834
Haitham Al-Lami
صلاوات صلاوات ... على محمد وعلي
ـــــــــــــــــــــــــــــــــــــــــــــــــــــــــــــــ
بالــــورود بالورود ... واجب ازيّن محفلي
صلاوات صلاوات ... على محمد وعلي
ـــــــــــــــــــــــــــــــــــــــــــــــــــــــــــــــ
والافراح والافراح ... بيها الهلاهل تعتلي
صلاوات صلاوات ... على محمد وعلي
ـــــــــــــــــــــــــــــــــــــــــــــــــــــــــــــــ
مُــــحمد مُــحمد ... فوگ العرش اسمه جلي
صلاوات صلاوات ... على محمد وعلي
ـــــــــــــــــــــــــــــــــــــــــــــــــــــــــــــــ
والنجوم والنجوم ... صاحن هله بأعظم ولي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
حور العين حور العين ... طه عشگها الاولي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
يشع نور يشع نور ... وجهه شمس ما تنجلي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
أله انزور أله انزور ... ياروحي ربچ اسألي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
والاشعار والاشعار ... نقراله بيها انه وهلي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
محبين محبين ... يا حبه مالينا ملي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
نواليه نواليه ... ولعترته نبايع بلي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
عترته عترته ... حبهم ضماني وكافلي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
عشگهم عشگهم ... اي اعترف بي مبتلي
صلاوات صلاوات ... على محمد وعلي
ــــــــــــــــــــــــــــــــــــــــــــــــــــــــــ
عداهم عداهم ... ما يبقه شي بلدنيا الي
صلاوات صلاوات ... على محمد وعلي
ــــــــــــــــــــــــــــــــــــــــ
الهي الهي .... يمهم اريدن منزلي
صلاوات صلاوات ... على محمد وعلي
ــــــــــــــــــــــــــــــــــــــــ
خصمهم خصمهم ... لاشك جهنم يصطلي
صلاوات صلاوات ... على محمد وعلي
ــــــــــــــــــــــــــــــــــــــــ
سيد علي عبدالزهره الناجي
يا ابا عبدالله الحسين ياوجهياً عند الله اشفع لنا عند الله
لسان حال كل خادم حسيني ( ونسالكم الدعاء )
دمعي يجري
جيت ازورك ياذبيح الغاضريه
وانـت تـدري
خادمك وتوسّلك يبن الزچيــه
.............................................................
خادمـك يحسيـن ومقصـر اجيتك
وانه ادري بطبعك واعرف حميتك
ماتـرد كلمـن يجــي ويتعنّـه بيتك
ياحسين وبالكـرم معـروف صيتك
انت ذخـري
ارد اشوفك لو دنت ليه المنيه
وانت تدري
خادمك وتوسّلك يبن الزچيــه
..............................................................
واگـف ابابـك يبواليمـه بخشــوعي
انتظــر منـك إذن ســالت دمــوعي
خوفي ماتقبلني والحسرة بظلوعي
كون اموت ابابك أهون من رجوعي
اطفي جمري
بنظرة منك سيدي والطُف عليه
وانت تـدري
خادمــك وتوسّلك يبن الزچيـــه
.................................................................
تـدري بذنـوبـي الخفيـة وبالعملتـه
گلبك المجــروح چم مره جـرحتـه
هــذا آنـي ابابــك وذنبــي عـرفتــه
تردني ماصدگ حبيبي حسين انته
يبقه امــري
بين اديك بهاي ارضه وهاي هيه
وانت تدري
خادمــك وتوسّلك يبن الزچيــــه
.................................................................
شو احس گلبي خشع يعني قبلتني
سيــدي يحسيـن اشعـر سامحتنـي
رغــم كـل ذنـوبـــي يمّك قـرّبتنــي
ياحسيـن بحيــرتــي لا ماعفـتـنــي
هـذا نـذري
مااعوفن خدمتك يالتدري بيه
وانت تدري
خادمك وتوسّلك يبن الزچيـــه
................................................................
لزمـت شبـاچـك يبواليمـه بـديه
خــادمـــك وتـوسّلك تنظــر إليه
أقسـم عليـك بدمــع بنتـك رقيه
وحدي لا تتركني من تدنه المنيه
زوره گبـري
من يواروني يبواليمه الوطيه
وانت تدري
خادمك وتوسّلك يبن الزچيــه
................................................................
سجّل اسمي بدفترك خادم حُسيني
حته يرحــم بيـه منكـر مـن يجينـي
خلـي كلمــة واحسينـــــاه بجبـيـنـي
وخل يشاهد منكر الدمعه عله عيني
گله عمــري
خلّصه يبچي عله زينبنه السبيه
وانت تدري
خادمـك وتوسّلك يبن الزچيـــه
خادم الامام الحسين عليه السلام
سيد زيد الفحام
_____
إذا اسمي انكتب ويّه اليخدمون
و إذا مقبوله عد أمّك دمعتي
أظل طول العمر يحسين ممنون
لأن ما تسوه و اتفشّل خدمتي
عيب أتسمّه خادم و آنه مو جون
ولا ذاك المزگ للحب قميصه
لجن يحسين آنه الـ مِن يذكروك
تگلّي الناس أبو دموع الرخيصه
أيّوب الشغانبي
مولد نبينا
من وزن النصاري
د- كاظم جاسب المعقلي
****
هلا بمولد نبينا ..يانبينه. يانبينه زهت مكه ومدينه ..يانبينه.يانبينه
وفرحت آمنه اليوم
زالت كل الهموم
محمد طل علينا ..يانبينه. يانبينه
زهت مكه ومدينه ..يانبينه. يانبينه
----------------
وداعـا ياحزن يادمعة العين
مباهجنا اعتلت من جانا ياسين
يساقي بحوضه شافع للمذنبين
تروّيهم چفوفه الماي المْعـين
حبيب الله ورسوله
ابو الزهره البتوله
يربان السفينه ..يانبينه. يانبينه
زهت مكه ومدينه ..يانبينه. يانبينه
---------------
نبي اختاره الاله ايكمل الدين
نزل لجله الوحي ووصاه ببو حسين
بسمهم دينه يتكامل هالاثنين
وفرض للجنه يتلاگن هالاسمين
أمامه اويه النـبوه
وفا وشيمه ومروّه
بسمهم يعلى دينه.. ..يانبينه. يانبينه
زهت مكه ومدينه... ..يانبينه. يانبينه
----------------
الك رضـوان فاتح كل الجـْنان
الك مالك فرح خمـّد النيـــــران
الك من المهيمن رضا ورضوان
يلبتاج الفخــــر خصك الرحمن
نزل تاج الرســـــــاله
بأمر رب الجـــــلالـه
شمس تضوي بجبينه ..يانبينه. يانبينه
زهت مكه ومدينه ..يانبينه. يانبينه ---------------------
محمد واسمه من اسمك يمحمود
محمد منخلق من كبل الوجود
خلق نوره العلي الخالق المعبود
محمد للحشر شاهد ومشـهود
من المنعم تأيــــــــّد
ابو القاســـم محمد
يقرآنه بيمينه ..يانبينه. يانبينه
زهت مكه ومدينه ..يانبينه. يانبينه ---------------------
محمد بهجة الدنيا والانوار
بلايه احمد وجود الدنيا ماصار
لجل عينه الكواكب والفلك دار
محمد مالك الكوثر والاسرار
بديه يسگي اليحبه
مِن الكوثر يشَربه
يمن بيك اهتدينه ..يانبينه. يانبينه
زهت مكه ومدينه ..يانبينه. يانبينه ---------------------
ياابالزهراء..يارسول الله
...
