834
Haitham Al-Lami
( مناجاة الامام الحسين ع )
يا ملاذ التائبين
ياسراج العاشقين
ياطبيبٌ يامجيبٌ ياحبيبٌ ياحسين
****
سيدي للمذنبين انته النجاة
يا ملاذ التائب ابيوم الممات
لوله حبك ما خلق الله الحياة
لوله دمك سيدي ماكو صلاة
يا امام المتقين
ياحبيب العالمين
ياقريبٌ يامجيبٌ ياحبيبٌ ياحسين
****
ياعشگ اول نظر شايل سلام
انته اخر چلمه اذكرها او انام
ياللي نورك غطه افات الظلام
شلون اوصفك يالعجز بيك الكلام
ياكلام الذاكرين
يامجيب السائلين
يانصيبٌ يامجيبٌ ياحبيبٌ ياحسين
****
گلبي من دون البشر انته اللگاك
الدنيه متهمني المهم عندي رضاك
يادعائي بكل صبح اطلب رجاك
علمت انفاسي تتنفس هواك
يامعين الصابرين
يا انيس الخائفين
يارقيبٌ يامجيبٌ ياحبيبٌ ياحسين
****
الشاعر اياد الديراوي
علي قالع خيبر بچفه العضيم
علي للا سلام يم الله الرحيم
حار ابو الحسنين يجوي بلايه نار
لجن يم الفقره جنات النعيم
علي محد صوره علي مولا ياعلي
علي هوه المفخره علي مولا ياعلي
علي دنيا واخره علي مولا ياعلي
شيخ عل الدنيه علي تعرفونه
هوه رداد الشمس تدرونه
كلشي يركع يم علي يهابونه
@@@@@@@@@@@@@@@
يوگف التاريخ يوگف يم علي
غير ابو تراب وعشكنه الزلي
مو عجيبه ياعلي حبك يصير
يسوه هذا الكون كله وي هلي
علي نمشي بغيرته علي مولا ياعلي
علي حلوه وگفته علي مولا ياعلي
علي ترعب صورته علي مولا ياعلي
الزلم توگف يبوحسين الحضرتك
دخيل كلها تصيح وانته بصورتك
الخوف يمك يركع ويم هييبتك
@@@@@@@@@@@@@@@
اول بكلشي علي مثل الحمد
كلش جبير وكف ماعنده ند
اشهدو ان علي فرض الصلاة
لما يذكره يضيك بي اكبر لحَد
علي مالح بلحرب علي مولا ياعلي
علي خلاس الصعب علي مولا ياعلي
علي كتال اليطب علي مولا ياعلي
يچوي من بعيد كلش بلخزر
علي هوه العالي والقاده حدر
غير اسمك ابو تراب المقتدر
@@@@@@@@@@@@@@@
حيل من الله اجاه وعنده حيل
يرعب اسمه ياعلي يسواله جيل
يمه القاده تدنك كلهه خوف
ياثجيل ومايصح مثله ثجيل
علي شيخ المرجله علي مولا ياعلي
علي. اسمه نرتله علي مولا ياعلي
علي. انته البوصله علي مولا ياعلي
الغوث كلها تصيح منه لو برز
علي طشرها الچماجم جن خرز
ماكو واحد دخل بلعركه وحجز
@@@@@@@@@@@@@@@@
بلحرب من صال يرعب بلزلم
من دخل علعرب ولاهم ردم
طويل بفعاله ويخوف بلقتال
لو برز علخصم بيهم ما يهم
علي بفعاله ثبت علي مولا ياعلي
علي هوه البخت علي مولا ياعلي
علي بسمه انتخت علي مولا ياعلي
الله يستر شال سيفه بيمنته
مالح ومن دخل توجع طكته
سيفه يكتل بلحرب وي خزرته
@@@@@@@@@@@@@@@
وداد البخاتري
قصيدة وفاة ابوطالب عم النبي محمد ص ...
الما عرف قيمة حديثك مانريده
يابو طالب انته عنــوان العقيده
وگفتك تنعد فخـر
لطه مادرت الظهر
ـ………………………………ـ
رغم عن انف النواصب يبقه اسمك خالد
يالصنت حق الأمانه ومن اجلهه امجاهد
سيـــــدي تهموك انته الهبل كَالو ســـاجد
وآنه ادري المـــــن تصلي للألاه الواحـــد
يابوطالب انته مصحف انته آيه
آمنت قبل الرســـاله امن البدايه
بقولك الحق انتصر
لطه مادرت الظــهر
ـ…………………………………ـ
انتــه مؤمن برســـــاله الأول ايعرفونك
رمز للأســـــــلام انته وكلهم ايهابــونك
الأن ما تعبد صنمهم سيــدي ايبغضونك
شافو انجـــازك يضرهـم قــررو ينهونك
قاطعـوك وابـد ما خنت الامـانه
اصرارك وصبرك الك چانن دلاله
رغم لوعات الدهر
طله مادرت الظهر
ـ………………………………ـ
اجو يترجون بيك اتخله عـن هذا الامـر
خل محمد يكف عنــه دينه اصـبح صفـر
چانو ايخافون همه الدعـوه تتحول جهر
وانته عالحق طالبتهم ورفعت هام النصر
بيك محتــــارين ضلو آل آميه
يالقهرت اسيادهم يابو الحميه
بيك كل طاغي انبهر
لطه مادرت الظــــهر
ـ………………………………ـ
انته رايه ابجــــف محمــد للنصـــر علاهه
انته فقــــــار الصمــــيده ابضربتك يتباهه
انته آيــــه امن الكتــــاب احتارو ابمعناهه
حروف اسمك سرهه مخفي صعبه عاليقراهه
يابوطـالب انته عـم ســـــــيد البريه
جنت ضل ومدرسه الحامي الحميه
صطرت اروع صور
لطه مادرت الظهــر
ـ………………………………ـ
سيدي مقصرين واللـه بحقك احنه هوايه
بكثــر زوار الحســـــين وخطـوت المشايه
سيـدي سامحنه فـــدوه وعفو عنه ابهايه
انحلفك ابصبر العقيله وعين راعي الرايه
يلي تملك گلب حـيدر اعفي عنه
نطــرق ابيبان عطفك جينه كلنه
نعلم ابعطفك نهر
لطه مادرت الظهر
ـ……………………………ـ
الخادم
✍كامل السعيدي
صوت اجاني من النهر ... صاح العدو طاح الكمر
رحت ودنيت يمه ... وصله وصله شلون المّه
طاح الكَمر ... طاح الكَمر
انه من دونك يغالي نكسر ظهري وحيلي راح
والشمس لو ما ظواها يموت من يجلي الصباح
العلم طاح شلون وانه بهاي دنياي استراح
رحت ادور حافيه اركض والدمع دم مني طاح
وانه ادور صاح كافر... هذا اخوج بصدره حافر
جثه ومخضب بدمه.... وصله وصله شلون المّه طاح الكَمر... طاح الكَمر
اخوي ما كاسرله خاطر ياشمر موتك كرب
تحز نحره ولا تبالي شنهي عدك من كلب
عشت يوم الطف حياتي بمختصر يوم الحرب
علرماح الروس باتت والجثث فوك الترب
هذا منظر هاد حيلي....اطفال تبجي وتشتكيلي
عفته ما لحكت اشمه.... وصله وصله شلون المّه
طاح الكَمر...... طاح الكَمر
عاملونه بكل قساوه والشمر صاير وراي
يضرب بسوطه عليه والضرب زورك كفاي
ردنه شووفك ياخو زينب بلسبي وما ردنه ماي
ترضى هيج يصير بينه يا بعد عيني وضواي
حيلي مو بس النظر .... راح من طاح الكمر
بالدمع ما ردت الجمه .... وصله وصله شلون المّه
طاح الكَمر.... طاح الكَمر
عتابي يمك يا ابو فاضل كوم سولف يا شهم
شلون نمت اعله الترايب وسفه يم بچي الزلم
شكد مواقف يمنا صارت ريتها چانت حلم حسين عگبك صار وحده وسلبوا حتى الهدم
خويه بعدك ما غفيت ... من وراك شكد بچيت
جبت جفه وكمت اشمه... وصله وصله شلون ألمّه
طاح الكَمر..... طاح الكَمر
عباس عوده المشعلاوي
كل جمعة اتاني وما تجيني اخبارك
دليني ويــــــــن وانه اجيك لدارك
يمحبوبي يمهدي
▪▪▪▪▪
مناطرك وايدي اعله خدّي وظال احسب بالجُمَع
اني مــــــــــو ايوب واصبر ليا وكت احمل وجع
يجي ليل ايــــــروح ليل ونـــــــور بدرك ما سطع
وحجي الشامت بذني اسمعه شو حبيبك ما رجع
يمته تجي وبيدك تطيّب جروحي
افراكَك رمح وحشي وتعدّه بروحي
يمحبوبي يمهدي
▪▪▪▪▪
ليلي ما نامــــــه بغيابك جفني عِشرة اويه السهر
شيبي خضّر بالرمـــــــــوش وما وصل منّك خبر
خــــــــاف زعلان انــــــــت منّي سيدي يالمنتظر
كَلّي ويــــــــــن الكَاك انــــــــــه حتّه منّك اعتذر
منيتي اوصل لبيتك وابوس اعتابك
ومو علكَ ناذر روحي اشدها ابابك
يمحبوبي يمهدي
▪▪▪▪▪
وين كَاعـــــــد انـــــــت هسه كَلّي يا حلو الصفات
