14478
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Аднавілі працу пункты пропуску ў Салечніках і Медніках на літоўска-беларускай мяжы
https://smarturl.click/3Q3Xm
Сумежныя беларускія пункты пропуску Беняконі і Каменны Лог таксама аднавілі пропуск.
Пра гэта паведамілі памежныя ведамствы Беларусі і Літвы.
🚗 Паводле сайту ДПК, чэргаў на выезд зь Беларусі ў краіны Эўразьвязу легкавікоў і аўтобусаў на ўсіх пунктах пропуску няма.
🚚 У Каменным Логу чакаюць на выезд 570 грузавікоў, у Беняконях — 355, у Казловічах на польскай мяжы — 1055.
Польскія памежнікі паведамляюць, што чаканьне грузавікоў на выезд у Беларусь у Баброўніках складае 7 гадзін, у Кукурыках — 14 гадзін.
Паводле літоўскіх памежнікаў, у Медніках чакаюць выезду ў Беларусь 34 грузавікі, у Салечніках — 25. Прыблізны час чаканьня — 5 гадзін.
Асноўнае за 19 лістапада
• «Наркотыкі толькі для прыкрыцьця». Навошта ў Беларусі прынялі новы антынаркатычны закон
• Урад Літвы вырашыў адкрыць 2 пункты пропуску на мяжы зь Беларусьсю
→ Абодва бакі захавалі твар, — літоўскі палітоляг аб завяршэньні крызісу з закрыцьцём мяжы
→ «Літоўцы „міргнулі“ першыя». Класкоўскі пра тое, хто перамог у супрацьстаяньні Менску зь Вільняй і Варшавай
→ Літва пакуль ня будзе патрабаваць новыя санкцыі супраць Менску, — дыпляматычныя крыніцы
→ Польшча адкрыла мяжу — Беларусь сьвяткуе, быццам выйграла джэкпот
• Расея запусьціла па Ўкраіне больш за 470 дронаў і 48 ракет. Шмат загінулых і параненых
• Амэрыканскі кангрэсмэн Коэн напісаў ліст беларускай палітзьняволенай Калесьнікавай: «Мы не забыліся на Вас»
• Reuters: плян ЗША па завяршэньні вайны ўключае адмову Ўкраіны ад тэрыторый
• «Паступовы адкат». Упаўнаважаная Ўкраіны ў абароне дзяржаўнай мовы адрэагавала на расейскую ў школах
• Былога байца палка Каліноўскага Максіма Ралько прыгаварылі да 10 гадоў калёніі
• Двойчы ляўрэат прэміі Гедройця расказаў пра бацьку-«сілавіка», масонскую канстытуцыю і дзяцей у Беларусі і на Занзібары
Reuters: плян ЗША па завяршэньні вайны ўключае адмову Ўкраіны ад тэрыторый
Прапанаваны Злучанымі Штатамі плян па завяршэньні вайны паміж Расеяй і Ўкраінай уключае
1️⃣ адмову Кіева ад часткі тэрыторый,
2️⃣ адмову ад некаторых відаў зброі,
3️⃣ скарачэньне колькасьці Ўзброеных сілаў Украіны, перадае Reuters з спасылкай на свае крыніцы.
Некаторыя дэталі пляну паведаміў журналіст Financial Times Крыстафэр Мілер, спасылаючыся на крыніцы. Паводле ягоных зьвестак, сярод прапаноў — скарачэньне ўкраінскага войска ўдвая і адмова Кіева ад Данбасу.
Як піша Мілер, прэзыдэнт Украіны Ўладзімір Зяленскі гэтым плянам незадаволены.
Раней выданьне Axios паведаміла, што ў гэтым пляне 28 пунктаў.
Беларускія ўлады даведаліся пра адкрыцьцё літоўскіх пераходаў на мяжы з СМІ
https://smarturl.click/e0A6D
Дзяржаўны сакратар Савету бясьпекі Аляксандар Вальфовіч заявіў, што Беларусь не атрымала афіцыйнага паведамленьня ад Літвы пра аднаўленьне дзейнасьці двух пунктаў пропуску.
