834
Haitham Al-Lami
منهاج الليالي الفاطمية الأولى
عدوان إلچ ضلعين كسروا سويه
وزينب تون وتصيح وين الزچيه
..............................................................................................
وين الزچيه تصيح رادت حنــانچ
مهضومه من تشوف فارغ مكانچ
تبقه يتيمه شلون غادر زمانچ
أصعب مسيه تصير هاي المسيه
..............................................................................................
تنشد أبوهه بنوح وين أمي راحت
بسمچ سمعهه وناح يالزهره صاحت
دمعتهه من العين چن جمره طاحت
وشبيده هذا اليوم حامي الحميه
..............................................................................................
مكسور الچ ضلعين هاي المصيبه
زينب عگب عيناچ تبقه غريبه
تنحب تگول الراح مني شيجيبه
أمر الله يم حسين هاي الرزيه
..............................................................................................
للحسن مره تروح مره للحسين
گلولي يالخوان أمي مشت وين
طفله ويتيمه تصير والدمعه بالعين
زينب هضمهه البين هالهاشميه
..............................................................................................
كلما تصد للباب تتذكر امصاب
منچ كسر ضلعين من دفعوا الباب
والمحسن إلي طاح مدمي عالأعتاب
صار الدمع والنوح عدهه سجيه
..............................................................................................
يا يمه من تصيح يرجع صده الصوت
معقوله هيچ بساع يفجعني هالموت
تتمنى كون اوياچ يجمعهه تابوت
لاچن وصل للروح سهم المنيه
..............................................................................................
من بعد هالأحزان تبدي المصايب
وتودع الكرار وبگلب ذايب
تشوف الحسن مسموم واعله الترايب
تنظر أخوهه حسين بالغاضريه
..............................................................................................
آخ شكثر غدار يا دهر الالام
أم الصبر شتشوف من تالي الأيام
يالزهره راح تشوف عام أقسى من عام
والأصعب اعله الروح تطلع سبيه
..............................................................................................
يم الحسن وحسين معذوره زينب
لمن عليچ تنوح والمهجه تلهب
زينب فلا ترتاح وتشوف الأصعب
ونتهه هذا اليوم ونه خفيه
..............................................................................................
خادم الإمام الحسين عليه السلام
عمار هليل الواسطي
ربيع الثاني /١٤٤١ هجرية
على الحسن واه ويلاه
ــــــــــــــــــ
مات الحسن و انهال التراب
والمهدي جرحه بقلبه ما طاب
نفس المصير ونفس الاسباب
بالسم گضة وينعاد المصاب
بالسم كضة والحسرة والاه
ــــــــــــــــــ
جار الظلم وي الزمن جار
والسم مشى بأحشائه واندار
وشبت بقلب العسكري النار
مثل السرت بالخيمة والدار
ولهسة باب الزهرة ننعاه
ــــــــــــــــــ
يالمهدي دون احبابك اوحيد
كل عيد يطلع ينذبح عيد
موتت ابوك لحزنك تزيد
حزنك جبير بلا مواليد
قلبك نبض وحزانه وياه
ــــــــــــــــــ
جادر نصبتة وآخر وداع
آخر سفينة واخر شراع
اهلك گضو ضمتهم الگاع
وكلساع ميت انت كلساع
أعجب بشر انت عرفناه
ــــــــــــــــــ
حر المصاب بدمعة العين
والقلب يصبح همة نصين
نص الحزن والآخر حسين
والحيرة تكبر وي السنين
بمصيبتك تصرخ حسيناه
ــــــــــــــــــ
آخر عزيز وتفگده شلون
ما غوشت من دمع العيون
حالك صعب وي اليشيعون
تابوت ابوك يهد الامتون
كل ذكرة حزنك مانسيناه
ــــــــــــــــــ
شايل جبل مو جنة تابوت
قلبك نبي ومصابك الحوت
لو جان نعلم بالدمع صوت
جا صوت دمعك وكف الموت
دمعك دمه بالهم دريناه
ــــــــــــــــــ
الشاعر زين العابدين الشمري
يحسين اخر ليله وياك
باجر يموت روحي فركاك
ولابيه انسه وكدر انساك خويه يحسين
ــــــــــــــــــــــــــــــــــــــــــــــــــــــــــــــــــــــ
حلم نرجــــــــع بعد يحسين نلتم
صــــــــــارت سالفتنه منكعه بدم
مصخت والحجي راس برمح صار
يالكلبك مثل جســــــــــمك تثلم
يالصـــــــاير جرح كلك
يريت انــه انوجع مثلك
حلوك اسيوفهم يحسين
عبرت وصــــــلت الضلك
يخويه اجيت ودمعتي تسولف بالعيون
يخويه لكيت الناس عد راسك يضحكون
يخويه احس اتكلي ارجعي فدوه يم اعون
يحسين صار الموت لي ولام
من وصل دمك يم الخيام
يالصار جسمك مئوه السهام خويه يحسين
ــــــــــــــــــــــــــــــــــــــــــــــــــــــــــــ
شكلك والحـــــــجي بالساني يعثر
من باوعــــــــــت بيك الشمر ينحر
وشوفك انت ترفس والهوه يضيج
وصيحن عـــوف اخوي الله واكبر
الشمر خويه اعتله صدرك
اثنعش طبره اجـه يطبرك
ونــــــوب المصيبه الخيل
مامش حــــــــــافر يعبرك
يخويه وصل للخيمه ثوبك بالحوافر
يخويه مايتسولف البيك انت صاير
يخويه طلع برموشي شيب بيوم عاشر
من الخيمه للتل بين الشيب
ولاخ بيه اتودي وتجيب
جرحك غميج بيادوه يطيب خويه يحسين
ــــــــــــــــــــــــــــــــــــــــــــــــــــــــــــ
شكلك والحــــــــــجي مكسر بالعيون
ياقــــــــــران بســــــــــورّك يذبحون
حرت مــــــــــابيني خويه وبينك انته
افكر بيك مــــــــــدري بضيم المتون
حرت وبـــروحي شبت نار
افــــــــــكر بيك بيه احتار
شفتك ونهـــضمت عليك
لكيت اجـــروح بيك اكبار
يخويه ولكيت العطش شارب ذيج الرسوم
يخويه وذباحك شفت يــــــم راسك يحوم
يخويه بحصيره حسين جسمك شفته ملموم
يحسين ياشيخ العشيره
من الكاع لموك بحصيره
مذبوح وانه امشي اسيره خويه يحسين
ــــــــــــــــــــــــــــــــــــــــــــــــــــــــــــ
ذبلت وكف نضرهه من البجي العين
وصرت عطشانه مو للماي الحسين
عكب عـــــزي ودلالي وهيبتي وياك
صــــــــرت مسبيه ودخل للدواوين
ولمن طبيت للديوان
وعلي تتفرج العربان
احس ابكلبي وجت نار
ومن عيني طلع دخان
يخويه وهضمك لو كلت طكوني بحجار
يخويه وعليه اتمرجلت الزغار وكبار
يخويه بغيابك كمت اطفي انار بنار
خليني أخبرك حالي يحسين
نار بعباتي من الصواوين
موزين حال ام عون موزين خويه يحسين
ــــــــــــــــــــــــــــــــــــــــــــــــــــــــــــ
تره المثلي هضيمه تركب النوك
يجتفوني ويشوفوني ادخل بسوك
صعبه عله الهواشم هايه يحسين
المصيبه الجاتلك بضعونك يسوك
سبايه وتنــــــحب عيالك
ومشــــــــينه براي جتالك
وكل لحضه التمرنه انموت
وماتت خــــــوف اطفالك
يخويه مصيبتنه مصيبه من انسبينه
يخويه راسك يبجي يبن امي البجينه
يخويه وناس الشام مــــارحبت بينه
