834
Haitham Al-Lami
استشهاد الامام علي ع
غمضها العيون .. يدرون . بيه كل هلي
لا ينشغل بال .. كفال . لختي يا علي
شالت كفاله امتوني
زينب تره بعيوني
يبو الحمله يضرغام يبو الحمله يضرغام
****
اصد بويه الجروحك .. ألم تارسها روحك
يحدر والحزن إمخيم اعليك
عله الحره اشوفك .. تئومي لن چفوفك
بأختي منشغل يا علي ادريك
علامه ايهل دمع
سهل هذا الوضع
انه الكافل بعد عينك تراني
نشم مثلك تره
كفيل الهل مره
احاميها بچفوفي وبحناني
هدّيها الجروح .. والروح . ختنام ابرغد
اوليدك واحاچيك .. انطيك . ياحيدر وعد
من هسه تبدي افنوني
زينب تره بعيوني
يبو الحمله يضرغام يبو الحمله يضرغام
****
وحگ جرحك يغالي .. تره سيفك حِلالي
اريدك تطمئن چفيني گدها
انه سبع الملاحم .. اعرفن طفي قادم
زينب بالحفظ حيرتها اسدها
صراع اويه الصبر
بديت انه انتظر
اريدن هسه ابدي بانتقامي
وحگك يا فرض
اريد اطوي الارض
وهد الدنيا بسمك يا امامي
اتصبر اشلون .. محزون . گلبي الحالتك
انظر للرسوم .. ودموم . صبغت شيبتك
هاي الاخت مضموني
زينب تره بعيوني
يبو الحمله يضرغام يبو الحمله يضرغام
****
انه ادروبي دروبك .. اعيدن كل حروبك
قسم يا والدي بنتك متنهان
خلقني الباري الها .. منو اليگدر يذلها
عله الگاع السمه اطبگها لهفان
انه ابگد الدهر
يتانيني النهر
يبويه اعله الشريعه خيبر اتعود
ادفننه الضمه
لجل بت فاطمه
مو بس عيني راح انطيها الزنود
ميعادي مكتوب .. منصوب . يم المشرعه
بايسلي الچفوف .. الطفوف . تصبح واقعه
حاشه ايتغيّر لوني
زينب تره بعيوني
يبو الحمله يضرغام يبو الحمله يضرغام
****
يبويه اسمع ونينك .. بدت تعرگ جبينك
تألِم حالتك وبعينك الموت
بده اوداعك انه ادري .. طفح غيظ اعله صدري
خلص ماي العمر واتخافت الصوت
يذباح الزلم
تودعنه حلم
مچانك محد ايعوضه يكرار
ولكن يالولي
صبح دورك الي
يمن للطف نطيت الأمي اسرار
گلتلها نبراس .. عباس . كفال الاهل
مرهون اله السيف .. والحيف . لچفوفه انتقل
بفعالك ايشبهوني
زينب تره بعيوني
يبو الحمله يضرغام يبو الحمله يضرغام
****
گبل هل رحله اريدك .. يحيدر ترفع ايدك
وتحط چف زينبك بويه اعله ايدي
دگل زينب عليه .. الگمر غيره وحميه
ابو فاضل شهم والكلفه عيدي
يواريك الترب
وان أب انگلب
اخو زينب انه وآنه ابوها
جمر صدري انترس
لحد آخر نفس
ابطفوفي لا تظن ايسلبوها
انطيها هل عين .. وحسين . يشهدلي تره
بالجنه الاگيك .. وانطيك. تفصيل الجره
كلي دمه تلگوني
زينب تره بعيوني
يبو الحمله يضرغام يبو الحمله يضرغام
****
الشاعر اياد الديراوي
🔸تسبيح جبرائيل "عليه السلام" :
- من قال هذا ڪل يوم مرة لم يمت
حتى يرى مقعدة في الجنة .!
• سُبحان الدائِم القائِم .
• سُبحان القائم الدائِم .
• سُبحان الله و بحمدِه .
• سُبحان الله المَلك القدْوس .
• سُبحان الله رَب الملائكة والروح .
• سبحان العَليّ الأعلى سبحانه وتعالى.
📚: ضياء الصالحين .".
اختم قرأتك بذكر (اللهم عجل لوليك الفرج)
قصيده مقدمة عزاء من وزن العكيلي لجرح امير المؤمنين عليه السلام
جرحك يــا ابو حسيـن الليله
*
شد للمـوت الليله احــزامــك
وأختــم بالمحراب أصيامـك
مـــا نصفــت ويــاك أيامــك
گضتها آويــاك أبكـــل حيلـه
*
يـا حيــدر جرحــك ما يبـره
بگلب أحبابك خلِـف حـسـره
بـالقــــرآن الليلــه الطبــره
تنــــزف آيـــاتــه وتــرتيلــه
****
جرحـك هـــز أركـان السبـعـه
وهــدّم ركن الدين وشــرعــه
جبريــل أبصوتــه ظـل ينعـه
بالأكــوان ودمـعـــه يسيلــه
****
جرحـــك معـــروف بأسبــابــه
مـن غــدرت بالـهادي أصحابـه
مــا طـايــب لليــوم أصـوابــه
گـلــب المهـدي هــدّم حيــلــه
****
ظـلــت منــه أتنــوح الحــــره
يلـچمهــا وي ضــلع الـــزهــره
منــه حســين اتـــوذر نحـــره
أبصدره الظـالم سحگت خيله
****
جرحــك بعــده يسيـل أبـدمـه
مــا ناشــف مــن غــدر ألامــه
مجمــوعــه لبغضـــك ملتمــه
جيــل يسلـــم البغــض لجيلـه
****
الشاعر
موسى البديري
تعديل👇👇
اعمال ليلة القدر
.
.
اول الاعـــمـــال هــاي اللـــيله
الحيدر اهشم هالصدر وابچيله
الليــله اعمال الــقدر
تبــتدي بلطم الصدر
هالليله
__
ليـــلـة اعمـــال وتهـــجد تــبتـــدي بالــنيه
وانـــي اللـهــم نــاوي ابـــتــدي بلــطـــميه
اغتـسل بدمـوع عيـني عيـني چيه شيعيه
ابثوب الاسود لازم اگصد لقرب احسينيه
قبل متشيل المصاحف ناسي
كــون بالقـامــه اطــَبر راسي
الليله ماعندي عذر
تبـتدي بلطم الصدر
هالليله
__
( انـا انـزلـناهُ ) لازم اقـــره هــاي الـسوره
وسورة القدرِ احـسها مثلي چـن مكسوره
كــوداً الـقران طـاح وهــامــته مـطــبوره
الليله قـران الله ويـنه ويـن غايــب نوره
استغفرت بس روحي احسها ابحيره
صـدري چــن مخنــوگ بالتـكـــبيـــره
ابروحي الهموم اشگثر
تبـتـدي بلــطم الصدر
هالليله
__
الليله اريده صدري كـون امن اللطم يتكسر
وگبل ماون على روحي العلي اون واتحسر
شلــي بالاعــمال وانـي مابچـــيت الحــيدر
ابـلا ادموعي العلي هايه اعمــالي ماتـتقدر
ادموعي لو بخدودي مايتبدن
ابـد ما اقــره دعـاء الجــوشن
وادري دعوات العمر
تبـتدي بلطم الصدر
هالليله
__
هـامـت الـكرار مصـحف هالـبشر يدروها
وفـاتـحـة قـران حـيدر زيـنـب ايسـموها
ولــذلــك ال امــيه هــامـــته طـــبــروها
حـــتى باچـر بنته زينب عالهزل يسبوها
كــل قصدهم تـنربط ذرعانها
ومحـد ايحاميها من اخوانها
وعالجــثث لمـن تمر
تبـتدي بلطم الصدر
هالليله
__
شـلون ما احـزن الليـله وزينــب ابحـسرتها
اتشوف ابوها الموت يمه وتشتعل جمرتها
بالله باچــر ويــن تخــفي بكــربله عــبرتها
مــن تحـَول عالــشريـعه وللـگـمـر نـظرتها
شــلون لــو نــادته يـــا كــفالي
من يحل عگبك يخويه احبالي
هيـــه لــمن تنــكسر
تبـتدي بلطم الصدر
هالليله
__
حيدر تركي الكربلائي
﷽
📖 أدعية يومية وبعد الفرائض في شهر رمضان المبارك
بِسْمِ اللهِ الرَّحْمَٰنِ الرَّحِيمِ.
اللَّـهُمَّ صَلِّ عَلَىٰ مُحَمَّدٍ وَآلِ مُحَمَّد.