لو اكول اسمك تزول اوهامي
وينفتح باب الكرم كدامي
ياسبب ديني وشرف اسلامي
يمته ازورنك وانول احلامي
كبرك شمحلاه..يارسول الله
...
يالقبل ادم تشع انوارك
وبمحافلنه تفوح ازهارك
بالقلوب امحبتك وآثارك
بيك نفخر يالنبي ونتبارك
ياعظيم الجاه..يارسول الله
...
بمحفلك يالمصطفى التمينه
مثل الاشموع التشع ضوينه
مسلمين وبسمك اتسمينه
والعلي والفاطمه هنينه
نهجك اتبعناه..يارسول الله
...
اعليك من انصلي يامولانه
الرزق كله يفك بيبانه
يارسول الله وعطر قرانه
اشكد بخيل المايصلي اويانه
الصوت عليناه...يارسول الله
...
يالوصيتك بالكلب محفوره
من كنت مولاه اجمل صوره
علي يامحله بهائه ونوره
العدل والميت وجوب يزوره
كلنه حبيناه..يارسول الله
...
من ينابيعك شربنه اهوايه
العترتك صرنه خدم وفايه
للحسن ابنك رفعنه الرايه
وللاحسين بكل سنه مشايه
احسين ماعفناه..يارسول الله
❤️❤️❤️
اللهم عجل لوليك الفرج
محمد الجماسي
انخلق هل كون كله الخاطر اعيونك
يالبيك العقول تحيرت كلهه
شحجي اعله المعاجز وادخللهه منين
والتاريخ عاجز ماوصل حلهه
ضلمه الدنيه جانت والجهل بالناس
وجفك بالإسلام العين كحلهه
هبل من طاح محد فسرلنه شلون
امن الوكفه تعب؟ ماكدر يحملهه
لذالك فكرت يمكن نتيجه الكيت
بعقلي القاصر ومقتنع من حلهه
جدمك يامحمد يوم لاح الكاع
من ثكلك الباري الدنيه زلزلهه
الله يحبك وسر حبه ماضماه
حبيبي ايگلك وبس الك گايلهه
ماضل لانبي ولامرسل ايضاهيك
كلها تضل وراك وانته اولهه
بميلادك الليله مانوج شموع
كون الروح من الفرحه نشعلهه
الفرح معلوم بشره ماهوينه
هوينه وبعد عنه ماهوينه
نبينه وغيرك انته ماهوينه
ونضل منك فقط ناخذ وصيه
محمد هادي العقابي
الحمدلله الذي عرفني نفسه ولم يتركني اعمى القلب
الحمدلله الذي جعلني من أمة مُحمد صلى الله عليه وآله
الحمدلله الذي جعل رزقي في يديه ولم يجعل رزقي في أيدي الناس
الحمدلله الذي ستر ذنوبي ولم يفضحني بين الخلائق
مولد الرسول ص
يا شمس والدنيه بيك اتلالي
****
الدنيه گبلك ظلمه چانت يالنبي
إندعت جمّلني ربي ابهل صبي
بنور وجهك گلها يالله اتحجبي
انه سويتچ لجل هل غالي
يا شمس والدنيه بيك اتلالي
****
انته لو لاك الضوه ما بي ضوه
گبل يومك چان مخنوگ الهوه
يالله بسمِ الله گلتلهن سوه
بيچن اشرگ عالارض يحلالي
يا شمس والدنيه بيك اتلالي
****
انته فوگ الگاع اجمل من نزل
بالصفات وبالكرامه وبالعمل
چان گبلك يالنبي مر العسل
تصفه گتله من تصف ابجالي
يا شمس والدنيه بيك اتلالي
****
انته عن كل الخلائق تنفرد
بورده نتعنه ونگصده الينولد
لاچن انته اليوم زينت الورد
كل عطر عايد الك بالتالي
يا شمس والدنيه بيك اتلالي
****
الليله كون الله ابجمالك ينفرش
يالنبي مهدك صبح ساگ العرش
والسماء انجوم الك ظلت تطش
عالي يابو الزهره شانك عالي
يا شمس والدنيه بيك اتلالي
****
لاربعينك امي لا ما اقتنع
ابمهده عيسى يسولف ابين الجمع
بصدرك الله طابع آيته طبع
الله گلك بيك ابث اقوالي
يا شمس والدنيه بيك اتلالي
****
الشاعر اياد الديراوي
قصيده لتتويج صاحب الزمان ((عج))
بصوت المحب ناديه.. نبايعك مهدينه
قائدنه ياوالينه.... نبايعك مهدينه
نبايعك مهدينه
🦋🦋🦋🦋
صوت المحب ردد الك هاي العبارات
قائدنه ياشبل الحسن يبن الكرامات
والله خصك بذكر بمجمل لايات
يبن الشموس الطالعه وكل البيانات
شرع الله ودينه.. ومجمل عناوينه
نبايعك مهدينه
🦋🦋🦋🦋
نجدد عهدنه اليوم ونهتف يمهدي
محتاجه تصيح الروح وغيرك شعندي
صبح ومسه وياك هاك اخذ عهدي
ياامل كل الناس ويا حلم وردي
مولانه هم تدرينه.. غيرك فلا حبينه.. نبايعك مهدينه
🦋🦋🦋🦋🦋
مولانه يامهدي العمر انت املنه
أظهر يبو صالح تره شيعتك كلنه
ننتظر جيتك سيدي وحقق حلمنه
رددنه صوت وكل محب ردد مثلنه
من المهد نادينه..
