834
Haitham Al-Lami
﷽
📖 من أعمال شهر صفر المظفَّر
كلّ يوم عشر مرّات قول:
✨يا شَديدَ الْقُوى وَيا شَديدَ الْمِحالِ يا عَزيزُ يا عَزيزُ يا عَزيزُ ذَلَّتْ بِعَظَمَتِكَ جَميعُ خَلْقِكَ فَاكْفِني شَرَّ خَلْقِكَ
✨يا مُحْسِنُ يا مُجْمِلُ يا مُنْعِمُ يا مُفْضِلُ يا لا اِلـهَ اِلاّ اَنْتَ سُبْحانَكَ اِنّي كُنْتُ مِنَ الظّالِمينَ فَاسْتَجَبْناهُ لَهُ وَنَجَّيْناهُ مِنَ الْغَمِّ وَكَذلِكَ نُنْجِي الْمُؤْمِنينَ
وَصَلَّى اللهُ عَلى مُحَمَّد وَآلِهِ الطَّيِّبينَ الطّاهِرين
ابين اگلوبهم جرحك توسد
شيعوض غيابك يامحمد
محتارين الاثنين
حيدر وام الحسين
....................
جرح يلجم جرح وارواح مشتاكه
وعلي بدمعه كتب مابعد نتلاكه
ضل ايصيح آ ياخوي وفراكه
وبعدك لحضه طعم الراحه ماضاكه
جان ايعرفك وتعرف بگلبه
المايلكه اليفهمه ايعيش غربه
والعاشو غربتين
حيدر وام الحسين
........................
طبع الموت من ياخذ شخص غالي
ذكره ايصير ينسونه الاهل تالي
بس الزهره تبجي ايام وليالي
يالمدللهه مثلك مايصح والي
ماتنساك وتنوح اعله فكدك
بنت للحزن بيت الزهره بعدك
وكلمن دمعه بالعين
حيدر وام الحسين
.....................
من غمضت عيونك ونته بحضانه
علي يبسن بموتك شفته ولسانه
ضل اينادي هاي الدنيا خلصانه
وسابع جار يسمع نوحه وحزانه
يعينه الله علي بساعة مماتك
بگلبه اتمنه دفنك من غلاتك
نزفن ليك جرحين
حيدر وام الحسين
......................
شالك بالنعش حيدر عله امتونه
وضل ويه الزجيه تسولف عيونه
الزهره تنادي ريضو يالتشيعونه
ادفنو گلبي ويا من تدفنونه
البت ابلا ابوهه شلون بيهه
وياهو البعد عينه يحن عليهه
مفطورات گلبين
حيدر وام الحسين
.........................
يا اخر نبي ايهيلون بترابك
والزهره وعلي اينوحون لمصابك
عله ام حسين باجر يندفع بابك
ودمعها اينكط ابلوعه عله اترابك
هاي الجنت دوم اتوصي بيها
بالتوديع شالتلك اديها
ونصبولك عزائين
حيدر وام الحسين
محمد هادي العقابي
/channel/rdeaa
لسان الحال .... لشهادة النبي ص
******
مهظومه ابنيتك والحزن اعليها يلالي
والدمع يجري مدرار بفكدك يالغالي
ريتك حاضر وتشوف أفعال اصحابك أويايه
********
أصحاب السقيفه يالنبي ما عدهم رحمه
ما كالو بت محمد او نوصله زحمه
هتكوا دار الله يا بويه ابهتك فاطمه
أنشلت إيد الدفعت الباب او عينه تعمه
ريتك حاضر وتشوف افعال اصحابك اويايه
*********
هجمت على دارك شله وكوم انجاس
ما بيهم كل غيره او لا ذرة احساس
من جنت حاضر بويه محد يرفع راس
والمو زلم صارت زلم اعله بت خير الناس
ريتك حاضر وتشوف افعال اصحابك اويايه
*********
حطابه وجمعو الحطب النيه حرك الدار
او دارك يعني دار الله او يدرون الفجار
الجانوا اصحابك بالعلن شعلوها هالنار
او هجموا على زهرائك بغظاً بالكرار
ريتك حاضر وتشوف افعال اصحابك اويايه
*********
اندفعت عليه الباب وسطروني عالخد
ومن شدة السطره ابد ما شفت أحد
مو آنه الزهره صحت او بت محمد
ستر الله انهتك صحت الله او لحد
ريتك حاضر وتشوف افعال اصحابك اويايه
**********
هسه وين او قبل وين اتغيرت احوالي
ما شفت راحه عكبك والهم صفالي
مدري اون على المحسن مدري اعالحالي
من رحت بويه والأجل واكف اكبالي
ريتك حاضر وتشوف افعال اصحابك اويايه
**********
سيد علي العنكوشي الواسطي
قصيده لسان حال فاطمه
للرسول… ص
هـلـيـلـه تـبـجــي بـدمــه الـفـكـد الـولـي فـاطـمـه
كـالــت شــوصــه النبـي بـيـنـه ويـحـامـي الحمه
بـاخــر نـفـس رت اشـــوفــه ونــودعـه كـبـل الـمـنـــيــــه
لاكـن لـفـونـه الـصـحــابـــه وحـرمـونـه مـن الــوصــيـــه
لــورحـت بـس ردت اكـلـه بـعـدك اظـل يـاهـــو الــيــــه
وصـاهــم ومـانـسـانــــــــي لاكـــن شـــردو عــلـــيــــــه
عـتـبـت الـبـاب وحـــرك نـنـظـلـم مـن نفـتـرك
ولـهـمـي تـبـجـي السـمــه بـيـنـه ويـحامي الحمه
@@@@@@@@
يـاعـلـي الجـونـه عـلـه حــيـلــه ومـن عـدنـه رادو مـصـالــح
بـاجـــر غــــدرهـــم يـبـيــــــن وحـــنـه الـنـصـبــح ذبــايــح
بـلـظـلـع يـبـقـالـي اثـــرهـــــــم ومــحــسـن اشـوفـنـه طايــح
ولـسـبـب مــن ذولــه كـــلــــــه تـلـــفـيـنـي كــل الــنــوايـــح
جـدامـك انـــه انـصـطـــر
هـل صـحـبـه صحبت غدر
وظــلــوع الــي مـهــشــمــه بـيـنـه ويـحـامـي الحــمـــه
@@@@@@@@@
وصــانــي انــه وسـمـعــتـــه بــس هـايـه هـدتـلـي حـيـلـي فـاطـمـه وكــلالـي بـــاچـــــر مـظـلـومـه يـوم الـتـجـيـلــــي سـيـفـك يـنـام ويـــغــمـــــــده وتـحـفـظـلـي ديـنـي بـرحيـلـي مـطـبــور اشـوفــك بـديــهـــم وهـنـاك نـشـكـي الخـلـيـلـــــي
وعـلـطـف يــزيــد الالــم لـوسـلـبـوهـه الـحـــرم
وحـجـيـلـك الـمـلــحـمــــه بـيـنـه ويـحـامـي الحمه
@@@@@@@@
سـولـفـلـي عـلـطـف سـوالــــــف لاكـن بـچـه ومـاكــــــــدر
كـلالـي ظــامــي وحــبـيـبــــــــي يـنـذبــــح يـــــم الـــنـهـــر
تـنـسـبـي عـيـالـه وحـريـــمـــــــه وقــصـتـه الـتـحـيـر البـشـر كـشـفـلـي صــدره ارد اشـــــمــــه يـاعـلـي ومـن الـــــنــحـــر
عـلـطـف بـچــه وعــلـحــسـن وســولـفـلـي كـــل الـمـحـن وزمــرتـهــم الـظـــالـــمـــــــه بـيـنـه ويـحـامــي الحــمــه
@@@@@@@@
ويــن الحــسن خــل اودعــــــــه مـسـمــوم اشــوفــه وبـديـهـم هـلـزمــره لازم تـغـــــــــــــدره ومـن هـسـه بـيـن حجـيــهــم يـهـجـر حـجـوهـه بـسـاطـــــــه مــاچــنـي انــه ونـــبـــيــهـــم ومـنـعـو وصـيـتـي واتــمـــهــــه وتـفـتـرك هـــل أمـه بـيـهـــــم
ذولــه الـبـدو بـــلـــغـــــــدر عـنـد الله شـنــهــو الــعـــذر
وهـنـاك الـي الـمـحـكـمــــــه بـيـنـه ويـحـامـــي الحــمـه
**
ابـــو ســلام الـجــابـــري
. واويـلاه داره خـلــيـــه
واويـلاه سـيد الـبــريـه
واويـلاه هــاي الـرزيّــه
*---------------*---------------*
اللـيلـه الـكـون مـظـلـم كـلـه بـغـيـابـه
نـبـي الرحمه الـوكـف جبريل بـعـتـابـه