ارد اجيلك يا حبيبي اوياك اريــــد اكَضي الحياة
الليل تكَضي ويــــــــــن كَلّي يبو دموع الجاريات
كَلّي يــــــــــم حسين لو يــــــم امك الزهرة تبات
اني اعتقد ما يوم غمضت عينك
ليل ونهار اتصب دمع لحسينك
يمحبوبي يمهدي
▪▪▪▪▪
موكَد افراكَـــــــك يغالي بكـــــَلبي يسعر ما طفه
لشوفتك احسب ثـــــــوانـــــي روحي ليك ملهفة
بيه الك حسرة امـــــــن اهدها للأرض ثق خاسفة
حزنــــــــــي بغيابك يمهدي بحزن يعكَوب اوصفه
يا يوسفي اتعذب كَلب يعكَوبك
جا يمته اسمع هذا اجه محبوبك
يمحبوبي يمهدي
▪▪▪▪▪
وين مكَعادك يمهدي كَلّي ويــــــــــن وانه اجيك
روحي تعبت يا حبيبي بكثر مــــــــــا تنشد عليك
وين ساكن انــــــــــت كَلّي ووين ما جان اعتنيك
اني مــــــــــن دونك اضيع الزمني يالمهدي بديك
وفقني اشوفك فدوة لو بس مرة
محتاج منّك نظرة يبن الزهرة
يمحبوبي يمهدي
▪▪▪▪▪
منين اجيبن هُـــــــدهــــــــُد اسليمان انه بهالزمن
ايجيــــــــــبلي اخبارك حبيبي حته كَلبي يطمئن
يحفر خدودي بغيابك دمعي لو صــــــب عالوجن
بس تعال انطـــــــيك روحي مستعد يبن الحسن
مستعد روحي وأهلي انطيك اني
بس كون اشوفك لحظة يا سلطاني
يمحبوبي يمهدي
▪▪▪▪▪
ايعينك الله يا ابو صالح جـــــــم مصيبة اتحملت
شيّبت وانــــــت بشبابـــــــك حيل يالغالي اتعبت
جنت بالطف انــــــت حاضر كلشي بعيونك شفت
الخيل داســـــت رحمة الله وعمتك اوحيده بقت
اه يا مصاب الطف اخذ كل حيلك
عينك على روحك يمهدي ادخيلك
يمحبوبي يمهدي
حسين عبد الزهرة الدراجي
قصيدة حال لغريبه زينب•♕
ثگيل حزن
ظلمه جن ليلة لوحشه حضرتي بيهه لظلام
لا خواتي ولا خواني وبيهه دخان الخيام
•••••••••••••••••••••••••••••••••••••••••••••••
يمه يالزهره الحنينه شوفي زينبكم تعاي
البيه صاير عذباني وهمي كاسرلي گفاي
بغربه كل عمري ييمه وماتهنيت ابصباي
كربله شلت احوالي وصعبه بالهيمه ننام
•••••••••••••••••••••••••••••••••••••••••••••••
عگب ذيج المه كلهه وحدي تاليهه صبحت
يمه هد حيلي چفيلي زين مني وماتت
عذباني حسين جرحه جرح گلبي وشيبت
بين شمات وعساكر بقت زينب للسهام
•••••••••••••••••••••••••••••••••••••••••••••••
ذاب حيلي وراح لوني والجره ماخله حيل
حرمه بالخمسين عمري حايره والدنيا ليل
امشي وي چتال اخوتي حرمه ولوادم تعيل
هم چفيله بالاايتامه وهم سبيه بلا مقام
•••••••••••••••••••••••••••••••••••••••••••••••
صعبه ونرافگ شماته والهواشم عالرماح
مچتفات اعله الهزايل وبيه ماتهده لجراح
لغربه تكتل عگب اخوتي محد لبينه ستراح
سهام نضرتهه لشماته ومايعرفون الحرام
•••••••••••••••••••••••••••••••••••••••••••••••
التعباني السوگ يمه وفرجه خلوه الضعن
وسفه تاليهه الغريبه تمشي وي اهل لفتن
الشام كله مرمراني شوفي يايمه الصحن
عذبونه بكلشي عدهم وقري عالدنيه اسلام
•••••••••••••••••••••••••••••••••••••••••••••••
خادم الحسين ع
مهند العايدي
قصيدة ندبة لتعجيل الفرج
يا الاهي .. نسأل بجاه الحسين
يا الاهي .. عجل الفتح المبين
ضاگت الدنيا علينا عجل بطلعت ولينا
يا الاهي ++++ يا الاهي
++++++++++++++++++++++++
ضاگت الدنيا وندور فسحة من الامل تُفتح بالدُعاء
ما حصل حل ابادينا باقي بس حل ننتظر من السماء
عجل الطلعة البهــية خل يشيل من الارض هالابتلاء
وننسى جور المر علينة نعيش من بعد العسر خير ورخاء
يا رجانة .. الخصم بينا شعمل
يا رجانة .. ابمنقذ الامة الامل
للدعا نرفع ادينا عجل بطلعت ولينا
يا الاهي ....... يا الاهي
___
رحمة مانرحم بعضنا ورحمة منك ننتظر رب العباد
من ادينا وما كسبنا ظهر بالبر والبحر منا الفساد
الموت عالبيبان واگف واحنا وي رب العرش نمشي بعِناد
عدنا وي ابليس صحبه ولا عرفنا الحكَ ولا درب الرشاد
بس بعضنا .. البعض كلش قليل
بس بعضنا .. تخاف من الله الجليل
الفرج يمته يجينا عجل بطلعت ولينا
يا الاهي يا الاهي
---------------------------------------------
نمشي عكس الرادة الله وندعي بالتعجيل كافي الانتضار
امن الزمان اهوال شفنا وما اخذنا ادروس منة واعتبار
اليريدة المهدي منا ما نطبقة بگلبة دوم نخلي نار
فوكَ ما مجروح گلبة جروح احنا انحطلة باليل ونهار
ندعي ربنا... العجل ربي العجل
ندعي ربنا... ولا دعا منا انقبل
بعكسة مهدينا مشينا عجل بطلعت ولينا
يا الاهي يا الاهي
========================
كثرت ذنوب الخلايق والله ينذرنة وفلا مرة نتوب
نعاند الله وعن دراية انزيد يومية بالذنوب الذنوب
بالربا وكلشي مُحرم عدنا بعض الناس مليانة الجيوب
كافي يالمذخور صبرك اشرق بشمسك صبح من الغروب
من نشوفك ... تنملي الدنيا عدل
من نشوفك ... الصعب يصبح سهل
فرح گلوب الحزينة عجل بطلعت ولينا
يا الاهي يا الاهي
====================
أسألكم الدعاء رائد الاسدي
#تراث
زيـنـب يـالتنشدوني عليها
زينب بالخرابه منزليها
يـاهـنـد اشـتـنـشدين...... وانه الچنت زينب
ــــــــــــــــــــــــــــــــــــــ
بالله يـاهـنـد ارد انـشـدچ صـدّي ليّه وجاوبيني
لـيـش غـيـرنـي زمـانـي وليش كون تضيّعيني
راح يـوم الچنـت زيـنـب بـيه وإنت التخدميني
وراح الدلال البيه عشت ..وإنصبت بالطف إنصبت
إشچنتي ياهند وشچنت .. واصبحت ماتعرفيني
هــم يــخــطــر إبـالچ يـاهـنـد چان
زيــنــب تـنـسـبـي وتـوگف بـديـوان
آنـه والـيـسـر ويـن... وانـه الچنـت زيـنب
ــــــــــــــــــــــــــــــــــــــ
هند من عالكرسي طاحت وصرخت والگلب يلهب
لـيـش مـتـغـيـره رسـومچ يالعلي والله يزينب
ويـن الـبـيـوت الـمـزهره راحت والخدر المرتب
الله الله شــجـرى... بـهـلچ وحـالچ غـيـره
صاحت وديـعة حيدره.... ماعلى المحتوم معتب
دهــري هــدّم بــيــوتــي عــلـيّـه
وتــدريــن شــعـفـت بـالـغـاضـريـه
عـفـت أهـلـي مـطاعين.... وانه الچنت زينب
ــــــــــــــــــــــــــــــــــــــ
شـلـون صـدّت فـزع صدّت هند تصرخ يالعقيله
لـيـش مـا تـنـشف عيونچ وليش حسراتچ ثجيله
ويـن ذاك الـخـدر راح ويـن ابـوفـاضل چفيله
صاحت بصوت الفاجعه ... عباس ظل عالمشرعه
ومنه الچفوف مگطعه...وهدّمت لحسين حيله
يـوم الـچـان ابـوفـاضـل وجــوده
ســالــم والــعــلـم مـلـتـزم جـوده
مـن چانـت الچفـيـن.....وانـه الچنـت زينب
ــــــــــــــــــــــــــــــــــــــ
يـاهـنـد گطّـعـت گلـبـي غربتي بشفرة الونه
ضـمّـدي جـروح البچبدي ولا تنشديني عن أهلنه
ومـادريـتـي شـلـون نـزلـه بكربله يوم النزلنه
صـعدت صـواويـن الإبه..... وخدور بيها مرتبه
بـسـيـوف أهلها محجبه..... والفلك گطبه بنزلنه
ويــديــر الــفـلـك گطـب الـفـراسـه
والــعــبــاس فــاروق الــحــراسـه
