raqagetr99 | Unsorted

Telegram-канал raqagetr99 - 🌷رَقائِق عَطِرة🌷

3783

️ "خَيرُ القلوبِ أحنُّها"..♥️🍃 وَ ربُّكَ الأَقرَبُ و الأَحَنّ ..♥️🍃 للتواصل @Areeeeeegbot

Subscribe to a channel

🌷رَقائِق عَطِرة🌷

🦋🤎🤎🤎🤎🤎🤎

*تابِعي الحِسابات الدينيه الّتي تُذكِركَ بالله وبالقُرآن بِكُل مواقِع التواصُل ؛ فالغفلة مُوجِعة والمُلهِيات أصبحَت كثيره قادِرةً علىٰ أن تُنسيكَ ذِكر الله والإبتعِاد عنه ، وتذكّر دائِمًا إن المُسلِم يُلين قلْبة بالذِكر وتعوْذ من أن يقسو قلْبك فيموت لديكَ إحساس الحياة بطاعةِ الله .*

Читать полностью…

🌷رَقائِق عَطِرة🌷

٢٩ | رمضان 🌙

جبر الله قلوبكم فرداً فرداً، وحقق لكم كل دعوةٍ خرجت من اعماق قلوبكم وكل دعوه لم تستطيعوا ‏ترتيبها لكن الله يعلمها ، ثبت الله قلوبكم على دينه، وحبه، وحُسن عبادته ، ورزقكم من سعته أضعاف ما تتمنون 🤲.

Читать полностью…

🌷رَقائِق عَطِرة🌷

#رسالة_اليوم 💌❤💌

لا تجعل عواطفك تتكلم عنك ، تكلم بعقلك ثم زنه بقلبك فليس كل الناس لها قلب كـ قلبك وليس كل الناس لها عقل كـ عقلك💕

Читать полностью…

🌷رَقائِق عَطِرة🌷

🤲🔖الدعاء للميت من الأعمال التي لاتنقطع على الميت بعد موته وشهر رمضان شهر عباده والدعاء مستجاب إليكم اول قناة مختصة للأدعية للميت👇👇
https://whatsapp.com/channel/0029VaIEsbALI8YV6fNhBH3D/204

🍤🍕وصفات رمضـ🌙ـــانية😍
🥣وخلطات طبيعية للتخسيس وانقاص الوزن في رمضان🌱👇
/channel/addlist/Lk-Rcvx3UhZiOWU0

📝لعشاق الروايات والرسائل📩 والخلفيات وحالات الواتس آب المتجددة😍👇
/channel/addlist/Lk-Rcvx3UhZiOWU0


⚡️الإشتراك في الدعم
@thamar911

اللهم إِنا نستودعك غزة وأهلها، سماءها وأرضها ، رجالها ونسائها، أطفالها وشبابها، وكل شبر في فلسطين اللهم انصرهم وثبت أقدامهم  وسدد رميهم وامددهم بجنود من عندك يا الله 🤲🇵🇸

Читать полностью…

🌷رَقائِق عَطِرة🌷

هو مصعب بن عمير ، كان شابًّا جميلاً عطراً، حسن الكسوة، وكان أبواه ينعمانه.

أسلم ورسول الله – صلى الله عليه وسلم- في دار الأرقم، وكتم إسلامه، خوفاً من أمّه، وكان يختلف إلى رسول الله – صلى الله عليه وسلم- سرًّا، فبصر به عثمان بن طلحة العبدري، فأعلم أهله، فأخذوه وحبسوه، فلم يزل محبوساً إلى أن هاجر إلى الحبشة، رجع مع من هاجر إلى مكة ثانية، والتقى رسول الله -صلى الله عليه وسلم-.
كان مصعب بن عمير أوّل من هاجر إلى المدينة، وأول سفير في الإسلام. اشتهر قبل الإسلام بجماله وارتدائه أفضل الملابس وأغلاها وتعطُّره بأجمل العطور، فعُرِف بـ”أعطر أهل مكة”، وكان من زينة شباب قريش، صارت قصته في الإسلام درسا من دروس السماء لبني البشر، ليتعلموا حياة الرجال مع مبادئهم، واستعلائهم على الدنيا بما فيها من متاع مبهر.

الصحابي الجليل مصعب بن عمير، ذكرته كثير من السِّيَر أنه كان أول سفير ومبعوث خاص لقائد الأمة ونبيها محمد -صلى الله عليه وسلم-، وكان قبل إسلامه يتنعم بثروة ومال وفير، ويلبس الحرير، ويضع أطيب العطور، وكان المدلل عند والدَيْه، وسيم الخِلقة، كريم الأخلاق، لكنه ترك كل نعيم، وجاء بقلب مفتوح ونفس صادقة، ليدخل الإسلام، ويكون من أوائل المسلمين، ومن المحفظين لكتاب الله، وناشري الرسالة العظيمة
أسلم على يده أسيد بن حضير، وسعد بن معاذ، وبعث إليه عمرو بن الجموح بعد أن قدم المدينة ليسأله عن أمر الدين الجديد، فأجابه مصعب، وأسمعه صدر سورة يوسف، فأسلم على يده. خرج من المدينة مع السبعين الذين وافوا رسول الله -صلى الله عليه وسلم- في العقبة الثانية، وأقام مع رسول الله -صلى الله عليه وسلم- بمكة بقية ذي الحجّة ومحرّم وصفر. شهد بدراً وأحداً مع رسول اللّه -صلى الله عليه وسلم-، وكان لواء الرسول -صلى الله عليه وسلم- معه.

Читать полностью…

🌷رَقائِق عَطِرة🌷

💎

اشحن رصيد حسنات كتييير..
رمضان فرصة تتزود من الحسنات
انت عندك سفر طويل
بعث وحشر وأرض محشر وتطاير الصحف
وميزان وعرض على الله وصراط وقنطرة
محتاجين زاد رهيب....

Читать полностью…

🌷رَقائِق عَطِرة🌷

بدأت الليلة العاشرة!
مضى ثُلثه!
ما أعجله!
هل شعرت بمرور الليالي التسع السابقة؟
ما زال هناك مُتسع لتتدارك ما فاتك وتُري الله منك خيرًا، فقط ابدأ

شمِّروا فإن ضيفكم عجول..