«У сродках масавай інфармацыі зьяўляюцца нейкія паведамленьні пра тое, што ўрад Літвы зьбіраецца адкрыць закрытыя імі ж пункты пропуску», — сказаў Вальфовіч.
«На жаль, ніякіх афіцыйных паведамленьняў ні аб закрыцьці пунктаў пропуску, ні аб адкрыцьці, як гэтага патрабуюць міжнародныя дамовы, на сёньняшні дзень не паступала», — дадаў ён.
Абодва бакі захавалі твар, — літоўскі палітоляг аб завяршэньні крызісу з закрыцьцём мяжы
https://smarturl.click/4Oop1
Закрыцьцё мяжы Літвой аказалася дзейным інструмэнтам узьдзеяньня на рэжым Аляксандра Лукашэнкі ў Беларусі. Такое меркаваньне ў інтэрвію Свабодзе выказаў літоўскі палітоляг Віціс Юрконіс.
💬 Пасьля адкрыцьця мяжы сытуацыя вярнулася да стану, у якім яна была некалькі месяцаў таму.
💬 Літоўскія перавозьнікі, машыны якіх захрасьлі ў Беларусі, павінныя былі разумець, што робяць бізнэс зь неправавой дзяржавай.
💬 Літва разам з ЭЗ і ЗША ўжываюць адносна Беларусі тактыку «добрага» і «злога» паліцэйскіх.
⚡️ Літва пакуль ня будзе патрабаваць новыя санкцыі супраць Менску, — дыпляматычныя крыніцы
https://smarturl.click/JnZB7
З адкрыцьцём мяжы зь Беларусьсю літоўскі ўрад таксама вырашыў зьмякчыць рыторыку ў дачыненьні да афіцыйнага Менску, каб паглядзець, наколькі сур’ёзныя намеры ў рэжыму Лукашэнкі што да дээскаляцыі памежнага канфлікту.
Як стала вядома Свабодзе ад дыпляматычных крыніц у Вільні, Літва ня будзе пакуль патрабаваць новых санкцый супраць Менску «за гібрыдную атаку з выкарыстаньнем бесьпілётных лётных апаратаў».
Яшчэ два дні таму, 17 лістапада, на пасяджэньні Рады Эўразьвязу ў агульных пытаньнях намесьнік міністра замежных справаў Літвы Сігітас Міткус заклікаў разгледзець новыя санкцыі супраць «адказных беларускіх чыноўнікаў і ўстановаў» за дзеяньні, «накіраваныя на парушэньне паветранай прасторы Літвы з выкарыстаньнем кантрабандных балёнаў».
🇱🇹 Урад Літвы ўхваліў удзел краіны ў спэцыяльным трыбунале ў расьсьледаваньні ваенных злачынстваў Масквы і Менску
https://smarturl.click/XDgxA
Пра стварэньне трыбуналу гаварылася даўно, а першыя дакумэнты падпісалі ў чэрвені сёлета.
Урад Літвы падкрэсьліў, што расьсьледаваньне закране «асоб, сярод якіх высокае палітычнае і вайсковае кіраўніцтва Расеі і Беларусі», паведамляе Delfi.
«Асноўнай мэтай спэцыяльнага трыбуналу, адной зь дзяржаў-заснавальніц якога на пачатковым этапе стала Літва, будзе расьсьледаваньне і пакараньне злачынства агрэсіі», — гаворыцца ў публікацыі.
Былога байца палка Каліноўскага Максіма Ралько прыгаварылі да 10 гадоў калёніі
https://smarturl.click/0B6pp
Артыкулы, паводле якіх судзілі Максіма Ралько, не пазначаныя. Але, як піша Генпракуратура, мужчына «без упаўнаважаньня дзяржавы ўзяў удзел ува ўзброеным канфлікце і ваенных дзеяньнях на тэрыторыі Ўкраіны і вэрбаваў іншых асобаў з гэтай мэтай».
Акрамя таго, яго абвінавацілі ў тым, што ён «зьдзяйсьняў у інтарэсах злачыннай арганізацыі іншыя дзеяньні, каб забясьпечыць захоп дзяржаўнай улады ў Беларусі неканстытуцыйным шляхам» і «аказваў іншае спрыяньне экстрэмісцкай дзейнасьці».