وبـذيچ الـصـواويـن.... وانـه الچنـت زيـنب
ــــــــــــــــــــــــــــــــــــــ
آخ يـابـيـوت الـمـزهـره وآه يـابـدور المضيه
گبـل مـاچانـت ضـحايه جسومهم فوگ الوطيه
مـغـسـلـه بـدم الـشـهاده مچفنه بثوب الحميه
چانـت حـيـاتـي مـأمنه ... وحرّاس بيتي معينه
وماچنت هيچ مدوهنه... ودوهنتني الغاضريه
ومــن چانــت صــنــاديـد الـرسـالـه
تــنــهـى وتـامـر بـسـيـف الـعـدالـه
ومـن حـي چان الـحـسين.....وانه الچنت زينب
ــــــــــــــــــــــــــــــــــــــ
يـاهـنـد وانـصاب گلبي بطبرة من طبرات الأكبر
آه يـاجـمـرة شـبـابـه بالگلب لسـّـاعه تسعر
گبال عيني ومن اشوفه ضلع من جسمي يتكسر
وهـدمت حيلي كربله ..... وگيدت عليل بسلسله
وفجر عيوني حرمله .... من وريد الطفل فجر
وبــحــبــال الــيـسـر زرنـي زمـانـي
وسـهـم الـعـلگمـي صـكـنـي وعـمـاني
وطـفـّى شـمـعـة الـعـين.... وانه الچنت زينب
ــــــــــــــــــــــــــــــــــــــ
يـاهـنـد شـحـمـل بعيني ويه سيل الدمع ساجم
حمر ويـخضّـب چفوفي مثل حنة عرس جاسم
زفـتـه وحـسـرة شـبـابه جمر بگلوب الفواطم
يـاهـنـد يكفيچ اليسر .. وجرعت بالكوفه الصبر
والشام أصعب كل أمر ..أچفي ظالم وأجي الظالم
وظــهــري بــالـرمـاح مـكـسـريـنـه
ومــتــنـي بـالـسـيـاط مـوسـمـيـنـه
وهـذا عـلـى الـدهـر دين.....وانه الچنت زينب
الشاعر المرحوم
كاظم المنظور الكربلائي
#اللهم_عجل_لوليك_الفرج
قناة أئمة البقیع
یوسف الزهراء 💔/channel/+jdFf5XOZHPJhOWU6
الشاعر قاسم آل واعي الرميثي:
الخيمه للهيمه راسملي دربي الزمن
ومغيّم ابغيمه وصبّت عليّه المحن
من طاحوا احبابي من جاني سلّابي
وصبّت عليّه المحن
---------------
معالَج حياتي بصبر ومن اول ايامي
وخاوني دوم الحزن وخاوتني آلامي
من ودعت فاطمه وحيدر شفت دامي
الفرحه صارت حلم من اضغاثها احلامي
اليوم الزمن ضيمه واحزانه شبه المطر
من راح ابو الشيمه وحاوط خيمنه الخطر
بس الصدى اجوابي من طاحوا احبابي
وصبّت عليّه المحن
----------------
شراواني هذا الزمن الماتنعد احزانه
وطف كربله اعظم حزن ما تطفه نيرانه
رد ليّه خالي المُهر وخيّاله ما جانه
خبَّرني عن طيحته وما اندل امجانه
يصهل بالظليمه وملوي عليه السرج
بدمعه النعي ايجيمه يصهل صرخته ترج
يواسيني بمصابي من طاحوا احبابي
وصبّت عليّه المحن
----------------
ياحيرتي من التهب صيوانّي بناره
وبالعايله وكل طفل من شافو الغاره
وبالي بعليل انشغل ما ادري شخباره
المن اهم بعَجل يايومي واخطاره
ويلي شهالهضيمه ويا عازتي لكل اخو
وما يدري بحريمه حسين الولاه العدو
منو يسمع اعتابي من طاحوا احبابي
وصبّت عليّه المحن
------------------
شجم طفله بيها اركضت للهيمه من خيمتي
ياويلي واشجم طفل خاف انسحكَ ظنتي
واشجم مَرَه مدوهنه تتعثر بعثرتي
ماتدري وين الوجه تنطي وتهل عبرتي
جم حرمه ويتيمه حاطوها ما من مفر
بوجه الفلا ريمه وذيابه من كل كتر
شتتحمل اعصابي من طاحوا احبابي
وصبّت عليّه المحن
-----------------------
وللغالي كلسا اهم امشيله اشكي الجره
لاجن اصد للرمح انظر نزف منحره
والجثّه مترضرضه ادري بقت عالثره
يبن امي مكَدر اصل ليك ارتجي المعذره
بدلالي ويديمه حزني الوسف مَكَدَرِت
اوصل يبو الشيمه يمك لجن مَوصلت
يلتدري باسبابي من طاحوا احبابي
وصبّت عليّه المحن
----------------------------
وللنايم اعله النهر روحي اشتكت هايمه
ياعازتك يلكًمر بهالنايبه المظلمه
وادري بيمنك شكت لحظة غدر لايمه
وادري بيسارك بعد معذوره متألمه
جرح انته تأليمه طول العمر مابره
بكل شهكَه تسليمه عليك النِفَس لو سره
ريت اسكن اترابي من طاحوا احبابي
وصبّت عليّه المحن
-------------
قاسم آل واعي الرميثي 7رجب 1446
فخـــر فخــــر عرفتك
شـرف شـرف خدمتك
حبيبي يا حسين
..........................................
كل امنياتي وحياتي يصيتي وكياني
كلها اعله بابك حبيبي اعله بابك تتاني
مشتاك اشمك واضمك وارسمك ثواني
من الصبــــى تغذيت نسمـــة عبيرك
واعليها انه تربيت واصبحت اسيرك
عشت عشت يغالي
وسـط وسـط خيالي
حبيبي يا حسين
........................................................
قصة خدمتك عشتها وشفتها قضيه
ثورة دمائك ولائك عشك رافضيـه
صوت المنابر عساكر ويمطٌر حميه
للذله لا هيهات صوت اعتله وصاح
كلنه خدم يحسين لو نفـــدي الارواح
جمر جمر ولائي
الــك الــك انتمائي
حبيبي يا حسين
..........................................
كلمن يخدمك وحكك ملك عالي شانه
بجاهك رفعته وعرفته ونطيته مكانه
يا رحمة الله وخدمتك مثال الأمانــــه
كل الخدم تنهان شفناها بالعين
بس بكرامه تعيش خدام الحسين
حرز حرز خدمتك
فوك الكلب كتبتـك
حبيبي يا حسين
..................................................
من الطفوله مقوله جنت اقره بيــــــــها
حاولت افكر افسر يطلسم حجيـــــــــها
دمعي شرحلي وكتبلي خدمته اشتريها
هاك اخذ هالمضمون واسبل دمعتك
موت اعله حب حسين مضمونه جنتك
عشك عشك جنوني
سكن سكن عيوني
حبيبي يا حسين
................................................
جيت اعله بابك وانه ادري ابد ما تردني
وبكبريائـــك حبيبي وعطائـــك تمدنـــــي
خادم واجيتك نخيتك بخدمتك تعدنـــــــي
كون العمر ينباع جان اشتريته
وبحضرتك مولاي خادم كضيته
عشت عشت حياتي
ملـــك ملــــك صفاتي
حبيبي يا حسين
.................................................
خادم خدمة الحسين
الشاعر
محمد الموالي
مولد الامام الحجة بن الحسن ( عج.)
مشتاكه الك هاي الروح . يبن الحسن.
يا بلسم الكل . مجروح .يبن الحسن.
يالمهدي.... يالمهدي... يبن الحسن.
.......................................
عاده المحب وكت المسه يتذكر احباب.
وانته بشعوري اتمركزت .بيك الكَلب ذاب.
غير انسه حتى اتذكرك .ياروح الاطياب.
صبح ومسه ولهان.
بسمك يعالي الشان.
مامــرني . النسيان..
ياجـــوهر . القرآن.
ليليه .بين الانفاس . .يبن الحسن.
ماقاس حبك مقياس.. .يبن الحسن.
يالمهدي.... يالمهدي... يبن الحسن.
.......................................
ياجوهر احساس الكَلب ياضي العيون.
مولاي ياعطر الــــورد بيك انه مفتون.
اهواك ياجنة عدن .ياشمعة الكون.
بظنوني رايح جاي.
واشتاك الك مولاي.
شوك الورد للماي.
يـا فرحتي .بــدنياي
يا اغلا واجمل محبوب. .يبن الحسن.
واتنطرك بكل غروب... يبن الحسن.
.
.......................................
بين الاجه والما أجه .كل جمعه اتانيك.
واسمك على اشفافي شهد .ماعوفه طاريك.
بين اسطر الندبه شكثر يالمهدي اناديك.
شابحلك الانظار.
ومتـــاني الاخبار.
هلبت تمر خطار.
