834
Haitham Al-Lami
ذكرى استشهاد الامام السجاد ع
_
ديره ديره.. تحدي بضعون لمنايا ..
تبچي المن.. للرمح لو للسبايا ..
وانته وحدك يالعليل... المن يون الدليل
للرمح لو للسبايا
.......... ........
1
وحدك بين المنايا.. حگه دمعك من يهل
عالرمح شفت الهواشم.. والفواطم عالهزل
حاير وبالعين كلمه .. الهظم ما ينحمل
ودك اعله الرمح روحك .. ولا مكيديها ابحبل
والله حيره ..تسكت اتنخكك عبرتك ..
تبجي كلها .. تفرح بطيحت دمعتك ..
ذبحو الخل والخليل .. المن يون الدليل
للرمح لو للسبايا
...............
2
يل بيك ايعيل كلشي .. راحتك صارت ونينك
انت اول رحله للهم .. تكتب ومجتوفه ادينك
هنانه ذكره هنانه ضحكه .. وعالرمح شالو حنينك
بخيلهم مثل اهل بيتك .. انت هم امطشرينك
بس خيالك .. هذا يمشي وي المنيه
الروح يمهم .. ساحكتها الاعوجيه
الالم ترس الشليل .. المن يصير الدليل
للرمح لو للسبايا
.............................
3
وليت الغمان تكتل .. وانت وحدك من طحت
ليا رمح تندار عينك .. كلي اذا طكو بنت
كوه كوه اتشيل جدمك .. ولاجل عماتك صرت
عالناكه وحده وحده .. فوك ظهرت صعدت
عمه عمه .. تصعد وينزل دمعها
والجبيره .. بسيف كدامك دفعها
حكه دمعك من يسيل .. المن يصير الدليل
للرمح لو للسبايا
............................
4
كلش ابعيده المسافه .. وتدعو اكثر تبتعد
الصحاري اهواي احسن .. من حجي وادم تضد
لو كرب ضعنك اولايه . . ينمرد كلبك مرد
تدري ابعيون المدينه .. اعليك وكحه من تصد
وينه وينه .. تسمع الوادم حجيهم
عل السبايا .. من ضحك تسمع بجيهم
كلها بضعونك تعييل .. المن يصير الدليل
للرمح لو للسبايا
..........................
5
بين الولايات حاير .. ودمعة الحاير جمر
عالدفوف العين تنظر ..من تطب سوك العصر
الكال والكالو ثكيله .. عالاذن لمن تمر
ونظرت الشمات كلفه .. تريد دنيا من الصبر
بدمع عينك ..سالفه ودك تكلهم
اهلي ماتوا .. واني هم ميت مثلهم
عالجفن نارك تهيل .. المن ايون الدليل
للرمح لو للسبايا
................
ايوب يوسف الطوگي
في رثاء الإمام زين العابدين عليه السلام
اتـوهدَن الموت وخجِل من حالته
الأثر بمتونــــــــــه يسولف قِصته
ـــــــــــــــــــــــــــــــــــــــــــــــــــــــــــــ
شـــــاف عِنوان السلاسل ومتحن
طبِع خاتمها عله اچتـــــافه الزمن
ابيـــــوم وليله راحَن عيونه عمن
شـــاف أميه أحبـــال شدو عمته
ـــــــــــــــــــــــــــــــــــــــــــــــــــــــــــــ
مختصَر مات ابـــو باقر بالطفوف
بيـــوم شاف ابكربله التمت ألوف
ويذبح الذباح وبعينـــــــه يشوف
حسين خيــــــل الأعوجيه داسته
ــــــــــــــــــــــــــــــــــــــــــــــــــــــــــــ
بيوم شـــاف الخُوف بعيون الزغار
ابگلبه نار وبالخيم مشتــــــعلِه نار
والبنـــات اعليها كـومه من الشَرَار
وعالنهر طبرو الكـــــــــافل هامته
ــــــــــــــــــــــــــــــــــــــــــــــــــــــــــــــ
حيِــره من حيره الوكت شوف اله
مشهد الشــــــــــافِه ابشام وكربله
امطرحـــــــــه اهله الهيّاكل بالفله
عُوزه عوان اليشيـــــــل امصيبته
ـــــــــــــــــــــــــــــــــــــــــــــــــــــــــــــ
مـــرت عله عيونه الليالي الصعب
ناگِص من العافيــــه ورافگ غرب
صــــار بين العايله وبيـــن الحَرب
بالخلگ ماكـــــــــــو مثلها حيرته
ـــــــــــــــــــــــــــــــــــــــــــــــــــــــــــــــــ
واليكرهــــــــا يمشي ويـا القَافله
نوبه يضرب متنه نـــــوبه العايله
وباتـــــــــت الأحزان ويا ام العله
شلون ابـــــــو باقر اتحمل غربته
ــــــــــــــــــــــــــــــــــــــــــــــــــــــــــــــ
مختنِگ جايبـــها كل هاي السنين
ألف موته مات من شاف الحسين
دم تهِل عيــــــــــونه دلاله حزين
ويا الغريب انذبح چـــانت موتته
ـــــــــــــــــــــــــــــــــــــــــــــــــــــــــــــــ
✍🏻ك: حيدر مڪي النصّاري
¹⁹ محرم ¹⁴⁴⁷
چبيره امصيبة الشام
الى سيدي ومولاي الامام السجاد ع
من وزن الطويل
شعر ـ دكتور كاظم المعقلي
♥♥♥♥♥♥♥♥
معاناتي... فلا صارت معاناتي
اويه عماتي.. على الصار اويه عماتي
الم مو مثل الآلام
چبيره امصيبة الشام
على الصار اويه عماتي
على الصار اويه عماتي
♥♥♥♥♥♥♥♥
اذا تنشد على اهمومي
على الصار او جره اعليه
شفت مصرع هلي ابعيني
وجثث عالغبره مچفيه
وأشد وأعظم بعد منها
شفت عماتي مسبيه
وخواتي ارقيه وسكينه
سبايه وأثّرن بيه
ألم روحي.. فلا يهدأ الم روحي
على اجروحي... جروح اتحط على جروحي
يزودن ويه الأيام
چبيره امصيبة الشام
على الصار اويه عماتي
على الصار اويه عماتي
♥♥♥♥♥♥♥♥
عليل آنا وسقط عني
الجهاد وماشلت سيفي
حسافه وراحت الفرصه
جزتني وهذا تكليفي
ردت بس كون أشد حيلي
وأصول وآخذ ابحيفي
ولكن شاءت القدره
يكون ابصبري تشريفي
يگيدوني... أنا الساجد يگيدوني
على امتوني.سياط اتدگ على امتوني
ابد ماادنّگ الهام
چبيره امصيبة الشام
على الصار اويه عماتي
على الصار اويه عماتي
♥♥♥♥♥♥♥♥
مصيبة أهلي مو هينه
چبيره وتوجع وتكبر
ولكن من اقارنها
سبي النسوان أشد وأكبر
حبل شدو بأياديهن
وأنا ابإيدي حبل أثّر
شمر وبصوطه يضربهن
وأشوفه ومُجبر اتصبّر
حرم عندي... عليل آنا او حرم عندي
علىٰ جدي... حقد عدهم علىٰ جدي
وِرِث ورثوه الاقزام
چبيره امصيبة الشام
على الصار اويه عماتي
على الصار اويه عماتي
♥♥♥♥♥♥♥♥
حرم زينب كفيلتهن
ثكالىٰ اتمحّنَت بيهن
عُبيد الله ابدواوينه
بنات العز يخليهن
يجيب القاصي والداني
يظل يتفرج اعليهن
واحس تتگطع اوصالي
ابدواوينه امن اصد ليهن
دواوينه... تطب زينب دواوينه
تصد عينه.. لوجه زينب تصد عينه
وَهَم چانت بالاوهام
چبيره امصيبة الشام
على الصار اويه عماتي
على الصار اويه عماتي
♥♥♥♥♥♥♥♥
آنا امصابي ابعاشور
صُفر شوّفني أضعافه
شفت من العذاب اشكال
أحير ابشكله وأوصافه
كل يوم اليمر امصاب
تمضي ابچبدتي أهدافه
بس أصعبهن ابن ازياد
وجه ام الخدر شافه
وأخيـّاتي... يضربوهن اخياتي
يمأساتي... وأنا امگيّد يمأساتي
وِلونَه ابوليهْ ظلام
چبيره امصيبة الشام
على الصار اويه عماتي
على الصار اويه عماتي
♥♥♥♥♥♥♥♥
على ارماح العدا وللشام
تعلّت روس اهالينا
على ادروب المسير احسين
شابح للضعن عينه
أحس يتفگد اويه ام عون
بناته ارقيه وسكينه
أعرفت من نظرة اعيونه
على الهودج يوصينا
أيا صبري... صبر ايوب أيا صبري
حفر گبري... مصاب اهلي حفر گبري
أشوف اعيالي تنظام
چبيره امصيبة الشام
على الصار اويه عماتي
على الصار اويه عماتي
♥♥♥♥♥♥♥♥
٢٠٢٥/٧/١٩
٢٣ـ محرم ـ ١٤٤٧هـ
نزله..