ليك احنه حنينه
نبايعك مهدينه
🦋🦋🦋🦋
يافرحة الزهراء ويا امل حيدر
يانبع حب حسين وللحسن اكبر
والعتره يامولاي نورك لها ازهر
شيعتك هذا اليوم يالمهدي تنطر
ننتظرك اتمر بينه.. تفرحنه ياغالينه
نبايعك مهدينه
🦋🦋🦋🦋
تمت بعون الله تعالى
✍ غدير الوائلي
اهازيج بمناسبه تتويج الامام الحجه عجل الله فرجه الشريف
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
فرحت الزهره بأبنها المنتظر
لمثل هذا اليوم چانت تنتظر
تگله اهلا بيك يانور النظر
بمولد التتويج ترى گلبي حظر
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
بيوم تاسع من ربيع الاولي
فرحت الزهره وفرح حيدر علي
اتنصب الحجه على الامه ولي
هلا بابن الحسن حبي واملي
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
سيدي عجل فديتك ياالامام
حتى تحيي دين سيد الانام
تنشر الخير ومحبه والسلام
بعلمك تنورنا وتزيل الظلام
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
كون اشوفك ياحبيبي الغالي
حتى لو بالطيف ياامالي
مايهمني كل حجي عذالي
غير حبك ماسكن دلالي
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
إنه انجنيت بغرامك وبهواك
انته محبوبي وابد مالي سواك
يمتى يايوسف الزهره يرف لواك
كلنه ننتظرك ونتمنى لقاك
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
الشيعي فرحان ويصلي عالرسول
توج الباري ابن فحل الفحول
بحبه جنينه وسلب منه العقول
ندعي من الباري نتامل قبول
يٱ مھَہّدي يٱ مھَہّدي
يٱ مھَہّدي يٱ مھَہّدي
🌼 ৡ✵ •┈┈┈• ✵ ৡ🌼
✍ الخادمه ام زيد الشمري
نسال •اللّـہ القبول
ونسالكم الدعاء بتعجيل فرج مولانا صاحب العصر والزمان
قناة جروح عاشوراء
یوسف الزهراء 💔
بذيات تتويج الامام المهدي ( عج)
خبر تتويجك الليــله وردنه
فرحنه وشلنه بيدينه وردنه
ننتظرك يبو صالـــــح وردنه
تعـــجّل،بالفرج يبن الزجـــــــــيه
صوب المنتظر گلبـــي اوجها
وشمعه بمحفله روحي اوجّها
الگمر من نور جف ايده ووجها
اخـذ نوّره ويضّــــووّي اعله البــريه
مزار اصبح اليه اسمـك وقبله
واخطّنّه على اجروحي وقبله
بالذر حبك اتواجـــــــد وقبله
وقــــبل لا انولـــد مــــزروع بــــيـه
بخيآلي اصفن يبو صالح ورسمك
وهيّم بصورة اعيونـــك ورسمك
احبك سيدي ولايـــــــذ ورسمك
واتـــــــــــأمل ضهورك كــل مســــيه
كلمن غايته وكلـــــــمن ورأيه
وما همني الحجي عفته ورايه
وشلت بيدي علم عالي ورايه
واجيت المحفلك اللقي التحيــه
علي كاظم المنصوري
بسم الله الرحمن الرحيم
اَلسَّلامُ عَلَيْكَ يا مَوْلايَ يا اَبا مُحَمَّد الْحَسَنَ بْنَ عَلِيٍّ الْهادِيَ الْمُهْتَدِيَ، وَرَحْمَةُ اللهِ وَبَرَكاتُهُ، اَلسَّلامُ عَلَيْكَ يا وَلِيَّ اللهِ وَابْنَ اَوْلِيآئِهِ، اَلسَّلامُ عَلَيْكَ يا حُجَّةَ اللهِ وَابْنَ حُجَجِهِ، اَلسَّلامُ عَلَيْكَ يا صَفِيَّ اللهِ وَابْنَ اَصْفِيآئِهِ، اَلسَّلامُ عَلَيْكَ يا خَليفَةَ اللهِ وَابْنَ خُلَفآئِهِ وَاَبا خَليفَتِهِ، اَلسَّلامُ عَلَيْكَ يَا بْنَ خاتَمِ النَّبِيّينَ، اَلسَّلامُ عَلَيْكَ يَا بْنَ سَيِّدِ الْوَصِيّينَ، اَلسَّلامُ عَلَيْكَ يَا بْنَ اَميرِ الْمُؤْمِنينَ، اَلسَّلامُ عَلَيْكَ يَا بْنَ سَيِّدَةِ نِسآءِ الْعالَمينَ، اَلسَّلامُ عَلَيْكَ يَا بْنَ الاَْئِمَّةِ الْهادينَ، اَلسَّلامُ عَلَيْكَ يَا بْنَ الاَْوْصِيآءِ الرّاشِدينَ، اَلسَّلامُ عَلَيْكَ يا عِصْمَةَ الْمُتَّقينَ، اَلسَّلامُ عَلَيْكَ يا اِمامَ الْفآئِزينَ، اَلسَّلامُ عَلَيْكَ يا رُكْنَ الْمُؤْمِنينَ، اَلسَّلامُ عَلَيْكَ يا فَرَجَ الْمَلْهُوفينَ، اَلسَّلامُ عَلَيْكَ يا وارِثَ الاَْنْبِيآءِ الْمُنْتَجَبينَ، اَلسَّلامُ عَلَيْكَ يا خازِنَ عِلْمِ وَصِيِّ رَسُولِ اللهِ، اَلسَّلامُ عَلَيْكَ اَيُّهَا الدّاعي بِحُكْمِ اللهِ، اَلسَّلامُ عَلَيْكَ اَيُّهَا النّاطِقُ بِكِتابِ الله، اَلسَّلامُ عَلَيْكَ يا حُجَّةَ الْحُجَجِ، اَلسَّلامُ عَلَيْكَ يا هادِيَ الاُْمَمِ اَلسَّلامُ عَلَيْكَ يا وَلِيَّ النِّعَمِ، اَلسَّلامُ عَلَيْكَ يا عَيْبَةَ الْعِلْمِ، اَلسَّلامُ عَلَيْكَ يا سَفينَةَ الْحِلْمِ، اَلسَّلامُ عَلَيْكَ يا اَبَا الاِْمامِ الْمُنْتَظَرِ الظّاهِرَةِ لِلْعاقِلِ حُجَّتُهُ، وَالثّابِتَةِ فِي الْيَقينِ مَعْرِفَتُهُ، الْمُحْتَجَبِ عَنْ اَعْيُنِ الظّالِمينَ، وَالْمُغَيَّبِ عَنْ دَوْلَةِ الْفاسِقينَ، وَالْمُعيدِ رَبُّنا بِهِ الاِْسْلامَ جَديداً بَعْدَ الاِْنْطِماسِ، وَالْقُرْآنَ غَضّاً بَعْدَ الاِْنْدِراسِ، اَشْهَدُ يامَوْلايَ اَنَّكَ اَقَمْتَ الصّلوةَ، وَآتَيْتَ الزَّكاةَ، وَاَمَرْتَ بِالْمَعْرُوفِ، وَنَهَيْتَ عَنِ الْمُنْكَرِ، وَدَعَوْتَ اِلي سَبيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ، وَعَبَدْتَ اللهَ مُخْلِصاً، حَتّي اَتيكَ الْيَقينُ، اَسْئَلُ اللهَ بِالشَّاْنِ الَّذي لَكُمْ عِنْدَهُ اَنْ يَتَقَبَّلَ زِيارَتي لَكُمْ، وَيَشْكُرَ سَعْيي اِلَيْكُمْ، وَيَسْتَجيبَ دُعائي بِكُمْ، وَيَجْعَلَني مِنْ اَنْصارِ الْحَقِّ وَاَتْباعِهِ، وَاَشْياعِهِ وَمَواليهِ وَمُحِبّيهِ، وَالسَّلامُ عَلَيْكَ وَرَحْمَةُ اللهِ وَبَرَكاتُهُ.
