834
Haitham Al-Lami
خـادم الزهره لأن عندي هويه
يعني باب الجنه مفتاحه بديه
ـــــــــــــــــــــــــــــــــــــــــــــــــــ
خـادم الزهره لأن عايش حياتي
بالحشر ما خايف وضامن نجاتي
ام حسن ديني ويقيني واُمنياتي
ابــلا ولايتها فلا تنفع صلاتي
عدها خادم والله لو تقبل عليه
يعني باب الجنه مفتاحه بديه
ــــــــــــــــــــــــــــــــــــــــــــــــــــــــ
خادم الزهره نعم ، بيها انه افخر
وادعي يارب زدني من خدمتها اكثر
جفني لو گـضّـا العمر يبچيها قصّر
ولضلعها ايهون اذا ضلعي تـــكسـَّـر
جزماً امن احيي الليالي الفاطميه
يعني باب الجنه مفتاحه بديه
ــــــــــــــــــــــــــــــــــــــــــــــــــــــــ
خادم الزهره لأن عنواني صــاير
لم حسن واجب يظل دم گلبي فاير
ليا سبب ما عدها گبـَّه ولا مناير
وغير ابنها المهدي ما زايرها زاير
وانه حتى ابطيف اذا زرت الزچيه
يعني باب الجنه مفتاحه بديه
ــــــــــــــــــــــــــــــــــــــــــــــــــــــــ
خدمة الزهره تظل نور ابجبيني
بالگبر ذخري اذا منڪر يجيني
فاطمي امن الذر اصل تكوين طيني
ولبـِّسَتني ام الحسن تاجي الحُسيني
ثوبي الاسود فاطمي ولايگ اليه
يعني باب الجنه مفتاحه بديه
ــــــــــــــــــــــــــــــــــــــــــــــــــــــــ
خادم الزهره تظل احلى الاسامي
وبحبل فاطم يظل دوم اعتصامي
اليخدم الكوثر غداً مَـيڪون ضامي
وفاطمه التوگفله بالــمحشر محامي
بالـشدد ما تنسه ابد خادمها هيه
يعني باب الجنه مفتاحه بديه
ــــــــــــــــــــــــــــــــــــــــــــــــــــــــ
خادم الزهره واريدن منها نظره
أخدم الداسو عشر خياله صدره
بيَّ چن جمرتها كون اتخلي جمره
للمشو فوگ الهزل للـــــطاغي أسره
ابروحي چي ظلت تعيش الغاضريه
يعني باب الجنه مفتاحه بديه
ــــــــــــــــــــــــــــــــــــــــــــــــــــــــ
سيد علي عبدالزهره الناجي
یوسف الزهراء 💔
ريض ابنعش والينه والشوفته اتعنينه
هذا النعش نعش حسين..ابن امي اوماي العين
ريض ابنعش والينه
٠٠٠٠٠٠٠٠٠٠٠٠٠٠٠٠٠٠٠٠
يا نعش ريض يانعش خذني اوياك..وين انتَ رايح..يانعش تانيني.
اختك ذهيله اوبالنعش هم تبراك.. دسمع الصايح..دكعد اوحاجيني..
ياخويه ترضى محيره بين اعداك.. والحمل طايح..والهضم ياذيني ..
ماتكعد اتحاجينه..اخلافك اتأذينه..
هاي الحرم والأطفال..من الهضم تشكي الحال..
ريض ابنعش والينه..
__
يا نعش رايح شلسبب عنه اتروح اختك غريبه والعده ميسريهَ
يانعش ريض هاك اخذ مني الروح ويامن الليله ..تحجي ويحاجيهَ
دكعد يا خوها للحمل ظل مطروح ياهو للعيله.. من عكب واليهَ
ابطف كربلاء ظلينه..من عكبك ايبارينه..
جور العده جار اهواي.. منها الحرم عن الماي..
ريض ابنعش والينه..
___
ياخويه دنهض للعده شوف الصار انعافت شيمنه ..مطشره بالحومه.
ياخويه واطفالك بكت بين اشرار. حركو خيمنه..اوعيلتك مالومه.
ياخويه وبحر الشمس ما مش دار. اتلملم حرمنه..بالغرب مهضومه.
ياخويه وشسوينه..افكدنه عم لسكينه
راعي الفخر والنوماس..مطبر صبح منه الراس.
ريض ابنعش والينه..
__
عاين ياخويه اعلى الحرم والرضعان فكدة صبرها..والعسر الّمهَ.
كامت تطيح امن العطش علتربان. حرت ابأمرها..ولنوايب همهَ..
يا هو الأشوفه من العطش شو ذبلان والعطش ظرها.العيلتك وحرمهَ.
خويه العطش حل بينه..بات الهظم يسكينه..
شوف اشكصت بيه اعداك..يالبلنعش خذني اوياك.
ريض ابنعش والينه
الشاعر المرحوم نجم عبد اللامي
تاخرت من غَسَّلتها العـــــاشت ابنص عيني
شما اريد اعگد چفنـــــــها گلبي مـا ينطيني
بالدمعة يـــا اسماء خل نغَّسلها
بارد عليها المــــاي. لا يجـفَّـلـها
ــــــــــــــــــــــــــــــــــــــــــــــــ
مديتها و لنِّي طحـــــت
عالمُغتسل فوگــــاها
من ايدي لو راحت بعد
فاطمتي وين الگـــاها
طايح طفــــلها و الگلب
طاحت نبضته وياها
زينب جبت يمها وگلت
بلگـــــت تفك عيناها
حسين أحسبيني اگلها و شابگيني ابايدچ
فاطــمة عينچ عليَّه انـه هــــــــم اوليدچ
من دچة التغسيل. حضني شايلها
بارد عليها الــماي . لا يجــــفَّــلها
ـــــــــــــــــــــــــــــــــــــــــ
ما ينسمع ونّ الگـــــلب
بس هــــيه گلبي اتسمعه
و كلما انوح ابداخـــلي
تجري اعله خدها الدمعة
مو گلنه ابد مـــا نفترگ
و انظل ســـــوه يالبضعة
چا ليش تردين الچــفن
ينشد عليــــــچ ابسرعة
بداحي خيبر هللة هللة تاني يالمرضية
و هاية أخر نظرة منچ خل تطول اشوية
عالمُغتـــسل ترتيل. صرت ارتلها
بارد عليــها الـماي. لا يجفَّــلــها
ـــــــــــــــــــــــــــــــــــــــــ ـــــــ
من يمته نحچي بالدمــــع ؟!
و اعلينه حسرة الچلمة
من يمته حيـــدر ينتـــچي ؟!
و رايد چفــــوف اتلزمه
لجلج صرت يا فاطـــــــمة
چن طفل فاگـــــد أمه
و چا شگگت ثـــوبي العليَّ
بس گلت منـــچ زحمة
لخبزچ اتاني اليتامة و هسه جاعوا چنهم
و يالحنينة اخـــلاف عينچ انه واحد منهم
لو سئـــلت الايــتام شرد اكللها
بارد عليـــــها الماي لا يجفَّـلها
ـــــــــــــــــــــــــــــــــــــــــ
كمليها يا أسما صــحت
وحدچ بعد مــــا بيَّه
و عن حيلي لتسألين ابد
كل حيلي چانت هيه
مدري شچـاني و الهــوه
حسيته صــار شــوية
ميت عساني و لا جست
ضلع ام حسن بيديه
بلا قصد جسته و لگيته بعـــــد ينزف دمه
ميتة و امن الوجع صاحت يالحسن يا يُمة
و من صاحت آه يحسين. دمعي بللها
بــــــارد علــــــيها الماي لا يجـــفَّلـها
ـــــــــــــــــــــــــــــــــــــــــ
هسه صدگ رايـــــة ارفعت
و استسلمت يجـــروحي
و شمَّاتي شافـت كســــــرتي
و جيراني ملــــت نوحي
اول بشـــــر مكـــتـــوب الي
انـــه الاچَّفـــن روحــي
و چم مرة گتـــــــلچ فاطمة
يا روحي لا لتـــــروحي
اي نعـم هاذ انه هـاذه اليعــثر ابخطـواته
يالعواذل هسه فرحوا و ضحكوا يا شمَّاته
شوفوها عيني شلون . دمعي ذبَّلها
بارد عليـــــــها الماي. لا يجفَّــــلها
ـــــــــــــــــــــــــــــــــــــــــ
ثــــأري الـوداع شـگد صلف
ما انطه حگ العشرة
و بس ربّنه يـــــدري بالگلب
جرحي عليچ اشكبره
مجبور شــــديت الچـــــفن
اي و الله يالمنكسرة
و غصباً عليَّ يا فاطـــــــمة
بيدي احفـرتلچ حفرة
لدفن هـالجــهــزتها جنــــازتـچ يعيــوني
و راح اشيَّعچ و ابقه اتاني يوم اليشعوني
للمگـــــبرة وَيَّاچ . ميت ادخــــلها
بارد عليها الماي. لا يجــــفَّـــلها
ـــــــــــــــــــــــــــــــــــــــــ
الحمدلله
#علي_حسين_الكناني
لسان حال ام الشهيد
١٤٤٢هـ
حنيتلك مـــدري اشكثر يبــني يغالي
كل ساع اموت بغيبتك هذا آنه حالي
ماغمضـت بعدك يوم
گلبي ابغيابك ملچوم
يبني يغالي ـــ يبني يغالي
////////////////