الله خلـه بالعليل معجزه وبيها الدليل
ونزلت بيـوم الطفوف
ونزلت بيـوم الطفوف
__
من كرب شهر الفجيعه من اجه يوم الطفوف
وربنـــه نــزل بالامــام معـجزة ضد السيـوف
معجــزت عله وعليل والعـــدو مــــنه يعـــوف
حتى مايخلص نسلهم. من بعد نـحر وجفـوف
لا تشك باأمر الخليل.
معجزه وبيها الدليل
ونزلت بيـوم الطفوف
___
من بـــــده طــــف المنـاحر كالو أنواع الكـلام
واحد ينـــادي على واحد نكطعه نســل الامام
نذيح الطفل الرضــيع وتشتـــعل كل الخـــيام
مــادرو زيـــن الـــعباد معـــجزه وبيهــا السلام
من بعد دور الكفيل.
معجزه وبيها الدليل
ونزلت بيـوم الطفوف
__
ماكو أمـه بلاامام بكل زمان بكل وكت
يل ردت تكطع نسلـهم اسمع انته يالكلت
وربنـــه حافــظ هل سلاله ماتـحقق ماردت
شجره ويـخبل ثمرها أنـــته وحدك .ألمــــتت
والعدو اصبح ذليل.
معجزه وبيها الدليل
ونزلت بيـوم الطفوف
_
معجزه وثابت قـدرها من طــــفوف العــاشر
ماخلص نـســل الأمامه وخـــل نكله الكـــافر
أحنه شيعه وحـيدريه وعدنه مهــدي الحـاظر
باجر يــصـيح ويـــنادي وكلنه نصـرخ باجـــر
نصرخ ونندب يويل
معجزه وبيها الدليل
ونزلت بيـوم الطفوف
___
كلمات الشاعر
الحسيني
مرتضى مكطوف الموالي
بعيني طف وعندي ثار
وخيمه تلــــهب بيها نار
وحــرم مسبيه وجروح
يبست ريــــــــج الزغار
ــــــــــــــــــــــــــــــــــــ
أنه المهدي وتسولف لچمة جروحي
المصاب حسين ابد مابطلت نوحي
إنه الما يوم تهده وتستقتر روحي
ياوحي الحـــــزن ليليه الي يوحي
بهيمه عــايش كاليسوع
وعاشگه عيوني الدموع
دمعتي للظــــــل سليب
ابد ماتعـــــــــــرف قرار
ــــــــــــــــــــــــــــــــــــ
الما مجروح گلبه وشايف جنازه
بقت فــوگ الثره وللمتن معتازه
وراعيها فگـــد كل ناسه وعزازه
اوياي اعله الملامه شماله يتوازه
يومه ماكو مثله يوم
بمحبسه البايع يسوم
لچن هذا امـر السماء
الله شاء وهـذا صار
ــــــــــــــــــــــــــــــــــــ
مصيبتنه چبيره والجــــــروح هواي
شسولف عن طفل محروم من الماي
طگ ريجه ويبس من العطش ويلاي
صعدت روحه طير ورفـرفت بهداي
ودمه مـــو مثل الدماء
ارتفع يم السمـــــــــــاء
مصاب عبدالله الرضيع
تبچي اله ارض وبحار
ــــــــــــــــــــــــــــــــــــ
والــــعمّه يسمونه گمــــــر هاشـــــم
على مصـابه يظل دمعي اله ساجــم
للـــــــعـباس گـــلـبي ذايب وهايــــم
على حزني اشبيها تـــــلــوم هالوادم
عمي عباس الكـــفيل
دمعي لمصابه يسيل
للكفل ذيچ الخدور
دمعي دومه بانتثار
ــــــــــــــــــــــــــــــــــــ
شيگول العنده عمه تمشي مسبيه
يگضي الليل بدموعــه ونــــعاويـه
إنه بگـلبي يتـامــه وجثـه مـــدميه
وعلويه جدمها بجمــره مـــچويـــه
الصبر مفتاح الفرج
غيض مليانه المهج
ناري ماتطفه وتهيد
وسيفي مل الانتظار
ــــــــــــــــــــــــــــــــــــ
حيدر بشار الدراجي
نزلة / للإمام السجاد عليه السلام
عايش باحزانه والدمع عنوانه
.................
قصّة السجاد صعبه تفجع اليقراها
بس دمع وجروح بيها والحزن معناها
تبتدي بالغاضريه من شهد بلواها
عمره مانشفت دمعته ولاگدر ينساها
كربله بلسانه والدمع عنوانه
................
ياعليل الشاف اهله عالترب مذبوحه
بس علي السجاد هذا والمصيبه بروحه
حگه لو يبچي عليهم ما نلومه بنوحه
راس ابوه عالرمح شافه دم تسيل جروحه
عالترب جثمانه. والدمع عنوانه
..................
اعظم وافجع مصيبه عالامام الصابر
من خذوا زينب سبيه بلا محامي وناصر
ينظر السجاد زينب عالمصيبه تكابر
بالمرض مهدوم حيله وي خواته مسافر
چتفوه عدوانه. والدمع عنوانه
...................
واجب نذكره يشيعه نلتزم منهاجه
منهج السجاد عدنه كل وكت نحتاجه
وارث الهادي مُحمّد هوه لابس تاجه
لو نخينه الباري بسِمه الله يگضي الحاجه
ميّت ويرعانه. والدمع عنوانه
...............
خلّص ايّامه مناحه والشهود ادموعه
يبچي عالمرضوض جسمه کسّروها ضلوعه
حفرت خدوده المدامع عالوجه مطبوعه
حالة السجاد هايه لوعه تتبع لوعه
واسع باحسانه والدمع عنوانه
...................
ويلي من سمّوا دليله گطّعوا احشائه
من بعد كل المصايب سمّموه اعدائه
شيّعوه مسموم ويلي للگبر ابنائه
واجب نقيم العزاء انشارك بأحيائه
نبتغي رضوانه. والدمع عنوانه
سيد زيد الفحام
___
. تـطـب اشـلـون زيـنـب لـلـدواويـن
تـطـب اشـلـون زيـنـب لـلـدواويـن
*---------------*---------------*
مــن جــرح الـزمـن ضـلـت تـجـر ونـه
عـگب عبـاس اخوهه أنگطعت الضنـه
صـبـح خـدهـه نـهـر ودمـوع حـفـرنـه
مـالـومـچ بــعــد يـا دمـعـه تـجـريـن
*---------------*---------------*
دولاب الـوگـت يـفـتـر عگـس بـيـهـه
تـالـي الشـيـب فـگـدت كـل أهـاليـهـه
راح الچـان طـولـه ايـضـلـل اعـليـهـه
ضـلـت بـالـمنـاحـه وتـهـمـل الـعـيـن
*---------------*---------------*
بـنـت اشـيـوخ زيـنـب زيـن مـعـروفـه
عمت عين الـوگـت خلاهه مـچـتـوفـه
وطول ام عون صعبه الشامت ايشوفه
غـيــر الـنــوح مـايـحـلـه يـطـيـبـيـن
*---------------*---------------*
حيـف اهـل الشيـم خلـوهـه مـحـتـاره
وجـاهـه الـشـام كـلـه اكـبـاره وزغـاره
اشـگـد يحـمـل گلبهه الـمـاطـفـت نـاره
عـليـهـه أجـمّـعـت هالـنـاس صـوبـيـن
*---------------*---------------*
بنص الـسـوگ وكـفـت زيـنـب الحـره
بـت حامي الـدخيـل وفاطمه الـزهـره
عـالـبـاب الـقـصـر ياحـيـف مـنـتـظـره
بأصعب حـال شـافـتـهـه الـسـلاطـيـن
*---------------*---------------*
هـاي الـچـان مـحـد يـنـظـر الضلـهـه
امــيـره ام الـخـدر عـبـاس كـافـلـهـه
على الديوان وسـفـه أيـزيـد دخلـهـه
يـنـاشـدهـه اخـوتـچ والـگـمـر ويـن
*---------------*---------------*
✍خـادم زيـنـب ع
الشاعر رعد الجريخي
/channel/rdeaa
مــن بعــد ذاك الدلال
صرت مجتوفه بحبال
وينك بوية .... تالي عمري امشي سبيه
....1....