دمــوع العين لـجـلـه بحسره سـجـابـه
بـوداعـه الـحـزن لـيـنـه انـفــتـح بـابـه
لـلـمـخـتـار نـنـصـب عـزيـه
*---------------*---------------*
خـلـه بـكـل گـلـب نـيـرانـه والجـمـره
الـلـه ايعين گـلـبـچ فـاطـمـه الـزهـره
كـسـر المصطفى يصعب بـعـد جـبـره
تـرك بـيـنه الـدمـوع الجاريـه وعَـبـره
مـانـنـسـاه حـد الـمـنـيـه
*---------------*---------------*
الـهـادي الـچـان نوره مـنـوّر الـسـبـعـه
رحـل والـدار ضـلـت تـلـطــم وتـنـعــه
انفجعت كلهه بـمـصابـه وتـهـل دمـعـه
ونـظـام الـكون هاليله اختلف وضـعـه
يـامـعـبـود صـبـر الـزچـيـه
*---------------*---------------*
على الـعـتـره الصحابـه اتـأمـروا بعـده
ركـضـوا لـلـسـقـيـفـه ومـاوفـوا وعـده
بس حـيـدر عـلينـه الـوسـّده بـالـحـده
وتسيل ادموعه حسره وحفـرت بخده
بـالـدمـعـات حامـي الـحـمـيه
*---------------*---------------*
عـافـوا نـور ربـنـه وعـاشـوا بـظـلـمـه
الگالـوا صـحـابـه اهـل الـجـهـل هُـمـه
بجـهلهـم مـارعـوا عـتـرت نـبـي الأمـه
حـيـدر ينچتف هظمـه وشـنـو جـرمـه
يـالأصـحـاب ويـن الـوصـيـه
*---------------*---------------*
مـنـهـم راح يـشـكـي المصطفى الـربـه
كظم غيضه وأذيتـه بمضامره وگـلـبـه
أنـحرفـو عـن طريـقـه وخـالـفـو دربـه
ذولـه أعـداء كـلـهـم ما اظـن صـحـبـه
مـايـدرون عـدنـه قـضـيـه
*---------------*---------------*
✍خادم الرسول الأكرم
الشاعر رعـد الجـريـخـي
/channel/rdeaa
يامُحمّد واويلاه ... يامُحمّد واويلاه
--------------------
صعب كلش علينه نفكدك يانبينه
أجت ليله حزينه صفت ظلمه المدينه
صاحت الناس صعب فركـاه
**
يالهادي هايه بنتك تبجي وتوّن زهرتك
ليل وصبح بضعتك ماتنسى ابد عِشرتك
تصيح ياموت خل امشي وياه
**
عهد سيد البريه الك ننصب عزيه
نعزيهه الزجيه نطبقهه الوصيه
واحنه انصار ماننســاه
**
عليّ يبعث سلامه مُحمّد سر هيامه
صار الدمع علامه صفت بعدك يتامه
ياحبيبي اليـوم نــاداه
**
انهدم ركن الشريعه مصيبه وهم فجِيعه
عليّ محد يطيعه انسلب حق الوديعه
مايطبقون بعده وصايـاه
**
مُحمّد يافخرنه يقائدنه وأملنه
مجالسكم حضرنه نجّدّدلك حزنّـه
جينه هليوم نحيهه ذكـراه
خادم الرسول المصطفى (ص)
السيد حيدر الحيدري
/channel/rdeaa
وداع الوصي الكرار. ..للرسول المختار.
قصيدة الوداع
.....................................
َحيدر فاركَ احلى اسنينه .
من فاركَ (طه) وسد عينه
مات المرسل....والمدمع هل .
من فاركَ (طه) وسد عينه .
...........................................
راح الضوه راح الهوى وانعصر حيدر كَلبه .
ضاك الصدر عبره انترس .وانفتح باب الغربه.
غمض جفن ( طه )النبي هاي اعله حيدر صعبه.
قّبل جبينه بدمعته.وعين الملائك تربه.
يا (طه) استعجلت ايامك.
ذابت روحه بجرح الامك..
موته استعجل. والمدمع هل .
من فارَك (طه) وسد عينه .
.......................................
ياشدت اغروب النعي .وحيدر شجون بروحه.
يحبس دمع عينه وغصب تنزف رحيل اجروحه.
معقوله دنيه وتسمر .والهلا بدون املوحه.
والوصي ابلا (طه) النبي .دمعه بجفن مذبوحه.
يم عرش الله الصوت ينادي.
والجنه اترحب بالهادي.
غالي ويرحل . والمدمع هل.
من فاركَ (طه) وسد عينه .
..............................................
وحشه اصبحت دنيت علي من سد محمد جفنه .
لله حبيب الله رحل .هالليله سافر عنه.
وي روحه ماينفع صبر والغالي يكتل حزنه.
حدّب علي وشيب انترس من اخذ (طه) الدفنه.
كاسر ظهره اليوم امصابه .
صعبه اليدفن اغله احبابه.
محني ويذبل . . والمدمع هل.
من فاركَ (طه) وسد عينه..
..............................................
انشالت تعابير الفرح وانملت حيره النظره .
من واره جثمان النبي . ونزله بداخل كَبره.
تمدد على طول الكَبر .حيدر وصاح بعبره.
صك بيهه اذان السمه. وانفجع كَلب الزهره.
الساعه اقتربت من هالصرخه.
والصور ....أتهيئ للنفخه .
والكون أختل . . والمدمع هل .
من فاركَ (طه) وسد عينه
.............................................
اتغيبت روحه اعله الكَبر .وضاك الهوى بأنفاسه
واسترجع وشم الترب.ونهدم حيل احساسه
بعدك يبو الزهره الوصي شيب الوداع براسه.
لا حيل ظل .لاظل خلكَ ضاع العمر مقياسه
بدمعت فاكَد لملم روحه .
كَام ابصبره يشد بجروحه.
والهم .رتل . والمدمع هل .
من فاركَ (طه) وسد عينه .
............................................
✍ ابو منتظر الحجامي .. .
وداع الزهراء لابيها رسول الله (ص)
................... . .....
ياضوه اعيوني.
ياضوه اعيوني.
ظلام الدنيه بعدك . ياضوه اعيوني .
...........................................
وصل يوم الافراك افراك روحين .
تريد اتروح عن الزهره لا وين .
احس عينك تسولف بويه امرين.
امر موتك وموتي وتبجي العين .
بعدي يالزهره .
بعدي يالزهره.
انتي اول شهيده. بعدي يالزهره
...........................................
حزينه وظلمه صارت بويه الايام .
وجبت جفك وامسح بي على الهام.
بجيت اكَبال عينك بجيّت ايتام.
يبو الزهره الزمن لبنيتك اشضام.
تكبر اجروحي .
تكبر اجروحي.
يتيمه ولوعفتني .تكبر أجروحي
..........................................
بدت غصة الموت اتزاحم الروح .
صدكَ عن العزيزه ناوي اتروح .
احس كَلبي تكَطع وانمله اجروح .
حضنتك والانفاس بشهكت النوح.
لاتخليني .
لا تخليني .
احلّفك بالزجيه . . لاتخليني.
.............................................
يبويه ارجوك جاوبني امنحاجيك.
صدك عايف الروح البين جنبيك.
لّون تسمع بعد صوتي اليناديك .
هذني اجفوف بويه انطيني جفيك.
انطيني جفينك.
انطيني جفينك.
وأتّجه اعله متني. .انطيني جفينك.
.............................................
اجاني الوصي محني بدمعه وآهات .
اخذني وصاح يالزهره الابو مات.
بعد راح النبي ومايرد هيهات.
وخل.. نتحزم احزام المعانات.
مايرد لينه .
مايرد لينه.
رسول الله يفاطم..مايرد لينه .
.............................................
✍ ابو منتظر الحجامي ..
