radiosvaboda | News and Media

Telegram-канал radiosvaboda - Радыё Свабода — Беларусь

90134

Дасылайце цікавую інфармацыю, фота і відэа сюды: @SvabodaBelarus

Subscribe to a channel

Радыё Свабода — Беларусь

Намесьніка дырэктара гомельскай рэклямнай тэлекампаніі знайшлі мёртвым. Сам дырэктар за кратамі паводле «палітычнага» артыкулу

У канцы сакавіка заснавальніка рэклямнай тэлекампаніі «ФилТВ» Віталя Філінскага затрымала міліцыя, яго арыштавалі на 15 дзён за «распаўсюд экстрэмісцкіх матэрыялаў», потым дадалі яшчэ 15 сутак.

Ягоны намесьнік, 54-гадовы Андрэй Віньнікаў зьнік 1 красавіка. Ён выйшаў з дому ўначы і больш там не зьяўляўся. 18 красавіка стала вядома, што Віньнікава знайшлі мёртвым. Як стала вядома Свабодзе, праваахоўныя органы сярод іншых вэрсій прычын сьмерці Віньнікава разглядаюць суіцыд:

https://smarturl.click/719pG

Читать полностью…

Радыё Свабода — Беларусь

Літоўскі пункт пропуску «Меднікі», паводле папярэдняй інфармацыі, будзе зачынены да вечара 18 красавіка

Уначы там здарыўся пажар: згарэў аўтамабіль, ангар пункту пропуску і адміністрацыйная частка будынка. Прыкладна да 7-й раніцы пажар патушылі.

Па стане на 8:00 на беларускім баку мяжы, у пункце пропуску «Каменны Лог» у чарзе на выезд стаялі 710 фураў і 200 легкавых аўтамабіляў.

На мяжы Беларусі зь Літвой цяпер толькі 2 дзейныя памежныя пераходы — Меднікі (Каменны Лог) і Салечнікі (Беняконі), але там забаронены рух пешаходаў і раварыстаў. Акрамя таго, літоўскі ўрад скараціў на 50% колькасьць дазволаў на пасажырскія перавозкі праз гэтыя пункты:

https://smarturl.click/719aG

Читать полностью…

Радыё Свабода — Беларусь

210 гадоў таму нарадзіўся Яўстах Тышкевіч

Беларускі археоляг, гісторык, этнограф, краязнаўца, музэязнаўца Яўстах Тышкевіч нарадзіўся ў Лагойску 18 красавіка 1814 году. З братоў Тышкевічаў — Яўстаха і Канстанціна — пачалася беларуская археалёгія.

Яўстах Тышкевіч — заснавальнік Віленскага музэя старажытнасьцяў. Музэй, над стварэньнем якога Яўстах працаваў усё жыцьцё, адкрыўся ў 1856 годзе, але прапрацаваў усяго 8 гадоў. Пасьля паўстаньня Каліноўскага музэй зачынілі, а каштоўныя экспанаты на загад Мураўёва-вешальніка вывезьлі ў Санкт-Пецярбург. Пазьней зь некалькіх тысяч прадметаў у Вільню вернуцца толькі дзьве сотні.

Іншыя адметныя падзеі і даты 87 красавіка — у матэрыяле «Ўжо сёньня»: https://smarturl.click/e5Ove

Читать полностью…

Радыё Свабода — Беларусь

Камітэт у правах чалавека ААН прызнаў парушэньне правоў беларусаў Беражнога і Гарчакова праз 6 гадоў пасьля іх пакараньня сьмерцю

КПЧ адзначыў, што пакт дапускае асуджэньне на сьмерць «за найбольш цяжкія злачынствы», але парушэньне гарантый справядлівага суда «у разборах, якія прыводзяць да вынясеньня сьмяротнага прысуду», робіць прысуд «адвольным па сваім характары» і парушае арт. 6 пакту («Права на жыцьцё ёсьць неад’емнае права кожнага чалавека. Гэта права ахоўваецца законам. Ніхто не можа быць адвольна пазбаўлены жыцьця»).

https://smarturl.click/aJLXd

Читать полностью…

Радыё Свабода — Беларусь

Галоўнае за 17 красавіка

💻 «Кібэрпартызаны» заявілі, што правялі атаку на «Гродна Азот»