مشه ضعن الأحزان ... خالي من الأخوان
بس غرب ويانه
تمشي ويانه الروس ... كوه عالكاع اندوس
المستحه غطانه
وين ما دير العين .... ألجثث عالصوبين
يا عظم بلوانه
والحـــرم والأطفال... امكــيديهم بحــبال
الحبل حيل اذانه
منه أدينه امجرحات
ابجرته اطيح البنات
وينك بوية .... تنظر الحالت رقية
...2...
السبي دربه اطويل ... وانه مهدودت حيل
واحنه محد لينه
تعبتني العثرات ... والهضم واللوعات
والشمر حادينه
بالشمس ماكو افياي ... واليتامه ابلا ماي
من بعد والينه
بوية يا داحي الباب ... ما رحمنه السلاب
سوطه يضرب بينه
كل متن من عدنه صار
ازرك اكبار وصغار
وينك بوية ....شفنه انواع الاذية
....3....
علي يا حامي الجار ... المر علينه ما صار
جيت الك شجايه
فكر ما ظلي وراي .. والكفلني الوفاي
ظل عالمسنايه
كطعوله الاجفوف ... والسهم باكَ الشوف
وباك جربة مايه
جيت للكوفه انخاك ... علي بوية بحماك
كوم شيل الرايه
اعليك أمشي ابن البتول
الكسرت اظلوعه الخيول
وينك بوية ... حشميتك رد عليه
.....4...
اشلون جايتني ايام .... من بعد كوفه الشام
راح تأخذ حيلي
حيرة محتاره اشلون ... والشماته ايضحكون
بعد موت اكفيلي
انطي وجهي لا وين .... من بعد موت حسين
صرت اساهر ليلي
ياعلي اجروحي اهواي ... وانت بس انت ادواي
بشده انه ادعيلي
روس اخوتي اعله الرماح
وانه مني الحيل راح
وينك بوية ..... كبرتني الغاضرية
....5....
فوك هزلات النوك ... راح اطب ذاك السوك
والدمه اعله امتوني
خارجية ايصيحون ... والاحجار ايرامون
فوك روس اضعوني
الشام الكه معيدين .... والمدينه امزينين
شلون اصبر اعيوني
بوية وانظر هالناس ... اكبال راس العباس
ابطبل يتلكوني
شامت الشامت يصيح
هاي اخت ذاك الذبيح
وينك بوية .... بساعة المحد الية
......
كلمات : موسى الخادم
يامولاي خدِّمتك ترفع الراس
~
الخدامه.. شرفنه.. وهويه.. وعلگ شلنهاها فوگ الگلب
حرزنه.. النشيله.. يمولاي.. رجانا الحـــــــضرتك نقترب
ضوانه.وشمسنه.. وضحاها.. ويدربك سيدي اشرف درب
يحظنه.. وبختنه. وخدمتك.. تلين سيدي كل صعب
يالذكرك يعطر هاي الانفاس
~
الخدم هاي.. عشيره.. او وديها.. يبو اليمه البچي والدمع
علمها .. اليرفرف.. بديها.. وعلى حبك فقط تجتمع
يطلعون.. عراضه.. ويهوسون.. فقط بس انته الك نتبع
يطبون.. مضيفك..يگولون .. طعم زادك فلا ينشبع
ينعمه وحگها بالخد كون تنباس
~
الكرامه.. خدمتك.. شرف هاذ.. يناله الصافيه نيّـــته
الحياته.. وخدمته.. الامامه.. تدگ يوم الحشر چِفته
يخيمه.. وتلمنه.. اليطبها.. اكيداً هالنعم شملته
ودعاءه.. ورجاءه.. ويناجي.. يشمله الباري ابرحمته
اليخدمك يابو الاكبر كله نوماس
~
اجرها.. الخدامه.. وفضلها.. فقط عند الله من تنحسب
البحر لو.. مداداً.. والاقلام.. الحبر يخلص ولاتنكتب
الحياها.. الشعائر.. بالحساب.. غدا يحشر بلايه ذنب
يمولاي.. رجيتك.. دعائي.. تدوم الخدمه لاتنسلب
رزق هاي الخدامه ماله مقياس
~
النهايه.. السعيده.. طريقك.. يمن دربك حسن عاقبه
العشگ هاي.حروفك.يالحسين.ترفعه سيدي مرتبه
الحياته.. هيامك.. يشوفك.. العقيده الصافيه ومذهبه
واليطيح.. تدركه.. وتغيثه.. يصاحب ماترك صاحبه
يتفاخر يضل مابين هالناس
~
حيدر بشار الدراجي
تعالي يـ ام حسن يمُه تعالي
شسوه الشام بيه شوفي حالي
****
ديره الشام بس مو خوش ديره
ناس اتعيل ناس ابلايه غيره
تستهضمه حتى المو اميره
وانه ام الخدر طبيته اسيره
دخلته وانه بچفوفي حبالي
شسوه الشام بيه شوفي حالي
**
دخلته وانه ضعن ايتام وياي
وايبشر الرايح صار بالجاي
والتمت علينه الوادم اهواي
الم روحي وطبگت بصدري مگفاي
بهاي الگاع مالايگ خيالي
شسوه الشام بيه شوفي حالي
****
مشينه امچتفات ابين البيوت
منه ما طلع لا نفسَ لاصوت
مجبوره امشي گوه وگلبي مفتوت
وحسيت بهضم مايخلص بموت
وعباس برمح صاير اگبالي
شسوه الشام بيه شوفي حالي
***
بنص الديره يمُه من مشينه
كلمن فتح بابه يصد علينه
وضل ايصيح حداّي الضعينه
هذا ضعن حيدر جايبينه
اليطلب ثار من حيدر اجالي
شسوه الشام بيه شوفي حالي
*
اباب السوگ يا يمُه وگفنه
ومحد يغض شوف عيونه عنه
نلم ارواحنه ونستر خدرنا
اهتزت غيره الارماح بزلمنه
وگفنه بسوگ من الحشمه خالي
شسوه الشام بيه شوفي حالي
***
اضم روحي اضم يمُه النساوين
واحنه الناس صارت يمنه صوبين
اهل الشام عدهم صار عيدين
هم اسبايه هم عيال ابو حسين
تولونه شتم انه وعيالي
شسوه الشام بيه شوفي حالي
**
علي الربيعي
/channel/rdeaa
الامام السجاد بعد لقاءه بجابر ابن عبدالله الانصاري يشرح ما رأى من مآسي الطف
آه يـــا جــابــر تنــاشــد عـالجـــره
منين اسـولف والله روحي مّحيره
*
منين أبـديلك واسولف يــا مصـاب
مــن مصــايـب كــربلــه دلالـي ذاب
عن أبــوي حسين لــو عــن الشـباب
اجســوم ظلت مــن دمـاهـا أمعفره
*
أرد اسولفلك علــى حسين شسده
بعــد ذبحـه داستـه أخيـول العـده
وجثتــه ظلت عالـرمـال أمــوسده
بعــد مــــا گطعــت أميــه منحــره
*
آه يــا جابــر بعــد عيني شتشـوف
عالشريعه الگمر مگطــوع الچفوف
قِبلِــه صــايــر للنــبال وللسيـــوف
وجثتــه عالشــاطــي بگت متوذره
*
أهنــا يجابر طـاح الأكبــر عالتـراب
وجاسم ابكتره دماه أصبح خضاب
يا مصــاب الطفل مـا مثلـه مصاب
آه يــــا نبلـــة ضــمـــاه امـــوجــره
*
آه يـــا جــابــر شسـولــف يــا الــم
يــوم شــبت نـارهم وسـط الخـّيم
عمي بالطف هجتْ أطفـال وحـرم
وين تشرد والطفـــوف أمحـاصـره
*
آه يــا سهـم ألــي صـوّب مهجتّـي
يمْ يــزيــد بحسره وگفـت عمّــتي
شلــون يــا جــابـر أبطـل دمعـتّـي
وگلب زينــب نــار تلهــب مسعـره
*
آه يــا شــام الشمــاتــه وحسـرتّــه
تبقى حــد المــوت تسعــر جمـرتّـه
يا مصاب احچيه روحـي الشافـتّه
عن رقيه أمصــاب مــا مثلـه جـره
*
آه يــا جابــر جمــر مــا أظـن يهيد
روس فوگ أرمـاح وبأيدي الحديد
ابتشر يـا وسفـه وشمّت بينـا يزيد
تبقى جمـــراتـي لحّــدْ الاخــــره
*
الشاعر
موسى البديري
الامام السجاد. وطف الاحزان
.........................................