/channel/rdeaa
قصيدة بحق النبي محمد (ص) عن الزهراء عليها السلام
يامحمد.. تنــــــادي الزهرة حزينة
يامحمد.. انطـــــــَـفة نور المدينة
يامـحمد يامحــمد يامحمد
-----------------------------
ينوح دين الله وينادي يامحمد يا امين
لجلك الاسلام ينحـب كَلبة مجروح وحزين
الزهرة صاحت يتمتني ها يسيد المرسليـن
فاركَتنة ليش نادة الحسن وينادي الحسين
من عفتنه انكَلبت الامة علينة
يا محمد يا محمد يا محمد
-----------------------------
فاطمة الزهرة تنادي انهدم بيت الفقير
وصرنة يابوية يتـــامة بعد بيمن نستجير
اتيتم الاسلام كــــلة بعدك ازغير وچبير
واظلم الكون بغيابك راح نور البي ينير
ابغيــــــــابك ايتــــام يابوية بقينة يامحمد يامــــحمد يامحمد
-----------------------------
بوية ال البيت تدري انفجعوا بهذا المصاب
فاركَـتنا ويتمتنـا عـــــاتبوا هذا العتاب
دارت الايام بيهم من نمت تحت التراب
انكَلبت اعلى اعقابها امتك يوم طولك عنةغاب
حاربونـة ولو تشوف اشصار بينة يامحمد يامـحمد يامحمد
__
چنت دوم اتوصي بيهم الكتاب وعترتك
بوية بعدك حاربـونة شوف حالت امتك
شوف حال الامة بعدك ابعـترتك خانتك
مارعوا هالدين بعــدك وبغيابــــك نكرتك
انكرونــة من غفت عينة ولينة
يامحمد يامحمد يامحمد
-----------------------------
حاربوني اعلى البواچـي وعلى دمعات الحزن
طلعوني من المـدينة ما رظوا بـــيهة اون
وكَطعوا الشجرة من ننوح عليك يمهة استچن
بوية من يوم العفتنة شفنة اشكال المحن
نـــشتكيلـك بوية ما تسمع بچينة
يامحمد يامحمد يامحمد -----------------------------
حاربوا دين الالـه وحچيك لحيدر نسوه
بوية والكرار بعدك حاربـــوني وحاربوه
كل شي منك ظل الـية بـوية بالكَوة خذوه
هجموا اعلى الدار بعدك بيتي بالنار احركَوه
اظلمونـي ما رعوا كَلبي او ونينة
يامحمد يامحمد يامحمد
========================
أسالكم الدعاء رائد الاسدي
/channel/rdeaa
زينب ياكسر ظهري
زينب يابعــد عمري
زينب طافت بگبري
هظيمة
::::::::::::::::::::::::
ادني خويه من الگبر خليني اشمج
ولا تلجمين بــــدليلي بداعت امج
لا تحسين بغرب غير انه يمج
راح أوخر تراب گبري بصدري اضمج
وبيدج وسدي عبدالله
وگولي بوجه السملله
زينب نحره وينحري
زينب ياكسر ظهري
هظيمة
::::::::::::::::::::::::
خلي اسولفلج بــعد خويه وازيدج
ومن تروحين الكفيلج اخذي بيدج
اخذي ماي وياج ملهوف ويريدج
رشي گبر الجان عايـش وي وريدج
وبـــــــــس بالج تگليله
عله طگ الشمر تحجيله
زينب لوعته بصدري
زينب ياكــسر ظهري
هظيمة
::::::::::::::::::::::::
خاف گلبج ينشلع هاي المسافة
هيــج صار بحال گلبي يوم شافة
وانتي بت راعي الشدايد والكلافة
وانتي بنت الكتلو أمهه اعله الخلافة
وجنج امـــــج الزهرة
وهم بصدرج الحسرة
زينب أحملي وصبري
زينب ياكـــسر ظهري
هظيمة
::::::::::::::::::::::::
من عمت عيني اجيتي محني ظهرج
ومن وره حجاب الوجه حسيته كسرج
انه بيش أگدر يزينب خويه صبرج
يلي عشتي من الزغر مجروح عمرج
اجيتي وحيل متعوبه
وعليج الدنيا مكلوبه
زينب كلشي بيج ادري
زينب ياكـــسر ظهري
هظيمة
::::::::::::::::::::::::
هناك جفـــــين الگمر وهناك صدره
وهذا راس الأكــــــبر بني وذاك نحره
وذاك عـــون الرمح كاسر خويه ظهره
وعمت عيني القاسم ايده بدمه حمره
بمـوته شابت الحنه
وجهه اليشبه الجنه
زينب دمعـج اليجري
زينب ياكـــسر ظهري
هظيمة
::::::::::::::::::::::::
خادم عزيز الله الشاعر محمد البنداوي
وكأني بالحسين مع السيدة زينب
/channel/rdeaa
قصيدة . الخادم
........................
يحسين ياضي عيني...وياك تحله اسنيني
..............................................
عشت خادمكم وابقى اعله هالخدمه.
أحس مو نعمه.الله انطاني الف نعمه.
يبو اليمه اليعوف اخدامتك. يعمه.
يضيع ويطلع امن الدين والرحمه.
أنخاك تحفظ ديني... وياك تحله اسنيني
............................................
يبوالاكبر بدونك كلشي ما أسوه.
بخدمتك صارت اسنين العمر حلوه.
دخيلك مالي..حيل بهجرك اتجوه.
تزل أجدامي لو عفتك يبوالنخوه.
مولاي فرصه انطيني.....وياك تحله اسنيني.
.............................................
اذا أترك خدمتك بيش أزكي الروح.
بيش ابيا وسيله أذنوبي عني تروح.
ترى ابدونك ذليل وتايه ومجروح.
يل بس بعزائك يحله صوت النوح.
ينعاك صوت اونيني.. وياك تحله اسنيني
.................................... ........
عشت فطره ابمحبتك الله سواني.
ليل أنهار بسمك يلهج الساني.
اذا أنساك الله بعرشه ينساني.
حبيبي انت وهويتي وصرت عنواني.
يحسين .لتخليني.....وياك تحله اسنيني
...........................................
تمنيت اعمى اصيرن ما اشوف الناس.
حتى بعيني تغفه صورتك بحساس.
والانفاس تشهك عطرك الانفاس.
ياجنه.. وأجيك أزحوف من عباس.
بحماك . يالتحميني... وياك تحله اسنيني.
............................................
كل عمري تظل وياي .آه يحسين.
على المنبر ارددها وتسيل العين.
امشي اعليك اخوك القدم الجفين.
سجلني ب أسم خادم يروح الدين.
مجروح كل تكويني..... وياك تحله اسنيني
......................................
