834
Haitham Al-Lami
من حدر الطوامير ٠٠ الكاظم كتب تحذير
أليريد النهايات السعيده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بدينه اقيود بس مالزمت ايده
سجين الكاظم وسوه اليريده
الكلمه اتقاتل وتوكع شهيده
وكل ماتندفن تطلع جديده
٠٠٠٠٠٠٠
عاشت ذيج الجفوف ٠٠ العبرت حاجز الخوف
ألبعين الضلم يصرخ نشيده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
العبره بكل قضيه بالنهايه
وابن جعفر عرف اصل الحكايه
درسها الخطه من أربع زوايه
وبكل زاويه ثبتله ثايه
٠٠٠٠٠٠٠٠٠
يدري الساق مرضوض ٠٠ وصاح الضلم مرفوض
والماتوصل اخباره وبعيده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شوكه بعينهم صار وعماهم
امام الرافضه يعرف دواهم
حرسهم لو سمع موسى اجاهم
القصور الطاغيه يوصل بجاهم
٠٠٠٠٠٠٠٠٠٠٠٠
ماينهزم منصور ٠٠٠ مايطفه يضل نور
توكع عروشهم ثورة وريده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اجتمع حشد الضلم يدرس الحاله
شلون من السجن طلعت رساله
انفصل عن شيعته وكلمن مشاله
وبعدنه ماخلصنه من نضاله
٠٠٠٠٠٠٠٠٠٠٠٠٠٠٠٠
شطلع هاي الاخبار ٠ والجمعه الوعد صار
يريد الشيعه والشيعه تريده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مات ألا رشيد وموسى مامات
ودويلات الضلم صارت خرفات
العلي امربيه منه الذله هيهات
نزل روسهم وارتفع رايات
٠٠٠٠٠٠٠٠٠٠٠٠٠٠٠٠
لسه ايوزع امراد ٠٠٠ عايش أسد بغداد
قبابه كل سنه ترجع جديده
خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠
عبد الجليل المالكي
عله الغــــــــــريــــــــــب واويلاه
ــــــــــــــــــــــــــــــــــــــــــــــــــــــــــــ
هـــــذا المــــــــــصاب يشيب الراس
مطــــــــــروحه ليش اجنازت الياس
فوك الجسر خـــــــن صيح بحساس
هــــــــذا الغريب منـــــــــين ياناس
خلــــــــــونه بالــــــدمعات ننعاه
عله الغــــــــــريــــــــــب واويلاه
ــــــــــــــــــــــــــــــــــــــــــــــــــــــــــــ
خلــــــــــونه نبـــــجي ونعمي العيون
للكــــــضه عــــــــــمره بسجن هارون
حــــــي بني هاشم خــــــل يحضرون
نعـــــــــش الغــــــريب ابعازت امتون
خــــــــــن شيعه بالحسرات ولاه
عله الغــــــــــريــــــــــب واويلاه
ــــــــــــــــــــــــــــــــــــــــــــــــــــــــــــ
كلب الزجيه انفــــــــجع هــــــل يوم
موسى ابــــن جعفر مـــــــات مسموم
جـــــــــرح الضــــــــلع بفراكه ملجوم
مهــــــــضوم كلب الزهرة مهـــــضوم
ومصابه مــــــــــاضن يوم تنساه
عله الغــــــــــريــــــــــب واويلاه
ــــــــــــــــــــــــــــــــــــــــــــــــــــــــــــ
شــــــــــدو الحــــــــــزم هاي المسيه
وبالــــــــــدمع خـــــــــل ننصب عزيه
خــــــــلــــــــونه ننــــــــعه ويالزجيه
ونحـــــــــيي اليالي الكاضــــــــــميه
جا كــــــــــون ميتين احنه وياه
عله الغــــــــــريــــــــــب واويلاه
ــــــــــــــــــــــــــــــــــــــــــــــــــــــــــــ
خــــــل نمشي كربه بكـــــــلب مفجوع
وفـــــــــوك الجنازه انـــــــرش الدموع
ونلــــــــــطم لحد منــــــــكسر الضلوع
ونحــــــــترك يمه شلون الشــــــــموع
بكل شــــــــده اسمه ويانه نلكاه
عله الغــــــــــريــــــــــب واويلاه
ــــــــــــــــــــــــــــــــــــــــــــــــــــــــــــ
كاظم الغــــــــيض واســـــمه معروف
حــــــــــاشه خليه يــــــــــرد الجفوف
تــــــــــرابه دوه للـــــــعله مــــوصوف
الكـــــــلبه انجــــــــوه بنيران الطفوف
وسبي الحــــــرايــــــر حيل اذاه
عله الغــــــــــريــــــــــب واويلاه
ــــــــــــــــــــــــــــــــــــــــــــــــــــــــــــ
حسين عبد الزهرة الدراجي
.
.
.
.
السلام على حليف السجون.
.
استشهاد الكاظم ع
.....
المستهل
.
الك نشكي الالم يالكاظم نخبرك
نحتاج الصبرنا انطينه من صبرك
بوضعنه أتشوف .. رفعنه چفوف
...1
يگظاي الحوايج منك انريد ... مطلب لاترده
كثره أمن المآسي وجايه أتزيد ... وحده بعد وحده
انته بالصبر فصمته للقيد ... واحنه القيد بعده
ونشوف الفرج شو صاير أبعيد ... ماتخلص المده
يردون الفرج يالكاظم أحبابك
كلها أتلوذ يمك سيدي ابابك
بظريحه انطوف ...رفعنه أ چفوف
.........2
يالصابر صبر من عندك ألنه ... وعيونك علينه
غيرك ماطلبنه الحاجه منه ... ونسولف البينه
يالگلبك علينه بي محّنه ... يمك لو أجينه
نشتم بضريحك عطر جنه ... وتنطينه بدينه
طبيب انته اليجيك ايحصل الوصفه
تردله العافيه بذن الله من يشفه
ابكرم معروف ... رفعنه چفوف
........3
يباب الكرم مايحصل بديله ... عالباري اعتماده
يمن ألله جعل بيك الوسيله ... يرحمهم عباده
عطاياك بأذن ألله جزيله ... تكرمهم زياده
تنطيه للمحب لا مو قليله .... وتسرله فؤاده
تجيك أفواج كلها بعازتك هالناس
يباب أمراد انته وعمك العباس
يبوا المعروف ... رفعنه چفوف
........4
أذا جار الزمان أعلينه ويدور ... ملجانه بعتبتك
هم نطلب الحاجه من نجي انزور ... ندعي تحت گبتك
ونشاهد الناس أتوفي اللنذور .... ياالبخت الله بختك
من نور السماء بمرقدك نور ... تنظرنه برأفتك
نلمس رحمة الله من نجي انزورك
وكل أواجعنه تنزال من نورك
دوه الملهوف ... رفعنه چفوف
........5
جهادك بالسجن كل طاغي ذليت ... يانور الامامه
عابد بالعباده ادروسك انطيت .... للدين ونظامه
على روس الطغات بحلمك امشيت .... ردتنه السلامه
راكع ساجد الكل عمرك اگظيت ... وأحملت الظلامه
الباري ايكّرمك خلاك باب أمراد
متفشله اليجيك بحاجته گصاد
تبعد الخوف ... رفعنه چفوف
.....6
بني العباس منك وشيريدون .... خافوا عالكراسي
جواري بالقصور الهم يخدمون ... يحيون الأماسي
نهج الله وقوانينه يضيعون .... كل ظالم سياسي
خالد من تظل همه ميدرون .... من عملوا مآىسي
ونته الناس يمك تعنتني افواج
بشباچك يلوذ وينحني كل تاج
للجرح رووف ... رفعنه چفوف
....