يبني بعدك ما امبطله النايحه
وكل مســيه الك اقره الفاتحه
ذكــــــرياتك يمه كلش جارحه
وروحــــي يمك للمگابر رايحه
مـن الزم الباب العصــــــــر ينعصــر گلبي
بيضن عيوني من البچي وماشوف دربي
والحيل بعدك مهدوم
گلبي بغيـابك ملچوم
يبني يغالي ــ يبني يغالي
///////////////
الراس شيب من عذاب امصيبتك
ظهري حــدب مـال حملي بغيبتك
يبنــي ربعك كلها تحچي ابطيبتك
هيبـــــــت امك يبني ناتج هيبتك
ينجاب طاريك وحس ينباگ حيلي
وي ذكرياتك بالبچي سـاهرته ليلي
طعم الفرح ضل معدوم
گلبي بغيــــــابك ملچوم
يبني يغالي ــ يبني يغالي
/////////////
تــرف وبــــعمر الورود يدرونك
امنيتي چانت ربــــعك يزفونك
ولامحسبه الگبرك يــــــشعونك
بعــيني اشــوفن لمن ايدفنونك
اتمنيت ميته والاجــل روحي خذاها
شلها ابعمرها البل گبر تدفن ضـــناها
لاحـيل عنــدي ولاگـــوم
گلبي بغيــــــابك ملچوم
يبني يغالي ــ يبني يغالي
//////////////
ياهــو اليعوض مچـانك خــالي
ليش يـــمه اتعــــوفي ابلا والي
ما امحسبه العشره تخلص تالي
يبجي حتى الصخر بعدك حالي
لافرح گلبي ولاشفت راحه بغيابك
كل مااشمن صـورتك اذكر مصابك
والعمر متروس اهموم
گلبي بغيـــابك ملچوم
يبني يغالي ــ يبني يغالي
/////////////
رايحــــــــه الگـــبرك ييمه وراده
وعلگ روحــي فوگ لحدك شاده
اسيوف هجرك يبني كلش حاده
ابحضـــــني رد نام المگابر بارده
للموت گلبي مابرد وجروحي تدي
خــــليتني وي الزمن يايمه وحدي
مستــمر حزنك للدوم
گلبي بغيابك ملچوم
يبني يغالي ــ يبني يغالي
//////////////
تم بعون الله تعالي
بقلم ام زين العابدين اللامي
من يود يقرا القصيده يذكر
هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔💔
لاستشهاد فاطمة الزهراء عليها السلام (وزن الشيعتي)
الزهره نفرض ماشكت أول خليفه
لوفرضّنه تنازلت لأهل السقيفه
وإجت تطلب معذره
ماجره عليها الجره
لوفرضّنه تنازلت لاهل السقيفه
★★★★★
لوفرضنه صدگتهم والخليفه صح كلامه
ورث ماإلها الزچيه. عنه مرفوعه الملامه
وإقبلت حكمه وقراره وحمدت الله على السلامه
ابنعيم الزهره ترجع مومهم حال اليتامه
چان ماشافت رفض حد المنيه
وظيم لحظه مايمر حال الزچيه
لوتكول امقصّره
ماجره عليها الجره
لوفرضّنه تنازلت لاهل السقيفه
★★★★★
لوفرضنه الزهره گالت عن فدك ماتستحقها
وغيّرت خطبتها لمّن بالرفض ظالم سبقها
اوافقت راي الخليفه بكل عبارة شر نطقها
ومالها اي حق تطالب ماكو واحد اخذ حقها
چان ماشافت من الظالم مصيبه
ولادفع باب وكسر ظلع النجيبه
الظلّع لوما كسرّه
ماجره عليها الجره
لوفرضّنه تنازلت لاهل السقيفه
★★★★★
لوفرضنه الجمع ناسه والشعل بالدار ناره
حصّل من الزهره موقف وكسب تاييد بقراره
لاحرگ دار الزجيه وماكو بالموقف خسارة
وقنّعت حيدر يبايع والحكم أصبح تجاره
لاضربها ولاوگع منها طفلها
ولاتوّن ابليل لايقرب اجلها
لويبايع حيدره
ماجره عليها الجره
لوفرضّنه تنازلت لاهل السقيفه
★★★★★
لوفرضنه الزهره سكتت وحيدريعوف الخلافه
ولامهم دين الله يبقه باي شكل تصبح اوصافه
مايمر واحد دربهم وطيب يلگون الصلافه
وعاشوا ابدنيا امينه ولابشر عنهم تجافه
الهظم يرحل مايمر الهظم بيها
من تغير كل مواقفها وحچيها
وبالحكم مستبشره
ماجره عليها الجره
لوفرضّنه تنازلت لاهل السقيفه
★★★★★
اه يا بضعة محمد ليش هيج ايصير بيها
ليش هاي الدنيا تالي تبيع بيها وتشتريها
اشسوت الزهره اشذنبها ظلم مر اشگد عليها
ابعمر ورده وذبلوها زمره تضحك من بچيها
ثمنطعش ماكملت ليش ابعمرها
ماتت بشوغات من لوعة كسرها
لو ولا مستنكره
ماجره عليها الجره
لوفرضّنه تنازلت لاهل السقيفه
الشاعر حسن لعيبي الحريشاوي
دعاء النور
بِسْمِ اللهِ النُّورِ، بِسْمِ اللهِ نُورِ النُّورِ، بِسْمِ اللهِ نُورٌ عَلى نُور، بِسْمِ اللهِ الَّذي هُوَ مُدَبِّرُ الاُْمُورِ، بِسْمِ اللهِ الَّذي خَلَقَ النُّورَ مِنْ النُّورِ، الْحَمْدُ للهِ الَّذي خَلَقَ النُّورَ مِنَ النُّورِ، وَاَنْزَلَ النُّورَ عَلى الطُّورِ، فِي كِتاب مَسْطُور، رِقٍّ مَنْشُور، بِقَدَر مَقْدُور، عَلى نَبِيٍّ مَحْبُور، الْحَمْدُ للهِ الَّذي هُوَ بِالْعِزِّ مَذْكُورٌ، وَبِالْفَخْرِ مَشْهُورٌ، وَعَلَى السَّرّاءِ وَالضَّرّاءِ مَشْكُورٌ، وَصَلَىّ اللهُ عَلى مُحَمَّد وَآلِهِ الطّاهِرينَ
موشح للسيدة الزهراء
رسمچ ما فارگ عيني
وصوتچ بعده يناديني
يمّه وعطرچ مالي الدار
،،،،،،،،،،،،،،،،،ء،،،،،،،،،،
١
رحتي و ادري تطول الغيبه ومَتعودين
ياجنّه و وين الگه الجنّه خلافچ وين
زغار إحنه و یتمنه بفگدچ وسفه إلبين
زينب آنه وما فارگتچ رمشة عين
يُمّه الحسن ظل مهضوم
وحسين امجافيه النوم
لو تدرين بروحي شصّار
يمّه وعطرچ مالي الدار
،،،،،،،،،،،،،ء،،،،،،،،،،،،،،،،،،
٢
يل چفّچ لو مَر إعلينه يرد إلرّوح
وانفاسچ بعطور الجنّه الطيبه تفوح
وعیونچ دنیه ومن عدها النور يلوح
وبگلبچ طيبه و حنیه و هم و جروح
همّچ بینه و هم بالدِّين
و بجروحه شگد تعدّين
چم خاین صابه و غدار
يمّه و عطرچ مالي الدار
،،،،،،،،،،،،،،،،،،،،،ء،،،،،،،،،،،،،،،
٣
لو أحظى بنظره إمن عيونچ کل شي یهون
آه يمي شگد وحشه الدنیه و کل إلكون
ما صدّگ کل نورچ ذاكه أصبح مدفون
لا ظلّت لذّه بدنيانه ولا ظل لون
دفنوچ و ضلعچ مكسور
یا دنيه وعالم من نور
ظل گلبي یلوج و محتار
يمه و عطرچ مالي الدار
،،،،،،،،،،،،،،ء،،،،،،،،،،،،،،،،،،،
٤
كل شَيْ بالدار يذكّرني وما انساچ
هدومچ مطحنتچ قرآنچ ومصلاچ
اصفن وتحسر و افكاري تروح وياچ
واتمنی ترجعين لبیتچ واتلگاچ
ساعه بحظنچ تسوه سنين
ودموعي وهمي تمسحین
مرّي إبّنتچ لو خطّار
يمه و عطرچ مالي الدار
،،،،،،،،،،،،،،،ء،،،،،،،،،،،،،،،،،
٥
شفتچ من لِذتي و عصروچ بسد الباب
من صاب البسمار ضلوعچ گلبي انصاب
موقف ما نختصره بصوره و لا بكتاب
غيّر وجه الدّين و اسس للإرهاب
كل شي تغيّر ذاك اليوم
والدين تأثّر للدوم
بأسمه تولّونه الأشرار
يمه و عطرچ مالي الدار
،،،،،،،،،،،ء،،،،،،،،،،،،،،،،،،،،،،،،
٦
لو تدرين إشمر إعليه من النكبات
خلّص عمري هموم خلافچ وصوابات
والأصعب بالطف عالغبره حسين يبات
شحسبلچ چم جثّه و جثه المسلوبات
وانه بلا والي و لا عون
مسبيه لذاك الملعون
بالشام و ما عندي انصار
يمّه و عطرچ مالي الدار
،،،،،،،،،،،،،،،،،،،،ء،،،،،،،،،،،،،،
الحاج ابو فلاح
حسن سعدون الديوان
اعيش ابعالم احزانج والمصاب
اسـولف بالـجرح واتخيل الباب
تـرسم حـالج دموعي
امشي ولازم ضلوعي
==============================================================================
1️⃣
افتـح واقـرا يا صـفـحه
الكلب ما ينحمل جرحه......لمصايب عجيبه
على قـصـة جـرح اقـره
واشوفن علوجه سطره.........واعاين مصيبه