✨اَللّـهُمَّ ارْزُقْني حَجَّ بَيْتِكَ الْحَرامِ فِي عامي هذا وَفي كُلِّ عام ما اَبْقَيْتَني في يُسْر مِنْكَ وَعافِيَة، وَسَعَةِ رِزْق، وَلا تُخْلِني مِنْ تِلْكَ الْمواقِفِ الْكَريمَةِ، وَالْمَشاهِدِ الشَّريفَةِ، وَزِيارَةِ قَبْرِ نَبِيِّكَ صَلَواتُكَ عَلَيْهِ وَآلِهِ، وَفي جَميعِ حَوائِجِ الدُّنْيا وَالاْخِرَةِ فَكُنْ لي، اَللّـهُمَّ اِنّي اَساَلُكَ فيـما تَقْضي وَتُقَدِّرُ مِنَ الاَمْرِ الَْمحْتُومِ في لَيْلَةِ الْقَدْرِ، مِنَ الْقَضاءِ الَّذي لا يُرَدُّ وَلا يُبَدَّلُ، اَنْ تَكْتُبَني مِنْ حُجّاجِ بَيْتِكَ الْحَرامِ، الْمَبْرُورِ حَجُّهُمْ، الْمَشْكُورِ سَعْيُهُمْ، الْمَغْفُورِ ذُنُوبُهُمْ، الْمُكَفَّرِ عَنْهُمْ سَيِّئاتُهُمْ، واجْعَلْ فيـما تَقْضي وَتُقَدِّرُ، اَنْ تُطيلَ عُمْري، وَتُوَسِّعَ عَلَيَّ رِزْقي، وَتُؤدِّى عَنّي اَمانَتي وَدَيْني آمينَ رَبَّ الْعالَمين.
وَصَلَّى اللهُ عَلَىٰ مُحَمَّدٍ وَآلِ مُحَمَّد.
📗إقبال الأعمال - السيد ابن طاووس - ج 1 - الصفحة 79
✨ بِسْمِ اللهِ الرَّحْمَٰنِ الرَّحِيمِ.
اللَّـهُمَّ صَلِّ عَلَىٰ مُحَمَّدٍ وَآلِ مُحَمَّد.
يا عَلِيُّ يا عَظيمُ، يا غَفُورُ يا رَحيمُ، اَنْتَ الرَّبُّ الْعَظيمُ الَّذي لَيْسَ كَمِثْلِهِ شَيءٌ وَهُوَ السَّميعُ الْبَصيرُ، وَهذا شَهْرٌ عَظَّمْتَهُ وَكَرَّمْتَهْ، وَشَرَّفْتَهُ وَفَضَّلْتَهُ عَلَى الشُّهُورِ، وَهُوَ الشَّهْرُ الَّذي فَرَضْتَ صِيامَهُ عَلَيَّ، وَهُوَ شَهْرُ رَمَضانَ، الَّذي اَنْزَلْتَ فيهِ الْقُرْآنَ، هُدىً لِلنّاسِ وَبَيِّنات مِنَ الْهُدى وَالْفُرْقانَ، وَجَعَلْتَ فيهِ لَيْلَةَ الْقَدْرِ، وَجَعَلْتَها خَيْراً مِنْ اَلْفِ شَهْر، فَيا ذَا الْمَنِّ وَلا يُمَنُّ عَلَيْكَ، مُنَّ عَلَيَّ بِفَكاكِ رَقَبَتي مِنَ النّارِ فيمَنْ تَمُنَّ عَلَيْهِ، وَاَدْخِلْنِى الْجَنَّةَ بِرَحْمَتِكَ يا اَرْحَمَ الرّاحِمينَ .
وَصَلَّى اللهُ عَلَىٰ مُحَمَّدٍ وَآلِ مُحَمَّد.
📗إقبال الأعمال - السيد ابن طاووس - ج 1 - الصفحة 80
✨بِسْمِ اللَّهِ الرَّحْمنِ الرَّحِيْم.
الْلّهُمَّ صَلِّ عَلَىٰ مُحَمَّدٍ وَآلِ مُحَمَّد.
✨ اَللّـهُمَّ اَدْخِلْ عَلى اَهْلِ الْقُبُورِ السُّرُورَ اَللّـهُمَّ اَغْنِ كُلَّ فَقير، اَللّـهُمَّ اَشْبِعْ كُلَّ جائِع، اَللّـهُمَّ اكْسُ كُلَّ عُرْيان، اَللّـهُمَّ اقْضِ دَيْنَ كُلِّ مَدين، اَللّـهُمَّ فَرِّجْ عَنْ كُلِّ مَكْرُوب، اَللّـهُمَّ رُدَّ كُلَّ غَريب، اَللّـهُمَّ فُكَّ كُلَّ اَسير، اَللّـهُمَّ اَصْلِحْ كُلَّ فاسِد مِنْ اُمُورِ الْمُسْلِمينَ، اَللّـهُمَّ اشْفِ كُلَّ مَريض، اللّهُمَّ سُدَّ فَقْرَنا بِغِناكَ، اَللّـهُمَّ غَيِّر سُوءَ حالِنا بِحُسْنِ حالِكَ، اَللّـهُمَّ اقْضِ عَنَّا الدَّيْنَ وَاَغْنِنا مِنَ الْفَقْرِ، اِنَّكَ عَلى كُلِّ شَيء قَديرٌ .
وَصَلَّى اللهُ عَلَىٰ مُحَمَّدٍ وَآلِ مُحَمَّد
📙 کتاب : شهر الله في الكتاب و السنّة ؛ المحمدي الريشهري ؛ ج1 ؛ ص213 .
اللهم صل على محمد وآل محمد.
نسألكم الدعاء
✨شهر الرحمة و الغفران
/channel/rdeaa
امس الشمس مكسوره ضلعين
و اليوم راس الكمر نصين
معناها اصبح مظلم الكون • وشلون بيها احتارت ام عون
……………………………………………………………
من الباب للمحراب . من الضلع للطبره
زينب والعمر چانون . جمره اتسعِر ابجمره
حضن والدها كله افياي . مثل الطير والشجره
چلمة بويه هم شالت . وي اليمه يازهره
مامش ابو ايسيّر عليها
ومن خيره متروسات اديها
وبشوف طوله اتحكل العيون • وشلون بيها احتارت ام عون
……………………………………………………………
يتيمه وفقط خمس سنين .عاشت زينب اوي يمها
لچن ما حست ابغربه . حيدر كل وكت يمها
مثل نسمه ابنفس غركان . الابو يشهكها ويشمها
اذا صد ابعيون ام عون . گبل لا تحجي يفهمها
والليله من والدها طبها
تركض ركض دگة گلبها
وي الفطور الگلب محزون • وشلون بيها احتارت ام عون
……………………………………………………………
اذان الصبح موعد موت . وزينب بالدمع صلّت
الفجر وياها صاح ابـ آه . وطيور ابدمع هلت
من شافتهم امجبلين . الوادم للابو حملت
الدمه صابغ لحيته وثوب.اجدامه من الاذه انشلت
منظر ابد متشيله العقول
معقوله ابو الحملات مشيول
ابهيده اعله جرحه يالتشيلون • وشلون بيها احتارت ام عون
……………………………………………………………
زينب نادت الايتام . ومن الهظم متعوبه
عددكم زاد وانا اليوم . وياكم صرت محسوبه
ياهو ابچفه يمسحها . اذا دمعتنه مسچوبه
المحب وبلايه روح يعيش . اذا بالگبر محبوبه
صار الحزن ثوب اليتامه
شال الفرح ماكو ابتسامه
ياهو اعله ايده ابرغد يغفون • وشلون بيها احتارت ام عون
……………………………………………………………
ابوها وغرّب ابنعشه . واصبح بالنجف داره
صاحتله يبويه شلون . الباجر مااكو چاره
باجر صوطهم يركض . وانا اركض و محتاره
رمل الطف جمر چانون . يلهب بالجِدم ناره
ابليل اهدعش يكثر ونيني
يا بويه خافن ما تجيني
چتالة اخواني اليحرسون • وشلون بيها احتارت ام عون
……………………………………………………………
من سمعت طبيبه يگول . بعد ما مش امل منه
وي الدمع سالت روح . ذاب الگلب بالونه
نادت يا حسن وحسين . ابونه يضيع من عدنه
العيد انعرفه مو بهلال . العيد ابوجه والدنه
ميت العيد ابموت الاحباب
الابيض نبدله بسود الاثياب
ودموعنه اتبات اعالجفون . شلون بيها احتارت ام عون
……………………………………………………………
✍️ ( سيد خضر الزاملي)
/channel/rdeaa
مولد الامام الحسن المجتبى ع
استبشرت دنيانه وفاطمه فرحانه
بنور الحسن هلليله
****
گمر لو هذا الحسن شنو جابت فاطمه
نوّر الدنيه بجماله وفرحت املاك السمه
وجها ازهر / عينه تسحر/ هذا شبّر / اله مظهر
چنه حماي الحمه
علي اثمر سوره وفرحت المعموره
بنور الحسن هلليله
****
عينه بعيون النبوه هاي اول نظره اله
جده فرحان ويلولي بثغره گام ايقبله
ما يهده / حضنه مهده / باسه جده / وشمله خده
بالصلاة ايكلله
يا جمال عيونه الباري شعشع كونه
بنور الحسن هلليله
****
اكتملت الگمره بقدومه هاي اولته الكرم
عمره يوم ولن مضيفه بحور واملاك ازدحم
ابو الكلفه / روحه ترفه / واليضيفه / يبوس چفه
تلوگ اله بزغره الشيم
والضيوف اتنادي مبارك آل الهادي
بنور الحسن هلليله
****
الشاعر اياد الديراوي
/channel/rdeaa
#مولد_الامام_الحسن_المجتبى_ع_
.
.
