834
Haitham Al-Lami
سورة الشمس صدقة نيابة عن صاحب الزمان لحفظه و لسلامته أهديها لأمي فاطمة الزهراء (عليها السلام)💙
بِسْمِ اللَّهِ الرَّحْمَنِ الرَّحِيمِ
وَالشَّمْسِ وَضُحَاهَا (1) وَالْقَمَرِ إِذَا تَلَاهَا (2) وَالنَّهَارِ إِذَا جَلَّاهَا (3) وَاللَّيْلِ إِذَا يَغْشَاهَا (4) وَالسَّمَاءِ وَمَا بَنَاهَا (5) وَالْأَرْضِ وَمَا طَحَاهَا (6) وَنَفْسٍ وَمَا سَوَّاهَا (7) فَأَلْهَمَهَا فُجُورَهَا وَتَقْوَاهَا (8) قَدْ أَفْلَحَ مَنْ زَكَّاهَا (9) وَقَدْ خَابَ مَنْ دَسَّاهَا (10) كَذَّبَتْ ثَمُودُ بِطَغْوَاهَا (11) إِذِ انْبَعَثَ أَشْقَاهَا (12) فَقَالَ لَهُمْ رَسُولُ اللَّهِ نَاقَةَ اللَّهِ وَسُقْيَاهَا (13) فَكَذَّبُوهُ فَعَقَرُوهَا فَدَمْدَمَ عَلَيْهِمْ رَبُّهُمْ بِذَنْبِهِمْ فَسَوَّاهَا (14) وَلَا يَخَافُ عُقْبَاهَا (15)
الزيارة المُختصرة لصاحب الأمر 💙
بسم الله الرحمن الرحيم
السلام عليك يا صاحب الزمان السلام عليك يا خليفة الرحمـٰن السلام عليك يا شريك القران السلام عليك يا قاطع البرهان السلام عليك يا امام الانس والجان السلام عليك وعلى ابائك الطيبين واجدادك الطاهرين المعصومين ورحمة الله وبركاته
اللهم صل على محمد وآل محمد وعجل الفرج والعافية والنصر والتمكين والتأييد لهم 🕊
واظبوا على هذه الزيارة فإنها تصنعُ العجائب🌹❤️
نزال للسيدة زينب نخاطب به الامويين الجدد..
كلشي الزينب يهون .. كلشي الزينب يهون
..............
لجل العقيله الروح ننطي واكثر
هذا العهد مختوم بعالم الذَر
لو رِدنه والله نعيد بيكم خيبر
والدنيه كلهه تدري احنه نِكدر
يَمنه تموت الظنُون .. كلشي الزينب يهون
..............
يآل أميه الغيره عِدنه بركان
بس شيعي يحملهه ويموت الانسان
ذِكرو الجمل صفين عوفو النسيان
جدكم نزع الهدوم مو هذا الجان
والعاد هذا مجنون .. كلشي الزينب يهون
..............
بيدينه نكلبهه ونِرد نعدلهه
اكبر عُكَد بالدنيه احنه نحلهه
لزينب فِزعنه بغيره من كافلهه
بس راد ربك صَبر ويأجلهه
الروح نِنطي وعيون .. كلشي الزينب يهون
..............
لو قَطَّعو أَرجُلَنا واليَدَين
فِدوات كلهه والله اي لِخت حسين
غصبن عليهم كُبَّه تِترس كل عين
مايختلف عالشيعي لو كال اثنين
بجدمه يِسحَك الدُون .. كلشي الزينب يهون
..............
كلب الاسد عدنه ودريتو بهالحال
شنهو اميه ان جان كد الجبال
صحنه (علي) ومنكم يظل لِخيَال
والحيل كام ويه الجِدَم مابي شَال
جَدكُم بداهه ايخون .. كلشي الزينب يهون
..............
مابيكم اي حظ وفِزَعنَه وشِفنَه
حكنه نُوَفِي بيوم ابد ما عِفنَه
لو بس نِفَكِر انته حَضِّر الدَفنَه
احنه النِخّوِف الموت لا ماخِفنَه
عهد الزينب انصون .. كلشي الزينب يهون
..............
آخر حجايه وياك آنه احجيهه
شما تِشعِل من النار آنه اطفيه
بس أَمُر آل أميه اي نمحيهه
بالكتب بس (جان) التظل تلكيهه
ياجف ردتو تِلوون .. كلشي الزينب يهون
..............
ابو مريم الاسدي ..
7/1/2024 ..
وحشه مرقدچ ما يَمَّه مشايه
لا موكب عزاء السنه ولا رايه
شيريد الدهر منچ یعلویه
تره مره انسبیتي وماهي يوميه
ابگبرچ والعِدَه ايريدوچ مَسبیه
مو هايه التلوگ اعليچ مو هايه
ذكرى ومن تمر چانت يبت حيدر
زوار ومواكب كلهه تتحظر
يامَحله الخَدَم يم مرقدچ تفتر
وابصوت النحيب اتضج الولايه
يامَحله المواكب من تطب الشام
هلا ابزوار زينب تصرخ الخِدَّام
صدگ رَدِّينه نقره الدنيه هاي ايام
واحنه اهل الجرح تلچمنه الحچايه
إلچ لا ما تجف دمعة بواچينه
ومن هذا الجرح مايوم مَلِّينه
تضل طول الوكت هالجمره تچوينه
وحگ العالفرات وماشرب مايه
وحگ حيدر أبوچ وفاطمه أمِّچ
عليچ ابعاد بس اگلوبنه يَمِّچ
يالحزنچ حِزِنَّه وهمنه من هَمِّچ
ذكرچ حاظر ابكل عَزَه واقرايه
مادام النَفَس بينه نضل اوياچ
ننسه الدنيا كلهه وإنتي ماننساچ
عاهدناچ يابت علي عاهدناچ
وخدامچ تضل مولاتي وفايه..
سيد علي الموسوي
/channel/rdeaa
نبض دلالي...علي يالغالي
هويته وأفتخر لمن هويته
وگلبي ابحبه تتصدق هويته
أصيح الما يحب نهجه هوه ايتيه
وفاز الحب علي حامي الحميه
ابفرحتي ونوحي
اشوفه ابروحي
طبيب اجروحي
(واليته وافخر واليته)
العشگ يحلالي...علي يالغالي
أحس ابمرقده ابگلبي مدينه
تضل روحي لبو الحمله مدينه
موش اچفوفنه الليله مدينه
نمد ارواحنه ابهاي المسيه
الحفل عنوانه
علي مولانه
زهت دنيانه
(والينه ميلاده الليله)
الفرح يبرالي...علي يالغالي
شموع الفرحه هالليله وجينه
جبنه الشوگ ويانه وجينه
حظره محفله اتحوَّل وجَنَّه
بسم المرتضى الليله زهيه
الگلب كالعاده
ابخبر ميلاده
ينول امراده
(هالليله فرحه الخدامه)
يشاغل بالي...علي يالغالي
كلمن روحه بالمولد سعيده
ربك لابد ايسجل سعي ايده
لخير انفاسي هالمقطع سعيده
اضل اهوه علي الحد المنيه
يطيب احساسي
يرفعة راسي
لخير انفاسي
(محبوبي وحبك يحييني)
يصوتي العالي...علي يالغالي
يمولاي والك نحظر وعدنه
غيرك ابد ما إلنه وعدنه
نريدك تحظر ابساعة وعدنه
وشفاعه انريد يم رب البريه
ينور اگلوبنه
امان ادروبنه
تضل محبوبنه
(من حگنه ابحبك نتباهه)
عقدت امالي...علي يالغالي..
سيد علي الموسوي
مــرقــدي خــالــي
ويــنــه ڪــفــالـي ... مـصيبه
ويـــن خـــدامـــي
رجــعــت ايـامـي ... غـريـبـه
خـاف گـبـري يـنـهـدم
خـاف وردود انــشـتـم
غــريــبــه *** غــريــبــه
.................................
رجــع بــيـه وڪــتـي لـــلالام
رجـع يـكره اسمي هوه الشام
غـريـبـه و بـگــتـلـي الحيطان
و لايـــمـي زواري هـــل عــام
لا اخـــو يــمــي
ڪل ولـد عـمـي ... بـعـيده
يـا خـلـگ صعبه
گـبـري بـلــغـربه ... وحـيده
آه مـــهـــدوم الـــعــزم
خـاف و ردود انـشـــتـم
🎍🎍🎍🎍🎍🎍🎍
ضـريـحـي وسـافـه يـطـبـون
يڪرهون يم گـبري يحچون
رجـعـنـا و رجـع يـحـكم يزيد
يشتمون ابـويه و يضـحكون
خـوفـي يـسـبـوني
لا تـــعــــوفـــونــي ... يـخـوتـي
لـــو وگـــع گــبــري
يــنــســلـب خـدري ... يـمـوتـي
راح مـــتــنـي يــلـــچـم
خـاف و ردود انــشـتـم
🎍🎍🎍🎍🎍🎍🎍
يـسـئـلـوني ويـن الگـمر ويـن
يـريـدوهـا يـسـبوني مـرتـين
و الـسـياط بـعـدهن عالـمـون
و لا بـيـه حــيـل الـــدواويــن
مــتـونـي مـجـروحه
عـيـنـي مـشــبـوحـه ... عليڪم
مــا تـــلــحـــگــولــي
دمــعـتـي بــطــولـي ... عليڪم
لـيـش تــسـبـنـي الـزلـم
خـاف و ردود انــشـتـم
🎍🎍🎍🎍🎍🎍🎍
بـعـدهـي بـدلـيـلـي تـشب نار
يـطـلبـوني بـيـش الخـلگ ثار
الـسبـلب صاح لسالب للخيام
حــضــرتـي و لا بــيــهــا زوار
بـالـگـلــب لـچـمـه
تـڪـتـل الـضـلمـه ... بضريحي
عــلــدرب عــيـنـي
مـتـانـيـه حـسيني ... ذبـيـحـي
نــاس مـا بــيــهـم شـهـم
خـــاف و ردود انـشـتـم
🎍🎍🎍🎍🎍🎍🎍
و فـاتي الـخـدم ما يحضرون
و لا يمي موڪب يخدومون
غـريـبـه الـهـضـمـنـي بـغربتي
و لا يـمـي خـدام يــنـوحـون
بـالــغـــرب روحي
تـنـزف جــروحـي ... هضـيمه
تــرجــف الــگــبـه
عـايــشـه بــغـربـه ... غـريـبه
حـيـف يـربـات الــشـيـم
خـاف و ردود انــشـتـم
...................................