سيد عدنان الحمامي
الامام موسى بن جعفر عليه السلام
بجروح السجن
ودموع الحزن
يبچي لعمّته الراحت سبيه
٠٠٠٠٠٠
بسجن موسى بن جعفر غابت علومه
ومن گيد السلاسل تنزف دمومه
رغم هاي الجروح وروحه مالومه
ينوح على المشت للشام مهضومه
بگيد السلسله
يذكر كربله
وينصب مأتم بسجن المنيه
٠٠٠٠٠
بسجن طاموره ظلمه وتخنك بروحه
موسى الكاظم ودم تنزف جروحه
لچن مو للجراله ونّته ونوحه
على الراحت سبي دمعاته مسفوحه
يذكر عمّته
وسالت دمعته
مچتوفه بحبل بين آل اميه
٠٠٠٠٠٠٠٠٠٠
بسجن هارون موسى الكاظم اتعذّب
ساجد وبسجوده الظالم اتعجّب
بظلام الليل يبچي الكاظم وينحب
على المسبية عمته الطاهره زينب
كلما ينجرح
يتذكّر رمح
شايل راس ابن حامي الحميه
٠٠٠٠٠٠٠٠٠
خافوا من علومه ونهجه وفكاره
ظنّوا بالسجن يطفون انواره
لأن يدرون الله الخالق اختاره
خليفة طه جده بعلمه وسراره
بعلمه وحكمته
فارض هيبته
كلها تهابه شيج الجعفريه
٠٠٠٠٠٠٠
عكب كلّ الجراله الظالم يسمّه
مات الكاظم ومحّد حضر يمّه
بنعش مسموم شالوا للجسر جسمه
بلا تشييع منعو شيعته تلزمه
مجروح شكثُر
من سم الغدُر
گطّع چبدته سمّ المنيه
٠٠٠٠٠٠٠
فزعت شيعته من سمعت اخباره
صارت كل أهل بغداد انصاره
بين اليبچي بين يطالب بثاره
شالوا نعش موسى الكاظم لداره
نصبو مأتَمَه
عَزّو فاطمه
راحوا للرضا بأمر الوصيه
سيد زيد الفحام ~~~~~
ماتت ابديرة غرب...صيحو ياناس
والسؤال اعله السبب...يجرح احساس
إلسبي والفرات...سبب الوفاة
يجرح احساس
( إن وعد الله حق ) ابآخر انفاس
لابد ايموت البشر معروفه ياناس
لازم الهه اسباب حتى لطمة الراس
وسبب موت السيده طيحة العباس
الموتت بنت النبي...الروس بدروب السبي
اول الموته بدت...فوگ تل الزينبي
حيرت حتى الهزل...دمعة العين
تمشي زينب لو تضل...يم الحسين
كلشي عدهه مات...سبب الوفاة
يجرح احساس
من تموت اويه ابوفاضل عيب تنلام
الموت عدهه أشوه من طبتهه للشام
بعد لوعة كربله زين وبقت عام
ويلي غيرهه اشكثر دخان الاخيام
إلعل دلال امعلمه...حالهه ايبچي السمه
بالحزن ماتنعرف...هيه مدري فاطمه
عله زينب بت علي...چم گلب شاب
واليناشد عالسبب...كثره الاسباب
ابلا خيم تبات...سبب الوفاة
يجرح احساس
سبب من اسباب موتتهه ابغربهه
تشتكي جتهه رقيه امن الضربهه
إلشتم والدهه علي اشسوه ابگلبهه
اتعاين العباس والدمعه تصبهه
نظرة اخته اتجرحه...غمض امن المستحه
هيه تقراله نعي...وهو يقره الفاتحه
اموادع وشبعو بچي...والله موضوع
حچو بس ابلا حچي...بس بالادموع
ساعة الممات...سبب الوفاة
يجرح احساس
حگهه زينب راسهه اعله حسين شيب
والله اصدگ لون گالو عمت زينب
إحنه عود حسين ماشفنا وننحب
اشلون بيهه الشافته عاري اوتسلب
الشاهدت گطع النحر...حگ تموت امن القهر
العدهه هيچي فاجعه...اشلون ماتعمي النظر
إحنه بس نسمع سمع...وماتت الناس
چا اشحال الشاهدت.. عالرمح راس
ينظر البنات...سبب الوفاة
يجرح احساس
مثل أمهه سوت الهه بيت الاحزان
لچن هذا البيت يبعد عن الاوطان
حسبت لوماتت العباس دفان
تالي موتتهه غريبه ابلايه خوان
ماتت ابديرة غرب...وبيهه آثار الضرب
لابوفاضل لاحسين...والله موقفهه صعب
هالجرح ماينسي...ياموالين
بلله كثرو بالعزه...لخت الحسين
كتبو لافتات...سبب الوفاة
يجرح احساس
سيد علي الموسوي
اكصد يمهدي بهل رزيه
وهل الدمع بالكاظميه
اجنازه الكم غريبه بعازة متون
..................
يالحزنك يعيش اوياك كل يوم
جدك يابو صالح مات مسموم
الله يعين روحك شافت الضيم
گلبك عالاهل يوميه ملجوم
الفاكد احبابه يعيش غربه
وبس الله يدري بحال كلبه
تعال اوياك جيب ادموع العيون
اجنازه الكم غريبه بعازة متون
..........................
بسجن اظلم وجوه الكاع مسجون
لا نسمة هوه ولا ضي للعيون
عايش غربته الكاظم معانات
وياطوك الحديد مثكل المتون
والليل يخلص دمعه دمعه
الحسره شكبرهه الجوه ضلعه
لاخوان تفزعله ويحضرون
اجنازه الكم غريبه بعازة متون
.......................
مامرتاح ابد ومساهر الليل
وحياطين السجن جن حافر الخيل
على شوفت بناته بصدره حسرات
وفراك الاهل ماخله كل حيل
لا اهل يمه ولاعشيره
والوحشه بعيونه چبيره
الهضم والضيم ماخلن عليي لون
اجنازه الكم غريبه بعازة متون
.........................
امن الطاموره مل وشيب الراس
من الخنكه كوه ايجر الانفاس
باب الحاجه هذا بجفه كل خير
الشامت على بابه مخلي حراس
والشيعه منتظره علامه
بلكت يردلهه بسلامه
وكل يوم اليمر بيهم ينطرون
اجنازه الكم غريبه بعازة متون
........................
شايل گلب ينبض بس بالجروح
وعلى اوليده الرضا بكل مغرب اينوح
انحرم من شوفت ابنه وروحه تشتاك
وشيطيب الوجع لو چان بالروح
موجوع كلبه وظهره مايل
من الفركه لو من السلاسل
وين اولاد هاشم خل يشوفون
اجنازه الكم غريبه بعازة متون
..........................