يــــاغضبة الجبار..
يـــايوم اشوفك وارتاح... يبن الحسن
يرسم قدومك أفراح... يبن الحسن
يالمهدي.... يالمهدي... يبن الحسن.
.......................................
يـا رحمة الله المنحجب عن أغلب الناس.
يل ما نسيتك كل فرض احنيلك الراس.
اترس افكاري بجيتك واركضلك احساس.
وبلهفت المـوجوع.
اترس الدنيه ادموع.
يلبيك الف موضوع .
گطع النحر واضلوع.
تروينه صيحات الثار.... يبن الحسن.
تلكَانه شيعه وانصار.... يبن الحسن
يالمهدي.... يالمهدي... يبن الحسن.
.......................................
يــــالمهدي آهـات وحزن .تحجيلك العين.
يلّي. بضهورك تنمحي هاكَد عناوين.
للثار ينتظرك ضلع وي نحر الحسين..
يالمهدي يالموعود .
للدنيه يمته تعود.
تــگانه والمعبود.
انصار الك وجنود.
نسحگ على اجتاف الخوف... يبن الحسن.
جربنه. يالغالي. وشوف... يبن الحسن.
.يالمهدي.... يالمهدي... يبن الحسن
..................................
✍️ ابو متتظر الحجامي..
مولد الامام الحجة بن الحسن ( عج.)
مشتاكه الك هاي الروح . يبن الحسن.
يا بلسم الكل . مجروح .يبن الحسن.
يالمهدي.... يالمهدي... يبن الحسن.
.......................................
عاده المحب وكت المسه يتذكر احباب.
وانته بشعوري اتمركزت .بيك الكَلب ذاب.
غير انسه حتى اتذكرك .ياروح الاطياب.
صبح ومسه ولهان.
بسمك يعالي الشان.
مامــرني . النسيان..
ياجـــوهر . القرآن.
ليليه .بين الانفاس . .يبن الحسن.
ماقاس حبك مقياس.. .يبن الحسن.
يالمهدي.... يالمهدي... يبن الحسن.
.......................................
ياجوهر احساس الكَلب ياضي العيون.
مولاي ياعطر الــــورد بيك انه مفتون.
اهواك ياجنة عدن .ياشمعة الكون.
بظنوني رايح جاي.
واشتاك الك مولاي.
شوك الورد للماي.
يـا فرحتي .بــدنياي
يا اغلا واجمل محبوب. .يبن الحسن.
واتنطرك بكل غروب... يبن الحسن.
.
.......................................
بين الاجه والما أجه .كل جمعه اتانيك.
واسمك على اشفافي شهد .ماعوفه طاريك.
بين اسطر الندبه شكثر يالمهدي اناديك.
شابحلك الانظار.
ومتـــاني الاخبار.
هلبت تمر خطار.
يــــاغضبة الجبار..
يـــايوم اشوفك وارتاح... يبن الحسن
يرسم قدومك أفراح... يبن الحسن
يالمهدي.... يالمهدي... يبن الحسن.
.......................................
يـا رحمة الله المنحجب عن أغلب الناس.
يل ما نسيتك كل فرض احنيلك الراس.
اترس افكاري بجيتك واركضلك احساس.
وبلهفت المـوجوع.
اترس الدنيه ادموع.
يلبيك الف موضوع .
گطع النحر واضلوع.
تروينه صيحات الثار.... يبن الحسن.
تلكَانه شيعه وانصار.... يبن الحسن
يالمهدي.... يالمهدي... يبن الحسن.
.......................................
يــــالمهدي آهـات وحزن .تحجيلك العين.
يلّي. بضهورك تنمحي هاكَد عناوين.
للثار ينتظرك ضلع وي نحر الحسين..
يالمهدي يالموعود .
للدنيه يمته تعود.
تــگانه والمعبود.
انصار الك وجنود.
نسحگ على اجتاف الخوف... يبن الحسن.
جربنه. يالغالي. وشوف... يبن الحسن.
.يالمهدي.... يالمهدي... يبن الحسن
..................................
✍️ ابو متتظر الحجامي..
ياسبايا وناس غربه وين أهلها
انولت والوليه صعبه وين اهلها
حيرتي ياناس حيره
يابلد من ياعشيره
....................
بالكوفه واگف وانضر واروي الروايه
كل فتره يعبرني ضعن يحمل سبايه
بس يختلف هذا الضعن واشبيه رزايه
برماح شفت امعلگه روس الضحايه
ياسبي الماشفت مثله مر عليه
شفت روس ونسوه ثكله مر عليه
زلمه بيه شنهو مصيره
يابلد من ياعشيره
....................
اتقربت من ذاك الضعن واحجي ويه حالي
اورحت يم زلمه عليل أو شغل بالي
گتله ارد اسألك جاوب عن سؤالي
سولفلي عن هاي الروؤس اعله العوالي
صدت اعله الرمح عينه والدمع سال
حسين ابواليمه ولينه والدمع سال
للرمح رأسه يديره
يابلد من ياعشيره
....................
اعله احسين سولفلي وكثر حزنه ونينه
واشرلي عن ثاني رمح مطفيه عينه
هذا رمح عباس كافل هل الضعينه
ابلا يساره أو عالنهر طايح يمينه
هذا الاكبر هذا جاسم آه اويلاه
وذاك ازغر بني هاشم آه اويلاه
يحجي ودموعه غزيره
يابلد من ياعشيره
....................
حرمه اعله ناگه شاهدت واسأل عليها
ابهيبة اميره وللأسف مجتوفه اديها
صد الها وبعينه الخجل من يحجي بيها
زينب يگلي عمتي هاي ام ابيها
بت علي وبنت الزجيه بنت الاطهار
بت نبي وتمشي سبيه بنت الاطهار
مو سبيه چنها أميره
يابلد من ياعشيره
....................
ملجومه يم زينب مشت روحي الحنينه
ودموعي هملت والگلب زاد ابونينه
زينب اميره بس شفت زينب حزينه
وين الزچيه والنبي أو والدها وينه
وينه قالع باب خيبر خل يجيها
والنبي وي امها يحضر خل يجيها
وي غرب بتهم اسيره
يابلد من ياعشيره
....................
الشاعر عايدالعياشي
مولد علي الاكبر ع
انبارك للحسين .. هاي المسيه
ميلاد الاكبر .. هاي المسيه
مُحمد ابجماله
عليٌ ابفعاله
****
كلها فرحانه ابمجيئه الساده
لبّسه القرءان ابوه اگلاده
خل يجي الرايد ينول امراده
بس علي الشايل خصال اجداده
الله يشهد .. چنه احمد .. خده شايل شامه
يزهي بدره .. بهذا عمره .. اعليه تلوگ اعمامه
هادينه مسرور .. هاي المسيه
للدنيا شع نور .. هاي المسيه
مُحمد ابجماله
عليٌ ابفعاله
****
لون حيدر هذا الاكبر لونه
بثوب ما يقبلهم ايگمطونه
ابمهده سيف المرتضى ايبيتونه
وضحكن ابوجه الحسين عيونه
هذا الاكبر .. چنه حيدر .. وفتهمنه الغايه
بي شجاعه .. وبي براعه .. اگماطه بس الرايه
بالرايه لفوه .. هاي المسيه
وبچفه فقار .. هاي المسيه
مُحمد ابجماله
عليٌ ابفعاله
****
ابمهده ساعه ورفع لكبر راسه
عطر نخوه وغيره شم بانفاسه
ابزغره والطف عايش ابحساسه
ظل يلوليله البطل عباسه
حلو اسمه .. اتباها عمه .. ابگصته لنه ايبوسه
شاله بيده ..يم عضيده .. العلي تحلى الهوسه
تتلاگه الابطال .. هاي المسيه
هوسه يريدون .. هاي المسيه
مُحمد ابجماله
عليٌ ابفعاله
****
الشاعر اياد الديراوي
صوت المحب عالي يالمهدي يالوالي
* * *
يالرايتــك رايــــة علـــي بيمينـه
يالمهدي يالمهدي
بيوم الاحــزاب وخيـبر وصفينـه
يالمهدي يالمهدي
يا ويله كــل حاقد أجـه يعادينـه
يالمهدي يالمهدي
بسيفك تــزيل آثاره يــــا والينه
يالمهدي يالمهدي
يا سعدي وآمالي
يالمهدي يالوالي
* * *
تگطع بـروس الناصبو ضرباتك
يالمهدي يالمهدي
حملات حيدر عالكفـر حمـلاتك
يالمهدي يالمهدي
وصولات عباس الگمر صولاتك
يالمهدي يالمهدي
لثارات جدك خل تـــرف راياتـك
يالمهدي يالمهدي
أرفعهــه للعــالي
يالمهدي يالوالي
* * *
نگصد حسين وخل تشوف أعدانـه
يالمهدي يالمهدي
بعون الله أصحاب الكفر خســرانه
يالمهدي يالمهدي
وشيعة علي بحب الوصي ربحانه
يالمهدي يالمهدي
بقائم محمد خـــل يــــرف الــوانه
يالمهدي يالمهدي
يظل عالي للتالي
يالمهدي يالــوالي
* * *
يا يــــوم تظهــــر للخلگ أنوارك
يالمهدي يالمهدي
من نور طه الباري نور أختارك
يالمهدي يالمهدي
ويزيـل أصحاب الكفـــر بتــارك
يالمهدي يالمهدي
للمــوت نبقــه سيدي أنصـــارك
يالمهدي يالمهدي
يا أغلى كل غالي
يالمهدي يالــوالي
* * *
شما فجــــرو ما گـــدرو يغيرونه
يالمهدي يالمهدي
بمحراب حبكــم خلهم يذبحونــه
يالمهدي يالمهدي
بدمانــــه خطينه عهد مضمــونه
يالمهدي يالمهدي
شيعه وتظل بهل العشگ مجنونه
يالمهدي يالمهدي
هالعشگ يبرالي
يالمهدي يالوالي
* * *
الشاعر
موسى البديري
للأمام علي عليه السلام
ليلة وداعــــــــك يا علي ليلة عذابي ونوحي
يالجرحك بنص الگلب من عنده كل جروحي
مكسورة الخاطر حزينه جيتك
وني يحــــــل لمن تحل منيتك
يبويه يبويه
بويه هاي الليله اصعب وأشد ليله بدنيتي
من دمه جرحك ودمعي عنهه اكتب قصتي