#الشاعر_علاء_عبدالحسين_الكربلائي
يادهر أرحـــــــــــم أبحالي
وحــدي ماضل عندي غالي
زينب اني الهاشميه ــــ يادهر لتضن سبيه
@@@@@@
انه بت الكرامــــــــــــه والاكابر
انه بنت الصكَركم علي صاكَـــر
انه اخت المنتصر بدم المناحر
وسبع الدنيا أخوي ومو كَناطر
والدي بأســـمه السلامه
وأخوتي اسيوف الكرامه
وأمي الزهره الزجيه ــــ يادهر لتضن سبيه
@@@@@@
سبيتوني وأديـــــــه بالسلاسل
اذا ادعي اخـــلي العالي سافل
لجل دين الله أخوتي بالمقاتل
ماتو وأنتصر دم عالبـــــــواسل
الله لو رايد نصرهـــم
جا ضعفكم ماكَدرهم
ضحو بدم للقضيه ــــ يادهر لتضن سبيه
@@@@@@
أسمعهم لمن بأسمي يصيحون
حكَهم اني زينــــــــب مايصدكَون
وصارو زلم يمي بــــــس يخافون
بأسم عباس لــو صيحن يموتون
ميت وضل اسمه يرعب
وخافو اتناديله زينـــــــب
أصبر او علتي خفيه ــــ يادهر لتضن سبيه
@@@@@@
انه طول الدرب ضل راسي عالي
او عيني الماغفت عن الغوالي
تصد الروس أخوتي عالعوالي
أبسبيكم حره ابقه وما ابالي
عندي جيش ومو سبايه
والعليل اويانـــــــه رايـه
قائده ونفسي أبيه ــــ يادهر لتضن سبيه
@@@@@@
مشينه احرار ابد لتضن سبايه
أول بالضعن والكل ورايه
ومن عباس ضلت عندي رايه
السوط امتون طيح مو عبايه
طاحت امتون بضربنه
لا ولا طايـــــح سترنه
بينه ستر الله ونبيه ــــ يادهر لتضن سبيه
@@@@@@
رساله عندي اوصلها بقصركم
وأذلكم بالصبر وينه نصركم
عله صوتي وشفت واضح كسركم
ذكرنه الباقي او رايح ذكركم
باجر انصار العقيده
بكربله الصاير تعيده
وينمحي ذكر آل اميه ــــ يادهر لتضن سبيه
@@@@@@
الشاعر عايدعنادالعياشي
يا موت باريني
لحسين وديني
وينك تعال.... مات الدلال
..............................................................
مو عوايدهم اصيح وما يجون
امنيتي جف حسين اليغمض العيون
العدها اولاد بدفنها منكبين
واني ابني بكربلا دافنته عون
بحصيرة انلمة المطشر...... وضعني بيا بخت ينلم
النار السوط لو الحبال...... ..من ياهنه ارد اسلم
الروح... يمتى تروح..... وانسى جروح... غربتي
كون... هلي يشيعون.... وعلي يبجون.. بدفنتي
ال بطيف ما عفته
بالشام عاف اخته
بضيم الحبال...... مات الدلال
...............................................................
من يذبحون الكصب يردونه في
حجاية التنكال ما مروا علي
من السبي وجهي رسومة تغيرت
شوفوا جا الحبال شمسويه بأدي
اللحكوا يا بني هاشم....... موش ولام الي الديوان
الضلت تاكل بكلبي.... بسوگ يمر خدر عدنان
الفات.... ابد ما مات... شبعت شوغات.. بحياتي
وداع.. الماي انباع... وصنته الكاع.. بمماتي
يخواني لحكولي
شوي ماي جيبولي
كل حملي مال..... مات دلال
..................................................................
انكسر خاطر عيني من ذاك الصباح
اتصابح بوجه الشمر والكة الرماح
اخ يا عازة هلي ما تنحمل
لمن راحو حتى نوم عيوني راح
وصيت لعلي السجاد..... بهونك من تسد جفني
وهنتالله بمتن زينب....... بهيدة من تنزلني
الشام... يبوك احلام... ويضيع ايتام... سبيه
شوك... وكلب محروك.... وتعتنه النوك.. اذيه
يا راي ضل عندي
بالموت هم وحدي
حيرة وسؤال..... مات الدلال
..............................................................
الغربه رحلة وتاخذ دموعي متاع
زينب اسمي وعكب اخوتي اسمي ضاع
الوحشه نار وكلبي يابس بالربيع
بغربه موتي بلا اخوتي بلا وداع
بعين اخواني جنت اكعد..... هسه اكعد ع الترابه
ورمهن متوني السوط...... ما تنفظ هالطلابه
ليل... نار وخيل.. وماضل حيل.. مصيبه
رماح...وضعني راح... وكلبي طاح... غريبه
التهضمني يا موتي
من يشيل تابوتي
عشت بخيال..... مات الدلال
.........................................................
الموت راحة الشام يلجم جنه نار
جبيرة اني وتضحك اكبالي الزغار
فوك ضيم حبال اديه والسياط
مو هلا اتلكوني بالشام بحجار
هلي كافي وعلي كافي...... هجركم ميل اجتافي
هلي شلعان البكلبي...... لحكني حتى بأطيافي
وين... اخوي حسين... وضواها العين... كفيلي
موت.. والتابوت...... بلا زاتوت...... يجيلي
والروح ملجومة
من الشام وهمومة
يا حالي حال.... مات الدلال
................................................................
مرتضى عامر الشمري
"
أفضل عمل تفتتح به صباحك هو السلام على محمد وآل محمد
السلام عليك يا حبيب الله يا محمد بن عبد الله ؛ السلام عليك يا امين الله يا أمير المؤمنين ؛ السلام عليكِ يا بضعه المختار يا فاطمة الزهراء
السلام عليك يا ابا محمد يا حسن بن علي
السلام عليك يا ابا عبد الله الحسين
السلام عليك يا زين العابدين يا علي بن الحسين ؛ السلام عليك يا باقر العلم يا محمد بن علي ؛ السلام عليك يا صادق العتره يا جعفر بن محمد؛ السلام عليك يا كاظم الغيظ يا موسى بن جعفر
السلام عليك يا علي بن موسى يا أيها الرضا ؛ السلام عليك يا جواد اﻻئمه يا محمد بن علي ؛ السلام عليك يا علي بن محمد ايها الهادي ؛ السلام عليك يا حسن ابن علي أيها العسكري.
السلام على ال يس السلام عليك يا داعي الله ورباني اياته السلام عليك يا ابا صالح المهدي.