وبدت نار الـگلب تـسعر
واعيش الحاله واتـصور.......واشوفج غريبه
المدامع مـن تـهل حمره
صحت ياحسره يالزهره........يگلبي ونحيبه
~~~
اجيتج يالحنينه بمدمعي الحار
اريد اكشـف ظلامه واخـذ الثار
وصار النوح موضوعي
امـشي ولازم ضـلوعي
==========================
2️⃣
عشت من ساعة الهجمه
شفت من ماتـت الرحمه....وبقيتي بظلامه
الوصـل يـم بابـج اتـعده
طلع خاين كـشف حقده......يجرحج كلامه
ييمـه احـمـرت امـتـونج
واثر شـفته عله اعيونج.........يتارك علامه
عمت عينه شبـعد يرحم
عـله بـاب الله يـتـهـجـم..........يناكر مقامه
~~~
الما شـاف الحـرب يتـهجم اردود
ييمه الحسره كون بيومه موجود
صاحت حسرتي ولوعي
امـشـي ولازم ضـلـوعـي
==========================
3️⃣
صبح بسمارج بضلعي
وابـد ما بطـلت دمعـي....واعيش الهضيمه
يدفعون بكسر طحتي
منو اليفزع اذا صحتي........غريبه ويتيمه
وعلـه بابـج رفع جـفه
دفعها بـيده و بجـتفه.......شفتها الجريمه
ولاهمج ضعف حـالج
عله محـسن بقه بالج........حنينه ورحيمه
~~~
واتحـسر يـزهـره وروحـي تنـعاج
اشوف الدمعه حمره وتوكع وياج
تطلع روحي عن طوعي
امـشـي ولازم ضـلوعـي
==========================
4️⃣
صـرت غـايب بأمـر ربي
يـيـمه وكـسرتي بـگلـبي.....بونينه يتحسر
واعيـش ابعالم احـزانج
واشوف الدمعه عنوانج........يوضعج تغير
الدمع مـن يكدر ينـشفه
الضلع ماأظن بعد يشفه........بفعلهم تگسر
مثل حـيدر صبح حـالي
سـمـع كـل ونـج العـالـي....يسمعه يتحسر
~~~
ومن طاحـت دمعـته وعـاين الباب
طفت شمعة حياته وكل فرح غاب
وتكبر هضمتي وروعي
امـشي ولازم ضـلوعي
==========================
5️⃣
الحزن ما فارك عيـونج
اخذ من حـيلج ولـونج.........يزهره الحزينه
عـله ديارج حـزن خيم
الحسن من بعدج اتيتم......وظلامه المدينه
عله زينـب كثـر حـزنـج
عله حسينج يضل ونج.......نسمعه ابحنينه
عـگب ما راحـت الجـنه
شـبقه من الدنـيا نتمـنه........وتفارگها ادينه
~~~
اختلف كلشي برحيلج حاير البال
وداعـاً مـن تـصيح وتبـجي العيال
ظلت طافيه شموعي
امشي والزم ضلوعي
==========================
6️⃣
صرت ويه الكبر غايب
عله يوم الفرج حاسب......لحكمته وقراره
أظـهـر يا زمـن وارجـع
حـگـج واخـذه امـربـع.....وعيش انگساره
واشـيد گـبرج اتشـوفه
الشـيعه توصلـه اطوفه.....ويجوله بزياره
وحسين اكصده بكسري
وانشف منحره اليجـري....واصيحن يثاره
~~~
وارد واخـذها باجـر كل الحگوك
من فعل النواصب گلبي محروك
وباجر يبدي مشروعي
امشـي ولازم ضـلوعي
=======================================
محمد خشان ✍️.
=========================
واه ويلاه على الكسروا ضلعها
ييمه أعليج ذابل كلبي والشوف
وصدري أمن اللطم يا يمه مخسوف
ليل أنهار طيفج بالفضى أيطوف
أشما أريد أفزع ايلزمني اللجفوف
فدوة حاجيني ...يا نبع المحنة
...................................................
يم الباب أكعد من يجي الليل
وأسولف وي جذعها ومدمعي أيسيل
أمن اذكر طيحتج والآه والويل
أشهك يمه شكهة أتهدم الحيل
كون ألج جية...أشم أتراب جدمج
.......................................................
وي كل مغربية أشعل أشموع
وأشوطن شوطة البوليده مفجوع
ثكيلة أدموع عيني أشحال الاضلوع
من كسروا ضلعهـا بصوت مسموع
حيرتي حيره...حيرة كسر ضلعج
.....................................................
يريت أوياج ميته يمه يا ريـــت
ولا بعدج وحيده الوحدي ضليت
صوتج ذكرياتج وحشه البيت
بيهن راسي شيًب والج حنيت
ريحة أثيابج...أشمها وروحي تطلع
....................................................
مثل دور الرحى دهري بقه أيدور
وبكل غرفــــة أشعل شمع وبخور
الفاكد ماي عينيه ويمشــي مكسور
علي هذا علي يا يمه معذور
الخذوا عافيته...يعيش ألمن ييمه
.............................................
الفاكد امه يمه شله بالعين
وشله بروحه واحبابه بعيدين
تعاي وشوفي يمه الحسن وحسين
يم كبرج اجو عدلين ميتين
طيحة الدمعة...طاحوا يمه ولدج
خادم خدمة الحسين
الشاعر
محمد الموالي
▪︎
استشهاد السيدة.زينب عليها السلام
روحي تريد اهل...ليها الموت نزل وين الصاح كفل
تعال...تعال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جبت عمري دموع افراگ اچويها و تچويني
و حن و اتذكر الغياب ليل الغربه ياذيني
ردت نسمت هوى الكافل تمر بيه تسليني
انا زينب يخوه زينب انادي و ما
تحچايني
صوب الباب اصد... كون الراح يرد اهموم الروح جبل
تعال...تعال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تشب وسط القلب لليوم ينار الطف فلا تخمد
انا كلما اشوف الماي ترد اجروحي تتجدد
عجيبه هجمت العدوان و انته اعله الثره موسد
يصد ليه الشمر بالسوط يسأل ها بقى احد
هوه يريد دمع...و خيل تدوس ضلع
جفن العين ذبل
تعال...تعال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عفتي و سيطرت دنياي تره زينب مهي زينب
يروحي انته و خذاك الماي سم الماي اذا اشرب
رغم كل الجرى عليه تعال و اسمع الأصعب
غريبه خلصت عمري و حته بموتتي اتغرب
قبل الموت متت...بعدك ما عشت ملك الموت وصل
تعال...تعال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اشوفك خويه و احچيلك على الشفته و الجره عليه
تره انيي بطيحت اچفوفك رحت مهضومه مسبيه
وصلت الشام اه يالشام بسلاسل ترجف اديه
كلها تصيح زينب هاي اخت عباس اي هيه
چفك ما يصح...راسك فوگ رمح وينك يا زعل
تعال...تعال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يولي من وصلت الشام الكل تنفخ علي سمها
واحد صاح اضربوها الاخر صاح اشتموا امها
اذب روحي على أيتامي اصد سوط اليألمها
و اصيحن ها يبو فاضل و امتوني نزل دمها
موقف حيل صعب...و انا بين غرب المو علبال حصل
تعال...تعال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اذا تگدر يبو فاضل حشاك تخييب اظنوني
قبل ما تنفذ انفاسي يكافل تسألي شلوني
حلم عندي تجي بچفك يخويه تغمض عيوني
احلفك بالوگع عطشان يخي لا تنظر امتوني
بيها اسياط زجر.... و رفست ذاك شمر
دهري شراد فعل
تعال...تعال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بعد اخر طلب عندي لؤن نال الاجل مني
تعال و رايتك وياك ردت بيها تكفني
تطيح اعيوني بعيونك و سهم عينك يألمني
تجيني بچفك المقطوع وسط قبري تنزلني
جيب اوياك علم...لا لتجيب سهم
عندي بهاي امل
تعال...تعال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات: جعفر الزرفي
كضيت الضلوع .. وماخذني دمى
وصحت ابدمعتي.. خَلوّ ابنَ عمي
غريبه
***
اول ما حسيت ابكسرت..ضلعي أشعر بالمحسن طاح
لبسمار الطب وسط احشائي خله الدم عالحايط ساح