باچر عالجسر موعد للدموع
والنبضات توكف جوه الضلوع
يمهدي احضر وشيعه بدمعة العين
الكاظم مات كلبه هواي مشلوع
يالمهدي الله يعينك بهاي
ويعظم الله اجرك يمولاي
گلبك منفطر هليله محزون
اجنازه الكم غريبه بعازة متون
محمد هادي العقابي
أبكي على بابِ الرجـا بالسجنِ واويــلاه
والدمعُ من عيني جرى حزناً على بلواه
دمـــعٌ تفجـــر ينعى أبنَ جعفر
حزناً على بلواه
* * *
يسلطان الصبر والنـوح والـدمعــه
ويا سابع أمـام أتنوح ألك سبعـــه
يـا ســر الإلــه ومنهجـــه وشـرعه
عليك أملاك تنحب والعرش ينعه
العرشُ ينعى فقدكَ بالنـــوحِ والأمـلاك
والأرض تبكي والسما بالحزن أذ تنعاك
والكـــونُ كبـــــرّ ينعى أبنَ جعفر
* * *
دمعـــات الجفـــــن تتفايض بعبــره
ولو حسره گضت نورث ألف حسره
للگضّــه بضلامــات الســجن عمــره
تسعـــر للأبـد مـــا بـردت الجمــــره
جمرُ الأسى لمصابه تسري بهِ الأحشاء
جمرًُ توارثَ نارهُ من محنتِ الزهـــراء
والقلب يسعــر ينعى أبنَ جعفـر
* * *
يا دمع النواظــر هـــل على مصابه
من داره لسجن طاغي العصر جابه
عليه تســأل هله وتتنطـــره أحبابه
البدر عن شيعته شوه طول أغيابه
البدرُ طالَ غيابهُ فـــي ظلمـــةِ السجـــان
وَسمي الكليمِ شبابهُ في زحمتِ القضبان
سجــنٌ تكـــدّر ينعى أبنَ جعفر
*
يا وارث علــي ويــه الزچيـــه أمـــك
شابهــت الحسن يــا سـيدي بسمـــك
وثلث أيام مثل حسين ظل جسـمـك
بقيــود العلــيل أصبــــح نـزف دمـك
نفس القيودِ تشابهت في معصمِ السجاد
قد قيدوا كـف الهدى بالسجن في بغداد
قيــــدٌ تكــرر ينعى أبن جعفر
* * *
يا مسمـــوم مثلك بالسجـــن سمـوه
وعدوانه بقيوده يـــا وسف شالـــوه
بچفوفه السناسل عالجســر خـلــوه
ونادو بالنعش بس أهله مــا حضروه
هــــذا وريثُ محمدٍ هــــذا ولــــي الله
ملقاً على جسر الأسى بالقيد من ينعاه
جبريلُ يحضر ينعى أبن جعفر
* * *
مسجون الدمع حزنك كتبله أفراج
يا بحر الصبر صـار الدمــع أمــواج
يا باب الحوائـــج جيتك ومحتـاج
وليا بــاب تگصد سيدي الأفــــواج
باب الحوائج والرجا جئناك بالحاجات
والدمعُ منـا أنهراً يجـري مــع العبـرات
قلـــبٌ تفطـــر ينعى أبنَ جعفر
* * **
لشاعر
موسى البديري
لاتـشـيـعـونـي
أنتضروا خل يوصل كفيلي لاتشيعوني
يغمض عيوني
بـچفـه لمـن يـعـتـنيلي يغمض عيـونـي
<> ➖ <> ➖ <> ➖ <>
يشد جروحـي يواسي روحي
يـسد وحـشتي بالگبـر
واعله جـسمـي أيـصلي يـمـي
ويـدفـن اوياي الـعـمـر
جروحي خضره متوني حمره
اذبلت و اوراقي صفر
و الـكـفـلــنـي ولـــو ســألـنـي
راح أسـولفله أشكثـر
هوه بس عباس يدري بلوعت احزاني
هـوه سماني الأميره وگلي عبدج آني
آنه وسط الهيبه بيتي والگمر جيراني
مـن يسألـوني
شراح أگلهم ضلمه ليلي مـن يـسألونـي
لاتـشـيـعـونـي
أنتضروا خل يوصل كفيلي لاتشيعوني
<> ➖ <> ➖ <> ➖ <>
بهـل مـسـيـه الـعـبـره بـيـه
جـرت خـيـوط الـحـزن
هـم وحـيده وهـم بـعـيـده
وحـدي بالشام أنــدفـن
فــارگــونـي و مـاأجــونـي
وحگي ياناس أمن أون
ويـن أخـوتي بيـوم مـوتي
وحشه وألهم دوم أحن
ليش مـو بين الحبايب گبري يبنونـه
چـان زوار أبـو فـاضل هـم يزورونـه
حسين من يشتاگ أليه يمي يلگونـه
وحـدي خلوني
أدفــن الآه بــدلـيلـي وحـــدي خـلـونـي
لاتـشـيـعـونـي
أنتضروا خل يوصل كفيلي لاتشيعوني
<> ➖ <> ➖ <> ➖ <>
شگد هضيمه مـن يـتـيمـه
تـبقى بـ ديار الـغـرب
بلايـه أهلهه وغـربـه كـلهه
بحسره صدت للدرب
هــذا حـالـي ومَـن بـقـالـي
آخ وكتي شگد صعب
لا أكـو والـي ولا أكـو غالي
مــن عــزائـي ينصب
ياهـو إلي عزب الليله وينصب الچادر
وياهـو إلي أيعزونـه بيـه ياخلگ باچر
ياهو يوگف وآنه أشوفه بالعزه حاضر
حتى بضنوني
حزني مايخلي سبيلي حتى بـضنـونـي
لاتـشـيـعـونـي
أنتضروا خل يوصل كفيلي لاتشيعوني
<> ➖ <> ➖ <> ➖ <>
خـلـص عـمـري آآيا صـبـري
الـرافـگـتـنـي بكل مكان
أمـن المـدينـه وبالـضعـيـنـه
بـيـوم ضـيـعـت الأمــان
قـصتـي بـس هـم لامـتنضم
وحزني يبدي وي الأذان
الفگـد هـزنـي الموت شـنهي
الموت شفته ومن زمان
الخوف مـو مـن المنيـه الموت ماأهـابه
خـوفي بـعـد الگمر مگدر أشـتم أثـيابه
راح أروح وروحي تبقه تون عله أعتابه
واليسمعـونـي
خـل يـوصلوهـا الكفيلي واليسمعـونـي
لاتـشـيـعـونـي
أنتضروا خل يوصل كفيلي لاتشيعوني
<> ➖ <> ➖ <> ➖ <>
للشاعـر الحسينـي علي الـقـريـشـي
استشهاد الامام الكاظم ع
يم الجسر نهر نهر
عنك ابو فاضل وين
****
نزف چبدك .. چنت وحدك .. ولا عندك
واحد يساندها قضيتك
ردت كافل .. يجي ايقاتل .. ابو فاضل
تتمنه اله چانت حميتك
بينك وبين الممات احچايه
كون ابو فاضل يجي بالرايه
تنگلب بغداد طف الثاني
اشگد تمنيته الگمر ويايه
يم الجسر نهر نهر
عنك ابو فاضل وين
****
على وضعك .. يهل دمعك .. منو يسمعك
غربه ولا يمك مناصر
نهر شفته .. وتذكرته .. الكفل اخته
ابوضعك صرت ياموسى حاير
ما ردت سبعين تلفي اتعينك
صحت ياعباس عمي وينك
هوه چان الوحده جيش ابكربله
غيره محد يطفي نار اسنينك
يم الجسر نهر نهر
عنك ابو فاضل وين
****
اذا يمك .. الگمر عمك .. منو ايسمك
بچفوفه سجانك منيته
عله المهره .. يجي ابخزره .. منو يگدره
سيفه عليه راسم هويته
بالحرايب تشتعل انفاسه
هز طفوفه وهز يزيد وساسه
ريته هارون الحظه ابعباسك
حدر جسرك والله يدفن راسه
يم الجسر نهر نهر
عنك ابو فاضل وين
****
اشعمل دهرك .. اشتعل صدرك .. خلص عمرك
ابطاموره وانفاسك حزينه
تصد إلهم .. عساكرهم .. منو يردهم
زمرة شمر هاي ولعينه
الگمر لو موجود ميسجنونك
بالسلاسل حاشه ميچتفونك
يبسط اچفوفه ويشد احزامه
الكون كله ايگلبه لجل عيونك
يم الجسر نهر نهر
عنك ابو فاضل وين
****
يالمعذب .. الگلب يلهب .. مثل زينب
الراحت عله الهزله سبيه
ابمخيمها .. كثر همها .. لچن يمها
عباس ابن حامي الحميه
بيوم صاحت عمتك عطشانه
راح للشط وفتح ذرعانه
الماي شاله وكله حطه بجوده
وأربعة آلاف طم بمچانه
يم الجسر نهر نهر
عنك ابو فاضل وين
****
الجسر لا شك .. صبح عرشك .. انوضع نعشك
بس عيلتك عنك بعيده
ابو اليمه .. انسفك دمه .. لچن يمه
ضحاله بانفاسه عضيده
ابو فاضل ما يعز جروحه
هامته الهاذ الوكت مفتوحه
ايقدم انفاسه الك يالغالي
مثل ما لحسين ضحه بروحه
يم الجسر نهر نهر
عنك ابو فاضل وين
****
الشاعر اياد الديراوي
وفاة السيده زينب ع
من يوم السبي ما نشفت عيوني
ما طابن بعدها امورمه امتوني
گطّع گلبي لنياح اموتن كون ورتاح
****
عساني. يخويه. من لحظه الطحت عالمشرعه ميته
شخبرك . شسولف. انا الموت گد شيب العلي شفته
اتعنوني / وشتموني / بيه اشظلت انفاس
خيماتي / بنياتي / كلها صاحت الناس
حرگوهن / ضربوهن / ماكو بعد عباس
اجرحك ادري والمفروض تسمعني