كلما شفت عمّتي وخواتي.
تــاخذني للطف ذكرياتي.
واستعرض بعيني الصور.
نار.. وخيم رايه ونحــر.
ذكرياتي ... ذكرياتي.
.......................................
والله ياعالم مصيبه .جرح متغطي بجرح.
موت وايتام وحراير.ليل بعيون الصبح.
ثاكلات وگـاع حمره .انصبغت بدم الذبح.
ذكريات بجف يتيمه. امدلله تعاتب رمح.
.ترس النظر دم الضحايه
يمشن خواتي ابلا حمايه
لا من شمس لا من گمر.
نـار . وخيم. رايه ونحــــر
ذكرياتي. . ذكرياتي
.......................................
لو شفت عمتي وخواتي .انحني ودمعي يصب.
تآخذ الاحزان روحي .وينلجم جرح الكَلب.
ذكرياتي اتعيش بيه .والله انساهن صعب.
عالغيور.هواي كلفه اخته يمه وتنضرب.
يضربهه سلاب التراجي
وتحشم أخوهه بالبواجي
يعثر جدم بين الحفر.
نار..وخيم .رايه ونحر.
ذكرياتي. . ذكرياتي
.........................................
عاشت بروحي الهضيمه .والمدامع دم جرّن
وانه معلول وخواتي .عل جمر يتراكضن.
حيل مابيه واشاكف رغم اسمعهن بجن
ياخلك ذيج المواقف .والله لا ما ينسّن.
اسمع شمر يجرح كلامه.
ويلـــــوع بسوطه اليتامه.
واشكم طفل شارد عثر.
نار..وخيم .رايه ونحـر.
ذكرياتي. . ذكرياتي.
.........................................
مانسيت الصار بيهن .يشهد الله بهالعمر.
بوجه كل علويه اقره. هضم ياناس شكثر.
مانسيت اختي رقيه .ولا كَلبهه المنكسر.
ولا سكينه ولا دمعهه الفايض بكلمة عذر.
انه الدفنت اهلي بأديه.
عشت واعيش الغاضريه.
من كربله شابع قهر.
نار..وخيم .رايه ونحر.
ذكرياتي. . ذكرياتي.
........................................
بين ركضات العقيله. وصعدت التل والخيم.
ذبلت الروح بصبرهه وعاشت اسنين الالم.
دمعت ام عون العزيزه .ياجرح بيهه أنرسم
يا ضلع مكسور جابت. عالشريعه وعالعلم.
كلما نزل دمع العقيله
يتعاتب الخل وي خليله
عافت كَمر يم النهر.
نار..وخيم .رايه ونحر.
ذكرياتي. . ذكرياتي.
.........................................
✍ أبو منتظر الحجامي.
(( #النياق_ناصره ))
……………………………………………………………
عدهن احساس •• النوگ صاحن صوت رفقن بالعقيله
عدهن احساس •• مـوش هـنّه الـناس غـيرتهم هِزيله
عدهن ابزينب درايه
ناحن الدمع السبايه
……………………………………………………………
ناگه تبچي ويمها سبعين الف ضحكت
هُـمّـه مـا ملكو عـقـل بـس هي ملكت
شـافت حسيـن انذبـح و بلحظه هزلت
ابصوت واحد هـي و الميمون صرخت
يا ظليمه •• عـلى وادم تذبح ابعترت نبيها
يا ظليمه •• ولبنات الزهره محتاره ابعبيها
اخوان ماكو ولا حمايه
ناحـن الدمـع السـبايه
………………………………………………………………
صاحت الناگه الجبيره ومني اسمعن
يا مـعاشـر نوگـنه و بـهـيده تمـشن
لو خـوات حسين جابوهن يصعدن
هـنّـه تعـبانات وي الـگـاع نوّخـن
صعبه تصعد •• زينب و متعوده بجفوف الكفلها
صعبه تصعد •• بيدها احبال و ركض ورّم رجلها
ارگابچن سوّنها بايه
ناحن الدمع السبايه
…………………………………………………………
وانتي صيري ابنصنه يا ناگة رقيه
خـاف مـنـج توگـع ابلـيل السبيه
من تريد اتنام خـل ظـهرج تچـيه
مـو تلچمين الاذن مجروحه هيه
لاخر النوگ •• ردي لو شفت الشمر و السوط بيده
لاخر النوگ •• تـره راس حـسـين يهـتز ابحـديده
عيونه الها اضل ربايه
ناحـن الدمـع السبايه
………………………………………………………
و انتي يا ناگـة عـلي حِنّي الغربته
مـن حـديد الجامـعه حفرت رگبته
لا تخـليـه يلـچم تـذبـح لـچمته
واعله هونج بالمشي لو هل دمعته
علي ابلا روح ••دفن روحـه بالكبر وي والده حسين
علي ابلا روح ••چـم مصيبه وفاجعه شافتهن العين
ترك روحه اوي الضحايه
ناحـن الدمـع السـبايه
…………………………………………………………
لو وصلنه السوگ خـل انسوي ركضه
للـعيـون الحـرم هـايه اتصـير عُرضه
و اعله زينب هالمصيبه اهـواي عظمه
الشمس عرگت من خجلهن غدت ظلمه
فرجه فرجه ••سوگ والصايح وصل ضعن الاساره
فرجه فرجه ••مستحه او مو دمع بالعين ايتجاره
واستحت حتى العبايه
ناحـن الـدمع السـبايه
………………………………………………………
فوك ارفعن روسجن صيرلهن ادروع
للـحجار الشام كلها اصطفت اجموع
احجاره مره اعالوجه مره اعالضلوع
تشگف ايد و ايد بيها اتنشف الدموع
آ يلطفال ••وجوه صفره الخوف نشف حتى دمهم
آ يلطفال •• الجـوع ومن جـلودهـم باين عـظمهم
ازغار ما تحمل رزايه
ناحن الدمـع السبايه
……………………………………………………………… ..