الشام اخ الشام منه
ناسه فلا بيهم محنه
غربه الخلك موش اهلنه خويه يحسين
ــــــــــــــــــــــــــــــــــــــــــــــــــــــــــــ
حسين عبد الزهرة الدراجي
قصيده للأمام الحسن العسكري عليه السلام
لسان حال ولده الامام (المنتظر) عجل الله فرجه
🔸▪🔸▪🔸▪🔸
الأمـام الـمـنـتـضـر. لوالده محني الظهر
يردد وگلبه انكـسر. والـدي والـدي
🔸▪🔸▪🔸▪🔸▪🔸▪🔸
1
بـويـه يااخــر عـطــر مــن الامــامـه
شلون اودعك والظلم شاهر حسامه
بعيني اشـوفن ليلـك وتهـت بظلامه
والـدي اليخـرج درر مـنـطـق كـلامه
وسفه وبسم الحقد. بويه جبدك ينمرد
وبمـكـانك من يسد. والـدي والـدي
🔸▪🔸▪🔸▪🔸▪🔸▪🔸
2
يالعـفـتـني بدنـيـا بـيهـا بس الجـروح
عندي من حرگ المخيم خنگه بالروح
ولسبي عمتي العـقـيله گـلـبي مـذبوح
الألـهـا متحضـر انـوح بگـد عـمـر نـوح
مــن روايـات الـسـبـي. وقتل ابن بنت النبي
اعليها اون واني صبي. والـدي والـدي
🔸▪🔸▪🔸▪🔸▪🔸▪🔸
3
بويه من اقـره الروايه اعلـه العقـيلـه
مــاانـام ولـلـصـبـح دمـعــي اسـيـلــه
وشـوغه ضلت بالگلب قصـة العـليلـه
الألهـا قصـه ويالضعـن كـلش طـويلـه
ضلـت ابـدار الـحـزن. عالأهل تبجي وتون
تصرخ بدمعـه وتحن. والـدي والـدي
🔸▪🔸▪🔸▪🔸▪🔸▪🔸
4
ياصدى ضـل بذني يهـتف كل مسيه
ثـار ينـتـضـرك يمـهـدي مـن الـزجـيه
مـن الطـفـولـه شـيبـتنـي الـغـاضـريه
من اقـره قصة عمـتي الطـفلـه رقـيه
من اثر سوط وضرب. طفله ماتت بالغرب
والدمع يمـطر سحب. والـدي والـدي
🔸▪🔸▪🔸▪🔸▪🔸▪🔸
5
وتبقى قصه اعله الشريعه تشيب الراس
قصـه عن غيره وشجـاعـة عـمـي عباس
الداهـم وبيده جـربـته وعـالخـطـر داس
وضحـه بجـفـوفه لخـواته لأخـر انفـاس
خله رايه اعله النهر. اتاني جيت المنتضر
ياخـذ بـثـار الـگـمـر. والـدي والـدي
🔸▪🔸▪🔸▪🔸▪🔸▪🔸
6
ابـقـى بـالـغـيـبـه الطـويلـه بالـنـوايـب
عـالـمـشـت لـلشـام بـيـتوهـا بخـرايـب
والـغـريـبـه بـديـره مــابـيـهـــا گـرايـب
ومـن يزيد وزمـرتـه شـافـت عـجـايـب
مختصر كل قصتي. راح اضل ابدمعتي
لـلـعــقـيـلـه عـمـتي. والـدي والـدي
🔸▪🔸▪🔸▪🔸▪🔸▪🔸
تمت بعون الله تعالى
عقيل حسين الگـرعاوي
للصحن جينه. نواسي مهدينه
العسكري بيده. ايسجل اسامينه
***
الخدمه نوعيه بيها روحيه ابدار الامام
نرفع الرايه واحنه وفايه بهذا المقام
اليوم كردوس الخدم رافع شعاره
والتحيه تختلف جوه المناره
عالامام نسلم ونقره الزياره
نقترب منه وهوه يقبلنه
بالصحن نشتم ريحت الجنه
***
كل ايادينه بيد مهدينه نبع الحنان
سيد النعمه وعطره نشتمه بهذا المكان
من نطب سامره ياخذنه العشك وين
وشحلات الهوه يم العسكريين
ما يرد خالي اليدك باب الامامين
اشمحله سامره الناضر تسره
وحلف المهدي خادم الحضره
**
كل سنه نعاهد حضرت القائد ونحي العزاء
بالصحن نصطف وخدم نتشرف الراعي العطاء
الرايه هاي المنتظر يشرف عليها
يعني عطر العسكري موجود بيها
بعلي الهادي ونرجس احنه مزوريها
تبقه رايتنه رمز خدمتنه
بدار ابو صالح تعله صيحتنه
**
كل سنه وكل عام تلتم الخدام بوسط الرواق
وللضريح نصد ولحضه من نبعد نموت اشتياق
ونرجع نطوف الكبر ويزيد حبنه
بالامام المهدي متعلك كلبنه
يمته يوم الثار يالغايب ندبنه
دوم ندعيله وكلشي نحجيله
صاحب المرقد ويانه كل ليله
**
الارض سامره تحضر الزهره والهم تنوح
تنصب الماتم والدمع من دم وتبدي الجروح
تعتني يم الامامين الحزينه
اتنادي يبني توني اجيت امن المدينه
تصيح ليش اوليدي جبده مسممينه
عالولد تنعه وتذرف الدمعه
وتدري بالمهدي منكسر ضلعه
*
تمت
تحسين الخفاجي
قصيدة بحق الامام الحسن العسكري عليه السلام
يمة يا مضلوم صاحت فاطمة
عليك سامرة حزينة ومضلمة
===================
انصاب گلبي من سمعت مصيبتك
والطم اعله الراس فوكَ جنازتك
ريت مشلولة ادين السمتك
نار بالدلال ضلت مضرمة
===================
نور سامرة انطفة واصبح ظلام
يمة ما رحموك اولاد الحرام
يالحسن يمة صعب هذا الكلام
اتلوج بالسم والطغات امنعمة
===================
بالحزن متروس گلبي يالحسن
شوفني بيا حال انعاك بشجن
ضلوعي چن اليوم هذا اتكسرن
مو دمع لحلك تصب عيني دمة
===================
انصب الماتم واون ليل ونهار
واحزن وانعاك وبدلالي نار
يامصيبة ايشيب من عدها الزغار
حالك ايبچي الارض وي السمة
====================
راحوا الاولاد لو سم لو چتل
المُعين اللَّه گلبي شيحتمل
بيك يتشفى النذل ابن النذل
ايريد يطفي النور والله ايتممة
===================
يمة يالمهدي الابو يحني الضهر
سهمة بالدلال صاباك وعبر
عظم الله اجرك ييمة المنتضر
جيت اواسي ابهالمصيبة المؤلمة
====================
أسألكم الدعاء رائد الاسدي
اويلاه عالعسكري ومصابه
اويلاه عالعسكري ومصابه
ـــــــــــــــــــــــــــــــــــــــــــ
نواسي هالليله بدمعنه ام الحسن
لبو المهدي ادموعنه ابحرگه جرن
گلوبنه الســــامره گصدن واعتنن
للعزيه ابلهفه وبشـــــوگ احضرن
والدموع فوگ الوجن سچابه
اويلاه عالعسكري ومصابه
ـــــــــــــــــــــــــــــــــــــــــــ
الليله مختنگه السمه لمصيبته
والارض حزنانه تبچـي المحنته
ويلي بالسم صــــوبوها چبدته
وراح مظلوم الـحسن ياشيعته
والگلوب مثل الجمـــر لهابه
اويلاه عالعسكري ومصابه
ـــــــــــــــــــــــــــــــــــــــــــ
السم مرد چبده وتهدم حيله
ايلوج من شـــدة عذابه اليله
امن الوجــع ماظنه نايم ليله
المعتمد من هــــالعمل ياويله
بالاحزان ناحت عليه احبابه
اويلاه عالعسكري ومصابه
ـــــــــــــــــــــــــــــــــــــــــــ
الليله وحشه عالإمــــــام المنتظر
ابفگد ابوه العسكري حاني الظهر
دفن جثته واختفه عـــــــن النظر
وين ناصب فاتحه او وين المقر
والجـروح كثرت تره بغيابه
اويلاه عالعسكري ومصابه
ـــــــــــــــــــــــــــــــــــــــــــ
هالهموم انگول يالوادم تخف
تره بس حسين ومصابه كلف
من كطع راسه الشمر ذاك الصلف
جسمه ظل ابديره مابيها عرف
والدموم صارت يويلي اخضابه
اويلاه عالعسكري ومصابه
ـــــــــــــــــــــــــــــــــــــــــــ
لبو محمد ماكو علويه انسبت
طفله ماعنده عله الهزّل مشت
ابكربله زينب يوسفه اتيسرت
وتالي اهل الشام بيها اتشمتت
والعيال مـــاشافت السلابه
اويلاه عالعسكري ومصابه
ـــــــــــــــــــــــــــــــــــــــــــ
حيدر بشار الدراجي
قصيدة ( للموت انصارك ) إلى الامام الحسن العسكري عليه السلام
للموت أنصارك. يبن الإمام الهـادي
للمــوت زوارك. يبن الإمام الهـادي
من عدنه اخذ هذا العهد
منعــوف حبـــك للأبــد
***
يا نــور اليشع عالعـــــالم أبأســره
نــورك يبتدي مــن نور أبوالزهـره
مــو گبه ومنــاره گبــرك وحضـره