ليله مرسوم بسماهه ضــعن سبيي وغربتي
ولمن يبين صبحـــــــها تبدي رحلت محنتي
اگضيهه حسرات ودمع بينك يبويه وبيني
وياك اساهر للصبح ما ارضه تغمض عيني
يا والدي وارد استمع وصيتك
وني يحـــــل لمن تـحل منيتك
يبويه يبويه
يا علي وانته أعلى حالي من الطــفوله مطلع
عمري خمس اسنين وأمي صوبو منهه الضلع
يا علي وماهي جديده عشرتـــــي ويه الدمع
ما خطر بويه أعلى بالي بجرح راسك انفجع
يامن ترد من كل حرب ابيض وجه فقارك
حامي الدخيل وشيمتك يمك يأمن جارك
وعون الفقير اللايذ ابحميتك
وني يحـــل لمن تحل منيتك
يبويه يبويه
والدي يامن بـــــــــــجالك عايشه بعزت نفس
وساعه يابويه بوجودك باليتم ما چنت أحس
ضني من عندك گطعته بويه مــن ليلت أمس
أعتابي وجهته الزماني فرصه من عنده التمس
ناديت صبرك يا قدر التمسك ارحم حالي
انه العزيزه وانهظم لمن يـــــــروح الوالي
نخوت المجروحت گلب نخيتك
وني يــــــــحل لمن تحل منيتك
يبويه يبويه
وي زماني الما رحمني أعتابي ما يخلص طويل
شنهو ذنبي من الطفوله ما نشف دمعي اليسيل
طلب عندي وارد انشدك بويه يا حامي الدخيل
عگب عينك من اخوتي بيه من يصبح كفــــيل
جاوبهه عباس الگمر من سمع هاذه المطلب
انه برگبتي اتكفلچ يم الخدر يا زينــــــــــب
گالتله عباس الوفه سجيتك
وني يـــحل لمن تحل منيتك
يبويه يبويه
من بعد هالليله زينب يا زمنـــهه اشتنتضر
لوعه واهات ومـناحه ولا طلع ريت الفجر
خايفه وي نعش ابوها زينب اتشيع الصبر
وبالعذاب اخلافه تگضي باقــي ايام العمر
ساعه بألم يم الحسن ولحسين تگصد ساعه
يصعب تگلهم يخوتي والدي أعليــــه اوداعه
گتله ابدمع من الدمه بچيتك
وني يـــــحل لمن تحل منيتك
يبويه يبويه
يا صبر گلب العقيله ويا گلب مثله ابتله
من بعد ما راحت امهـه ودعت عقد الوله
شلون بيهه لو ضعنهه يوصل الطف كربله
تحرس الأطفال زينب لو تبـــــاري العايله
لمن تشوف أعلى الرمح مرفوع راس ابن أمهه
والخيل تهجم والزلم تحرگ بنار اخيــــــــــمهه
واتصيح تحضر يا علي تنيتك
وني يـــــحل لمن تحل منيتك
يبويه يبويه
كلمات خادم أهل البيت ع الشاعر الحسيني
لذرية الزهراء عليها السلام
السيد سعـــــــــــــــــيد الصافي
شلون زينــــــــب ياعلي يصبرونها
خلاف عينك دم تصــــــــب عيونها
خلاف عينـــــك خيم عليها الحزن
مكابله الباب بهظــــــم يمه وتون
تكول عني شلــــــون حيدر يندفن
.
وبس يتامه الحضــــــرو يواسونها
مگابله الــــــــــباب وتناطر ياخبر
سمعت الكرار بســــــــــيف نطبر
تكول گلبي اليوم بلحســره نفطر
وعن علي الكرار شيخــــــبرونها
بياخــــــبر يلفونها بوكت الصبح
السيف مسموم وعلا الهامه الجرح
حس گلبها اليوم حيــــدر ينذبح
وماتبــــــطل النوح اهم يدرونها
ماتبــــــطل النوح تنضر عل درب
فراك ابوها مچيد بلدنيه وصعب
شلون باجر من تضل بين الغرب
واليتــــــــــــمه خلافك يسمونها
هيج تسمــــــــه العقيله بغيبتك
وتدري عازه هــــناك بطف عازتك
گــــــبله هذا اليوم وكفت ندبتك
ياعلي وخــــــايف صدك يسبونها
ابو سلام الجابري
ويـنـك يالـچـنـت خيـمـه وسـتـر
ويـنـك يـاعـلــي صــار الـفــجــر
ويـنـك ** ويـنـك
*---------------------*---------------------*
يـجـري دمـعـي يـاعـلـي بـطول الـزمـن
صـعـبـه غــربـه الـيـتــم يـابو الـحـسـن
تـقـبـل تـرحـل وتـتـرك بروحي الـمـحـن
چنـهن أبـهلهن عيـوني عـگـبـك يـنـعـمـن
صـعـبـه أشـخـلـت الـدنـيـا بـعـد
صـعـبـه طـولـك الـغـالـي ابـتـعـد
*---------------------*---------------------*
تـــوه ســــوه الـمــدمـــع بــخــدي أثــر
أنـطـر وأشـعـر وحـدي خـلانـي الـقَــدر
حَــنــي ونّــي دايــم بــطــول الــدهـر
اسـمـع ارجـع خاطـري وگـلبي انـكسـر
كـلـهـه اجروحي عاشت بالگلب
كـلـهـه الــوادم بــدونــك غــرب
*----------------------*-------------------*
حـلـمـي يـمــي طـولـك الـغـالــي يـرد
الجيتك أبنيتك تـزرع الـجـدمـك ورد
ســارح جـارح بـالـي وأمـأذي الـبُـعــد
كـسـره أقــره يا عـلـي اعليك الحـمـد
بـويـه عـگبـك اشـيـبـقـه ألـي
بـويـه يـا عـلـي بـعـازت عـلـي
*-------------------------*--------------------*
غـايـب شـايـب بـويــه خـليـت الـگلـب
أعــول يـهـمـل جفني والمـدمـع يـصـب
شِـده فــگــده الـمـثلـك اتـودع صـعـب
عـطـفـه لـطـفـه يـرحـن وابـقــه بـغـرب
تـدري الـيـتـم كسـره وجـرح
تـدري مـاكـو بـلـيـلـي صـبـح
*----------------------*--------------------*
احـلــم نـلـتــم بـروحي خليـت الوجـع
فـجـعــه دمـعــه الــفــجــر لـمـن طـلـع
تـنـحـب زيـنـب والـبُـعـد گـلـبـي شـلـع
صـاحـو گـالــو حيـدر مـخـضـب رجـع
أعـتـب وأدري مـسـمـوح الـعـتب
أعـتـب وبالحچي دمعـي أنـكــب
*-------------------------*-------------------*
هظـمــه ظـلـمـه ومـيّـت بـعيـني الأمـل
تـســأل أئـمــل والـصـبــر شــح وذبــل
شِلـهـه حِـلـهـه الـفاركت خـيـر الـعـمـل
يومـك صـومـك بــعــده مـاتــم وكـمـل
أرجـع بـويـه مـحتـاجـه ألـك
أرجـع الليله مـفـجـوع الـفلـك
*-----------------------*---------------------*
✍ أمير المؤمنين ع
الشاعر رعد الجريخي
((العنده حسره))
العنده حسره .. تـــلگــه أيوب بصفنته
العنده جـمره .. سوده من تنزل دمعته
هــــــذا آنه وهــــذا انته
المهدي چا شنهو جمرته
"""""""""""""""""""""""""""""""""""''''''''''
اليمشي وحده
وكلـــــها ضده .. ينسه بالدنيا ابتسامه
اليبني خيمه
وسـط هـيمه .. تلــــگه التزوره حمامه
الدوم انكره
المـــا اذكره .. سامـع بنص خده شامه
الريجه يابس
بــــالمجالس .. يوگـــــف اباب اليتامه
الدمعه يرسم .. عيب تضحك من تشوفه
الشاف مسلم .. لايـصـــير أگـــباله كــوفه
هزله تطلع مـــن حرگته
المهدي چا شنهو جمرته
"""""""""""""""""""""""""""""""""""''''''''''
البيده دمعه
وچنه شمعه .. يحتـــرگ ويضوي ديره
اليحچي غصه
وبيــــده عصه .. مشيب وروحه زغيره
العنده چلمه
يصيح عمــه .. الشــــام مايعرف أميره
البي علامه
بلا عمــامه .. تلگــه دخـــــان بضميره
العمره يمشي .. يـصعد الرمــشه الترايب
العنده كلشي .. شاب بـس تشوفه شايب
دوم مخنــــوگ بعبرته
المهدي چاشنهو جمرته
"""""""""""""""""""""""""""""""""""''''''''''
المحني ضهره
شـــوف صدره .. تلگـــــــه بي آثار حافر
الحافي جدمه
لا تــــــكــــلمه .. عنده كل مصباح عاشر
الغطه راسه
ميته نـــاسه .. وكاتب اعله جروحه باچر
الچفه صمه
گـــــايد أمه .. وتكــسر بعـــــينه النواضر
المچوي چفه .. يمكن مطــفيله خيمه
الكـــــله عفه .. ينتـهي بطاري اليتيمه
ليل ونهــــــار انته صمته
المهدي چا شنهو جمرته
"""""""""""""""""""""""""""""""""""''''''''''
العوده يابس
هـــذا فارس .. راســم بچفينه رايه
الوجه اصفر
دوم يــــــعثر .. هـــــذا عماته سبايه
الشفته ينحب
عمــــته زينب .. أگباله لاترسم عبايه
الكَبّره ناره
هذا جــاره .. مـــايزوره إلا اعله غايه
الوحده گاعد .. حـــگه لو أشر بصبعه
الـــــونه زايد .. شمر سالب منه سلعه
اليشم ترچيه بشهـــــگته
المهدي چا شنهو جمرته
"""""""""""""""""""""""""""""""""""''''''''''
العنده ورده
شنهي عنده .. ضلع مكســور بشليله
العمره رايح
فكره سـارح .. يشــــبه وداع العــليله
اليحچي ونه
بـــي محــنه .. وتلگــه سالفته العقيله
الروحه راحت
صـــاح ماتــت .. طفله والمدمع يسيله
اليمشي حافي يكرهّ قصور الخلافه
الشمعه طافي تخلص أيامه حسافه
من اللطم زرگه وجــنته
المهدي چا شنهو جمرته
عبد زينب
محمد الإبراهيمي
ياباعبدالله ياباعبدالله
.............................
