834
Haitham Al-Lami
موال ملا هيثم اللامي
الشاعر رعد الجريخي
مقطع صوتي من mlahythmallamy
Читать полностью…
ياهله. ياهله وميت هله.
ياهله. هالشهر نستقبله.
ياهله بشعبان.
،،،،،،،،،،،،،،، ،،،،، ١
سيد الجنة انولد نورةالحيات.
اليوم فرحانه الزكاة ويه الصلات
اليوم خل نشبع ثواب وحسنات.
بذكر ابو اليمة تزول السيئات.
ياهله. عيدت كل المله.
ياهله هالشهر نستقبله
ياهله بشعبان
،،،،،،،،،،،، ٢ ،،،،،،،
هله بشعبان انولد بيه الحسين
خل نهني اليوم كل المسلمين.
هاي رحمة من اله العالمين.
طشت الدنيه عطر من ياسمين
ياهله. بيك نادت كربله.
ياهله هالشهر نستقبله
ياهله بشعبان
،،،،،،،،،،،،،،،،،،،،، ٣
نهني طاهه المصطفى وحامي الحمة.
اليوم محتفله الارض ويه السمه.
نزلت الاملاك هنت فاطمة
حتى حور العين الهم خادمه.
ياهله.. اليوم ننسه المعظله.
ياهله هالشهر نستقبله
ياهله بشعبان
،،،،،،،،،،،،،،،، ٤،،،،،،
هله ابميلاد الگمر رمز الفضل
ياهله بعباس للدنيه يهل
ضوه الكل العالم ونوره يصل
بعشك اهل البيت مرتاح العقل.
ياهله. الورد اشرق بالفله.
ياهله. هالشهر نستقبله
ياهله بشعبان
،،،،،،،،،،،،،،،،،،،،، ٥
انولد زين العابدين وشع ضوه.
علي للاسلام رحمه وهم دوه.
حب علي السجاد اغله من الهوه.
خل نشارك بالفرح كلنه سوه.
ياهله.. حسنات مسجله.
ياهله هالشهر نستقبله
ياهله بشعبان
،،،،،،،،،،،،،،،،،
حيدر موسى الرميثي
(( #حروف_و_أنوار ))
……………………………………………………………
خمس حروف بيها انكتب شعبان
لـولادك عـلـي بـكل حـرف عـنوان
بي نتنفس افراح ... عيد وهل بالارواح
لولادك علي بكل حرف عنوان
……………………………………………………………
شـبير بـمولده لـجده هديه
وفرحه لحيدر وامه الزجيه
كل مرسل نزل هو و وصيه
يم مـهـد السـبط ادوا تحيه
عيسى يرتل اعل گماطه انجيل
و يهفي اعالمهد بجناحه جبريل
صايم وافطر الدين … بهلالك يالحسين
لولادك علي بكل حرف عنوان
……………………………………………………………
عــباس و تعـنه لـربه مگـصـود
يلاهي طلب منك والثمن جود
بنفس الشهر وي حسين مولود
يـنثري الـورد و نـثرلـه الـزنود
زينب وبسؤال تعيده كل حين
چـا يمـته الـولاده يـم البـْ نين
عيوني أمحضره الياس … عطر لوجه عباس
لولادك علي بكل حرف عنوان
……………………………………………………………
بــدر السـاجـدين بـهـالشـهـر لاح
انولد والتربه اثر بجبينه مصباح
خواله املوك والجد سيد البـْ طاح
بـمهده و كـله هـيبه اترجف ارواح
السمه والارض عدهن عطله اعياد
وحده تهني الاخره بـعلي السـجاد
ابـو الباقـر زعـامه ...... حـافظ عالامـامه
لولادك علي بكل حرف عنوان
……………………………………………………………
اكــبر ولـد ابـو اليـمه المـيامـين
انولد وارث علي و ناصر للحسين
مـن روعه جـماله تـحير كـل عين
مُـحَـمّـد هـذا گـالـوا يا مسلمين
فرحت ليله وتناغي بضناها
علي بدمعة فرح فز و لگلها
رمـلـه او يالعقيله … مـبروك الـچ ليله
لولادك علي بكل حرف عنوان
……………………………………………………………
نــور الله العـظـيم و صـاحـب الثار
بليل اخمسطعش مهدي العشگ صار
الطـيور احـتفلت و فرحـانه الاشجار
ورد مـو مـاي گـامـت تـجري الانهار
وحكيمه تبشر العسكري بهاليوم
يبو مـحمد الشوفة وارثك گوم
الحـور الكـل يصيحن ... يا نرجس هـنيئن
لولادك علي بكل حرف عنوان
……………………………………………………………
✍️ ( سيد خضر الزاملي )
الزهره فرحانه وعلي. الليله كل هم ينجلي
مولد حسين. مولد حسين
🌸🌹🌸🌹🌸🌹🌸
شعت انوار الحسين اعل الضوه
بمولده إيقَبلَه اجه حته الهوه
حسين للعلّه صبح هو الدوه
نزل جبرائيل هالليله ونوه
يبارك لحيدر نزل. فرح بي خير العمل
مولد حسين. مولد حسين
🌸🌹🌸🌹🌸🌹🌸
عطره عالكونين هاليله انتشر
گلب فاطم بي بالفرحه ابتشر
اخذ من وجه ضوه طه ونثر
وصارت الدنيا مضويه اعل البشر
بيه فرحانه المهج. هو للدنيا الوهج
مولد حسين
🌸🌹🌸🌹🌸🌹🌸
والملائك نازله تروح وترد
كل فئه بحسين صارت تنسعد
لبيت حيدر جايبه كلها ورد
والفرح هاليوم لازم ينعگد
قائم الليله الفرح. كلشي بالدنيا انشرح
مولد حسين
🌸🌹🌸🌹🌸🌹🌸
سأل فطرس شنو جبريل اشجره
وليش اشوف الدنيا كلها مخضره
گله الحسين انولد للطاهره
صاح اخذني وياك مهده اتنطره
وياك اخذني بالعجل. للمهد لمن وصل
مولد حسين
🌸🌹🌸🌹🌸🌹🌸
استأذن من الله ودخل في حضرته
رجعن اجناحاته طابت علته
اتشكر من حسين نزلت دمعته
والملائك من رجع هم هنته
رجع سالم للسمه. الف شكرا فاطمه
مولد حسين. مولد حسين
🌸🌹🌸🌹🌸🌹🌸
الشاعر علي النائلي
ليلة ٣/شعبان /١٤٤٦ هجري
الاحد 2\2 \2025 ليلة
ولادة الأمام الحسين عليه
السلام #قصائد1446هج
مولد العباس ع
هلا بزوده ابو الفضل هلا بزوده
اجه بجوده ابو الفضل اجه بجوده
يكفالي
****
اشحلات عيونه .. شهم من لونه
اشكثر تانيته وهل نوره عليه
نطرته اهوايه .. وتنطره الرايه
تلوگ الچفه من حيدر وصيه
من مهده عرفته
شايل غيره لخته
صد عينه ومدالي چفوفه
شفت بعينه دمعه
يا زينب اسمعه
چن يسأل ما حانت طفوفه
بده اوعوده ابو الفضل بده اوعوده
اجه بجوده ابو الفضل اجه بجوده
يكفالي
****
اجاني الغالي .. هلا بكفالي
علي بوصافه وتحلاله البطوله
رفعلي راسه .. حفظت انفاسه
انولد هالليله توئم للرجوله
يتلاله اويه صبحه
تارس عيني فرحه
غامرني واتباها بقدومه
يتخير عضيدي
سيف و ورده بيدي
وعليهن هوه ايخط رسومه
مثل عوده ابو الفضل مثل عوده