قـــرآن الجليـل وعلتــه وأمــــره
معروفه آياتــك. يبن الإمام الهادي
مرفوعه راياتك. يبن الإمام الهادي
والكــون لأنــوارك شهد منعــوف حبـــك للأبــد
***
يـا ســـر الوجـــود وعلـة التكــوين
ويالحبكم تمـــام لقـــدرته وللـدين
الحبكم فاز يا ابوالمهدي بالدارين
حبك ربنه خـــلاه ابأسـاس الطين
بتكوين طينتنه يبن الامـام الهادي
ياســـر محبتنه يبن الإمـام الهادي
بأصلابنــه أنطينــه العهد
منعــوف حبــــك لـلأبــد
***
يـــا ســـر الإلــه فــــاز الــــذي حبــــك
حــــرب الله أصبـــح سيـــدي حـــربك
مشــــروع العدالــــه شايلـــه أبصلبـك
الإمام المهدي بيه هل خصصك ربــك
نور الله بصلابك يبن الإمام الهادي
تنتظـره أحبابك. يبن الإمام الهادي
من الله ثابــت هالــوعد
منعــوف حبـــك للأبــد
***
صبـرك يالحسن حَيّــر جميع النـاس
صَبرك زلزل أعروش وهزم أرجـاس
انتـــه القارعـــه الهّزت بني العبـاس
ذلــوا سيدي بس أنته عالي الـراس
ظل راسك العالي. يبن الإمام الهادي
بالأول وتـــالــي. يبن الإمام الهـادي
ياديني أنتـــه ومعتقــد منعــوف حبـــك للأبــد
***
مفطوم أعلــــى حبــك عايش أبنورك
ســــــور الله انتـــه ولايــذ أبســـورك
يشوف الجنه كل مؤمن يجي يـزورك
ضامـي آنــه وأجيتـــك وارد أبحـورك
مــن جودك أتروه. يبن الإمام الهادي
خير وأبه ونخوه. يبن الإمام الهادي
وكل مـــؤمن لجود ورد
منعــوف حبـك للأبــد
***
گبتك بيت رَبنـه من هـّـوت عنـدي
ما طاب الجـرح ينزف يبو المهدي
لظهور القائم أجروح المحـب تدي
ونيــــران انتظاره تسعـــر بچبـدي
شيطفي هل الجمره. يبن الإمام الهادي بالحســره ننتظــره. يبن الإمام الهادي
ننتظــره لو طال الأمـــد
منعــوف حبـــك للأبــد
**
الشاعر
موسى البديري
الحزن والنوح يحبابي مردني
الصبر من يوم عاشركم مردني
لرض طيبه التكفلني مردني
رجعت الديرتي مچتوفه اديه
****
عسن ماتت أخيتكم ورمها
الدهر عالضيم كضاها ورمها
الشمر عباس لمتوني ورمها
ولا واحد فزع يخوان اليه
****
الشاعر اياد الديراوي
مقطع صوتي من mlahythmallamy
Читать полностью…
الشاعر الحسيني ظاهر حبيب الهليجي(أستشهاد رسول الله صلى الله عليه وآله )
يعينك الله ياعلي بهاي الرزيه
الليله دافن بل گبر سيد البريه
جرحك الماله شفه يل دفنت المصطفى
*
عظم أجرك سيدي بهذ المصاب
الليله أبو الزهره النبي حدر التراب
بهل المصاب ادموعك توزع ثواب
ويا دمع تبجي اظن دمعك خظاب
روحك وروحه اظن صعدن سويه
يعينك الله ياعلي بهاي الرزيه
ودعت نبع الوفه يل دفنت المصطفى
*
شكان حالك ليه من جفنه غفه
لو بحر دمعك عليه ماظن كفه
الكون بعيونك عليه اسود صفه
ياعلي من بعده عل الدنيا العفه
بهل الكلام السانك ترتل عزيه
يعينك الله ياعلي بهاي الرزيه
موتك ابموته صفه يل دفنت المصطفى
شحالك وطه النبي ميت بديك
ياعلي وعينه بقت تدمع عليك
يعرف بظيم السقيفه يصير بيك
أبنار دارك والزجيه تنتخيك
خبرك بيها وترك بيها بوصيه
يعينك الله ياعلي بهاي الرزيه
وانت دمعك تذرفه يل دفنت المصطفى
*
ياعلي حگك لون تهمل دمه
للمصاب ألي فجع گاع وسمه
يعينك الله من تنشدك فاطمه
بيا عذر تقنعها يا حامي الحمه
من تعزيها بأبوها هل المسيه
يعينك الله ياعلي بهاي الرزيه
ياحزن بيك اكتفه يل دفنت المصطف
*
شلون لو نشدوا عليه سبطينه
بويه جدنه الليله مامر بينه
شيقنع الليله الحسن وحسبنه
وهوه جان يحطهم بنص عينه
راح هل الليله ملاذ الهاشميه
يعينك الله ياعلي بهاي الرزيه
گلت عل الدنيه العفه من دفنت المصطفى
/channel/rdeaa
عظــــم الله لــك الاجـــر علـــــي
*
يا مصابك يا عـلي شعظم المصاب
منـه گلبــك سيــدي بالحــسره ذاب
يــوم وجـه الهادي عن عيناك غـاب
احــس روحــك غابــت بأحـــزانها
*
اليوم غضمت عين طــه المصطفى
اليـوم روح الكــون بحضانــك غفه
الشامت اليوم بعلـي وطـه اشتــفه
وبالسقيـــفه گعــدو وشيــطانهــا
****
روحه فاضت سيدي وعينك تشوف
الامــه سلت ضـدك اقــلام وسيـوف
عافت الهادي وعلى الكرسي تطوف
وقسمّــت حكـم وبغـــي بطغـــاينها
****
عافــت الامــه نبي الرحمــه الأمين
لا غســل خلـوه بعــد هــاي السنين
ركضت أعلى الحكم لنها إبلايا دين
شكــل ديــن أهــل البغـي و إيمانها
*
حيدر امصـابه بـده بجرح الرسول
جرحـوا الهــادي بكسر ظل البتول
اولده سـم وذبح وتجـول الخيـول
لآل أميــه وسفــه وي مــروانهــا
*
وصه بالعتره النبي بنـص الكـتاب
بالســيوف الامـه ردتلـه الجــواب
حرگــو بأحقـادهم للــزهره بــاب
الامــه مــا حفظت نهــج قـــرآنها
*
الشاعر
موسى البديري
قصيدة ليلة استشهاد النبي الاكرم محمد (ص)
يا محمد ليله صعـبه اليله
يا محمد علي اتهدم حيله
صعبه ساعات المصاب
فرگتك حسره وعـذاب
علي اتهدم حيله
◼◼◼◼◼◼
يا رســول الله غيـــابك جمـره تســـعر للابـد
عـذبت گلــب الصميـــــــده وألك دلاله انمـرد
بيمن ايعوضــك يطــه المـات ما يرجـع بعــد
الدنيه ماتحلى ابغيابك يلي احلى امن الشهد
اشلون ليله بيه مخسوف الگمر
اشلون ليله ليلة احـزان وقــهر
نور وجهـك بيهه غاب
فرگتك حسره وعذاب
علي اتهدم حيله
◼◼◼◼◼◼
غسلك بدمـوعه حيـــــدر چفنك بثيـابه
وشيـعك بجروح گلـبه ودمعته السچابه
وفاطمه خلفه تنــادي ابسفـرتك يا يـابه
سهم هجرك صوباني ومايطيب اصوابه
دمع هجرك راح يعمي اعيونهه
دمع هجرك أيفرح اليبغضونهه
انفتــح لمصايبهه باب
فرگتك حسره وعذاب
علي اتهدم حيله
◼◼◼◼◼◼
دمعة امصـــابك يطه عل بشر مكتـــوبه
والسمه والارض لجلك بالحزن مصيوبه
ظهر ابوالحسنين حـدب صاير الهم ثوبه
يدري هـــذا آخــر لقاء اويـاك يا محبوبه
وحشه دارك والحزن غاطيـهه
وحشه دارك يالچنت ضاويهه
يلــي غطـــــاك التراب
فرگتك حسره وعذاب
علي اتهدم حيله
◼◼◼◼◼◼
اتيـــــتم العالم بأسره وعلي زادت محنته
اتحزم ابصبره ومحنته بهيده يجذب ونته
گلبه ضل ينزف مشــاعر والمشــاعر بچته
ناظـــره ينزف مــــدامع اثـر خله ابوجنته
بحزن وبهم ضل يودعك حيدره
بحزن وبهم وســـدك حـدر الثره
طـــول وياك العتـــاب
فرگتك حسره وعذاب
علي اتهدم حيله
◼◼◼◼◼◼
ماتت بگلبه السوالف بعد ماعنده صبر
عمره بعدك مايريده ودفن ويـاك العمر
آخ يا فــگد العزيز وآخ يا جـرح الهجر
لوسمع آذان يبچي ذكـر أسمك بي يمر
يزيد نوحه لونظـر لـم الحســـن
يزيد نوحه وتثگل اعليه المحن
عگبك اتشوف الصعاب
فرگتك حسره وعذاب
علي اتهدم حيله
◼◼◼◼◼◼◼
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى،روح والدي ووالدتي،💔💔
شـيـنشف العيون
والـــغالي مدفون
يابويه واشلــــون ... أصبر بلياك
.....................