طحت وركاض اجاني الشمر يصفعني
بهل لحظه الخدر راح اموتن كون ورتاح
****
وحيده . غريبه . ولا واحد من الوگفو علي منه
احاول . افرن . لو اسحگ جمر لو دم اسحگنه
يصبولي / وبطولي / خويه تشبح انظار
اتراجع / وتلاسع / بظهري تاكل النار
اتقدم / يتهجم / سوط اعله المتن حار
افر الياكتر والسوط گدامي
طحت خويه وجمر طفيته بجدامي
كلشي بداخلي صاح اموتن كون ورتاح
****
لزومن . اعاتب. ولو گطعت چفوفك بيه ما هانت
وغلاتك . دمعتي . من كثر الرماد اعله الجفن بانت
ترضاها / امصلاها / اختك صار الرماد
بلوعاتي/ واهاتي / خدي امن الدمع باد
تحملها؟/ تقبلها/ بچف الشمر انگاد
درت راسي الك ويسد علي شوفي
وانا الردت اگوله شدو اچفوفي
دمعي اعله الحبل طاح اموتن كون ورتاح
****
وحگك. جفوني. اليلة دفنتك ما مره مطبوگه
غيابك . مصابك. وعذاب چفوفي يالعباس محروگه
عل تله / عالهزله / گلي نومتي شلون
اطفالي / وعيالي /بچم شوكه يعثرون
بهل هيمه / بلا خيمه / بنص وادم يشمتون
قبلنه وما رفضنه اعله الهزل نصعد
كل همي انه امن النار اتبعد
واليحدينه ذباح اموتن كون ورتاح
****
اعذبك. ولكن. هذا اخر نفس وارد احچي عن الشام
لونك. شفتنه . شلون اعله السلاسل بالخرابه انام
گعدونه / وجمعونه /وما فكوها الاغلال
صد حالي / وعيالي/ ايبچي والله هالحال
مصيوبه / مضروبه /وفوگي اتچت اطفال
احچيلك بعد من صرخت ارقيه
عمه وين ابوي الكله حنيه
مات بطعن الرماح اموتن كون ورتاح
****
الشاعر اياد الديراوي
تصبحون ع نضره من صاحب الزمان
Читать полностью…
ميمر / مولاتي زينب عليها السلام
ام الخدر زينب هاي. هيبة علي هيبتهه
٠٠٠
ام الخدر وام الشرف والنوماس
رغم المصايب جبل ما طخت راس
عن يا مرَه انسولف وخوها العباس
ذلّت بني اميه هناك. للشام من دخلتهه
٠٠٠
ورثت شجاعة فاطمه وحامي الجار
ذلّت يزيد ابمجلسه وشاف العار
خورست كل الزلم چن ذولفقّار
رغم المحن والآلام. ما دنّگت هامتهه
٠٠٠
صح عالهزل مسبيه من چتفوها
لكن بقت مثل الجبل شافوها
زينب اميره ولا تظن ذلّوها
بضعة علي للأعداء. ما نزّلت دمعتهه
٠٠٠
يخسه اليگول الشمر زينب ذلهه
كافلهه عباس الگمر كافلهه
يا ناصبي يكدر بعد يوصلهه
لبوة بني هاشم هاي. وتحجّبت بخوتها
٠٠٠
مصرع اخوها حسين اذاها هواي
ما ضعفت گبال العدو زينب هاي
بت هازم الأحزاب وخت الوفاي
وفّت وضحّت لله ما فرحت بدنيتهه
٠٠٠
لآخر نفس تبچي وتونّ عله حسين
حدب ظهرها ونعمت منها العين
ماتت الليلة بهمها وجروح البين
بالغربه ماتت ويلاه. ما حضروا جنازتهه
سيد زيد الفحام ~~~~~~
مولاتنا الحوراء ام المصائب ع
أون وماشفت مثلي بَشَر وَن
ومثل خُوَّاني وين الگه بَشَر وين
اگولن بالله ابن حَذلَم بِشِر وين
ينعه موتتي بالغاضريه
وسيعه وأبد ماتشفه يروحاي
متت والناس جثماني يَرَوْ حي
بعد شمتانيه بالله يروحاي
هلي وماظن هلي يلفون اليه
ماضل عندي لا خاطر ولا كف
وجور الوكت من عندي ولا كف
لا رفَّت علي رايه ولا كف
امن اخوتي ايهيل ترباني عليه
حرت مابين ابو اليمه وَضَعنه
وعگب عينه تطشَّرنه وَضِعنه
السبي ودرب السبي غَيَّر وَضِعنه
ورزيتنه فلا منهه رزيه
....................................
يازينب ابنبرة حزن صِحناچ
يم خير ويضل متروس صَحناچ
وسف يختلف هاي السنه صَحناچ
فرق عن كل سنه يالهاشميه
وسف حزنچ مُرد روحچ وَفَتها
يمن للخُوَّه بالدمعه وِفتها
مثلچ يامَره حانت وفتها
ابغربه ولا نواعي ولا عزيه
أضل أنحب على الحُرَّه ورثهه
الوكت ناره ابگلب زينب ورثهه
خذت من فاطمه أمهه ورثهه
الحزن والنوح والدمعه الجريه
زينب كل عمرهه شامل احزان
تنوح ومن زغرهه شامَّه الاحزان
اشما ينجاب طاري شام الاحزان
نجر حسرات عالراحت سبيه
سيد علي الموسوي
أرضيتَ تُسبىٰ يا بنَ ثابتِ دينِها
وَكَميِّ صَهوَتِها وعِزِّ جَبينِها
عُجْ بالفُراتِ وقُلْ لليثِ عرينِها:
(أيسوقُها زجرٌ بضربِ مُتونِها؟)
(والشِّمرُ يَحدوها بسَبِّ أبيها!)
أَعظم الله لكم الأجر بذكرىٰ شهادة سيدتنا ومولاتنا زينب الكبرى العقيلة 💔🙏🏻
السيده زينب ع
غريبه غريبه غريبه
الزمن بيه اشعمل بقيت ابلا اهل
****
أنه زينب تراني بت نبينه
عجيبه الدنيا شو دارت علينه
شمسها وكلشي فوگاها امن ادينه
اشعجب متفارگ عيوني دمعتي
غريبه ابيا وكت صارت نظرتي
مثل جمر الخيم والله حسرتي
الما يضوگ الغربه مثلي حگه ما شايف الم
ديره ديره اعله الهزيله دخلوني اويه الحرم
غريبه غريبه غريبه
الزمن بيه اشعمل بقيت ابلا اهل
****
ابوي المرتضى وامي العظيمه
تره اتشتم وحگ حيدر هضيمه
يگيدوني بحبل اكبر جريمه
ذبح لخوان شافته عيوني
واگول الله اليصبرهن جفوني
بس اشمعنه ضربوهن متوني
فوگ ما ذبحو اخوتي بسوط ورم هالمتن
حزني ما مر اعله غيري مفصل اعليه الحزن
غريبه غريبه غريبه
الزمن بيه اشعمل بقيت ابلا اهل
****
تمنيت المنيه ابيوم عاشر
بهذاك اليوم ما ظلت ضماير
كتاب الله تمزگ بالحوافر
دليلي يا وضع بالله اليجرعه
ترس اذني ضحك شمات اسمعه
انوليت وما بعد تنفعني دمعه
اشگد تمنيت المنيه چا خلص جرح الطفوف
عايشات ابالي لسه ارماح وسهام وسيوف
غريبه غريبه غريبه
الزمن بيه اشعمل بقيت ابلا اهل
****
الحرگوها الخيم وآدم ذئابه
ما كفاهم الطف ومصابه
جابونه ورمونه بهل خرابه
ملتويه علينه هل سلاسل
عازتنه اشكبرها انريد كافل
ما فارگ لساني اسم ابو فاضل
اشگد اصيحن يبو فاضل ما يرد بس الصده
والله لو عباس يمي ما يطگوني العده
غريبه غريبه غريبه
الزمن بيه اشعمل بقيت ابلا اهل
****
جرح المتون يلتم وادري يخفه
وجفني الجرّحته طفوفي يشفه
ولكن بالقصر وگفاتي كلفه
نظرتهم سيوف اتصد عليه
اذا للحرمه ما عدهم سجيه
اشذنبها بالله فهموني رقيه
حنّت ورادت ابوها والطشت جابه الحرس
حضنت الراس اليتيمه صاحت ومات النفس
غريبه غريبه غريبه
الزمن بيه اشعمل بقيت ابلا اهل
****
الشاعر اياد الديراوي
گلبي مُغرَم بالعِشگ والساني لاهِج
عندي حاجه وكلَّفِت باب الحوائج
روحي ببن الصادق...اتعلِّقت وادريهه
ابهالتعلِّق تربح...أوَّل وتاليهه
أعتني يم بابه...وحاجتي أحچيهه
وادري موسى الكاظم...حاجتي يگضيهه
للشدايد والعِلَل هو المُعَالِچ
عندي حاجه وكلَّفت باب الحوائج
أنسه كل اهمومي...لو وصلت اعتَابه
يالثگيله اجروحك...إجري دمعه ابَّابه
رغم كل آلآمه...ورغم ذاك امصابه
من عطائه الكاظم...حاشه ينسه احبابه
ماشفت مثله أبد للشِّدَّه فارِج
عندي حاجه وكلَّفت باب الحوائج
هذا امامي السابع...وافتخر واليته
جيت اواسي الزهره...ابدَمعِتِي اتعنيته
أدري يسمع صوتي...آنه من حاچيته
گتله اليعاديكم...والله ماحبِّيته
رافضي وأبقه افتخر باسمه وأحاجِج
عندي حاجه وكلَّفت باب الحوائج
سيدي اتعنيتك...واعرف اتحيِّيني
أنحب اعله امصابك...واجري دمعة عيني