يا أول اجروح الگلب وأول عشگ بحساسي
فضلك ترس عمري تره مو من جدامي الراسي
اذنب واجيك ابفشلتي وبالگوه اجرها انفاسي
شفتك حيل . گمره بليل . خيرك والله مغطيني
اسمع هاك . بس انخاك . ومن خيماتك تنطيني
اترجاك . خاف انساك . ألجم گلبي ودليني
دمع العين . خير حسين . شكراً يادمعة عيني
تنطي اليريد .... خيمه وضعن
جرحك اكيد .... رحمه اوطن
ياباعبدالله ياباعبدالله
،،،،،،،،،،،،،،،،،،،،،،،،،،،،،،،،،،،،
يالشابع اسهام وطعن ياهو اليبرد نارك
نسوان راحن عالهزل والخيل فوگ زغارك
يالنايم ابحر الضمه وشمس الضهر خطارك
انته الروح . يابوالروح . وحدك بالحومه تكابر
شنهي الماي . يامولاي . ويكسر ضهرك بالعاشر
انته الخير . نعمه تصير . ليش يسحگوك بحافر
هيج تموت . لاتابوت . ابلا تغسيل ولا ناصر
انته الأمان .... وانته الصدگ
انته الحنان .... بس منسحگ
ياباعبدالله ياباعبدالله
،،،،،،،،،،،،،،،،،،،،،،،،،،،،،،،،،،،،،
بذنوبي اجيتك سيدي الطم واصيح التوبه
زادك وخيمة مجلسك يالغالي بيهن حوبه
جا المن ايدير الوجه التكثر عليه اذنوبه
يل كل عام . تنطي خيام . واحنه نجازيك بغفله
احنه نعيش . واختك ليش . تنزل تصعد عالهزله
يل مضلوم . ياهو ابيوم . مضيع العيونك طفله
احنه ابخير . وانته تحير . بين اخيامك والنبله
ميت غريب .... اخر زمن
شح ياتريب .... حته الجفن
ياباعبدالله ياباعبدالله
،،،،،،،،،،،،،،،،،،،،،،،،،،،،،،،،،،،،،
يحسين احبك واليحب لازم يضحي العينه
انه العشگتك ونهدت الخيامك احله سنينه
وي ربعي گعداتي تره لو مو الك مو زينه
نسولف بيك . وبطاريك . طاري الروح المهضومه
صرنه نگول . ليش خيول . داسنه بنص الحومه
ليش الگوم . فوگه تحوم . ليش يبوگون هدومه
ليش حبال . بيد اطفال . وزينب طلعت مضلومه
نزفك خذاك .... دم النحر
كسرت گفاك .... طيحت گمر
ياباعبدالله ياباعبدالله
،،،،،،،،،،،،،،،،،،،،،،،،،،،،،،،،،،،،،،
يوم الخدمتك ياعذب معنى الشرف عرفيته
جا ياهو مثلك سيدي مذبوح بس ضل صيته
حته يجيب الحر اله عاف المدينه اوبيته
دربك نور . يابو النور . اتحزدك حته الگمريه
احلا نسان .صح عطشان .بس متروس نسانيه
ضعنك راح . وي ذباح . وطلعتلك جم علويه
رغم الضيم . جفك غيم . ويمطر رحمه وحنيه
اخر كلام .... من الگلب
عن الخيام ... دمعي اليصب
ياباعبدالله ياباعبدالله
العبد ابوفايز الرافضي
الفاتحه على روح والدي
دخيلك يا مجير
اجرني مــــــــن جنهم يا امان الخائفين
جفك كلها خير
بسلامك عايش سنيني حبيبي ياحسين
تعاليت اعله جرحي وكلشي بيه
ولمست افضالك الصبت عليه
مثلك ماكو واحد واكف وياي
ولكيتك دعــــوة ام بالمغربيه
مناجاة الحبيب … قصدها انته اكيد
جمالك بالوجود … شما تكبر يزيد
يامن هوه اقرب الي من حبل الوريد
-----------------**
فتحت بابك عليّ
جبتني مــن متاهات الذنب بيك اهتديت
شما اقـــره دعاء
اشوفك انته كدامي واحس بسمك قريت
مسحت ذنبي وجبت رحمه بمكانه
يالـــكلوب البـــــشر عندك امانه
مـــــنو مثلك شفع حته للأملاك
عائـــذت بيك عيني من الخيانه
بحنانك گلبي لاذ … لان كلك سخي
ارزقني الثبات … اخــافن ارتخي
يامن هوه اقرب الي من حبل الوريد
-----------------**
حــدر جنحك اريد
اشتلي صلاة بصف ضريحك وابقه احبك
واضل صافن عليك
واكلك لــــــو تموتني اعله بابك لو بدربك
يالمعلمني حــــبك ع الخدامه
سحبتني مـن درب كله ندامه
شتفصل البسه بثوب الدموع
بلا جرحك جنت مثل اليتامىٰ
اخلص عمري نوح … وعليه انته رقيب
وما اكف الجروح … على الميت غريب
يامن هوه اقرب الي من حبل الوريد
-----------------**
رسمت لوحة شموخ
بدمك من كلت لا قر لكم بيدي اقرار العبيد
عنك شـــــرد اكول
تركـــت بصمة عشگ لله وكلتله اخذ التريد
لكيتك لله جـــنك عابس وجون
من جـــانو عليك شـگد يموتون
ياهو البينه لاجلك مـات مذبوح
وخله عياله بـــــالبر بين العيون
تركت كلشي بهواه … وايتمت العيال
تحملت الخيول … لان گلك تعال
يامن هوه اقرب الي من حبل الوريد
----------------**
خادم القصيده
عزيز المياحي
هالخدمه سفينه الباري خلاها
بِسمِ الله مـجـراها ومـــرساها
ـــــــــــــــــــــــــــــــــــــــــــــــ
الركب هاي السفينه امن الغرگ ينجه
وابو السجـــــــاد هو الكهف والملجه
نظل نخــــــدم حسين بصاية الحجه
والخدام هو الرافـــــــع الواها
ـــــــــــــــــــــــــــــــــــــــــــــــ
ربـان الـسفينـه صـاحــب الــجـمـعـــه
الـكل مـصـباح عـينـه تـذرف الــدمعه
المصاب حسين يگضي الليل بس ينعه
وشموع الفرج لجــــله علگناها
ـــــــــــــــــــــــــــــــــــــــــــــــ
هويتنه الخدامه وهيَّه واهسنه
بالحب والعشگ يحله تنافـسنه
آه يحسين نقره ابكل مجالسنه
وهالرده ابطفــــولتنا عشگناها
ـــــــــــــــــــــــــــــــــــــــــــــــ
شـوف العيـن شفـنـــه الـنيته مـو لله
ابوسواسه غرگ واسمه انمحه وذكراه
الـماصفــاهـا وي حـسين ضاع وتـــاه
بالدنيا خسر اسمه وخسر جاها
ـــــــــــــــــــــــــــــــــــــــــــــــ
بالأخلاص اريدن روحــي اوصيها
وصيتي من گلب والسـان أحچيها
لبو السجاد هاي الــــــروح افـديها
ابو السجاد ابونه وبسمه نتباها
ـــــــــــــــــــــــــــــــــــــــــــــــ
نتباها اذا صرنـــــه خـدم لحسين
هالخدمه شرف النه وتگـــر للعين
دنيا وآخره لعيونه ممـنونـــــــيـن
اذا خــــدام يقبلنه سبط طاها
ـــــــــــــــــــــــــــــــــــــــــــــــ
حيدر بشار الدراجي
چم عاشگ اليحلم يشاهد حضرتج
هالمـره صـــارت مــن بعيد زيارتج
الحمدُ لله زينب
"""""""""""""
نتمنى نزورج مثل كـــــل عام
بقت يمج يزينب
جرحنه انتي وبعيد هواي بالشام
عليج الروح تنحب
يمته تـــــرد علينه ذيــــج الايام
ونجيج بموكب نطب
ابابج نوگف وننعه اعله الضعون
نبجي بمدمع يصب
اه .. دمع يهمل .. هظم يكتل
لو گلنه غريبه
اه .. گلب دامي .. على الضامي
ابو اثياب السليبه
هـــاي المصايب ادري بيهن اذتج
هالره صـــارت مــن بعيد زيارتج
الحمدُ لله زينب
""""""""""""""""""
نقره ازيارة المفجوع بالخيل