Максім Ралько ўступіў у полк Каліноўскага ў 2022 годзе. Тады яму быў 21 год.
У 2024 годзе звольніўся і перабраўся ў Польшчу, а адтуль — у Нямеччыну, дзе падаў запыт на статус міжнароднай абароны, потым пакінуў лягер для ўцекачоў і зьнік.
Неўзабаве стала вядома, што яго затрымалі пры ўезьдзе ў Беларусь у пункце пропуску «Берасьце».
«Паступовы адкат». Упаўнаважаная Ўкраіны ў абароне дзяржаўнай мовы адрэагавала на расейскую ў школах
https://smarturl.click/6W9ea
У Кіеве 24% настаўнікаў на занятках і 40% на перапынках карыстаюцца недзяржаўнай мовай.
66% вучняў гавораць па-расейску на занятках, 82% — на перапынках (ва Ўкраіне — 40% на занятках, 52% на перапынках).
Упаўнаважаная Ўкраіны ў абароне дзяржаўнай мовы Алена Іваноўская кажа, што пасьля расейскага ваеннага ўварваньня ў 2022 годзе быў высокі ўзровень самаўкраінізацыі, а цяпер пачаўся адкат.
Яна лічыць, што
• людзям трэба ўвесь час матываваць сябе: «Я — украінец, гэта мая мова, гэта мая абарона, гэта мая зброя»,
• дзяржаве трэба блякаваць каналы распаўсюду прарасейскай прапаганды ў сацсетках і мэсэнджэрах,
• разьвіваць украінскі кантэнт, каб школьнікам не хацелася шукаць яму альтэрнатыў па-расейску,
• і больш эфэктыўна сачыць за выкананьнем закону пра дзяржаўную мову.
❗️Урад Літвы вырашыў адкрыць 2 пункты пропуску на мяжы зь Беларусьсю
https://smarturl.click/Y3gjM
🕐 Закрытыя ў кастрычніку два пункты пропуску на мяжы Літвы і Беларусі адкрыюцца а 1-й гадзіне па беларускім часе 20 лістапада.
Урад Літвы на пасяджэньні ў сераду прыняў рашэньне аб адкрыцьці раней заплянаванага тэрміну двух пунктаў пропуску на мяжы з Беларусьсю, закрытых у канцы кастрычніка. Памежныя пункты маюць быць адкрытыя з заўтрашняга дня, паведамляе Delfi.lt
Прэмʼер-міністарка Інга Ругінене ўчора заявіла, што апошнім часам паветраных шароў з кантрабанднымі цыгарэтамі стала меней. Ругінене таксама адзначыла, што былі «пэўныя пазытыўныя рэчы» і з боку Беларусі.
18 лістапада адбылася сустрэча памежнікаў Літвы і Беларусі на закрытым памежным пераходзе «Лаварышкі» на ўзроўні намесьнікаў кіраўнікоў памежных ведамстваў — Данатаса Шкарнуліса і Рамана Подлінева.
На фота: прэмʼер-міністарка Літвы Інга Ругінене, архіў
Былую супрацоўніцу Акадэміі навук асудзілі за «фінансаваньне экстрэмізму»
https://smarturl.click/vd6dQ
У Менску паводле палітычна матываванага артыкулу Крымінальнага кодэксу судзілі 49-гадовую экс-супрацоўніцу Акадэміі навук Ірыну Андрос. Яе прозьвішча зьявілася 14 лістапада ў сьпісе «асобаў, якія маюць дачыненьне да экстрэмісцкай дзейнасьці», які вядзе МУС.
«Наша Ніва» паведаміла, што крымінальную справу Ірыны Андрос разгледзеў у 2025 годзе Менскі абласны суд. Яе прызналі вінаватай паводле артыкулу 361-2 КК («фінансаваньне экстрэмісцкай дзейнасьці»). Ёй прысудзілі «хатнюю хімію».
На фота: Вярхоўны суд, архіў
«Наркотыкі толькі для прыкрыцьця». Навошта ў Беларусі прынялі новы антынаркатычны закон
https://smarturl.click/RegmD
У Беларусі зьявіўся новы закон, які нібыта мае змагацца з наркотыкамі. Паводле яго, Сьледчы камітэт і Міністэрства ўнутраных справаў атрымліваюць права замарожваць выдатковыя апэрацыі беларусаў на 10 дзён, калі ў іх зьявяцца «прыкметы сувязі зь незаконным абаротам наркотыкаў». Адсочваць такія прыкметы будзе Нацыянальны банк.