كل وكت ويَّاكم...عالعهد تدريني
نظره مِنَّك رايد...خادِمَك خليني
خَلِّي گلبي ابكل وكت للخدمه عارِج
عندي حاجه وكلَّفت باب الحوائج
يالمُضيفك عامر...مايسد بيبانه
ويبقى إسم الكاظم...راهب السَّجَّانه
ياحليف السجده...أمِّن الدعوانه
للأمام المهدي...ندعي يامولانه
والضهور المهدوي ايذل الخوارج
عندي حاجه وكلَّفت باب الحوائج
سيد علي الموسوي
#قصيدة_للامام_الكاظم_عليه_السلام
كأني بالامام الكاظم عليه السلام
ذِكَر عمته و دمعت اعيونه الحنين
و لخدرها. سوّه مجلس عالحسين
حافظ ابگلبه القصـيدة
يلطـم و سلــسلة بيده
عالحسين عالحسين
ــــــــــــــــــــــــــــــــــــــــ ــــــــ
ينحب إمــــــام الرافـــــضة. ابطامورة وَحدَه
و لكربــــــلة دگ و لِطَــــــم بچفـــوفه خـده
مجلس عـــــــزه بالمُعتــَـقل. هالليــــلة عنـده
مهضومة روحه او بالخيم محـروگة چبده
چف يمنته مـــــن ينظره
يـــذكر حبيبه و خنصره
مـــن دمه نَضْفو محبسه
و انعـرض للبـــيع و شَرَه
الشذرة طاحت. فوگ اصبعه العاف اديه
الها شـــــــــالوا و الصِبِع سحـــگوا عليه
لوعة الخنصر شديدة
يلطم و سلـسلة بيده
عالحسين عالحسين
ــــــــــــــــــــــــــــــــــــــــــــــــ
گيــــد ابرگبته و فرفحت روحه الحزينة
مو جاره لا سابـــع سجن يســمع ونيــنه
جدَّه بطَرَف ســن الرمح ماكوله عيــنه
وجهه حــلو بـس الحجر. خَرَّب جبـــينه
شمس الله حارگته الشمِس
عطشان بـــس شابــع رفِس
طفهم چبـــيرة و جثـــــــته
ترستــــها يالـــــــوادم تَرِس
ضلع واصـــل. منّه يم نـوگ السبي
و ضلع زاحف صـوب تــل الزينبي
و ضلع شابك چف عضيده
يلـــــــطم و سلــسله بيده
عالحسين عالحسين
ــــــــــــــــــــــــــــــــــــــــــــــــ
مــن والده الكـــاظم خَـــبَر من زغره سامــــع
چبد ابو اليمة اويه السهم . ثلثيـنه طــــــــالع
الحــافر غِده فــوگ الصـدر. رايــــــــح و راجع
و الشيب مــو بس اختضب. لا شيــــــبه واگع
مجــهولة صـــارت جِثته
زرگة اعله حمــرة جبهته
مو هوه شـــو چنه صبح
شلون اخته زينب عرفته
شباقي منه . شخلت الحافر عليه
بس گلبها. زينـــب الـــدّلاها بيه
دم طفل باقي اعله جِيده
يلطم و سلــــــسلة بايده
عالحسين عالحسين
ــــــــــــــــــــــــــــــــــــــــــــــــ
راهب بني هاشــــم سِجَد. سجدة طويلة
و من رفع راسه رد لـِــطَم. لجل العــقيلة
من دم متن عمته انصبغ. ظـــهر الهـزيلة
و همزين ظــــلت باليسر. فــوگاها شيلة
كلشي انسلب منها غصب
ابحـــــــجة غنيمة للحرب
باگوا غــــــراض ام الخدر
و اتقاسمـــــــوهن بالدرب
بس عباية. عافوا اعليها صدگ
ما خذوها. لان مآخِذها الحرگ
چا خذوها لـو جديدة
يلطم و سلسلة بايده
عالحسين. عالحسين
ــــــــــــــــــــــــــــــــــــــــــــــــ
من سوطهم آ يالقــــــهر دم يصــب كــله
و امن الحديد امرضرضه و مكسورة رجله
كل ذَنّي بي مــــــــا أثّرَن . و جروحه سهـلة
بـــــس الخــرابة الأذِّتــه و رَبَتّله عِــــــلَّه
عمَّاته ركبــــــــن عالهزل
هذا الصدگ ما ينـــحمل
بيا سلسلة يحـــس بالألم
و زينب اكل چفها الحبل
ياهوه يرضه. عمته بالشارع تبات
يسب ابوها. شكو واحد منها فات
شحالها و ظلت وحيدة
يلطم و سلــسلة بايده
عالحسين عالحسين
ــــــــــــــــــــــــــــــــــــــــــــــــ
ظل ينحب و لا مـــــا سكت و تصب دمعته
و نــــاح لرقية مــــــــن ذِكَر معصـومة بنته
فَزّن حيــــاطين الســــجن من گد شهگته
منـــها التــراچي امســــلبه يدريـها عمـته
برجليها ظـل شوك و جمر
شـما بابا صــرخت تنسطر
زغيرة بعدها اعله الهـضم
مو مال شــــــام و لا يسر
كل جسمها. چَوّته نــار الخيـــــــم
و الخـــرابة. هواية نزفت بيها دم
بالطشت طاحت شهيدة
يلــطم و سلـــسلة بيـده
عالحسين عالحسين
ــــــــــــــــــــــــــــــــــــــــــــــــ
الحمدلله
#علي_حسين_الكناني
استشهاد الامام الكاظم ع
سلاسل بيدك وعشت بظلام
عله جروحك يمولاي السلام
****
يا غريب بنص قيودك والظلام اصبح وطن
دمعت عيونك اسيره والهوه اوياك انسجن
عندك آهات اشكبرها فوگ صدرك غيّمن
مو سنه وسنتين جرحك جرحك بگد الزمن
مِحِنْتك ما يوصفها الكلام
عله جروحك يمولاي السلام
****
يا سلام الله اعله گلبك الما حضه برحمة بشر
مو كأن جدك محمد اشماله وياك الدهر
النبي أيوب حتما حاشه گدك ما صبر
المحنتك يبن الزچيه ناح وانطر الحجر
سنينك عالحجر خلصت تنام
عله جروحك يمولاي السلام
****
دمعت احبابك جريه هاك اخذ كل الدمع
الليله من دون اليالي الك ونه تنسمع
فوگ ما بالظلمه عايش چبدك بسم ينگطع
حگها لگلوب المصابك يبن جعفر تنفجع
الك دمعتنه يا سابع امام
عله جروحك يمولاي السلام
****
دم چبدتك يبن جعفر ويه الدموع انمزج
ضاگت الوسعه وقرارك تلتقي برب الحجج
بيوم جمعه الشيعه تنطر وفرفحت كل المهج
من كثر ما محنه شايف موتك اتسمي فرج
جسر بغداد ياموسى الختام
عله جروحك يمولاي السلام
****
موعدك محد يخلفه للجسر كلها اعتنت
ما لگوك احبابك انته منطرح نعشك لگت
ويه دمعات الغياره السمه كلها بچت
ميت ولابس قيودك شمسك اهناك انطفت
عله جسرك مدامعها ازدحام
عله جروحك يمولاي السلام
****
الشاعر اياد الديراوي
تهيئو للصلاه يرحمكم الله. اللهم صل على محمد وال محمد
Читать полностью…
أجيــت لمــرقدك يا سيــدي بلهـفه
وأدري كل عليل بحضرتـــك يشفه
أجيت لمــرقدك وهمـومي مــــا تنعـد
أجـيت ودمعــي لمصابك يهل عالخـد
أذا مـــا جيــك ألمن سيــدي المقصـد
أروحاً ويــن كثـره أجروحــي وكلفــه
كلفـــه أجــروحي بيهن معتـني لبابــك
وتطيب أجِروحي والله بشمت أعتابك
يديـــوان الكــرم يمعـــزب أحـبابـــك
وكـل محــتاج ألك لازم يمــــد چـفـــه
كـــل محتاج لـــو جــار الزمان آويــاه
يگصــد حضـرتك يشكيــلك مــن ألاه
ولبابــك يمـد يــا أبــو الرضــا يمنــاه
وي مـــدت يمينــه مدمعــه يــذرفـــه
يذرف مـــو دمــع لا يـذرف أبروحــه
وي دمــع اليسيل أجروحه مسفوحه
يــا أعظم طبيب وتنظـــر أجروحــه
طبيبه أنته وعلاجه ومرقدك وصفه
وصفه أنته وتطيب كل شخص معلول
وتطيب ألي يجيـك بعلتـــه والمشلـول
وأجيت أبلوعتي يا أبو الرضا شتكــول
عجـز كـــل طـــب علينه وطبك نعرفـه
طبك سيدي كــــل طــــب عجـز عنـــه
النبي عيسى أبن مريم والله أخذ منـه
أظل أنخــاك لا مـــــا أگطــــع الضنـــه
ظامــي وأطلبك يــــا سيدي أبرشفــه
رشفــــه أبسلسبيلك روحـــي تحييهه
ونظــــره لروحي مــا يبقه جـرح بيهه
علتي شما تطــــول أنتــــه التداويهـه
وجرح گلبي بحضرتك ينگطـع نزفــه
*
الشاعر
موسى البديري
ما يخيب الي كصد بابك
كل وكت تستقبل احبابك
......