Читать полностью…

🌷رَقائِق عَطِرة🌷

🤲🔖حفظ الدعاء للميت من الأعمال التي لاتنقطع على الميت بعد موته وشهر رمضان شهر عباده والدعاء مستجاب إليكم اول قناة مختصة للأدعية للميت👇👇
https://whatsapp.com/channel/0029VaIEsbALI8YV6fNhBH3D/204

📖حلقات تدبرية لمدارسة وتدبر القرآن الكريم وحلقات للحفظ والمراجعة📚👇
/channel/addlist/BO_3EKlopBYwMTk0

🍕🍽‏  أطيب الأكلات وأحلى الوصفات الرمضانيه 🍇
وصفات رائعه وطرق سهلة...🥙
وأفكار في تزيين الموائد والأطباق ....🫕
بالأضافة الى احلى المنوعات ...🍩
وكل مايهم ربة المنزل🧆👇
/channel/addlist/BO_3EKlopBYwMTk0


⚡️الإشتراك في الدعم
@thamar911

اللهم إِنا نستودعك غزة وأهلها، سماءها وأرضها ، رجالها ونسائها، أطفالها وشبابها، وكل شبر في فلسطين اللهم انصرهم وثبت أقدامهم  وسدد رميهم وامددهم بجنود من عندك يا الله 🤲 🇵🇸

Читать полностью…

🌷رَقائِق عَطِرة🌷

لا أراكم ﷲ ظُلمة ، ولا حلّ بصدركم غُمة ، ولا طلبتم من اﷲ شيئًا إلا أتمّه."♥

استغفروا."🌾

Читать полностью…

🌷رَقائِق عَطِرة🌷

الجزء الثامن

الجزء الثامن مقسوم نصفين بالتساوي ... أول ٤ أرباع منه ( تكملة سورة الأنعام ) ... وآخر ٤ أرباع منه ( سورة الأعراف )

١- اتكلمنا أمس بشكل موجز عن سورة الأنعام وقلنا بتتكلم عن إيه... وإيه الهدف منها ....وليه سُميت بهذا الإسم وده الل هتعرفوه وانتوا بتقرأوا الجزء الثامن النهاردة وهعطيكم نبذة عنه دلوقتي

الكفار زمان كان عندهم شوية عادات غريبة في موضوع الأنعام والبهائم ده ... عندهم مثلاً نوع ياكلوه ونوع يحرموه على نفسهم ... عندهم نوع يأكله الرجال فقط وحرام على النساء ياكله منه ما تفهمش ليه ... عندهم نوع ينفع يتركب ونوع حرام يتركب ... عندهم مثل نوع لو مات ( دون ذبح ) يجوز الكل ياكل منها رجال ونساء وكله بشرط إنّه يكون مات دون ذبح ....حلّلوا وحرموا كده من نفسهم وكإن مفيش إله للكون ده ... ولذلك ربنا أنزل سورة كاملة بإسم ( الأنعام ) أدحض فيها كل معتقداتهم الخربانة والإفتراءات على مقامه وتوعّدهم بالل عملوه

٢- بعدة كده سورة الأنعام خُتمت بالوصايا العشر وده هتلاقوه في آخر ربع في السورة ( قل تعالوا أتلوا ما حرّم ربكم عليكم ) ربع فيه إثارة هيخطفك وانت بتقرأه

٣- زي ما قلت أمس الل عاوز يتعرف على ربنا ويعمق العلاقة ده يقرأ سورة الأنعام

٤- بعد كده الجزء الثامن هياخدنا ( لسورة الأعراف ) .... سورة الأعراف ده ممكن نسمّيها سورة الصراعات أو الثُنائيات .... هتلاقوا ماشية قصص وحوارات ثُنائية لحد آخرها ... وطبعا الل على الحق هو الل هينتصر في نهاية القصة

٥- أول ثُنائية في السورة ( ثُنائية إبليس مع آدم وحواء وحوارهم الل حصل وهما في الجنّة )

٦- بعد كده الحوار الل تمّ بين أهل الجنة وأهل النار لما كل فريق دخل مكانه

٧- قصة أصحاب الأعراف ( مين دول وإيه حكايتهم )

٨- قصص بعض الأنبياء مع أقوامهم ( نوح مع قومه ... هود مع قومه ... صالح مع قومه ... لوط مع قومه ... شُعيب مع قومه )

طب ليه ربنا أنزل قصص الأنبياء دول مع أقوامهم في سورة الأعراف الل معانا النهاردة ؟

هقلك

سورة الأعراف ده سورة مكية ... يعني نزلت على النّبي قبل الهجرة وهو في مكة ... وكمان نزلت في الوقت الل ربنا أمر فيه النبي صلى الله عليه وسلم إنّه يجهر بالدعوة ... ( زي ما احنا عارفين إن بداية النبوة كانت الدعوة سرية مقتصرة على الأقارب والأصحاب والمعارف وفضلت كده ٣ سنين ) ... فلمّا جاء الأمر إن الدعوة تبقى على الملأ قريش ماسكتتش ... تعذيب بقى وسخرية واستهزاء وإلقاء شُبهات وكل الل يخطر في بالكم ... في التوقيت ده ربنا نزل على النبي صلى الله عليه وسلم سورة الأعراف ده وذكرله فيها قصص بعض الأنبياء الل سبقوه وايه الل قومهم عملوه معاهم وايه الل حصل لهم في الآخر من العذاب.... وكل ده علشان ربنا يصبّر ويثبّت قلب حبيبه على ما لاقاه من قومه وتكون رسالة إنك على الحق والحق ديماً إيده قوية وهو الل بيغلب دائما وأبدا

مين بقى أصحاب الأعراف دول إيه وحكايتهم ؟

دول ياسيدي ناس يوم القيامة هتتساوى حسناتهم مع سيئاتهم ... لما يقفوا على الميزان هيلاقوا إنّ حسناتهم قد سيئاتهم بالظبط .... لا حسناتهم أكتر فيدخلوا الجنّة ... ولا سيئاتهم أكتر فيدخلوا النار ... فالجماعة دول هيقفوا على جسر بين الجنّة والنّار اسمه ( الأعراف ) لحد ما ربنا يفصل في موضوعهم ....وهمّا واقفين على الجسر ده هيبصوا يمينهم هيشوفوا أهل الجنّة وناس هيكونوا عارفينهم بالشكل وهيبقوا نفسهم يدخلوا .... وهيبصوا شمالهم هيلاقوا أصحاب النار وهما بيتعذبوا فهيخافوا ويفضلوا يدعوا ربنا إنهم ما يبقوش من أهل النّار .... وبالفعل رحمة ربنا هتدركهم في آخر القصة... وانتوا بتقرأوا جزء النهاردة هتستمتعوا بحوارهم

وبكده يكون خلص الجزء الثامن

جزء سهل على اللسان رطب على القلب

#هداية_آية
#الجزء_الثامن

Читать полностью…

🌷رَقائِق عَطِرة🌷

معادنا النهارده مع ( الجزء السادس ) والل أتمنى وانت بتقرأه إنّك تقرأه بنفسية الشخص اللي عاوز يفخر بدينه ومعتقداته