✍️ ( سيد خضر الزاملي )
(ًعمه وينه)
عمه وينه الحظنه دافي كلميني
عمه وينه ليش ابويه مايجيني
گلبي مشتاگ الحنانه .. وانه ما اندل مكانه
كلميني *** كلميني
*-------------------------*----------------------*
سولفيلي عمه وينه بيا مكان
علماني بحظنه أغفه بكل أمان
چنت اشمه وگلبه ينبظ بالحنان
خيمه أليه وبوجوده جنه چان
راح أموتن بالأماني يمته أشوفه
راح أموتن بس حناني ما أعوفه
*-----------------------*----------------------*
تغفه عيني وصوره تحضر للحبيب
يمته أشوفه الفارگاني وكله طيب
بكل صباح اتنطريته بكل مغيب
عايش بروحي واحسه اشگد قريب
چن اشوفه الغالي لحظه مانسيته
چن أشوفه أگبالي هسه اتخيليته
*-----------------------*--------------------*
گلتي سافر واليسافر هم يعود
وين أبويه ادموعي حفرن بالخدود
الفرگه مره ومضلم بعيني الوجود
صارت ايامي العشتهه بلحظه سود
صبري خلّص عني غايب ما أجاني
صبري خلّص يمته اشوفه الفارگاني
*----------------------*---------------------*
عمه زينب صبري خلّص انتضار
الدمعه تنزل بالنواضر چنهه نار
كمت أحس الليل يشبه للنهار
مادريته ودهري بيه بسرعه دار
عمري شمعه ونار بُعده ذبّلتهه
عمري شمعه وهل مصايب عاشرتهه
*-------------------------*---------------------*
چني ريشه وجني فجئه العاتيات
أطشرن بيهه أمنياتي وحلمي مات
ذكره ذكره كمت أعدن ذكريات
وي أبويه أسنيني غابت والحياة
هذا حالي وعمري دمعه ما أريده
هذا حالي وصبره گلبي مايفيده
*----------------------*----------------------*
عمه كافي أتعذبيني بهل سكوت
كلشي سكته والدموع بلايه صوت
كلميني من سكوتچ راح اموت
يجرح الريه الهوه لمن يفوت
صعبه احسهه التفارگ تبقه عدله
صعبه أحسهه العنده غايب مايردله
*------------------------*--------------------*
✍ خادم الحسين// ع //
الشاعر رعد الجريخي
نزله (( #الأميرة ))
……………………………………………………………
أسيرة .. رفض كلمة اسيره
أميره .. ابعرش راحت أميره
……………………………………………………………
جبل عالناگه صاعد . ابعرش بلقيس گاعد
واذا باوع على الگاع . يشوف الالف واحد
ابطريج السبي كله . شمر من عدها لابد
ابد ما مات عباس . تراها ام عون قائد
عشيره . غدت بيرغ عشيره
أميره . بعرش راحت أميره
……………………………………………………………
اسم طه اعل چفها . حبل شنهو و چتفها
النار و بردن اتصير . اذا وصلت طرفها
تطيح النجمه جائز . وشمخ زينب انفها
تميل الكاع بالناس . اذا مايل چتفها
كسيره .. ايخسه الگايل كسيره
أميره .. ابعرش راحت أميره
……………………………………………………………
لمن بالكوفه خطبت . رياح الخوف هبّت
اصفر اصبح اللون . شوارب زلم گلبت
قيامه اليوم چنهم . عليهم نار شبّت
حچيها اتكول فقار . لبن مرجانه رعبت
زغيره .. زلم صارت زغيره
أميره .. بعرش راحت اميره
……………………………………………………………
خذت دور الزعامه . حجاب و كالعِمامه
غدت وي زين العباد . درع يحمي الامامه
تضم الباقر الها . مثل جنح الحمامه
درب چن لبوه تمشيه . وشمر مثل النعامه
وزيره . لبو الباقر وزيره
أميره . ابعرش راحت أميره
……………………………………………………………
نزل من الله اسمها . وعلم كامل علمها
الله وگص عباتين . الها او وحده لمها
عاشت ورده بيضه . ابشغف حيدر يشمها
اذا ضيّعت الحسين . فقط تلگاه يمها
قريره .. بها عيونه قريره
اميره .. ابعرش عاشت اميره
……………………………………………………………
الملك تيّه لسانه . قزم ضاع ابمچانه
يزيد انغسل وجهين . سمع اكبر اهانه
تگله اعليك غصبن . يظل يرف لوانه
ابن هند ام الاكباد . و بنت الزهره انه
كبيره .. أنه الشيخه الكبيره
اميره .. ابعرش راحت اميره
……………………………………………………………
غدت جنه الخرابه . وابد مو عالترابه
الله امن السمه ابساط . فرش الها السحابه
تنور وماكو ظلمه . الكمر فك الها بابه
يخسه يزيد ويعيش . خدر الله وحجابه
قديره .. تهد قصره قديره
اميره .. ابعرش راحت اميره
……………………………………………………………
✍️ ( سيد خضر الزاملي )
استشهاد الامام السجاد ع
ما متت لسه عجيب والنفس ما منگطع
يا زمن رد للطفوف عيني خل تشبع دمع
****
ما اگولن مات حزني حزني حاشه ما برد
چم مصيبه عيوني شافت ليش ما ميت بعد
فوگ صدر حسين ابويه شمر شفته من گعد
إنذبح والخيل يركض بلايه رحمه اعليه صعد
شلون يدخل ريتي ريح وحافر امهشِم ضلع
يا زمن رد للطفوف عيني خل تشبع دمع
****
بكربله كل لحظه چانت ينولد بيها جرح
مُحتمل لسه اني عايش لان تلوهني الذبح
بحز وريد حسين عيني غمْضت وما تنفتح
تالي من فكّت رمشها راسه شفته اعله الرمح
الصار ساعتها عظيم شلون راسه يرتفع
يا زمن رد للطفوف عيني خل تشبع دمع
****
تارس الدخان صدري لسه اشعر بالألم
ابعلْتي والخيمه اللي شبّت إنشغل فكري نعم
الكربله رد يا زماني انظر الباقي الخيم
شلون ركضت عمتي زينب او وين هامت بالحرم
ياهي داست عالجمر ارد اشوفنه الوضع
يا زمن رد للطفوف عيني خل تشبع دمع
****
ماتت اختي بالخرابه اگبالي صارت يا زمن
لكن بليلة الوحشه إلتراچي اتشلعن
ركضت اليا صوب مدري والسياط اتحزمن
شويه من عبدالله اطول والمتون اتورمن
ارقيه ادري اشگد بچت السوط لا ما ينجرع
يا زمن رد للطفوف عيني خل تشبع دمع
****
حرورة دموعي چوتني لچن ما يشفه الگلب
ارد اشوف شلون زينب عالهزيله تنضرب
إلتهيت بحبل اديه وبس دمه چفوفي تصب
حال عمتي ما نظرته وآنه اعرفنه صعب
چان يحديها الشمر عمّتي اشگد تنفجع
يا زمن رد للطفوف عيني خل تشبع دمع
****
يا زماني طلب عندي للشريعه خل نمر
مثل ابوي حسين اريدن ظهري عالشط ينكسر
ابو فاضل هذا عمي چفوفه وسفه تنبتر
فوگ صدره جوده نايم بالسهم مرمي ويخر
عينه مصيوبه ابسهم وانفجر بيها نبع
يا زمن رد للطفوف عيني خل تشبع دمع
****
باقي موقف ارد اشوفه وعمري تخلص لهفته
من مشت لحسين ابويه شلون عمتي عرفته
راس ما عنده عجيبه وين زينب باسته
صدره مهشوم بحوافر شلون بالله شمته
الليل تارس ناظري بس ونين الينسمع
يا زمن رد للطفوف عيني خل تشبع دمع
****
الشاعر اياد الديراوي
يا خيل كافي من الاخو عوفنه
ما ظل عظم بي سالم تسحگنه
عوفنه عوفنه
::::::
ما عافته خيول العده ظلت تروح وترجع
بالخيمه اختك جالسه كسرة عظم گمت اسمع
عوفن حسين شگد صحت بس صيحتي ما تنفع
حسين روحه من السحگ من جسمه ظلت تطلع
شلون نسحگ بالخیل باب الجنه
::::::
مو بس تره جسمه انسحن داسن عليه بعيونه
اثكال حذوات الفرس كسرن حتى سنونه
ما يگدر يشيل الچتف منسحن عظم متونه
حسين مطشر وذر وين اهله ويلمونه
الزهره خلها تزيد حيل الونه
::::::
ما اعرف شگد الزلم كلهم عليه من هدت
حسين من كثر الضرب عافيته كلها تبدت
شلون اعله سبط المصطفى هالزلم كلها تعدت
والشمس وياهم صفت عن جسمه لا ما ردت
ما شرب ماي حسين بي يتهنه
::::::
شفت الشمر يم الاخو من الخيمه عيني تلمحه
فوك الصدر جالس شفت وبسيفه ظل يذبحه
الليل لا يطلع بعد ما دام ذبحو صبحه
بيده ورفع راس الاخو وانوب شاله برمحه
الشمر يم حسين ظل يدنه
::::::
سبعين الف كلها اركضت مطروح ظل فوگ الگاع
حسين من كثر الدبچ ما ظلت بجسمه اضلاع
جيت اركض انه ودورت ما ادري من جسمه شضاع
من كل كتر ظل يلجم الجسم متروس اوجاع
شفت السيوف اعليه صارت حنه
::::::
تسعه الاصابع شاهدت بس خنصره ما شفته
ضليت ادور بالارض ما شفته من دورته
جبت الحصيره وگمت الم وذره بوذر جمعته
ضيعني بسنين الغرب بهالحاله هم ضيعته
لو بيدي ما ابتعد ابدن منه
::::::
علي جبار الكعبي
الفاتحه لوالدي
موشح الى الامام السجاد عليه السلام وعظيم صبره
شكبره صبـرك سيدي بطــف كربله
ليا مصيــبه ادمــوع عيــنك هامــله
****
شكبره صبرك سيدي لعظم المصاب
چــم محمد شفتــه نـايــم عالتـراب
گلبـــك يــــا ليـا نايبه بالــوّنــه ذاب
للسبــي لـــو للذبــح يـــا معــضــلـه
****
للـذبــح مالـــوم اه مــن الـــذبـــح
لجـــرح دلالك دوه مـا اظن يصح
مو جـــرح واحد اظن 100 جرح
مثــل عينـــك كـل جروحك سايله
****
مثل عينك مــا نشف منهـا الدمـع
يالورثت البـــاب والهــم والضلـع
ليا مصيــبه اليــوم گلبك ينفجـع
للعليه خيــل النــواصـب جــايلـه
****
جــالت ابصدر السبـط خيـل العده
شلون بعــد السحگ گلبـك شاهده
جثته بخيــول العـــده متفــرهــده
برمح راس حسين خصمك شـايله
**
ليا مصيبــه جفنــك يهــل مدمعـه
للگمــر مـــن شفتــه يـم المشرعـه
بكتره جـــوده والــــزنود مگطـعه
البقت تنتظـــره جميـــع العـــايله
****
آه يــا صبرك صعــب مــا نوصفــه
مــن شلت بيــدك شبيه المصطفه
دمـــع عينك لـــو دمه ظل تــذرفه
يـــا اخـــو مثلك اخيـــه شــــايله
****
ليا مصيبه ادمـوعك يصبّن دمّـه
للرضــع الذابَحـــه سهــم الضِمـه
صـــارت اگبالك مصــيبة فاطمه
طفــل بالباب وطفـل من حرمله
****
يا مصيبة سبي عمتــك عالهـزل
حــرم صعبــه من يشدوها بحبل
نظـــرت الشمّــات اشد من النبل
وتالي لأرض الشام زينب راحله
****
عفيه گلبك مــا نفـــذ منه الصبر
وگفت السوگ الاشد لـو بالقصر
كلــها شمات وتصــد ذاك الخدر
وسفــه عدوان بضحك تستقبله
*
الشاعر
موسى البديري
مقطع صوتي من mlahythmallamy
Читать полностью…
مسير السبايا الى الشام 2023
يبن امي حسين _ تعلم وين _ ودّونه
طبينه الشام_ والظلّام _ اذّونه
عن حال العلويات
يشهد باب الساعات _ اذّونه
......