الليله الگمر لمن سمع جيت
طَش النجم عالدنيه چكليت
علي بيك اتعنّه
جنّه شايل جنّه
يلحسن ضوّيت
***
انته ذاك المنطي عُمره للهلا احچايه
الغيم من يصلي ينزل اله امصلايه
بكثر ما چنت بجمالك للحِسِن آيه
علي من يكشخ اگباله ايحطك امرايه
يا جمال احساسك .. والمَلَك حراسك
اشمحله عطرك وانته .. علي عالخد باسك
***
عنك ايسألون جدك گالوا اتحبه ؟
وگَبل لا يحچي النبي حط ايده يم گلبه
وحيدره لن چنت أنته بظهره وبصُلبه
انفطر من الشوگ الكم حايط الكعبه
الابو والجَد والعَم .. يهوه اسمهم زمزم
والوحي اشگد حَبّك .. چي خذاك اعله الدم
***
الليله بسمك يا حبيبي الدنيه مبتشره
مولدك فرحة الشيعة وفرحة الزهره
المثل وجهك يشع خير وبالجمال ادره
اشكم فرح مو كم سنه من ينحسب عمره
صورة من رسمولك .. چم شمس خلّولك
وظلمة چنهه الصورة .. شگد ضوه احتاجولك
***
انته اول طفل جنحان الوحي مهده
اينام وامه من حلاته غطِته ابورده
توّه يگعد چان والله اميّزه بوحده
ما رضه الا بوسط قرآنه هُدى ايگعده
بخصله من خصلاتك .. منو يشبه ذاتك
ويّه قرآن الله .. نعدل احچاياتك
***
هلا يل الگمر يمّه انشاف چن شامه
وبكل معارك علي نلگه بصمة ابهامه
يابو وجه اللي يشوفه يوصفه باحلامه
جنّة الله يگول هاي ولابسه اعمامه
يا كريم الساده .. گلبي حبك راده
انته عيد الشيعه .. النفرح بميلاده
***
الشاعر سعد هادي الشمري
الى من جمّع القران
الى من يقلع البيبان
من الاصلابِ بايعناه
علي مولاه علي مولاه
،،،،،،،،،،،
فتوحات النبــــي بچفه
اذا يهجم منـــو ايوگفه
بــصولاته انبنــى الاسلام
المخلف زلـــــــم كلفه
الهرب منه نـــــزع هدمه
لان شاف ابـ علي الصدمه
لوّن لازمته بس يمناه
مــن الاصلابِ بايعناه
علي مولاه علي مولاه
،،،،،،،،،،،،،،
البطين الانــــزع الضارب
بكل غــــزوه علي ايحارب
لا مــــرحب ولا بــــن ود
اساطير الـــــــزلم غالب
ما هــــزه صليل اسيوف
من اسمه يخاف الخوف
فوگ جفوفه جف الله
من الاصلابِ بايعناه
علي مولاه علي مولاه
،،،،،،،،،،،،،،،،،
الردتله الشمــــس مرتين
لــــو ماهوه مامــش دين
الي يبغضه يــــرد ويشوف
خل ينشد على اصله منين
اليعدوله عدت جيش
الماحبه جريمه يعيش
واله الله الذي والاه
من الاصلابِ بايعناه
علي مولاه علي مولاه
،،،،،،،،،،،،،،
الصّگر روس العـرب كلها
المعارك عـــــگدة ويحلها
اذا اسمـــك علي ينجاب
القــــادة ابأسمك اتسلها
علي بس اهوه چان يفوت
يهــــد ويشّبهونه الموت
سبحانه الذي سواه
من الاصلابِ بايعناه
علي مولاه علي مولاه
،،،،،،،،،،،،،،،
علي هيبة بـــــني هاشم
الخلص عمره بس صايم
ما دارس علِم بس شوف
يحير علمه كــــــــل عالم
قسيم الـــــنارِ والجنه
لصفاته محـــــد اتدنه
من اسمه العلي سماه
من الاصلابِ بايعناه
علي مولاه علي مولاه
،،،،،،،،،،،،،،،،،
مثــــــــــل اللؤلؤء المكنون
انكتب اسمه ابزوايه الكون
الحق المطلق ابــــــــلا شك
مـــــثل سيفه لسانه ايكون
اذا يدخل علي ابديوان
مثل ما يدخل ابميدان
جوابه يختلف معناه
من الاصلابِ بايعناه
علي مولاه علي مولاه
،،،،،،،،،،،،،،،،،
خادم الحسين (ع)
#عــزيز_المياحي
الليله بسم المجتبى امسمايه
حُبــاً بمـولـد حـسن مـولايـه
عالرسول و آلـه صلي ويايه
غيض گلـب الناصبي
بـالصـلا يــا صاحبـي
عـالنبـي و آل النبــي
بيهـا قـر اعيونـه
بيهـا قـر اعيونـه
يالموالـي ابهـل صَلّـه
خلـي صوتـك يوصلـه
الجنه صوتك حاصله
و إلعـن العادونـه
و العـن العادونـه
الليله بسم المجتبى امسمايه
عالرسول و آلـه صلي ويايه
الليله ميـلاد الـوفـه
و الكـرم و العاطفـه
و العِلـم و المعـرفـه
يـا هلـه بالجـانـه
يـا هلـه بالجـانـه
گلـوبنـه بـي هـايمـه
ويَّ اُمنــه فـاطمـه
بالولاده إهل السمه
معيدين اُويـانــه
معيدين اُويـانــه
و الصواني بمولـده امحنايه
عالرسول و آلـه صلي ويايه
يـا فـرح عقـد الـولـه
وفاطمه براعي الهله
باليحـل كـل معضلـه
الچانوا امتانينـه
الچانوا امتانينـه
و اللـي طيب مذهبـه
يفـــرح بسـيد الإبـــه
رابـع اصحـاب العبـه
الحسـن والينــه
الحسـن والينــه
احلى فرحـه للموالـي هـايـه
عالرسول و آلـه صلي ويايه
مـولــد ابــن الشافعـه
و رحمة الله الواسعـه
حيدري اصلَّه و منبعه
ثاني إمام اعلينـه
ثاني إمام اعلينـه
مـولـد إبــن الطـاهـره
طـاعته انفرضت تـره
عالسمه و اهـل الثـره
حبـه عايش بينـه
حبـه عايش بينـه
كـون يمنه و نگصده مشايـه
عالرسول و آلـه صلي ويايه
انبـث خطاب التهنئـه
بيهــه نلعــن شــانئــه
و كـل مـوالـي انهنئـه
و عَلِّگوهـا الـزينـه
و عَلِّگوهـا الـزينـه
الصـوت ردد بالفضـه
هـذا امـام الــرافضـه
و اليعـــادي نـرفضــه
و اللي ناقص دينه
و اللي ناقص دينه
حبه النه الصايه والصرمايه
عالرسول و آلـه صلي ويايه
كريم الحاج فليح
٢٢ ــ ٢ ــ ٢٠٢٥
انشـــــــدلك اجمـل اشعار يا امامي
ياســـــبط الهادي المختار يا امامي
يبن الزهره وحامي الجار يا امامي
يالحسن يالحسن
***
سبحانه ربك خله اليحبك مثل الشمع وايذوب اعليك
خيرك تبده يااحلى ورده ضمني يغالـي ابين ايديك
ياجنـــة الله دلالي صلى اسمك اذكره واغرم بيك
ياجنه واعظم بستان يا امامي
ياورد وياس وريحان يا امامي
ياجوهر لؤلؤ مرجان يا امامي
يالحسن يالحسن
***
جودك لمســته وبكلبــي شفته انته الكريم التنطي اهواي
ماداعي غيرك غطاني خيرك خيرك جبير ومثل الماي
بحـــر العطايه مالـــــه نهايه مثل ابو فاضل هم سكاي
تسكي الضامي وتنطي امراد يا امامي
مترجــــــــع كـــــــــل الوفاد يا امامي
محتار اشــــــــــيقره الانشاد يا امامي
يالحسن يالحسن
***
بشهر العباده هـاي الولاده بشـــهر التــــــلاوه والقرآن
وجهك تـلاله بنور الجلاله ضوه الخـــــلائق والاكوان
اسمك كرامه عالــي مقامه انت الحسن وانته الاحسان
ياوجه الحب والخيرات يا امامي