اجه بجوده ابو الفضل اجه بجوده
يكفالي
****
شبيه الگمره .. اشمن عطره
تفوح ابصدره نسمات الشريعه
شهم كفالي .. حفظها اقوالي
ندهته ابجالك وآنه اختك وديعه
ما يرضه ابسكوتي
يتغنه اعله صوتي
سهرانه اوبفعاله دهاني
لن اگماطه شاله
حضن اخته حلاله
صرت إمه وظل يطلب حناني
على موده ابو الفضل على موده
اجه بجوده ابو الفضل اجه بجوده
يكفالي
****
الحسن يم راسه .. يشم عباسه
جربته ابيده يم صدره وضعها
نظر لحسينه .. ودمعته بعينه
ابتسم لعضيده وصرخاته رفعها
تتناطر طفوفي
ذاخرلك چفوفي
يالغالي صرت انه اعله مودك
جيب المهره ليه
وشد رايه اباديه
من يوصل يحسيني الحدودك
اله زنوده ابو الفضل اله زنوده
اجه بجوده ابو الفضل اجه بجوده
يكفالي
****
الشاعر اياد الديراوي
جديد مولد لكل مواليد شعبان
مسرورة مسرورة دنيانة مسرورة
شعبان هل وبالفرح شع وسطع نورة
=====================
ثالث ايامة من يجي تتكحل العين
بعيونة ايلالي الفرح لجل الميامين
طير السعد جاب الخبر ها يالمحبين
شعلوا الشمع طشوا الورد ابمولد حسين
يالغالي يالغالي نهواك يالغالي
شعبان هل وبالفرح شع وسطع نورة
======================
رابع ليالية ابفرح تستقبل الناس
من رابع ايامة يجي يتفتح الياس
فرحتنا ابد ما تنوصف ما الها مقياس
ورابع من ايام الشهر هل بيها عباس
بهلالة بهلالة سرانة بهلالة
شعبان هل وبالفرح شع وسطع نورة
=====================
فرحتنا ابد ما تنوصف عدنا اجمل اعياد
برابع أئمتنا الفرح هالليلة ميلاد
كل شيعي هالليلة ابتشر وبكل البلاد
فرحانة بي ارض وسما يا علي السجاد
ويانة ويانة فرحانة ويانة
شعبان هل وبالفرح شع وسطع نورة
========================
مولد شبيه المصطفى يا محلى هالنور
بميلادة الحسين ابتشر والگلب مسرور
نشعلك اشموع الفرح نشعلك ابخور
يا علي الاكبر مولدة بدلالي محفور
ميلادة ميلادة مبروك ميلادة
شعبان هل وبالفرح شع وسطع نورة
========================
تتوسط ايام الشهر فرحة وصدكَ عيد
ابميلاد ابو صالح نجدد بيعة ونعيد
طالت علينا سيدي هواي المواعيد
عجل علينا بطلعتك بس شوفك انريد
مهدينا مهدينا عجل يمهدينا
شعبان هل وبالفرح شع وسطع نورة
=====================
أسألكم الدعاء رائد الاسدي
خروج ضعن الامام الحسين عليه السلام ومولاتي فاطمة عليها السلام تتأمل ..
امشي وياك مشايه اذا ماكفت النوگ
بكلهن أرضا تاخذني بس مارضا بالشوگ
ماريد اصير لهل درب عرضه
واعذرني عن كلمة الما ارضه
____
امشي ولاتهم بيه ولاتحسب الي احساب
اهون ذن من ذني المرض والوكفه عالباب
الدوه ويايه ماجيب
المشه وياكم يطيب .. مايحتاج لدواه
اخذني وياهن امتون
سكنه وعمتي ام عون .. اقبل كلشي والله
العطش والحر والاصعبهن اقبل وانتم ويايه
گبل خواتي اركضلك وفرشلك مصلايه
اصيحنكم بلا صوت.. يهلنه
اليتانيكم تره يموت... محنه
ألمشه وياكم يا لذو حضه
____
ماثگل عل اضعونك امشي وكلبي ممنون
حالي حال خواتي وأساعد عمتي ام عون
اجيبن جوده ونطيه
اخافن عمي مابيه .. او يتبسم أليه
العطش اتكاسمه وياك
اهون الا فركاك .. ها ياابورقيه
شكلت هسه يفي روحي أتاني جلمة الـ يالله
تتعب ما اخليها أشيل وي امي عبدالله
اصحى ماكو انسان.. وحيده
وي روحي الحجي جان.. أعيده
احتاج كل اشويه ألى يقضه
___
اليتاني ابطيف يتجازه ثمن لطيوفك الروح
غير ابطيفك الراحه ليش اتمرني مذبوح
أقنع روحي من خوف
مجرد مرن اطيوف .. ما لازم اصدگ
اصدگ من تمر زين
طول وضحكة احسين .. حتى الساكت يدگ
هلي ياحجة الشامت هلي يامسكن ألامي
هلي لو بابي يتحرك تركض روحي جدامي
اركض بس هوا هاب.. عجيبه
انسى عيوني علـ باب.. غريبه
بس كلبي متأمل يدگ نبضه
__
احضر حنة القاسم وزين خيمته اوروود
المرض ماهمله جه انته اكبال اعيوني موجود
اكول شمحلا الايام
الأكبر وي جسام ... يامحلا الحموله
كلما يگصد الماي
يكلي امشي وياي ... يشربنيِ ألاوله
شحلاته منين ماشوفه بس بحسين موضوعه
الله يسلم جفوفه بس شو جنها مكطوعه
حساس ايكون حساس.. فجيعه
ميت عمي عباس... بشريعه
والجود بسهام العده اتشضه
__
اليتم والغربه يابويه ماترهم علي دوم
كلشي اتحمل وبعدك ما احمل ولا يوم
اعيش ابدنية اوهام
الله يخلي لأحلام.. بس موكلها گدرك
حلم بعيوني ميروح
حلو بس انته مذبوح... والخيل اعلـ صدرك
احاول بالحلم اشكف عليك وانه مابيه
هنا ياخيل عوفنه تعالن سحكن اعليه
هل مره الحلم نار.. بخيمنه
وركض مذعوره الزغار.. وحرمنه
وخدر النبي الدرب السبي امضه
____
اللـهم عـجـل لـوليـك الفـرج
محسن الحمداني
مولد الامام الحسين ع
يا ربيع ايامي
يا رسم بأحلامي
عشگي انت سيدي اليوم المنيه
****
حسيني . انت محبوبي . امنور ادروبي . عشگك هويه
گلبي . بالگلب شوفك . ينبض حروفك . صبح ومسيه
تدري . خيري من خيرك . ما احب غيرك . تشهد عليه
عنك . ما يبعدوني . انت بعيوني . يبن الزچيه
اغلى من كل غالي
اول انت وتالي
عشگي انت سيدي اليوم المنيه
****
هايم . والله مجنونك . ظمني بعيونك . دخيلك إمامي
آنه . فطرس الليله . حزني هفيله . ردلي سلامي
روحي . بيها ضميتك . كعبه سويتك . قبلة غرامي
انت . مصحف الباري . ودمعة اشعاري . مالك كلامي
يا شعِر بشفافي
حيرتها اوصافي
عشگي انت سيدي اليوم المنيه