السلام عليك يا ابا الفضل وعلى اختك الحوراء زينب وعلى امك ام البنين
ورحمة الله عليكم وبركاته
- اللهم صل على محمد وآل محمد وعجل فرجه
(#قصيدة_منبرية_شوط_كربلائي)
العذر منچ يبت حيدر وفاتچ ماحضرناها
لگبرچ ماوصلنه ضروف يم اهلچ حييناها
-----------------
بدموع الهظم ننعاچ وخوچ حسين ناعيها
والكافل حضر عباس عليچ سهام يجريها
علتله انصب صيوان وخيام جروح نبنيها
كل شيعي هتف يم عون
شباب لأسمچ يضحون
ولعدهم نفس يسبون
گبرچ تاج ديرتهم وبيچ اعزاز تتباها
-----------
المواكب كل شعائرها حظرت والگلب جمره
ماتنزل دموع العين تنزف بالگلب عبره
غريبه الگال مانسمح الحره بكل وطن حره
ليچ بكل محب منزل
خدرچ بالگلب ينزل
بلانوگ وسبي وهزل
كلنه نموت مانهتم ارواح الكم فديناها
-----------
يرجز بسمچ الكافل اختي ومابعد تنظام
ارد اچفوفي لزنودي وسيفي للحرب محتام
اعيد الگنطره وخيبر وهدم كل قصور الشام
اختي بروحي كافلها
مايوصل تذل الها
وصية العود حاملها
وتضل حشود شيعتنه لهل ساعه ضخرناها
------------
كيد وأسعه ماتمحي ذكرنه بكل زمن ينعاد
كلتيها بوجه طاغوت خطبتچ كل حرف يزداد
وعلي السجاد لخصها نيشن بالطرد صياد
لاينفع سعي ولاكيد
نشيل من العليل الگيد
نسحگ كل ثنايه يزيد
بعيون الزلم ثارات وين الگال يدناها
----------------
نشكي للنبي فراگچ ومن جور اليمر بينه
بعيده ولكن تسكنين بنفسنه وكل معانينه
يلآهي بالفرج ننخاك عجل يوم مهدينه
يحاسب كل منعنه نزور
ويطلب ثار للمنحور
يقضي على الظلم والجور
وزحف تطلع مواكبنه بدرب الشام مسراها
---------------
🖊الشاعرالحسيني/زهير قاسم الغليمي
مولاتي زينب عليها السلام
صاحت بدمع المصيبه
لا تخلّوني غريبه
٠٠٠٠٠٠٠٠٠٠٠٠
هذه ايام الزيارة الزينبية
لا تخلوني احس چني سبية
وحشه يا زواري غيبتكم علية
آنه بنت المرتضى وامي الزجية
گلبي ما يخمد لهيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠
كل سنه تملون صحني يالغيارى
يمي تحيون المجالس والزياره
گلبي نار وبس دمعكم يطفي ناره
ياحلاة المجلس بصوت المناره
تحضر الزهره الحبيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠
آنه زينب لا تعوفوني وحيده
انتم اهلي وآنه عن اهلي بعيده
مجلس امي بمرقدي الليله اريده
بليلة مصابي تسمعوني قصيده
ما يذل راس النجيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠
گلبي يبرد من تجوني وروحي تروه
اشم ريحة كربله وعطر الأخوّه
لعطر ابواليمه الحبيب جروحي تهوه
وعطر ابوفاضل كفيلي الكلّه نخوه
منين ابوفاضل اجيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠
بكربله تمنيت موتي آخر انفاس
بين اخوي حسين گبري وبين عباس
آنه ما احمل بُعدهم والله يا ناس
قدري عالي بروس اخوتي ارفع الراس
جرحي ما ألگه طبيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حگي دم ابچي واضل ثَكلَه وحزينه
لا بقيت ابكربله ولا بالمدينه
شحال الايون ماكو من يسمع ونينه
واليموت بغربه ينسل من حنينه
اندفن وحدي عجيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠
زينب اني الماكو من طيبة حناني
حيل عذبني وجرح گلبي زماني
لديرة الشام بقهر رجعني ثاني
من مدينة جدي وخواني خذاني
والاخو يكتل مغيبه
لا تخلّوني غريبه
سيد زيد الفحام
/channel/rdeaa
عاشــرت اونيني
من زغر اسنيني
ونه خمس اعــــــــــــــــوام
من يوم العصره
حسره اتجر حسره
حد يوم الــــــــــــــــــــشام
ــــــــــــــــــــــــــــــــــــــــ
ابتدي ابيوم الـــــولاده طه حط خده اعله خدي
عمري يوم ومن نظرني ابحرگه ظل يبچيلي جدي
امي مدهوشه وتسأله والنبي ايگـــــللـها بعدي
اگبالها ايذبحون اخوها وعلــ هزل مسبيه تحدي
ابــساعة ميلادي
يبچيلي الـــهادي
ولـحالي اينـــــــــــــــــــــوح
وبــــدمعة عينه
شفت انه حسينه
بالطف مذبــــــــــــــــــــــوح
ـــــــــــــــــــــــــــــــــــــــــــ
صار خمس اسنين عمري ودنيتي اتغير وضعها
حين شفت امي الزچيه الثاني فوگ الخد صُفعها
من ثگل چفه الاصابع علجفن والـخد طبعها
وباب الجذوع التجيله على اضلوع امي دفعها
ضلع امي الزهره
چنت اسمع كسره
وبـــ أذني الصّـــــــــــــــــوت
الــــزيد الآمي
محسن گدامي
شفته امن ايمــــــــــــــــوت
ـــــــــــــــــــــــــــــــــــــــــــــ
جفني ما جفت دموعه وانه بتلاثين عمري
فوگ كسر اگليبي بـــ اُمّي والدي چَـمَّـلِـي كسري
شفته يتچّـه اعله اخوتي والدما امن الهامه يجري
ابليلة القدر الــــــعظيمه أنفِجع هيچ انه قدري
العيد ايدگ بابي
وانه سود اثيابي
يلچمني العيـــــــــــــــــــــد
علــ زهره وحيدر
حزني ايصير اكبر
والونّه اتزيـــــــــــــــــــــــد
ـــــــــــــــــــــــــــــــــــــــــــــــــ
هنّه عشر اسنين عـدّن والــــــعمر صار اربعينه
لن ابو محمد تـــچوتي آل آميه امسممّــــــــينه
بالطشت مِن مِثلي شافت چبد اخوها امگــطعينه
وانـحُرَم يم طه جده يندفن بَـــ ٱمُر اللــعينه
شــيسد امچانه
فارغ ديوانه
والد جســـــــــــــــــــــــــــام
صب دمعي وساجم
ولـــــــــعمري القادم
يا دهري اشضــــــــــــــــــام
ــــــــــــــــــــــــــــــــــــــــــــــ
ومن جزه الخمسين عمري عشت الـ احداث الرهيبه
هوّنت كل المصـــــــــــايب جثة احسين الــــسليبه
علـــرمح مرفوع راسه وشيبته بالدم خضيبه
تسحگ الخيل اعله صدره هلّه هلّه اشهلــ مصيبه
شمر ٱنه الشفته
يرفس خاصِرته
يرفس بي حيـــــــــــــــل
مـتغـيـّر رسمه
ويتگلب جسمه
ما بين الخيــــــــــــــــــل
ــــــــــــــــــــــــــــــــــــــــ
ڪافلي ابـطيحت چفوفه بيهن الدگ صدره اليه
اويه الشمر صارت طلعتي من بعد خدري سبيه
انشتم وانطگ واكابر اشما سمعت الخارجيه
والأشد من كل هذني فرجت الوادم عليه
من عين العسكر
بـچفوفي اتستر
وانه اعله النــــــــــــــــــــــوگ
الاكثر هضمتني
مو طگت متني
طبتي اعله الســــــــــــــــــوگ
ــــــــــــــــــــــــــــــــــــــــــــــــ
حتى لحظاتي الأخــيره دهري ما كف نـــايباته
بالغرب صارت وفـاتي وموتتي ابــديرة شماته
الشام عيّد من سبوني ناصبي وحــــاقد صفاته
اشلون اموت ابگاعه حيره وهوَّ وحشه ابكل جهاته
ابـــشيلت تابوتي
ما حضرو اخوتي
لا گلبي ارتـــــــــــــــــــاح
ميته ويوميه
ارجع مسبيه
واگبالي ارمـــــــــــــــــاح
ــــــــــــــــــــــــــــــــــــــــ
سيد علي عبدالزهره الناجي
من يصلي الوحشه يازينب عليج
من يغمض إعيونج ويسبل اديج
اخر انفاس العمر. بغربة محفور الگبر
==========
عالگبر تابوت اشوفه منتظر واحد يجي
بهل نعش كُبرى المصايب مايكفيها الحجي
نعش بي غربة ورزيه والم دمعات وبجي
صوت من النعش يطلع ببو فاضل يرتجي
يابوفاضل اني اخيتك وانت تدري
ردت بيدك ياعضيدي تحفره گبري
بعد شيفيد الصبر. بغربة محفور الگبر
==========
هالنعش يحمل مصيبه بالنعش بان الالم
صاحبة هاي الجنازه بيه جويه من الخيم
من يصلي عليها بله إلا شَيّال العلم
بس صعوبه من يِكَبّر بعينه مطبوع السهم
وين ابو فاضل يجي زينب تريد
عطر خلي يجيب من گبر الشهيد
الله اللي يعظم الاجر. بغربة محفور الگبر