Экспэрты ў размове з Свабодай адзначылі, што не разумеюць дакладна, чаму гэты закон зьявіўся менавіта цяпер, што ён выглядае нелягічным і, імаверна, яго змогуць выкарыстоўваць для нечага іншага, а не для барацьбы з наркотыкамі.
Фота ілюстрацыйнае
Расея запусьціла па Ўкраіне больш за 470 дронаў і 48 ракет. Шмат загінулых, параненых і пашкоджанай энэргетыкі
https://smarturl.click/VRgRZ
У Цярнопалі загінулі сама меней 20 чалавек, у тым ліку двое дзяцей, 66 параненых, у тым ліку 16 дзяцей. Расейскія ракеты разбурылі некалькі шматпавярховых дамоў.
Гарадзкія ўлады пакуль не ўдакладняюць маштабаў удараў, але на месцах пацэльваньняў шмат пажараў. Улады рэкамэндавалі мясцовым жыхарам шчыльна зачыняць вокны, каб мінімізаваць нэгатыўны ўплыў густога дыму на здароўе.
Абласныя ўлады паведамілі, што ў паветры колькасьць хлёру перавышае норму ў 6 разоў. Ва ўсім рэгіёне ўвялі аварыйныя адключэньні электраэнэргіі.
У Харкаве ў выніку расейскага ўдару пацярпелі 46 чалавек, у тым ліку двое дзяцей.
На фота: наступствы расейскага ўдару па жылым доме ў Цярнопалі 19 лістапада 2025
Экспэрты ААН заклікалі беларускія ўлады спыніць умяшаньне ў дзейнасьць адвакатаў
https://smarturl.click/lAbAd
Экспэрты ААН асудзілі прызнаньне Беларускай асацыяцыі адвакатаў правоў чалавека «экстрэмісцкай арганізацыяй» і заклікалі Беларусь спыніць рэпрэсіі супраць незалежных адвакатаў.
«Неправамернае ўмяшаньне і абмежаваньні, якія накладаюцца на адвакацкую прафэсію ў Беларусі, ствараюць рызыку сыстэматычных парушэньняў права на справядлівае судовае разьбіральніцтва і роўнасьці перад законам ва ўсёй краіне», — заявілі экспэрты.
Яны нагадалі, што беларускае антыэкстрэмісцкае заканадаўства несумяшчальнае з міжнародным правам у галіне правоў чалавека, падкрэсьліўшы, што прызнаньне асацыяцыі адвакатаў правоў чалавека «экстрэмісцкай» арганізацыяй зьяўляецца парушэньнем права яе чальцоў на свабоду асацыяцый.
На фота: адзін з аўтароў звароту спэцыяльны дакладчык па пытаньні аб становішчы ў галіне правоў чалавека ў Беларусі Нілс Муйжніекс, архіў
У Беларусі анансавалі аднаўленьне продажу квіткоў на аўтобусы ў Вільню і Рыгу
https://smarturl.click/oVZVn
Дзяржаўнае прадпрыемства «Мінсктранс» паведаміла, што з 21 лістапада плянуе аднавіць рух рэгулярнага аўтобуснага злучэньня ў Літву і Латвію.
Як адзначаецца ў паведамленьні, квіткі можна набыць на аўтавакзале «Цэнтральны», а таксама на інтэрнэт-пляцоўках: infobus.by, infobus.eu, intercars-tickets.com.
Аўтобусы будуць езьдзіць па маршрутах у Вільню, Коўна і Рыгу.
ℹ️ 19 лістапада ўрад Літвы вырашыць, ці адкрываць два закрытыя памежныя пераходы на мяжы зь Беларусьсю. Нацыянальная камісія па бясьпецы рэкамэндавала аднавіць памежны рух. Гэтаму папярэднічала сустрэча на ўзроўні намесьнікаў кіраўнікоў памежных службаў Літвы і Беларусі.