****
صوره . اگبالي راسمها . دوم اكلمها . هايم خيالي
شامه . تضوي بخدودك . نسخه من عودك . وجهك يلالي
هيبه . اشمحلى هالنظره . اعمامتك خضره . وصفك حلالي
نسمه . ابرمشك اتغازل . ناظرك شايل . منظر خيالي
وجه الله ونوره
انجمعن ابهالصوره
عشگي انت سيدي اليوم المنيه
****
لوحه . عالعرش اسمك . وانطبع رسمك . نقشة خصالك
الجنه . الله خالقها . حتى يرزقها . شوفة جمالك
الدنيا . شعشعِت بيها . انت ضاويها . رادت وصالك
نورك . من علي وفاطم . والنبي الخاتم . واضح دلالك
والشمس والگمره
مولدك تنتظره
عشگي انت سيدي اليوم المنيه
****
عمري . اوهبته تدريني . انطيتك اسنيني . اقبل هديتي
عايش . انت بانفاسي . بروحي وحساسي .ساكنها ريتي
طلبه . منك ارجيها . سيدي اگضيها . تعرف قضيتي
خادم . ابقى لعيونك . والله من دونك . وحشه منيتي
يا مليك اسنيني
بالگبر لاگيني
عشگي انت سيدي اليوم المنيه
****
الشاعر اياد الديراوي
نحيي ذكرك رغم حِقد النَّوَاصِب
ألسلامُ عليكَ يابو طالب
صحنه كلنه احبابك..مايهمنه العاذل
يالكفلت الهادي..والله نعم الكافل
إلك ياسيد قريش ابكل وكت نادينه
إحنه خِدَّامك نضل ورغم اليعادينه
صنت موضوع الكفاله وناصرت هادينه
ناصر الأسلام انت وهالشرف يكفينه
النصرت الدين تِحمَّلت المَتاعب
السلامُ عليكَ يابو طالب
واضح اهل الباطل...مُشرك ايوصفونك
لان والد حيدر...سيدي ايبغضونك
هالأمر يصبح تناقض يللي كافل طه
مُشرك وكافل الهادي العقل مايرضاهه
لكن وداعة محمد صرخه عليناهه
مثل ماتتباهه إحنه ابحُب علي نتباهه
يَلِّلي حُبكُم فَخر يَهل المَنَاقِب
السلامُ عليكَ يابو طالب
مات مُشرك گالو..وبالحچي شعلينه
انت والد حيدر...وتُعتَبَر والينه
يالنصرت الدين واضح نهجك وعنوانك
آمنت بالله ورسوله وصادق ابإيمانك
رغم حكم الجاهليه وكل ضلم عدوانك
راية الحق ارفعتهه والله رافع شانك
رايِتَك بيضه ياشيخ الاطايب
السلامُ عليكَ يابو طالب
يوم فگدك صاير...عام حزن الهادي
واحنه هاي الليله...وي نبينه انَّادي
يوم الاحزان ابرحيلك أصبح الهادينه
واحنه ننعاك المسيه يابو طالب جينه
نحيي ذكرك يافخرنه للعَزَه اتعنِّينه
للرسول انگله عَمَّك والله ماناسينه
ويه نبينه الدمع هالليله ساچِب
السلامُ عليكَ يابو طالب
يادمعنه الليله...وي علينه انسيله
عظم الله امصابك...ياعلي ابهالليله
كلنه نلفيك ابجرحنه يالصميده البابك
نعتني ابكسر الخواطر نوگف اعله اعتابك
ياولينه الليله تسمع صوت من احبابك
عظم الله امصاب طه وعظم الله امصابك
ونظره مِنَّك نريد الهالمواكِب
السلامُ عليكَ يابو طالب
سيد علي الموسوي
إلهي..🤲🏻
بـ حبنا لوليك موسى بن جعفر( ع)❤️🩹
⛓أن تفك أقياد نفوسنا وتعلقاتنا وتقربنا منك وترضى عنا وتعفو عما أجرمنا حتى نرد عليك في أبهى إنسانيتنا..🙏🏻💔
🤲🏻إلهي بـ السجين المسموم الشهيد المظلوم إمامنا موسى بن جعفر الكاظم⛓💔
🤲🏻إِلهي بـ صلاةِ مُوسى،بـ دعاءِ وترتيلاتِ مُوسى،بـ دمُوعِ مُوسى،بـ سجدةِ موسى،
⛓بــ سلاسل موسى، بــ عظمة موسى،
❤️🩹بــ إبن موسى،بــ حفيد موسى بن جعفر عليهم السلام عجل لوليك الفرج🥀
يا الله..يا الله.. يا الله💔⛓
🖤🕊
صوت اعتلة كـــل الهلا أتفضل يزاير
عزة وشرف والكل هتف تحيى الشعائر
سود الدلال أهلاً يماشين
مفتوحـــة بيبان الدواوين
أتفضل يزاير
....................................................
بسم الله نبدي وتعلى صرختنه
شدينه الحـــــــزم علينه رايتنه
فتحنه أبيـــوتنه ومدينه سفرتنه
هلا وكــــل الهلا بغداد جمعتنه
شوك المحب أطوي الدرب كحل النواظر
عزة وشرف والكل هتف تحيــــى الشعائر
الكل خطوه تمشيها الموالين
مفتوحــــــــة بيبان الدواوين
أتفضل يزاير
......................................................
شد عزمك يزاير واعتنــي الحضرة
أباب الصحن أوكف وأسجب العبرة
من تدخل ضريحة وتنحنــــي وتقرة
كبــل طيحت دمعتك تحضر الزهرة
دمعك ذخـــــــر يوم الحشر تلكاه باجر
عزة وشرف والكل هتف تحيى الشعائر
تقضي الحوائج أم الحسين
مفتوحــــــة بيبان الدواوين
أتفضل يزاير
.......................................................
مواكبنه وعزانه وخدمتـــك نعمة
نعيش أنموت كلنه بصاية الخدمة
يالماشي بدرب مـا بيه بس رحمة
الخــادم بالحشر سلطان تلكه أسمه
تاج الخدم راية وعلم فــــــــوك المناير
عزة وشرف والكل هتف تحيى الشعائر
الآخر نفس عالعهد باقين
مفتوحـــة بيبان الدواوين
أتفضل يزاير
....................................................
لابن جعفر زحـــف حفاي نمشيله
وفوك الراس نعشه نشيعه ونشيله
من دم الدمــــــــــع للكاظم أنسيله
نحيــــــي أمصيبته يا شيعة هالليله
بنوح وحزن تنعى وتون حتى المحاجر
عزة وشرف والكل هتف تحيى الشعائر
حجة وأمام وخدمتة دين
مفتوحـــة بيبان الدواوين
أتفضل يزاير
...................................................
ملايين الأجت للكــــــــاظم وحجت
وبدموع الوفــه وسط الصحن صلت
الغريبة أجنازته وفوك الجسر ضلت
باب الحاجه بابه وكـــــــل شدد حلت
شد العزم واقــــــــــع حلم للخدمه ثابر
عزه وشرف والكل هتف تحيى الشعائر
باب المراد أتكحل العين
مفتوحـــة بيبان الدواوين
أتفضل يزاير
................................................