كالعادة ممكن نقول إنّ الجزء السادس الل بيبدأ بخواتيم ( سورة النّساء ) ... وتكملته ( بسورة المائدة ) هيلف معانا على ٥ مواضيع أساسية

١- إفتراء النّصارى على الله وقولهم إنّ عيسى ابن الله وإنّ عيسى هو الله وردّ ربنا عليهم وإفحامهم وتكفيرهم بالل قالوه ( ربنا الل كفّرهم )

٢- والموضوع الأول ده هياخدنا لقضية خطيرة اتذكرت في نفس الجزء وهي قضية ( الولاء والبراء ) والموضوع الل بنقعد نتكلم فيه كل سنة لما بتيجي أعيادهم الباطلة وحرمة تهنئتهم والكلام ده

٣- شوية أحكام شرعية زي ( أحكام العقود والالتزام بها .... أحكام الذبائح ... أحكام الميتة ... الحدود حدّ القتل وحدّ السرقة وحدّ الحرابة وحدّ الجروح .... الخ )

٤- قصة هابيل وقابيل ابني آدم عليه السلام

٥- تذكير بمصايب بني إسرائيل والل اتعمل فيهم بسبب عنادهم وجدالهم وتجرأهم على الوحي علشان تبقى رسالة تحذير ليك وانت بتمر مرور سريع عليهم في كل جزء إنّك تبعد عن الطريق الل هما سلكوه في دينهم

—————

هندندن النهارده حول قصة هابيل وقابيل .... قابيل قتل أخوه بسبب أسوأ ابتلاء ممكن يُبتلى به أحد ( الحسد ) الحسد وما أدراك الحسد ... بسبب الحسد تمّت أول جريمة قتل في البشرية .... جرايم القتل الل بتشوفها لحد يومنا هذا كانت بسبب الحسد الل خلّى قابيل يقتل أخوه ويسنّ هذه السنّة الشنعاء

الحسود شخص نفسه خبيثة مهما حاول الإصطناع

الحسود شخص ممكن تسمع لهيب النار الل طالع من قلبه ناحيتك

الحسود ما بيهداش ولا بيعرف ينام غير لما يدمّر ضحيّته ويوقد فيها النّار

الحسود ما بتبقاش قضيّته بس النعمة الل عندك قضيته بتبقى إنه يفقدهالك بأي ثمن زي ما هو محروم منها

كم من حسد فرّق بين الأزواج
كم من حسد شوّه جمالاً
كم من حسد أسقط شعراً
كم من حسد أمرض صحيحاً
كم من حسد أفشل زواجاً
كم من حسد شقلب كيان أسرة
كم من حسد قتل أبرياء

وعلشان الحسد ممكن يكون عند كل واحد فينا بس بدرجات متفاوتة وممكن نأذي حد بدون قصد عوّدوا نفسكم لمّا تشوفوا أيّ حاجة تعجبكوا أو أي حاجه تنبهروا بيها ...تقولوا ماشاء الله لا قوة إلا بالله ... وتبرّكوا بقول ( بارك الله )

وفي نفس الوقت بلاش تبيّنوا نعم ربنا عليكم أمام المحروم منها ... بلاش تتكلم عن شغلك أمام العاطل ... بلاش تتكلمي عن حياتك الزوجية أمام العزباء ....بلاش صور طفلك أمام العقيم ....بلاش حياتكم الشخصية كلها أصلاً قدام أي حد النفوس مش زي بعض والمرضى كُثر ...بلاش تساعدوا المُبتلى بداء الحسد على صحيان الوحش الل في قلوبه بقصد أو دون قصد وترجعوا تشتكوا من جني ثماره بعدين

#هداية_آية
#الجزء_السادس

Читать полностью…

🌷رَقائِق عَطِرة🌷

*إنتبه!!*‼️

نعم انتبه جيداً لهذا اليوم وابدءه من الآن ولا تمر عليك فيه ساعة إلا وأنت فى طاعة وفرصة الدعاء وتحقيق المستحيل فيه قاب قوسين منك أو أدنى
فتجهز يا صاح واستعدى يا أخيتى🔻

ف‏هذا اليوم يجتمعُ فيهِ :
شرَفُ الزَّمانَيْن: *جمعةٌ ورمضان*
وشرَفُ القولَيْن: *الصلاة على النبيِّ ﷺ والقرآن*
وشرَفُ الدَّعوتين: *عند الإفطارِ وآخر ساعةٍ من الجمعة*
﴿ *فَاسْتَبِقُوا الْخَيْرَاتِ*﴾.

وربى فررررصة لا تفلتها
فرصة لمن لا تستطيع حتى خامس يوم من رمضان أن تتخلى عن لبس👖 قال عنها فيه رسول الله أنها ملعونة
*فررصة* لأن تدعو الله بصدق الذى أعانك على ترك 🚬 أثناء الصيام أن تدعوه أن تتركه بعد الصيام

فررررصة لنا جميعاً فلنقم ونحسن استغلالها وبقدر صدق نيتك فيها يستجيب لك ربك ويأتيك الخير.

وبالله لا تنسانى من صالح دعائك

Читать полностью…

🌷رَقائِق عَطِرة🌷

الجزء الرابع :

الجزء الرابع إجمالا يمكن تلخيصه في ٧ محاور

١- إستمرار لسلسلة إنحطاط بني إسرائيل وده هيظهر معاكوا في أول ربع

٢- مواصلة تبكيت النصارى وإفحامهم في قضيتهم مع سيدنا عيسى عليه السلام

٣- مرور سريع على غزوة بدر وبعض كواليسها

٤- الأحداث المؤلمة لغزوة أُحد والألم النفسي والمعنوي والماديّ الذي أصاب الناس في هذا الوقت

٥- إيه الل ممكن تعمله الذنوب في صاحبها في الوقت الل ربنا فاتح عليه فيه

٦- نهاية سورة آل عمران بآيات ترقق القلب الحزين والمهموم ... آيات كان كلّ ما النبي صلى الله عليه وسلم يقرأها لازم يبكي ... آيات قال عنها صلى الله عليه وسلم ( ويل لمن قرأها ولم يتفكر فيها ) .... وانت بتقرأها هتشعر بإحساس عجيب

٧- ختام الجزء الرابع بفواتح سورة النساء ... والل أول ربع فيها بيتكلم عن حقوق الضعفاء ( اليتيم والمرأة ) ... والربع الثاني بيتكلم عن أحكام المواريث وكيفية التقسيم وده علم مخصوص لازم تدرسه علشان تفهم قضية المواريث بتمشي ازاي