✍ ابو منتظر الحجامي
الناشر مصطفى المياحي:
تعبني السبي يخواني تعبني
عذبني الدرب مايگضي عذبني
شكد صيحت حيهم ماكو واحد كام
ما معقوله محد منكم يحبني
جفوف اديه تصب دمه _ كل ساع اختكم طايحه
فوك التعب فوك الركض _ مانايمه من البارحه
هيه الهضيمه ام الشرف _ تمشي ويه ناس بلا شرف
حرموني مو بس البجي _ حرموني اسوي الفاتحه
مهضومه _ حكي من اعتب على العافوني
مهضومه _ مولحت من البواجي عيوني
مهضومه _ غربه ما عدهم شرف يسبوني
خويه حسين شافوني _ خويه حسين شافوني
_
عطشانه اعله اخوتي هواي عطشانه
شيخلصه الدرب والذابح ويانه
يهضمني وادير العين ماكو اخوان
كل ساعه عليه مسرفن اردانه
هيه الاخت لو عدهه اخو _ يا زلمه اليحاجيهه
غير الاخو محد يجي _ ويكول أخيتي شبيهه
التتمرض بديرة غرب _ اي دوه ما يصلح بعد
بس لو كعد يمهه الاخو _ بسوالفه ايداويهه
كومولي _ يل عميتو عيوني من فركاكم
كومولي _ يا اعزازي كون ميته وياكم
كومولي _ طاك كلبي اعليكم وملكاكم
خويه حسين شافوني _ خويه حسين شافوني
____
هنه اهواي صارن بالسبي وكثرن
ياهي المنهن احجي وياهي ينضمن
راح احجيلكم بس وحده تهضم حيل
خواتك يبو الغيره بسوكهم طبن
يحسين مرونه بدرب _ الله واكبر مو درب
عيون متروس وزلم _ والباوعو كلهم غرب
الاعمه ظل يضحك جذب _ والاطرش يسولف ضحك
هيه المصيبه الباوعو _ اتصفحو من كل كلب
ما صايره _ ستر _ الله اليكره الله يشوفه
ما صايره _ الشام غربه والمصيبه الكوفه
ما صايره _ الكوفه تعرفني وأطب مجتوفه
خويه حسين شافوني _ خويه حسين شافوني
___
المثلي بهل عمر يخواني ما تكدر
شني ٦٠ عام وتركض بنص بر
المفروض البعمري المغربيه تنام
مو كل ساع اطيح الناكه من تعثر
الهزله مو مالت زلم _ شلون تصعدهه مره
النوك من كد ماطحت _ يبجن علي لزمن سره
ظل يبجي حتى المو عرف _ جا بأختك شسوه الوكت
شمسويه حتى اكضي العمر ليل ونهار امرمره
ياموتي _ ردتك اتسير علي كل ليله
ياموتي _ ليش ضيمي وياي شد كل حيله
ياموتي _ فدوه عجل راح اشد الشيله
خويه حسين شافوني _ خويه حسين شافوني
__
الخادم موسى البطلي
@HxzEU1
#قناه_نشر_القصائد_المنبريه
موشح
هاي زينب ردت اباحزانها
ومحد استقبلها من اخوانها
ويلاه يم الخدر ويلاه يم الخدر
****
وين راحت وين وداها الزمن
حرمه وحدها وتگود ابهل ظعن
ردت وكل الملامح شيبن
موش زينب وسفه ذيچ الوانها
****
اشسوه بيها ام المصايب هالدهر
عل هزيله شلون يتلوه الظهر
امدللة عباس مو مالت سفر
هاي يم عرش الله كون امچانها
****
آه يا مدمعها زينب من يصب
چم وطن چم ديره مسبيه تطب
شلون لسه يدگ بعد عدها الگلب
والخرايب يا وسف عنوانها
****
بربعين حسين ردت كربله
والاخت محد تلگاها بهلا
ونقص واضح چان بين العايله
چملت ارقيه بعد نيرانها
****
لهفه چانت تارسه عيون الخدر
تشوف اخوها حسين مشتاگه اشكثر
عاليه الناگه وهوت فوگ الگبر
دموع فرگه اطشرت امن احضانها
****
گبره فوگه دموم زينب شافته
شمت اتراب الحبيب وباسته
لطمت وفوگ العبايه طشته
الدنيه وياها تنوح اركانها
****
الصوب كافلها الگمر تالي مشت
مثل اخوها حسين يم گبره انحنت
تصيح ياكفالي زينب هل إجت
لا لگتك لا لگت صيوانها
****
الشاعر اياد الديراوي
رد ضعنهم. رد ضعنهم
____
من اجه ضعن الغريبه
من سبيهه بلايه والي
دخلت الديره وتنادي
بلايه اخوتي غربه حالي
نادت الديره غريبه
بلا وطنكم يا دلالي
جرح يلچم جرح راجع
ضعن جرح السليبات
واكبرهن جرح حرمه
وسط حزن الگلب بات
راحن بالوطن لكن
اجن ديرة غريبات
رجعن فاگدات حسين.
بيهن چم نبض مات
الفرگه غربه العيشه صعبه
بلا غوالي. بلا رسمهم
حمله مايل. بلايه كافل
بس غرايب. رد ضعنهم
رد ضعنهم. رد ضعنهم.
____
هذا اجه يجرح ضعنهم
الچان ضعن حسين اسمه
صار ياضعن الغريبه
والغريبه شلون جلمه
تلچم جروح العقيله
والگلب يزداد همه
ضعن باسم الحسين اسمه.
طلع من الوطن راح
رجع فاگد ولي النعمه.
ويصفج راحه بالراح
رجع لكن فكد رسمه.
رجع ومحمل جراح
رجع يرسم حزن ثكله.
كل خطواتهه نياح
ممحي رسمه. ورايح اسمه
لاهله جايب. بس حزنهم
حسينه رايح. وحيله طايح
رد باساره. رد ضعنهم
رد ضعنهم. رد ضعنهم
__
رد ولكن غربه جايب
جايب اهله بلا وطنهم
ردوا الديره غريبه
والفگد يرسم حزنهم
مامش حسين واخوته
جايب الغربه ضعنهم
ضعن غربه ودمع جايب.
اجه وجايبله حسرات
اجه حامل حرم و ايتام. .
كل خطواته اهات
واجه فاگدله فد طفله.
ماتت كلهه شوغات
جن يجري نهر عالگاع.
كل خطواته دمعات
رد رزيه. بلا رقيه
هذا واحد. من المهم
يا لچمهم. یا فگدهم
بالمصايب رد ضعنهم
رد ضعنهم. رد ضعنهم
_
وضي حزنك من دمعتك
ياگلب واسيهه زينب
ابچي للراحت اميره
وردت بضعن التسلب
بت علي گالوا سبيه
ياگلب واسيهه وانحب
اجت مكسورة الخاطر
اجت محنيه ام عون
فگدت وگفة العباس
شيوصف حالهه شلون
اجت محنيه متغيره
بوضع يجرح يگولون
مو بالدمعه ياجفني
كون اجريلهه عيون
عالعقيله. دمعي اسيله
حتى اوالي. ال الله حبهم
عالغرايب. ابچي واجب
مو كفائي. رد ضعنهم
_
ياگلب ابچي الضعنهم
وانحب ولا تجفي حزنك
ابچي للردن سبايه
واصرخ ويتعالى ونك
موجرح واحد يگلبي
جروحك بكل ذره منك
يگلبي وكل نبض تنبض
يلجملك كل نبض حيل
على العاشن سبي وغربه
تضيع منك الحيل
ومو دمعات بعيوني
كون دمومك تسيل
يلچم كل جرح بالآه
وحزنك عاشر الليل
عيش حزنك. بكلشي منك
للسبايا. والجرحهم
واسي بيهم وابچي ليهم
عيش چلمة. رد ضعنهم
_
#حسين علي الياسري
دِعْبِل اشـگـال وقره ابــ ابياته ؟
والرضا اعله الــخد همل دمعاته
ويلاه يـــــــــا فاطمه
ــــــــــــــــــــــــــــــــــــــــــــــ
دعبل ابـ أبياته ياناس اشقره
وخله نيران الإمام امـــوجره
يلزچيه احسينچ انحز منحره
واثنعش طبره الــنحر طبراته
ويلاه يـــــــــا فاطمه
ــــــــــــــــــــــــــــــــــــــــــــ
فاطمه ولو شفتي صدره امن انسحَگ
علـــــــــ ضهر من ثگل الـخيول انطُبَگ
كل عظم معناها من اعظـــامه طَـــــگ
ضلعه بالخيمه انسمع طگــــــــــــــــاته
ويلاه يـــــــــا فاطمه
ـــــــــــــــــــــــــــــــــــــــــــــــ
فاطمه ودارت على احسينچ اُلـوف
بالحجاره وبالرماح وبالــــــــسيوف
مو فقط خنصر إله انگطعت چفوف
ويشهد الــــــــــــــجمّال ذن زلاتـه
ويلاه يـــــــــا فاطمه
ـــــــــــــــــــــــــــــــــــــــــــــ