ميمر / لأستشهاد الامام الحسن العسكري عليه السلام
للعسكري بسامراء. خل نوصل اندگ بابه
.........
هذا الحسن من نسل طه ودمه
حجه وامام ختاره الله بعلمه
تتشرف املاك السماء اتخدمه
نگصد نزوره ونحي مأتم يمه
لاشك اباب الزوار. واگف يحيّي احبابه
.........
هـذا الامـام المايرد خطّاره
يتلگّه من باب الصحن زوّاره
يفرح بجيّة شيعته وانصاره
يشعر براحه كلمن يطب داره
يكتب اسامي الزوار. هوه الحسن بكتابه
...........
ندخل ضريح العسكري ونتهنّه
جنة عدن لا احله منّ الجنّه
يم الحسن نگضي العمر نتمنّه
ما خاب كلمن زاره يطلب منّه
يازاير اطلب ونخاه. لا مايرد طَلّابه
.............
يگضي الحوائج مايرد اي انسان
مفتوح بابه بكل وكت للحيران
تشهد بفضله وبي تلوذ الجيران
للجانبين اصبح امان وايمان
معروف يشفي الامراض. ماي الحسن وترابه
.............
ابن الامام الهادي جده المختار
نفس المعارف عنده نفس الاسرار
يالحايـر بهـمّـك بعــد لا تحتــار
دگ بابه وطلب من سليل الاطهار
همك يكشفه وينزاح. من تسجد عله عتابه
.............
احنا اعتنينه عله العهد خدامه
انزور الامـام ونخـدم بأيّـامه
نستذكر جروح الحسن وحلامه
مسموم مات بغربته وآلامه
ننصب مآتم ونصيح. آ يالحسن ومصابه
#سيد_زيد_الفحام
استشهاد الامام الحسن العسكري ع
الهل تعزيه اتعنينه نستخلف المهدينه
البقاء في حياتك سيدي
****
عدنه عاده الفاتحه من نعتنيها
ايگوم للوادم ابوها ايحيي بيها
انته وينك سيدي شو ما تجيها
نظره منك يابو صالح نرتجيها
لازم وجودك بيها غيرك منو راعيها
البقاء في حياتك سيدي
****
فقط نترحم لون رحنه الفواتح
تختلف فاتحتك وجينه بنوايح
الوالدك يالمهدي مره الدمع سايح
ومره لفراگك دمعنه يابو صالح
متروسه ونه ضلوعك ندري تهل ادموعك
البقاء في حياتك سيدي
****
ايعينك الله وعظم الباري مصابك
ادفنت ابوك وبالعجل اصبح غيابك
شما تطول اسنينك ايطوّل عذابك
بالفرج إدعولي يا شيعه خطابك
مرفوعه والله ايدينه عجل فرج والينه
البقاء في حياتك سيدي
****
شگد مصايب اه يمهدينه ابدليلك
هدّي من روعك يبو صالح دخيلك
دموع حمره سيدي تارس شليلك
فوگ گبر العسكري هديت حيلك
بنفاسك المجروحه دموعك حمر مسفوحه
البقاء في حياتك سيدي
****
من غبت لليوم دمعك بس تصبه
هل عزاء اشگد بعد رايد تنصبه
بيا زمن سيفك يبو صالح تخظبه
تسكت وثارك يتاني اهواي صعبه
يمته تجرد سيفك وتاخذ يغالي بحيفك
البقاء في حياتك سيدي
****
ثار ابوك وثار اهل بيتك ينطرك
ابتدائن من ضلع فاطم نخبرك
ماكو داعي بنحر ابو اليمه نذكرك
بلوعة الطف عايش انته سنين عمرك
عندك بعد رزيه ثار المشت سبيه
البقاء في حياتك سيدي
****
الشاعر اياد الديراوي
الوداع الوداع يا ابو المهدي الوداع
=======@@@========
الليلة سامراء ضجت بالنحيب.
اتعالت الأصوات يم باب الغريب.
انودع الليله الحبيب ابن الحبيب.
الوداع الوداع يا ابو المهدي الوداع.
======@@@=========
الليلة اكيد انگول موشك اونضن.
فاطمه الزهراء يم بابه تون.
صوتنه يالعسكري ناده ابحزن.
الوداع الوداع يا ابو المهدي الوداع
=======@@@=======
اتعنت الزوار تمشي الحضرته.
الحسن مضلوم سمو چبدته.
ويلي يالمسموم كلهه نادته.
الوداع الوداع يا ابو المهدي الوداع.
=======@@@==========
بالگلب والروح ساكن بالنضر.
انعزي بمصابه الأمام المنتظر.
الوداع ايصيح كل واحد حضر.
الوداع الوداع يا ابو المهدي الوداع
========@@@========
نرفع الچفين وانهل الدمع.
يالحسن نضره نريد الهل جمع.
اينادي بالتوديع صوت المرتفع.
الوداع الوداع يا ابو المهدي الوداع.
لخادم اهل البيت
الشاعر
ابو عبدالله الشمري
مولود للنبي محمد ص
يزوار النبي يم طه ودوني
يزوار النبي يم طه ودوني
اريد اوصل لبو إبراهيم وتعنه
اريد اشتم عطر من كبره واتهنه
اريد أشبع زياره بحضرة الجنه
يريد الكلب يمه ما تخلوني
يزوار النبي يم طه ودوني
اخذني الشوك يم طيبه كرب داره
لبو الزهره نزوره ونسكن اجواره
يم كبة نبينا نسمع ابشاره
الكبر ام الحسن بيها يدلوني
يزوار النبي يم طه ودوني
بميلاد النبي تتبارك الأمه
يا راعي الشفاعه وبيك تتسمه
سماك اللاه وشقه من اسمه
محمد هذا وباسمه يحصنوني
يزوار النبي يم طه ودوني
نهني العالم الإسلام بالمختار
مبروك الولادة الشيعة الكرار
من بيت الرسالة وعترة الأطهار
فرحة رافضي بحبهم يغذوني
يزوار النبي يم طه ودوني
خادم الثقلين
صادق الخفاجي
١٦ /٩/٢٠٢٤
بين محمدين
من وزن الهجري
شعر ... دكتور كاظم جاسب المعقلي
------------------------------------------------
من محمد تبتدي دروب اليقين
ولمحمد قائم أهله الطاهـــــرين
يامحمد ياشفيع المذنبين
يامحمد ياشفيع المذنبين
---------------------------
الله ماصيَّر سمانه ولا خلق بحر او أرض .