و ماهميت لكسر اضلوعي ولا للمحسن ذاك الراح
بس من حيدر شفته امجتف أشعر كلبي هوه الصاح
ادموعي الجريات .. يا فضه صاحت
لحكي الي بساع .. مو روحي راحت
غريبه
***
للمسجد اكصد محنيه وفوك ضلوعي امخليه الايد
وصاح الثاني رجعو الزهره لحكت حيدر شنهو اتريد وقنفذ شال السوط ويضرب واحد صاح بسوطك عيد
واصرخ خل حيدر يرجعلي من يرجع بس روحي تهيد
بصوتي ودمعتي .. الظالم اسأله
هو النبي أشكد.. جا وصه بهله
غريبه
____
انه العشت أيامي ابغربه الغربه الما مر بيها انسان
محرومه من الدمعه اجريها صرت اكصد بيت الاحزان
ولاجار اليسأل عن وضعي واني الكَلبي عله الجيران
ومحد يفزع ليش لبااااابي من شبت بابي ابنيران
مجتوف ابو حسين .. بحبل الوصيه
ليش اهل يثرب ** شحو عليه
غريبه
**
واحد واحد شفت الوادم اتلثميه الهجمو ع البيت
شي يرفس بابي شي يدفع وخلف الباب اني اتواريت
وقنفذ جاب السوط بأيده يضرب متني شما ونيت
تلثميه وهجمو ع الزهره وكسرو ضلع ام ال البيت
شال ايده قنفذ .. وسوط بيمينه
عمر اليأمره.. ومبتسمه عينه
غريبه
***
اخر لحظات وي طفالي بدمعي وصوتي الضل مبحوح
هذا الحسن شفته اكبالي شلون السم من جبده ايفوح
وهذا حسين الخيل اتسحكه فوكه انضرها اترد وتروح
وزينب هاي اعزيزت كَلبي مسبيه لجم ديره اتروح
بنتي العزيزه .. صارت سبيه
ومذبوح الحسين بالغاضريه
غريبه
خالد عبد السادة البديري
الباب كلــما ينفتح
يلچم لحيدر جرح
و عله الحايط عينه تنــظر صورة
لفاطمة بـــس فاطمة المكسورة
ــــــــــــــــــــــــــــــــــــــــــــــــ
صارله چم يوم حيــــــــدر ما مفارگ داره
يسولف أويه البير هضمه و يدفن باسراره
شما تِحَّرك الريــح بابه بصـــدره تلهب ناره
فاطمة و چفــها ابضلعها يـــــنرسم لانظاره
و بالمناحة يستــــمع
صوت كسرات الضلع
و روحه تغدي امن الهضم مجمورة
لفاطمة بـــــــس فاطمة المكسورة
ــــــــــــــــــــــــــــــــــــــ
چنه مو حيـــدر هذاكه الحرب چانت عيده
يحضن الصورة ابدمعته و ايده تشبگ ايده
بحسرته يــردد باسمـــــــها و بونينه ايعيده
و ما يمد عالصورة چفه الكـسر خاف يزيده
راد يلمسها و رجَع
خاف لتحس ابوجَع
يدري بيها مرضرضة و معصورة
لفاطمة بس فاطــمة المكسورة
ــــــــــــــــــــــــــــــــــــــ
من بعيد ايباوعلها صــــــــــورة ام احسينه
و چان يتمناها گلـــــــبه تنـــرسم نص عينه
عشرة عشرة ادموعه نزلـــن بينها و ما بينه
و كثر ما كف دمعه بيـــــده مولحت چفينه
ذبلن اعيــونه و عمَن
عله فراگ ام الحسَن
و مهجته بسيف الهجر منحورة
لفاطمة بس فاطمة المكسورة
ــــــــــــــــــــــــــــــــــــــ
عله جروحه ذكـــــــرياته تاخذه و اتجيبه
و گامت اتخضـــر لحيته شيبة تتبع شيبة
صفنته بســــــمار چنــــها بالضلوع اتصيبه
فاطمة يناديــها لاكن فاطـــــــــمة متجيبه
الصورة لمن تختفي
علي يوگـــع منچفي
و جفنه عالحيطان يبقه يدوره
لفاطمة بس فاطمة المكسورة
ــــــــــــــــــــــــــــــــــــ
بالعبادة الليل يخلـــــــص عنده چانت عادة
و هسه گوة يگوم محني و يفرش السجادة
داحي خيبر يـا هضيمة بيـــــــده قنفذ گاده
مچتّف و مكســـــــور ظهره بكسر ام اولاده
بحبل مشدود الچفوف
بيا وضع فاطم يشوف
يعاين الها اعله الوجه مسطورة
لفاطمة بس فاطمة المكسورة
ــــــــــــــــــــــــــــــــــــ
لان صامـــــــد بالصميدة حيدر ايسمونه
تالي مـن جهتين ظلو صُحبته ايسندونه
ال بيده دافنها حياته يعــــني بله شلونه
ينعگد بالهم لسانه و تحچي تبقه اعيونه
جـــــارت الدنيـــــــة عليه
و أخذت الزهرة امن اديه
روحه لو طلعت علي معذورة
لفاطمة بس فاطمة المكسورة
ــــــــــــــــــــــــــــــــــــ
الحمدلله
#علي_حسين_الكناني
گعدوا يــم علي دمعة بكتر دمعة
و للزهرة ابد ما شعــــلوا الشمعة
خاف الشمـــعة تلهب نار
و يـذكر علي حـرگ الدار
ما شعلوا الشمعة
ــــــــــــــــــــــــــــــ ــــــ
توه عـــــلي دافــــن علي. و رد اعله بيته
و بعــده تراب ام الحسن. تــارس لحــيته
يحتـــظر چــنه و لاگــــته لحـــظة منيته
بَيَّن علـــيه مـــــن ما گدر يعــدل مشيته
رد اجنازة چــــــنه ابحضــــن تابوته
و كل خطوة ابرجعته تنحسب موتة
باضلوعه يحـــز بسمار
و يذكر علي حرگ الدار
ما شعلوا الشمعة
ــــــــــــــــــــــــــــــ
بالباب ظــل واگف علي. مدة طويلة
و كل ما تذبــحه حسرته يقره العديلة
فاطمته من كثر الهضم. چانت نحيلة
و طبگتها بالحايط طبگ. بابه الثگـيلة
يفتحها و يســــدها بـونته و نوحه
و يحس منــشار چنها تاكل ابروحه
شما صـدلها بالأنظار
و يذكر علي حرگ الدار
ما شعلوا الشمعة
ــــــــــــــــــــــــــــــ
اولاده يَـــــمَّه اتجــــــمعوا ذيچ المسية
و اعله جـــــروح ام الحسن. ناحوا سوية
ساعتها سر ســـــولف علي عــن الزچية
كســرين گلـــــهم بالضــلع. جسته باديه
ضاعت بالچفن گد ماهي ذبلانة
و البسمار بعده ينـــــزف امچانه
عليها امن السياط اثار
و يذكر علي حرگ الدار
ما شعلوا الشمعة
ــــــــــــــــــــــــــــــ
سترسل علي بوصف الالم. و ادموعه صوبين
مختلف گلــــــهم عن قبل. وجـه ام الحسين
لون احمــــر و ازرگ شفت. متحـاوطة العين
و امحَــــــرگة وجه و گــفه لزهــــرة الايدين
انكسر أمكم ضلعها من ورة العصرة
و يا جرح الكرامه بمهـــجتي شكبرة
چَوّه چفوفي دمها الحار
و يذكر علي بحرگ الدار
ما شعلوا الشمعة
ــــــــــــــــــــــــــــــ
وَيَّاها نــــــص ذاك اللحد. مديـــــته صبري
ميتة و بعدها امن الوجع. دمعــــتها تجري
بس الله يـــدري و فاطمة بالبــيّه تـــــدري
لو عمـــري خلّصته ابحزن ما يشفه كسري
مال و گصر طولي و انتكس حالي
و بَيَّن جــــرح گلبي حــتى بخيالي
عندي بكـــــل ركن تذكار
و يذكر عـلي حرگ الدار
ما شعلوا الشمعة
ــــــــــــــــــــــــــــــــــــ
ياولادي ونة فــــــاطـــــمة. اخفوها عني
ماريد احس ضاعت صدگ. ام بيتي مني
خلوني وحــــدي بحــجرتي. مفجوع لنّي
زينب اخــــتكم تنهــــــضم من يعله وني
وصتني عليـها كــــون ما تتعب
وراها انياگ هَزلة ضنوتي زينب
برگبتها يتـــــــامة ازغار
و يذكر علي حرگ الدار
ما شعلوا الشمعة
ــــــــــــــــــــــــــــــ
الحمدلله
#علي_حسين_الكناني
في حق الزهراء. ع
روحي مرهونه عله بابج. يمه يمه
البيت وحشه من غيابج يمه يمه
وين رحتي. وعني غبتي
يمه يمه
__
كمت اشم ريحت اثيابج روحي تتنفس حنين
كبال عيني الج صوره ظلت ابطول. السنين
يمه حته ارموشي شابن وباظن اعيوني الثنين
ليش عفتيني ومشيتي عني يمه رحتي وين
تجري ادموع المصايب. دمعه دمعه
حالي مثل الشمعه ذايب. دمعه دمعه
يا حسرتي. وعني غبتي
يمه. يمه.