هنقف وقفة بسيطة مع النقطة ٥ وتحديداً مع قول الله ( وعصيتم من بعد ما أراكم ما تحبّون )

السؤال المنطقي الل ممكن أي حد يسأله هيا ليه الدنيا ضلمت فجأة يوم أُحد ؟؟ ببساطة لإنّك عملت ذنب كبير ( الل هو مخالفة أمر النبي ) ...وكمان في الوقت الل انت شايف وعايش فيه فضل وكرم ربنا عليك ... فالقضية مكنتش مجرد الذنب وبس على قد ماهو فعل الذنب وانت مش محتاج تعمله أو مفيش دافع إنّك تعمله .... وده الل ربنا قاله معاتباً ( حتى إذا فشلتم وتنازعتم في الأمر وعصيتم من بعد ما أراكم ما تحبون منكم من يريد الدنيا .... ) وطبعاً العتاب كان قاسي شوية لإنّ مخالفة أمر النّبي صلى الله عليه وسلم شئ ليس هين ... وكمام بذنب واحد قُتل عدد من أكابر الصحابة وكاد أن يُقتل النّبي صلى الله عليه وسلم وينتهي الإسلام برمّته....وتخفيفاً لحجم المُصاب تجلّت رحمة الله في قول الله ( ولقد عفا عنكم والله ذو فضلٍ على المؤمنين )

ومع كون الآية ده نزلت في حدث مخصوص ....إلا إنّك هتلاقيها برده مرتبطة ارتباط عجيب مع ( حالنا اليومين دول ) مع نوعية الذنوب الل بتشقلب الحال فجأة ... تلاقي نفسك بتتوجع فجأة وبتنهزم فجأة وتلاقي نفسك بقيت لوحدك فجأة وتلاقي عقارب الساعة وقفت فجأة ....الرابط بين شدّة الألم النفسي والمعنوي الل بيصاحب النوع ده من الذنوب سببه إنّك بتعملها في أكتر وقت ربنا فاتح عليك فيه ومعطيك الل انت عاوزه وبالتفاصيل الل انت بتطلبها ....(الل هو معندكش مبرر لخلخلة علاقتك مع ربنا فليه بتاخد الطريق ده ؟ ) هكذا يكون ردّ الجميل ؟

كم مرة عصيت بعد ما أراك ما تُحب ؟

احذر كل الحذر من الذنوب وقت ما ربنا بييسرلك الصعب

خاف كل الخوف من المعصية وقت الوسع والرخاء

#هداية_آية
#الجزء_الرابع

Читать полностью…

🌷رَقائِق عَطِرة🌷

المشكلة مش في دخول رمضان ..
المشكلة في الخروج منه !
يعني ايه ؟!🤔
يعني كلنا بندخل رمضان من باب واحد ..
لكن الخروج هيكون من بابين !
- باب هيخرج منه "المقبول" من الله عزوجل
✅ وقد غفر الله له
✅ ورضي عنه
✅ وأعتق رقبته من النار
- وباب هيخرج منه اللي ضل طريقه في الشهر رغم ان كل الظروف مهيأه انه يكون من الفائزين لكنه قرر وأصر انه يخرج من باب "المحروم" ..
✖️ أعرض عن الله
✖️ فأعرض الله عنه !
✖️ وكان من الخاسرين
رمضان سوق .. تسوق فيه نفسك
تعرضها على الملك سبحانه وتعالى
فإما أن يقبلها .. فتفوز
وإما يعرض عنها .. فتخسر
#اختار_صح
باب المغفرة والعتق من النيران
حدد المسار الصحيح .. افعل المطلوب لتنال الجائزة الكبرى
وانطلق ..

اللهم اجعلنا من المقبولين
اللهم أعتق رقابنا من النار💚

#رسايل_رمضان

Читать полностью…

🌷رَقائِق عَطِرة🌷

تعالوا نشوف الجزء التاني هيحكيلنا إيه النهاردة :

بعدما ماعرفنا أمس الموضوع الرئيسي للجزء الأول والل كان بعنوان ( انت مسؤل عن الأرض هتتصرف ازاي ؟ )... وفي الوقت الل سيدنا آدم وسيدنا إبراهيم عليهما السلام نجحوا في المسؤلية كان في الجانب الآخر فشل كارثي لبني إسرائيل هيمتد معانا في آخر الجزء التاني واحنا بنتفرج على انحطاطهم في قصة طالوت وجالوت

خلونا الأول نشوف المحاور الل الجزء تاني بيدور حولها

الجزء التاني بيدور حول ٣ محاور رئيسية

١- اختبار تغيير القبلة ....

( كلنا عارفين إنّ قبلة المسلمين كانت اتجاه بيت المقدس فربنا أمر بتغيير اتجاه القبلة مخالفة لليهود لان قبلتهم برده كانت نفس الإتجاه ...وكمان اختبار للمسلمين ... ماهو ما ينفعش تقول أنا أسلمت أو آمنت أو التزمت أو قربت من ربنا ومايجلكش اختبار ... هتعملوا إيه لما تكونوا متعودين على حاجة سنين طويلة وفجأة يأتيكم أمر بالتوقف أو التعديل أو الإنسحاب ؟؟ انت كمسلم هتعمل ايه مع الأوامر ؟؟ ...هتسلّم للأمر ولا هتعمل زي الجماعة بتوع سمعنا وعصينا ؟؟ ...وده كانت ترجمته في قول الله ( إلا لنعلم من يتبع الرسول ممن ينقلب على عقبيه )

٢- نزول معظم أحكام الدين ....

( أحكام الصيام ثم الجهاد ثم الحج و العمرة وأحكام المواريث والأحكام في شؤون الأسرة في الزواج والطلاق والرضاعة والتحذير من معاشرة النساء وقت الحيض الخ )

٣- قصة طالوت وجالوت ....