خادم خدمة الحسين
الشاعر
محمد الموالي
عكيلي للكاظم (ع)
ننحب عالكاظم ومصابــه
ننحب و ادموع الهم جـمــره
عالمظلـوم وخلص عـمـــره
ياهو اليگدر يوصل صبـــره
وياهو اليحمل نار اغـيــابـه
ما بيــن السجان وغــربــه
مـتـلـوع والهـم أيـعــذبــــه
الله ايساعــد جـمـرة گـلـبـه
مسجــون وتسعــر لهابــه
ما فارك لــوعــة احــزانـه
والكاظم عـايــش ويــانــه
مصدر للشيعه وعــنــوانه
مكـتـوب بنص گلب أحبابه
جـرحـك يالكاظم ما يــبــره
ولسه اتنوح اعليك الزهره
واحنه وياها بهم وبحسره
نبچي بدمعـتـنـا السچـابــه
يبقه اصوابك عايش بينه
يالكاظم وانته الـتــدرينـه
نتنطـر يظهـر مهــديـنـه
واحنه وياه نظهـر طلابه
لاتنسون والدي وأبني عباس من الرحمه والغفران
خادمكم رياض الرسل الجابري
سورة الشمس صدقة نيابة عن صاحب الزمان لحفظه و لسلامته أهديها لأمي فاطمة الزهراء (عليها السلام)💙
بِسْمِ اللَّهِ الرَّحْمَنِ الرَّحِيمِ
وَالشَّمْسِ وَضُحَاهَا (1) وَالْقَمَرِ إِذَا تَلَاهَا (2) وَالنَّهَارِ إِذَا جَلَّاهَا (3) وَاللَّيْلِ إِذَا يَغْشَاهَا (4) وَالسَّمَاءِ وَمَا بَنَاهَا (5) وَالْأَرْضِ وَمَا طَحَاهَا (6) وَنَفْسٍ وَمَا سَوَّاهَا (7) فَأَلْهَمَهَا فُجُورَهَا وَتَقْوَاهَا (8) قَدْ أَفْلَحَ مَنْ زَكَّاهَا (9) وَقَدْ خَابَ مَنْ دَسَّاهَا (10) كَذَّبَتْ ثَمُودُ بِطَغْوَاهَا (11) إِذِ انْبَعَثَ أَشْقَاهَا (12) فَقَالَ لَهُمْ رَسُولُ اللَّهِ نَاقَةَ اللَّهِ وَسُقْيَاهَا (13) فَكَذَّبُوهُ فَعَقَرُوهَا فَدَمْدَمَ عَلَيْهِمْ رَبُّهُمْ بِذَنْبِهِمْ فَسَوَّاهَا (14) وَلَا يَخَافُ عُقْبَاهَا (15)
الزيارة المُختصرة لصاحب الأمر 💙
بسم الله الرحمن الرحيم
السلام عليك يا صاحب الزمان السلام عليك يا خليفة الرحمـٰن السلام عليك يا شريك القران السلام عليك يا قاطع البرهان السلام عليك يا امام الانس والجان السلام عليك وعلى ابائك الطيبين واجدادك الطاهرين المعصومين ورحمة الله وبركاته
اللهم صل على محمد وآل محمد وعجل الفرج والعافية والنصر والتمكين والتأييد لهم 🕊
واظبوا على هذه الزيارة فإنها تصنعُ العجائب🌹❤️
طِلعت اجنازه امنالسجن
بغــداد مـرجـونـه رَجـــن
طِلعت اجنازه امنالسجن
هـالصـوت رَدد بـالفَضـه
وَوِّيلا يـالكـاظـم
عالجسر نعش اُبو الرضا
وَوِّيلا يـالكـاظـم
شيعـوا إمـام الـرافضــه
وَوِّيلا يـالكـاظـم
لبسـوا السواد ابهـالحـزن
طِلعت اجنازه امنالسجن
قصه بـدمـه السم كتبته
وَوِّيلا يـالكـاظـم
بـالسجن موسى بغربتـه
وَوِّيلا يـالكـاظـم
عدوانـه بـالســم سمتــه
وَوِّيلا يـالكـاظـم
إبـآخـر رجـب لــن ينعلـن
طِلعت اجنازه امنالسجن
بالدفـن لـن صوت اعتلـه
وَوِّيلا يـالكـاظـم
رگبـة ابــن عقــد الــولــه
وَوِّيلا يـالكـاظـم
تجـري دمـه امنـالسلسلـه
وَوِّيلا يـالكـاظـم
تُـوجـع يلحظات الـدفـن
طِلعت اجنازه امنالسجن
هالعَــزه قِيمـوا كـل سـنه
وَوِّيلا يـالكـاظـم
هــــارون الله يلعنــــه
وَوِّيلا يـالكـاظـم
سَمَّــم الطيــب معــدنــه
وَوِّيلا يـالكـاظـم
يستحـق هــارون اللعـــن
طِلعت اجنازه امنالسجن
نشرَوا سـواد ابحضـرتـه
وَوِّيلا يـالكـاظـم
مشـايــه نــاسـه اتعنتــه
وَوِّيلا يـالكـاظـم
باللطـم تبچــي و زارتــه
وَوِّيلا يـالكـاظـم
لــزيــارتــه كلــهــا تحـــن
طِلعت اجنازه امنالسجن
كلمـن گصـدلـه ابحـاجتـه
وَوِّيلا يـالكـاظـم
و قـدم طلبتــه بـدمعتــه
وَوِّيلا يـالكـاظـم
إيـرد لهلـه بيــده طلبتــه
وَوِّيلا يـالكـاظـم
و المدمع امجرح الجفـن
طِلعت اجنازه امنالسجن
كريم الحاج فليح
٢٢ ــ ١ ــ ٢٠٢٥
🌷#موال🌷
مـحـتـاره بـيْـه الشمس هـذا الـضـيـاء امـنـيـن
يتغزل بخـده الـگـمـر ويـشـع عـلـى الـكـونـيـن
سبـحـان مـن صوّره مـا سـوّه مـثـلــه اثـنـيـن
فرحانه بيـه الأرض واهـل السـمـه امـعـيـديـن
وٱمـلاك رب الـعــرش هـنّـت عـلـي ويـاسـيــن
يـدرونـه روح الـنـبـي ولـلـزهــره قــرّت عـيـن
وجبريل اجـه ابـمولـده ويفخـر يهـز بحـسيـن
✍خادم الحسين
الشاعر رعد الجريخي
عباس عباس.. يا زود الهواشم
عباس عباس.. يا نـور العـوالـم
حاشا ما مثلك بشـر
گمر واحلى من الگمر
❤️💛🌿🧡💥🧡🌿💛❤️
١/
من نزل عبـاس عالدنيـه هلالـه
باسته إعلى العيـن أنوار الجلاله
بشـر لو گلنـه بشـر هاي استحاله
مـلك لو گلنه مـلك يزعل جماله
عباس عباس.. يـل نـورك إلهـي
عباس عباس.. يشاغل انتباهي
حبّك ابروحي استقر
گمر واحلى من الگمر
❤️💛🌿🧡💥🧡🌿💛❤️
٢/
عباس يا نـور القداسه الحيدريه
الشمس بيك اتنخّت وصارت زهيه
گمـر لكـن أجمـل من الجنه ضيه
و الثريه ابنظرتك صارت ثريه
عباس عباس.. من ربّـك جلالك
عباس عباس.. شنوصّف جمالك
كلـمـن ايشوفه انبهر
گمر واحلى من الگمر
❤️💛🌿🧡💥🧡🌿💛❤️
٣/
أبو فاضل غيرته امعجبه البرايه
ولا شِـعـر يوصفهـا گـادر لا روايه
عنده ويّه السيف من زغره هوايه
و يوم صار أم البنين انطتّه رايه
عباس عباس.. لحسينك وفائك
عباس عباس.. والزينب فدائك
لاختك ابليل الخطر
گمر واحلى من الگمر
❤️💛🌿🧡💥🧡🌿💛❤️
٤/
حيدره من شـاهـد اچفوفك يكفّال
گلك انـت الآل أمـيّـه اتصـيـر زلــزال
كلشي من عندك يخوّف حتى الخيال
سيـل انت وما توگفك حتى الجبال
عباس عباس.. بيك آنه افتخاري
عباس عباس.. يـا وارث فـقـاري
أنـت لـو جــار الدهـر
گمر واحلى من الگمر
❤️💛🌿🧡💥🧡🌿💛❤️
٥/
نزل ع الماي وفرض فوگه الزعامه
و النهـر منّـه ارتجف من فك لثامـه
علّمـتــه الحرّه زيـنـــب ع الشّهامه
و سوّه بجيوش الكفر يوم القيامه
عباس عباس.. يمـشـرّد أمـيــه
عباس عباس.. يليث الغاضريه
الزمن مثلك ما ظفر
گمر واحلى من الگمر
❤️💛🌿🧡💥🧡🌿💛❤️
٦/
سر فدائك ما حصل بالدنيا مثله
و الوفى لزنودك ابهل الليله صلّى
أصبحت طول الدهر للخوّه قبله
ويوم ميلادك ترى الهلهوله تحله
عباس عباس.. ميلادك فخرنـه
عباس عباس.. يا عزنه وگمرنه
اليحب مثلك ما خسر
گمر واحلى من الگمر
❤️💛🌿🧡💥🧡🌿💛❤️
✍🏼علي نوري الحلفي
حياك بدر العشيره
تارس دنيانه غيره
يبو فاضل .. يبو فاضل .. يبو فاضل
...
بكلشي عالي يا بدر عالي
غالي تبقه وتسوه كل غالي
هالجنون البيه يحلالي
عندي مثلك والله هنيالي
عباس هيبة عمامه
بيرغ ينثر شهامه
يبو فاضل .. يبو فاضل .. يبو فاضل
...