بويه يا هيبتنه يا شيخ العــــشيره
لـخدك اشتاگيت اريد اشتم عبيره
فاطمه ابنيتك أنه الـبعدك كسيره
روحي طلعت ويه انفاسك لـخيره
دونك تمنيــــت
ميته انه ياريت
يا شمعة البـيت .... طفاها فرگــاك
.....................
عودتني اشما تصد عيني اعله عينك
ابلهفه تحضني وتغرگني ابـــــحنينك
روحي حيل ابــــعازتك يابويه وينك
بويه ماظن عدله اظل لأربعينك
بعــدك هلــــ ايام
كل يوم الف عام
بـفراگك اســـهام .... تلـچمني بجفاك
.....................
بويه چنت امدللـه ابـــجالك يـغالي
امحجبه ومصيونه ما شافو خيالي
فارگتني ودارت ايامي ابــــــ ليالي
وللــمدامع بيت الاحزان انـبنـالــي
يابويه الاحــزان
صارتلي عنــوان
وابعيني طوفان .... لو مرها ذكراك
.....................
بويه ياذخر الــــــشدايد والـــكلافه
تندفن وسط الــ لحد وسفه وحسافه
بويه بـــصحابك فلا شفت اللي وافه
كلها ركضت علــ مناصب والــخلافه
اولهم ايـــخون
والثاني ملعون
والثالث ايكون .... أذاني واذاك
.....................
بويه اتنفس حزن راح ابقه فتره
واگضي أيامي وأجيلك عيني حمره
بويه واشكيلك واعرفك انته أدره
بالسطرني وبالعصرني وبالــــتجره
بويه الگلب ذاب
امن الوجر الباب
ولـمحسن الغاب .... أنحب انه وياك
.....................
بويه اذا تسئل تفاصيل الـــــقضيه
عاين اعله امتوني تحچـيلك عليه
هجمو وكلمت( وَ أن ) گالوها بيه
همّه اساس التفرقه والطائفيـــــه
من دخلو الدار
صابوني بسمار
جار الدهر جار ..... واندارت افلاك
سيد علي عبدالزهره الناجي
مفجوعــه وتــوّن بحــزانها الــزهــره
اعلى فگد المصطفى مخنوگه بالعبره
*
مفجـوعه وتوّن ام الحسـن وحسين
لفگد الهادي تهمل مــن دموم العيـن
الگبر كونه يبويه يضمله ريت اثنين
ويـــاك انــدفــن يـــا والـــد العتـــره
*
ويــاك اندفـــن يـا ريــت يالغــالــي
اعـــرف ألامه مــا ترحم ابـد حالـي
علــى بابي اعـــرف الراح يجرالــي
واعرف ابخدي بويه تنطبع سطـره
*
يبويــه الشالو اعــزاز الگلـــب عنـها
مــن دنيــاها تعـــرف ينگطع ظنــها
تظــل للـــدوم مـــا يبطل ابــد ونها
ونار الفرگه يلهب كل وكــت جمـره
*
بيت إحــزان لجلك بــويه شيدتــه
أنـــوح وأمتــك كل نوحي ما نعته
مـــا يـــدرون گلبي انـــه فــارگتــه
وبس النوح بــويه گلبــي اليصبـره
*
من أنوح أعليك آنه وعطرك اشتمه
على دمعاتي بويه اعترضت ألامــه
حگــه گلبــي لــو ظــل حــاير بهمه
وظل بويــه دليلي يچذب الحسـره
*
يبويـه بــابي وجــتّ بيهـا تــدري النـار
واصيح وصدري بي ظل نابت البسمار
ولا چــني الـــزچيـه اوالــدي المخــتار
وصّــه ألامـــه لكــن مـــا رعــو گــــدره
*
الشاعر
موسى البديري
أنا دمعة ونحيب .. أنا بنت الغريب ..دمعاتي تشرح هضمي
عمري خلّص شجون ..اشگد مِحن بالعيون... منهن تغير رسمي
بريعان عمري اتراكضت
..صوب البراري .. شيطفي ناري ...آه
مجروحة كل عمري عشت
بدمع انكساري ...ليلي ونهاري ....آه
بهايه عيني ..شفت أغلى انسان عندي امسلبينه
بهايه عيني ..شفت فوگ النوگ مشوها الحنينة
كلـي غربة .... ما عشت مثل البنات ابسد اهلهن
بهاية عيني...احسين أبوي اعله الرمح تبچيلي عينه
آه...أنا التي سُبِيَت .. آه...أنا التي سُبِيَت ..
••••••••••••••••••••••••
يا فرات العذاب ...چم گمر منه غاب...وچم غالي خليته ايون
ماتت أمـي الرباب...گبلي بعد المصاب...وگلبي الهله صار يحن
ما أدري اعلينـه تشــح
ونبقى بعطشنه.....وتاخـذ گمرنه ...آه
اشما اشرب الماي انجرح
يا ظامـي اذكره ؟!.... تخنگـني عبرة ..آه
بگلبـي لوعة .... اشما اشوف الماي تنزل دمعة دمعة
بگلبـي لوعة .... بذني صوت البلمهد يصرخ اسمعه
مات ظامــي .... واحنـه النـه الماي.. الله امنزله النه
بگلبـي لوعة ......اليا ورد عطشان دمع اعيوني اوزعه
••••••••••••••••••••••••
ما نسيت الرحيـل..انسه لا مستحيل ...وذاك السبي وأحزاني
بصفنة اصير و ذُهول ..بحبل امشي أگول ؟..وانا استحي امن اخواني
الناس السبونه بلا رحم ..
لا ما رعونـه .... اشگد عذبونه. ..آه
أيتام ، مرعوبة و حـرم
مذبوح ابونه .... نبچي امنعونه ..آه
نبچــي سكتـة .... حته ما يسمعنا واحـد ما له رحمة
نبچي سكتـة ....... وصوت رايح عمه لا تبچون عمّـه
هايـه عمتــي ...... المنها راح الحيـل ، وتباري اليتمة
نبچـي سكتــة ......العل رمح بگلوبنـه وگوة نكلمـه
••••••••••••••••••••••
أرد أغمض العيون... وصارت اعله الجفون ..زحمة محن : خيمة وتل
والخرابـة وحبال ... وصرخة بويه تعال .. اعليك الله لا لا ترحل
المن اظل وكل هلــي..
راحوا سوية .....حتى رقية ...آه
الما عدها بالوادم ولي
تمشي سبية ..ولا موش إليه... إليه
هايه آخر ...لحظة وعيوني التصب يطفي ضواها
هايه آخر ....لحظة الي والروح تتلاگه ابمناها
عمري غربة ...ابلا حُسين الدنيا بعيونه غريبة
هايه آخر .... كلمة راح احجيها واتلوه بصداها
آه...أنا التي سُبِيَت .. آه...أنا التي سُبِيَت ..