==========
اختنگت التكبيره الاولى وگابلت هذا النعش
والاحساس البيها ينزف بجرح الاطفوف انخدش
بالنعش لوعة اميرة راكضه بليل اهدعش
بيها نار اخيام لسه وبيها نيران العطش
بيها اثر ليل وسبي جرح واذيه
هالنعش يشبه صفه بالغاضريه
ساحگه حافي بجمر بغربة محفور الگبر
==========
ثاني تكبيره تواسي ظلت تون للعليل
وحده بزينب يشيع من المرض ذاب الدليل
يسند بعوچيته حزنه وعالكبر كلسا يميل
للسمه صوت المناحه ونه واهات وعويل
لسه بجروحه اثر ذيج الليالي
عمه يازينب تره شيبتي حالي
بصوت صاح ومنكسر. بغربة محفور الگبر
==========
ياصلاة الل بس مدامع گَطَعتْ حته النياط
وانحنت كد مامتنها بيه مطبوعه السياط
ثالث التكبيره شاطت گلب زينب بيها شاط
رابع التكبيره دمعه حزن اه ويمها حاط
زينب لوحدها بالغربه وبعيده
ماتت بدار الغرب زينب شهيده
ماكو واحد تنتظر. بغربة محفور الگبر
==========
✍ علي النائلي
/channel/rdeaa
مولد الامام علي ع
من عالم الذر حبينه حيدر
نادينه بسمه علي علي علي علي
****
وي علي حبنه ابتده گبل الولاده
ابغير عشگه ندري متفيد العباده
ابذاك عالمنه علي شفناه قياده
انطقنه عالفطره تره ثالث شهاده
ابنص هاي الگلوب والينه منصوب
اشمحلاته رسمه علي علي علي علي
****
ابعالم الارحام صرنه وعلي بينه
وچان حبل الحب فرض ملتف علينه
نستمع نبضات تهتف يا ولينه
من گلب امنه عشگ صافي يجينه
حبه شربناه واسمه عرفناه
وصرنه نشمّه علي علي علي علي
****
سيرة الحب بس علي ما عدنه غيره
افتحنه ناظرنه وبدت هاي المسيره
نذكر اتبارك لاهالينه العشيره
هذا ابنكم حيدري واضح مصيره
واضح دربنه ربونه اهلنه
واجب نفهمه علي علي علي علي
****
يكبر الحب بينه ظل كل ما كبرنه
لقبونه رافضيه ولايگ النه
غير حيدر ابد والله ما عشگنه
النار حصتهم لچن حصتنه جنه
الما حبه خسران تنتظره نيران
والينه رحمه علي علي علي علي
****
ياللي ما تفهم عشگنه اهواي معذور
چي نحبه حيدره تكرهنه مجبور
كل وكت عندك سؤال ابراسك ايدور
الكعبه ليش الهل وكت حايطها مفطور
ابيت الله نيشان للوالي عنوان
من الله نعمه علي علي علي علي
****
الشاعر اياد الديراوي
(#حاليا_رقيه_تخاطب_السيده_زينب)
……………………………………………………………
ياعمه اظن رد الشمر لينه
شو ماكو شيعتنه واهالينه
ما يمنه بس الناصبي . خافنه ينعاد السبي
يعمه .. يعمه
……………………………………………………………
انسد الصحن يا عمتي . و الحضره مو مضويه
شباچي چن خيمة امس . محروگ احس اعليه
جرّوها راية گبتي . چن جرة الترچيه
واسمع يگولون ابحقد . منا تشيل ارقيه
بلغي ابعجل يا عمتي . خليها تحضر جدتي
شو چن رجع ليل اهدعش .وچن هيمة صارت حضرتي
فزعيلي وينج جده يا زهره
وخليني اشمّن شيلة الخضره
عدهم ولا چن بت نبي . خافنه ينعاد السبي
يعمه .. يعمه
……………………………………………………………
نفس الوجوه المجرمه . الذبحت ابوي و طفله
رد حرمله وهالمره اشد . يرميله مية نبله
ياعمه رد سوط الشمر . واعلينه رد يتعله
مثل الجدم فوگ الرمل . طبع ابمتوني اتخله
نفس الايادي البالحبل . شدتّنه كلنه اعل الهزل
نفس الشتم نفس الحجر . رد سامريهم و العجل
مثل الخرابه اتحوّل المرقد
ظلمه وعليه الحزن يتجدد
والگبه چن حمره العبي . خافنه ينعاد السبي
يعمه .. يعمه
……………………………………………………………
سدّوها بيبان الصحن . ولا زاير الزاراني
لا ساده لا شيعه البگت . زمرة هند جيراني
خدام ابوي ولا نفر . جا موش اختكم آني
بوجوهكم شوفة هلي . وهسه الوجه سفياني
ياعمه اضن مامش أمل . محد يجينه امن الأهل
هالبلد سفياني صبح . لا دين عدهم لا خجل
صاورا حبايب احنه ضلينه
غربه وبعيد اعلينه اهالينه
عالشيعه ياعمه اعتبي . خافنه ينعاد السبي
يعمه .. يعمه
……………………………………………………………
عمه وصدگ مامش لطم . لا موكب يطب يقره
من العراق و لايجي . رادود ينعه ابعبره
لا شيعي و مهدل يطب . واعليه يلطم صدره
لا صوت جوگات اتعلي . لا رايه سوده و خضره
ابشباچي ما ينزل دمع . ولا وادم اعليه تندفع
آ يا رقيه و هالاسم . يا عمه ماظن ينسمع
ياعمه و المعتاد مو سهله
مامش بعد حمله بأثر حمله
لا جعفري و لا طالبي . خافنه ينعاد السبي
يعمه .. يعمه
……………………………………………………………
يا شيعه عمي او والدي . ابهذا الوضع خبروهم
زورونه انا وعمتي . لو بالصحن زرتوهم
كلولهم ظلن غُرب . برض الذي ذبحوهم
مرقدنه انا وعمتي صوّروهن و راووهم
ولعمي وصلوله الخبر . گلوله اختك ياگمر
ابيا ساعه صوت وينسمع . مرقدها بالشام انفجر
ادريك هسه امجرح احساسك
بركان فاير في وسط راسك
واعلينه تفزع مطلبي . خافنه ينعاد السبي
يعمه .. يعمه
……………………………………………………………
يا عمه يامهدي العصر . بالطف جنت ما صاير
بس هسه عماتك صفن . لا من اهل لا زاير
ياعمه تعبان الجِدم . من كثر ركض العاشر
بيا حاله عماتك تره . اظهر و شوف الصاير
الشام بس خلفة هند . ولا شيعي بيه الينوجد
بالزهره يشتم و بعلي . الـ بالبدرب رايح واليرد
ياعمه و الله الحزن أذانه
من زغري ابد ما يوم فرحانه
يمته الفرج يا غائبي . خافنه ينعاد السبي
يعمه .. يعمه
……………………………………………………………
✍️ ( سيد خضر الزاملي )
يمسافـر بعيني صـور لو غمضت اتمنـه
طيفك يدك باب الحلم ولعالمك ياخذنه
دلـيني يا مچـــان
خايف ردت أمـان
يا صاحب الزمان
ـــــــــــــــــــــــــــــــــــــــــــــــــــــ
مولاي تــعبني النشد ما مــش عــرف بيها الناس
وميل انتظارك هل جزه وبين بياض اعله الراس
باوعــلي مو وجهي نترس بتراب بــاب العبــاس
وارزقني كــد محبتي من اجروحك الما تنجاس
والغربه ماترهم وطن يالســاكن بنــــص كلبي
دك بابي يالجفك ترف عيني اعله جيتك تربي
ارحمني ابوس اديك
وزينب متت عــليك
وشيب العشك يبـان
ياصـــاحب الـــزمان
___
مــد چفك وجيس الگلب خل يطمئن مـــا مـرتاح
لــيش انته عايش بالحزن وانه الـي عايش بفراح
وليش انته وحدك سيدي ومن عندك هواي الـراح
عــاّلَـم سكــوتك ينسمــع للــيفهم الــدمعه صيـاح
ياحــزنك المامــر بشــر لا أدم ولا بن ادم
وياحيلك الهده التعب جدم بجدم تترادم
يا سيدي الحزين
بس شكثر حنيـن
يا مملكت حنـــان
يا صاحب الزمان
___
حـبيتـك وشـفت الــيحـب رايـد گـلـب يتعبلك
كالو عليك تحب بچي وصوت النعي يمر اذنك
ما بينك و بيني شكثر وبدمعه وحـده أوصلك
صـح انه مـا أنـدل لـجَـن هـوه الـدمـع يـنـدلك
أشعر وجودك بالقرب بس عيني ما شافتك
وي روحـي اتعاتب لان متـأخره مـن حبتك.
عنك جنت بعيد
ارجع الك اريد
لا يخلص الأوان
يا صاحب الزمان.
___
سـديت بيبان الكلب سمعته مـنـي حـجايه
يا كلبي شو بسك بعد بالدنيه عشت هوايه
خـلـينه نلحك بــالخدم وتـحـزم انته ويايه
لانـجـرح الـمـهدي بـعـد يـبـعـد تـراه فـيـايه
لا تـغـدر الـمـدلك يـده ويـطعـمـك بخيراته
يا گلبي ما ضل بي بعد حيله انتهه لعماته
تسَجِل وقف أله
وبالحسره رتله
احلا من الجنان
يا صاحب الزمان.
___
يبـن الأطايب والطـهر يبن النجوم الزاهره
أين استقر يا صاحبي بيك النوه وبأي ثره
في جمكران المستقر أم نينوه ام ذي طوه
يمسافر بكل هالدرب يسيرلي لو شمة هوه
يايوسف الزهراء شبعد هل من سبيل ونلتقي
مـشـتـاك اون لـونـتـك واتـسامـر ويـاك ابـجي
وننعه السبي سوه
والضل عله الثره
وتجوينه يا نيران
يا صاحب الزمان.