На фота: літоўскі пункт пропуску Лаварышкі на мяжы зь Беларусьсю. Архіў
Ужо сёньня. 5 гадоў таму ў Менску тысячы людзей разьвіталіся з забітым Раманам Бандарэнкам
https://smarturl.click/qBpbv
📅 20 лістапада
1648 — вялікім князем ВКЛ і польскім каралём выбралі Яна Казімера.
1930 — Янка Купала спрабаваў скончыць жыцьцё самагубствам.
1945 — у Нюрнбэргу пачаўся судовы працэс над галоўнымі ваеннымі злачынцамі нацысцкай Нямеччыны.
1985 — выйшла апэрацыйная сыстэма Microsoft Windows 1.0.
1995 — у Воршы паставілі помнік Уладзімеру Караткевічу.
2020 — у Менску пахавалі Рамана Бандарэнку, які памёр пасьля жорсткага зьбіцьця і затрыманьня на «плошчы Перамен».
🌱 Нарадзіліся: Георгі Каніскі, Міхась Клімковіч, Міхась Зарэцкі, Лявон Карась, Яўгенія Янішчыц, Міхаіл Баразна.
🕯 У памяці: Крыштап Мікалай Радзівіл Пярун, Леў Талстой, Стэфан Жаромскі, Леў Клейнбарт, Юрка Геніюш, Гаўрыла Гарэцкі, Галіна Старавойтава, Віктар Цітоў.
«Літоўцы „міргнулі“ першыя». Класкоўскі пра тое, хто перамог у супрацьстаяньні Менску зь Вільняй і Варшавай
https://smarturl.click/b5zol
Рашэньне Літвы закрыць мяжу было кепска падрыхтаваным, у выніку завяршэньня крызісу ў публічнай плашчыні выйграў Лукашэнка, лічыць палітычны аглядальнік інфармацыйнага агенцтва «Позірк» Аляксандар Класкоўскі.
💬 Літоўскія ўлады кепска падрыхтаваліся да закрыцьця мяжы.
Адміністрацыя Трампа ў гэтым крызісе меркавана ціснула і на Менск, і на Вільню.
💬 Крызіс паказаў, што Лукашэнка мае пэўную суб’ектнасьць, самастойнасьць ад Расеі.
💬 Ні рэжым Пуціна, ні рэжым Лукашэнкі ня ёсьць белымі і пухнатымі, але лёгіка секʼюрызацыі не павінная перамагаць здаровы глузд.
Сын высокапастаўленага сілавіка выбраў беларушчыну і расказаў пра гэта ў сваёй кнізе
https://smarturl.click/WR5yW
Гаворка пра Сяргея Дубаўца, які атрымаў прэмію Ежы Гедройця за кнігу «Занзібар. Сталеньне маладой душы».
Яго бацька, Іван Дубавец, быў галоўным ідэолягам МУС, а сын сьвядома проціпаставіў сябе камуністычнай уладзе.
Сяргей Дубавец быў каля вытокаў нацыянальнага моладзевага руху, а потым і стварэньня Беларускага народнага фронту.
Дзясяткі загінулых, разбураныя шматпавярховікі: украінскія гарады пасьля масаванай расейскай атакі
https://smarturl.click/5ZXWD
У Цярнопалі пасьля начной атакі загінулі 25 чалавек, у тым ліку трое дзяцей. Яшчэ 73 чалавекі, у тым ліку 15 дзяцей, атрымалі раненьні.
Ратавальнікі расчышчаюць завалы, пад якімі ўсё яшчэ могуць знаходзіцца людзі. У горадзе пашкоджаныя два 9-павярховыя жылыя будынкі: у адным — пажар, у другім — разбурэньні ад трэцяга да дзявятага паверхаў.
У Харкаве ў выніку нападу пацярпелі 46 чалавек, у тым ліку двое дзяцей.
Таксама расейцы атакавалі Львоў.
У Менску будаўнікі мэтро пашкодзілі вадавод. Затапіла частку вуліцы Крапоткіна
https://smarturl.click/8pwx8
Вада паднялася так высока, што некаторыя легкавікі заглухлі, ня здолеўшы праехаць затоплены ўчастак вуліцы Крапоткіна паміж вуліцамі Кульман і Харужай.