اربعه وعشرين ساعه عامرات ادلالك
سفرتك ممدودة ياكل بيها كلمن جالك
طبعك اتعزب ضيوفك يمنتك وشمالك
مثل ابو فاضل سخائك قله من امثالك
رفعه للراس انت وانسابك
.....
الله جاعلك مقام الوادم ايكصدولة
الدعاء بي مستجاب الدمعه بي مقبوله
مثل زاير بيت الله زايرك يمشوله
حجه مقبوله يزاير ربعها ايكلوله
طاهر انت وطاهر اترابك
......
انت باب الكل حوائج واضحات اعلومه
ماكصد مهموم بابك الا تجلي اهمومه
الطايح ابشده ويندبك تنكظي من يومه
لوحه انسانيه انت بكل عصر مرسومة
صفحه بيضه واضح اكتابك
.......
كلمن اتعنه المزارك حقق الي يريده
لو طلب مفتاح باب الجنه ياخذ بيده
الله ناطيلك كرامه ما نطاها اعبيدة
يشفه كل معلول يمك هايه موش بعيدة
يمشي المكرم على اعتابك
.....
موسى ياباب المراد المايرد خطارة
الليله متعنين اجينه الحضرتك بزيارة
ندعي ربنا ايعجلنه في فرج مختارة
ابجاهك ابجاه الجواد ارد بدينه ابشاره
انحلفك أبسجنك أوبمصابك
......
الحمد الله رب العالمين
اللهم صل على محمد وال محمد
موسى الخادم
الســـــلامُ علــى الـكــــفِ المـقيـــد
الســـــلامُ علــى القــلـــبٍ المـسهـد
*
أبدمعــة أعيونـي ألك ابــدي سلامـي
لچفــك وگيــــده اونـن يـــا إمــامـــي
أبسجــن اظلم يــا ابن خيــر الانامـي
نوركَ الوضــاءُ رغمــاً قــــد تــوقـــد
*
مــن مطامير السجـن نــورك تــلالــه
رغم أهــل الجور وأصحــاب الظلاله
هيــچ ربــــك راد سبحانــه وتعـالــى
نـــورُ وجـــه الله فيـــكَ قــد تجسـد
*
ابچفــك الأغـلال صلــت والسـلاسل
وابتهــالك سيــدي للبـاري واصــل
رغــم كــل الجـور چـان البيك نـازل
تُــرعـــبُ الطاغــوتَ حيــنَ تتهجــد
*
صاغ رب الكون مــن سجنـــك مناره
وگصدتــك يــا سيـدي العــالم زيــاره
أبابـــك أتنـاجي أبدمــع كـل الحيـاره
بابُــكَ للعـــرشِ حتمـــاً هــــو يمتـــد
*
صــار گيـدك سيــدي مــن الله حضـره
وجسرك اصبح للجنان الخضره عبـره
ويـن ذاك الطاغي شــو محــد يذكــره
ذكــــرُكَ البـــاقـــيُ دومـــاً يتــــردد
*
أسـد بغــداد أصبحــت تــاج آلها انـته
الدنيا ظلمه ومرقدك شمـس الله شفته
ضامي جيت ومــرقدك ماي ورشفته
ارتــــوي عشقــاً وحــبـــاً أتـــوقــــد
*
الشاعر
موسى البديري
تسبيح جبرائيل عليه السلام
سبحان الدائم القائم
سبحان القائم الدائم
سبحان الله وبحمده
سبحان الله الملك القدوس
سبحان الله رب الملائكة والروح
سبحان العلي الأعلى
سبحانه وتعالى
من قاله كل يوم لم يمت حتى يرى مقعده في الجنة🌱
📚 ضياء الصالحين
▪️يطاموره الدمع جاري
اذكرج تلتهب ناري▪️
ــــــــــــــــــــــــــــــــــــــــــــــــــــــــ
سجين الصبر
سجنك وعذابه يشبه الخرابه الزينبيه
اجنازتك عجيبه امسلسله وغريبه وهم سبيه
عالجسر عالجسر وي شيعتك تتلاگه
عالجسر عالجسر بس زينب أعله الناگه
ـــــــــــــــــــــــــــــــــــــــــ
گاعد ابسجن الصبر
السندي هم ثاني شمر
وخلّصت كـل العمر تبچي عالشام
عايش احساس السبي
وماحمل صبرك نبي
الجسر تل الزينبي نفس الالام
مثل زينب تنضرب
امگيد ابگيد الغرب
وتشتعل وسط الگلب نار الاخيام
بالبچي وسجودك ذوّبت قيـودك وانته صابر
والحسين اخوهه جثته وذروهه بالحوافر
والحبل والحبل محّد يفك اشباگه
عالجسر عالجسر بس زينب أعله الناگه
ـــــــــــــــــــــــــــــــــــــــــ
ياامام الرافضه
حاضرك چان الرضه
جفن عينك غمضه وسبّل ايديك
نقص ماكو ابجثتك
واجت يمك شيعتك
فقط جانت جبدتك هيّه تـاذيك
نعم ساگك منحفر
امرضرض وتحمل كسر
وانخسف ظَهر الجسر سيدي اعليك
لاكن المصيبه الجثته خضيبه ابدم وريده
والعليل اجاله بالحصيره شاله ولمه بيده
أعترف أعترف معصومه الك مشتاگه
عالجسر عالجسر بس زينب أعله الناگه
ـــــــــــــــــــــــــــــــــــــــــ
منك ارجو المعذره
اخمسطعش عامك تره
تنحسب عثرة مره اگبال الاجناب
اي نعم جوه الارض
تهمه فرضوهه فرض
والسلاسل من ترض تذكر الباب
ذيچ معصومه ابستر
مامشت وي الشمر
لاكن ابنص القصر ام الاحجاب
كثرت البواچي احتارت المحاچي عن رقيّه
والطشت يموسه اتشبگه لو تبوسه طفله هيّه
وبالگلب بالگلب جرح الابو وافراگه
عالجسر عالجسر بس زينب أعله الناگه
ـــــــــــــــــــــــــــــــــــــــــ
انته ماميّت عطش
وزينب ابليل اهدعش
گامت اتدور نعش اتشيل اخوهه
والشمر سوطه صلف
بالظهر يخسف خسف
لا گرايب لا عرف وتنخه ابوهه
شاهدت گطع الرؤوس
وخيـل عالقتله تدوس
حگهه صلت من جلوس تعبوهه
اتنادي يابو فاضل طاحت المحامل يااملنه
ضيجه والله ضيجه وبالخيم حريجه إلحگ إلنه
عالحرم عالحرم يالغيرتك سبّاگه
عالجسر عالجسر بس زينب أعله الناگه
ـــــــــــــــــــــــــــــــــــــــــ
يااسد بغداد الك
بالحزن ضج الفلك
والرشيد القاتلك انتهه وراح
السلسلات اتحولن
اعلوگ يمّك خضّرن
عالضريح اتعلگن ورد قدّاح
بس أسألك هالسؤال
هم بتت فوگ الرمال
يالقيودك والحبال ايذوبن ارواح
سجدتك طويله وعمتك العقيله ونهه طول
دمعتك غزيره وزينب الاميره صعدت التل
وانچوت وانچوت شمس الظُهـر حراگه
عالجسر عالجسر بس زينب أعله الناگه
ـــــــــــــــــــــــــــــــــــــــــ
خلي بابك ينغلق
الله ودّالك رزق
سوّه الك حضرة عشق والمنارات
خلي تابوتك غريب
الله سوّاك الطبيب
الدعوة الوادم مجيب وتقضي حاجات
شمس متطب بالحبس
هايه چـانت بالامس
اليوم گبتك كالشمس بالسمـوات
شيعتك تـزورك وشحلاته نورك ضاوي يبقه
الله رحمه جابك وبوجهنه بابك ماتغلقه
والگلب والگلب يمّك تحوم اشواگه
عالجسر عالجسر بس زينب أعله الناگه