🗝 Беларускіх палітвязьняў будзе вызваляць прэзыдэнт зь іншым прозьвішчам, — праваабаронца Судаленка

🚪 З 2020 году больш за 1200 палітвязьняў адбылі свае тэрміны і выйшлі на волю

🗞 Хворы на рак палітвязень Кастусёў чацьверты раз сустракае дзень нараджэньня за кратамі. На волю трапіў яго пранізьлівы верш-запавет

🪂 У Мінабароны заявілі, што завяршаюць праверку боегатоўнасьці. Вучыліся на расейскім досьведзе

📖 У Беларусі зьліквідавалі дзяржаўныя выдавецтвы «Вышэйшая школа» і «Народная асвета»

🕳 Куды заводзіць русыфікацыя. У беларускай Беларусі цяперашні палітычны тэрор быў бы немагчымы

🎙 Блогер BalaganOFF: Беларусы мяне шакавалі

📻 «Гісторыя на Свабодзе». «Дыскусія пра літвінства не навуковая. Гісторыкі-прафэсіяналы мала папулярызуюць свае творы», — Дарота Міхалюк

🏝 «Хто быў на вайне, там і застаецца». Чаму былыя добраахвотнікі адчуваюць сябе лішнімі ў мірным жыцьці

🇱🇹 Беларусаў будуць пазбаўляць ДНЖ Літвы пры наведваньні радзімы часьцей як адзін раз на тры месяцы — Камітэт літоўскага Сейму

Читать полностью…

Радыё Свабода — Беларусь

Чаму пры Лукашэнку раскрадаюць Беларусь. Тлумачым

Лукашэнка захваляваўся наконт карупцыі. Але клапоціцца ён не пра Беларусь. Ён перажывае за карупцыю ва Ўкраіне. Чаму справы суседзяў займаюць яго і ягоных прапагандыстаў больш за свае і як зьмянялася сытуацыя з карупцыяй у Беларусі падчас яго прэзыдэнцтва, паспрабаваў разабрацца Дзьмітры Гурневіч.

https://www.youtube.com/watch?v=lf38EAuL5dw

Читать полностью…

Радыё Свабода — Беларусь

«Дыскусія пра літвінства не навуковая. Гісторыкі-прафэсіяналы мала папулярызуюць свае творы», — Дарота Міхалюк

Як прафэсійны польскі гісторык глядзіць на інтэрнэт-актыўнасьць беларускіх «літвіноў» і тэарэтычныя падставы літвінства? Чаму беларускі нацыяналізм у пачатку ХХ стагодзьдзя быў слабейшы за літоўскі? Ці былі ў БНР шанцы ўтрымацца?

Пра гэта і іншае мы гутарым з польскім гісторыкам, прафэсаркай Торуньскага ўнівэрсытэту, аўтаркай кнігі «Беларуская Народная Рэспубліка 1918–1920 гг.: ля вытокаў беларускай дзяржаўнасьці» Даротай Міхалюк.

ТЭКСТ: https://smarturl.click/DannE

ВІДЭА: https://youtu.be/VZwAeMuIqZo

Читать полностью…

Радыё Свабода — Беларусь

Камітэт літоўскага Сейму падтрымаў прапанову скасоўваць ДНЖ беларусам і расейцам, якія зачаста езьдзяць у свае краіны

Паводле сябра камітэту Сэйму Літвы ў нацыянальнай бясьпецы і абароне Ёнаса Яруціса, дазвол на часовае жыхарства ў Літве, выдадзены грамадзянам Беларусі, «анулюецца ў выпадку, калі будзе ўстаноўлена, што яны за апошнія тры каляндарныя месяцы яны выяжджалі ў Расею або Беларусь часьцей за адзін раз».

https://smarturl.click/qlkkp

Читать полностью…

Радыё Свабода — Беларусь

Куды заводзіць русыфікацыя. У беларускай Беларусі цяперашні палітычны тэрор быў бы немагчымы