Прычынай лякальнага патопу стала пашкоджаньне мэтрабудаўнікамі вадаводу дыямэтрам 60-сантымэтраў. Такія вадаводы выкарыстоўваюцца для перадачы вялікіх аб’ёмаў вады — таму вуліцу затапіла ў лічаныя хвіліны.
Пасьля пачатку будаўніцтва мэтро ў гэтым раёне на Крапоткіна перанакіравалі транспартныя плыні з вуліцы Багдановіча, якая стала аднабаковай. Таму здарэньне выклікала заторы і затрымкі грамадзкага транспарту.
Ілюстрацыя — БелТА
Польшча адкрыла мяжу — Беларусь сьвяткуе, быццам выйграла джэкпот
https://youtu.be/3ZqC6xkRAzE
У дзень, калі Польшча адкрыла два памежныя пераходы зь Беларусьсю: «Кузьніца — Брузгі» і «Баброўнікі — Бераставіца», — беларуская прапаганда выбухнула радаснымі рэпартажамі і эўфарычнымі водгукамі.
Праз амаль тры гады закрыцьця беларуска-польскай мяжы на пунктах пропуску зноў пачуўся рух аўтамабіляў, а дзяржаўныя СМІ падалі гэтае адкрыцьцё як вялікую падзею для ўсёй краіны.
Уся гэтая раптоўная эўфарыя выглядае асабліва кантрасна на фоне папярэдніх гадоў, калі афіцыйная рыторыка пра Польшчу і Эўропу была зусім іншай.
Дзяржава папрасіла вернікаў сабраць грошы на аднаўленьне касьцёлу ў Княжыцах. Раней яго абяцалі аднавіць за кошт бюджэту
https://smarturl.click/DYMen
На ратаваньне вядомага касьцёлу дзяржава так і не знайшла грошай і зьвярнулася да грамадзян.
Магілёўскі райвыканкам абвясьціў збор ахвяраваньняў для правядзеньня супрацьаварыйных мерапрыемстваў і кансэрвацыйных работ занядбанага касьцёлу сьвятога Мікалая ў вёсцы Княжыцы.
Касьцёл у Княжыцах — папулярнае месца ў турыстаў, якія заяжджаюць у рэгіён.
Касьцёл XVII стагодзьдзя ўваходзіць у сьпіс помнікаў архітэктуры і належыць дзяржаве. Але грошай у бюджэце на ягоную рэстаўрацыю ці хаця б кансэрвацыю так і не знайшлі, адзначае партал Katolik.life.
Двойчы ляўрэат прэміі Гедройця расказаў пра бацьку-«сілавіка», масонскую канстытуцыю і дзяцей у Беларусі і на Занзібары
https://smarturl.click/WR5yW
Сяргей Дубавец днямі атрымаў літаратурную прэмію імя Ежы Гедройця за кнігу «Занзібар. Сталеньне маладой душы».
Дубавец — адзіны аўтар, які атрымаў галоўную прэмію Гедройця двойчы. У 2020 годзе ён стаў ляўрэатам за кнігу «Тантамарэскі».
У праграме «ПіК Свабоды» Дубавец расказаў пра тое, чым сучасны Занзібар падобны да Беларусі ягонага дзяцінства, пра бацьку-«сілавіка» і пра тое, чаго не дазваляе рабіць канстытуцыя беларускіх масонаў.
«І вось я ўрэшце прыходжу да нейкіх сваіх адказаў, многія зь якіх, можа быць, некаму пададуцца дзіўнымі. Але хаця я лічыў, што пішу чыста пра сябе, мне некаторыя кажуць, што гэта кніга пакаленьня».Читать полностью…
Украінка расказала пра арышт у Беларусі, зьдзекі ў калёніі, сакрэтную кватэру КДБ і абмен зь мехам на галаве
https://smarturl.click/9oXd4
Людміла Ганчарэнка (на фота) была ў ліку 5 украінскіх грамадзян, арыштаваных на тэрыторыі Беларусі, якіх удалося абмяняць на расейскіх палонных у чэрвені 2024 году. Цяпер яна расказала раваабаронцам «Вясны» сваю гісторыю арышту, суду і вызваленьня.