يكتل دربنه.
وكلش تعبنه
لكن اشد من هالتعب وگفتنه عالباب
مچتوفه ادينه.
وتنظر علينه
عيون الشماته والعبي متغطيه بتراب
بشمس الظهيره
وحيرتنه حيره
ابوّابة الشام شكثر حجزونه الاجناب
برمح النواصب
راسك يراقب
حال اليتامه والحرم سابيها سلّاب
مشدوهه البال _ عالاطفـال _ مرعوبه
ماخذها الخوف _ وانت تشوف _ مسلوبه
تشكيلك چم مأساة
يشهد باب الساعات _ اذّونه
......
يبچن بناتك
خويه وخواتك
خلّونه نوگف بالشمس محّد رحمنه
لمجلس عدونه
ما دخّلونه
حدما كمل عيد الفرح خويه نهضمنه
المن نعاتب
شفنه المصايب
يتعايدون اسمعهم بمقتل زلمنه
براسك يغالي
سهروا ليالي
دفوف وطبُل وتشمّتوا ياوسفه يمنه
بأمر امن يزيد _ نبقه يريد _ يم بابه
ساعات هواي _ يرضي بهاي _ احبابه
نتحسّر مچتوفات
يشهد باب الساعات _ اذّونه
......
بعينك شفتنه
چم مرّه متنه
اباب الشماته امن النظر والله انخزينه
نجري المدامع
مامن مدافع
بس العليل امن المرض نسمع انينه
وين الهواشم
تحمي الفواطم
مسبيه ليش بلا ولي محّد يجينه
وين الكفلنه
ينظر وضعنه
براس الرمح راسه ارتفع مطفيه عينه
يرضه بهالحال _ بين ارجال _ خلّونه
يقبل عباس _ كل الناس _ شافونه
اتألّمن امن النظرات
يشهد باب الساعات _ اذّونه
......
وبروس اهلنه
لمّن دخلنه
متجمهره الناس بفرح تنظر علينه
بين اليسبنه
وبين اليذمنه
ولاچن بنات المصطفه والله انسبينه
راسك يشوفوه
بحجاره يرموه
من شفنه دم راسك جره لجلك بچينه
ياخويه صحنه
ريت انذبحنه
مثلك ولاشفنه السبي بهاي المدينه
مذبوحه وياك _ ريت هناك _ ياعمري
ولاشوف اعداي _ صعبه هواي _ لو تدري
راووني شگد لوعات
يشهد باب الساعات _ اذّونه
......
وعظم رزيه
ادخل سبيه
لمجلس يزيد بيا وكت يسأل عليه
من مستحاتي
متّ بعباتي
وجهي سترته امن الخجل بچفوف اديه
اتمنّه موتي
ولا يعله صوتي
ويسمعني وسفه الماسمع بحلامه بيه
لمّن تعدّه
مجبوره اردّه
ما اقبل الذل بت علي حامي الحميه
اخضع هيهات _ للشمات _ والظالم
ثوره واصرار _ يبقه الثار _ للقائم
صوتك يصدح مامات
يشهد باب الساعات _ اذّونه
.....
دهري الهضمني
منهم حرمني
لو چانوا ويايه اخوتي ما طب سبيه
لكن زماني
منهم خذاني
للشام اجيت بلا اهل بيد آل اميه
ياخويه صعبه
راسك يضربه
بالخيزرانه عله الثغر يبن الزجيه
بجرحه ومصابه
تالي بخرابه
ماتت على راسك قهر بنتك رقيه
مجروحه عليك _ حلمت بيك _ مشتاگه
ماتت عالراس _ والانفاس _ حرّاگه
وشگد حملت شوغات
يشهد باب الساعات _ اذّونه
سيد زيد الفحام
_'__
الحمدلله الذي عرفني نفسه ولم يتركني اعمى القلب
الحمدلله الذي جعلني من أمة مُحمد صلى الله عليه وآله
الحمدلله الذي جعل رزقي في يديه ولم يجعل رزقي في أيدي الناس
الحمدلله الذي ستر ذنوبي ولم يفضحني بين الخلائق
يالتناشدني اعله حالي ,,,. كربله باكت دلالي
ذبحَّت كل الاحبهم .,,, ولليسر ودتني تالي
هذا حالي .. هذا حالي
....1....
من خلص عاشر محرم .... ابتدت قصت عذابي
خيمه ما ظلت الية ... لا اخو ايشارك مصابي
حرمه مابين الاعادي.. ومحد ايردلي جوابي
وين اروح وكلهه ضدي... وما بقى اليسمع عتابي
كافلي يم الشريعه
طايح اجفوفه كطيعه
والسهم عاميله عينه
وجثته مسلوبه وصريعه
هذا حالي .. هذا حالي
....2....
المصايب عندي كثره ... بس اشد هاي المصايب
ابلا غسل خليت اخوتي.... ابلا دفن فوك الترايب
كربله باكت ضحكتي .... وعندي ما خلت حبايب
ويه دهري اعليه جارت ... زادت اعليه النوايب
كربله ذبحت سنيني
ومني اخذت شوف عيني
شنسه منهه ومنهه شذكر
منهه ما ابطل ونيني
هذا حالي .. هذا حالي
....3....
من بعد ذبحت زلمنه .... جارت اعدانة علينه
حركت اعلينه المخيم .... اوجلبت النار ابعبينه
وللصحاري صرنه نركض ... ركضت المحد يجينه
سلبونه وشتمونه .... وبالحبال امكيدينه
والتراجي سلبوهه
من رقيه وشتموهه
امحركه ويلي اديهه
وبالحبال ايجرجروهه
هذا حالي .. هذا حالي
...4...
جابو النوك الهزيله ... المن صعدناهه احنه طحنه
خالية من الهوادج ... يابو فاضل كلنه صحنه
متنه من كد مستحانه ... وي غرب للشام رحنه
والشمر يفتر ورانه ... هاي جانت أشد محنه
من بعد موتت اخوتي
شوفي راح وراح صوتي
الشمر يجسر علية
زادت اعليه بلوتي
هذا حالي .. هذا حالي
.....5...
وسفه صار الحادي النه .... حرمله بعد الهواشم
وين جانت هاي الية .... اوين جانت للفواطم
روس اخوتي اعله المحامل .. والرمح منحرهه لازم
والشمس غيرت رسمهم ... ويلي عالاكبر وجاسم
اوجوهم ذيج المُنيره
احتركت ابشمس الظهيره
الله لا ينطي الذبحهم
والذبح شيخ العشيره
هذا حالي .. هذا حالي
...6...
ومن وصلنه الشام ويلي ... بالطبول استقبلونه
جنه عدهم عيد صاير ... بالهلاهل كابلونه
وراس الاحسين اعله رمحه... بالحجار ايكاطفونه
وما كفاهم هذا كله .... السوك اميه طببونه
والشماته اعلينه تفتر
من ضحهكم صرنه نعثر
يوم ما يحصل مثيله
مر على ابنيات حيدر
هذا حالي .. هذا حالي
.......
✍️ كلمات : موسى الخادم
محرم 🔻شمس السبي 💔
ـــــــــــــــــ ❁ ❁ ❁ ــــــــــــــــــ
ياشمس شمسويه بيه
انــه وسكينـه ورقيـه
انـچـويـنه ..