الليله نورك يسطع ادخيله
وفي وام الوفه تلوليله
يا علي بكامل تفاصيله
الدنيه مطرت غيره هالليله
من شاف هاي الكرامات
جبريل سوه صلوات
يبو فاضل .. يبو فاضل .. يبو فاضل
...
آيه جانت تضوي بزنودك
فسروها وافي بعهودك
ضگنه طعم الماي بوجودك
والعطش مذبوح يم جودك
عطشان ما يبقه حاشه
وعباس ساقي العطاشه
يبو فاضل .. يبو فاضل .. يبو فاضل
...
أمنيات ويا حلم حيدر
انت تكبر والامل يكبر
بكربله تتكفل الخدر
وانت تلزم ظهر ابو الاكبر
مثلك يحصل اخو منين
يا كاشف الكرب الحسين
يبو فاضل .. يبو فاضل .. يبو فاضل
...
يا امير الحومه لو ضهضب
الكون يتعب وانت ما تتعب
يا هله بنبضة گلب زينب
انت رايه ومحمل ومعصب
عباس خدر العقيله
غيرك ماكو كفيله
يبو فاضل .. يبو فاضل .. يبو فاضل
...
خادم الحسين ( عليه السلام)
كرار حسين الكربلائي
( ابو كميل)
مولد العباس ع
ماصارت گبل يا ناس هالحاله
عمر عباس ساعه وصارمه شاله
ابو فاضل زغير وحيدر اخياله
تتراعش من هسه طفوفه
****
مثل عباس واحد ينولد وينه
عاف ام البنين ودوّر حسينه
ابو الحملات حگه يبوس چفينه
تاج الخوه يلوگ الراسه
****
انولد عباس والصارم مهدداه
چبير شلون يرهمله مهدداه
جدحت عينه والوالد مهدداه
سمع بالطف تروح اخته سبيه
****
شمر لگماط والرايه حملها
يبيّن راد للحره حملها
الشريعه من سمع بيها حملها
لزم جوده ودبچ فوگ الوطيه
****
الشاعر اياد الديراوي
لمناسبة ولادة العبد الصالح العباس
ابن علي ابن ابي طالب عليهما الصلاة والسلام
-------------------------------------------
عطوه من الدمع خل نفرح الليله
انولد عباس يا محلى تفاصيله
وجه مثل الگمر والدنيا توميله
عباس عيوني و عافيتي
---------------------------------------
هلا بساقي العطاشى وهلا بأنواره
بشهر شعبان اجت يا ناس البشاره
فرح حيدر علي مولود فقاره
صار الهيبه حماي الحد
---------------------------------------
اجت يمه العقيله وشمت اچفوفه
گالت هذا اخوي الابد ما عوفه
اخت عباس بالعباس موصوفه
تلوليله ما يرضى ينام
-------------------------------------
سلام الله عليه سبحانه من صور
ولد لام البنين من الگمر أزهر
بعده بحظن امه وعلخيم آشر
هاي اخيامي خلوني اگعد
-------------------------------------
ما يرهم تگمطه گماط ما يرهم
اذا العباس بعده زغير وتحزم
يكاشف عن اخوك الكرب ويه الهم
ناشف ريجه خليت الطف
كلمات الخادم / رعد الفريجي
صلاوات صلاوات ... هليله تفرح فاطمه
ــــــــــــــــــــــــــــــــــــــــــــــــــــــــــــــــ
كل عام اذا شعبان هل اهلاله
كل شيعي اناشيد الفرح مواله
مولد ابو اليمه الگلب غنّــاله
ياربي صلي اعله الحُسين وآله
هتافات هتافات نزلت ملائكة السمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
يافطرس اطلب حاجتك واتمنه
واتبـــــرّك ابڪاروك سيد الجنه
بسمي وبسمكم وبأسم محفلنه
نرفع تهاني لـــــفاطمه وحيدرنه
مسرات مسرات هذا الحُسين ومَقدمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
بدر العشيره ويا هلا ابـميلاده
سورة فلق حيدر قره لحُساده
ما يرضه يتگمط يَمحله اعناده
لو هيچي عم لو ما تريد الساده
ڪرامات ڪرامات بچفوفه يتروه الضمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
كافل خدر زينب منو ابگد صيته
بالغيره ام الاربعه امغذيته
گبل الولاده ڪربله امتانيته
ساگي الحرم راعي اللوه امسميته
بطولات بطولات بالطف يسولف صارمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
يا سائلاً عن الڪرم عن الجود
يم زين العباد الفضل ماله احدود
اليوم الحُسين استبشر ابهلـ مولود
بصياره ساجد منشغل بالمعبود
ولادات ولادات كلهن عطاء وغانمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
بهجة ابو اليمه ابــفرح تتڪرر
حين اليڪحّل عينه نور الاڪبر
وارث صفات اهل الڪساء امن الذر
وجه الگمر يم وجهه يصبح اسمر
بشارات بشارات ما أعذبه وما أڪرمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
أعظم فرح يوم النصف من شعبان
نور الأمام المُنتظر شع وُ بان
يانرجس امبارك الچ راعي الشان
ابميلاده نفرح يم ضريح العطشان
مجرات مجرات تنطر طلعته القادمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
سيد علي عبدالزهره الناجي
مولد بحق الامام الحسين عليه السلام
ينور عيوني اهواك حبيبي ومكَدر انساك
يساكن العــــــين محبوبي يحسين
-----------------------------
يا غالي عندي واغلى من انفاســي
تهواك روحي وانتــه كل احساسي
حبك شغلني عن هلي وعن ناسي
مجنون بيك من الجــــدام لراســــي
الك كل لحظة اشتاكَ شيطفي نار الفراكَ
بين المحبــــــين محبوبي يحسين
-------------------------------
انته حياتي وانته شوف عيوني
مجنون بيك وخلهم ايلومــــــوني
هام الكلب بـيك وشغلت ظنوني
عنك يمحبوبي فــــلا ايبعــــدوني
سكنت ابكَلبي والروح طبيب اداوي الجروح
ابطول السنين محبوبي يحسين
--------------------------------
سهران ليــــــــلي وانته شاغــــل بالي
وياك السهر صار شكــــثر يحــــــلالي
يا ســــر وجــــــودي ويا نــــبض دلالي
ياغالي عندي واغلى من كل غالي
الك بيت الكَلب صار احس بفركَتك نار
ما منك اثنين محبوبي يحسين
-------------------------------
كل لحظة وياك التمر محــــلاها
شكَد ذكريات وياك ما انساها
خل وخليله الدنيا من عشناها
يساكن الروح وعــــــشكَ غذاها
جميلة وياك الايام اعيش بعالم احلام
مثلك يصح وين محبوبي يحسين
--------------------------------
شوكَي وحنيني البالكَلب لحسيني
حــبة ادري بيــــــه لــخالقي يدنيــــــني
عايــــش حيــــاتي بحبة كل سنــــيني
خــــــادم حبــــيبي هالفــــخر يكــــفيني
اموت واحيا وياه يسر الروح ملكَاه
مطلوب الك دين محبوبي يحسين
-------------------------------
أسالكم الدعاء رائد الاسدي
#مولاتي أم البنين.. عند خروج ضعن مولاي ابا عبدالله الحسين( عليه السلام) من المدينه الى مكه
..............
لاتقصص رؤياك على اخوانك»
يوسف يكيدون.. منك يغارون
حـسين البلل دمـهم قمصانك
فدواتك يرحون.. دونك يموتون
نتدمه اعله ترابه
وما توصله ذيابه
........... ..........
حـسين انته الچبير وسيد الـكلهم
مـوش احـزام الك تقبلها خدمتهم
عـلى الـفدوه ألك من زُغر اعـلمهم
شكثر غالي على الله حسين افهمهم
كــتـلهم خـط أحــمر شـــانك
وچانو يفهمون.. حاضر يگولون
واعــله فـضائل عـلو امــچانك
چانو ينامون.. وبالطف يحلمون
يفزون من صوابه
.....................
