخذني الگلب موشوف العيون
مااهتم ابد لسياط الامتون
يريتك حاظر وياي. نسوي لإبنك افياي
يبويه حسين جسمه من الشمس ذاب
يبوتراب ودخيلك من الاتراب
عفتني وكربله هواي
==========
حيل كلفه. طلعت الليل. واني حرمه
سكته صارت. ياعلي شلون. الدنيا ظلمه
يليل الوحشه بويه يشيب الحال
وأخذ مني النهار بكربله ارجال
تموت الكلمه اول لحظه تنگال
أريدك ياعلي ومال الحمل مال
يبويه وحملي مطروح. واخوي گبالي مذبوح
ياكلمه ابويه الحلوه تنجاب
يبو تراب ودخيلك من الاتراب
==========
من تسافر. ليه ارجع. مرني ارجاك
الكوفه شمات اني اجيلك. واحجي وياك
اطب الكوفه بويه وغربه الابيوت
موش بحبل جفي مجتفه الموت
اصيح بصوت ها يالتسمع الصوت
ماتلحك عليه وفايت الفوت
اعاين صفنت الدار. يتامه وكلهم ازغار
جرح فگدك يبويه والله ماطاب
يبوتراب ودخيلك من الاتراب
عفتني وكربله هواي
==========
الشاعر علي النائلي