الا لجلك يامحمد وأنفرض حبك فرض
واللي مايقبلها فكره او جرّه حقده وينتفض
أعمى ما وچدطريقه العلحقايق يعترض
هذا تايـــه مايـــــحس
عنده مكسوفه الشمس
عميه عينه الما يرى الحق المبين
يامــحمد ياشــــــــفــيع المذنبين
-------------------------
الله هالكون ابقدرته من كبل ما أســـسه
ومن كبل ما خله بآدم تسري روح وعطـِّسه
خلق من نور الجلاله أنوار خمسه امنومسه
خله ربنا ابعالم الذر بينا حب أهل الكسا
يعــني عبدها الطرق
من گـبـل مانـنخـلق
صرنا في اصلاب اهلنا مبايعين
يامـحـــمد يا شــفــيع المذنـبـيـــن
---------------------------
هل ربيع أول علينا وزالت سنين النحس
ضوّت الوسعه ابجبينه وشمسه غطت كل شمس
الله بيبانه فتحها وبيها حس المايحس
ونطه جنته الكل عباده وهللت جن او أنس
خله حب طه السبب
لاغرابه اولا عـجــب
ما تشم ريحة جنانه المبغضين
. يامــحـــمد يا شــفـيع المذنـبــيـــن
---------------------------
نزلت آيات المهيمن تمدحك سيد المله
خَلقك وخُلقك عظيم اختارك الهالمسأله
مبني للمعلوم اسمك ماله حق اليجهَله
لوما اسمك لو ما آلك تبطل اركان الصلا
والدعا ما ينقبـــــــل
الا بسمك نبتهــــــل
بالصــلا علـهادي وآله الطيبـــيـن
يامحمد يا شـفـيع المذنـبـيــن
---------------------------
الله في قرآنه خصك بشرى للناس او أجر
احنا كال اشرحنا صدرك ..عنك اوضعنا الوزر
قد رفعنا اليومَ ذكرك والعسر بعده اليــــــسر
يعني أيد الله التصونك ربتك من الزغـر
يعني حجيي امن أوجـِزه
انت فـــوق المـعـجـــزه
انت سور اللهِ والحبل المــتيــــن
يامحـــمد يا شـــفــــيع المذنـبــيـن
---------------------------
هذا ميلادك تهاني سيدي الكل أمتك
نرفع اصواني الولاده وبيها نعلك شمعتك
طلت أنوار الهدايه ابفرحه ساعة طلتك
نهدي للمهدي التهاني ابهالمسيه ابفرحتك
امّتك يالمصطفى
كل محب بيك احتفه
واحنا بيكم عالمفاخر سايرين
يامحـــمد يا شـــفـيع المذنـبــيـــن
---------------------------
يانبي الحب والحنان
انت مفـــتاح الجنان
يارسول الله يارسول الله
ــــــــــــــــــــــــــــــــــــــــــــــــــ
واجــــــــــب علينه نحب اعيونك
يا هــــــــــوانه المانعيش ابدونك
يانبي وهنــــــــــيال لي يحبونك
الله يعــــــــــشك كل ليعشكونك
بالحشر حبك ضمان
انت مفــتاح الجنان
يارسول الله يارسول الله
ــــــــــــــــــــــــــــــــــــــــــــــــــ
بفرح هليله نخــــــــــط مكتوبنه
مولدك خير انــــــــــزرع بدروبنه
يــــــاحبيب الله وحبيب اكلوبنه
انت بــــس انت التضل محبوبنه
انت للـــــــــخايف امان
انت مفــــــــتاح الجنان
يارسول الله يارسول الله
ــــــــــــــــــــــــــــــــــــــــــــــــــ
الارض فــــرحت ولسمه بميلاده
ياهلا بمـــــــولـــــد جبير الساده
سيد عله البــــــــــشر ربك راده
اهل اسمه اتسولف بقت بمجاده
ياعظيم وعالي شان
انت مفــــتاح الجنان
يارسول الله يارسول الله
ــــــــــــــــــــــــــــــــــــــــــــــــــ
تزهي كامــــــــــت بالفرح ايامنه
وبعد ماتكــــــــــتب حزن اقلامنه
انــــــــــولد هلـــيله ربيع احلامنه
اليوم خـــــل ننسه التعب والامنه
انصـــــــدر بحبك بيان
انت مفــــــــتاح الجنان
يارسول الله يارسول الله
ــــــــــــــــــــــــــــــــــــــــــــــــــ
ياكمر ضــــــــــوه وترس دنيانه
من الولاده اســـمك يعيش ويانه
اكلـــــــــوبنه بهاذ الحفل فرحانه
ارواحـــــــــنه بحب النبي ولهانه
فرحـــــــت ليله الوطان
انت مفــــــــتاح الجنان
يارسول الله يارسول الله
ــــــــــــــــــــــــــــــــــــــــــــــــــ
حسين عبد الزهرة الدراجي
أشرقت شمس البرية يامحمد يامحمد
مرحبا يابو الزجية يامحمد يامحمد
1
تزينت كل الحواري وبتهج بدر السعد
وأذنت كل الملائك الليلة أبو الزهرة أنولد
حتماً الكعبة الشريفة صارت بعيده مهد
نزل وبصوته ينادي قل الله أحد
نادت الجنة الزهيه يامحمد يامحمد
مرحبا يابو الزجية يامحمد يامحمد
2
صوت من السمة السبعة بالفرح ظل يعتلي
صلو عالهادي محمد الليلة كل هم ينجلي
هذا طه أنولد نوره من فضل ربُ العلي
أمل كل الدنيا بيده وبيد أبو اليمه علي
يا صرح كل التقية يامحمد يامحمد
مرحبا يابو الزجية يامحمد يامحمد
3
خجلت الشمس الوسيعه وخجل وياها الكمر
يوم وجه النور ضوه ونخلق سيد البشر
مولد الهادي محمد كل محب بيه ابتشر
البل أرض والبل ثريا كلها سمعت هالخبر
تصيح كل العالمية يامحمد يامحمد
مرحبا يابو الزجية يامحمد يامحمد
4
مولدة للناس نعمة ورحمة الله رحمته
انفكست عيون الظلالة عن بعد من شافته
هاشمي وطيب السيرة ونعم من الجابته
عالصدق وأعله الأمانة وعالكرامة ربيته
مدرستنا الهاشمية يامحمد يامحمد
مرحبا يابو الزجية يامحمد يامحمد
5
منقذ الأمة محمد الله هو العلمه