ـــــــــــــــــ ❁ ❁ ❁ ــــــــــــــــــ
ياشمـس بــس العبـايـه السـاتـرتني
ومن ادوس الگاع جمره چن چوتني
اتگلي غطينـي يعمـه سكنـه اجتني
والسـوالـف عـــن رقـيه العـذبـتـني
امشي مچتوفه وسبيه
انـه وسـكيـنه. ورقـيـه
انـچـويـنه
ـــــــــــــــــ ❁ ❁ ❁ ــــــــــــــــــ
ياشمس دم اعلـه متني عفته يابس
ومن تدوس الگاع رجلي بيها ماحس
شويه خفي حسين مسلوب الملابس
ميـت ويمشـي برمـح لعيـاله حـارس
وعينه بس تنظر اليه
انـه وسكينـه ورقيـه
انـچـويـنه
ـــــــــــــــــ ❁ ❁ ❁ ــــــــــــــــــ
يلفـح بوجهي الهـوه تحـركني هبته
وبالعبايـه عـن وجـه سكنـه حجبتـه
وبنتـك ارقيـه التظمهـا بگلبك انتـه
اتگلي ياعمه انچويت وتبچي سكته
والشمس حرگت اديه
انـه وسكيـنه ورقيـه
انـچـويـنه
ـــــــــــــــــ ❁ ❁ ❁ ــــــــــــــــــ
وچن شفت غيمه اجتني من سمايه
وركـزت لمـن شـفـتهـا ولنـهـا رايـه
گالـت العباس دزنـي وجـت ورايـه
روحي گلتلهـا الگمر وصليله هايـه
وسولفيله الصار بيه
انـه وسكينه ورقيه
انـچـويـنه
ـــــــــــــــــ ❁ ❁ ❁ ــــــــــــــــــ
شحال راسك عالرمح رحله وبعيده
بالنحر من الشمس تجوي الحديده
ودمه ليصب انگطـع نـاشف وريده
مـن يهزك خويه چـن هـزت رعيده
تمطر بغيضك عليه
انه وسكينه ورقيه
انـچـويـنه
ـــــــــــــــــ ❁ ❁ ❁ ــــــــــــــــــ
هـذا حالـي يـاشمس بعـد الهـواشم
تمشي بالهيمه صـفت كــل الفواطم
والأجـن ويـاه يمـشـن هـسـه نـايـم
ولاكتر مـن جسمه والله باقي سالم
جثه متگطعه ورميه
انـه وسكينه ورقيـه
انـچـويـنه
ـــــــــــــــــ ❁ ❁ ❁ ــــــــــــــــــ
ياشمس لـو منـچ انـه اطفـه والله
ماخجلتي مـن ابونه مـن امنه بـله
جـاوبينـي بكـل صـراحه يـله يـله
لا هو تقصير ونسيتي ولاهي غفله
حسين مرمي عالوطيه
انـه وسكيـنـه ورقيـه
انـچـويـنه
ـــــــــــــــــ ❁ ❁ ❁ ــــــــــــــــــ
يا شمس نفرض فرض مره اشتكالچ
تخيـلي حـرچ يحـرگ بوجنـة عيالچ
ويشتكي مـن الحراره ويبچي جالچ
بس اريده حچايه تشرح شنهو حالچ
والله چا گلتي خطيه
انـه وسكيـنه ورقيـه
انـچـويـنه
ـــــــــــــــــ ❁ ❁ ❁ ــــــــــــــــــ
🖊️عباس فاضل الشمر
مقطع صوتي من mlahythmallamy
Читать полностью…
عيني على راس الرمح
والوالدي يطول الشرح
ياريتني اوياك انذبح
يابويه يحسين يابويه يحسين
...........................................
رحت عنك وانته بس جثه وسليبه
والحبيب ابعلته ايودع حبيبه
الابو لو مات يابويه اشيجيبه
ابد مامرت مثل هاي المصيبه
عفتح ذبيح اعله الثره
والگلب شنهي ايصبره
ابحالي ما تدري شجره
يابويه يحسين يابويه يحسين
...........................................
الابو لو راح شنهي ايسد مچانه
وماكو بالدنيه تره ايعوض حنانه
ماگلت عنه مشه حسين ونسانه
راسه فوگ الرمح يمشي ورافگانه
قرآنه دوم ايرتله
يقره الكهف والبسمله
يندار لو گلناهه اله
يابويه يحسين يابويه يحسين
...........................................
ها يراس الرمح شايل راس ابونه
وانته شاهد عالخلگ من سلبونه
گتله وحسيني الي انفتحن عيونه
والنه يندار الخصم من شتمونه
نضراته چنه يگول الي
انته يبو الباقر ولي
گتله بعد عينك شلي
يابويه يحسين يابويه يحسين
...........................................
اي وحگ عينك وحك داعت غلاتك
مايصح بالدنيا من يشبه صفاتك
حسين ضهري ينحني امن امدللاتك
بالهضم عماتي واينوحن بناتك
عين الفواطم تنتضر
يحچن ويالراس شكثر
وينك يمن چنت الذخر
يابويه يحسين يابويه يحسين
...........................................
طبت الديوان زينب من شفتهه
موتتي ابذاك الوكت بويه ردتهه
الطولهه ينشاف ابد ما عودتهه
بيهه تتشمت اعداك اوزامطتهه
اتزامطن بيمن بعد
عباس مايرجع ابد
وحسينجن عاري الجسد
يابويه يحسين يابويه يحسين
...........................................
خلص طفهه والسبي ومهدود حيلي
ابكل وكت وادموعي تتبده ابشليلي
اذكر اصياح الحرم يحسين ويلي
وعمتي بالنار واتصيح عليلي
ابدخان الاخيام اختنگ
ولو اظل بالخيمه احترگ
وزينب تصيح او تنلحگ
يابويه يحسين يابويه يحسين
...........................................
ابين موتي والسبي والغاضريه
موتي فرگه بس احسن راحه اليه
بويه لو شايف ركض سكنه ورقيه
ايتام وايدورن ولي ذيج المسيه
للموت ابد وماينسه
ركض الحرم ذاك المسه
وذيج الشفاه اليابسه
يابويه يحسين يابويه يحسين
...........................................
خادم اهل البيت علي الزرگاني
عتاب للخيل الاعوجيه.
.................................
طايح عالتراب حسين والينــه.
هــــا ياخيل بالج لا تسحكَينه.
..........................................
ها. ياخيل هونج عالولي ياخيل
مطبور اثنعش طبره التهد الحيل.
رمل الحومه .حار. ودمه حار يسيل.
شمخلي العطش بيه وتدوسينه.
..............................................
لوعندج كَلب جا ماسحكتي اعليه.
جا مو دامي صدره .بحافر تكسـريه
توه الشمر حز نحره الذبـح ماذيه
هذا حسين جنُّج مـــــا تعرفينه.
...............................................
لو منج. فلا امشي اعله وجه الكَاع.
ما. .أطب أرض بيها للحسين اتبـاع
انتي بسحك صدره والله صيتج ضاع
صرتي اويـالشمر. لــوعتي ابو سكينه.
............................................
ما..تدرين ياخيل العده اشناوين.
اجيتي ابكل شراسه ودستي صدر الدين.
لسّه ..بحافرج دم. وضلع .للحسين.
هــــــا ياخيل بسُّج ما...ترحمينه..
.....................................
غيـر انتي التجاسرتي اعله كل الكون.
ليش حسين .صدره من السحك مطحون.
يل ما. بيج .غيـــره وفزعـــه . للميمون.
من . دم .صاحبه .أمخضب تشوفينه.
......................................
حضريلج عذر باجـــر.يخيل .اويــاج
منهو .اللبسج حذوه .منو . الجاباج.
منهو .اعله الجسد يالقاسيه . دلاج.
ماظل بي عظم صاحي وتكسرينه.
......................................
✍ ابو منتظر الحجامي.2025
الوداع ..
ذبيح انت وغريبات مشن عنك سبيات.
يلوذن عن العيون
بناتك واختك ام عون .
مشن عنك سبيات.
.......................................
بيهن من حده الحادي على المصرع.
شافنك جسد فوك الثرى امكَطع.
صاحت زينب ويتعذر المدمع
طلعوني غصب لوبيدي ما اطلع.
تسولف آية احساس ... قهر وتخاطب الراس.
شماته وما يرحمون .
بناتك واختك ام عون.
مشن عنك سبيات .
...........................................
راحن باليسر والبل ضعن غربه
والحادي نذل ما ينكسر كَلبه.