Русыфікацыя — гэта ня толькі пра расейскую культуру і мову — нібыта ўзялі і замест беларускай мовы-культуры насадзілі расейскую. Да культуры русыфікацыя ўвогуле ня мае дачыненьня, бо ў Беларусі не ствараецца ніякіх вышыняў культуры суседняй краіны. Насаджаецца канцылярыт — мова чыноўнікаў, прапагандыстаў і начальнікаў усіх маштабаў, піша Сяргей Дубавец:

https://smarturl.click/baOJ8

Читать полностью…

Радыё Свабода — Беларусь

Драздоўскі: «Табе забароненая камунікацыя з усім сьветам»

Праваабаронца і дырэктар «Офісу правоў людзей з інваліднасьцю» Сяргей Драздоўскі правёў пад хатнім арыштам каля паўгода, які ён адбываў у сваім пакоі ў інтэрнаце.


«Ты знаходзісься дома, вакол цябе твой ложак, твае рэчы, але ўсе магчымасьці ў міліцыі, уладаў ёсьць, каб зрабіць гэта невыносным... Табе забароненая камунікацыя з усім сьветам, з усімі, амаль з усімі, акрамя твайго сьледчага, акрамя адваката. І, калі табе спатрэбяцца, дактары... Прапісана, што ты ня маеш магчымасьці камунікаваць ні пісьмова, ні жэстамі, ні праз інтэрнэт, ніяк. Зразумела, што ты не працуеш. Цябе могуць ахоўваць 24 на 7. Няма ніякіх правілаў. Гэта вырашае міліцыя, як цябе вартаваць і хто гэта будзе рабіць».

У трэцяй частцы падкаст-сэрыялу «Архіпеляг БЕЛАГ» — унікальныя сьведчаньні, як катуюць хатнім арыштам, а таксама пра пекла «хімій». Візуалізаваў гэтую частку падкасту былы палітычны зьняволены Лявон Халатран:

🎥 https://youtu.be/GUB3BZ14FDo?si=hBvMvFH6TqRXRY-I

Читать полностью…

Радыё Свабода — Беларусь

Ніну Багінскую аштрафавалі на 2000 рублёў за маленькі значак на вопратцы

Тое, што Ніна Багінская мела на каўнерыку маленькі значак з выявай нацыянальнага сьцяга, міліцыянты кваліфікавалі як «несанкцыянаваны пікет». Судзьдзя Аляксандар Супічэнка пагадзіўся зь міліцыянтамі прысудзіў Багінскай штраф, піша @belsat, а таксама пастанавіў зьнішчыць «значак белага колеру з выявай белага і чырвонага колеру»:

https://smarturl.click/JDWew

Читать полностью…

Радыё Свабода — Беларусь

Колькасьць пацярпелых у выніку атакі па Чарнігаве вырасла да больш як 50 чалавек, загінулых — да 11

Апошнія вядомыя зьвесткі агучыў намесьнік кіраўніка адміністрацыі Зяленскага Аляксей Кулеба. Паводле яго, разбор завалаў працягваецца, пад імі яшчэ могуць знаходзіцца людзі.

У выніку расейскіх ракетных удараў па горадзе разбураны васьміпавярховы будынак, пашкоджаныя чатыры шматпавярховікі, бальніца, вышэйшая навучальная ўстанова, дзясяткі аўтамабіляў.

Читать полностью…

Радыё Свабода — Беларусь

Расейскія войскі нанесьлі ракетны ўдар па Чарнігаве, ёсьць загінулыя і параненыя

Сёньня расейскія войскі абстралялі цэнтральную частку Чарнігава. UPD. Па стане на 10:58 вядома пра 10 загінулых і 20 параненых. Пошукава-выратавальная апэрацыя працягваецца. Утэлеграм-канале кіраўніка абласной адміністрацыі зьявіўся заклік да мясцовых жыхароў здаваць кроў:

https://smarturl.click/XyjEQ

Читать полностью…

Радыё Свабода — Беларусь

Хворы на анкалёгію палітвязень Кастусёў атрымаў кепскія вынікі аналізаў

Сёньня былому старшыні партыі БНФ Рыгору Кастусёву спаўняецца 67 гадоў. Ужо чацвёрты дзень нараджэньня ён сустракае за кратамі. У пачатку красавіка Кастусёву, які мае анкалягічнае захворваньне, зрабілі апэрацыю — вывелі катэтэр з мачавіка. У апошніх лістах Кастусёў напісаў пра здароўе:

«Яму рабілі аналіз крыві, дык паказьнікі дрэнныя: у два разы падвышаны бялок у крыві. Павялічаныя лімфавузлы. Таксама турбуе варыкоз на нага», — падзяліўся са Свабодай зяць Кастусёва Дзьмітры Антончык:

https://smarturl.click/l542m

Читать полностью…

Радыё Свабода — Беларусь

«Хто быў на вайне, там і застаецца». Чаму былыя добраахвотнікі адчуваюць сябе лішнімі ў мірным жыцьці

«Я ва Ўкраіне размаўляў з хлопцамі, якія прыехалі з «нуля» на гарнізонную службу. Яны расказвалі, што ім сьніцца вайна, здараюцца панічныя атакі. Ведаю хлопца, якому стала цяжка кантраляваць сваю агрэсію і які зьвяртаўся з гэтым да псыхоляга».

Як мінімум двое беларускіх добраахвотнікаў, як мяркуецца, учынілі суіцыд пасьля вяртаньня ў мірнае жыцьцё. Расказваем, якія праблемы ўзьнікаюць у людзей пасьля вяртаньня з вайны:

https://smarturl.click/jkJ4l

Читать полностью…

Радыё Свабода — Беларусь

Сваякам Аўтуховіча з турмы вярнулася пасылка з пратэрмінаванай тушонкай

Палітвязень Мікалай Аўтуховіч не атрымаў некаторыя прадукты, якія яму дасылалі сваякі і знаёмыя ў вязьніцу.

«Бабулі прыйшла пасылка з турмы, пра якую тата папярэджваў. У ёй тое са складу, што пратэрмінаванае — тушонка, крупы, якія гэтак і не ведалі. Чаму, невядома. Таксама вярнулі чырвоны перац «Чылі», які тата прасіў даслаць, але яму адказалі, што «не дазволена», — паведаміла сваячка Аўтуховіча, якая жыве ў Польшчы:

https://smarturl.click/B6yww

Читать полностью…

Радыё Свабода — Беларусь

«Усё роўна гэты дом наш». Як у жанчыны з Заходняй Беларусі забралі хату, а нявестка яе выпадкова выкупіла

Гісторыя сям’і, у якой у Заходняй Беларусі канфіскавалі дом пасьля аб’яднаньня з БССР у 1939 годзе. Нявестка былой уласьніцы вярнула гэты дом сям’і ў галодныя 1990-я гады, сама таго ня ведаючы. Цяпер дом могуць зноў забраць у нашчадкаў:

https://smarturl.click/YzXna

Читать полностью…

Радыё Свабода — Беларусь

Чаму ж яны ўцякаюць? Пра дэфіцыт працоўных рук як адметнасьць рэжыму Лукашэнкі

Улады сутыкнуліся з вострай праблемай недахопу працоўных рук. Спрабуюць яе неяк вырашыць, але ўсе меры зводзяцца галоўным чынам да звыклага спосабу — гвалту, узмацненьня «прыгоннай» залежнасьці грамадзян ад дзяржавы. Піша Валер Карбалевіч.

https://smarturl.click/W3XB4

Читать полностью…

Радыё Свабода — Беларусь

Палата прадстаўнікоў ЗША паставіла на 20 красавіка галасаваньне па законапраекце аб дапамозе Ўкраіне

Старшыня Палаты прадстаўнікоў ЗША Майк Джонсан паведаміў, што галасаваньне па законапраекце аб дапамозе Ўкраіне адбудзецца ў гэтую суботу, 20 красавіка. Паводле яго слоў, у Палату паступяць чатыры асобныя законапраекты — аб дапамозе Ўкраіне, Ізраілю, Інда-Ціхаакіянскаму рэгіёну, а таксама чацьверты законапраект з «іншымі мерамі па супрацьстаяньні Расеі, Кітаю і Ірану».

https://smarturl.click/EedM0

Читать полностью…

Радыё Свабода — Беларусь

Парлямэнт Грузіі прыняў закон аб замежных агентах. Прэзыдэнтка краіны ўжо заявіла, што накладзе на яго вэта

«Маё вэта — гэта голас людзей, і гэты голас павінен быць пачуты», — сказала Саломэ Зурабішвілі. Пры гэтым яна адзначыла, што парлямэнцкая большасьць можа пераадолець вэта.