وگــفت ويــاهم اوصـي ما أودعهم
انــه مـن گـلبي لا رجــعو دعــيتلهم
اذا رديــــتو دون حـــسين گـلـتلهم
لا رضــعو حــليبي ولا چــنت امــهم
اسـحب مــن چــفوفه چـفوفي
ويغمرني عباس.. وچفوفه تنباس
هــاي احـلامي وهـاي طـفوفي
يمه أرفعي الراس.. وفتخري ع الناس
ما كاسرني غيابه
......................
يـــبو فــاضل هـــايه عــازتـك هـايه
أنــا تــعب الـتعبته لـــشيلة الــرايه
اريــدن لا يــثني حــسين الـــحچايه
ولا تـسبگ أخـوك بـمدة امــصلايه
و مــا گـولن بــيكم تــعبانه
يسوه حسين هواي.. ماي ورب الماي
موش تعود لخيمة عطشانه
واچــفوفك خـلاي.. مـا أرضه انه بهاي
جيب النهر لبابه
.......................
انه گوه عله طولي أوگف يبو فاضل
لا خـيكم يــشوف امـه بـضهر ناحل
بـسلامه يمه يحسين وسعي واصل
وذا مــالت عــليهم دونــك الــكافل
مـن چــان ازغــير وگـــناله
چــنك حيدر حيل.. شايل غيض وهيل
بــخت يــمينه ونـار شـماله
يـــغير بوجه الـخيل.. مــايـــنرد يــعيل
لــو يرفع سبابه
...................
بـنص بـير الـعطش طـيحوله يـولادي
ثمن بيعه الرگب واهل الرگب غادي
بـقية الله و بـقية الـمصطفى الهادي
انـه بـشارة گـضو دونـه تــرا مــرادي
باچر بيكم ميتين يـبشروني
أكـتب يـا تـاريـخ.. ذولـه اولاد الــشيخ
يـردلي الـشوف وماي عيوني
مـا ريــدن قــمصان .. ولا بـيت الأحزان
بس خيط من ثيابه
...................
✍🏻موسى جعفر الفاطمي
شـاء الله ان يـرانـي قـتـيـلا
وان يـراهـن سـبـايـا]
يـا ايـهـه الـنـازحـيـن عـن الاوطـان
الـسـفـر هذا الـسـفـر مـا يـرحـم الحال
خـل كـلـمـن يـحـط دمـعـات عـل بــال
يـا اهـلـي واخوتي وكـل الـضـعـون
بــاجر مــوت بــاجـر غـربــه وحـــبــال
قـرابـيـن احـسـبـو ارواحـكـم هـسـه قـرابـيـن
سـنـاديـن سـنـاديـن الـعـشـك ل الله الـسـناديـن
صـواويـن بـاجـر مـا تـضـل عـدنــه صـواويـن
بـاجـر روسـكـم تـنـحـط عـل الـرمـاح
بـاجـر تــره مــحـــد راح يـــرتـــاح
هــاذه مـتـاعــنـه والــنـوك تـنـبــاك
نـوك الـهـزلـه والـهـم يـحـني الصـفاح
يـا ايـهـه الـنـازحـيـن عـن الاوطـان
___
الـضــعنـه والـخـدر هـاي اخـر ايـام
بـسوالفـنه الـعـزيـزه تخـضـر اسهـام
يـمـوت الي يـمـوت ويـعـطـش الـضـال
حـرمـنه اضـل وحـيده بـيـن الخـيام
غـريـبـات هـذن نـسـوانـه يـصـيـرن غـريـبـات
عـفـيـفـات يـمـشـن وي زلـم تالـي الـعـفـيـفـات
سـلـيـبـات بـدرب كـله هـضـم يـرحـن سـلـيـبـات
وحـده بـوحـده يـنـشـدن بالـحـبـال
الـيـطـلـع صـوتـهـه يشـتمـهـه خـيـال
الـتـعـثـر تـنـصـفـع لـو تـرفـس حـيـل
يـصـيـرن مـاي ذنـي الجـنـهـن جـبـال
يـا ايـهـه الـنـازحـيـن عـن الاوطـان
___
عـلـمـنـه والـعـمـايـم هـاي تـنـبـاع
راح نـمـر وكـت مـا ينـصـف اسـباع
راح انـضـل عـرايه بـعـازت هـدوم
هــاي هـدومــنـه يـنـبـاكـن بــســاع
الاسيوف تـاكـل مـن ركـبـنـه هـواي الاسيوف
الـجـفـوف تـضـل اجـسـادنـه وتـضـل الـجـفـوف
الـطـفـوف مـا تـرحـم بـشـر عـطـشـان الـطـفـوف
عـمـيـه الـخيـل تـسـحك حـتـه عدلـيـن
يــدرون بــنــسـبـه احـنـه خـــيـريـــن
ذريـت مـحــمــد عـــدنــه انــصــاف
مــا نــحـرك ولا نــسـبــي نــســاويــن
يـا ايـهـه الـنـازحـيـن عـن الاوطـان
___
بـيـنـه بـكـربـلـه يـصـيـر الـي مـاصـار
هــاي جــدامــكـم تــاكلـهــن الــنـار
وادم غـربـه تـوكـف بـيـن الـخـيـام
شـي تـشـمـر ارمـاح وشـي بـالـحجـار
بـالـسيـاط يـطـلـعـون الـخـدر حـافـي بـالسـيـاط
ال بـلـكـمـاط مـا يـسـلـم تـره حـتـه
ال بـلـكـمـاط
الــزمــاط مـزامـط علـى تـراجـي يـصـيـر الـزمـاط
نـصـيـر حـجـايـه بـاجـر فـوك الـحـلـوك
والـتـهـضـم وتـكـتـل طـبـت الــسـوك
خـدرهـاشـم يـعـتـب صـوب الـقـصور
حـامـي الخـدر فـوك الـنـهـر مـسـحـوك
يـا ايـهـه الـنـازحـيـن عـن الاوطـان
__
ذبـح مـوت وحـوافـر تـكـطـع الـروح
سـبي وضيـم ومـلامـه تـهـيـج الجـروح
كـافـل مـاكـو والـدم يـتـرس الـكـاع
مـن هـسـه اعشـكو العـطـش والـنـوح
الـتــرايــب عـلــيـنـه مـحـد يــهــيـل الــتـرايـب
الـمـصـايـب كـلـهـه اطـيـح فـوكـانـه الـمـصـايـب
الــخـريــب مـسـكـن كـل مـره تـصـيـر الـخـرايـب
مــاكــو فـيـاي ويـفــيـي عــل الـروس
الـرايـح والـيـجـي عـل خـيـامـنـه يـدوس
واحـد واحـد يــذبــحــونـه شـيــوخ