وده هنقف معاها شوية لإنها هتشرحلك بشكل عملي انت بتفقد قد ايه وبيسقط منك قد إيه في كل وقت بيعدّى عليك وانت مش قادر تفهم ديناميكية علاقة العبد ( انت ) مع سيّده

في بداية القصّة بني إسرائيل كانوا في وقت من الأوقات ضُعفاء مذلولين لطوب الأرض وتحديدا ( ملك اسمه جالوت وجنوده) فقالوا يارب ( على لسان نبيّهم ) احنا عاوزين ملِك يساعدنا على قتال جالوت ... ربنا قالهم يعني لو كتبت عليكم القتال هتقاتلوا ومش هتخافوا ؟؟ ... قالوله طبعااااااا ..... ( فلّما كُتب عليهم القتال تولوا إلا قليلاً منهم ) .....السقطة الأولى

عاوزين ملِك قوي يقاتل معانا ... ( إنّ الله قد بعث لكم طالوت ملكا ) .... عملوا ايه ؟؟ ( قالوا أنّى يكون له المُلك علينا ) ....السقطة الثانية

في الطريق ربنا ابتلاهم بالعطش فالإختبار كان بمثابة إنّ طالوت يقولهم احنا هنعدي على نهر دلوقتي الل مش هيشرب منه أو على الأقل الل هيشرب شربة واحدة بس هيكمل معايا... عملوا ايه ؟؟ ( فشربوا منه إلا قليلاً منهم ) ... السقطة الثالثة

خلاص داخلين على الحرب والقتال الل انتوا طلبتوه بنفسكم .... ( لا طاقة لنا اليوم بجالوت وجنوده ) .... السقطة الرابعة

من أول الحكاية وهمّا عمالين يتساقطوا ويقعوا شوية بشوية مع كل اختبار ... مكنوش قادرين ييجوا على نفسهم شوية في سبيل تحقيق هدفهم .... كانوا عاوزين ينتصروا من غير ابتلاء .... ولذلك فقط الل انتصروا في النهاية والل هزموا جالوت وجنوده هما الثلة القليلة الل التزمت الأوامر ونجحت ف الإبتلاءات

مواقف كتير اتقالك فيها ما تشربش وشربت...
مواقف كتير اتنازلت عن جزء من الدين علشان الدنيا تمشي ...
مواقف كتير تعارضت فيها أوامر الله مع رغباتك الشخصية فقدّمت رغباتك....
مواقف كتير مع أول قرصة ودن بعت كل حاجة ....

ولذلك القرآن يخبرك في هذا الجزء إنّ مفيش دين من غير اختبار ... مفيش مسلم من غير ابتلاء ... مفيش حياة من غير كدر ... وإنّك في قتال شرس بين ( التسليم ) وبين ( سمعنا وعصينا ) ومقياس نجاحك من عدمه هو ردّ فعلك لحظة وقوع الإختبار

#هداية_آية
#اليوم_الثاني

Читать полностью…

🌷رَقائِق عَطِرة🌷

صح فطوركم 🌙

اللهُمَّ افتح لـهم أبواب الخير والتيسير وصد عنهم أبواب الشر والتعسير، اللهُمَّ يا ودود يا ذا العرش المجيد يا فعَّال لما تريد أكفهم ما أهمهم من أمر الدنيا والأخرة
فلا حول ولا قوة لي إلا بك يا الله، بك استعين وبك استجير وبك اكتفي 💚

Читать полностью…

🌷رَقائِق عَطِرة🌷

💎حكمه اعجبتنى💎
ضع قليلاً من العاطفة على عقلك حتى يلين ،،،
وضع قليلاً من العقل على قلبك كي يستقيم ...


Читать полностью…

🌷رَقائِق عَطِرة🌷

✅ أسعد الناس في شهر رمضان 👇🏻👇🏻خصائص شهر رمضان 🌙 المبارك *ليلة القدر *الخلطه السرية للتخلص من كل ماينغص عليك حياتك💥
https://whatsapp.com/channel/0029Va86ayIGzzKQrlU5kj0B

✅ وصفات لإزالة الدهون من منطقة البطن🔥 نصائح للتخلص من دهون البطن👇🏻👇🏻
/channel/addlist/FsQw3Oe7DZZmNjk0

🥣 أفضل الماسكات لعلاج الهالات
والانتفاخات والتجاعيد👇🏻👇🏻
/channel/addlist/FsQw3Oe7DZZmNjk0

💔 ماهو الفراغ العاطفي..
أسبابه وعلاجه⁉️👇🏻👇🏻
/channel/addlist/FsQw3Oe7DZZmNjk0

Читать полностью…

🌷رَقائِق عَطِرة🌷

س/ ينفع اقرأ قرآن وأنا حائض أو وأنا مش متوضيه ؟
ج/ يجوز قراءة القرآن دون وضوء ولكن لا يجوز لمس المصحف دون وضوء،
ممكن تقرأ من تليفون أو آيباد أو كمبيوتر أو كتاب تفسير،
ويجوز الأمر نفسه وأنتِ حائض على الراجح من أقوال العلماء
****
س/ هل لازم حجاب أو لبس معين للبنت عند قراءة القرآن ؟
ج/لا مش لازم ...تجوز القراءة بأي لبس حتى لو خفيف ولو كاشفه الشعر
****
س/ هل قراءة القرآن من المصحف لها فضل أو ثواب أكتر من القراءة من موبايل أو تابليت مثلا؟
ج/ نفس ثواب القراءة واحد، ولو قرأت غيبًا من غير نظر في شيء
اقرأ القرآن حسب ما يتيسر لك:
👈لو كنت متوضي وعلى طهارة وسهل تقرأ من مصحف...فالقراءة من المصحف أحق وأولى،
👈أما لو كنت مش متوضي أو مش متيسر ليك القراءة من مصحف فاقرأ من غير مصحف
****
س/ ينفع أقرأ قرآن وأنا نايم مثلاً ..ولا لازم أكون قاعد ؟
ج/ تجوز قراءة القرآن مع الوقوف أو القعود أو الاتكاء أو الاستلقاء (( يعني ينفع تقرأ وأنت واقف أو قاعد أو نايم ))

Читать полностью…

🌷رَقائِق عَطِرة🌷

*اليوم التاسع*

*ما هو اول سفير في الاسلام*؟؟
❓❓❓

Читать полностью…

🌷رَقائِق عَطِرة🌷

ﻣَﺎ ﻋﻠَّﻖ أﺣَﺪٌ قَلبَه ﺑِﻤَﺨْﻠﻮقٍ؛ إِﻻَّ ﺧُﺬِل ﻣِﻦ ﺗَﻠﻚ الجَهَة."!

-ابن تيميَّة

Читать полностью…

🌷رَقائِق عَطِرة🌷

💙 | رفيقتك في رمضان هذه القناة - امض وقتك هنا وتأمَّل كما يجب في كتاب الله - ختمة كاملة واحدة لكن بصوت أكثر من خمسين قارئًا 😍 - من هنا ⬇️⬇️

🌙 | https://t.me/joinchat/AAAAAFUYldGr-kZcOIh9Pw

• لا إلَٰه إلَّا أنت سبحانك إنِّي كنت من الظَّالمين 🌙💙

• || BY : T.me/Barq_List

Читать полностью…

🌷رَقائِق عَطِرة🌷

ايه اللي بيخليكي تضيعي صلاة التراويح رغم انك عارفة فضلها؟!
- غسيل المواعين..
- العزومات..
- الخروج مع الأصحاب..
- لبس العيد واللف ع المحلات..
- تنضيف البيت..