___
يمه شمعت روحي انتي بنار هجرانج طفت
وعيني سهرانه بغيابج. لحضه وحده ماغفت
يمه ظلعي انهشم مثلج ومحنتي بفكدج لفت
جروح. البكلبي. ييمه دوم. تنزف ماشفت
الباب سوه بكلبي عله . حسره حسره
العيشه من بعدج مذله. حسره حسره
من رحلتي. وعني غبتي
يمه يمه
__
وين خدج خل اشمه بلجي اشبع منه شم
طفه نور اادنيه كله صوب اعيوني سهم
يمه بعده الجرح بيه من مشيتي يجري دم
احس مخنوكه يزهره يعصر بروحي الالم
صرت من بعدج يتيمه. غربه غربه
ينكسر ظلعج هظيمه. غربه غربه
يا محنتي. عني غبتي
يمه يمه
___
يمه محرابج اصده مظلم وموحش عليج
رحمت الله كله تنزل يزجيه بين اديج
يمه قرانج اشوفه كبال عيني بين اديج
جنت انام وغفه يمج رجعي ليه ارتجيج
كون حفرو كبري يمج. . اغفه اغفه
خاطر من اشتاك اشمج. اغفه اغفه
من مشيتي. وعني غبتي
يمه يمه
_____
يمه من ادخل حجرتج انقهر وشبع بجي
كلت لو بلطيف مره ترجع الزهره وتجي
هم يرد يمه زماني شايله بكلبي حجي
كون انامن وغفه يمج وبحنانج انتجي
ونسه احزاني وهمي . ونسه ونسه
وسمع تناديني بسمي. ونسه ونسه
ليش رحتي. وعني غبتي
يمه يمه
__
الخادم
رحيم الصالحي
(موشح)
أيـعـينـك الله يا علي فـحـل الـفـحـول
يـوم عــينـك شـاهـدَت ضـلـع الـبـتـول
*---------------*---------------*
أشـكبر صبـرك سـيـدي يا بو الحسن
أخـذ مـنـك فـاطـمـة بـسـاع الــزمـن
فـتـح باب اعـليـك حزنـك والـمـحـن
وصار دمع العين بخدودك هَطول
*---------------*---------------*
ادري هــد حـيلـك يـكــرار الــضـلــع
وخـتـلـط مـاي الـغـسـل وي الـدمـع
راحت الچـانـت ضوه البيتـك تـشـع
ولتهب گلبك على بنت الرسول
*---------------*---------------*
اثمنطعش عـام الـعـمــر مـثـل الـورد
خـلـوا بخدهه عـلامـه اهـل الـحـقـد
اشـلـون لـو خـليّـتهـه بـوسـط اللحد
وتدري بحزانك بعد ما ضن تزول
*---------------*---------------*
يا علي بـحزنـك تـره ايطول العمر
مـن بـدايـات الـضلـع حـد الـطـبـر
ألبس بفـگـد الـطـهـر ثـوب الصبـر
اسنين عمرك بالجرح والهم تطول
*---------------*---------------*
الـفـاطـمـة گـلبـك حـمـل نـار وألـم
وصـار بـسمـار الضلع مـثـل السهم
أصـبـر ورب الـعُلـى هـوه الـحـكـم
بغير صبرك سيدي ماكو حلول
*---------------*---------------*
انـت حـامـي ادخيلهه وليث الحرب
الصـار شـفتـه والـجـره كلش صعب
بـاقـي بـالـزهـره أثــر مــن الـضـرب
وما رضت ام الحسن يمك تگول
*---------------*---------------*
الـلـه يلـعـنـهـم تــره الـگـالـوا وأن
الـخلـوا بـروحـك يـكـرار الـحـزن
بعينك الدنيه صفت تـشبه سجن
والسبب كلمن اجه الدارك جهول
*---------------*---------------*
✍خادم الـزهـراء ع
الشاعر رعد الجريخي
/channel/rdeaa
عيـــــنك اعله روحك لجــــــمت جروحك
يحيدر يحيدر
ياعلــــــــي اشــــبديه وصـــــلت المـــنيه
يحيدر يحيدر
***
ياحيدر ارحــــم حالتك لاتبجي فـــدوه
ادري حزن كلبك جمر نار وتجــــــوه
يابعد روح ام الحســـن فركتنــه كَـــوه
ماطولت حيف انكضت عشرتنه حلوه
يابعــــــد حياتــــــي كربـــت وفاتــــــي
يحيدر يحيدر
دمعتك جـــــــــــريه وصـــــلت المـــنيه
يحيدر يحيدر
***
موهينه ياصيت الزلم ليــــث الحرايب
محني اشوفك منكسـر يغلـــى الحبايب
يالجنت شاب اشغيرك شو هسه شايب
حتى لحيتك شــــيبت مــــن المصايب
ســــــارح بخـــــيالك حزنك اعلـــه بالك
يحيدر يحيدر
بجمـــــــــرة الرزيه وصـــــلت المـــنيه
يحيدر يحيدر
***
كفكف دموعك ياعلــــــي شماتك اهــــــواي
محسن وضلعي فدوه الك واجروحي ودماي
شد حيلك اعله النايبـــــه ياقلعــــــة احماي
صبر اولادي لو متــــت وابنيتــــــــي هاي
عيـــــــنك اعله زينب اعليه تبقـى تنحب
يحيدر يحيدر
الفركَة الزجــــــــــيه وصـــــلت المـــنيه
يحيدر يحيدر
***
راح امشي واصبر يالولي حانت وفاتي
موتي بفركـــــــتك ياعلي موش بمماتي
حانت علامات الهجــــر خلصت حياتي
عينك على حسين وحسن واعلـه بناتي
حانـــــــــت المواجع بالأجـــــــل انازع
يحيدر يحيدر
كربــــــــــت العزيه وصـــــلت المـــنيه
يحيدر يحيدر
***
لاتكسر بكلب الحسن واحســـــين اخيه
تدريهم اعزاز اشكثر حــــــيدر عـليه
والله يعين ام الحــزن عكــــب الزجيه
زينب يتيمه وتنعصر كـــــــل مغربيه
ياعلــــــــــي هظيمه من تظـل يتـــــيمه
يحيدر يحيدر
تنعـــــــى كل مسيه وصـــــلت المـــنيه
يحيدر يحيدر
***
ابو علي الركابي
ميمر للزهراء ع
كسر الضلع حرگ الباب
يالزهره ماننساهن
----------------
هاي المصـــيبه ابكل زمـن تجدد
وجمـر الحزن يم الحســن مايبرد
هـــذا العــزاء طول الدهر يتخلد
مثل الورث واصـــــلنه أباً عن جَدْ
وعيونه انحسها اتشوف
لو الچ بچيناهن
--------------
موفقط اهل الارض مجلس يحيون
مأتم الــــچ اهل الجـــنان اينصبون
عنــــــــچ شعر كاظم وربعه يكتبون
وحمــــزه الزغير والرميثي اليقرون
وصدورنه اوياهم حيل
بالطم وشمناهن
----------------
تبـت يداه ذاك الكســـرها اظلـوعچ
وتبچين گمتي ويضحك اعله دموعچ
الموضوع اليفت الصـــخر موضوعچ
الظـــلام طفو شمعه مـــن شموعچ
طيحت المحسن عالگاع
اجروح النبي اذاهن
--------------------
اعـــداچ لمحمد يا عـــذر يحچونه
اصــــــــبع ندمهم باچـــر ايعضونه
معقـــوله عـار افعـــــــالهم ينسونه
البيـت النـزل بيه الوحـي يحرگونه
كلمة وأن والبسمار
يدمي الگلب بلواهن
------------------
باب البخـت بابــــچ ولكن حـــرگوه
وعصروچ خلفه وضلع منچ كسروه
ابفعلتهم الدين ونبــــــــــيهم باعوه
حقچ غصب يالزهره منـــچ اخذوه
وبسوطه قنفذ ويلا
امتونچ زرگ سواهن
----------------
✍️ الخادم
كامل السعيدي
وشديناه احزام الخدمه
****
يم الحضره اتحالفنه وصفينه وياك النيه
ويبن الزهره اشما نتعب بالخدمه نكول شويه
والرايه اليوم نعليها وتلوح الغيم انخليها والزهره نريد نواسيها
خدام حسين
بالموكب تدري تخاوينه وبهاي الخدمه تباهينه ضيعنه بموكب تلكينه
يا ضي العين
وعطر حسين اهناك نشمه
*
من كَرب يوم الخدمه واحد ضل يسبك واحد
عابس جاهد بالحومه واحنه بخدمتنه نجاهد
كل عام يهبون انصاره والعاشك ما تبرد ناره وتروج الكاع بزواره
وبكبره اطوف
بحسين اهواي نجنينه يشهد حاضرنه وماضينه والمهدي ويانه ويحمينه
وعيونه تشوف
ونبقه وياه الاخر كلمه
****
من ننخاه وكت الشده يوكف بالشده ويانه
حبينه حسين الغالي وضل يسري الحب بدمانه
لو ضاكت يكظيها الحاجه يوكف للناس المحتاجه ويلبس كل خادم تاجه
ويرفعه اهواي
والخله حسين بدلاله هنياله وميت هنياله يشفعله ويشفع لعياله
وشهود بهاي
واليهواه بس الزلمه
**
خدام ومثل الكافل مفطومين اعله الغيره
احنه حسين اختارينه وما نقبل واحد غيره
والخادم لو دخن راسه فارت بي غيرة عباس يم حسين ايفيض احساسه
ويخضر زود
يكبر بين العالم صيته يدخل بس حسين بريته وبهل الخدمه يموت امنيته
بهدومه السود
وبعاشور اتزيد الهمه
**
كلشي يزول بهل دنيه ويضل حسين الخالد
قائدنه حسين ونقسم ما نتبع غير القائد
خط بالدم درب الحريه وضح معنه الانسانيه حارب اصحاب القمعيه
ذل حكم ايزيد
ايشع نور الكبه ايشوفونه هالنور اشلون ايحجبونه والكمره تسولف بعيونه
احرار ايريد
والتاريخ ايشيد بعزمه
****
تمت
تحسين الخفاجي
موشح للسيدة الزهراء
رسمچ ما فارگ عيني
وصوتچ بعده يناديني
يمّه وعطرچ مالي الدار
،،،،،،،،،،،،،،،،،ء،،،،،،،،،،
١
رحتي و ادري تطول الغيبه ومَتعودين
ياجنّه و وين الگه الجنّه خلافچ وين
زغار إحنه و یتمنه بفگدچ وسفه إلبين