ويــم ركـابــنـه يــبــدونـهـه الــطـوس
يـا ايـهـه الـنـازحـيـن عـن الاوطـان
✍🏻
انـور الـسـهـلانـي
"
نتوجه للإمام الحسين.عليه_السلام :
- اَلسَّلامُ عَلَيْكَ يا اَبا عَبْدِاللهِ وَعَلَى الاَْرْواحِ الَّتي حَلَّتْ بِفِنائِكَ عَلَيْكَ مِنّي سَلامُ اللهِ اَبَداً ما بَقيتُ وَبَقِيَ اللَّيْلُ وَالنَّهارُ وَلا جَعَلَهُ اللهُ آخِرَ الْعَهْدِ مِنّي لِزِيارَتِكُمْ ،
اَلسَّلامُ عَلَى الْحُسَيْنِ
وَعَلى عَلِيِّ بْنِ الْحُسَيْن
وَعَلى اَوْلادِ الْحُسَيْنِ
وَعَلى اَصْحابِ الْحُسَيْن
صبحكم الله بأنوار محمد وآل محمد
حبيبـــــي حُسَـــــين
﷽
زيارة الامام الكاظم عليه السلام
ٱلسَّلاَمُ عَلَيْكَ يَا وَلِيَّ اللهِ وَٱبْنَ وَلِيِّهِ، ٱلسَّلاَمُ عَلَيْكَ يَا حُجَّةَ اللهِ وَٱبْنَ حُجَّتِهِ، ٱلسَّلاَمُ عَلَيْكَ يَا صَفِيَّ اللهِ وَٱبْنَ صَفِيِّهِ، ٱلسَّلاَمُ عَلَيْكَ يَا أَمِينَ اللهِ وَٱبْنَ أَمِينِهِ، ٱلسَّلاَمُ عَلَيْكَ يَا نُورَ اللهِ فِي ظُلُمَاتِ ٱلأَرْضِ، ٱلسَّلاَمُ عَلَيْكَ يَا إِمَامَ الْهُدَىٰ، ٱلسَّلاَمُ عَلَيْكَ يَا عَلَمَ ٱلدِّينِ وَٱلتُّقَىٰ، ٱلسَّلاَمُ عَلَيْكَ يَا خَازِنَ عِلْمِ ٱلنَّبِيِّينَ، ٱلسَّلاَمُ عَلَيْكَ يَا خَازِنَ عِلْمِ الْمُرْسَلِينَ، ٱلسَّلاَمُ عَلَيْكَ يَا نَائِبَ ٱلأَوْصِيَاءِ ٱلسَّابِقِينَ، ٱلسَّلاَمُ عَلَيْكَ يَا مَعْدِنَ الْوَحْيِ الْمُبِينِ، ٱلسَّلاَمُ عَلَيْكَ يَا صَاحِبَ الْعِلْمِ الْيَقِينِ، ٱلسَّلاَمُ عَلَيْكَ يَا عَيْبَةَ عِلْمِ الْمُرْسَلِينَ، ٱلسَّلاَمُ عَلَيْكَ أَيُّهَا ٱلإِمَامُ ٱلصَّالِحُ، ٱلسَّلاَمُ عَلَيْكَ أَيُّهَا ٱلإِمَامُ ٱلزَّاهِدُ، ٱلسَّلاَمُ عَلَيْكَ أَيُّهَا ٱلإِمَامُ الْعَابِدُ، ٱلسَّلاَمُ عَلَيْكَ أَيُّهَا ٱلإِمَامُ ٱلسَّيِّدُ ٱلرَّشِيدُ، ٱلسَّلاَمُ عَلَيْكَ أَيُّهَا الْمَقْتُولُ ٱلشَّهِيدُ، ٱلسَّلاَمُ عَلَيْكَ يَا بْنَ رَسُولِ اللهِ وَٱبْنَ وَصِيِّهِ، ٱلسَّلاَمُ عَلَيْكَ يَا مَوْلاَيَ مُوسَىٰ بْنَ جَعْفَرِ وَرَحْمَةُ اللهِ وَبَرَكَاتُهُ، أَشْهَدُ أَنَّكَ قَدْ بَلَّغْتَ عَنِ اللهِ مَا حَمَّلَكَ وَحَفِظْتَ مَا ٱسْتَوْدَعَكَ، وَحَلَّلْتَ حَلاَلَ اللهِ وَحَرَّمْتَ حَرَامَ اللهِ، وَأَقَمْتَ أَحْكَامَ اللهِ، وَتَلَوْتَ كِتَابَ اللهِ وَصَبَرْتَ عَلَىٰ ٱلأَذَىٰ فِي جَنْبِ اللهِ، وَجَاهَدْتَ فِي اللهِ حَقَّ جِهَادِهِ حَتَّىٰ أَتَاكَ الْيَقِينُ، وَأَشْهَدُ أَنَّكَ مَضَيْتَ عَلَىٰ مَا مَضَىٰ عَلَيْهِ آبَاؤُكَ ٱلطَّاهِرُونَ وَأَجْدَادُكَ ٱلطَّيِّبُونَ ٱلأَوْصِيَاءُ الْهَادُونَ ٱلأَئِمَّةُ الْمَهْدِيُّونَ، لَمْ تُؤْثِرْ عَمَىً عَلَىٰ هُدَىً، وَلَمْ تَمِلْ مِنْ حَقٍّ إِلَىٰ بَاطِلٍ، وَأَشْهَدُ أَنَّكَ نَصَحْتَ للهِ وَلِرَسُولِهِ وَلأَمِيرِ الْمُؤْمِنِينَ، وَأَنَّكَ أَدَّيْتَ ٱلأَمَانَةَ، وَٱجْتَنَبْتَ الْخِيَانَةَ، وَأَقَمْتَ ٱلصَّلاةَ، وَآتَيْتَ ٱلزَّكَاةَ، وَأَمَرْتَ بِالْمَعْرُوفِ، وَنَهَيْتَ عَنِ الْمُنْكَرِ، وَعَبَدْتَ اللهَ مُخْلِصاً مُجْتَهِداً مُحْتَسِباً حَتَّىٰ أَتَاكَ الْيَقِينُ فَجَزَاكَ اللهُ عَنِ ٱلإِسْلاَمِ وَأَهْلِهِ أَفْضَلَ الْجَزَاءِ وَأَشْرَفَ الْجَزَاءِ، أَتَيْتُكَ يَا بْنَ رَسُولِ اللهِ زَائِراً، عَارِفاً بِحَقِّكَ، مُقِرّاً بِفَضْلِكَ، مُحْتَمِلاً لِعِلْمِكَ، مُحْتَجِباً بِذِمَّتِكَ، عَائِذاً بِقَبْرِكَ، لاَئِذاً بِضَرِيحِكَ، مُسْتَشْفِعاً بِكَ إِلَىٰ اللهِ، مُوَالِياً لأَوْلِيَائِكَ، مُعَادِياً لأَعْدَائِكَ، مُسْتَبْصِراً بِشَأْنِكَ وَبِالْهُدَىٰ ٱلَّذِي أَنْتَ عَلَيْهِ، عَالِماً بِضَلاَلَةِ مَنْ خَالَفَكَ وَبِالْعَمَىٰ ٱلَّذِي هُمْ عَلَيْهِ، بِأَبِي أَنْتَ وَأُمِّي وَنَفْسِي وَأَهْلِي وَمَالِي وَوَلَدِي يَا بْنَ رَسُولِ اللهِ، أَتَيْتُكَ مُتَقَرِّباً بِزِيَارَتِكَ إِلَىٰ اللهِ تَعَالَىٰ، وَمُسْتَشْفِعاً بِكَ إِلَيْهِ فَاشْفَعْ لِي عِنْدَ رِبِّكَ لِيَغْفِرَ لِي ذُنُوبِي، وَيَعْفُوَ عَنْ جُرْمِي، وَيَتَجَاوَزَ عَنْ سَيِّئَاتِي، وَيَمْحُوَ عَنِّي خَطِيئَاتِي وَيُدْخِلَنِي الْجَنَّةَ، وَيَتَفَضَّلَ عَلَيَّ بِمَا هُوَ أَهْلُهُ، وَيَغْفِرَ لِي وَلآبَائِي وَلإِخْوَانِي وَأَخَوَاتِي وَلِجَمِيعِ الْمُؤْمِنِينَ وَالْمُؤْمِنَاتِ فِي مَشَارِقِ ٱلأَرْضِ وَمَغَارِبِها بِفَضْلِهِ وَجُودِهِ وَمَنِّهِ.