У Беларусі яе асудзілі на тры гады зьняволеньня нібыта за «агентурную дзейнасьць» — у тэлефоне знайшлі фота і відэа, зробленыя на чыгунцы. Адбывала пакараньне ў гомельскай жаночай калёніі № 4, дзе на сабе зьведала тое самае абыходжаньне, што і палітзьняволеныя беларускі.
Цяпер Людміла дома ва Ўкраіне — у чэрвені 2024 году яе абмянялі як ваеннапалонную. Цяпер у яе вялікія праблемы са здароўем, знайшлі анкалягічнае захворваньне, яна праходзіць складанае лячэньне.
Жонка зьніклага апазыцыянэра Котава зьвярнулася да пасланьніка Трампа
https://smarturl.click/y6Z5v
Анастасія спадзяецца, што спэцыяльны пасланьнік прэзыдэнта ЗША для Беларусі Джон Коўл дапаможа знайсьці яе мужа Анатоля Котава, які зьнік пасьля прылёту ў Турэччыну тры месяцы таму і дагэтуль ня знойдзены.
Пакуль пасланьнік Трампа Джон Коўл рыхтуецца да новага раўнду перамоваў з Аляксандрам Лукашэнкам, каб дамагчыся вызваленьня палітычных зьняволеных, жонка Котава Анастасія заявіла Reuters аб сваім спадзяваньні на тое, што часткаю пагадненьня можа стаць вызваленьне яе мужа.
45-гадовы Анатоль Котаў (на фота) прыляцеў у Стамбул з Варшавы 21 жніўня. У наступныя гадзіны ён абмяняўся сэрыяй паведамленьняў з сваёй жонкай Анастасіяй, якая была ў Польшчы, і паабяцаў паведаміць ёй, дзе будзе спыняцца. Ён так і не зрабіў гэтага і зьнік з сувязі.
Паплечнікі Котава не выключаюць, што ён мог трапіць у рукі КДБ Беларусі або ФСБ Расеі.
Амэрыканскі кангрэсмэн Коэн напісаў ліст беларускай палітзьняволенай Калесьнікавай: «Мы не забыліся на Вас»
https://smarturl.click/13Rwo
Ліст з Кангрэсу ЗША беларускай палітзьняволенай Марыі Калесьнікавай накіравалі ў калёнію № 4 у Гомель. Свабодзе стаў вядомы зьмест ліста, напісанага па-беларуску.
У ім дэпутат Палаты прадстаўнікоў Кангрэсу ЗША дэмакрат Стыў Коэн запэўнівае Марыю Калесьнікаву, што яе сябры па ўсім сьвеце не забыліся на яе і іншых палітвязьняў Беларусі.
«Мы працягваем падтрымліваць Вас і ўсіх палітвязьняў у Беларусі, якія застаюцца несправядліва зьняволенымі за свае мірныя перакананьні, і працягваем дамагацца таго, каб забясьпечыць Вашу свабоду і свабоду Беларусі. Я разумею, што Вы церпіце ад пагаршэньня здароўя і нечалавечых умоваў, такіх як ізаляцыя і адсутнасьць сувязі з вонкавым сьветам, знаходзячыся ў закладніках».
«Зь нецярпеньнем чакаю таго дня, калі Вы зможаце прыехаць у Вашынгтон і быць разам з усімі намі на свабодзе».
На фота: Марыя Калесьнікава, архіў
Чэргаў на выезд зь Беларусі ў Эўразьвяз няма, зьявілася чарга на ўезд
https://smarturl.click/E1Z1L
З адкрыцьцём двух памежных пераходаў у Польшчу чэргі на ўезд для пасажырскага транспарту зь Беларусі ў Польшчу зьніклі.
Але праблемы з пераходам мяжы ў адваротным напрамку засталіся.
Як паведамляе Дзяржаўны памежны камітэт Беларусі, у пункце пропуску Берасьце — Тэрэспаль зь беларускага боку ў чарзе няма ні машын, ні аўтобусаў. У пункце пропуску Бераставіца — Баброўнікі зь беларускага боку таксама ў чарзе няма легкавых машын і аўтобусаў, у пункце пропуску Брузгі — Кузьніца Беластоцкая таксама пуста.