كل الحاجات دي 👆 ممكن تتعوض وتتعمل في أي وقت بعد أو قبل صلاة التراويح..

حتى المسلسل اللي بتتابعيه - مع إنه حرام أصلًا - بس والله ممكن تعوضيه في أي وقت تاني..!

لكن اللي عمرك ما هتعرفي تعوضيه هو ليلة من ليالي رمضان أدركتيها ولم تكتبي فيها من القائمين..

• اما تلاقي نفسك مكسلة وهمدانة بعد الفطار ومش عاوزة تصلي ..
افتكري إن الليلة اللي هاتضيعي قيامها فرصة وراحت عليكي..
باب للجنة مفتوح وانت مدخلتيهوش..
سبب للعتق من النار وانت مأخدتيش بيه..
خسارة كبيرة والله اما تقفي بالساعات في المطبخ وتقعدي بالساعات قدام المسلسلات أو فاتحة سوشال ميديا ..
وفي الآخر تنامي من غير ولا ركعة قيام..

• الخلاصة👇
معاكي من بعد العشاء لحد الفجر تصلي ١١ ركعة وممكن تريحي عادي بين كل ركعتين ..
ولو يوم تعبانة حتى صلي وانتي قاعدة.. أظن مفيش أسهل من كدة ..
لكن اوعي تضيعي قيام ليلة تاني من رمضان 💛

Читать полностью…

🌷رَقائِق عَطِرة🌷

‏أفضل الصوّام أكثرهم ذكرًا للّٰه عز وجل في صومهم.

Читать полностью…

🌷رَقائِق عَطِرة🌷

...

📚 *👌 *هدايا الأجزاء و ملخص تفسير أجزاء القرآن*

📜 *ملخص تفسير الجزء السابع من القرآن الكريم* 📜


🌸1- ابتدأ بالحديث عن الأقرب والأبعد إلينا من أهل الكتاب .

🌸۲- حديث عن جملة من الأحكام الفقهية ، منها :

ذكر كفارة اليمين ، وتحريم الخمر والميسر ، وتحريم الصيد للمحرم وبيان جزائه ، والوصية عند الموت ، وبيان الشهود ، والحكم إن لم يوجد شهود مسلمين .

🌸3- الحوار بين عيسى وحوارييه ، وبيان تعنتهم في إنزال آية تكون دافعا لهم إلى الإيمان ، وهذا الموقف هو أحد الشواهد على فضل الصحابة ،

حيث تميزوا بسرعة إجابة الأوامر ، وترك النواهي ، بخلاف بعض أتباع الأنبياء ، كما في هذه القصة وقصة البقرة .

🌸٤- وفي قصة الحوار السابقة ما يؤكد على أهمية صبر العالم والداعية على ما يطرحه أتباعه ، وأنه مع جده واجتهاده ، فقد يسمع من الأتباع ما يستغربه من أسئلة !❗

🌸5- بيان للحوار الذي جرى بين الله تعالى وبين عيسى عليه السّلام وبيان براءة عيسى من ادعاء الألوهية ، فكيف يدعي النصارى ألوهيته وقد تبرأ منها ؟!⁉️

🌸 6- مطلع سورة الأنعام في تقرير التوحيد والبعث والنبوة ، وختامها كان كذلك :

قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ (162) لَا شَرِيكَ لَهُ ۖ وَبِذَٰلِكَ أُمِرْتُ وَأَنَا أَوَّلُ الْمُسْلِمِينَ (163) قُلْ أَغَيْرَ اللَّهِ أَبْغِي رَبًّا وَهُوَ رَبُّ كُلِّ شَيْءٍ ۚ وَلَا تَكْسِبُ كُلُّ نَفْسٍ إِلَّا عَلَيْهَا ۚ وَلَا تَزِرُ وَازِرَةٌ وِزْرَ أُخْرَىٰ ۚ ثُمَّ إِلَىٰ رَبِّكُم مَّرْجِعُكُمْ فَيُنَبِّئُكُم بِمَا كُنتُمْ فِيهِ تَخْتَلِفُونَ (164) [ الأنعام : ١٦٢ - ١٦٤ ] .

🌸7- ثمة علاقة ظاهرة بين مطلع سورة الأنعام وخاتمة سورة المائدة التي ختمت بحوار عقدي في تقرير أحقية الله تعالى بالعبادة دون ما سواه .


🌸8 - موعظة المعرضين عن آيات الله والمكذبين بالدين الحق ، وتهديدهم بأن يحل بهم مثل ما حل بمن قبلهم .

🌸9 - مناظرة إبراهيم لقومه ، من أهم المناظرات في تقرير العقيدة بالبرهان الحسي ، والحجة العقلية .


🌸10 - تأصيل الإيمان بالتأمل في الخلق والكون يورث الإجلال والتعظيم الله تعالى .

🎬هدايات الجزء 7 من القرآن الكريم

Читать полностью…

🌷رَقائِق عَطِرة🌷

تعالوا نشوف الجزء الخامس هيتكلم عن إيه :

مازلنا في ( سورة النساء ) وقلنا أمس إنّ بدايات سورة النساء اتكلمت عن حقوق ( النساء واليتامى والورثة ) ...

لما نيجي ندخل الجزء الخامس هتلاقيه بيدور على ٣ مواضيع أساسية

١- المنافقين أيام النبي صلى الله عليه وسلم وصفاتهم وحكاويهم وحوارتهم والل عملوه

٢- كيفية إدارة الأزمات الزوجية في البيوت أو بمعنى أسهل إزاي نتجاوز وقت الخلاف بين الزوجين بأقل الخسائر

٣- شوية أحكام وتشريعات زي ( المحافظة على الأمانات وعدم تضييعها ... أحكام الديّة ....صلاة الخوف ... الإحسان للجار ... الخ )

المنافقين على أيام النّبي صلى الله عليه وسلم كان عندهم من سواد القلب وخُبث النفس الل مخليهم مش عارفين هما عاوزين إيه وعاوزين يبقوا مع مين المهم يشبعوا رغباتهم وشهواتهم بمبدأ معاك معاك عليك عليك ( مصلحتي أولا ) ....يظهروا الإسلام بأفواههم ويقولوا احنا مع النّبي صلى الله عليه وسلم ومع المسلمين... وشوية إحنا مع الكافرين ضد النبي صلى الله عليه وسلم .....زي ما النّبي صلى الله عليه وصفهم ( مثل المنافق كمثل الشاة العائرة بين الغنمين ... تعير إلى هذه مرة ...وإلى هذه مرة ... لا تدري أيهما تتبع )

شوف القرآن صور المشهد ده ازاي ( فإن كان لكم فتح من الله قالوا ألم نكن معكم ) احنا معاكوا يامسلمين طالما فيه مكاسب وغنايم وحاجات حلوة ....( وإن كان للكافرين نصيب قالوا ألم نستحوذ عليكم ونمعنكم من المؤمنين ) احنا وقفنا معاكوا ياكفّار اهو وأعنّاكم على المسلمين عاوزين نصيبنا بقى ....