اللّٰهم بِآمنة الحُسينِ وأحزانها عجل لوليكَ الفَرج .
قاسم ستار المالكي
( النور الحادي عشر )
شهاده الامام الحسن العسكري ع
……………………………………………………………
غاب الضوه الحادي عشر
واصبح وحيد المنتظر
وبزغره محروم •• خلصوا هله اليوم
……………………………………………………………
أهدعش نور وهل طفوا . خلصو شموس الرحمه
ياغربة الثاني عشر . من عمره اكبر همه
فزعة مناجل للزرع . بيه المحن ملتمه
جلمة ابو ابعمر الورد . فاركها هاي الجلمه
و اتيتم وعمره بخمس
حال السمه ابلايه شمس
والظهر مجسوم •• خلصوا هله اليوم
……………………………………………………………
لو صد لبوه العسكري . ايشوف الرسول ابعينه
وبصوته نبرة حيدره . اجفوف ام حسن جفينه
من يگعد احذاه جن گعد . وسط الحسن و حسينه
كلهم فگدهم من نظر . للعسكري امجفنينه
فارگ هله وماله احد
يا هو اليكف دمعه بعد
تتشمت الگوم •• خلصوا هله اليوم
……………………………………………………………
ثامن ربيع المنتظر . عالخد تسيل دموعه
ذاك الابو و طوله الحلو . اجنازة وصفت مرفوعه
ثلاثين ما جازي العمر . شاب و طفوها شموعه
شگد ترفه روح العسكري . بالسم بگت موجوعه
عينه اشبحت للمنتظر
امن اوليده ما شابع نظر
لفراگه مهموم •• خلصوا هله اليوم
……………………………………………………………
سامره ظلمه و موحشه . شال اليضوي اعليها
جانت مضيف الكل نبي . جبربيل ساكن بيها
تارسها رحمه العسكري . ابخاجيته و محليها
عطشانه دجله لشوفته . واعليه خبط صافيها
حتى النوارس لاطمه
عالحسن وارث فاطمه
عل جبده مسموم •• خلصوا هله اليوم
……………………………………………………………
وجه الامام العسكري . اخر وجوه العتره
خلص ضوه الله اعالبشر . مامش امام اتنظره
اخر شمس هل غرّبت . غيبتها صغره وكبره
عالشيعه ليل ابلا كمر . كلش يطوّل فجره
تصرخ على مر الزمن
ادركنا يا ابن الحسن
ولشيعتك گوم •• خلصوا هله اليوم
……………………………………………………………
غاب وحزن ما غاب اله . حزنه اعل يوم العاشر
يصّابح ابذكر النَحَر . بالمسه ايعذبه الحافر
بالليل يذكر عمته . موجرها سوط الكافر
تركض و تعثر بالجدم . مدوا حبلهم عاثر
كل يومه ابو صالح يون
ترجيه يذكر و الاذن
اعل ارقيه ملجوم •• خلصوا هله اليوم
……………………………………………………………
✍️ ( سيد خضر الزاملي )
الامام الحسن العسكري عليه السلام
صاحب حديث ازيـــارة الأربعين
هلّيله يتلاگه اويه جده الحُسين
مسموم و مـــذبوح
روح تواسي بروح
حگها تحزن سبع اراضين وسماوات
كوكب آل المصطفى الحادي عشر مات
العسكري الـ عنه الكتب نقلت روايات
بيها للمؤمن ذكر خمسة علامات
الخلص حياته ايصب دمع للسليب
ساعة وفاته ايحضره جده الغريب
مشهد كله اجروح
روح تواسي بروح
العسكري العلـ لهادي شگ الثوب نصين
يمكن يشگ الگلب لو شاهد احسين
سابح ابدمه اليصب من الوريدين
وللحوافر بالصدر ظلت نياشين
مخضوبه من دم النحر شيبته
مسلوب الثياب وبلا اعمامته
مدمعهم مـــسفوح
روح تواسي بروح
ايگله يا جد ، جبهتك تنزف علامه ؟
ابموضع السجده الحجر تارك علامه
آني يا جد والخلگ حد القيامه
ابراسك الفوگ الرمح عشنا ابكرامه
خنصر يمينك وگعته ابكربلاء
رسمت درب للعزه والكبرياء
يلـــــ دربك مملوح
روح تواسي بروح
العسكري يسأل ابو اليمه ابدمعته
سيدي ياهو الأشد بجروحك انته
جرح الأكبر لو عضيدك من فگدته
لو رضيع البلـ سهم حزو رگبته
أعظم جرح لن جاوب ابن النبي
زينب يشتموها وتروح ابسبي
روس اخوتها اتلوح
روح تواسي بروح
ابهلـ وضع لن دمعة القائم جريَّه
وناده ثاراتك يَـ جد واجب عليه
باچر اضهر راية الكافل بديه
وذولفقاري الياخذ الحيف امن اميه
عمتي السبوها وركبوها الهزل
باچر بديهم مو بديها الحبل
ما خليها اتنوح
روح تواسي بروح
ــــــــــــــــــــــــــــــــــــــــ
سيد علي عبدالزهره الناجي
ياصاحب الزمان
من تجري دموعك تذكر المن ياجرح
عالزهره وضلعهه لو على المات بذبح
---------------------------
انته يالمهدي دموعك من تهل
كلشي مخلوق اعله دمعك ينسأل
ياهو الاصعب حتى ينقاس السهل
ضلع امك فاطمه اوموت الطفل
يالصبحك نوايح ولمسه تكضي دمع
تندب اه يجدي واه ياذاك الضلع
---------------------------
عمرك وجرحك مثل جرف ونهر
اصواب امك فاطمه كسرة ضهر
لو تون لحسين محزوز النحر
الداسته الخيل وبقه ابلايه اثر
مشتركه بجروحك باب وخيام ولوه
ومن تذكر رزيه ابصدرك ايشح الهوه
---------------------------
جرح الاطفال وحرگ ذيج الخيم
وطيحت العباس من طاح العلم
وركضت النسوان مذعوره ابهيم
هنه ذني الخلن ابعينك سهم
من تذرف دموعك امخالط ادموعك دمه
وحزانك چبيره ماتلم ارض اوسمه
---------------------------
يامصيبه الي تزيد محنتك
ويابو صالح ليش حمره دمعتك
هم شفت ضعن السبايه وعمتك
عالمهازل ذيج صارت غربتك
مقروحه جفونك من يجي ابالك امر
تندب اه يزينب اشلون تمشين ابيسر
---------------------------
من اميره زينب اتروح ابيسر
وهاي ترست گلبك اجروح اشكثر
وعله ديران الشماته من تمر
هاي خلت گلبك ايساوي الجمر
يابو الدنيا كلهه وگلبك اتخذم خذم
بس الله اليعينك عالمصايب والالم
---------------------------
علي سليم الحسناوي
للعسكري دموع . تشبه بجي العاشر
بس يفرق السم . عن سحگت الحافر
ضيم وسبي ونار
،،،،،،،،،،،،،،،،،،،،،
ال هاشم كلها غربه وحسره والام
يحترگ گلبه اليعيش بنار الخيام
العسكري بأخر حياته وأيده عالهام
كل جرح معصوم لازم مصدره الشام
جبده المسموم بالحيره ايلوم
ينحب عالعين المتروسه دموم
بالغربة حيران . الماتبرد اجروحه
كل همه بحسين . مامهتم ابروحه
وبعمته محتار
ضيم وسبي ونار
،،،،،،،،،،،،،،،،،،،،،
العسكري جابو طبيبه الجرحه جرحين
شيوجعك گلاله يوجع گلبي الحسين
جبدي لو طفيته ناره وبردت سنين
ياهو اليطفيها نار البل صواوين
خليني ابنار السحگتها زغار
مايبرد يوم گلبي المحتار
دمعاته بالعين . والحسره بحساسه
نبضاته خيمات . والعاشر انفاسه
ضلمه بقه الدار
ضيم وسبي ونار
،،،،،،،،،،،،،،،،،،،،،
فاتح اعيونه الحنين و باخر الروح
يدري لوغمض ام بيته للسبي تروح
ال هاشم كل حجيهم طبعه مملوح
هسه بالغربه السوالف كلهن اجروح
يعرف لوغاب ماتبقه احباب
ام بيته تروح ويسبوها اجناب
ياحيرت الروح . من تلفض انفاسك
وتعوف الحباب . وتفارگ احساسك
جروح السبي كبار
ضيم وسبي ونار
،،،،،،،،،،،،،،،،،،،،،،،،،
الحسن محتار بجراحه وحيله خلصان
باجر المهدي ابدمعته اخلافه حيران
الورد لو سگايه عافه يموت ذبلان
اليفگد الوالد تره متسنده حيطان
الوالد لو راح ميرجعه اصياح
المهدي الهل يوم ماضن مرتاح
يالعسكري شلون . بالمهدي والحيره
زغير العمر ليش . بس كسرته جبيره
مكسوره الاقمار
ضيم وسبي ونار
،،،،،،،،،،،،،،،،،،،،،،،،،
المات بفراشه اهون امن المات مسحوگ
مايباوع تطلع اخته ابحيره عالنوگ
الگبر اهون من يتامه التدخل بسوگ
الجسمه مامحروگ تلگه گلبه محروگ
دمعه وحسرات عيون وشمات
بالشام شلون المسبيه اتبات
ياغربت ام عون . المتجتفه ايديها
ناگتها ياناس . شامتها حاديها
شتفيد العذار
ضيم وسبي ونار
ابوفايز الرافضي
الفاتحه على روح والدي
لخواني حنيت. وبالروس رديت.