محمد الجماسي
دعاء الحفظ من كل مكروه✨
بسم الله خير الأسماء , بسم الله رب الأرض والسماء , بسم الله الذي لايضر مع اسمه سم ولا داء ،،
بسم الله أصبحت وأمسيت وعلى الله توكلت , بسم الله على قلبي ونفسي , بسم الله على ديني وعقلي ،،
بسم الله على أهلي ومالي , بسم الله على ما أعطاني ربي ،،
بسم الله الذي لايضر مع اسمه شيئ في الأرض ولا في السماء وهو السميع العليم ،،
الله الله ربي لا أُشرك به شيئا , الله أكبر الله أكبر أعز وأجل مما أخاف وأحذر ،،
عزّ جارك وجل ثناؤك ولا إله غيرك اللهم إني أعوذ بك من شر نفسي ،،
ومن شر كل سلطان شديد ، ومن شر كل شيطان مريد , ومن شر كل جبّار عنيد ،،
ومن شر قضاء السوء ومن شر كل دابة أنت أخذ بناصيتها ،،
إنك على صراط مستقيم وأنت على كل شيئ حفيظ إن ولي الله الذي نزّل الكتاب وهو يتولى الصالحين ،،
فإن تولوا فقل حسبي الله لا إله إلا هو عليه توكلت , وهو رب العرش العظيم , والحمد لله رب العالمين،،
🍂🍃🍂
💥💥حصنت ( نفسي وأهلي وأحبتي )بمدينة لا إله إلا الله ومحمد سقفها وعلي بابها والحسن والحسين جدرانها وفاطمة قفلها وجبرائيل مفتاحها..الَلَھـﻤم حَصَنْ عائلَتَيَ وَنْفَسَيَ وَأْحِبَتِيْ بَحَصَنْك آلَحَصَيَنْ وَحَبَلَك الَمِتَيَنْ من كيد آلَكائدين وَحَـسَدَ آلَحَاسََـدَيَنْ وَ سََحَـرَ الَسَاحَرَيَنْ وَ ظَلَـم آلَظَالَمِيَنْ وَعبث آلَـعابَثَيَـنْ وَتَسََلَـطَ وَتَلَبَسََ آلَجَن ْوَآلَشَيَاطَيَـن. ْ
" بسم الله الرحمن الرحيم لا إله إلا الله بيني وبين أعدائي ، لا إله إلا الله بيني وبين خصائمي جبلاً حائلاً وسداً مانعاً وستراً محجوباً وسيفاً قاطعاً وناراً محرقة وبحرأً عميقاً لا يصلون اليّ لا بقول ولا بفعل ولا بسوء من هذا اليوم الى غد ، والى الأبد ، ( فَسَيَكْفِيكَهُمُ اللّهُ وَهُوَ السّمِيعُ العَلِيمُ)
بـالمنيــه يـــــا گــمـــر
ردتــك لنعشي أتحضر
يــا أبو فاضــل يــا أبو فاضــل
♠♠♠♠♠
يــا گمــر تحضـرني ريتــك بالمـنيـه
تشيــل نعــش العذبتهـا الغاضـريــه
صعبـه نعـش الحـره من يبگه رميـه
غـريبـه حتى من جاني الأجل
غـريبـه مـن بعدكم يـا الأهــل
غـريبـه ودمــع المفــارگ همل
يــا أبو فاضــل يــا أبو فاضـل
♠♠♠♠♠
ويــاكم ابطف كربلــه أتمنـيته مـوتي
وحشــه نعشي لو طلع وبلايا إخـوتي
خويــه انادي وينكسر بالعبره صـوتي
هضيمه لنعشي ما واحد حضر
هضيمه لموتي واشعر بالخطـر
هضيمه بغــربه اموتن يا الگمر
يــا أبو فاضــل يــا أبو فاضــل
♠♠♠♠♠
خويه چانــت أمنيـه ابگلــب العقيلـه
يمــي تحضــر والدمـع عالخد تسيـله
چفـــك لنعشــي يبـو فــاضــل يشيله
حسافه چفــك الهيبـه انگطــع
حسافه خويه عالشاطي وگـع
حسافه نعشي مـن غيرك طلع
يــا أبو فاضــل يــا أبو فاضــل
♠♠♠♠♠
خويه سهم حسين مطبوع أبدليلي
بعاشر أمصـابه هدم يالغالي حيلي
لحـد منيتي منــه اصـــرخ آ يويلي
رماني ىخويه سهم النـــايبه
رماني ونــاره ظلــت لاهبــه
رماني ىورحت بعده امسلبه
يــا أبو فاضــل يــا أبو فاضــل
♠♠♠♠♠
خويه مرسومه أعلى دلالي الفجيعــه
يــوم طاحن خويــه چفيــنك گطيـعه
طاح گلبي وياك خويه أعلى الشريعه
منيتي ريت اجتني ابطيحتك
منيتي يـــوم طبـرو هــامتــك
منيتي هســه اجتنــي بغيبتـك
يــا أبو فاضــل يــا أبو فاضــل
♠♠♠♠♠
چانــت أمنيتي النعش انتــه التحـمله
ودمعك أعلى افراگي يا خـويه تهمـله
وأعليه ظهـرك ينكسـر گـــوه تعــدلــه
حسافه بالغـرب جسمـي نحـل
حسافه نعشي يمشي بلا أهـل
حسافه مـات وي مـوتي الأمل
يــا أبو فاضــل يــا أبو فاضــل
♠♠♠♠♠
الشاعر
موسى البديري
وفقيني هاي اسنه اتعناج وفقيني
تدريني مشتاك ازورج والله تدريني
الزيارتج حن الكلب
يالساكنه بديرت غرب
حطيني دمعه على بابج غاد حطيني
واويلاه يازينب
ـــــــــــــــــــــــــــــــــــــــــــــــــــــــــــــــــــــ
مابيه اصبر بعد مولاتي مابيه
يوميه كلبي يكتله الشوك يوميه
ادعيلي مولاتي ارد اجي
ويمج اموت من البجي
مسبيه اتمنيت روحي وياج مسبيه
واويلاه يازينب
ــــــــــــــــــــــــــــــــــــــــــــــــــــــــــــــــــــــ
مازاير ليش انه باقي الهسه مازاير
والخاطر ربعي مشت وانه اكسر الخاطر
يمته انرزق بزيارتج
يالموتتني غربتج
للعاشر دمعه بضريحج ابجي للعاشر
واويلاه يازينب
ــــــــــــــــــــــــــــــــــــــــــــــــــــــــــــــــــــــ
ملهوفه روحي الضريحج حيل ملهوفه
اجفوفه كلبي اجالج ماد اجفوف
محلفج انا بكسر الضلع
ماريد منج بس دمع
ومعروفه انتي الكريمه هواي معروفه
واويلاه يازينب
ــــــــــــــــــــــــــــــــــــــــــــــــــــــــــــــــــــــ
موزينه وياج حيل الدينه موزينه
متعبينه اليم مرقدج كلبج متعبينه
تمنينه يا ام الهلا
كبرج يصير بكربله
اتمنينه يم اخوتج كبرج تمنينه
واويلاه يازينب
ــــــــــــــــــــــــــــــــــــــــــــــــــــــــــــــــــــــ
مشكوره يم اعون والله اهواي مشكوره
مشكوره مــــــولاتي ماقصرتي مشكوره
من أرض العراق وجيتلج
بدمــــــوعي رايد اوصلج
مكسوره روحي الغربتج حيل مكسوره
واويلاه يازينب
ــــــــــــــــــــــــــــــــــــــــــــــــــــــــــــــــــــــ
عذرينه هاي السنه مانجي عذرينه
عذرينه يم عوان والله هوايه عذرينه
والله يا ام الخدر
ازيارتج تسوه العمر
ماذينه جرح الفراك هواي ماذينه
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
رساله امن الگلب للغاضريه
ماتت زينب ابهاي المسيه
أَما تحضر جنازتها يعباس ؟
بالشام او نعشها عافته الناس .