الاحقر
حسنين الضامي
وفاة السيده زينب ع
امنيتي چانت قبل ليدفنوني
يمي عباس ويغمض اعيوني
من دنت وفاتي
چانت امنيــاتي
يمي عباس
………………………………ـ
حيل تعبـــانه بحيـــاتي وبيه ديره امــن الجراح
ردت اخيي بموتي يحضر بلكي بالموت استراح
لحظه لويلتــــم شملنه يهـدي گلبي امـن النياح
عمري خلص شبه جمـــــره وفرگة الغالي رياح
گلبي شيب مـــن كثر آلامي
بالطفوف اتفرهدت احلامي
اندعي بصلاتي
چانت امنــياتي
يمي عباس
…………………………………ـ
بين حرگ الباب والطف بالنوايب عمري ضاع
والحـــزن والنوح والهم عنـــدي بالدنيه متاع
چن سفينه ابروج عالي ونكسـر منها الشراع
هيــچ گضيــت الليالي مــن بعد ذاك الوداع
كلشي مامفتهمه من اسنيني
ايجيب بيه الحـــــزن ويوديني
من قبل مماتي
چانت امنـــياتي
يمي عباس
…………………………………ـ
مددلت عباس اسمي وهسه صار ام المصاب
وبالبچـي يومـيه لجله ادمــوعي اوزعهن ثواب
اليـوم مــن گربت منيتي ردته يمي العني غـاب
ايصـلي ردته اعله الجـنازه ويهل اعليه التـراب
اشكال راواني الزمن بغيابه
گلبي ملچوم وقميج اصوابه
هيجي كل حياتي
چانت امنــــــياتي
يمي عباس
…………………………………ـ
القبل كافل ضعـــني چان وبيــــــده گايد ناگتي
اليـــوم اريده يشيـل نعشـــــي ويتكفل دفنـتي
بيه گدام الشـــــــــــماته اتبــاها اريد ابمــوتتي
والله احس مفطور گلبي امن الهظيمه وغربتي
تعود ريت ايامــــي وي عباسي
البيها جنت اتباها ورفع راسي
تردلي ذكرياتي
چانت امنـياتي
يمي عباس
…………………………………ـ
صـــــح يهزني الشوگ لكن راضـيه انه ابقسمتي
ومثل ليل اهدعش ليلي ضلمه من دون اخوتي
هلبت العباس يحضـــــــــر يمي ويســد غربـــتي
والله مــن دونه تراها حيـــل وحشة اجنــــازتي
ريت ميته اوياه نفس الساعه
ولا احير وانفــــــــجع بوداعه
اي وحق عباتي
چانت امنـيـاتي
يمي عباس
…………………………………ـ
✍الخادم
كامل السعيدي
وفاة السيده زينب ع
امنيتي چانت قبل ليدفنوني
يمي عباس ويغمض اعيوني
من دنت وفاتي
چانت امنيــاتي
يمي عباس
………………………………ـ
حيل تعبـــانه بحيـــاتي وبيه ديره امــن الجراح
ردت اخيي بموتي يحضر بلكي بالموت استراح
لحظه لويلتــــم شملنه يهـدي گلبي امـن النياح
عمري خلص شبه جمـــــره وفرگة الغالي رياح
گلبي شيب مـــن كثر آلامي
بالطفوف اتفرهدت احلامي
اندعي بصلاتي
چانت امنــياتي
يمي عباس
…………………………………ـ
بين حرگ الباب والطف بالنوايب عمري ضاع
والحـــزن والنوح والهم عنـــدي بالدنيه متاع
چن سفينه ابروج عالي ونكسـر منها الشراع
هيــچ گضيــت الليالي مــن بعد ذاك الوداع
كلشي مامفتهمه من اسنيني
ايجيب بيه الحـــــزن ويوديني
من قبل مماتي
چانت امنـــياتي
يمي عباس
…………………………………ـ
مددلت عباس اسمي وهسه صار ام المصاب
وبالبچـي يومـيه لجله ادمــوعي اوزعهن ثواب
اليـوم مــن گربت منيتي ردته يمي العني غـاب
ايصـلي ردته اعله الجـنازه ويهل اعليه التـراب
اشكال راواني الزمن بغيابه
گلبي ملچوم وقميج اصوابه
هيجي كل حياتي
چانت امنــــــياتي
يمي عباس
…………………………………ـ
القبل كافل ضعـــني چان وبيــــــده گايد ناگتي
اليـــوم اريده يشيـل نعشـــــي ويتكفل دفنـتي
بيه گدام الشـــــــــــماته اتبــاها اريد ابمــوتتي
والله احس مفطور گلبي امن الهظيمه وغربتي
تعود ريت ايامــــي وي عباسي
البيها جنت اتباها ورفع راسي
تردلي ذكرياتي
چانت امنـياتي
يمي عباس
…………………………………ـ
صـــــح يهزني الشوگ لكن راضـيه انه ابقسمتي
ومثل ليل اهدعش ليلي ضلمه من دون اخوتي
هلبت العباس يحضـــــــــر يمي ويســد غربـــتي
والله مــن دونه تراها حيـــل وحشة اجنــــازتي
ريت ميته اوياه نفس الساعه
ولا احير وانفــــــــجع بوداعه
اي وحق عباتي
چانت امنـيـاتي
يمي عباس
…………………………………ـ
✍الخادم
كامل السعيدي
الأميره وبت امير الناس.. وامها فاطمه الزهره
سلام الله على زينـب.. هـــاليله الـخدم تـــقره
~
سماها الاه الـكـون.. وابـو الـزهره فـرح بـــيها
وحيدر هملت عيونه.. ابـساعتها وبچه اعليها
ومـادار النــــظر منها.. وقـبل حـيدره ايـديـها
وبـسم حــسين ناغاها.. وعليها خنگته العبره
~
ربـــوها على الكـلفات.. يعرفون الوكت يغدر
عالطف سولفو والعين. غيمه وبالدمع تمطر
موماي ونزل عالخد.. حيدر دمـــعته من در
رسول الله وعلي الكرار.. جرحهم ياتره شكبره
~
معروفه ابصبرها ام عون.. وبيها تنضرب الامثال
ويشهد الها يوم الـــطف.. جـبل چانت ولايـنـزال
هيه اخت الحسن وحسين.واخوها الگمر والكفال
ماذله العدو هيهات.. ويــاهـو الـــگـال مـــنكسره
~
زيــنب چـانت بـــعاشور.. قـــائد مثل ابو الـــيمه
يوم الناده ابو السجاد.. وســـمعت زينب الـكلـمه
طــلــعتله ودمعها ايسيل..وتقبله ابصدره وتشمه
ذاخرها علي الهل يوم.. وهي اتـكـمـل الــــــثوره
~
إبـولايـة حـيدر الـكـرار.. الـــدين اكتمل واتيسر
وزينب تممت هـالــدين.. والــتل سـوتـــه مــنبر
الـباري اتــقبل القربان.. حبيبه اعله الثره اموذر
وشيعــــتها بدموع العين.. تبچي والگلب جمره
~
حيدر بشار الدراجي
الحمدلله الذي عرفني نفسه ولم يتركني اعمى القلب
الحمدلله الذي جعلني من أمة مُحمد صلى الله عليه وآله
الحمدلله الذي جعل رزقي في يديه ولم يجعل رزقي في أيدي الناس
الحمدلله الذي ستر ذنوبي ولم يفضحني بين الخلائق
ايةُ الصبرِ قبلةُ الخدرِ
في مدى الدهر أنها زينب أنها زينب
***
على زينب لون تكتب شعــر وبحــور
شـــرط كل القوافي مطــرزات ابنـور
زينب يعنـــي زينب واقعـــة عاشــور
بـنت البسملـه والنقطــه بنت الطـــور
سورة النصرِ أية الدهرِ
من اذا تدري أنها زينب أنها زينب
***
اسمهـــا مـــن تكتـبه خطـه بالإحساس
وخلي أحروف اسمها كون بين أقواس
ودنگ مـــن تكتبه وهبــــط الها الـراس
لا تنظـــر اسمها المـــا تصدهــا النــاس
أيةُ الباري في ثنا الدارِ
رمزُ أشعاري أنها زينب أنها زينب
***
العاشــر يا التناشــد هيـــه عنوانـــــه
صموده وكبـــريائه وصبــره وايمانـه
ايه مـــن الصبـــر ذاكـــرهـا قـــرانــه
ويمها ايــوب كلها اتــلاشت احزانــه
حزنهُ صــلا للذي حـــلا
فيها تجـــلا أنها زينب أنها زينب
***
أنتوضـه لبيت ربنه وننــوي عالقبلــه
وزينب بيت عفّـــه مــــا يصــح مثله
يتوضـــه الشاعــر الـــي راد يكتبلــه
ولا يخدش اسمهـــا يِوّصفــه بالـذله
زينبٌ حيــدر امُها الكوثــر
للعزِ مصدر أنها زينب أنها زينب
***
العمـر كلــه العقيلــه مــا تطــخ الهـام
واذا رايد شهود الشــاهد الهــا الشـام
گبل ذلت يزيــد وهسـه كثـره اقــزام
بالك لا تخـط أعلــى العقيلـه اوهـــام
علمها القرأن مصدرُ الإيمان
علةُ الأكوان أنها زينب أنها زينب
***
الشاعر
موسى البديري
***
لامتـكـفي الگـبور .. تدفن حزن عاشور
يزينب يزينب
***
يالمــن حزنچ اونــچ خـجل يعـقوب
يم حيل الرچيچ ويـم صــبر متعوب
لون گلبچ حديد امن الطفوف يذوب
يخت الذي راسـه عالــرمح مـصلوب
شلون ام گلب مكسور .. تــدفن حزن عاشور
يزينب يزينب
***
يالشلتــي المصــيبه الابــد ماتنشال
ثگيله ولوهــت تهــدل امتون اجبال
حزنــچ يعــجز ايــشــيله الـف رجال
خصوصا من ندهتي وما اجه الكفال
صعبه الخيها منحور .. تــدفن حزن عاشور
يزينب يزينب
***
الباب ابمــوتچ انسد بس فتح بيبان
يالمـوتچ قضــيه مـــو كـــلام السان
غفت عيناچ بــس حزنچ بقه سهران
على الضل عالتراب مســلب وعريان
هيه الشافت انحور .. تدفن حزن عاشور
يزينب يزينب
***
كــل الشيعــو جــثـــمانچ ايصـــيحون
دفنــچ مو ســهل يحــظر كــفيلچ كون
يالشفتي المـــصاب الماتــشوفه اعيون
ابراس احسين شفتي الوادم ايهوسون
والدمعاتها اتفور؟ .. تدفن حزن عاشور
يزينب يزينب
***
المثلـچ بيه حزن اهله يدفنوه وين
يمخجله يـزينب دمــعتچ كل عين
اهل الشام بيـــچ اشــسوو وتبچين
هلگد مابچيتي بچــه راس احسين
گلب الگاع مفطور .. تدفن حزن عاشور
يزينب يزينب
***
حيدر تركي الكربلائي
﷽
إحتجاب أمير المؤمنين
▫️لا تترك هذا الحرز ولو مرة واحدة في اليوم، فإن أثره أسرع من البرق، وهو دعاء احتجاب مولانا أمير المؤمنين (عليه السلام). يقيك من الحسد، ويقيك من الخوف، ويوفقك في كل عمل تنويه بإذن الله تعالى، مرة صباحاً ومرة مساءً كل يوم، فهو مجرب، وسترى فيه كل خير، خصوصاً في الكفاية والنجاح والموفقية، والرزق والبركة، وتسهيل كل أمر متعسر.