Закон, праведзены кіроўнай партыяй «Грузінская мара» выклікаў вострыя пратэсты апазыцыі, якая лічыць яго нормы прарасейскімі. Пратэстоўцы (на фота) заявілі, што працягнуць зьбірацца на акцыі каля парлямэнту Грузіі.

https://smarturl.click/67OnY

Читать полностью…

Радыё Свабода — Беларусь

BalaganOFF: Як беларусы ратуюць сваю рэпутацыю ва Ўкраіне

Як за адзін дзень атрымалася сабраць грошы на 100 дронаў для палка Каліноўскага, як ва Ўкраіне мянялася і мяняецца стаўленьне да беларусаў і да Лукашэнкі — пра гэта расказаў украінскі відэаблогер Аляксандар Рыкаў, больш вядомы як BalaganOFF, які ад 2020 году робіць шмат відэа пра Беларусь і беларусаў.

https://youtu.be/zY2V96PEB2E

Читать полностью…

Радыё Свабода — Беларусь

У Беларусі зьліквідавалі дзяржаўныя выдавецтвы «Вышэйшая школа» і «Народная асвета»

«Вышэйшая школа» — адно з найбуйнейшых выдавецтваў у Беларусі, заснаванае ў 1961 годзе. Выдавецтва выпускала навучальныя, даведачныя, вытворча-практычныя, навуковыя, навукова-папулярныя кнігі.

Выдавецтва «Народная асьвета» было створанае ў 1951 годзе. Яно выдавала навучальныя дапаможнікі для школ і пэдагагічных навучальных установаў, мэтадычную літаратуру для настаўнікаў, літаратуру для пазакляснага чытаньня навучэнцаў, мастацкую літаратуру, праграмна-мэтадычныя выданьні і інш. У дзень закрыцьця выдавецтва адзначыла 73-я народзіны.

https://smarturl.click/VDXV4

Читать полностью…

Радыё Свабода — Беларусь

«Кібэрпартызаны» заявілі, што правялі атаку на «Гродна Азот»

Група беларускіх праломнікаў узламала ўнутраную сетку прадпрыемства, у выніку чаго паралізаваная праца шэрагу сыстэм.

У прыватнасьці, у выніку атакі:
🔸 зашыфравана ўнутраная пошта, дакумэнтазварот і сотні працоўных ПК;
🔸 зьнішчаны бэкапы базаў дадзеных, сэрвэраў, пошты, дакумэнтазвароту;
🔸 узламаныя сыстэмы аховы і камэры назіраньня;
🔸 парушана праца кацельнага цэху.

https://smarturl.click/1dAeW

Читать полностью…

Радыё Свабода — Беларусь

Чарнігаў пасьля абстрэлу расейскіх войскаў — на відэа карэспандэнта ўкраінскай службы Радыё Свабода

Пасьля сёньняшняй ракетнай атакі Расеі колькасьць загінулых, паводле апошніх зьвестак, вырасла да 14 чалавек. Вядома пра больш чым 60 параненых, таксама ёсьць інфармацыя пра 6 чалавек, якія лічацца зьніклымі бязь вестак.

Відэа @svoboda_radio

Читать полностью…

Радыё Свабода — Беларусь

Апэратара сувязі МТС у Беларусі ўзначаліў выхадзец з КДБ

На пасаду гендырэктара МТС афіцыйна прызначаны Ўладзімер Козыр, паведамілі ў кампаніі. З 2020 году ён займаў пасаду начальніка упраўленьня КДБ па Менску і Менскай вобласьці, а да гэтага узначальваў апэратыўна-пошукавае ўпраўленьне КДБ:

https://smarturl.click/op5RB

Читать полностью…

Радыё Свабода — Беларусь

Улады Чашнікаў пагадзіліся дадаць беларускую мову на расейскамоўныя шыльды з назвамі вуліц на зварот моўных актывістаў