تعجز خجلانه الجلمات يا امامي
اسمك قــــــرآن وآيات يا امامي
يالحسن يالحسن
***
شعظم بهائك يكبــــر ضيائك مايطفى نورك بأذن الله
ذكرك اشوفه ضوت حروفه كلبي يود اســمك يهواه
اسمك نجاتي حافـــظ حياتي تعويذه اليه اشــما انخاه
ياحصن وسور الينخاك يا امامي
متعوف الكلــب اليهواك يا امامي
بالدنيه وباجــــر بحماك يا امامي
يالحسن يالحسن
***
منك دعائــي واطلب رجائي تقبلنــــي خادم يبن الجود
ادري النتايج تقضي الحوائج بابك جبــــير و مامسدود
اترســها اديه عيــــــنك عليه خيرك جثير وماله احدود
مامد أيــــــدي الغيرك دوم يا امامي
يمريح كلبـــــــــي المهموم يا امامي
وسط الروح اسمك مختوم يا امامي
يالحسن يالحسن
***
ابو علي الركابي
بمناسبة وفاة ام المؤمنين خديجة سلام الله عليها
ياخديجة ام الوفه وين صدك منج غمضت العين
عفتي ابو الزهره الحبيب باقي من بعدج غريب
صدك منج غمضت العين
****
زادت الغربه على كلب الرسول
رحله حتما رجعه مابيها وتطول
شلون حال البيت لوحال البتول
عفتي جرح المايطيب ولايزول
العشره لا موسهله وتهون صعبه حيل على اليحبون
المصطفى عاش بنحيب باقي من بعدج غريب
صدك منج غمضت العين
*****
يم عزم ثبّت الدين وغيّر الحال
يلي ضحيتي النبيج راحة البال
بدليتي التعب والهم بالدلال
بكلشي ضحيتي ولاخليتي مال
ياخديجه ام الوفه شلون تغفه هيج بساع العيون
جرح طه مايطيب باقي من بعدج غريب
صدك منج غمضت العين
*****
مابخلتي بعمرج وزهر الشباب
وبالحصار شكثر قاسيتي العذاب
يلنصرتي النبي ودينه بالصعاب
يلحميتي الدين وحفظتي الكتاب
بلاطعم من تمشي الايام طه ظل بعدج بالالام
ينادي طه ولامجيب باقي من بعدج غريب
صدك منج غمضت العين
****
من حنانج خله ياحيف المكان
يلمليتي البيت بالود والحنان
جرح فركه مايطيب وي الزمان
بصدر طه وفاطمه يم الحنان
وحشه بعدج صارت الدار الخاف من عنده النبي صار
الجرحه ماينفع طبيب باقي من بعدج غريب
صدك منج غمضت العين
***
انصرتي طه شكثر لمن عارضوه
وصدكيتي اقواله لمن جذبوه
ماجفيتي وصرتي مثل الي جفوه
حرب صرتي على الناس الحاربوه
صعبه كلمن مثلج يروح النبي لجلج لجلج ينوح
جنتي اله اقرب قريب باقي من بعدج غريب
صدك منج غمضت العين
الشاعر حسن لعيبي الحريشاوي
أهازيج للامام الحسن المجتبى عليه السلام
آنـــه بمـــولدك مديــت اليك چفـــوف
يسلطان الكــرم باب الكـــرم معروف
فــز مني الگلــب متعنــي ليك يطوف
(( وبابك يطلب حاجاته ))
***
كــون بكربـله يالحـــسن يم حسين
نبنيــلك ضـــريـــح بين هالــگبتــين
ونگصدلك زحف لو تنگطع رجلين
(( ونلبي وخل يسمعونه ))
***
ألك حضره بگلب كل شيعي مبنيه
اطوفنها أبدمـــوع العين يــوميــه
خـــل ابغيضها أتمــــوت الوهابيه
(( ونطوف الحضره أبكل ساعه ))
***
ال سعــــود صبراً والزمان يــدور
چف المهدي يهدم يالبغايا أقصـور
ويبني للحسن گبـه وضريــح ينور
(( وبالحضره يردد آذانه ))
الشاعر
موسى البديري
إنـه زيـنـب يـبـو زينـب ،، يمـاي العـيـن
الكلب لو هامك اتصوب ،، يبو الحسنين
يماي العين حاجيني .. يبو الحسنين
،،،،،،
انه ودمعة حزن امي عَـلَـي جلباب
اجيت اسأل على امصابك يداحي الباب
الجرح وسط الگلب عايش بعد ما طاب
وجرح ثاني نِـدَهْ روحي يبو الاطياب
الحسن وحسين يا حيدر إلي جابوك
يغالي وراسك امطبر لَـمَـن خلّوك
كلتلك يا نظر عيني المصاب امنين
،،،،،
رحت للمسجد اتأدي الفرض لله
واجيت وشيبك بدمّه خضيب الگاه
اثاري بسيف ابن ملجم اقاسي الآه
وسط گلبي جرح ثاني الظلم خلّاه
كَسِر ضلع امي من بالي بعد ما راوح
وتخضب كالوا الوالي وعلي اللي طاح
صحت يا دمعه عينيني الصبر ميعين
.....
يبويه انظُر جرح هامك وازيد اهموم
يتيمة فاطمه اتجَـدّد يتمهه اليوم
شصبّر روحي وغيابك أمر محتوم
الگلب ويه الجفن بعدك صُبَح ملچوم
اودعك يا علي ونوحي يفيض جروح
وريت اموَدعه روحي قبل لتروح
الدهر ياريته راميني بمرامي البين
،،،،،،
اجت الفقره وايتامك يبو الايتام
اعله بابك وگفت اتنادي الدهر بالام
نسألك يا دهر النه دگول شضام
اذا تاخذ علي منّه صدگ ننضام
منو بكل ليله يفگدنه لوّنه ايغيب
ويشبعنه اذا جعنه وجرحنه يطيب
علي لو راح دلينه نروح لوين
.....
تنفَّسني الالم بعدك يحامي الجار
واذا براسك ،، انه بروحي الجرح والنار
فتح باب لعذاباتي يبويه الصار
واذا. جن ليلي .. بدموعي وونيني احتار
مثل حزن امي للهادي الالم بركان
بيوت اولادك بفگدك بيوت احزان
اجود بدمعي وبنوحي للمعَــزين
.........
الشاعر سعد هادي الشمري
والتين والزيتون
فلتدمع العيون
صوبو راسك علي بهاي المسيه
اشحال زينب والحسن وحسين اخيه
فلتدمع العيون
.......................
اليله مدري اشصار بالكون وقراره
اليله كل اهل الفلك بعدك حياره
مدري شايل ياگلب وشهل جساره
الصابك ويعرف ابچفك وبفقاره
ياچف اتجاسر على خير البريه
صوبو راسك علي بهاي المسيه
وبفركه ابونه اشلون
فلتدمع العيون
.............................
اليله تدري ابلا ابو اتنوح الامامه
ومو فقط ولدك علي احنه اليتامه
نقره عالدنيا بلياك السلامه
ياچف امن اتروح تولينه الظلامه
سيف خصمك ينشهر وابلا تقيه
صوبو راسك علي بهاي المسيه
وبحبابك ايظلمون
فلتدمع العيون
................................
يا علي ابفكدك اسولف يامصيبه
ياجرح فگدك الما يحصل طبيبه
زينب ابيت الاهل واتحس غريبه
رحت والمثلك ابو منه اليجيبه
اتصد للحسين ابمدامعهه الجريه
صوبو راسك علي بهاي المسيه
وايتامك ايسئلون
فلتدمع العيون
..................................
حسين يبجي والحسن صبره ابأمره
ومره ناح الحسن وحسين اليصبره
ادموعهم بفراگ الايودونه جمره
ابموت ابونه اتصير هاي الدنيا مره
الدار من يوم المشه ضلمه وخليه
صوبو راسك علي بهاي المسيه
وسفه علي مدفون
فلتدمع العيون
....................................