بســم الله الرحمن الرحيمِ
اِحتَجَبتُ بِنورِ وَجهِ اللهِ القَديمِ الكامِل، وتَحَصَّنتُ بحِصِنِ اللهِ القَوِيّ الشّامِلِ، وَرَمَيتُ مَن بَغى علىَّ بِسَهِمِ الله وَسَيفِهِ القاتِلِ، اَللّهُمَ يا غالباً عَلى اَمِرِه، ويا قائمِاً فَوقَ خَلقِهِ، وَيا حائلاً بَينَ المَرءِ وَقَلَبِهِ، حُلَّ بَيني وَبَينَ الشيَطانِ وَنَزغِهِ، وَبينَ ما لا طاقَةَ لي بِهِ مِن اَحدٍ مِن عِبادِكَ، كُفَّ عَنّي اَلسِنَتَهم، وَاغلل اَيَديَهم وَاَرجُلَهم، وَاجعَل بَيني وَبَينَهم سَدّاً مِن نورِ عظمتِكَ، وَحِجاباً مِن قُوَّتك، وَجُنداً مِن سُلطانِكَ، فَاِنَّكَ حَيَّ قادِرٌ.
اَللهمَّ اغشَ عَنّي اَبصارَ الناظِرينَ حَتى اَرِدَ الموَارِدَ، وَاغشَ عَنّي اَبصارَ النورِ وَاَبصارَ الظّلمِةَ، وَابَصارَ المريدينَ لَي السّوءَ، حَتّى لا أُبالي مِن اَبصارِهِم، يَكادُ سَنا بَرقه يَذهَب بِالأبصارِ، يقَلّب اللهُ اَللَيلَ وَالَّنهارَ، إنَّ في ذلِكَ لَعِبرةً لأولي الأبصارِ.
بِسمِ الله الرَحمَن الرحَيمِ كهيعص كفايتُنا وهو حسبي، بِسمِ الله الرَحَمن الرَحيمِ حمعسق حمايتُنا وهو حسبي، كَماءٍ اَنزَلناهُ مِنَ السَّماءِ فاختَلَطَ بِهِ نَباتُ الأرضِ، فَاَصبَحَ هَشيماً تَذروهُ الرّيِاح، هوَ اللهُ اَلَذي لا إلَهَ إلا هوَ عالم الغَيب وَالشهادةِ هوَ الرَّحمن الرحَيمُ، يَومَ الأزِفةِ إذ القُلوبُ لَدَى الحَناجِرِ كاظِمينَ ما للِظالمِين مِن حَميمٍ وَلا شَفيٍع يُطاعُ، عَلِمَت نَفسٌ ما أحْضًرَتْ، فَلا اَقسِمُ بِالخُنَّس، الجَوارِ الكُنسَّ، وَاَللّيِل اذِا عَسعَسَ، وَالصُّبحِ إذا تَنَفَّسَ، ص وَالقُرانِ ذي الذِكِر بَل الَذينَ كَفَروا في عِزةٍ وشِقاق (شاهَتِ الوُجوهُ ) ثلاث مرات، وَكَلَّتِ الألسُنُ، وَعَمِيَتِ الأَبصارُ.
اَللهُمَّ اجعَل خَيرَهم بَينَ عَينَيهِم، وَشَرَّهُم تَحتَ قَدَمَيهِم، وخاتَمَ سُلَيمانَ بَينَ اَكتافِهِم، فَسَيَكفيكَهُم الله وَهوَ السَّميعُ العَليم، صِبغَةَ اللهِ وَمَن أحسَن مِنَ اللهِ صِبغَةً، كهيعص اكِفِنا، حمعسق احِمِنا، سُبحانَ القادِرِ القاهِرِ الكافي، وَجَعَلنا مِن بَينِ أيِديهِم سَداً، ومَنِ خَلفِهم سَدّاً، فَأغشَيناهُم فَهم لا يُبصِرونَ، صمٌّ بكمٌ عميٌ فَهم لا يعقِلونَ، أولئكَ الّذَينَ طَبَعَ اللهُ عَلى قلبهِم، وَعَلى سَمعِهِم وَأبصارِهِم، وأولٰئِكَ هُم الغافِلوُنَ، تَحَصَّنتُ بذِيِ الُملكِ والمَلكَوتِ، وَاعتَصَمتُ بذِي العِزِّ وَالعَظَمِة والجَبَروتِ، وَتَوَكَّلتُ عَلى الحَيّ الّذي لا يَموت، دَخَلتُ في حرِزِ اللهِ، وَفي حِفِظِ اللهِ، وَفي أمانِ اللهِ، مِن شَرّ البَريَّة أجمَعين، كهيعص، حمعسق، ولا حَولَ وَلا قُوَّة اِلا باِلله العِلي العَظيِم، وَصَلى اللهُ عَلى محُمدٍ وَآلِهِ الطيبين الطاهِرينَ.
📘 الصحيفة العلوية
بـالمنيــه يـــــا گــمـــر
ردتــك لنعشي أتحضر
يــا أبو فاضــل يــا أبو فاضــل
♠♠♠♠♠
يــا گمــر تحضـرني ريتــك بالمـنيـه
تشيــل نعــش العذبتهـا الغاضـريــه
صعبـه نعـش الحـره من يبگه رميـه
غـريبـه حتى من جاني الأجل
غـريبـه مـن بعدكم يـا الأهــل
غـريبـه ودمــع المفــارگ همل
يــا أبو فاضــل يــا أبو فاضـل
♠♠♠♠♠
ويــاكم ابطف كربلــه أتمنـيته مـوتي
وحشــه نعشي لو طلع وبلايا إخـوتي
خويــه انادي وينكسر بالعبره صـوتي
هضيمه لنعشي ما واحد حضر
هضيمه لموتي واشعر بالخطـر
هضيمه بغــربه اموتن يا الگمر
يــا أبو فاضــل يــا أبو فاضــل
♠♠♠♠♠
خويه چانــت أمنيـه ابگلــب العقيلـه
يمــي تحضــر والدمـع عالخد تسيـله
چفـــك لنعشــي يبـو فــاضــل يشيله
حسافه چفــك الهيبـه انگطــع
حسافه خويه عالشاطي وگـع
حسافه نعشي مـن غيرك طلع
يــا أبو فاضــل يــا أبو فاضــل
♠♠♠♠♠
خويه سهم حسين مطبوع أبدليلي
بعاشر أمصـابه هدم يالغالي حيلي
لحـد منيتي منــه اصـــرخ آ يويلي
رماني ىخويه سهم النـــايبه
رماني ونــاره ظلــت لاهبــه
رماني ىورحت بعده امسلبه
يــا أبو فاضــل يــا أبو فاضــل
♠♠♠♠♠
خويه مرسومه أعلى دلالي الفجيعــه
يــوم طاحن خويــه چفيــنك گطيـعه
طاح گلبي وياك خويه أعلى الشريعه
منيتي ريت اجتني ابطيحتك
منيتي يـــوم طبـرو هــامتــك
منيتي هســه اجتنــي بغيبتـك
يــا أبو فاضــل يــا أبو فاضــل
♠♠♠♠♠
چانــت أمنيتي النعش انتــه التحـمله
ودمعك أعلى افراگي يا خـويه تهمـله
وأعليه ظهـرك ينكسـر گـــوه تعــدلــه
حسافه بالغـرب جسمـي نحـل
حسافه نعشي يمشي بلا أهـل
حسافه مـات وي مـوتي الأمل
يــا أبو فاضــل يــا أبو فاضــل
♠♠♠♠♠
الشاعر
موسى البديري
مولاتي زينب عليها السلام
مهضومه وغريبه
اشرح جم مصيبه. عذّبني زماني
٠٠٠٠٠٠٠٠٠٠٠٠٠٠٠
آنه زينب والزمن كدّر حياتي
من زغر سني عشت وي نايباتي
جروح وحزان ومصايب ذكرياتي
تالي وبديرة غرب صارت وفاتي
من جرح الزجيه
لجرح الغاضريه. مفجوعه واعاني
٠٠٠٠٠٠٠٠٠٠٠٠٠٠٠٠٠٠٠
زينب المحّد كدر ينظر خيالي
مدلله ومهيوبه بعيون الغوالي
انسبي عله الناكه ما مر عله بالي
ودخل لديوان اميه بهذا حالي
مجتوفه وسبية
يتفرج علية. بعيونه السباني
٠٠٠٠٠٠٠٠٠٠٠٠٠٠٠٠
آنه زينب والمصايب شيّبتني
جارت علية الليالي وعذّبتني
الدنيا لرض الشام مسبيه خذتني
ونظرت الشمّات تكتل موتتني
النظرات الطويله
عالناگه الهزيله موقف ماله ثاني
٠٠٠٠٠٠٠٠٠٠٠٠٠٠٠٠٠٠٠
عشت مهضومة ومتت بالغربه وحدي
لا أهل لا اخوه لا جيران عندي
الدنيا وهل الدنيا صارت كلها ضدي
بلا ذنب بعدوني عن محراب جدي
برض الغربه موتي
وتمنيت اخوتي ما واحد اجاني
٠٠٠٠٠٠٠٠٠٠٠٠٠٠٠
انعادت الغربه عليه بهاي الايام
چني مسبيه وغريبه بديرة الشام
مرقدي بلا شيعه خالي بلايه خدام
لا مجالس لا نواعي وحشه هالعام
وين اهل المواكب
اسكت لو اعاتب. لو اصبر وتاني
٠٠٠٠٠٠٠٠٠٠٠٠٠
آنه زينب ابقى زينب ما اطخ راس
يبقى كافل كبري كافل خدري عباس
لكن الحسره تظل تجرح بالإحساس
ليش زواري نسوني خيرة الناس
أتأمّل تجوني
تحرسكم عيوني والجنة بضماني
سيد زيد الفحام