راسك ادفنه ويالجسد. .. ويحسين ماشوفك بعد
*
من الناكه يم كبرك طحت. وتدري اشعلوها الناكه
يحسين مشتاگه الك. وشيصبر المشتاگه
راسك بعد ضيم ويسر. ويالجسد يتلاكه
وجهك الما فاركني ابد يكتلني راح افراگه
يالصدرك انداس. اشلون ادفن الراس
كلبي عله جروحك نشد. ويحسين ماشوفك بعد
****
يمك جبت راس الطفل. ما شايفك تدري هواي
عبدالله من ذاك الذبح. لليوم ما شارب ماي
شميت عطره بحفرتك. ريحت اكماط ابنك هاي
ابجي بقيت اعله النحر. وام الطفل تبجي وياي
نزلته وياك. وجفي انترس هاك
امحدبه الرباب اعله المهد ويحسين ماشوفك بعد
*
وياي خويه امن اليسر. راس المهيل جبته
عباس ما يدري الحبل. ما فارك جفوف اخته
يبن امي تدري بالكلب. يم النهر دافنته
ذاك الدلال بكربله. ويه الكمر ضيعته
جيت ادفن الراس. وينك يعباس
حيل اختك اهواي نضهد ويحسين ماشوفك بعد
**
ضليت احفر بالكبر. واخذ نفس ما اكدر
حانت مراسيم الدفن. وندفن نريد الأكبر
كل احنه طحنه اعله الكبر. ويم حفرتك نتعثر
صدرك شبكناه بالدمع وصدرك يخويه امكسر
وراس ابنك وياي. شلعت كلب هاي
اصعب جرح جرح الولد ويحسين ماشوفك بعد
*
ام جاسم العريس اجت. ادور اعله ابنها تريده
حكه يتيه المكبره. اليفكد يناس اوليده
صاحت علي عمه بحزن راس ابني نزله بهيده
اوليدي انحرم من العرس. والحنه يبست بيده
تعب العمر راح. ضل بخت الرماح
وانه صحت وين السند. ويحسين ماشوفك بعد
***
تمت
تحسين الخفاجي
قصيدة ثقيله لخدام الحسين
عليه السلام
انه املك شـيء ثمين
الخدامه للحسين
انتــه ملكك راح وين .... يا سليمان
ــــــــــــــــــــــــــــــــــــــــــــــــــــــــــــــــ
الله رازقنـي بـرزق مارازقــه انسـان
غالي واثمن حتى من ملكك سليمان
الــرزق مجلس لطم يذكــر العطشان
والخدامــه بالمجالـس الهــا عنــوان
عمري كله للخدامه الخادم اليعلى مقامه
هيه تشفع بالقيامه يا سليمان
ــــــــــــــــــــــــــــــــــــــــــــــــــــــــــــــــ
ملك والله أمكنك معــروف شأنـــك
خل نفترض مشايه موجوده بزمانك
جا ركضتلهم ركــض وتترك مكـانــك
وهــلا بالزاير تصيح أنسك وجانـــك
حسين عالي المنزله هوه الذبيح بكربله
جاصـــرت كلك الــه يا سليمان
ــــــــــــــــــــــــــــــــــــــــــــــــــــــــــــــــ
عــن لسان الصـادق وركــز ابمعناه
من تباكى على السبط الجنه ماواَه
شلون واحنه بكل سنه نطلم وننعاه
حسين ميعوف الخدم للقبره وياه
عالخليقه هوه الملك ولاجله من دارت فلك
مابقـــى العاداه هلك يا سليمان
ــــــــــــــــــــــــــــــــــــــــــــــــــــــــــــــــ
بينه شوغه للحُسين ونحسب ايام
مره زوار ونكصده ومره خدام
وفضل للزوار عن سائر العام
يدخلون الجنه قبل الناس بعوام
فضــل للزايــر أكيـد الباجي لحسين الشهيد
بالحزن يبقى ويعيد يا سليمان
ــــــــــــــــــــــــــــــــــــــــــــــــــــــــــــــــ
لجل خمسه تم خلق هاي السماوات
المحمد والعلــي اهـــل الرسالات
وقبل ادم من قبل طرق المجرات
ابهل بيت المرتضى نزلت الايات
على العرش الهم اسـم ومن اجلهم هل علم
جا صرت موكب خدم يا سليمان
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
اذا باجر متت يهلي وتشيعوني
امانه الكـــــــربله رايد تودوني
ــــــــــــــــــــــــــــــــــــــــــــــــــــــــــــــــــــــ
أوصيــــــكم هلي ووصيتي احفظوها
ريـــــــــــــد اجنازتي الكربله اتودوها
مانه كبر ابـــــــــــــــو فاظل تزوروها
كمر عدنان احبه اهواي تدروني
ــــــــــــــــــــــــــــــــــــــــــــــــــــــــــــــــــــــ
وبعد عندي طلب يهلي ويضي العين
اريــــد اجنازتي اتعطلوها يم حسين
وعزه يقــيــــمولي يمه بالدمع وونين
وريد بكل عزه يهلي تذكروني
ــــــــــــــــــــــــــــــــــــــــــــــــــــــــــــــــــــــ
حسين البخــــــــدمته خلصت عمري
حبيبي والغــــربته دمعي ضل يجري
كيده مـــــــــــن اموتن يحضر بكبري
على موده رخصتها دمعة اعيوني
ــــــــــــــــــــــــــــــــــــــــــــــــــــــــــــــــــــــ
انا ابيوم الحـــــــشر لا خاف لا اهتم
روح الربي بدمــــــــــوع العزه محزم
الدمعه العل حسين اطـــــفي اجهنم
حسين المايخيب باجر اضنوني
ــــــــــــــــــــــــــــــــــــــــــــــــــــــــــــــــــــــ
اذا جاني الملك يهــــــلي بوكت دفني
انا عنـــــــــدي يقين حسين يحضرني
وكيد عله الصــــــراط ابأيده يلزمني
هوه وأمه بالمحشر يعبروني
ــــــــــــــــــــــــــــــــــــــــــــــــــــــــــــــــــــــ
جنت انه اخـــــدمه حسين عل فطره
وابــــــــــد لادورت لاجـــــــاه لاشهره
جنت كــــــــل همي ارضي امه الزهره
والف هنيالي اذا خادم يحسبوني
ــــــــــــــــــــــــــــــــــــــــــــــــــــــــــــــــــــــ
جنت ارتاح كلـــــــــــــش من اخدمنه
اكثـــــــــر مـــــــــــن هلي والله احبنه
عزيز الزهره هــــــــــاذ الماكو اعز منه
بفضل الله وخدمته الكل يقدروني
ــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
من دفعو الباب عالزهرة مولاتي
كسر الظلع بان وأبتدت مأساتي
صاحت يفضة سنديني
قد اسقطو مني جنيني
…… ..... وأبتدت مأساتي
… ..