زينب آنه وما فارگتچ رمشة عين
يُمّه الحسن ظل مهضوم
وحسين امجافيه النوم
لو تدرين بروحي شصّار
يمّه وعطرچ مالي الدار
،،،،،،،،،،،،،ء،،،،،،،،،،،،،،،،،،
٢
يل چفّچ لو مَر إعلينه يرد إلرّوح
وانفاسچ بعطور الجنّه الطيبه تفوح
وعیونچ دنیه ومن عدها النور يلوح
وبگلبچ طيبه و حنیه و هم و جروح
همّچ بینه و هم بالدِّين
و بجروحه شگد تعدّين
چم خاین صابه و غدار
يمّه و عطرچ مالي الدار
،،،،،،،،،،،،،،،،،،،،،ء،،،،،،،،،،،،،،،
٣
لو أحظى بنظره إمن عيونچ کل شي یهون
آه يمي شگد وحشه الدنیه و کل إلكون
ما صدّگ کل نورچ ذاكه أصبح مدفون
لا ظلّت لذّه بدنيانه ولا ظل لون
دفنوچ و ضلعچ مكسور
یا دنيه وعالم من نور
ظل گلبي یلوج و محتار
يمه و عطرچ مالي الدار
،،،،،،،،،،،،،،ء،،،،،،،،،،،،،،،،،،،
٤
كل شَيْ بالدار يذكّرني وما انساچ
هدومچ مطحنتچ قرآنچ ومصلاچ
اصفن وتحسر و افكاري تروح وياچ
واتمنی ترجعين لبیتچ واتلگاچ
ساعه بحظنچ تسوه سنين
ودموعي وهمي تمسحین
مرّي إبّنتچ لو خطّار
يمه و عطرچ مالي الدار
،،،،،،،،،،،،،،،ء،،،،،،،،،،،،،،،،،
٥
شفتچ من لِذتي و عصروچ بسد الباب
من صاب البسمار ضلوعچ گلبي انصاب
موقف ما نختصره بصوره و لا بكتاب
غيّر وجه الدّين و اسس للإرهاب
كل شي تغيّر ذاك اليوم
والدين تأثّر للدوم
بأسمه تولّونه الأشرار
يمه و عطرچ مالي الدار
،،،،،،،،،،،ء،،،،،،،،،،،،،،،،،،،،،،،،
٦
لو تدرين إشمر إعليه من النكبات
خلّص عمري هموم خلافچ وصوابات
والأصعب بالطف عالغبره حسين يبات
شحسبلچ چم جثّه و جثه المسلوبات
وانه بلا والي و لا عون
مسبيه لذاك الملعون
بالشام و ما عندي انصار
يمّه و عطرچ مالي الدار
،،،،،،،،،،،،،،،،،،،،ء،،،،،،،،،،،،،،
الحاج ابو فلاح
حسن سعدون الديوان
يا حال توصف حاله .. وضل خالي الليله الدار
حيدر رد لازم ظهره .. دافن بجفوفه الزهره
وضل خالي الليله الدار
****
رد قالع البيبان يمشي بهيده
زهرة حياته الليله دافن بيده
ام الحسن تسري اويَ دم اوريده
يا حال حاله بمحنته الصميده
هلت ياناس عيونه .. ودمعه اعلى الخد نهران
بالكوه يجر الحسره .. دافن بجفوفه الزهره
وضل خالي الليله الدار
****
رد منحني وياحال صاير حاله
حتى الصخر عالزهره ضل ينعاله
يتعثر ودمعه علي تجاله
حيله انهدم حتى الجدم ماشاله
عالزهره تهل دموعه .. ويعثر بدموع العين
مهموم و ياهو يصبره .. دافن بجفوفه الزهره
وضل خالي الليله الدار
****
كلما يصد عالباب ينزل دمعه
وكلما يصد مسمار يلزم ضلعه
شصاير يناس بحاله عكب البضعه
اهل المكابر بالبوابجي تسمعه
بس عالفركه الله يعينه .. مفارك ياناس عزاز
مجروح تخنگه العبره .. دافن بجفوفه الزهره
وضل خالي الليله الدار
****
كلبه يحن للزهره ولملكاها
شحاله ويرد للدار مايلكاها
روحه اعلى كبر ام الحسن خلالها
بذاك اللحد حيله اندفن وياها
يمشي ودمعاته بعينه .. يرجع لدياره شلون
محتار وهمه شكبره .. دافن بجفوفه الزهره
وضل خالي الليله الدار
****
شاب الجفن والحيل رايح منه
من ونه داحي الباب يغفه بونه
مكسور كلبه وللكبر يتعنه
وياها ميت باللحد يتمنه
وياها تمنه يدفنونه .. والفرگه تشيب الراس
من بابه وذيج العصره .. دافن بجفوفه الزهره
وضل خالي الليله الدار
****
مجروح حيدر بالألم واللوعه
ما تنشف وي الليل لحضه دموعه
محنيه لمصاب الزجيه ضلوعه
و ونات گلبه من العرج مشلوعه
كل ليله ينوح بحركه .. تفطر گلبه من النوح
الهاضمته جفوف السطره .. دافن بجفوفه الزهره
وضل خالي الليله الدار
****
تمت
احمد الخفاجي
توجعني كلمة فاطمه
تخنگني دمعة فاطمه
الله يعينچ فاطمه يمه
-----------------------------
بضعة محمد هيچ تاليهه
حتى النفس صاير يأذيهه
محنيه من ضيم السدى اعليهه
ما ينسمع ونها وبواچيهه
ذبلت لحد ما صارت خيال
كسر الضلع مو چلمه تنگال
بسمار يذبح امنه يا ناس
طايح الكون وصعبه ينشال
يا فضه صاحت فاطمه
لحگيني ونت فاطمه
الله يعينچ فاطمه يمه
---------------------------------------
ليل اليمرنه وهيه ويانه
تعبانه بس متگول تعبانه
تگعد بصفنه وتعدل غطانه
وهيه الكسر خلاهه ذبلانه
بحجة اتلولي اعلينه بليل
تبچي بدمعهه اليهدم الحيل
خافن نگلهه الضلع اذاچ
ضمت وجعهه وگامت تميل
يا ويلي مالت فاطمه
من عدنه شالت فاطمه
الله يعينچ فاطمه يمه
--------------------------------------
حتى بصلاة الليل مهمومه
تحچي وي ربهه وهيه ملچومه
ربي الظلمني اتگرب بيومه
لا ترضى عنه اتمرمره ابنومه
حارمني من الراحه والنوم
ما بيه حيل اگعد ولا أگوم
يوجعني ضلعي وظلم الاجناب
حيل انحلت ما شيل الهدوم
گربت منيتچ فاطمه
شنهي وصيتچ فاطمه
الله يعينچ فاطمه يمه
-------------------------------------
وكت المحنه الفرگه تاذينه
بعده العمر وياهه خلينه
حال آمنه يمغير معانينه
ها يا سبب همنه وبواچينه
يا يمه تاني الرمل غطاچ
محلات حظنچ وانتي محلاچ
خلينه يمچ وسط الگبور
فتحي الچفن خل نغفه وياچ
ضمينه كلنه فاطمه
يمچ لطمنه فاطمه
الله يعينچ فاطمه يمه
---------------------------------------
صار الوداع وماتت الليله
بظهر الجنازه الحيل اتچيله
شلت العبايه وحاظنه الشيله
گلبي اليريدچ شرد اسويله
زينب بعدهه اتريدچ شلون ؟
من ريت طولي وياچ مدفون
ضميني اريد امشابگ اوداع
توگع وراه چفوف وعيون
خلصت ييمه فاطمه
سمعيني چلمه فاطمه
الله يعينچ فاطمه يمه
كلمات الخادم / رعد الفريجي
ثوابها الى روح والدتي
وحشة ليل المكبره فاطمة يمه تــــره
خطوة خطوة بلايا روح
أمشي وارجع ليوره
.........................................
من وحشة ظلام البيت والدخان واحلامه
ألــج أبعث رسالة شوك يمه الليل ما نامه
يا فرحة شهر رمضان ياتسبيحه واصيامه
زينب من دمعها يطيح تكسر خاطر أيتامه
وأعثر بطولي كمت فــاطمة وينج صحت
خطوة خطوة بلايا روح
أمشي وارجع ليوره
......................................
أكعد كل فجر بسكوت امشي مشية الدمعه
لامن بيها أصبــر الروح لا بيها بعد رجعه
طبع التنولي أمن اتطيح ما تستانس الفزعه
هاي انتي بدفعة الباب صدرج مالزم ضلعه
جرح الي يفارك سماه عمره مـــــا يلكه دواه
خطوة خطوة بلايا روح
أمشي وارجع ليوره
....................................................
من ايهل فجر ملكاج أقنــــــع روحي موجودة
واركض ركضة المشتاك والكه الباب مسدودة
يا شدة جــــــــرح فركاج يمه بروحي معكودة
حـــــــلال الشدد حيدر دمعته أمجرحه أخدوده
زينب وحيدر سوه نمشي واندور ضوه
خطوة خطوة بلايا روح
أمشي وارجع ليوره
.............................................
أيد ابأيد من الباب أمشي ويرجع أخيالي
واتخيل هجوم الدار يمه وطبته أكبــالي
اتخيل لهيب النار وصلت طارف أذيالي
اذكر طيحة المحسن وسطرة خدج ابالي
ومن اعياين عالجذع أستمع كسر الضلع
خطوة خطوة بلايا روح
أمشي وارجع ليوره
.....................................................
أتنطر ضلام الليل والجم طلسم أجروحــه
هلبت والدي امن ايروح اسمع ونته ونوحه
ولـــــو طبعه طبع فقار دمعة عينه مذبوحه
لاجـــن شفته بالتشييع روحه اتشيع ابروحه
ليلة ليلة أنتضر والدي الكبرج يمر
خطوة خطوة بلايا روح
أمشي وارجع ليوره
.....................................................
خادم خدمة الحسين
الشاعر
محمد الموالي
يالمطيب الجروح... بدونك وين اروح.
اليه انته روح
حبيبي يا حُسين........ حبيبي يا حُسين
____1️⃣
شرد اسولف عالعشگ... يالبدونك اختنگ.. انته اليه أمنياتي.. وكلشي يحسين ابحياتي.
والله ماغيرك ألي... ياأبن حيدر علي..
أياواهس ذكرياتي.. وكلشي يحسين ابحياتي.