/channel/rdeaa
#للعقيلة_زينب
يم البديهم ضــــاع خدري
يا وسفة ليش يصير گبري
سابيني گلبي ابذكريـــاته ابذكريـاته
شو عدلة ميتة يم شماتة يم شماتة
يا وسفة ليش يصير گبري
ـــــــــــــــــــــــــــــــــــــــــــــــــــــــ
كثـــــر ما عشت ابحيــــــاتي امعلعلة
صرت أشك هم يوم چنــــــت امدللة
عُمري سنتين و جـــــــروحي امتلتلة
و عُمري خمسين و مشيت امسلسلة
من البـــــــداية للنـــــهاية
خيل المُصيبة تعج وراية
فاجعني دهري ابنايبــاته ابنايبــــاته
شو عدلة ميتة يم شماتة يم شماتة
ــــــــــــــــــــــــــــــــــــــــــــــــــــــــ
ابصدري گعـــــــدت نــــــارهم متربعة
و چم هضيمة ابروحي تسري امگبّعة
الفاجــعة اطشّــني و تلــمّني الفاجعة
يمتى چا لاحضــــان اخـــوتي راجعة
ادعي لحد ما يخفه صوتي
يا ربّي اخذني يم اخـــوتي
هيچ و يضمني عز خواته عز خواته
شو عدلة ميتة يم شمـاتة يم شماته
يا وسفة ليش يصير گبري
ـــــــــــــــــــــــــــــــــــــــــــــــــــــــ
سايَرْت ضعـــــن المنــــاحة و الدمِع
من نهد مـــا كســـــــروا لامي الضلِع
شما يجي رمضـــــــان ظليت انفجع
جمـرة افـــــراگ الابـــــــو تلسع لَسِع
عالزهرة توّها جروحي خضرة
و من علي جتني شلون طبرة
محرابه خالي مـــــــن صلاته مــن صلاته
شو عدلة ميتة يـــــــم شماتة يــم شماته
يا وسفة ليش يصير گبري وا
ـــــــــــــــــــــــــــــــــــــــــــــــــــــــ
بين مــا بين المصـــــايب و المحَن
حضن ابـو محـمد إلي چان الوطَن
تالي مــا تالي بعــــــد ســاعة زمَن
لا اشوفه عنّي ضَم طشته الحسَن
عينه عليّ و ايـــــــده اباديه
لعباس اسمـــعه ايوصي بيّه
غير انه اخته و كل حياته و كل حياته
شو عدلة ميتة يـــم شماتة يم شــماته
يا وسفة ليش يصير گبري
ــــــــــــــــــــــــــــــــــــــــــــــــــــــــ
جرحي ما مثله بعــد يُوجد جرح
ابكربلة شخــــلّه عليّ ذاك الصبح
الكلشي بيّه ابعيــني شفته ينذبح
و راسه حيل اتلوّع ابراس الرمح
بـــــــاخر نَفَس سَلَّـــــــم عليه
و داست عليه عشرة اعوجية
طلعن يركضــن كــل بناته كل بناته
شو عدلة ميتة يم شماتة يم شماته
يا وسفة ليش يصير گبري
ــــــــــــــــــــــــــــــــــــــــــــــــــــــــ
روحي تطلع من عله الخدر انسئل
سلّبـــــــوني و شتّمـــــوني بالفعل
الشفته ما شافه نبي فــوگ الهزل
زينــب أنه او ويني و ويـن الحبل
ليش ابدفنتي هــم اعاني
من اهلي ما واحد اجاني
ما جاني سبّعي من فراته من فراته
شو عدلة ميتة يم شماتة يم شماته
يا وسفة ليش يصير گبري
ــــــــــــــــــــــــــــــــــــــــــــــــــــــــ
الحمدلله
#علي_حسين_الكناني
ميمر كربلائي إلى السيده زينب عليها السلام
بنــت الولــي شيعــة علـي
نــادوا يحـره اتدللي
يومچ تـره بأرض الشـام
طــف كــربله يســوونه
*-----*-----*-----*-----*
لمــن يـمــر يومــچ يزينب بيــنا
بلوعة وحـزن يـم گـبرچ اتعنينا
وبسمــچ ينوح وينتحب ناعينا
بلوعة گلـب يبچي بالمحب
مـا تبـقى زينب بالغرب
وكل المواكب بالنــوح
نعشچ تــره يشيعونـه
*-----*-----*-----*-----*
يم الحزن هاچ أخذي منه احچايه
يومچ وحگ عبـاس راعـي الرايـه
لابـد يجــي ونتعــنه بـيَٓ مشـايــه
والقـــافلــه مــن كربــلــه
تمشي بمدامع سايلــه
وصوت المواكب بحزان
يهـل العــزى ضيفـونــه
*-----*-----*-----*-----*
أخذي العــهد يا زينب المظـلومه
يومچ مثل طــف كربلاء ويومه
كلها تحج بي وتجيچ اعلــومــه
لوعه ودمــع ونَــه وشـمع
كل محب لجلچ ينفجع
وينادي يخت العباس
شيعة علــي محزونه
*-----*-----*-----*-----*
ارض التي اتحيرتي يمَـه بقصـره
بسمچ صفت هاليوم بنـت الزهره
هـذا النصر ويزيــد ضايـع نصـره
ربــچ أمـــر يــمْ الفخــر
رايتچ تعلى أعلى البشر
وموقفچ ضد الطغيان
كــل البـشـر يتلــونــه
*-----*-----*-----*-----*
يـا عالـمه ويـا فاهــم و متفهــمه
گلتي ليزيد اهــناك أعظـم كلـمـه
كد كيدك حسين انتصر وي دمـه
رغم العــده ورغــم السده
الله كــلامچ أيــده
ايــه كلامــچ للـيوم
يــا زينــب يرتلــونه
*-----*-----*-----*-----*
شاءالله يومــچ ينعرف مضــمونه
ومعنى النصــر والموقف يفهمونه
بكــل جامعـه هــذا النصر يقـرونه
وتــوصفــه. بكل معــرفه
زينب كلامچ فلسفه
بقصر الكفر گلتي اهناك
مـا ربحــوا العــادونـــه
*-----*-----*-----*-----*
رحتـي سبيه وســفه يــمْ الحـاقد
چنتي اسيره وهسـه انتـي القـائد
صوب الضريح العالم مـن يشاهد
يفهــم درس عــزت النفس
انتي وضعتيله الأسس
وظل الدرس حد اليوم
يــا زينب ايطرحــونه
*-----*-----*-----*-----*
اول مــره ذلـت بنـي مـرجـانــه
وهدت قصـر ذاك البغـي وبناينه
ديـن الله زينـب ثبتـت أركانــه
بكــل مقـدره الحـگ تنصـره
بنت الزچيـه الطاهـره
وشرع الإله بهل الكون
زينب حمت مضمونه
*-----*-----*-----*-----*
الشاعر
موسى البديري
تمت ١٥ رجب ١٤٤٥
الساعه ٦ صباحا
لدمعج يم عون .. ينراد عيون
يا غريبه .. ياغريبه .. ياغريبه
*
وين تنطين الوجه والدنيه ليل
والسلاسل تهدل بمتن العليل
شلون شفتي اعلى الرمح راس الكفيل
لغربتج يم الخدر ينراد حيل
بالفروكه شلون .. ينراد عيون
يا غريبه .. ياغريبه .. ياغريبه
*
شيبت راسج يزينب نينوى
وانتي من ذاك الضلام بلا ضوى
وين عنج راح شيال اللوى
تنتخين وضايع اعليج الهوى
عنج يمشون .. ينراد عيون
يا غريبه .. ياغريبه .. ياغريبه
***
يا وكت تمشين وي جتال اخوج
وزينب بحرك الخيم وليه ولوج
جنتي عطشانه وحزن بالطف روّوج
ومن عكب عباس يازينب سبوج
بين اليسبون .. ينراد عيون
يا غريبه .. ياغريبه .. ياغريبه
*
رحتي اسيره والحزن كاسر كفاج
ياغريبه وسوطهم كاطع هواج
بالحبل تمشين ودموعج وراج
الكطع نحر حسين مسبيه خذاج
بصبرج يدرون .. ينراد عيون
يا غريبه .. ياغريبه .. ياغريبه
*
عفتي كاع الطف تخضر بالدمع
مشيتج مذبوح راسه بلا كطع