فاطمه وبجروحه ما يوفي الشرح
مو جرح الــــــــف وتسعمية جرح
بالرمل ممليه الجروح وملـــــــــح
وُ وحده فوگ الثانيه طعنــــــــاته
ويلاه يـــــــــا فاطمه
ــــــــــــــــــــــــــــــــــــــــــــ
حلِّـلو دمه ابــــشهر حرمة قتال
ومثلو بي من بعد ما دمه سال
جسمه كالـقنفذ صُبح من النبال
ومن بعد چتله احرگو خيماته
ويلاه يـــــــــا فاطمه
ـــــــــــــــــــــــــــــــــــــــــــ
ظل ثلث تيام علــــــغبره الـــغريب
تصهر ابجسمه الشمس حد المغيب
للحشر وجروحه لا ماظن تطيــــب
واعظم اجروحه السبي وجمراتـــه
ويلاه يـــــــــا فاطمه
ــــــــــــــــــــــــــــــــــــــــــــــ
ابيا وكت زينب تصد ليها الزلم
والشمر يحديها بـسياط وشتم
شنهي چا وين التكفلها الشهــم
طايح وعگبه افرحت شمــــاته
ويلاه يـــــــــا فاطمه
ــــــــــــــــــــــــــــــــــــــــــــ
سيد علي عبدالزهره الناجي
/channel/rdeaa
مِن كل بُـقعه بالكون جِمعَت كربله الناس
اَللَّه اِشخلَّه بِـ حسين شنهو السر يعـباس
____
نِمشيلك مِـنّ البحــر إلـى النحـر
نمشيلك وانحـطِّم أَصنـام الخَطر
نمشيلك ما نتعب، اِنْـتَعبِ الدهر
نمشيلك يدفعنه حبنه بهل سَفَر .. نمشيلك
شَدِّينه الحيازيم لِلطف يابو الاَحرار
اوْنشرب بالدرب ماي بس مايبـرد الثـار
يا سِر عشگ الگلوب ياتاج العلَى الراس
الله شخلّه بحسين شنهو السر يعباس
____
بگلوبنه إنته اَوَّل او آخر عشِگ
بگلوبنه مُوته ونبض حبك يدِگ
بگلوبنه يوميـه خيمــه تحـترِگ
بگلوبنه نِسمع اضلوعك تنسحِگ.. بگلوبنه
مَشَّايه او حفظناه اوننـدَل دربك منين
طعم السَفره وَياك مثلِ الجنَّه يحسين
يمك راحت البال ياسلطان الاِحساس
الله شخلّه بحسين شنهو السر يعباس
____
راياتنه بِسم العشِگ لجلك ترِف
راياتنه حرَّه اِو أبـد ما تنچـتِف
راياتنه لو طاحت اتخظّـر ألِـف
راياتنه كلها اعله حـبك تِئـتلِف ..راياتنه
سَدِيناها الِبيوت ولگبرك حدَه الشوگ
اگلوب اولاگت اعليك وِانته اعليهن اتلوگ
نعمه امن السَّمَاوات بالطف وسفه تنداس
الله شخلّه بحسين شنهو السـر يعباس
____
خطواتنه. تَسبيحه تِخلص بالدرب
خطواتنه. مرتبطه وي نبض الگلب
خطواتنه. بحاصِل تَعـبهِن تنـظرب
خطواتنه. يلگَنْ أجرهِن من نطب ..خطواتنه
اِنعيد الماضي وِنزود نِنطي چفوف وِعيون
وننزل علْ خيم ماي مابِيـنه الْيِحـرگون
ليش اليِخْدِمَك صار من اِجدامه ينباس
الله شخلّه بحسين شنهو السر يعباس
____
شباچك. والله اِشتهينه اِنشِم عطُر
شباچك. لِلـزايـر ايظل ينتــظُر ...!!
شباچك. بي جمره من ذاك الخِدُر
شباچك. دايِـر اضلوعه اعله الگبر
..شباچك
هنياله اليجي ايزور منـك ياخـــذ امراد
عشرين بصفر صار للشوگ اَحله ميعاد
بي تتلاگه الِگلوب وي اَغله امن الاَنفاس
الله شخلّه بحسين شنهو السر يعبــاس
____
خادم الحسين ع
مرتجى الحسَّاني
____
اداء ملا هيثم اللامي
للشاعر محمد هادي العقابي
ميمر ( لأستشهاد النبي ص )
…………………………………………………………
قال الحسن . قال الرضا
يا شيعتي . يا رافضه
ما منا الا مسموم . لو جتل يخلص عمره
…………………………………………………………
اول جريمه ابتدت بيها الامه
عل الي نقذهم من سواد الظلمه
عل الي إلاه الكون يحلف بأسمه
اول جبد جبد الرسول اتسمه
ابسم انغدر . سيد البشر
نفس النهج . لثنى عشر
جف السگت سم الموت . كسرت ضلوع الزهره
…………………………………………………………
يا قلم لا تكتب وفاه بوساده
اكتبها يوم الفاجعه استشهاده
اول دمع سال ابعيون الساده
اول جرح ما حصل ليه اضماده
اول سهم . يحمل الم
گلب ام حسن . بيه الجم
خل تستعد ام حسين . للحايط و للعصره
…………………………………………………….……
هاي الجريمه و نعرف السواها
وي اليهود و رتّبوا مجراها
ما تخطي ام الجمل و الي وياها
وكلمة ( اليهجر ) والذي كالاها
هذا الجرم . لهل الظلم
الهم يظل . كرسي الحكم
لا اجو حتى بتشييع . لا وصّلوه الگبره
…………………………………………………………
حيدر وحيد و ناره تجوي ابگلبه
ضاكت الدنيه ابعينه صارت غربه
شال الضوه وبس الظلام ابدربه
احمد اخوه واخلافه كلش صعبه
طاح العمد . راح السند
حيدر صفه . ماله احد
لازم اصفاحه الكرار . نصين صاير ظهره
…………………………………………………………
مات وبقت لبنيته تسعر ناره
اثمنطعش ما شبعت تشوف انظاره
كل همه للباب و جرح بسماره
ودموعه لاصوات الضلع تتجاره
تبت وتب . يابو لهب
لم الحسن . جايب حطب
واذبحت محسن مظلوم . ماشاف ابد من عمره
…………………………………………………………
اليقتل حبيب الباري و افضل رسله
تصبح ارگاب البشر كلش سهله
كلش طبيعي حسين ضامي اتجتله
سهله الطفل وبنحره نامت نبله
اليقتل نبي . سهله السبي
سوط و حجر . فوگ العبي
لا مو عجيبه النيران . و زينب تدوس الجمره
…………………………………………………………
✍️( سيد خضر الزاملي)
/channel/rdeaa
قصيدة لشهادة رسول الله
(ص وآله)
.............مجزوء الرمل........
.
وامحمداه. وامحمداه
وامحمداه . وامحمداه
.
.
ذابَ عـرشُ اللهِ حُـزناً ..
وأرتدى ثوبَ السـواد
وعَلـت في اللـوحِ رآيه
أعلنت يـــومَ الحـداد
أيُ خطـبٍ مــــا تُراهُ
زلزل السبـعَ الشِـداد
قد أتى صوتُ المنادي
ناعياً خيرَ العـــــباد
.
وامحمداه .. وامحمداه
وامحمداه .. وامحمداه
.
.
أمـةُ الأحقـادِ عـــادت
في رُبىَ الدارِ تصول
عجلهم أمسى خلــيفه
يــزدري تلك العــقول
سيــدي و الســامريُ
عَــذبَ قَلــبَ البتـــول
ذلكَ الصُعـلوكُ نادى
أحرِقوا بيـت الرسول
.
وامحمداه..وامحمداه
وامحمداه .. وامحمداه
.
.
سَيدي مَن قَــالَ تَهجُر
أعلنَ يــــومَ البــلاء
ساق أهـلُ الجـــاهليه
نَحو بيـــتِ الأنبــياء
خلف بابِ الدارِ ويلي
هشـّموا قلبَ السماء
سحقوا ضـِـلعَ النـبوه
عَـبّــدوا دربَ الـــدماء
.
وامحمداه ...وامحمداه
وامحمداه.. وامحمداه
.
.
بنتُ عِجلَ القـــومِ نــالت
كُـلَ ميـــراثِ الإمين
والبتــــولُ ويـــحُ قلــبي
إرثُـها صِفــرا اليدين
عُد الى الزهـراءِ وانظر
خـــدُها والمُقلتـــــين
وأستمع جُــرحَ الدمـــاءِ
ناعــياً أم الحُــسين
.
وامحمداه .وامحمداه
وامحمداه .. وامحمداه
.
.
إن تسل عن روحِ قلبك
إرثُها نَــزفُ الــدمــــوع
سطـرةً في الخدِ تـروي
سيدي كَسـرا الضلوع
فاطــمٌ أمســـت غريــبه
بيـن هــاتيك الجموع
في ظــلامِ الليلِ تنــدُب
سيـدي حتى الطلـوع
.
وامحمداه . وامحمداه
وامحمداه .. وامحمداه
.
.