عل حرمه المشي بين الغرب صعبه.
وعيون الشماته ابلا خجل تربه.
تعاين شد الحّبال.. عليهن جم نذل كَال
كلام اليجرح الكون .
بناتك واختك ام عون.
مشن عنك سبيات .
...............................................
بين الناس وحده الوحده صفوهن
وبنفس الحبل .ياوسفه شدوهن.
يلزمون الحبل عمده ويجروهن.
اكبال الراس رادوا بس يطيحوهن.
حرم والديره شمات .. واسمهن خارجيات.
بحجر وسفه يضربون .
بناتك واختك ام عون
مشن عنك سبيات .
............................................
من تمشي الضعينه وتعثر الهزله .
طفل يوكَع ثمن هالعثره لو طفله.
يحاجون الشمر والكلمه مو سهله.
يسحكه الحافر ولاتوكف ايكَله.
طفل لو عالارض طاح...يضج بالقافله اصياح.
يسحكَونه .ويشتمون .
بناتك واختك ام عون.
مشن عنك سبيات .
............................................
للكوفه وصل ضعن السبي بحسره.
بالدف والطبول اتلكَّوا الحره.
يسموهم خوارج عيلة الزهره.
رمح عين الشماته وتجرح النظره.
يضّمن دمعة النوح .. جبيره هظمت الروح.
بنظر جارح يجرحون .
بناتك واختك ام عون .
مشن عنك سبيات ..
.................................
✍ ابو منتظر الحجامي ..
في حق الإمام السجاد( ؏) أيام السبي
عله الغيــرِه السَلام
امگيّد بيــــد اللئام
وينـــــــه الي رافگني ويگلّي بسلامه
هاظمنِي امشي اويا العده وبلا كرامه
يرمي ابڪلامه سهَام
ذاك الذبَـــــــــح إِِمام
ــــــــــــــــــــــــــــــــــــــــــــــــــــــــــــــــــ
شايـِــل خلگ گد الأرض بس يا هظيمه
علويه وترافگ كفُــــــر امصيبه عظيمه
لكنــــــــــــها هيبتنه كفو تمشي حليمه
اتردد باسم عبـــــــاس ثورَه مو سليمه
الگـــالت اذلّ اشام
گول وفعِل تــــمام
مشتريــه عزّه الها تصَافحها الشهامه
محروسه بت حيدر نيَاشين الفخَامه
عله الغيــرِه السَلام
ــــــــــــــــــــــــــــــــــــــــــــــــــــــــــــــــــــ
تمشي الأميره بالضعن اتصفي الحساب
حسين هو حسينها وتــــــرجع للمصاب
اتگلي عمــــــــــه اليسر مايرحَم أحباب
وجهي اديره امدنگه ماتشوفـه الجناب
الشرف أكبـر وسَام
ماريــــدن أي مقَام
نتــــــوڪل اعله الما إله ابداً ختــامه
ونشهگ عشگ حيدر علي ابو الإمامه
عله الغيــرِه السَلام
ـــــــــــــــــــــــــــــــــــــــــــــــــــــــــــــــــــــــ
مرَاكض بنات حسين وسط الحومه هزني
وهاج الحـــــزن بيمن تلوذ وظهري مَحني
دامي السمِه إِبراس ابوي اگبـــــالي هَدني
وجْزع مصيبه امچتف اعله النـاگه سبني
الدنــــيه چن ضَلام
جرح وحـــــزن ألام
ابچف الزغار من الحبل صارت عَلامه
بُعــــــد المسَافه جـرح اخدود اليتامه
عله الغيــرِه السَلام
ــــــــــــــــــــــــــــــــــــــــــــــــــــــــــــــــــــــ
ابذمة كفر نمشي انـــه وعمتي سبايه
انلم بالحزن نشگف سياط من البدايه
انچن باليتامه ومستعز بيـــها الرعايه
ابوكت الضلام بلا ضوه نفرش عبايه
ابدمي ســـــرَه الإلهام
أحرص ابروحي ايتام
ابطيفي اذا مرني العزيز ابلايه هَامه
يجيني ويشوف الخِـــدر كلهن نيامه
عله الغيــرِه السَلام
ـــــــــــــــــــــــــــــــــــــــــــــــــــــــــــــــــــــ
ابوجه الليالي نـــوگف انسولف حزنه
ننعى سويّـه امصاب ابواليمه سندنه
ذبلن اعيوني ما اشوف الطف عمتنه
والناگه هزّله اعثـــر وطيحن عذبتنه
نبات ابلا خيـــــــــام
ينــــــظر علينه العام
ياريـــــت عم الساده ذاك ابو الجهامه
ايحَشم الهاشم تجـــــي تحظر عمامه
عله الغيــرِه السَلام
ـــــــــــــــــــــــــــــــــــــــــــــــــــــــــــــــــــــــــــ
الشاعر: حيدر مكي النصاري
¹⁷محرم ¹⁴⁴⁷
ربِ ارجعوني لعّلي اخدم حسين
_
بعالم الموت _ لو سئالني
الباريّ وينشدني شنهي امنيتك
كون ترجع _ وشّتسوي
صفي رايك لو يگلي ونيتك
عمر ثاني _ لو وهبتك
سنين ويام وشهور انطيتك
الساني يصيح بصوت ورفع اديه
بس خدمة المظلوم ابن الزچيه
بعالم الخدمه يربي ارزقني عمرين
_
مالي رغبه _ ولااريدن
بس مجالس ساعه اگعد بيها
ياحسافه _ يا خساره
عيوني ما شبعت بواچي شبيها
وين ماكو _ مجلس امشي
وخادم ازغير يكون احچيها
اليمشي بطريق حسين عالي مكانه
مثل الملك ويعيش عمره وزمانه
بالمجالس روحي لنهه بعازة ونين
حسين دربه _ شفته جنه
بالبصيره ونكشف عني البصر
ودعي ربي _ لوتردني
للحياة اهديني اخدم كل شهر
كل حياتي _ لبو اليمه
واليخدمه هناك يقطف بالثمر
يختلف عن الناس كلمن يخدمه
يوگفله ابو السجاد ويعّلي اسمه
ريت المصابه يلاهي تعمه عينين
_
بيته عالي _ الچان يبچي
والطم صدره على حسين الغريب
واليواسي _ للزچيه
عل بقه عريان عالغبره وسليب
عالي قدره _ وشانه عالي
عالم الخدمه يهل وادم عجيب
اليخدم ابو السجاد وابن المجالس
الله يحسبه هناك من العوابس
تربح الناس التخدمه تالي دارين
_
ماتركني _ اعليه يسئال
هناك يفزعلي ويجي وكت الشدد
الحضر مجلس _ واليخدمه
شفت ابو الاكبر اله صاير سند
مايعوفه _ الكله غيره
مايعوف احبابه منطيهم وعد
بس غمضت عيناي يحضر رجيته
الماعفته انه بدنياي يمي لگيته
الماخذ سنيني يجيني يكحل العين
____
والزچيه _ ام الحسين
بالحشر تحظر تطلع احبابهه
وعد منهه _وما تخلفه
وهاي جيتهه نعرف اسبابهه
كالحمامه _ اتريد تاخذ
كلمن الواساها يوم مصابهه
تتفگد ام حسين يوم القيامه
ربع المجالس وين وهل الخدامه
آم أبيها تحضر الحضروا معزين
____
حيدر بشار الدراجي
يابو الباقر يابو الباقر
عينك لينـــــه يابو الباقر
***
بجـــاه آلام البمـــــتونك
وبالدمع المابين اجفونك
اسمع دعوات اليدعونك
بالمجلس نلطــــم نادينه
***
يالماميت حـــي وخالـــد
نعلم حاضــر انته وشاهد
كل خادم تســمع وشرايد
بالنيه اشـــــنطلب تدرينه
***
اقبل دعوتنـــــه بأيامـــــك
سجلنه بدفــــــتر خدامـــك
نحي امصابك نحي آلامك
واجفو الســــــــائل مدينه
***
بجاه اعزازك يابـــو الباقر
انمشي اعليك الداسه الحافر
والظلت مكســــورة خاطر
بخيمتكـــــــــم نخدم خلينه
***
انحلفك بالراحـــت مسبيه
ام عون الحـره العلـــويه
اختم هالعمــــــــر وتاليه
بلخدمه اريدك تهــــدينه
***
ياهنياله ومكــــبر حــــظه
اليلزم هاي النعمه ويحضه
وانته تبارك بيـــه وترضه
نترجـاك انته ادليــــــــــنه
***
ابو علي الركابي