Моўныя актывісты Ігар Случак і Аліна Нагорная ў сакавіку накіравалі звароты выканкамам па ўсёй Беларусі з просьбай, каб шыльды вуліц на расейскай мове замянілі на беларускамоўныя ці дзьвюхмоўныя, і днямі атрымалі першы станоўчы адказ. У Чашніцкім райвыканкаме паабяцалі зрабіць шыльды і ўказальнікі з дубляваньнем на беларускай мове і ўсталяваць іх да 1 траўня:

https://smarturl.click/1dAx5

Читать полностью…

Радыё Свабода — Беларусь

СК Беларусі зможа атрымліваць зьвесткі аб пэрсанальных дадзеных фізычных асобаў бязь іх згоды

Адпаведны законапраект, які рэгулюе парадак наданьня СК паўнамоцтваў па апрацоўцы пэрсанальных зьвестак, сёньня ў 2-ім чытаньні ўхваліла Палата прадстаўнікоў.

Таксама закон прадугледжвае павелічэньне гранічнага ўзросту прыёму на службу ў СК з 25 да 28 гадоў, пазбаўляе радавых і малодшы начальніцкі склад СК ад абавязку штогод падаваць дэклярацыі аб даходах і маёмасьці і прадугледжвае наданьне статусу супрацоўніка СК студэнтам, якія навучаюцца па спэцыяльнасьцях СК ва ўстановах вышэйшай адукацыі МУС:

https://smarturl.click/vwjWG

Читать полностью…

Радыё Свабода — Беларусь

Беларускіх палітвязьняў будзе вызваляць прэзыдэнт зь іншым прозьвішчам, — праваабаронца Судаленка

«Ніякага плато рэпрэсіяў у Беларусі не назіраецца. Адзін палітвязень выходзіць — двух новых саджаюць», — кажа праваабаронца і экс-палітвязень Леанід Судаленка.

У інтэрвію Свабодзе ён разважае пра маштаб і скіраванасьць палітычных рэпрэсіяў у Беларусі і адказвае на пытаньне, што здольныя зрабіць Захад і беларускія дэмакратычныя сілы дзеля вызваленьня палітвязьняў:

https://smarturl.click/z2ZGp

Читать полностью…

Радыё Свабода — Беларусь

ПАРЭ падтрымала ўступленьне Косава ў арганізацыю

Цяпер, каб часткова прызнанае Косава стала сябрам арганізацыі, фінальнае рашэньне павінен прыняць Камітэт міністраў Рады Эўропы дзьвюма трацінамі галасоў на паседжаньні, якое пройдзе 16-17 траўня.

Беларусь так і не ратыфікавала Канвэнцыю аб абароне правоў чалавека і асноўных свабодаў Рады Эўропы, аднак фармальна дагэтуль зьяўляецца кандыдатам на ўступленьне, а Рада Эўропы робіць шэраг захадаў для наладжваньня супрацоўніцтва зь Беларусьсю. На цяперашнюю сэсію ПАРЭ запрошаныя тры прадстаўнікі апазыцыйных партый і рухаў Беларусі.

Падрабязьней + што такое ПАРЭ і Рада Эўропы>>

Читать полностью…

Радыё Свабода — Беларусь

Сёньня — дзень памяці Вітаўта Мартыненкі, заснавальніка першага беларускага рок-клюбу

Музычны журналіст Вітаўт Мартыненка памёр у 2016 годзе. Ён вядомы як папулярызатар беларускай рок-музыкі, суаўтар кніг «Праз рок-прызму», «222 альбомы беларускага року і ня толькі», «Rock On-line». Супольна з Анатолем Мяльгуем арганізаваў першы беларускі рок-клюб «Няміга» (1985–2003), удзельнічаў у арганізацыі фэстываляў «Тры колеры» і «Басовішча».

У некаторых крыніцах сьцьвярджаецца, што гэта ён прыдумаў ужываць азначэньне «беларускі рок».

Іншыя адметныя падзеі і даты 17 красавіка — у матэрыяле «Ўжо сёньня»: https://smarturl.click/yqRkv

Читать полностью…
Subscribe to a channel