لدرجة إن المسلمين نفسهم تحيّروا زي ما ربنا قال ( فمالكم في المنافقين فئتين ) جماعة شايفين المنافقين مسلمين لما يظهرونه من الإسلام في الظاهر ...وجماعة شايفينهم كافرين لما يبطنونه من الكفر.....لحد ما ربنا حسم الموضوع وقال ( والله أركسهم بما كسبوا )....

من شدة الطمس على فطرتهم والسواد الل في قلوبهم ربنا وصفهم وصف بليغ ( مذبذبين بين ذلك لا إلى هؤلاء ولا إلى هؤلاء ) ....يعني لا هو مسلم محترم ظاهرا كباطن ولا هو كافر أصلي معروف إنّه كافر وخلاص... مسلم باللسان وكافر بالقلب والإعتقاد.... وده أقبح من الكفر الصريح لذلك ربنا قال ( إنّ المنافقين في الدرك الأسفل من النار ) مش مجرد في النار وخلاص ده في قعرها

بس لو قعدنا مع نفسنا في لحظات صدق ممكن نلاقينا بنطبق الآية ده بحذافيرها في حياتنا وعلاقتنا مع الناس ( مذبذبين بين ذلك لا إلى هؤلاء ولا إلى هؤلاء )

عارف الحق فين بس اختارت الحياد المذموم
عارف الطريق بس متردد تدخل
عارف فين الخلاص بس بتعاند
عارف الحلّ بس بتكابر

بلاش تعيش حياة المعذّبين لا راحة الجاهلين ولا نعيم العارفين ( يعني لا منك جاهل فنعذرك ونقول ما يعرفش ولا منك عملت بالل عرفته )

عرفت نفّذ
وصلت ادخل

بلاش تقف في النص لا منك طولت الل فوق ولا منك وصلت لل تحت

#هداية_آية
#الجزء_الخامس

Читать полностью…

🌷رَقائِق عَطِرة🌷

#دعــــــــــــــــــــاء🌙

#رمضانكم_صبر_أهل_غـ ـز ة 💔

اللهم أطعم جائعهم، وانصرهم على عد وهم اللهم أنزل السكينة عليهم، واربط على قلوبهم، وكن لهم مؤيدا ونصيرا وقائدا وظهيرا. سبحانك إنك على كل شيء قدير؛ فاكتب الفرج من عندك والطف بعبادك المؤمنين.

اللهم إنا نستودعك إياهم أمنهم وأمانهم، ليلهم ونهارهم رجالها ونساءها، شبابها وأطفالها، فالودائع عندك لا تضيع، اللهم أحفظهم يا رب العالمين.

اللهم انصر إخواننا وانصر المظلومين في كل مكان.

اللهم وسدد خطاهم اللهم انصرهم وارفع عنهم الظلم يـــــــــــــ♡ـــــــــارب 🤲

Читать полностью…

🌷رَقائِق عَطِرة🌷

من الأرزاق المنسيّة طريقتك اللبقة في الحديث، وحُسن اختيارك لكلماتك وألفاظك، ومُراعاتك لمشاعر غيرك أثناء الحوار..

‏قال تعالىٰ: ﴿ وَهُدُوا إِلَى الطَّيِّبِ مِنَ الْقَوْلِ ﴾
‏فالقول الطَّيِّب نعمة وهدايةٌ من اللّٰه تعالى ولا يصدرُ إلا من عباد اللّٰه المؤمنين.

Читать полностью…

🌷رَقائِق عَطِرة🌷

الجزء الثالث :
الجزء الثالث نصفه الأول بيبدأ بخواتيم ( سورة البقرة ) والنصف الآخر يبدأ ( بسورة آل عمران )

ختام سورة البقرة ممكن نحطله عنوان بالشكل الآتي ( أعظم آية ... وأطول آية ... وبينهم ٣ قصص ... وفضل وذنب وامتحان )

- أعظم آية في القرآن ( آية الكرسي )
- أطول آية في القرآن ( آية الدْين )
- ٣ قصص ( قصة سيدنا إبراهيم مع النمرود ... قصة سيدنا عُزير مع قرية بني اسرائيل ... قصة سيدنا إبراهيم لما سأل ربنا كيف تحيي الموتى )

مش هاستفيض في سرد ال ٣ قصص دول لإنّ معظمنا عارفهم والل مش عارفهم يقدر بسهولة يراجع أي كتاب تفسير ... لكن الل هقف عنده هو الرابط المشترك بين ال ٣ قصص دول وهي قدرة ربنا العجيبة التي لا يتحملها العقل ( إنّك تشوف بعينك حاجة ماتت ثم يحييها الله بمنتهى الإعجاز .... أو إنك تنام ١٠٠ سنة وتصحى تلاقي كل حاجة زي ما سبتها ) .... فلما نيجي نقارن القدرة المذهلة دي الل اترصدت في ال ٣ قصص دول بشوية طلبات وأدعية دنيوية لكل واحد فينا اتأخروا شوية هنكتشف إننا محتاجين نتعرف على ربنا أكتر وإنّه سبحانه لا ولم ولن يعجزه ثمة شئ على إجابة دعائك أو حاجتك التى طالت وإنما التأخير يمكن علشان لسة انت مش مهيأ أو سادد الباب بالذنوب أو إن الدعاء ده لو استجيب إنت أكتر واحد هتبتئس وهتندم والله يعلم وأنتم لا تعلمون ) .... اتعلم من ال ٣ قصص دول إنّ ربنا قدير ..بل مقتدر ... والمقتدر أعظم من القدير ( الل هو تنام على مستحيل تصحى وهو أمامك بأسباب وبدون أسباب)

- الفضل ( فضل الإنفاق والصدقة ) وربنا أكد على هذا المعني في ربع كامل تقريبا لإن قضية إخراج الفلوس من الجيب مش سهلة على النفوس لاسيما في الظروف الل احنا بنعيشها دلوقتي