الدنيا لو مات الابو تصبح هضيمه
وچف ابونه الچان فوگ اولاده خيمه
چم يتيم ابابه واگف چم يتيمه
ادموعهم فوگ الوجن مطروهه غيمه
ياهضمهه الضيعت راعي الحميه
صوبو راسك علي بهاي المسيه
حگهم اذا يبچون
فلتدمع العيون
خادم اهل البيت علي الزرگاني
اللَّهُمَّ اهْدِنِي فِيهِ لِصَالِحِ الْأَعْمَالِ، وَ اقْضِ لِي فِيهِ الْحَوَائِجَ وَ الْآمَالَ، يَا مَنْ لَا يَحْتَاجُ إِلَى السُّؤَالِ، يَا عَالِماً بِمَا فِي صُدُورِ الْعَالَمِينَ
صباح الخير والعافية عليكم
لسان حال السيده زينب ع #حاليا تخاطب أمير المؤمنين ع
……………………………………………………………
بويه حيدر . هاي اميه اعليه ردت بويه حيدر
كون تحضر . مرقدي اظلم تشوفه كون تحضر
الغاضريه و چنها حرب الغاضريه
……………………………………………………………
بويه رد الطبر راسك . الما رضه صيامك تتمه
الخضّب ابسيفه لحيتك . او وصل وسط الراس سمّه
رد ابن ملجم يبويه . وازيد امن الماضي هِمّه
وين ابوج ايگلي وينه . و اسمك الطاهر يشتمه
من طبرتك . روحي من الضيم خلصت من طبرتك
و هسه بنتك . شمعه وسط الريح ظلت هسه بنتك
ماكو جيّه . امن الهواشم ماكو جيّه
………………………….…………………………………
بويه ليل اهدعش هالرد . الشام هسه ابعيني هيمه
موش نص مرقد احسن . چني ليل ابلايه خيمه
رجع ذاك الصبح بويه . والسبي العذبني ضيمه
ابگبري واسمع يا سبيه . ردت الچلمة القديمه
وحشه وحشه . مرقدي يا بويه صاير وحشه وحشه
بلايه فرشه . چني و بنص الخرابه بلايه فرشه
والـ رقيه . الزينب افزع و الـ رقيه
……………………………………………………………
بويه حيدر هسه گبرك . بالنجف تضوي المناير
شيعتك ملتمه يمك . ويمك اتقيم الشعاير
وانا گبري ظلمه موحش . اعليه داعش بويه داير
امن العراق وماكو حمله . ماكو وسط الصحن زاير
لا گرايب . ماكو ساده وماكو شيعه و لا گرايب
لا مواكب . لا اكو خدام تلطم لا مواكب
الجعفريه . وين اهلنه الجعفريه
……………………………………………………………
بويه و الطف گبل اهون . رغم الاحبال البديه
وياي ابو الباقر امامي . وسكنه جدامي و رقيه
و هسه وحدي وهمه دوله . و الشعب كوم ال اميه
كلها مثل ايزيد ابوهم . تضحك و شمتانه بيه
ارحم النوگ . بويه من نظرة شماته ارحم النوگ
تحجي الحلوگ . تشيل من الشام زينب تحجي الحلوگ
المنيه . چنها ردتلي المنيه
……………………………………………………………
بويه گل للمهدي ابنك . وحلفه بحسين و رضعيه
عمتك ما عدها كافل . وانذبح يم الشريعه
وضع زينب خطر كلش . رايده الجيه سريعه
تسحگ الجولاني راسه . ابمرقدي اتهوس الشيعه
گبل معذور . جنت ما مولود عمه گبل معذور
لازم تزور . وتذرف بشباچي دمعه لازم تزور
بالزچيه . عمه احلفك بالزچيه
……………………………………………………………
گبل متعجبين جنتو . شلون ذبحوا ابو اليمه
شلون طفله انذبح بيده . شلون خيل اطحنت جسمه
هسه شفتوها مباشر . يذبح الطفل اويه امه
مثل هند افتحو صدره . يلوچ چبده و شرب دمه
شيعة اسمعوا . هاي من زينب وصيه شيعة اسمعوا
قوه صيروا . واتركوا هذا التفرق قوه صيروا
المرجعيه . طيعوا امر المرجعيه
……………………………………………………………
✍️ ( سيد خضر الزاملي )
/channel/rdeaa
ودعت يايمه ابوي
من وزن الهجري
شعر. .دكتور كاظم المعقلي
***
يمه يمه ...بدمْعِتي ودمعة اخوي
يمه يمه. .. ودّعت يايمه ابوي
داري امست مُظلِمه
لا علي ولا فاطمه
ودّعت يايمه ابوي
**
يمه بعده ابروحي حزني ودمعي علخد مانشف
يمه من يوم الرحلتي الكون احس يمي اختلف
عاود البين ولچمني وحط جرح ثاني ونزف
بيتي خالي امودعه والي الشايل لأرض النجف
يمه يمه. .. امودْعِته بسيل الدموع
يمه يمه ... وناري تلهب بالضلوع
هايه شده وموزمه
لا علي ولا فاطمه
ودّعت يايمه ابوي
**
يمه من اذكر مصابج يزغر الكون الوَسِع
چان اليسكتني ابوي وبيده الينشف الدمع
زينب ايگلي العزيزه العَشره اعلگهن شمع
مااريد اسمع يزينب ونْتچ الماتنسمع
يمه يمه. ...منهو اليْسكّت بچاي
يمه يمه .... هايه ثاني امصيبه هاي
عمري اظل متألمه
لا علي ولا فاطمه
ودّعت يايمه ابوي
**
من اصد محرابه يمه خالي ظل امن الولي
اصرخ وبس الله يدري وگلبي بالهم ينملي
يمه والمسجد هظمني شلون اشوفه ابلا علي
وبالاذان الصوت افگده العلمآذن يعتلي
يمه يمه. .. المنبره اتصد العِيون
يمه يمه ... هايه شده الماتهون
بيها اظل ابواهمه
لا علي ولا فاطمه
ودّعت يايمه ابوي
**
يمه يلزهره الزچيه شرد اسولفلج بعد
ريتج اتشوفيني يمه بساعة العني ابتعد
نعش ابوي شلون اشوفه وگلبي ساعتها ارتعد
بيتي ظلمه اخلاف ابوي وودعت طاري السعد
يمه يمه. ...ميته ريت ولا اشوف
يمه يمه. ... شايل اليهزم الوف
بالگبر حامي الحمه
لا علي ولا فاطمه
ودّعت يايمه ابوي
**
يمه كسري بلايه حيدر ياكسر ماينجبر
ياصبر يجزي بغيابه وانا ملاني الصبر
داحي خيبر ياهظايم راسه بالنص ينطبر
هازم افلول النواصب وسفه نايم بالگبر
يمه يمه. ... مثل ابوي امنين اجيب
يمه يمه .... يبعد شلون الحبيب
مو عليه متعلّمه
لا علي ولا فاطمه
ودّعت يايمه ابوي
**
يمه ليل انهار انوحن نوحي مااحسب كفه
يمه بيت احزان اريدن مثلج اعلى المصطفى
اختلي ابهم الثلاثه وعيني علخد نازفه
ماتم ابنص كلبي انصب علمشو متحلّفه
يمه يمه ...فگدچ وفگد الرسول
يمه يمه ... زادن ابفحل الفحول
وهايه ماهي الخاتمه
لا علي ولا فاطمه
ودّعت يايمه ابوي
**
يمه مكتوبه اعلى زينب تحمل اشكال البله
للحسن من بعد ابونا حضَّرِت دمعات اله
يمه خلي اتحضر الها عندي حسبه ابكربله
يمه ذيج ام المصايب محنة حسين او هله
يمه يمه .... استعد لجل الطفوف
يمه يمه. ... الرايه توگع والچفوف
ساعه بيها الملحمه
لا علي ولا فاطمه
ودّعت يايمه ابوي
**
دكتور كاظم المعقلي
/channel/rdeaa
على وزن حمزه الزغير رحمه الله قصيدة ( دهري ذبني)
غـــايــب عنّـــي
عيـــد المبــارك ياهـــو اليــگلـــي
۩ ۩ ۩ ۩ ۩
يــا بويه باچــر عيد گــوم أبسـلامــه
وعيــد اليمرنــه شلون واحنـه يتـامه
دمعــي بزغــر بالعين صايــر عــلامـه
والـدهر مّـــن البــاب صـوب سهامــه
حــزنـي دايــم
عيـــد المبــارك ياهـــو اليــگلـــي
۩ ۩ ۩ ۩ ۩
يــا بويــه هـــذا العيد عيــد النـوايــب
واشلــون أعيّـد بيــه وإهلالـه غـايــب
يــا بويـــه مــن الباب شفت المصايب
مــا يشفه ابــد بالـروح جرح الحبايب
ينــزف بعـــدك
عيـــد المبــارك ياهـــو اليــگلـــي
۩ ۩ ۩ ۩ ۩
عيــد المبــارك راح يــا وسفــه منّه
وخلالـي هــذا العيد بعد أهلـي ونه
بأحضانــه ملتمين يــا دهــري چنـه
يا وسفه سيف الموت طشر شملنه
حسره وعبــره
عيـــد المبــارك ياهـــو اليــگلـــي
۩ ۩ ۩ ۩ ۩
مبــارك دمــوع العيــن بعـدك عليــه
وعيــد اليمــر بجفـــاك عيـد الرزيه
جــرحك يابويه أنضاف وي الزچيـه
فرهدت عيدي اليـوم وسفــه المنيه
أنحــب بويــــه
عيـــد المبــارك ياهـــو اليــگلـــي
۩ ۩ ۩ ۩ ۩
كل ساعه اصد للباب ملهوفه عيني
واذكــر يمـــاي العيـن لمّـن تجينـي
ظليت أتاني تعــود بــويـه بحنيني
يــا سلوتي بجفـاك أصبـح ونينــي
ونّــي زايـــد
عيـــد المبــارك ياهـــو اليــگلـــي
۩ ۩ ۩ ۩ ۩
يا بويــه نـار أجفاك منها الگلــب شـاب
استعرت يبوالحسنين وياها نـار الباب
كــل مـا يمـر مصــاب يتجدد أمصاب
وي وشيبك المخضوب بويه الفرح غاب
غابــت روحـــي
عيـــد المبــارك ياهـــو اليــگلـــي
۩ ۩ ۩ ۩ ۩
الشاعر
موسى البديري
/channel/rdeaa
هذا اليوم ابواب السماء مفتوحه للاستجابه أنصحكم بقراة هذا الدعاء
ياجبار أجبرني
ياجبار أجبرني
ياجبار أجبرني
آللهُمَ أرني عجائب قدرتك في تحقيق ماأتمنى ..
ياودود
ياودود
ياودود
ياذا العرش المجيد
يافعال لما تريد
لك الحمد
ولك الشكر على جميع النعم
اللهم لك الحمد
كماينبغي لجلال وجهك وعظيم سلطانك
اللهم ياحي ياقيوم
صل على محمد
وعلى آل محمد
كما صليت على ابراهيم وعلى ال ابرهيم
انك حميد مجيد
يارب
يارب
يارب
اسألك بعزك الذي لا يرام
وبملكك الذي لا يضام
وبنورك
الذي ملأ اركان عرشك
يامغيث اغثني ..
يامغيث اغثني..
يامغيث اغثني..