نزّل القران كله بصدره من وحي السمه
ختم بي كل النبوة وعالنبوة قدمه
سيد الكونين هذا الروح بسمه هايمة
الليلة شمعتنا ضويه يامحمد يامحمد
مرحبا يابو الزجية يامحمد يامحمد
6
بلا محمد جان ضعنه وجان صرنه بلا أمل
ولا عرفنه الدين كله ولا علي خير العمل
قمة الإسلام هو بجيته كلشي أكتمل
كسر أهل الشرك بيده بزود ابن عمه الفحل
بكل وكت حامي الحمية يامحمد يامحمد
مرحبا يابو الزجية يامحمد يامحمد
بغداد
امجد صاحب الشطري
/channel/rdeaa
( يارسول الله )
ابنهجك فاز مَن آمَن وَسَلَّم
يَمَن حُبَّك صراط النه وَسِلَّم
صَلَّى اعليك بارينه وَسَلَّم
ابقرآنه وإلك ألقى التَّحِيَّه
گلبنه اوياك مايگطع وَصِل لَّه
مَكان الرِّفعه مَن مِثلك وِصلَّه
كون الله فُرَح لجلك وَصَلَّى
كل مؤمن عليك ابهالمسيه
الگلب بالخدمه ياهالناس وآله
وربح كلمن الأهل البيت وآله
صَلُّوا عالنِّبي المصطفى وآله
أجر بيهه ورضا الرَّبِّ البريه
( هوسات )
ابسرور اگلوبنه وفرحتهه هالجينه
ابعشگ ( للسيِّده آمِنَه ) نادينه
تهانينه ابولادة طه هادينه
( ميلاد العِز ياميلاده )
إسم الخير إسمك يانبع صافي
اشما عَدِّينه فضلك صِحنه مو كافي
مطلوبين الك شنسوي مَنوافي
( لليوم افضالك يالهادي )
(الولاده الجعفريه)
مو بالسِّر عَلَن نادينه عالمنبر
نتباهه انتمينه المدرسة جعفر
على كل نهج هذا النهج يتصدَّر
( والصادق نور ويهدينه )
ولادة جعفر الصادق ولادة نور
يهدي العالمين وللبشر دستور
فرحان الموالي ابمولده ومسرور
( وايهنِّي المَهدي ابميلاده )
سيد علي الموسوي
مبروك مبروك يحيدر يا علي
,,,
بسم النبي اليوم حفلنا يزدهر
والعاشگ اليوم دليله يبتشر
للمولد شهور نتاني وننتضر
هذا الحفل نار على گلوب الكفر
وعله اليبغضون جهنم تصطلي
,,,
مفتوحه هاليوم كل ابواب السمه
واليطل مراد ينول المكرمه
للزهره هاليوم گلبنا انقدمه
والفرحه هاليوم هديه الفاطمه
واصوات الافراح بسمها تعتلي
,,,
تتعالى الاصوات ننادي بهالحفل
بسم النبي نريد عملنا ينقبل
جنات الاحسان اجرنا ينجعل
والمؤمن يصيح لونا ينسأل
أحمد شفيعي غداً يا سائلي
احمد شفيعي فلا أخاف اللضى
وبحضرته اليوم عملنا نعرضه
وتنادي أفراح جميع الرافضه
ونهني ابو حسين عليُ المرتضى
وبحب ابو حسين يروحي هلهلي
,,,
وبمولده تصيح تباشير الفرح
گلب الموالين لبوا لزهره انشرح
من كبر الافراح دمع شوگي طفح
كل بلبل الحان نغم صوته صدح
وبجنة حسين يغرد بلبلي
,,,
,,
,
ابو ولي الفاطمي
هوسات مولد الرسول ص
نزع بالجنه هادينه النبي إكليله
يزفه للارض جبريل هالليله
دخيل الخالق عيون النبي ادخيله
شمس الله اتغار امن عيونه
****
نبي گبل الولاده خالقه الرحمان
من دون البشر يتگمط اب قرآن
تصلِ اعليه هالليله الانس والجان
والكعبه اويانه اتصليله
****
سطع نور الرسول وغابت الگمره
شعاع الكون كله بخير ابو الزهره
الهوه من صار هادينه انگلب عطره
جايب عطر الجنه بثوبه
****
ابقدوم المصطفى المختار هادينه
چكليت او ورد بالفرحه طشينه
نهني انريد ونبارك يمهدينه
واليومك فرحه امحضريها
****
نبارك للزچيه انريد ونهنيها وجب مرتين
بميلاد النبي المختار والصادق حفيد حسين
الدنيه اتبرگعت هاليوم من اتلاگن النورين
خسران الاجه وما راد ويانه يصفّگ زين
كل احزانك خليها والچفين اصفگ بيها
فرحتنه ما ننطيها والهلهوله انعليها
هاي الليله نحييها حتى الزهره انهنيها
غنوة شوگ انغنيها تنسر بينه ندريها
والما غنه الليله اوياي
ما يعشگ بيت الزهره
****
الشاعر اياد الديراوي
على مصاب الحسن دمعتنه سچابه
نواسي فاطمه والمهدي بمصابه
والآه...يالعسكري
ويلاه...يالعسكري
ابآهات وحزن ننصب عزيتنه
نون وانزيد لبن الهادي وَنَّتنه
والعُظمِ المُصيبه اتسيل دمعتنه
ونار اگلوبنه الهاليوم لهَّابه
والآه...يالعسكري
ويلاه...يالعسكري
تجي مَولاتنه الزهره او تضل اتحوم
صوب التعزيه وتجري الدموع ادموم
تنادي ابحسره واويلي على المسموم
ضاهدهه الجرح واتنوح لغيابه
والآه...يالعسكري
ويلاه...يالعسكري
جينه للعزاء وبلوعه نادينه
وبالدمعات هالليله تعنِّينه
نعزّي فاطمه وانعزّي مهدينه
خدام الحسن كل احنه واحبابه
والآه...يالعسكري
ويلاه...يالعسكري
تبقه اگلوبنه الهاليوم منكسره
تهيج احزانَّه اشما مَرَّت الذكره
وعلى حب الحسن تجمعنه سامره
وكل عاشگ گصد هذا العشگ جابه
والآه...يالعسكري
ويلاه...يالعسكري
رغم أنف اللعين القَرَّر ايسِمّه
يبقى العسكري بَوَّابة الرحمه
شمس والمايشوف الشمس هذا اعمه
ويضل بيت الأمان ونگصد اعتابه
والآه...يالعسكري
ويلاه...يالعسكري
سيد علي الموسوي
قصيدة لتتويج الامام الحجه عج…
اليوم افراح وأماني … للولي انقدم تهاني
ابيوم تتويجه فرحنه
ازهـر ونـور صبـــحنه
للولي انقدم تهاني
"""""""""""'
اليوم عيــد وفرحه مرت بيــنه
اليوم يوسف فاطمه امتوجينه
انبـارك الحــــيدر علي وهادينه
وكلنه نفرح وي فرح مهــــدينه