ثَغرُ مَن قَبلـــتَ ثَــغره
أرتـوى سُــمَ الحتوف
نَحرُ مَن قَبلــتَ نَحره
قطــــعوهُ بالســـيـوف
سيدي لو كُنتَ حاضـر
إذ ترى يـومَ الطفوف
بيتُك أضـــحى ذبيــحاً
والعدى فـــيهِ تطوف
.
وامحمداه . وامحمداه
وامحمداه .. وامحمداه
.
.
لاتنسوني ووالدي من فضل دعائكم المبارك
حسن الموالي الفاطمي
/channel/rdeaa
.
إشهد يامحمد هاي الاصدور
بعد اثار بيهه اللطم عاشور
وننعاك بصفر
ياسيد البشر
................
بصفر بثمانيه وعشرين ايامه
يبچي الدين الك يمنصب اسلامه
وحيدر يبو الزهره ذب العمامه
حزين وعلى فراكك شاد الثامه
من طبع العرش مايبجي عالمات
ونته بموتك مبچي السماوات
مفجع هالخبر
ياسيد البشر
................
الزهره تصيح بويه تعوفني وترحل
هواي جروح بعدك اني شتحمل
جوابي الك عني لو ردت تسال
اصحابك يبويه حضروا مقتل
من هسه واشم بالباب دخان
والم بضلوعي احس وبخدي نيشان
وگليبي انعصر
ياسيد البشر
................
ابن عمك وبنتك هايه حالتهم
واحنه اعليك نقسم وبمحبتهم
لاتحرمنه طول الدهر خدمتهم
وتحشرنه يطاهه ويه زمرتهم
الخادم من يموت وتغمض العين
كون اهناك يصبح جار الحسين
هالموته فخر
ياسيد البشر
...............
خدام الحسين الناس سمتنه
عزيزك والعزيزك هايه لطمتنه
الك من الكلب نحجيهه كلمتنه
دنيه واخره احنه حسين غايتنه
موبس بالاسم نتسمه خدام
وفقنه العزائه بكل الايام
هنياله الحضر
ياسيد البشر
................
النحر ذاك التشمه وتدمع اعيونك
من اتشوفه بالطف ينخطف لونك
ولاجن انته جده ولا يعرفونك
من ذبحوه نيتهم يذبحونك
التضمه اعله الصدر وتبوسه بشفاه
صدره الحافر بكل حيله رضاه
جسمه اصبح وذر
ياسيد البشر
................
نعزيك بمصابك يا ابو العتره
گلوب الخدم كلهه اعليك منكسره
الكم ثار ندعي بالعجل لمره
طول العمر نبقه المهدي ننتظره
خدام احنه ربتنه العزائات
ماننسا الضلع وحسين هيهات
انته المستقر
ياسيد البشر
محمد هادي العقابي
/channel/rdeaa
غمض ضوه المدينة
و بنتك بقت حزينة
يا صاحب السكينة
_
الفارگ ابو لازم يرافگ جرحه
شما سد جرح ألجرح الآخر يصحه
ولو كابر دموع البواچي تفضحه
راح الگبل تارس الدنيا بصبحه
يعين الله ام أبيها
جروح الأبوة بيها
فگدت ابو الحنينة
__
يالرايح و ماخذ وياك البسمة
يا هوى بدونك ما تلوگ النسمة
عايف ابنيتك عدمن بيا ذمة
هاي الخلگ ما تنطي حق النعمة
محد عرف سبيلك
وادم نست جميلك
وكلمن تناسه دينه
____
عفت المدينة بلا ضوه بلا گمرة
و گلب الزچية گلي چا شيصبره
بشوك الصحاري ما تعيش الزهرة
من بعد عينك عينها تضل حمرة
درب الحزن دربها
فراگك يطر گلبها
و يتفنن بونينه
__
يابو الزچية ارجع و شوف شتلگه
باب الوحي الحتى انتَ چنت ادگه
واحد اجه و بكل صلافة يحرگه
و الثاني خد بنتك الزهرة يطگه
منها وبدت مصيبة
زينبكم الغريبة
و صار الظلم سَنينة
__
فراگك يبوها رغم ما ماذيها
هاي المصايب سوت أكثر بيها
كسرو ضلعها و چتفو واليها
ومنعوها حتى من البچي تاليها
هالامة من حقدها
كتلو ثَلث ولدها
نلچمك لون حچينه
__
عباس حسن السوداني
/channel/rdeaa
فگدك جرح بس ماله تضميد
عايفني يم الموش اجاويد
العنهم گلت ذوله اصحاب باچر يدفعون الباب
&&&
يا رسول شكثر عدهم صلافه
چان كل همهم تره كرسي الخلافه
من متت گالو بعد سهله المسافه
هاي وادم باطله وماكو مخافه
باجر اعاني بروحتك هاي
تدري برحيلك محد وياي
ضلعي بحقدهم ينصاب باچر يدفعون الباب
&&&
قبل لا تدنالك بساعه المنيه
جابو القرطاس الك تكتب الوصيه
گلت من بعدي علي حامي الحميه
وسجلت بيدك فدك بأسم الزجيه
تنباگ باجر ادري بيها
اصحابك وتركض عليها
بداري تشتم عطاب باچر يدفعون الباب
&&&
لا تأمن بيهم وكلهم خيانه
غيبه واحدهم تره تسمع اذانه
يا امانه وهمه خانوها الامانه
استعجلو مات النبي نأخذ مكانه
گالو چذب هاي الرساله
حتى النبي باگو حلاله
ما ينفع وياها اعتاب باچر يدفعون الباب
&&&
انه ادري بروحتك تبدي بفعلها
گالت اول خطه نگيد بعلها
المهم عدنه بعد يوگع حملها
انوب نرجع لي وره ونكسر ضلعها
تهجم علي من كل الاجناس
تسمعني بس ما تفزع الناس
معروفه كل الاسباب باچر يدفعون الباب
&&&
من متت رگضو على كرسي الرئاسه
وكلها صارت عالمه وتحچي السياسه
بالحرب واحدهم يضم حتى راسه
تبچي چانت بالچذب اغلبها ناسه
بالحرب كلها تظم السيوف
ما حاربو من كثرة الخوف
ياهو الي مثلك ينهاب باچر يدفعون الباب
&&&
علي جبار الكعبي
وزن القصيده . الميمر.
استشهاد الرسول (ص)
......... .......................
حين الدنت ساعة وفاة المخــتـــار
وسدة ابحضنه وهمل دمعه الكرار
والحـــزن خيّم والفلك لجله انـــدار.
واعتلت صرخة واهـات صوت الوحي يتـــلاها
...........................................
صوت الوحي صاح انفكد طــه اليوم
والدنيه تجري الدمع لمصابه ادمـوم
والــزهرة يم الجسد بالونه اتحــــوم
دار الرسول بهل يوم روج الحزن حاطـــاها
........................................
ودع احبابه وانكطع منه الظــــن
وارتفع صوت النايحة وصوت الون
واتعنه حيدر بالنـعـــش للمـدفـــن.
هال اعله جسمه التربان ودمعت.وداع اجــراهـا
............................................
وي الوصي ناحت جميع الاكوان
والعرش ناح الفكد نور الايـــمان
وندفن وي جثة حبيب الرحــمـان
روح الوصي والزهراء .لمّن ( علي) واراهــــا
.............................................
غاب وصفت حدر الوطية انواره
والدمع من حيدر جمر يتجــــاره
راح اللي عالامة انخفت اسرارة
وانطوت صفحة امجــــاد جف الغدر اطــــواها
...........................................