كون يمك. واطوفك. واموت ابحضرتك.
عميه العيون . يمولاي. واريدآ نضرتك.
عطوف انته وسموح.. بدونك وين اروح.
اليه انته روح
حبيبي يا حُسين.. حبيبي يا حُسين
_2️⃣
ما افكر بالطُمع... كلشي من عيني.. طلع... كل حياتي انتهيهه... انته لو ما انته بيهه.
الدنيا ما امنهه ابد.. شماتقدملي السعد.. أبد ما اسأل عليهه... انته لو ما انته بيهه.
من الطبيعه. لگيته . الجمال ابمرقدك.
انه ارتاح . والهموم .تزول من اگصدك.
عطر جنه تفوح... بدونك وين اروح.
اليه انته روح
حبيبي يا حُسين. حبيبي يا حُسين
____3️⃣
ضلمه وكتي اوما احس... انته بعيوني شمس... جازي ابفضلك عليه.. انته اليه اوكلشي اليه.
لوغبت عنك صعب... يبقه مشلوع الگلب.. حسين شمسوي انته بيه.. انته اليه اوكلشي اليه.
بيك مجنون. والجنون. احسه هيبتي.
الخدمه ذِله. اوكرامه.ألك بس خدمتي.
لخدمتك هالطموح. بدونك وين اروح.
اليه انته روح
حبيبي يا حُسين. حبيبي يا حُسين
____4️⃣
من اطيح ابّعِلتي... أمي تنضر حالتي... اتنادي ابگد ماتحبني... داخل اعله حسين يبني.
من امي هاي الندبتك... راضع انه امحبتك... اعليك كل امال تبني... داخل اعله حسين يبني.
أبچي وّياها. لجلك . يمحبوب العباد
من يهل شهرك. انته . تلبسني السواد.
عله امصابك ننوح.. بدونك وين اروح.
اليه انته روح
حبيبي يا حُسين. حبيبي يا حُسين
_5️⃣
ياغريب ابكربله. والشفاه الذابله.. يلي ماتنعد جّروحك... ياسلام الله اعله روحك.
يالمبرج بالدمه.. ايضنوة فاطمة.. سهم المثلث يلوحك.. ياسلام الله اعله روحك.
غبظ شيبه. الكريمه. الشمر دَنه اوجِسر.
اواعله صدرك. يثني. اويحز بيده النحر.
نصر دمك يلوح... بدونك وين اروح
اليه انته روح
حبيبي يا حُسين. حبيبي يا حُسين
____6️⃣
لو حِتم ذاك الامر... سيدي ويوم الحشر.
سجل اسمي اويهل وادم... لأن مولاي الك خادم.
ادري تعبي مايضيع.... انته الگاك الشفيع..مااگولن يوم نادم.. لأن مولاي الك خادم.
بدنيه انته.. اليه.. امامي واخره.
مانسيتك.. وله انساك.. عهد للطاهره..
واگولنهه بوضوح بدونك وين اروح
اليه انته روح
حبيبي يا حُسين. حبيبي يا حُسين
#الشــــاعر ✍️
#ابو #عــبدالله #الشمري
يالــزهرة رحـتي وللأبد .هاللـيلة مـَنشوفج
حِزنج عــلى فراك الــنبي يِتْفَسَّر ابـخوفـج
عَهدج فلا نبيعه ... يامنبع الشيعة
مِـحراب نـورج فــاطمة مايـنطـفي للــدوم
كَبل الأرض لأهل السِمه يِتلاله جَنَّه نـجـوم
مَحّد عُرف كَدرج أبَد من طِحتي ذاك اليوم مِشكاة ربِّج من ضِوَّت يَم ضِلعج المـَلجـوم
رادو غَصٌب بِيعة ... يامَنبع الشيعة
أوّل ظٌلامه مِن فَـدَك أخـذوهـا مـِن إيــدج
بصٌحبتهم أنفاس ألحقد من طَيّحو اوليدج
أعراب بــثياب الــغـدر بـاكــو فـَرح عــيدج
مظلومة رحتي يَم حَـسن لِهناك َ يم حـيدج
هذا الخبر ذيـعة ... يا مَـنبع الـشيعة
بيت الله وِابْابـه الحَطب مشتعلة بيها النار
حـركوها بابـِج فـاطـمـة يا شـمـعـة الـكرار
لجل السَــقيفـة الـمارقِــة تــتــبدل الأدوار
لليــوم دمـِّج مانـِشف ونصيح لجلـه الــثار
ثـار الله وِنْـطيعه ... يامَـنبع الشـيعة
قـرآن صـَبـرج وَي عـلي بِالـهضمـة يِحجيله
مِن شاف جرحِج ماسِكت والدمعة تشكيله
مـحسـن يِطـيح إبـلا ذنـب بــالآه لــولـيلــه
نضرة وِداعـج فــاطمـة هـدّتـله كــِل حـيله
هاللـيلـة تـوديـعة ... يا مَنبع الشـيعة
حال اليتـامى بنص ألم شيخضـر الـيابس؟
كل كَطرة من دم الوفه جَـن ينخلق عابس
للـمهدي واجب نـِفتدي واحدنه كالـفـارس
لجروحي مو بس بالدمه بـالثار هـم تارس
يا شيعة ياشيعة .... هالليلة توديعة
لٌبــابة آلـــ ياســين
٧ اكتوبر ٢٠٢٤
وزن : منسجم
مقاصير :مستفعلن فعلن
#لبابة_آل_ياسين
#الليالي_الفاطمية
#الايام_الفاطمية
اللهم أغلقت الأبواب إلا بابك وانقطعت الأسباب إلا إليك ولا حول ولا قوة إلا بك اللهم إن أهل غزة وجنوب لبنان عبيدك ليس لهم أحد سواك ولا ملجأ ولا ملاذ لهم إلا أنت وأنت أرحم الراحمين اللهم أغثهم واسترهم واكسهم وأطعمهم وآمنهم من خوف اللهم اجعل برد الشتاء دفئا عليهم وظلمة الليل طمأنينة لهم اللهم حول وحشة أيامهم لفرج قريب وفرحة قريبة تنسيهم معاناتهم ويسجدون لك باكين من فرط سعادتهم يا من لا إله أنت بحق لا إله إلا أنت اجبر قلوبهم وخواطرهم جبرا يتعجب منه أهل السماء والأرض عاجلا غير آجل يا رب العالمين بحق سيدنا محمد وآله صلواتك عليهم أجمعين
Читать полностью…
يايمه زينــــب نادي الحسين
ساعه وتغمض عنكم العين
خليني اروي بشوفه
لو بيدي ابد ماعوفه
&&*&*&*
ناديلي حسين وحسن جاي
هل ساعه كعدو كلكم احذاي
خلوني اروي شوف. عيناي
انتم سلوتي وانتم. ادواي
خلوهه تروه عيوني
گبل الدفن خلوني
ياخذني عنكم حتمن والبين
يايمه زينب نادي الحسين
♾️♾️♾️♾️♾️♾️♾️
التمو يمي وسولفو وياي
دموعكم تمرد تره جلاي
تزودوني بلوه فوك بلواي
عوفو الدمع خلصانه دنياي
عوفو البجي وحاجوني
وامشوا اذا دفنوني
ونوب كثرو خلافي الونين
يايمه زينب نادي الحسين
♾️♾️♾️♾️♾️♾️♾️
مسحو الدمع بس نظرو اليه
وياكم تره بس هل مسيه
باجر اروح وماكو جيه
تراب اللحد ينرد عليه
باجر تغمض عيني
تراب اللحد ياذيني
خلصت ايامي وكل السنين
يايمه زينب نادي الحسين
♾️♾️♾️♾️♾️♾️♾️
ناديلي اخوتج يمه ابساع
ماظل وكت ويحين الوداع
مني العمر يايمه هالضاع
وباجر تضمني عنكم الكاع
مبيوكه يمه أحلامي
وبس الكدر كدامي.