(ثم اذكر حاجتك)
اللہم
لا تشمت اعدائي بدائي
واجعل القرآن العظيم
دوائي وشفائي
انت ثقتي ورجائي
واجعل حسن ظني بك شفائي
اللهم
ثبت علي عقلي وديني
وبك يا رب
ثبت لي يقيني
وارزقني رزقاً حلالاً يكفيني وابعد عني شر من يؤذيني
ولا تحوجني
لطبيب يداويني
اللهم
استرني على وجه الارض
اللهم
ارحمني في بطن الارض
اللهم
اغفرلي يوم العرض عليك
بسم الله
الرحمن الرحيم طريقي والرحمن رفيقي
والرحيم يحرسني
من كل شيء يؤذيني
(اللهم احرمني لذة معصيتك وارزقني لذة طاعتك)،
اللهم
اني اعوذ بك
من شرالنفاثات في العقد ومن شر حاسد اذا حسد
اللهم
اني عبدك
وابن عبدك
وابن امتك
ناصيتي بيدك
ماض في حكمك
عدل في قضاؤك
اسالك بكل اسم هو لك سميت به نفسك
أو أنزلته في كتابك
أو علمته أحداً من خلقك
او استاثرت به
في علم الغيب عندك
أن تجعل القرآن ربيع قلبي ونور صدري
وجلاء حزني
وذهاب همي
اسالك اللهم بقدرتك
التي حفظت بها يونس
في بطن الحوت
ورحمتك
التي شفيت بها ايوب
بعد الابتلاء
ان لاتبق لي هما
ولاحزنا
ولاضيقا
ولاسقما
الا فرجته
وان اصبحت بحزن فامسيني بفرح
و ان نمت على ضيق فايقظني على فرج
وان كنت بحاجه
فلا تكلني إلى سواك
وان تحفظني لمن يحبني وتحفظ لي احبتي
اللهم
لا تحملني من كرب الحياة مالا طاقة لي به
وباعد بيني
وبين مصائب الدنيا
وتقلب حوادثها
كما باعدت
بين المشرق والمغرب،
اللهم
بشرني بالخير
كما بشرت يعقوب بيوسف وبشرني بالفرح
كما بشرت زكريا بيحيى،
اللهم
بشر من أرسل لي هذا الدعاء
بحاجة تفرح قلبه
وتدمع عيناه منها،
ربي
ها أنت ترى مكاني
و تسمع كلامي
و أنت أعلم بحالي
ربي
شكواي لك
لا لأحد من خلقك
فاقبلني في رحابك
في هذه الساعة المباركه
ربي
إني طرقت بابك
فافتح لي أبواب سمواتك
و أجرني من عظيم بلائك
اللهم
سخر لي عبادك الطيبين
من حولي
وسهل لي أموري
وارزقني
من حيث لا أحتسب
ربي
بحولك
وقوتك
وعزتك
وقدرتك
أنت القادر علي ذلك وحدك لا شريك لك..
اللهم
إني أسألك أن ترزقني
ما كان خيرا لي
في ديني
ودنياي
ومعاشي
وعاقبة أمري
عاجله واجله،
اللهم
إني أشكو لك
قلة حيلتي
وهوان أمري
وضعف قوتي
اللهم
إني أسألك
أن تصرف عني شتات
العقل والأمر
ربي
اثرني ولا تؤثر على
ربي
انصرني ولا تنصر علي
إلهي
ارحم ضعفي
و فرج همي
و اجبر كسري
وامن خوفي
و امطرني برزق من عندك
لا حد له
و فرج من عندك
لا مد له
و خير من عندك
لا عدد له
اللهم
إن كان رزقي في السماء فأنزله
وإن كان في الأرض فأخرجه
وإن كان بعيدا
فقربه
وإن كان قريبا
فيسره
وإن كان قليلا
فكثره
وإن كان كثيرا
فبارك لي فيه
اللهم
ولمرسلها مثل ذلك ،،
يارب
في هذه الساعه
أسالك الراحه لكل مسلم ضاقت عليه دنياه
وذرفت عيناه
يا الله
أفرح قلوبا
أنهكها التمني
وبشر أصحابها
بفرح
لايذكرهم بوجعهم
واسعد قلوبهم
وأسعدنا بصحبتهم
اللهم
إغفر لوالدي
وادخلهم جنتك
ياأرحم الراحمين
اللهم
اعتق رقابنا من النار
اللهم
انك عفو
كريم
تحب العفو
فاعف عنا
اللهم
وفق من ارسل لي الرساله ويسر له اموره
بالدنيا والاخره
وارزقه النظر
الى وجهك الكريم
واحسن خاتمته
ووالديه
وارزقه أضعاف مايتمنى بالدنيا والاخره
اللهم اشفي من ارسل لي هذه الرساله
وصل اللهم وسلم
وبارك على سيدنا محمد وعلى اله الطيبين الطاهرين
👐👐👐👐👐👐👐👐👐
أرسل هذا الدعاء
لأكبر عدد من الناس
حتىَ تقُول الملائگه
ولك المثل
بإذن الله
/channel/rdeaa
الامام علي ع يوصي ابا الفضل العباس ع
……………………………………………………………
بيدك امانه يالكمر . بيدك امانه
ترفع لوانه وبالفخر . ترفع لوانه
سيفي بيدك يستمر •• اسمي بالطف ينذكر
……………………………………………………………
يبني جنت انا المحمد تجوه واحزام الظهر
نمت بفراشه وفديته وماهبت سيف الحضر
يبني اريدك وي اخيّك جرف ماعاف النهر
انت يا كشّاف كربه اتزيل عن وجهه القهر
تسگي الفواطم بالعذب . تسگي الفواطم
فخر الهواشم بالحرب . فخر الهواشم
على الفوارس تنتصر •• اسمي بالطف ينذكر
……………………………………………………………
يبني اريدك بالحرايب ترتجز بسمي وتكول
انا ترتبات الصميده انا ابن فحل الفحول
ارگابهم سبحه وتطشه حدر جدم ابن البتول
علي يمكن رجع لينه اكبارهم كامت تكول
ترجف اميه ابصولتك . ترجف اميه
والغاضريه اترجتك . والغاضريه
صيده وجفوفك نسر •• اسمي بالطف ينذكر
……………………………………………………………
انا قالع باب خيبر من وصل حدها الحرب
العلگمي ابجفك تقلعه وخله لعيالك يصب
كلها متوجه الجربتك جربتك كعبة شرب
موت بس لاما اريدك فارغ الزينب تطب
جيبلها زمزم زينبك . جيبلها زمزم
حيرانه بالهم تندبك . حيرانه بالهم
سكنه جودك تنتظر •• اسمي بالطف ينذكر
……………………………………………………………
رايتك خليها توصل تحجب اعيون الشمس
انت عريس الشجاعه و كربلاء زفة عرس
للوفاء استاذ انت تنطي لاعداءك درس
شيخ ويسولف ابمشيه كل الاصوات اتخرس
شلت لسنهم ما حجت . شلت لسنهم
منك زلمهم هالبچت . منك زلمهم
تلسع عيونك جمر •• اسمي بالطف ينذكر
……………………………………………………………
يا اسد كون بصرختك تشرد اكلوب الزلم
من رعبه الكل تمنت يصبح العاشر حلم
موت متروس بهواها انفاسهم ظلت تشم
الما لحگ مات ابمجانه ماكدر ينكل جدم
عباس اجاكم يالربع . عباس اجاكم
ما يبقه عدكم من جمع .ما يبقه عدكم
شكد بخيت الي يفر •• اسمي بالطف ينذكر
……………………………………………………………
اليثرب اخذيت الفواطم وانا كافل فاطمه
وانت تكفل زينب اختك وللخدر انت الحمه
بزودك اختك موش ناگه تصعد غيوم السمه
اجفوفك ايصيرلها هودج ورده بيدك نايمه
هاي الحبيبه ابرگبتك . هاي الحبيبه
تصبح غريبه ابغيبتك . تصبح غريبه
انت حارس عالخدر •• اسمي بالطف ينذكر
……………………………………………………………
✍️ ( سيد خضر الزاملي )
/channel/rdeaa
مولد الامام الحسن المجتبى ع
مولاي يسحر لونك
مولاي محلى عيونك
بشهر رمضان عشگك يبني صرحه
يبو محمد الك هالليله فرحه
مولاي محلى عيونك
****
صفگات والنور انرسم
صفگات تحلالك نعم
صفگات توصل للأمم
هلا يا مولاي
فرحان هادينه النبي
فرحان حيدرنه الوصي
فرحان گوم الطالبي
هلا يا مولاي
طشت الچكليت امك والكرم طشيته
جايب اوياك السعاده والگمر خاويته
انته مو بس المدينه إلفلك ضويته
مولاي گاصد ضيفك
مولاي يتوسع طيفك
بشهر رمضان عشگك يبني صرحه
يبو محمد الك هالليله فرحه
مولاي محلى عيونك
****
معشوگ يا سر العشگ
معشوگ يا نبضي اليدگ
معشوگ بيك انه احترگ
هلا يا مولاي
ضويت يالچنك گمر
ضويت يا ماي النهر
ضويت والجوري انبهر
هلا يا مولاي
ياكريم ومن عطائك والدك باهيته
يا عطر من الله نازل والورد حليته
عطرك اويه الريح عايش للأجيال اهديته
مولاي واسع جودك
مولاي واضح زودك
بشهر رمضان عشگك يبني صرحه