يا راعي الكفاله يا راعي الكفاله
_____
الى حظرة أمير الماي عباس إِلى سيّد الغِيره
أَمّا بعدو اختك لفضت اليوم حسرتها الاخيره
ماتت والالم ينخر بل اعظام او يا حيرتها حيره
ما ماتت عزيزه ابين الاخوان لا .. ماتت اسيره
عله افراش المنيه ايصب دمعها
تردد بسمك او محد سمعها
تگلك يابو فاضل كافي الاغياب
تعال الليله وسدني اعله التراب
يا راعي الكفاله يا راعي الكفاله
_____
نوديلك رساله تدمي الگلوب يا كافل ضعنها
زينب موتاها الشام مرتين والمهجه سحنها
احبال او هزل واسياط واجروح هذن ما موتنها
كتلتها الشماته او ذيچ العيون ابحقد وايناظرنها
ينشدون او عماده ايسمّعوها
هل علويه شو ما جاها اخوها
مو گالو عندها اسبعـ طعش حيد
زينب تنتظر بس واحد تريد
يا راعي الكفاله يا راعي الكفاله
_____
غريبه ابين ناس الموش اجاويد تنازعها المنيه
تدير العين مامش يمها خوان يا حامي الحميه
گامت تنعه وين انت يعباس ما تلحگ عليه
تعال ابرايتك غطيني عباس او سبلهن اديه
تعال او خن تباصر وحده وحده
الميت مو يوسدونه اعله خده
ياهو الي يوسدني اعله اتراب
او ناس اليمي ما تخجل بل اعتاب
يا راعي الكفاله يا راعي الكفاله
_____
حِملت اجروح يابو اجروح والله من يوم العفتني
أسيره او بيه دارو بين الابيوت او لا ديره احشمتني
وصلت الشام ريت اتشوفها الشام كيف استقبلتني
كلمن تارس ايده احجار وايريد كون ايلوح متني
اشاگف مدري احتار ابدمعتي
متدري اشگد يفرحون ابحسرتي
اعرضونه ابسوگهم للرايد ايشوف
او ناس اتدگ طبول او ناس بدفوف
يا راعي الكفاله يا راعي الكفاله
_____
اخير انفاسها اتناشد يعباس عليمن ما تجيني
گبل موتي تعال احچيلك اجروح منها انعمت عيني
من طبيت قصر ايزيد بحبال مچتوفات اديني
او يگلي انتي الگبل ما شافتچ ناس زينب جاوبيني
چا وين الخدر ها يل أميره؟
يدري كافلچ جابوچ اسيره ؟
لنه ايريد بينه يشري وايبيع
گطع گلبي يا عباس تگطيع
يا راعي الكفاله يا راعي الكفاله
_____
كل هاذه او گلت عباس معذور للشام اشيجيبه
بس هل ليله گوم ابجاه الحسين آنه اختك غريبه
اريد ابين ادينك روحي اتموت يل طاهر حليبه
لتشمت الناس ابزينب اردود واتزيد المصيبه
اريد اجنازتي انت اتحضرها
او تگول الزينب آنه احفر گبرها
جيب اوياك تربه من الحسين
اريد اشتمه واغفه وانسه الاونين
يا راعي الكفاله يا راعي الكفاله
_____
ابو فاطمة الطائي
الســـــــلامُ علـــى قــبــــرِ العقــيلــه
****
مــن البعد يم الحـــزن ابعـــث سلامي
مختنـــگ بالعبـــره ومكســـر كــــلامي
من انظر اسمچ والله من بين الاسامي
دمـــع عيني مـــن الجفن رغمــا اسيله
****
اليــوم يـــا عظمه مصابچ والـــرزيه
جـــدد احـــزان المحــب بالغـاضريه
اليـــوم كــل مشتــاگ ينصبلج عزيه
وابد مـــا يهجع الـــ0 ونــه وعويله
****
اليوم مـــاتت زينب وموحش محلها
بغربـــه غمضت عينها وابعــاد اهلها
شگــد تمنــت لـــوعدل خيها الكفلها
وگبـــل موتتـــها يجيــها وتشتكيله
****
اتيتم اليــوم الحـزن كله ويــه زينــب
والصــبر مل وعلـــى وحشــتها ينحب
چم اخــو نظرتلــه عالغبــره تخضــب
ويــاهــو بالطف حــارت الــي تعتنيله
****
اليــوم مــاتت زينـــب الحـره الاميـره
عاشت لهل اليـــوم بأحساس الاسيره
زينـب لهــذا الوكــت حــيرتها حــيره
چن نعشها اليــوم ظــل محـد يشـيله
****
يــا گلبها الما طفــت للســـاعه نــاره
لا خـــــدّم يمــها اتعــنــت للــزيــاره
ابعاد عنها الشيــعه بس ظلوا حيـاره
شوكت يجلي المهدي الهموم الثجيله
****
الشاعر
موسى البديري
زينب اذكروهه بنياحه
ماتت قهر مامستراحه
سلام الله عله الماعدهه خوان
...................
عاشت بالدلال بطول الايام
اميره بجال اهلهه بفيهم تنام
شافت من بعدهم كل الالام
تچوت بالجمر من نار الخيام
من غابو الوليان عنهه
كام الشمر يحدي بضعنهه
شتحمل والگلب بي تشب نيران
سلام الله عله الماعدهه خوان
..................
ويه اخوتهه ابد مادمعت العين
داير مايدور اعليهه الثنين
عشيره وياهه تمشي الكمر وحسين
خذوهه الكربله مو للدواوين
لا مادرو بالهاشميه
من طبت الديوان اميه
لهسه من الحبل بيديهه نيشان
سلام الله عله الماعدهه خوان
..................
مو بس مره ماتت زينب هواي
ماتت من مشه العباس للماي
كصدله حسين يحچي وياه بهداي
زينب منتضرتك ترجع وياي
رد الهه محني وتجري عينه
گلهه الكمر راح امن ادينه
قليله شما نسولف بيهه الاحزان
سلام الله عله الماعدهه خوان
..................
المنظر عله زينب والله ميلوك
من شدو اديهه وصعدت النوك
طرت قافلتهه بزحمت السوك
ومن المستحه ماصدت الفوك
بالحجر هل وادم ولوهه
وضلت تصد الراس اخوهه
اشفافه مفطره ومذبوح عطشان
سلام الله عله الماعدهه خوان
...................
درب اليسر مابي بس معانات
حار الرمل شبعت منه جويات
غريبه والمشو وياهه شمات
بخرابه ياهضيمه زينب تبات
ماغمضت عين بخرابه
وياهه الغرب مامش كرابه
وهيه ام الستر للستر عنوان
سلام الله عله الماعدهه خوان
...................
جرح خله بكلبهه الحزن والنوح
وماينفع دوه للكلبه مجروح
زينب بس جسد ضلت بلا روح
من شافت اخوهه حسين مذبوح
من يوم عاشر والاجلهه
تبجي وتون لمصاب اهلهه
رادت واحد امن اخوتهه دفان
سلام الله عله الماعدهه خوان
محمد هادي العقابي