ظلت الامة الفكَد هاديها اتـــنــــوح
لمصابه جبريل بحــزن ظـل ايلوح
فكد النبي جم كلب صاب وجم روح
فكد الرســول المختار جن وانس بًجــــــاهـا
***
✍ أبو منتظر الحجامي
قصيدة تقراء ثكَيل ونزال للنبي
امودع الله وياك ياهاديــــــنة
خيم الهم من مشيت علينة
----------------------------------------
اظلم الكون وعلى مصابك حزن
ويندب القرآن يالهادي ويـون
مكَابل المحراب ودموعة جـرن
ايتام من بعد النبي ظليـــنة
--------------------------------------------
العدل والتوحيد بيك اتصـوبن
النبوة والامامة اشـــــــكَد بچن
وبسمك الميعاد صاح وكَلبة حن
تنوح اصول الدين وتواســينة
-------------------------------------------
ذن فروع الدين جنك لاطـمات
ينوح اجاك الصوم وتنوح الصــــلاة
الخمس يندب واجة الحج والزكاة
ياهو بعدك يالنــــــــــبي يحــيينة
-------------------------------------------
الامر بالمــــعروف وياه الـجهاد
ونهي المنكر رفعوا اعلام الحداد
والموالات بحزن لبست سواد
والتبري لجلك اتـــــهل عـينة
-------------------------------------------
بعدك الاسلام ظل ابلا مــــــــعين
يامحمد يندب الدين وحــــــزين
تلطم اعلى الراس كل المسلين
بعدك الاســلام ﷲ ايعـــينة
-------------------------------------------
نزلت الاملاك تذرفلك دمــــع
وبالسماوات السبع ون ينسمع
والارض صاحت دليلي منفجع
فراكَك بسهم الحزن راميــنة
-------------------------------------------
اظلم الكون وحزن حتى الهـوة
من الكَمر والشمس محجوب الظوة
والانس والجن عليه ناحوا سـوة
اعلى النبي ثوب الحزن غاطينة
----------------------------------------
انبياء الله حظـــــــــرت بالعـزاء
تواسي اهل الارض بالون والبكاء
وترفع اصوات العزة لهل السمــاء
اه من يومة شكــثر ياذينــــــــــة
-----------------------------------------
أسألكم الدعاء رائــــــد الاسدي
/channel/rdeaa
گالولي الضعن قادم
گلت اهلا بني هاشم
أول راية .. للعباس
آخر ..راية ..للقاسم
----
تتباشر شفته الناس واني بجرحي الملوحه
وين اليضحك ومرتاح وين الياكل بروحه
عين العشگتك يحسين من دمعته مفضوحه
حبك لاسهو ولاطيش باقي ويانه للوحه
حبك مايمر نزوه
گالولي وگلت هوه
عشگك بالجنون انقاس
نذكر عابس اسوه
------
قانون العشگ يحسين يرمي العاشگ بذله
بس حب الوطن بي خير گالو محد يمله
دورتك ابين الناس كل واحد صرت حله
واذا حب الوطن بي خير يعني انت الوطن كله
كل واحد عكس دربه
عنك ...يشعر ..بغربه
والعاقل حفظ درسه
يعني انت الوطن نفسه
--------
من گالو ضعنكم جاي روحي اتلگتك ع الحد
وجروحي الجبته وياي بچفوفك تريد الشد
عيوني خلصت من الماي واني اعله البچي اتعمد
لايگلي الحزن وياك واكشخ لو لبست اسود
شفت الدنيا مگضية
خليتك.. نفس.. رية
يالحادي اسرع ابممشاك
عافيتي جبته وياك
------
اتريد الصدگ يحسين ليش انته علي غالي
خادمتك گبل مانام بالكاروك تقرالي
چانت من تناغيني يبعد الله المهد خالي
مو توها النواعي اعليك چانت امي تنعالي
ماتت بس بقيت انته
الخير بخدمتك شفته
والراضع عشگ بصباهه
للموت ويظل وياهه
------
حي الله الضعن والبي ياعزنه وفخر طاهه
كتب الوصلتك يحسين مو احنه الكتبناهه
اوصل ونشد الزوار لعيونك خدمناهه
وحبوب المواكب هاي بالمدمع ترسناهه
مو.. بس الدمع .والعين
حته احنه بثواب حسين
يا.. محله ..العمر ..وياك
نعمة.. و.ما.. نمل طرواك
------
ظلت ثورتك يحسين بين الماضي والحاظر
وبالفتوى الكفائية ترسنه الچول والساتر
حد سوت مراجعنه للمرتد وللكافر
واذا كررهه ابن العاص نرجع عابس وياسر
مراجعنه الله يحفضكم
صمام.. الأمان... انتم
كون.. الفتوى ..تتكرر
ترجع ..صولت.. الاكبر
الشاعر حيدر الخفاجي
/channel/rdeaa
الأربعين
يَـحسين اجيتك يا ذبيح الغـــاضريّه
زينبكم آنه الـــــ علـهزل راحت سبيّه
............................
زينب واجيتك خويه يا هيبت خواتك
عنك رحت غصبن عَلَـيّ خويه وغلاتك
من الهضم ماتت تره اثنين ابــ بناتك
خوله العزيزه و فتشت اعيونك رُقيّه
............................
شحچي وشسولف خويه من بعدك ولونه
حرگو خيمنه وعلــهزايل رچبونه
بين الزلم وسط المجالس وگفونه
شتمو ابونه وعنّـه گـالو خارجيـــه
............................
شلونچ اذا تسئلني ما ظل خويه كل لون
من نظرة الشمات الي ومن طگ المتون
ابسوط اعله شفتك شاهدت يتجره ملعون
ردت اشگف السوط وُ وسف مچتوفه اديه
............................
ابـعاشر محرم ماتت احلامي و سنيني
والحز وتينك ياوسف ما حز وتيني
هاي اربعينك هلـ اجت مدري أربعيني
آنه العليك انحب واحس تنحب عليه
............................
جبنالك الراس الذي فوگ القنا انشال
مگطوع بس بعيونه ظل ينظر للعيال
يبچي اشكثر لمن يصد بچفوفي الحبال
دمعاته من فوگ الرمح للهاشميًه
............................
ياخويه هضم البينه مر ، مامر مثيله
گبلي انسبت يا هاشميه ويا عقيله ؟
حگك علي لو جفني الك يگطع مسيله
يلــ روحي يمك تعتني ابـ كل مغربيّه
............................
ودعتك الله وراح ارد صوب المدينه
يا اهل يثرب ينعه ناعيها ابولينه
الگه العليله اهناكه وام حادي الضعينه
واهناك اقيمـلّـك يبو اسكينه العزيّه
............................
بس عام اعيشن من بعد عينك يغالي
وبـكل مسيه اتصور الطف ابخيالي
بالشام اموت واندفن يا وسفه تالي
وابگبري ماظن تبرد النار السريّه
............................
سيد علي عبدالزهره الناجي
°°°°°°°
/channel/rdeaa
اليــــوم رد ضعن السبايا لكربلا
اليـوم ردت زينب ونسوانها
حيل مشتاكه تـرى لخـوانها
كربلاء هيه سبب احـزانها
لـــوعتها وغيـرت الــــــوانها
من السبي جيتلكم انا معلعله
......................................
وين عمه كبـور اهلنا وينها
تنشد السجـاد عن حسينها
الفاكــــده الخوان الله يعينها
وعلى اخوتها مـا يبطل اونينها
خــل تنوح وياي وين الثاكله
،،،،،،،،،،،،،،،،،،،،
ام الاكبر تصرخ بصوت وتصيح
وعلى كبرك يمه اركض مره اطيح
ومره انوح اعليك مره اعله الذبيح
وتدري طبع الفاكده ما تستريح
دموعي دوم اعليك يبني سايله
،،،،،،،،،،،،،،،،،،،،،،،،،،،،،،،،،
وصاحت ام جسام وينك يا الولد
كلبي يمك عليك نار وما بـــرد
تجازي هيج اربـاي ما ضنيت ابد
شلون عني تروح يا طيـر السعد
فراك ابني صعب انا اتحمله
،،،،،،،،،،،،،،،،،،،
نزلن اعلى اكبورهم فوك التراب
والكبور مترسة شيب وشباب
ويلي منج كربلا يم المصاب
شفنه بيج اشكال وانواع العذاب
وشفنه بيج اهوال كثره ومعوله
،،،،،،،،،،،،،،،،،،،،،،،،
نادى السجاد عمه خل نروح
للمدينه هناك نبجي احنا وننوح
وي العليله البقت هيه بلايا روح
ودار ابونا البيها كثرانه الجروح
وام البنين التتاني العايله
ـــــــــــــــــــــــــــــــــــــــــــــــــــــ
خادم الحسين ع
احمد سامي الهاشمي
/channel/rdeaa
يخواني كومو من الكبر ـــــــــــ زينب اجت مشاية
ـــــــــــــــــــــــــ
يهل المـــــحنه وينكم
جبت البنات وجيتكم
كعدولي خل احجيلكم
عندي هموم اهوايه
ــــــــــــــــــــــ
كعدولي ياضنونة علي
يالجنتو بس انــتم الي
يالحاسبتكم كـــل هلي
كومو يلب احشايه
ــــــــــــــــــــــــ
متعوبه جيت مدولبه
امتوني زركه مـعذبه
ضعن الاميرات نسبه
لشام راح ويايه
ـــــــــــــــــــــــــ
ابضهري خويه المنكسر
ذبيت روحي عله الكبر
شوفوهن عيوني حمر
من البجي مدمايه
ــــــــــــــــــــــ
ياخويه وين امشي بعد
لا اضل اخو ليــــه اولد
بفـــراكم كلـــبي انمرد
وبحزاني محــناية
ـــــــــــــــــــ
الشاعر
مصطفى الحسني
ها يزينب .. اح جيلـــــي موضوع السبايــــه
هايزينب .. اهـــــواي متغيره العبايـــــــه
فرق من رحتي ورجعتي ابلا ولي
صـدك هايه انتي يمحبوبة علـي
سولفيلي ... سولفيلي
.......................................................