يبو محمد الك هالليله فرحه
مولاي محلى عيونك
****
مهيوب وامك فاطمه
مهيوب يا وجه السمه
مهيوب نلت الغانمه
هلا يا مولاي
عنوان والنار ابتدت
عنوان والدله اطفحت
عنوان يالكلك بخت
هلا يا مولاي
الچانت بحاتم الطائي سيدي محتاره
من صرت يشهدلك الله إنست اخباره
ياهو گبلك يبو محمد بس يجدد ناره
مولاي شعشع بدرك
مولاي واضح سرك
بشهر رمضان عشگك يبني صرحه
يبو محمد الك هالليله فرحه
مولاي محلى عيونك
****
الشاعر اياد الديراوي
اه والف اه
حيدر خسرناه
يا ناس ما يرجع بعد حيدر خسرناه
-----------------------------
خلو الدموع بكل سلف وبكل مدينه
بچفوفكم لطمو الصدر غمضهه عينه
اليوم اليتامى بلا علي تبچي وحزينه
لون الفجر يصرخ علي آه يا علينه
صوت السماء النائحه
تبكي عليه الفاتحه
وحسين مكسور الظهر وبلوعه شفناه
يا ناس ما يرجع بعد حيدر خسرناه
وين الترك زينب تون ما يدري بيهه
وين الحنين الما سمع ونها وبچيهه
گلوله ماتت يا علي ومسبله اديهه
فوگ الجنازه استشهدت رايح وليهه
نحو القبور الساكنه
سارت ولكن آمنه
وي حيدر بنفس اللحد خلوني وياه
يا ناس ما يرجع بعد حيدر خسرناه
لتغمض عيونك ترى ما نحمل فراگ
هو آنا حاظنتك علي وگليبي مشتاگ
وين الاخذ روحي ومشى والله النفس ضاگ
يا وسفه نسمات الهوى من صدري تنباگ
ذات الولي الخالده
أمست بقبر هامدة
ذاك الطبر راس الحرب مات ودفناه
يا ناس ما يرجع بعد حيدر خسرناه
دفنو علي لكن علي حن وذكرهه
مدفونه مكسورة ضلع آه يا صبرهه
بارض المدينه وفرگتك كسرت ظهرهه
جتك واديهه اعلى الضلع عافت گبرهه
اين الذي لم ينكسر
لامت حروب يعتمر
قتال كفار العرب مدفونه يمناه
يا ناس ما يرجع بعد حيدر خسرناه
گلولهم ميت علي بنص الگبر نام
ما يرجعلهم خل تون وتنوح الايتام
يا عيد المن جيتك مذبوح الاسلام
بمحراب طبرو هامته وما كمل صيام
سالت دماء زاكيه
والعين امست باكيه
صوت السمه اليندب علي يبچي وسمعناه
يا ناس ما يرجع بعد حيدر خسرناه
كلمات الخادم / رعد الفريجي
نزله للامام علي (عليه السلام)
رفعت راس يا حيد المــيادين
ورفعت راس يا حيد الميادين
ــــــــــــــــــــــــــــــــــــــــــــــــــ
يا فارس مضر يا حامي الدخيل
يمرجف الزلم ومرجف الــــخيل
ليث المــــرجله وتـــرد اليـ ـعيل
يمشيّم العرب ومـــشيّم الدين
ورفعت راس يا حيد الميادين
(حار وسيفه نار وتلهب)
ـــــــــــــــــــــــــــــــــــــــــــــــــ
يسحگ عالزلم وبكيفه يختار
يدوّر بالنزال الـــروس الكبار
كلمن گابلاه ابـروحه يـــحتار
يشهد خيبره وتشهدله صفّـين
ورفعت راس يا حيد الميادين
(يشهد يومه صگّار الحد)
ــــــــــــــــــــــــــــــــــــــــــــــــــ
صگّــار الزلم ولقـــائد العــام
هيبه وبالمـــعارك دوم جدام
ميزان العدل ومهدّم الاصنام
لجله الشمس ردّآها الله مرتين
ورفعت راس يا حيد الميادين
(يوم اصياره بيت الله انشگ)
ــــــــــــــــــــــــــــــــــــــــــــــــــ
شريان الرسـاله ونبض الايمان
ومنهج للبـــــــلاغة وانته قرآن
للحگ ولســوالف تبــقى عنوان
يا شيخ المضايف والدواويــن
ورفعت راس يا حيد الميادين
(بيّه نتباها عنوان الحگ)
ــــــــــــــــــــــــــــــــــــــــــــــــــ
يا كهف اليتامى ومنبع الخير
يا كاسي الفقير وشابع الطير
يمعزب الضيّوف وتاكل شعير
ممدوده ســـفرتك للمــساكين
ورفعت راس يا حيد الميادين
(بلسم مايك وزادك طب)
ــــــــــــــــــــــــــــــــــــــــــــــــــ
يا سر الوجـــود وعلم الاسرار
وايات النجاة ونــــــور الانـوار
سيف الله و قسيم الجنه والنار
يا سُبل الهدى وكنـــز الموالين
ورفعت راس يا حيد الميادين
(وكت الضيجه حيدر يحضر)
✍️علي كاظم المنصوري
اهدي ثواب القصيده الى روح والدتي رحمها الله
هوسات للامام الحسن- ع -
شعر دكتور كاظم المعقلي
______
حسن اول وليد الفرّح الزهره
حسن للمصطفى وآله الحسن بشرى
الحسن نشـّف الدمعه وضيـّع الحسره
اتلوليله بت طه ابفرحه .... تلوليله
_____
الحسن موياحسن معصوم ابن معصوم
ابوه حيدر علي جيدوم ابن جيدوم
الباري اختار يومه وشگله شهر الصوم
اسمه اختاره ربه المعبود.... اسمه اختاره ______
الله اختار اسمه ولطف رب الكون
گل للهادي شبـّر مثل ابن هارون
هذا الحسن معنى وحسن صوره ولون
امغذيته والزهره ابدرها ..... امغذيته ___
عرفنا بكل وليد بفطرة احساسه
يدور ثدي ايرضعه وليه يفر راسه
بس الحسن مامر بالثدي وجاسه
امصومينه نازل من رحمه.....امصومينه ______
نزل صايم حسن ما رضع حالا صام
من شاف أهل بيت المصطفىٰ صيام
ومن صاح المؤذن رضع درته ونام
مسويها منهو بهالدنيه....مسويها
___
كريم البيت وأهل البيت كلها اكرام
اسأل هل أتى وتشرح لك العلام
بس علماي صاموهن ثلث تيام
ومن هايه وحدها اعرفهم ... من هايه ___
عيد اهل الولايه اليوم
يوم اخمسطعش رمضان
فرحان النبي المختار
وأهل العرش والأكوان
جبريل اعتنى وعالناس
وزع بيده كركيعان
وجف ايده... صافح كل مخلص ....
___
جبريل اعتنى ومسرور جاب وياه حلاوة عيد
من السما ايوزعه اليوم وملبس امن ايد الأيد
لوما الحسن ماجينا يصيح ولوما ابوه الحيد
وماجينا لوما هالمولد ....ماجينه
___
صاح ابفرح جبرائيل
لوما الحسن ماجينا
ولا بالود هتفنا اليوم
ماجينا اويماجينا
ووصانا الملك جبريل
ظل يردف يوصينا
اتعوفوها بس لا هالعاده ...تعوفوها ____
شك الشهر ربك وانكسم نصين
يانص الشهر هم سامع اهلاله
اهلال اول شهر كوّه ابسمانه ايلوح
وبتالي الشهر ياعين التـْطاله
وهلال الحسن باربعطعش مفضوح
حتى العمه ايشوفه ويبصر اكباله وللشـــــيعه – هــــذا اهـــلال الله
ـ---------------------
ادعو الخالق المنان هالفرحه يتممها ومنا التهنئه بهليوم للزهره يقدمها
وهالجفوف التصفك كون عن ناره يحرّمها
ويرويها... من حوض الكوثر ___
باجر جرح يلجم جرح بويه
يطلع گبل طرت الصبح بويه
عيد الله باجر ينعاك ياحيدر انريد وياك
يالودعتنه وماترد تدرينه مو مال افراك
ياعلي يمنه ولو درت وجهك الشوفك نشتاك
الموت يطلبنه ابطلب وياك حط ساگ ابساك
ماخذ الجدمه ابكل وكت يم باب زينب سباك
بيمن نعيد لو لفه العيد بويه
واحنه النوده شايل ابعيد بويه
العيد ماذيه فرگاك عيد الله باجر ينعاك
باجر جرح يلجم جرح بويه
.........
ماينحمل فگد الابو ياحيدر ايشل الحال
البيت مابي اي طعم الموت لو طولك شال
انته الابو ونعم الابو موبس كلام وينگال
اي وحگ داعت فركتك سهمك بكلبي وجتال
جرحك رماني وصاب الاعيون بويه
ياروح زينب ترحل اشلون بويه
يابويه اريدن وياك. عيد الله باجر ينعاك
باجر جرح يلجم جرح بويه
.............