من هجم عالباب أبحقد… اتلكتة ريحان الورد
يدفعهة صار وهي تسد… حد ما كسر منهة الظلع
صاحت يفضة لحكي … بظلوعي حيل اتشبكي… ما حس بدية حركي…
ألباب فوكي منطبع
غطني بحجاب السمة … لا حيدر ايشوف الدمة… كسرت ظلوعي أتألمة
بالج يشاهدلج دمع
حيدر لون شاف كسري ونزف دمي
من طولة يوكع موته يصح يمي
اخُذي بكفي وسديني
قد اسقطو مني جنيني
……
أتعنيت الهة ابلا وعي … وعالخد يسايل مدمعي … صاحت يفضة طلعي … بظلوعي بسمار أنغرس
حاولت وياه اشكثر… منغرس حيل امن العصر… كل ما اسحبة تحتضر
ويضيك للزهره النفس
كل هذا وبحيدر تهم … موش بجرحة الملچم … ليهة السمة مطرت نجم.
والكمر ينعى اوية الشمس
عالزهرة ياناس شفت الورد يبچي
وعيون الحسين متحّيرة اشتحچي
صيحاتُ حزنٌٍ تعتنيني
قد اسقطو مني جنيني
… .
حاولت اشيلنهة وشفت… كسر الظلع بيدي وعفت… ساعتهة حيل اتخوفت… منظرهة يبجلة الصخر
كالتلي فضة اتحملي .. الخاطري والخاطر علي… عن حالي لا لا تسألي
متألمة حيل امن الكسر
كل حيل ما ظلي بعد … بالباب احس صدري أنمرد… ياجرح أعوف وجرح اشد
والنزف ماخذني وكثر
بنت النبي اشلون هيجي يجازوني
يافضة ترضين عالعين سطروني
لم يكتفو جرحاً بعيني
قد اسقطو مني جنيني
… ..
محسن شفت فوك الارض… نازف دمة بطول وعرض… بمصابة بچة اهل الفرض… وعيون اخوه احسينة
غطيته بمصلايتي … واعلية تسايل دمعتي … الزهرة أشد من حالتي
من شافتة امغطينة
صاحت يسباح الگلب… وسفة يغطيك الترب… مو هين افراك صعب … يل ماعشتهة اسنينة
ما شبعت العين من شوفتك ليلة
مستجعل الموت تابوتك ايشيلة
يا هل ترى ذنبي بديني
قد اسقطو مني جنيني
… ..
شحجي وشسولف عالجرة … جيش وهجمة اعلة مرة … والدار نار أموجرة… البيهة الوحي تنزيلة
كادو علي بحبل الغدر… ظهرة بوصية منكسر
والزهرة خدهة منسطر … نازف دمة اعلة الشيلة
طلعت وماخذهة النزف … واعظاهة كلهة ترتجف… خلو أبن عمي يا حلف
لو راسي اكشفة الليلة
من أكشف الراس والدمعة أجريهة
دنياكم أبساع بارينة يمحيهة
لا يرضى ربي في انيني
قد اسقطو مني جنيني
… ..
الحمد الله رب العالمين
اللهم صل على محمد وال محمد
موسى الخاد
بهل ليله الحزينه نودعك يا نبينه
انته اول بشر يستأذنه الموت
وجبرائيل مد اجناحه تابوت
*
انته اول نبي بالكون اشتاك الجامع الصوته
اول مره اشوف انسان يفرح كلش بموته
وكف حته الهوه بلياك وناح النحل ببيوته
انته حسين مدري حسين شايل بيده تابوته
من جفنك غمضته حيل حسين اخذته
راح الهادي منكم نسمع الصوت
وجبرائيل مد اجناحه تابوت
***
نكلب لون السمه مولاي ويمك فاطمه تنعه
هاي ام الحسن طاحت صحت لو طاحن السبعه
تره كلشي المكانه يعود بس المات شيرجعه
ليش اسنينك الحلوه جزتنه وخلصت بسرعه
ياليل المنيه حن اعله الزجيه
تبجي الفركتك وتون البيوت
وجبرائيل مد اجناحه تابوت
**
اول مره اشوف الماي يتغسل حبيبي بماي
علي كل عمره ما مكسور بس انته كسرته اهواي
بالكافور عطرك صار وطهر الكبر مولاي
عله امصابك بجه القران وزينب ضلت بلا راي
محتاره السماوات وتنوح المجرات
اسمك عالعرش يالهادي منحوت
وجبرائيل مد اجناحه تابوت
*
هليله الحسن مكسور واه يصيح يا جدي
انه دمعة طفل محروم بوجه كل غالي متبدي
محتاجك وريد وياك ومن تتركني اضل وحدي
رافكني الحزن والنوح وانه الحزن مو كدي
يذبحني غيابك شيبني مصابك
بسكوت الدمع ضل يجري بسكوت
وجبرائيل مد اجناحه تابوت
*
عكبك ضجت الايتام وصاحت وين والينه
بعدك يا رسول الله ياهو اليعطف اعلينه
من عندك يبحر الجود نشبع شوف خلينه
جنت تمسح مدامعنه وبجفوفك تغطينه
كل ضن اليتامه تكوم الها بسلامه
يلجم جم كلب من نعشك يفوت
وجبرائيل مد اجناحه تابوت
***
تمت
تحسين الخفاجي
الما رِضَو يكتب نبينا اوصيته
هُمَّه نفس الـــــحاربو ذُريته
ــــــــــــــــــــــــــــــــــــــــــــــــــــ
الگالو اعله الهادي يهجُر بلـ لِسِن
هُمَّه نفس الگالو لفاطم وأن
للنبي ما حضرو ابوكت الدفن
اشيحضر التتنفس الشر ريته
ــــــــــــــــــــــــــــــــــــــــ
( بَـخٍ ) الگالوها ياحيدر چذب
وبالسقيفه ابلا شرف سوّو حزب
ايبايع ابليس اللي رايد ينتسب
ويمسح الشيطان فوگ الحيته
ــــــــــــــــــــــــــــــــــــــــ
ضَرَّو الدين وفلا بيهم نفع
أذو اگليب النبي وشلعوه شلع
سوده صفحتهم بثر كسر الضلع
واليزعِّل فاطمه اشــــتاليته
ــــــــــــــــــــــــــــــــــــــــ
العن اللهُمَّ كل صبح ومسه
كلمن اتعده وصفع خير النسه
بالنفاق الثاني صاحب مدرسه
والكفر لايذ حدر خاچيته
ــــــــــــــــــــــــــــــــــــــــ
زمرة اجلاف ونواصب آثمه
همه اصل كل الرزايه القادمه
لو رجعلك حيدر امخضب دمه
الصوباه ، گومك تره اموديته
ــــــــــــــــــــــــــــــــــــــــ
يلنبي وتتواله علعتره المحن
وجعده تتورث مقاليد الفتن
چفها مسموم ويسم چبد الحسن
حقق الشيطان بيها امنيته
ــــــــــــــــــــــــــــــــــــــــ
من فُلان ومن فُلان اعظم جرح
ضامي ابو الاكبر يَــ طه وينذبح
ينگطع راسه ويرفعونه ابرمح
وجسمه مسلوب وترب غاطيته
ــــــــــــــــــــــــــــــــــــــــ
يارسول الله واشد كل الجروح
تنسبي ام عون وعلى الهزَّل تروح
حگها اذا علـكافل اتون وتنوح
ابلا چفوف ابـكربله امخليته
ــــــــــــــــــــــــــــــــــــــــ
سيد علي عبدالزهره الناجي
استشهاد الرسول ص
الشـال بابك خـيـبر -- لـلـنــعـش مايـگـدر
ياعــلي ياعــلي ياعلي ياحيـدر
مات ابــن عمه وتـــبده حيـله المرجــف الزلـــم
الچان بچفوفه يــطشر جــيش وبكــيفــه يـــلم
هسـه ثگلان عله جسمه من الحزن حته الهـدم
مثــل ما ينــثــلـم سـيـفـه عــلي واگــف مـنـثلم
الخوف مـنـه اتـكـتر الشال بابك الخيــبـر
ياعلي ياعلي ياعلي ياحيدر
من يضب ايده عله سيفه ترخه فرسان الحرب
الكـاسر اضهور العسـاكـر هـسه مكسور الـگـلب
الماي گـصـته اعدال زمزم واگف ودمعه يصب