ثمّ تنكب على القبر وتقبّله وتعفّر خدّيك عليه وتدعو بما تريد ثمّ تتحوّل الى الرّأس وتقُول:
ٱلسَّلاَمُ عَلَيْكَ يَا مَوْلاَيَ يَا مُوسَىٰ بْنَ جَعْفَر وَرَحْمَةُ اللهِ وَبَرَكَاتُهُ، أَشْهَدُ أَنَّكَ ٱلإِمَامُ الْهَادِي وَالْوَلِيُّ الْمُرْشِدُ وَأَنَّكَ مَعْدِنُ ٱلتَّنْزِيلِ وَصَاحِبُ ٱلتَّأْوِيلِ وَحَامِلُ ٱلتَّوْرَاةِ وَٱلإِنْجِيلِ، وَالْعَالِمُ الْعَادِلُ وَٱلصَّادِقُ الْعَامِلُ، يَا مَوْلاَيَ أَنَا أَبْرَأُ إِلَىٰ اللهِ مِنْ أَعْدَائِكَ وَأَتَقَرَّبُ إِلَىٰ اللهِ بِمُوَالاَتِكَ، فَصَلَّىٰ اللهُ عَلَيْكَ وَعَلَىٰ آبَائِكَ وَأَجْدَادِكَ وَأَبْنَائِكَ وَشِيعَتِكَ وَمُحِبِّيكَ وَرَحْمَةُ اللهِ وَبَرَكَاتُهُ .
ثمّ تصلّي ركعتين للزّيارة تقرأ فيهما سورة يس والرَّحْمٰن أو ما تيسّر من القرآن ثمّ ٱدعُ بما تريد
#اللهم_عجل_لوليك_الفرج
🌿🏴
گاصد الك بدموعي اعتنيلك
باب الحوائج تكرم اليجيلك
بدموع المصاب. واگف على الباب
-------
يباب الله اعتنيتك جايب اجروحـي
يسلطان الحزن يا مهجتي وروحــي
الك مولاي دمعي وكل سبب نوحـي
جبل حزنك عليه انهارت اسفوحــي
هذا الدمع لجلك علن حــداده
گبل الجسد لجلك نزل سواده
وي سود الثياب. واگف على الباب
----------
وگفت ابابك وعبراتـــي محبوســه
يهل دمعي من اصيحن آه ياموسى
امد أيدي ابطلب وتردهــا متروسه
هوت عالباب روحي اتشمه وتبوسه
عطــر الجنــان اشمه مـن ترابك
وجبريل احسه واگف اعلى بابك
ينحب للمصاب
واگف على الباب
-----------
على بابك تهل ادموعي سچـابه
لان جمــرك مصــابك تبقه لهابه
ما اگصد لغيرك وأوصل اعتابه
يــا بــاب الحوائـــج لليدگ بابه
بابك ادگه ودمعتي اتجاره
گبتك تبشر كلبي والمناره
وبشوغة احباب
واگف على الباب
-----------
الطاموره وقيودك اصبحت حضره
تطوف امِلاك بيها تســبح وتقـــره
تيجــان الملــوك بحضــرتك فقــره
تنــادي ابدمعــه منك سيدي نظره
ابابك تدنگ من تجي القياده
رب العرش خــلالك السياده
مــن گــبرك يهاب
واگف على الباب
----------
وين اقصور خصمك وين ماضيه
تاهت يا امامــي وضاعـت اعليه
وهــذا مـرقدك قبله ويشــع ضيه
الحوائج سيدي يم بــابه مقضيه
خصمك هلك ياسيدي ابظلامه
گبرك يشــــع نور الله والامامه
نــورك فــلا غاب
واگف على الباب
--
الشاعر
موسى البديري
الحمدلله الذي عرفني نفسه ولم يتركني اعمى القلب
الحمدلله الذي جعلني من أمة مُحمد صلى الله عليه وآله
الحمدلله الذي جعل رزقي في يديه ولم يجعل رزقي في أيدي الناس
الحمدلله الذي ستر ذنوبي ولم يفضحني بين الخلائق
باب الحوائج. موسى بن جعفر
٠٠٠٠٠٠
وين اصحاب الحوائج خل يجون
اباب موسى يشتكوله وينتخون
هذا بيده الكون والكُن فيكون
كل أمر يصعب على الكاظم يهون
أمّن يزاير. بس تنخه يحضر
باب الحوائج. موسى بن جعفر
٠٠٠٠٠٠٠٠٠٠٠٠
موسى بن جعفر عظيم المنزله
اباب صَحنه تنحل اعظم معضله
زور يالمحتاج وتوجّه اله
گبل ما تنخه يگلّك يا هلا
حَل الشدائد. بس هو يگدر
باب الحوائج. موسى بن جعفر
٠٠٠٠٠٠٠٠٠٠٠٠
كل مريض مأيّس وضايع دواه
خل يجي للكاظم ويطلب شفاه
يشفه من يشتم عطر گبره وهواه
وما يخيب الّلزم شبّاچه ونخاه
يكرم ضيوفه. لا ما تعذّر
باب الحوائج. موسى بن جعفر
٠٠٠٠٠٠
هذا موسى الرافض الذل والخنوع
زور يا زاير ضريحه بكل خشوع
وذكر مصابه وعليه اجري الدموع
باجر بگبرك يحوّلهن شموع
أدّيله حقّه. من تعرف اكثر
باب الحوائج. موسى بن جعفر
٠٠٠٠٠٠
موسى نور الله الصراط المستقيم
مثل جده حسين عند الله عظيم
ما يرد محتاج والعنده مقيم
طوف يالزاير ودك باب الكريم
بچفوفه ينطي. شما تنخه اكثر
باب الحوائج. موسى بن جعفر
٠٠٠٠٠٠
احنه خدام الامام وشيعته
عالوعد كل عام نحيي زيارته
جتمعت الزوار كلها ابحضرته
جينه هالليله نشيع اجنازته
نشفي بدمعنه. چبده التوذّر
باب الحوائج. موسى بن جعفر
٠٠٠٠٠٠
وين هارون وقصوره ودنيته
خل يجي يشوف السجين وگبته
موسى بن جعفر ملائك خدمته
گبره عالي وبالسمه ترف رايته
والينتميله. رابح ميخسر
باب الحوائج. موسى بن جعفر
سيد زيد الفحام ~~~~~
باب الكرم والجود
مثلك فـــلا موجود
من صمودك سر خلودك وبقيودك أشـــارة
حتى والي يحجي سكته بيده تنطي البشارة
يا مولاي
...........................................
من وحي عرش القداسه نزلت آيات
جاعلك رب البرية قاضـــي حاجات
أباب صحنك يابو طلبة شكد كرامات
شفنه حتــــى الطير يتنفس صلاوات
باب الكرم بابك نعم يا سابــــع العترة
كل شدة يمها تنكضي وبصاية الزهرة
تنطي بـلايا أحدود
باب الكرم والجود
يا مولاي
.......................................................
يالعشت أيام عمرك حلـــــــــم مذبوح
أمنين ما تندار تلكه القلــــــــم واللوح
صاحب السجدة الطويلة يا عمر نوح
بين حيطان السجن شكد كاتب أجروح
عايش جنت لكن متت والعاشن أنفاسك
و15 عمر الضلــــــم بس شيبن راسك
يا حجة المعبـــود
باب الكرم والجود
يا مولاي
......................................................
يا ملك عرشك جنت والآية صبـرك
بين وادم رادت السلــــــطه وتنكرك
أنته أنته الكاضم وضل عالـي قدرك
وينه هارون ويشوف شكبره قصرك
مثل الشمس نـوره سطع للباري معراجه
ومكوب خدم صحنك بحر تتلاطم أمواجه
عزة وفخر والزود
باب الكرم والجود
يا مولاي
.......................................................
يا كريم وبالكرم والجــــــود مقياس
هاي زوارك أجت تلطم على الراس
يا حرز كل حاجه أسمك شالته الناس
يا وحي الكــل شدة من شباجه ينباس
بحركه ودمع مثل الشمع هالجينه مشايه
لزيارتك والحضرتك رايه تــــــشد رايه
بالدم كتبنه اعهود
باب الكرم والجود
يا مولاي
.......................................................
يا جرح عاش وكبر مابين اللعيون
شيب شبان وحــــرم كلهم يخدمون
هلا بالزاير هلا أنصـــارك يهتفون
فخر والله خدمتـــــك خادم وممنون
ثورة عشك من تحترك بالخدمة خدامك
نموت وتضل ثورة مجد يا كعبة آلامك
أنصارك أحنه احيود
باب الكـــرم والجود
يا مولاي
..................................................
خادم خدمة الحسين
الشاعر
محمد الموالي