انشارك الفرحه سويه … وي علي اوي الزچيه
نفرح وننسه جرحنه
ازهر ونـور صبــحنه
للولي انقدم تهاني
"""""""""""""
باقـت اورود وشـمع جبناله
ومحـفل ابتتويجه سويناله
غالــي وبيات الشعر تحلاله
ابكل مقام وكل وزن نقراله
اليوم نشفنه المدامع … وزينه علگنه الجوامع
يحله للمهدي شعرنه
ازهـر ونــور صبحنه
للولي انقدم تهاني
""""""""''''''''"
المهدي محبوبي وصرت مجنونه
دايــخ ابحسنه وجمـــال اعيـونه
بأســـمه اذوبن لمن ايذكــــــرونه
الشيعه دكتــــــور الهوه ايسمونه
بالگلب ثابت مكانه … هوه حبنه ومبتغانه
نفخر بهذا عشگنه
ازهر ونور صبحنه
للولي انقدم تهاني
""""""""""""""
بينه عايش ما نحس بغيابه
وبوجه خطـاره ما سـد بابه
المهدي مايتخله عن احبابه
اسمه بلسم للشديد اصوابه
ابكل وكت مهدينه حاظر … لچن متشوقه النواظر
بالگلب شفناه احنه
ازهر ونور صبـحنه
للولي انقدم تهاني
"""""""""""""""
نضحــــك انريد ونعلگ زيــنه
انريد ننسه اجروحنه التاذينه
كافي مـــن ثوب الحزن ملينه
هل فرح صــار اشكثر ناسينه
اليوم حاطتنه السعاده … وكل محب بدل سواده
حب ابوصالح جمعنه
ازهر ونور صبــــحنه
للولي انقدم تهاني
""""""'''''''"''
الخادم
كامل السعيدي
قصيدة في تتويج الإمام المهدي المنتظر عجل الله فرجه الشريف
ياوريث المصطفى وجامع خصاله
علمه وخلاقه وفضل جاها وجماله
..
سيدي يالمهدي خصّك بالكـــرامه
خالق الأكـوان ونطـاك الزعـــــامه
لبّسك يالمنـتـظــر تـاج الامـــــامه
سيدي وكل شيعي يبعثلك سلامه
الله خـصّـك بالـعـــلم جـلّه جــلاله
..
اليوم تتويجك ياقـــائـدنه واملنه
الله مـن دونـك فـلا يـقـبـل عملنه
انبـايـعـك يالمهدي هالليله بحفلنه
نـشـكـر المعبـــود خـدامـك جعلنه
بيك يالمـهــدي كـمـل نهج الرساله
..
توّجك رب العرش يالمـهـدي قــائد
وارث أهل البيت غيرك ماكو واحد
انّـجـمـعـنـه الليله اتبـاعــك نعــاهد
انبايعك بعد الحسن والباري شـاهد
كل محب يمته الفرج تسمع سؤاله
..
فرحـت الزهــراء بيـك وفرحة هيّـه
مـن تـسـلّمـت الأمــر هــاي المسيّــه
انـت تـاخــذ ثـارها امن النـاصبيّــــه
وثـار ابـوالأكـبـر ذبيــح الغـاضـريّــه
بسيفـك تبـيـد الظلم وهـل الضــلاله
..
بفـرحــة التتويـج هالليله انجمعنــه
سيـدي انـهـنّـيـك يالمهدي ابفـرحنـه
احنه انصـارك يـمـهـدي العترة احنـه
يمته يايوم الفـرج يالمـهـدي صحنـه
كل ظلم يـنـزاح وتـســود العـــــداله
سيد زيد الفحام
________
مقطوعة شعريه (انتظرك ) الى الامام الحجة ابن الحسن عليهما السلام
انتظرتك والدموع تسيــل
دمعه تهل بأثــر دمعه
وعلى دربك أتاني أتعــود
وانطـر جيتــك الجمعه
شعلنــا أعمارنــا وذابـت
مثــل ما ذابت الشمعه
سمعنه والحچي الممصوخ
يجــرح لمّـن نسمعــه
گضينا أعمــارنا أنتانيــك
يــا يـوم وتصح رجعه
عمر نحسبله بس أغياب
بدونــك سيدي شنفعه
عمر مثــل الــورد ذبلان
واليذبــل سهــل شلعه
عمــر واحنـه بمجالسكم
ننوح وكل وكـت ننعـه
يا آخــر دعـــاء يصـيــر
عجــل سيــدي الطلعـه
يا آخــر أمــل بالــروح
امل من رافـــع السبعـه
أحلفـك بيمن أتــرجــاك
بل الــي هشمـوا ظلعـه
برضيع حسين بالعباس
بسبي الحره الصعب جرعه
تعجل بالفــرج مـولاي
وحگك سيـدي أترجعــه
الشاعر
موسى البديري
للامام الحسن العسكري
عليه السلام
يادمعتي. من دمه صبي اعله خدي
يادمعتي. بالبجي نواسي المهدي
عظم الله اجرك يغايب
يعين كلبك ع مصايب
يابو صالح. يابو صالح
.......
يعين كلبك يابو صالح من دمه دموعك تصب
ولو من ليلة العاشر سيدي شظل بالكلب
تشوف ابوك كبال عينك موقفك كلش صعب
تبجي وانه اعرف عليمن راح اسولفهن واطب
تبجي لحسين ..... محد ينوح اعله جثته
مرمي ع الكاع .. تنطك شما ناحت اخته
ابالك الشام ونوايب
يعين كلبك ع مصايب
***
فاتحه ابيتك واشوفك بيك لوعه الكربله
شماتجي تعازيك وادم تذكر حسين وهله
شلون ظل اعله الترايب دامي محد غسله
ولا رضو زينب تنوحه ولا تنوحه العايله
انت سويت .... فاتحه ودمعه ومصيبه
وتبجي للشيخ .. الجثته ظلت سليبه
وفوكه مالطمن حبايب
يعين كلبك ع مصايب
***
والدك غسلته بيدك وانت لفيت الچفن
كبل لا تعگد أزاره صحت وعيونك بچن
حسين ليش اعله الوطيه ماتغسل وندفن
وليش تغسيله الحوافر سحگته وصدره انطحن
والدك مات .... بس الحسين اعله بالك
كربله وياك ... سيدي حتى ابخيالك
لن شفت بيهه العجايب
يعين كلبك ع مصايب
**
والدك شيعته بيدك وانت نزلته بگبر
واللحد بيدك حفرته وجبت كافور وسدر
كمت بس من البواجي صارت عيونك حمر
تبجي لحسين وذكرته النايم بحر الظهر
من دمه تنوح ... للبقه بحر الظهاري
بلا گبر نام ... بلا فياي حسين عاري
ولا شريف الظل يطالب
يعين كلبك ع مصايب
***
الخادم موسى البطلي
ميمر كربلائي ( نزلة )
للعسكري دموع العين دم وجمر همّاله
................................................................