عاودت من اربعينــيـــة أملهــــــــه
والمنازل خاليه وتبجي اعله اهلهـه
وصلت وعبدالله بدموعه سألهـــــه
عن الحسين الولي وعن الكفلهــــه
يالحبيبه ..... شنهــي شــــــو مبحوح صوتج
يالحبيبه ..... اشكثــــــر صيحتي اعله خوتج
خل اموت احجيلي بلله اتوكلي
صدك هايه انتي يمحبوبة علي
سولفيلي .......... سولفيلي
....................................................
شاب راسج ويلي ياعظم المصيبـــه
هذا كله اشحال كلبج من نحيبــــــــه
جنتي عد حيدر وعند امج حبيبـــــه
اشلون لو شافوج مهضومه وغريبه
زركه المتون .......... زينب اشلـتي عليهه
زركه المتون .......... شو أثر للسوط بيهه
ابداعتي من اسأل عليج اتحملي
صـدك هايه انتي يمحبوبة علي
سولفيلي ............ سولفيلي
ادري فوك اجروحج آنه اجروح ازيدج
اتحمليني يابعد روحـــــــــــــي اريدج
جاوبيني السكته زينب ماتفيـــــــــــدج
اشبيهه يابت فاطمه شو زركه أيــــدج
اشحال الحسين ...... من بجيتــــي اكبال عينه
اشحال الحسين ...... من وكع حامي الضعينه
هم صرختي الحك علي ياكافلي
صـدك هايه انتي يمحبوبة علي
سولفيلي .......... سولفيلي
...................................................
اختصرهه الاسئله اوردي عليــه
لان كلبج أدري مايحمل اذيــــــه
وين وياكم أشو ماكو رقيـــــــــه
ريت برض الطف توافيني المنيه
اولا أشوفج ........ يكســـــــر الخاطر ونينج
اولا أشوفج ........ عالطفل بس تجري عينج
ريت ماســـامع شتمكم عاذلي
صدك هايه انتي يمحبوبة علي
سولفيلي .......... سولفيلي
.................................................
ماتهون وصعبه يازينب عليكـــم
بالسلاسل والحبل مجتوفه اديكـم
الله يلعن من فرح بالشام بيكـــــم
والشماته اعيونهم مشبوحه ليكـم
والله حيره ............. من سمعت الهاشميه
والله حيره ............. رايحـــه زينب سبيه
وزين العباد ابمحنته مبتلــــــي
صدك هايه انتي يمحبوبة علي
سولفيلي ....... سولفيلي
السيد علي الموسوي
/channel/rdeaa
ريــت أروح لكـــربله وي الأحبـــاب
ومـــا أظـــلن وحــدّي وأهلـي غيـاب
يصعــب أوداع الأهــل عنــدي مــا ظل كل أمل
وأهلــي غيـــاب
****
بالحـزن ضعن الهواشم انــوه گاصد كــربله
روحي والفرحه خذوها وي دموعي الهامله
اگصــد لعبدالله أشــوفه لــــو أودع العـــايله
يهلي فــرگتكم مماتـــي وانـه روحي معلعله
مــن أظل بغــربتي روحي تشتاگ
يا عذابي ومحنتي مــــن الفراگ
الفرگه وي علتي علل عنــدي مــا ظل كل أمل
****
انظــر حسين ودمعتـي تشــــرح بعينــي اليتم
وانه ادري أدموعي تجرح گلب أبوي وينلچم
انتظـــر منـــه يگلــي گــومي يـــا بويه بعزم
وي خواتـــچ للضعينه الكلمــه صارتلـي حلم
انظــر لضعن الولـــي حمل وشــال
محد الظــل من هلــي حتى الأطفال
بعيني دمعات الزعــــل عنــدي مــا ظل كل أمل
****
مــر ضعنهم عالنواظـــر اخذ مــن عيني الضوه
الريه شهگت من جفوني بيها احس ما ظل هوه
يـــا ضعن رد روحي اليـــه انـــه والميته ســوه
لعلتي لـــو فرگه الحبايب بعـــد مـــــا يرهم دوه
صحت والمدمع جره مــن العيون
وحـــدي أظل محيره لــو تبعدون
وشًنفع دمعـــي النــزل عنــدي مــا ظل كل أمل
****
مـــر ضعنهم والمدامــع سابگت مشي الظعن
ريت مـــن بعدوا عليــّه عيونــي للفرگه عمن
انظـــر بحسره لـــرقيه چفــوفها مـــن لوّحن
چــن حبل انظـــر بديها اه منـــك يــــا زمــن
گلبي نيران اشتعل ريض أرجاك
ريت تــرجع بالاهل وامشي وياك
صحت صوتي ما وصل عنــدي مــا ظل كل أمل
****
يبعد الضعن ودمعتي مــن دمــه تهـل سايله
ينرسـم عاشــــر محــرم تنرسمــلي المعضله
ينرسم عبدالله ضامــي أبنحره نبلة حرملـه
وينرسم عالغبره أبـويه الخيل فوگه جايلـه
اصرخ أبكل لــوعتي وارسم أفكار
بحيره تركض عمتي بالخيـم نـــار
عنها لـــو غاب الكفل عنــدي مــا ظل كل أمل
****
علتــّي وفرگـــه الحبايب بالگلــب خلــت اثر
عالدرب انطـــر واتاني مـا وصل منهم خبـر
ارجع لداري المظلمه يذبـح إعيــوني السهر
تغفه عيني واحلـم انه بخنصر وسيف ونحر
بصوتي انادي بالدمــع بويه يحسين
صدگ مـــا سالم ضلع تحلــم العين
ريت وافانــــي الأجـل عنــدي مــا ظل كل امل
****
الشاعر
موسى البديري
------------------------
#عگيلي
........ ردينه الكبرك ردينه
ـــــــــــــــــــــــــــــ
ردينه الكبرك يـــــــــبن امي
جيت اشكيلك ضيمي وهمي
من متــــــــوني ينزف دمي
وكل ساعه بسوطه يبجينه
ردينه الكـــــــــــــبرك ردينه
ــــــــــــــــــــــ
جيت الكبرك وي ظعوني
گلت اخـواني.يتلگووني
جيت وينزف دمع عيوني
يرويلك شنهو المر بينه
ردينه الگبرك ردينه
ـــــــــــــــــــــ
جينه الكبرك ياضي عيـــني
جيتك ودمـوعي تسلـــــيني
خلينـــــــــي اشتمك خليني
صـــــار هواي الكم حنينه
ردينه الگبرك ردينه
ـــــــــــــــــــــــــــــــ
حنــــــينه وطالت غيبتنه
جيـــــنه انزورك.ياهيبتنه
نشكيلك هضم امصيبتنه
والشاهد.نيشان البيينه
ردينه الگبرك ردينه
ــــــــــــــــــــ
نيشان الگــــــــيد.الباطفالي
غير لـــــــوني وغير حاالي
بس نسوان بلايه.الـــــوالي
بس سجادك ومچتفيينه
ردينه الگبرك ردينه
ـــــــــــــــــــــــــــــــ
چان بفكري خويه الگاكم
واگــــعد وتعاتب ويااكم
لاهلي اتردوني وانخاكم
ويكعد عباس ويحمينه
ردينه الگبرك ردينه
ــــــــــــــــــــــــــ
بقلمي ابوباقر الصالحي.
/channel/rdeaa