ماتمم اصيامك علي لاجن يتم بيه الهم
ابعيد الله كلهه التبتشر بس انه بويه اتيتم
باجر ايتامك تنتضر بالعيد والهم خيم
متعوده كل عيد اليمر جفك عليهم سلم
بس هل سنه بيهه اختلافات بويه
صعبه اشنگلهم حيدر المات بويه
هاي اليتامه برجاك عيد الله باجر ينعاك
باجر جرح يلجم جرح بويه
.....................
البيت لو مابي ابو يابويه گلي اشحاله
الله يعين الفاركك بس الهضم يبراله
ويعين الحسين وحسن جفهم ابوهم شاله
ياهو الاشوفه امن اخوتي ادموعه بس هماله
حگهه اعله فگدك ناحت العين بويه
الله ايعين الحسن وحسين بويه
يا عمر يگضي ابلياك عيد الله باجر ينعاك
باجر جرح يلجم جرح بويه
..........................
الجان يركض لوصحت ماضني حجيي ايسمعه
ياكلبي دمعك للابو يشبه النار اوشمعه
الصار خده اعله الترب لاتنتضر بيه رجعه
الموت لو رجع بشر چا رجعت النه البضعه
ياگلبي أيس هذا الاوداع بويه
مايرجع المدفون بالگاع بويه
كثر يگلبي ابمبچاك عيد الله باجر ينعاك
باجر جرح يلجم جرح بويه
.............................
متعوده اشوفك كل وكت ماجان هذا ابالي
يابويه اذن للصبح وانته مجانك خالي
الغدرت ابموتك علي تغدر ابزينب تالي
باجر ابطفهم وحدي وبس الهضم يبرالي
باجر علينه تهجم الخيل بويه
وجفك اريده ابضلمة الليل بويه
بالغربه ياحيد انخاك عيد الله باجر ينعاك
باجر جرح يلجم جرح بويه
خادم اهل البيت علي الزرگاني
الشاعر أحمد الذهبي
لو نويت تروح...قلبي وين ايروح
27/08/2019م - 12:28 ص | عدد القراء: 66890

لو نويت تروح...قلبي وين ايروح
لو صدق لا سامح الله و فارقتني
يالوداعك آه...أسألك بالله
زينب اني لو جبل واقف شفتني
مع السلامة لو قلت...إحسبني من باجر متت
لو نويت تروح
لقائي ، و لقائك سكتة بيه كل شي حجينه
فهمنه ، بعضنه بالدمع لمن بجينه
قلت لك ، قريبة خيولهم صارت علينه
قلت لي ، وعد مكتوب يا خوية اشبدينه
صرت أشوف الليل...جن سنابك خيل
تسحق بصدري و تفوت الساعة لحظة
يمشي ليل الموت...اسرع من الصوت
ليلة وداع الحبايب جنها ومضة
يا موتي ليش استعجلت...احسبني من باجر متت
لو نويت تروح
وقفنه ، بوداعك و الزمن ويانه واقف
و رجفنه ، و رجف حتى الكلام اعله الشفايف
صباحاً ، قلت لي تنجفي ادلال المضايف
و سألتك ، يا خوية بيا متن للسوط اشاقف
واسمع من الغير...مو صباح الخير
شامت يقلي البقية في حياتج
و عرشي راح وياك...و اسمع بلياك
عرشج الهزلة الاميرة مو صفاتج
و اني اميرتهم جنت...احسبني من باجر متت
لو نويت تروح
سكتنه ، يا خوية و جرحك يسولف و اسمعه
يقلي ، نهارج مو سهل حضريله دمعه
امن اشوفك ، صدر و الخيل و الدنيا اعله ضلعه
و حقك ، انا و الخيمة نوقع فرد وقعه
توقع سنيني...دمعة من عيني
حزنك يلفني جرح فوقاه عباية
لا على بختك...لا يا بعد اختك
ما يلوق اويه الخدر ثوب السبايه
و بجالك آني تدللت...احسبني من باجر متت
لو نويت تروح
أحاول ، يخوية و ما يصح بيدي و امنعك
ولاني ، مقاتل حتى للميدان اتبعك
منونك ، أقدمه اشلون تقبلها و اودعك
و أنا ادري ، جوادك ياخذك بسما يرجعك
من قلت رايح...مني شي طايح
دورت قلبي و لقيته مني واقع
والله ما ادري...احترق صدري
وإلا دخان الخيم من صدري طالع
حته بكلام اتعثرت...احسبني من باجر متت
لو نويت تروح
منيتي ، و منيتك باجر تشاهدها عيني
شمرهم ، يذبحك و اني يذبحني حنيني
و اشوفك ، تقوم و تعثر تحاول تجيني
وصوارم ، أَسِنه و نار ما بينك و بيني
انت زينب وين...و اني وين حسين
باجر نردد سوا لحظة منية
و اختك تعاتب...و نحرك يجاوب
انذبح شاء القدر و انت سبية
ما اعرف اني اشجاوبت...احسبني من باجر متت
لو نويت تروح
أسالك ، يخوية و خايفة بس لا اعذبك
دقلي ، بمكاني لو صرت شيسوي قلبك
أعاين ، و أعدد للشمر كلما يضربك
و أشوفه ، يجر سيفه و على وجهك يقلبك
يرفسك بظهرك...من يحز نحرك
قل هو الله أحد دمعتها تجري
تصرخ جروحي...و الصده ابروحي
عوف اخوية و هاي أنا اقطع لي نحري
ما جنه يسمع من صحت...احسبني من باجر متت
لو نويت تروح
((للسيده خديجه))
يالتسأل المن هالعــزاء
لم فاطمه فخر النساء
مولاتي خديجه.. مولاتي خديجه
~
اليله،، هالخــدم مـــجــتمعه
تبچي،، وتسچب الها الدمعه
ابلوعه.. هالتـنـــــــوح وتنعه
انقدم اليله التعازي لبو الزهره المصطفه
والموالي بهل رزيه جفنه مانــام وغــفه
ويانه حزنانه الـــسماء
لم فاطمه فخر النساء
مولاتي خديجه.. مولاتي خديجه
~
الهادي.. اليله منهد حـيله
الحزنه.. كل سمه تبچيله
وعينه.. ماغـفت كـل ليله
ماتـــــهون العِشره عـنـده خـلص ايامه يحن
وسمه عام المشت عنه المصطفى عام الحزن
وعـيونه ذبـلهه البــكاء
لم فاطمه فخر النساء
مولاتي خديجه.. مولاتي خديجه
~
الزهره.. اليله الله ايعينها
فاطم.. مايبطل اونــينـها
راحت.. امها من ايـدينها
ايعظم الله يالــــزچيه اجرچ بهذا المصاب
الوالده خيمه اعله بتها وتنهدم من الغياب
وخلافها اتعيش ابعناء
لم فاطمه فخر الـنساء
مولاتي خديجه.. مولاتي خديجه
~~
چانت.. بالشرف معروفه
طيبه.. وبالكرم موصوفه
تترس.. للفقير اچـــفوفه
بالنسب مولاتي اهلها چانوا اشراف العرب
الباري بشرها ابهديه الها بيت امن القصب
تستاهل ابحق الجزاء
لم فاطمه فخر النساء
مولاتي خديجه.. مولاتي خديجه
~
ظلمه.. الدنيا لمصيبتها
غابت.. راحت الجـنتها
ويلي.. شالو اجـنازتـها
كل سنه انقيم المجالس عهد منا الفاطـــمه
امصيبة ام الزهره بچّت حتى املاك السمه
للموت منعوف الرثـاء
لم فاطمه فخر النساء
مولاتي خديجه.. مولاتي خديجه
~
حيدر بشار الدراجي
فزاعيات
لسان حال مولاتي زينب توديع الامام علي عليه السلام
ينور العين مو وكتك يوالينه
يبويه فراك وجهك حيل ياذينه
انته عيون زينب ياعلي والشوف
هاي الدنيه ظلمه صارت علينه
(( وشلون بيه ياهلي وعيون ابوي الغمضن ))
__
كلبي عليك كلبي ولابطل ونه
وحشه الدار بعدك ياابو الضنه
اضلم كلشي صاير ياعلي بلكون
انته الروح ليش تروح منعدنه
(( يبويه مهضوم الحسن وحسين يبجي بحيله))
____
ملائكة السمه والعرش كله تنوح
يمك ياعلي يابويه يالمطروح
يالمفتوح راسك فتحت القرأان
ركن الدين حيدر عمت عيني تروح
(( هليله حيدر من طبر ويتامه كلها بابه ))
__
اون والروح مكسوره يبعد الحيل
يالمبخوت بعدك شفت انه الويل
رافكني الحزن والهضم من صباي
بويه الدمع حار عل الخدود يسيل
(( زينب يبو زينب تره مكسوره خاطر ياعلي ))
___
چبير البيت طايح هاي موبالهون
موش دموع نبجي عليك كون عيون
مو وكت الموادع ياشريج الروح
يتيمه ياعلي زينب تضل شلون
(( البيت اضلم من رحت بعيوني ماشفت الضوه ))
_
وداد البخاتري
مقطع صوتي من mlahythmallamy
Читать полностью…