З польскага боку на выезд у Беларусь, як паведамляецца ў чаце кіроўцаў і пасажыраў, ёсьць чарга з боку Кузьніцы Беластоцкай. Пераход мяжы займае 8-9 гадзін.
Чаргі на выезд зь Беларусі ў Латвію няма, усе памежныя пераходы зь Беларусі ў Літву ўсё яшчэ закрытыя.
На фота: польска-беларуская мяжа ў Баброўніках, архіў
У Беларусі істотна павялічыўся аб’ём наяўных грошай
https://smarturl.click/aRxR0
У Нацыянальным банку Беларусі паведамілі, што аб’ём наўяных грошай у абарачэньні з пачатку году павялічыўся на 16,9 %.
Як паведаміла выданьне «Позірк», на 1 лістапада 2025 году ў абарачэньні было 13 млрд 864,7 млн рублёў, а на 1 студзеня – 11 млрд 856,3 млн.
Грашовая маса ў нацыянальным вызначэньні (М2) павялічылася з 52 млрд 222,1 млн да 58 млрд 179,6 млн (+11,4%), рублёвая грашовая маса (М2*) – з 53 млрд 991,5 млн да 60 млрд 839,3 млн (+12,7%), шырокая грашовая маса (М3) – з 88 млрд 750,4 млн да 96 млрд 97,3 млн (+8,3%).
ℹ️ У Беларусі колькасьць наяўных грошай пачала расьці з 2022 году, калі за падтрыманьне расейскай агрэсіі супраць Беларусі пачалі ўводзіць міжнародныя эканамічныя санкцыі і магчымасьці замежнага гандлю для Беларусі звузіліся.
Фота ілюстрацыйнае
Расейскія войскі нанесьлі ракетны ўдар па заходніх абласьцях Украіны. Зноў цэлілі ў энэргетыку
Паводле маніторынгавых каналаў Украіны, а 5:37 ракета ляцела праз тэрыторыю Беларусі.
Ад абстрэлу пацярпелі Львоўская, Івана-Франкоўская і Цярнопальская вобласьці. Мясцовыя ўлады пакуль не паведамляюць аб разбурэньнях, ахвярах і пацярпелых.
Вядома, што ў Цярнопалі ракета пацэліла ў шматпавярховы дом. Там цяпер працуюць выратавальнікі.
Аб выбухах паведамлялі і ў горадзе Бурштын Івана-Франкоўскай вобласьці. Там знаходзіцца адна з найбольшых ЦЭС. Лініі электраперадач аб'ядноўваюць Украіну з Вугоршчынай, Румыніяй і Славаччынай.
Кампанія «Укрэнэрга» паведаміла, што праз масаваную расейскую атаку на энэргаабʼекты ў асобных рэгіёнах Украіны ўвялі аварыйныя адключэньні.
На фота: зруйнаваны шматпавярховы дом у Цярнопалі. Крыніца — Оперативний ЗСУ
Украіна ракетамі АTACMS атакавала тэрыторыю Расеі. У Маскве пацьвердзілі
У Генэральным штабе Ўзброеных сіл Украіны заявілі аб выкарыстаньні тактычных ракетных комплексаў ATACMS для нанясеньня ўдару па вайсковых аб’ектах Расеі.
«Гэта знакавая падзея, якая падкрэсьлівае нязьменную прыхільнасьць Украіны сваёй сувэрэннасьці. [...] Выкарыстаньне далёкабойных сродкаў пацэльваньня, у тым ліку такіх як АTACMS, будзе працягвацца», — адзначаецца ў паведамленьні. У той жа час Генштаб Украіны не ўдакладніў рэгіён і аб’екты пацэльваньня.
У Міністэрстве абароны Расеі раніцай 19 лістапада заявілі, што ўдар адбыўся напярэдадні а 14:31 паводле маскоўскага часу. Расейскі бок сьцьвярджае, што ўкраінскае войска запусьціла чатыры ракеты ATACMS па Варонежы. Усе яны былі зьбітыя, а аскепкі нібыта пашкодзілі дых Варонескага абласнога геранталягічнага цэнтра, дзіцячы дом для сірот і адзін прыватны будынак. Ахвяр і пацярпелых няма.
На фота: запуск ракеты ATACMS, ілюстрацыя