- الذنب ( ذنب الربا القبيح )

- الإمتحان ( آخر آيتين في السورة وأعظم آيتين ) لما نزل قول الله ( وإن تبدوا ما في أنفسكم أو تخفوه يحاسبكم به الله ) .... الآية ده لما نزلت كانت صعبة أوي على نفوس الصحابة ... تخيل إنك هتتحاسب على مجرد فكرة أو خاطرة مرت على مخك ولم تتلفظ بها .... مجرد التخيل بس شعور مميت .... فهنا كان الإمتحان الل بيلف معانا طوال سورة البقرة ...سمعنا وأطعنا ولا سمعنا وعصينا ؟ ... وطبعاً مش متصور أبداً في ناس تربية النبي صلى الله عليه وسلم إلا التسليم للوحي والأمر ... ولذلك كانت المكافأة أن نزل التخفيف بعد النجاح في الإمتحان ( لا يكلف الله نفساً إلا وسعها )

هاتُبتلى ....هتستسلم ... هتنجح ... هيأتي الفرج والخلاص ومعاهم مكافأة

——————-

سورة آل عمران

الأسرة مكونة من ( عمران ... وزوجته ... وبنتهم مريم ... وابنها عيسى عليه السلام ) وهما دول آل عمران

أول ٥ أرباع من سورة آل عمران بيدورا حول ٣ محاور

١- الإستمساك بالدين والوحي والأوامر الإلهية أمام الصراعات المنتظرة

٢- كيف يتعامل الله مع الدعاء إذا خرج من قلبك بصدق ويقين

٣- الردّ على النصارى في قضية خلق سيدنا عيسى عليه السلام

هنقف وقفة بسيطة مع المحور الثاني وهو الدعاء إذا خرج من قلبك بصدق كيف يستقبله الله .... استنباط عجيب من مناجاة إمرأة عمران مع ربنا ( رب إنّي نذرتُ لك ما في بطني محرّرا فتقبل منّي ) ... بمجرد ما رُزقت إمرأة عمران بالحمل خدت قرار فوري وحاسم بإنها تستخدم الولد الل هينزل ده لله ولخدمة دين الله ... فكانت المفاجأة أّنها وضعت أنثى وليس ذكر كما تمنت ( فلمّا وضعتها قالت ربّ إنّي وضعتها أُنثى ) وكإنها زعلت شوية أو صُدمت أو حسّت إنّ دعائها لم يستجب لإنها كانت عاوزة ولد يخدم الدين وليس أنثى ... الرجل بطبيعته وخلقته مختلف عن المرأة في تحمّل الصعاب ( وليس الذكر كالأنثى ) .... ولكن من شدّة صدق ويقين إمرأة عمران في الدعاء استجاب لها ولكن بأسلوب آخر .... أعطاها مريم ومن مريم جاء عيسى وصار نبي وتحقق لها ما أردات

بندعي كتير ومافيش استجابة لإننا بنفقد أهم عناصر الإستجابة ( النيّة واليقين والصدق وعدم الإستعجال وطهارة القلب والتسلّح بالأسباب )

#هداية_آية
#الجزء_الثالث

Читать полностью…

🌷رَقائِق عَطِرة🌷

تعالوا نشوف الجزء الأول من القرآن بيتكلم عن ايه؟؟

الجزء الأول بيدور حول ٣ محاور رئيسية :

١- خدع ومكائد ومصائد الشيطان

٢- جرائم بني إسرائيل

٣- عظمة ومكانة سيدنا إبراهيم عليه السلام

المحور الثاني هو أهم محور في الجزء الأول لإنّه واخد النصيب الأكبر من السرد وهو مصايب وخسة وجحود بني إسرائيل .... وكمان علشان لو فتّشنا في نفسنا ممكن نكتشف إننا بنعمل زيهم من غير ما نقصد... تعالوا الأول بأمثلة مختصرة نتعرف على السجال والحوار الل تمّ رصده في الجزء الأول عن طبيعة العلاقة بين ربنا وبني إسرائيل

- يابني إسرائيل اذكروا نعمتي عليكم ...
- نجيناكم من ءال فرعون بعدما ساموكم سوء العذاب ...
- نجيناكم من الغرق ...
- عفونا عنكم بعدما عبدتم العجل ...
- ظللنا عليكم الغمام لتحميكم من حرّ الشمس ...
- أطعمناكم المنّ والسلوى ( أطيب الطعام والشراب ) ....
- أدخلناكم بيت المقدس وكلوا من حيث شئتم رغدا ...
- أصابكم العطش فقلنا لموسى اضرب بعصاك الحجر فانفجر الماء ...الخ

عملوا ايه هما ؟

- عبدوا العجل وأشركوا بالله
- ياموسى لن نؤمن لك حتى نرى الله جهرة
- تحريف أوامر الله ( قيل لهم ادخلوا الباب سجدا فدخلوا على أدبارهم ... قيل لهم قولوا حطّة فقالوا حنطة أو حبّة )
- تولوا ونقضوا الميثاق والإتفاق مع ربهم
- جدال وتمادي وتعنّت وتعجيز في ذبح البقرة
- استبدال المنّ والسلوى بالعدس والبصل
- خدوا الدين على مزاجهم ( تؤمنون ببعض الكتاب وتكفرون ببعض )...الخ

السؤال

كم مرة عملت زي بني إسرائيل ؟
كم مرة ربنا أعطاك وأوسع عليك وقابلت العطاء بالمعاصي ؟
كم مرة أنقذك من كارثة محققة وبعدما وقفت على قدمك توليت ؟
كم مرة عاهدت الله بتوبة وأخذت على نفسك الميثاق ثم نقضت ؟
كم مرة وسّع الله في رزقك ولم تتصدق على فقرائه ؟
كم مرة استبدلت القرآن بالذي هو أدنى؟
كم مرة استبدلتي العفاف والحجاب بالذي هو أدنى ؟
كم مرة استبدلت الذي هو أدنى بالذي هو خير ؟
كمّ مرة خدت من الدين الل يوافق هواك ؟

ربنا حذرك ما تعملش زيهم .. ماتتعاملش مع أوامر ربنا بطريقتهم .. خلي شعارك "سمعنا وأطعنا" مش زي ماقالوا "سمعنا وعصينا" .. لان العواقب وخيمة ربنا قال "وغضب الله عليهم ولعنهم"

ربنا أعطاك كل المقومات والأسباب الل تخليك تاخد القرار الصح فاستعملها علشان توصل

#هداية_آية
#اليوم_الأول

Читать полностью…
Subscribe to a channel