جانوا يحلمون صوتج ينسمع
كَبل وين وهسه صرتي بيا وضع
مهدوله متون .. ينراد عيون
يا غريبه .. ياغريبه .. ياغريبه
*
ضحكة الشامت مثل رمي السهام
صارت عليج بوكت حرك الخيام
يا نهار الصار بالطف الظلام
شلون زينب جفنج بليله ينام
دمعج يا لون .. ينراد عيون
يا غريبه .. ياغريبه .. ياغريبه
*
تمت
احمد الخفاجي
قصيدة ( الكعبه نادت ) بمناسبة ولادة الامام علي عليه السلام
الكعبه نادت نادت يا علي
وبت أسد نادت نادت يا علي
بهاي الــولاده علـــي
الكون نــــــاده علي
۩۩۩ ۩۩۩ ۩۩۩
أعظم ولاده الكون سجلهه بفخر
ما مرت بناس ولا مـر هالخبر
الكعبه للحيد ركن منهه أنفطـر
هالباقي لليـوم بالكعبـــــه أثــر
هذا الاثر ما ينجلـــي
الكعبه نادت نادت يا علي
۩۩۩ ۩۩۩ ۩۩۩
يا نبي بهل اليوم بالكعبه أنولــد
مو هذا تاريخ فلا يذكر أحــــد
بس علي الكرار صارتله مهـــد
لــــو رايد أخبار نثبتهه بسنـــد
بكل الصحاح أصبح جلي
الكعبه نادت نادت يا علي
۩۩۩ ۩۩۩ ۩۩۩
خـــــل المعاند تكبـــر حيرتـــــه
ويه أم علي النوب ياهي الحملته
الكعبـــــه بعلي أيام والله شالتــه
وگبل أمه لتجيب طلگت جابتــه
بيت الله ظل بيه ظل معتلي
الكعبه نادت نادت ياعلــي
۩۩۩ ۩۩۩ ۩۩۩
من نشد سلمان طه شـــرد ألـــه
ربنه شخلق حار بأمــر المسئلـه
نـــور النبــــــوه ربــــك كملـــــه
ومن نوري حيدر ربك فصلــــه
من نوري شگ نور الولي
الكعبه نادت نادت يا علـي
۩۩۩ ۩۩۩ ۩۩۩
حگه الموالي لــــــو حـب حيدره
الحبه ترى يفوز دنيا وأخـــــــره
شيعي وظل دوم خل كـل الورى
تسمعني مجنون أبقــى بحيـدره
علينه وأسمه مـن العلي
الكعبه نادت نادت يا علـي
۩۩۩ ۩۩۩ ۩۩۩
الشاعر
موسى البديري
.
شكثر محتاجينك. سيدي متانينك.
يابو صالح وينك.
ياولينه
ـــــــــــــــــــــــــــــــــــــــــــــ١
بغيبتك شفنه المصايب . والحزن يبلانه
شلون نرتاح بغيابك. وانته مو ويانه
الدنية من دونك يتيمه. وبالظلم غرگانه
يمته تنقذنه بظهورك. ياملك دنيانه.
ينعه الگمر. تبچي الشمس..
والحگ ندب. يمته الفرج. .يالمنتظر. ينعه الگمر.
يمته تنشر دينك . .سيدي متانينك.
يابو صالح وينك.
ـــــــــــــــــــــــــــــــــــــــــ٢
يمته تاخذ ثار أمك.فاطمة أم العتره
ابلا ذنب كسروا ظلعهه. وعينهه اتصب حمره.
طاح وياهه ضناهه . المحسن وبالعبره
صاحت البضعه يفضه. أبني ودع عمره.
.
محسن وگع. أبني أنعصر.
ظهره أنكسر. وانه أنصبت. صدري أنحفر
. أبني انعصر
عليهه تبچي سنينك . سيدي متانينك.
يابو صالح وينك. ياولينه.
ـــــــــــــــــــــــــــــــــــــــــــــــــــــــ٣
حسين ضل ثاره يحشمك. الراية ضلت حمره.
الخيل داست صدره ضامي. والشمر حز نحره.
وسلبوا المحبس من ايده. وخنصره انگص حسره
وحرگوا الخيمة اعلزينب. وين تمشي الحره
ليل وغرب. شافت رعب.
اطفال ونسه. بين العده. موقف صعب.
ليل وغرب.
انصيح ماناسينك. سيدي متانينك.
يابوصالح وينك.
ياولينه
ـــــــــــــــــــــــــــــــــــــــــــــــــــــــــــ٤
روح للعباس عمك عالنهر ضل نايم.
ورايته يمه تندبك. ماتهل يالقائم.
چفوفه غيره وخوه تنزف وراسه ماضل سالم
بالعمد هشموه وعينه. بسهم صابه الظالم.
طاح الوفي. وضل الصبط. من غير أخو.
ظهره أنحنه. مايشتفي. طاح الوفي.
أنكسر ظهره حسينك. سيدي متانينك.
يابو صالح وينك.
ياولينه.
ــــــــــــــــــــــــــــــــــــــــــــــــــــــــــــــ٥
طبرت الكرار تنشد عنك وتنتطر
وچبد ابومحمد يگلك عني لاتتأخر
وجدك السجاد وابنه الباقر اليتحسر
وجعفر الصادق وابنه البلسجن يتأثر.
وچبد الرضا. وابنه النقي . والهادي هم.
چبده انمرد. والعسكري. بالسم گضه
انته شفته بعينك. سيدي متانينك.
يابو صالح وينك.
ياولينه.
ــــــــــــــــــــــــــــــــــــــــــ
#حيدر موسى الرميثي.
(( راعي الزياره الجامعه ))
……………………………………………………………
اليوم السماء السابعه
علنت حداد و فاجعه
لعاشر ضوه من النبي • راعي الزياره الجامعه
……………………………………………………………
اليوم السمه لبست حزن . والارض صارت ظلمه
اليوم الگمر نوره انخسف . وانجرح گلب النجمه
والارض مكسورة ظهر . من عدها شالت نعمه
والطير ما رف ابصبح . ينعه اعله هادي اليمه
والماي ناح اوي يالهوه
عاليكرم الليل ابضوه
عالهادي والمثله ابد • جن وانس ما سامِعه
……………………………………………………………
كلمة ( وإن ) صارت حكم . لازم تموت العتره
والدور للهادي وصل . بالسم نهاية عمره
چانون وبجسمه اشتعل . والنِفس ضاگ ابصدره
من كثر ما سمهم قوي . ينعصر مية عصره
صار احمر اجبينه وعرگ
وانگطعت انفاسه وشهگ
والروح رفت بالجنح • من جسمه صارت طالِعه
……………………………………………………………
راسه اعل ادين العسكري . بس بالتراب اينزله
يقصد يواسي المنذبح . راسه اعله رمح اتعله
يابويه والسم صح كلف . خلالي مية عله
من جسم جدك يالحسن . الحافر ابد ما خله
ابكل كربله جسمه انثر
والصدر طابگ عالظهر
عشره الخيول وبالركض • فوگ الجسد متسارِعه
……………………………………………………………
اليوم الامام العسكري . مكسور ظهره وكلبه
شاب و رحل عنه الابو . ايّامه صارت صعبه
بيدينه غسّل والده . اوي الماي دمعه ايصبّه
وي جسم ابوه روحه اصبحت.مدفونه وسط التربه
بس ماكو مثل المنذبح
بالشمس عاري ومنطرح
محد تعناله الدفن • لا من عشيره الفازِعه
……………………………………………………………
اختك حكيمه الطاهره . ابيتك بقت محشومه
لا ركضت ابوكت الظهر . بين الخيم والحومه
ولا سوط واثار الضرب . فوگ المتن مرسومه
مدري ابجمر مدري ابحجر . مدري ابحبل ملچومه
والهادي ما كف دمعته
كل عمره يبجي العمته
بالسوگ فرّوها اشكثر • والشام كلها امجمّعه
……………………………………………………………
والهادي يا اول وصي . يندفن وسطت بيته
من عنده كل صبح ومسه . تشبع زياره أبنيته
بس العليله المن دمه . تجري الدموع الجيته
وعن الابو ارقيه ابعدت . بالشام صارت ميته
اعل ارقيه ضيم المنكتب
لا حضن شبعت لا لعب
فوگ الضرب فوگ السبي• بنص الخرايب ضايِعه
……………………………………………………………
✍️ ( سيد خضر الزاملي )