جرحنه الماله طيبه
مصيبه ولوعة المكسور ع الماي
والحافر نصيبه
وتفسير الدموع ابمرقد أم عون
الله اشمصيبه
لغة حّب الدموع اترجم العين
زينب ياغريبه
جروح .. اخو طايح .. وضعن رايح
مشى ابكل خطوه موته
جروح .. الف لجمه .. ولاكلمه
الضعن ذبحوله صوته
نأسف قصدنه نزيح عنج غربتج
هالمـره صارت مــن بعيد زيارتج
الحمدُ لله زينب
""""""""""""""
يعينج الله شفتي اشگد هظيمات
هظيمه اتجرأ هظيمه
وشفتي اشلون صفّوا خدر الحسين
يتيمه ابصف يتيمه
موكب بس عبي بالهيمه لوبات
يبچيله اعله خيمه
ظل اسمج سبيه ابنص خرابات
شگد شفتي حريمه
نار ... ابگلب يبجي ... ودمع يحجي
على اضعون الخذوها
نار... مره تعثر ... ونحر يفتر
على اخته اللي سبوها
ما أعتقد تطفه يزينب جمرتچ
هالمـره صارت من بعيد زيارتج
الحمدُ لله زينب
""""""""""""""""""
بعد شنكول جرحج بجه الكلوب
يسلطانه وسبيه
يصب آلآم من انصيح يالشام
سبوا عمة رقيه
صح السان ذاك الشاعر الكال
بيت وبي أذيه
زينب وينهه وين الدواوين
وتطب ديوان أميه
ضيم ... تطب صعبه ... ابوسط غربه
وزينب حرمه تخجل
ضيم ... حبل تنشد ... هزل تصعد
وكبل ناگتها عالتل
تنزف جرح من كربلائج دمعتج
هالمره صارت من بعيد زيارتج
الحمدُ لله زينب
"""""""""""""""""""
خادم القصيده
عزيز المياحي
هلي واخر مكاتيب المصيبه
غريبه اجنازتي وانه غريبه
اتانيڪم تحضرون
نعشي بعازت امتون
ــــــــــــــــــــــــــــــــــــــــــــــــــــــــــــــــــــــ
هلي انــــــــــه العزيزه الدلليتوها
تعالو اجــــــــنازتي بالاخ شيلوها
على متون المحنه كومو احملوها
حنينتكم غــــــــريبه ناس سموها
اتمنيـــــــــتكم هاليله يمي
جا مو غريبه يصير اسمي
مو جف حنين الهال التراب
اهنانه انهضمت وزاد همي
هلي ميته وتاني دكت الباب
ردتت بجفوفكم ينهال التراب
علي ماجيتو شلون
ونعشي بعازت امتون
ــــــــــــــــــــــــــــــــــــــــــــــــــــــــــــــــــــــ
اعاتبكم هلي والـــــــدمعه بعيوني
اشعجب ماجيتو هاليله تشيعوني
هلي ترضـــــــــون بالغربه يدفنوني
انكسر كلبي وعلي من ما اجيتوني
عادات عــــــــد العرب كلها
الميته يشيــــــــعوها اهلها
بس انه نعشي الغربه شالو
ميته دمعتي ادموم اهلها
هلي اتمنيتكم ساعت وفاتي
تشيعوني وعلي يبجن خواتي
ويهلن دمع العيون
ونعشي بعازت امتون
ــــــــــــــــــــــــــــــــــــــــــــــــــــــــــــــــــــــ
عزيزتكم تره انه اليوم حل موتي
وصيحن ياهلي ومارد علي صوتي
غريب وموش منكم صار زاتوتي
لغربتي اتنوح حتى اخشاب تابوتي
يهل المحنه ماتحضرون
ميته وعليكم تربي العيون
(من اعتب يخوتي لاتزعلون)
( كلي هضم وانتم تعرفون)
الدمع طابع بخدي مثل حنه
كتلني فراكم يهل المحنه
تعالو اتلاحكو ام عون
ينعشي بعازت امتون
ــــــــــــــــــــــــــــــــــــــــــــــــــــــــــــــــــــــ
متت وانه الدمع من عيني دم سايل
وتنميت اليشيعني ابو فاظل
حجي الوادم تره مثل السهم كاتل
المكفوله من ابوها بعازت الكافل
جا وين زينب ذيج العزاز
ماكو من اخوتج يمشي جناز
مامش حنين يصيح يم عون
معتاز نعشي اصياح معتاز
ولا غالي من اهلنه المر عليه
ميته انه ولحد هسه سبيه
بحلم هلبت تسيرون
ينعشي بعازت امتون
ــــــــــــــــــــــــــــــــــــــــــــــــــــــــــــــــــــــ
انا زينب يهل زينب احاجيكم
لتزعلون مني من اعتب عليكم
ردتت فوك الجنازه اسمع بواجيكم
بموتي وكبل موتي جنت اتانيكم
اهنا يلحـــرمني الدهر منكم
شو مانشـــــــدتو عن ختكم
رحت عله ناكه ابره الضعنكم
غم وكتي جي يبعدني عنكم
هلي هلبت جدمكم داس دربي
متت من فاركتكم يهل كلبي
ردتت منكم تمرون
نعشي بعازت امتون
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
يامنهل العشگ .. يا خاتم الحجج
انتظرك بگلب .. يدعيلك الفرج
لو اخسر العمر
الك ابقى انتظر ... ياصاحب الزمان
٫٫٫٫٫٫٫٫
ناقوس الفرح يطرق وصل عيدة
يوسف فــاطمه اشتغلت اناشيدة
حــــتى الطير الك يعزف تغاريدة
الما يـفــــــرح ابميلادك ولا اريدة
ميت هلا وهله .. فرح حته الصبح
عله عيونه ضوه .. رسم للمنجرح
ولا اخـلق عذر
الك ابقى انتظر ... ياصاحب الزمان
٫٫٫٫٫٫٫٫٫
يوم اخمسطعش خل تكشخ الساده
اجــه البلسم اليشفي الجرح ميلاده
اجــه الـ كله علي وبي هيبة اجداده
بـــــــــراسه غـــيرة العباس واعناده
حــــــــروفك اربعه .. مفاتيـح الامل
كسر نور الشمس .. نورك من وصل
ابو چفوف السمر
الك ابقـــى انتظر ... ياصاحب الزمان
٫٫٫٫٫٫٫٫٫٫
جمالك بالارض مــــــا واحد ايحده
مـــن عطرك يغــــار الياس والورده
كــرامه لأســمك الله الباب مـا سده
لان مـــــن عنـــــدك الدعوات تتعده
يا صاحب الزمان .. دعائك مايرد
تشق كـــل الارض .. اذا لله صعد
الك شان شكبر
الك ابقى انتظر ... ياصاحب الزمان
٫٫٫٫٫٫٫٫٫٫٫
ادور بيــــــــك هـــذا الي تبقالي
يالچنك نجـم بس بالارض عالي
اخــــــــر امنيه شوفتك تحلالي
يافتشت عيوني واغله كل غالي
ملائكة الـــسمه .. تصلي شگد عليك
يمن كل الفلك .. صفه محبس بديك
فخر لا مو كفر
الك ابقى انتظر ... ياصاحب الزمان
٫٫٫٫٫٫٫٫٫٫٫٫
خادم القصيده
عزيز المياحي
🌺❣🌺 قصيده لمولد الامام الحجه عج 2025.2.13
كل عام وانت بخير يامهدينه
♡♡♡♡♡♡♡
بالولايه مولدك طش هيله
والفرح فرحان هاي الليله
اليوم ضهر حسين ينشد حيله
بجيتك يالمهدي كرت عينه
—————
وياك نفرح حلم يامحبوبنه
لجيتك جوري فرشنه دروبنه
كافي من تمطر تحن گلوبنه
لشوفتك يبن الضوه حنينه
—————
جم بحر ياموسى راد يشوفك
جم نذر يحلم يحني جفوفك
هواي ناس تريد بس نعوفك
ومانعوفك كل وكت نادينه
------
غايب ومحد يلاوي ذراعك
مر يملاچ الهَوه بصناعك
جم بحر يحلم يشوف شراعك
نصلي يمته وأنته التئم بينه
------
اليوم مفتوحه الفرح بيبانه
وشعيتك من الكلب فرحانه
السهره تحله لو جنت ويانه
ضل مكانك خالي ياوالينه
—————
البعيد اعله النضر ينسونه
جذبه هاي اليبعد يتانونه
بمولدك يم الكمر يلگونه
ليوم جيتك جم علك شدينه
سيد معتز الحسيني
مولد للامام المهدي عليه السلام..