ودلالي يمه انجسم نصين
يايمه زينب نادي الحسين
♾️♾️♾️♾️♾️♾️♾️
هايج دليلي وزايد الخوف
ومن الحزن بعيوني ماشوف
وطيف المنايا اعليه ايطوف
وانظر زماني سن السيوف
سنن اسيوفه اعليكم
بكأس الألم يرويكم
وباجر عزيه المن تنصبين
يايمه زينب نادي الحسين
♾️♾️♾️♾️♾️♾️♾️
من اوجوهكم خل اروي العيون
صعب البعد والفركة متهون
من بعدي يمه بيكم. شلون
شجم فاجعة ولوعة تعيشون
الدهر لو شن غاره
زينب تظل محتاره
وتحتار تنطيه الوجه وين
يايمه زينب نادي الحسين
ابو سلام الجابري
كأني بأمير المؤمنين بأول زيارة لقبر مولاتي فاطمة
و قف عندها وقال
مُشكلتي چبيرة او ما بعد تنفَض
ما تتعوضيـن و كلـــشي يتعوَض
ارجعيلي // ارجعي او خلي نرجـع مثل ما چنّة
ارجعيلي // ارجعي او محسن ابنچ طير بالجنّة
ما تتعوضين ما تتعوضين
ـــــــــــــــــــــــــــــــــــــــــ
يا رزق الله الضــــــاعت مني
و مشكاة الــروح القُدسية
هــــــاي اول مـــــــرة اتعنالچ
من گبــــرچ طلعيلي شوية
يعني شلون اشرحلچ وضعي
ابعينچ شوفي شصاير بيه
آي هـــــذا انه القــــالع خيبر
ارجف مــن راسي لرجلية
الدافن صبره بيــــــده بعد شيصبره
و جروحچ غميجة و كسرتچ كسرة
تعـــاليلي // تعالي يا شمعــتي و يـاسي و الحنّة
ارجعيلي // ارجعي او محسن ابنچ طير بالجنّة
ما تتعوضين ما تتعوضين
ـــــــــــــــــــــــــــــــــــــــــ
للمستقــبل چنة انخطط
و نرســــم و انلوّن بالصورة
چا ليش انباگت احلامي
و احلامچ طاحت مكسورة
شبيها الدنية و ما خلتها
تكمل عشــــــرتنه المستورة
يالما زعّلتيـــــــلچ واحد
و زعلانة أرحلتي و مقهورة
وسط البيت تخنگ ريحة اشواگچ
و هذا الشيب كله من ورة افراگچ
اسمعيلي // اسمعي اشلون حيـدر يجذب الونة
ارجعيلي // ارجعي او محسن ابنچ طير بالجنة
ما تتعوضين ما تتعوضين
ـــــــــــــــــــــــــــــــــــــــــ
صوفر بستانچ مــن غبتي
و ظلـت أغصانه ابلا ورگة
يا ساجيتي المنـــها اتروه
ما متفقـــــين اعله الفـرگة
من ساعة ما طبـگوا بابچ
و لهسه انه ابذيـچ الطبگة
كل ليلة اعله البير امسيّر
و ارجع خسران ابلا ملگة
انطي لوين وجهي و انسه موضوعچ
و انه المنكسر چــــن كسرة اضلوعچ
انظريلي // أنظر و شوفي حيلي مـــا بعـــد منّه
ارجعيلي // ارجعي او محسن ابنچ طير بالجنّة
ما تتعوضين. ما تتعوضين
ـــــــــــــــــــــــــــــــــــــــــ
منكوب البيت امن غيابچ
و انصبغت اسود حيطانه
ما چانــت تچهبنه الظلمة
يام البيت أو انتي و يانه
انه و ولــــدچ و ابنــياتچ
شنسوي المغرب لو جانه
و ما أكـدر احچيلچ اكثر
مهضومة ادريچ و تعبانة
اعذريني جرحتـــچ يام ضلع نازف
و خاف احچاية منّي لچمتچ اسف
امسحيلي // أمسحي گومي عن وجهي ذَره المحنة
ارجعيلي // ارجعي و محســـــــن ابنـچ طير بالجنة
ما تتعوضين ما تتعوضين
ـــــــــــــــــــــــــــــــــــــــــ
يم گبرچ جابنّي اجـروحي
و لو قصرت معذورة اعيوني
شلونك اخبارك مــن بعدچ
ألــــزم ظهـــــــري لو سألوني
انــه بخيــر امنين احچيها
و انـــه الخـــابت كل ضنوني
ابعثراتي امبيّن موضوعي
ما داعي تســــــألين اشلوني
كتلتني الهضيمة و هل صرت ناعي
و تعنيت ازورچ و انثـــر اوجـــاعي
دگوميلي // دگومي او عن علي نشدي علي عنّه
ارجعيلي //ارجعي او محســن ابنچ طير بالجنة
ما تتعوضين ما تتعوضين
ـــــــــــــــــــــــــــــــــــــــــ
ما بين جروحچ و جروحي
متـــــأمل طبــــــرة محرابي
يمتى المـوت ايرد يجمعنه
و يطيب اصوابچ و اصوابي
نتلاگه او محـــــسن وَيَّانه
و ننسه العصرة و دفعة بابي
خليني بهالحســــرة اتمنه
و ربّنه اليجبر هــــذا مصابي
ابأمان الله يزهرة نامي راح ارجـع
بنية ازغيرة عندي و خاف لا تفزع
اسمحيلي // اسمحي أرجـــــــع اتانيـني زينبنّه
ارجعيلي // ارجعي و محسن ابنچ طير بالجنّة
ما تتعوضين ما تتعوضين
ـــــــــــــــــــــــــــــــــــــــــ
الحمدلله
#علي_حسين_الكناني
في حق الزهراء. ع
روحي مرهونه عله بابج. يمه يمه
البيت وحشه من غيابج يمه يمه
وين رحتي. وعني غبتي
يمه يمه
__
كمت اشم ريحت اثيابج روحي تتنفس حنين
كبال عيني الج صوره ظلت ابطول. السنين
يمه حته ارموشي شابن وباظن اعيوني الثنين
ليش عفتيني ومشيتي عني يمه رحتي وين
تجري ادموع المصايب. دمعه دمعه
حالي مثل الشمعه ذايب. دمعه دمعه
يا حسرتي. وعني غبتي
يمه. يمه.
___
يمه شمعت روحي انتي بنار هجرانج طفت
وعيني سهرانه بغيابج. لحضه وحده ماغفت
يمه ظلعي انهشم مثلج ومحنتي بفكدج لفت
جروح. البكلبي. ييمه دوم. تنزف ماشفت
الباب سوه بكلبي عله . حسره حسره
العيشه من بعدج مذله. حسره حسره
من رحلتي. وعني غبتي
يمه يمه
__
وين خدج خل اشمه بلجي اشبع منه شم
طفه نور اادنيه كله صوب اعيوني سهم
يمه بعده الجرح بيه من مشيتي يجري دم
احس مخنوكه يزهره يعصر بروحي الالم
صرت من بعدج يتيمه. غربه غربه
ينكسر ظلعج هظيمه. غربه غربه
يا محنتي. عني غبتي
يمه يمه
___
يمه محرابج اصده مظلم وموحش عليج
رحمت الله كله تنزل يزجيه بين اديج
يمه قرانج اشوفه كبال عيني بين اديج
جنت انام وغفه يمج رجعي ليه ارتجيج
كون حفرو كبري يمج. . اغفه اغفه
خاطر من اشتاك اشمج. اغفه اغفه
من مشيتي. وعني غبتي
يمه يمه
_
يمه من ادخل حجرتج انقهر وشبع بجي
كلت لو بلطيف مره ترجع الزهره وتجي
هم يرد يمه زماني شايله بكلبي حجي
كون انامن وغفه يمج وبحنانج انتجي
ونسه احزاني وهمي . ونسه ونسه
وسمع تناديني بسمي. ونسه ونسه
ليش رحتي. وعني غبتي
يمه يمه
__
الخادم
رحيم الصالحي
الليالي الفاطمية
تجليبة
انه باب الحزن وبكلبي جم حسرة
عليج المصطفى عذريني يالزهرة
##############################
ييمه اعتذر مو قصدي وعيونج
ياوردة علي المايكدر بدونج
انه كلبي احترك من ذبلوا لونج
لجن امري صفه بيدين هالزمرة
عليج المصطفى عذريني يالزهرة
###############################
آنه نادم ندم بس انتي تدرينه
اجذوعي حطب بيدج تحركينه
نارج جن برد شمس وتمر طينه
وماينشف ابد جرحي ولا يبرة
عليج المصطفى عذريني يالزهرة
###############################
لو لاج العلي ما خالق الجنة
مو قصدي وعلي ظلعج إلجمنه
ياوسفة البعض سطروج عالوجنة
ودفعوني وظلع منج انه مكسرة
عليج المصطفى عذريني يالزهرة
###############################
ثلث مية وكسر يمه وانه واحد
ردت اشكف لجن يدفعني بالزايد
واثر من دفعتج دم الطفل شاهد
وبسماري انكسر من صارت العصرة
عليج المصطفى عذريني يالزهرة
###############################
الجان المصطفى يستأذن ويدخل
وملائكة السمه تتصاعد وتنزل
وسف صحبة نبي حركوه للمنزل
وعسى إبيته الحرك كلمن دره وسره
عليج المصطفى عذريني يالزهرة
###############################
امقصر واعتذر منج يمولاتي
ومثل دمع الشمع تتجاره دمعاتي
وشقدملج عذر قبلي اعتذاراتي
وحك دمعج عشت جن نار مستعرة
عليج المصطفى عذريني يالزهرة
حسين مجيد العميدي
▪︎▪︎▪︎
مولد رسول الله صلى الله عليه وآله وسلم
حبيناك من البدايه
حبيناك للانهايه
يامحمد يامحمد يامحمد
...............
أشرق النور وجماله بطلعتك
الله خالق هل بشر لمحبتك
الليله من مرت يهادي فرحتك
الدنيه والاملاك كلهه بخدمتك
ناديناك اهلا نببنه
ناديناك خيمه علينه
يامحمد يامحمد يامحمد
...............
طاحت الأصنام يالهادي الك
انته بيدك كله يندار الفلك
المايحبك من صدك ضاع وهلك
رحمة الله وللبريه نزلك
هذا اليوم خير وسعاده
هذا اليوم يوم الولاده
يامحمد يامحمد يامحمد
................
أجمل أعياد الزمن وهل الزمن
يانبي الرحمه يطه المؤتمن
بدين الإسلام انته خمدت الفتن
وطن صرت الامتك وجمل وطن
يابو الخير يابو المحنه
يابو الخير حبك جمعنه
يامحمد يامحمد يامحمد
..................
الليله جبرائيل من كد الفرح
يهتف بسابع سمه وصوته صدح
اسمك بكاع وسمه نوره وضح
كل صدر يالمصطفى الليله انشرح
نور العين انته وضواهه
نور العين يالغالي طه
يامحمد يامحمد يامحمد
..............
نزلت أملاك العرش يم المهد
الفرحه عدهم الك احله امن الشهد
احله مولود انته هليله انولد
مااجه كبلك ولا بعدك ابد
هايم بيك كلمن يشوفك
هايم بيك لامايعوفك
يامحمد يامحمد يامحمد
محمد هادي العقابي