تجري المدامع والحزن فك بابه
للعسكري ونحيي عزاء امصابه
نار الحزن وسط الگلب لهّابه
ونواسي بيهه المحجوب وجده الرسول وآله
................................................................
هالليله سامره حزينه وتنحب
حيث المصاب بكل أرضهه اتوجّب
بعيونهه الصبّت دمع تترقب
يوم الظهور وياريت يخلص زمن ترحاله
................................................................
بهاي المصيبه الكل سنه تتجدد
نقسم على الغائب الحجة الأوحد
يظهر وخل نار المناطر تبرد
كل خادم بروحه أشواگ عاقد يظل آماله
................................................................
ما أنصفت دنيا العجائب بالآل
والمعتمد بالسم گطعهه الآمال
بالعسكري لمن غدر بالله اشگال ؟
عاده النبي والأطياب وبسقر يخلد حاله
................................................................
والعتره لو سم لو ذبح وسفه وحيف
ثارات وتناطر يرجعهه السيف
يظهر المهدي بواقع ومو بالطيف
ياخذهه كل الثارات ورب العرش يبراله
................................................................
نرفع چفوف الدعوه للباري اليوم
يا ربنا عجّل للغريب المعصوم
وبجاه أبوه النقي الميت مسموم
بهاي الشهاده وننخاك بالعسكري وبجاله
................................................................
من تبتدي الطلعه البهيه ونلگاه
قائمنا ونشد الحزم كلنا إوياه
يرفع شعاره لا اله الا الله
گاع وسمه بذاك اليوم تستعد لآستقباله
................................................................
خادم الإمام الحسين عليه السلام
عمار هليل الواسطي
قصيدة ( مهدينه ) بمناسبة ذكرى شهادة الامام الحسن العسكري عليه السلام
الليله بيا حــال مهدينـه مهدينــه
دمع الهم سال من عينه من عينه
بآهات ورزيــه يبديها العزيــه
مهدينــه مهدينــه
***
شحال گلبك سيدي شكبره مصابه
آه يــا لــوعــة دليــلك يــا عــذابــه
ذكّــرك بالــدار مــن دفعــوها بـابـه
لــو بطـف كربلــه وليــل الخــرابــه
ردت آلام هل الليله هل الليله
صرخت ايتام تبچـيلـه تبچيــلــه
بلوعات الزچيه يبديها العزيـــه
****
ادري گلبــك سـيدي نيـرانــه تسعـر
من شفت چبد الحسن بالسم تفطر
تذكريت حسين لمـن شــاف الأكبـر
يــا چبد مـن العطش يتلاهب أكثـر
تذكــرت حسين ومصــابه ومصــابه
وجــت نـــاريـن لــهــابــه لـــهــابــه
يــوم الغاضريه يبديها الـعزيــه
***
شيّعـتْ نعـــش الابو تجــريله عبـره
اوسديته وگلبك الطــگ منــه صبـره
اتذكريت حسين مـن وسدِوله نحـره
اخ يا طــف كربلــه الما يطفـه جمـره
جمرات الروح مــا تطفه مــا تطفه
منْ المذبوح منْ طفّــه منْ طفّــه
منْ الاعوجيــه يبديها العـزيــه
***
عظم الله اجرك امامي بهــل المصيبه
صعبــه ادري اليــدفن بأيــده حبيبيه
ادِفنته رحمه حسين ظل جثه سليبـه
عالرمــل مطــروح والحـــره غــريبــه
فــوگ التــربان ظل جسمه ظل جسمه
وحرگو صيوان للحشــمّه للحشــمّــه
وللراحت سبيه يبديها العــزيــه
****
يا جرح گلبــك يحمله ويــا فجيعه
طبــرة الهامــه وكـسر ظل الوديعه
صــدر أبو اليمه والأكبــر لو رضيعه
سبـي عمتــك لــو الچفينــه گطيعه
تحـمــل يا آه يالغــايــب يــالغـــايب
ودمع الويلاه ظل ساچب ظل ساچب
من محنت رقيه يبديها العـــزيه
***
الشاعر
موسى البديري
للعسكري اليوم أنصب عزيه
للعسكري اليوم دمـعه جريه
أكتب شعر ملجوم.
للعسكري المسموم
وأنصب عزيه. وأنصب عزيه
___
خط ياقلم من الشعر أكتب شعر.على الفطره
وأكصـد على اديار الدمع ونزل على سـامره
وذكر مصاب العسكري وذكر جروحه وصبره
وأسي الامام المنتظر وأسي الـنبــي والزهـره
شفت الشعر مهموم.
للعسكري المسموم
وأنصب عزيه. وأنصب عزيه
___
وضل القلم ينزف حبر. ودمـوعه ضلت تجري
المن وصل سر من رئى ينعيلي كام ويحدي
ناشته جاليش الدمـع شـنهو السبـت ماادري
يكتبلي وسم العدو بكلب الحسن ضل يسري
من الحزن مالوم
للعسكري المسموم
وأنصب عزيه. وأنصب عزيه
___
ضليت اراقـب بالقلم يكـتبلي قـصه وعـبره
كال لحسن وكت الموت يذكر حسين ونحره
للضامي يذكرى ياترى ويذكر حروره صدره
لـمن نعه الـناعي ألــه وناده يجـــدي بحصره
من العذب محروم
للعسكري المسموم
وأنصب عزيه. وأنصب عزيه
__
باأخر نفس من ها العمر يذكر سبـيها الحره
لــمن مشت فوك الهزل وحسين فوك الغبـره
مكطوع رأسه من الكفه يـمه تطــول النظره
يبجي وينوح الها تره وعيـونه صارت حمره
مسبيه بين الكوم.
للعسكري المسموم
وأنصب عزيه. وأنصب عزيه
___
كلمات خادمكم
الشاعر الحسيني مرتضى مكطوف الموالي