دمعه يتــبده محـنـه ولــون وجــهــه ينـگـــلب
من الــوداع اتـغـير -- الـشال بابك خـيـبـر
ياعلي ياعلي ياعلي ياحيدر
الودع اعـزاز علـه گـلـبه يـنـلــچـم لـمن يـحـن
ايشوف هاي الدنيا كلها بعينه مو دنــيا سـجن
علي الـمـبـچي الأعـادي لازم اصــفاحـه ويون
التـندفـن بالگاع اخوتـه امنيـته هـوه اليندفن
ولا يـضـل امـكـدر -- الشال بابك خيـبر
ياعلي ياعلي ياعلي ياحيدر
الزهره تـذبل وي ابــوها - زهره وتـفارگ مـطر
علي صبرها بدمعـته والـگــلـب منــه انـكـســر
بويه صاحـتله دخـيلك ماكو رجـعـه بهالســفـر
عطشـت روحــي مــحـنـه ويــن رايــح يانـهـر
شــلون بويـه اتصـبـر -- الشال بابك خـيـبـر
ياعلي ياعلي ياعلي ياحيدر
شـالو اجـنازة حبـيـبه وياعلي دمـعـه انسچب
والجنازه التمشي گوه يـثـگـل اعليها الـعـتـب
صوفرت كل الــوجوه وصارت ابلـون الذهـب
مو تعب ثـگـل الجــنازه لــكــن الذكــره تــعب
يرجف وچانت حر -- الـشال بابك خيـبـر
ياعلي ياعلي ياعلي ياحيدر
لـ حيدر العماري
غايب صبح وحي السمه
وبدمــعه صاحـت فاطمه
بويه.بويه بويه بويه
__
الليله املاك السمه تفــارك ارضها
ماكو وحي ينزل بعد خلص امرها
ميت محــمد يابــشر صادر خبرها
كلشي ينوح الفركته يعـظم اجرها
كلشي ينوح بهل مـسه
وبدمعه صاحت فاطمه
بويه بويه. بويه بويه
'____
كلشي ع فراكك يون تدريبه حالي
فاطم وحيدة بغيبتك صاحب اجالي
سطرة وجه وعلى المتن طكني يغالي
جتفو علي ياوالدي منـــهو البكالي
جتفو علي حامي الحمه
وبدمعه صاحت فاطمه
بويه بويه. بويه بويه
____
شفته وصحـت لايانذل خلـــيه اليه
لا ادعي يـم رب العله وارفـــًع اديه
وأطبك سمانه ع الارض ذيج المسيه
يرضه الرضاتج فاطــــمه رب البــريه
بعدك وحــيدة وهـايمه
وبدمعه صاحت فاطمه
بويه بويه. بويه بويه.
_'___
ميت محمد ياخلق واشلون اودعه
مابيه حيل الفركته كل عمري دمعه
نوحي يهيج كل جرح جاري يسمعه
والصاحب يصدر امر نوحج نكطعه
سكته بـجيت والاطمة
وبدمعه صاحت فاطمه
بويه بويه. بويه بويه
_
ضلعي نكسر من هاجرت والمن عفتني
والصاحب يشتم الدمع من فاركتني
سكته انوح بغيبتك وأريتك شفتني
بويه الحياة بروحتك صعبه وسبتني
مسبيه من ضيم ودمه
وبدمعه صاحت فاطمه
بويه بويه. بويه بويه
____
بعدك اموت ولا عشت وشلون اعيش
طيرة وجنحها منكسر وتناكت الريش
وسفه ع شيمات العرب اليه وصل جيش
ماكو سبب من الجرة اليش وبعد اليش
وين الشيم وهل الحمه.
وبدمعه صاحت فاطمه
بويه بويه. بويه بويه
__
كلمات
مرتضى مكطوف الموالي
منو ... غيرك يامحمد ... خاطبه الحق المبين
وما ... أرسلنـــــاك الا ... رحمةً للـــــــــعالمين
يَـــ أعظم ماخلق رب الجلاله
يَـ مسك الخاتمه وآخر رساله
منو المثلك بلغ فضله وكماله
حبيب الباري سبحانه وتعاله
تظل ... شاهد عن عظمتك ... آيةٌ للــــــسائلين
وما ... أرسلنــــــــــــــاك الا ... رحمةً للـــعالمين
بشيراً للبشر هيچ الله راده
نذيراً للبقه ابڪفره وعناده
رحيماً گد عطف ربنا بعباده
سراجاً نوره مفتاح السعاده
شرح ... يَـلـ عن شخصه رايد ... اختصرها بكلمتين
وما ... أرسلنــــــــــــــــاك الا ... رحمةً للـــــــعالمين
أنه وكل البشر لو تحچي عنّه
ولا عشر العشر ما نوفي منه
الوصل حد العرش واڪثر تدنه
اكيداً بغضه نار وحبه جنه
نبي ... معجزته العظيمه ... خالده بطول السنين
وما ... أرسلنــــــــــاك الا ... رحمةً للـــــــــعالمين
ابمقاماته ارتفع محد وصلّه
بحيث الله العليه سلم وصلى
كريمه اخلاقه والرايد أدلّه
( على خُلُقٍ عظيمٍ ) الله گله
سمح ... من يمشي بتواضع ... يعشگ الـ متواضعين
وما ... أرسلنـــــــــــــــاك الا ... رحمةً للـــــــــــعالمين
يحب حيدر علي كل عمره عاشه
عشگهم چن عشگ نور وفراشه
علي البلـ هجره بات ابنص فراشه
اذا شافه النبي ايحس بـنـتــعـاشه
علي ... لو صد لحبيبه ... يلثم اچفوفه الثنين
وما ... أرسلنــــــاك الا ... رحمةً للـــــــــعالمين
محمد من رحل وصه ابوصيه
بكتاب الله ، وعلي حامي الحميه
علي مولاكم وخير البريه
ويأذني تره الياذي الزچيه
رحل ... والامه بغيابه ... خانت اعهود الأمين
وما ... أرسلنـــــاك الا ... رحمةً للــــــــعالمين
ــــــــــــــــــــــــــــــــــــــــ
سيد علي عبدالزهره الناجي
عظَّمَ اللهُ لكَ الأجرَ علي
عظَّمَ اللهُ لكَ الأجرَ علي
.................................
عظم الله اجرك يحماي الحمه
ابــ سيد الكونين والد فاطمه
حگك اتنوح ويصب دمعك دمه
وانت بيدك غسّلت ثامن سمه
ثوبك اسود والحزن ما ينجلي
عظَّمَ اللهُ لكَ الأجرَ علي
.................................
ايعينك الله وموقفك كلش صعب
وانته فوگ المصطفى اتهيل الترب
ابدارك وتشعر على افراگه ابغرب
چان گلبك عگبه صرت ابلا گلب
دمعتك تجري ونحيبك يعتلي
عظَّمَ اللهُ لكَ الأجرَ علي
.................................
لــ ام حسن رديت من بعد الدفن
وبيك الف يعگوب متهدل يون
تبچي كلك ياعلي وصاير جفن
اثنينكم لبسيتو جلباب الحزن
وابغزاره ادموعكم حمره اتهلي
عظَّمَ اللهُ لكَ الأجرَ علي
.................................
ابـليلة الوحشه الحزينه المظلمه
چنك اتگلها المصايب قادمه
لعصرة الباب استعدي فاطمه
ودعي محسن گبل جيّت ظالمه
للمصايب چن تگلها اتحملي
عظَّمَ اللهُ لكَ الأجرَ علي
.................................
انتي اول آيه علـ خد تنسطُر
وانه اول أسد ينگاد ابـ أسُر
انتي بالبسمار يدمولچ صدُر
وانه گلبي لكسر ضلعچ ينكسُر
دمّي من عدوانچ ايظل يغتلي
عظَّمَ اللهُ لكَ الأجرَ علي
.................................
بعد ابوچ ، الـچنتي بيه امدللـه
انتي اول عترته اتهاجر أله
بس تروحيله ودمعتچ سايله
انتي يلـيومچ مصغّـر كربله
وبـغيابچ وحدي اظل محد الي
عظَّمَ اللهُ لكَ الأجرَ علي
.................................
سيد علي عبدالزهره الناجي