دومك انته الغالي .. مهدينه
ساكن ابدلالي .. مهدينه
............
أشرب وحُبك نهر .. يادعاء البلسَحَر
كلبي عطشانك مطر .. يروينه
دمعتي وشوكك سوه .. حَسَّن بلجمة ضوه
يا أعز من الهوى .. غالينه
يجري حبك بالدمه .. ياكمر فوك السمه
وانته يوسف فاطمه .. نادينه
فدوه عاين حالي .. مهدينه
ساكن ابدلالي .. مهدينه
............
انته للدين الاصل .. والفرع وانته العَدِل
صعب فَهمَك مو سَهِل .. لليقره
نور طه بشوفتك .. وبيك حيدر يمنتك
الزهره هيه برحمتك .. كل نظره
نار بي بلا حطب .. واليحب ابلا سبب
اذكرك زاد اللهب .. والجمره
بيك كل آمالي .. مهدينه
ساكن ابدلالي .. مهدينه
............
انته شمعة دنيتي .. شوكي كله بدمعتي
بليلي آنه وشمعتي .. نحييهه
عيني تربي للنجم .. وانته يا أحلى اسم
شوفتك مثل الحلم .. تنطيهه
أرسم ابكلبي صور .. عمري ادَوّرلك أثر
روحي وادوَاهَه السهر .. تدريهه
اي صورتك بخيالي .. مهدينه
ساكن ابدلالي .. مهدينه
............
مولدك أمر وقِضَه .. فرحه باركان الفَضَه
تناثر بحبك شَضَه .. شمحلاهه
دفتر وبيدك قلم .. اتسجّل اعمال الخَدَم
واحنه بالذَر ال نعم .. كلناهه
لاجلك الكلشي انوجد .. من مقامك هَم بعد
بيعه بدعاء العهد .. بايعناهه
انته اول تالي .. مهدينه
ساكن ابدلالي .. مهدينه
............
كلبي حَب دكاته .. بالعشك نبضاته
وياك احلى اوقاته .. ابهل الليله
كون لحظه بساعه .. كلبي هاي اطباعه
كون حتى الساعه .. اطويله
وكون هسه اكبالك .. ارد أصد الحالك
كون أَصَل دلالك .. واحجيله
بهذي دمعتي اتلالي .. مهدينه
ساكن ابدلالي .. مهدينه
............
ابو مريم الاسدي ..
11/2/2025 ..
دعوة محب (وزن المياس)
الهـــي بفـــاطمه .. بفاطمه
عجّل فرج مهدينه
ــــــــــــــــــــــــــــ
دعوه مرفوعه بدمع ساجم
ربي يامعــــبود ياعـــــــالم
نقسم اعليك بضلــع فـاطم
عجـلنّه بطلــــعة القــــــائم
الهي ماظل صبر .. ماظل صبر
للمنقـــذ اشتاگينه
ــــــــــــــــــــــــــــ
يا الهـــــــي استمع دعوانه
ربي عــــــجّل فرج مولانه
الشوفته الارواح لهفـــــانه
لو ظهر بي يرتوي اضمـانه
الهي دعوة محب ٠٠ دعوة محب
بـــماي الفرج تروينه
ــــــــــــــــــــــــــــ
إبِرضوى ســــاكن المهدي
اسال وكل خــبر ماعندي
ابغيبته خاوه الدمع خدي
بذكــــره كلما انتهي ابدي
الهي الى متى ٠٠ إلى متى
قــائمنه منتظرينه
ــــــــــــــــــــــــــــ
محكمه ينـصب ابو صــــــالح
حكمه حكمك عادل أو واضح
ايميز الصــــــــالح من الطالح
بچفه ميزان العـــــــدل راجح
الهي طال الصدى ٠٠ طال الصدى
والعمر كف اسنينه
ــــــــــــــــــــــــــــ
تدري مختنگه شکــــــثر ناسه
اشتاگت الـــــــــوادم الانفاسه
واحنه ندري بحزنه واحساسه
چـــــم مصيبه العايشه براسه
الهي ثار الطهر ٠٠ ثار الطهر
بدموعنه امتانينه
ــــــــــــــــــــــــــــ
حيدر بشار الدراجي
أفراح
یوسف الزهراء 💔
يـمـتـه الفـرج يالغالي يـهـتـف نـبـض دلالـي
ياحجت الله الموعود رسـمـك يعـيش أبالي
🌷÷÷÷÷÷÷÷÷🌷÷÷÷÷÷÷÷÷🌷
يالساكن بدلالي بس نظرتك ترويني
بمولدك يامولاي افـرح وكحل عيني
مشتاگه عيني اتشوفك وافـرح واقبل اچفوفك
يا أغله وأجمل معشوگ بـيـك الـفـرح يـحـلالـي
🌷÷÷÷÷÷÷÷÷🌷÷÷÷÷÷÷÷÷🌷
أتنطرك يالموعود گلبي المجيئك ضامي
تدريني أني الولهان وأتخيلك بـحـلامـي
ألليله اجـمل ألليله بـيـك الگلب ترتيله
شعت انوار الميلاد طـيـر الـسعد غنالي
🌷÷÷÷÷÷÷÷÷🌷÷÷÷÷÷÷÷÷🌷
حبيتك وما أنساك يالمهدي وألله الشاهد
يـجـدد أبـمـيـلادك هـذا أنـتـظاري معاهد
تـنـبـض محـبـتك بيه وأبـقـه انـتـظـر للجيه
حنيت الك يالمحبوب أتـمـنـه تـنـظـر حـالـي
🌷÷÷÷÷÷÷÷÷🌷÷÷÷÷÷÷÷÷🌷
أتغزليت أبطرواك وعيني تصد لدروبك
أتـوسـلك وترجاك ترحم گلب محبوبك
الخليت أثر بعيونه أسأل عليه اشلونه
طال البُعد يامولاي منك خبر ما جالي
🌷÷÷÷÷÷÷÷÷🌷÷÷÷÷÷÷÷÷🌷
✍خادم الامام المهدي
الشاعر رعد الجريخي
🌹🌹🌹🌹🌹🌹
قناة أئمة البقیع
یوسف الزهراء 💔
🌹 🌹 🌹 🌹 🌹 🌹 🌹
زينب زينب اه يازينب
زينب زينب اه يازينب
،،،،،،،،،،،،،،،،،،،،،،،،،،،،،،،،،،،،،،،،،،،،،،
يازينــــب ردي الخيمتنــه
ماريـــــــدچ يمي تضليــن
خاف حچايه تغثــچ منهم
وزعلانـــه عليـــه تروحين
جيب البي حيل ويگعدلچ
شوف عيونچ هـل ميتين
عوفي حسين وحيري بروحچ
فدوه اندار ام عــــون الطولچ
خايف حيل
مــن الخيل
صـــار اليل
وخافن يم عــــون يسحگونچ
،،،،،،،،،،،،،،،،،،،،،،،،،،،،،،،،،،،،،،،،،،،،،،،
الله اليدري اشگـــد اتعذب
كـــل ماتنزل منـــــچ دمعه
وده ابن امـــچ يگعد لاچن
الحافر شالع گلبــه وضلعه
موش انتي التنعين اعليه
المفروض انه اعليچ الينعه
ياخـــت گلبي وياخــت روحي
مــــــن تبچين تزيـــد جروحي
كافي ام عون
لا يـــــــدرون
ويسمعــــــون
وانه المحــد سامـــــــع نوحي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انه ادري هواي تحبيـــني
وماودچ عني تگوميـــــن
بس وداعت عينچ يختي
ماريـــــــــد وياي اتعبين
ذوله الوادم مـــو وادمنه
ذوله الوادم مو خيريــن
الذبحــو عبـــد الله وما همهم
كلشي اتوقــــــــع يطلـع منهم
غربه الناس
مـــو عباس
تاج الراس
الله يبعـــــــدچ زينـــب عنهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالمتعوده اعليــنه المغرب
انه وعبــــــد الله انمر بيچ
هــــــذا المغرب ما مريتچ
انتي تمريــــــن متانيــــچ
چنتي مـــن تروحين نزتچ
چا ياهـــــــو اليوم يوديچ
گومي بسكتــه وروحي بسكتــه
محــــد يسمـــع صوتــــچ حتـــه
يخت حسين
لاتبچيــــــــن
تنطگيــــــــن
والله يعيـــــن التنطگ اختــــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي